Post: #1
Title: هل تحب ان تكلم..السودان مجانا..؟؟؟...لو بتريد اضفط هنا
Author: abuguta
Date: 11-03-2006, 03:59 AM
امس ..فى ساعات الدوام خرجت من المكتب لمدة خمس واربعون دقيقة ..وفى اثناء مرورى شاهت شاب سودانى مهندم ومحترم..يكلم على جواله مع بريق اسنانه الجميل..وهو يتحرك كعادة المتكلمين غالبا..واسترقت اليه السمع فعرفت انه يكلم السودان..فى غير وقت التخفيض .الوقت المفضل لمكالماتى اصلا.. فى المناسبات..الا اذ اطررت سوف اتصل لمدة اقصاها دقيقة واحدة..مع دقات قلبى التى تتناسب طرديا مع تسرب الهلللات..وعدتو والعود انا(احمد) من مشوارى ..فوجدت صاحبى فى نفس المكان ,لم يبارح الجوال اذنه..فطرقت افكر فى حالته وحالة اغلب السودنة..ما هو الموضوع الذى اخذ منه ذلك الزمن..وضياع ذلك المبلغ 45 دقيقة من عمره المديد. ولو حسبناها ماديا ولو فرضنا ان سعر الدقيقة ريال ونصف .. فقد صرف فى تلك المكالمة الجميلة 67 ريال سعودى..ومايعادلها بالسودانى 35 الف جنيه سودانى..ثمن شوال قمح من سوق ابقوتة...
شاركونى النقاش...فى صرف الاموال فى حديث ربما يكون مختصرا عشرات المرات..ونحن نكافح ونركب المستحيل..من اجل تحسين الوضع..
|
Post: #2
Title: Re: هل تحب ان تكلم..السودان مجانا..؟؟؟...لو بتريد اضفط هنا
Author: Ahmed Abdallah
Date: 11-03-2006, 04:06 AM
Parent: #1
| Quote: من اجل تحسين الوضع.. |
احتمال برضو تكون مكالمة تحسين وضع ّّّ!!!
|
Post: #3
Title: Re: هل تحب ان تكلم..السودان مجانا..؟؟؟...لو بتريد اضفط هنا
Author: abuguta
Date: 11-03-2006, 04:31 AM
Parent: #2
| Quote: احتمال برضو تكون مكالمة تحسين وضع |
احمد عبد الله
تحياتى
اضحكتنى ..طبعا تحسين الوضع يتطلب اكثر من كدا.بكون حنك بيش مش..او مكالمة غرامية وستها نافرة...بس الولد مغترب..وماسك الدرب..رنا يقرب البعيد..
لكن انت مش ملاحظ معاى ان السودنة..فى الكابينات او على جولااتهم
دائما يكثرون من السلام وتبادل الشمارات..
كيف الحال ازيكم..كيف الحال ازيكم..
خارج النص..
واحد من القرى.. مغترب ..لاول مرة تكلمه زوجته بعد ان تكبدت المشاق من ركوب دابتها..
وصلت الى اقرب مدينة..وبداءت مكالمتها..
كيف حالك فى المدة التى لم اراك فيها..ولم يفقدنى شىء سوى رؤياك الغالية..
وزوجها بقى يضحك عليها..
وهى تردد اجى اجى ياراجل...جنيت
فرد عليها...يامرة انتى بتكتبى فى جواب
شكرا لك
|
Post: #4
Title: Re: هل تحب ان تكلم..السودان مجانا..؟؟؟...لو بتريد اضفط هنا
Author: doma
Date: 11-03-2006, 05:20 AM
Parent: #3
لووووووووووووووووووول والله دقستني. تب جيت جري قلت كان القي المجان دا اخفض فاتوره التلفون
|
Post: #5
Title: Re: هل تحب ان تكلم..السودان مجانا..؟؟؟...لو بتريد اضفط هنا
Author: مهيرة
Date: 11-03-2006, 05:46 AM
Parent: #4
ابو قوتو....قنبلة الود الموقوتة
حسع قربت اقع اتكسر من الاستعجال على الملح دة...!!
لكن فعلا السودانيين ( وانا منهم) الواحد لما يخت السماعة فى اضانه بكون قايل الطرف التانى دة فى الاوضة الجمبه ...وبنسى نفسه!
لكن برضو ناس السودان بهناك مابريحوك عشان تطول المكالمة.... مش مغترب؟؟ خليه يدفع
تحياتى
|
Post: #6
Title: Re: هل تحب ان تكلم..السودان مجانا..؟؟؟...لو بتريد اضفط هنا
Author: abuguta
Date: 11-03-2006, 06:28 AM
Parent: #4
دومة ومهيرة
دى على كتيرة
زى النيل فى يوم الدميرة
بالله انتو اخوات او بتعرفو بعض...او زملاء غير زمالة البورد..
والاتنين فى جدة او ابو ظبى..دا كلو احساسى بقول كدا
مرحب بيكم كتير...الملح الملح..
زى قولة سمح..زىقراصة قمح
مصير الاتصال يبقى بسعر زهيد..بس احفظو قروشكم اسى
هنالك اتصال عن طريق اجهزة كويست سعر الدقيقة 57 هللة
لكن لابد من الاشتراك فى تلك الشركة المجهول امرها..
شكرا جزيلا لكما..
|
Post: #7
Title: Re: هل تحب ان تكلم..السودان مجانا..؟؟؟...لو بتريد اضفط هنا
Author: عبده عبدا لحميد جاد الله
Date: 11-03-2006, 07:27 AM
Parent: #6
الأخ/ابوقوتة... سلامات
| Quote: لكن برضو ناس السودان بهناك مابريحوك عشان تطول المكالمة.... مش مغترب؟؟ خليه يدفع |
المشكلة في ناس "مسكين كول" والرسائل اتصل ضروري الواحد يخليك تتلخبط يا ساتر ياربي يكون موت،حادث،..الخ .ولو ما عند رصيد تجري لأقرب كابينة واحياناًوقت الدوام او ما بين الدوامين،بعد دا كلو تلفى الموضوع فارغ مابستاهل العجلة دي كلها...أأأأأأأخ جنس مغصة
 
|
|