توقــــف؟؟؟...هـــــــلال .....الحيــــــــاة

اخوتى
سـلام
على الرغم من مريخيتى المؤقتة


سابدا مقالى هذا بكلام جميل للهلالى نذار حسين يوم مباراة الاهلى فى قلعة الاقمار


أسياد البلد والعرضة شيتا هيلنا
حتي لبسنا سويناهو زي لون نيلنا

ما شفتونا يوم الحضري اكلو نجيلنا
وابوتريكة بصق التوبة عند تسجيلنا


بلحيل حضرتها يا ابو قوتة ومن المقصورة...ولا هسي ما شفت قون كرنقو..
شفت ...الحضري منبرش وبس...وشميت ريحة حريق العمم...

ديك كان اسمها ذات القنابل..( وبكون المصري قال: يا خبر اسويد)

انا غايتو مكتفي لا سنة 2020 كان الله مدّ في الاجل...تاني الهلال دا كان
غلبوه عشرين صفر...حا يبقي ياهو الهلال بتاع التلاتة ورقصة العرضة..

يا رجل كمية الفرح الفرحوها السودانيين...هلالابهم علي مريخابهم
يشهد الله في الاستقلال ما فرحوها...

عااااادي تمشي السوق الشعبي تلقي محلات توزع في بيبسي وشالات وعمم
وعااااااااااادي تمشي مطعم وتأكل علي حساب الحضري...

وعاااااااااادي يجيك كيس لحم...

مقال لكاتب عربى مصرى ..استدل به من مقال لكاتب سودانى

عندما ينتصر الهلال يسعد جماهيره وتتفتح الأزاهير وتغرد العصافير ويسود السلام الاجتماعي في أنحاء الوطن، وتختفي الخلافات الزوجية والمشاكل الأسرية والصراعات الاجتماعية والغيرة المهنية والاحتكاكات والمشاجرات، ويصحو الناس مبكرين ويذهبون إلى مكاتبهم وأعمالهم ومصانعهم لأداء أعمالهم بنفوس منشرحة، فيرتفع الإنتاج ويتحسن الاقتصاد ويتحقق الرخاء والازدهار اللذين ظل الشعب السوداني يبحث عنهما منذ أن نال استقلاله قبل 50 عاماً•• واختتم مقاله بتمني انتصار الهلال على الدوام لتحقيق السلام والوئام الذي يدفع السودان إلى الأمام!!

اسياد البلد .. والعرضة نحن اسيادا
ذايدين في اللعب نار في القلب وقادا
بنروضها المجنونة.. زندية او بمرادا
مريخنا العظيم تاج الملوك والسادا



ازيك يا ابوقوته

سقت هذه الادلة وانا اقلب طرفى فى جميع نواحى الحياة فقد رايتها بمنظور غيرى توقفت وشكلت تماما..
حركة الناس , العربات <,السوق المبيعات ,الاكل الشرب,,الشمس القمر ,اليليل النهار
النيل ,وصوت السواقى,العصافير والشقشقة ,الريح والدوى ,,كل هذه المعطيات اراها قد توقفت تماما
سالت ابنى عمى المريخابى المتعصب ,,وهو تاجر عطور له بوتيك فى سعد قشرة,,كيف السوق وحركة العيد معاكم والموسم المنتظر,,فقال لى بالحرف الواحد,ان السوق قد اصابه كساد بخروج الهلال من البطولة كل شىء بقى مسيخ فى حلوق الناس , قد مات الفرح وغابت تلك المدخة المخصصة للفرح,,بخروج هذا المارد الجبار , افريقيا كلها سوف يصيبها كساد,,,وقد صدق هذا الشاب وانا احوم فى شارع غبيرا , ارى تماما خلو المحلات من النساء والزبائن السودانين على الرقم قدوم العيد واخر الشهر,,

فتحت الغناة الرابعة من art ليلة امس لكى اشاهد مباراة الاهلى والاتحاد فمكثت فى المشاهدة دقيقة واحدة لانها صارت لا تعنى لى شىء ,,سالت احد المصارى الاهلالوين كيف شعورك والهلال يودع البطولة
فقال لى وهو رجل غير مجامل ولا يساوم على اهلاويته,,,ان البطولة فقدت نكهتها وملحها بخروج الهلال

Quote: ازيك يا ابوقوته

وليد شفت ظلم الحكم

التسوى كريت تلقى فى القرض

نتمنى للمريخ الفوز,,,لكن الحجز موجود فى التونسية
قالو كاس محمولة جوا...دى الكاس الممكن نحسبها ليكم

Quote: دى الكاس الممكن نحسبها ليكم

حبيبنا اب قوته

اذا فلتستعد لقطعت لسانك وبلعه


بنجيبوا الكاس ده

Quote: حبيبنا اب قوته اذا فلتستعد لقطعت لسانك وبلعه بنجيبوا الكاس ده

وليد وقتها سوف اصير مريخابى حقيقى
لكن المريخ مستمد قوته من الهلال..خروجة مجرد وقت
انظر الى الاداء الباهت الذى قدمه ليلة امس خارج ارضه
لو لا النيجرين انفسهم لخرج المريخ بالعشرة
جون نتالى ينطط زى حمل الخريف تقول ساكى ليه كيس
كل مرة مخلى الكرة وراه...

البطل الوحيد فى ملحمة امس هو باء الدين
لكنه عليه شهرين متتالين,,لانه افطر عمدا

نعم كان الحزن كبيرا..
لكن يجب علينا أن نتذكر أن الهلال أفرحنا كثيرا..
كما يجب أن نتذكر إن المستقبل أمامنا في المرات القادمة..
ويجب ألا نفقد تركيزنا بخروجنا من البطولة..
وأخشى ما أخشاه أن نبدأ بخسارة النقاط في مسيرة الدوري الممتاز بسبب هذا الحزن..
ويجب نحافظ على موقعنا في الدوري الممتاز حتى يتسنى لنا المشاركة في نفس البطولة (أبطال أفريقيا) ليظل هذا موقعنا دائما

Quote: نعم كان الحزن كبيرا.. لكن يجب علينا أن نتذكر أن الهلال أفرحنا كثيرا

سامى عبد الوهاب الهلالابى

حزن لا ينسى ربما يوثر فى كل شىء,,,المدرب هو سبب الخروج
بخططته التى افقدته لاعب حماسى من الربع ساعة الاول

ابقوتة اللذيذ دا كلام شنو دا ياخوي ..

Quote: اخوتى سـلام على الرغم من مريخيتى المؤقتة

Quote: ابقوتة اللذيذ دا كلام شنو دا ياخوي ..

طلحة

سالو هنيرى مهاجم برشلونا ليه تركت الارسنال,,قال اريد فريق بطولات
لذا انا بشجع فريق بطولات,,مش بطولات ليلة واحدة ولا كاس حمام ميت
لو المريخ شال الكاس سوف اشجعه للابد...لكن خروجة مرجد وقت
الا يكون النهائى فى ام درمان والحكم افريقى,,والوالى قاعد
لكن غير كدا احجزو فى اتونسية من الان

يا ابوقوته اخوي
مسكاقمي
انت كنت فين يوم افطار بورداب الرياض
غايتو انت هلالابي حلو

كان كده يا ابقوته الحق خيط ليك جلابية حمرا فيها نجوم صفر

ومرحب بيك في دنيا المريخ


والكاس كاسنا ونحن اهلو بنستاهلو



بالمناسبة الامبارح ده كان درس في الرجال من رجال المريخ للهلالاب

معقولة كورة توديك للكاس يطيروكم منها

امبارح
رغم التحكيم
ورغم الجمهور المنفعل لقتل جنوده في دارفور
ورغم اللعب الساعة 2 ضهر
ورغم الصيام


بعد ده كلو قلعوا التاهل رجاااااااااااااااااااااله

Quote: يا ابوقوته اخوي مسكاقمي انت كنت فين يوم افطار بورداب الرياض غايتو انت هلالابي حلو

عمو حمزاوى
كنت مخطط اجى...لكن بنتى كانت عندها مواعيد مع دكتور اطفال
من الصعب التفريط فى حجزه,,,
لكن قاعد اقابل كل الشلة فى مطعم الريم ,,بما فيهم الموج
بس من بعيد لبعيد
ودى لك