Post: #1
Title: الهلال هو زعيم البورد..من غير منازع
Author: abuguta
Date: 08-28-2007, 12:50 PM
Parent: #0
بسم الله الرحمن الرحيم
الموضوع:- اعلان اسم جديد للزعيم
نظرا للبطولات التى حققها الهلال وذاع صيتها على البورد وكثرة عدد البوستات التى فتحت على النت
وكثرة مشجعى الزعيم التى فاقت فريق البرشا والريال ,وذكر اسم الزعيم على كى بورد كل متصفح نت, وكل من دخل مواقع الرياضة ....
انا المدعو م.احمد صديق ابقوتة من اهل العوض ,بكامل قواى العقلية وحبى الشديد للرياضة قد اطلقت اسم زعيم البورد او زعيم النت على الهلال ,,وهذا الاسم محجوز من الان الى ابو الهل لكى لا ينازعه فيه احد فى المستقبل البعيد ,, والحااااااااضر يكلم الغائب
ودمتم يامحبى الموج الازرق
|
Post: #2
Title: Re: الهلال هو زعيم البورد..من غير منازع
Author: abuguta
Date: 08-28-2007, 01:31 PM
Parent: #1
@ هلال الملايين....دا ما فيه غلاط
@ زعيم الكرة السودانية..دا فيه نزاع
@ سيد البلد... دا اول مرة اعرف فيه غلاط
ومنه اشتق اسم سيدا وهو هيثم مصطفى
@ زعيم البورد..اسم مستقبلى اطلقه احمد ابقوتة يوم 28/8/2007
@ زعيم النت..اسم مستقبلى اطلقهاحمد ابقوتة يوم 28/8/2007
عزيزى الهلالابى اضف اى اسم من بنات افكارك
تراه مناسبا للهلال بستحقه مع هذا الانجاز الخرافى
|
Post: #3
Title: Re: الهلال هو زعيم البورد..من غير منازع
Author: awad okasha
Date: 08-28-2007, 02:19 PM
Parent: #1
ابو قوتا يا اخوي
يديك العافية شقيش ما تقبل
بالطبع بعد الصولات والجولات الاخيرة وبعد الرعب الذي اصبحت تعيشه كافة فرق القارة لمجرد ذكر اسم ( الهلال ) ، لا فريق ان يمكن يطلق عليه هذا اللقب سوى الهلال :
الــــمــــــارد الافــــــــريـــــــقــــــي
كل المودة
|
Post: #4
Title: Re: الهلال هو زعيم البورد..من غير منازع
Author: امجد محمد الأمين
Date: 08-28-2007, 02:26 PM
Parent: #1
@ الموج الازرق ..
@ قاهر الابطال ..
@ مكمن الجمال ..
@ منبت الروعة ...
@ زارع الفرح ...
ما فى لقب يمكن أن يعبر عن الهلال و حبو لينا و حبنا ليهوووو ...
و فوق فوق هلالنا فوق ...
|
Post: #5
Title: Re: الهلال هو زعيم البورد..من غير منازع
Author: عبدالله ادريس محمد
Date: 08-28-2007, 05:44 PM
Parent: #1
نظرا للبطولات التى حققها الهلال ياجماعة ناس الهلال ديل جنو اى بطولة يابو لدن الهلال زعيم بلازعامة زى سفير بلا سفارة خالص الحب والاحترام
|
Post: #6
Title: Re: الهلال هو زعيم البورد..من غير منازع
Author: abuguta
Date: 08-28-2007, 08:53 PM
Parent: #5
الاخوان
عوض عكاشة
امجد محمد الامين
شكرا لالقابكم الصارخة
| Quote: جنو اى بطولة يابو لدن الهلال زعيم بلازعامة زى سفير بلا سفارة خالص الحب والاحترام |
ابن عمى الجميل ابو محمد
نقبل اقتراحك الى حين
زعيم بلا زعامة..بس الى يوم المباراة النهائية ووقتها نرجو منك تعديل الاسم...
اخى عبد الله انا هلالى عادى زى مريخيتك,,,لكن عليك الله شوف الجهلاء الفاكنها فى انفسهم
صحفيين رياضين .فريق نشر الفرح فى قلوب التعابة رغم المطر رغم الكبت رغم الجوع رغم المرض,,رقص شعب السودان اليائس الحائر الى الصبح يهتف بانتصارات الهلال والانصار الاكبر على الاهلى ,افرح قلب كل عربى وافريقى وثبت للجميع ان زعامة القارة لا محالة اتية لزعيم اخر يسمى الهلال . هذا الخبر الكروى الهب ضجة كبرى انتزعت قولة الحق من محللين امتياز اعترفو بان الزعيم لا يشبه الافركة ولا العربنةلعبنا ونتيجة,واحتكار كرة , فاسودت قلوب صحفيين فقدو قاعدتهم لامر فاسد فى انفسهم ينازعون الناس فى القاب اطلقوها هم صناع الفرح على جلاب الفرح,,
منهم من اطلق اسم الزعيم
واخر من اطلق اسم سيد البلد
فانبرت زمرة احسبها تغرد خارج السرب ,تنقنق من دالخل بركة فارغة وتعوى من غير مارىء وتنبح على بعير هائج وتصرخ خارج سياج اسد قاهر,,هولاء (الصحفيون المتريضون )على النت هم قاتلون الفرح عند الغلابة؟؟؟؟؟
لذا كتبت هدا البوست لكبح جماح هذا العفن الفائح, وهذه الدعوة الضرار نحن نريد ان نفرح مع صناع الفرح ,نسميه ماشينا ان نسميه, سيد بلد, زعيم كرة زعيم على البورد, وبنفس الفهم
بكرة انت تعال العب فى الابطال واغلب الكبار واطلق ماشئت ان تسميه من اسماء على فريقك
ستجد كل الشعب يهتف باسمك ويرفك شعارك,,,لكن فريق زى حيطان الجالوص فى العصر يقاوم المطر فى الليل يقع على ساكنيه,,,فريق يطلق عليه العظيم, ينتصر بالستة فى (حديقة الحوان) وينهزم من فريق
ام صفقا عراض ,,ثم تاتى اقلام مدادها آسن تزبد وترعد تريد ان تسرق الفرح من صناع الفرح
هذا ما اردت ان اقوله,,,
واحد مين كدا( يوسف )فاكيها فى نفسو على انه صحفى رياضى يختفى يوم النصر ويوم دفن الاهلى فى التابوت , زريبة العيش كما يحلو له هذا الاسم ,, ثم يظهر لنا بموضوع هائف ينازع فى اسمه اطلقه الغلابة على صانع الفرق فى (قلعة الاقمار) ليلة اطلاق الصاروخ الكرونقى الارضى من قاعدة امدرمان لم يخطىء الهدف فى قاهرة المعز فدمر المفاعل النووى التاريخى الدى يسمى نادى القرن وبطل الابطال, فانتشى اهل جنوب الوادى من حلفا الى نمولى الا قلة من ثلة اعماها حقدها الدفين عن رؤية الهلال فصامت على ضوء نجيم غائب , فلا شريعة شفعت لهم ولا عرف,,,
فاصدرت اصوات مزعجة من فصيلة النعاق والنقيق والصرصرة والسوسسة التى فاحت عقننتها فازكمت رائحتها انوف قوم على الفطرة فارادت ان تعكر صفو هولاء الغلابة النائمون سكارى والمنتشون ثارا فى ربوع سوداننا الحبيب على انغام ورقصات امواج الازرق الدفاق
فانى لهم ذلك؟؟؟؟؟
ابو لدن
صحفى رياضى
تم التعديل لاضافة التوقيع
|
Post: #7
Title: Re: الهلال هو زعيم البورد..من غير منازع
Author: malamih
Date: 08-29-2007, 04:35 AM
Parent: #6
tuz ... TUZ MILI7 TURKY BAS.... AAAAH
|
Post: #11
Title: Re: الهلال هو زعيم البورد..من غير منازع
Author: abuguta
Date: 08-29-2007, 06:13 AM
Parent: #7
| Quote: tuz ... TUZ MILI7 TURKY BAS.... AAAAH |
malamih
اكيد كلامك جميل
نشكرك على ذلك
|
Post: #8
Title: Re: الهلال هو زعيم البورد..من غير منازع
Author: abas
Date: 08-29-2007, 05:27 AM
Parent: #1
قاهر الابطال
ودافن الرجال
معزب العزال
كاوي القلوب
حراق الحشي
محير الفسيخاب
|
Post: #12
Title: Re: الهلال هو زعيم البورد..من غير منازع
Author: abuguta
Date: 08-29-2007, 06:21 AM
Parent: #8
عباس عباس اذ احتدم الوغى
دى اسم جننو جن
باقى لى دايرلو شرح
|
Post: #9
Title: Re: الهلال هو زعيم البورد..من غير منازع
Author: هشام المجمر
Date: 08-29-2007, 05:31 AM
Parent: #1
الغريبة يا ابوقوتة
ما فرحة الهلالاب
الغريبة
المطرة بتاعت الاحد
صبت على الاهلى
لكنها طلعت ليهاعقارب سامة من جحورها
جاهزة للدغ
و حسع شغالة شمال ويمين
اعملوا حسابكم
|
Post: #14
Title: Re: الهلال هو زعيم البورد..من غير منازع
Author: abuguta
Date: 08-29-2007, 06:35 AM
Parent: #10
ناصر موسى
سلام
والله صدقنى لو لا الحزن الذى داهمنا
بموت كروان الجبل ابو الخل
لما دخلت بوست غير بوستات الهلال
استمتع بالمتعة مع سيد البلد
وانسى السياسة
انسى التجارة
انسى الغربة
انسى الحقد
اذا نفسك لا تحمل بداخلها جمالا
فما اظنك سترى انتصارات الهلالا
ودمت
|
Post: #13
Title: Re: الهلال هو زعيم البورد..من غير منازع
Author: abuguta
Date: 08-29-2007, 06:29 AM
Parent: #9
مجمر
قلت لى الجحور اتملت موية
والعقارب طلعت
سوف نبيدها سوف نبيدها
استعمل تجتوج ذو القوة الثلاثة
مرة مرتين ثلاثة
لكن ناسك ديل يوم 2/9 لو غلبنا
الترجى انا بعلن فوزنا بالكاس
طبعا حيكون كاس ارض ارض
ودا اول مرة يدخل السودان
بس خليك معنا وراجعين
2 سبتمبر مش بعيد
شكرا مجمر
|
Post: #15
Title: Re: الهلال هو زعيم البورد..من غير منازع
Author: Ashraf El Bagir
Date: 08-29-2007, 06:57 AM
Parent: #13
فوق فوق هلالنا فوق
|
Post: #16
Title: Re: الهلال هو زعيم البورد..من غير منازع
Author: abuguta
Date: 08-29-2007, 01:28 PM
Parent: #15
شكرا اشرف
على المرور
كدى شوف الكبسولة دى
اساسى اخوى
ياخى لو عملت بوست لناس سنة اولى زواج لعمت الفائدة, اواخر فى تسكيت الصغيرات الباكيات كان طلعت الاول ,او اضافة وصفات اعشاب لعلاج الصغار الرضع فى كيفية استعمال اليانسون وماء غريب وعلاج التطريش كان طلعت الاول...
لكن طرقت ليك مجال انت فيه nill,,,لا تعرف تشجع الاهلى ابقوتة فضلا عن المريخ هازم الدولفين ومدحور كورارا العوارا,,او الاهلى بطل القرن الذى مات ودفن
بوستاتك الفوق دى هى سبب نصر الهلال كلما رايت لك بوستا فى الكرة ايقنت ان ابو الهل منتصر لا محالة ,,,
بس الموضوع الاهم هو,,,كتابتك الشترا فى الكرة وتشجيعك اللعوج فييها ,,مما بعث روح النضال النتن فى زمرة ناس فاكنها فى انفسهم على انهم صحفين وهم عمال كوبى بيست اطلقو على انفسهم صحفيون رياضيون,,,فهم فى وادى والصحافة فى وادى والرياضة فى وادى اخر, ديل انطلقو من قاعدة تسمى اساسى,,,كيف زول زى اساسى مابفهم فى الكرة ام دلق ,كيف لهذا الوغد الوليد ان يتجراء على زعيم الكرة وسيد البلد ويكتب بشجاعة لا خوف فيها من بعبع ولا بعاتى,,,مما حداهم وشجعهم ياتون من كل حدب وصوب زرافات ووحدانا, منهم من معلق فى البروفى فايل صورة اسد,,واخر ملعلق ليه صورة فنان مرموق,,ومتصابى مرة بطاقة عضوية ومرة صورة سلام ميت,واخر دارع ليه وجه لاعب عجوز ,واخر كل مطرة صابى اسمو قريب من كدا بالله ,,,اها ديل صحفين رياضيون يشيعون فى دفن الكرة السودانية فى شخص سيد البلد,,وسيدها ماشى وهم يعوون
اسى بقولها ليكم بصراحة من الان احضرو ليكم نايحات وثكالى , لحضور الفاينال فى قلعة الاقمار الكاس دا حقنا حقنا وابو الهل دا بطل افريقيا وسوف نلعب فى اليابان وسوف ناتى ثالث المجموعة وسوف نسمى سيد البلد وقتها سيد افريقيا,,اها موتو بكمدكم وحقدكم وخليكم مع ناس قطن ومحالج وشلف وخلف , عوارا وكوارا ودلفين ودرفين,,
وسوف يتكرم عليكم الزعيم وينقلكم من عالم الوصفاء الى عالم الابطال ..شفتو الزعامة مفعولها يسرى فيكم على رقم حقدكم..هنا تتجلى قدرة سيد البلد,,ووقتها كلكم تاتون صاغرون بركاتك يازعيم
اها
فتكم عافية يا صحفيين البورد
ابو لدن
صحفى رياضى
|
Post: #17
Title: Re: الهلال هو زعيم البورد..من غير منازع
Author: عامر تيتاوى
Date: 08-29-2007, 01:54 PM
abuguta
الصديق
الله يديم عليك حب الهلال
الهلااااااااااااااااال
|
|