مطلوب التضامن مع,,, وووارقو...ما لايعرفه الرياضيون عنه

استيفن وارقو,,,ود خالة مريم كما يسموه اقارنه اولاد كمبو عيسى هو من ذلك الكمبو الذى يقع على بعد 90 كيلو من مدينة كانو النيجرية عاصمة الشريف,كما يحلو لمريدها , فشب ذلك الورع على اللعب بالتبش والبطيخ والحنضل,,الذى كانت تزرعه عائلته فى قنطرة المصرف الذى ينحدر من نهر النيجر,,,
كل هذه المعلومات عن اخذتها من حاجة حواء ام سانى, تسكن فى حى جبرون ابقوتة,,ام سانى هى خالة وارقو هاجرت الى منطقتنا فى الخمسنات وسكنت هنالك ,امراة شريفة ومكافحة ربت ابنائها التسعة من عرق جبينها,وهى لها علاقة حميمة مع الست والدتى كانت تسكن جوارنا وتشاطر والدتى فى جبنة الضحى وهى مشهور بنغمات الفندك,,حين تطحن البن والويكة واللوبيا,,
فاستقبلت ام سانى اتصالا هاتفيا من اختهامريم ان ابنها الصغير استيفن قد سجله فريق مشهور فى السودان ,فردت عليها نهنا فى الابقوتا
وهى زى كمبو ايسى من الخرتوم,,واستغربت كيف ياتى ابن اختها وهى لم تعرف به,,فستعانت بادريس اخوى الصغير ولحسن حظها ان ادريس مريخابى متعصب,,فاتى لها بالصورة ,من الدم عرفت انه ابن اختها,,فقالت لادريس لازم تلمنى فيه,فذهب اخوى المريخى المتعصب ومعه حاجة حواء
لامدرمان يوم التمرين,,فقابلته خالته وسلمت عليه وحضنته ووعدها انه لو طاب بيه المقام سياتى لا بقوتة

يتبع

[red]
ود حاجة مريم, استطاع ان يشترى له قطعة ارض فى مدينة كانو من ذلك المبلغ الذى جناه من فريق المريخ,,والباقى سملو للوالدة عشان يساعدها فى متعرجات الحياة الصعبة فى نيجريا ,,والله اختى مريم مفروض تجى تسكن مانا هنا فى الابقوتا ما دام ولدها الحتالة اشتغل مع ناس فريف مريخ وانا اعرس ليه بنتى فاطنةالحمراء هكذا تحكى حاجة حواء فى جلسات الجبنة مع الست والدتى,,

فمستقبل وارقو مع المريخ فى خطر,,لانه تسجيله من الوالى بمبلغ خارفى يستطيع بذلك المبلغ ان يشترى مشروع الجزيرة بما فيه حواشة والده.ثم يصبح الامر الناهى فى ذلك المشروع الخرافى ه,لكنه فضل العمل الرياضى فى النادى الراقى, وتبنى نادى عظيم كالمريخ , لكن كل الدلائل والمحللات والمشاطين والوداعيات تشير الاى ان الصفقة فاشلة, فان المدعو وارقو لم يحقق التارقت,,,مما يهدد مستقبله ومما يزيد الضغط على والدتى التى كثيرا ما تستقطع من زمن العواسة لسماع حاجة حواء التى ليس لها ونسة حاليا غير ابن اختها الذى يشتغل مع المريخ

ناس ابقوته سلام

والله كلامك صحيح الى الان ووووارررررررررقو ده ماعمل حاجة لكن على حسب كلام الناس قالوا ده بيظهر في لحظات العصر والضغط

الشديييد زاتو . الغريبة عندنا واحد قال وارقو هو ود اخته لانو دائما بيسافر الى بلده وبيعرفه اصلا والايام دي شد الرحيل

الى الخرتوم عشان يسكن معاه

Quote: عرق جبينها

والله يا ناس ابوقوته بختكم حقكم عرق جبين
بتاع المحلات التانية عيش

جمال هبانى
وينك ياجميل شنو ياجماعة تركتو الرياض كلكم ولا شنو,,,

خالتو دى بصدع بامى لو ما جاب حقو فى الدورى,,,

اخر كلام للوالى ان هذا اللاعب ممكن ان يغطى فى خمسة مبارات اها اسى الباقى ليه مباراة واحدة
والباقى كلو ربح للنادى

تسلم

Quote: والله يا ناس ابوقوته بختكم حقكم عرق جبين بتاع المحلات التانية عيش

الخال ...كلامى دا للرشاشات فقط,,فى مباراة اليوم لابد من ان يفتح له
حتى يسجل ثلاثة اهداف,,تضامنا مع ولدنا


لكن هيثم دا بخلى زول يجيب قون,,,ولا كوارزما ,,انا اشك فى انه مهاجم
ياخى دا افسد جميع تحركات المريخ الهجومية,,,

تسلم