Post: #1
Title: البوست القادم....ارفعوا اقلامكم عن الدكتور ناذر
Author: abuguta
Date: 10-24-2005, 04:41 AM
Parent: #0
آآآسف
البوست القادم
ارفعو اقلامكم من الدكتور ناذر
ناذر قال مسافر
وقطع التذاكر
وقال تارك بلد العساكر
وللهند مسافر
عشان بحضر الدكتوراه
..ناذر اخذ اجازة سنتين بدون راتب
معقلولة فى زول يقرر فى يوم واحد
لكن عند ناذر الدقيقة تعادل سنة
من زمان نحن بنحذر من زعل ناذر
لانه زى تيرى هنيرى فى الكرة لو زعل
بجيب قون..ناذر لو زعل بعمل اى شىء
كويس...اسى البركة فى الدكتور
بعد سنتين ستجدون ناذر..يكتب امام اسمه دال
بس المرة دى مش عدس
بس ياناذر اكتب من الراء وبعدها الواو
يعنى كل سمستر حرف امام اسمك الى ان تكتمل الكلمة اللامعة الملمعة
مع صفارة حلة البيروستو الرابعة...وتكون الحلة
استوت..سمعت يا ولد يا اسمر
اتصل على قبل السفر سامع..عشان نديك الفيها النصيب
ولقدام
|
Post: #3
Title: Re: البوست القادم....ارفعوا اقلامكم عن الدكتور ناذر
Author: ADIL FAIT
Date: 10-24-2005, 07:04 AM
Parent: #2
نحنا ما صدقنا إنك بي جلالك جيتنا زائر وشنو كدا ما عارف ..
تجي تقول لي مسافر يا ناذر..
مع أكيد حبي وتقديري،،،
عادل فايت
|
Post: #4
Title: Re: البوست القادم....ارفعوا اقلامكم عن الدكتور ناذر
Author: ناذر محمد الخليفة
Date: 10-24-2005, 07:10 AM
Parent: #3
والله يا عادل منبركم دا بقا عجيب خلاص !!!!
صنفرة :
عشان كدة قلت أحسن أسافر الهند واخليو ليكم 
|
Post: #20
Title: Re: البوست القادم....ارفعوا اقلامكم عن الدكتور ناذر
Author: abuguta
Date: 10-25-2005, 01:19 AM
Parent: #4
| Quote: عشان كدة قلت أحسن أسافر الهند واخليو ليكم |
ايوة كدا ياولد
وبعدين هى كلها كم سنة وتجى تانى لموقعك واصحابك
لكن احكى الكبس...دكتور
شفت كيف..وبعدين انت الغربة سيدها ومقددها كمان
ونوم قفا بخصوص المصاريف
بكرة تمشى وتجى تلقى عادل فايت دا
لسع لابس نعلاتو ديل..ورجلوينو ما كبرن
|
Post: #27
Title: Re: البوست القادم....ارفعوا اقلامكم عن الدكتور ناذر
Author: waleedi399
Date: 10-25-2005, 03:29 AM
Parent: #4
| Quote: عشان كدة قلت أحسن أسافر الهند واخليو ليكم |
تسافر كيف تخلينا ...
لشوقنا وذكرى ماضينا ..
وكيف بعدك يكون الحال ...
وكيف تصبح ليالينا؟؟؟
تحياتي وسلامي المعطر لأبوقوته ..
يلا منتظر زيارتك ..
ما تبقى زي وعــود ناس الرياض 
|
Post: #28
Title: Re: البوست القادم....ارفعوا اقلامكم عن الدكتور ناذر
Author: abuguta
Date: 10-25-2005, 05:28 AM
Parent: #27
شكرا ولى
على الاندياح
الاسطوانى
وليك حنانى
ولقدام
|
Post: #19
Title: Re: البوست القادم....ارفعوا اقلامكم عن الدكتور ناذر
Author: abuguta
Date: 10-25-2005, 01:15 AM
Parent: #3
عادل فايت ياشفيف
ناذر كدا حافة ما جميلة
عليك الله شوف لو قال كدا خت قدامها
دكتور ناذر...
روعة روعة روعة
مش بالله
|
Post: #5
Title: Re: البوست القادم....ارفعوا اقلامكم عن الدكتور ناذر
Author: فيصل نوبي
Date: 10-24-2005, 07:10 AM
Parent: #1
ناذر ناذر ناذر ناذر
يا ابو الشباب اسمع
انت قايلها هلال مريخ ولا شنو ؟
تهريجة
ناذر ده شنو ده
والله تلقا ناذر ماشي في البوستات يتلفت
محل ما يمشي زول يكورك ليو
|
Post: #7
Title: Re: البوست القادم....ارفعوا اقلامكم عن الدكتور ناذر
Author: معتز تروتسكى
Date: 10-24-2005, 07:28 AM
Parent: #5
ابقوته
قليل فى حقك المشوار بدور امشى كمان وكمان
ياباشمهندس..
فعلا القلوب شواهد لى مده عايز بوست بنفس محتوى الموضوع انو ناذر يتعرض لضغط لوبى
ويضعون بكرى فى خيارات اما نحن او غيرنا..
فقط منعتنى المشاغل لكن كاننى كتبته
فشكرا
وانت نموذجى الطيب نموذج يلهم الفنان
بتعرف
يا ابقوته
الشباب الحلوين
فايت
نذورى
ورميو
اخير لى ناذر يسافر بلا بورد بلا كلام فارغ
عشان يبقى لىقريب وتموتو بالمغسه
ونلاقى زيارات فى الويكند..
مقطع ختامى لكم جميعا..
متين تحقق اللقيا ويتقابلو الاحباب.
محبه شديده فى قلبى
ودعوة تمجد الانسان
وانتو نموذجى الطيب نموذج يلهم الفنان
لو تعرفوا  .
|
Post: #22
Title: Re: البوست القادم....ارفعوا اقلامكم عن الدكتور ناذر
Author: abuguta
Date: 10-25-2005, 01:23 AM
Parent: #7
دكتور معتز
تحياتى
تعجبنى انت يا جميل
لكن دالك كبييييييرة
ومارق ليها فى الصين
كمان فى زول عنده كلام
ما اظن
نحن لازم شلتنا كلها تكون دكاترة
عشان نحصن نفسنا للزمن القادم
|
Post: #21
Title: Re: البوست القادم....ارفعوا اقلامكم عن الدكتور ناذر
Author: abuguta
Date: 10-25-2005, 01:21 AM
Parent: #5
نوبى ياظريف
من زمان مستنى
ادخل معاك فى بوست
بجد تعجب ياتفتيحة
انت محضر فى الحاجة الحلوة دى
ولا جايبها جربندى ساى
|
Post: #6
Title: Re: البوست القادم....ارفعوا اقلامكم عن الدكتور ناذر
Author: ناذر محمد الخليفة
Date: 10-24-2005, 07:26 AM
Parent: #1
كيفك يا أ بقوتة ..
كدي قبل الدكتوراة دايرك تفسر لي الجملة الأوتومسفيرية دي
| Quote: بل ازعم ان له استظراف مراهقة بيولوجية , وفكرية لم يعشها فى حينها |
دي جبتها من راكوبة عشوائية منصوبة في حتة ما بعيدة من هنا !!!
أنا حاولت أفهم أستظر... قصدي إستظ .. !!! ما قادر اكتبا والله !!
المهم الجملة دي محتاجة لي تفسير لإنها إتقالت فيني !!!
صنفرة :
لو انا ما عرفتها ما حا أسافر للدكتوراة يا أبو قوتة لإنو حا يكون في خلل بيولوجي إستظر إيه كدة مش عارف في مسيرتي الأكاديمية
عشان كدة حاول ألحقني بي سرعة بالتفسير عشان ميعاد الطيارة قرب 
|
Post: #8
Title: Re: البوست القادم....ارفعوا اقلامكم عن الدكتور ناذر
Author: ADIL FAIT
Date: 10-24-2005, 07:44 AM
Parent: #6
الجميل ناذر..
لسه بيناتنا المسافه يا حبيب..
أنا عاوز أقول في الحته دي كلام لكن شكلوا الكلام غلبوا المشي..
هبشه:
إنت جادي يا ناذر في الموضوع دا..
بالمناسبه أنا برضو عندي الرغبه ولو إنت جادي حا تشجعني علي القصه دي..
بعدين أنا هسع قدمت خطة البحث بتاع الدكتوراة لي جامعة الخرطوم
كل الود
|
Post: #17
Title: Re: البوست القادم....ارفعوا اقلامكم عن الدكتور ناذر
Author: Eng. Mohammed al sayed
Date: 10-24-2005, 04:31 PM
Parent: #6
| Quote: عشان كدة حاول ألحقني بي سرعة بالتفسير عشان ميعاد الطيارة قرب |
والعرس البعد العيد؟
|
Post: #24
Title: Re: البوست القادم....ارفعوا اقلامكم عن الدكتور ناذر
Author: abuguta
Date: 10-25-2005, 01:44 AM
Parent: #6
| Quote: بل ازعم ان له استظراف مراهقة بيولوجية , وفكرية لم يعشها فى حينها |
انا ليس لى علم بالتفسير لكن برجع ليك القرن الثامن والعشرين
هنالك عالم علامة وفاهم فهامة تخدع له كل امة وهامة
رجل التفسير والقول النضير..الذى يفصل البلحة من القطمير
هو الشيخ الورع الحائز على جائزة الدرع..محمد بن حمدان بين حمودى بن محميد
المشهور بحميدة...المتوفى فى القرن التاسع والعشرين فى جزيرة المريخ حين هاجر اليها لطلب العلم فمات هنالك...
تفسير العبارة ان صاحبها وصل لدرجة علمية عالية ممكن يكون امامه كلمتين بدل واحدة...دكتور دكتور....د.د. لذا له نظرة ثاقبة للمستقبلة الفازليكية التى فزلكت شهادة الدكتواره لتحقير الاخرين..لكن اخى ناذر لك مستقبل نادر لنهضة الامة من ديناصورات الدكترة..المزيفة
اتمنى ان تكون انتفعت بفلسفة العلامة حميدة ...وسوف احيل التفسير لشيخى صاحب العلم الحديث
والقول الشافى ثابت البطل
|
Post: #9
Title: Re: البوست القادم....ارفعوا اقلامكم عن الدكتور ناذر
Author: هشام مدنى
Date: 10-24-2005, 07:48 AM
Parent: #1
اصــلى.... ولا.... تــقليد....
يـا ابوقوتة
رمضان كريــم
|
Post: #10
Title: Re: البوست القادم....ارفعوا اقلامكم عن الدكتور ناذر
Author: نادية عثمان
Date: 10-24-2005, 11:04 AM
Parent: #9
ياشباب القصة دى جد جد ولا من وحى الخيال ؟!!!!!!!!!!!11
|
Post: #13
Title: Re: البوست القادم....ارفعوا اقلامكم عن الدكتور ناذر
Author: فيصل نوبي
Date: 10-24-2005, 12:58 PM
Parent: #10
| Quote: ياشباب القصة دى جد جد ولا من وحى الخيال ؟!!!!!!!!!!! |
ندوية 
وين انتي ما شفتي الشليت الحصل ده ؟
قالو ناذر ده الا يقولو ليو 
و في ناس كده خلاس 
وفي ناس تانيه 
وناس تانيه قالو نمشي الروضه 
تهريجة
هسي انتي رائيك شنو ما قلتي لينا ؟
|
Post: #26
Title: Re: البوست القادم....ارفعوا اقلامكم عن الدكتور ناذر
Author: abuguta
Date: 10-25-2005, 03:03 AM
Parent: #10
نادية
كل القصة ياصحفية
ان ناذر دا لازم يتساوى مع الناس الكبار
وعشان يتساوى لازم يعمل دكتوراه
شفت كيف لماالزول ما يكون عنده شهادات كبيرة
بكون زى قشة وسط الموج شايلها بحر الدميرة
شكرا نادية
|
Post: #25
Title: Re: البوست القادم....ارفعوا اقلامكم عن الدكتور ناذر
Author: abuguta
Date: 10-25-2005, 02:57 AM
Parent: #9
هشام مدنى
ياجزاء من بدنى
اصلى
تصور فى ناس فاكنها فينا ان الخير والشر بايدهم
لو لاهم لم تشرق شمس ولو شرقت كان مفروض تكلمهم
خالص ودى لك
وطولنا من قفشاتك
|
Post: #11
Title: Re: البوست القادم....ارفعوا اقلامكم عن الدكتور ناذر
Author: altahir_2
Date: 10-24-2005, 12:44 PM
Parent: #1
نادية مساء الخير
عليك الله دردحة الصحافة دى كلها ما خلتك تفرزى بين الجد والهزل.
اقول ليك شنو صحى الببارى الولاد ديك بمروحوه.
ناذر عليك الله ورينا ماشى تخصص فى شنو؟ ولا ما حددوه ليك لسع؟
اوع الدكتورة تكون ذى بتاعت اوربا الشرقية زمان البشتروهم ديك ؟
فى هذه الحالة اخشى ان ينتحل واحد اسمك , ويلحّقك امات طه.
يلا باى نتلاقى فى الهند والسند.
|
Post: #12
Title: Re: البوست القادم....ارفعوا اقلامكم عن الدكتور ناذر
Author: altahir_2
Date: 10-24-2005, 12:48 PM
Parent: #11
معتز تروتسكى
ازيك ومشتاقين
تعالو ندخل المطيخ ونطلع لينا كم مصطلح من المفكوكات فى الهواء ديل
شايف فى نجر شديد , بس عشان حقوق الملكية ما تضيع علينا
|
Post: #14
Title: Re: البوست القادم....ارفعوا اقلامكم عن الدكتور ناذر
Author: نهال كرار
Date: 10-24-2005, 01:11 PM
Parent: #1
ناذر
أنا بالجد ما مصدقة انك طلعت من المعركة دي كلها سليم معافى من غير إنذار ولا رصاصة !!!
خمسه وخميسة , أناعيني باردة
أدينا وصفة نبعد بيها إنذارات بكري مستقبلا وكده
|
Post: #15
Title: Re: البوست القادم....ارفعوا اقلامكم عن الدكتور ناذر
Author: عمر الفاروق
Date: 10-24-2005, 01:51 PM
Parent: #1
يا أبقوتة ويا ناذر..
دكترة شنو ؟؟؟؟ الدكتوراة في الهند تعادل دبلوم عند الجماعة المستنيرين ديل البيقرو في بلاد العم سام ..
ناذر يا أخوي كان ما بقيت بروف وكتبت كم رسالة لي ناس ناسا وقدمت كم ورقة لي جمعية الرفق بالحيو1ن والنباتات والرفق بصخور المالديف ما بتحلك ..
يا زول إنت لسة ولد !!!!!!
ومفروض تسوق معاك مرافق عشان يقودك هناك !!!!!!!
إنت مفروض تكون أسة بتسجل في روضة ماما فلة حسب كلام الدكتور بشار !!!!
|
Post: #16
Title: Re: البوست القادم....ارفعوا اقلامكم عن الدكتور ناذر
Author: فيصل نوبي
Date: 10-24-2005, 02:13 PM
Parent: #15
| Quote: إنت مفروض تكون أسة بتسجل في روضة ماما فلة حسب كلام الدكتور بشار !!!! |
والله يا ود الفاروق ما عارفين نسوي شنو ؟
قال دكتور قال في شنو ما عارف !!!
|
Post: #18
Title: Re: البوست القادم....ارفعوا اقلامكم عن الدكتور ناذر
Author: تولوس
Date: 10-24-2005, 09:05 PM
Parent: #16
سلام بدون كلام
ناذر ودكتوراة في فضح الجهويةوالعنصرية والنهب المسلح
وعنوانها
تفاهة الثوار وصناعة الخراب والدمار
|
Post: #23
Title: Re: البوست القادم....ارفعوا اقلامكم عن الدكتور ناذر
Author: Ahmed Mohammed Osman
Date: 10-25-2005, 01:39 AM
Parent: #1
هي ياااااااااااااا جماعة
الزول دا صحي ما دكتور؟؟؟؟؟
|
Post: #29
Title: Re: البوست القادم....ارفعوا اقلامكم عن الدكتور ناذر
Author: ناذر محمد الخليفة
Date: 10-25-2005, 05:40 AM
Parent: #1
!!!!!!!!!!!!!
Quote: تفسير العبارة ان صاحبها وصل لدرجة علمية عالية ممكن يكون امامه كلمتين بدل واحدة...دكتور دكتور....د.د. لذا له نظرة ثاقبة للمستقبلة الفازليكية التى فزلكت شهادة الدكتواره لتحقير الاخرين..لكن اخى ناذر لك مستقبل نادر لنهضة الامة من ديناصورات الدكترة..المزيفة
|
بس خلاص نقشت المعنى
وبي كدة حا أسافر متطمن وأعمل الدكتوراة في التخصص الذكروا ليكم واحد من الزملاء الفوق ديل
صنفرة :
إنتي يا نهال مشكلتك ما مقتنعة بي وانا قلت ليك لو ماشي حرم إلا أسوق معاي نفرين تلاتة كدة
أها هسي أنا قااعد وبعد دا في خمسة ستة تنفار كدة مشوا
ودا بس شان تءامني
|
Post: #30
Title: Re: البوست القادم....ارفعوا اقلامكم عن الدكتور ناذر
Author: ناذر محمد الخليفة
Date: 11-08-2005, 07:22 AM
Parent: #29
سلامي لأبقوتة وللجمبع ...
جئت لكي أخبركم أن بحثي المقدم لنيل درجة الدكتوراة بدأت في مناقشته ونشره على صفحات المنبر ...
صنفرة :
حا ألف وأجي عشان أخت اللنك !!
|
Post: #32
Title: Re: البوست القادم....ارفعوا اقلامكم عن الدكتور ناذر
Author: عبدالله ادريس محمد
Date: 11-08-2005, 03:48 PM
Parent: #1
الاخ نازر لك التحية والتجلة يا دكتور مقدما؛؛؛؛؛؛؛؛؛
بس لما تسيبنى وتسافر خت فى بالك انو دنياى فى مدارك؛؛؛؛؛؛
تمشى وتجى بسلامة قدامك بيضاء ووراك بيضاء؟؟
وتحياتى لللاخ ابوقوتة؛؛؛؛؛؛؛؛؛؛؛؛؛؛؛
|
Post: #33
Title: Re: البوست القادم....ارفعوا اقلامكم عن الدكتور ناذر
Author: القلب النابض
Date: 11-08-2005, 04:40 PM
Parent: #32
ابوقوتة
السفريات المشروطة في تصحيح الاوضاع المغلوطة
بالسلامة ولو جا بريطانيا يكون كويس
|
Post: #34
Title: Re: البوست القادم....ارفعوا اقلامكم عن الدكتور ناذر
Author: ناذر محمد الخليفة
Date: 11-10-2005, 07:16 AM
Parent: #33
الأعزاء عبد الله إدريس
القلب النايض
شكرا لكم للحضور والمؤازرة ..
وأرجو أن تكونوا متابعين للبحث الذي تجرى سنماراته الأن ...
صنفرة :
المناقشة مفتوحة
|
|
