خستكات جنوبيين في الشمال...

خستكات جنوبيين في الشمال

سلام تاكم يا ناس تا سودانيزاولاين...
دا اول بوست لى معاكم هنا ...
أها عاوز احكى ليكم بعض المحن و الشقاوى التى تواجه الاخوة الجنوبين (على غرار الاشقاء المصرين ,كما جرت العادة على لسان الفريق القومى السودان) فى شمال السودان...وهى من جنس المحن و الطرائف المضحكة والمحزنة فى الوقت نفسه .
لكن ما يا هو واقعنا بقى فيهو شنو غير الضحك فى صيوان بيت البكاء السياسى و الاجتماعى والرياضى الذى تاسس عام1956 فى مقرن النيلين—الابيض والازرق—شفتو القرن بين الابيض والازرق دا كيف...تقولي شنو ومنو ...؟ والمويه مخلوطه ابيض بالازرق-زى العنب والتين-غايتو الله غالب.
هو صحى ليه مافى زول فكر يفصل النيلين ديل ولا ما قابلة للتفاوض دي...؟؟ شايفين الفياقه ممكن تودى لى وين من التفكير-فى زمن التكفير والهجره...؟.آآآآآه انسى يامان.
هاكم الونسة دى -و شر البلاوى مايضحك كان ضحكتم-.
يازول كنا مرة مجموعه من اولاد مونج فى حفله(زاايكو)فى اركويت —وكت الجالدونق شيخ الترابى داقى النقاره حقت المشروع القال حضارى داك- وفى عز الهجيج والطرب,جى بوكس مليان جماعه لابسين ملكى وشالين كلاشنكوفات فى كتوفهم ونزلو ليك قالو عاوزين يطرشقو الحفله.وكان فى سكرتير جامد اسمو جالشم-وجالشم عندنا فى للغه الشلك اسم يطلق على الرجل الاكول,انتو بتسمو اشعب مش...؟،المهم جالشم قال ليهم عاوزين شنو يا ناس انتو...؟
قالوا ليهو انت ماعارف انحنا ناس منو...؟
قال ليهم ماتشرفت بيكم لسه...
قام واحد -شكلو الضابط- مدى ليه البطاقه -الكارنيه-.
صاحبك عاين للكارنيه كويييييس ورجعوا للضابط وقال ليهو والله اتشرفنا يامعلم...لكن نكون واضحين ياجك الدخول هنا بى كرت مابى بطاقة اوكى ...وفى ناس جوا هنا عقيد وعميد وللواء كمان؛اي واحد لما دخل دخل بى كرت مابى كارنيه كويس معاك....؟احسن تشتت قبل ما اطلع ليك كارنيه بتاى واوريك حركات جيش هنا للصباح ياملكيه انتو ومافارق معاي اللقوويا – الجكسوية للماعارفين- بتاى المعفنه ظاتو ماجا الحفله.والله نونسكم ونسه لمن تعرفو حاجه.
مره تانيه برضو كنا ضاربين شم النسيم فى القرين فلج ونفس نوع الناس المتخصصين فى طرشيق الحفلات جونا هناك يا عمك..........قالوا عاوزين تصريح الحفله والجماعه عارفين ممكن تحصل خستكه من النوع دا فكانوا جاهزين يا عبد وطلعوا ليهم التصريح وكدا...
يقوم واحد فيهم يقول خلاص طيب طلعوا لينا بناتنا الجوه الحفله معاكم هنا.
يقوم جون دى—اظرف زول الله خلقوا فى الحفله-ويسالهم ياناس ياتو بنات بتاكم هنا معانا...؟
قام الظابط قال ليه اى بت احمر فى الحفله هنا تتطلع بره ..!!
قام جون دي قال للبنات الشكل منقة اطلعوا بره الحفله امشوا معاهم ... ياعبد البنات دقو ا ليهم جنس جرس لمن دورها معاهم بلنجات وهوكات زى السم والعبيد الكبار واقفين يكشفوا ساى - زمان لو كان ختيتو الرحمن فى قلبكم واشتغلتوا صاح مع العبيد ديل كان زمان انتهينا من وهمت المشاريع الحضارويه-المرقتنا فى سقط لقط.
وفى يوم كان الجالدونق لام اكول شغال ندوه فى قاعه الشارقه بمزااااااج عن التعدد - السخافى والاسكافى — وجنس الكلام بتاع الناس العاوزين يقعدوا فى الخرتوم الانتو عارفنه داك- اها بدت فرص النخاش- عفواً النقاش- لمن توجد لديهم مواصلات بعد العرض ومن ذو الوزن الثقيل حملت - الديك توراة- الغير مطعون فى نسسبها العلمى ومافيها عرق ولو دساس - حسب دكتور يوسف فضل قال مابدى اى فرصه نقاش لزول قاعد يكسر فى الكتب تحت النيم والحصحاص جمب الآفرويشن ---هو ياجماعه الناس الافروو.وكمان ايشان ديل ناس منو فى السودان... ؟ سؤال لله دي على وزن اطلبوا العلم ولو فى الشين...
المهم قامو ادو الفرص لعمك ابو عمه- تقول لترباس اقيف طرف- ,وقال لي لام اكول انا والله نفسى اعرف موت ليه انتو الجنوبيين ديل بتتكلموا بالانجليزى فى اى حته نلقاكم فيها...؟
وكان لام بتكلم بالعربى لكن وكت تروح عليهو كلمه بالعربى بقولها بالانجليزى-زى الفادريشن والكونفادريشن والراندوك الفيهو ايشن بتاع الجماعة الفاهمين داك يا جن...
المهم لام اكول قاليهو ياخ فى الكلام السمح القلناهو دا كلوا مالقيت ليك فيهو اييييي حاجه كويس ولا انت ما فهمته اننيينا قولنا شنو....؟
طيب اوكى نجاوب ليك—اصلا نحنا مارقين للغلاط بتاع انفصالى ولاما انفصالى وانت ضد العرب ولا لا؟ ... لكن شوف ياخونا انا دخلت المدرسة الاوسطى- يا اوسطى- فى ملكال والثانوى فى الخرتوم وجامعه الخرتوم- كليه هندسه- والله العظيم مافى خواجه درسنى ،الناس العلمونى الانجليزى كلهم دا شماليين عرب - ولا شنو يادكتور يوسف فضل كان فى خواجات بدرسونا...؟ ودكتور يوسف دا ظااتتو عندو كتاب كبير اسمو(العرب في السودانthe arab in sudan ) و مكتوب بالانجليزى حصل يوم قلتوا ليه يكتب بالانجليزى ما بالعربى...؟ والله جنس مشاكل...،
طيب فرصه تانيه تكون فى الموضوع حق الندوه...
وخش واحد قال ليهو ... يأخ يادكتور لام الناس بقولوا الجنوبيين عاوزين يفتحو البارات فى الخرتوم تانى من جديد ،وانحنا ابدا لايمكن ان نسمح بى كلام زى دا تانى فى الخرتوم انشاء الله.
اها د.لام قال ليهم...اوكى مافى مشكله لكن انتظر لحدى ما ننتهى وبعدين ارح معاى البيت -وناس التلفزيون كان دايرين- علشان اوريكم الشريط حق مفاوضات بتاع كوكادام وعلشان تشفوا لما جا وكت الاستراحه ناس منو شربو ببسسى وناس منو شربو ويسكى... ؟
وبعد الندوه اتكلم معاى الدكتور لام وقال لى شفت يا جااال - معناها ياراجل بالشلك- شفته الناس ديل ماجادين كيف... ؟
وقلت ليه شفته ياجالدونق- لكن يا دكتور الناس ديل ما عندهم مثل بقول ( السكران فى زمه الواعى) انت ما عارفوا و لاشنو...؟ علشان كدا كل المفاواضات مطرشقه- وتكون فى زمتكم كمان يا اهل الزمه.
وفى زمتكم السودان ما بلد يخلى اى واحد عندو زمه يقوم جارى منو سيجا وكدارى كان لقى ليه طريقه...؟
وقلت لي لام يا دكتور تانى احسن حاجه تعملوها لما يكون عندكم كلام علمى حقو تكتبوا يافطه بره الباب(عندنا كلام علمى جوه وبعدين يكون فى علمكم مافى فرصه ولارووب ظاتوو) والعاوز يرطب تلاته ساعات فى المكيف اهلا وسهلا واما عاوز يركب ظلط شارع الجامعه الاتجاه واحد ويستمتع بالحردلو-الشمش- زى ما الله عايز.
ولى قدام لو الكلام نفع معاكم ولذيذ ممكن نواصل بعد الإعلانات ...

اها يا دينق شيبببببباك ...
انا جايك فى بوست ضرورات الانفصال لانو انت قلت كلام مهم فيه لكن المثقفين دسوا الكلام المهم وعملوا ياااع منو علشان الوحده الجذابه البقولو فيه الناس العاوزين يركلسو فى الخرتوم - طبعا كان زمان فى ناس بيجو لمحل قدره الفول ويطلبوا عشره عيش ومويه جبنه ومويه فول وصلح الزيت والبصل والجرجير .هسي جانى خبرهم قالوا بقوا يمشوا الخرتوم اتنين جمب المطار.....ويطلبو عشره جداد وواحد عيش يامونج ... ؟ ارفع البست دا بجيك فيه واخوك جاى لابس لاووا وكمان شايل الدرقه و التونق - الكوكاب بالعربى للماعندهم دكشنري الثقافات القاعدين يتكلموا عنها دي والشكلنا كدا لو اهلنا لو مقلبونا وصوتوا للوحده الجذابة دي حنستمر نترجم ونشرح ونوضح لمن نفوت ليك ابن كثير ظاتو- وندق ليهم نقاره زى العجب ونشوف منو الماعاوز يرقص ويقعد فراجه وكمان يقول ورونى العدو,و لا الجماعه البقولو لابد ولابد ولابد وبعداك يمشو لابدين خاصه زولك بتاع واشنطن العامل فيها متخصص حركه شعبيه كمان.قول ليه يا جك الاتكال مضر بالصحه اسآل اى طبيب نفسى، اسمع الايميل الاديتني ليهو فشانك ولا شنو ... كل مرة ارسل ليك يعمل لي تكس راجع...؟ )
و نواصل فى النكت...واحد وزير جنوبى ايامات شيخ الترابى كتب الدستور حقو الفيه كلمه(التوالى السياسى) يا عبيد طبعاً كلمه التوالى السياسى جننت ناس الحنك القانونى والدستورى وكل يوم ندوه ورا ندوه وهاك يا شرح وتفاسير، وخلت ليك الجماعه ينكوتو فى الكتب المن سنه دوو—اللحدي هسي فى ناس بقروها علشان بلدنا تكون سمن وعسل- لمن امنوا وكان فى ندوه فى الجامعه عن كلمه التوالى بس ، والعربى دور دور- والجو كيف سخن- قام الوزير الجنوبى شال المكرفون وقال ياناس انتو ما شايفين السخانه دا كيف ... ؟كلمه واحد بس يسخن بطايوقكم ذى دا ... ؟ ياخ اسمعوا الكلمه دا لما انا كنت مع شيخ حسن فى البيت بتاعوا انا سالتو فيس تو فيس, وهو ماكضب لى وقال ياشخينا لو اى زول سالك عن التوالى قوليهو(معناتو تعال طوالى).جماعه الحنك طوالى قبلوا على الميتات الفى التربيزة – البلح والفول المدمس والبيبسي الساااااااااااااقط - وكفى الله المؤمنين شر القتال .
جدعة كدا قبل مع السلامة ، عندي صاحبي كادر خطابي في الجبهة الافريقية بالجامعة الأهلية كان عايز يعرس ليهو بت وزير جنوبي – هو طبععا كان ياهو قاعد زينا كدا شغال واعظ بتاع تعددية ثقافية – اها يوم كدا قال لي يا مونج ياخ البت دا سمعتا في واحد كدا من امريكا قال دايروا وعندو جورج جامد ، اها اخوك يعمل شنو هسي يا مونج ...؟
المهم قلت ليهم يا بنج حاول جازف واتخارج امشي احي حتة علي الاقل شكلك يكون سياحي قدام ابو البت وانتا براك شايف الجالدونق دا كل يوم بجيبوهو في التلفزيون ، المهم قال ليه امشي يا اخوي ياخ تلفزيون بتاع شنو وكلام فارغ بتاع شنو ، ياااااااااااااخي تلفزيون دا زول رايح ساكت بجيبو فيهو تجي تقول لي تلفزيون.... كان دا السبب خلي بت دا يشيلوا ذاتو ، وكلاص ...
اها يا جماعة – الشباب الجنوبيين الموجودين هنا واخوانهم في الوطن – اي زول عندو اي خستكات حقة حنوبيين في الخرطوم يورينا ليها بالله لأنو فاضل سنتين تلاتة كدا للإستفتاء وتقرير المصير والحاجات شكلها كدا انو قطر السودان دا حيتفرتق حتة حتة لكن المشكلة منو الحيفضل عشان يقول تسلم ليا انت...؟ المهم دي دعوة للجميع وعلي حسب تعريف التوالي تعالوا طوالي .
دي بس المناظر والألذا جاي ورا ... والماعندو حاجة يساعدنا بالدفرة وليكم الأجر عند المقدرة و – العاقبة عندكم في المسرات- وكدا
ونواصل نوريكم كيف الجنوبين كانوا بى بيبيضوا ليك بالمشاريع الحضارويه...

يا معاين من الشباك ....
ما تجي باالباب عديل ، ما قلنا الموضوع علي وزن التوالي ...
اوكي نواصل ...
مرة في رمضان عندي صحباني كدا ما شايفهم هسة كانوا بذكروني مرة في السنة ، اللي هي في رمضان ، مشينا بيت نابول وهي بتعمل الفطور للغداء للمعمال والجنوبيين والاخوان الفاطرين في سوق سعد قشرة ، بتمشي كل سنة المجلس تتطلع رخصة عشان تعمل الاكل لغير الصايمن - او اللذين لا يطيقونه من اصحابه اللبراليين والعلمانيين والديمقراطيين البجو شايلين حبوب الضغط والمضادات الحيوية والرشتة قدر الضربة ويخوتوها في التربيزة قدااام عشان الشماراتية الصايمين ما بخللوا الناس تاكل كويس ، المهم دي زي علي مرض وسفر والدليل قدامكم، اها عربية الكشة جات رفعوا ليك اي زول بضرب في الكمونية والشطط و(المرارات)دي نجيها مرة تاني- اها قالوا لي نابول كيف تعملي اكل بالنهار في رمضان انتي ماعارفة الكلام دا ممنوع المهم قالت ليهم انا عندي رخصة من المجلس عشان نعمل فطور وغداء للجنوبيين الشغالين في السوق ديل، اها قام عاين كدا وقال ليها اها عرفنا عندك رخصة لكن اولاد العرب ديل الدخلهم عندك هنا شنو....؟قالت ليهم والله جوه مع اخوانهم الجنوبيين ديل ، قالوا ليها اسمع اكلك دا تعمليهو للجنوبيين بس لو جاك اي واحد هنا من عرب سعد قشرة ديل تطرديهو طوالي ، اها الحاجة عاينت ليه كداااااااااااااا وقالت ليهو يا ولدي دا هسي كلام زول ضابط وعندو دبورة كمان ، في لاسودان دا في زول بدوق بابك يقول داير اكل وانت تقول تطردوا كيف يعني...؟ اها يا جماعة انتو بتقولوا عايزين وحدة في بلد دي ، لكن وحدة دي تجي كيف كان انت تقول لي اطردوا من بيت،
المهم الجماعة ما نفع الكلام معاهم وشالوا الجماعة ودوهم ليك المحكمة ، كان القاضي شكلوا كدا رمضان متلتلوا وما قادر يخت ليهو سفة بالجمبة قال لي الجماعة الناس ديل مالهم ... قالوا ليهو لقيناهم فاطرين وبياكلوا في رمضان اها القاضي قال ليهم والله انا ما عندي مادة في القانون دا احاسب بيها الفاطرين في رمضان ، كان لقيتوهم بتلككوا وبتسكعوا معليش ، امشوا بالله فكوا الناس ديل،خليهم يمشوا،
اها رمضان دا حكاياتو كتيرة، شوفوا الكنايس دي بتتحول من دور للعبادة لي مطاعم في رمضان، وتقولوا لي الوحدة الجذابة، الموضوع دا داير فلفلة تقيلة واخير نبدا من هسي والكلام دا فيهو قريص زي قرصة النملة ام ريش ، يا اب ريش
ولسه معاكم ...بنمشي معاكم كل الدروب الممكنة

سلام يا محسن طه

انت دحين ما زول الاهلية

الجماعة بكونوا شايفين اسم بتاعك تااا مندكورو ملاوزين منك

استمتعنا بكتابتك المبدعة

الاخ العزيز محمد طه لك السلام ومرحبآ بك فى ميدان الكلمة والضمير

ده الكلام انت مالك ياخى جيع مولعه نار كدا







اكوى

احكينا كمان عن شماليين في الجنوب بعد نيفاشا!!!
سلام بتاعك

الاخ محسن طه منور المنبر


ويا اكوي محسن طه ده شلكاوي اصلي الا اسم بتاع مندكورو ده عامل له جهجه شويه ليه

Quote: الاخ العزيز محمد طه لك السلام ومرحبآ بك فى ميدان الكلمة والضمير ده الكلام انت مالك ياخى جيع مولعه نار كدا

تخريمه:
يا محسن انصحك بالتوقيع( بلاكو) بنهاية كل مداخلة لحد ما تحفظ ناس المنبر اسمك الحقيقي.

جوك بيونق

دائماً تذكرني بالطيب مصطفى حق الإنتباهة كلاكما( متطرف) كلاكما يغذي نيران الأحقاد , كلاكما ينفخ في بوق الفرقة .

يندر أن تكون لك مداخلة ليس فيها عنصرية أو جهوية.

الله يشفيك ياود العم وتحب إنسان السودان سواء كان من شمال الوطن أو جنوبه.

لاكو
شنو يا جك، المهم مستمتعين واصل وما تقيف

الصادق

Quote: جوك بيونق دائماً تذكرني بالطيب مصطفى حق الإنتباهة كلاكما( متطرف) كلاكما يغذي نيران الأحقاد , كلاكما ينفخ في بوق الفرقة . يندر أن تكون لك مداخلة ليس فيها عنصرية أو جهوية. الله يشفيك ياود العم وتحب إنسان السودان سواء كان من شمال الوطن أو جنوبه.

أزهري
لست عنصري بل ارد العنصرية بالعنصرية والبادي اظلم!!!
ما بينفع في السودان غير رد العنصرية بالعنصرية لان العنصرية ساكنة
في كل السودانيين ولك ان تعطني العكس..
جوك
أبيي

مرحبا بالاخ والعضو الجديد محسن طه.


دينق.

ايوا الفى الباب حبابكم.
الاخ معروف سلام تاك يا بنج...
يا هو انا زاتو بتاع الاهليه-ياسلام الاهليه مالك يابنج مذكرنا ليها ياخ...؟
الاهليه جينا قلنا نقرا تلاته سنين قعدنا تمنية سنين زى العجب وانت عارف كنا شغالين شنو

وبعد دا كلوا والله كلامنا طلع فشنك ساكت شايف كيف ....
مره لقيت واحد سودانى هنا فى بلدنا البان جديد دى ...هو من كوبر اتونسنا تمام اها صاحبك طلع من الاهليه وكمان ناقش انواانا كنتا ركانى...
اها هو كان خاشى الانترفيو بعد يومين وقال عاوز معلومات عن دارفور قلت ليه اوكى يا اصلى مافى عوجه.وسالتوا ليك كدى انت رايك شنو فى الدشمان الفى دارفور المولع هسي دا ...؟
.يا معروف اسكت ساكت قال لى كلام والله صلاح قوش لو سمعوا يستغرب منو.المهم قلت ليه موضوع دارفور دا انساهو عليك الله ولو سالوك ناس الهجره قول ليهم انا كونتا بتاع عرقى فى السودان دى المشكله حقتى...
يازول انحنا فى الاهليه تمنية سنين نفخ فى قربة مقدودة ساااااكت ...لكن برضو بعد دا كلوا عندى امل فى بكره...
لكن قلت لى اسمى مضلل الجماعه علشان بتا مندوكوات وكدا وملاوزين منو....؟
اها شفتا انا الاسم عاجبنى استفدتا منو وخلانى اعرف حاجات اصلو ماكان حا انقشا ليك لومااسمى دا لكن هنا برضو جايب لى الخستكه مع الامركان بس علشان الاسم وانت عارف الضب الكبير قبل ما يمشى يندس فى جبال تورابورا كان قاعد يضرب البيرة البدون كحول مع ناس المشروع الحضارى فى فندق المريديان بالخرتوم.لكن قبل ما اغيرو خلونى احكى القصص حقت الاسمدا (بعدين لقدام ما هسه)...
وشكرا على المشاركه.

الحبيب محسن طه سلام بتاعك تانى
قسمآ بالله القواجطار بتاعك الجاى دا انا المساعد فيه

وشوف انت لما جيت فى بيت بتاى الزول الجا ورك طوالى ما سلم زاتو.وماقال اى حاجه لى وطوالى اتكلم معاك انت,,,






يامحسن ياخوى بتاى اصبر شوى الزوله دى كويسة جدآ وحتشوف بعدين لما قواجطار بتاعك ال فى سكة ده توصل

الاخ العزيز محسن طه.

سلام من الله عليكم والرب يسوع المسيح.

تعرف انا عشت وعانيت الكثير من المحن في الشمال , منها كما قلت المضحك المبكي !!!

علي كل الاحوال اختلطت الحابل بالنابل ولحدي حسي ما قادر افرق بين الود والحقد لان الموقف في النهاية يتطلب ارفاق الادلة لاثبات الوجه المعني حقدا كان ام ودا, عشان كدا شايف كتير من الاخوة الجنوبيين ما قادرين يقرروا ما بين الوحدة والانفصال اللهم الا من تطرف وتمسك باحد الوجهين داعما اياها بما يؤمن به. عشان كدا ياخوي انا ما شايف غير الانفصال لانو شبعت حقد حتي الثمالة لذلك فقد قررت الا يحقدني او حتي احقد احدا.
وبالمناسبة انت قلت لي انو النيل الازرق والابيض مافي زول فكر يفصلهم؟!!
اها رايك شنو في انو النيل الابيض والازرق جارين مع بعض من اكثر من 1956 لكن تعرف حالهما لايفرق بين الحال الذي عشناه(اقصد الشماليين والجنوبيين) رغم الوحدة الا اننا لم ولن ندمج ابدا.
امشي كبري شمبات وحاتشوف انو المويتين ماشات مع بعض بدون اختلاط, ولا اقول ليك حاجة هال الاية القرأنية دي:
"
مرج البحرين يلتقيان بينهما برخ لا يبغيان "
اها شفت اخر المحن دي.

سلام يا اخوتاي

الاخ البينو
تحياتي و عساك طيب

رجاء ان تقوم بتعديل الآية الواردة في تعليقك ..

الصحيح:
" مرج البحرين يلتقيان بينهما برزخ لا يبغيان"
و البحرين في الآية دي يقصد بهم البحر المالح و البحر العذب .. (هذا عذب فرات وهذا ملح اجاج )


سلام

مرحب بود نيكانق فى سودانيزاونلاين. بالمناسبة, قصة نابول فى سعد قشرة دى فقعت مرارتى.

أخي الفاضل محسن
أولا ألف مرحب بيك وحبابك مليون...وشرفتنا كتيييييييييييييييير...
ثانيا كتاباتك جميلة وسلسة وتحتوي علي أهم عنصر وهو التشويق..
شكرا ليك كتير وفي إنتظار المزيد...


نهي

يا بنج صباح الخير

خستكات حلوة ، كلام بيقول الحاجات كلها

عديل لا لف لا دوران ، شكراً علي الونسة

التهز الزول من جوه ،،،،

طيب عليك الله احكي لينا برضو خستكات شماليين في الشمال

مرحب بيك هنا وهناك وفي السودان الجديد والقديم زاتو

يا محسن يا اخي ازيك
يا خي كتلتني بي حكاية النميري الجدع علب الصلصة في البحر دي ... الله يجازي محنك!

الاخ محسن مرحب بيك إضافة ثرة في منبرنا العامر
تعرف الخستكات دي بتشبه لي حكايات كونتربري
اعجبتني حد " الخستكة" قدراتك السردية العالية ذات البعد والنكهة الشعبيتين.

مودتي وإحترامي

محسن طه
داير منك تسمع لي فنان خطير جدا اسموا جون كدوسي صورة البومو معلق في سوق سعد قشرة لكن اسمع الالبوم التاني عندو اغنية بالعربي يتاع مندوكورو بقول فيو ( وتعمل ذي ده في يوم جميل يوم فرح ذي ده شوفتك جميل ذي ده ) والباقي اسمو لمن تشتري الشريط .
وشكرا علي الخستكات

الأخ محسن طه

مرحب بيك في المنبر بين أهلك السودانيين شمال وجنوب وشرق وغرب أخ كريم وعضو فاعل.

وآمل قبول إعتذاري عن المداخلة الاولى التي لم أرحب بكم فيها .

حللت أهلاً ونزلت سهلاً ونورت الدار .

أخي محسن طه

أكن للأخوة في جنوب السودان محبة كبيرة وإحترام أكبر وإعتزاز بإرثهم الثقافي .

أحلم بوطن خال من الأحقاد والضغائن وآثار الحرب اللعينة .

أحلم بوحدة وطن حر وطن خّير وطن ديمقراطي ودولة مؤسسات ينعم فيها أبناء الجنوب والشمال بالإستقرر والتنمية.

أحلم بإستفتاء تكون نتيجته وحدة السودان ففي نظري أن الوحدة خير لنا جميعاً .

عبر بوستك هذا تحية ود ومحبة لا يعلم مداها إلا الله لإخواني وأهلي في جنوب السودان .

ولك التحية والله يملأك عافية

الاخ محسن الف مرحب

واعتقد انك الحلقه المفقودة الذي كنا نبحث عنه

واصل

محسن طه ...
دائما أنت كماانت
لا تتغير ولا تتبدل كما يقولون
تخلط الجد بالهزل لكن لتصل إلى نتائج وإفادات حقيقية
أحييك وأنت ما زلت توصل ما في رأسك من أفكار بنفس الطريقة الرائعة والأسلوب السلس
مخاطبا في ركن للنقاش
أو متحدثا في ندوة
أو كاتبا في صحيفة
أو مشخبتا في بوست


مرحبا بك في المنبر
وتقبل تحيات جميع من هم في أرض الوطن هنا
وكل الوطن للناس

يا نور الدين
كيفك ياخ...
مرحب بيك في القطية حقتي دا
وشكرا ليك ...
انا ما نسيتك ...
بس داير اجيك بي مزااااااااااااج كدا ، وبراااااك يا نصر الدين
اها بجيك راجع ...

Quote: وكت الجالدونق شيخ الترابى داقى النقاره حقت المشروع القال حضارى داك

Quote: ؟احسن تشتت قبل ما اطلع ليك كارنيه بتاى واوريك حركات جيش هنا للصباح ياملكيه انتو ومافارق اللقوويا – الجكسوية للماعارفين- بتاى المعفنه ظاتو ماجا الحفله.

Quote: ويسالهم ياناس ياتو بنات بتاكم هنا معانا...؟قام الظابط قال ليه اى بت احمر فى الحفله هنا تتطلع بره ... قام جون دي قال للبنات الشكل منقة اطلعوا بره الحفله امشوا معاهم

Quote: وجنس الكلام بتاع الناس العاوزين يقعدوا فى الخرتوم الانتو عارفنه داك

Quote: ياخ يادكتور لام الناس بقولوا الجنوبيين عاوزين يفتحو البارات فى الخرتوم تانى من جديد ... ؟وانحنا ابدا لايمكن ان نسمح بى كلام زى دا تانى فى الخرتوم انشاء الله.... اوكى مافى مشكله لكن انتظر لحدى ما ننتهى وبعدين ارح معاى البيت-وناس التلفزيون كان دايرين- علشان اوريكم الشريط حق مفاوضات بتاع كوكادام وعلشان تشفوا لما جا وكت الاستراحه ناس منو شربو ببسسى وناس منو شربو ويسكى... ؟

أسما يا موسن تاها إنتا

هركات بتا جنا أرب دا ما بينجه مآنا
نيلين دا ما في زول بيفسلو أبيد يمشي ما أزرق أزرق يمشي ما أبيد
إنتا ما سميتا فنان بتا مندوكورو إسمو هسن أتية قال شنو





_________
الزول دا مبالغة ونستو دي أنا سامعاها جوة أضاني
أحييك أخي محسن ..

جالدونق يى بى؟



يى بى فاوون!

بالمناسبة اسم بتاعك بتاع ... لاكو! ... يا اوروا ده ما إسم بتاع باريا؟

يى نقو يا مونج؟
انقو عااج؟


مرحب بيك يا محسن

يا تراجي يا فردة

شيييي باك ... والله امبارح كتبت ليك كلام لذيذ زيك كدا – ما تفتكري انا يوم ممكن اعمل ليك (كيف يجهلوك)- لكن والله كل الكلام الكتبتو ليك وللباقين طار بس بغلطة زر واها احترت ، المهم انت عارفة الاسم دا خليه كدا وانت قول لي كل مرة لاكو لمن الجامعة يحفظوه ، وبيني وبينك كدا الاسم دا انا خاتيهو لعوزة ...عندي فيهو راي لكن كدي يا تراجي انت ماشايفة اسمي الحنكوش – البقول يا ليل وغربتي - دا كلوا وبعد دا بيقولوا لي (المثقف الجنوبي)، اللاصقة فيني زي كلمة (العربي) اللاصقة في الصمغ حقنا السوداني الصدروهو برا السودان – وعملوا ليهو السماية الاكل فيها الخروف الملاية – وقالوا عليهو صمغ عربي – هو اصلا صمغ تاني تلصقوا بي اسم – رمضان زايد وكدا – المهم ما عليك يا فردة الملصق فينا كتييييير لكن ما تخافي قربنا – الملصقات- دي حنشيلها – انشاء بحلاوة- (يا تراجي اوووووووووووعك تمشي بعد وتفتكري (حلاوة لبن)... غايتو كان وقعت ليك كدا لصقي معاها الزردية والشاكوش ، بعدين تعالي يا تراجي هسي كان جبت اسمي الوثني داك تفتكري حيخلوني ما انتي فاهمة يا فردة الجماعة ممكن يرجعوا حركة ورا ويفتكروا انو عايز اجيب ليهم تاني من تاني الهة الجاهلية (اللات والعزة) في (سنتر الخرطوم) و(الحجار بالكوووووم) ، اها ياتراجي سؤال قزقزي بيهو كدا لمن اجيك راجع
هو الاسم الكان جبناهو (الهوا بقسموا) دا ما قدر يحنك في نادي المثقفين السودانيين ابو الميداليات الذهبية دايراااااااااااااني ارجع تاني احفر في النحاس ....؟  

يا اخوي ياالصادق اسماعيل (ابو الدجل)

شنو يا جك انت تقول لي واصل وانت ما لك ما تكتب ولا لسه متحنن ....؟
بعدين اوعك تكون عملت مقلب في زول تخليهو قعاد يسمع في مصطفي سيد احمد (وانا حالي كيف بوصفوا).
عاد انتو ما معروفين في النهاية مابتمشوا لي (اظفر بذات الدين تربت يداك) لعدم توفر الشرموط الناشف – عفوا اقصد الشروط الباقية (التلاتة التانيات).
اوكي يازول ماتخاف انا انا قاعد سيتنق سااااااااااااااكت للكلام دا ، واخوك ضارب مثيولوجيا الارزاق الكندية كما ينبقي لانو مكنة الفكي فرانسيس فوكوياما حقت نهاية التاريخ دي وقعت لي تمام يا عبد ، ياخ انا هنا في آآآآآآخر نهاية قدام ظاتو عشان كدا عايز اقرش سريع واشتغل كدا بي 25$ في الساعة لقيت ليك الشغل رحلوهو كلوا الصين ، وانت عارف المرافعين الهناك ديلك بشتغلوا بي نص دولار، وماعندهم الطنقعة حقتنا ديك، (انا اشتغل شغل زي دا...؟) .
بعد قرايتي لي ماركس وكتاب حسن الترابي (الفن في الاسلام)، يلا خلاص قد مني كدا ولا كدا خليني اواصل في القصة الآخار لسه دي وانت بس خليك قاعد عتالي للبوست دا (ومعاها الشغلا ما شغلتنا والظروف جبرتنا وبضاعتنا الفكرية الحداثوية وما بعد الحداثوية جايبنها بالطيارة وما بنبيعها بالخسارة ) وجع ... تقول لي الجنقوا الا في الرنك والقضارف اها انا اسي باقي لي شهر وماشي البوش، ما دام الله كتب علينا التمرد طول حياتنا ، وزي ماقالوا الشقي عمروا ما بسعد ، نفض يازول الحنة دا واستعدل معانا خلينا نمشي نعمل لينا اوباما (وباقي دقيقة مافي طريقة) ونبيض ليك الجماعة ،
تنويه ...
اووووووعك يا الصادق اسماعيل تجي تقول الهوية تاني، حا ادور معاك هوكات طوالي ولا صاحبي ولا بعرفك ذاتوا واسوقك كمان بره السودانيزاونلاين دي ونمشي هناك نشوف الامبررو الحايمين بين ليبيا والسودان واخليك تدق ليهم ركن عن الهوية ، شوف كان ما كتبوا عرق محبة يا حبة....
منتظرك ...

شوف يا مان

أخوك هسه عرّس، وبعد داك مشينا نشوف القراية كيف عشان نفهم الحاصِل شنو، أها لحدي ما نفهم حنشتغل عتالة شديدة، المهم أخوك إنتَ عارفو ما قاعد يعمل (كمال زغبير) من المواضيع الأساسية، وبعدين موضوع الهوية دا بقي موضوعو ساهل يا بنج (تمشي تعمل جيناتك تيست) وبعد داك تعرف إنت منو وجيت من وين وأهلك منو، يعنى ما في طريقة بعد دا، وعلى العموم أي واحد يخش معاي في موضوع هوية بقول ليهو الموضوع دا إتحسم تمشي تعمل الإختبار الجينى وتشوف أهلك وين وبعد داك تعال إتناقش.

وكدي إنتَ واصل يا جك وحنشوف إذا الموضوع محتاج (للتدخل الأجنبي) حتلقانا طوالي جاهزين.

يا فرد
دينق ،
اجوك،
اكوي
البينو
ابو الزيك
شييي باك بالكوم من هنا لحدي مثيانق يا زول في مونج معاي هنا اخوك مرات بمشي يونسوا ليك بالحنك
بتاع ناس كارتوم الكتييييير داك المهم قام قال لي اسمع ياود نيكانج .....
We took care too much of cows, now it’s time for cows to take care of us…
الكلام دا بريزنت سيمبل ولا نعربوا...؟
المهم يا شباب انا عايز اجمع لي قصص لو في زول عندي خستكات ولا بعرف ليهو زول عندو تعالوا بالله واهم حاجة البجي خاشي هنا دا يخت كوكاب ودرقة وكل (اسلحة الدمار الشامل البيضا)، خلوا الحاجات في مكتب الامانات لما تطلعوا تشيلوها معاكم ، ما تخافوا يا جماعة حتي لو الموضوع سخن شوية ابلعوا ليكم حبة (بورزاك المريحة للاعصاب)،
I know guys u r smart enough to understand this … tooooo much smartness isn’t healthy , and sometimes is smart to be fool … just take it easy and be coooooooool …
والله ياجماعة سلامات دا بقي كتيييير يدين تاعي دا بقي وارم زاتو من كلام تاع سلام سلام ، اها في ضيفان هنا لازم نعمل معاهم واجب كمان ولو لقينا طريقة نضبح ليهم تور كمان ولا شنو يا شباب لكن المشكلة (لازم يكون حلال) عشان العضة تكون (جذابة وصلصة تاوو تقييييل لمن اهمر) ، شان كدا خلونا ننتهي من القصص ونمشي نشوف البقر مفروض كيف يرطب بينا بعد دا يا اولاد مونج...؟
اشينكراج... وعندي كلام لي صحبان تايي كدا حيكون شكلوا طيط أمووك...
لكن ياهو انا نجيكم راجع تاني انتو بس ساعدوني بي (قااام بيوو بديك) الباااااارد للجالودنق شان جالدونق دي يدوق نقارة دي دوووووووج – تمام- شان نقارة دا ما يرخي ياهو لازم نخلي مسخن براااااه برااااه شان ما نقدوا كفاية انو مركب ظاتو مقدقودة ، كدي نشوف طريقة نسدوا اول ، اها خليكم في مناكيلوا بالسمن دا وبدون شطه بالله يا شطة انتو....

Quote: لكن وحدة دي تجي كيف كان انت تقول لي اطردوا من بيت ???

thanks

محسن طه.. حبابك

سلاما نابول في الرايعيين..

لكن ما بالغت ياخي..

هسع اصحابي تاني يونسوني بي شنو؟

ياخي تقعد تتونس معاهم .. قبال ما الشوط الأول ينقسم..و يدخلوا ليك طوالي (دخلة الركانة ديلك).. محسن طه قال..و توووووش..


مرحب بيك في سودانيز اونلاين..

و احذر البرد .. لأنو كتل اخانا اباذر..




كبر

دي منو دي ياجك..؟؟؟
وهيات كراع جدادة في كجرون
كلام تاكي دي يا سبي كلام شكل صاعقة..!!!
وسع كلو وجيبو جردل تا كنجي مورو خلي انا قني ونسو...!!

مرحب بيك اخ محسن وكلامك حلو بالحيل

Quote: يا فرد دينق ، اجوك، اكوي البينو ابو الزيك

ما شايف إسمى ده يا جالفاج إنت وللا شنو؟!


أأأأأأنقو نيل؟


شول اشوانق

اخوي محسن
والله انت ظهرت بحنك جديد
و فقعت مرارتنا...
الف مراحب
اندرو

يا شول
اخو تاااعكي قال بس كدي ياخذ راهة شويييية كدي ويجيك بعد الطبوبة يرروق ،
قلتي شنو وجال باج.... منو وجال باج دا يا (نابيت) انتي...؟
كيدي بالله – كيفك بالله- ييبيي اوين مينباج ...؟! وييكنج انان- معناها للعايزين درس عصر في الثقافات وين انتي هسي- ...
انتي سالتي اسم لاكو من البارية ، مي يا – امي – من البارية ناقورا ، وا ويا – ابوي – من قر ياني اخوكي من العاصمة زاتو – فاشودة- ود مك عديييييييييل كيدي، ونجاقا مي شول – أووطو- شوفتي اللخبطة اها حتجيبي لينا ناس تاع ليه شلتا دا وخليت التاني ... لكن كدي لحدي ما نرد ليهم قولي ليهم في الثقافات الافريقية زول يمشي تبع امه ، شان كدا الجنوبييين دايما مصرين انو البونج – العرب- هم خيلانهم ودايرين يجيبوهم اللواك – الزريبة- تاني ....
المهم يابت نكانج بون قين مراج – مافي مشكلة – لاوو مي يا ويين اكييل – يعني توبنا واحد - ...
بعدين انتي ما قلت شلكاوية ، وينو المناكيلو تاكي ...؟

يا جك
يازاهر الزناتي ...
مالك عامل لي (ابو الزنان)...؟
(طيب كمان احكي ؟؟؟؟؟؟؟
قلتا لي شنو احكي ليك عن شنو ....؟
بتقصد ياتم ياجك الفي الشمال ولا الفي اليسار ...؟ دا موضوع بوست تاني يا عمك دا جاين ليهو قداااام وحايكون الذ شئ انتي كدي اتصبر شوية .
لكن انت مالك داير تجيب الهوي من هسي مع ناس الوسط ديل ، وانتا عارفهم بحبو المغالطات ، الخلت المهدي يشيل فرتو وسبحتو ويفرتق منهم ، انت صحي المهدي ولا ما المهدي وانت المهدي ولا لا، اها دا زاتو الخلاهو يمشي شيوف ناس- ابو بكر الصديق- ، اها شايفوا عمل شنو لما لقي ناس – ابو بكر الصديق- ياهو خلي الخواجات لحدي هسي يقولوا
What the hell is that …?
كان قعد ليهم كان الطربوش والطاقية ام ريش لي هسي حايمة يا ابو الريش ...
لكن طالما جيت تشحدني – اووعا تفتكر اخوك عندو ولا حاجة – هاك التلاتة نبقات دي لحدي ما نجي للبوست الانتا عايزو دا ونصبن الباقي لحدي مال البضاعة تغلي في السوق ن انت بس اشتري وخزن ،
قالوا يازول عمك جلابي كدا مرة جا المجلس بتاع الحاج يوسف وانا كنت قاعد مع صاحبي ، عربي صاح عمة ومركوب نمر وعصاية خيزرانة ملمعة وقال عايز رخصة دكان فحم المهم المتحصل قال كويس وبدا يكتب اها كتب اسم الراجل بعد داك جا للدعومات البتنكتب في الرخصة (دعم المجلس، دعم المحلية- الدعم الولائي، دعم البوسنا والهرسك، ودعم الطلاب، ودعم الجهاد، ودمغة الجريح والكسيح، ودعم الشريعة، ) اها عمك كان بكشف ساي في الكلام البكتب فيهو دا اها قال ليهو اسمع هنا يا ولد اقيف هنا الأخيرة دي شنو الكتبتها دي ....؟!، قال ليهو ياحاج دي ما دعم الشريعة ، الراجل قال ليهو شريعة شنو يا ولد يا مطرتش انت حصل يوم انا جيت في التلفزيون قلت داير شريعة....؟ هي الشريعة مش حقت ربنا ما يدعما ربنا ادعمها انا ليه ...؟ معقولة ياخ حاجة حقت الله انا ادعمها بدكيكين فحم ياخ ....؟ والله الناس البياكلوا القاعونج في فراجوك ويجوا يبقوا رؤساء ديل الله ما جاب باقيهم بركة النبي ....
نبقة نمرة 2
كنا انا وصاحبي الصادق اسماعيل راكبين في الحافلة ، اها جا عمك كدا ابو عمة برضوا زهجان شايل لهو منديل قدر البشكير يقشقش في الحرق ساكت اها الكمساري بي بره بكورك اها عربي عربي عربي ياخ نفرتين عربي ياخ ، اها عمك قام قال عربي دا منو دا شابكنا عربي عربي عربي ....؟ قمت قلت ليهو ياحاج العربي دا معناتها ما شلكاوي ولا دنقلاوي ، اها جر لي نور طويييييل كدا وقال غايتو جنس فلهمة .... في البلد دا ... انقولك كلام يا جني هوي مافي اي عربي في البلد دي فاهم ولا ما فاهم وطبعا الكلام بي ورويرة لمن قرب يطبز لي عيني ، الصادق قام قرصوا وقال ليهو ياحاج كيف الكلام دا ياخ دي ما ىخر ثقافة جانتا في البلد دي واخر دين جانا في البلد دي ، اها عمك خلاني وقبل لي الصادق اسمع انت مكان يا مفلهم انت شوفتا آخر دين دا طلع دينا زاتو ... اها رايك شنو ، اها اخونك تم سكتوا التقول صبت مطرة بدون سحاب .
نبقة نمرة 3.
واحد كدا مغترب طول ومرق قبل الجماعة يجوا زاتو ن ناس الحضارة النحنا عايشنها هسي دي من النوع الكان لافي بي فوق فرنسا لندن البرازيل وبالعكس ، اها جا يا دوب راكب تكسي المطار ماشي امدرمان حي العودة وشكلوا كدا كان سمع غنية (حرام حرم يا زمان ، نفوت نخلي السودان، وبتين العودة لي امدرمان، انحنا والله دقسنا لما سافرنا وبعدنا ) اها الزحمة من جنينت الحيوانات لحدي مقرن النيلين ، العربات ماشة زي ابو القدح بس اها عمك كان بعاين في اللافطات المعلقة ديك ومفتكر القي اللافتة المكتوب فيها لبن فورموست ولا العافية في الرضاعة الكافية، لقي ليك الموضوع كلوا ايات زي البقرا ليهو في مصحف قام قال للسواق والله ماشاء الله السودان بقي الدين فيهو في اي حتة ، السواق اتلفت عاين ليهو وقال انت طولتا من البلد ولا شنو ...؟ شوفتا الدين الفي الللافتات دا ، دا دينا انحنا طلعوا دقوا برا ...
خلاص قلنا ليك دا بوست براهو ، بالله تاني ماتجي تشحدني ن ساعدونا يا جماعة ، والله كريم يا جماعة ،حقت ناس السوق العربي دا ، والجماعة شابكنهم الله كريم الله كريم بي بصاغ الصعود داك
المرة الجاية حا اقول ليك الله كريم ...

Quote: يا شول اخو تاااعكي قال بس كدي ياخذ راهة شويييية كدي ويجيك بعد الطبوبة يرروق ، قلتي شنو وجال باج.... منو وجال باج دا يا (نابيت) انتي...؟ كيدي بالله – كيفك بالله- ييبيي اوين مينباج ...؟! وييكنج انان- معناها للعايزين درس عصر في الثقافات وين انتي هسي- ... انتي سالتي اسم لاكو من البارية ، مي يا – امي – من البارية ناقورا ، وا ويا – ابوي – من قر ياني اخوكي من العاصمة زاتو – فاشودة- ود مك عديييييييييل كيدي، ونجاقا مي شول – أووطو- شوفتي اللخبطة اها حتجيبي لينا ناس تاع ليه شلتا دا وخليت التاني ... لكن كدي لحدي ما نرد ليهم قولي ليهم في الثقافات الافريقية زول يمشي تبع امه ، شان كدا الجنوبييين دايما مصرين انو البونج – العرب- هم خيلانهم ودايرين يجيبوهم اللواك – الزريبة- تاني .... المهم يابت نكانج بون قين مراج – مافي مشكلة – لاوو مي يا ويين اكييل – يعني توبنا واحد - ...

فى شلكاوية إسمو شول؟؟؟؟؟!!!!
ليضى يان؟ (ورينى) ... عشان الصورة مش؟ ده ما معروف ممكن نيانضاج (مرة) بتاعى؟

Quote: بعدين انتي ما قلت شلكاوية ، وينو المناكيلو تاكي ...؟

وين؟

مرحب بيك تانى يا جالدونق...



أخوك شول اشوانق دينق
مونجانقاوى
_____________________________________________________________________________________________

Quote: اخوكى من العاصمة زاتو – فاشودة- ود مك

معاني و اسباب اسماء هذه المدن

تصحح المداخلة وللا اكلم ليك إيمان
العارف يجاوبني بالجد كدي وحاة النبي جد محتارة

شوفوا يا ناس
محسن طه ده بكري لو ما اد الباس ورد انا ما كان قدرته اكتب حرف ثاني...
عارفين ليه؟؟لان زول حكاي حكي وبس بيعرف يقطع المصاريين بالضحك
لما لك فينين يومين خلاني اقرقر نص الليل براي....بجد محسن ده عنده مواهب
حرام ذاته يتحبس وراء الكي بورد..محسن طه لا يقل عن كريس روك
واعتقد يفترض ان ينزل لينا اعماله فيديو كليب اصلا الكي بورد العربي مجننه.



ويا جماعه الاخطر من محسن وفردته فعلا هي زوجته رحاب
تعالوا نطلب ليها سوى باس ورد كلنا بصوت واحد يلا يا بكري عيايزن رحاب طه
ورحاب طه دي بعتبارنا بقينيا كنيدين ويعني بكنين الزوجة باسم زوجها.
رحاب سودانيه مثقفه وصحفيه ومتخصصه في محن المندكور شبه منقه.

يلا يا شباب بصوت واحد لبكري يا بكري عايزين رحاب كمان هنا.

ويا محسن واصل الحكي السمح كتلت الناس كتل...الله يخيلك.

اها يا شول...
ياخ دا مقلب عجيب جدا ياخ
هسا انا فكرت خلاص قلت امشي اضرب تلفون للمك واقول ليهو امشي ادفع البقر سريع تجي تتطلع الصورة بدل انتي تطلع لي انت والصورة كمان ممكن تكون حقت مرتك اهو دا الكلام زاتو البجنن بوبي ، المهم عفوا ياعمك ياخ تحصل في ارقي المجتمعات وخليها في حنانك .
بعدين بالله ايمان دي انا قريت البوست حقها دا مالك داير تجيب لي المصححين من هسي ، ذكرتني بس المصححين بتاعين الجرايد اكتب مقالي يمشوا يصححوا بالعربي عشان الجرايد بقروها قراء عرب خارج السودان اها قلت ياجماعة انا ماقاعد اكتب للقاعدين بره السودان انا بكتب للناس القاعدين في السوق العربي ، والله زهجوني زهج شديد يصححوا المقال بالعربي وتاني يوم ينشروا وفوقو صورتي كمان (الما خايفين عليها)، في النهاية انا بكتب بالطريقة البعرفها انا كان فهمتو اوكي كان ما فهمتو تعالوا لي انا زاتي بشرح ليكم بنفسي، لكن عليكم الله مافي زول يجي يقول عملت الزا زيل مفروض تكون زا ذنب والكا كلب مفروض تكون كا كوارع ، والفا فساد مفروض تكون فا فار ، براكم عارفين البوست حقي دا اسمها خستكات اها بالله ما تخستكوا معاي ، خشوا بس صلوا صلات شكر وامرقوا ...

يا حليلك يا تراجي يا اختي
كتر خيرك الوحيدة الطريتيني ، لمن محسن خجل واداني شدة في البوست بتاعو دا ، وقالي لي ما اشحدهو تاني ، اداني تحذير من البداية،
المهم انا عايزة لي فرصة اخستك ليكم بي محسن طه المخستك بالناس دا،
مشينا الاتنين والجو صيف والجكس لابس من غير هدوم (اللبس الحلال) - انشاء الله تكونوا قرتو رواية البنات والصبف بتاعت احسن عبد القدوس- اها عمك لمن نساني ليك وقعد يكشف ساكت للجكس قلت ليهو اسمع هنا ما تخليك راجل محترم ياخ انا قاعدة معاك هنا وانت تكشف ، شفت ليك يوم زول خش مطعم وجاب الاكل بتاعو معاهو...؟ قال لي لا طبعا...؟ قلت ليهو طيب بتتلفت مالك ...؟ قال لي والله انا كنت بفكر في العمارة حقتنا الفي فشودة حنبنيها كيف...؟
قال ياخ هسي شوفي السودان دا كل المطاعم مكتوب فيها لافتة (كلوا واشربوا مما رزقناكم ، ولحم طير مما تشتهون، اها حصل يوم قبضتيني باكل لحم طير ما ياني باكل فول ابوالعباس دا..لمن جاتني قرحة ، وما تنسي المشروع الحضاري بالله حق الشيخ حسن الجاب لي البواسير، اها اتلفت كدا وسالني بالمناسبة انتي الترابي دا جاب القروش دي من وين عندو بيت اسمح من بتاع مايكل جاكسون، هو شغال شنو...؟ دا كلوا طبعا عشان يغير الموضوع، اها قلت ليهو شغال مفكر قالوا ، قام قال لي ياخي طخ هو كان مفكر صحي متخصص في الدساتير ومن فرنسا كمان يرجع السودان وينبز اهلي يقول ديل (اصحاب كريم المعتقدات)شوفتي الزول دا مستفز لي ياتو درجة، الترابي دا التراب اليردموا قبل يوموا زاتو...
اها كتر خيركم
ونشوفكم قريب كان الله هون
رحاب طه (علي قول تراجي)

anyway i will continue tomorrow i have difficulties all i wrote is gone where i dont know? two hours best stuffs are gone.see yaa buddys

ماضاييى يا جالدونق

Quote: اها يا شول... ياخ دا مقلب عجيب جدا ياخ هسا انا فكرت خلاص قلت امشي اضرب تلفون للمك واقول ليهو امشي ادفع البقر سريع تجي تتطلع الصورة بدل انتي تطلع لي انت والصورة كمان ممكن تكون حقت مرتك اهو دا الكلام زاتو البجنن بوبي ، المهم عفوا ياعمك ياخ تحصل في ارقي المجتمعات وخليها في حنانك .

وللا يهمك يا أستاذ.
كتار قبالك فشلوا فى الإمتحان ده ... لكن كلهم كانوا ما جنوبيين وكان معرفتهم باسامى اهلى واهلك بسيط شديد...

عموماً مافى اى مشكلة.

شول اشوانق

__________________________________
اضم صوتى للأخت تراجى من أجل الأخت رحاب طه.. شوف شغلك يا ريس والله يخليك.
يا تراجى إنت بتجيبى المصائب دى من وين الراجل مخستك والمرة فايتة الراجل واول ما جوا هنا طوالى خستكه بينا

ياتيسير عووضة ..
سلام بالكوم ومعاهو دوم...
أولاً بالتبادي أنا دايما بكون حريص جدا وبتعامل مع الحاجات بذكاء عشان زي ما بقول مثل السوق الشعبي (دقسة المفتح جريمة)، والكلام دا كلوا عشان اسم تيسير اوكي ...
زمان اصحابي كانوا بجوني البيت ويقولوا لي اسمع يا ود مونج بكرة دايرينك في ركن سياسي مهم جدا مقام بجامعة امدرمان الاسلامية ولأهمية الركن نرجو عدم المماطلات بحجة المصران الاعور والقرحة حقتك دي، والكلام دا بعد ما يضربوا الببسي وسجاري البرنجي البكون شايلوا بالدين من دكان عبد الجليل ود النيل الأبيض (عبد الجليل دا واولاد النيل الابيض واولاد الشمال الصحي صحي البتكلموا عنهم ناس الطيب مصطفي والعاملين فيها بمثلوهم ديل انا حا اوريكم الناس ديل بجازفوا كيف في الدنيا دي ، وقروشهم دي لبقطوها بالبلومة – الحنبوكة يعني – وحلاوة كوجاك ، غير الكوجين الراجيهم من ناس الضرائب والذكاة ، لاحظوا ضرائب وذكاة عليكم الله الفرق شنو يعني الاولي لونها بمبي والتانية مسطردة ولا شنو ....؟ ) اها ويقلوا لي مع السلامة ونشوفك بكرة الساعة تسعة في الركن وما تتاخر... ويا كافي البلا لاحق مواصلات ولا الله قال اها بقوم اقول ليهم دقيقة ياجماعة امدرمان الاسلامية ياتا البنين ولا البنات، دا عشان شوفتك هناك قلتي لي برانودك جوبا ( نيلين دا مافي زول بفصلوا ازرق يمشي مع ابيض وابيض يمشي ازرق)، ما ياهو الانفصال حاصل وفي المفاصل كمان في امدرمان الاسلامية، تقولوا لي توب الزراق ماشي مع توب التوتل في بيت البكاء...؟!
والراندوك دا عشان انا دقست هناك مع شول، كنتا قايلوا اشول ، اها اسم تيسير نقول معاهو دي ولا دا ...؟ لأنو اسم زي دا قابل للقياس والتفصيل علي حسب مزاج الترزي في السوق العربي والأفرنجي ويمكن ان يفصل قطع خور ولا ماكسي، ودا الكلام الخله المفكر السياسي الفذ والمحنك الحجاج ابن يوسف يتخذ أعظم قرار سياسي بوضع النقط علي الحروف في وثيقة (عظة الجبل)، لسد الطريق علي كل اصحاب الغرض والقرض، البجيب المرض والريالة اللغوية.
واها شوفتو الدواس والكوماج الفي السودان دا وأصحابوا المقربين سببوا كلوا الريالة اللغوية، وهي لا بتحمي فقير ولا بتحفر حفير- ولو حق موية عكرة- شوفتوا كيف....؟!
اوكي في آخر سطر والله اظنوا الاسم دا وقع لي (مؤنث سالم) وتسلمي يا الظريفة... لكن تعالي هنا تخوشي وتلقطي الدليب الكبار الكبار وتخلي الصغار وكمان مكوتاهم ، خمسة دليبات يا طماعة ، لكن دقستي في دي كان تشيلي الصغار لأنو سكر اكتر من الكبار وكان مغالطاني اسالي اي شولكاوي في السكة ولا في المواصلات العامة – دا عشان ناس الخستكات العامة العندهم متطوعين كمان ما يخستكوا بيكم لمن تتونسوا في الموضوع بتاع الدليب دا- واعملي حسابك الدليب الكبار اكلوا لذيذ لكن كان وقع في الراس بعمل عاهة مستديمة – بعيد عنك – انت قايلة الكلانشوفات المدورة هناك دي سببها شنو ، ما عشان ناس الخرتوم دايرين الدليب الكبار والباقين ياكلوا نيم ويحلوا برسيم، والصغار كمان الشراكة بقت فيهو كتيرة وبقي ما مكفي، وبراك شايفة اي زول رامي جبادتو وسنارتو وبدن صارقيل كمان بسبب الدليب الكبار البقت تحصد فيهو العمالة الصينية الرخيصة، ويتصدر بالكرباوي، ولحدي الليلة ماشوفنا قروش بسبب ناس صلاح قرقوش، الاسد العاااااااااااااااااااطل وقاعد راجي اللبوة تجيب العضة في الغابة البين فندق قصر الصداقة والقصر المقاصدو الفاصل النيل بيناتهم، اها شوفي المسافة قريبة كيف بين قصر الصداقة وقصر السلطان بندر شاه ، كان بس عملوا كبري بيناتهم ما كنا محتاجين نلف بي راس الرجا الصاح عبر كوبري كوبر- عشان كل ما نمر نتذكر انو كل المناضلين الراجينهم لتحقيق دولة البني آدم قاعديييييييييين جوه هناك، والجزارين بسنوا في سكاكينهم للقطع من خلاف كل من يريد تجديد ولبس جديد، حتي لو كان (ود قبااااااااااااااايل) وكاسي عرايا ويخلونا نسمعوا في وردي (أصبح الصبح ... ولا السجن ولا السجان باقٍ) و (أبداً ما هُنت يا سوداننا يوماً علينا) بالمناسبة هو وردي هسي وين اراضيهو وبغني في ياتو مسرح ... أوعي يكون في مسرح العرايس الكل واحد فيهم بحلم قبل يوم القيامة يكون عندو (أربعة كوش) وحنة وضريرة وعديلة وزين)، وتجي تقولوا دايرين تجديد ودولة مهمتها نظافة (الكوش)- و دى ما الكوشة التي سبق زكرها بالمناسبة-
المهم يا اختي شكرا علي الطلة ...
اها ما تغيبي وما تكتري الجية، وبطلي لقيط الدليب كان وقع في راسك بعوقك يا اختي ...
والله لقيت شمارك مقربل لمن ناااااااعم ...
وضحكتيني انا في روحي زاتي عليك الله الخمسة دليبات ديل المكوتاهم قلتهم انا ذااااااتي....؟
غايتو كان كدي الا نقول ليكم (هذا الكلام لا عبر بالضرورة عن اراء واتجاهات يتبناها مرسن تاها وسودانيس أونلاين
وصدق الله العظيم

محسن يا ود طه
مرحبا بك بيننا
طبعا انت عارف وانا عارف اننا بنتعارف بواسطة صاحبنا المخستك بتاع المايقوما والعامل فيها هسع بتاع بزنس بامريكا
تصدق يا محسن صحبك بتكلم معاه قبل شوية قال لي ماشي صلاة الجمعة!!
طبعا قلت ليهو أنا حاوصل الشمار دا حار لصحبك محسن عشان يعمل ليهو بوست تاني عن خستكات النوبة في أمريكا
....

يبدوا أن رغبتي الاكيدة في أن ألتقيك هي التي دفعت بك لكندا
لأنو اهلي تحت تحت بقولوا انا كجور

مع خالص تقديري

Quote: لكن طالما جيت تشحدني – اووعا تفتكر اخوك عندو ولا حاجة – هاك التلاتة نبقات دي لحدي ما نجي للبوست الانتا عايزو دا ونصبن الباقي لحدي مال البضاعة تغلي في السوق ن انت بس اشتري وخزن ، قالوا يازول عمك جلابي كدا مرة جا المجلس بتاع الحاج يوسف وانا كنت قاعد مع صاحبي ، عربي صاح عمة ومركوب نمر وعصاية خيزرانة ملمعة وقال عايز رخصة دكان فحم المهم المتحصل قال كويس وبدا يكتب اها كتب اسم الراجل بعد داك جا للدعومات البتنكتب في الرخصة (دعم المجلس، دعم المحلية- الدعم الولائي، دعم البوسنا والهرسك، ودعم الطلاب، ودعم الجهاد، ودمغة الجريح والكسيح، ودعم الشريعة، ) اها عمك كان بكشف ساي في الكلام البكتب فيهو دا اها قال ليهو اسمع هنا يا ولد اقيف هنا الأخيرة دي شنو الكتبتها دي ....؟!، قال ليهو ياحاج دي ما دعم الشريعة ، الراجل قال ليهو شريعة شنو يا ولد يا مطرتش انت حصل يوم انا جيت في التلفزيون قلت داير شريعة....؟ هي الشريعة مش حقت ربنا ما يدعما ربنا ادعمها انا ليه ...؟ معقولة ياخ حاجة حقت الله انا ادعمها بدكيكين فحم ياخ ....؟ والله الناس البياكلوا القاعونج في فراجوك ويجوا يبقوا رؤساء ديل الله ما جاب باقيهم بركة النبي .... نبقة نمرة 2 كنا انا وصاحبي الصادق اسماعيل راكبين في الحافلة ، اها جا عمك كدا ابو عمة برضوا زهجان شايل لهو منديل قدر البشكير يقشقش في الحرق ساكت اها الكمساري بي بره بكورك اها عربي عربي عربي ياخ نفرتين عربي ياخ ، اها عمك قام قال عربي دا منو دا شابكنا عربي عربي عربي ....؟ قمت قلت ليهو ياحاج العربي دا معناتها ما شلكاوي ولا دنقلاوي ، اها جر لي نور طويييييل كدا وقال غايتو جنس فلهمة .... في البلد دا ... انقولك كلام يا جني هوي مافي اي عربي في البلد دي فاهم ولا ما فاهم وطبعا الكلام بي ورويرة لمن قرب يطبز لي عيني ، الصادق قام قرصوا وقال ليهو ياحاج كيف الكلام دا ياخ دي ما ىخر ثقافة جانتا في البلد دي واخر دين جانا في البلد دي ، اها عمك خلاني وقبل لي الصادق اسمع انت مكان يا مفلهم انت شوفتا آخر دين دا طلع دينا زاتو ... اها رايك شنو ، اها اخونك تم سكتوا التقول صبت مطرة بدون سحاب . نبقة نمرة 3. واحد كدا مغترب طول ومرق قبل الجماعة يجوا زاتو ن ناس الحضارة النحنا عايشنها هسي دي من النوع الكان لافي بي فوق فرنسا لندن البرازيل وبالعكس ، اها جا يا دوب راكب تكسي المطار ماشي امدرمان حي العودة وشكلوا كدا كان سمع غنية (حرام حرم يا زمان ، نفوت نخلي السودان، وبتين العودة لي امدرمان، انحنا والله دقسنا لما سافرنا وبعدنا ) اها الزحمة من جنينت الحيوانات لحدي مقرن النيلين ، العربات ماشة زي ابو القدح بس اها عمك كان بعاين في اللافطات المعلقة ديك ومفتكر القي اللافتة المكتوب فيها لبن فورموست ولا العافية في الرضاعة الكافية، لقي ليك الموضوع كلوا ايات زي البقرا ليهو في مصحف قام قال للسواق والله ماشاء الله السودان بقي الدين فيهو في اي حتة ، السواق اتلفت عاين ليهو وقال انت طولتا من البلد ولا شنو ...؟ شوفتا الدين الفي الللافتات دا ، دا دينا انحنا طلعوا دقوا برا ...

بالله كتر النبق يا أخينا

الاخ كبر
سلام ياود ابا ولا بقيت ود جون خلاص؟قلت احزر البرد الطرد ابا ذر...؟يا زول برد شنو البطرد ابا ذر... رغم انو كان اكتر شخص مفلس فى تاريخ البشريه ..لكن ابا ذر المعاصر الانت عارفوا والله عارفه برضو مفلس لحدي هسي لكن مقرش معرفة عظيمة في تاريخ السودان المعصر(وما قصدي المعاصر) الهسي والجاي وما بعد الجاي كمان ، وكلامي دا من بنات افكاروا وفضلوا ولولا كلامو دا كان لحدي هسي اخوك كان شايل الجردل وصفيحة الموية حقتو وبغسل في لساتك العربات والقزاز البرسون (واذا ابتليتم فاستتروا) والتحية ليهو عبرك وهو ماسك جرس من اجراس الحرية البان جديد، والجرس حقي الشايفوا دا اهداء ليهو وكل اولاد قرف وشكرا علي المرور بقطيتي المكندشة دي ، واخوك طبعا بقي خواجة انجليزي \فرنسي وشوية عربي ، يازول انت عارف كل السودانيين ديل خواجات وحبوا الخواجات كان ما كدا كان جابو بصات ماشة الجريف الحاج يوسف وجبرونا وزقلونا وطردونا وبالعكس ويذيدو لينا في تعريفة الموصلات علي حس البص سياحي ما فوقو شماعة ، بمناسبة البص السياحي عندي واحدة من خستكات الجنوبيين في الخرطوم ، البص السياحي دا كان جديد لنج يا دااااااااااابك نزل الخط اها الكمساري بلقط في القروش الجنوبي قام اداهو التعريفة العادية قبل الذيادات السياحية الكمسار قال ليهو دا شنو يا اخوي القروش دا ناقصة ، اها الجنوبي قال ليهو ناقص شنو يا زول ماياهو قروش بندفعوا كل يوم في مواصلات تاكم دا، الكمساري قال ليهو اسمع ياخوي دا بص سياحي ، الجنوبي كشف ليهو كداااا وقال ليهو مالك يا بانجوز انت شايفني خواجة ولا حاجة....؟ اوكي كان دا سياحي اها وييييينو ستارة ، وينو مسجل و ينو موية بااااااااااارد هسي في بص دا...؟!! طبعا زي ماقلت ليك البص من بورتسودان محصلنوا الخط طوالي لانو البند الدخل بيهو بقول (يدفع فيما بعد)... المهم الجنوبي قال للكمساري امشي ياخ شيل قروش اديتو ليك دا وخلي باص دا يكون اجتماعي بدل سياحي بتاعك دا....
ويا نور الدين
شكرا ياخ علي كلامك اللذيذ دا وانا جاييك بالكنش عشان افركوا وابقيهو ليك ملاح ورق اخضاااار لكن الكسرة عليك يا عبد، دا دقة سريعة كدا قبل الشعيرية – فهمت الشعيرية دي ولا برضوا اشرحها ليك واعملها سكسكانية ...؟ عارفك فقري وما بتنوم بدري وبتفهما سلاخي لكن كان بقي بطئ شتت كدوك في الخرا توم دي لازم تفهما وهي طايرة ، يوم ناس الإلزامية عملوا كشمير للناس اها اخوك مرق ماشي يمارس الفصاحة في جامعة الخرطوم بس في لفة البوستة حقت بحري ديك شفت ليك خمسة دفارات واقفين انزل انزل بطاقتك بطاقتك والزمن داك اخوك ما كان بشيل بطاقات عشان البلاغات الضدي كلها تتسجل ضد مجهول ، اها اخوك نزل طوالي مع العسكري وبصوت عالي ، قلتا ليهو بطاقة شنو يا بلد وقلت ليهو في اضانو علي جنب كدا اسمع بطاقة دي مابتظهر هنا قدام الجمهور احسن تجلي الموضوع دا، وانت عارف البلد ديك فيها كمية من البطاقات والكارنيهات الما معروف جاية من وين لابعملوا بها شنو، والمرة التانية الكشمير في لفة الردمية اها اخوك كان بايت يوم الجمعة مع الأخت الكبيرة لانو اشتاق للكجيك، اها اختي قالت لي اقعد هنا يا اخوي ما تمرق ناس الكشة قاعديييين في اللفة ، اها قلت ليها انسينا ياخ كدي افتحي الدولاب بتاع المرحوم دا (زوج اختي) وطلعي بدلة ، ولبستها ليك في عز الحر ومشيت اول حاجة علي كشك الجرايد وشيلت ليك جريدة ألوان كمان الفيها صورة كمال ترباس الوشو بلمع فيها ولمن سالوا قال من موية الوضوء ديك، اها العبيد كلهم نزلوهم واخوك بقرا في الجريدة وانت طبعا عارف الجريدة بكون فيها شنو بالاضافة لسخانة البدلة ، المهم وصلنا شارع الجمهورية انحنا خمسة بس في الحافلة ، السواق وتلاتة عجايز وانا، المهم من نزلت من الحافلة الورطة دي عرجتا ليك علي اصحابي العبيد بتاعين شارع الجمهورية عشان اغير الكانون اللابسوا دا، اها من شافو ليك اخوك بالبدلة والحركات قالوا هاليلويا والله اكبر عينوك وزير خلاص ، وياتو وزارة انت هسي يا ولدنا، الجماعة طبعا متخيلين بعد كلام الجرايد البكتبوا داك حيودوني القصر طوالي ، لكن الجماعة ديل لو كانو دقسوا ودوني هناك كنت بعتكم واحد واحد ، واخت ايدي في القسم واقول( اقسم بالله العظيم والله علي ما اقول شهيد بان اضرب كل المال العام والخاص زاتو ، وما اسيب تعريفة حايمة بره) براك عارف ناس الصحافة بعد كتاباتنا البتخليك الساعة تسعة الصباح ما تلقا جريدة في الاكشاك يقولوا ليك قروش مافي والله ، ولمن نعمل نقابيين ونوقف الكتابة يومين تلاتة يجوك دكاترة لندن والمحلات ديك ويقولوا ليك ما توقف الكتابة ياخ انت زول عندك قضية ، قلت ليهم قضية شنو يا جماعة البلد دي مافي زول فيها عندو قضية مع زول الا انتو ديل الدايرين الناس يشتغلوا وملح كمان، اها بعد داك علي قول مصطفي سري انو كان في واحد جنوبي شغال مراصلة في جريدة من جرايد المعارضة الغير منحازة للدولة ، كان بقرا بعد الغداء في الجامعة، واتخرج وجا قال عايز يتدرب في الجريدة زاتها الكان فيها مراصلة، اها شبكوهو ليك امشي سوق ستة وسوق سبعة والحاجات دي شهرين ما ادوهو حق الموصلات ساي ، بعد كم يوم لاقهو مصطفي يشرب في الشاي ، سالوا اها الناس ديل ادوك قروش ، قال ليهو آآآآآي ادوني ، قال ليهو عملتها كيف دي ........................ قال ليهو مشيت عملت ليهم حركات( دينكا) اها عشرة دقايق قروشي كلوا مرق ومعاهو حق مواصلات انا صرفتوا كمان ...جات من وين قروش دي الله تعلم،وليهم شهرين كان بقولوا قروش مافي .
انا زاتي مرات مرات بستعمل الاستراتيجية دي معاهم لمن نمشي نضرب الانجيرا والسمك في البربري الجماعة طبعا بقول الموضوع شيرنق اها انا بقيف بالجمبة اخليهم ليك – طبعا في ناس كتار كنا شغالين اكتر منهم لكن هم عندهم وانحنا بعد دا كلوا ماعندنا- وبعدين في شمشارين كدا يقولوا لي يا محسن ياخ ما تطلع، قلت ليهم اطلع شنو، لمن يجيني تلفون من نيفاشا يقولوا قسمنا واستلمنا السلطة والثروة انا والله حا ادفع ليكم هنا، وبعد داك لمن ندخل يدينا ديل في جيوبنا بكون الموضوع صحي صحي سوا سوا، لكن براكم شايفين بدخل يدي في جيبي الورا وبطلعا دي ما كشكرة ساكت يعني انتو قايليني مقمل يعني ولاشنو....؟ ما مفلس اظرط من ابا زر ذاتوا...
وشكرا ياخ شايف كيف الكلام دا كلوا عشانك...
يا تراجي عليك الله انت ولا اي زول تاني تعالوا ياخ استقبلوا لي الضيوف ديل عشان داير احصل الخستكات التانية ديك ولسه عندي قصص قربت تطير ذاتو... بي طريقتكم كان طارت انتو قايليني جاي من الحج ولا شنو يا جماعة ...؟
والله بهزر معاكم ساي انا سلامكم بالدنيا ياخ انا لاقيكم وين يا شباب وكتير خير سودانيزاونلاين، هي الدنيا شنو غير لمة ناس في خير في بيت صفاح ولا في بيت بكري ابو بكر الله يديهو العافية....؟!

الاخ شمش الدين السنوسى سلام تاك ولى اهلك بتاعين االطقوس الوثنه المصرين لليوم-وتحت تحت كماقلت- انو انك كجورى؟ومالك يا جن عايزنى اجيب ليك الكوجين من اول يوم واحرش ليك الجماعه يقومو يردموك بالحجاره--انت مناطق جبال التراث الوثنى مش فيها تسعه وتسعين وثن؟-.لكن تعال هنا قلت لى انا بعرفك وانت بتعرفنى بواسطه ود المايقوما العامل فيها بتاع بزنس فى امريكا؟اسمع انت اسمك شمش الدين صح؟لكن ياتو شمش دين؟شمش دين الكجور ولا دين تانى انا وود المايقوما مانعرفه وتحت تحت كمان؟ويكون فى حنانك يا كجورى انته ود المايقوما دا ما قاعد يعمل فيها بتاع بزنس ولا بتاع كويس معاعك-هو بس بعمل فى البزنس المفروض يكون اى ود شمس فاهمو وليوم الدين-علشانا رقصه الكيرنق فى ناس قعدين فى الخرتوم جاين من جبال الحضاره الوشنه, عاوزين يتعاملو مع رقصه الكرنق-البتهز الارض والجبال-على اساس انها بدائيه ومتخلفه كمان-وغيرو من مصطلاحات علم الحيوان الاحتقاريه--دا البزنس-اقلك القورجولى- الهو قاعد يعمل فيهو.وبراك شايفو اول ما وصل طوالى شالو ليه مرارته-عارف المراره دى سببها شنو ولا ماعارف؟-ود المايقوما ده مشكلته واحده بس وانا قلتها ليه اول ما وصل بلاد كجور العم سام-لكن ماعاوز يعمل بيه حتى الان على ما يبدو من كلمتك(عامل فيها).الهى مفروض يجدع الموبايل فى اى كوشه من كوش امريكا.ونشوف انا وانت كان ما بقى زى الورد وفى زمن بسيط.لكن وين لا انا ولا ود المايقوما ح نعمل حاجه فى الدنيا دى بس بسسب الفياقه حقت المونساتيه القاعدين راجين نونسهم فى السودان وهنا كمان ونخفف عليهم ضغوض الحياه حقت نظريه الكجورى فوكويما-يايما- شفته كيف.علشان كدا قال ليك هو ماشى صلاه الجمعه-عارف ليه قاليك كدا-علشان انا زاتى ختستك بالعهد-وجيت اونس الونسه حقتى دى؟هو بس ماشى يشيل لى الفاتحه وكدى وانو الله يكون فى عونى وانت عارفو وانا عارف هو (عبد الكريم الكابلى مره واحد فى مساله الاخوانيات دى الجابت ليهو الهوه البارد اكثر من مره فى الدنيا ام دبر دى ويكفيهو الدبر الكان فى بطنه لحدى ما جى امريكا حقت الفرحانين دى.وبوست حق النوبه العاوزنى افتحو دا اعملو انت براك و انا بجيك فيه ارقص ليك كيرنك كان داير ولاشنو يا حبه؟ وبعدين النوبه مالوم فى امريكا و الحاصل ليهم شنو فيها؟ما زى الورد وداقين الكيرنك ,وديل بالمناسبه النوبه البان جديد ما المصقرين هنا من زمان.ولا كتشفو برضو هنا فى جوز حمام بدلا من جوز الحمام داك-شوف ليك اقرب فتيل ريحه جمبك قوام من العفيفى يا عمك-.ودا نظام مرحب بيك فى قطيه الكجيك حقتى دى العايزه ليها ريحه- ون مان شيو-والفاره غشو واعمل حسابك ود المايقوما دا لما يجداع ليهو اى جدعه كدا -قلبه كويس فى صاج الزلابيه قبل كل حاجه-علشان الحديه ممكن تختفها من يدك وتعورك كمان وهنا مافى بنسلين ياتمرجى.والكلام دا داير ليهو سلك ياعبد علشان يكون فى السلك.والكلام دا كلو عشانك و الحب العلمنا ليهو ود المايقوما -ماشايف فى ونسه هنا من بنات افكارو.ولا انت شايف انا هنا عامل فيها ابو ماريوما والعرقوس فى حى القوز؟وقد جانا فى تراث الكجور من السلف الصالحين-الاولاد من ما جات المدارس بقوا قليلين ادب وماعاوزين يسرحوا بالبغنم-او كما قيل.فعلينا انا و انت سوقهم الى المدارس وتصدير الغنم لفتح مزيد من المدارس ولو خالف زلك تراث اهلنا الكجورين.وشكرا ليك كتير والتحيه لود المايقوما والله عينو فى صلاه دنيا واخر.

محسن :
سلامو تا ينا

جي باك
إيني فول قوب
شن كراج
كراج ألوي
كراجا راتين
أييييييييييييييييييييييييييييي

:

قلت لي يا محسن مندكورو دايرين يخشو (بالكارنيه) لكن عجبني والله (جالشم) .. ياخ كأني بسمع ليك في ركن في شلتر النجمة يا محسن ........ أيواااا متزكر بتاع أنصار السنة القال لي دايرينكم ياناس الجبهة الديمقراطية تورونا أنتو مسلمين ولا كفار وأنا شابكو يازول أنا هلالابي لين ما جيت إنت وقلت ليهو ياخ أنا محسن طه دة إجرائياً كدة كافر
والزول شبكك يازول أمرق من منبرنا الذي تحفه الملائكة وماتعرف شنو ..... غايتو (والله أيام يازمان) .
ياخ من خبر لصديقنا أحمد ضو البيت .... قريت هنا كلام كتير عن إنو إختفي هل من جديد يا محسن .... ياسلام يامحسن ياخ والله ذكرتني أيام عجيبة .
ياخ .... بالله واصل لينا في البوست دة

وسلام تاك يا محسن

العزيز محسن طه
مليت فرقة كانت فاضية
الف مرحب بيك..

وينك اب اخضره؟
شايفك تحياتك بى رندوك اولاد مونج------شيباك واشن كراج؟
مالك زمان مابتحيناباللغه السمحه (ام شلوخ دى )ولا كنت ساكى لى ناس الحداثه ولبعده.البقولو ياجميل يا ساده-شطه الام فتفت جنتنى زياده-؟.وقلت لى صاحبك(السلفادورى شابكم ياناس الجبهه الديموقراطيه مسلمين ولا ما مسلمين؟ وانت شابكو هلالاب ساكت-ماهم لو بفهموا وبخشو الكوره كان شافو علم نادى الهلال دا فوقو-الهلال والنجمه- الموجوده فى راس اى مسجد.لكن نقول ليهم شنو ولا شنو--انت بس كان تقول ليهم مالكم الا تبصرون.وتحت تحت عاملين مرخاب وعلمكم(احمر)؟وكل مبارياتكم طالعه درون بيناتكم وبعد الزمن الاضافى نجى انحننا نحسما ليكم بالقون الزهبى ومن غير كواديك بتاع اولاد الخرتوم البتعملو فى انتو-وبعدا الفلهمه حقتكم تقولو الامبرروا ناس اهالى ساكت-ولامبرروا حايمين فى الخرتوم يكتبو ليكم فى الكواديك-رغم جيوبكم مخلوطه بالمنفستو حق شيخ العرب ماركس وكيس التمباك وكتاب غره العيون فى شرح ابن ميمون حول النكاح الشرعى-عشان يساعدكم فى تحمل الحبكانات الصعبه الفى السودان-بعد القاش والقميص والجزمه والشرواب الشده-تمشوا يدوكم شره-شرحبيل زى السم-وتغنوا فى سركم(اغالط نفسي باصرار و اقول يمكن انا الماجيت)شفته السودان دا صعب كيف؟يخلي الزول يغالط روحو بعدالكواديك والعروق حقت الامبررو دى كلها.حقو نطالب انو الرئس الجاى-كان صحى بجى-من الامبررو -ابان قمصان الفيها مرايات صغيره صغيره ديك-مش افضل من يجونه ناس القطع خور ويقطعونه من خلاف بعد القطع القطوعهو لينا ناس الشاكوش الحضارى الكوو فى راسنا هسه دا.وجايز الامبررا بقمصانهم دى المرايات حقتها تعكس لينا وجهنا الحقيقى القبل مويت الوضووقطع الجمار.ونقطع الطريق للمجادلات-حقت انحنا سكر ولما جينا السودان لقلينا فيه حنظل وخلطنا السكر بالحظل-ولكن بعد الخلطه دى مازلنا سكر بس للعاعجبو والماعجبو.وقالو فى كتب الفلكور الزى جاى عن طريق-- عن وعن وعن وعن-ان العرب لا تدين الا لهزا البيت من السكر--وايضا قيل الريس لازم يكون من اهل السكر والمعاوز يمشى يسكر-اها سكرو وكمان جابو ليكم ابو عشه-نمل السكر-فى نهايه السكره لما طارد وجات الفكره-وجع- وعلى زمتنا اهل الزم والزمه.ولا كيف ابو خضر؟تشكر على الجيه واشن كراج يامونج.

الاخت نهى محسن ابو راس...
تشكرى ياست على الكلام السمح
ياهو شايفه السودان بقى كلو قصص وقصاصين بس لسه مالقينا لينا ترزى يقص لينا اللبسه المريحةالتعجب كل الناس ومامهم الترزى منو بس لكن تكون قصه سمحه وعاجبه اى زول.
براك شايفه فصاصات الترزيه الالوان مختلفه ماتقدرى تقولى لونها واحد.وما كل لبسه ولا قصه ممكن تعجب الناس-دا من المعلوم بالضروره-لكن حسب الاخوان البساط لما تجى داير تدفع حق القميص .تقول ليهم ب(كم)يقولو ليك ب(المعقوله)...
دا المطلوب اثباته فى التلتله حقت السودان الغير ضروريه فى الغالب والاعم-لو سمح الكلام فى الدكان-الدكان السياسى ولو ب(الدين)
وزي مابراكى شايفه دكاكيناالسياسيه بقى مافيها نقد -القروش- بل نقد ونقد ومابعد النقد ونقد النقد.هو النقد دا كويس لوكان الناس شايله امواس-نضيفه ومعقمه- لكن امواس مصديه وسامه.هو ياخ فضل جهة للفصادة فى الجسد السودانى دا زاتو...؟
وتشكرى على المرور
والخته الجايه حتكون فى صندوقك لو عملتى صندوق ختة.

ووين يا اخوتانا اندرو كوات؟شيبك يا اكووماديد ولا لسه؟وينو الحنك الجديد الانت شفو هنا فى قطيه دا يازول كلام دا اى بنجوز هسه بونسسو تمام التمام مافى حنك جديد يا بنج.دا بس حاجه بسيت بس من الكلام الزى الناس.وعلشان مافى زول من جماعه تاانيينا ويوم تانى ودنيا دا ما معروف يا مونج يجى ونسس لينا كلام زى الناس-الخره- ونبدا من جديد فلازم نونسو من هسه.ماديرين مفاجات ولاحاجات انيينا مافضيين ليهو ومافى وكت للولوات تانى ومن تانى ولاكيف؟ونشوفك فى وكت تانى فى جنوف يامونج

شنو يا مان

بعدين كدي عرّج لينا شوية على الديوم، وأحكي لينا عن خستكات (الأباريق) في المناطق (المحررة).

واحد وزير جنوبى عينوهو نائب وزير للصحه -وعندنا مسؤلين من الجنوب ماقبل نيفاشه فيهم الكان رئيس سواقين والامى و والخ- (بافتراض حسن النيه،لانو الاعمال بالنيات- ودا موضوع نرجع ليه ورا)
تصدقوا كان فى وزير للتربيه امى عدييييييييييييييل كدا...؟
والله السودان والبيحصل فيه داير ليهو ليمونه من الزفاره حقتو.
المهم نائب الوزير (المجنبه) يوم قام الوزير- صحب الشى وكلو شى- جاتو سفره بره البلد- قام اب شنب ولعب اب ضنب كما تقول الحكايه الشعبيه- يقوم صاحبك التقول ما صدق بطلب كل الملفات حقت الناس العاوزين شغل فى المتشفيات -يعنى عادى فراشين وعمال سمكره ونجارين وغير من اعمال للصيانه الضروريه ما دكاتره- ويقع ليك تعيين فى الجماعه-الكان عمك الكبير داسيها تحت تحت ويقول انتظرو لما اساميكم تمرق فى الجرايد وكدا من المكنات المعروفه.
لكن وين عمك -تنقو البضرب البنقو- وصل ولقي ليك الدنيا خرابه وصايته.ويقوم يقول لنائبه كيف انت تتصرف تصرف بليد زى دا..؟
ود مونج فال ليهو,ياتو تصرف بليد- ووتش يور ماوس-الناس ؟
عمك قال ليهو الناس الشغلتهم ديل؟
اها النايب قاليهو مالو مشكله وين هسه؟
الوزير قال ليهو ياخ افهم، الناس ديل ما عندهم الاشياء الضروريه والمهمه علشان تعينهم بالطريقه بتاعتك دى.
قام ود مونج قاليهو انا وزير زيك وعندى حق اعمل اى حاجه مهم فى وزاره دا، وحسه ماداير معاك وجع راس ارح للريس زاتو هسه دا.
ومشو لسيد الناس ، قول اعوذ برب الناس.
الريس قاليهم مالكم كمان؟ سعادتو الزول كان مافى وانت عارف جنو سفر,انا قمت وراه عينتا ناس مسكين عاوز شغل صغير بس، يا هسه هو زعلان بس من كلام دى.
اهاالوزير-اب سفره- قال للريس ، المشكله انو اخونا الجنوبى دا,قام بتجاوز الاجراءات المعروفه فى مساله التعينات ياريس .
فقام الجنوبى مقاطعوا ليك زى شنو يعنى...؟
اها الوزير قال لابد من وجود الشهادات العلميه .
اها نائب الوزيرالجنوبى يقوم يفقعها ليك ضحكه فى وشهم ويقول ليهم باللهي يا ريس اسمع كلام بتاع زول عوير دى ، هسه انتى ياريس ما عينتنى انا كان عندى ياتو شهاده ...؟؟؟!!
تيممممممممممممممم الجماعة سكتوا.

يا ناس هوى والله الجنوبين ديل ممكن يجضموا ليك السودان دا لمن يمشى زى الترتيب انت قالين شنو...؟
لكن دا برضو سبب المشاكل البواجهوها... انهم عايزين يجضموا اى حاجه زى الترتيب...
واحد عمكم وزير من الجنوب بقا وزير نقل ومواصلات.... برضو لملم الملفات حقة الوزاره للمراجعه وكدا...
يقوم يلقى ليكم ملف حق واحد... قام سأل ليك الجماعه القدام القاعدين من سنه دوو...
ياناس الزول دا شغال شنو هنا فى وزارة دا...؟
قاموا قالوا ليهو.الزول دا ما(الامام)بتاع الوزاره ياريس...!
قال ليهم علشان كدا انا جبتكم هنا فى الاجتماع داعشان تورونى هو شغل بتاعه ياتو شغل...؟-معروف دا وزاره نقل وطرق ومواصلات-يعنى ناس شغالين فيه(سواقين ومكنيكيه وحدادين وعتاله برضو)صاح ولا ماصاح...؟
اها الجماعة قالوا ليهو صاح كلامك ياريس ...
اها قال ليهم طييب لوكلام تاى صاح .الزول دى مرفود من وزاره من هسه مفهوم ولامامفهوم...؟
الجماعه عاوزين-يموتو من الغيظ قربو يتسممو بلاعبهم من الكلام...
المهم قالوا ليهو لكن ياريس دا امام المسجد حق الوزاره ياخ ...
قاليهم خلاص امشوا كل شهر جيب ليهو قروش بتاعتوا من وزاره(الاوقاف)، بلاش كلام كتير معاكم...زول دا عندو وزير بتاعوا هناك ما عندى هنا.
تقولو لى قروش البترول وقبله بتنصرف وين وناس منو بصرفوها؟؟؟؟؟.
الباقى بكره هنا
برد يخليكم تقولوا ب(التلج).

dear laku atto

good to hear from you

i am not home right now

do you remember our historical momemt
fi miedan Agrab", me and you and our
beloved friend the late Nasr eldean Alrashied
and Eissa Shahien,and our friend Teirab ,

i will be be back when i get home

yours Dahia

أخي الجميل المخستك محسن

Quote: ياهو شايفه السودان بقى كلو قصص وقصاصين بس لسه مالقينا لينا ترزى يقص لينا اللبسه المريحةالتعجب كل الناس ومامهم الترزى منو بس لكن تكون قصه سمحه وعاجبه اى زول.

سمعت بترزي عجييييييب في سوق سعد قشرة إسمو دستة ممكن تمشي ليهو ويقص ليك علي حسب ماعايز..

Quote: النقد دا كويس لوكان الناس شايله امواس-نضيفه ومعقمه- لكن امواس مصديه وسامه.هو ياخ فضل جهة للفصادة فى الجسد السودانى دا زاتو...؟

والله الجسد السوداني أهترأ جلدو من كثرة التجريح والتفصيد المن طر...وأصبح عامل زي الجثة البجيبوها للتشريح بعد ما يطلوعها من الفورمالين..
الله يكون في عون الجميع
مودتي

Quote: يا ناس هوى والله الجنوبين ديل ممكن يجضمو ليك السودان لمن يمشى زى الترتيب وانتو قالين شنو؟لكن دا برضو سبب مشاكل البواجهوها انو عاوزين يجضمو اى حاجه زى الترتيب.واحد عمكم وزير من الجنوب بقه وزير نقل ومواصلات,برضو لملم الملافات حقت الوزاره للمراجعه وكدا,يقوم يلقى ليكم ملف حق واحد.قام ساءل الجماعه القدام من سنه دوو,ياناس الزول دا شغال شنو هنا فى الوزاره دا؟قاموا قالوا ليهو.الزول دا ما(الامام)بتاع الوزاره ياريس.قال ليهم علشان كدا انا جبتكم هنا فى الاجتماع .عشان تورونى هو شغل بتاعه ياتو شغل؟-معروف دا وزاره نقل وطرق ومواصلات-يعنى ناس شغالين فيه(سواقين ومكنيكيه وحدادين وعتاله برضو)صح ولا ماصح؟قالوا صح كلامك.طبيب كلاص لوكلام تاى صح .الزول دى مرفود من وزاره من هسسه مفهوم ولامامفهم؟الجماعه عاوزين-يموتو من الغيظ قربو يتسممو بلاعبهم من الكلام.قالوا ياريس دا امام المسجد حق الوزاره ياخ----قاليهم خلاص امشوا كل شهر جيب ليهو قروش بتاعهو من وزاره(الاوقاف)بلاش كلام كتير معاكم.زول دا عندو وزير يتاعه هناك ما عندى هنا. تقولو لى قروش البترول وقبله بتنصرف وين وناس منو بصرفوها؟؟؟؟؟. الباقى بكره هنا برد يخليكم تقولو ب(التلج).

ياخ انت زول ممتع جداً ..
متعه ممنهجه


لمحت إسم ُقطِيّتك دى كم مره ... قلت الدوكشمان بيكون مُدوِّر فيها ..
لقيتها ليك دليب ونبق ساااااى ما بسوى شى.

شكرا ياخ..
you made my day


التوقيع
(مؤنث سالم)

يا اكوى دينق...
شيباك يا اكومديد او بنج مديد انت ياتى فى الاتنين ديل...؟
قلت لى مالك جاى مسخن كدى...؟
سخانه وين... لسها القوجطار جاى فى السكه
اصبر ياجن خلى نونسو ناس سودانين البقولو سوا سوا انت وانا ومن حقنا نحلم ونطير زى الفراشه(اسمع الغنيه احسن عند سيدها هاشم مرغنى عشان سمح الكلام في خشم تاع سيدو)...
وشكرا على المشاركه...
عزومه حقك فى فشوده يوم تانى(مناكيلو واتتبوبا ),
اشكرك يامونج...

جون بيونق...
سلام يا بنج ديد...
قلت لي احكي ليكم كمان عن شمالين فى الجنوب...؟
و الله انا ما عندي فكره عنهم هسه؛ لكن انت يا جون بيونق دينكا بتا خرتوم ولاشنو...؟
لانو شمار بتاك يا جيك كهربه حقو عالى شديد,مالك يامونج عاوز تضرب لى الفيوز الفى القطيه حقى دا من قولة تيت...؟
اسمع الشماليين الفى الجنوب خليهم يرطبو انساهم بلاى,وانت عارف كويس من سنه 83 ناس ديل تعبانين وانت كنت فى الخرتوم ماقاعد تسمع لمن زول يضحك(زى ضحك بتاك هسه الانا شايفو),بيقولو ليهو (تضحك يضحك السمك),لما نميرى قام بعوارات بتاعو وجدع علب الصلصه الفاخره فى البحر متذكر...؟
بالله نميرى دا ما كان فرده بتاع جنوبين لو كان بس شال علب صلصه دا سنه(83)و وداهو فشوده ما كان احسن من عضم السمك الهسه ماداير ينبلع ولا يمرق دا..؟
ونميرى زمان لماكنافى مدرسه الجمهوريه فى اويل(مدينق اويل),كنا نغى (نميرى امسكوا بلد كويس ...نميرى انا بقى حريه ... يلى نكورجو للوبيا فى بليدنا
لكن شوف هم كورجو - زراعوا- شنو هسي .
وشكرا يا اكوى على زياره تاك فى قطيه تااي
لكن اها براك يا مونج وشوف انت لما جيت فى بيت تاى الزول جا ورك طوااااالى ما سلم على سيد بيت - انا- زاتو...وماقال اى حاجه لى أن وطوالى اتكلم معاك انت...
شكرا ليك علي المرور

واحد مجنبه- جنوبى -اسمو وجالبنج - معناها ود الواطه-... قال عاوز يجى الخرتوم لزوم يشترى ليه جنصصه - الهدوم المستورده طبعا- بعد انفتاح المشروع الحضارى على الحضارات الكافرة وبعد مع زععطو و معطو افكار الناس ب(وهمه نلبس و نجنصص مما نصنع ونكد الدوم- الكدونا بيه- مما نزرع)...
الجاكات الكان بقولوها للشعب السودانى الفضل ديك ياعبيد...
المهم وجالبنج جره سلك -ضرب تلفون-(الشرح دا للقراء العرب المابعرفو اللغه النجيضه-الحيه- اليوميه)، المهم قريبو فى الخرتوم رفع سماعه التلفون ، كيف يا ولدنا وكيف بالله الجنوب وانشاء الله الاهل مرطبين يااكونا يخ...؟
اها صاحبك بتاع الجنصصة رد ليه ما فطالين وكويس الحمد لله. وقال كلاص انا زاتى داير نجى شويه كدا فى خرتوم تاكم دا وما نقدر نونسك كتير هسسه مكالمه دى ولائ-قروش حقو كتير شويه ياجال-ياراجل-.كدى وصف لى بيت بتاعك الفى حاج يوسف(وحده) مش هو فى الوحده...؟
قال ليهو اييوا فى ااج يوسف وحده ياجالبنج.كلاص جيبو قلم واكتب وصف دي قوام...
يلا قول... اها عمك قعد يوصف للزول ...
شوف اول ماتصل السوق الشعبى,تركب طوالى مواصلات بتاع الحاج يوسف دايرك للوحده,ولما تصل سوق سته تنزل وتركب تكسى الغرام الفوقو مسجل-الكارو-الماشى كرتون كسلا.وهناك تنزل فى محطه الجهاد كويس -صحبكم اداها صنه شويه وسوس فى سرو جهاد دا ماقالو انتهي كلاص؟- الوو انت متابع معى...؟
اييوه متابع معاك واصل الوصف...
شفته بعد محطه جهاد دى تمشى طوالى بتلقى ليك شارع اسمو اسمو اسمو ايوه شارع اباذر الغفارى اوكى... واول لفه على يدك اليمين بتلقا شارع اسمو شارع معاز ابن جبل تمسكو طوالى للنهايه.وبعدين تلف على يدك الشمال فى شارع اسمو شارع معاويه ابن ابى سفيان,بس تلاته بيوت منو فى شارع الزبير باشا.بس جمبك فى باب لونو اخضر فاتح فوقو قرون بتاع جاموس.دا يهو بيت بتاع انيينا ظازااتو تيلاك ... وعلشان تتاكد منو كويص ارفع راسك فوق بتشوف راس جامع السنه المحمديه من الجمبه الشمال وعلى يمينو طوالى مركز الدعوه والارشاد الفوقو مزيره تاع مويه,مكتوب عليه سبيل الشهيدانشاء الله تكون كتبته حاجات الانا قلتو ليك دا كلوا كويس..؟
اخونا ردمن الطرف التاني اييو مافى مشكله كتبتو كلو واحد واحد.لكن يا اكوى -اخونا- كدا نسعلك - نسألك - انت ما قلت بيت بتاعك دى فى ال(وحده) صح ولاماصح...؟
عمك ردا عليهوايوا صاح فى شنو...؟
اها اخونا بتاع الجنصصة بهناك - فقد المنطق - فى شنو كيف ياولدنا... ياك - ياخ-...؟انت ما شايف الحاجات دي واسم تاع شوارع دا وكمان فى حله بتاع (الوحده الوطنيه)...؟؟
اها لمن اجيكم تاني ...

الاخ احمد ضحيه...
سلام تاك يامان...
والله متذكر كويس اى حاجه وخاصة(خور سعد قشره)،
وعيسى شاهين
وقدوره
والراجل الجدد جدد(نصر الدين الرشيد)
والزول الاسمو نصر دا، داير ليه جكه -بوست- براه ياجيك.
نصر الدين دا زول مابنحشر فى اى حته سامبلا،اوعدك بيه قريب.
وانت عارف انا مابنسى لاشارده ولا وارده...واديها صنه بس...خلينى انتهى من الخستكات دى -الفى ناس ممكن يفتكروها خستكات ساكت-.
اصبر بس شويه.وشد حيلك فى الواقع الجديد دا حق الكضبه بتاعت نهايه التاريخ او كما قيل.
واحد اخونا قال زمان نقول للناس فى السودان لما كانو فى سوريا ياجماعه اصبرو لينا شويه انحنا ماشين قدام,وبعداك وصلواايطاليا برضو يقولو للناس السودان قربنا اصبرو علينا تانى شويه لحدى ماوصلو امريكا-نهايه قدام دى- قام قاليهم والله وصالنا النهايه وبعد دا ماعارف نقول ليكم شنو، بس صلوا حقكم تلقوهو يوم القيامه انشاء الله..
وتشكر على الطله ..
لكن انت ما شايف لسه بدرى علي برنامج(ايام لها ايقاع)..؟
يازول قطرنا لسه ما صفر -وصفر قطرك انا انتحرته وبى كل العوالم انا كفرته- وكدا انت تعال اجدع ليك جدعه واحده من حقت خور سعد غرفه دا،وعبد الباقى خلى لى انا للتجضيمه وكدا...
وبعدين شنو الحنك ب(الانجليزى دا)ماعارف اخوك فى كبيك الجانب الفرنسى من شمال امريكا...
يازول الفرنسى دا زيو زى العربى برضو فوقو(كانا واخواته البتعمل عمل صحباته) ياخ زاتو نقرا لشنو ماعارف وعشان شنو ومنو ما عارف زاتو، وبراك شايف القروا فى فرنسا ولا لندن والمانيا هم الهسى مخستكين بالسودان وناسوا.
المهم نشوفك فى وكت تانى يكون زى العجب.

وانجا
(مؤنث سالم)
المدموزيل ولا المدام -دا الحسه بعلمونى ليه ناس الفرنسى فى كبيك \مونتريال
قالوا لما تتكلم مع زول ماتعرفو من اول مره تقول كدا .
لكن من الاسم بس، في اتنين وانجا واحدة حقت الشعر و واحده تانى.
لو حقت الشعر امانا ما جانى العربى حق ناس الافرواشين تانى من تانى.
وبمناسبه العربى بتاع ناس الافرو وايشن دا,كنت مرات مرات بشيل الجريده لبتاع الدكان ود النيل الابيض عبد الجليل بقول ليهو هاك اقرا الكلام دا,يقرا كداااا وبعد داك قال لى الكلام دا(عربى) يالاكو؟
بعدين قال لي لا لا دا لا عربى ولا شيتين نحنا العربي بنعرفو، شيل الجريدة دي لى غادى عليك النبى خلينا نمشى الزبون دا...
والزبون يكون شافع عاوز حنبوكه بس.
شفتى اولاد العرب تعبانين كيف.؟
ويجو ناس من وين وين يقول هم اصحاب الشى وكلو شى المستهبلين بتاعين الخرتوم.
وعجبتنى كلمه(ممنهج)قولت خلاص دايرين يرجعونى تانى لكلام الناس العاوزين يجككو فى الخرتوم -محل المريسه كوم- وبعدا كلو يقولو دقه سريعه قبل الشعريه.بكره باللالوب ,الدليب والنبق كمل- خزناهو علشان الشعب يطع مظاهرات ويقلب الناس ديل هوبه.طالما جماعات الديمقراطيه عاوزين يلعبو معاهم-كمبلت- ودس دس وعرس عرس.
وتشكرى على حسن جميل -المجامله اللطيفه- والزياره..
وكان طلعتى ياسر عرفات -ست الاسم وانجا الجد جد- الله يديك العافيه .
محسن طه(مذكر سالم).
سلام بتاكى

Quote: والماعندو حاجة يساعدنا بالدفرة وليكم الأجر عند المقدرة

دي انا زاتيييي


تحياتي...

الدكتور توبى مادوت
واحد من الساسه الجنوبين القدام فى تاريخ السياسه -لو لم نقل المساخة السودانيه-
.مره فى شهر واحد بس عزموهو سته مرات , لندوات عن(الهويه)فى السودان -الفيها جنس الكلام حق ناس الخرتوم البتكتر فيهو الونسه بطريقه (انحنا قاعدين نفتكر انو السودان بلد متنوع ومتعدد وغيرو من نوع الرطانات المافى زول بيفهما الا ناس سنتر الخرتوم والحنك بالكوم)
المهم فى اخر ندوه من الندوات الكتيره عن الهويه.قام قال ياجماعه انتو ماشايفين انيينا قاعدين نلف وندور سامبلا ساكت فى حاجه ما مهم شديد فى بلد تانا دى ؟
الجماعه طوالى ردو عليهو:
كيف بالله يادكتور توبى؟ ياخ انت عارف مساله الهويه دى من الاهميه بمكان..؟
قال ليهم : مكان ياتو؟ اها شوفتو كلاص اللولوه، دايرين تبدو مش..؟
تييب ياجماعه انا توبى دى من اكبر قبيله فى السودان كلو -دينكا- فى يوم انا ولا اى دينكاوى عمل ليكم عزومه وقال دايركم تجو تونسو هويه بتاع دينكا وانو الهويه الدينكاويه من الاهميه بمكان..؟
و لا فى دنيكاوى قال يوم لازم شلك فى فشوده يكونو دينكا ولا نوير لازم يكونو شلك، ولا كجور بتاع شلك لازم دينكا يعترفو بيه..؟
وواصل د.توبي : اوكى ننسي كلام دا كلو،ياهو انا دا دكتور وكلينك -عياده- حقى فى حاج يوسف ردميه ، ناس بتاعمك الانتو هسه جبتونا علشان نونسو مشكله بتاعم -القلتو اسمو هويه دا-، كتير من ناس ديل بيجو العياده عندى وكتير منهم عندو مرض ملاريا-وغيرو من امراض - حصل يوم ناس وزاره الصحه جاء فى عياده حقى وقفلوه -علشان دكتور توبى قام اعطه ناس العندو ملاريا حقنه تانى ماكلوراكين ولا كينين؟ مثلا كيدي نقول حقنه اسمو اسمو,ايوه -دينكاكوين,شلككوين,نوروكين,باريكوين...الخ؟.
او مثلا فى اى مستشفى فى زول دخلوه هناك قامو طعنو حقنه اسمو -عربوكوين ,ولا اسلاموكين؟
اها الجماعة سكتوا.
قام توبي قال ليهم : مالكم سكتوا ... ؟كلام تاى دا مامن الاهميه بمكان ولاشنو؟ المهم شكرا للعزوم بتاكم، واخر كلام بتاعى انا شايف الدوله بتاع سودانيين دا (دوله) ماعندو شغل ساكت احسن نونسو ونفكرو كيف نلقا للدوله (شغل) ينفع الناس كلو، ولابلاش من الكلام الما من الاهميه بمكان الكلو مره نسمع فيه دا، وكان دا ياهو كلو -الكلام- بتاع عزومات حقكم بس ، شكرا ليكم

قريت لي بوست اسمو ( حق الكلمه يادوت مجاك)
شايف فيه جنوبين داقين نقاقير....
هاكم ارقصوا فى النقاره حقت واحد من الافنديه بتاعين الخرتوم (وشوفوا النقاره حقو دا قوجطار تمام كيف).
ويا جماعة مافى زول يجى يعلق لى فى الموضوع بتاع النقاره دى هنا فى البوست حقى دا، انتو اقروا وارقصوا فى نقاره بتاعه كويس بس ، لحدى ما اجيكم هناك.اوكى اتفقنا يا اولاد مونج، بوست حقى بس للخستكات ما للنقاش ..
يقول عبد الوهاب الافندى فى مقال بجريده (الصحافه اغسطس\30\ 2001)
تحت عنوان (قضيه الوحده والانفصال فى السودان والعوده الى الخطاب العقيم).
قال الافندى:-
(ان زعيم حركه التمرد جون قرنق لانجادل بانه حريص على الوحده فى البلاد،ولكنه يريد الوحده بثمن لاتستطيع قوه سياسيه فى البلاد ان تفى به حتى لو ارادت،فالمساله لاتتعلق فقط بقضيه الدين والدوله كما يتوهم البعض بالرغم من ان حسم هذه القضيه ضرورى لحسم الصراع، فهنالك قضايا اخلاقيه اعمق تتعلق ب(هويه)البلاد، فاعتراض قرنق على الهويه العربيه الاسلاميه التى يرتضيها غالبيه اهل البلاد لايجعل التعايش ممكنا، ذلك انه حتى لو ان قرنق اصبح حاكما على السودان، كما يتمنى واصدر مرسوما يحدد هويه البلاد كما يشتهى فان ذلك لن يحل المشكله، فاذا كانت الاقليه ترفض الهويه المفروضه عليها وتقاتل من اجل ذلك، فكيف ستقبل الاغلبيه هويه مفروضه؟.
ولنفرض جدلا ان الاغلبيه فى السودان اتخذت قرارا جماعيا بالتنكر لهويتها العربيه وصاحت باعلى صوت(كما فعل اخونا العقيد معمر القذافى) ، اننا افارقه لاغير فان هذا لن يغير فى واقع الفوارق الثقافيه بين الشمال والجنوب) .
انتهى كلام الجالدونق الافندى

الحبيب محسن طه
رغم مرضي هنالك بوست مرضني
كتبت ردين مطولات وفجأة وجدت في ردي الآخير انه البوست اختفى
لذا قررت نشر مداخلتي هذه بعدد من البوستات وبتاعك ده واحد منها:


من هنا تبدأ مداخلتي المحذوفة:



عنصري البورد......
يعني انتو قايلنا ما بنقرائكم كويس؟؟؟؟
يعني مثلا انتقد عادل عبد العاطي وثورت سوار الدهب وكمال عباس هذا نفسه
الصادق المهدي...وما سمعنا زول من الانصار اتجرأ وقال لهم شوفوا صورتهم
او هذا يدل عن عقدهم وامراضهم؟؟؟؟


من انتم ايها المعقدين فعلا للتجرأو بقول هذا عن خالد بحر؟؟؟؟؟




كتب اساسي كبير الدبابين وشيخ العنصرية هنا...

Quote: الحاجة الما قادر افهما الي الان لماذا كل كتاباتك ترتكز علي خلفيات وايحاءات جنسية ومثلية وشذوذية ؟؟ والاستماتة في محاولة الباسها الصبغة التحليلية والنفسية دون اي سندات مقنعة او حتى مبررة , يبدو يا شيخنا ان الامر يحتاج اعادة نظر وقيام بعض الكتاب ذوى الخلفيات في الطب النفسي تحليل ذلك علهم يفيدوك لتحاول الخروج من هذه المستنقعات التي تطلق عليها تحليلات

لعلمك ايها الدباب اساسي لو حضرت لمصحة طبيه لقابلت امثالي من الباحاثات قبل مقابلتك للطبيب
ومن خلفيتي العملية البسيطة اقول لك...كتابات خالد بحر طبيبعه...وشوف لك متنفس آخر لاختلافك معه.


كتب كبير الجهاليل احمد عبد الله:

Quote: أتوا من هذه الارض .. من اين اتيت أنت و رهطك ؟؟ زي ما قال ليك اساسي امشي صور جواز سفرك و تعال وانا بزيد عليه و بقول ليك جوازات اسلافك ليعرف الجميع من هو ابن هذه الامة .. قرف يقرفك ..

والله لا يقرف احد مثلك بهذا البورد.
انت منو الفاكر انه لك الحق تفتي او تفحص جوزات اسلاف خالد بحر؟؟؟؟
والله يا احمد عبد الله عشان قلة ادب امثالك هؤلاء..كرهنا الحزب الاتحادي ويومه
لاننا لم نقرأ لك كتابة واحد فيها فائدة...ويوم كتبت لك بوست وحيد حقق الول مرة
ربما الف قارئي كان لانك تبحث عن الشهر ومشيت تكابس من قتل بدر الدين عجاج؟؟!!
ولا يا ربي كنت عايز تلصقه في غرباوي برضو؟؟؟واحد عيان بعنصريته.
وحياتك ناس خالد بحر ديل هم الحيفحصوا السودان كله ووقتها كوس لك واسطة يا بتاع الواسطات
وما اشوفك متجرس وتجي تقول له يا اخي انا زميلك ببورد بكري سابقا
اصلا امثالك لا يستحوا.
ورجع كبير الجهاليل للاعادة:

Quote: يا محمد عثمان .. ياخوي خطأ شنوا و اعتراف شنوا .. أقرأ كلام اساسي فوق .... خالد بحر يعاني من عقد شخصية لا تبتعد عن مضمون كتاباته !! و اللبيب يفهم ؟؟

وبضربة كي بورد تحول كبير
الجهاليل لاخصائي نفسي واجتماعي؟؟!! وكما يفتي في العقد.!!


ويا ترى ماهي عقدة رجلا مثلك يفترض متزوج وعايش حياة طبيبعة في كواسته
للونسات مع امثال سارة منصور؟؟؟


كتب كمال مبارك الكباشي كما ادعى ايام اقتحام حمرة الشيخ....

Quote: مثل هذا المعقد لا يفهم مثل هذا القول ،، ولا يعرف معنى الادب وكيف يكون الادب ،، أنظرى الى صورته بالبرفايل ،، هذا اعتقد انه فوق النقد ،، يا هذا تأدب ،، تأدب ،،، تأدب

اولا لعلمك يا كمال مبارك
خالد بحر واثق من نفسه ويضع صورته بكل فخر..انت صورتك وينها مع الرجال؟؟!!!
ولا بتخافوا من ناس الآمن قاعدين لابدين؟؟؟؟وصورته مالها؟؟؟؟

عارف يا خالد بحر لو شفته جرست الاتحاديين ديل ايام رسم خالد كودي الميرغني عريان
واستنجادهم بناس الحركه الشعبيه,كانت مته من الضحك؟؟؟يا جماعه مولان يحترمه الراحل د.جون قرنق
يا جماعه مولانا كان صديقا لدكتور جون....يا جماعه ويا بطيخ اها د.جون الكنتو بتستنجدوا بيه
ده وعاملين مفتخرين بعلاقاتكم معاه......في ماذا تختلف صورته عن صورة خالد بحر؟؟؟؟
وهل به شيئا من دمائكم الآريه ليكتسب مكانة بعرقه وملامحه؟؟؟؟


واوع واحد شوبار منكم يحاول يقول لي بمواقفه؟؟!!

لاننا هنا لا نتحدث عن المواقف الكلام محدد وعن صور؟؟؟فحينما يعجر العاجيزن من امثالك عن المنطق
يلجأوا لمثل هذه المتابات الخيبانه!! قال صورتك قال ومعقد قال!!

هذه دواخلكم التي كان يعرفها جيدا د.جون قرنق دي مبيور وعلاجها عندنا تماما.

وكتبت ماجدة عوض خوجلي:

Quote: ماريته انت ينم على شئ غير كريم داخل نفسك

يا سلام...وما الذي رايته يا استاذة وماهو الغير كريم بنفس خالد بحر؟؟؟
طوالي عايزة تركبي موجة العقد دي؟؟؟انتو لمتين نحن في العباطه دي؟؟؟؟
ونفس منو الما كريمه يا استاذة؟؟؟خالد بحر؟؟؟الذي لم نقرأ له يوما
بوست همز ولمز ام حضرتكم؟؟خالد بحر ده راجل شجاع وبيقول للاعور اعور في عينه تسلم عينه.
مش زيك...شغاله صور وعابطه وما قادرة تقولي عديل ثلث الثلاثه كم؟؟؟؟
خالد بحر ده في عمر ولدياتك يفترض شكل مناصحتك له تختلف...لكن العرقيه و الجهويه
حتى مكامن الامورمة الطبيبعية في اي امراة تحجرت في دواخلكم,قبحكم الله من جهويين مرضى
وربنا يشفيكم.

وجاءنا الدكتور ود محجوب:

Quote: اذا وقفت ساقطة فى أحد الأزقة فلا أحد يغالب سلاطة لسانها أكيد هى المنتصرة الميدان ميدانها واللغة هى لغتها . تسقط كل معاناتها النفسية وتشوهاتها على من تختار حتى تطمئن ان الجميع ساقطون مثلها. ما أشقى من يختاره اصخاب العاهات هدفا لسهامهم.

وتجاوز كل المنطق سيادته لاقليم خالد بحر كاملا فقال:

Quote: لقد بدأت البغضاء من أفواههم وما تخفى صدورهم أكبر وأخيرا بلاء ليس يعدله بلاء عداوة غير ذي شرف ودين يبحك منه عرضاً لم يصنه ويرتع منك في عرض مصون

يا دكتور هذا يقول عنك ولا يقول عن خالد بحر
انت فارق الكتبته ده ما ردحي؟؟؟الا يكفي انك شبهت رجلا مثلك بامراة ,واصريت ان تخاطبه
بلغة مؤنثة؟؟؟؟السقوط الاخلاقي ده قايله كيف؟؟؟والحمد لله انت بنفسك قلت اللغة تدل على التشوهات الداخليه,اها ياريت تجي توضح لينا شكل تشوهاتك...لاني لم اجد الا عقدا لك في مداخلتك الماضية.
وكمان بتتكلم بلغة الجمع؟؟؟من هم هؤلاء الحاقدين؟؟ وبغضاء لمنو وعلى شنو؟؟على سجم خشمكم؟؟؟
ومن هم الغير ذو شرف يا دكتووووووور؟؟؟ما تبقى راجل وتقول هم منو؟؟؟؟عشان وقتها لكل مقام مقال؟؟!!
اعوذ بالله من الطائفيين وتفكيرهم العقيم,يا اخي فرقك من حميد شنو؟؟وبيان كيان الشمال؟؟!!

وطبعا لايمكن ان يتأخر هشام مدني من هذا المولد:

Quote: انت بالكثير واحد قليل أدب وما محترم وما عايز اقول اكثر يا ولد يا بتاع تاريخ الميلاد: 1982 شوف ليك موضوع قدرك وما تتطاول والله زمن !!!!!

طيب لما هو ممكن يكون في عمر اولادك يا هشام
الم تجد وسيلة افضل لمخاطبته؟؟
ولا اسهل حاجة استوطأ الحيط للآخرين؟؟؟

ما يتطاول على منو؟؟هم ساتك وليسو سادة خالد بحر ولن يكونوا.
يبقى انضبط في الفاظك ايضا.

ويا خالد لا تهتم لهؤلاء
ننتقدك لاجل نفسك ولانك تهمنما ولاننا ندخر من هم مثلك لايام قادمه تحمل
كثير من الخير لبلادنا,فيها مكان لكل شخص محترم نفسه,يكون مجدوع يكون مفدوع
مدام لا يخطا على الآخرين ولا ياكل اموال الناس بالباطل فهو جدير باحترامنا.

انضحك ان تحفظ اسماء كل هؤلاء العنصريين
فصدقني سيآتي يوم ونحاكم كل من تطاول على شخص بعرقه او لونه او سحنته.
هذا البوست ستتواصل الواسطات لسحبه فسجل مداخلاتهم عندك واحفظها للتاريخ.



هنا لم تيطاول على خالد بحر فقط
لقد تم التطاول على اصحاب السحنات الافريقيه
ومن عضوية حزب كامل!!
وسجل يا تاريخ.


اشيد بموقف احمد الشايقي فرغم حدة نقده لكنه لم
يصل لنقد عرقي جهوي قذر كما فعلت هذه الثلة.
وعشان تعرفوا نحن مصحصحين ولا تزر وازرة وزر آخرى.

Quote: والراجل الجدد جدد(نصر الدين الرشيد) والزول الاسمو نصر دا، داير ليه جكه -بوست- براه ياجيك. نصر الدين دا زول مابنحشر فى اى حته سامبلا،اوعدك بيه قريب.

محسن

ياخى كتابتك عن نصرالدين دي أهم شئ، عارف يامحسن أنا عايز أكتب لكن ما قادر يمكن إنتا لو كتبتا أنا أقدر أكتب، فأرجوك أبدأ بسرعة ما في زمن يا مان مع المكنة المدورة دي.

.

محسن بعدين ادفعل لينا حق العتاله ده شغالين نعتل في بوستك ده.

الاخ محسن
مرحب بيك في سودانيز اونلاين..

محسن طه

يا مونج ياخي دا بوست لذيذ عديل كده و مفيد و طريقه تناول جديده لنج في البورد .... واضح انك فلته..و تفتيحه و عندك تجربه معايشه حقيقيه....الحاج يوسف...فشوده..الخور...الرياض.. جبال النوبه.. الكشات ...السوق العربي... واركان نقاش جامعه الخرطوم..الاسلاميه..الاحفاد و معاها صحافه بالجنبه.وفردك جنوبيين و حلب وعرب و فور ونوبه وبجه... و بلاويك متلتله وكده... ياخي ماعايز انق ليك كتير... وابوظ ليك القطيه بتاعتك دي... و اكبر ليك راسك لمن يطرشق....

و كمان

Quote: ويا جماعة مافى زول يجى يعلق لى فى الموضوع بتاع النقاره دى هنا فى البوست حقى دا، انتو اقروا وارقصوا فى نقاره بتاعه كويس بس ، لحدى ما اجيكم هناك.اوكى اتفقنا يا اولاد مونج، بوست حقى بس للخستكات ما للنقاش ..

ياخي انت عارف شايت وين.... منتظرنك... وتعال خستك عشان نخستك سوا يا جميل..

.

محسن طه
الف كرجب بيك فى المنبر
قلمك ساخر وحلو يرضو (المضمون حلى هسه بجيك ليهو تانى)
بجد اتكيفت جدا من السرد رغم الـ ......... برضو

نقول اهلا
بالنسبة للخستكات دى لينا فيها كلام تانى ما وقته هسع

كويس يا مان

ناس منو ومنو ديك الشغالين (صفاقة ااانا لسه معاهم برضو)

اختنا تراجى كلامك فوق الراس ونحترمك جدا
لكن الراس زاتو بقى ما بستحمل كلام الطير فى الباقير

عشان كدة بتداوس معاهم لمن يطلع زيتى او اطلع منهم دقيق فاخر

لانه الحجة بالحجة ما بقى يجيب حاجة

لانه الفهم قسم
وفى ناس ما نالو منه نصيب للاسف الشديد

محسن بجيك اخوى ما تستعجل على

عبد الرازق نقد..
.مرحب بيك يابنج ياخ ..
شايف ملاح الكجيك ب(الصلصه الفاخره)الجدوعها فى البحر عجبك
يازول اصبر الكجيك مابخلص لكن الرغيف الطارة ماكتير.
وقنى عافيه ياجنا ماما.

الفاتح مرغنى ...يا اخوي
انت حكايات كونتربرى دى ياتو حكايات فى الحكايات وجه الشبه شنو هنا...؟
اخوك براك شفتو هنا سايح محلى وما ليهو فى الطيب نصيب من السياحه حقت الدوليين.
ودا على وزن ذيدني من دلك شويه وكتر الاحساس عليه.
ونشوفك فى القصص والحكايات قبل يوم القصاص.
وشكرا علي المرور السمح دا ياخ

ميثانق...
سلامتاكى جناماما...
وينو شريط تا مزيكه الاتا ونسو لي أنا فى كلام تاكى الشويه شويه دى؟
وشنو ماتونسو انا ب(كلام فداييه) ياجيك
ولا كلام تا عربى جوبا بقى شويه خلاص ونسو انا بى عربى تا ناس بسيط دا
شكر فداييه -كيتير-
وكدى انت ما ودرو فى محل تاانادي.

اثنى منح الأخت رحاب عضوية في سودانيز اونلاين..






محسن طه.. حبابك يا صديق

يا زول ود جون شنو؟..
ياخي ديل علمناهم ليك ياكلوا عصيدة..و يشربوا مديدة..

ابوذر المعاصر.. الله ما جاب يوم شكروا..
غايتو مسكنا الدرب عديل ..و ربك يسهل القواسي..

حليلك .. من زمن القطر الشالك اتا..
ياخي القصة جابت ليها غرزة عدييييل كده..و قلع راجل المرا ذاتو..شفت السودان (وطنا الباٍسمو كتبنا و رطنا) وصل وين؟.. و الصحابا اب دقون و ابان مواتر..و حوش الخليفة ذاتو.. بقى في السهلة.. تقول ليهم وينو حقنا في السم الهاري البترول.. يقول ليك نناقش نص راجل المرا..و اثرو في الأمن الإجتماعي..و ما عدا ذلك.. فهو من كلام المتمردين و اليسارين..و و الخونة المأجورين..و تابعي تابعيهم الى يوم الدين؟.. شفت القلع ده كيف؟.. اما الشلع.. فهذا قول اخر..

و نشوفك..
سمحة الخستاكات..و اللعب باكات..

كبر

Dear
"محسن طه"

Welcome aboard....I very much enjoyed these lighthearted writings...keep them coming...Lily

بيان عسكري نمرة واحد ...
انتباه ...
للخلف دور...
بدون لف ودوران ...
لأصدقاء بوست الخستكات المحترمين
الحاضر يكلم الماحاضر يجئ
شان موضوع دا جادي، مرة واحدة.
فترقبوه ...
بعد شوية ، ما بعدين
سلامتاكم ولماكم ...
لاكو

انت ياتو لاكو فيهم؟؟
قبل ما تكمل البيان

عفوا ياخ
اسم تاع (سنتر الخرتوم)محسن طه .
اسم تاع (فشودة) اوطوو
واسم تاع (ناس جوبا) لاكو
ما تخاف
مالك يا دوت مجوك عايز تخستك بي ...؟
انت خايف من الاتقلاب ولا شنو...؟

يا مراحب بي زوار الخستكات البان جديد(والجديد شديد) وأشد من الشدة زاتو والتموت تخلي .
أ.كبر
ويا lily Akol
ويا محمد احمد عثمان
والاستاذ player (انت لاعب في ياتوا نادي يا اكوي، اناشء الله تكون في اشانتي كوتوكو)
وانت القااااااعد هسي وحارس البيان (الشفقة عليك شنو يا.... دوت مجاك شكلوا الخستكة حتكون بالدكوة زاتو)
سلام ليكم كلكم
وحا اجيكم بعد شوية نسلم عليكم واحد واحد وحنضبح ليكم قرنتي لكن اوووووعكم تشاكلوا في الراس بعدين عشان زمان في السبعينات عملنا كاسوري مع النوير في منو بشيل راس القرنتي.
المهم برجع ليكم بعد البيان حقي دا
محسن طه (يادوت مجوك ، ما تجي تسالني تاني )

يا محسن يا ود يا شفت, وينك يا اخى? انا منتظرك و البيان ال انت بتكتب فيه مبوظ الاعصاب يا مونج. هسع دى انا ماسك baton rouge بيدى اليومين و كوكاب بيدى الايسر لان راس ال hipo نشوف الليلة منو ال يشيلو.
يعنى انتظر البيان حتى السعة اطناشر باليل يا اوطوا ? الله يجاذى الخستاتك بتاع سودا دى.
تحياتى يا اخ, فهذا البوست لجد is a hit.

فوق لحين صدور بيان راس القرنتي
الله يجازي محنك يا محسن طه.

تراجي البيان جا
افتحوا الباب بالله يا جماعة

باين هام : نمرة واحد
وتاني مافي واحد ...
والدكتاتورية لي يوم القيامة
يا جماعة كدي نقول ليكم كلام مثقفين .
البوست دا اسموا خستكات ، قصدي منو جمع قصص حقيقية واقعية الناس كانوا بعيشوها يوميا ولسه برضوا بعيشوها وحيعيشوها برضوا اذا ما ادينا نفسنا حق المشروعية في الكلام بصورة مختلفة عن الهسي دا عشان ما نحتاج يوم من الأيام نرجع تااااااااني ونقول الصورة دا مقلوبة محتاجين نعدلها نبقي زي ما قال المثل (تااااااااااااني يا هباني).
اها ياجماعة عشان نكون واضحين من قولة تيت انا اتربيت في واقع فيهو كلوا، السلبي والايجابي والموضوعي واللاموضوعي ذاتو والمنطوق عنوا والمسكوت عنو والحايطق منو زاتوا، يعني تقدروا تقولوا مجتمع مدني حقيقي ما الخيالي والنظري البنفكر فيهو نحنا المثقفين ديل.
المجتمع المدني الحقيقي دا في ديوم بحري ، المجتمع دا فيهو كل قبايل السودان المعروفة والما معروفة ذاتها ، بنلعب ضمنة وكوشتينة وبناكل مع بعض ، يعني في المجتمع دا لو واحد قال يا عب بفهم طوالي انو قاصد كيف حالك وعامل شنو...؟
ولو قال يا فرخ دا معناهو انو الليلية العشاء بي فرخة (جداد مشوي بالفحم عند اخونا ادروب دبايوا).
لو لاحظتو هنا انا بستخدم كتير كلمات زي يا عب ويا عبيد ويا فرد ويا فردة ويا بنج والحاجات دي لانو دا جزء من خستكاتنا اليومية وما ليها اي علاقة بالعنصرية لا بجاي ولا بهناك ، وانا زاتي شايف انحنا كلنا في السودان دا عبيد ، طالما ما عندنا حق الحرية في اختيار الحاكم وتغييروا وتبديلوا اذا اقتضت الضرورة والمصلحة العامة، او حق انتخابوا حتي قبل ما يبقي رئيس، وحق ياتوا يوم ممكن نقول ليهو يلا شتت مننا واقطع وشك ياخ وتلب من حياتنا زاتو، اها دا كلام نجيهو قدام لما نبدأ نحلل الخستكات دي، ونفتح باب النقاش في الخستكات دي.
فرجاء خالص يا شباب انو ما نحول البوست دا لي مجال تصفية حسابات كان شخصية ولا كان عامة ذاتو ، ومعروف انحنا كلنا جايين من مؤسسات طبيعية (قبايل)، فيها المتعصبين والمتشددين والقوقائيين والطرش والعميانيين شوفتوا كيف.
انا مثلا كان مشيت قلت للمك في زول هناك قال لي يا عب، احتمال يصدر فتوة ويعلن الجهاد علي كل من سولت له نفسه وتطاول علي ود المك اوطوو، ومهمتي هنا في الخستكات دي بعد دراستي لعلوم (البني آدم) اللي هي (السايكولوجي و الانثربولوجي وكل الدراسات الانسانية الآخرها بولوجي ديك) انو اقنع الرث (المك) حقنا انو والله الزول القال لي عب دا هو كان بسلم علي ساي وكان بقول لي يا فردة، ويعني زي ما تقول الزول لمن يقول ليك يا عب دي معناتو انت فردة وفردة الفردة زاتو .
اها يا جماعة لو سمحتوا عليكم الله اسلوب الحواروالنقاش بتاع طيخ طاخ طراخ دا والطريقة دي ، انا دا اعفوني منو والله واقدم اعتزاري من هسي لأي زول عايزني اخش في (كاسوري وكوماج ) زي دا، تتذكروا زمان لمن تواعد ليك زول ويتأخر مش بتقول ليهو انت اتاخرت كدا ليه اصلك جاي من الاسكا...؟
اها شوفتو الاسكا دي انا بالنسبة لي قورباتشوف – قريييييييبة خلاص- زي المسافة بين سجن كوبر والقصر الجمهوري اها شفتوا كيف، والمشكلة انا بي صراحة خليت الكوكاب والحربة والدرقة – معدات الكاسوري كلا – وما معاي بنات نيكانج عشان يزغردوا لي لمن اخش الكاسوري الجدد جد داك – يعني ما معاي حزب حماس- غايتو كان راجني اخش في اي ( كاسوري ودق وجر بالواطة وحاجات تاني ) غايتو الا تستنوني لحدي ما ارجع فشودة وافتح المخزن واطلع التوموهوك بتاعي عشان اقدر اخوض (المعركة) صاح معاكم ، دا اذا انتو شايفين ومصرين انو معارك زي دي فيها فايدة لينا وليكم وللسودان .
عشان كدا يا جماعة كان في قصص ولا مواقف زي الانا بحكي وبقول فيها دي مرت بيكم في الحياة اعملوا لي بيها دفرة والعاقبة عندكم في المسرات (كما ذكرنا في بداية بوستاتنا السابقات) ولا صلوا صلاة شكر ولو بالفاتحة (يا ناس حلال)، عاش كدا يا جماعة خلونا نروق شوية كدا ونحكي قصص وروايات ولا نكتب اي حاجة ، السودان دا كان بقي واحد ولا كان بقي كم واحد زاتو برضوا مافي مشكلة الناس بتتعامل كبشر وبني آدمين ونستقبل بعض بالضبايح والذي منو وحنتنازل لي بعض عن راس القرنتي طواعية.
رجاء يا جماعة اعتبروا الخستكات دي زي الكشتينة في ديوم بحري ، الفيها زول بقول يا عربي يا وهم وزول بقول يا عب يا بليد وزول بقول يا حلبي يا بتاع الفسيخ، لكن يوم واحد ماقامت فيها بلنجات ولا دوكشمان .
استنوا لحدي ما اخلص البوست دا وافتح بوست بلغة المثقفين نسميهو (تحليلات،ولا تفكيكات، ولاحفريات،ولا اركولوجيات، ولا بلنجات زاتوا ) كان دايرين..
اوكي اتفقنا يا جماعة ...
اتفقنا اتفقنا ، ما اتفقنا بنبقي زي ناس السوق الشعبي افتح الله ويستر الله برضوا.
هاكم الضيافة دي بعد دا، واتمني بكري يشيل الللالوبة دي عشان تكون عنوان للمنبر دا.
الللالوبة تقول :-
(معايير العدالة تعتمد علي القدرة علي الإرغام، والأقوياء لديهم من القوة لفعله، والضعفاء يقبلون ما يجب ان يقبلوه. فالعدالة لا معني لها من دون قوة في نهاية المطاف) .
دا قول من الاقوال المأثورة في كتاب السياسة كتبها المؤرخ الإغريقي ثوسيد ايرس منذ نحو 2400 عاما مضت.
بالله امضغوا اللالوبة دي كويس كويس كويس كويس، وما تجدعوا جني اللالوبة دا في الزبالة ولا الكوش ولا الخور – شان مايجونا المهمشين البان جديد بتاعين البيئة ويكوركوا لينا في راسنا، انحنا برانا ما ناقصين دوشة ياخ- عشان بعدين لمن ننجز دولة البني آدم البنحلم بيها ويبدوا انها ذاتها حتطول طالما الاحلام بطريقة _(اطلع بره يامعفن ويا معفنة، وانت يا عواليق، وانعل دينك وانعل دينكم، وغيروا من الكلام الممكن تدفع لي اي زول وتقول ليهو امشي شايف العربي داك امشي نبزوا لي وشفتا العبد دا امشي نبزوا لي ، ولا الحلبي داك امشي طلع دينو ، وغيروا من ملاسنات وهجوم كلامي وغيروا من فنون التدمير للذات وللآخرين ولأي حاجة ) دا كلام ما داير ليهو درس عصر ولا اجتهاد ولا قراية، وزي ماقلت ليكم جني اللالوبة دا ابقوا عليهو عشرة عشان بعدين لمن نجي ننجز مشروع الانسان دا نطلع من جني اللالوب دا زيت للماعندوا زيت وسبحة للماعندو سبحة ، واي حاجة سمحة لاي زول ممكن نطلعا، وللناس الاحتمال الطعم ما يعجبهم ممكن يغمضوا ويتخيلوها حلاوة كوجاك.
اها يا اخواني عليكم الله ما تتدخلوني في حتة (حجاز مدثر) دي (الحجازة يعني للمعارفين الاستعمالات المجازية حقتي دي) الفرد في السوق الشعبي وسوق ستة وسوق كلوا ، الكنا (بنبيع معاهم الموية والشطة والطايوق) قالوا الحجاز بدوهو عكاز واحتمال فرار ولا ساطور في الشايفنوا دا، يا اخونا مالك علي ، انا خلوني في البسوي فيهو دا كان في اي يوم حسيتوا الخستكات دي ما جايبها حقها معاكم قولوا لي وقف انا بوقف، انا كان لقيت موضوع ما ليهو علاقة بموضوعي دا، غايتو ياني بس الركبت الظلط وقلت (باي باي لندن) وبعد تنتهوا من المشروع رسلوا لي بجي ابارك ، اصلي عندي كم كم بنطلون وقميص موفرهم للمناسبات السعيدة الما جات لحدي هسي ،
يا اخونا خلونا نمشي سوا سوا وانت وانا وخلونا فرايحييييييييييييييين ونطير زي الفراش يا جماعة ، عشان البجوا من بعدنا ما يضوقوا المكشن بلا بصل حقنا دا يا ناس ، وغنية مصطفي سيد احمد عم عبد الرحيم ختوها بالجنبة بالله شوية كدا
(مرة مشيت شارع الجمهورية عندي صاحبي ودا مونج كنا بنشرب كركدي عند اختنا نابج اها قام سالني قال لي يا ولدنا انت طبعا زول تفتيحة وشوية بتفهم كلام مندوكوروا دا احسن من انا ، ياخ انا سمعت فنان واحد بغني غنية اسمو عم عبد الرحيم، يا لاكو ياخ عبد الرحيم دا منو ياخ....؟ (والحسرة تبدو علي شوا)
قلت ليهو عبد الرحيم مالوا ياخ....؟
قال لي ياااااااااااااااخ دا زول دينو طالع مرة واحد ، ما عندو حق الفطور ما عندو حق توب لي مرة بتاعوو ، ما عندو حق النقلتي ياخ شان يصلح ليهو جزمة بتااعو ياخ.... اها قلت ليهو ياخ عبد الرحيم دا اي زول عب في السودان دا (عرب- زنوج- حلب... الخ) ما عندهم حق التصويت في اختيار الرئيس في السودان. المهم عمك الكلام ما اقنعوا وواصل يسال . قال لي يالله ياخ لكن يا لاكو الزول دا ما عندو فرد يعني يعملوا ليهو سلفادور- سلفة - لحدي مشكل بتاعو دا يتحل...؟)
اها يا فرد الموضوع دا كلوا عندي مشروع كتاب والله ، بي مزاااااااااااج كدا ، مساهمة للسودان الجديد البنحلم بيهم بكل الرطانات بما فيها العربي ظااااااااااااااااتو- ولا العربي دا ما رطانة...؟
مكسب يا فرد...؟
تنويه:
ما تنسوا اللالوبة اللالوبة اللالوبة يا اولاد حبوبة السودانية ...
اها الله معاكم معانا ومع السودان الجديد كان جا بكرة ولا بعدوا .
والكلام دا بدون زعل يا كلكم ، كدي يجيني زول حانف وشوا يقول زعلان ، عشان اوريهوا ليك الخستة حقت الشلك والله اسوقوا ديوم بحري .
وانتباااااااااااااااااااااااااه
وتقولوا لي ما عساكر ، واقفين من قبيل ...؟ وعاملين القوات المشتتة – عفوا اقصد المسلحة- والحتة دي فيها نكتة قالتها نابول البتعمل الاكل في رمضان ديك ، اها كان واصلنا بتسمعوها .
صدر تحت توقيعي من القيادة العامة للخستكات
الفريق أول مدرعات ومظلات وصاقعة برضوا
محسن طه

باين هام : نمرة واحد
وتاني مافي واحد ...
والدكتاتورية لي يوم القيامة
يا جماعة كدي نقول ليكم كلام مثقفين .
البوست دا اسموا خستكات ، قصدي منو جمع قصص حقيقية واقعية الناس كانوا بعيشوها يوميا ولسه برضوا بعيشوها وحيعيشوها برضوا اذا ما ادينا نفسنا حق المشروعية في الكلام بصورة مختلفة عن الهسي دا عشان ما نحتاج يوم من الأيام نرجع تااااااااني ونقول الصورة دا مقلوبة محتاجين نعدلها نبقي زي ما قال المثل (تااااااااااااني يا هباني).
اها ياجماعة عشان نكون واضحين من قولة تيت انا اتربيت في واقع فيهو كلوا، السلبي والايجابي والموضوعي واللاموضوعي ذاتو والمنطوق عنوا والمسكوت عنو والحايطق منو زاتوا، يعني تقدروا تقولوا مجتمع مدني حقيقي ما الخيالي والنظري البنفكر فيهو نحنا المثقفين ديل.
المجتمع المدني الحقيقي دا في ديوم بحري ، المجتمع دا فيهو كل قبايل السودان المعروفة والما معروفة ذاتها ، بنلعب ضمنة وكوشتينة وبناكل مع بعض ، يعني في المجتمع دا لو واحد قال يا عب بفهم طوالي انو قاصد كيف حالك وعامل شنو...؟
ولو قال يا فرخ دا معناهو انو الليلية العشاء بي فرخة (جداد مشوي بالفحم عند اخونا ادروب دبايوا).
لو لاحظتو هنا انا بستخدم كتير كلمات زي يا عب ويا عبيد ويا فرد ويا فردة ويا بنج والحاجات دي لانو دا جزء من خستكاتنا اليومية وما ليها اي علاقة بالعنصرية لا بجاي ولا بهناك ، وانا زاتي شايف انحنا كلنا في السودان دا عبيد ، طالما ما عندنا حق الحرية في اختيار الحاكم وتغييروا وتبديلوا اذا اقتضت الضرورة والمصلحة العامة، او حق انتخابوا حتي قبل ما يبقي رئيس، وحق ياتوا يوم ممكن نقول ليهو يلا شتت مننا واقطع وشك ياخ وتلب من حياتنا زاتو، اها دا كلام نجيهو قدام لما نبدأ نحلل الخستكات دي، ونفتح باب النقاش في الخستكات دي.
فرجاء خالص يا شباب انو ما نحول البوست دا لي مجال تصفية حسابات كان شخصية ولا كان عامة ذاتو ، ومعروف انحنا كلنا جايين من مؤسسات طبيعية (قبايل)، فيها المتعصبين والمتشددين والقوقائيين والطرش والعميانيين شوفتوا كيف.
انا مثلا كان مشيت قلت للمك في زول هناك قال لي يا عب، احتمال يصدر فتوة ويعلن الجهاد علي كل من سولت له نفسه وتطاول علي ود المك اوطوو، ومهمتي هنا في الخستكات دي بعد دراستي لعلوم (البني آدم) اللي هي (السايكولوجي و الانثربولوجي وكل الدراسات الانسانية الآخرها بولوجي ديك) انو اقنع الرث (المك) حقنا انو والله الزول القال لي عب دا هو كان بسلم علي ساي وكان بقول لي يا فردة، ويعني زي ما تقول الزول لمن يقول ليك يا عب دي معناتو انت فردة وفردة الفردة زاتو .
اها يا جماعة لو سمحتوا عليكم الله اسلوب الحواروالنقاش بتاع طيخ طاخ طراخ دا والطريقة دي ، انا دا اعفوني منو والله واقدم اعتزاري من هسي لأي زول عايزني اخش في (كاسوري وكوماج ) زي دا، تتذكروا زمان لمن تواعد ليك زول ويتأخر مش بتقول ليهو انت اتاخرت كدا ليه اصلك جاي من الاسكا...؟
اها شوفتو الاسكا دي انا بالنسبة لي قورباتشوف – قريييييييبة خلاص- زي المسافة بين سجن كوبر والقصر الجمهوري اها شفتوا كيف، والمشكلة انا بي صراحة خليت الكوكاب والحربة والدرقة – معدات الكاسوري كلا – وما معاي بنات نيكانج عشان يزغردوا لي لمن اخش الكاسوري الجدد جد داك – يعني ما معاي حزب حماس- غايتو كان راجني اخش في اي ( كاسوري ودق وجر بالواطة وحاجات تاني ) غايتو الا تستنوني لحدي ما ارجع فشودة وافتح المخزن واطلع التوموهوك بتاعي عشان اقدر اخوض (المعركة) صاح معاكم ، دا اذا انتو شايفين ومصرين انو معارك زي دي فيها فايدة لينا وليكم وللسودان .
عشان كدا يا جماعة كان في قصص ولا مواقف زي الانا بحكي وبقول فيها دي مرت بيكم في الحياة اعملوا لي بيها دفرة والعاقبة عندكم في المسرات (كما ذكرنا في بداية بوستاتنا السابقات) ولا صلوا صلاة شكر ولو بالفاتحة (يا ناس حلال)، عاش كدا يا جماعة خلونا نروق شوية كدا ونحكي قصص وروايات ولا نكتب اي حاجة ، السودان دا كان بقي واحد ولا كان بقي كم واحد زاتو برضوا مافي مشكلة الناس بتتعامل كبشر وبني آدمين ونستقبل بعض بالضبايح والذي منو وحنتنازل لي بعض عن راس القرنتي طواعية.
رجاء يا جماعة اعتبروا الخستكات دي زي الكشتينة في ديوم بحري ، الفيها زول بقول يا عربي يا وهم وزول بقول يا عب يا بليد وزول بقول يا حلبي يا بتاع الفسيخ، لكن يوم واحد ماقامت فيها بلنجات ولا دوكشمان .
استنوا لحدي ما اخلص البوست دا وافتح بوست بلغة المثقفين نسميهو (تحليلات،ولا تفكيكات، ولاحفريات،ولا اركولوجيات، ولا بلنجات زاتوا ) كان دايرين..
اوكي اتفقنا يا جماعة ...
اتفقنا اتفقنا ، ما اتفقنا بنبقي زي ناس السوق الشعبي افتح الله ويستر الله برضوا.
هاكم الضيافة دي بعد دا، واتمني بكري يشيل الللالوبة دي عشان تكون عنوان للمنبر دا.
الللالوبة تقول :-
(معايير العدالة تعتمد علي القدرة علي الإرغام، والأقوياء لديهم من القوة لفعله، والضعفاء يقبلون ما يجب ان يقبلوه. فالعدالة لا معني لها من دون قوة في نهاية المطاف) .
دا قول من الاقوال المأثورة في كتاب السياسة كتبها المؤرخ الإغريقي ثوسيد ايرس منذ نحو 2400 عاما مضت.
بالله امضغوا اللالوبة دي كويس كويس كويس كويس، وما تجدعوا جني اللالوبة دا في الزبالة ولا الكوش ولا الخور – شان مايجونا المهمشين البان جديد بتاعين البيئة ويكوركوا لينا في راسنا، انحنا برانا ما ناقصين دوشة ياخ- عشان بعدين لمن ننجز دولة البني آدم البنحلم بيها ويبدوا انها ذاتها حتطول طالما الاحلام بطريقة _(اطلع بره يامعفن ويا معفنة، وانت يا عواليق، وانعل دينك وانعل دينكم، وغيروا من الكلام الممكن تدفع لي اي زول وتقول ليهو امشي شايف العربي داك امشي نبزوا لي وشفتا العبد دا امشي نبزوا لي ، ولا الحلبي داك امشي طلع دينو ، وغيروا من ملاسنات وهجوم كلامي وغيروا من فنون التدمير للذات وللآخرين ولأي حاجة ) دا كلام ما داير ليهو درس عصر ولا اجتهاد ولا قراية، وزي ماقلت ليكم جني اللالوبة دا ابقوا عليهو عشرة عشان بعدين لمن نجي ننجز مشروع الانسان دا نطلع من جني اللالوب دا زيت للماعندوا زيت وسبحة للماعندو سبحة ، واي حاجة سمحة لاي زول ممكن نطلعا، وللناس الاحتمال الطعم ما يعجبهم ممكن يغمضوا ويتخيلوها حلاوة كوجاك.
اها يا اخواني عليكم الله ما تتدخلوني في حتة (حجاز مدثر) دي (الحجازة يعني للمعارفين الاستعمالات المجازية حقتي دي) الفرد في السوق الشعبي وسوق ستة وسوق كلوا ، الكنا (بنبيع معاهم الموية والشطة والطايوق) قالوا الحجاز بدوهو عكاز واحتمال فرار ولا ساطور في الشايفنوا دا، يا اخونا مالك علي ، انا خلوني في البسوي فيهو دا كان في اي يوم حسيتوا الخستكات دي ما جايبها حقها معاكم قولوا لي وقف انا بوقف، انا كان لقيت موضوع ما ليهو علاقة بموضوعي دا، غايتو ياني بس الركبت الظلط وقلت (باي باي لندن) وبعد تنتهوا من المشروع رسلوا لي بجي ابارك ، اصلي عندي كم كم بنطلون وقميص موفرهم للمناسبات السعيدة الما جات لحدي هسي ،
يا اخونا خلونا نمشي سوا سوا وانت وانا وخلونا فرايحييييييييييييييين ونطير زي الفراش يا جماعة ، عشان البجوا من بعدنا ما يضوقوا المكشن بلا بصل حقنا دا يا ناس ، وغنية مصطفي سيد احمد عم عبد الرحيم ختوها بالجنبة بالله شوية كدا
(مرة مشيت شارع الجمهورية عندي صاحبي ودا مونج كنا بنشرب كركدي عند اختنا نابج اها قام سالني قال لي يا ولدنا انت طبعا زول تفتيحة وشوية بتفهم كلام مندوكوروا دا احسن من انا ، ياخ انا سمعت فنان واحد بغني غنية اسمو عم عبد الرحيم، يا لاكو ياخ عبد الرحيم دا منو ياخ....؟ (والحسرة تبدو علي شوا)
قلت ليهو عبد الرحيم مالوا ياخ....؟
قال لي ياااااااااااااااخ دا زول دينو طالع مرة واحد ، ما عندو حق الفطور ما عندو حق توب لي مرة بتاعوو ، ما عندو حق النقلتي ياخ شان يصلح ليهو جزمة بتااعو ياخ.... اها قلت ليهو ياخ عبد الرحيم دا اي زول عب في السودان دا (عرب- زنوج- حلب... الخ) ما عندهم حق التصويت في اختيار الرئيس في السودان. المهم عمك الكلام ما اقنعوا وواصل يسال . قال لي يالله ياخ لكن يا لاكو الزول دا ما عندو فرد يعني يعملوا ليهو سلفادور- سلفة - لحدي مشكل بتاعو دا يتحل...؟)
اها يا فرد الموضوع دا كلوا عندي مشروع كتاب والله ، بي مزاااااااااااج كدا ، مساهمة للسودان الجديد البنحلم بيهم بكل الرطانات بما فيها العربي ظااااااااااااااااتو- ولا العربي دا ما رطانة...؟
مكسب يا فرد...؟
تنويه:
ما تنسوا اللالوبة اللالوبة اللالوبة يا اولاد حبوبة السودانية ...
اها الله معاكم معانا ومع السودان الجديد كان جا بكرة ولا بعدوا .
والكلام دا بدون زعل يا كلكم ، كدي يجيني زول حانف وشوا يقول زعلان ، عشان اوريهوا ليك الخستة حقت الشلك والله اسوقوا ديوم بحري .
وانتباااااااااااااااااااااااااه
وتقولوا لي ما عساكر ، واقفين من قبيل ...؟ وعاملين القوات المشتتة – عفوا اقصد المسلحة- والحتة دي فيها نكتة قالتها نابول البتعمل الاكل في رمضان ديك ، اها كان واصلنا بتسمعوها .
صدر تحت توقيعي من القيادة العامة للخستكات
الفريق أول مدرعات ومظلات وصاقعة برضوا
محسن طه

الاخ محسن
اعتقد إنك بتملك إمكانيات ابداعية عظيمة. اتمنى ان تواصل هذه السلسلة, فهى لجد جديد على البورد. لا يمكن وضع شروط على الكتابة الابداعية, اكتب يا اخوي و خلينا نضحك.

Quote: وبعد الندوه اتكلم معاى الدكتور لام وقال لى شفت يا جااال - معناها ياراجل بالشلك- شفته الناس ديل ماجادين كيف... ؟

الناس ديل فعلا ما جادين...صدق دكتور لام..


مرحبا بيك اخ محسن..( بصراحة كنت قايلاك منكدورو من الاسم عشان كده كنت ملاوزة من البوست)..




بطنى طامة شديد من الاقتباسات الجابتها تراجى لمرضى البورد من العنصريين..
لمن الطمام يروح بجى اتابع معاكم.

البنج الكبير
محمد احمد عثمان...
والله بعد الكلام القلتو عنى دا، يازول راسى مش كبر بس بقي بي عنقره كمان.
حدى يشعر بالسعاده يمشى يختار االبعاد ...؟
المهم يابلد,الواحد بحاول يعمل بشكه شويه هنا فى الخستكات دى -يعنى قرعه صغيره بتاعت مويه - نكشحها فى ثقافه ناريه. ودور رجل مطافى-الحريقه-,والبلد ياحبوب مولعه نار -جهنم والسعير- وما عارفين نبدا بياتو فيهم الاول ، جهنم ولا السعير..؟
وتشكر على الطله...
وانشاء الله باقى المجذوب اونسه-الونسه- الجايه تعجبك وتخليك تشوف اقرب بيت فيهو طرب تخوش طوالى -نحل بس- وترقص بمزااااج.
بس اوعك تقرب للمايك -وتعمل الحاله واحده وتنسى نفسك جيت نحل وكدا-
ومره واحده عزمتنا حفله تخرجيها، قام واحد من الفرحانين بتاعين المايكات مسك المايك وقال(نبارك ونهنىء العريس والعروسه) فى داعى بس.منحل وكمان عاوز تعمل احمد مظهر...؟
ماشايف اخوك فى البيان عمل نفسه كمندان كبير، وقلت للفرد امنعو الكلام، بس الخوف يجى واحد منهم و يدينى ترقيه -اصلا الترقيات- مرات اونطة سامبلا ساكت.
زى ماقال لى اخونا طبيب كان -ودوه الصالح العام تخيل فى خستكه اكتر من دى- وتقولو عندكم جمعية مكافحه الملاريا؟
أها الجنرال، وزير ا لصحه -الكان عامل فيها حزب حماس ( متحمس ) مره واحد داك لما جو الناس الفرحانيييين المصنقرين فى (بمبر السلطه) هسى- ، قام قال عاوز يجتمع مع الدكاتره، عايز يشوف مشاكلهم شنو قال .
الجماعه قالوا ليهو: سعاتك والله عندنا نقص فى المعامل الطبيه، ونقص فى وفى، ونقص برضو يا سعادةالوزير فى (الاخصائيين الطبيين).
عمك الوزير قال ليهم: بالله عليكم النبى دى مشكلة ياخ ما ترقوو بس..؟
تقولو لى الاختصاصي لازوم يكون دارس فى لندن...؟!!!!
وانا يهو بتاع الخستكه فترقبوا كدا ولاكدا ...
عبد الباقى -باقى الخستكات- بكره ولو هانت القشطه بالبن وكدا.

الاخت امنه مختار..دبايواا...ماهووك..اكوبام
والله طولتى الجيه يا بنيه تاع ام تاى--ربنا قى دردك براميل تاهو فى سماء وناس مادروا كوروجى- انا طبعا درست فى بورسودان الحكوميه,ها اوريك الخستكه-الصدمه- الحضاريه,لما جابونا من الجنوب ندرس فى الشمال,فى اليومين الجايت اصبرو ساكت بس.دا هسه نظام سلام-اكوبام- وكدا وارح نضرب مخباز فى ديم سواكن والحفله فى مدرسه العشيى الثانويه.شايفك هناك فى منو الامير ومنو بتاع الحمير,يازوله خلى عندك(انتى بايوتك)طبيعى ما مكتسب مع الناس ديل,وخلى حبه عضلات للسودان الجديد,شايف سيفك والسربادوب والسيدايري الف احمر.لكن تانى بكون فى امير غير الامير عثمان دقنه؟ح اجيك بهناك ونديهم مخبازه بالسمن والموز.وشكرا لااتا وكدى نونسو فى يوم تانى فى جوبا نابراى ولا فى نادى بتاع كتور نار ملكيه فى جيب.
اكوو بتاع ااتا محسن.

العزيز محسن طه
يا اخوي انا الايام دي شكلي عامل بوست مخزن....
فكدي اسمح لي اصلا بكري عيايزنا ما ننوم ذاته
كل ما نوم نلقا البوستات طارت
فانا حساجل البوست ده عندك هنا للصباح و الصباح بلم خستكاتي وبفرتق باذن الله.
معزتي واصل يبتاع مخابزة ديم سواكن يا خطري انت.



بوست متوقع حذفه قبل الصباح:


بوست رد على عضوة المنبر...صاحبة المقال اياه:



Quote: الزملاء والقراء..

سلام وتحية..

لوقت طويل، ونسبة لكثير من المعطيات سأوردها لاحقا. تابعت صراعا قبليا بين الحركات المسلحة في دارفور.
هذا الصراع إمتد بالطبع إلى داخل المعسكرات التي يسكنها النازحين الذين يؤيدون هذه الحركة أو تلك.

في أسمرا 2003 التقيت بكل من عبدالواحد محمد نور ومني أركو مناوي. لم أكن أعرف قبيلة اي منهما، لأنه لا يهم، فالرجلان إجتمعا على حق ومطالب رأيتها ولا زلت أنها عادلة.
ولكن في تلك الفترة لاحظت أن الدكتور شريف حرير، وهو رجل أحترمه كثيرا، يميل إلى إستمالة مناوي وطيه تحت جناحه. ولما سألت كانت الإجابة إنهما من قبيلة واحدة..

ولاحظت كذلك أنه في تلك الفترة بدأ التوتر ما بين رئيس والأمين العام لحركة تحرير دارفور.
التوتر لم يكن له علاقة لا بالحقوق ولا بالمطالب. التوتر كانت له صبغة قبلية. حيث أحتشد الفور لمؤازرة عبدالواحد وفعل الزغاوة كذلك بزعيمهم مناوي.


حركة جيش تحرير السودان كانت ترفض اي تعاون مع حركة العدل والمساواة. نسبة للإختلاف الجوهري بينهما؟

الشئ الآخر وفي دارفور في 2006 بعد توقيع مناوي لإتفاق أبوجا. بدأ ذلك التوتر الذي شهدته في أسمرا يمتد إلى معسكرات النازحين..
عطاش.. وخاصة كالما
معسكر كالما في المعظم يسكنه حلفاء عبدالواحد.. وبعد أن أصبح مناوي حكومة بدأ في تصفية حسابات مؤجلة. فكانت المداهمات. وطالت الإعتقالات نفر مقدر من ابناء الفور.
وقبل شهرين أخبرتني صديقتي التي لا تزال تعمل في دارفور. أن إشتباكات حدثت بين أبناء الفور والزغاوة داخل معسكر كالما.

مناوي لم يصف حساباته مع عبدالواحد وحلفائه فقط. بل إمتدت يده لباقي القبائل التي يعتبرها غير موالية. مثل المساليت
وشهدت في أغسطس 2006 أحدى المعارك (كانت معركة حقيقية) بين جيش مناوي ومسلحي المساليت في منطقة (قريضة) في جنوب دارفور.

عندما أقول مناوي. أقصد عناصره المسلحة التي تعتبر نفسها فوق القانون. نسبة لذلك الصك الموقع في أبوجا

حركة العدل والمساواة نعرف أنها تؤسس لعملها أيدولوجيا. ويناصرها كثير من القبائل (المستضعفة) أو صغيرة العدد.


فهل تتعامل الحركات المسلحة مع قضية كبيرة وشاملة مثل قضية الأرض والحق بعقلية القبلية؟

وما هو تأثير هذا التعامل في التوصل لحل نهائي وجذري لأزمة دارفور؟








* هدف البوست إدارة نقاش بطريقة هادئة، مفيدة ومثمرة
ومن يريد المشاركة برأي من خارج المنبر. أرجو إرساله إلى إيميل بكري.. دمتم

رجا




اتفقت الصحفيه المدعيه بدفاعها عن الحريات وعدم تكميم الافواه
مع بكري ابوبكر صاحب المنبر ان تحذف اي مداخلة لتراجي ببوستاتها.
واذا كان هذا من حقها فمن حقنا الرد عليها ببوستاتنا المنفصلة:

لذا سنناقشها بعيدا عن بوستاتها

وتبدأ الاستاذة بكتابتها الايحائيه:

هذه المعلومة يا استاذة مغلوطة:

Quote: ولكن في تلك الفترة لاحظت أن الدكتور شريف حرير، وهو رجل أحترمه كثيرا،
يميل إلى إستمالة مناوي وطيه تحت جناحه. ولما سألت كانت الإجابة إنهما من قبيلة واحدة..

اولا د.شريف حرير ولعلمك لا يتعمل مع مناوي لانه فقط من قبيلته
وانما احدهم متزوج اخت الآخر!!فهمتي لاي حد هم اقرباء؟؟!!

ولكن السؤال
اذا اصلا الامر قبيلة كما تحاولين الايحاء ونعرف من ورائك
لماذا لم يتودد د.شريف حرير لدكتور خليل ابراهيم؟؟؟ولماذا
لم يفتح معه اي حوار,رغم وحدة قبيلتهم ايضا؟؟؟؟


ولماذا لم يتوحد عبد الواحد النور واحمد ابراهيم دريج؟؟؟!!فهم قبيلة واحدة؟؟؟

وهذا ما عدتي واكدتيه رغم نكرانك له في المقدمة:

Quote: حركة جيش تحرير السودان كانت ترفض اي تعاون مع حركة العدل والمساواة.
نسبة للإختلاف الجوهري بينهما؟

ولماذا اختفت هنا قبيلة ابناء دارفور؟؟؟
ولماذا لم تستطيع قبيلة واحدة ان تخرج من الخلاف الفكري للاتحاد القبلي؟؟؟

محاولة توريطك للزغاوة في القبيلة واضحة
وكنا احترمناك واحترمنا مداخلاتك لو يوما قرائنا لك نقدا للقبلية في الحركة الشعبيهرغم اعتراف قيادات الحركة ان موتاهم من حروبهم القبيلة مع بعضهم يفوق موتاهم من حكومة الخرطوم!!


وكنا احترمنا نقاشك لو قرائنا لك يوما دعما او مساندة للمناصير وهم يكتون
بتغول شايقية الانقاذ على اراضيهم؟؟؟


وكنا احترمنا نقاشك لو سمعنا نقدا موضوعيا لمدى تورط هذه الحكومة في الجهويه ودعمها لها.

لكن حركات دارفور الحيطة القصيرة لكن من هب ودب ويرغب في الافتاء في الشان السوداني.

البنج ديد player

شيبك كبير ليك وشنو البوست حقك داك الواحد يقرا شنو لاشنو...؟
ياخ فيهو معلومات شحمانه خلاص
وبعدين انت قاعد تلقط الاخبار دى كيف وبتلقا وكت كيف يا مونج...؟
تشكر شديد للتراحيب بتاك.

.

يا ابو الزيك
زكرايا...
اسمع الراس حق القرنتى الشالو منو.؟
انت ماقلت حارسو وكمان عندك تونك -حربه- ودرقه...؟
شكلك ضربته الطبوبه ودقست اخذتا ليك نومة يا ميت انتا..
المره الجايه اقيف كركون كويس..لانو بطريقتك دى الحراميه حيكدكو -يسرقو- الوواك -زريبه البقر- ونصدر قرار ضدك بالنفى الى شمال السودان for goodوخليك هناك مع البونج -العرب- صحبانك.
ماشايفك جبتا تور هنا فى الخستكات انت ما عشتا فى السودان ولا شنو...؟
ياخ ساعدونا بكم خستكه كدا، عشان الواحد يعمل رفرش شويه انتو قالين الكلام دا انا حافظو ولاشنو..؟
ياخ انت ود مونج بتاع وين الجلده -بخيل- كدا.
والله غايتو جنوف تانا دا كلاص لجن مره واحد كان فى ناس جلود زيك ياشفت انتا.
قلت راس القرنتى شالو ناس منو... ؟
ورينى شمار بكره بدرى بالله.

الاخت لييلى اكول...
,ياخ وين كتاباتك اللذيذةوالدقاقه زى -شطه نريكا- ودى احر شطه عند اهلنا الشلك لما يكون بدقو فيها فى الفندق تشم ريحتها على بعد امتار وكان اكلتها مع المانكيلو بالسمك، اليوم كلو داير ليك هبابه لخشمك، وجمبك الطووم -الربابه- وقزازت الببسى--ببسى شنو كمان, قزازه القام زوت عديل كدا، والراجل اليجى يقول قاعدين تضربو فى شنو ولاشنو، شوفو كان ماقام جارى زوت عديل فللي ..
واصلى الكتابه لو سمح وقتك وظرفك ،لو الوقت ولاالظروف بتتوفر،علشان الراجننا نوفر ليهم السقوف فوق راسهم والاكل فى بطونهم والكراريس والورق والاقلام والحبر.
والكلام دا عايز عزيمه واصرار وهوس بالمستقبل وكيفيه تحقيقه (وتضحية احيانا بكل شئ حتي البنحبو)،والانتباه جيدا لمن يريدون جرنا الى الاسفل بدلا عن الاعلى كما هو مطلوب ومؤمل ممن يلقبو انفسهم سياسين.
والسياسه صناعه وحرفه تتطلب ادوات واسلوب تفكير خلاق ومبتكر وهى فى نهايه المطاف -فن اداره الاختلافات- فى اى مجتمع من المجتمعات ولو ضيعنا وقتنا وجهدانا فى قضايا انصرافيه غير جوهريه للناس البسيطين الراجين الكثير والكثير من هذا الجيل فالطوفان هو مصيرنا ومصير البعدنا اذا لم نحسن استثمار الوقت والجهد ومع العلم هنالك دائما من يريد جرك الى الاسفل كلما اردت الصعود الى الاعلى.
قد تعلمنا من الماضى، والماضى سيظل هو الماضى ، لكن المشكله فى الحاضر وفى بكره حيكون كيف..؟
وشكرا على الكلام الشويييييه وبالانجليزى كمان .
والله انتو الجنوبين كان ما خليتو الفلهمه البللانجليزي اصلوا مابعرفوكم، (ارجعى للخستكه حقت لام عن الانجليزى فوق).
وانا ذاتى قاعد فى امريكا الشماليه وفى الجانب الفرنسى من امريكا فى خستكه وفلهمه اكتر من دى.؟.
ودى زعلة منى ساااااكت علشان زمان الفرنسين طردوهم من فشوده شوفو هسه بقرا فيهو وين.
ياخ دي مشكلة عجيبة لازم تتكلم بالؤنث والمذكر ، فى اول حصه كانت عن انواع واسماء الاكل كانت بالطريقه دى: (لا طوماط ، لا سالط ، لا بسكويت ولابنان- موز-) قلت ليهم ناكل شنو طيب يافرنسين انتو كمان..؟برضو تانى لا لا لا لا وشنو وشنو..؟
واحد هنا منجانق معنا ، قاعد هنا من سنه اسكت، كل مره عايز يمشى السودان ,عشان يعرس ليهو بت مونجانق، قلت ليه يامونج ا سمع و الله بنات مونجانق القاعدات فى الخرتوم ديل - بهظر معاهو ساكت والله العظيم – خلاص بقوا زيهم وزى بنات المندكورو واكتر زاتو، البنج انخلع، وقال لي يا زول اصلو ما معقول الكلام دا، وكيف الكلام دا...؟
قلت ليهو بنيات دا ,كل واحد بقت عندها صاحبات من جامعه الاحفاد والاهليه زي ناس (ملاز وسهر وسهام وانوار ولاء )، يوم عرسك بجوك صاحباتها ديل ويقولو للعروس :
كيفن عاد ياناكوستى - زمان كان ناجنق- الراجل دا يكون جاى من امريكا وكمان ماعايز يعمل ليك(حنه وضريره وعديله وسيره) كيفن الكلام دا، وكمان عاوز الحفله بس زايكو -دمبلو- وماداير يجيب الفنانين ناس ثنائي الحتانه - متين كبرتا علي انا- ، وكمان عايز قال يعرس بالبقر ماعايز يدفع مهر و حق -الخمره والدلكه والشيله من سعد قشره).
اها المونج قال بي خلعة : لا لا لا لا مامكن يااااازول.
قلت ليهو خلاص انت امشى تشوف بعينك.
اها قام قال لي : وبعدين زمان فى الشمال فى يوم عرس حقتهم مش كان عندهم (سيره ودلوكه)والحبوبات يغنو ياعديله يا بيضا ويا ملايكة سيري معا ) وبدقوا النقاقير الصغيره ديك البسموها -الشتم- ولاحاجه زى كده..؟
قلت ليه: وووووين يامونج ياخ ، دا كان زماااااااااااااااان هسه فى الشمال الكلام بتاع السيره داك خلاص خلوهو زاااتو ، هسه عندهم زفه وسيره مصريه وسوريه ولبنانيه وانوار بتعمل بلنق بلنق ودخان طالع من وين ما معروف والعرسان بعد داك كمان يختوا ليهم مزيكا ويرقصوا إسلوا يا معلم ، يا زول الشمال داك الكان فى راسك فرتق زماااانك الجماعة هسي فاتوا ليك الشر الاوسط زاتو فى اى حاجه.
وبعدين ما شفته يا مونج الشمالى لما يمشى سوريا لسانو برطن سورى، وفى مصر برطن مصرى، وفى لبنان برطن لبنانى..؟
طيب واين هسه الثقافه حق الشمال البقولو ده..؟
والله الشمال دا كلو ماتقرب منو هو ماشى لمحلات اسكت ساكت بس ، ياخ رقصه السمح حق عروسه داك-الاسمو رقبه، ومشاط الشعر الحاجات دي انتهت، بس كوفير بس.
ويقولوا فى مشكله هويه...؟
ياتو هويه يا جماعة..؟
السوريه...؟
ولاالمصريه...؟
ولاالبنانيه..؟
اخير نقعد نخستك وبس
سلامتاكم
ولا إيه يا سمارة
وايش الحكي دا
ولا بلاش ياخواتى الحكى...؟
الله كريم..

يا شول يا اخويي ...
دا انا دا ما محسن ... (شادة البوست حقوا )
قاصداك في خدمة كدا بيني وبينك ...
ايمان دي ممكن القاها وين يا اخوي ...
افيدني افادك الله يا شول ياخ ..
رحاب

Chers amis…….
Je veux vous remercier tous pour tout support et encouragement pour ecrire sur sudaneseonline.j’ai essayé de parler d’un sujet qui avait a mon avis une grande importance,mais malhereusement je vient de me rende compte que c’etait une erreur.suite a ca j’ai decide d’arreter d’ecrire au moins pour le moment.en effet je me suis rendu compte que notre debat et facon de discuter ne sont pas productifs et nous ne pouvons pas atteindre nos objectifs pour aider notre bienn aime pays,le Soudan.notre pays va continuer de de soufrir si nous ne debattons et de discutons pas a propos des gros problemes pour aider notre pays,nous avons besoin d’être solidaires et de ne pas tomber dans la discussion des details. Avec tous mes respects a vous tous.
Egalite’,prosperite’ et liberté pour tous la soudanais.


Il faut cultiver notre jardin-------voltaire(cavdide ou l’optimism)
Muhsin taha(laku)

شنو يابنج
مافهمنا

ابو الدجل..
مافهمته شنو؟
امبارح ماشفته البيان نمره واحد وقولنا تانى مافى واحد؟
ياهو قلنا نرطن رطانه الواقواق احتمال تتفهم طالما العربى البنكتب بيه مامفهوم زاتو، بعدين المافهم ممكن يستعين بواحد من الاولاد البقرو بالفرنسى فى المدارس الخاصه بالخرتوم
الموضوع شكلو خستكه بس زى مافى ناس شايفين..
ياخ الموضوع دا احسن الواحد يعمل ليهو جلال كادوقلى وبراك شايف ناس حماس مخستكين بالخستكه كيف؟
انسى يابنج نشوف لينا حاجه تانى احسن.

أها يا بنج

ودينا الكلام لسيدنا قوقل، وفهمنا ما جاء ببيانكم (الأفرنجي)، لكن كدي النقول ليك حاجة، يا زول إنت ما في سبب يخليك ما تكتب، أكتب واطرح المواضيع البتشوفا وبالطريقة الإنت بتشوفا بيها.

بعدين إنت شابكنا خستكات جنوبيين في الشمال، لكن هسه جيت شوفت خستكات سودانيين في سودانيز اونلاين، وياهوندا (هذا هو مش العربية) السودان.

يا بنج واصِل ما تقيف.

يا مونج الصادق
قلت الفكى قوقل..؟
قوقل شنو انت كمان ،الكلام دا نظام نجيكم بعد الوويك اند- ايام السنه- عند اصحاب النار- نار المجوس ياعبد،لو تاوقتا للكلام الاخير حق،الشيخ اب كمش -فولتير-،قال:علينا ان نزرع حديقتنا
اخر كلمه ليهو فى روايه-كانديد او التفاءل-، وقال بانغلوس:انت محق لانه،عندما وضع الانسان فى جنه عدن كان ذلك لكى يعمل. مما بان الانسان لم يولد للراحه.ً
فقال كانديد للتركى:لابد انك تملك ارضا واسعه وعظيمه؟
فقال التركىليس لدى الاعشرون فداناًً فقط ازرعها مع اولادى. فالعمل يبعد عنا ثلاثه شرورالضجر،نزعه الشر والحاجه.). وهو المطلوب فى الوقت الحاضر.
وماعدا ذلك هو كاسورى حول من يفوز براس القرنتى.
يابنج حنواصل.
هو فى خيار ولا فقوس ولا روب ولافرصه
شيباك
نشوفك فى النقاره
الخستكات ولو خستك المخستكون، جنديهم كوره ليمون.

دينآآك..
انا لى كم يوم بقرأ عنوان البوست دا فى و شايفوا فى الصفحه الاولى
لكن متفادى افتحوا... عشان العنوان و اسم صاحب البوست .. قلتا اكيد
دا بيكون واحد من مأرسين تا تيب مستفى دا عاوز يتمنتش على اهلنا فى الجنوب
و عليه مافى داعى الواحد يقيموا و يدخل ليهو عشان زاتو الواحد مرارتو ما تنفقع..



بالله طلع كلام ذى السكر... و نعمة كبيرة فاتتنى طوال الايام الماضية

المهم يا سلام ياخ اخ محســن طه و مراحب فى البلد العريضه دى

Quote: دينآآك.. انا لى كم يوم بقرأ عنوان البوست دا فى و شايفوا فى الصفحه الاولى لكن متفادى افتحوا... عشان العنوان و اسم صاحب البوست .. قلتا اكيد دا بيكون واحد من مأرسين تا تيب مستفى دا عاوز يتمنتش على اهلنا فى الجنوب و عليه مافى داعى الواحد يقيموا و يدخل ليهو عشان زاتو الواحد مرارتو ما تنفقع.. ----------------------- ازيك يامونج ابوبكر صالح ... قلت لي شنو... قايل الموضوع جدعة من جدعات الجماعة الطيبين والمصطفين الجداد...؟ لكن ياجال الاسم دا هرش ناس كتار قبالك، ولحدي هسي في ناس بعرفوني زي جوع كروشهم ما مروا بجاي ولا حتي مرور الكرام، قطيتي دي مابينها مره واحد، ولا بهوا بي الشرقانية ذاتو... لكن ياجماعة الجماعة الطيبين والمصطفيين ديل ، ما عندنا حلل معاهم ديل (جزء من الشيلة) النحنا شيلنها ولسه حانشيلها كان ربك هون علي البنحلم بيها يوماتي (الحرية) اها بقوا زي ماقلت الغلوطية(كان شلوهوا مابنشال، وكان خلوهوا سكن الدار) اها المهم بقي في الموضوع هسي لازم نوسع الدار عشان تشيل الناس سوا سوا ، ونصبر علي جار السؤ ، يا رحل اما يا بلوة خمته... بعدين حتي لو كان من الجامعة الطيبين الناس ما مفروض تعمل زوغبير، وفقع مررارت وطمام قلب، اها دا زاتو الخلي الجماعة في الجامعة الاهلية ينضربوا وينجورا بالواطة وحاجات تاني، رغم انو قلنا ليهم(مسلمي الجبهة الديمقراطيةوالعلمانيين العقلايين، والعقلانيين المستقلين ، والمحايدين وكمان الأصدقاء العملين فيها ملحدين وكافرين)، الجماعة قاطعوا الجامع بتاع الجامعة وبقوا يصلوا في النجيلة جنب السلك(عايزين صلاتهم تكون في السلك ولا شنو ما عارف غايتو)، المهم قلت ليهم والله انتو اخير تمشوا تصلوا جوووووه الجامع دا انشاء الله بدون وضوء وقطع جمار ومضمضة) بعدين الاعمال بالنيات ولكل زول مانوي وانت عارف والكريم عارف لا عندنا ديمقراطية ولاحقوق علب الصلصة الفاخرة، (القالوا زمان في اتيني واكسلسيور و والقصر الجمهوري وقهوة وانداية منو ماعارف الكانت مقاصدة الجامع الكبير في سنتر الخرطوم(وجها لوجه)، وشنو تاني يا ابو بكر...؟). الجماعة عملوا اضان الحامل طرشة، وعملوا حركات بطني طامة وزعلان ومرارتي مفقوعة وعندي ضغط وجاني سكري، اول ضربة في الانكل جات من الجامع دا، طلع مش جامع طلع سلاح زخيرة عديييييل كدا، قلنا ليهم اها ياجماعة هسي كانت كنتوا جوه كان نشقتوا مخازن الاسلحة دي وين(اسأل مصطفي سري من الكلام دا).اها طلع السيخ والعكاكيز و(كل اسلحة الدمار الشامل الكيزانية)، اها تاني يوم جابو لينا شوالات ملايااااانة جزم قالوا العندو فردة جزمة حقتوا ولا حقت زول بعرفوا ولا حقت جكسويتوا، ولا بعرفوا ليهو جزمة زول كان بضهب ويمارس النضال الاجتماعي الجكسوي في السوري ولامريكي ، يجي يشيل ليهو فردة جزمتوا والله لي الليلة ما اظن في زول مشي شالة جزمتوا من الشوالات ديك من الجماعةالقاموا سيجة، اها يا جال الواحد مرات احسن اشناء يدخل راسوا ويمرقوا، والله كان عندي صحباني كانوا زمان بعزموني في رمضان والله اقعد ليك في الصف الاول بعدالامام ظااااتوا. الناس ديل قاعدين في السودان دا وحيكونوا قاعدين، حتي مع الناس الاحنا عايزين وتعابانين عشان ننجز ليهم دولة المواطن دي، عليك الله شوف هسي كلمة علماني دي بشتنوها كيف بعد ما دخلوها في السوق الاسلامي دي، - بشتنة التاباني والياباني زي مابقولوا حبوباتنا- الناس ديل مهمة الاصلية انو يمموا بطونا ويفقعوا مراراتنا وفي النهاية نجري نخلي البلد زاتها، اها مافي حل لازم في النهاية نسجل حضور مع الجمهور، عشان الميكرفونات دي ما تكون والقاعات المكيفة وفي المراكز الثقافية حقت ناس المجتمع المدني، والجامعات السودانية المختلفة، فلازم نشتغل بالعكس ومن الجامعات نمشي الجوامع، الكلام دا اناهسي بقيت اقول الكلام دا لي اي زول مسلم علماني/مسلم ديمقراطي/ومسلم مستقل/ ومسلم محايد الي آخر اللستة، شوف هسي الخرطوم دي فيها كم جامع، انتو فاكرين الجوامع دي جوامع دي دار حزب ليهم بيمارسوا فيه البزنس السياسي حقهم ، وطبعا دا من الطبيعي جدا انو الناس الماعندها حق الفطور ولا حق التمباك،البرنجي ولا حق السنة، امشوا وين يعني في سخانة السودان دي ما ياهو بمشوا هناك في الجوامع دي، علي الاقل في مكيفات ومراوح ، وياهو يسمعوا في ونسة الجماعة دي علي الاقل يطمنوهم شوية في الفترة الانتقالية -الدنيوية- دي لحدي ما يلاقوا الكريم(الحور العين وبحور المريسة، والشباب البوزعوها ليهم، شفتا السيرفس دا كيف.؟!!) اها زول ما لاقي اي حاجة في الدنيا دي لازم يلاقي ليهو زول يطمنوا شوية - اشناء الله يديهوا حجاب ولا كادوك ولا اي حاجة ويقول ليهم البسوها في رقبتكم ودي ياها الحاتجيب ليكم العلامانية والديمقراطية ودولة الانسان علي الاقل ودا ابسط شئ - لكن بدل دا بمشوا الجامع والجماعة المصطفيين والطيبين البعزفوا ليهم السيمفونيات ويقولوا ليهم واتخافوا في الآخرة بعدين حتلاقوااي حاجة.اها شايف الفرق كيف...ياعمك؟!! شايف هسي الجالدونق بتاع (الانتباهة)البزنس حقوامااااااااشي زي العجب كيف..؟، والجريدة دي بلقطوها زي لقيط الحمام للعدس، معناهاالموضوع فيهو موية سكر جوه هناك، ودا موضوع انا جايهو قدام وحاقاول ليك للجماعة انتباه صحيصحي المرة دي... ونحنا لازم نكون جاهزين للخستكات دي، واوعك تدور بره بره ورا الشرقانية ،هي الغنماية بتقد الشرقانية لمن ما تلاقي عضة بره، وتضرب زي العجب ، وتشقلب طبق الكسرة زاتوا.وكان سكوها لاعكاكيز مابتمرق ساكت اشناء كيس نايلون. وكان دا كلوا مانفع بعد دا كل زول يشوف ليهو فكي من المبرارو يديه عرق محبة للناس ديل، عشان علي الاقل نتفادي حكاية فقع المرارات دي بس زي ماقلت ليك ياجال الكحة ملا صمت الشخم والمتاوقة ولا المزازة بي ورا الشرقانية... خش اي حتة دايرة ، الطيبين ولا المصطفين زاتوا. وشكرا ليك تاني ياجال باج - ود البلد- ولا كيف يا بلد...؟!!!

---

Post: #168 Title: Re: خستكات جنوبيين في الشمال... Author: rani Date: 04-30-2008, 11:16 AM Parent: #98 ا مندكور شمالي احببه والده في خط النسل فاحب خط الاستواء ومونكا زنجية موقوتة بالافنجار في النسل وسط الدنكا والبارية لابن لا يشرب المريسة وهو مندكور الموعود لوال اشول والد مونيكا وسلطان الدينكا طالب المندكو بكسر البيت وهو قئمة من المال يدفعها لاهل الفتات الزوج *ازا حبلت منه دون زواج عرفي والزي عادة لا يتم للمندكور . . . ينعل ابوك ياز حلفت ما تنكتب صاح علي اي حال بحاول اتم ليكم النص دا من جهاز تاني ودي طبعا كلمات خالد عباس (مونيكا). . . ودي راني السماني لندن، UK

---

Post: #186 Title: Re: خستكات جنوبيين في الشمال... Author: محسن طه Date: 05-06-2008, 07:32 PM Parent: #168 يا مونج ... راني السماني ... وينك انت يا جالدونق، عامل شنو في بلد الضباب ، يازول ضباب شنو كدي امشي يياي دي اسمها سمول لندن شمس مافي مررررررة واحد ... بعدين ياراني ياخ انحنا لينا اسبوع كامل حارسين ونعاين ونتاوق ونتلفت ، لي باقي القصيدة دي وخاصة الكلمة الابت تتكتب ليك دي ، ياخ كان ابت بالعربي اللغة الطاهرة دي اكتبها لينا انشاء بلغة الكفار – النصارة والكريمات الاعتقادية كما يقول اهل قريش - . التحية ليك ولي خالد عباس صاحب الكلمة السنينة، وقصيدتو منوكا ، الجننتنا زاتو وما عرفنا نهاية القصة شنو... منوكا دي زاتها الجننت بوبي في البيت الابيض، وخلتو يتنازل عن المقام وعن منصبه كرئيس للأرض، شايف كيف ... كدي بالله تما لينا القصيدة دا خلينا نشوف مونيكا عملت شنو في صاحبنا خالد عباس دا ... شنو الشحتفة دي يا اخوانا ...؟ وشكرا ليك علي المرور الشاعري ...

---

Post: #193 Title: Re: خستكات جنوبيين في الشمال... Author: ميسرة غاندي Date: 05-09-2008, 01:11 AM Parent: #98 الاخ محسن تحيات عاطرات اخي انا مريت متأخر وما متابع انت راجل لذيز وكلامك الذزه عموما ده ما كان كسير تلج زي ما بقولو في (الكرتوم) انا عازك في خده ادخل البوست (اخواني الجنوبين طلب مساعده (ترجمه) وانت تعرف انا عايز شنو لك كل الاحترام والتقدير غاندي

---

Post: #107 Title: Re: خستكات جنوبيين في الشمال... Author: ابوالقاسم ابراهيم الحاج Date: 04-12-2008, 07:27 AM Parent: #1 Hi. muhsin Taha. welcome to sudanese world. really you,re a phenomenon and amazing guy, i like your styl of writing , just keep it on and on i know you are one of the most favorite speakers in the sudanese Universities at your time , and well organise chaps. if you get tired just take your time and relax for awhile and come back to us.i am sorry my arabic keyboard (mukhastic) so pardon for my rabish english.

---

Post: #108 Title: Re: خستكات جنوبيين في الشمال... Author: الطيب رحمه قريمان Date: 04-12-2008, 01:05 PM Parent: #107 أخى الاستاذ الفاضل محسن لك كل ود و محبة أنا برضو جديد زيك فى المكان ده أنت شول بونج , انا بونج شول نحن فى قيقر ما بنفرق بين الناس و زى ما انت عارف يا ود الخالة لك محبتى و خلى باقى الكلام فى سرك بعدين شوية شوية فى ناس ما يفهموا ليك كلامك ده بعد كده نشوف لينا ركن لناس بتاع اعالى النيل و كلامنا يكون فيه عديك ما فيش قت قت لك محبيتى

---

Post: #113 Title: Re: خستكات جنوبيين في الشمال... Author: الطيب رحمه قريمان Date: 04-14-2008, 12:00 PM Parent: #108 كيفك يا محسن مالى؟ مال مفوه؟ ين اثن؟

---

Post: #114 Title: Re: خستكات جنوبيين في الشمال... Author: محسن طه Date: 04-14-2008, 02:01 PM Parent: #108 يااوراا –ياخويى – الطيب رحمه قريمان كديى ياجال -كيفك ياراجل-؟ الواحد عاوز يجييك بمزاج ورواقه.. انا والله كنت بشيل هم لما البابور-الباخره- الجايه من ملكال تصل المينا بتاع القيقر ياخ عندكم باعوضه تلحم-لحام ساتالين-والله الكينين ما نيفع ولابنسلين زاتو -شدت ما سامه- ياجالدونق بهظر معك ساكت فى الحته دى. لكن الباعووضه شكلها بترفع الناموسيه -كان ماخوفنا(البييت)- الكضب والدليب- من الصباح. يازول كلامى دا كلام اولاد العاصمه بتاع ولايه اعالى النيل(ملكال) ولاملكال ما العاصمه ؟ اخوك متابع منتدى اولاد القيقر بمجاج -مزاج- بدون اى عجاج. زي مابقول الحكى الشعبى(كل جالدونق يموت فى افريقيا، هو مكتبه احترقت ولم يتم تدوينها). وعلينا تدشين عصر فرش جديد لكل الحكايات والروايات والاساطير التى كانت تُحكى او تُروي لنا. على الاقل يمكن ان نأمن بعض الاشياء الضروريه للاجيال القادمه والوراهم والبعدهم والما بعد بعدهم كمان وكمان -بالمزيكه والكمان- يامان، ولاكيف يااصلى؟. وقلت لى انت بونج شوال -عربى شلكاوى- وانا دا بونج شوال-شلكاوى عربى- ياخى دا كلام ذى أكل السمك الكنكين-القرقور- البقول انا اكوك اكوك اكوك - لمن تقبوضوا وتطلعوا بره الموية بطلع الصوت دا (اكوك اكوك ). اسمع قبل ما ننتهي ، انت ماقلت لي انت بون شول، لكن شايفك قلتا لي (مالي- ازييك- ) (يين اثين- انت كويس) يا معلم دا ما كلام شلك دا كلام نوير ، انت ما قلت عربي شلكاوي...؟الحاصل شنو شكلوا كدا اختلط عليك الاختصاص زي ما بقولوا اصحابنا الكوميديين في السودان، انتو يا اخوي بتتكلموا شلك و نوير ...؟ اها يا اخوي ، مال ماقووا (دي نوير يلا فتش معناها شنو...) لمن نتلاقي في القيقر وكتر الناموسيات بالله عشان نستمتع باكل الكجيك، عشان نغني بعد داك (تبقي حياتنا خالية منك يا ملاريا). ويا جال سر شنو ياخ هو فضل فيها سر واسرار وصرصرة، انحنا عايزين نطلع الحاجات كلها بره وتحت الشمس الحراقة ديك عشان بعد نبدا نعمل، ولمن اجي واحد يتكلم تاني ولا يقول عندي سر صاريهو في قلبي نعمل طوالي قانون اسمو الكلام الكتير، زي قانون التسكع والتلكع بتاع الجالدونق الترابي، الحضاري او كما قيل عنه- ياخ ما يخلوا الناس يتسكعوا ويتلكعوا ما امكن الواحد جاي مبسوط لمن ماشي كداري بعد كلمتين لذيذات كدا قالتها ليهو (الحبيبة) في البلد الكها غلاط دي التخليك تغالط روحك وتقول امكن انت الماجيت، حتي في الحب القسموا الله يا كافي البلا وحايد المحن... شا يف كيف يا جال...؟ تشكر كتير على الزيارة... وهاك ياجالدونق المناكيلو بسمك الكنكين- القرقور وبالمناسبة انا ما موردابي لكن تحت تحت بشجع المورداب لمن كان بلعب فيها بريش- والسمن والبااال -الملعقه- وجبه شعريه من مالى (يمبو اوولوغام-1940) رجوع الصيادين __________________ لقد وصفوا رجوع الصيادين ملايين المرات وبالفعل هو مشهد لابيعث على الملل، الشراعات البيضاء تظهر واحده تلو الاخرى عند الافق . تدفعها النسمه الخفيفه ببطء وتدفعها كما للسباق. تبدو من بعيد وكانها فارغة وتسير لوحدها. لكن شيئا فشيئا يكبر المشهد،فتراها تصطدم ببعضها وتتدافع مستسلمه لميلان خفيف. والرجال السود ، عاريي الجذوع وقد احتقنت عيونهم بالدم. يظهرون وهم يقودون مراكبهم الشراعيه بمهاره فائقه، يساعدهم صبيه يبدو عليهم التعب. تستقر الجذعيات على الرمل، لاتتحرك وقد خرج انفها من الماء بينما طويت شراعاتها والصيد وافر مثلما هو دوما.

---

Post: #169 Title: Re: خستكات جنوبيين في الشمال... Author: الطيب رحمه قريمان Date: 04-30-2008, 12:29 PM Parent: #114 الاستاذ الفاضل محسن لك التحايا Quote: وهاك ياجالدونق المناكيلو بسمك الكنكين- القرقور تعرف أنا من ما خرجت من السودان الاهت بالماكيلو يوم كده زانق ليك ام الاولادعشان تسوى لينا مناكيلو و لا لخالتو فى السودان. و بحض الصدفة حصل الكلام دا تعرف با عم, كنت جالس بمزاج فى المكتب بتاعى فى البلد البعيد داك بس واحد معاى سألنى : فى ناس فى السودان بتاعكم ده عندهم نقط فى وشهم ليه؟ شعرت بشعر جسمى كله قام! نعم انت بتقول شنو؟ فكرر كلامه تانى , وقفت على حيلى و قلت ليه: أنت شفت واحد كده فى حياتك!!! و بينى و بين نفسى اقول يارب الزولده تكون اجابته بنعم. ايوه فى واحد وصل الاسبوع الفات . و بسرعة أخد اسم الراجل و فورا اتصات ببيت بتاعه. الو؟ منو معاى؟ و اقول لمرة بتاع صاحبنا ده يا جال كدى يا مدام ؟ و بهدوء شديد اسمع ليك صاحبتنا تقول بسم الله و براحة تتضع السماعة و اقوم اتصل تانى و اتكلم معاها بالعربى . اسمعى يا اخت ممكن اكلم زوجك. هو مافى اقول ليه منو؟ اعطيتها اسمى و رقمى , و بعد دقايق صاحبى يتصل كيفك يا زول و حمدالله على السلامة الله يسلمك انت منو يا اخى و من وين ؟ و لما اعطيه معلومات عنى الا و يقومصاحبنا و يقول لى طيب طيب و يشنق السماعة قلت الزول ده مالو يارب؟ و بعد شويهالسكتيرة تقول لى عندك زائر! و اشوف ليك صاحبى و بدون مقدمات نمسك فى بعض و نبكى و تعال شوف الناس كله يعاين لينا فى استغراب و عجب و بعدها بقينا فردات و من اليوم داك و نحن كل يوم و التانى نضرب ليك فى المانكيلو

---

Post: #109 Title: Re: خستكات جنوبيين في الشمال... Author: شول اشوانق دينق Date: 04-12-2008, 04:20 PM Parent: #1 Quote: يا شول يا اخويي ... دا انا دا ما محسن ... (شادة البوست حقوا ) قاصداك في خدمة كدا بيني وبينك ... ايمان دي ممكن القاها وين يا اخوي ... افيدني افادك الله يا شول ياخ .. رحاب إزيك يا رحاب يا أختى؟؟؟؟ إنشاء الله كويسة مع المخستك محسن؟ اول حاجة أمسكى الرابط عشان خاطر إيمان العارف يجاوبني بالجد كدي وحاة النبي جد محتارة شول اشوانق ___________________________________ يا بكرى ما تشوف صرفة (passward) لرحاب عشان تكتب على مزاجها وبدون واسطة من المخستك

---

Post: #115 Title: Re: خستكات جنوبيين في الشمال... Author: محسن طه Date: 04-14-2008, 04:36 PM Parent: #109 شول شكرا ياخ بجيك راجعة تاني رحاب

---

Post: #124 Title: Re: خستكات جنوبيين في الشمال... Author: محسن طه Date: 04-15-2008, 05:27 PM Parent: #109 يا شول يا اخوي انا خلاص محسن طه اداني الكرت الأحمر شكلوا كدا. وقال(اقعدي هناك لحدي ما يدوك باسوورد بعدين اديني درس عصر في البوست بتاعك) بحجة انا مخستكة وقاعدة اخستك بالخستكات زاتها و دا كلوا عشان الفرق بين (ز&ذ قلت ليهو الأولي للزرافة والتانية للـ ذنب ) غايتو الفرق بين الزرافة والذنب، جاب لينا رفد عدييييييييييييل كدا اها لمن تلاقي في ساعة حائط انشاء الله - اقصد ساعة خير- رحاب

---

Post: #110 Title: Re: خستكات جنوبيين في الشمال... Author: احمد ضحية Date: 04-13-2008, 11:17 PM Parent: #1 up

---

Post: #111 Title: Re: خستكات جنوبيين في الشمال... Author: محسن طه Date: 04-14-2008, 02:25 AM Parent: #110 تشكر احمد ضحيه وهاك الوييك اند. المشهد الخامس. على رصيف مقهى فى المنبارناس بباريس. ثلاثه طلبه سود يطلبون قهوه بالحليب. فرساننا الملكيون الثلاثه(الذين هم فعلا ثلاثه هنا)استغربو لرفض النادل طلبهم. قال لهم النادل-الجرسون-الابيض،وهو يلبس الاسود: نحن لا نخدم الزنوج. الزنوج..؟ اى زنوج..؟ ماهو الزنجى...؟ تساءل فرساننا الثلاثه،وهم مدنيون يحملون اسماء(ايمى سيزير)،(ليوبولد سدار سنغور)و(ليون غونترون داماس). يلبسون باناقه يكدسون الشهادات من الجامعات الفرنسيه، ياكلون على الطاوله ومن الصحون،وينتعلون احذيه من الجلد ويتكلمون الفرنسيه،وتحت رقابه الفصحى الفرنسيه ويعالجون النظريات والمفاهيم اكثر مما يفعل نادل -جرسون- المقهى بمصفيات القهوه. ببساطه هم متشابهون مع الفرنسيين الناشئين فى السراى الكاثوليكى الى حد الالتباس. اذن؟ رغم كل المظاهر(الحسنه)فقد ظلوا زنوجاًًً. زنوج..؟ قال احدهم:ان الابيض هو الذى يخلق الزنجى. وما الذى سيتغير فى وضعهم..؟ نهضوا مكبوتين ومحبطين وغادروا رصيف المقهى بتأدب منعهم من القيام بايه ملاحظه تجلب اليهم الانتباه.وذهبوا لشرب القهوه عند (انذرى جيد). وظلت الضحكه الصفراء تصاحبهم على طول الطريق. بعد ذلك بايام,وفى الصباح، فى شارع من الحى اللاتينى، قرر الفرسان الثلاثه الذهاب الي الحلاق لاكند.وكان البرود يبدو على وجوههم، وافكارهم متوقده،وعلى نحو ما كانوا متكاسلين. الحلاق لايشبه نادل المقهى.على العكس من ذلك، فهو بشوش ،مؤدب وخدوم. دعاهم الى الجلوس على كرسى الحلاقه(وهذا الامر جعلهم يتذكرون عياده طبيب الاسنان). ايها الساده توجهوا الى المرآه. يستجيب الثلاثه لامره. فتعكس لهم المرآه وجوههم. صمت كبير ورهيب. الحركه الوحيده المسموعه هى موسى الحلاقه تحك على جلد آله الحلاقه. انتفض الفرسان الثلاثه دفعه واحده عند مرآهم للحلاق لاكند يقترب بآله الحلاقه’وبيده الفرشه والصابون. لا لا لا’ايها السيد نحن لانريد حلاقه’ليس لنا شعر فى ذقوننا.لاباس، يضع الحلاق ادواته على حوض الغسيل الابيض، وياخذ مقص ومشط. الفرسان الثلاثه يقولون له بسرعه:نحن لسنا نريد اكثر من تزيين الرقبه -قطعيه- فشعرنا لن ينمو ابدا. الحلاق لاكند يقول فى نفسه:زبائن غرباءهذا الصباح. ثم اخذ يحاول فتح حوار معهم حتى يخفف من الجو الثقيل السائد بينهم. وفكر فى ان يقول اى شئ ’فقط ليتكلم: أأخوان انتم؟ اخوان..؟ قالها الثلاثه باستغراب.كانوا ينعتونا بالامس بالزنوج واليوم يرون اننا اخوان؟. قال الحلاق لاكند_اوه. سامحونى’لقد ظننت انكم من نفس العائله لانكم تتشابهون كثير، فلكم نفس الشعر، نفس اللون ونفس نسيج البشره، نفس الانف، نفس الشفاه... ينظر الفرسان الثلاثه الى المرآه ويلاحظون فعلا ان لهم سمات مشتركه لكن بسبب انهم متشابهون هناك هامش.ذلك انهم مجموعه(ويبدو ذلك صحيح) لكن لكل منهم هويته الشخصيه والمختلفه. لتفكروا للحظه ان ليوبولد سدار سنغور ياتى من (السنغال) وايمى سيزير من (المارتنيك) وليون غونترون داماس من( غيانا). مجتمعهم:هم سود(زنوج هكذا يسميهم البيض)مستعمرون ومندمجون فى الثقافه الفرنسيه.فرنسيون وليسوا بفرنسيين. هويتهم:احدهم سليل عائله رفيعه النسب من السنغال، الاخر من عائله عبيد افارقه وقع استيرادهم فى مناطق الهنود الغربيين واخرهم ثمره خليط جنسين ابيض واسود. لقد التقوا على مقاعد الدراسه بباريس. كل منهم حامل لتاريخه، لكنهم يكتشفون فى انفسهم فجاه ان لهم اصلا مشترك هو...هو(افريقيا). من كتاب: la poesie negro-africaine.l expression fransaine anthologie.

---

Post: #112 Title: Re: خستكات جنوبيين في الشمال... Author: محسن طه Date: 04-14-2008, 05:34 AM Parent: #111 البنج ديد:ابو القاسم ابراهيم الحاج. يا سلام عليك يابلد وعلى الكلام اللذيذ(الزى الباباى فى بلاد الهباباى..البيخلى الواحد يقبل جاى، ويواصل الخستكات وما يقول للناس باى باي ولو خستكوا بينا بجاى وجاى.) وهاك بعض من شعر بلاد الشمس افريقيا’للشاعر ابولون ابانيا وندو(1930 الكامرون). الانسان الذى يشبهك _____________________ لقد طرقت بابك طرقت قلبك لأرتاح فى فراش لك ولأتدفأ على نار فى بيتك لماذا تطردنى.؟ لم تسألنى ما اذا كنت من افريقيا او من امريكا وما اذا كنت من آسيا أو من اوروبا؟ إفتح لى يا اخى... انا لست اسود لست احمر لست اصفر ولست ابيض لكننى لست الا انسانا افتح لى يااخى افتح لى يااخى افتح لى قلبك لاننى انسان انسان كل العصور انسان كل السماوات الانسان الذى يشبهك.

---

Post: #116 Title: Re: خستكات جنوبيين في الشمال... Author: Lily Akol Date: 04-14-2008, 05:12 PM Parent: #112 Quote: الاخت لييلى اكول... ,ياخ وين كتاباتك اللذيذةوالدقاقه زى -شطه نريكا- ودى احر شطه عند اهلنا الشلك لما يكون بدقو فيها فى الفندق تشم ريحتها على بعد امتار وكان اكلتها مع المانكيلو بالسمك، اليوم كلو داير ليك هبابه لخشمك، وجمبك الطووم -الربابه- وقزازت الببسى--ببسى شنو كمان, قزازه القام زوت عديل كدا، والراجل اليجى يقول قاعدين تضربو فى شنو ولاشنو، شوفو كان ماقام جارى زوت عديل فللي .. واصلى الكتابه لو سمح وقتك وظرفك ،لو الوقت ولاالظروف بتتوفر،علشان الراجننا نوفر ليهم السقوف فوق راسهم والاكل فى بطونهم والكراريس والورق والاقلام والحبر. والكلام دا عايز عزيمه واصرار وهوس بالمستقبل وكيفيه تحقيقه (وتضحية احيانا بكل شئ حتي البنحبو)،والانتباه جيدا لمن يريدون جرنا الى الاسفل بدلا عن الاعلى كما هو مطلوب ومؤمل ممن يلقبو انفسهم سياسين. والسياسه صناعه وحرفه تتطلب ادوات واسلوب تفكير خلاق ومبتكر وهى فى نهايه المطاف -فن اداره الاختلافات- فى اى مجتمع من المجتمعات ولو ضيعنا وقتنا وجهدانا فى قضايا انصرافيه غير جوهريه للناس البسيطين الراجين الكثير والكثير من هذا الجيل فالطوفان هو مصيرنا ومصير البعدنا اذا لم نحسن استثمار الوقت والجهد ومع العلم هنالك دائما من يريد جرك الى الاسفل كلما اردت الصعود الى الاعلى. قد تعلمنا من الماضى، والماضى سيظل هو الماضى ، لكن المشكله فى الحاضر وفى بكره حيكون كيف..؟ وشكرا على الكلام الشويييييه وبالانجليزى كمان . والله انتو الجنوبين كان ما خليتو الفلهمه البللانجليزي اصلوا مابعرفوكم، (ارجعى للخستكه حقت لام عن الانجليزى فوق). وانا ذاتى قاعد فى امريكا الشماليه وفى الجانب الفرنسى من امريكا فى خستكه وفلهمه اكتر من دى.؟. ودى زعلة منى ساااااكت علشان زمان الفرنسين طردوهم من فشوده شوفو هسه بقرا فيهو وين. ياخ دي مشكلة عجيبة لازم تتكلم بالؤنث والمذكر ، فى اول حصه كانت عن انواع واسماء الاكل كانت بالطريقه دى: (لا طوماط ، لا سالط ، لا بسكويت ولابنان- موز-) قلت ليهم ناكل شنو طيب يافرنسين انتو كمان..؟برضو تانى لا لا لا لا وشنو وشنو..؟ واحد هنا منجانق معنا ، قاعد هنا من سنه اسكت، كل مره عايز يمشى السودان ,عشان يعرس ليهو بت مونجانق، قلت ليه يامونج ا سمع و الله بنات مونجانق القاعدات فى الخرتوم ديل - بهظر معاهو ساكت والله العظيم – خلاص بقوا زيهم وزى بنات المندكورو واكتر زاتو، البنج انخلع، وقال لي يا زول اصلو ما معقول الكلام دا، وكيف الكلام دا...؟ قلت ليهو بنيات دا ,كل واحد بقت عندها صاحبات من جامعه الاحفاد والاهليه زي ناس (ملاز وسهر وسهام وانوار ولاء )، يوم عرسك بجوك صاحباتها ديل ويقولو للعروس : كيفن عاد ياناكوستى - زمان كان ناجنق- الراجل دا يكون جاى من امريكا وكمان ماعايز يعمل ليك(حنه وضريره وعديله وسيره) كيفن الكلام دا، وكمان عاوز الحفله بس زايكو -دمبلو- وماداير يجيب الفنانين ناس ثنائي الحتانه - متين كبرتا علي انا- ، وكمان عايز قال يعرس بالبقر ماعايز يدفع مهر و حق -الخمره والدلكه والشيله من سعد قشره). اها المونج قال بي خلعة : لا لا لا لا مامكن يااااازول. قلت ليهو خلاص انت امشى تشوف بعينك. اها قام قال لي : وبعدين زمان فى الشمال فى يوم عرس حقتهم مش كان عندهم (سيره ودلوكه)والحبوبات يغنو ياعديله يا بيضا ويا ملايكة سيري معا ) وبدقوا النقاقير الصغيره ديك البسموها -الشتم- ولاحاجه زى كده..؟ قلت ليه: وووووين يامونج ياخ ، دا كان زماااااااااااااااان هسه فى الشمال الكلام بتاع السيره داك خلاص خلوهو زاااتو ، هسه عندهم زفه وسيره مصريه وسوريه ولبنانيه وانوار بتعمل بلنق بلنق ودخان طالع من وين ما معروف والعرسان بعد داك كمان يختوا ليهم مزيكا ويرقصوا إسلوا يا معلم ، يا زول الشمال داك الكان فى راسك فرتق زماااانك الجماعة هسي فاتوا ليك الشر الاوسط زاتو فى اى حاجه. وبعدين ما شفته يا مونج الشمالى لما يمشى سوريا لسانو برطن سورى، وفى مصر برطن مصرى، وفى لبنان برطن لبنانى..؟ طيب واين هسه الثقافه حق الشمال البقولو ده..؟ والله الشمال دا كلو ماتقرب منو هو ماشى لمحلات اسكت ساكت بس ، ياخ رقصه السمح حق عروسه داك-الاسمو رقبه، ومشاط الشعر الحاجات دي انتهت، بس كوفير بس. ويقولوا فى مشكله هويه...؟ ياتو هويه يا جماعة..؟ السوريه...؟ ولاالمصريه...؟ ولاالبنانيه..؟ اخير نقعد نخستك وبس سلامتاكم ولا إيه يا سمارة وايش الحكي دا ولا بلاش ياخواتى الحكى...؟ الله كريم شكرا لاكو - ما فلهمة و لا حاجة - بس العربي تعبان شوية -- كيبورد عربي ما عندنا--باختصار عشان اكتب دقاق الكلام الكتبتو بالانخليزي دا حاياخد معي اكتر من ساعتين So that's the problem...but thanks for your response...Lily

---

Post: #117 Title: Re: خستكات جنوبيين في الشمال... Author: محسن طه Date: 04-14-2008, 05:51 PM Parent: #116 قنبلة نمرة واحد (مابيان) سمعتوا قالوا جون قرنق كان مسلم..؟ اوكي استنوا لمن نوريكم بقي كيف..

---

Post: #118 Title: Re: خستكات جنوبيين في الشمال... Author: محسن طه Date: 04-14-2008, 07:13 PM Parent: #117 دينق صمؤيل ... صديقنا وزميلنا ، وواحد من الكوادر السياسية بالجبهة الديمقراطية بجامعة امدرمان الاهلية، ذهبنا لعزائه في وفاة والده السياسي الجنوبي المعروف صمؤيل اررو، وكانت – نقارة- الوداع تصدح حزينة النبرة – كانها تحكي حزن الجميع - في الحشد الهائل من الاصدقاء والاهل وكبار رجالات الدولة ، وكان صوت بكاء النساء يتحدث عن قدر الفجيعة، خليط من الناس والاحزان والمشاعر. ابتدر الحديث ابيل الير – صاحب الكتاب المثير للجدل نقض العهود والمواثيق- متحدثا بلغة الدينكا- لأن معظم النساء والرجال كبار السن المتواجدون في العزاء لايتعدي استيعابهم للغة العربية والانجليزية حدود مفهومها التدوالي اليومي البسيط- ، تحدث ابيل عن الراحل صمؤيل اررو ابن رومبيك، وسيرته المهنية والسياسية والانسانية كاخ وصديق، وكان هناك مترجم للعربية يترجم لخليط الحشد بمختلف الوانه واعراقه والوانه الثقافية . اعُطيت الفرصة لواحد من السياسيين المثيرين للجدل آن ذاك والذي اشتهر بدفاعه المستميت كمحامي عن حقوق الانسان والمهمشين وكداعية للعدل للمساواة والوحدة والسلام بين اهل السودان، الا انه اشتهر بحبه غير منقطع النظير لل- المايكات والجماهير- خصوصا بمثل هذه المناسبات التي يكثر بها جمهور الهامش، وتدارك منظم المأتم – وموزع الفرص والتعقيبات- ان الفرصة القادمة ستكون له ، فقال له : اسمع حانديك ثلاث دقائق للحديث عن المرحوم ، ودقيقتين – عشان تفرمل – فما كان من المتحدث الا ان (تنحي مكانا قصيا قابضا علي المايك بيد من حديد) وقال من بعيد بطريقته الفكاهيةاللطيفةوالتي لا تخلوا من درامية ومسرحيةاحياناكثيرة: يا ولد انت دا كلام شنو، جمهور زي دا وتقول لي تلاتة دقايق، ياخ بالله ما تخجل ياخ ، دا مفروض تكون تلاتة ساعات. فبعد ان تحدث عن المرحوم وقال ما قال عنه، التفت الي الجنوبيين وقال : اسمعوا هنا يا جنوبيين ، انا لاقيت جنون قرنق – الراحل المقيم بدواخلنا ولن يموت ابدا- في نيروبي قبل فترة قصيرة ، واتكلمت معاهو كلام كتيييييير ، اتخيلوا اكتشفت انو جون قرنق بقي مسلم . والجمهور كلوا كان في ذهول ومفاجأة، بجانب الحزن الذي كان مقيما في تلك اللحظات، الناس ابتدات تهمهم-بخلعة- لا لا لا لا لا لا دا كلام شنو يازول يا زول يا زول. انت بتتكلم كيف..؟ والجنوبيين طبعا لديهم تجربة مع المفاجآت، خصوصا حين استشهد السياسي الجنوبي اروك طون اروك بحادثة سقوط الطائرة التي كانت تقله ونائب الرئيس الزبير محمد صالح بالناصر- الحادثة التي لفحها الغوض وعلامات الاستفهام والقيل والقال حتي يومنا هذا- حيث تجادل الكثيرون حول (هل اروك مسلم ام مسيحي) حيث قال البعض انه قد اسلم واشهر اسلامه قبل موته، ويثتكثرون عليه لقب (شهيد وطن)، وكأن هاتان الكلمتان لا يستحقهما الا المسلمون فقط - . فصرخ المتحدث قائلا: اصبروا اصبروا يا جماعة خلوني اوضح ليكم الحاصل شنو وانا والله جادي في الكلام دا... وسكت الجميع بانتظار التفسير والتوضيح وخيم عليهم صمت القبور (كما يقال في وصف ثقل الصمت) تحدث المتحدث كنت بتكلم مع اخوي جون قرنق ، قلت ليهو تتذكر ياخ المذكرة الرفعوها 67% من اعضاء هيئة التدريس بجامعة الخرطوم في 15/فبراير/ لي رئيس مجلس الجامعة مطالبون فيه باستقرار الجامعة والمحافظةعلي نظمها وتقاليدها الاكاديمية، تخيل المذكرة دي اتسببت في فصل كتير من الاساتذة ديل..) اها قرنق قال لي : لا حوله الله ، دا كلام شنو يا زول...؟ اها قلت ليهو تتخيل يا قرنق جامعة الجزيرة فصلت كتير من الاساتذة المميزين اكاديميا في الطب والزراعة والرياضيات والاقتصاد. اها قرنق قال لي : اعوذ بالله ياخ دا كلام شنو دا...؟ وقلت ليهو تصدق يا قرنق الناس ديل طردوهم بحجة الصالح العام ، وعشان واحدين منهم قالوا ما ماشين الدفاع الشعبي...؟ اها قرنق قال لي : يا الله ياخ ... برضوا كلمتوا قلت ليهو تخيل يا دكتور 36% من المهندسين و39% من الدكاترة ودكاترة الاسنان و58% من المعلمين كلهم هاجروا من السودان...؟!! اها جون قال لي : يا دين النبي ياااخ. تاني قلت ليهو: انت في دا ، جامعة الخروطوم برااااها خسرت 42% من اساتذتها ، و350 استاذ سابوا الشغل في الجامعة...؟!! اها جون قرنق قال لي: لا اللهييييييييييييييي ، اعوذ بالله ياخ، ناس ديل جنوا ولا شنو ...؟ اها شايفين يا جماعة ، بقي مسلم ولا لا...اها شايفين من البلاوي الفي البلد دي لمن جون اسلم عديييييييل كدا... انفجر الحضور بالضحك رغم الحزن، و – البلاوي المتلتة- وختم حديثه قائلا: والله جنون قرنق متحير في السودان دا، وقال لي ياخ اها بعدين لمن نعمل سلام في بلد دا منو بشتغل ، انا زاتو سمعتا هسي في 400 دكتور واستاذ خلوا البلد وشغالين في لندن ، دا غير المحلات التاني ما معروف داك. وواصل المتحدث : عفوا يا جماعة ياخ انا قصدي كان اقول ليكم جون قرنق من البلاوي والمصايب حقت البلد (استسلم) مش (اسلم) و زي ماقالوا ( كان كترت عليك الهموم استسلم ونوم) اها وانتو اقعدوا نوموا كويس لمن تصحوا يوم تلقوا البلد زاتها رحلت من هنا. وتحولت الثلاث دقائق الي ثلاثين بقدرة قادر

---

Post: #119 Title: Re: خستكات جنوبيين في الشمال... Author: محسن طه Date: 04-14-2008, 07:20 PM Parent: #118 .....

---

Post: #120 Title: Re: خستكات جنوبيين في الشمال... Author: محسن طه Date: 04-14-2008, 07:48 PM Parent: #119 *

---

Post: #121 Title: Re: خستكات جنوبيين في الشمال... Author: الصادق اسماعيل Date: 04-14-2008, 10:39 PM Parent: #120 Quote: *

---

Post: #122 Title: Re: خستكات جنوبيين في الشمال... Author: محسن طه Date: 04-15-2008, 04:15 AM Parent: #121 من ابناء قبيله الانجواك بالرنك، كان يدرس معنا بمدرسه بورتسودان الثانويه’وكان من الطلاب المشهود لهم بالتفوق فى علوم الرياضيات الإضافية والفيزياء والكيمياء،لُقب اناواك بانشتاين-عالم الفيزياء وصاحب نظريه النسبيه الشهير. ناواك كان الشخص الوحيد الذى كان يمتلك جهاز راديو-فليب- من دفعتنا.فكنا نجلس معه بعد الغداء ونستمع لاذاعه الحركه الشبيعة (والآن مع القائد العقيد دكتور دى مبيور... الذي كان يقول :شوف انتو ناس بتاعين غابه دا انتو ياهو مفروض تحمكوا سودان دا مش (مستهبلين) بتاع خرتوم دا) .يالها من ايام. ناواك رغم تفوقه الواضح فى العلوم الحديثه’كان يعانى بعض الإشكالات فى اللغه العربية، واحيانا يدخل فى مجادلات مع استاذ مادة العربى، اذكر مره فى حصه البلاغه-التشبيه والمشبه به-.إبتدا الاستاذ الحصة ب(نص) – شمسٌ قامت تظللنى من الشمس- قام ناواك قال للاستاذ: هسه دا كلام تا وين يا أستاذ..؟ الاستاذ رد عليه : دا كلام إسمو تشبيه ياولد. رد ناواك مستغرب علي الأستاذ: لكن يا أستاذ. كيف بس يكون فى اتنين شمس فى دنيا دا...؟ الاستاذ رد علي نواك – وقد نفذ صبره- ياخ دا المجاز كويس معاك...؟ نواك كان لسه مصر – والكلام اصلا ما وقع ليهو فقال للأستاذ: وتيب -طيب- ومجاز ذاتو يعنى شنو،وهسه يا أستاذ لو مرقنا بره الفصل دى ها نشوف اتنين شمس يعنى ولاكيف يعني . الاستاذ رد عليهو بغضب المرة دي: لو سمحت بطّل الهرجله بتاعتك دى كويس ، واسكت ساكت بس خلينا نحضر الحصه بمزاج، انت ولد مجنون ساكت ومفلهم بعد دا كلوا كمان، يلا بالله انطما ياخ . نواك رد تاني علي الستاذ: يا أستاذ انا مامجنون ولاحاجه، وكان داير ارحكم مستشفى شان يشوفو منو ياهو فينا مجنون ياستاذ. وجات امتحانات الشهاده السودانية - تجاوزا- وكل الطلاب والاساتذة وخاصة مدير المدرسة فى الوكت داك-حسن عبيدى، ومسجل كليه الاقتصاد بجامعه امدرمان الاهليه فى منتصف التسعينات- واثقون تمام الثقة بدخول(ناواك انشتاين)كليه الهندسه جامعه الخرتوم، وأخونا انشتاين برضو واثق من نفسه من غير غرور و كبرياء اجوف، ومعظم الطلاب كانوا يبحثون عنه فصل فصل ، وجحر جحر عشان يساعدهم فى معادلات الرياضيات العويصه ديك –وهي كل ماكان يعتمد عليه انشتاين للاعداد للامتحان . وانا كنت واحد من الطلاب الهاربين من الفصل العلمى - فى الاول طبعا كنا بنحلم بالطب، احلام الجلاكين المجننا بيها وقصة لازم تكون دكتور ديك، ياعمك خشينا ليك الفصل العلمى احياء قال. يازول انا و واحد صاحبى من اولاد البنى عامر، تلاته اسابيع اخوانك سيتينق ساااااااكت مسطحين سطوح تاريخي عديييييل كدا، وخصوصا في الفيزياء الضوء - شعاع منكسر على مرايا والمرايا زاتها فيها مويه كمان( ياخ طخ ) وفي النهاية انا وصحابي دا وصلنا لنتيجة انو انحنا ما بتعاين جاكات زدى كمان، اها مشينا قلنا للاستاذ ابو الفصل -ابو فاطمه – ياأستاذ والله انحنا عاوزين نحول ادبى، يازول عمك الاستاذ تراهو ناقش ليك حتة انحنا مسطحين وراقدين سلطه فى الفصل دي . اها قام الأستاذ قال لينا ببرود: -(.........) كيف- والله يا اولاد الواحد لازم يكون عارف مستقبلو كويس ومافى داعى للبوبار الشوبار ساكت امشوا خلاص شوفوا الفصل الادبي . اها الفرده البنعامراوى قال لى: بالله شوف بالله فى داعى بس الاستاذ يختطها لينا بطريقه بايخة ذى دى..؟ وجرى ظييييطك لفصل الصين الشعبية (العباسى) وآآآآآآآآآآآآخر نومه مع قصص اسباب دخول محمد على باشا السودان وحبكاناته-عشقه- للعبيد السودانيين وذهبهم ونحاسهم والامبراطوريه العثمانيه والسفاح الدفتردار، وتاريخ بنى اميه وبنى العباس وغيره من حشوات ضروس العقل. ولقينا زمن -ياجامد- نشجع الكورة والمباريات في نادى حى العرب ببورتسودان- تقول لى الجراكين عاوزين طب..؟- والحمد لله ما درسناهو زاتو كان بعد السبعه سنين ولاالسته حقت الطب يجوك ناس المشاريع الحضاريه بحضارة الكشمير-الكشه- حقت الصالح العام، وبعد دا كلوا فى ناس البقولوا من اين اتى هولاء..؟. اوكى نرجع لقصة صاحبي الخطيرانشتاين. عارفين الحصل شنو لى انشتاين الكان مفروض يخش كليه الهندسه جامعه الخرتوم كما هو متوقع و مأمل ومُبشر..؟ امشو محطه السكه حديد بحرى تلقو هناك، اخر مره كان شغال فى المحطه فى سنه2001 ماعارفو هسه وين..؟ و السبب شنو قايلين ...؟ كووووووو بردلوب قادى عربى مع نظريات الشمس تظللني من الشمس والمجاز والتشبيه ووجه الشبه. فكم، وكم واحد زى انشتاين دا، دقو بيهو الدلجة وشتت الشارع -من النفسيات- فى بلاد التفشيل والخستكات..؟ وهم فى الاصل ما طلاب عرب وحتى ولو- عربجوهم العربجيه- ما حيكون ولايمكن ان يكونو فى يوم من الايام عرب، بل سودانيين من ثقافات واسعه ومتنوعه قدر تنوعهم الاوسع بجانب الثقافه العربيه السودانيه -الممكن بعد شويه تتحول( لي سورية ولبنانيه ومصريه.. والله يعلم البقية) -و المغالطني وما مصدقني- يمشى اى بيت عرس ويشوف الموسيقي والزفه حقت العريس والعروسه بقت كيف ... وبالمناسبه عندنا صاحبنا أستاذ بتاع دراسات سودانية برضوا، والله يوم عرسو عملوا ليهو زفه مصريه تخيلو الخستكه..؟ اها المكضبني وما مصدقني تاني ، يمشي يسأل الصادق اسماعيل الزول منو...علشان كدا انا دايما وابدا بقول للناس بحب واهتمام ( ياناس هوووووووووى حصلو السودان دا قبلما.....و قبال.......و قبل ما ......!!!!! باب الاجتهاد مفتوح هنا للعايزين – يملوا النقط وكدا - وللمهتمين ب(السودانوية) الزي السكسكانيه..!!

---

Post: #123 Title: Re: خستكات جنوبيين في الشمال... Author: ابوالقاسم ابراهيم الحاج Date: 04-15-2008, 05:43 AM Parent: #1 لاكو يا حبيب. الكلام البتكتبو دا ما مجرد حكاوي القهاوي, دا جواه علم إجتماع ونقد إجتماعي, وسياسة بالبصارة وتقييم تجارب ودعوة للتقويم والإعتدال. دا والله نهر طويل وعريض كل يستسقى حسب جهده وعطاءه وهمته!! ناس فى القماير تشرب من الاخراج وتانيين فى سيناء وتشرب من النيل!!?. دا نيل ولا نيلة!!?. لكن مع وجود الزيك مش حنستسلم لثقافة الخرج لابد من النهر وإن طال وإستطال الأمد. واصل ونواصل....... مع التحية

---

Post: #125 Title: Re: خستكات جنوبيين في الشمال... Author: شول اشوانق دينق Date: 04-15-2008, 06:29 PM Parent: #1 Quote: عارفين الحصل شنو لى انشتاين الكان مفروض يخش كليه الهندسه جامعه الخرتوم كما هو متوقع و مأمل ومُبشر..؟ امشو محطه السكه حديد بحرى تلقو هناك، اخر مره كان شغال فى المحطه فى سنه2001 ماعارفو هسه وين..؟ و السبب شنو قايلين ...؟ كووووووو بردلوب قادى عربى مع نظريات الشمس تظللني من الشمس والمجاز والتشبيه ووجه الشبه. فكم، وكم واحد زى انشتاين دا، دقو بيهو الدلجة وشتت الشارع -من النفسيات- فى بلاد التفشيل والخستكات..؟ وهم فى الاصل ما طلاب عرب وحتى ولو- عربجوهم العربجيه- ما حيكون ولايمكن ان يكونو فى يوم من الايام عرب، بل سودانيين من ثقافات واسعه ومتنوعه قدر تنوعهم الاوسع بجانب الثقافه العربيه السودانيه -الممكن بعد شويه تتحول( لي سورية ولبنانيه ومصريه.. والله يعلم البقية) -و المغالطني وما مصدقني- يمشى اى بيت عرس ويشوف الموسيقي والزفه حقت العريس والعروسه بقت كيف ... وبالمناسبه عندنا صاحبنا أستاذ بتاع دراسات سودانية برضوا، والله يوم عرسو عملوا ليهو زفه مصريه تخيلو الخستكه..؟ اها المكضبني وما مصدقني تاني ، يمشي يسأل الصادق اسماعيل الزول منو...علشان كدا انا دايما وابدا بقول للناس بحب واهتمام ( ياناس هوووووووووى حصلو السودان دا قبلما.....و قبال.......و قبل ما ......!!!!! باب الاجتهاد مفتوح هنا للعايزين – يملوا النقط وكدا - وللمهتمين ب(السودانوية) الزي السكسكانيه..!! :Angry: بصراحة يا محسن الكلام ده ما خستكة ولا حاجة .... الكلام ده حاصل فى السودان المقزز ده. يعنى شنو انا سقطت عربى طوالى يقولوا ما عندى شهادة وفى نفس الوكت بكون جايب فى الرياضيات اكتر من 90 وفى الفيزياء اكتر من 80 وناجح كل المواد!!! ليه الظلم ده ياخ؟؟؟؟؟!!!!!!! محسن بصراحة بعرف كمية ناس على طريقة صاحبك إنشتاين ده بس خلى بس قويجطار قرب يا اوروا. شول اشوانق _____________________________________________ خلى رحاب تكتب بى راحتها عبرك ياخ وإلا اقوم ارسل ليها الباسورد بتاعى (عند الحوجة) ... وللا اقوم افتح بوست لبكرى عشان رحاب؟!

---

Post: #126 Title: Re: خستكات جنوبيين في الشمال... Author: محسن طه Date: 04-15-2008, 09:46 PM Parent: #125 اسمع ياجال باج-ود البلد- شول قلت لى شنو؟ جايب(90فى الرياضيات) وكمان(90 فى الفيزياء) وبرضو(90 فى الكيمياء) وكمان عاوز تخش جامعه؟ والله انت ظريف والله.اها زى كلامك دا يا شول’دا البجيب الخستكه. ما نقشت الحكايه والرواية. بالله تقروا فى مدرسه(-لمبة ام دخيخينه-وعنقريب كلو مرقود’وماعندكم ناموسيات للبعوض’وتفطرو عصيده وتتغدو سخينه وتتعشو كسره بمويه وتحلو تمر ابونا)، وبعدا كدة كمان الفصل العلمى اديشنال -تخصص- كلو يكون فى كليه الهندسه فى الوكت داك. والله حريفين انتو فى الحته دى.ومشاريع الرنك البندعك فيها منو؟ يازول الكلام البقول فيه دا خستكه يا شول’انا ماعارف انت فهمته كيف...؟ يا وجال بييت(كووبى دوج ووروا). خليك قريب جمب قربيك اووطو(وجال اتووم).

---

Post: #127 Title: Re: خستكات جنوبيين في الشمال... Author: محسن طه Date: 04-15-2008, 11:34 PM Parent: #126 الطلبة ماشين المدارس. (ردا دمورية مقدود من ورا والكرعين مغبشين والراس كلوا قمل و قوب (زي الريال ابو جمل) وهناك في المدرسة يلقوا العجب والصيام في رجب – كرن كرن جرس الطابور، اول حاجة يمرقوا ليك الطلبة (الوسخانين والمعفنين و المقملين ) ديل والمعلمين ليهم تلاتة شهور ما صرفوا الماهية ويقعوا ليك ضرب ضرب ضرب ضرب بسوط القرنتي وخرطوش الموية الاسود لمن يبولوا في سراويلهم. وبعد داك يسمعوا وبصوت عالي نشيد العلم نحن جند الله جند الوطن ، ويخوشوا الفصل يقعدوا ارضي يا عبد . والفصل فاتح من الجهات الاربعة والكتاحة ماشة وجاية وجايبة معاها اكياس الصعود الفاضية الفي الكوشة الجمب الفصل ودا غير ريحة البول والخرة بتاع السكورجية المارقين من الانداية بالليل بعد ما ضربوا (العرقي والعسلية والكجيمورو والقام زوت) . بعد داك الحصة عربي املاء منظورة – منقوشة - الاستاذ خلوا بالكم كويس وقروا وراي (انا طفل عربي من العراق والشام والسودان) والاستاذ ذاتو ممكن يكون دنقلاوي ولاشلكاوى ولا فلاتي ما عارف . الحصة التانية تكون دين – يا ديني العربي- وهاك الماحافظ يطلع برة والضرب مستمر وتعال شوف الطلبة ساعة الفطور – دا لو في فطور ولا الماسورة شغالة – جاك يا عربي (انتي دي تفل من عربي وانا داك تفل عربي من الجام والسودان ) واستاذهم (واللاهي ناس الوزارة الزفت ديل تلعوا دينا وميتينا زاتو يا شيه) وبعدين ببساطة يقولوا ليك في اذاعة امدرمان مدارس ( زقلونا وطردونا وكرتون كسلا وديوم بحري ) لم ينجح احد، ولو في واحدين في مدارس تانية نجحوا يكون راجيهم الكبري الكبير (الشهادة السودانية) لو كنت جايب 90% في الرياضيات والكيمياء والفيزياء – فلازم تباصى فى العربى- وكان نجحت يودوك جامعة (القران الكريم، امدرمان الاسلامية، وافريقيا العالمية) وعبر بوابة التمييز الايجابي – بفهمهم- قانون قبول الطلاب من الاماكن الاقل نموا او مناطق التداخل اللغوي، وهناك في الجامعات الاسلامية دي يدرسوهم لغة عربية تاني وعلوم الفقه والبيان والشريعة واصول الدين والدعوة) وهم طلاب - كما قالوا- جايين من مناطق اقل نموا – يعني بمفهوم السياسة البسيط عند الكفار هنا في الغرب محتاجين (طرق وكباري ومستشفيات واجزخانات ومعامل طبية وبيطرة وزراعة – شفتوا المهن دي كيف...؟!! وطبعا اليومين دى فى نتائج امتحانات.فنقول مبروك للقدر يتخارج من-الحاجات التكس راجع-وناس لم يمر وينجح احد نقول ليهم الله كريم ويذيدكم آكل نيم.

---

Post: #128 Title: Re: خستكات جنوبيين في الشمال... Author: محسن طه Date: 04-16-2008, 03:22 PM Parent: #1 لتذكر **************** برنار داديه / ساحل العاج مات من الجوع لقد مات جوعا لكن لن يكتب ذلك ابدا على قبره’ لانه سيصير فى المقبره العامه لن يكتب ذلك ابدا على قبره لان النظام ينكر الحقيقه. لقد تردد على كل المكاتب المعامل’المزارع’ولم يكن له مكان.. وتمزقت ملابسه خيطا خيطا’ وصارت خرقا الى جانب ملايين الاحزمه من القماش التى لايدرى مالكوها ما يصنعون بها وينام فى العراء وقد كان انسان مثلك انسان مثلى’ انسان مثلهم’ ولم يكن له ماوئ’ الانسان الذى ينام على الارض وعند اقدام القصور’ بينما امتدت على الميناء جبال من الاسمنت ولاجل ذلك لن يكتب على قبره انه قد مات عند اقدام القصر وقد اوى الجوع الى بطنه وسكن البرد فى عظامه الجسم بلا حياه ولا لون وضلوعه واهيه ورؤوس عظام ساقيه تصطك لن يكتب على قبره ابدا انه مات من الجوع شيئا فشيا بينما يتعفن الدقيق فى المخازن ووراء ابواب مكاتب المحاسبه الحديديه وراء المخازن المليئه بالبضائع’ تحسب الارباح’ وهناك انسان يموت انسان مثلك انسان مثلى انسان مثلهم انسان يموت جوعا لن يكتب لبدا على قبره وهو نفس الجوع المحاذى للتخمه لقد مات جوعا لفضح هذا النظام الذى يحتقر الانسان ويذله لن يكتب ابدا على قبره لقد مات جوعا. لكنك انت’لتذكر’ انه مات من الجوع’ رويدا’رويدا’رويدا’ من الجوع. انسان مثلهم انسان مثلى مات جوعا رويدا’ رويدا محاذيا للتخمه. كان يموت ببطء’ناظرا الى السماء الصماء لقد كان انسان مثلهم لتذكر لتذكر لتذكر. .la poesie negro-africaine.

---

Post: #132 Title: Re: خستكات جنوبيين في الشمال... Author: محسن طه Date: 04-17-2008, 08:55 PM Parent: #128 مواصلة مع خستكات محسن طه بتاعت المدارس ... معانا هنا في منتريال فردةاسموا قمبيك ، من اولاد الدينكا، كان بحكي لي كتير عن المشاكل الكان بلقاه بسبب العربي في المدرسة، اها قال مرة كان الفصل في حصة العربي ،بعدين الاستاذ جاب ليهو حركة بايخة، يطلع واحد واحد من الطلبة ويمليهو كلمة ويخليهم يكتبوها في السبورة ،وكان ماعرفت تكتب الكلمة البدوك ليهافي (دق وجر بالواطة) وفي جماعة كدا في الفصل جاهزين لشد الجماعة . قام الدور جا علي عمك قمبيك، الاستاذ قال ليهو بنهرة طيرت رحمان قلبوا :اكتب كلمة(الطريق) اها قمبيك قال انا قلت الحمد لله راجل دا ما اداني كلمة صعب لانو شاف الفرد قدامهو انشدوا وانجلدوا بي سوط العنج بتاع ضنب القرنتي داك... اها قال مشيت فرحان السبورة وكتبت ليك بي مزااااااااج أ..ل..ط..ر..ي... بعدين - وقف حمار الشيخ في العقبة- حرف آخر دي ما قدرت عليهو ، ماعرفتو زاتو بي كا كلب ولا خا خروف...اها وقفت مسافة بعدين كدا فجعة - فجاة- انا ذكروا انو نعمل ياهو حرف زي فا فار دا لكن ابو اتنين نقطة داك ، اها انا كتبتوا ولفتوا لي استاذ دي وقلت ليهو : كلام دي صاه- صاح- استاذ قال اييي صاح لكن برضوا حا تنضرب، لمن عارف موقفنا ساعتين ليه ... بعدين والله استاذ دي ضربوا انا مرة واحد... وانا خلاص بقيتوا زعلان شديد وقلتا ليو والله يا استاذ ياك انت وعربي دي الله انشاء الله يوديكم نار الاتنين... ومن يوم داك انا خليتو كلام تاع عربي زاتو رحاب

---

Post: #133 Title: Re: خستكات جنوبيين في الشمال... Author: محسن طه Date: 04-18-2008, 02:05 AM Parent: #132 ----------------------- ازيك يامونج ابوبكر صالح ... قلت لي شنو... قايل الموضوع جدعة من جدعات الجماعة الطيبين والمصطفين الجداد...؟ لكن ياجال الاسم دا هرش ناس كتار قبالك، ولحدي هسي في ناس بعرفوني زي جوع كروشهم ما مروا بجاي ولا حتي مرور الكرام، قطيتي دي مابينها مره واحد، ولا بهوا بي الشرقانية ذاتو... لكن ياجماعة الجماعة الطيبين والمصطفيين ديل ، ما عندنا حلل معاهم ديل (جزء من الشيلة) النحنا شيلنها ولسه حانشيلها كان ربك هون علي البنحلم بيها يوماتي (الحرية) اها بقوا زي ماقلت الغلوطية(كان شلوهوا مابنشال، وكان خلوهوا سكن الدار) اها المهم بقي في الموضوع هسي لازم نوسع الدار عشان تشيل الناس سوا سوا ، ونصبر علي جار السؤ ، يا رحل اما يا بلوة خمته... بعدين حتي لو كان من الجماعة الطيبين’ الناس ما مفروض تعمل زوغبير، وفقع مررارت وطمام قلب، اها دا زاتو الخلي الجماعة في الجامعة الاهلية ينضربوا وينجورا بالواطة وحاجات تاني، رغم انو قلنا ليهم(مسلمي الجبهة الديمقراطيةوالعلمانيين العقلايين، والعقلانيين المستقلين ، والمحايدين وكمان الأصدقاء العا ملين فيها ملحدين وكافرين)، الجماعة قاطعوا الجامع بتاع الجامعة وبقوا يصلوا في النجيلة جنب السلك(عايزين صلاتهم تكون في السلك ولا شنو ما عارف غايتو)، المهم قلت ليهم والله انتو اخير تمشوا تصلوا جوووووه الجامع دا انشاء الله بدون وضوء وقطع جمار ومضمضة) بعدين الاعمال بالنيات ولكل زول مانوي وانت عارف والكريم عارف لا عندنا ديمقراطية ولاحقوق علب الصلصة الفاخرة، (القالوا زمان في اتيني واكسلسيور و والقصر الجمهوري وقهوة وانداية منو ماعارف الكانت مقاصدة الجامع الكبير في سنتر الخرطوم(وجها لوجه)، وشنو تاني يا ابو بكر...؟). الجماعة عملوا اضان الحامل طرشة، وعملوا حركات بطني طامة وزعلان ومرارتي مفقوعة وعندي ضغط وجاني سكري، اول ضربة ضفارى في الانكل جات من الجامع دا، طلع مش جامع طلع سلاح زخيرة عديييييل كدا، قلنا ليهم اها ياجماعة هسي كانت كنتوا جوه كان نشقتوا مخازن الاسلحة دي وين(اسأل مصطفي سري من الكلام دا).اها طلع السيخ والعكاكيز و(كل اسلحة الدمار الشامل الكيزانية)، اها تاني يوم جابو لينا شوالات ملايااااانة جزم قالوا العندو فردة جزمة حقتوا ولا حقت زول بعرفوا ولا حقت جكسويتوا، ولا بعرفوا ليهو جزمة زول كان بضهب ويمارس النضال الاجتماعي الجكسوي في السوري ولامريكي ، يجي يشيل ليهو فردة جزمتوا والله لي الليلة ما اظن في زول مشي شالة جزمتوا من الشوالات ديك من الجماعةالقاموا سيجة، اها يا جال-يازول- الواحد مرات احسن انشاء الله يدخل راسوا ويمرقوا، والله كان عندي صحباني كانوا زمان بعزموني في رمضان والله اقعد ليك في الصف الاول بعدالامام ظااااتوا. الناس ديل قاعدين في السودان دا وحيكونوا قاعدين، حتي مع الناس الاحنا عايزين وتعابانين عشان ننجز ليهم دولة المواطن دي، عليك الله شوف هسي كلمة علماني دي بشتنوها كيف بعد ما دخلوها في السوق الاسلامي دي، - بشتنة التاباني والياباني زي مابقولوا حبوباتنا- الناس ديل مهمتهم الاصلية انو يطمموا بطونا ويفقعوا مراراتنا وفي النهاية نجري نخلي البلد زاتها، اها مافي حل لازم في النهاية نسجل حضور مع الجمهور، عشان الميكرفونات دي ما تكون فى القاعات المكيفة وفي المراكز الثقافية حقت ناس المجتمع المدني، والجامعات السودانية المختلفة، فلازم نشتغل بالعكس ومن الجامعات نمشي الجوامع، الكلام دا اناهسي بقيت اقول الكلام دا لي اي زول مسلم علماني/مسلم ديمقراطي/ومسلم مستقل/ ومسلم محايد الي آخر اللستة، شوف هسي الخرطوم دي فيها كم جامع، انتو فاكرين الجوامع دي جوامع دي دار حزب ليهم بيمارسوا فيه البزنس السياسي حقهم ، وطبعا دا من الطبيعي جدا انو الناس الماعندها حق الفطور ولا حق التمباك والبرنجي ولا حق السنة-الشربه- يمشوا وين يعني في سخانة السودان دي ما ياهو بمشوا هناك في الجوامع دي، علي الاقل في مكيفات ومراوح ، وياهو يسمعوا في ونسة الجماعة دي علي الاقل يطمنوهم شوية في الفترة الانتقالية -الدنيوية- دي لحدي ما يلاقوا الكريم(الحور العين وبحور المريسة، والشباب البوزعوها ليهم، شفتا السيرفس دا كيف.؟!!) اها زول ما لاقي اي حاجة في الدنيا دي لازم يلاقي ليهو زول يطمنوا شوية - اشاء الله يديهوا حجاب ولا كادوك ولا اي حاجة ويقول ليهم البسوها في رقبتكم ودي ياها الحاتجيب ليكم العلمانية والديمقراطية ودولة الانسان علي الاقل ودا ابسط شئ - لكن بدل دا بمشوا الجامع والجماعة المصطفيين والطيبين البعزفوا ليهم السيمفونيات ويقولوا ليهم ماتخافوا في الآخرة بعدين حتلاقوااي حاجة.اها شايف الفرق كيف...ياعمك؟!! شايف هسي الجالدونق بتاع (الانتباهة)البزنس حقوامااااااااشي زي العجب كيف..؟، والجريدة دي بلقطوها زي لقيط الحمام للعدس، معناهاالموضوع فيهو موية سكر جوه هناك، ودا موضوع انا جايهو قدام وحاقاول ليك للجماعة انتباه صحيصحي المرة دي... ونحنا لازم نكون جاهزين للخستكات دي، واوعك تدور بره بره ورا الشرقانية ،هي الغنماية بتقد الشرقانية لمن ما تلاقي عضة بره، وتضرب زي العجب ، وتشقلب طبق الكسرة زاتوا.وكان سكوها بعكاكيز مابتمرق ساكت نشاء الله كيس نايلون. وكان دا كلوا مانفع بعد دا كل زول يشوف ليهو فكي من المبرارو يديه عرق محبة للناس ديل، عشان علي الاقل نتفادي حكاية فقع المرارات دي بس زي ماقلت ليك ياجال الكحة ملا صمت الشخم والمتاوقة ولا المزازة بي ورا الشرقانية... خش اي حتة دايرة ، الطيبين ولا المصطفين زاتوا. وشكرا ليك تاني ياجال باج - ود البلد- ولا كيف يا بلد...؟!!!

---

Post: #134 Title: Re: خستكات جنوبيين في الشمال... Author: ابوالقاسم ابراهيم الحاج Date: 04-18-2008, 02:20 AM Parent: #1 محسن طه. فوق وتتعلى ما تدلى. شغلك نضيف, ونحن عطشى وغرقى فى آن!!.

---

Post: #135 Title: Re: خستكات جنوبيين في الشمال... Author: ابوالقاسم ابراهيم الحاج Date: 04-18-2008, 02:41 AM Parent: #1 محسن بعد ما تكتب كلامك قم بتظليله ثم أضغط على كلمة Bold ستجد قوسين بينهما حرف B هكذا(B )قم بتظليل الحرف لوحده, ثم أكتب red أوblue وأضغط محل bold بتاع الاول وبعدها قم بتظليل والضغط على bold عدة مرات والنتيجة تكبير الكتابة وتلوينها فى آن. ملحوظة أخيرة: فى تظليلتك الاولى تظهر لك حرف B اللى بين القوسين فى الركن الأيمن من أعلى الصفحة والركن الايسر من أدنى الصفحة فقم بتنفيذ تعليماتك على كليهما!!. مع التحية والإحترام.

---

Post: #136 Title: Re: خستكات جنوبيين في الشمال... Author: محسن طه Date: 04-18-2008, 03:53 AM Parent: #135 تشكر يابنج ابو القاسم ابراهيم الحاج اخوك لسه ياعمك مجلى فى اللغه الحضاريه(الكمبيوتر) وكلو بسسب المشروع الحضارى المضروب الطلع تاريخنا-اسمع بمناسبه تاريخ دى ’عندى فرده صاقعه كدا الحقوت-الجكسويه- مره جات متاخر فى الزمن-شكلها مالقت ليها مكنه جامده للمخارجه من الناس التكس البقعدو بره فى الشارع من ماتصبح مقفلنها على بنات الحله اها ماشه وين وعلى وين كان الله هون وقاشره كدا مالك؟’اها لما وصلت كانت بصات الرحله قدت-فرتقت- صحبى قاعد راجيها ليك لمن جات ولابس-برطوش وتوب التقول حق حبوبه كتوشه بت الشيخ اب كمش’ومامكوفره بس مكوفته السودان قفل ودا غير الغباشه حقت الكرعين من الجرى ونطيت الخيران وماتنسى الكلاب الضاله-حراس النوايه الحسن-البدو فيها الحسنات فى اخره واللحسه فى الدنيا.المهم الزوله وصلت خلاص’صحبى لما شافه قدامو كشف ليها كداا وبى نهر مالك يادين اتخرتى؟صاحبتنا طوالى كبت دموع التماسيح المعروفه حقت الجكس وطوالى انا دين وانا بعد المشوار ده كلو تقولى يادين انا وبعد الكضب الكضبتو لناس البيت تجى فى الاخر تقولى يادين-وبكه بكه جدجد- صاحبنا طوالى استسلم لدور عوير الفلم الهندى وعمل فيها دارىماندراه-ميرى ماهبتى-خلاص ياخ قفلى اسكتى بالله’تانى قالت ليه ليه بس تقولى يادين؟قام قال ليها ياخ انتى ما دين انتى تاريخ كويس معاك؟ومن اليوم داك اذا واحد عفصنا ساكت فى المواصلات كان قاصد ولاماقاصد,ياخ ماتعين قدامك ياتاريخ انته والله طلعتو تاريخنا وتاريخ البلد زاتو ياهو البلد مطلعه تاريخ ودين اى زول هناك.وكلو بسسب مايكل جاكسون القاعد مرطب فى الممشيه والمزازيك الكان قدينا بيه ولى هسه. وبسسب العربى الكتير والفصاحه وتحليل الاقتصاد الما قدرنا نحل بيه فلسنا وفقرنا والفقر وش النقر هسه عمل فيها معارضه وناسى انو هو العراضه المتكسه البلد وناسو.ياخ معقوله بس فى ناس عراضه وتكس كدا؟. قول بس ياشيخ اب كمش-تجدعهم وتشلتهم.بره البلد

---

Post: #137 Title: Re: خستكات جنوبيين في الشمال... Author: محسن طه Date: 04-18-2008, 06:22 AM Parent: #136 كنش السجن..........................(زغوان شارل نوكان-1974ساحل العاج) انا زنجى كنت عبدا تحت حكم القيصر بنيت القصور وناطحات السحاب انا اسود مثل ليل بلاقمر لقد سقا دمى ليل اوربا الانانيه لقد زرعتها بكد’ وعملت بجد فى معامل المعمرين واليانكى انا زنجى’سيذكر دوما قيوده المتعدده انا اتعذب فى الكونغو’ فى الموزمبيق’فى انغولا’ رصاصات الاستعمار والامبرياليه كسرت مخى مزقت قلبى. انا البرولتارى الذى سقط امام كوخه فى سازدومينك فى الجزائر . انا اسود يرفع قبضه يديه ضد كل اضطهاد انا توسان لوفرتور,لوممبا’بن بركه انا شبيه’بالكلب الذى يرمون له بعظم’ شبيه بالقرد الذى يرمون له بموز معغن’ يا ايتها التماسيح الجذلانه فى النهر الاخضر. la poesie negro-africaine---anthologie

---

Post: #138 Title: Re: خستكات جنوبيين في الشمال... Author: وانجا Date: 04-18-2008, 09:18 AM Parent: #137 ... تعرف يا محسن أى مُداخلة فى البوست ده بتعادل "ضربة مشْرط" فى عملية من غير َبنِج ..

---

Post: #139 Title: Re: خستكات جنوبيين في الشمال... Author: آدم صيام Date: 04-18-2008, 05:25 PM Parent: #138 تعرف يا محسن دي الخستقة يا بلاش دم مخستقاً وخستقنا معاك

---

Post: #140 Title: Re: خستكات جنوبيين في الشمال... Author: محسن طه Date: 04-18-2008, 06:44 PM Parent: #136 تشكر يابنج ابو القاسم ابراهيم الحاج اخوك لسه ياعمك مجلى فى اللغه الحضاريه(الكمبيوتر) وكلو بسسب المشروع الحضارى المضروب الطلع تاريخنا. اسمع بمناسبه تاريخ دى،عندى فرده صاقعه كدا كانوا ماشين رحلة بعدين الحقوت-الجكسويه- جات متاخر فى الزمن-شكلها مالقت ليها مكنه جامده للمخارجه من الناس التكس البقعدو بره فى الشارع من تصبح لمن تجي صلاة العشاء، مقفلنها على بنات الحله مرة واحد ويسالوا سؤال نكير اها ماشه وين وعلى وين كان الله هون وقاشره كدا مالك؟ اها لما وصلت كانت بصات الرحله قدت-فرتقت- صحبى قاعد راجيها ليك لمن جات ولابس برطوش وتوب التقول حق حبوبه كتوشه بت الشيخ اب كومش ومامكوفره لكن مكوفته السودان قفل ودا غير الغباشه حقت الكرعين من الجرى ونطيتت الخيران وماتنسى الكلاب الجزارةالضاله-حراس النوايا الحسنة-البدو فيها الحسنات فى الآخره واللحسة فى الدنيا. المهم الزوله وصلت خلاص صاحبى لما شافها قدامو كشف ليها كدااا وقال ليها بنهرة: مالك يادين اتخرتى..؟ صاحبتنا طوالى كبت دموع التماسيح المعروفه حقت الجكس وطوالى قامت طوالي (محتجة وسط الدموع )انا دين وانا بعد المشوار ده كلو تقولى يادين انا وبعدالكضب الكضبتو لناس البيت تجى فى الاخر تقولى يادين-وبكت بكية جدجد-. صاحبنا طوالى استسلم لدور عوير الفلم الهندى وعمل فيها دارى ماندراه -ميرى ماهبتى- وقال ليهاخلاص ياخ قفلى وقطمي واسكتى بالله. تانى قالت ليه ليه بس تقولى يادين؟ قام قال ليهاوقفي لينا بيت البكي دا ياخ خلاص انتى ما دين انتى تاريخ كويس كدا معاك؟ ومن اليوم داك اذا واحد عفصنا ساكت فى المواصلات كان قاصد ولاماقاصد، نديهو ليك نهرة من النوع ابو كديس ومعاها صرة وش وعضة شلوفة :ياخ ماتعين قدامك ياتاريخ انته والله طلعتو تاريخنا وتاريخ البلد زاتو ياهو البلد مطلعه تاريخ ودين اى زول هناك. وكلو بسسب مايكل جاكسون القاعد مرطب فى المنشية-الممشيه المابنمشيا- والمزازيك الكان قادينا بيها ولى هسه شغالة تش . وبسسب العربى الكتير والفصاحه وتحليل الاقتصاد الما قدرنا نحل بيه فلستنا وفقورنا،والفقر وش النقر داهسه عمل فيها معارضه وناسى انو هو العراضه المتكسه البلد وناسو.ياخ معقوله بس فى ناس عراضه وتكس كدا؟. قول بس ياشيخ اب كمش-تجدعهم وتشلتهم.بره البلد وشكرا ياخ علي التعليمات الكمبيوترية، اها بعد دا بنقول ليك يا عب ويافردة ودا -خلي بالك- ما بنقولها لي اي زول الا يكون صحي فردة منقرضة وحربي كمان.. وياهو بدينا نمارس التعليمات في ردك دا، وعملنا التعديل بعدين والله انا ظاااااااااااتو بقيت بخاف من الجماعة- ناس صديق الكحلاوي- البنقشوها وهي طايرة.. والله يديك العافية والحاجات الدافية، وكان داير اسكنك -حي الصافية في مدينة فشودة مستقبلا- محسن

---

Post: #141 Title: Re: خستكات جنوبيين في الشمال... Author: محسن طه Date: 04-18-2008, 08:52 PM Parent: #140 We Died For That Right *************************** Written by David Farrar We died for that right To cast in our vote To decide how to live From a ballot like note We died for that right For a free spoken voice And to elect as our leader Who is best for our choice We died for that right So decisions are made And our rights as a people Won't wither or fade We died for that right To choose where we learn And where we can live From the profits we earn We died for that right To share in this land And not live as slaves Or policed by the man Though we died for that right We're still at a loss Because our people don't vote And we pay for that cost (FOR MORE GO TO (Mr. Africa Poetry Lounge! REHAB

---

Post: #142 Title: Re: خستكات جنوبيين في الشمال... Author: محسن طه Date: 04-18-2008, 10:12 PM Parent: #141 تعرف يا محسن أى مُداخلة فى البوست ده بتعادل "ضربة مشْرط" فى عملية من غير َبنِج .. وانجا ---------------------------------------------------------------------------------- ياوانجا تشكري علي المرورالتاني في الخستكات... انت قصدك ردودي انا، ولا المداخلات الترحيبية، وانفقاع المرارات...؟ يا شيخة الكلام حالتوا بي بنج، وانا زاتي ببنج نفسي اول شئ قبل ما اكتبوا، العمليات البدون بنج جاية ورا، بعد ما نفتح الخستكات - المضحكات المبكيات ، فاقعات المرارات كما يسمسها البعض- دي للنقاش. اهو الموضوع عامل زي الزول البحب العسل،بستمتع بيهو ولذيذ وياكلوا ويتمطق، لكن عمروا مافكر العسل دا جابوهو كيف ولا الزول الجابوا تعرض لكم لسعة من لسعات النحل- رغم انو الزول دا زاتوا ممكن يكون عندو حساسية وممكن يروح فيهابسبب لسعة نحلة واحدة- لكن ياهو زي ماقلت ليك بعد دا الداير عسل يمشي يخش الخلية حقت النحل، ويفكر يخت ليهو دخان ولا يحرق ليهو لستك ولا حاجة كان يطرد النجل قبال ما يدخل راسو في (عش النحل)، وزي ما عارفة العش دا فيهو شخصية واحدة قاعدة جوه بسموها الملكة لو استعملناالمجاز وعلم البلاغة وكدا ممكن نقول بنقصد بالملكة،الدولة. شوفي الملكة دي عندها كم حارس للحماية، واقفيييييين بي بره - يقولوا ليك وروني العدو ومافي زول حيقيف فراجة في موضوع حماية الدولة الرمزنا ليها بالملكة بتاعت النحل. وفي حتة البنج دي، تعرفي يا وانجا انو الجزارين البسموا مجازا بالاطباء الجراحين، معظم العمليات العملوها بدون بنج ومش بي مشارط، بي مناشير ممكن تكون ما معقمة وغير صالحة للاستعمال حتي كان في خشب ناهيك عن انسان، واقول ليك كلام انا كنت في جوبا وملكال بشوف جرحي العمليات في - ما يسمي بالجيش السوداني- احيانا بكوني قاعدين اسبوع اسبوعين واحيانا شهر منتظرين يجوا الخرطوم عاشن يتعالجوا، جروحهم بتعفن وبتدود وهم حيين، والجزارين العاملين فيها ملايكة الرحمة طوالي بيمسكوا ليك قطيع في الناس، ودا مش بي سبب عدم الامكانيات ولا عدم وجود المواصلات الجوية، لكن لانو الجنرالات مشغلين الطيارات الهيركلس واليوشن والبوفلوا نقل خاص ، للخشب التلك والمهقوني، التشوفوهو في محل الموبيليات والاناتيك، البشتروا فيهو الجماعة الحضاريين ديل، غير العربات البقولوا ملجنة وغير صالحة لاستعمال وبعد دا بجوا يبيعوهافي الخرطوم، يهو دا الشغل بالجنرالات في الجيش السوداني، وفي النهاية ياهو المجرحين ديل يتقطعوا بي المناشير - غير الرحيمة- لانو الاسعاف الجوي في رحلة عمل ، وعندو حمولة من الخرفان والخشب . شفتي كيف يا وانجا. بعدين زي ما قالوا الكلام بجيب الكلام، الجيش دا زاتو سنة 83 لمن بدات حركة الوعي الثورية في جنوب السودان البطلق عليها المثقفين - حركة المتمرد قرنق- في بداية الثورة دي الجيش مشي قناة جونقلي نضفوا ليك القناة في يومين ، وجابوا ليك الونش البحفروا بيهو في القناة والتراكات والقلابات بتاعت التراب، وقالوا دي غنايم الحرب (شوفتي اقتصاد الغنيمة دا كيف) ولي هسي الاقتصاد القاعد دا اقتصاد غنائموماخفي اعظم.- وتقولوا لي جيش سوداني- سوداني وين ياخ دا حقوا يسموا جيش الغنائم. والكلام جاااااااي ، دي بس المناظر البجيبوها في بداية الفلم داك، اها شايفة الكلام القلتوا كلوا دا مبنج والله، علي الاقل لمن تقراهو بتبتسم، واحيانا ممكن تضحك، لكن ياهو زي ماقلت ليك مافي زول عارف البجيب العسل بتلسعوا كم نحلة ولا - مراراتوا اتفقعت كم مرة في اللحظة- زي ماقلت اي زول بعد دا قبل ماياكل عسل، لازم يضوق لسع النحل، والله ما نخلي اي زول يسمع ولو غنية (ياعسل ومصفي ديك حقت عبد العزيز المبارك، غايتو تمي باقي الغنية كان لسه متذكرا يا وانجا). ودا عشان الملكة (الدولة) دي محتاجة حراسة، وكدي نسمع تاني واحد يقول تاني انا ماشي بيت الجالوص المضروب جير ابيض داك - القصر- رئيسا وانا امشي اصلي صلاة الشكر وبعد دا كلوا حبيسا، - الحصبة التسهروا الليل- وتشكري تاني يا وانجا، وتاكدي والله الكلام مبنج لمن قاعد في الفريزر كمان ، والمشارط حقتي دي معقمة ما بتعمل تيتانوس وكان الناس صبروا فيها شفا كمان للمرارات والطمام ووجع المصارين، وفيها شفا برضوا للحيرانين، البقضوا الليل سهرانين بسبب الوجع والضربات الباكووردالحضارية - سنة يا الحضارة- .. لكن في الانا شايفوا دا السودان دا فيهو حلين (die or lie( موت او ابقي كضاب وياهو اخترنا نموت ، بكل بساطة، من اجل الحقيقة وبس وتشكري تالت يا وانجاعلي الكلام الزين ....

---

Post: #143 Title: Re: خستكات جنوبيين في الشمال... Author: محسن طه Date: 04-19-2008, 04:46 AM Parent: #142 ادم صيام كيف ياجال-زول- ياهو ساقيه الخستكه لسه مدوره المن سنه اسكت، من قبل المخستكين فى دوله بنى اميه بطريقه-لا نحول بين الناس و بين فتح قداديمهم وشلاليفهم ومد بوزهم مالم يحولو بيننا بين ملكنا- والاسباب كتيره وبالكوم منها غياب الوعى الجماهيرى على احسن الفروض، وعلى اسواء الفروض مماحكات قياده الجماهير ووقعها فى كماشه-قدام النار و وراء جوز الحمار-لاقادرين يمشو قدام واكل النار مع المنكوين بالنار-جهنم والسعير- ولا قادرين يواجهو جوز الحمار ولو بى سفروك،لتكسير كرعين الحمار.وغرقانين للركب فى الرتايه الفكريه والابداعيه ل-فن السياسه- الماعاوزه ليها كواسه كتيره فى الصراع المانوى-الشر والخير- وهو صراع لا نهائى واطلاقى تجعلنا نفرك عيونا فى من شده الدمار والدمار المتبادل ولا اى شى موضوعى او عقلانى كما يقال بس اصرار النخب وترددهم العنيد فى الاشتراك بفصل الوطن-الذى هو اجمل ابتكار بشرى-عن ماضيه العوير والبليد فى نفس الوكت. وكذلك السرديات الوطنيه ماتزال تحكى وتروا وتفصل بالطرق المعهوده ولايريدون ان يفهموا ان السياسه هى السياسه،والدين هو الدين والاثنان لايختلطان كختلاط البن ب- لبن الفورموست- ومويه الجبه بمويت الفول،ولو بى فرض الجدل لا مويت الجبه حتكون لسه مويت جبنه ولا البن حيكون بن.لكن السؤال الممكن ينبطح هنا منو الفاضى وفايق ورايق لهظار الكديسه والجقر دا؟ والا يكون زول عندو وكت حقيقى لفليى القمل البعقبو التساءب والنعاس من سمه نومه اهل الكهف-هو فى نوم اكتر من الهسه دا؟- وفى واقع لايزال ارضا ملقحه ومطعمه ومملحه بالاوبئه الايديولوجيه،والقوالات والصواطات الرثه-لو درنا استعمال مفرده من مفردات المعجم الدينى الماركسى البان قديم- التى برهن الواقع عدم جدواها.وماتطنش عن الحجمات المرتده ممن كانو يعول عليهم لقطع راس الدبيب اب درك.يازول المجزوب انسه-الونسه- كتير نخلى لمن يجى وكتو وجكتو. وهاك الشاى بالنعناع دا من ساحل العاج-تقول لى اب عاج اخوى- شوف النقاره فى القمره تقول يالليل كيف؟-- برنار دادييه شاعر سنغالى. نحن من اولئك ************************ نحن من اولئك الذين يتفرس فى وجوههم، من وراء ثقب الباب بحذر، والذين تسد فى وجوههم الابواب بغضب شديد نحن من اولئك الذين لم تعد لهم شخصيه قط والذين يصعب نعتهم باسم وليست بيننا صبيه تمنح النضاره لجماعتنا نحن نسير وقد شددنا الجباه الضباب فى اعيننا والعاصفه فى رؤوسنا ونقول،وقد استندنا الى عصينا لم يعد العالم متوازنا فلنسنده الى اعمده. نحن من اولئك الذين تتفرس فى وجوههم من وراء الباب بحذر والذين تسد فى وجوههم الابواب بغضب شديد نحن من اولئك الذين لا اعمار لهم لان الامواج تتقاذفنا دوما ومن الذين لامرسى لهم والذين تغريهم الريح بالهروب نحن من اولئك الذين ينظر اليهم من باب نصف مفتوح فى حين اننا من اولئك الذين من اجلهم تبزغ الشمس ويغنى لهم النسيم،والفجر، نحن الليل،والاسرار الخفيه ونحن نملك النجوم،وندى عرق اللؤلؤ

---

Post: #144 Title: Re: خستكات جنوبيين في الشمال... Author: محسن طه Date: 04-19-2008, 04:38 PM Parent: #143 الزمان : فى منتصف التسعينات بجامعه امدرمان الاهليه فى حمد النيل الاجواء كانت فى قمه التوتر بين التجمع الديمقراطى والكيزان. خرج الكيزان من المسجد بعد صلاه الظهر -المسجد الذى اطلقنا عليه فى ذاك الوقت سلاح الزخيره والمهمات- واذكر ان بناء هذا المسجد قد ثار جدل حوله بين الكيزان والبروفسر ابراهيم احمد عمر مؤسس الجامعه-عليه الرحمه. عندما بدات عمليه تشيد مبني الجامعه الحالى بحمد النيل، تم بناء المسرح الجماعى قبل بناء المسجد وهذه مساله اثاره غيظ الكيزان وقتها. ففى اجتماع مع مدير الجامعه والطلاب بالملازمين قبل نقل الجامعه لحمد النيل مقرها الحالى،احتج طلاب الاتجاه الاسلامى على تشيد المسرح قبل المسجد،فتولى البروفيسر ابو زيد بطريقته المرنه والتربويه الرد على الطلاب المسلمين الغاضبين على هذا التصرف الاحمق من قبل الاداره. فلم تعجب ردود البرفيسر عبد الرحمن ابو زيد مدير الجامعه البروفيسر ابراهيم احمد عمر فمسك الأخير بالمايكرفون بغضب وواجه الطلاب المسلمين من الاتجاه الاسلامى وقال لهم قاعدين تقولو شنو.، مابنيت المسجد ليه وببنى فى المسرح..؟ اسمعو هوى ياوليدات انتو انا زول استاذ تربوى والمسرح ركن اساسى من العمليه التربويه وداير فى الجامعه دى علم فلك وعلوم حضاريه حديثه امشو شوفو ليكم اى واحد من جماعة الخير والبر يبنى ليكم المسجد الانتو دايرنو دا، يبنى مسجد ولا ماينبى دى ما مشكلتى ولا مشكله اداره الجامعه بالدقرى كدى.) ثم فى منتصف التسعينات الكيزان عاوزين قال يدرشو ويدورو كاسورى مع طلاب التجمع الديمقراطى وفعلا الكاسورى والدرش -بلغتهم المحببه- دور مع طلاب التجمع العميل، قام واحد من الكيزان مشي لطلاب الجبهه الوطنيه الافريقيه فى ركنهم وراء المسرح فى الجامعه وقال ليهم اسمعو ياجنوبين انحننا ما عندنا اى مشكله معاكم فى الجامعه مشكلتنا بس مع تجمع الشيوعين دا-علي الرغم من ان الجبهه الافريقيه ممثله فى الاتحاد- حق التجمع الديمقراطى بالجامعه وقال للجنوبين احسن ليكم تتخارجو من الجامعه.) فرد عليه الطالب دينق اررو قال ليهو اسمع ياكوز-اتذكرانه كان يدعي عمر خلف الله- ما فى حاجه اسمها طلاب جنوبين وطلاب بتاع تجمع كويس معاك ،وبعدين الجامعه دى انحنا بندفع فيه قروش من جيوب اهلنا مامن جيب حكومه بتاعتك صح ولا ماصح ؟ فرد الكوز قاليهم انحنا دواسنا مع المتمردين فى الجنوب وانتو عارفين دا كويس. طوالى دينق اررو قاليهو يازول بطل كلام فارغ انتو كان دايرن كاسورى ارحكم بره الجامعه فى نصف مقابر حمد النيل دا ،يا درشتونا يا درشناكم ومافى داعى لشكله وسط طلاب فوقهم ناس ماعرفين سياسه ولافاضين ليهو زاتو كان دايرن تعملو فيهو رجال، فرد الكوز الدباب: شوفو انتو يا متمردين بطريقتكم. والكاسورى والدرش دور فى الجامعه بين طلاب التجمع والكيزان كسر من طرف للسياسين والمجكسين-بتاعين الجو الرطب فى كفتريا السورى والامريكى- كسر ودرش ذى الدرش. بعد الكاسورى والدرش، اجتمعنا كطلاب من جنوب السودان وبمختلف ميولنا السياسيه،قعدنا ندردش فى مساله جنوبين دى،ليه بس الناس بتتعامل مع الجنوبين كجنوبين؟ يعنى الزول الكوز لما كان بيتكلم مع طلاب الجبهه الافريقيه كان بيتكلم ويتعامل مع الطلاب الجنوبين باعتبارهم جنوبين ومع بقيةالطلاب كطلاب سودانيين؟ وفى اغلب الأوقات الاجهزه الاعلاميه المختلفه، بنسمع فى الاعلام (اعتدت حركه التمرد العميله وفلول المعارضه على.....) وفى الوقت الكان التجمع والحركه الشعبيه جسم سياسى واحد فى اسمرا، وطالما هم فى جسد سياسى واحد-اسموالتجمع- ليه الناس فى الاعلام بيقولو المتمردين الجنوبين،حركه قرنق العميله،فلول المعارضه. والجنوبين علشان يكونوا سودانيين يعملو شنو يعني...؟ دى خستكات واستفهامات للراسخين فى العلم.

---

Post: #145 Title: Re: خستكات جنوبيين في الشمال... Author: محسن طه Date: 04-21-2008, 10:38 PM Parent: #144 فارامى او ود المك كما يطلق عليه فردوا البشتغلو معاهو فى برندات شارع الجمهوريه. فارامى واحد من الشباب الجنوبين العاشوا فى الخرتوم من وكت بعيد وقديم، يعنى ود الخرتوم وابو التفاتيح لو عايزين زياده توم وشطة بالليمون . فارامي كان ناقش اوكات الكشمير -الكشه- حقت ناس البلديه فى السوق العربى والافرنجى ، بعض عمال الكشه كانوا فردوا قبل ما يشتغلو مع ناس الكشات،احيانا بعملو ليه تلفون دلاقين (بمواعيد غزوات فقه اقتصاد الغنيمه) -العاملين عليه . كنت فى اكتر الاوكات بمر عليهو ونشرب سوا قهوه الصباح فى حديقه شارع القصر واطلع على الشمارات والإحباطات اليوميه فى الجرايد العندو، وهو كان يوميا بشترى تلاته جرايد لمعرفه الاستنكاحات الفيها ومن بعد الاستفاده من الجرايد دى فى البزنس حقو.فكان بفرش الجرايد فى البلاط حق البرندات في شارع الجمهوريه، مره فى عماره الاكرابول ومره فى برندة عماره ابو العلا. يوم جيت البرندات وما لقيتو فسالت اولاد مان -اولاد السوق- وين ياناس ود المك ..؟ فقالو لى وين ياولدنا ود المك ما قطعوهو الكبري - قطعو الكبرى مصطلح يطلق على الشخص التمت محاكمته وسجن بسجن امدرمان وأغلبها بدون توفر دفاع ولا محامي هو زاتوا لاقين ياكلوا عشان يكون عندهم قروش لي محامين..؟. المهم قلت ليهم مالو عمل شنو ما يكون استلم ليه بضاعه مسخنه - مسروقه-. فقالولي : ياريت يازول، ياخ مشكله بسيط - حسب وجهه نظرهم كبسطاء من بسطاء بلاد العجائب - تصور ود المك بعد ما لفت جاى وجاى نقش انو مافى كشمير قام فرش جرايدو فى واطات البرنده وختا بضاعتو - جزم وقاشات وقمصان وشوية ساعات - قام جاهو واحد زول شكلو صحابي جليل ياعبد، وقال لى ود المك بعد ما سلم عليه وكل شى و ود المك زاتو رد ليهو السلام.لو سمحت ارفع الجزم والقاشات دى من الجرايد الفارشه فى الواطه بالله؟ ود المك قال ليهو: قلت شنو..؟ الزول ردليهو قال ليهو: قلت ليك ارفع بضاعتك دي من الجرايد وتانى ماتفرش جريده فى الواطه لو سمحت. ود المك استغرب واتحير من الكلام الجديد في البلد دا ورد على الزول ببرود قاليهو : مالك ياود البلد عاوز تقفلهامعانا من الصباح..؟ الزول قاليهو:اسمع هناايوه بقفلها معاك كان داير ومش كدا بس بقفلك - بسجنك يعني - انت زاتك لو كترت الكلام؟ اها الجماعة استمروا يحكوا لي في قصة ود المك ، وانت عارف ود المك صبور - صبر الدبيب للفار الفى الجحر- . اها ود المك استمر في النقاش المنطقي السلمي مع الزول ،وقال ليهو : ياجك فرتك كدا ولا كدا ياخ الله يرضى عليك وعلينا مافى داعى للعنكبه فى موضوع فارغ وخلينا نشوف رزقنا بالله. قام الزول قال لود المك: شوف انحنا عارفنكم طابور خامس ومتمردين وعملاء لحركه العميل جون قرنق. فردا ود المك: يازول بالله امشى شوف ليك موضوع، تمرد شنو وطابور خامس بتاع منو انا قاعد فى خرتوم دا من السبعينات واى زول فى شارع جمهوريه دا ناقشنى - عارفني- كويس زى الجو كرشك الكبير دا. فالراجل طوالى حمبك وقال ليه:انا حاوريك المابتعرفوا الليلة يامتمرد ياخائن - والايام ديك كانت نقارة الجماعة مدورة بغنية ياقرنق ياعمالة وانت مابترجانا والجهاد نادانا والسليكشنات العجيبة ديك القدوا بيها اضنينا لمن قدينا وجانا طرش موسيقي- . اها ود المك قال لي الزول:يازول انت هسي ممكن اعرف سبب بتاع موضوع بتاعك شنو من الصباح..؟ رد الزول قاليه: انت ماعارف السبب شنو ولاعايز تستهبل وتعمل لى فيها عوير ومسكين كمان..؟ فتدخل اتنين من الماره ياجماعه باركوها مافى داعى للمشاكل كلنا زهجانين من السخانة والحردلوا دا بالله باركوها ياناس . فرد ود المك قال ليهم: انا ماعندى مشكله ياناس انتو كمان ، الزول دا براهو جا فى محلى، وقال نشيل جرايد من واطه وما نخط فيه بضاعه حقى. قام الراجل قال للجماعه الحجازين وعمل الخير:ياخى والله الجنوبين كرهونا الخرتوم زاتو وانتو ناس مسلمين كدى شوفو الجنوبي دا واستفزازوا البعمل فيه للمسلمين. الجماعة قالو ليهو:عمل شنو هسه الجنوبى دا للمسلمين..؟ فرد بغضب وتشنج : ما شايفين الجرايد الخاتيها الجنوبى دا فى الواطه وكمان خاطى فيها جزم. قاموا جماعه الخير الحجازين قاليو ليه: المشكله وين فى كدا، فيها شنو يعني فارشة جريدة في الواطة ياخ؟ الراجل هاج وقال ليهم: انتو برضو بليدين كمان، خلاص البلد دى بقى مافيها غيرة ونخوة على الاسلام..؟ الحجازين يازول اتحيروا مرة واحدة وقالوا ليهو: غيره شنو وبطيخ شنو يا اخينا الانته عاوز تورينا ليها علي الاسلام.؟؟ فصرخ فيهم: ياجماعه ويا مسلمين الجرايد الفى الواطه والفيها الجزم دى فيها(ايات قرآنيهواحاديث نبوية) يامسلمين ولا ماشايفين انتو كمان؟ فالناس كلهم سكتو بمافيهم ود المك زاتو. اها بعد ثواني ود المك دور تاني وقال للزول : اسمع ياخوى انا ماعندى مشكله مع اسلام ، ومعظم البضاعه دا حق ناس مسلمين من تجار جمله انا بفرش قطاعى واخر يوم بشيل ربح حقى وبمشى بديهم حقهم وبعداوكات كتير هم زاتو بجى لى هنا فى برنده دا بكونو عاوزين قروش مستعجل ماحصل فى زول قال الكلام انت قاعد تقول فوقو دا.مالو ناس ديل ما مسلمين زيك ولا حاجه؟ فرده الراجل على ود المك : اسمع ياجنوبى ياكافر. فرده ود المك عليه: كافر انا كافر يازول انت، كافر تاع عينك. فرد الراجل علي ود المك :عيينيك مقدودة انشاء الله. اها قام ود المك هايج وقال ليهو : اسمع عشان نقطم من الحنك الكتير دي ، وهاك من الآخر كمان انا ما برفع جرايد دا من الواطه والعاوز تعملو اعملو ماتكتر كلام، وبعدين انا اشتريت جرايد دا من كشك بتاع جرايد وزول بتاع كشك عارفنى كويس كل يوم انا بشترى منو ولو بالدين مرات كتير ولا وكان داير كلاص شيل جرايد عاجبك دا ورجع لى قروش بتاعه قدام ناس هنا. المهم الزول قال ليهو: مابدفع ليك قروش ولابتاع والجرايد دى ح ترفعها قصباًعنك وعن الخلفوك كمان شفته كيف.؟ قالو ود المك جراها ضحكه طويله وعلق تعليق سااااااخر وقال للراجل : يا اخوى جرايد دا مليان فى اى كوشه من كوش الخرتوم دا، وغنم بتاع خرتوم كمان قاعد ياكلو يعني نفهم من حنك بتاعك دي (غنمايات) دا كفار برضوا ولاكيف؟ فقام الراجل بعد ماالماره والمتسكعين والمتبطلين والزبائين الفى شارع الجمهوريه تجمهرو وفقعوها ضحكه مجلجلة، شال الجزم والساعات والقمصان الفى الجرايد وزقلهافى التراب وشرط الجرايد ورماها فى وش ود المك. والكاسورى دور بين الراجل المسلم و ود المك وفى الاخر ود المك قطعو الكبري - دخلوهو السجن- فى امدرمان. ____________________________________________________________ ود المك يسكن الشقله مع زوجته اطفاله التلاته وامه واتنين من اخوانه طلاب مدارس يعيشون على اكتافه ومن تلاقيط التمرهندى بشارع الجمهور -جمهوريه السودان- لو الحظ ضرب معاهم ومع غيرهم من جمهور - دجاجي يلقط الحبة حبة حبة يا حبة- من غير كشه من ناس دكتور صلاح كشه.اذا كان من غريزة الحديه وخطف الزلابيه من يد الاطفال - ولو ادى فعلها لجرح ايدى الاطفال- ،فلماذا نطلب من الاخرين تغير افعالهم طالما نابعه من الاعماق والغرائز؟؟؟.

---

Post: #146 Title: Re: خستكات جنوبيين في الشمال... Author: محسن طه Date: 04-22-2008, 04:01 AM Parent: #145 الحلقه الكبيره _________________________________________________________باتريس كايو-الكمرون على الساحه الكبيره هذا المساء سنحمل الحلقه الوحيده التى تجمعنا فى رقصه فارندول اليد السوداء فى اليد الصفراء واليد البيضاء فى اليد الحمراء كوله الصداقه تقهقح تحت كل الاسنان مثل عين مرحه على جبين هضبه خضراء ستصير الام امآً لكل الاطفال والاب ابا لكل الاطفال، الطفل ابنا لكل الوالدين، وسناكل من نفس الاناء بلسم الخلود حاملين على اكتافنا معا هلاك الامس وجبال الغد. النجمه فى السماء المشبحه بلون الفجر تمد الينا جزيل العطاء وفى جديليتها الضوئيه رساله العالم بلااجناس عنصريه العالم كله للانسان منحدرا من البيضه الوطنيه. _____________________________ la poesie negro-africaine--l expression fransaise>anthologie

---

Post: #147 Title: Re: خستكات جنوبيين في الشمال... Author: الفاتح ميرغني Date: 04-22-2008, 06:24 AM Parent: #146 Quote: Chers amis……. Je veux vous remercier tous pour tout support et encouragement pour ecrire sur sudaneseonline.j’ai essayé de parler d’un sujet qui avait a mon avis une grande importance,mais malhereusement je vient de me rende compte que c’etait une erreur.suite a ca j’ai decide d’arreter d’ecrire au moins pour le moment.en effet je me suis rendu compte que notre debat et facon de discuter ne sont pas productifs et nous ne pouvons pas atteindre nos objectifs pour aider notre bienn aime pays,le Soudan.notre pays va continuer de de soufrir si nous ne debattons et de discutons pas a propos des gros problemes pour aider notre pays,nous avons besoin d’être solidaires et de ne pas tomber dans la discussion des details. Avec tous mes respects a vous tous. Egalite’,prosperite’ et liberté pour tous la soudanais . العزيز محسن تحياتي والله إتهجمت شديد لمن قريت كلامك ده suite a ca j’ai decide d’arreter d’ecrire au moins pour le moment.en effet je me suis rendu compte que notre debat et facon de discuter ne sont pas productifs et nous ne pouvons pas atteindre nos objectifs pour aider notre bienn aime pays,le Soudan "في اعقاب ذلك قررت التوقف عن الكتابة في سودانيزاولاين ، على الاقل في الوقت الراهن.ذلك انني في الواقع توصلت إلى أن حوارنا وطريقة نقاشنا غير منتجة وأننا لن نتمكمن من بلوغ غاياتنا لمساعدة بلدنا الحبيب السودان". ياخ إنت كتاباتك من اكثر الكتابات الموضوعية وتناولك لمشكلات السودان كما ذكر لك احد الزملاء عبارة " عن ضربة مشرط في عملية بدون بنج".لذلك لا يمكن ان تكون مخطئا في الإعتقاد بأن ما تكتبه ليس له أهمية. وعليه اقول لك "Je vous en prie de ne quitter pas Quote: de ne pas tomber dans la discussion des details مش قالو الشيطان في التفاصيل!!! أطنان من الحب والمودة.

---

Post: #148 Title: Re: خستكات جنوبيين في الشمال... Author: محسن طه Date: 04-22-2008, 03:03 PM Parent: #147 حذف للتكرار

---

Post: #149 Title: Re: خستكات جنوبيين في الشمال... Author: محسن طه Date: 04-22-2008, 06:38 PM Parent: #148 واحد من الشباب الجنوبين ايام اتفاقيه الخرتوم للسلام-السميت وكتها اتفاقيه الخرتوم للاحلام- وهى زيها زي الكثير من الاتفاقيات الفشنك في تاريخ السودان. اها قالوا الفردة دا مشى ضرب -سِكِر سكرة ابوكديس ياعبد - ومن هناك مشى طوالى لمحمكه النظام العام - محاكم الذل والهوان والنسوان- وتوووش خشى المحكمه ،لقي ليك اصحاب الامر بالمعروف والناهين عن المنكرات والموبقات وافساد الذوق العام- وبالمناسبه المحاكم دى برهنت فعلا ان الشريعةالاسلاميه حسب فهم - البطبقوها زاتم - عباره عن قوانين عقوبات وليست نظام متكامل للمجتمع- ومصدر من مصادر جمع الاموال من-السكرجيه والعاملين فى بيع الخمور البلديه من نساء والسودان الذين وجدوا انفسهم فى واقع مدينى يتطلب المهن والحرف والتدريب العلمى والمعرفى وغيره من ضرورات العيش الكريم فى مدن الملح والملاح (أفلا تتفكرون يا اصحاب الطايوق..؟). لكن وين تروح ايدولوجيه( بؤس قوم عند قوم مكاسب)، وحتى لو كانت مكاسب اموال حرام تمت جبايتهامن الغلابه والمستضعفون في بلد الذوق العام- زي مابقولوا، هو ياخ لو في ذوق ولا تذوق كان في اكتر من 6 مليون ولا اكتر عملوا زوغبير- زاغوا- منو..؟! المهم الراجل الجنوبى عاين للجماعه جوه عيونهم - وهم فى حاله ذهول واستغراب - من (قوه العين) لانهم واثقين من مقدرتم ارهاب الشعب ومرمطة انوفهم في الطين مش بس التراب. فما كانوا متصورين واحد يجى بكرعينو براهو للمحكمه من شده البطش والعنف البتمارسه محاكم النظام العام -الطلعت اى كلام فى سنتر الخرتوم محل السكرجية بالكوم يا عوض دكام-. اهاالجنوبى قال ليهم مالكم تعاينوني كدي..؟ أأأأي ضارب بمزاج مش قولتو سلام من الداخل، والله تكترو كتير انا هسي طوالى بمشى للمحامي ابيل الير و بجيبو ليكم هنا علشان يوريكم عفانات بتاكم فى (نقض العهود والمواثيق). اها قايلين الجماعة عملوا ليهو شنو في الحالة دي...؟ طبعا (الله ورسوله ناقشين). كدي هاكم شوية تسالي فكري وترمس وكبكبي قذقذوا بيهم في السنما (الوطنية) وبالله بدون كبكبة. معقوله بس الجنوبين بعد موت اتنين مليون واكتر يكونوا عاوزين يفتحوا البارات فى الخرتوم - صرة الثقافه العربيه الاسلاميه حسب عباره احد ظرفاء الخرتوم-.؟!!؟ وتيب السؤال الذو القرابه والصله ونسب كمان فى الحته حقت البارات دى،هو البارات الكانت اصلا فى الخرتوم فى الستينات والسبعينات كانت فاتحنها جنوبين..؟!!؟ ولا اصلا كان الجنوبين تجار وانحنا ماعارفين؟؟؟ كدى امشوا وزاره التجاره الخارجيه وشوفو لينا الرخص التجاريه لاستيراد الخمور دى باسم ناس منو؟!!؟ والبارات فاتحنها ناس منو فى السودان؟!!؟ هو صحى الجنوبين بعرفوا التجاره والاستيرات والتصدير؟!!؟ وهم لو كانوا لقوا فرص التجاره والتصدير (البتعفى من الجمارك وتدفع فى مابعد)،كانو شالو الحراب والكوكاب فى وجه القرنتى القاعد فى صرة الخرتوم ياناس التوم(ومفردة توم دى بلغه الشلك تعنى الكضب )-كلام فى كلام ياالنظام العام وانا ما سكران ، لكن حيران في بلدي السودان-!!.( بالمناسبة يااهل العلم والراي والذواقيين ويا الكلكم ذوق ،السودان دا ماحقوا تشوفوا ليهو اسم يكون لونه فاتح شوية، انشاء الله بمبي (كان مافي طريقة انشاء امشوا لي جماعة قدر ظروفك في الطبليةعندهم كريمات كدا ممكن تخليهو شكلي منقة)عشان مايفسد الذوق العام وحاجات تانية حامياني)بدل اللون الأسود الزي الكول، وطعموا الزي الحنضل المر زي مرالملاريا. بعدين كدي بالله لو في متبرع يمشي يعمل لينا احصائية لعدد الرخص التجارية باسماء الأشقاء عفوا(الإخوة)الجنوبيين العندهم رخصة تجارية دولية ومحليةانشاء الله لإستيراد التفاح من دولة (سوريا الشقيقة) وحلل الالمونيوم وليف العدة من (مصر الشقيقة،أخت بلادي) ، ولا لإستيراد الجبنة من الدنمارك - وموية الجبنة البياكلها منويا ربي ...؟!!تقول لي ناكل مما نزرع، في بلاد زراعة الجوع...؟!!

---

Post: #150 Title: Re: خستكات جنوبيين في الشمال... Author: محسن طه Date: 04-23-2008, 03:49 AM Parent: #149 الاخ المحترم:الفاتح مرغنى Je dois admettre que j'ai l'obligation morale d'ecrire. Penser au Soudan fait partie de ma vie . Tu n'as meme pas besoin de me supplier pour le faire. les vrais Soudanais ne sont rien s'ils ne pensent pas au Soudan.JE suis soudanais et je vis pour le soudan.J'aiment le soudan pour les gens comme toi et meme pour les gens qui ne sont pas capable de se controler et qui se lanncent dans des discussions le moins qu'on puisse dire d'elles c'est qu'elles ne sont pas constructives. Je vous aime tous ,je suis la pour vous et je vais l'etre toujours pour vous. finalement j'aimerais bien dire que l'idee deriere les tristres histoires dont j'ai deja parle est que ces hisytoires la ne se repettent plus jamais dnas la vie des soudanais. Voici mon cadeau spcialement pour toi et pour les autres. الشعب الحى،الوحش بدون عمر _____________________________________________________________________رونى دوبستر-هاييتى ايها الشعب الحى الوحش بدون عمر انا لا اسمع اعماقك تختلج فيها اصوات سبقت الادميه اصوات تنبثق من قاع الكهوف اصوات وحشيه من ادغال الاباء ايها الشعب الحى،الوحش بدون عمر الهارب من قانون الذين لايتبعون القانون تحتقر لتوس الاستبداد وتبصق على ايقونات الارباب الفانيه لكل الطنطنات المحبةسه فى حنجرتك الضيقه. ان قلبك الذى له سمك الدياجير قد فقد سهوله افراحه ولم تعد تعرف الاستغراق فى تامل النجوم ولا الابتهاج بمراى سيلان الفجر ولاحتى مناجاه القمر فى دوراته الالفيه يسكب اغنيات عاطفيه تحت انغام البامبولا التى تدق عليها اصابع نشوان حالم ايها الشعب الحى، الوحش بدون عمر، ان نفس ابنائك القوى يرفع اسوارا من الغضب المقدس انجب ارضا حره ومذاخر للقديسيين لان ارضا ابناءك رجال اكثر مما هم ذكور هؤلاء ابناؤك الذين ينتزعون انفسهم من وحل العبوديه.

---

Post: #151 Title: Re: خستكات جنوبيين في الشمال... Author: الفاتح ميرغني Date: 04-23-2008, 05:23 AM Parent: #150 Quote: Voici mon cadeau spcialement pour toi et pour les autres العزيز محسن طه Merci infinement pour votre cadeu et J'aimerai bien dire que Je t'aime de toute mon care Votre frere pour tojour Elfateh

---

Post: #152 Title: Re: خستكات جنوبيين في الشمال... Author: محسن طه Date: 04-23-2008, 09:10 PM Parent: #151 حوار فوق العاده بين استاذ جنوبى واستاذ شمالى حول التعريب فى السودان بعد قليل. محسن طه

---

Post: #153 Title: Re: خستكات جنوبيين في الشمال... Author: محسن طه Date: 04-23-2008, 10:24 PM Parent: #152 ]

---

Post: #154 Title: Re: خستكات جنوبيين في الشمال... Author: محسن طه Date: 04-24-2008, 04:05 AM Parent: #153 ]حوار هادي ،وبراحه بدون تعصب بين استاذين واحد من الجنوبى، والتاني شمالى ،حول سياسه (التعريب)و العربنه فى (مؤسسات التعليم العالى) السودانيه. وهي واحدة من القرارت السياسيه الايديولجيه،كان الغرض منها تاكيد الذات السودانيه، كهويه عربية ،اكثر مما هو قرار تربوى علمى فى زمن العولمه، وصعود نظرية واطروحه الفكى ابو كومش (فوكوياما)عن نهايه التاريخ وحنكها المزعج لدرجه الحقاره والاستخفاف بثوابت وقيم الكثيرين ممن ينظرون على المفاهيم والقيم الغربية بنظارة بيرسون ايديولوجية، متسرعة وانفعالية. ويمكن وصفها بطريقه مبسطه -حسب فهمناالابسط-. اسمعوا هوي انتو ياناس الكره الارضيه، بعد كدا مافى زول فيكم حيقدر يسد الابواب من الغبار والكتاحه الجاية من بره الحدود الجغرافيه والسياسيه والاجتماعيه والاقتصاديه.وهى من الاطروحات الجباره ،والمزعجه فى طرحها الايديولوجى، ممكن نقولها بطريقة سودانيه بحته( سيك سيك متشعبط فيك)،ا كان رضيت ولا ابيت ولا كان ضربت الكورايك،ولا بتخارخ معاهااطروحات الاستكانات والتراطيب القايله (الباب البجيب الريح والكتاحة بس امشى سدو واستريح) يعني فى داعى للتعب والاكل الكعب؟ ولا رايكم شنو في المثل السودانى التانى حق ابو التراطيب البقول( كان قلب سدها وسع قدها). وياهو السودان وسع قدر توسعوا الجغرافي كااكبر واطه فى افريقيا، وبقينا زي ( الواطه) - بالمعنى الدارجى لمصطلح قاع المدينه- و من قبل اولاد بلدنا الواطيين فكريا، وليس لاسباب جوهريه وعقلانيه، بل لان الشعب السودانى الواسع، والمتنوع قدر تنوعه الاوسع،فى نظرهم هو مجرد شعب واطى ويستحق ينوطي وينداس بالجزمه(التموت تخلى) فى افضل الاحوال، و(المركوب) فى اسوأ الاحوال حتى ولو كانو من اصحاب الايادى المتوضية( من الوضوء) وقاطعى الجمار خمسه اوكات فى اليوم ،ناهيك عن اهلنا اصحاب كريم المعتقدات-يالها من تسميه حقيره وواطيه،لكن حنقبلها فى الوكت الحالي وعلي مضض ، كمفرده، من مفردات (دستور السودان الاستفزازى). الى حين وأوان المجادله القانونيه. اهلنا المجوس اولاد رسول النار، الكتير منهم لحدي يوم الليلة يطرشهم ماسمعوا بعولمة(موسى وعيسى ومحمد)،(وكيف يتاتى لهم ذلك؟)وهم معظمهم ما بعرف يعني شنوكلمه كهرباء؟ ولا حتي لمبه ام دخيخينه البتولع بالجاز- يا عوض الجاز وانحنا ما ناسين ياالبابور جاز ونحرق الجزلين ياود الجاز، وبطل البوبار فى بيت جالوص الايجار. قولتو شنو.. وشنو ، امشى يا مسطول قصر الطين رئيسا، وانا بمشى بهنااااكا جمب كبرى كوبر حبيسا، ولا وهمة وجاكة ذى دى؟. وما علينا والبكى ما بجيبو لينا، والعلينا بعد البشته ورقاد الواطه ياود الجاز، حنعلم ناسنا واهلنا البسيطين ديل كيف ممكن يدهم الماسكة البندقية دي ممكن تعزف جاز البلوز ياود الجاز، والعجبو عجبو والماعجبو بى جازو ،اكان ابيض ولا كروسين ولا جازولين، برضوا حا نبقي ناس كويسين رغم انو قلبهم بقت ذى الفلين من الخوف والرعب والارهاب الطالباني. يلا ارحكم كدي نشوف الونسه حقت الجنوبى والشمالى ، عن مصيرى ومصيرك فى بلاد البشتنه وشيل الحال العلمي. الاستاذ الجنوبى أستاذ العلوم الساسيه بجامعه الخرتوم - عليه الرحمه- والتر كوان الكان وزير عمل فى عهد الحكومه البقرة العطية- عفوا قصدي الديمقراطية- ، قبل ما يدوها شلوت بوز وضفارى من لاعبين فريق كرة الدس دس وعرس عرس الحضارى -هاكم حضارة الود والوصال دى - ود.ووالتر لمن كان وزير عمل مرة جانا زيارة في بورتسودان لمن كنا طلبة خناك ، وهو راجل ساخر بطبعهوا اها مشينا ليه كطلاب رابطة جنوب السودان بمدرسة بورتسودان الحكومية، اها كان شايلين دفتر كشف الحال وعايزين تبرع وكدا من سيادته لصندوق الرابطة الخيري والاجتماعي، يا زول الزول دا عاين لينا كداااا وقال لينا انتو جاين دايرين شنو ؟ تبرعات...؟ انتو ياخ قاعدين في داخلية طابقين، وفي نور ومروحة كمان ودايرين قروش لي شنو...؟ والله انا لمن كنت طالب في جامعة الخرطوم انا بمشي ادق قش عشان نلم مصاريف تاي تاجامعة، كدي ياجماعة بالله خلونا كدا، امشوا اعمل حاجة تاني، ولا كشكر لينا ساكت ولا حتي من بند الاكراميات والمجاملات والطواري المصرح بيها لأي وزير ولأي مسؤول في الدولة، اها شوفتوا زي البند دا البخلي الناس يكون عندها عماراااااااات واربعة نسوان ودكاكين وشركات وحسابات في ماليزيا والفلبين والصين واستراليا وقصور زي الجنب مركز شرطة كوبر، في الوكت الفيهو الواحد يكون مجرد خريج ثانوي مشي ليهو حاجة كدا سموها كلية حربية وعمل ليهو شوية ارنب نط تراني بنط واكل ليهو كم قعونجة ودبيب ولا ارنب ويمشوا المثقفين بعد قرايتهم في لندن وفرنسا ويقولوا ليهم تعالوا ابقو رؤسا، ودي واحدة من المشاكل الرئيسية للمثقفين عايزين بس اقرب كبري يوصلهم للسلطة، بس عشان يرطبوا ويتعبوا ليك الناس بالمجادلات الفارغة عن الهوية والدين والدولة، والعلاقة بين الشريعة وعلم الحيوانات،اكراميات شنو انت قاعد في دولة ولا في ضل حيطة بيتكم..؟ ليه لدولة دي بيت ابو منو عشان يكون فيها اكراميات وعاملين ليها بند كمان بدون خجلة ولا اختشا...؟ ياخ معقولة بس وزير واحد يكون عندو اربعة مرسيدس واربعة نسوان واربعة عمارات واربعة حسابات في (البلدان الاجنبية الكافرة) وبعد دا كلوا مستعدين يجادلونها عن الشريعة والفقر اتخيلوا بس والله البمشي يسمع كلام الناس ديل دا زول عديل ما عندوا موضوع ولا عندو طايوق زاتو في راسوا. الأستاذ الشمالى دا ماعايزين نجيب اسمى عشان كان جبت اسمو احتمال الهوا يقسموا. المهم كان الحوار بالاتجليزي شوفو عليكم النبى جنس كلام دا، نفرين سودانيين قاعدين يتونسو بالانجليزى ويدرسو ويكتبو وياكلو عيش بالانجليزى ويتكلمو عن كيفيه تعريبنا وعربنتنا كسودانين، وهى الحجه الاساسيه حقت الاستاذ الشمالى-العربنه- وبالانجليزى؟ ياريت لو كان كلامهم دا كان بالعربى -والله الناس البقولو بمثلونا فى السودان خواجات لمن غلط اقعدو اتفرجوا كويس، ونقول شنو ماياهو اكل عيشهم الكضب. نقطه قبل مانبدا الحوار ، سوف ارمز بحرف(ش)فى حاله الكلام للشمالى وحرف(ج) لو الكلام للجنوبى ،بدلا من كل مره اقول الجنوبى والشمالى،ياحريفين اتفقنا؟ ش:اسمع يا استاذ والتر رايك شنو فى القرار بتاع التعريب فى التعليم العالى والبحث العلمى؟ ج:ياا كوى انت دايرني نقول شنو ما ياهو قرار بتاع دوله حقنا. ش:انا عارفو قرار دوله، وانا واحد من المنظرين ليهو لكن سؤالى ليك باعتبارك واحد من الناس الممكن يكونو متضررين منو وكدا؟ ج:من ياتو ناحيه...؟ ش:من ناحيه التدريس بالعربى...؟ ج:والله دا ياهو مشكله كبير لى انا وماعارف نعمل شنو ولا نقول شنو فى حته دا لكن انتو ما عندكم خطط ولا طريقه تعملو لينا كوراسات بارتايم بالعربى. ش:انا برضو بفتكر دا واحد من الحلول، انو نعمل برنامج لمسح الاميه العربيه، عند الاخوه الجنوبين الزملاء معنا هنا فى الجامعه. ج:ياستاذ كدى انت صحى تقدر تدرس بالعربى صحي و بعد قعاد حقك طويل فى لندن وقراية حقك بي انجليزى وقبل كدا فى جامعه تاع خرتوم زاتو قرينا فيهو بالانجليزى،صحى تقدر تكتب وتدرس بالعربى و لا دا حركات منكم،علشان نجرى ونخلى ليكم ا لجامعه دا؟. ش:كيف ما بقدر ادرس بالعربى انت ناسى انو انا زول عربى ولا شنو؟؟. ج:يا استاذ انا عارف انتى عربى -مافى داعى لي زعل سامبلا ساكت- انا بقول كلام ده علشان انت زميل وانا متاكد انت مابتعرف تكتب بالعربى؟ ش:كيف الكلام دا يازول انا مابعرف بكتب بالعربى ،ولا عشان بتلكم معاك بالانجليزى؟ ج:ايوه دا برضو سبب الاول و واحد تانى من اسباب، انت ياهو قدامى بتتكلم معاى ب انجليزى وفى نفس الوكت داير عيال بتاع سودانيين ندرسهم بالعربى،تييب ماممكن ندرسهم بالانجليزى والداير يقول هو عربى يقول هو عربى دا مامشكل كبير وياهو انت هسه زول عربى وبتنضم انجليزى كويس جدا،مشكله وين؟ ش:لا لا لا ياخ انت مافاهم، انحننا خططنا الاستراتيجيه شنو،علشان كدا ماقادر تفهم كلامى؟ ج:ماقادر نفهم شنو فى كلامك ، كلامك حقك لو كان بالعربى كان نقول ايوه انا مافاهمتك، لكن انت قولتو ب انجليزى ياخ ،ولا امكن انا ما بفهم انجليزى فى نظرك كمان؟. ش:استغفر الله ياستاذ كيف اقول حاجه ذى كده،انا والله بعزك وبعز كل الاخوه الجنوبين العندنا فى الجامعه، وماطالبنى حليفه حتى الزملاء الخونه والمارقين الكانوا هنا فى الجامعه الهسه بقو متمردين مع قرنق - وقرنق العميل زاتو كان بيدرس فى الجامعه دى قبل مايتمرد- والله بحترمهم وكانواساتذه مخضرمين والله العظيم، كان ما تمردهم الارعن دا؟. ج:انا عارف احساسك كزول كويس وماعندى شك فيه لكن علشان ما نويست اور تايم -نضيع وكتنا- فى كلامات عاطفي سامبلا ساكت،انت ما وريتنى المشكل الحقيقى شان اولاد بتاع سودانيين مايعرفو انجليزى فى السودان،لكن انجليزى دا ياهو لغه حقى وحقك من ناحيه علميه؟. ش:ياخ يأاخ يامحترم الانجليزى ما لغتى وانت عارف ا لكلام دا كويس، صح ولا ماصح؟. ج:ايوه انا عارفو كويس كويس، لكن انت دا زاتو انا عارفك فى البيت مع ناسكم هناك ما قاعد تكلم معاهم بالانجليزى دى حاجه معروف على،ولما تجى فى جامعه هنا تونس وتدرس بالانجليزى، ياهو سبب خلانى نقول انجليزى لغه حقى وحقك من ناحيه علميه، ما من ناحيه تانى انا ماقاصدو فى جوه راسك ، بس بس..دقيق دقيق يادكتور،خلينى ننتهى من كلام تاعي وبعدين انت ونسوا زى ماداير -المكتب من دخان البنسون آند هدجس ،التقول (تكل) عواسه كسره وعصيده من دخاخين السجاير الفاخره والطاهره- ،و انت فى بيتكم فى زول يوم واحد قال ليك، عيال و وليدات دي بقوا ماعرب ولاكلام ذيدا؟علشان تجى فى مكتب حقى وتشرب شاى وقهوه ومويه بارد وكمان تشرب سجاير حقك وتونسني عن قرار بتاكم حق تعريب فى جامعات سودانيه؟. ش:شنو قلته..؟كلامك ما وقع لى ممكن توضح شويه؟. ج:اوكى..ليت مى بوت ات تو يو كليرلى -خلينى نختها ليك واضحه- وبانجليزى سيمبل -بسيط- انا دا زول شلكاوى كويس معاك،بعد ما نمرق من جامعه دى، بمشى البيت، وهناك بتكلم وبتونس مع ناس بيت بى لغه بتاعنا حق شلك -رطانه شلك ذى ما كتير ناس بقولو- مافى يوم ناس بتاع بيتنا قالوا هم ما شلك ولا حيكونو يوم من الايام ما شلك ولاحاجه ذى كدا،وانت كمان بتمشى بيتكم تتكلم وتتونس مع ناس بيتكم بالعربى,والحاجه انا متاكد منو كويس كويس ومادير غلاط كتير مافى زول من ناس بيتكم قال هو ماعرب،البخليك تجى هنا فى جامعه تقول داير عيال سودانيين يدرسوهم بالعربى شنو وكلوا كلوا حاجات علميه لازم يتدرس بالعربى دا شنو بس ،لو سالتك سؤال واضح؟. ش: احم احم كح كح -من السجاير- والله يادكتور:كلامك فوقو جزء من المنطق والعلميه وكدا،لكن انحنا كشماليين عندنا مشروع حضاري عميق الجزور والمرامى والاهداف ومن الصعوبه بمكان تلخصيه فى قعده صغيره ذى دى، ومحتاج لوكت اوسع من دا،وانشاء الله حاعمل قدر المستطاع علشان اوضحوا وافسروا ليك فى الايام القادمه، لو ربنا حيانا فى الدنيا.مافى داعى للاستعجال فى موضوع ضارب عميقا فى جزورنا الثقافيه والحضاريه كأمه عربيه واسلاميه وكخير امه اخرجت للناس اجمعين. ج:اخرجت للناس ياتم؟. ش:كل الناس الفى الدنيا.علشان كدا بقول ليك دا كلام كبار كبار ما بنتهى فى جلس واحد زى دى شويه شويه بفهمك ليهو ماتستعجل-العجله من الشيطان-،والله لكن الواحد شويه بيشعر بفرح، وسعاده منقطعه النظير،وبنوع من الاريحيه لما لمن يجيك فى مكتبك دا، ولمن يتونس مع الاخوه الجنوبين. ج:والله انينا زاتو كناس جنوفيين،عندنا نفس الشعور لما نتونس ونتكلم مع اكوان بتاع انيينا، من شمال السودان دا،واسبشيلى-خصوصا-كان بقى كلو ذى ونسة الحقنا هسه العلمى دا، ياهو يادوب واحد فينا بكون مبسوط سحى سحى،ونمشى البيت نونسو فى تلفون الملح بتاع بيت حق جامعه دا، مع دكتور دى مبيور،علشان واحد يعرف الحاصل ليهم شنو فى حركه بتاع تمرد حقهم دا. ش:يازول انت عندك اتصالات مع المتمردين؟. ج:وين ياجك -المعزره يادكتور- اتصالات بتاع شنو كمان الانا قلتو دا مع متمردين، ياخ كلام حقى دى ماهظار سامبلا ساكت ،كناس سودانيين يادكتور يا اخوى وياصابى، وانا كان زول متمرد كان نقعد نصبر لكلامات بتاعك المن قبيل دا لو هو ما كلام بتاع ناس زملا فى جامعه واحد ودايرين نخرج اجيال يكونو قويين وعضلات بتاهم العلميه يكون قوى ذى الحديد والسيخ الفى شارع السجن -اقصد السجانه- والله ماعارف مالو بقيت نتمتم فى كلام كدا بعدا ما كنت بتكلم معاك كويص ياصحبى؟ المهم نقول كلام و وانسه حقنا دا، يكون مستمر يااكوى،علشان كلامنا دى كلام علمى، لمصلحه بتاع عيال جايين بعد ما اننينا نفوت من دنيا دا،وبعدين كلام بتاع اتصالات مع متمردين دى،انا لسه متذكر كلامات فى لغه عربيه،ليتاص -خلينا- نقول عليه مجاز بس، ما حقيقى اوكى ياود البلد؟ ونقوليك كلام سر والله لو انتى مازول صحبى وانا بعرف انت من ايام بتاع دراسه حقنا فى اكسفورد وقبلو فى حوش دا الكان فى زمنا اسمو- جامعه الخرتوم- والله العظيم ونسات حقتنا المن الصباح دا كنت افتكرتو حقيقه، لكن علشان انا لسه بذكر حاجات شويه شويه فى عربى ياهو انا بفتكر كلام حقك عن تعريب دا كلو مجاز وونسه وكمان هزار بتاع ناس كومريد -اقصد- زملا واخوان دراسه جوه فى سودان وبره السودان، كويس يازميل؟. ش:يازول مافى مشكله بين ناس اخوان وفرد دراسه ذى ماقلته، لكن بين وبينك ،انا كان، كان ماخابرك كويس ومن زمن بعيد،كنت قلت ليك شامى تحت تحت من تصرفاتك وطريقه كلامك ،انك طابور خامس للمتمردين الخونه. ج:ولا يهمك يازول وتيك ات ايذى ياعزيزى عشان - السكرى والضغط- بتاعك المجننك مايسفرك التوج بدري بدري، والناس الخونه بتلقاهم فى اى محل فى الدنيا دا، وانت عارف كويس حتى فى جامعه حقنا بتاع خرتوم دا خيانات فوقو كوم بتعريفه.وياهو انت شايفينى صابر على خيانات العلميه و ماداير استعجل اخش حركه التمرد، وكلو عشان فى ناس كويسن ذيك عندهم جالصى -غيره- على البلد.وهم لسه بتذكرو وحافظين القسم حق الزول الجالدونق الاسمو(ابغراط)للناس البدرسو العلم والطب البقول(لا تاذئ) مهما كانت الظروف واختلاف الناس والاجناس ،برضو لا تأذي .فاكروا؟. ش:ايو ايو فاكرو فاكرو،هو دا قسم بتنسى كمان.المهم يابنج ويادكتور نقول لى ونستنا العلميه دى تو بى كونتينيو -تتواصل- .وبراك شايف الواحد المشغوليات كترت من ما جات حكومتنا دى . و الواحد احيان مابقدر يدى المحاضرات فى وكتها ،لو لا وجود بعض من شبابنا الربيناهم تربيه كويسه ماشاء الله، بقومو بالواجب وبسدوا الفراغ من محاضرات وتصحيح وطباعه على الكمبيوتر وغيرو من واجبات ،تصور يا دكتور والتر الواحد لحدى الوكت دا ماعارف يستعمل الجن الاسمو كمبيوتر دا، رغم انو الاخوان البسافروا بره كتير ماقصروا والله كل مره جايبن لى هديه كمبيوتر مره من لندن ومره الدوحه ومره ايران ومره وين ماعارف. والله خجلونا عديل التقول عارفنى ماناقش التكتح فى الكمبيوتر ود الذين كفروا دا.وشوف البلوة الانا فيها دى هسه الساعه تلاته حامشى اصلى العصر وبعداك ارجع تانى ادى محاضرات علميه للاساتذه الفى الجامعه الدخلناهم الدفاع الشعبى هنا، فى الميدان الشرقى لحدي صلاه المغرب ومن هناك جرى العياده احاول امشى لى كم زبون من العيانين الكتار البقو فى البلد دى وماعارف البمرضهم شنو بعد الانجازات الحضاريه البنعمل فيها يوميا دى. اهاوبعداك بمشى القياده العامه اشوف اخبار المجاهدين شنو كمان فى الجنوب الفقر وش النقر دا،حتان شويه القى لى وكت اتم البحث العلمى المفروض اقدمو فى مؤتمر صراع الحضارات البعدوا فيه الاخوان فى ايران تحت اشراف العامل فيهااصلاحى وعقلانى الرئيس محمد خاتمى، وشفته دا كلو من الاهبل الامريكى الكافر الطلع الكتاب البايخ الاسمو قال صراع الحضارات -اصبر ليهم اولاد الكلب حنوريهم المصارعه الحضاريه دى كيفنها-. ودا غير التلاته نسوان الفى رقبت الواحد-الله لا جاب سيرتهم بركة النبى - ووليداهم واهلنا الجاين من البلد على حس الواحد اصبح عندو كم منصب ووظيفه فى الحكومه.والله يادكتور والتر، انت مرطب ولا هاميك شئ غير محاضراتك الفى الجامعه وماعندك اثقال حضاريه شايلها فى ضهرك زيناكدا .علشان كدا الواحد بجيك كلو يوم والتانى ،عشان عارفك قاعد فى الجامعه وياهو الزول بعد المسؤليات الكتيره دى يجى يفضفض ويحتو معاك، كااخو جنوبى ،اب قلبا طيب وحنون.بس لو كنت اسلمت؟.. ج:ياخوى خلينى فى حالى،كدا عاين لنفسك وشوف انت بيزى -مشغول- كيف بسبب المواضيع الحضاريه الفى راسك اب صلعه دا. مالك داير لى التلته ومش احسن يكون عندى شغل واحد وكمان عندى وكت لونساتك العلميه؟. ش:صدقته والله العظيم، والواحد يقرب يحسدك فى الطراطيب حقتك. ج:يا زول قول بسم الله من شر حاسدا اذا حسد. ش:ياااااخى كمان ناقش بعض الايات فى القران؟. ج:ياخوى مساجد الكتير فى خرتوم دا، من بيتك ممكن تتعلم قران كريم ولامحتاج تمشى خلوه زاتو. ش:صدقتا تب والله فى الحته دى، ومافى زول سبقك عليها،ردودكم كلها على الطاير،الله لاجاب باقيكم ياشيخ. ج:قلت شنو؟. ش:لا لا لا لا ماقلت اى حاجه بطاله فى حقك؟. ج:ايام جاست كيدينق ويز يوو - بمزح معاك - ياراجل، معقوله اقول فيك حاجه بطاله بس. ش:خلاص ذى ماقالت ليك نواصل انشاء الله الحوار عن التعريب بكره فى كتبك. ج:مافى مشكله كلاص نشوفك بكره. ونواصل فى الحوار والى الحلقه نمره اتنين.

---

Post: #155 Title: Re: خستكات جنوبيين في الشمال... Author: محسن طه Date: 04-24-2008, 01:09 PM Parent: #154 ونواصل الحوار عن التعريب بعد شويه.

---

Post: #156 Title: Re: خستكات جنوبيين في الشمال... Author: مصطفي سري Date: 04-24-2008, 03:24 PM Parent: #155 اتا شايف كلام تا اربي بقي تكبو كويس ، انا مبسوط منك شديد شديد لكن عربي تا ناس تانين ونوبة وبجاويين ونوبيين جماعة بتا شمال جب مصر ودينكا وشلك واناواك ولا توكا وكاكوا وفجولو وانقسنا وادوك ونوير وبلندا وفرتيت واشولي وكتبشفو وفور وزغاوة ومساليت وبرقد وفلاتة وميدوب ودبوسا وباريا ومنداري وددنقا وكوكو وتانيين ديل كلهم عندهم خستكات في كلام جوا عاصمة ...

---

Post: #157 Title: Re: خستكات جنوبيين في الشمال... Author: محسن طه Date: 04-24-2008, 09:48 PM Parent: #156 اتا شايف كلام تا اربي بقي تكبو كويس ، انا مبسوط منك شديد شديد لكن عربي تا ناس تانين ونوبة وبجاويين ونوبيين جماعة بتا شمال جب مصر ودينكا وشلك واناواك ولا توكا وكاكوا وفجولو وانقسنا وادوك ونوير وبلندا وفرتيت واشولي وكتبشفو وفور وزغاوة ومساليت وبرقد وفلاتة وميدوب ودبوسا وباريا ومنداري وددنقا وكوكو وتانيين ديل كلهم عندهم خستكات في كلام جوا عاصمة ... ------------------------------------------------------------------------------------------- يا جلدونق يا مصطفي سري اتا... (انا كوبوا لي اتاكم سلام كتيييييييير...زي ماقال الشهيد جونق قرنق لمن لاقي شباب الاستوائية في امريكا) بعدين مالوا اتا جايي تسلم لي انا متاخر كدي، انا قرب زاتوا قفلوا اندية تاع كستكات دا ذاتو ... بعدين الناس الراصيهم لي ديل ناس منو ...؟ ديل كلهم معانا في السودان..؟ والله ما ادونا ليهم في الجغرافية البشرية، ولا تاريخ السودان الحديث ولا المعاصر ولا القديم. لكن كدي غايتو الا نختهم في لستة كريم المعتقدات دي، لكن جماعة تاع جنب مصر ديل والله انا زاتو ماعارف نختهم ليك وين ولا اي واحد من الكريمات الكريمة، لكن ما تخاف انا سمعتوا ناس جنب مصر ديل قاعدين يعملوا في (ختة) عبر القوقل ولموا قروش مابطال حسب مصادرنا الموثوق بيها، لكن في مشكل واحد بس ناس ماعارفين قروش دا يدوا لي منو، ولي ياتو منو شان ينضموا لي لستة تاعنا دا حق كريم المعتقدات... اها انت دفعتوا ولا لسه، غايتوا شكلك كدا دفعتا اول زول بيكون ....؟؟؟ ياخ هو صحي كان جينا للجد كريم المعتقدات دي انتو يا جماعة مرقتوا منها بتين ، ماياهو جني صغير لي يوم دا بودهو بحر وبرشوهو بي موية ، ورقيص زاتو (مختلط)اها يا جماعة دا مايهو زااااااتوا ثقافة تاع (كريم المعتقدات).؟؟ اسمع يا بتاع الشمارات انت ، شايفك مصاقر صديق الموج الزول الذيذ دا ياخ وعامل ليهو حركات والله انا زاتوا بجي لي انتا ونعمل ليك بركات زاتو.. تتذكر يامان معتز الكوز بتاع الاهلية الكان عامل فيها امنجي وفكري...؟ تتذكر مرة مرة كان ناس الادارة بقفلوها مع الطلبة ومافي زول يخش عشان عايزنهم يدفعوا القروش...؟ المهم جينا داخلين لقينا ليك البوابة مقفولة فقعدنا بره مع السواقين وستات الشاي وبنات النادي الامريكي في الاهلية كانوا برررررة معانا وضربيتنا ليك الجوعة فقلنا ليهم تعالوا نعمل شيرنق، اها لمينا القروش وقلنا ليهم ارح ناكل بعد دا، وشقينا ليك المقابر، الجماعة قالوا لينا اسمعوا هوي يا انتو ماشين وين، اها مشينا كافتريا المقابر حقت الحاجة الكانت بتعمل ملاح الشرموط والكسرة والانجيرا ديك، اها الحناكيش قالوا بري معقولة ناكل في نص المقابر وجمبنا ناس ميتين، بعد شوية غيروا ليك رايهم وضربوااكل العبيد كما ينبغي. اها رجعنا عايزين نخش الجامعة، اها شوفنا ليك معتز لابس لبس خمسة(جيش) وعامل فيها ماشي الجهاد وانتو عارفوا قااااااعد متكل في الجامعة دي مع الحلوين في الكفتريات، المهم خشا ليك الجامعة توووووووووش والحرس ما سالوا من بطاقة ولا اي شئ ، بس جيت جاري ليك من هناك وقلت لي الحرس ، اسمع انت شغال في بوابة القيادة العامة ولا في بوابة الجامعة، قال لي مالك في شنو... ؟ قلت ليهو كيف في شنو، انا ماشايفك دخلتا الزول دا قال لي: ايه ما دا لابس كاكي قلت ليهو عشان كدا انا سالتك انت شغال في القيادة العامة ولا في جامعة المهم بقي يقول اسمع انزلق ادخل براحة بالله ما تعمل لينا عنكبة ، قلتا ليهو وينك ياعمك انا ما حاخش براي اي زول واقف هنا برة حيخش معاي، اها زولك بقي اعمل حركات ويحلف انو مافي زول يخش جوه الجامعة الليلة... قمت طوالي عملتا ليك كولينق زي بتاع انصار السنة جنب الجامع الكبير، قلت مالوا كدي خلينا نمارس بعض الديمقراطية المتوفرة لانصار السنة البكوركوا في اي حتة واي زقاق ديل ومافي بتاع امن يوم سالهم رغم انو كان في قانون للتسكع والتلكع ، ماعارف انصار السنة ديل ما قبضوهم ليه... المهم دقينا ركن في الشارع وقلنا ليهم حنخش الجامعة دي ، وتوووشك في وشو اها عمك براحة (تنحي عن طريقنا) وكرهنا ليك معتز اليوم اللبس فيهو كاكي الدفاع الشعبي لمن ساب ليك الجامعة اسبوع كامل غايتو نخلي باقي الكلام كدي لمن يجي تلفزيون الديمقراطية ولا حاجة، وانا حالف طبعا لازم اعمل برنامج مخصووووووووووووص ليكم ، ونسميهو (ايام لهاخستكات).وبعدين العمة حتكون 25 متر واربط ليك راسي دا عشان ما افكر زاتو تاني، وحا اجيب ليك ناس مايكل جاكسون وشاكيرا ومادونا يغنوا فييييييييييي التلفزيون حقنا دا... طبعا انا ماعندنا مشكلة في الموضوع دا ، مش نحنا ناس كريم المعتقدات..؟ وكان اشتقنا للغنا العربي بنمشي نجيب لينا واحدة من لبنان عديل ، العاملين حسن كشيف ديلك، طلما ما نحنا ناس كريم معتقدات نستفيد من الدنيا دي لللآخر شوفتا كيف.بعدين اصولوا معروف انينا ماكلين نيم في الاخرة فما ممكن الجماعة ديل يحرقونا في الدنيا في الغابة بالنار وبعد دا كلوا الله يودينا النار يوم القيامة، ياخ ما تكلم اهلك المسلمين ديل يا جالدونق انت.لانو بصراحة ما ممكن نكل نيم في الدنيا ونحلي برسيم في الاخرة ، بعدين زي ماقالوا انينا أصحاب كريم معتقدات ماعندنا طريقة نكابس مع الحور العين وبحور المريسة والشباب البوزعوها ديك ، عشان كدا احن نخلص حقنا في الدنيا قبال الآخرة تجي وما حنشتغل باي زول يقول لينا ولا الضالين ظااااتوا. اها وعشان انت زول سابي مرة واحد ، في شاعر تاكم كدا اسموا المجذوب قال هو في قصيدة هو (عايز يمشي الجنوب ويشرب المريسة علي كيفوا وما عايز قريش تقيدوا بانساب الكرام.) اها يا مصطفي زي كلام المجذوب دا ، دا الكلام البقي بجنن بوبي زاتو، اها التحدي الحقيقي بعد دا المريسة دي تتشرب في سنتر قريش، مافي زول يجي يضهب عندنا بهناك، وخصوصا عندنا كم واحدين كدا قروا في الازهر حا نعمل ليهم محاكم للقرشيين البجوا شاردين من انسابهم الكريمة ودايرين يشربوا مريسة عندنا، اها ناس الازهر يشتغلوا شنو يعني عندنا هناك...؟ وما حندفع ليهم من خزينة الدولة ، حا ندفع ليهم من ديوان الذكاة لانو شغلهم دا ما جزء من مشروعنا كاصحاب كريم معتقدات،ودا التحدي الجاي مافي زول يزوغ بهناك ويقول شنو وشنو ، سنتر الخرطوم بس. ولا كيف يا جالدونق...؟ ووصل لي المعلومة دي بالله، وانا حا اجيك في خستكاتك بهناك. عندي والله كلام كتير عن العربجية داير ادخلوا في اللواك -الزريبة- بتاعت الخستكات دي..

---

Post: #158 Title: Re: خستكات جنوبيين في الشمال... Author: محسن طه Date: 04-25-2008, 05:36 AM Parent: #157

---

Post: #159 Title: Re: خستكات جنوبيين في الشمال... Author: محسن طه Date: 04-25-2008, 09:49 PM Parent: #158 ماددى -سلام- بلغه الشلك اشنكراج، دبايوا، اكوبام، جنى سين. ونواصل... الحوار قرب ينجض، وقاعد فى التكل الا بس ناقص لينا الطايوق والقرقريبه. اسكت ساى ، ورسلنا للجيران عشان يدونا التمله حقتم ، وماتنسى ياولد تمشى تشحد شوية ملح من بيت ناس ادوك الشلكاويه وبي المره قوليها حاجه نفيسه الدنقلاويه عازماكى جبنة بي مستكه وجنزبيل بعدالرجال يمرقو الشغل ،اكان قاعدين بشتغلو وهو كان شغالين كنا نشحد فى الملح وبلد فيها بحر احمر الكبير دا. وبرضو ياجنى حشاى مر كدا على دكان ود النيل اب قلبا طيب خليهو يديك كيس العيش وعارفاهو حيحنبك شوية لكن نعمل شنو؟ عاد كر علينا من الفضيحه مع ود النيل يشيل ويسجل فى الحاجات لمن بيقنا عندنا دفترين عندو. قوله الحاجه قالتلك الله يخضر ضراعك ويديك الفى مراضك ويخلى ليهو وليداته وربي يصبروعلى ناس البلديه، عارفه الناس ديل بالحيل مجننو الجن الكلكى. متين ياربى تستجيب لى صلاتى ويكون ملكى حاضر، عاد وليداتناالبعنا الدهب عشانهم لناس سعد قشره وقريناهم قراية ذى العجب واحسن من الانجليزي ، جرو كلهم من القراية وبقو دياشه وعاوزين الشفع يمشو الجنوب ويتعاووا مع اهلنا الهناك ومرات كدي لمن نقعد نشرب القهوه مع جارتى الشلكاويه بت المك ونتونس ونستنا حقت النسوان والله قلبنا لمن يتقطع من المغصة ومصارينا ديل لمن يلوننا من البيحصل فى البلد وكر كر علينا لو فى زول مات فى الجنوب اخ اخ اخ واحيى من الموت الكتر فى البلد دى. يوم جابو لينا خبر موت وداختى سكينه الوحدانى الما عندها غيروا ، قالوا مات فى الجنوب كر علينا كان يوم اسود متل السجم والرماد، والله العظيم ياولدى الاحمير ياجنا حشايا، الساعه بت المك جاتناضارب السكلى والعويل واتمرمطت فى تراب الله دا وقامت كدى يايمه ومسكتنى وحصنتني، بكينا جنس بكه فى الدنيا دى الله ورسوله يعلم بيهو. لكن يا ولدي الولد الانكتلىدا. ما كان متل ولدها جيمس ومرات يبيت اليومين والتلاته عندها فى الراكوبه، ياكل معاهم اكلتم حقت الشلك الطاعمه ديك السموها مناكيلو بعجنوها بالسمك والسمن البلدى الصافى الحلو داك . والرحوم كان كتير مرات يمرقها ليك فى سوق سته حق الحاج يوسف داك ويلقط ليك لي بت المك فى الشوالات ويجي يلماصبيان الحله جت عليهم ويقول ليهم : اسمعوا، الليله النفير فى راكوبة بت المك ، عايزين نظبط ليها الراكوبة ، اها يا ولدي والله الصبيان يقعدو يلتقوا ويركبوا ويفرتقوا اليوم كلوا الراكوبه قبال جيت الخريف . لكن ياحني حشاي، هى بت المك عاد مابت السرور ، بت قبايل وماليا هدوما، اقعد تسويلهم العصيده بملاح التمليكة والشطه النيركه البجبوها اهلها من بلدهم فشوده،لكن الشطة دي حاره حرورية متل شمش الخرتوم دى . وانا زاتى سكينه دا بقوم كدي وارمى لى قراصه قراصتين وأشيل لي تمره تمرتين من تمرنا حق دنقلا الاحمر داك ، واشيل الودع حقى وامشي ليهاونقعد فى الحصيره انا وهى بعد الويلدات ياكلو وارمى ليها الودع واقول ليها شفتى يابت امى الودعه الوقعت طرف دى فيها الخير والبركه والسلام خلاص قرب فى السكه، والودعة التانيه الب جمبها دي محمداني انادي شايفة احمد ود خالى الفى السعوديه بفكر يرسلينا حبه قريشات ، يا حليلو جني حشاي ، ماهو عارف بى حالنا والعلينا ، المسكين ، عارفاهو أنا مامبسوط فى السعوديه ولسه بجابد جالى وبجاى من ناس الكشه الفى السعوديه البخوموا الناس الما عندهمالاقامه . دحين،انتى زاتك يابت المك ماخبراهو زين، احمد ود خالى قبل ما يجرى من البلد دى ماكان حالو حال الملوك وحال السرور، مبسوط اخر بسطه يا بت امي فى ورشتو الفى السجانه وفى امانة الله عايش من الخير حق الورشه قبل ما يلمو فيه ناس الحكومه الشحادين الكتار ديل ،مسكو فيه ادفع الذكاة والضرايب -يضربهم الضريب شقاق العناقريب بركه النبى محمد- وناس الجاهد والبوسنه والهرسك-انتى يابت المك خابره حاجه عن ناس الهرسك ديل...؟ ترد ليها بت المك :برى ياسكينه اختى اختك شلكاويه من البلد،اهالى ساكت متل مابقولو اخوانى القاعدين فى ملاكال الدرسوا الجامعات والله انا وانتى ياسكينه مافي بينا فرق كبير فى فلهمت اولاد البندر وهسه ياسكينه يا اختي بعد مرات مرات لمن تركبى المواصلات ومعاكى بنات اهلك الدناقله وتكونو ماشات الاسبتاليه وتقولوا كدي تاخدو راحتمك فى النضمى برطانة الدناقلة ما بتحسي اولادكم بتاعين الخرتوم ديل بكونو عاوزين يموتو من المغص عشان بترطنو رطانة دناقله فوق البص؟ اجى كيفن ما بحس بيهم يا اختي وعارفاهم ويلداتنا الفى الخرتوم ديل بشوفونا ناس اهالى متخلفين ساكت يا اختي اسكتي ساكت وليدات اهلك واهلى وبعدين يابت المك هسي الوليدات ديل العلام الاتعلمو فى الحشيان البسموها جامعات قال دى حركاتهم ونظراتهم لينا صحى دى نظرات ناسا متعلمين يابت امى وياهو انا سكينه دى والله ،يا بت المك الواحدلازم بمرق الذمة قبل يجيهوالموت ، انا دى مش بقول علينا انحنا عرب وكلام متل دا انا قاعده فى الخرطوم دى من قبل خمسه وتلاتين سنه مما عرسته المرحوم راجلى الكان بشتغل صنايعى مكنيكى فى الوابرات التمشى من كوستى لجوبا زمن الدنيا كانت بخير ويجينى كدى يايمه شايله الخير والبركه (منقه وفافاى وقصب السكر والدليب والسمنه حقت اهلك الشلك الريحتو اقوي من ريحةالخمره والصندل ، ويجيب معاهو خروف خروفين من خرفان حته قال لى اسمها ييي ولا منقلا ماخابرة الزمن طول شفتى كيف يابت المك يابت امى) وكان ماالحرب دورت فى الجنوب ما كان ياهو قام مرقا فى الخليج ، واهاهناك لمه ليك فيه الضغط والسكرى وجاب لينااجلو قبال يومو، أحييي نقول شنو بس قسمه ربناوارادته، واها فضلتا انا و وليداتى الاربعه الله يخضر ضراهم واتعصرتا عصرة السواد من الظروف الصعبه فى الخرطوم ، البركه فى دكان الشاى والقهوه الفى سوق الحاج يوسف ياهو الفضل لينا بنترزق منو شوية شوية لامن ماولدى حسن يتخرج من الجامعه -الله يحسن ليه دنيا واخره بركه صلاتي الكل يوم دى وبركة سورة البقره البقراها فيهم كل يوم والاربعه الحفظتهم من خلوه الفكى ابكر الفلاتى الجانا من وين _علمى علمك_ فى دنقلا وبقي واحد من اهل الحلة وناسها -وبتى حنان بطرا مرات مرات بمرقه من المدرسه عشان تساعدنى فى دكان القهوه مسكينه تعبانه معاى فى الخدمه الما بتنتهي دي -الله يا يمة يعرس ليها ود الحلال- وعشان ما انسيكى بدايه الونسه عن اولادنا البختشوا ويتحسسوا من كلامنا البي الرطانه فى المواصلات اها انا دى سكينه الدنقلاوية دى لسه وبعد السنين دى كلها قعاد فى خرطوم السجم والرماد دى والله يابت المك لمن اقول دايره انده لى بتى حنان دى بناديها ذى منداتى لصبيان الرجال وبدل اقول ليها( تعالى) ياحنان بقول ليه (تعال) ياحنان برضو بقول ليها(انتا)ياحنان بدل (انتى)ياحنان والله غلبنى تب اتعلم كلوجه اللسان وارطن ذى رطانه اولادنا العرب التعبانين يكوجنوا فى كلامهم ويعوجوا في لسانهم وبعد دا متمحنين فى كيفن يقولو(التاء)تمساح و(الجا)جهاد. ناس مجانين ساكت ناس الخرطوم المتفلهمين ديل يازوله وحاة الله انا دي ماشغاله بيهم الشغله اكلوج لسانى وارطن ذى ماالله خلق لى لسانى ماياهو لسان حبوباتى وجدودى وهسه انتى وانا كان رحنا ليهم فى تلفزيونهم المسيخ دا وسالناهم من جدودنا وحبوباتنا والله العظيم ووحات كجور اهلك ووحات نصاره الشمال ونصارتكم فى الجنوب نلاقاهم ما عارفين السجم والكوع من البوع ناس الخرطوم البوم ديل،وهم فاضين لينا من جنس الحاجات والافكار الجابوها من مصر ومن ايران ولبنان وسوريا، الادوها للوليدات فى المدراس والجامعات الهسه بيتشاكلو ويضاربو ويطاعنو بالسكاكين ويتفالقو بالعكاكيز والحجار والطوب . واحدين يا بت امي يقعدو بالسنين والدنين فى الجامعه مادايرين يمرقو منها ويشوفو ليهم شغله تنفعهم وتنفع اهلهم التعبانين من الصرف، والله ياختى سكينه لو جيتى للجد خليهم في حالهم وخلينا فى الودع حقنا دا نورينا الحاجات البتحصل بكره كان عرس ولا كان قروش جايه من بره ولاكان اتفاق سلام يبرد ليناالوجع الفى قلوبنا والبكا والبكيات الكترت علينا دي . شوف يااختى سكينه اقلك كلام ناس اخوان ضاقو الحلوه والمره ، وانتى عارفنى بسوى المريسه عشان وليداتى مايموتوا من الجوع وشحدوا في الشوارع ولا ياكلوا من الكوشة، ودخلت بي سبب المريسه دي كل سجون الخرتوم دى كان سجن امدرمان ولا الجريف ولا كوبر ولابورسودان لمن كنت فى بورسودان شفتي كيف؟ انا بت المك دى وانتى بت الدناقلة لازم نعرفوا ونفهمو انو انحننا نسوان اصيلات وبنات قبائل ورطانيات كمان ذى نخرينهم ابان قدتين وعيونهم الاتنين وكرعينهم الاتنين ولسانهم الواحد المتل لسانا رغم البوبار بتاعهم حق السياسه، انا وانتى ناس واحد و حنفضل ناس واحد لانو انا سمتعه انو بلدنا دى ماشه فى سكه كعبه ماكويسه واحتمال يقطعوها متل قطيع الصقر الكلدنق للفطيسه ومتل سنون المرفعين لبقرنا لما يلقاهم بره اللوك -الزريبة- ومافى زول بشوفهم ، يا سكينة، حتى كان كلام دا بقي انحنا برضو حنكون اخوان ونحترم بعض وانا بت المك دى بعرف من سنين لما جيت جاريه من الموت فى الجنوب وسكنت جمبك وعرفته اهلك وانتى عرفتى شوية من اهلى وتقاسمنا المره والحلوه واكلتى المنايكلو واكلتا قراصتكم بملاح التقليه قسمتى لى من بلحكم واتشاحدنا(حب الفحم والطايوق والدوكه والقرقريبه وحبه الملح والسكر والزيت والصلصه والكسبره وبصل المكاده) واى حاجه كانت حقتك برضو ذى حقتى وحاجتى حاجتك. لكن يا اختي كان الشينه وقعت وحصل البدور السياسين يسوهوا فى بلدنا دي انا وانت يا اختي برضوا بنتقابل ونزور بعض وحتى كان بي تلفون برضو انتى من الخرطوم وانا من الرنك نتونس فى ودعنا دا. وعشان مانكون ذى الناس الكضابين انتى بكره ياسكينه يا بت امي جيبى معاكى المصحف حقك وانا بت المك بقعد جمب الكجور حقى ونحلف صادقين انو مانتفرق مهما كانت الاسباب والمشاكل حق السياسة بتاعت البلد المجنون دا. خلاص يابت المك بكره نحلف ونرمى الودع انشاء الله مايجى يوم فراغنا بعد العشره الطويله يابت امى. خلاص فتك بى عافيه يا بت المك انروح أعوس لى طرقات واحمر بصلات كدي واسوي لي سخينه ساعة الغدا قربت . وتقول بيت المك لي جارتها: يا سكينة يا اختي سخينة شنو الكتلتى بيها مصارين ناس البيت استني اديكى من شرموط الصيد الجابو اخوى اوبج سواق عربية محافظ الرنك كان قبل يومين هنا. ترد سكينة : معقوله يابت المك اوبج يجى بيتك ومايقول سلام لى ناس بيتى اصلوا مابصدقك يكون جى وماجانى يشرب شاى النعنان حقى البعجبوا داك. ترد بت المك : يا سكينه ما طالباني حليف ، ود دي قدر ماحنستو عشان يقشاكى فى البيت ولا فى الدكان ياختى قعد يقول هو مستعجل وقال المحافظ هايم اليوم كلو من وزارة لوزارة ومن بيت عزومة لبيت عزومة بتاعت المسؤلين المرطبين ديل. خلاص يا سكينة يا اختي امشى سوى ليكى ملاح شرموط مظبوط للعيال ديل وماتنسى بكره اكان فضل شوية تجيى لى صحن من عند باقى سمنه فى القزازه حقت المره الفاتت عشان نضرب بمزاج ونرمى الودع وما تقولى لى اخوكى السكران عثمان جى ضارب ووقع فى الحله بعد مع الناس نامو ولانسيتى تختى الحله فى المشلعيب والكديسه برة عملت عمايلو المعروف واكل ملاح شرموط حق لحم الصيد اها ودعتك الله لى بكره. اقيفى اقيفى ياسكينه . مالك يابت المك فى شنو تانى جابو ليكى من الرنك وما اديتنى منو؟ حاجه شنو يا بت امي انتى ماسامعة الكواريك والثكلي الوراء بيتنا دا.؟ اى سمعته ووب ووب ووب علي يا بت امي كرررر علينا ، خلاص بكون دا ود ناس حاجه الرضيه، اتخرج الاسبوع الفات من الدفاع الشعبى خلاص بكون مات ولحق امات طه سا بت المك ، اللبسى الللاوى حقك ومدى لى طرحتى ديك قربتا انساها. وووب وووب عليك يا الصغير الليله ، يا الما ضقتا الحنة ولا الضريرة ، ووووب علي امك ياالوحيد الما عندهاغيرك الما شافت جديدك احححححححححححي يا ولدي عليك وعلي ميتك . وبنستمر ... لسه ما انتهينا... ونرجع بعد ما أشرب شاى الصباح ... وعلى الفاطرينا مراعاة فروق الوقت بين مونتريال الكنديه الثلجيه والخرطوم العربيه المولعة.

---

Post: #160 Title: Re: خستكات جنوبيين في الشمال... Author: محسن طه Date: 04-26-2008, 00:44 AM Parent: #158 الحلقه التانيه لحوار الجنوبى والشمالى حول التعريب فى السودان. ش:سلام عليك يادكتور والتر كيفك وكيف الاحوال والظروف؟. ج:والله ياهو بس لسه سابتين فى الجامعه دا. ش:المهم يازول احمد ربك لانك لسه قاعد فى الجامعه وما وديناك التوج حق الصالح العام. ج:الحمد لله والبركه فيك برضو وناسك شكلهم بشوفوك قاعد تجى مكتب حقى اشان دا اظنهم ماودونى التوج حقكم ،ودا حاجه دووج -كويس- بكلام شلك. ش:ياخى معقوله يحصل ليك كلام ذى دا وانا قاعد فى الحكومه دى، يازول اطمئن وماتشيل هم اخوك فى صفك. ج:واحد كيف مايخاف منكم وفى اخوانه كتار وعلم حقهم جابو من اروبا وامريكا وبعد دا كلو جدعتوهم بره فى الشارع؟. ش:يعنى ماعارف الناس ديل انحنا زقلناهم بره بسبب شنو ، و شنو المساخه المستقبلنى بيه دى؟. ج:هو صحى سبب شنو كان سالتك والله انا ماعارف حاجه بطال عملوهو ناس اخوان دكاتره فى الجامعات علشان يطردوهم بطريقه بايخ الاسمو صالح عام العملتو دا؟. ش:ياخى انت عارف الناس ديل شيوعين وكافرين، مالك شكلك مابى ونستى الليله؟. ج:لا لا ما ابيت ونسه حقك، لكن الناس الدكاتره الفى الجامعات سودانيه دا ماكلوهم شيوعين يا اكوى، انا بعرف فيهم ناس حزب امه واتحادين ومستقلين و تانين ناس ساكت اساتذة جامعيين (اكاديميك) بس ولا كمان عشان بس بقعدوا فى نادى الاساتذه مع ناس الشيوعين ياهو برضو كشيتوهم مع ناس المكشوشين ، وبعدين ناس بتاع امه واتحادى ديل برضو فى نظركم شيوعين كفار..؟. ج:اسمع يادكتور اختصارا للكلام المعقد ، الناس الشايفهم ما شيوعين وقلت امه واتحادى ديل هسه جروا بره السودان واتحالفو مع حركه التمرد وعملو ليهم حاجه سجمانه كدا اسمها التجمع الديمقراطى وانت عشان زول مسكين على الرغم من انك استاذ علوم سياسيه لكن ماقادر تفهم الناس البتقول عليهم ديل القاطرنهم فى التجمع الشيطانى دا الشيوعين وحركه الخوارج،الكلام البقولو ليك دا ياهو السياسه مش القاعد تقراها وتدرسها لطلبه فى الجامعه يادكتور يامحترم. ج:اوكى اوكى براحه يادكتور ما تنفعل فى كلام و ونسه فارغ ذى بنقول فيه دا، وخلاص كدي خلينا نرجع نشوف الكلام بتاع التعريب المره الفات ما انتهينا منو داك متذكرو، ؟ وانا شايف احسن نحنا نركز فى مواضيع علميه بخص وليدات بتاع مستقبل فى السودان ولاشنو؟. ش:عليك نور يابنج دا الكلام البخلينى اجيك كل مره، مش تسد نفس الواحد بكلام عن الخونه والمارقين والشيوعين الضلاليين واصحابهم المنافقين؟. انت متذكر هسي اخر مره وقفنا وين من الحوار الموضوعى حقنا حول العربنه -اقصد- التعريب؟. ج:اوف كورس -طبعا- عارف كويس وقفنا وين مرة الفات ، وقفنا فى انو مشروع حقكم الحضارى ماممكن تشرحو لى فى جلسه واحد؟. ش:صاح صاح، لكن انسى المشروع الحضارى الليله نتكلم فوقو مره تانيه انشاء الله وبعداك فى واحد من اخوانا متخصص علميا فى المشروع الحضارى، والزول دا دراساتو العلميه كلها بره السودان ومع الخواجات وكان داير يشرحو ليك بالعربى ماعندو مشلكه وبالفرنسى اسكت ساكت جان بول ساتر شنو وبتاع منو يجى بي جمبوا، وكان جيت للانجليزى البتفلهمو بيهو الاخوه الجنوبين امشى اسال عنوا صحبانكم المتكبرين على الفاضى الامريكان عشان تآمنو بالرساله والله واحد، وانا كلمتوا عنك كتير يعلم الله وقلت ليه اخونا الجنوبى شكلوا عاجباهو الفكره حقتنا بتاعت الثوره الحضاريه الا بس محتاج لى لكزه علميه جامده منك، المهم يوم بسوقك نتغدى عندوا ومره واحدة اتحل منك ومن أسئلتك المرات مسيخه دى ويمكن الحظ يساعدك ويجدعك فى واحده من الوزارات المخصصه للاخوه الجنوبين ، مين عارف وعاد هو كان انبسط منك ماخلاص انفتحت عليك دنيا واخره ياود الخاله.. ج:ياشيخ خلينى من وزارت مخصص لجنوبين، دا كلام فرغ ساكت غير وجع راسك مامنو فايده وانا عندى تجربه فى الاستزوار مع حكومات بتاع شمالين دا كلو(بولشيت) ذى الزفت والزفت احسن منو زاتو، واخوك كان ماربنا ستر واتخارج منو كنت بقيت اكبر حرامى بسبب الناس الكتير قاعدين فى البيت ودايرين فطور وغدا وعشاء وحق مواصلات وحق ناس عيانين جاين من بلد وكمان بقى عندنا واحدين دخلتوهم الاسلام ديل برضو عاوزين قروش بتاع الحج ، غير الناس البكون مستنين جنب باب الوزاره ، والجلابه الكتار العايزين تصاديق وكوتات بتاع الجنوب. يازول احسن نقعد فى الجامعه كان ماطردونا بعد عمر الطويل فى التدريس ذى اى كلب فى الشارع، هو ياخ الشارع دا شايل شماشه علشان تزيدوه ناس من جامعات كان ما دا بلد حق ناس مجانين سامبلا ساكت؟. آآآه كدي يا اكوي اوكى، نرجع لي موضوع بتاعك دا ، قلت لى شنو وليه التعريب فى مؤسسات التعليم..؟. ش:ايوه ذكرتني ، شوف قبل ما أخش ليك فى جدلياته المختلفه انت لازم تفهم حاجه واحده بس فى موضوع التعريب انو نحن كعرب، العلم دا اصلا بتاعنا قبل ما الاوربين المتصلبطين ديل يعملوهو حقهم كويس معاك، وانحنا كنا اصحاب السبق والريادة فى كافه المجالات العلميه والوكت داك اوربا الاستعمارية دى كانت نايمه نومة اهل الهكف وفى الظلمات والجهل كمان ،تقول لى شنو وشنو، وذى مافى مثل بقول بضاعتنا ووردت الينا ، انحنا فى السودان عاوزين نرجع العالم انو يحترمنا كعرب وكناس اصحاب علم، رايك شنو فى الحته دى؟. ج:والله يادوب الواحد فهم ليه قلت لى دا كلام كبار كبار داير ونسات كتير معاك ، لكن كيف تقدرو تعملوا الكلام دا وانا شميت فى كلام انكم كنتم اصحاب حضاره علميه يعنى فى الماضى ما الحاضر صح؟. ش:ايوه صح ، دا بتم بتمكين الوليدات من النظريات العلميه؟. ج: وبياتو للغه تمكنوهم علميا؟. ش:باللغه العربيه طبعا انت قايل انحنا بنهظر فى مشروعنا الحضارى ولا شنو فهمك..؟. ج:يازول انا عارفكم ناس حماسيين فى مساله تاع مشاريعكم الحضاريه دا، لكن انالسه محتاج شويه شرح وتوضيح اكتر لو سمحت يعني؟. ش:ياخ ما تقلق انشاء الله حتفهم شويه شويه يوم بعد يوم حا تفهم، لكن هسه مافى وكت مواعيد الصلاه جات ولازم اجري احصل ، لكن المهم نواصل بكره حواراتنا العلميه ، اوكى يابنج ...؟. ج:اوكى يا اكوي ، مافى مشكله انا ياهو قاعد راجيك لنهايه يادكتور..!!o الي اللقاء في الحلقة الجاية وخليكم معانا :[/B]

---

Post: #161 Title: Re: خستكات جنوبيين في الشمال... Author: وانجا Date: 04-26-2008, 09:45 PM Parent: #160 شفت القصة لا نهائية كيف يا محسن ..؟ حتّى الْنحل بيعانى من الشوك ...

---

Post: #162 Title: Re: خستكات جنوبيين في الشمال... Author: محسن طه Date: 04-27-2008, 04:10 AM Parent: #161 ناسف عن انقطاع التيار الكهربائي عن برنامج فى الواجهه الساخنة حول التعريب فى مؤسسات تعليم الاهالى والفارات من قبل كدايس الحله الهجمو باسنانهم السنينة السامة واظافرهم الزي سنة حبوبه كاجى ( الفاخره) الزقلوها فى بحر ابيض وازرق فى يوم من الايام التى وسوس الملاك المبعوث من السماء على طايوق الرئيس اب سن فيل - وتسلم اب سن اخوى يادراج المحن وقادر الله على محن الزمن - . يقال ان الامطار قد هطلت فى الخرطوم على غير عادة الفصول والفول واخرجت الواطه اثقالها من وفود ايران وافغانستان وباكستان ولبنان ، وكل الدول الاخرها نون حرف الجنون ديك ،واماكن اخرى لايسمح الوقت والمقام والمقال بذكرها. ولكن قد اكد مصدر كان شاهد ملك بان الدول الاخرى التى لم يتم ذكرها هى الدول التى لا تسمح قوانينها للنسوان بقياده اللورى دنقص وحتى ولو كانو من بيت ناس عمارة دنقس ، فعلى النسوان دنقيس رؤسهم عند مرور الرئيس اب سن فيل. ويروي انهم ذهبوا مباشرة من مطار الخرتوم الدولى راسا الى مسجد القياده الغاتمه وليست العامه . للاستماع الى الرئس اب سن فيل وهو يتلو معجزات الزمان بعد انتهاء عصر المعجزات - وحلو الكلام من قدوم سيدو- وكانت المفاجاه عظيمه لزعماء قريش المتشككين والمشركين عندما تلى الرئيس اب سن فيل المعجزه التى تضمنت بعض المديح والثناء على آلهة عرب الجاهليه فهلل وفرح زعماء قريش بهذا الكلام الجميل عن آلهتهم الوثنيه ودخلو افواجا بعد سماع هذه المعجزه من المنافقين والمنافقات، مما ادى الى شكوك الرئس اب سن فيل عندما راى دخول المنافقين من زعماء قريش. الا انه تراجع بعد ان بلغ من السن عتيا ووسوس لبعض المؤرخين المتخصصين فى الروايات الشفاهيه سرا وليست جهرا كما يفترض الكافرون اولاد جون من الخواجات النصرانيين حسب فهمهم لعلوم الواطه واسرارها وجبالها وانهارها ، وقال لهم وهو فى مرحله خطيره من سنه التى يشاهد فيها تساقط بعض اسنان الفيل ، بان ماقاله فى ذلك اليوم ليس صحيح وانه لم يكن متاكد وواثق من ان هذه المعجزه قد اتى له بها الملاك ، ومن المرجح حسب قوله للمؤرخين الذين يدونون قوالات سن الخرف بان الشيطان هو الذى اتى بها اليه وهو يطلب الان من المؤرخين ان يسمو كتابه القادم بكتاب (معجزه الشيطان). ويقال ايضا ان هذا الكتاب فيه بعض السخط على صديق عمره الذي كان يضع كل ثقته فيه و الذى انتهز فرص غيابه عن البلاد فى رحلته التاريخيه لبلاد الشيطان الاكبر الولايات المدمرة المتحدة ، واعلن نفسه رئيس حكومه انتقاليه واطلق على نفسه لقب اب سن دهب وهو الاخر رغم اتفاق واحترام الناس له لمساعدتهم فى تخليص البلاد من الطاغيه المخلوع اب سن فيل الا ان بعض المتشككين يقولون انه ايضا كان حليف من حلافاء زعماء قريش من المنافقين الذين جاء الاسلام لتنويرهم الا انهم مازالو يمارسون عباده آلهتهم الجاهليه حتى الان فى مدن الاسمنت الخرطوميه التى سميت باسماء غريبه عن اصالة وتراثهم الوثنى الجاهلى العريق عراقه جبال النوبه واهرامات الكرمة وسلسه جبال بحر احمر ونهر كير الذى زبحت له الغرابين ونعت ببحر العرب وثمرة شجرة الهشاب ايضا قد طالتها رياح الحداثة الصحراوية ونعت بصمغ العرب. ولو ذهبنا الى بلاد شطة العرب - وهى من احر الشطوط شططا وشيطنة وشوشوه- وتفرسنا فى اسماء شوارعها وحاراتها فلن نجد شئ يذكر من بلاد توب السواد والزراق والزراف وسن الفيل واساور الذهب ؟؟؟؟؟؟؟،اسماء لها شنه ورنه مثل قرنق ومهدى ومرغنى ودقنه وترهاقه وبانخى وبادى ونمر ونقد وعلى الرغم من ان البص الثقافى هو مجرد بص ناقل من و الى وبالعكس ، ومن حى الملكيه جوبا الى حى دنقر شوفو بملكال وبالعكس اوكما قيل. وانشاء الله سنواصل الحوار يوم الاتنين - كان ما ادونا عين ولا سنه مضروبه فى نسبها الخمرى- . ولكن قبل اقلاعنا ، هاكم بعض من كلام العبيد اصحاب السنون الصفر الحلبو الناقه، ككرب الشحموطه ام ريش ،تريدى امك ولاابوك..؟ على الرغم من كلام شعر المقاولة - عفوا المقاومه - السمعتو اكتر من مره فى الخرطوم واحترمه جدا لكن يطرشنى عمرى ما سمعته زى كلام العبد الهاييتى الجبتو ليكم هنا دا. وكشفو شوفو العبيد لمن يكون عاوزين يجضمو الحاجه بجضموها زى العجب والفطور فى رمضان كيف وذى جضيم عمر كوبر الكان ساكن جمب مستشفى كوبر للمجانين والمصطولين لى شيخ حركه الخوارج الاسلاميه بعد المفاصله الشهيره بينهم بعد ما انتهت جركانه عرقى حبوبه كاجى وصحن سمك الصير، ومرقو من الدقش ووقفو فى الحته بين السلاح الطبى والمبنى المواجه قصر الشباب والرياضه البتبيع فيه حاجه شهروره ،الام فتفت وفتو ليك اخرهم هناك فتة السنين..امونه بت الجاك ماقلتو نوبة.اها شوفو العبد دا بجضم كيف الكلام فى دكان ود اب كومش...   __________________________________________________ (حي موزارت) فرانسيس باباي – 1929 أيتها الضرابة الشاهدة علي المنطق ... والتي ينتهي عندها الحياء، لنستعمل منطق المساومة ... فإنفتحي، وأسمحي بالمرور الي الملاح إلي الملاح المتعطش للجنس ... لقد كان منفياً شهراً بأكمله في المحيط البعيد ... أيتها الضرابة الشاهدة علي الدعارة تخفي الويسكي المقتني من السوق السوداء ... والذي يُعاد بيعه في سوق عصرية وأكثر سوادا... أيتها النزوة الساخرة في ليلة فاجرة ، إنفتحي وأسمحي بالمرور الي النائب الذي وظفوه لتنظيف مجلس النواب وغرفة العاهرة ... طويلة جداً هذه الأشهر التي عفرت جبيني بديون غير شريفة ... لكني لن أقو علي حل منفرد ... فمن صالح الأمة ، أن نشترك في مضاجعة هذه العاهرة... أيتها الضاربة الشاهدة علي الحيرة ، وعلي اسرار الدولة المكشوفة ... قولي ماذا رأيتِ في خيط الكحول المحظور ... في كأس الدهاق التي لا تنضب ... في اللية المخادعة التي يدفعون فيها للجنس ..؟! لقد رأيت الملاح بدون امرأة علي الشاطئ يطفح بالحقد ، ضد البحر الشاسع ويقسم أ، ليس في السباحة عبر الأمواج الزرقاء والرمادية مغامرة لرجل وحيد أضطر الي أن يدفع ليشرب ، ويمارس الجنس وإنصرف نادماً... للمسه الأرض مرة أخري ليسلب من ماله ... أقسم بإيمان الملاح ... أنني لن استسلم للإغراء ... لقد رأيت زوج ماجي يسلب منها كل نقودها التي كسبتها في ليلة تصارعت فيها الأجساد بشدة... وبعد المعركة كنت أحسب الموتي ... رأيت رجل الشارع يدخل وكذلك العامل والبيروقراطي والذي له أو ليس له قيمة ... لقد جاءوا في مساء ما ورجعوا ثانية ... وكان الوزير يلوم نائب مجلس النواب لأنه بحث عن اللذة في نفس الثقب ... ستحكي لي كثيراً عن أن الناس هناك مشوشون بشكل ما ... قل لهم بأنهم يسعون وراء رأس المال فيشرعون في تمجيد الشيوعية ، لكن حدثهم عن الأوراق الإشتراكية وعن حي موزارت ... فسيرمونك في السجن حتي يمنعوك من إستعمال المتاع الوطني ... ولكن انت تعلم أيها الرجل ، تعلم جيداً أن هذا الحي المملوء بالدناءة ليلاً هو نفس الحي الذي يقود البلاد نهاراً. la poesie nigger africaine-anthologie

---

Post: #163 Title: Re: خستكات جنوبيين في الشمال... Author: محسن طه Date: 04-27-2008, 07:25 PM Parent: #162

---

Post: #164 Title: Re: خستكات جنوبيين في الشمال... Author: محسن طه Date: 04-28-2008, 11:56 PM Parent: #163 نواصل فى جزء من حوار الاخو الجنوبى والشقيق الشمالى عن التعريب. ج: كان قاعد فى مكتبو بجامعه الخرتوم وبشرب بمزاج ومن غير عجاج قهوه حاجه بتول- حاجة بتول البتعول فى بيتها اسره مكونه من بنات اخوها الانقرض فى حادث حركه اليم لمن كان بقطع شارع زلط المعونة، كان ماشي يشتري ليهو شوية طماطم واسود وبصل من ملجه شمبات فى الاسبوع التانى من شهره رمضان حوالى الساعه خمسه مساء ، وداالوكت البموت فيه كميه من خلق الله بسبب السواقه بتهور واهمال ، وكلو عشان ياكلوا ليهم تمرة فى المعدة وبعدها وسفه فى الشلوفة في فطور رمضان - البخلي الناس يموتوا زي الضان ، فى حراره الخرتوم المزعجه لناس فاطرين خليك لناس صائمين -والدين يسر وليس عسر-وزيادة علي كدا اولادهاالخمسه العاطلين او المعطلين عن العمل -والاعمال بنيات اصحاب العمل- العايشين على ضراعها وعلي بيع القهوه بالجنزبيل -وناس بلدنا حافيه وعريانه بسبب عمايل اولاد ود ام حضاره المسطولين و الغير نبيلين مع انفسهم اولا ، والتانين يروحو فى غضب الله عبد الناشف - واحيانا و فى اغلب الاوكات تتعرض للهوان والبشتنه المخصوصه لنسوان السودان ممن يطلقون على انفسهم وكلاء الله فى الارض ،وواجبهم كما يؤمنون كنس الوساخه المتل حاجه بتول وغيرها من نسوان اجبرتهم الدنيا ام دبر -جروح- للعمل فى مهن افساد الذوق العام بتاسيسهم لشرطة الذل العام، ووين الكلام دا قايلن..؟ فى بلاد علم الفصاحه والبيان و الكلام.. وعشان شنو تفتكرو...؟ لاخراس العوام عن الكلام. وقد ورد فى سفر التلوين والنحاتين الذين يقومون بصنع الاصنام والاوثان بان لعنة الرب قد تحل فى بلد يكثر فيها الكلام ويقل فيها العمل، وفى العمل تكثر الفضيله، ويبعد عن اهلها ثلاثه شرور (المسخره وقله الادب والتسول) ومن منو قايلين ..؟! من الناس الزى الناس -الخره- المعفنين والهارين والبايلين على وش الناس البسيطين الكادحين والمطحونين طحين عيش الفتريته فى الفندك والمرحاكه، الذين لم يستطع الفناء الخالد على مهمة عربجتهم وتصحيرهم وتجفيفهم وتعليبهم اذا سمح لى المطعم -المقام- باستدعاء عباره الشاعر السورى سليم بركات فى احدى مقالته التى كان ينشرها بجريده الحياه اللندنيه تحت عنوان ( نكبه العقل) عندما ذكر على ممازحا أستاذه بانه كردي الاصل فقال له الاستاذ السورى : ان كنت تشعر بانك كردى فعد الى تركيا،(بتصرف من عندى)وليس فيهم من يحلموا فى سرهم أو فى ضلام الليل بان يقولو ارحلو الى صحاريكم العربجيه وسنتكفل نحن بمسرح لن نخرج منه قط ،مستعيدين اسماء حجارتنا واوثاننا وطواطمنا وكجورنا وخرافاتنا واساطيرنا، وهل يمكنهم الحلم عكس ذلك وليس هنالك شئ فى تراثهم الوثنى الغير مكتوب والشفهى المحفوظ لافى لوح ولا كراس بل متوطن فى صدور امهاتهم وابائهم جيل بعد جيل ما يمكن ان يعلمهم الشجار حول الله يوما والى يوم الدين ،ياناس الدين. والفهم والعلم قسم ياعينيا وقسمه وارادتنا والظروف مسخرتنا وبشتنتنا. نرجع للموضع ... المهم صحابنا الدكتور الجنوبى قاعد يشرب القهوة وبسمع شريط مزيكة كقت بناتنا البقولوا ليهم خدم امدرمان وخدم الديوم وخدم حي الضباط ومايو الي آخر لستة مناطق اخواتنا الفنانات ومطربات السباتة - تخفيفا- البحبوهو وبطربوا ليهو ناس الهجيج والطرب تحت تحت فى ارقي وأغني العايلات يامان ، اها صاحبنا الأستاذ الجنوبي كان بسمع في غنية ال-جب جب ، ورب رب، والنبق النبق،النمل النمل،النحل النحل. والساعه خمسه انا انا يا حبيب ما تنسى مواعيدنااناانا، ياحبيب يلاكا نرقص الكنداكة أنا أنا ونندس في محل يوم داكا انا انا. و ناس صلاح بوبار يا يمه سكنو بيت جالوص الايجار يايمه، وطاخ طاخ ضربوا الرصاص يا يمة. وكمان بختى بختى انشاء الله راجل اختي يايمه. حنانة النسا اهلو ما نسانا الليل وسايقه الكرسيده وعامل السمح سيدا ااااايه . سجل لى عرباتك وب على انا وكمان كريناتك ما انت العسل الزاتك كر علي انا..سجل لي موبايلك عشان اعرف عمايلك ووب علي أنا. تعيش السودانيه فب البلد اللامة الاجنبيه كر علينا، وتعيش السعودية اللامة العواطلية. جب جب كب كب رب رب- تاررررا وراااا، . وفجاءه دخل عليه الزميل الحضارى لمواصلة شروح كراريس الحضاره الحتكون بنية وضربه يمين حتنتهي ليك من وش الفكى فوكوياما المتعجرف ،امااليد ليسار لاتصلح الا لقطع الحاجه فى الخلاء تعف النفس عن ذكرها ،وما علينا. ش: شنو يادكتور شكلك مرطب كدا ، ودا شنو البتسمعوا فيه دا كمان والله العظيم بالغت عديل في دي يا دكتور؟. ج: يازول لامرطب ولاحاجه ، قاعد مستنيك بفارق صبر عشان نعرف آخر شمارتكم لحضارة بلدنا دا، بعدين والله انا بالغت في شنو يادكتور مزيكا بسمعو دا انا لقيتو فى البيت جابو عيالنا الولدوهم فى الخرتوم دا، وبعدين والواحد كمربى لازم يعرف الوليدات قاعدين يعملوا فى شنو ساعه نحنا مافي في البيت لا كيف يا اخوي؟؟. ش: طبعا طبعا احتمال معاك حق فى دى ،لكن احيانا الظروف والملابسات بتجيب الكلام فى محلو، وهسه واحده من اخطر مهام المشروع الحضارى اللحدى هسه مخك ماقادر يستوعبو،هي الاغانى الانتا بتسمع فيها دى ، اها الأغاني دي واحده من مراحل الانحطاط الاخلاقى والتردي الفكرى الجينا نحنا عشان نقضي عليه فى البلد الموبؤة بالموبغات والفساد القيمي من قبل ابناء وبنات المنحطين فكريا وقيميا ديل شفته شنو؟ والجواب زي ما بيقول المثل السودانى يادكتور بكفيك عنوانه ولا بحتاج شرح وتفسير كثير من ابن كثير شايف كيف؟. ج: يا دكتور كدى قول باسم الله مالك مسخن كدا، كلام دا كلوا عشان المزيكا دى؟ ياخوى دا ما كلام نسوان سامبلا ساكت، انا ماشايف حاجة بطال فوقوا ياخ .. بعدين ممكن تتعامل معاهو كفلكلور ذى فلكلورنا الشعبى الفاكرنو محنط ومنحط حسب نظرات الجماعه العلمانيين فى الغرب، خليك منهم ومنكم انتو ديل كمان، واقول ليك حاجه ماتزعل منو،النسوان فى اى ثقافه ولا اى حضاره ماعارف هم ياهو بكونو عارفين اكتر من الرجال عن المشاكل الاجتماعيه الحاصل فى المجتمع والرجال كانوا حسب ما قريناهو فى التواريخ القديمه هم ياهو بمشو للصيد والحرب، والنسوان ياهو بكونو قاعدات فى الحله مع الوليدات عشان كدا بعرفو اى صغير وكبير فوقو، وحتى الرجال لمن يرجعوا من الصيد ولا من شكلة مع ناس بتاع ثقافات تانيه حول اسباب تافه وكلو بسب انانيه حق البشر دا ،وبسبب حاجات هم بيعتقدو فيه، مش بسبب حاجات هم عارفنوه فى راسهم الما فوقو طايوق دا، بجو يقعدوا تحت الشجر بعد النسوان يعملوا ليهم اكل وياكلوا بعد داك بشربو المريسه مع غناين و يمكن بكونو كمان بفكروا زاتو كيف كلو واحد يكون عندوا خمسه ولا عشره نسوان وكيف هم يبنوا لي نسوان دا قطيات، كمان مرات كدي بكونوا بخطط لي شكلة في محل تاني، فتفتكر ناس ذى دا مشغولين فى شكلات مع ناس تانين وصيد وشراب المريسه والتفكير فى النسوان بكون عندهم وكت عشان يعرفوا مجتمع دا ماشى كيف ولا كيف..؟ بعدين يا دكتور ياخ نسوان ديل منو هم، ما ياهو امى وامك واختى واختك المستعدين ياكلو النار مع اسد ولامرفعين و لا نمر زاتو كان عاوز ياكل وليداتهم، وانت كدى شوف كويس الجدادة المرة لمن بيكون عندو سواسيو صغير شوف بعمل شكل مع الصقر الحدية العايزة يختف سواسيو بتاعها شفتا كيف...؟ خليك من المرة بتاع بشر، احسن ياخوى نفكر براحه لما نسوان يعملو حاجه زي غنية ولا زي اي حاجة تاني ، أحسن نحنا نشوف شنو الكويس عشان نخليه وشنو البطال عشان نجدعو بره المجتمع، ودا كلام ماحق ناس بوليس ولا شغل بتاع ناس جيش دى شغل بتاع ناس زيي وزيك مدرسين ومعلمين ولا كيف يامعلم..؟ بوليس شغل بتاعو معروف مامحتاج كلام كتير انو يكون مافى جريمه ومافى زول يقتل ناس سامبلا ساكت و بدون سبب ، اوالحراميه البشيلو حق ناس مساكين وانا دا ماشايف نسوان شالو دلوكه وقاعدين يغنو دا جريمه ونساوين ديل ماشيلين سكاكين وقالو عايزات يقتلو زول، بعدين وفى المجتمع بتاع خواجات القرينا فيه انت وانا كلام وغنا بعملو نسوان اسمو آرت -فنون- وانت عارف دا كويس شنو بخليك تعمل جنون على نسوان فى السودان هسه، شنو سبب يادكتور انت زول تربوى ومعلم؟؟؟. ش: لا حوله و لا قوه هسه الكلام الكتير دا كلو عشان قلت ليك دا غناء هابط ومنحط والبغنو منحطين وهابطين ؟ ولا انت عاوز ليك سبلة ساكت و داير تزوغ من كلامنا عن مشروعنا الحضارى بعقلانيه وموضوعيه؟. ج: يادكتور وياصحبى موضوعيه وعقلانيه دا كلامات فى كتب المليان تراب فى مكتبه (المين)الكبيره حق جامعه بسبب العيال والوليدات هنا فى الحوش الكبير القاعدين تسموا بالكضب جامعه دا وبقو مافاضين وماعندهم وكت عشان ينفضو التراب من الكتب الممكن يعلمهم الموضوعيه والعقلانيه الطاير ليك فى راسك المصلع دا..؟. ش: والله شكلك عاوز تفز وتجرى لحركه الخوارج حقتكم دى مالك شابكنى راسك مصلع وكمان طايره منو الموضوعيه والعقلانيه كان دا ما كلام وطريقه بتاعت زول عاوز يخون الزماله والعشره فى الجامعه..؟واكى طلع لى اخرك انت كمان هو اصلا ماعندكم امان وعشره واقل قرصه صغيره فى اضانكم تقومو جارين الغابه وتفرقو فى شنو انتو من الحيوانات الفى الغابه والله العظيم ماتفرقو فى حاجه منهم كان ما الدراسه الدرسناها ليكم بلافايده؟. ج: انتو ناس منو؟ ش: انحنا اولاد البلد دى، مالك ناسى ولا حاجه..؟ ج: انسى كيف وعندنا مثل بقولو ناسنا الاهالى فى البلد، جداده بتاع خله بعد مرات بطرب جداده بتاع بيت،اوكى ياخوى كدى نرجع لى كلامنا العقلانى والموضوعى عن التعريب وانسى كدى الكلام الايزى - الساهل- البجيب الشكله لى وليك ، ومافى داعى نرجع زي ناس اهالى سامبلا ساكت والاهالى زاتو حياتهم احسن مننا فى الغابات ، ولامحتاجين شهادات من لندن كان ما أوهامات بتاع ناس فايقين زينا مالين دماغهم لمن بقي صلعة بكتب وافكار ماعندو فايده للبلد والاهالى زاتو والله لو بس انا مادير نزيد الطين ميو بارد فى ساخنه خرتوم دا لكن بين بينك انحنا المتعلمين والعاملين فيها ناس فاهمين ديل ياهو ناس اهالى مش الناس القاعدين فى الخلا والغابات يا اخوى يادكتو يامحترم. ش: والله صاح كلامك لازم ننسى الكلام الفارغ البدون فايده للاجيال الجايه بعدنادي ، وكدى نبدا فى ونساتنا الامبتنهى دى واوعك بالله ما تسالنى الليله عن المشروع الحضارى ،انت والله ماعارف ساكت شنو البجيبنى ليك والله اخوك راسو ضارب من كتر الهموم والمشاكل؟. ج: المشاكل الحضاريه؟. ش: حضاريه شنو بلاهي الشابكنى بيها ياخى عندى مشاكل شخصية قربتا المره الفاتت اتكلم معاك فيها لمن جات المناسبه وقلت ليك عندنا واحد اخونا خطير علميا فى المشروع الحضاري الممكن يجضمو ليك بتلاته لغات العربيه والفرنسيه والانجليزيه ، وكان عجبتو فى الكلام الزين والفهمان حق الناس العقلانين ممكن يزقلك فى واحده من الوزارات المخصصنها ليكم كاخوه جنوبين حبايبنا، وشفتك قلت لى خلينى ولاشنو كدا مامتذكر عن وزارات الاخوه الجنوبين،قلتى لى السبب شنو الخلاك مابي تخش السياسه واحسن ليك تفضل فى التدريس...؟. ج: اوكى خلينى نعيدوا ليك كلامي تانى مع انو انا بكره التكرار خصوصا لمن يكون فى السياسه وهى حاجه بسيطه لو ناس بتاكم فى الشمال فهم السياسه كعتله من عتلات اداره الاختلافات والحاجات البليده زي -العنصريه والقبليه - فى اى مجتمع عاوز يكون محترم، وانا قلت ليك كنت ممكن اكون هسه واحد من اكبر الحراميه فى البلد والسبب بكون عندك ناس كتار بجو يقعدو ليك فى البيت اهل وقرايب من قريب ومن بعيد كمان واصحابهم كمان وعايزين كل يوم فطور وغدا وعشا وحق مواصلات وحق علاج العيانين وناس تانين الدخلتوهم الاسلام مننا كمان عاوزين قروش يمشو بيهو السعوديه للحج وغير الشحادين فى جمب باب الوزارات واخوانكم التجار الجلابه العاوزين سكر ومواد تموينيه وكوتات وتصاديق حق الجنوب، فالواحد لازم يعمل ليهم الدايرنو ولا خلاص هم بزعلو منك كان ابيت تعمل ليهم حجات بتاهم وهم بكونو شايفين صوانى حق اكل ماشى وجاى يقعدو ياكلو بس مافى زول فيهم يوم وقف فوق فى وشك قال ليك انت كيف بتلاقي القروش عشان تصرف علينا بشكل دا..؟وانا بشوف هم زاتو بشجعو الزول علشان يسرق قروش بتاع دوله وحق ناس غلابة ومساكين. ش: بس دا الكلام الكنت عاوز اسمعو منك ولى تلاته يوم عامل لى اكولة جوه مصارينى حامينى النوم والواحد مامطالب يحلف ،انا بفتكرك رغم بعض الاشياء الخبيثه فى طريقه تفكيرك الواحد بعدك فى مقام الاخو وكدا والواحد فى الدنيا بكون محتاج ليه زول يقول ليه اسرارو ومشاكلو ويكون واثق منو انو مازول بتاع قالوا وقلنا وفى يوم من الايام يمشي يفشى سر اخوهو فى ونسه و لاقعده من القعدادت الكتيره حقت المثقفين الكان كرسوا فيها وكتهم لصالح البلد بكونو انجزو حاجه لروحهم ولي بلدهم،وانتو الاخوه الجنوبين ديل رغم حروبكم الغير ضروريه فى فهمى وفهم كتير من اولاد البلد الزي حلاتى وحلاتهم بفتكر انكم ناس عندكم قضيه ومبدائيين فى طرحكم احيانا ،والبيعجبنى فيكم انكم ناس رجال بمعنى الكلمه وماخاينين ومابتعرفو النميمه والقوالة والسواطه بضهر الناس ومافى فيكم واحد بدسا وراء اصبعو و مستعدين تموتو لو فى زول حقر بيكم ولا قلل من مكانتم فى الدنيا وهسه مش انحننا مدورين كوماج وكاسورى معاكم فى الغابه حقتكم دى، لكن للامانه والتاريخ الواحد عارفكم رجال وناس حاره وبارده وقد قاتلناكم قاتلتمونا بشرف الرجال والفرسان ومان تو مان و بدون غدر و دا الحاجه الكويسه فى تراثكم الوثنى انو ماممكن تتحولو الى مفجرين وانتحارين ذى ماممكن نكون انحنا، عشان دا عاوزك تكون زى اهلك تكون صادق وامين لى اى كلام اقولو ليك فى ونستنا دى وكدى نبطل شويه المناقرة والمناكفة حقت التعريب والمشروع الحضارى والله كتير من اخوانا فى التنظيم ماخابرين هو شنو وجنسو شنو ومستعدين يموتو فى سبيل جهلهم وغبائهم وتكبرهم الاعور والارعن والله العظيم فى كتير من الاوكات ماعارفين نفرق بين التمر هندى والتمر ابونا وشجرة العوير ،من الشوك ابشرا. فعايزك تسمعنى كويس وتخلى كلامى فى سرك لمن تخش التراب وهناك كان جابوليك سيرتو وانت جو التربه، النبى كان ما نكرتو وماحتفرق معاك فى حاجه وانت زول حتخش جهنم مع ابو جهل طوالي .انشاء الله نكون اتفقنا ياخوى. ج: ياصحبى اقول ليك شنو بعد كلامك اللين والمخدر دا والله تهون من اجلو كل حاجه، هو الدنيا شنو غير ناس يكونو اخوان ويحكو مشاكل بتاعهم وبتاع بلد كان بلد بهمهم لبعض ويحلوها لبعض؟ماعندك عوجه كالص يادكتور ماتخاف كلو كلو وقول الداير تقولو فى نفسك تقولو لى ،اخوك دكتور جامعه لكن فى مواضيع بتاع اخوان احسن من ناسكم امناء المخازن والمهمات. ش: ياخ ريحتنى فى كرشى الكبيره دى وبعد كدى النمشى نلحق المغرب فى مسجد الجامعه ونشوفك بكره ولكن انقول لك كلام مره مره الواحد يقرب يدور ويسوى ليك الشينه والمكشنه بلا بصل من جنس امانتكم وصدقكم، ويدور يحرش ليك واحد اخونه كدا حاقد حقدا انا زات نفسى بلاوز منو عشان يجدعك فى صقط لقط ويلحقك امات طه بلاسبب غير الامانه والنظافه حقتهم المزعجه.ماتنخلع بهزر ساى معاك،وبعدين بلاهى الاشرطه حقت الغنا دى تانى ماتجيبه هنا فى الجامعه ومايقوم واحد يشوفك قاعد بتسمع فيها وتبقى فى خبر كان واخواتها البتعمل عمايل صحباتها كويس يا الامين ؟فتك عافيه. ج:مع السلامه يافرده. ش: شفته سماع جنس الغنه دا البخليك تنسى تقول لى يادكتور ويبرفع الكلف بين الناس ويساوى البسوا بالما بسوا فى البلد دى وياهو في النهاية تجي تقول يا فردة ويا معلم كمان. ج: معليش يا جك اقصد يادكتور - ويوسوس لنفسه فى سرو هو لو صحى انتو ناس دكاتره تبيعوا فى الامتحانات والشهادات هو ياخ الناس الماتو جيتو خرجتوهم وبقيتوهم دكاتره واطباء عاوزين تتكلموا كمان عن المنحط والمنحطين والبسوا و الما بسوا وكمان عندكم قوه عين ، ووش عشان تتكلمو عن اى حاجه، بعد دا كلو ماتخجلو وعاوزين تتفلهموا بالقاب علميه بعد الجوباك والكوجين فى المؤسسات العلميه فى السودان وقال حضاريين قال غايتو الله يساعد البلد دا؟. نواصل الحوار قريبا.

---

Post: #165 Title: Re: خستكات جنوبيين في الشمال... Author: محسن طه Date: 04-29-2008, 07:51 AM Parent: #164 [B]مواصله لحوار التعريب فى التعليم بين الشمالى والجنوبى. ش:يدخل مكتب الجنوبى معه شنطه قدر الضربه مليانه اوراق ويسلم بسرعه على صحبه وينك يازول وعامل شنو فى الفتره الفاتت ما كملنا الكلام وهسه انا مستعجل شويه عندى سفريه نجيريا-ابوجا- بخصوص المفاوضات مع حركه الخوارج وماعندى طريقه اوريك الاسرار المفروض اقلها ليك ذى ما كلمتك المره الفاتت وانشاء الله لما ارجع من الدوشه حقت المتمردين اهلك ديل نشوف الحاصل شنو ولكن عندى اربعه ساعات قبل مااروح المطار والاقى بقيت الاخوان من اعضاء البعثه وكدى الندردش شويه معاك حول التعريب فى السودان فماشايفك جوابته عن انو التعريب ضروره من ضرورات المرحله فى البلد و لمصلحه الاجيال الجايه وذى ما وريتك انو التعريب مساله حيويه ومهمه لينا كعرب سودانين والعلم ياهو انحننا اسيادو قبل ما صحبانكم الخواجات يستلمو ويتبوبرو بيه البوبار الهسه دا،شوفته كيف يا اخينه الدكتور؟ ج:اوكى دا كلام كويص مابطال افضل من مضيعت الكلام فى الحاجات الشخصيه ولكن انا المره الفات قلت ليك كلام فى موضوع انو العلم اصلا حقكم كناس عرب وانت ماجاوبت فى الحته دى و شبكتنى مواعيد الصلاه جات وكدا وهسه انا داير كلام نجيض فى الحته دى وشنو حكايه العلم دا اصلا حقكم دى وطالما هو حقكم كيف الخواجات عملو انقلاب وشالو منكم وهو العلم دا ذى الديمقراطيه فى السودان يمكن يشيلو اى زول حتى لو كان تعليمو شهاده سودانيه ولا كيف هو ياجماعه فهمكم للمسائل والحاجات وبعدين لو امكن بلاهى ماتتكلم لى عن الماضى انحننا قاعدين نتكلم عن هسه وعشان يكون فى بكره وبعد بكره ولاشنو ياستاذ؟. ش:ياخى والله العظيم انت زول راسك ناشف خلاص الواحد يقوليك تيس انت عاوزنى احلبو ليك،ياخى العلم حقنا حقنا كان رضيت ولا ابيت برضو هو حقنا شنو ياخى تلف ودور فى حته واحده من الوكت داك ومتخلينا نرمى لى قدام فى الحوار العلمى استب باى استب ولا كيف؟. ج:خلاص خلينى اوضح ليك مساله مهمه فى موضوع العلم والمعرفه عموما،انت لازم تفهم انو العلم دا كل الناس وكتير من شعوب واجناس ساهمو فيه والعرب زاتهم عندهم شغل كتير عملو فى العلوم لكن العرب وقفو من بدرى وتانى ماعملو اى حاجه مفيد ولايزكر فى العلوم،والطريقه الانتو بتتكلمو بيه عن العلم دا كلام حصل ذمان وقديم قدم التاريخ ولاكمان كلمه تاريخ دى عايزه تفسير وكلام كتير؟ ش:شنو شنو قلت لى تاريخ؟تاريخ شنو كمان العاوز تدينى فيه محاضر كمان ناسى انو انا مطلع عليه بجانب دراستى الطب الانا متخصص فيه واقوليك كلام كل الاخوان فى تنظيمنا بياخدو كورسات فى معهد امدرمان العلمى والاسلاميه امدرمان وغيرو من جلسات تنويريه وفكريه بمجسد الجامعه والله اتنو حارمين نفسكم ساى من دروس مجانيه بتتعمل بس لكن نعمل ليكم شنو بسه العناده ماياهى حتدخل ابو جهل النار. ج:ياراجل اخجل يازول الدروسو البدوكم ليه فى المحلات النته قلتو دا ماقعدين يدوكم ليه كتاريخ، ديل قعدين يقولو ليكم انو الحاجات الفى الماضى ياهو ممكن يحل مشاكل بتاع وكتنا الهسه دا وكلام الذى دا مابقولو عليهو علم ولا ايدولوجيه زاتو وماعارف نفسرو ليك كيف وبياتو طريقه؟. ش:اها يلا كدى ورينو فهمك للتاريخ ومكنزماتو وكلامك الفارغ الكلو فلفسه المتل كلام الشيوعين المعروف فارغ دا؟. ج:يا ود البلد اقوليك حاجه انا ممكن اتفق معاك فى انو العرب هم اول ناس عملو العلم بتاع الرياضيات الاسمو الجبره و زول عملو اسمو جابر ابن حيان دا صح ماداير سيك ميك وامور تلاته ورقات، لكن بعد جابر ابن حيان دا ماجى جالدونق كبير تانى اسمو ديكارات وشال بعض الحاجات من زولكم جابر دا وعمل ليهو تعديلات كتير ماعندو اى علاقه بزولكم ابوجابره دا،فما تقدرو تجبرو الناس كسر رقبه بس يفكرو فى جابر ودا كلام ماداير اتنين تلاته وجبر وزنديه على الفاضى فى حاجه اسمو العلم والمعرفه. ش:اها ياهو دى طريقه الشيوعين فى المناقشه المتنفع معاى والبخلى الاخوان يسكوهم بالسيخ والمطواى والطوب فى الجامعات اصلو النصيح مابتمرقوهه كلو كلو والواحد ما مكن يصل لنتائج علميه فى كلامو معاكم. ج:يا الاخو شيوعين بتاع منو والدخلهم شنو هسه فى الحته دى وبعدين كلامى دا مابعيد ممكن هسه نخش المكتيه الكتبو كلو تراب وغبار بنلقاهو قاعد، الكلام البقولو ليك دا بيسمهو اولاد جون من الخواجات تارخ العلم ما العلم زاتو كان جيتك للكلام النجيض ومالسه نى؟. ش:كيفن يعنى تاريخ العلم وما يهو العلم فى حد زاتو؟.وضح كلامك وجيب امثله لو عندك حجه منطقيه؟. ج:شوف اقوليك مره واحد وللابد ،كلو نظريات واطروحات العلميه ممكن يكون قال منو و لا ياتو فى اى بلد من البلاد الدنيا وانتو مامكن تتكلم كتير ساكت فى اى حاجه زى ناس السوق العربى ولا الفرنجى البيتم بطريقك انت شيوعى وكلامى بيشبه الشيوعين والحاجه المفروض تفهمو انت و لاغيرك من اخوانك البدروسو فى معهد امدرمان العلمى كان صحى فوقو علم انو دا تاريخيه العلم والمفاهيم والنظريات العلميه الكان عملو منو ولا الكان قالواياتو من الناس ،وعندو منهج معين فى فلفسه-عفوا اقصد فلسفه- فى فلسفه العلم هو ياهو التاريخ بيكون هايم يفتشف عن المكان الولدوهو فيه وعايز يشوف امو منو كانت وابو كان مشلخ ولا ما مشلخ، بسموهو التاريخ البيبحث عن وطن وياهو الخواجات عملو ليهو سكشن-قسم-خاص لناس البدرسو تاريخ الافكار والمفاهيم والنظريات ما العلم فى رقبه نفسو. ش:ياخى تراكه متفقه وانحنا ماعارفين دا شنو الكلام الدراب دراب دا؟ما تراكم كويسين ومتفلهمين جادعنكم مالكم؟. ج:يازول لا مجدوعين ولا حاجه، وذى مابقولو ما بيدى حريف الدنيا المعفنه دى،واطمم ليك بطنك اكتر واكتر اصلو مامهم علم عملو منو وسو ناس ياتو وماعندو فايده بتعريفه ولا قرشين اذا العلم دا مالقى المكان المحترم والناس البتحترمو حيكون اى كلام فارغ وزيو زى اى حاجه تلفان مفروض يزغلو فى الكوشه محل العفونه والقرف شفته شنو، وناس يتكلمو عن علم ليه لو هو زاتو العلم دا ما فرده من فرده الناس بيفكرو فيهو بعونطه والعلم ماشيل شنط كبير واقلام باركر خاطنو زينه وعجبانى ولبس بتاع بدل وكرفتات وجزم من لندن وباريس وايطاليا سامبلا ساكت،ولكن هو سكه وطريقه بتاع تفكير الناس اليومى و كيف تكون زول محترم وماتقل ادبك على الناس ساى بلا اسباب منطقيه وعقليه والعلم حاجه مفيد لناس العاوزين تغير وحاجات جديده فى بلدهم وانا كزول اهلى كلو فى بلد وناس اهالى بسيطن ساكت مامكن يكون عندى قروش فى جيبى كفايه وجمبى حاجه اسمو طاحونه عملو الخواجات نقوم نخلى امى واخواتى يطحنو عيش بتاع كسره بى فندق ومرحاكه بسسب انو دا ياهو طريقه بتاع جدودنا لطحن الزره والعشريف واللوبيه فناس لازم يمشو قدام ولى قدام مش يرجعو كلو مره حركات وره وخلف دور،وانا كان سالتك سؤال هسه لو مره بتاعك-زوجتك- ولد جنه كان بت ولا ولد مش بتعمل ليه سمايه وتسميهو باسم بتاعك و لاباسم بتاع واحد من ناس بيتكم انت بتحترمو؟. ش:طبعا بديهو اسمى ودى عايزه ليها كلام؟. ج:بس يهو دا طريقه الكلام الممكن يودينه لقدام ونقطع خيران الكلامات الفارغه البدون فايده. ش:كيف يعنى؟. ج:انت ماجاوبته هسه وقلت كان عندك ولد ولا بنت بتسميهو باسمك صح ولا ماصح؟ ش:ايوه صح ماغلط: ج:كلاص عاوز نقوليك العلم والعلوم والمفاهيم والنظريات العلميه فى وكتنا وعصرناالفيهو نحنو هسه دا حق الخواجات فماممكن تشيل جنى وولد بتاع زول تانى وتقول دا حقك وكمان تغير اسمو بمزاجك.ما موضوع بتاع سوق يفتح ويستر الله. ش:غايتو جنس فلهمه اصلو متفرق كتير من حقت الشيوعين. ج:شيوعين ياتم قعدين ليك فى راسك المصلع دا،وهم زاتهم الشيوعين ما فرتقو من العلم زمان من ماجرو من المحل المفروض يقوم فيه شيوعيه امريكا واورباومشو عملو حركات لناس فلاحين ساكت ماراسمالين فى روسيا ودخلو كتير من مثقفين فى سجون وطردوهم بره البلد زى حاجات عملو ناس هنا الشلتو دكاتره واساتذه جامعين من جامعات زيهم وزى اى حاجه تافهه،ودا الكلام البخلينى اقوليك العلم ما حاجه بتكلمو بيه ساكت سامبلا هو ياهو كيف تعامل الناس البلد دا التعبو فيهم عشان يقروهم بره فى اروبا وامريكا باحترام،وامريكا لما كان عندو شكله ماشيوعين وكان شكله حقهم مسخن سخانه جد،كان فى زول شيوعى استاذ بتاع جامعه مشى ليهم بقبلو بيه ماعندهم شغله بحاجات الفى راسو النظريه وهو زاتو مابكون عندو وكت مع ناس امريكان الجنهم جن شغل شغل بس. ش:اوكى مواعيد الطيراه جات المشى احصل الوفد المفاوض ولسه راجينا تلتله تانيه مع اهلكم الخوارج هناك فى نيجيريا كمان ونشوفك لم ارجع. ج:اوكى يادكتور مافى مشكله نشوفك بكره لا بعدو مابعيده ماصلا ماشين تطرشقو المفاوضات انا عارفكم صارفين قروش البلد فى فنادق وتزاكر طيرات ساى اونطه.لكن الكلمه الكلو مره تقولو لى (خوارج)ياعنى شنو؟ ش:اصبر لى لمن اجى اوريك معناها شنو ياعملاء الخوارج.جاتكم البلاوى التخمكم. نواصل بعد عوده السيد المفاوض من ابوجا.

---

Post: #166 Title: Re: خستكات جنوبيين في الشمال... Author: محسن طه Date: 04-29-2008, 09:06 PM Parent: #161 يا وانجا شكرا ليك للمرور العطر... شايفة كيف ...؟ دايما مافي زول ولا حتي حاجة مرتاحة . حتي النحل متلتل يفتش الرحيق وسط الشوك- تقول لي وسط الزهور متصور- اها دي الحالة مافي حاجة بتجي بالساهل لكن ياهو زي ماقلت ليك المرة الفاتت بعد التلتلة والفتيش عن الرحيق وسط الاشواك - ودي اهون احيانا ممكن بي ملقاط تتطلعا- والقنابل والالغام والموت، بعد كل دا لسه مواصلين زي النحلة دي الرغم الطعنات حقت الشوك دا مواصلة في فتيشها عن الرحيق لكن ياها بعد ما تسوي العسل دا ما بتخلي زول يمد ايدو ويلحس بالساهل كدا، هي زاتها بتمرق شوكها، ومافي حاجة مجانا في الدنيا، اها الزهرة ام شوك دي زاتها بتعاني يوم من( قاطعي الازهار)الممكن في اي لحظة يقلعوها من جزورها- وقال عشان ما يجينا جفاف وتصحر قال).ويسووا فيها زي السوهو في شجر شارع النيل الزرعوهو الانجليزي الشجر المن طرف الشارع رامي في الطرف التاني، وكان علي الاقل مخفف الحردلوا للناس الما عندهم عربات زي البتتقرش في شارع النيل ديك،ولي الشماشة البغسلوا العربات ذات الزجاج البرسون - العربات البسموهااراك ولا تراني- واصحاب مثيولوجيا الحب كانوا يتسكعون ويتلكعون بالحب مع حبيباتم وبالجكسة في خط ستة - ويجوا في الآخر يعملوا ليك مادة في القانون اسمها التسكع والتلكع- زمان لمن كانت النفس طيبة وبريئة وكان الاب يدق باب جاروا ويقول لي ولدوا امشي وصل اختك دي عليك الله محل ما ماشة. لحدي ما جونا الصحراويين ديل يقولوا ليك التسكع والتلكع مالوا ياخ ما اتسكع مش في بلدي...؟ ولا هم بس اولاد البلد البقعودوا وبقوموا علي كيفهم وهو بس الفوق رقاب الناس مجرب سيفهم ...؟ اها شوفتي السيوف دي كيف؟ اها جنس الكلام دا الخلي النحل يمشي للزهرة ام شوك دي عشان الزهر الجميل البدون شوك اما قطعوهو او بقي حصر علي الصالونات الانيقة، - والحكمة في النحلة دي انو انحنا نعرف ويكون عندنا القدرة علي العمل الشاق والمضني ونسيب الاتكال - المضر بالصحة في اغلب الاحيان زي ما بقول اي طبيب نفساني- ، عشان الواحد ما يبقي زي العايزين بعد كل تعب النحل دا يشيلوا العسل براااااااااااحة وبدون تعب. والباقين ليهم الأكل الكعب. وكدي ارجعي لكلامي حق البنج داك. كدي ما بتتفقي معاي انو مدرب الفريق يعتبر فاشل، اذا كان بدرب فريقوا يوميا وبدون انقطاع، فقط للحصول علي الميدالية البرونزية،وانو اللاعبين ما ممكن يحلموا حتي بالميدالية الفضية ناهيك عن الذهبية(والميدالية الذهبية دي بعني بيها هنا الدولة بودن استعمال مكانيزما الدس دس حقت اللغة العربية) والسؤال الممكن ينبطح - ينطرح- هنا زي بطح الأساتذة وطرحهم لي طلبةالابتدائي المساكين، البشدوهم اربعة كبار (سنا وحجما) وبنضربوا بي سوط ضنب القرنتي ووفروع شجر النيم- هل ممكن يفوزوا بالميدالية الذهبية يوم من الايام ولو في الحلم...؟ والباقي خلي في سرك لحدي ما يجي الكاسوري المنتظرنو الناس المستعجلين. شكرا تاني لاكو

---

Post: #167 Title: Re: خستكات جنوبيين في الشمال... Author: محسن طه Date: 04-30-2008, 03:47 AM Parent: #166 مقتطف من الحوار عن التعريب بين (ش)شمالى و(ج)جنوبى: ش: سلام عليك ورحمه الله وبركاته يادكتور وكيف امورك؟والله يادوب وصلت لى يومين من نيجريا-ابوجا- والمفاوضات طرشقت والحمد لله على ذلك. ج:مابطال كويس ومالو المفاوضات طرشق؟. ش:ماصلا مطرشقه مطرشقه ودى عاوزه اتنين تلاته طالما ماعاوزين تجيبوها البر ومصرين على تصلب مواقفكم العنيده فى تغير هويه البلاد؟. ج:منو عايزين يغيرو هويه البلاد؟ويغيروها بشنو كان سالناك سؤال دوقرى؟. ش:ما انتو الجنوبين ديل حيكون منو يعنى ومادايرين تتخلصوا من الهويه العربيه الاسلاميه زات الاغلبيه الغالبه وعاوزين هويتكم الافريقيه؟. ج:هويتنا الافريقيه هويتنا الافريقيه انتو ياناس جادين فى كلامكم البتقولو فيه دا وبعدين شنو هو الهويه الافريقيه القادين بيها اضانا من زمن الاستقلال،هويه افريقيه وبتاع،كدا ممكن تشرح لى يعنى شنو هويه افريقيه؟. ج:يازول انتا عارف بنقصد شنو بكلمه الافرقه دى وانتو الجنوبين ديل دايرين تافرقو السودان مامعروف الكلام دا لينا وليكم شنو تقول لى اشرح وفسر لى؟. ج:ياخى انا بسالك سؤال واضح جبتو انته فى كلامك انو الجنوبين بفكروا فى افرقه السودان وقلت ليك شنو يعنى كلمه افرقه؟. ش:ياخى خلاص عايزين العلمانيه كويس معاك كدا؟. ج:طيب من قبيل ما تقول العلمانيه بس والعلمانيه عيب بتاهو شنو فى نظرك وعامل ليكم زنه فى راسكم؟. ش:يادكتور العلمانيه نظام وسلوك سياسى مخالف للشريعه الاسلاميه وانحنا فى السودان بنمثل صرة الثقافه العربيه الاسلاميه والعلمانيه حاجه مخالف لقيم وعادات وتقاليد وموروثات تربينه عليها ومن الصعوبه ان نقبل بتنازلات مؤلمه لحركه قرنق العميله. ج:دا كلام كويس ياستاذ وزى ما انحنا فى مرحله بتاع تفاوض فى مصير بلد كبير متل السودان فيهو اديان و ثقافات واسعه لابد من تنازلات وبغير تنازلات ماحيكون فى سلام وحتكون هناك فوضه فى البلد كلو مش بس الجنوب والشمال وموضوع انو ناس تنظف وتنظم البلد بدون مايكون فى وجع سيكون موضوع مستحيل والبلد حيكون واقف فى حته ماعندو طريقه لاى حل وعلاج. وخاص من ناس ماجادين وكزابين ساى وبسبحو بحمد الله وتوزيع الجبخانه فى نفس الوكت. ش:يازول حاسب فى كلامك. ج:ياخى خلينى بلاهى انتو طوالى فاتحين عيونكم على الماضى الجايين منو مابتفتكرو ممكن يكون فى سلام وتسامح ،والتفاوض كمفهوم من مفاهيم اداره الاختلافات هو فرصه لينا كلنا فى السودان لتحدى ادراكنا وقدراتنا لحاجات ممكن مامستحيل، وكان كمان قررتو تدخلو حوش التارخ كاكابويات للثقافه العربيه وما كناس قدموا تنازلات للعبيد السود فى السودان بكون دا ياهو الكارثه الكبير والجدل بتاع ناس عاوزين افكار السماء ومادايرين يسمعو افكار بتاع ناس الواطه حقو تبطلوا شويه والجنوبين وناس كتار فى السودان هم خرفان ضحيه لقضيه عادله ومافروض يكون الناس يشوفو العداله بانو حاجه حينقص من معتقداتهم-والمعتقدات حيفضل هو ياهو المعتقدات لو ما دخل العلم عشان يشيل منو حاجات بطال مامنو فايده. والتفاوض داير تغير طوالى ومستمر فى المواقف عشان نصلو لى تغير دائم. ش:اوكى مواعيد الصلاه نواصل بكره. ج:ماتنسى تشحد ربنا يجيب السلام والعافيه للسودان وانينا كلو يوم لاحد فى الكنيسه بيقولو لنا صلو الى اعدائكم. ونستمر.

---

Post: #170 Title: Re: خستكات جنوبيين في الشمال... Author: زهير عثمان حمد Date: 04-30-2008, 02:22 PM Parent: #167 الصديق محسن طه لك كل الود كيفك عامل شنو كويس انت لسه فاكر دورك شنو في دنيانا نحن في أنتظر الكثير منك أيها الموهوب

---

Post: #171 Title: Re: خستكات جنوبيين في الشمال... Author: محسن طه Date: 04-30-2008, 09:30 PM Parent: #170 واحد جنوبى بتونس مع صحبو شمالى وكانو مفلسين-فلست ابازر التاريخيه- قام صحبو الشمالى قال ليهو اسمع يافرده انحنا ما نقبى ناس وهم ساى طوالى مفلسين وتعبانين لازم نعمل لنا وهمه من وهمات الناس البعملو قروش،الجنوبى قاليهو ذى شنو يعنى؟الشمالى قاليهو شوف انت كجنوبى محتفهم فى السياسه كوهمه من الوهمات البتعمل فى البلد دى وانت لو عاينت كويس حتفهم انو عشان تكون سياسى جنوبى ماضرورى تكون عندك شهادات ودكتوراه وانحنا كشماليين جننا وجن الجنوبيين المتعلمين والفاهمين ولو متابع الجرايد كويس قبل كدا كان عينوا ليكم وزير امى عديل كدا، وانت زول صحبى وعندك شهاده متوسطه ودى حاجه كويسه بتنفعنا لقدام لو الوهمه سلكت كويس،لكن اول وهمه تعملها والليله يوم الجمعه امشى جامع القوات المصلحه اقصدالمسلحه واقعد قدام حتشوف كل الناس البنشوفهم فى التلفزيون قاعدين بمزاج وهم ياهم الهسه عندهم الكنجالات والفله-القروش- شفته استحمل كلامهم البقولو عن جون قرنق والنبزى البنبزوهو لجنوبين-الله ييتم اولادهم ويبقر بطبون امهاتهم ويدخلهم جهنم خلدين فيها-لو سمحته من فضلك،وطوالى قوم قوليهم انت عاوز تبقى مسلم، ولو لقيت فرصه نبز ليهم حركه التمرد وقول عليها-يلعن الله المتمردين الخونه والمارقين-،الجنوبى انا اقول كلام ذى دا انت جنيت لو شنو،صحبو يقول ليهو افهمنى بس دقيقه ماتبقى عوير وامشى قولها بس واكلها على لوبادى وخليها فى حنانك بس ،وخلينا نطلع لينا بقرش قرشين يا فغر انت،والمهم الجنوبى مشى مسجد القياده وقعد قدام مع ناس صقر الجديان وقام اعلن اسلامو امام الملاء من اهل قريش هناك، ويازول قالو الجماعه المتخصصين تكبير قاموا ليكم بشغلهم البياكلوا منو باسطه باللبن وبناء العمارات وقاموا كدا تكبير لا اله الا الله وتهليل وتكبير جهاد نصر شهاده واعز الاسلام والمسلمين بدخول الكافرين،يازول الجنوبى كبو ليهو كنجالات وضحاكات-قروش- قدر ترعه كنانه والرهد-الترعه الوهميه الدفعو فيها الناس رسوم من ماجو- قروش من العمله البان جديد الاسمها الدين نار البدلاوها بالقروش البان قديم الجنيه-الكان مجنح ليك ابو الجورج زاتو- وقام لممل القروش وقال خلاص ماشى جى واحد من الجماعه وسالو انت اسمك منو ياخونا فى الله؟قال ليهو شارلس قام وسوس اعوز بالله قاليهو اسمك دا لازم تغيرو علشان يكون مواكب للمشروع الحضارى ومن يوم الليله انت حيكون اسمك شازلى كويس معاك،الجنوبى قال مافطال انا خلاص شازلى فمكن امشى-عاوز يحصل صحبى-قال ليهو نسمح ليك تمشى لكن لازم تجى كل يوم جمعه هنا وعشان بعد اسبوعين نوديك الدفاع الشعبى،رده قال كويس ومرق بره المسجد وفى اول لفه قام ادهها ليك بوله فى سور المسجد وقافى وقام جاهو واحد جارى من هناك اسمع يا اخ ياجنوبى انته طنشو ليك واستمره يبول فى الحيطه واقف ،الراجل اتزكر اسمو الجديد وناداهو ياشاذلى يشاذلى،اتلفت ليهو وقال ليهو مالك يازول وفى شنو يامندكور انت،الراجل قاليهو يا اخونا مندكورو بتاع شنو تانى كمان ماخلاص بقينا حاجه واحد انت مسلم وانحنا مسلمين،الجنوبى قال اوكى فهمنا هسه داير تقول شنو؟قام داك قاليهو مافروض تبول فى الحيطه وكمان واقف ماقاعد فى الواطه،الجنوبى قاليهو شنو قلته مانبول فى حيطه؟ياهو دا حركات بتاع مندكورو المابنفع معاى زاتو وبعدين انتو ماكتبتو يافطه هنا قولتو ممنوع البول ياحمير تقوم تجى جارى لى طوالى وتقول مانبول ودا زاتو كلام بتاع تفرقه عنصريه البخلى ناس يدقوكم بالسلاح فى الجنوب.الرجال قاليهو ياخى ماتستهدئ بالله وتروق وخلينى واوريك تعمل شنو فى الحالات الزى دى،الجنوبى حالات ياتو؟داك قاليهو اولا انت زول بقيت مسلم دى واحده وتانى واحده لمن تجى تبول ماتكون واقف فوق على حيلك واقعد فى الواطه ويكون معاك ابريق لقطع الجمار،الجنوبى ضحك ضحكه صغيره وقال للراجل اسمع ياصحبى انت الحاجات القولتو نعملو فى وكت بتاع بول دى كتير خالص انا مااظن بكون عندى وكت عشان نعملو ليك من غير ما نفلفس كتير ونصرف عربى وبعدين تعالوا هنا هو دا دين شنو دا الخاشى فى اى حاجه من هسه دا؟

---

Post: #172 Title: Re: خستكات جنوبيين في الشمال... Author: محسن طه Date: 05-01-2008, 00:18 AM Parent: #171 قد رحله عن الدنيا واحد من اعظم مفكرين مدرسه(الزنوج) ايمى سيزير وهنا اسمحو لى بنشر مره تانيه ماسبق ان نشرته هنا ربما هنالك من لم يطلع عليه، جذء صغير عن هذه المدرسه من كتاب انثولوجيه الشعر الزنجى.للمعرفه. المشهد الخامس. على رصيف مقهى فى المنبارناس بباريس. ثلاثه طلبه سود يطلبون قهوه بالحليب. فرساننا الملكيون الثلاثه(الذين هم فعلا ثلاثه هنا)استغربو لرفض النادل طلبهم. قال لهم النادل-الجرسون-الابيض،وهو يلبس الاسود: نحن لا نخدم الزنوج. الزنوج..؟ اى زنوج..؟ ماهو الزنجى...؟ تساءل فرساننا الثلاثه،وهم مدنيون يحملون اسماء(ايمى سيزير)،(ليوبولد سدار سنغور)و(ليون غونترون داماس). يلبسون باناقه يكدسون الشهادات من الجامعات الفرنسيه، ياكلون على الطاوله ومن الصحون،وينتعلون احذيه من الجلد ويتكلمون الفرنسيه،وتحت رقابه الفصحى الفرنسيه ويعالجون النظريات والمفاهيم اكثر مما يفعل نادل -جرسون- المقهى بمصفيات القهوه. ببساطه هم متشابهون مع الفرنسيين الناشئين فى السراى الكاثوليكى الى حد الالتباس. اذن؟ رغم كل المظاهر(الحسنه)فقد ظلوا زنوجاًًً. زنوج..؟ قال احدهم:ان الابيض هو الذى يخلق الزنجى. وما الذى سيتغير فى وضعهم..؟ نهضوا مكبوتين ومحبطين وغادروا رصيف المقهى بتأدب منعهم من القيام بايه ملاحظه تجلب اليهم الانتباه.وذهبوا لشرب القهوه عند (انذرى جيد). وظلت الضحكه الصفراء تصاحبهم على طول الطريق. بعد ذلك بايام,وفى الصباح، فى شارع من الحى اللاتينى، قرر الفرسان الثلاثه الذهاب الي الحلاق لاكند.وكان البرود يبدو على وجوههم، وافكارهم متوقده،وعلى نحو ما كانوا متكاسلين. الحلاق لايشبه نادل المقهى.على العكس من ذلك، فهو بشوش ،مؤدب وخدوم. دعاهم الى الجلوس على كرسى الحلاقه(وهذا الامر جعلهم يتذكرون عياده طبيب الاسنان). ايها الساده توجهوا الى المرآه. يستجيب الثلاثه لامره. فتعكس لهم المرآه وجوههم. صمت كبير ورهيب. الحركه الوحيده المسموعه هى موسى الحلاقه تحك على جلد آله الحلاقه. انتفض الفرسان الثلاثه دفعه واحده عند مرآهم للحلاق لاكند يقترب بآله الحلاقه’وبيده الفرشه والصابون. لا لا لا’ايها السيد نحن لانريد حلاقه’ليس لنا شعر فى ذقوننا.لاباس، يضع الحلاق ادواته على حوض الغسيل الابيض، وياخذ مقص ومشط. الفرسان الثلاثه يقولون له بسرعه:نحن لسنا نريد اكثر من تزيين الرقبه -قطعيه- فشعرنا لن ينمو ابدا. الحلاق لاكند يقول فى نفسه:زبائن غرباءهذا الصباح. ثم اخذ يحاول فتح حوار معهم حتى يخفف من الجو الثقيل السائد بينهم. وفكر فى ان يقول اى شئ ’فقط ليتكلم: أأخوان انتم؟ اخوان..؟ قالها الثلاثه باستغراب.كانوا ينعتونا بالامس بالزنوج واليوم يرون اننا اخوان؟. قال الحلاق لاكند_اوه. سامحونى’لقد ظننت انكم من نفس العائله لانكم تتشابهون كثير، فلكم نفس الشعر، نفس اللون ونفس نسيج البشره، نفس الانف، نفس الشفاه... ينظر الفرسان الثلاثه الى المرآه ويلاحظون فعلا ان لهم سمات مشتركه لكن بسبب انهم متشابهون هناك هامش.ذلك انهم مجموعه(ويبدو ذلك صحيح) لكن لكل منهم هويته الشخصيه والمختلفه. لتفكروا للحظه ان ليوبولد سدار سنغور ياتى من (السنغال) وايمى سيزير من (المارتنيك) وليون غونترون داماس من( غيانا). مجتمعهم:هم سود(زنوج هكذا يسميهم البيض)مستعمرون ومندمجون فى الثقافه الفرنسيه.فرنسيون وليسوا بفرنسيين. هويتهم:احدهم سليل عائله رفيعه النسب من السنغال، الاخر من عائله عبيد افارقه وقع استيرادهم فى مناطق الهنود الغربيين واخرهم ثمره خليط جنسين ابيض واسود. لقد التقوا على مقاعد الدراسه بباريس. كل منهم حامل لتاريخه، لكنهم يكتشفون فى انفسهم فجاه ان لهم اصلا مشترك هو...هو(افريقيا). من كتاب: la poesie negro-africaine.l expression fransaine anthologie.

---

Post: #173 Title: Re: خستكات جنوبيين في الشمال... Author: محسن طه Date: 05-01-2008, 05:22 AM Parent: #172 you have to take the work as a whole,to try and follow rather than judge it,see where it branches out in different direction,where it gets bogged,moves forward,makes a breakthrough;you have to accept it,welcome it,as a whole.otherwise you just won't understand it at all. Giles Deleuze,Negotiations

---

Post: #174 Title: Re: خستكات جنوبيين في الشمال... Author: محسن طه Date: 05-01-2008, 08:46 PM Parent: #173 لقراء الخستكات الذين سيصبحون قريبااحرار مركز دراسات الخستكات لحقوق ناس الواطه والعبيد الاستراتيجيى بمنتريال بصدد اصدار قاموس مصطلحات شعر المخستكين. { وجبرونا وزقلونا وكرفسونا وعفصونا وبشتنونا وشلتونا وشمونا وزهجونا وكرهونا وقطعونا وملصونا واكلونا وشرونا ونشفونا ومصمصونا ومضمضونا وشقلبونا وجضمونا ومسخونا وشنفونا وبهدلونا وجرجرونا وكسرونا وحشونا وسفسفونا و كرتونا وقشونا ومسحونا وكركرونا ووسخونا ودنقسونا وفنقسونا وركعونا ودنقرونا وبنبرونا وصنقرونا وكتلونا وطرشونا وعورونا وعوقونا ودشدشونا وحتونا وفندقونا وطحنونا وشكشكونا وشمشونا وصعلقونا وشرمطونا وعلقونا وحبلونا ويتمونا وشردونا وفحطونا وفرملونا وسكونا ومجزرونا وسلخونا ومعطونا وطقعوناوشهمونا وصحرونا وجففونا وعلبونا وصدرونا وعربجونا ونسونا واسلمونا وكفرونا والحدونا وديمونا وجهنمونا وعضونا وجقمونا وبلعونا وشربونا وخلخلونا وفكفكونا وسكرونا واشترونا ورخسونا وقللونا ووطونا وجازفونا وضراسونا ودرشونا ودردقونا وروبونا وحمضونا وعاسونا ودعكونا وحللونا وحلوبونا وشربونا وضبحونا وسلخونا وجلدونا ومركبونا وركبونا ونزلونا وشلتونا وقرصونا وفطرونا وماغدونا وماعشونا واخرونا وحا ياخرونا وزيلونا وضنبونا وعلقونا وهمشونا وسرقونا وفتوحنا وقفلونا وتربسونا ووهمونا وبطحونا وفرشونا وشدونا وضربونا وجلدونا وسخنونا ونشفونا وبكونا سكلونا وفصدونا وجرحونا وبقرونا وشرطونا وقصونا وفصلونا وخيطونا وقولونا وصوطونا ومسخرونا ودعكونا ودقشونا وعفصونا وجرونا ووطونا ورفعونا وجازفونا ونشلونا وقلعونا واستلمونا وحرقونا وحطبونا وحوشونا وحوطونا وطوقونا وعممونا وجلبونا وشنفونا وجننونا وجنترونا وسلكونا وبعثرونا ومحونا وشطبونا ونكرونا وغالطونا ومصونا ومصرونا ولبننونا وسورنا وافغونا وطلبونا ودنكسونا ورجمونا وسجنونا وكوبرونا ودبكونا وشبهونا وبعتونا واسطرونا ولغونا وفتفتونا وشتحونا واجلسونا وقرصونا وكلكلونا وعفنونا وزبلونا وعجنونا وطبخونا وقلبونا وكنشونا وفركونا وبلعونا وماهضمونا وهرونا وتفونا وبظقونا وتمبكونا وسعطونا وعمرونا وحنضلونا ومرضونا وعيونا وسوكونا وشعرونا وسكسكونا وعجزونا وكبرونا ورمدونا ودفنونا وشلهتونا وحكونا ووطونا وداسونا وشلتونا وركلونا وتلبونا وفطسونا وسمكونا ونفرونا وربطونا وكربونا وحلبونا و وتتونا وبصلونا وحمرونا وقدحونا وكشنونا وعدسونا وطممونا وطرشونا وطبقونا ومحفظونا وحوشونا وطوقونا وحاصرونا وقردنونا وزنقونا وضبحونا وطعنونا وخنجرونا وسممونا ومرسونا وسكرونا وشطحونا شططونا وعاسونا بنزنونا وسلسونا وشمشونا وجدولونا وخورونا وجهدونا وجاهدونا وعيونا ومرضونا وايدزونا وكليونا وشهرورنا وشخرونا ونعسونا وشكرونا ونومونا ورقدونا و(.........)ونا ودينونا وقدرونا ومعلقونا وسفرونا وتونسونا وامركونا وفرنسونا وكندونا واسترونا ولندنونا وعولمونا وتلفونا وبوظونا وعشكبونا وبشتنونا وخوفونا وبشرونا ومهدونا ومرغنونا وتربونا ونقدونا ونصرونا وبعثونا وهيدونا وزيدونا وكودوناوعتبوناوكفرونا وهجروناوأمرونا ونهونا ومنكرونا و عبسونا ومعمعونا وعلونا وخورجونا وابكرونا وعثمنونا وعمرونا وعلونا وحجاجونا وعصصوناوأذنونا وغوربونا وذممونا وعبدونا وفلتونا وزنجنونا...الخ مما ينتهي بالالف وقبلهاالنون ذاك الحرف المجنون.} وقد قال الفكى اب كومش - وهو فكلى سوف يظهر فى اخر الزمان والمكان وبعد ان تملأ الارض خستكات ومخستكون وخاوي البطون- افلا تلاحظون ولاتنقشون ولاتتحمسون ولاتتجالدون ولاتتفركشون لاتتعابطون ولاتتقاولون ولاتنفصلون ولاتتشامرون ولاتتشاكلون ولاتجرون وراء اللفظ ولاالكلمات ولاالمعنى ولاالشكل ولاالمضمون ولا القشره ولاالمظهر، و لاتتسكعون فى الطرقات ولاحديث البطون والكروش وونسات القطيعه والنميمه وراء الضهور. فكلكم من نفس النخرين والعينين والكرعين والشفتين واليدين والجزمتين والشلوتين والضكر والانتايه والابره والمسله والخيط والدباره والرغيف والجرايه والقدح والقدر وعليكم بتواصل التراحم والتسامح ولملمت اطرافكم امريكانكم وفرنسيكم وكنديكم وبريطانيكم واستراليكم، وارجعوا الى بلادكم واتركوا الفصاحه واللداحه والمسخره وقله الادب والفياقه والحيره والثكلى والنبيح والعويل والعواره وفقع العيون وقديد الاضين ودق الشلوفه وشليخ جضوم الخصوم ، واكثرو من اكل التوم ففيه عافيه واحضان دافيه وقعدات كافيه وازرعوا ارض اجدادكم وجدادكم وضانكم وتيوسكم واغنامكم وبقركم وجمالكم، واكثروا من اللوبيه وهى تساعد على سدالجوع وتريح وتملى الطمبيرة الفاضيه، والليمون الذي يمنع سموم الرسايل الحضاريه والاختصاريه والكلام الكتير والعوير الذى ياتيكم من كتب مجنترين العوين والنساوين . ولاتتكلمون فى حديثكم و ثرثراتكم و قوالاتكم عن لابد من التنوع ولابد من البقره العطيه ولابد من المدنيه ولابد من دقرطه وزغردة ،ولابد من الوحده ولابد من عوده الجنيه بدلا من الدين نار ولابد من ولابد من ولابد من وفى الاخر تروحوا تعملوا لابدين وراء مين ماعارفين ،ويحدثكم علماء النفسيات والدبرسه بان لا يتكل جميعكم على كتف واحدة فقط فان الاتكال هو اكثر الامراض الجالبه للدبرسه والكسل ويقتل القلوب فى زمن الحاسوب، وعليكم ان تحسبوها كويس وليتكل بعضكم على بعض ، ولاتخافون ،فربما يوم الاخره سوف تكونون مع اصحاب التكيل والترطيب وحلاوة كوجاك وبسكويت كمبال، واوع تقطع صفقه شجره وسيكون ناس هاتف لى كل مواطن حاضرون وادارات مكافحة الملاريات والحميات والباعوض والدويات الدايرة وداكين العيادات والمستشفيات والمدارس الخاصة وكدارس الدب للخاصة من الطيبون والمصطفيون والمبشرون بيوم القرون والثريون اللذين لا تغرقهم الديون، وياكلون لحم طير مما يشتهون،ويعبثون بالقانون، وايضا اولائك المكفرون واخوانهم المتطوعون الحائمون وبالسياط في الناس يجلدون ولنصف بنطال يلبسون. وربما ايضا تشربون لبن فورموست وتتكلوا شاكرين على العافيه والرضاعه الكافيه والمويه البارده الصافيه و كرعينكم تانى ماحتكون حافيه وسمائكم وصافية ،وعسل مصفي تشربون. وقولو امين يا رب العالمين وماحتاكلو الضب السمين و وسوسوا فى صدروكم و قولو بالسمنه وكدى.صلو الصلعه المقابله الحر

---

Post: #175 Title: Re: خستكات جنوبيين في الشمال... Author: محسن طه Date: 05-02-2008, 06:08 AM Parent: #174 لتذكير والتانيث ، والتكرير والتحليل.. بعض الناس بيتعاملوا مع التاريخ علي انه مجرد ممارسة ومماسخة فكرية حقت ناس فى العلالى - ناس عايشه وداشه فى الاجواء المرطبه والمكندشه والمفرشه سجاد عجمي ايرانى من المكدسين الشهادات واللقاب الاكاديمية المدسدسين والمصبنين الحقائق -. لكن التاريخ دا دلالتو واوتادو ومساميرو وشواكيشو وقداديمو ومناشيرو وفاراتو ومرزباتو ومفصلاتو واقفالو وغراهو وابوابو وشبابيكو- دلالته فوريه وسريعه يمكن ان تصيب دا وداك وتفلق دى وداك لو ما لقي ليهو نجارين حريفين يحفروا اساسو ويبنوا بيتو - وعلى قول ود قرف كسر قطيعه الجالوص وبناء عماره على طريقه فن العمارى الحنكوش والحديث والشريف فى بلاد ناس ابو الريف المالاقين عيش ورغيف والتعب والاكل الكعب ومن منو من البلبسو الكعب العالى -الابراج العاليه- ناسين ومتناسن انو هنالك من ينظر للبرج العالى ولا يستمتع بجمال ورونق وهندسةالبرج ويهمهو اسقاط وهدم البرج العالى فى دقائق وثوانى وبي استخدام اعظم واسهل واسرع تكاسى غرام صنعته عبقريه الانسان القربت المسافات والحدود والسدود والدفنو آلآف المدنين من غير رحمه تحت زريعه واستنكاح صراع الحضارات ويالها من مصارعه حضاريه بين من يسمرون ويدقون اوتادالعلم والنور وبين من يهدمون ويكسرون بعلوم علم الكلام- ويفرق كتير طعم الحلو- . وعليه نرجوا صادقين ومؤمنين الانتباه وفتح العيون قدر الفناجين عشان مايكون عندنا مظاليم ومساكين ومساجين.والمثل السودانى الواضح والفاضح انو دايما ابواب النجارين مخلعه وعشان شنو تفتكرو..؟ ج : عشان نجارين السودان بيشيلو عدة النجاره القلتها فوق، وجارين ينجروا ويعدلوا ابواب ناس (الشر الاوسط) الابوابو مفتوحه من كل الجهات وجايبه لنا الهوا الساقط رغم انو في مثل تانى بقول مد كرعيك قدر لحافك. وبعد دا هاكم الكلام الاصلو ماحاانساهو وكل مره اعيدو واكررو لمن يتحقق فى بنربر السلطه فى السودان واجننكم بيهو زي ما ضبانه الحصان مجننة الحصان والحصان ماعندو مشكله -عندو ضنب- يقدر يحاحى بيهو الضبان لحدى ماتصبح ولكن الكلام الناس الماعندها ضنب وجاريه وراء ضنبة الاخرين. اولا بلغه السوق العربى - عشان يكون مفهوم ومهضوم ومافى زول تانى يجى قول الشغله ماشغلتنا والساخنه حرقتنا وشوشوتنا- لالوبه لوكوها كويس فى خشمكم وما تخافو مابتتور ضرس العقل- افلا تعقلون؟. (معايير العدالة تعتمد علي القدرة علي الإرغام، والأقوياء لديهم من القوة لفعله، والضعفاء يقبلون ما يجب ان يقبلوه. فالعدالة لا معني لها من دون قوة في نهاية المطاف) . دا قول من الاقوال المأثورة في كتاب السياسة كتبها المؤرخ الإغريقي ثوسيد ايرس منذ نحو 2400 عاما مضت. وتانيا بلغه السوق الافرنجى -مافوقو يفتح الله ويستر الله ياتشتريه ياشتراك وحركات تلاته ورقات وكرسى نص والمحطه الرماديه- عشان افلا تترمتلون من قبل الرمتاله. , one of the oldest dictums of politics. "The standard of justice depends on... the power to compel," wrote the Greek historian Thucydide about 2,400 years ago. "The strong do what they have the power to do and the weak accept what they have to accept." At the end of the day, justice is empty without force. ودا المبدأالاول لمركز دراسات الخستكه لحقوق ناس الواطه والعبيد الاستراتيجى. وابواب المركز مفتوحه للعضويه من الجنسين من غير شروط ماعدا عدم ختم المقالات والافكار بالمقوله التاريخيه المريحه التى تقول فى اخر ضنب المقال والفكرة بان(الاراء الوارده لاتمثل بالضروره اراء ومقالات يتبناها المركز وانها تعبر فقط عن اراء اصحابها)اى زول بفكر وبكتب بالطريقه دى مافردتنا من هسه ويورينا عرض اكتافو وبعد كدا مافى زوقبير من اى حاجه ومن اى زول كان الزول دا جالدونق ولابنجوز بان قديم ولا بان جديد مافارقه. مدير المركز:محسن طه-اسم حق الخرتوم لاكو-اسم الباريه نجقورا اوطو-اسم اولاد كوانجرد الشلك وكان الرب نيكانق فى عون السودان.

---

Post: #176 Title: Re: خستكات جنوبيين في الشمال... Author: وانجا Date: 05-02-2008, 09:44 AM Parent: #175 أكتب عندك يا محسن .. عدد واحد طلب عضوية . . .. وِسجنْ ِسجنْ غَرامة غَرامة ...

---

Post: #177 Title: Re: خستكات جنوبيين في الشمال... Author: محسن طه Date: 05-02-2008, 03:32 PM Parent: #176 خستكت اليوم: quote of the day at any street corner the feeling of absurdity can strike any man in thr face. albert camus-from the gazette montreal وبلغه السوق العربى: (ان الاحساس بالتفاهه الموجود فى اى زقاق شارع يمكن ان يعفص وجه اى زول). البرت كامو-من صحيفه الجازيت منتريال.

---

Post: #178 Title: Re: خستكات جنوبيين في الشمال... Author: محسن طه Date: 05-02-2008, 07:17 PM Parent: #177

---

Post: #179 Title: Re: خستكات جنوبيين في الشمال... Author: محسن طه Date: 05-03-2008, 04:33 AM Parent: #178 شكرا وانجا وشكرا رحاب او ناشنجوك برجع ليكم بعد الوييك اند الرب يصبر شعب جنوب السوان على ضحايا الطائرة التي تحطمت اليوم في جنوب البلاد

---

Post: #180 Title: Re: خستكات جنوبيين في الشمال... Author: Kabar Date: 05-03-2008, 07:06 PM Parent: #1 التحية لأرواح شهداء الحركة الشعبية في حادثة الطائرة.. و اصدق التعازي لأسرهم.. الثقافة: من الهيمنة .. الى التفاوض.. كتر خيرك ول ابا محسن طه.. التأريخ يا ول ابا .. الفكي ابو كمش خنقو..و فطسو..و شواه بالخوازيق اياها (و برضو تقول لي بيوت اشباح في الخرتوم و بس!!)..و جابو ليهو جاكات جديدة لنج ..صراع فقارات مفردها فقري)..يعني بضربة لازب.. صار القانون.. البره بره ..و الجوه جوه..و هاك يا عولمة..و منتشه عابرة قارات ..و غيرها من الأليات..و نحن ..دي بطينة..و دي بعجينة..و نضرب الببسي و البيرقرقر..و الموفنز (طبعا اديت ربي العجب لمن كان بتكلموا عن المرحوم صدام حسين في اخر ايامو..و انو كان بيفطر بفطائر امريكية.. يعني البريك فاست فطائر..و ياها الموفينز في ذات نفسها.. شفت جاكة الترميز بتعمل كيف؟.. يعني يا ديكتاتور.. نحن فوق راسك و راس اي ضبان ضكر حايم..و ما اقساها لمن تكون عامل فيها عدو الإمبريالية..و في اخرك تفطر فطور امبريالي..ما بتدي حريف مش؟)..و نتفرج في الفضائيات..و شوية شوية.. بدل نقارة.. يكون راب (الراب بالإنجليزي تعني النقرة.. الطرقة الخفيفة..يعني نقارة خيبانة في حسها..)..و الجكسي داخل في وهمة التبديل و التعديل..و الشباب.. بدل دافوري الحلة.ز بقى يتكلم ليك عن المس كول..و الدهانات..و الحلاقات..و ما خفي اعظم..و توزيع السلطة.. اكتر ما يوضحوا .. انو الريس يكون عندو مساعد حلة..و مساعد صاجات.. و براك عارف يا جيك المساعد ان طار ولا رك.. اخرو يترقى من مساعد حلة.. لمساعد صاجات..و الرئيس طوالي هو السواق..مش ياهو نحن الشعب الراكب في الطرورة و ماجايب خبر؟ هنا يا جيك..نحن بندي الرب العجب.. مش دهشة..و لكن قلة حيلة.. زمان ابا ذر.. اتغشا و دخل عش الدبابير..و بطيبة الشباب.. توش راح داخل ليك يمين.. و شبك ليك الدبابير.. لوكاش و ما ادريك ما لوكاش..اها الجماعة.. بعضهم خط الخمسة في الإتنين..و البعض اتمحن..و عقد حاجبي الدهشة..و من باب المغرزة.. اتنسجت حيلة الصمت المتواطئ..و هاك يا سكوت..و هاك يا سكون.. لي شنو..و في شنو؟.. لأنو لوكاش ده خاصة الخاصة..و العارفين بواطن الأمور.. بجيب سيرتو الإ بعد اذن..ولا حضرة كده منجورة من الرأس.. و ها اخانا دلوز.. الله يطراهو بالخير..و ينور قبرو (اشمعنا؟ مش في ناس في السودان بيشعوا نور؟..و تيب..ما دلوز ذاتو ممكن قبرو ينور بفكرة فارقة..شن الفرق يعني؟)..ممكن يكون مدخل لقراية بعض الحاجات..و هنا انا شلت فكرة التفاوض برمتها..و باصرتها في العنوان المنجور.. لأن السؤال يا محسن.. هي شنو الثقافة..و شنو المدخل لتحليلها؟.. يعني اقوم اقرا لي كتاب كتابين..مفهوم مفهومين..واحضر لي ندوة ندوتين..و اباري لي اقلام لقت حظها من الإنتشار.. حتى بعد داك اكون مقبول؟..و لا القبول ده ممكن يتباصر عن طرايق تانية.. منها توطين غريب الأفكار..و مقاربتو..و سودنتو.. عديل كده.. عشان افهم البي و العلي.. و هناك يا صديق.. دايما مبدأ حكم القيم..و التقييم الإستباقي.. يعني عشان اقراك كسوداني.. اول حاجة بسأل نفسي انت شايت وين..و لأنو الشوت في السودان كلو ضفاري.. بتضيع جواهر الأفكار في الزحمة..فرحنا يا صديق مع الفرحانين بحضورك..و بأبتدراك للخستكات.. لكن السؤال: زول بينزف ..معقول يكون بس محتاج لترحيب؟..النزيف الكتابة..يا محسن.. بتمشى و تتعالج بي خد و هات..و الفكرة الثمينة.. دايما بيكتلها الصمت.. ممكن يا محسن اسمع ليك كل مبادئ السيكلوجية الإجتماعية (مش تحليل؟).. لكن لم تجي تسوي لي سيكلوجيا اجتماعية.. بمفرداتي..و مزاجي..و خيباتي..و اوجاعي..(و ده جوهر الخستكة يا حبيب)..بكون حماري و شيخو ذاتو..وقفوا في العقبة..و تبدأ الوساوس الشخصية.. هو شنو الحاصل هنا؟..عنصرية؟..مطاعنة حديث؟..ربربة خارم بارم.. الخ (شفت السودان ده لذيذ كيف؟..السودان العقلية.. قبل المكان و الجغرافيا).. طيب الحاصل.. و دي مخصوصة لأحباب و اصدقاء و صديقات الخستكات هنا..انو يا جماعة نحن في السودان.. اتجاوزنا (كن رضينا ولا كن ابينا).. فكرة الهيمنة بكل مفاهيمها..و بقينا في مرحلة التفاوض..و التفاوض بيتطلب الندية بين الأطراف المتفاوضة (يعني ده فوق و ده تحت.. خلاص اتلحست)..لكن السؤال منو البتفاوض عن الثقافة؟.. السياسي؟.. المثقف؟.. المفكر؟..الناس الواطه؟..ولا منو بالتحديد؟.. الناس الواطه.. مشكلتهم لسع ما عارفين اقدارهم ..و ميزانهم الحقيقي في كفة الأشياء.. و الغريبة هم طوالي متمسكنين..و مستطيبين دور المستمع الجيد.. و عارفين البير و غطاها.. لكن ليه كده؟ و السياسي.. السوداني خصوصا.. اهم مؤهلاته أنو يكون مستنكح..و يجيد اللف و الدوران..و المقدرة على سرقة الكحل من العين.. اما المثقف و المفكر (التانية دي مجازا.. لأنو السودان ما فيهو تقاليد تفكير فارقه).. فديل الفكرة عندهم.. اقرأ.. احفظ.. سمع..و خليك في الزاوية الضلمة.. عشان تعرف كيف تتصالح مع كوابيسك الخاصة.. شكرا يا محسن.. لأمتاعنا بالفيرشن التاني للتحليل الثقافي و الإجتماعي و السيكولوجيا الإجتماعية.. الواضحة الما بتعرف تلف وتدور.. اها بنرجع تاني بعد ما يتفتح باب الأسئلة و التعقيب..مع انو كل فكرة هنا .. هي عبارة عن باب واسع.. كبر (مسئول مركز الخستكات في غرب كندا..)

---

Post: #181 Title: Re: خستكات جنوبيين في الشمال... Author: محسن طه Date: 05-05-2008, 07:13 PM Parent: #180 نحن من اولئك ************************ برنار دادييه نحن من اولئك الذين يتفرس فى وجوههم، من وراء ثقب الباب بحذر، والذين تسد فى وجوههم الابواب بغضب شديد نحن من اولئك الذين لم تعد لهم شخصيه قط والذين يصعب نعتهم باسم وليست بيننا صبيه تمنح النضاره لجماعتنا نحن نسير وقد شددنا الجباه الضباب فى اعيننا والعاصفه فى رؤوسنا ونقول،وقد استندنا الى عصينا لم يعد العالم متوازنا فلنسنده الى اعمده. نحن من اولئك الذين تتفرس فى وجوههم من وراء الباب بحذر والذين تسد فى وجوههم الابواب بغضب شديد نحن من اولئك الذين لا اعمار لهم لان الامواج تتقاذفنا دوما ومن الذين لامرسى لهم والذين تغريهم الريح بالهروب نحن من اولئك الذين ينظر اليهم من باب نصف مفتوح فى حين اننا من اولئك الذين من اجلهم تبزغ الشمس ويغنى لهم النسيم،والفجر، نحن الليل،والاسرار الخفيه ونحن نملك النجوم،وندى عرق اللؤلؤ

---

Post: #182 Title: Re: خستكات جنوبيين في الشمال... Author: Tragie Mustafa Date: 05-05-2008, 07:20 PM Parent: #181 محسن سلامات مشتاقين قول لرحاب نقتك اثمرت اهو رجعنا

---

Post: #183 Title: Re: خستكات جنوبيين في الشمال... Author: محسن طه Date: 05-05-2008, 09:48 PM Parent: #182 الاخت المناضله تراجى مصطفى حمد الله على السه-السلامه-فى زمن الملامه والنفس اللوامه فى واحد مره قال فى المنبر تراجى دى ملح المنبر وواحد تانى رد ليهو قال عشان كدا نقول ليه تراجى بترفع الضغط لناس ورفع الضغط مهم وخصوصا لناس دايرين ياكلوا البلد ملح-مجانى- من غير تعب وانتى اسمك تراجى؟يعينى الراجيكى كتير واليرجى منك اكتر واليتيم مابتوصه على البكه وانتى زوله عارفه دورك شنو ومهمتك شنو ولمصلحه منو؟ والحمكه البسيط بتقول من الذكاء ان تكون غبى لبعض الوقت ومن الغباء ان تكون زكى طول الوقت-وخليكى حريفه ياحبه- وماتدى فرقه لزول يخستك بيك وحبه الكلوركين مزعجه لمن تدور تبلعه ولكن فى النهايه بتبلعه مهما تكون مرارته والناس من كتر البكه بقت بعد نصف ساعه من دفن الميت بتبطل البكه وترجع عادى والعيون نشفت و تجففت من كتره الموت والفجيعه وكان اصريت على البكه بقولو ليك تبكى بس لاقطره ولامز والبطل فى الفلم الهندى بتهزم لمايجيبو ليهو حببتو مجنزره ومكلبش بالجنازير وقولى بس بمشى معاكم كل الزقاقات والدروب والجحور والقبور الممكنه ونحنا فى بدايه طريقنا ومتقل لى مستحيل دروب الريد اطول-السياسه- كلو دقداق وشقيق وحفر وجداول و خيران واصعب من درب الاربعين دا درب من من خمس وخمسين ولى هسه ماوصلنا اخره ووصل كتير من البشر الاخره ولسه قاعد يوصل يوميا وكلامك فى ناس كتار عارفنو نجيض ومملح وانتى مازوله هينه وما محتاجه اى وصيه وتحنيس ورجاء علشان تكتبى عن القضايا. وبركات الرب نكانق معاكى محسن|رحاب

---

Post: #184 Title: Re: خستكات جنوبيين في الشمال... Author: محسن طه Date: 05-06-2008, 04:52 AM Parent: #183 نواصل الحوار عن التعريب فى السودان بين الشمالى ال(ش)شعير والجنوبى ال(ج)جركانه. ش:اسمع يا اخينا انت شنو حكايه الافرقه بتاعتكم دى؟. ج:بتقصد شنو يعنى بالافرقه؟. ش:ماشايف كل الجنوبين بتكلموا عن انو السودان لازم يكون افريقى. ج:اوكى يبنج مافى مشكله نشرح ليك الحته دى اولا السودان بلد افريقى فى الواطه الاسمها افريقيا دى ودا كلام ماداير اتنين تلاته،تانيا فى افريقيا مافى حاجه اسموا ثقافه افريقيه وفى ثقافات افريقيه-وهى مجموعه القبائل الكتيره- وحتى الان على مستوى منظمه الوحده الافريقيه مافى لغه رسميه تسمى اللغه الافريقيه زى مانقدر نقول والناس هناك بيتكلموا الفرنسيه والانجليزيه والعربيه ودى كلها لغات وافده على افريقيا وجات باسم الاستعمار ولاباسم الفتوحات ولاباسم التنوير ولا غيروا من مبررات وفى النهايه التاريخ بكتبوا الناس المنتصرين. ش:دا كلام معروف وواضح وانتو الجنوبين طوالى بتتكلموا عن انكم افارقه. ج:ياخونا دا كلام عادى لانو انا زول افريقى وقبيله بتاى عندو لغه حقو ولكن لو جانى زول هسه من تنزانيا ولا من الكنغوا ولاكينيا بقول ليك عين الزول الافريقى دا وانتو كمان مش بتقول عين العربى دا؟. ش:انحنا بنقول عين العربى دا،كيف الكلام دا يازول ماانحنا عرب؟. ج:عارف انتو عرب ماغالطك فى دى لكن انا شايف كتير من اخوانكم البمشوا الدول العربيه لما يجوا راجعين السودان بتكلموا فى ونستهم والله انحنا كنا مجموعه من السودانين وجبنا ناس عرب ولا كنا ساكنين برانه كسودانين وجوا ناس عرب سكنوا جمبنا والسؤال هنا ليه انتو بتقولوا كدا؟. ش:ياخى دا موضوع مختلف وممكن افسروا ليك واقوليك ايوه انحنا عرب لكن عندنا خصوصيه خاصه عن العرب البقول عليهم ديل. ج:خصوصه بتاع شنو وكيف بتفرقوا عن بعض كسودانين عرب مع العرب التانين؟ ش:ياخى خلينى من الكلام العويص الماعندنا ليهوا اجابه واحده لكن عندنا الف والف تفسير ليهو بس اصبر لى بس؟. ج:ياود البلد الكلام دا ماداير تفسير وصبر يعنى هسه انا دا زول شلكاوى ممكن اقوليك عندنا خصوصيه عن الدينكا من ناحيه العادات والتقاليد واللغه وكمان الباريه بيفرقوا عن النوير بنفس الاسباب ولكن فى النهايه بنعرف انفسنا كافريقين وانا مثلا بقول عن نفسى مثقف سودانى ولو ناس دايرين الاصل حقى بقول ليهم من قبيله الشلك وابدا ما ممكن اقول انا زول انجليزى عشان اتعلمته باللغه الانجليزيه ولا واحد جنوبى تانى يمكن يكون دينكاوى اتعلم باللغه الفرنسيه يمكن يدعى انو فرنسى عشان درس بالفرنسى ولو سالتو حيقوليك مثقف سودانى من قبيله الدنيكا وانتو برضوا كمان ممكن تقولوا مثقفين سودانين ومن القبيله الفلانيه الفلانيه لو ضرورى وانت ياهو زول شمالى ومابتعرف عربى وبتكتب وتقرا بالانجليزى وتدرس الطلبه بالانجليزى وفى النهايه تجى شابكنى عربى عربى والمشكله وين البخليك تقول بس انت زول مثقف سودانى ومن القبيله الفلانيه يعنى لازم عربى دى؟ ش:ايوو يازول عربى وامال دايرنى اقوليك شنو يعنى؟ ج:دايرك تقول سودانى. ش:اسمع كدى نرجع لموضوع التعريب انت ماقريت كلام البروفسر عبد الله الطيب فى واحد من الجرايد انو التعريب ضروره حتى ولو يتوقف التعليم نفسه فى السودان؟ ج :يازول الجالدونق عبد الله الطيب قال حاجه زى دا ووين؟. ش:ياخى انت قاعد وين يازول بكره بجيب ليك الجريده مافى مشكله وهسه خلاص فكنى عشان احصل الصلاه وارجع ادى المحاضره للمجاهدين من اساتزه الجامعه فى الميدان الشرقى. ونواصل.....زز

---

Post: #185 Title: Re: خستكات جنوبيين في الشمال... Author: محسن طه Date: 05-06-2008, 02:20 PM Parent: #184 خستكت اليوم: النقطه الاساسيه الثابته (ان الحقائق لا تخلق اي معاداه لاى شئ ولكن الامتعاض يخلق و(ينتقى)حقائقه الخاصه به). جوزف جوفى

---

Post: #187 Title: Re: خستكات جنوبيين في الشمال... Author: Muna Abdelhafeez Date: 05-06-2008, 07:59 PM Parent: #185 هيا محسن طه.. مالك جاي سودانيزوانلاين متأخر كدا؟؟؟؟!!!! مع انك خطير ومقدد الدروب.. عجبتني: Quote: تااااااااااااني يا هباني] لكن دا ما مثل.. هباني دا حصان.. متعود يرمي الناس البركبو مودتي منى عبدالحفيظ

---

Post: #188 Title: Re: خستكات جنوبيين في الشمال... Author: محسن طه Date: 05-07-2008, 08:11 PM Parent: #187 سلامتاكم يا مني عبد الحفيظ ... اشرقت الانوار ... قلتي لي جيت متأخر ليه...؟ والله كنت حارس بابور البقرة العطية –عفوا أقصد الديمقراطية – الإتأخرت نسبة للظروف الزوابع والرعود والامطار الحمضية ، وزي ما بقول المثل كل تأخيرة فيها خيرة ، ياهو جيناكم في الزحمة انشاء الله نلقي الرحمة، وموت الكتيرة عرس – عرس الزين –. وبالله هباني دا طلع حصان، والله انا من زمان قايلوا زول غالااااااااااط ، غايتو ياهو دي اهمية سوق عكاظ انو مرات بتفهم وبتعرف وبتنقش وبتلمح ، وبالمناسبة سوق عكاظ دا كان من الاسواق الدولية الخطيرة جدا ما زي سوق عكاظ بتاعنا الهناك دا، البين المريديان وبنك البركة الاسلامي، داك كان فيهو مطارحات وفطاحلة بقروا قصائد فيها تلاتة الف بيت ، عن الفروسية وركوب الخيل والرماية وحصانك البوقع دا والسباحة كمان كما قال الفاروق الذي فرق بين الحق والباطل – سؤال كدي هم العرب كانوا بسبحوا وين في البير ياربي ولا شنو ؟؟- لحدي ما جوهم ناس معزتنا المسلمين اصحاب الحداثة طلعوهم ناس سااااااااي واهالي وفارات وما ناقشين حاجة ، وادوهم المصطلح الخطير الاسمو الجاهلية ، وناس الجاهلية دي بالمناسبة ناس قورباتشوف – قرايبنا – واهلنا وعشايرنا وملوكنا وسلاطينا ، بينا مشتركات كتيرة كناس اصحاب كريم معتقدات علي حسب قول فقهاء الحداثة المسملين البان جديد – والجديد شديد واشد من الشدة والتموت تخلي والزيزي والسفنجة الصينية والباتا اللاركو وما تنسي الجزمة القزاز الانجليزية التخليك تعد في الخطوات من واحد وانت ماشي لحدي ما يختفي المشهد من قدامك وبعد كدا الا تشوف ليك لستك ولا عتبة عشان تقعد شوية - الساكنين المنشية - الما بنمشيها- و الطائف والرياض والمعمورة والصافية والمغتربين والواحة شفتي الجماعة ساكنين وين ، شوفتوا رجال الدين والتمكين وبعد دا كلوا عينهم علي ابن السبيل وطردونا وجبرونا وزقلونا والوزير دقس والله مافي وحكومة مافي ، والوصول ليها بالمرسيدس الحداثوي – تاكسي الغرام- ابو مسجل والفنان وردي (ابدا ما هنت يا سوداننا يوما علينا)، واهلنا بتاعين جاهلية قريش ديل زي ما قلت ليك بنشترك معاهم في الازياء والالوان والاساطير وشعر الحماسة والفراسة والرجالة وطق الحنك، والثقافة الوثنية الهسي عملوها كريمات اعتقادية – كريم معتقدات- - ياربي يكون كريم ديانا - - دين - . انا غايتو دايما بحب اجي متاخر خصوصا لما تكون الحصة عربي ودبل، بجي بعد ما خلاص الناس جلدوهم ودقوهم ونبوزهم وشدوهم علي اربع – العتالة الكبار الفي الفصل المخصصين لشد الطلبة لزوم الجلد وكدا – ودا كلوا عشان الزول ما حافظ نشيد العلم (علمي انت رجائي انت عنوان الولاء لونك الاحمر فيض من دماء الشهداء ، ولونك ماعارف شنو من شنو كدا ماعارف ولونك الاخضر زرع – علي وزن نسفسف مما نزرع ونتجنصص من زبالة وقمامة المرحوم كان قدرك وكان فردتك حق السعودية والخمام البرموهو في سوق ستة بعد ما لبسوهو الاباريق والمراحيم هناك ، هسي عليكم الله العلم البكسروا فيهو الناس دا عمل شنو عشان الناس يحفظوهو قال علم قال ياربي يكون علم الهدي ، وحدووووووووووه ) انا كنت يوميا بكون مرضان وبمشي اشيل دفتر العيادة وامشي للتمرجي ، (انشاء البنسلين ياتمرجي) احسن لي من حصة العربي الدبل والكاسوري والدق والجر بالواطة وحاجات تانية ، يوم معاي صاحبي اوبج – واوبج دا بان جديد لسه جاي من البلد ما بعرف علوم العربي باقسامها المختلفة من تشبيه ومجاز ووجه شبه وشمس قامت تظللني من الشمس والكلمة العندها عشرة معاني دي - مشينا العيادة مالقينا التمرجي البنعرفهو البدينا راحة مرات اسبوعين عديل كدا ، جابو واحد عربي من الخرطوم اها سال اوبج صاحبي دا عندك شنو .؟ اوبج قال ليخو –ليهو- عندي وجع بطن ...؟ التمرجي اداهو ورقة قال ليهو امشي جيب (فسحة) – عينة – اها صاحبي اوبج ، قال ليهو امشي اجيب شنو ...امشي اجيب شنو ... امشي اجيب شنو ؟ - لانو الفسحة الوحيدة البعرفها حقت الفطور والفسحة التانية اللمن جينا هنا قالوا اسمها الكوفي بريك – رددها مية مرة اها التمرجي زهج منو شديد قال ليهو تعرف خرا يا خرا انت ، صاحبي قال ليهو : اااااااي دا نعرفوا... قال خلاص بس امش جيبوا لي وتعال ... شوفي الورطات دي بعد دا كلوا ناس نادي ناصر ونادي (البصرة وبغداد) ونادي (حلب وسوريا) ونادي (الحرمين الشريفين) و بلاد الرافدين – يااااااحليلك يا حضارة بابل- وماتنسي نادي شطة العرب علي باليمين دي مع ام فتفت ما بتتاكل شدة ما حارة - .. لسه مصرين انو الثقافة العربية لسان لكن المشكلة انو في لسان بقر وفي لسان خروف ولسان غنماية ولسان تيس ولسان جاموس ولسان تيتل وفي برضوا لسان كلب – ولسان الكلب دا من الحردلو – السخانة- بكون مكلوج وما ممكن نقول عليهو عربي – المهم بعد ما نقلوا التمرجي صاحبنا اصابتنا (لعنة حنا – واتحننا واتمحنا في الدنيا ام دق دي) وخشينا في مساومة تاريخية مع المدرس بتاع العربي – كل دا عشان نرضي العربجي صاحب الحصان – انو نستمر في النطق كشعب شعب من شعوب (الناطقين الحاء حمار هاء هلال ، يعني من ننطق حنا بنقول هنا والغداء الخدا و محسن بنقول مرسن شوفتي الحنا دا كيف ، وبعد الدق دا نمشي ونغني في الشارع – هنو هنو هنو هنو علي انا يا تيتو والهاصل بي سببوا انتو ) زي ما عايزين لكن نتحمل السوط بتاعو الممسح بسمن اهلنا – بالله شوفوا المفارقات دي يمسحوا بي السوط سمنك ويجلدوك بيهو عشان العربي والله كان شفتوا سمن الشلك دا وريحة كيف دا من السلع انادرة والاستفزازية زي التفاح البفرشوهو في السوق العربي ومافي زول بشتريهو معقولة ياخ التفاحة علي مرمي البصر وما قادرين ناكلوا هو التفاح دا مش كان الشاكوش الجدع ابونا من فوق هنا عشان يتلتلنا التلتلة النحنا فيها هسي دي – لحدي ما يتاكد من مخارجنا اللفظية في فرز ونطق الحاء حمار ، والهاء هلال ، والي ذلك اليوم – كان جا- علينا ان نتحمل كرابج العربجي كحاء حمير . وياهو نحنا لغدي (لحدي) هسي (مازلنا نحمل اثقال التاريخ ومآسيه واحزانه علي ضهورنا وطبعا كحاء حمير)، وكتر خيرك غايتو طلعتي لي حباني – عفوا هباني – حصان علي الاقل الحصان العربي دا من اغلي الأحصنة والمحصنات في العالم ، لكن بعد جرينا دا عشان نلحق الحصان دا طلع وقاع ، لكن عارفين بوقع ليه عشان فيهو سرجين – وركاب سرجين وقيع ومساك دربين ضهيب لكن زي ماقالوا، انبليتا اخشي الرملة ماتقع البكان الحش – عفوا الهش- دي الممطورة ما بتبالي من الرش - ، ...؟ لكن بعد دا كلـــــــــــــــوا الجمـــــــــــــــــــــرة بتحــــــــــــــــــــــــــــرق منـــــــــــــــــــــــــــــــو .....؟؟ لكن برضوا بعد الحرقة دي كلها في ناس ماقادرة تقول اححححححححـــــــــــــــــــــــــــــــــي ، وليـــــــــه لأنو أحححححححي دا مؤنث غير سالم في ثقافة نارية فحولية ، وياهو الخستكات دي كلها محاولة لكب موية في النار لمن قربنا نشتغل بتاعين مطافي في النيران المولعة في اي حتة دي (والنار ولعت وينو البطفيها هي هي هي النار ولعت ، وحمري يعديل يا بكري عديل. انشاء الله تكوني فهمتي قصدي من (تاااااااااااااااني يا هباني) دي، كان ما وقعت افتكريها مجاز ساااااااااي ما حقيقة، عليك الله الجنوبين ديل بعد التشرد والملايين الانقرضوا في غضب الله لسه الناس بتعاملوا معاهم كحقيقة ما لسه بفتكروهم مجاز سامبلا ساكت و(وأحرق الجاز يا عوض الجاز). غايتو عشان جيتك دي ، ما بخليك تفوتي ساي ، وانا اخوكم يا بنات نيكانج حرم ضيفنا ما يفوت يدوا فاضية هاكي الدليبة دي ... لزوم ضيف الله –الضيافة- وكدا في شباب كدا في واحدة من مدارس الشمال كانوا دايما بدوكوا حصة الدين ومدرس الدين كان استاذ العربي برضوا، اها الجماعة بمشوا ليهو في حصة العربي وبدكوا حصة الدين ، يوم جوا الفصل خاشين علي اساس انو الحصة عربي قام المدرس كتب في السبورة (بسم الله الرحمن الرحيم – والحصة دين وتسميع سورة طه ) اها الجماعة عايزين يشتتوا من الفصل ، المدرس قال ليهم اقيفوا هنا جارين وين ، الدين دا ما دين اهلكم ودينكم وديني ودين البلد زاتوا جارين منو وين ...؟[/B]

---

Post: #189 Title: Re: خستكات جنوبيين في الشمال... Author: محسن طه Date: 05-08-2008, 00:39 AM Parent: #188 خستكت اليوم: اولا بلغه السوق الافرنجى: rights depend upon the rule of law,not fine words.that why we need to talk at a more honest level. ثانيا بلغه السوق العربى: ان الحقوق تعتمد على النظام القانونى،وليست على الكلمات الرنانه.ولذلك نحن مطالبون بان نتكلم بمنتهى الصراحه.

---

Post: #190 Title: Re: خستكات جنوبيين في الشمال... Author: Akoy Deng Date: 05-08-2008, 00:47 AM Parent: #188 محسن طه سلام بتاعك ياخوى بتاى انا, انشاءالله المراة بتاعك اولاد بتاعك كلهم كويسين. والله ياخوى بتاى صدقت قواجطار بتاعك وصل خلاااااااااص , والمساعد انا شايف شكلو كدا زى دينكاوى لا والله شكلو شلكاوى لا ياخى المساعد نويروى لا شكلو نوباوى , كدا يامحسن قولنا ..... مساعد بتاعك دا منو من الناس دايل

---

Post: #191 Title: Re: خستكات جنوبيين في الشمال... Author: محسن طه Date: 05-08-2008, 09:50 PM Parent: #190 Dawn in the Heart of Africa A poem by Patrice Lumumba. For a thousand years, you, African, suffered like beast Your ashes strewn to the wind that roams the desert Your tyrants built the lustrous, magic temples To preserve your soul, reserve your suffering Barbaric right of fist and the white right to a whip, You had the right to die, you also could weep. On your totem they carved endless hunger, endless bonds, And even in the cover of the woods a ghastly cruel death Was watching, snaky, crawling to you Like branches from the holes and ######### of trees Embraced your body and your ailing soul. Then they put a treacherous big viper on your chest: On your neck they laid the yoke of fire-water, They took your sweet wife for glitter of cheap pearls, Your incredible riches that nobody could measure. From your hut, the tom-toms sounded into dark of night Carrying cruel laments up mighty black rivers About abused girls, streams of tears and blood, About ships that sailed to countries where the little man Wallows in an ant hill and the dollar is king, To that damned land which they called a motherland. There your child, your wife were ground, day and night In a frightful, merciless mill, crushing them in dreadful pain. You are a man like others. They preach you to believe That good white God will reconcile all men at last. By fire you grieved and sang the moaning songs Of a homeless beggar that sinks at strangers' doors. And when a craze possessed you And your blood boiled through he night You danced, you moaned, obsessed by father's passion. Like furry of a storm to lyrics of a manly tune From a thousand years of misery a strength burst out of you In metallic voice of jazz, in uncovered outcry That thunders through he continent like gigantic surf. The whole world surprised , wakes up in panic To the violent rhythm of blood, to the violent rhythm of jazz, The white man turning pallid over this new song That carries torch of purple through the dark of night. The dawn is here, my brother! Dawn! Look in our faces, A new morning breaks in our old Africa. Ours alone will now be the land, the water, mighty rivers Poor African surrendered for a thousand years. Hard torches of the sun will shine for us again They'll dry the tears in eyes and spittle on your face. The moment when you break the chains, the heavy fetters, The evil cruel times will go never to come again. A free and gallant Congo will rise from black soil, A free and gallant Congo-black blossom from black seed! REHAB

---

Post: #192 Title: Re: خستكات جنوبيين في الشمال... Author: شول اشوانق دينق Date: 05-08-2008, 10:25 PM Parent: #1 Quote: Dawn in the Heart of Africa A poem by Patrice Lumumba. For a thousand years, you, African, suffered like beast Your ashes strewn to the wind that roams the desert Your tyrants built the lustrous, magic temples To preserve your soul, reserve your suffering Barbaric right of fist and the white right to a whip, You had the right to die, you also could weep. On your totem they carved endless hunger, endless bonds, And even in the cover of the woods a ghastly cruel death Was watching, snaky, crawling to you Like branches from the holes and ######### of trees Embraced your body and your ailing soul. Then they put a treacherous big viper on your chest: On your neck they laid the yoke of fire-water, They took your sweet wife for glitter of cheap pearls, Your incredible riches that nobody could measure. From your hut, the tom-toms sounded into dark of night Carrying cruel laments up mighty black rivers About abused girls, streams of tears and blood, About ships that sailed to countries where the little man Wallows in an ant hill and the dollar is king, To that damned land which they called a motherland. There your child, your wife were ground, day and night In a frightful, merciless mill, crushing them in dreadful pain. You are a man like others. They preach you to believe That good white God will reconcile all men at last. By fire you grieved and sang the moaning songs Of a homeless beggar that sinks at strangers' doors. And when a craze possessed you And your blood boiled through he night You danced, you moaned, obsessed by father's passion. Like furry of a storm to lyrics of a manly tune From a thousand years of misery a strength burst out of you In metallic voice of jazz, in uncovered outcry That thunders through he continent like gigantic surf. The whole world surprised , wakes up in panic To the violent rhythm of blood, to the violent rhythm of jazz, The white man turning pallid over this new song That carries torch of purple through the dark of night. The dawn is here, my brother! Dawn! Look in our faces, A new morning breaks in our old Africa. Ours alone will now be the land, the water, mighty rivers Poor African surrendered for a thousand years. Hard torches of the sun will shine for us again They'll dry the tears in eyes and spittle on your face. The moment when you break the chains, the heavy fetters, The evil cruel times will go never to come again. A free and gallant Congo will rise from black soil, A free and gallant Congo-black blossom from black seed! REHAB for these good things ... we are calling upon your membership stay well sister شول اشوانق دينق

---

Post: #194 Title: Re: خستكات جنوبيين في الشمال... Author: محسن طه Date: 05-10-2008, 03:35 AM Parent: #192 الاخ محسن تحيات عاطرات اخي انا مريت متأخر وما متابع انت راجل لذيز وكلامك الذزه عموما ده ما كان كسير تلج زي ما بقولو في (الكرتوم) انا عازك في خده ادخل البوست (اخواني الجنوبين طلب مساعده (ترجمه) وانت تعرف انا عايز شنو لك كل الاحترام والتقدير غاند ___________________________________________________________________________________________________________________ سلام يا جااال-راجل بلغه اهلى الشلك- الاستاذ ميسره غاندى الفنان وهنا ياغاندى-ياخ غاندى رمز الرجاله والصمود وفلسفه الصبر مره واحده-وانت ما اقل من غاندى فى حاجه عشان كدا ناديتك بلقب اولاد نيكانق-الشلك- وانحنا المفرده الافريقيه دى ما بننادى بيها اى زول سامبلا ساكت ،بنقولهالزول البستحقها صحى صحى وهم نادرين فى وكتنا دا،وهنا اللقب دا مابيعنى المعنى البيلوجى لرجاله، متل ما يمكن ان يفهم الكتيرين،بل المعنى الحربى والقتالى فى ساحات الكوماج والدواس وليه الكلام دا لانو النسوان هناك برضو فى الجنوب رجال وفاس ويمكن يكسر الراسين ظاتو شفته كيف ياجاال؟. وخلنى اولا نقول ليك مرحب بيك فى سودانيزاونلان كفنان واضافه حقيقيه، وفى قطيه الخستكات حقتى دى.واول مره اشوف اسمك كان فى بوست بيتكلم عن العادات والممارسات الجديده فى بيوت العرس فى السودان -اقصدالخرتوم- لان ما اى حاجه فى الخرتوم حقت السودان كلو غير الزول الاسمو الريس البجى قصباعن اى زول ويقول هو سيد الناس.وياخى بوستك داك انا متابعو كويس وبالنسبه لى مهم خالص وهسه ما شايفو فى السوق الافرنجى والعربى دا؟وماقدرتا اتلب ليك فيهو بسسب بقرى الكتير الفى اللواك-الزريبه-حقت خستكات جنوب فى شمال السودان،وما فاتت حاجه بجيك فيهو يوم كان مرقتو يوم تانى للنقاش،اولا ليك انت كفنان ولينا كمتلقين حجيج وطرب ورقيص وفن. وتانيا طلبك النبيل لى اخوانك الجنوبين-اخوانى الجنوبين طلب مساعده- لترجمه الغنيه الجبتها حقت بت الشلك.وقصدك ياغاندى نبيل فى الحته دى وانا فاهمو كويس ليه انت عاوز الغنيه دى تترجم و لى ياتو لغه ماحددتها وقلت يمكن فرنسى ولا انجليزى ولا المانى ولا سواحيلى ولا ايطالى ولا فلندى ولا ، ولا ،غيرو من لغات الواطه وكل اللغات فى الواطه دى السودانين ب-المعنى القانونى الاجرائي للجنسيه ولانو انحنا كسودانين بننقسم وننفصل على مرق-اساس- ثقافى وعرقى وجغرافى ودينى وقبلى واى زول يتهرب من الحقيقه دى هو زوله قاعد يدسى ورا اصبعه- كلهم هسه السودانين بيتكلموها بسبب الشتات الخالى محطاط العملتو حروب الرده والجمل وصفين والخوارج والاشاعره والحنابله وعلى ومعاويه والاموين والعباسين وثورات الزنج والشعوبين-اهل المساوه والتسويه بين العرب وعبيدهم- من قبل ناس المشروع الحضارى الاسلامى العربى فى السودان من وكت اولاد جون-الانجليز-اتخارجو بى محطه بحرى باى باى مستر جون وويلكم-مرحب- بى اولاد الزوات والناس فى جامع اكسفورد الكبير البريطانى-اصلا ماحنقدر نقول جامعه اكسفورد وكمبريج والسربوان لانو بعد الجوباك والكوجين الفى السودان دا اصلو ماممكن يكونو اولاد الناس والزوات ديل يكون درسو واتعلمو فى الجامعات دى،وانتو قايلين الجامعات هى مؤسسات لاستخراج ورق امتياز وكدا؟هى سلوك وطريق حياة، وبراكم شفتوهم عملو شنو بعد ما غنو لينا ياغريب يلا لى شتت بلدك وبعداك اصبحنا نغنى جدودنا زمان وصونا على السجم والرماد ظاتو. واحتمال برضو عملا بالمقوله التاريخيه المعروفه-اذا ضاقض بيكم الواطه فا اتشتتو فى زرائبها واطلبو الشتيت والبشتين ولو فى صحن الصينى الامريكى والحاره لحم ضان حلال للمؤمن اينما وجدها يقرقشا ويكدها متل المرافعين لمن يلقو لحوم وشحم وودك ودهن ضانات -المال العام- واكلو من فضل ربكم ولا حسره على الشرموط المعلق فى حوش الجالوص-القصر- من غير بسطونه لمحاحه الحدي والصقر الكلدنق ابوصلعه، ويعمل شنو الحاسد مع ناس عبدالرازق؟ولا حاجه و لاشيتن. وبعد كدا نشوف موضوع الترجمه النتى كايسو لغنيه الشلكاويه واكيد داير الترجمه تكون باللغه العربيه وعشان شنو؟ممكن تقول لى لان العربى لغه السودان القوميه-العربيه هنا فى الحته دى- وعشان نعرف بعض عبر المزيكه والدلوكه وهى لغه شعوب الواطه. وانا برضو بفكر وبنادى وبكورك لمن صوتى انقرش من الكوارك والونبيح عشان نكون ناس فى واطه واحده اسمها شوال الفحم-السودان- وكلو لانو انا وانت نيتنا سليمه-بياعت اللبن البدره المبستر والحليب النصو كلو مويه من ترعه حله كوكو-حله كوكو قالوا تحت تحت حيسموها الدوحه بعد ماتنتهى الدوخه والدوشه حقت غابات الابنوس سمعتا الكلام دا بى اضانى دى من الجالدونق عبد على ابراهيم المخضرم الطرشق حنبوكه-بلونه- مدرسه الصحراوين والحطابين والفاس وقع فى الراس- ,ودى الطريق الحتجيب الكلامى الكتير معاك الليله وكلوا عشان الحاجه الخطيره والمدمره الاسمها النيه السليمه والفطيره-الفطره- والاعمال بالنيات والامنيات وهنا مصدر الخطر بيجى من الجهاز البسرب الاشياء لملاح السليقه البكمل الكسره ويفضل زى ماهو قاعد فى الحله-السلطه- لحدى ماتجى بره ناوه-الكديسه- تاكل اللحم وتمصص العضام وبعداك تكشح الحله فى تراب الواطه ونرجع بعد ما سكره حفله الكوبانى، نتمحن فى محن الزمان والزومان ولما نشوف الناس البزيعو البيان معاهم مدير جهاز الحله-السلطه- ابراهيم على عليه السلام منيل ومدام. وطق طرق النقاره حقت الشلك دورت يلا ارح معاى جوه الحلبه ،والسؤال الممكن يكرب صلبو وينجلد وياخد علقه تمام هنا فى النقاره دى ياغاندى اخوانك الجنوبين ديل ناس منو البتقصدهم بى-اخوانى الجنوبين طالب مساعده- ياهم الجنوبين المعروفين بى وشحهم من اثر الشلوخ والتاتو على زير السبيل-الدينكا والنوير والشلك والاشولى والبوييا والباريه والانجواك والبلندا والكريش والبنقو والجورشول والتبوسا والديدينقا والزاندى والمورو الخ-على زير السبيل والحصير مثلا؟؟؟؟؟؟ ولو اصلا الغنيه شلكاويه ليه ما قلت داير شلكاوى بالاسم؟ وهل ممكن لو كانت الغنيه دى هدندويه وجبتها انا دا بزات نفسى وعاوز ترجمتها اقول ياخوانى الشمالين طالب منكم مساعده لترجمه الغنيه الهدندويه؟ودا لو افترضنا انو الهدندوه-اكوبام ،دباوا، ماهوك ،التحيه ليكم بلغكم الضاربه فى عصب التاريخ الاصيل-لو افترضنا انهم شمالين فى المقام الاول ؟ماحاقول تعالو ياشمالين ورونى الهدندوه بيقولو فى شنو فى غنيتهم، وحقول طوالى ياادروب اكوبام-سلام- تعال ورينى انتو قلتو شنو فى الغنيه الفلانيه ،ولى سبب بسكويت-بسيط-انو الهدندوه قاطنين فى الجهه الشرقيه من واطه السودان جغرافيا وليست سياسيا حقت الخم والكلفته،الخامين و مكلفتين بيها ناس كتيرين وحاشرنهم فى المصطلح المستنكح السمو (الشمال) دا.فكان ببساطه تقول لو فى شلكاوى فى المنبر ياجماعه يجى يورينى فى شنو فى الغنيه حقت الشلك دى وانتهينا ولو صلا فى ضروره عشان اى غنيه لازم تترجم معانيها-ودا بجرنا لى كلام كتير عن الموسيقه الاسمها سودانيه دى،بجيك ليهو قدام هنا فى النقاره دى-،واقوليك كلام ياجيك،الجنوب فيهو سودانين من الشمال الجغرافى من سن اسكت واصلو مامروق منو خالص ولا قاعدين يجو الشمال احيان الا ماندر ومعرسين جنوبيات وباقيهم معرسين شماليات وبجضمو لغات الجنوب الكتيره دى زى الترتيب وعندنا فى فشوده وملكال واطار وكدوك والقيقر والرنك شمالين بيتكلمو لغه الشلك وافضل من بعض الشلك كمان و والشلك الشلك اصحاب الطااى-الطابور حق التاتو فى جبهه الراس- بينادو يطلقوعلى الشمالين المجككين فى مناطق الشلك اسم (بونج شول)-العرب الشلك-المندمجين معاهم فى ثقافتهم.واها ديل خاشين فى حته اخوانى الجنوبين القلتها دى ولا نعتبرهم بره الجك؟الشمالين الجنوبين ديل جزء منهم بتلقاهم فى الخرتوم فى ام دوم شرق النيل اب زرقه-الازرق-وهم المفروض كان يرو الناس فى الشمال حاجه عن الجنوب لمن بدات مزيكت-سكران الجنه- وهاك من دار المك نمر واشرب القهوه فى بور والمصاطيل البجو فى التلفزيون راكبين الفيل الاصلى ياعبد حق الجنوب الاسمو-اطاب طونق- البنقو الكان بجو وانحنا فى الخرتوم ويقول لينا الشجر فى الجنوب بيكبر الله اكبر والسحاب فى مريدى-لندن الصغيره من الضباب الطوال السنه- انو الملائكه كانت شايله كلاشنكوفات وبتضرب وتعمل كاسورى معاهم ضد الخوارج-وبلاى كشف لكلمه خوارج دى جايه من وين وعشان شنو ولاكان الدواس فى الجنوب بين على والجماعه التانين؟مفروض الشمالين العاشو طوال حياتهم فى الجنوب يقولو حاجه لناس سكران الجنه ولا سكرهم داك حلال؟ لكن سكتو ولى هسه ساكتين.وازيدك فى موضوع الشمالين الجنوبين كلهم زى ماقلت ليك بجضمو لغات الجنوب وهى لغات التجاره حقتهم مع الجنوبين ما العربى،اللغه الجنوبيه المنعوته بى عربى جوبا دى لغه حقت المدن الكبيره وفى المناطق الاستوائيه فى الغالب والكلام دا ماليك بس دا كلام لى ناس الاونطه اللغويه الدايرن لغه واحده بس وناسين انو بمجرد ماتمرق من منبع لغتك بتفقد جزء من دلالتها وهنا فى المقام دا دلالتها الاقتصاديه عشان كدا بتلقه ليك زول شمالى فى كدوك جا كزول تاجر-مامجاهد-بيتعلم لغه الشلك فى اقله من تلاته شهور وهناك هو بتعلمها عشان مصلحتو الاقتصاديه وليست السياسيه الايدولوجيه ومجانا فى الاسواق وطيب ما ممكن الناس تتعلم العربى فى السوق العربى من غير زنديه وجبريه فى المدارس وحسب المصلحه الاقتصاديه لزول الداير بدلا من يكون الناس ماعارفين عربى ولا انجليزى كان شمالين ولا كان جنوبين وهسه جابت ليها مدرسين بالكرباوى وفى مدارس الكفار الكمبونى واليونتى من برطانيه وكمان فيها (دب قطبى) بدلا من العروسه حقت الدلاقين وبى الدولار. وانا بقول الكلام دا لانو شايف فى قشرات اليومين دى اسمها الجنوبين حايمه فى البورد هنا وطيب السودانين ناس منو هنا فى البورد دا؟. ونواصل فى الجزء التانى بعد شويه فى نفس موضوع غاندى عن الغناء البقول عليهو سودانى دا؟وهل لازم وضرورى نفهم اى مفرده وكلمه لما نسمع مزيكه؟وانا بشوف الغينه دى تفضل كدا من غير ترجمه وعشان شنو وليه بوريك. مع احترامى ليك ياغاندى لازم نجضم تجضمه صاح بينا كناس قلوبهم على السودان ونستحمل الكلام وحتى ولو انطو وانشو على شئ من القسوه فى بعض الاحيان لمصلحتى ومصلحتك ومصلحت السودان كلو وكان ما عملنا كدا ومن هسه حيكون حقنا راه ونبقى زينا وزى الناس البنقول عليهم ناس بان قديم ديل. محسن

---

Post: #195 Title: Re: خستكات جنوبيين في الشمال... Author: ميسرة غاندي Date: 05-10-2008, 04:28 AM Parent: #194 الاخ محسن تحيه طيبه انت بجدك؟؟؟؟؟؟؟؟؟؟؟؟ الكلام ده كله عشان طلبته مساعده الترجمه لي العمل ده؟ يا اخي انت ظلمتني اديييييييييييييييييييييييييييييييييييل كدي لك الود غاندي

---

Post: #196 Title: Re: خستكات جنوبيين في الشمال... Author: Tragie Mustafa Date: 05-10-2008, 04:41 AM Parent: #195 يا ميسرة سلامات Quote: الاخ محسن تحيه طيبه انت بجدك؟؟؟؟؟؟؟؟؟؟؟؟ الكلام ده كله عشان طلبته مساعده الترجمه لي العمل ده؟ يا اخي انت ظلمتني اديييييييييييييييييييييييييييييييييييل كدي لك الود غاندي وماتتحير محسن كل القاصده ان الغنيه بلغة الشلك وكان مفروض تقول يا اخواني الشلك انا عايز ترجمة للاغنيه لانه يقصد ليس كل الجنوبيبن يفهمون لغات بعضهم. زي ما بيفهم الحلفاوي لغة البجاوي كذلك هم. اما محسن فهو الذ زول في كندا يا ميسرة ولا تفتكره غاضب فقط هو يظهر ويشرح لك بطريقته. فلا تحزن بس هو حبه ينبهك للحته دي بطريقته الخاصه فاداك درس عصر طويل. ويا مسحن طه غايتو لقيتك مبالغة و الدروس ما عندك يا مونج انت. يازول انت بتجيب الرص و القص ده كله من وين؟؟؟ وزي ما قال لك ابو القاسم ابراهيم الحاج بس نجيب بنبرنا ونتحكر ونضحك في خستكاتك دي.

---

Post: #197 Title: Re: خستكات جنوبيين في الشمال... Author: محسن طه Date: 05-10-2008, 07:58 AM Parent: #196 سلام تانى ياجاال-راجل-غاندى اولا انا شايف مافى اى داعى انو الغنيه دى تترجم لى اى لغه ولو حتى اللغه العربيه حقت ناس الخرتوم لانو فى السودان الماحل دا فى كم وكم من اللغات منعوتات وموصوفات انها عربى وعشان شنو ماعارف،والمهم الناس تحاول تقبل حاجات الناس زى ماهى من غير تعديل وتعريب وهنا فى موضوع المزيكه السودانيه-تجاوزا- حقت ناس اللحو و ودالامين و زيدان والكابلى وغيرهم من ناس الحقيبه-المفتفضى-دى والطالعين فى الكفر ويضقلو فى الغن القديم ويعملو ليهو دبل كيك وباكورت جديد هسه هم ماطول السنين كلها من عمره المزيكه حقتهم دى ماقاعدين يمشو يغنو لناس الانقسنا وكان بيجونا فى جوبا فى راس السنه والكرسمس وبرضو بيمشو يغنو فى مناطق ناس دبايوا ادروب،السؤال الدايراسالو هنا هل صحى ناس الانقسنا بيفهمو الغنه حق الخرتوم دا؟ولو مابيفهمو ليه ماترجموهو ليهم؟ومره قريت لى حوار لى فنان راب يابانى فى واحده من المجلات الفنيه عملها معاهو خواجه امريكى قام الخواجه قال ليابانى انو لازم يغنى باللغه الانجليزيه عشان يكون زول دولى وكدا طوالى الفنان اليانانى رد ليهو وقال انو هو فنان مش زول عاوز يالف كتاب؟ وهنا فى مدنيه منتريال الفرنسيه الكنديه الانا فيها دى قبل تلاته شهور جابو لينا فنان الراب امانول جال وهو فنان بيغنى بلغه سودانيه حقت قبيله النوير جا هنا جضم ليك ياعبد المزيكه زى السلام عليكم والجرايد اتكلمت عنو وعن طريقه غناهو مافى اى خواجه قال فى الجرايد انو امانول جال مفروض يغنى بلغه اولاد جون الانجليزى لغه الناس الدولين دى والخواجات رقصو ونططو زى رقيص العروس يوم قطع الرهط-الهسه جلو دا-.وعندك سواقين البصات والبكاسى والحافلات هسى غنيه الكابلى البقول فيها شنو يادمشقو وباندونق وناصر هل هم فاهمين عبدالكريم الكابلى بيقول فى شنو؟ وبعدين فنان الراب امانول جال لما استقبلوهو هنا فى منتريال استقبلو كزول فنان سودانى ولكن كدى خلى يمشى يغنى فى التلفزيزن العربشن-العربى- وشوفوكمان قال قومى الفى امدرمان ولا راديو امدرمان،شوف كان ما جوا ناس ودالامين والكابلى وعاملوهو كفنان جنوبى وطيب ناس الكابلى و ودالامين وابراهموما اللحلو الناس ديل البخليهم يكونو سودانين شنو وعشان شنو والباقين يرحو فى غضب الله عبد الناشف فى مفهوم الاغنيه الكردفانيه والاغنيه الدارفوريه والاغنيه البجاويه وغيرو وغيرو من من طرب ومزيكه فى واطه السودان الواسعه دى. وكمان ناس السياسه كمان زى الصادق المهدى ومحمد نقد وابو هاشم البخليهم يكونو سياسين سودانين شنو و لام الكول ورياك مشار وتوبى مدود وابل اليير وغيرو وغيرو يتعاملو معاهم كجنوبين شنو وكمان ماسودانين والكلام الزى دا بنقول انحنا زاتنا الناس الواقعين سلخ ومعط وكسر فى مايسمى بناس السودان القديم. وشوف ياغاندى و تاوك فى البورا دا بتلقى زول قاعد يتكلم ليك عن الغنا السودانى وكمان فوق عليهو فى غنا بيقول عليهو هابط والله هنا المزيك الجد جد دى ياهى البقولو عليها هابطه دى وكمان عندهم ترزيه وقصاصين وفصالين يجككو يفصلو ويقيسوا على مزاجهم والله حى مايو دا براهو فوقو اكتر من عشرين فنانه معطلنهم الصحراوين ديل من غير سبب وكان لقولو ليهم طريقه بس جو هنا امريكا دى على بالطلاق تتفرجو فيهم فى تلفزيون السى ان ان والبى بى سى يازول ناسكم بتاعين كراسى النص-الخرتوم- حيقعدو يعطلونا بسب كلام عاضى ومجلى ومخستك اسمو الاخلاق والقيم اخلاق وقيم بتاع شنو ماانحنا بعد دا كلو حيحشرو لينا ويحشونا يوم القيامه ويزقلونا فى النار زى الترتيب ويعنى نقعد نفضل كدا بس نار فى الدنيا ويوم القيامه برضو نار جهنم والسعير كمان ياجماعه دى ورطه شنو دى الواقعين فيها انحننا دى.وكدى تاوك كدا لبوست اسمو ملكات جمال الجنوب-وبرضو فوقو الجنوبين-مشينا قلنا نتوس مع الناس ونوريهم حاجه عن العادات والتقاليد والتقول انحنا خبراء وفطاحله الانثروبلوجيه والاثنوغرافيا والفلكور،ياخى سؤال الناس الفى الافرواشين-معهد الدراسات الافريقيه والاسويه-قاعدين يصرفو قروش عشان شنو؟اها مشينا لبينا عزومه العرس حق الصور يقوم يجو ناس يقول ديل بنات عريانات ومالابسات الخمار والبرقع وعاملات حسن كشيف ولحمهم وشخت برة وظاهر والصور هى حقت ملكات جمال يعنى يكون البنات ديل لابسين ننجا كيف يعنى. والمهم ياغاندى والله الواحد بيشكر على جيب الغنيه لكن خليها كدا من غير عربنه وافتكر نفسك راكب بص سياحى خاتين فيهو شريط غنا هندى ولا بتشرب ليك كركدى فى محلات مرطبات السوق العربى الكلو مزيكه هنديه وهسه انا القدامك دا عبد الحليم حافظ مره واحده لكتير من الاغانى الهنديه ومامفكر امشى الهند اخد لى كورس لغه هنديه وبرقص زى دارمندارا ويمكن احسن منو زاتو.والمزيكه مزيكه دا عندنا هنا فى بلاد الكافرين رفقاعنا فى جهنم من مالى والسنغال والكمرون والكنغو زائير-السودان عاملين ليهو جلال كادوقلى ويقعد يقلى لمن يدفك و السودان مش مافى هنا عند الخواجات براهم كمان مصر وسوريا وفلسطين وتونس والجزائر والمغرب- وناس السنغال ومالى بيجيبوهم كلو سنه لمن اتملو قروش من جيب الكفار صحبان الكيزين تشرب بيره ووسكى وتخش النقاره تريح جعبتك بالرقيص زى العجب وتشترى وتخزن فى الحاجات الحرام كما ينبغى وتكون عارف نفسك كويس يوم تشتت من ناس امك وابوك والسودان قبلهم تمشى تقيف فى الصفوف الاماميه مع ناس ابو جهل ومايكل جاكسون وشكيرا وفيانسى وبيل قيت وبوب مارى وتووباك وهالى بيرى و ناس زيدان ابراهيم واللحو والبعيو ودالامين والكابلى وثنائي الحتانه والعاصمه عثمان حسين ديل كلهم ماديرنهم فى جهنم حقتنا دى كان جابوهم لينا هناك فى جهنم حنهمشهم زى تحميشهم لغنا بناتنا البسمو غنا الخدم والساقطاط والملقطاط وديل مافى ناس كانو بيقولو عليهم البلتاريه الرثه مش ياهم وقود الثروه والثوره ولا البلتاريه فى الخرتوم اتنين والصافيه، ولا المجاهدين والمجاهدات. __________________________________________________________________________________________________________________________ غايتو ياغاندى تورته لى القرحه بكلمه جنوبين دى ياخ ولكن كويس الواحد عرف انو البورد دا فوقو ناس جنوبين وناس سودانين ومشكلتى ماعارف السودانين ديل ناس منو هنا وفى السودان؟ وبجيك بكره فى نفسى بوستك حق اخوانى الجنوبين لسه الونسه مانتهت. وبكره بفتح لى بوست عنوانو حيكون ياجنوبين تعالو فى مرة موراويه ولدت تحت شجره دليب وبعد نصف ساعه شالت جناها ومشيت قبل ماتتم الاربعين.ومالو وشغلنا شنو فى السودان غير الدفاع عن نفسك وانفصالى ولا وعنصرى ولا وشرح والكجور والبقر والغنم وشلكبولوجين وديناكبولوجين ونوريلوجين واتعالو بكره نوريكم كيف كنا دايات وقابلات تحت شجر التبلدى فى ملكال.وخلى عبد الباقى فى سرك وتشكر يا غاندى ودا كلام لازم كان اقولو ليك وبجيك بهناك بكره ونواصل الونس الاخره لسه وواع ياغاندى تفتكر انو فى سوء نيه النيه واصله كناس سودانين اولاد بلد واحد ودايرنو يكون واحد وعشان يكون واحد لازم نكون واضحين ونبطل حكايه منو دا الطيبان ومنو داك المسكين ومنو داك ماعارف حاجه ساى وكان بهظر ساى .السودان دا ماداير هظار لانو فى ناس ماتو بالكوم ولسه قعدين يموتو فى الوكت البنكتب فيهو دا والناس الكتلوهم وضبحوهم فى الجنوب ديل انا دا محسن طه ولاكو واوطو مازول اشرف منهم عشان اقعد اتمجمج اتسحسح مع اولاد الخرتوم وفيهم ناس مابعرفو يمسكو قلم ولاشافو مدارس وشالو الكوكاب عشان يدافعو عن مزيكتى ووجودى فى سنتر قريش وانا كبيت ليك الكلام الكتير دا لانك زول طيب وبتاع مزيك وناس المزيكه البان جديد مادايرنهم يكون زى المستنكحين البان قديم وفى موضوع المزيكه دا اخوك كان جا يادوبك وعندى اولاد بت عمى تفاتيح خرتومين طوالى حلقو راس اخوك بانكس ومره كارلويس وطالى مشينا البانراما فى فندق قصر الصادقه دسكو زى السم يوميا بروفات حقت براك دانس تقول لى شنو وكدى نسال انت بتاع المزيك بتعرف ناس فى ديوم بحرى ناس جاز اللبلوز؟وشوف مزازيكنا كانت وين صاله المريدين والهبيى لاند والمطعم السياحى جمب وزاره العربى اب دق-التربيه- وكفتريا سكه حديد ونادى الفروسيه واولاد الثوره السادسه ازكر ليك جكسا بتاع رفع الاثقال واوريك الدى جيهات كانوا ناس منو فاسيلى و نابق وعبود والنادى الارمنى ودار المهندس والمطعم الافريقى فندق السودان وفى الاخر يجى القيقم الكان ساكن جمبنا فى حى البطنيه ويجيبو لينا قال فنان سودانى؟يازول احسن نجضم الكلام كويس وكان شايف الكلام ظلم ليك بتبقه مازول سودان بان جديد.افهما سلاخيه ياجيك بتلقاهو مكسب كبير

---

Post: #198 Title: Re: خستكات جنوبيين في الشمال... Author: محسن طه Date: 05-12-2008, 08:47 PM Parent: #197 خستكة اليوم اولا بلغة السوق الافرنجي what should everyone shutup about ? ignorance and nonsense . shut up if you don't have anything good to say. 2bac بلغة السوق العربي ... والترجمة حا تكون بلغة الحبوبات ... المفروض اي زول يكون صامي قدوموا عشان شنو ... الجهل والتفاهة ... وقفل قدومك كان ما عندك حاجة كويسة تقولها ... فنان العبيد والراب توباك محسن طه رئيس مركز دراسات الخستكة لحقوق ناس الواطة والعبيد الاستراتيجي

---

Post: #199 Title: Re: خستكات جنوبيين في الشمال... Author: Bashasha Date: 05-12-2008, 09:14 PM Parent: #1 عووووك يا محسن مشتاقين او مرحب بيك. رحاب، اها رجعنا لي منبر الجلابة، انشاء الله خاطرك طاب. طبعا حكيت لي محسن، كلام امام الكمرون "الجلابي" القال "العبيد ملو البلد"! عيييييييييييييييك! افريقية دي مليانة جلابة! الجلابي هو بحق Negro قوبيني، منظر النازية!

---

Post: #200 Title: Re: خستكات جنوبيين في الشمال... Author: وانجا Date: 05-13-2008, 11:27 PM Parent: #1 ***