ياجماعة.. بقول ليكم مع.. السلامة

طبعا
لا مسافر ولا حاجة
لكن ...لكن زهجت زهج الله الواحد دا
مصنقر فى البورد 24 ساعة
كم يوم كدا...افتش اقلب
للناس الحنان
شايفهم بقو قلاااااال..
وقليل الاكلهم حلال..
واحدين سالين سكاكين
ومبارين اب عشرين..
زى ما يلقو زول عنده
اضنين...
يجضموه ويخلوه اكرت..
قبل يجى الدرت...
عشان كدا قلت
اخير اطلع سالم
من غير مظالم...
لا شكلة بعدها اسمى يكون اسود..
ولا زول يقول ابقوتة.. دا مش احمد؟؟
اها ياخوانى...وياكلى الفى مصرانى..
فتكم عافية
اها...نتقابل فى ساعة خير
وبعدها ..جلسة وكبابة عصير
انا عارف كلامى دا بكون غير ذو
فائدة عند ناس ما فاضين
عشان عاوزين يغيرو العالم
ويحلو مشاكل الدنيا
ويقيمو جميع البشر
بفكرهم الصائب
وغيرهم ناس اى كلام..
اما يتبعوهم واما ما عندهم امخاخ
اها...بكون طولت عليكم..
اصلا كلامى كتير فى لحظات اللقاء
ولحظات الوداع ..
سوف انطلق بمركب من غير شراع
الى وادى السباع....
سلام
ابقوتة
فى لحظة..لم تمر عليه قبل كدا

ليه يااحمد
لو بيدي وسيله لمنعتك حتى لو تقول ديكتاتور زاتو
ياخي الخير والشر لازم يكونوا موجودين في اي مجتمع
حيناً يطغي الشر واحياناً يعم الخير
خروج من هنا يساعد نقص للخيرين
ماتمشي
سمح
اموت ليك

Quote: ماتمشي سمح اموت ليك

ما تموت لى لكن شوقى ليك
طال...

كم يوم كدا...افتش اقلب
للناس الحنان
شايفهم بقو قلاااااال..
وقليل الاكلهم حلال..



الحبيب أحمد وشاعر المهمشين (( نحن))..... اهو ياسيدي نحن قاعديييين ومافي ليك طريقه الا ترجع

أنا لو تصدق
يا شباب عمري المفتق
شلت كل الريد مشاعر حلوة نديانة وخصيبة
واشتهيت يهل وعدك لي هناء وافراح وطيبة
اه لو بتعرف كيف تهش اشواقنا تهتف لعيونك
كيف يلح الشوق ويسأل
كيف ترق اشواقنا ترمز لعيونك
كيف يغالي الشوق ويسأل
ونحن من خلف المدى الفرقنا طول لو بتعرف
نرسم الليل في البعاد جنة لقاء
نبني تعريشة حنان طول بدا
ونعانقه في اعماقنا باقات من مرح
تجعل صبانا الغالي زغرودة فرح
حتى الكلام لوجيتنا ما بنحكيه بنفس الحروف
كلماتنا تتفجر غزل بين كل فاصلة تعيش ظروف
والشوق دوام يغري الخيال يسرح وبى حسنك يطوف
احلامنا تتناثر أمل في كل روضة تضوع قطوف


لماذا حُكم على مشاورينا التى بين تلك الدريبات والحواشات ان تكون ماساؤيه هكذا ؟
لماذا فُرض علينا القتال فى كل الاتجهات؟
لماذا ولماذا؟
ياود السهل والجبل ..
ساترك الاجابة لك وانتظر الرد
يااحمد..

بالجد حزين شديد

حبيبنااحمد(ابقوته)

في بلد طاقور اتعلمنا الصبر
والجلوس في الرواكيب من صباحا بدري للعصر
شاي وراء شاى وانتظار المجهول ونقول وين المفر
ماده ولا مادتين حسب مزاج الاكسمنر
تاخرك من اهلك سنين وانتظار تاني الرجستر
عشان كده ياخوي ماتقول مللت المنبر
ومايكون جاك تحزير من ود ابوبكر
وكان دائر تعرف غلاتك والله احلى من السكر
وتاني ماعايزين نسمع كلام السفر
وتبقى زي قصه عبدو قام تاني جاب سيره البحر

جمال هباني
بحر ابيض

Quote: بالجد حزين شديد

وقاعد لى فى الوريد
زى فريد المسيد
رابطنى بالقصيد
كرم وحفاوة
وشعرو نشيد

رفة بس يامعتز...خلينى امشى كم سنة الزرع بعدى ينمو

Quote: اهو ياسيدي نحن قاعديييين ومافي ليك طريقه الا ترجع

انور
وينك يابلد
فى ملل وطفيش صاح
والا انت كنت وين
مش زى برضو واضع ايدك فى خدع وتتفرج
دا عنصرى ودا كافر ودا ظلامى ودا نورى
والله هذه الكلام سببت لى صداع...لا تقدم قيد انملة السودان
لك خالص شكرى

أبو قوتة قنبلة الود الموقوتة,
معقولة بس؟

خد ليك لفة برة البورد كم ييوم وتعال بكونوا الجماعة ديل مشوا
أنا بديت آآمن بالنحس في البورد ده
لاكن برضو قاعدين وبنتفرج من بعيد لمن نشوف أخرتا شنو

تحياتي

Quote: ليك لفة برة البورد كم ييوم وتعال بكونوا الجماعة ديل مشوا أنا بديت آآمن بالنحس في البورد ده لاكن برضو قاعدين وبنتفرج من بعيد لمن نشوف أخرتا شنو

زولا123
والله لو لا جندرتك
الملزمانة الصبر
كان زمان فتنا
وتاكينا الباب
وقلنا نشتت
من الارض اليباب
زى ما قلت اللفة مطلوبة
لكن شلبى مسافر عمر مشطوب
انا قلت اخير اقيف برا
الى اشوف الحاصل

ابو قوته

يعنى حردانو لينا

يا اخى ليه مانت كوز ظريف و لطيف

بتصلى فى صلاتك وبتصوم فى صيامك

وبتدعى لينا بالهدايه

وعايش عروبتك بسعاده

وخالين نعيش افريقيتنا بسعاده.

يا ريت الناس لو كانوا زيك

وبيدعوا لطريق ربنا بالموعظه الحسنه كان الناس كلها اتهدت.

لكن ابراز السكاكين انت عارف البداه منو

بس يمكن عيون المحبه مضللاك

ونحن عارزنيك

صداقاتك ليها عليك حق.

لكن نحن دم اهلنا كمان ليه علينا حق.

وياريتك تقعد وصدقنى كله مصيره يجمع

لاننا سودانيين وحنظل.

تحياتى لك

وتقديرى

وبطل حردان

تراجى.

Quote: ابو قوته يعنى حردانو لينا يا اخى ليه مانت كوز ظريف و لطيف

ياترجى انت القال ليك ابقوته كوز منو؟
الواحد كان قعد ماتريحو وكان فات تاكلو لحمو ..
خلينا ليكم علاء وعمر كمان قبلتو على اب قوته..

حقو الواحد يكون مضوعى شويه..
طوالى انتى كده
تكتبى كلامى وتجى تعذرى حقوا قبل ما تكتبى تراجعيهو الف مره حتى ترفعيهو..

وتانى بسالك
ياترجى انت القال ليك ابقوته كوز منو؟

Quote: وخالين نعيش افريقيتنا بسعاده.

تراجى
ياطنا يناجى
غبارا عجاجى..
اطفالا صغارا
فى خيام الماجى
فلا انا من عقلال...
ولا انتى من عاجى..
ياخريجة النيل
خرطوم وسوهاجى..

قلتى لى افريقية ياحلبية
تصورى واحدة زميلتك قالت لى تراجى دى حلبية بيضاء
تشبه نانسى عجرم..انا زول اخبضر محروق بنار الافرقة
تصورى لو كان كلامها صاح...الله قال بقولك..ياحلابية مجلبة
من بلاد الترك
شكرا لحضورك الكثيف

كيا مشكل أحمد ?
توم بهوت أجا أدمي ...دوثرا أدمي دماغ خراب ... لا تذهب
تندوري منتا? برياني منتا ? عذرا أحمد أحاول أستحضر تلك اللغة الجميلة ..أبقي بيننا ...

Quote: تندوري منتا? برياني منتا

ها ها ها ها ها ها ها
ياريس
والله ضحكتنى...تصور امس فى مطعم حق هنود فى غبيرا.. لقيت الناس بتاكل فى جنا باتولا
راودنى الحنين ليها قريبى قال الا نمشى النيل..سيبنا من التلافيف دى..

بينى وبينك يامنى الدل جنجال
كل يوم توعدينى بكل وبعد كل
تم كدر تاه اسال ولا تسال
صدك وهجرك فعل لى بهوت مشكل
هم بيا كرتا وتم شرا لال
يامدعج الاغ يامورد الغال
هم كل جيا قار وللسودان راحل
سو بليس عودى لى وطل...
شكرا يابلد

ابقوتة خلاص امشى المعيلق..خدر..او معتوق وجيب لى ود قاسم معاك

جوابات بالمرة وتعال....تفوت وين؟؟؟؟

أبقوته حرام عليك سلك نشر فيه الشعيريه مافى أحسن تقعد عشان تاكلها.......



خلو الفراق يا ناس
يامنقه يا أنناس
للبورد إنتو أساس
إنتو الشعور وإحساس
إنتو الدهب والماس
لو فتو دا الإفلاس
ماتفوتوا طب يا ناس
إنتو الجلد والراس




يا إنت ويا بله أقعدوا عليكم الله وشعيريتكم على


منصور عبدالله

منصور المفتاح
ياحيطة تقنى شر
الكتاح...
بهمى ما راح
وردت القدير
قابلت ام وشاح...
بلبل صداح
بمشى الوجى
سبب لى جراح...
قف معى ياصاح
الزمن مو صاح
الفريع اللان
جنن الفصاح...
الاكل تفاح
والزهر لينا فاح
النصرى والموج
وكوستاوى كمان
دفعة المفتاج


تحياتى لك مع سلامى لناس ام شعيرية سلبة

Quote: ابقوتة خلاص امشى المعيلق..خدر..او معتوق وجيب لى ود قاسم معاك

فى معتوق
الدم بروق
والمطر ذو بروق
والناس تقابلك بشوق
زى شوق الزرع للماروق

انت من زمن الجوابات والله جينا فى القاطرة
ود قاسم بقى يسمع صوت فندك الحاجة

ود الموج
زهجت من البورد وسبب زهجى
تمبس...بوريك كيف زهجنى
خليه يجى داخل..وغياب معتصم..وبدلة شتات الرمادية..وحمزاوى فاتح لى كدا كدا
وممن اخلى الرياض ذاتها مش البورد

ابقوتة خلاص امشى المعيلق..خدر..او معتوق وجيب لى ود قاسم معاك

جوابات بالمرة وتعال....تفوت وين؟؟؟؟

أبو قوتة
عليك خليك كدي كية لي صديق الموج ،
تخلي المنبر تمشي وين يا ابوقوتة ،،، ديل زي اليهود كلما خليت ليهم حاجة يجوك يطلبوا حاجة تانية ،،،
أوعك تخلي ليهم المنبر ،،، والله يقوموا يطردوك من أبوقوتة ..
طوّل بالك شوية يا أبوحميد ...

أمشي يا اب قوتة وتعال
أمشي شوف اخبار خدارك
جوة فرهد في الفؤاد
أمشي زييين انهر كمان طير الخداري وحبنا
غسل ايديك جوة الغنا
أو بالاصح
اقلع عروق الساعة كم
وتعال هنا
ازرع عيونك من جديد
وأمشي وتعال
ساسق دروب البرتكان
وتعال سريع
تلقانا نحن المن زمان
من ضل لضل
تاكلين وجعنا على الحروف
وشايلين هموم السوسنة
فوق الكتوف
جايي انت هسي تقول خلاس؟
ما تمشي ياخ
فات العمر قبال كدا
ومكابدة
وفاتو ناس سمحين سماح
رجانا ليهم ضاع سدى
مين يعني كان خاتر حبيبو ولو سنة؟
ما كلهم بتشابهو
يا ابقوتة تقدر مرة واحدة تقول: أنا ؟!
كدي قول أنا
ولو سنة!.
___________
صديقك محمد سبيل
ابوظبي 30/5/2005م

Quote: وفاتو ناس سمحين سماح رجانا ليهم ضاع سدى مين يعني كان خاتر حبيبو ولو سنة؟

كنا متظرين مجيهم
لحظات لقاء ولحظات هنا..
لكن القدر الفرقهم
اكبر منك واكبر مننا..
دنيا خراب يادنيا البورد
البشطبوه زى بالبموت
يقوم بعاتى فى بوردات حنبنا....

سبيل ياموية النيل
وطنا يغنى هديل
اغانى الخليل..
شكرا على حضورك المتوقع
ولقدام

Quote: عليك خليك كدي كية لي صديق الموج ،

انت عارف يا خال
الموج قايل نفسو ود عاصمة
لكن عمى الطيب الصول..على حسب الحكاوى السمعتهاعنه
فيه طيبة ناس الجزيرة..وكرمهم وحبهم للارض
لكن هو عامل فيها متمدن لكن هو عارف ان العاصمة تريفت
والجزيرة تمدنت...فى ناس عندهم حيشان تراثية فى لب ام درمان
تصدق باعوها وسكنو الصالحة...هى هى هى هى...تعرف الصالحة دى
قريبة من الشيخ الصديق..يعنى ابقوتة بالغرب...شفت كيف
الخال..الناس دى كلها متعلمة..وفاهمة ..طيب مافى داعى للكلام البجيل الزعل
انا اسى لا بغير فكرى ولا بخلى جزيرتى...ولا مطالب الاخرين بالعكس
ولكن تلاقح الافكار بولد حسن الجوار..وتقارب الانفاس..ودى الفائدة التى سوف
نجنيها هنا...
لكن جلابى وعنصرى وحلبى وغرابى...هذه الوصفات ما بتحل مشكلة
خالص تقديرى لك

انت يا ابو قوته تفوت وين...

وتنقص اهل العوض بقيادة ربان السفينه ود قاسم..

نحنا كل يوم دايرين زياده هنا... تقوم تعمل فيها حردان,,

لكن اكان ماشي تعرس وتجي ...علي العديله وحانكون في انتظارك..

Quote: ابقوتة فى لحظة..لم تمر عليه قبل كدا

تحياتي...

إيهاب في آخر الليل..

Quote: لكن اكان ماشي تعرس وتجي ...علي العديله وحانكون في انتظارك..

ايهاب
قالو برسلوها بارسل
تعرف دى اخر تقليعة
عندنافى الجزيرة .
العرس بالطيارة
والموية بيارة
ياساكن الحارة..
الجزيرة المنارة..
ياخوى مسعول من الخير وين بدر السمح
ولك خالص مودتى

العزيز ابوقوتة

Quote: خلو الفراق يا ناس يامنقه يا أنناس للبورد إنتو أساس إنتو الشعور وإحساس إنتو الدهب والماس لو فتو دا الإفلاس ماتفوتوا طب يا ناس إنتو الجلد والراس

مع تحياتى الى اهل ابوقوتة

هشام مدنى
يالحنا هزنى
تصور مع ناس
الاوف عندى بوست اسمه
سجل ذكريات عن ابقوتة..او الثالوث
هناك واحدة ابوها كان محاسب اسمه الطريفى
كدى زور بهناك
خالص
ودى

ابوقوتة شنو الحكاية

ارررري بابا

تعرف يا ابوحميد كلامك ما جديد

ليه اقول ليك

المنبر دا عامل زي الدار بتاعنا فى بونا

تذكر تجيك ايام كدا تقول والله الدار دا تاني
ما ادخلو وتطلع حالف ستين يمين ما ترجع تاني

ولنفس الاسباب الذكرتها

ولكن
ومن غير ما تشعر بتسوقك اقدامك للدار مرة تانية

وكان ما مصدقيني اسأل كمال عباس بقول ليك

ابوقوتة تمشي وين خليك هنا معنا



ابوقوتة كوز

دي الجديدة

طبعا دا اسلوب شيوعي و ما جديد عليك

باسلوبهم الغبي دا خندقو عدد كبير من
الطلبة الجدد مع الكيزان وخربو الاتحادات
الجامعية داخل السودان وخارج السودان

ام تكون شيوعي وتتفق معهم فى كل شي
والا انت كوز

هو النظام دا بخدمو كيف اكتر من كدا ؟؟؟

Quote: ومن غير ما تشعر بتسوقك اقدامك للدار مرة تانية وكان ما مصدقيني اسأل كمال عباس بقول ليك

تصدق ياعبد الله...زمان انا لم ازهج من الدار
بمشى كونارك..بشرب لى كم شاى ..وبرجع
والزهجة بطير....
لكن البورد دا ما برتاح منه لانى محل ما بمشى بلاقنى
زى مصاريف الطلبة..دى ثقافة جديدة بعد القاقيك
الساحر انشاء الله اشترى السيارة يوم شايفو
فى معارض الشفا..
خالص ودى

أحمد

ابوقوته
الفى البورد ياقوته

أنا أحبك
إذن أنا موجود

إذن إنت لازم تكون موجود

إنت ياخى زول نقى وصافى جدا

زى دعا الأمات

واخضر زى أمنيات الأطفال
وابيض زى ريدة السودانيين

عشان كده الأمة كلها بتريدك

وعشان كده ما تمشى

ابوقوتة

انا اقول حاجة واحدة

المنبر دا زي الدنيا كل يوم بحال.

اذا عايز تخليه دا اسمو انتحار

علي كيفك

انسي وشيل البضاعة العايزها والفاسدة خليها
والبتسمعوا شين انساهوا
ورد علي البستاهلوا
والقبيخ اتجاهلوا
والجميل اديهوا اهلوا

ابقوته قنبلة الود الموقوته .. صلاح شتات

ابقوته الفي البورد ياقوته .. المطر

تمشي وين يا ابقوته بعد ما نلت الاوسمة دي من ارق واصدق اثنين لا ثالث لهما في هذا المنبر صلاح شتات واباذر المطر انا كان في مكانك ادق لي خيمة شرقاوية هنا كيتن لي تراجي مصطفى دي يا تراجي الكيزان لو زي ابوقوته دا كان كلنا رجعنا السودان والله يالغتي لكن يا زولة انتي لسه برلومة في المنبر دا واسمك بقلم الرصاص عاوزة تشبكينا زي بشاشا بشبش لا غربية ولا شرقية افريقانية مية المية التقول في دعاية حلويات الشامية يا حليلك يا كوستي انا اقيف مع حليوات هلا ونقول هلا بكل اهل السودان غرابة وشراقة وجلابة وجنوبيون وناس الجزيرة الديمة ضايعين في النص يا تراجي عليييييييييييييييييك التصنيفات الابيض واسود دي خلوها الحركة الشعبية عملت ليها لون تاني لونت بيهو الكيزان ركبي ليك نظارات يمكن عشان عامل السن وكده اصلو عمنا حسين ملاسي قال انتي دفعتو وانت وافقتي والكلام دا موثق في المنبر يعني مافي طريقة تتخارجي منو سيك ميك ملاسي مباريك . الا تعملي بوست هههههههه هو قال فرحان لانو بوردابية قالت لصديق الموج يا عمو وملاسي يا اخ ولا حاجة زي دي لكن ملاسي دا الطينة الخلقوهو بيها من زمن حفرو البحر لووووووول


اها يا ابقوته والله انا زاتي بتجيني قرفة وزهجة من المنبر دا لكن بلف وبرجع تاني بعد ما تزول واهو مرة مرة بنتاوق في المنابر التانية ياخي قعاد البيت كل يوم ما بنطاق كدي اخد ليك لفة وتعال صادي

فتك بعافية

قلنا ما ممكن تسافر
نحن حالفين بالمشاعر
لسه ماصدقنا إنك
بجلالك جيتنا زائر
السفر ملحوق
ولازم إنت تجبر بالخواطر
لو تسافر دون رضانا
بنشقي نحن الدهر كلو
مابنضوق في الدنيا متعه
وكل زول غيرك نمِلـّو
الغريبه الساعه جنبك تبدو اقصر من دقيقه
والدقيقه وانت مافى مره مابنقدر نطيقها
دنيا فى قربك بفرهد كل طائريحيى فوقها
وجنه من بعدك بيزبل، كل مخضر فيها يبقى ناضر
قلنا ما ممكن تسافر
لو تسافر دون رضانا
بنشقى نحن الدهر كلو
مابنضوق فى الدنيا متعه
وكل زول غيرك نملو
اقل حاجه تخلى سفرك
حتى لو اسبوع اقلو
وانت عارف نحن بعدك
للصباح دايما اه دايما نساهر
قلنا ما ممكن تسافر
لالا مابنقبل نسيبك
تمشى للوحده وتعانى
برضو ما بنقدر نقاوم
شوقنا من بعدك ثوانى
وما بنغنى وراك كلمه
وما بنشوف البهجه تانى
غايتو لو شفقان علينا
ما اظنك يوم تسافر
قلنا ما ممكن تسافر

Quote: ابوقوته الفى البورد ياقوته أنا أحبك إذن أنا موجود

ابوذر..طيب كنت لابد وين من زمان
انا ذاتى كنت بفتش للشجرة
المتشعلقين فيها من الطوفان
دا..طيب كنت تصقنى بحجر..مش كان لميت عليكم
اسى حلقى انقرش من الكوراك
امطرنا ياخى باخر الامونات
ومن اجل الحب
انا برد
خالص شكرى

..
.
ما بدري عليك..
والأنس جميل.. فى هدوءالبورد..

معقولة بس..!!

..