Post: #1
Title: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-07-2008, 08:29 PM
Parent: #0
الاستاذة رحاب طه ... نطالب لها بالإنضمام لعضوية البورد.
عشان محسن ما يهمشها وكده
شول اشوانق
_______________
تراجى إيدك معاى
|
Post: #2
Title: Re: رحاب طه ... نرحب بيها هنا يا بكرى... ممكن؟
Author: وانجا
Date: 05-07-2008, 08:40 PM
Parent: #1
أثُنى ...
ولا للتهميش
|
Post: #22
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 08:07 PM
Parent: #2
يا وانجا ...
شكرا ليك ياخ ...
وبالله (قريب تعال ما تبتعد) وخاتنك للكبيرة
كان العربية وحلت ولا عايزين لزة ولا شئ
تسلمي ...
رحـــــــــــــــــــــــــاب
|
Post: #3
Title: Re: رحاب طه ... نرحب بيها هنا يا بكرى... ممكن؟
Author: Ahmed musa
Date: 05-07-2008, 08:43 PM
Parent: #1
رحاب طه مني ومحسن منو ....؟؟؟؟
|
Post: #4
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 05-07-2008, 08:44 PM
Parent: #1
مرحبا بالغاليه رحاب طه قلما مميز
الغاليه رحاب طه زوجة اخونا محسن طه بتاع (ختسكات جنوبين في الشمال ).
رحاب صحفيه ومذيعه براديو محلي بمونتريال الكنديه.
ومعا يا بكري لمنحها العضويه.
|
Post: #6
Title: Re: رحاب طه ... نرحب بيها هنا يا بكرى... ممكن؟
Author: فيصل محمد خليل
Date: 05-07-2008, 08:59 PM
Parent: #5
شول
عشان خاطر ديك اثني
اوع تقول لي عجوز و حركات
|
Post: #7
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-07-2008, 09:05 PM
Parent: #1
وانجا وأحمد موسى وتراجى .... والله انا سعيد جداً للتثنية القوية ده (أفرحى يا رحاب جوك ناسك ذااااااااااااااااتهم )
رحاب مرحب بيها هنا إنشالله الله.
شول اشوانق
_____________________________________
أحمد موسى ... سعيد انا بمعرفتك يا أخى (يلا نمشى نقبقب الريس اليوم داك لو ما اداها الباسويرد ... سمح الكلام؟)
|
Post: #8
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-07-2008, 09:14 PM
Parent: #1
Quote: شول
عشان خاطر ديك اثني
اوع تقول لي عجوز و حركات |
OK يا فيصل (المضطر بيركب الصعاب )
|
Post: #9
Title: Re: رحاب طه ... نرحب بيها هنا يا بكرى... ممكن؟
Author: Ahmed musa
Date: 05-07-2008, 09:27 PM
Parent: #1
| Quote: أحمد موسى ... سعيد انا بمعرفتك يا أخى (يلا نمشى نقبقب الريس اليوم داك لو ما اداها الباسويرد ... سمح الكلام؟) |
شول هوي أمشي قبقب براك ...........إنت زول عندك نصيب في كل حاجة ............أنا زول قؤيعتي راحت ............لكن أثنييييييييييييييي من هنا لبكرة ومعاً لدخول (رحاب) .........وتحجيم (محسن) هههههههههههه
|
Post: #10
Title: Re: رحاب طه ... نرحب بيها هنا يا بكرى... ممكن؟
Author: amir jabir
Date: 05-07-2008, 09:46 PM
Parent: #9
انا يدى كيف ما بتنفع ((ولا انا يدى طويلة ))
_______________
نثنى ونبصم
|
Post: #11
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 05-08-2008, 04:45 AM
Parent: #10
الحبيبه رحاب
رجاء الكتبة لبكري على ايميله
المنشور في واجهة الموقع.
ويا احمد موسى وشول اشونق عليكم بالباقي,
تحياتي.
|
Post: #32
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 09:08 PM
Parent: #10
يا امير جابر ...
كيفك ...
يدك غايتو كان بتحلق راس الأركوبة - الراكوبة-
انا غايتو بتكون معاي كويسة
وشكرا علي البصمة(يا ربي بالعشرة؟؟)
نردها ليك في الايام الجميلة والطويلة برضوا
رحــــــــــاب
ـــــــــــــــــــــــــــــــــــــــــــــــــ
انا بمضي اسمي تحت عشان ما يختلط الاختصاص وكدا
شكرا تاني
|
Post: #58
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 08:27 PM
Parent: #9
يا احمد موسي
كتر خيرك علي التثنية ...
والقبقيب صحي كلامك مافي ليهو داعي هسه ،الحفلة يادوبك ابتدات والساقية لسه مدورة
بعدين ما تخاف انا عندي حق (الفيتو)خليك قريب وقريعتك ما بتروح
بنملاها ليك...
علي مسؤليتي ....
سلام تاني
رحـــــــــاب ست الاسم 
|
Post: #12
Title: Re: رحاب طه ... نرحب بيها هنا يا بكرى... ممكن؟
Author: محمَّد زين الشفيع أحمد
Date: 05-08-2008, 04:52 AM
Parent: #1
أهلاً بها رقماً من أرْقامِ
الجمالِ بيننـا ..
احترامي ..
أخوك / محمَّد زين ...
|
Post: #13
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 08:36 AM
Parent: #1
| Quote: رحاب صحفيه ومذيعه براديو محلي بمونتريال الكنديه. |
عشان كده عايزنها هنا ده....
| Quote: شول هوي أمشي قبقب براك ...........إنت زول عندك نصيب في كل حاجة ............أنا زول قؤيعتي راحت ............لكن أثنييييييييييييييي من هنا لبكرة ومعاً لدخول (رحاب) .........وتحجيم (محسن) هههههههههههه |
ما تخاف يا زول ... ما عندك مشكلة هنتم الباقى... سمح يا ود موسى؟
| Quote: انا يدى كيف ما بتنفع ((ولا انا يدى طويلة )) |
حاشاك من طولة الإيد يا ود جابر
Quote: أهلاً بها رقماً من أرْقامِ
الجمالِ بيننـا ..
احترامي .. |
ود زين.. ما قصرتا تب.
شول اشوانق
|
Post: #14
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 01:25 PM
Parent: #1
*
|
Post: #15
Title: Re: رحاب طه ... نرحب بيها هنا يا بكرى... ممكن؟
Author: العوض المسلمي
Date: 05-08-2008, 02:56 PM
Parent: #1
شول دينق سلام
اولا
انا اثني
بدون ان اسال عن اي شئ
كويس
وتاني من حقي اسال ...
(| Quote: أفرحى يا رحاب جوك ناسك ذااااااااااااااااتهم |
تقصدي شنو ؟
كوني واضحه
|
Post: #16
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 03:22 PM
Parent: #1
Quote: شول دينق سلام
اولا
انا اثني
بدون ان اسال عن اي شئ
كويس |
تمام التمام يا المسلمى.
Quote: وتاني من حقي اسال ...
(
Quote: أفرحى يا رحاب جوك ناسك ذااااااااااااااااتهم
تقصدي شنو ؟
كوني واضحه |
ايوة من حقك تسال بس ... انا ما قصدت حاجة (تراجى بتعرف رحاب وساكنات كندا البعيدة ديك)... يا المسلمى ولو الكلام ده فرق معاك فلك العتبى حتى ترضى يا قريبى.
شول اشوانق دينق
________________________________
العوض يا أخوى... مافى واحدة جنوبية إسمها شول ... الجماعة ما كلموك ياخ!!!
|
Post: #17
Title: Re: رحاب طه ... نرحب بيها هنا يا بكرى... ممكن؟
Author: العوض المسلمي
Date: 05-08-2008, 03:39 PM
Parent: #16
شول اخوي سلام
معليش للتانيث
وبالجد انا عمتي شقيقة ابوي اسمها الشول
|
Post: #18
Title: Re: رحاب طه ... نرحب بيها هنا يا بكرى... ممكن؟
Author: Kabar
Date: 05-08-2008, 03:40 PM
Parent: #1
شول..حبابك يا صديق..
أثني عضوية الأخت رحاب..و هي ستكون اضافة حقيقية للمنبر..و الزولة دي شايلة كلام كتير في رأسها..
و مرحب بيها..و انا شخصيا دايرها تسجل هنا عشان داير اشيل حالها في كلمة " الخُمام" لأنو قالت دي مفردة تشادية..
يعني يا رحاب حارساك شيلة حال ليها ضل..
كبر
|
Post: #30
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 08:55 PM
Parent: #18
ازيك يا كبر ...
(مدير مركز الخستكات بغرب كندا)
شكرا ليك ياخ علي التثنية والتربيعة برضوا
اتاااااااااااااااااااريك صاريها لي ، والله انت ومحسن ديل الواحد اصلوا ما ينشرح معاكم... 
بعدين ياخ مالوا مرات في كلمات بتروح في النص بتبقي (بين بين ) ياخ وبتبقي حقت الجميع ، الجماعة التشاديين ديل مااهلنا ... ولاغيرو/غيرنا رايهم/راينا...؟
لكن يا (جادلدونق ) قالوا انصر اخالك (عالما او جاهلا بالموضوع) شيل حالي علي جنب كدا بالكرباوي لا من شاف ولا من دري، في داعي يااخوانا للفضايح الاسفيرية دي ؟؟!!
شكلوا كدا الا الواحد يمشي يشد ليهو درقة ولا حاجة من شول لزوم السواتر وكدا...
شكرا ليك تاني وتالت
برجع تاني ...
رحـــــــــــــــــــــــاب
|
Post: #19
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 04:31 PM
Parent: #1
المسلمى ولا يهمك يا صديق.
كبر تسلك يا قربا ومعاً عشان رحاب تاخد عضوية معانا هنا.
________________________________________
* إنتو يا جماعة ما تخوفو الزولة قبال ما تجيكم كده تقوم تقول ما دايرها معانا
|
Post: #20
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 07:55 PM
Parent: #19
يا شول عملتها ...
والله ماعارفة اقول شنو ياخ ...
انت دايما بتاع مفاجآت لذيذة...
شكرا ليك كتير كتير كتير ، انشاء الواحد غايتو الله يساعدوا بي عنقرة تقدر علي الشعر دا ... وشكرا لحسن الظن ...
قلت محسن يهمشني... ما اظنو بقدر ، لانو ما حيلاقي حتة يختني فيها
هو الهامش فضل فيهو حتة ، ما اتملا لمن دفق عديييييل، ماشايف ياخ حتي (الجالدونقات)- جالدونقات استلفتها مفرد لكن جمعتها براي- الكبار جو اتحكروا في نص الهامش ، غايتو محسن كان داير يهمشني والله الا يدخلني في جيبو...
يلا بجيك تاني ...
لي قدام والله يخليك ...
رحــــــــــــــاب
|
Post: #21
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 08:05 PM
Parent: #20
|
Post: #41
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 11:30 PM
Parent: #21
سلام جاكم وفطر واتغدا واتعشه معاكم
اسمعو هنا راجل المره ممكن يسنن-عفوا قصدى ممكن-يثنى ويطلع طائر اسبوع-بتاع مداعى؟
ولو ممكن اها اسنن بدورى وادعو الاخ بكرى ابوبكر-سيد الحلوش- ان يدى رحاب فرصه وروب فى وطنا الباسموا انكتلنا وانطرشنا وكان بقينا حيين بنكون (وان كييل)-اعور بلغه الشلك- والفلهم قالوا عوره لماتشيل الرتينه جمب خزان الرصيرص ولا جمب الهيئه القومى للكهرباء وما فارقه بيقولو الاعور فى بلاد المصطولين-الراكبين الفيل- بيمشى مشيت الديك الرومى-ملك الروم- او كما قالوا ناس الررم انو الناس فى الدمازين معظمهم بنورو القطيه بام دخيخينه وتجو تقولو الكهربه للفريق القومي-السودانى-؟.
وشايف شول قال ادو رحاب الكارنيه عشان تدخل البورد من دون تحميش من محسن،واسمع هنا يا شول انت ماقريت كتاب الجالدونق بول فرارى اللاسمو-تعليم المقهورين-العملنا ليهو سمكره سودانيه وسميناهو-تكريم المقهورين- فى جزء من سردياتو قال المهمشين ولا الزول المهمش لما يكون فى قفص-سجن-بنظر لى سجانو نظره اعجاب وتقدير وبيحلم باليوم البيكون هو زاتو زى سجانو وعاوز يلعب نفس الدور حقو ونمشى بعيد ليه عندنا فى السودان اى تلميذ فى الابتدائيه بيحلم انو يوم من الايام يكون استاذ وانت قايل الحلم دا عشان اهميه التعليم قايل؟لا عشان المعملين بعرفوا يضربو اكتر من يعلمو وتانى لماتمشى الثانوى فى منو ماكان بيحلم يخش الكليه الحربيه عشان يعمل انقلاب وهى اقرب طريق للجنصصه بالسلطه وافضل من راس الرجاء الصالح الاحزاب-وتبرو من العزاب- وهو الفرق كبير بين الكليه الحربيه والاحزاب مايهو بس البطنلون كيس بندقيه-الملاكى- والكاكى الميرى وزى البولس والشرطه الفرق بيناتهم الاولى البولس بالانجليزى والتانيه بالعربى وكان لسه مامصدقنى كدى عاين لناس الهسه الفى بنبر السلطه وكشف ليهم كويس...هم ناس منو قايلم مايهم ابناء المدارس المنعوته بالقوميه الكانوا بدرسوا فيها ملح-مجانى- من ابناء الغفره والجناينيه والعنقاله والسواقين والخضرجيه والبصلجيه والبلحجيه والشاوشيه الفارين من قرى ناس ابو الريف البياكو العشريف والهسه عايزين يقشرون بينا ودايرين يورونا انهم خلاص كانوا اولاد الحضاره فى المدن البان جديد الاسمنيه فى الخرتوم وكدى خش اى بيت كان مالقيت البط والجداد جوه الصالون وكان قدرته تمشى لى جوه اكتر بتلقى عش النوم فيها الحلل وبرش الدخان والظهر والصابون وليفه العده وكنش العصيده.وين هسه الحضاره وما اى زول كان بقول لحمار ارد ارد وطوالى مشى لعربيه تيت تيت انو هو خشه الحضاره ولو قرصتو قرصه سغنتوته فى اضانو حيقول ليك وش وش هاو هاو. واخوك ياهو جوه خرم ابره التحمير-التهميش- ولو جات الدكسه وعملو الزى العملوهو لناس عشش فلاته السكنوهم واطه جديده وسموها الوزير دقس،يا نى العملت لى برنامج فى التلفزين البقولو عليه قومى دا وجبته ليهم فنانات البلوز والرزم والجاز المبدعين والموهبين البسموهم خدم الديم وخدم حى الضباط وخدم بحرى واهمش ليك لناس ود الامين واللحو وثنانئ الحتانه-برتكان نهندك يادوب قايم لى انا واوعك تقسى على انا- وناس طرور وكرور ديلك وناس الحقيبه-هو ياناس الحقيبه دى اصلو ماتفضى من ماقمنا هى مليانه هو جنسها شنو دى الحقيبه دى- وكمان ود الفحل-مره كنت قاعد فى دكان ود النيل الابيض صحبى والرادى كان فاتح برنامج عبد المطلب الفحل والتلفونات اطاقشت الو الو الو ودالفحل..ايوه حبابك ياختى..ازيك يا الفحل خبارينك..كويس احمدو..اسمع ياود الفحل ممكن اهدى غنيه ود الامين زاد الشجون لى اختى فى الدوحه؟جد جد غالى والطلب رخيس ولكن انتى ضاربه من وين ياختى..انا ضاربه من شمبات..ياسلام فى شمبات حليل مجلسنا ومعاكى منو فى البيت..والله براى فى المطبخ.قام صاحب الدكان ود النيل الابيض قال لى اسمع جنس الونسه دى بلاهى وهسه الزول ود الفحل دا كان سوه برنامجو فى وكت تانى يكون الرجال رجعوا من الشغل ما احسن من الونسه مع الحرام ورجالهم مافى مرقو فى الشغل.
والكلام الفوق دا ياشول والغيرو لازم نفتح عيونا متل الفناجين لانو عجله التهميش ممكن تدور وتدور الى مالانهايه ونبقى يازيد كانك مااتغزيت-تغزيه صحيه ومعقمه ومطهره- والعداله وحقوق احيان هى الاسطوره التى يضاره وراءها الدكتاتورين وعشان كدى لازم تكونو عارفين وناقشين انو محسن دا مايجينا يوم يورينا الجانب البطينى-الدكتاتورى- لما يشوف قدامو صحن السلطه-السلطه- حقت بيت العزومه.وتشكر ياشول والاخوات والاخوان الجو هنا فى بيت العزوم لى رحاب ونومو على الكلمات-ياحلاوه الريد وهمسو حدى يقدر يهمش نفسوا،والكلام ليك المنططه عينيك-رحاب.
ولا لا لدكتاتوريه على قول وانجا وتشكرى ياونجا على جيتك-وانا وفردى على الغريب-وعاينى للفهم القبلى دا تقول لى بقينا ناس حداثه.
تراجى مصطفى
عاد انتى شمارك ناعم ومغربل هسه يافرده فى داعى تقولى رحاب زوجه محسن الكلام البعم القرى والحضر وتمشطينى مشطه سودان غفل زى دى يافرده مايمكن يكون فى جكس عامل على سودان غفل-غافلين على-وعايزين الوحده فى اللستك-اطار-التنوع وكدا واها ياتراجى يافرده العملتيهو دا تكس اصلوا ماحيرجع كلو كلو وقون نمره تلاته فى العريس يوم رقيص العرس، قطع الرهط-والرهط حق زمان دا قالو واحده من الاسباب الاساسيه الجابت ناس الامر بالمعروف والنهى عن المنكر الحضارين الهسه مصنقرين فى عنقريب بيت الجالوص-القصر الجمهورى-تقولو لى الخواجات ياهم الناس العريانين بس فى منتجع شرم الشيخ وشوفى اسمو شرم الشيخ كمان-محل الوسكى والفوتكا واحواض السباحه-علموهم السباحه- والسياحه والصياعه والعرايه المن غير مرايا شفتى الفراعنه حريفين كيف فى لقيط الدولارات واليورو والاسترلينى ولكن كدى قولو دايرين تعملو منتجع فى جبل مره متل حق الفراعنه دا طوالى يجيكم الشيخ الشروم المجكك فى المنشيه ويقول ليكم فتوه الحريم-الحرام- وعاد ما منتجع شرم الشيخ ماياهو المصدر التانى بعد الحج من مصادر الثروه،غايتو انحنا نروح فى غضب الله عبد الناشف طالما ناس شيوخ الثروه الحيوانيه لسه مجككين لينا فى السودان.عشان كدا ياتراجى لازم نزح من ناس شيخ شروم وعشان مانكد دوم طوال حياتنا ومالو بس لو عملنا منطقه كافكانجى منتجع متل شرم الشيخ ويجو الخواجات والامركان للمفاوضات العربيه الاسرائليه ونستفيد من الدولارات دى واصلا المفاوضات فى شرم الشيخ عشان تطرشق وتنقد وتانى يجو من تانى والدولارات واره وكابه زى العجب والبيمنع شنو نعمل زيهم وانشاء الله تطرشق وتتنفس زاتو بى جازهم المهم انو المنتجع فى كافكانجى السودانى يوفر فرص عمل وبالدولار لاهلنا ناس ابو الريف ويعيشوا حياه راقيه ومقرشه وعشان كدا ياتراجى العرب بحنبكو ويزبدو وينتفخوا لمن تقولو عاوزين تعملو بزنس زيهم واولهم ناس شرم الشيخ-المصرين-ليه ياسماره تخونو امتكم العربيه والاسلاميه وانتو مامنحازين تاريخيا لجامع الامه العربيه والاسلاميه وحارم البتعملوهو دا ياسماره وكانوا شرم الشيخ دى مكه وفيها الحجر الاسود وشيل الحجار لفليق ابليس فى نص طايقو و هو زاتو قروش الحج زاتها بتمشى وين ومش مفروض يستمتع بيها كل المسلمين؟وناس خلاوى حمش كوريب ونار التقابه عريانين وحفيانين؟وكان ماعارفين افتحوا القوقل فى الاسبوع الاول قبل رمضان وشفوا حجوزات التزاكر للناس المسافره باريس ولندن وامريكا من السعوديه.يازوله اشتغلو بعد كدا بزنس سياسى صاح وطنشو ناس القرضاوى الامريكان-اولادو التلاته بيدرسو فى امريكا ومابعرفوا عربى كمان- ديل وهم كان رجال ناس شرم الشيخ والقرضاوى والشيخ الشروم حقنا داك مايدوى الميه مليون مواطن عربى حق التوصيت وانتخاب الحاكم وياخى ميت مليون ماعندهم راى وحق عشان يقولو لحكامهم شتتو وتلبو من حياتنا دايرننا انحنا الماعندنا ادبخانات ومستراح لقطع الجمار فى همشكوريب وخلاوى نار التقابه انو ننتمى ليهم تاريخيا وحاليا والله بعد كدا البس ينتمو ليهم ناس كراسى النص-الخرتوم-الفرحانين ديل.وبعد كدا دايرين نعمل اى حاجه بقولو انها حرام وماحلال و خلى الله يطلع دينا كلنا مع الميه مليون ديل يوم القيامه وعلى الاقل حنتعرف على ابو جهل هناك فى جهنم واى حرام مباح لينا لحدى مايمشى القرضاوى دا بنفسو ويقفل بيت السكر والدعاره الخواجات العريانين فى شرم الشيخ.وشكرا لى دعوه رحاب فى المنبر.
سلام يامونج فيصل محمد خليل
:ياخى تشكر على الجيه وشايفك بهناك فى بوست الجمال الابنوسى مادى قرعتك وتحت تحت قالوا عندك بقر بالكوم ودا كلام كويس وبعدين مالك ماخترته ممننا الشلك ياجالدونق احسن تعرس بت شلك لانهم اكتر ناس اتعوربو من ناحيه الثقافه وكوستى وفشوده كدارى ممكن تمشى ولكن شايف الزفه شكلها ماحتمشى لقدام بعد الفتوه حقت-حسن كشيف-قالوا عريانات ياعمك والله الواحد ماعارف الزول بيعرس ليهو زوله ومايكون شافها كيف ماعارف وبعدين مش فى ناس بيمشو يطلبو البنت وناس بيتهم ممكن يسمحو للعريس يشوف البت عبر قده-فتحه-فى باب الحمام يخلوق تكشف كويس وكان ماعجبتك ممكن تقول مادايره وشوف هسه فى كم واحده جاتها نفسيات بعد الحسن كشيف دا وقالوا مادايرنها؟ما اخير حقنا المكشف بره السحله ومن بعيد تكشف وتعزل وكان ماعجب تعمل نايم من غير ماتقول مادايره وقدام اهلها؟والمهم لينا نقاره جد جد بهناك وشوف حنعمل ليهم شنو واسمع هو جكسه فى خط سته دا كان بيلعب فى نادى الملكيه جوبا ولاشنو ياربى؟يافيصل صحى الحاج يوسف الوحده دى صحى السودان دا يوم كلوا حيكون ساكن فيها .
والمونج امير جابر
اسمعواالحقوا صور حقت البنات الجنوبيات جابت ليك ناس النهى عن المنكر حصلو وانا بجيكم بهناك فى بوست الازهرى حق ملكات جمال الجنوب.ونشوف لينا طريقه نحجب بناتنا ديل شكلهم خلو الجلاليب متل خيم القزافى فى الصحراء منصوبه مرق.وتشكرو على الزياره ويبدو العرس ماحيتم وحيطرشق غايتو الوحده فى لستك-اطار-التنوع دى ما اظن حتحصل.
سلام لجالدونق محمد زين
على التكرم بالحضور واتشرفنا كتير بمعرفتك والعاقبه عندك فى المسرات طبعا وشكرا هسه فى كروت المناسبه بقت مافى لازم ترمى حاجه ولو بالدين ماتقول بعدين.
والجالدونق العوض المسلمى
سلام بتاعك وانشاء الله تكون رحاب ياسر عرفات-انعرفت-ليك وشنو الدقسه مع شول دى يازول انا زاتى قبل كدا دقسته دقسه زى دى فى الخستكات بهناك وخاطبتو بالمؤنث سالم وبتحصل فى ارقه المدن ومتشكرين انا ورحاب على الترحيب بى رحاب فى المنبر وانشاء الله رحاب تكون اضافه فى المنبر.
ويامونج ود ابا كبر
الكلمه قلتها انا رايك شنو؟نكفكف اللاوى ولا عندك كلام غايتو استنانى فى الخستكه بكره ولابعدو، وحيكون بالدكوه وكدا والسمنه زاتو.وتشكر ياخى وبطل تحرش المدام من قولت تيت.انت ناسى انحننا ناس التيتى كوره ولا شنو والبيره ابوجمل حقت ابو عاج دراج السجم والرماد.
راجل المره محسن
v
|
Post: #23
Title: Re: رحاب طه ... نرحب بيها هنا يا بكرى... ممكن؟
Author: محمد عبد الماجد الصايم
Date: 05-08-2008, 08:25 PM
Parent: #1
يا عمك
أنا كمان
|
Post: #25
Title: Re: رحاب طه ... نرحب بيها هنا يا بكرى... ممكن؟
Author: amir jabir
Date: 05-08-2008, 08:35 PM
Parent: #23
| Quote: اسمعواالحقوا صور حقت البنات الجنوبيات جابت ليك ناس النهى عن المنكر حصلو وانا بجيكم بهناك فى بوست الازهرى حق ملكات جمال الجنوب.ونشوف لينا طريقه نحجب بناتنا ديل شكلهم خلو الجلاليب متل خيم القزافى فى الصحراء منصوبه مرق.وتشكرو على الزياره ويبدو العرس ماحيتم وحيطرشق غايتو الوحده فى لستك-اطار-التنوع دى ما اظن حتحصل |
محسن يافردة كيفك والله انا لو بقدر اكتب زيك كدة كلام كثير كان بيقت بروف عديل
بعدين زولك جاء كشف كويس وقال عرينات ده علينا نحنا يابرعى انته الجواب باين من العنون ملكات جمال يكونون لابسين شنوا
تعال هناك
___________
ود الصايم كيفك
|
Post: #43
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 01:43 AM
Parent: #25
سلام يامير جابر
وينك يامونج وشنو صوره الحلوين الابنوسيات ديل نكته الصور دى من وين ياجيك؟وياهو هسه بنات الابنوس-غابه الابنوس عيونك يابنيه من خبز الفنادق- المساله جابت غضب الهبوب-الهبباى-وتقول لى جنى الباباى ويلا قبلو جاى وبى بقركم كمان وشوف هسه الكلام دخل اللواك-الزريبه-و وقالوا مكشفات وعاريات واللحم والشخط اها بتقدرول لجنس كلام زى دا الداير ليهو ربط جبون ولا ساى وهل بتقدرى تحمو اللحم الحلال المكشف دا ولا نجى انحننا ندق النقاره ونقارتنا هناك بنرقصها على نور القمره وام فكو لصباح ومن غير اثار النعرات الحسيه وسكرانين كمان بننوم جمب بعض فى الواطه بعد رقيص النقاره ومافى زول بيحبش اللحوم الابنوسيه دى واعصاب بارده من غير كمال شداد ودا على الهواء مباشره خلى الفى الصور دى.
حنصبر شويه نشوف الموضوع دا حيمشى كيف لابس ولا امفكو؟وبالمناسبه البوست داك حق الجمال الابنوسى دا مهم جدا وداير شغل نضيف بالرغم من انو هدفوا فى الاول مزاح لكن جادى وانو الناس تعرف بعض العادات والتقاليد عن جنوبنا الحبيب وكشف كويس لكلمه حبيب دى قاعده وين ولكن السؤال الممكن ينبطح هنا وياخد علقه بسوط القرنتى هو الحبيب دى حبيب حقت شعارا بيكتوبها فى الشعر والسوناتات ساى ولا الحبيبه دى دايره مجازفه وحتى ولو تخسر فيها اهلك وعشيرتك وقبيلتك زاتو ولاحتفضل ماده شعريه والهام خيالى سامبلا ساكت؟مش لازم يجى اليوم وتحقق حلمك كزول باكمبا-باكى-حبيب وتسجل تلاته اقوان-هترك-او قون زهبى وهى هنا الحبيبه؟
وبعدين قلت لى شنو لو انت بتقدر تكتب كتير زى كان بقيت بروف؟ومالك ياابوجابر الحاصل ليك شنو ماقادر تكتب كتير شكلك شايل الصور حقت الابنوسيات وطوالى مشيت اتحننته مش ،يازول نفض الحنه لسه ماتفقنا على المهر حق العرس مش ممكن ماتقدر تدفع ولا بقر واحد وشوف معاك انت ياابوجابره مافى حاجه اسمها يدفع فى مابعد زى البند حق جمارك بورسودان-لناس خستكتنا المبنجرى نخليهم- وبنو بيهو فلل وعمارت واربعه لليله علوى واربعه حسابات فى ماليزيه واربعه كوش-راجل المره حلو حلا-بس التقول حلاوه كوجاك-وحلاوه كوجاك دى قرروش السودان-البمصو وبمضمضو بيها من سنه حفرو البحر-و هو حفرو متين ياجيك؟قالو واحد جنوبى سالو واحد قال ليهو ياجيك بحر دى لمن حفرو تراب بتاعهو ودوا وين يامونج؟ردا ليهو قاليهو ماشايف الكرتوم-الخرطوم-دا يكون بنوهو بشنو يعنى. وبعدين انا مابحب الناس العندهم-عندهم دى لزيزه مش-العندهم الديك تورا-دكتوراه- والبرفات ياخى هو منو المخستك بالسودان هسه غير الناس ديل؟ وعجبنى لمن الكيزان دخلوا البعض منهم الدفاع الشعبى وواحدين ابو يدوهم القروش عشان مامشو الدفاع عن العقيده والوطن وواحدين عندهم دكتوراه فى الزى الشرعى وكسر همزه ان ولغه عربيه وثقافه اسلاميه وشن وشنو وهسه كان سالنا الناس ديل شغالين شنو فى السودان عشان يصرفو ليهم قروش وبدل ناموس وناموسيه ومناطق شده وعربيه للمدام وعربيه للاوالاد توصلهم مدارس الكمبونى واليونتى-المسيحيه الكافره- وعربيه للخدام يمشى يجيب الخرفان والضان واحتمال الزول الدكتور زاتو يكون ميت وانت ماشفته الجماعه الماتو فى الجنوب وخرجوهم فى جامعه الخرطوم دكاتره ومهندسين واحتمال يكون هسه مدراء بنوك وشركات وعيادات وبصرفو بالدولار كمان.تقول لى حيكون فى سودان تانى ومجرتك من جديد؟.
وبعدين صورك-الخايف عليها-بهناك الصور دى قلوبه فلازم تعدله وتستعدله مع رئيس جمعيه الالمبيات الدكتور كمال شداد ولازم تدافعو عن شرف جكسيكم الابنوسى دا لانو الابنوس بجيب غضب الهبباى وما فى زول حيقبل جاى ولا جاى
كميه من الاعزاز ليك يامونج ابو جابره
|
Post: #39
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 10:30 PM
Parent: #23
محمد عبد الماجد الصايم
سلام يجك وشنو انا كمان فى زول علم ليك جلال كادوقلى وبقت كاديقلى؟ يازول مرحبيك فى صيوان المدان وياهو قاعد من قبيل املاء فى الاباريق واجهز فى بروش الصلاه لحدى ما يجى الامام-سيد الحوش-ويدى المدام الكارنيه حق سودانيزاونلاين لانو اخوك عندو كلام كتير كتير كتير مره واحده عاوز اكبوا ليكم هنا والمدام عامله دوشه كلو مره عايزه الكارنيه حقى عاوز تجى تحشش بيه هنا فى البوستات الاجتماعيه-ناس كتر خيركم وبارك الله فيكم تعالوا يلا هنو- وياود الصايم ياخ اسم العائله حقك دا زكرنى ايام رمضان وبالمناسبه انا لو جا يوم التصويت لتقرير المصير بصوت لشتات خالى محطاط للانفصال بس بسسب حاجه واحده بس الهى رمضان ياخى انا الى هسه ماعرف اكلته كم صفيحه طمام بالدكوه وكلو من ناس بلدى ياحبوب ناس المجلس،يخى الناس الفى المحليات ديل لاقعدين يصومو لاحاجه ماعارف بقفلو المعاطم عشان شنو ماعارف ماانو كل الجنوبين جاين الخرتوم-محل ابو شلاليف برقص وبنوم وطيارتو حتقوم-قول يامين.جاين على سفرا-نازحين-وتخيل ناس ليهم تلتين سنه ولسه بقولو عليهم نازحين وماانو ناس ابو شلاليف بيكونو جو الخرتوم بعد ماهو جكك فى برش السلطه ويجو يقولو انحنا نازحين قال.ايو بيكون على سفر وعلى سفر مفروض تسفسف فى اى حته واى مكان مش فى المستشفيات والكنائس-دى كنائس ولامطاعم؟-وبعدين الناس ديل مالم بيشيلو الجانب الصعب فى الدين؟والدين مافيهو حته كويسه وسهله بتقول المابقدرو عليهو يمكن يطعموا ستين مسكين.طيب مايصبروا علينا لحدى مانحصل صلاح ادريس بعدين نطعم مش ستين والله ستين مليون انحنا خمسه واربيعين ممكن نضيف ناس تشاد والكمرون عشان العدد يتم ومادايرين لمه.اسمع صحبك امير جابر اتورط فى صوره جكسى الجنوب الحقو سرعه ياجك.
وشكرا ليك على الزياره بس يكون المدام البسورد فى يدها قبل رمضان عشان ماتعمل لى صايمه وكدا.
راجل المره محسن
|
Post: #24
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 08:33 PM
Parent: #1
Quote: يا شول عملتها ...
والله ماعارفة اقول شنو ياخ ...
انت دايما بتاع مفاجآت لذيذة...
شكرا ليك كتير كتير كتير ، انشاء الواحد غايتو الله يساعدوا بي عنقرة تقدر علي الشعر دا ... وشكرا لحسن الظن ...
قلت محسن يهمشني... ما اظنو بقدر ، لانو ما حيلاقي حتة يختني فيها
هو الهامش فضل فيهو حتة ، ما اتملا لمن دفق عديييييل، ماشايف ياخ حتي (الجالدونقات)- جالدونقات استلفتها مفرد لكن جمعتها براي- الكبار جو اتحكروا في نص الهامش ، غايتو محسن كان داير يهمشني والله الا يدخلني في جيبو...
يلا بجيك تاني ...
لي قدام والله يخليك ...
رحــــــــــــــاب |
مرحب بيكى يا رحاب ... إنشالله المرة الجاية ما تكتب بإسم محسن تانى (اتمنى ذلك بكل قلبى).
________________________________
بالله محسن ده الغربة خلى فيهو جيب!!
|
Post: #37
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 10:11 PM
Parent: #24
يا شول يا فردة ...
يا جالدونق، واي حاجة ...
يسلم قلبك ياخ
محسن لسه عندو جيوب ، لكن مليانة كلها ورق ...
ـــــــــــــــــــــــــــــــــــــــــــــــــــــــ
تخريمة:_
يا شول وين الصورة بتاعت الجريدة ديك ...؟!!
|
Post: #26
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 08:46 PM
Parent: #1
1- شول اشوانق دينق
2- وانجا
3- Tragie Mustafa
4- فيصل محمد خليل
5- Ahmed Musa
6- amir jabir
7- محمد زين الشفيع أحمد
8- العوض المسلمى
9- Kabar
10- محسن طه
11- محمد عبد الماجد الصائم
يلا يا جماعة ... لى قدام ... اها يا بكرى ابوبكر سيد الحوش
شول اشوانق
|
Post: #34
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 09:22 PM
Parent: #26
ازيكم يا جماعة ...
كل اللستة بدون فرز ...
ياخ تسلموا انتو واحدة واحدة وواحد واحد
لكن والله ما كنت قايلةانو ...
الليل والخيل والبيداء تعرفنا
والرمح والسيف والقرطاس والقلم ...(بيت الشعر مستلفنو وكدا- كان في غلط ولا حاجة انا العربي الذي دا طار لي زمااااااااان)
سيد الحوش وين بالمناسبة... ؟!!
رحـــــــــــــاب
---------------------------------------------------
عفوا : نسيت امضي
|
Post: #27
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 08:47 PM
Parent: #1
مية المية يا ود الصائم
_____________
صاحبك وينو
|
Post: #29
Title: Re: رحاب طه ... نرحب بيها هنا يا بكرى... ممكن؟
Author: محمد عبد الماجد الصايم
Date: 05-08-2008, 08:55 PM
Parent: #27
يا عمك
الزول دا عندو كبشرة سوركتي اليومين ديل
وبعدين صحبي دا بخاف من الحاجات دي
إنت عارف لسانو كيف 
____________
العضاض عامر أبو بندقية
شارد من الحلة مالك ياخ
|
Post: #33
Title: Re: رحاب طه ... نرحب بيها هنا يا بكرى... ممكن؟
Author: amir jabir
Date: 05-08-2008, 09:08 PM
Parent: #29
Quote: العضاض عامر أبو بندقية
شارد من الحلة مالك ياخ |
يافردة الحلة دى مرة نلقى مرة لا
خش ارفع العلم علشان نشوف
|
Post: #28
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 08:53 PM
Parent: #1
محسن ... عليك الله الحق الزول ده:
أخواني الجنوبين طالب مساعده (ترجمه)
_____________________________________
ما تقصر معاهو ... سمح يا اووروا؟
|
Post: #31
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 09:06 PM
Parent: #1
| Quote: إنت عارف لسانو كيف |
انسى بس يا ود الصائم ... بس ما يزرنا
|
Post: #35
Title: Re: رحاب طه ... نرحب بيها هنا يا بكرى... ممكن؟
Author: Ahmed musa
Date: 05-08-2008, 09:52 PM
Parent: #1
Quote: يا شول عملتها ...
والله ماعارفة اقول شنو ياخ ...
انت دايما بتاع مفاجآت لذيذة...
شكرا ليك كتير كتير كتير ، انشاء الواحد غايتو الله يساعدوا بي عنقرة تقدر علي الشعر دا ... وشكرا لحسن الظن ...
قلت محسن يهمشني... ما اظنو بقدر ، لانو ما حيلاقي حتة يختني فيها
هو الهامش فضل فيهو حتة ، ما اتملا لمن دفق عديييييل، ماشايف ياخ حتي (الجالدونقات)- جالدونقات استلفتها مفرد لكن جمعتها براي- الكبار جو اتحكروا في نص الهامش ، غايتو محسن كان داير يهمشني والله الا يدخلني في جيبو...
يلا بجيك تاني ...
لي قدام والله يخليك ...
رحــــــــــــــاب |
(بكري أبوبكر) ............لهذه اللغة الراقية نرجو الإسراع بمنحها الكارنيه ............. لطالب العضوية (شول) صديقي الجميل نتمنى الإسراع بالكارنيه ....لزوجها محسن طه الخلوق ........نرجو الإسراع ........... لشنو تاني يا أبوحميد ؟؟؟؟؟؟ أيوا للنقص ببند المذيعات ........... بعد إنهيار حلم نسرين سوركتي أمنحها العضوية ............. وعلى مسئوليتي ........ومسئولية راجلها ..........
|
Post: #36
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-08-2008, 10:03 PM
Parent: #35
يا احمد موسي
سلام جاك ...
كتر خيرك
وبالحيل كمان ...
وما تخافوا (العفش داخل البص علي مسؤلية صاحبه ) الي هو انا...
سلام تاااااااااني من الليلة ولي يوم باكر
رحـــــــــــاب
|
Post: #38
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-08-2008, 10:21 PM
Parent: #1
| Quote: (بكري أبوبكر) ............لهذه اللغة الراقية نرجو الإسراع بمنحها الكارنيه ............. لطالب العضوية (شول) صديقي الجميل نتمنى الإسراع بالكارنيه ....لزوجها محسن طه الخلوق ........نرجو الإسراع ........... لشنو تاني يا أبوحميد ؟؟؟؟؟؟ أيوا للنقص ببند المذيعات ........... بعد إنهيار حلم نسرين سوركتي أمنحها العضوية ............. وعلى مسئوليتي ........ومسئولية راجلها .......... |
نبدا القبقبة يعنى يا أحمج موسى؟
___________________________________
ما تزكرنى بى نسرين سوركتى ياخ
|
Post: #40
Title: Re: رحاب طه ... نرحب بيها هنا يا بكرى... ممكن؟
Author: الصادق اسماعيل
Date: 05-08-2008, 11:29 PM
Parent: #38
رحاب يا رحاب ياحرف شنو كدة انا زاتى ما عارف، لكن المهم نحنا نسني ونثنى ونتني زاتو
يا بكري
رحاب دي أساسية ولازم تكون هنا معانا.
|
Post: #44
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 02:45 AM
Parent: #40
يامونج الصادق
وينك ياجيك
ياخى يالصادق انت زول زين قديم مره واحده ياخى لسه بتقول-اساسى- والله كدى نشوف متزكر.........
متزكر قرد اصلى؟
موضوع قرد اصلى دى كان فى واحد فردتنا من اولاد الحاج يوسف بتاع بزنس وطوال كان بيسافر ليبيا ويجيب بضاعه مخستكه ويقول عليها انها بضاعه اصليه والله كان جزمه شده مصنوعه هنا امدرمان-فى امدرمان-يقوليك ايطاليه اصليه.والمهم جى يوم فى ديوم بحرى والصادق كان قاعد معى وقال لينا عندو قرد وعاوز زول مسافر سوريا لانو سمع انو القرود فى سوريا تمنها غالى وداير زول يخارج ليهو قردو هناك
قام الصادق قال ليهو لكن القرد دا من وين من الدندر ولا من الجنوب وشكلو كيف ولونو شنو؟
قال لا لا لا ماتخافو دا قرد اصلى والله ومن اليوم داك سميناهو اصلى
هسه ياالصادق اساسى-ابو الدجل-امريكا القاعد فيها دى اصليه و لا مضروبه؟
اسمع لو عندك ورقه ودقرفه حقت الزى كمفهوم ثقافى اجدعها لى قوام بلاى
عندنا نقاره حتسخن فى-بوست ملكات جمال الجنوب-او تعال جضم معانه فيهو
رسلها هنا
[email protected]
وبعدين شايف ابو التوج لسه بره الحوش؟ياخى دقو النقاره خلة يجى
وشنو مره حنكتنى فى الخستكات وقلتا لى مشيت للقرايه عشان نعرف الحاصل شنو؟صحى يايجيك فى حاجه انت مابتعرفه فى الدنيا دى؟ولاعاوز تحصل صحبك فى الافرواشين وتكون من اصحاب الوزن التقيل واسمك مسبوق بى حرف دا دجاج؟وغايتو كان عملتها ياهو بعد نقول ليك يا جالدونق بدلا من ياجيك ومالك عاوز تجيب الكلفه وتلبس لينا الكعب العالى؟ماكنا زى النبك واللالوب فى داعى تجيب ليك سلعه استفزازه لناس ابو الريف ياعمك.يازول ولا يهمك جضم العضم العلمى زى ماداير ومبروك من هسه.
وخليك مع الكتيبه مشاه فى فرع التوجيه المعنوى-اجدع دبل كيك-خلينا نطلع الفى التصبينه.
ياهو قلنا نقيف مع الفرده ابو را.
laku
_______________________
شوف الكلام لى تراجى فوق.
|
Post: #53
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 07:28 PM
Parent: #40
يا الصادق ...
وينك عامل زي مذنب هالي ...
والله انا زاتو ماعارفة ...
لكن ياهو ...
اتجهز غايتو ...
تحياتي ...
وشكرا ليك ...
رحـــــــــــــــــــــــاب
|
Post: #42
Title: Re: رحاب طه ... نرحب بيها هنا يا بكرى... ممكن؟
Author: ابوالقاسم ابراهيم الحاج
Date: 05-09-2008, 00:30 AM
Parent: #1
يا رحاب يا محسن!!.
يا تراجي ناسك ديل إتنين مع بعض يجيبوا بوليس لزول يوم?!.
قعدت فى محطة فيكتوريا عشان أنتظر زول جاي من سفر وحجزت لى ساعة نيت لحدى موعد القطار, فتحت سودانيز كالعادة أولا بأول, دخلت خستكات محسن وإذا بى أغرق فى دموعى من الضحك والقوم ينظرون إلي شذرا نفرا وأنفارا , حسيت بأني إتخستكت من محسن فلم أتحمل منظري الذي أمسى!! ضحكة.
بس برضو ما نحمل فراقها جميلة هى كتابتها وخفيفة دمها مثل قرينها....لكما كل الحب من على البعد يا آل طه.
|
Post: #45
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 04:51 PM
Parent: #42
العوض المسلمي ...
كيفنك في الدنيا ام قدود دي...
وازيك تاني وشكرا ليك تاني علي كل الجمال وعلي السؤال...
طبعا من حقك ومن حق اي انسان يسال، فضل لينا شنو غير حق السؤال السمح البيناتنا وبين بعض مادام كل الحقوق التانية راحت شمار في مرقة او مكعب ماجي في سخينة(دي مثلي انا)
انا ما لقيت فرقهامر عليك فحقك علينا ما قمنا بواجب الضيافة كما ينبغي (زي ما بقولوا اخوانا)
انا حا اوريك ليه شول قال لي ناسك جوك ...
طيب كدي نبدأ ليك من وانجا ...
وانجا عالم مختلف وما بتعرفوا الا تقرب ليهو، وتحاوروا بطبيعية،عالم براحة وبهدؤ وفيهو كتير من الاسئلة الجوانية، عالم واضح وما فاضح الشرط الوحيد انك من الباب الصاح... والعالم دا فردة معانا في دنيتنا بتاعت الخستكات...
عندك شول بتعرفوا ، اينما وضعته بسد الخانة، ودا فرحنا لما الاحزان تكتر ويغلبنا السكات... دا منبع الفرح والخستكة نمرة واحد...
عندك مدراء مركز دراسات الخستكة،( فروع مونتريال وغرب كندا) ...
كبر ..الجادونق دا انسان ما عادي لطيف محترم ولماح زرزاااااار ،
محسن طه دا المخستك الاكبر ، بنختوا دايما قدام في الخطوط الامامية لانو لا بنسي ولا بفوت في حالة انو حالات الزهايمر التاريخي حلت علينا ونسينا، لانو راسو دا كتاب تاريخ ماشي ... (كبر و محسن اوعكم تجوا تخستكوا لي بي الحفة حقتي دي بالله وكان دا حصل بيكون في حاجات تانية اصلا ما حامياني، اسمعوا ساااااااكت وصفقوا )
وعندك حبييتي تراجي مصطفي ... وانا خليتها آخر اللستة عشان الكلام عنها بيطول (علي الاقل بالنسبة لي انا شخصيا)..
تراجي الزولة التي تتذكرني دائما ويهمها ان تعرف انني بخير وباقية عشرة علي المبادئ، نعيش سويا بهذه القارة التي تسمي كندا ، نعاني البرد والصقيع ، نتدفأ بالصبر والأمل بحدوث معجزة تسمي الحب والديمقراطية والعدل والمساواة والسلام بهذا الوطن (الذي نحبه مجانا)، تحثني علي الكتابة واحثها علي القتال بهدؤ ، نتحدث كلما سنح الوقت والوجع ، نجلس علي حافة هذا الكون ، نتحدث عن كل شئ ، واحيانا نثرثر كيفما اتفق عن اشيائنا الخاصة جدا التي لا علاقة لها بهذا الكون الدائر حول لاشئ، لكن رغم ذلك نستطيع ان نحدد نقطة ارتكازنا به، ومازلنا نحلم بوطن يسع كل احلامنا وجنوننا ، واصدقاء يقلون عثراتنا ولا يشتكون من هفواتنا وسؤ فهمنا ، نحلم ان نعود ثانية الي حيثما خلقنا ، وحيثما كلنا يتمني ان يموت او يحي...
مش بس ديل يا ود بلدي كل من يحب لله وقلبه طيب وابيض ، هو ضمن لستة المعرفة وبينطبق عليهو كل القلتوا سابقا...
اها ياود الخالة عشان كدا شول قال لي ناسك ...
يلا انت معانا ... وعلي فكرة الباب مفتوووووووووح (في زول ما متذكراهو منو عمل بوست مرة وقال ما بحب جرجير الحروف فلهو العتبي هو الآخر) للعايز يكون فردة ....
تحياتي وودي ليك ولي اي زول في بيت العزومة دا ... انثركم بالود
رحـــــــــــــــــــــــــــــــاب
|
Post: #46
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 05-09-2008, 05:04 PM
Parent: #45
رحاب العسل
Quote: وعندك حبييتي تراجي مصطفي ... وانا خليتها آخر اللستة عشان الكلام عنها بيطول (علي الاقل بالنسبة لي انا شخصيا)..
تراجي الزولة التي تتذكرني دائما ويهمها ان تعرف انني بخير وباقية عشرة علي المبادئ، نعيش سويا بهذه القارة التي تسمي كندا ، نعاني البرد والصقيع ، نتدفأ بالصبر والأمل بحدوث معجزة تسمي الحب والديمقراطية والعدل والمساواة والسلام بهذا الوطن (الذي نحبه مجانا)، تحثني علي الكتابة واحثها علي القتال بهدؤ ، نتحدث كلما سنح الوقت والوجع ، نجلس علي حافة هذا الكون ، نتحدث عن كل شئ ، واحيانا نثرثر كيفما اتفق عن اشيائنا الخاصة جدا التي لا علاقة لها بهذا الكون الدائر حول لاشئ، لكن رغم ذلك نستطيع ان نحدد نقطة ارتكازنا به، ومازلنا نحلم بوطن يسع كل احلامنا وجنوننا ، واصدقاء يقلون عثراتنا ولا يشتكون من هفواتنا وسؤ فهمنا ، نحلم ان نعود ثانية الي حيثما خلقنا ، وحيثما كلنا يتمني ان يموت او يحي...
مش بس ديل يا ............... كل من يحب لله وقلبه طيب وابيض ، هو ضمن لستة المعرفة وبينطبق عليهو كل القلتوا سابقا...
اها يا .......... عشان كدا شول قال لي ناسك ...
يلا انت معانا ... وعلي فكرة الباب مفتوووووووووح (في زول ما متذكراهو منو عمل بوست مرة وقال ما بحب جرجير الحروف فلهو العتبي هو الآخر) للعايز يكون فردة ....
تحياتي وودي ليك ولي اي زول في بيت العزومة دا ... انثركم بالود
رحـــــــــــــــــــــــــــــــاب |
قلت لي جايبه الهواء لروحك مالك؟؟؟
قال تراجي صحبتي قال يابت الكلام ده بيودي الآخرة في البورد ده
البدي واتمسكني لحد ما تتمكني.....
بعدين البورد ده في عفص ابن كلب
وناس عندها كبابكه بشلخات وحاجات صعبه خلاص....
اها اختك تراجي دي اخدت الحزام الاسود في المصارعه من مدرسة بكري ابوبكر دي.
اها انت يا بت امي زولة رقيقة وناعمه وجنس ده ما بتقدري عليه
عشان كده قولي صحبة الصادجق اسماعيل
ولا محمد النور كبر
ولا ابكر آدم اسماعيل
لكن مالك ببتوع السوابق ومترددي سجون بكري ابوبكر وفتوات بولاق ديل.
|
Post: #47
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 06:30 PM
Parent: #46
يا تراجي يافردة...
اول حاجة من ناحية الدواس ، كان الموضوع بستحق ومنطقي ماعندي مشكلةانا جاهزة وعندي بند طواري كمان...
وشول غايتو مفروض يجيب لي درقة وبستلف لي كوكاب وحربة من محسن...
ويا تراجي يا فردة الخوة عمرها ما ودت التوج، والعفص دا مفروض يكون عفص اخوان، الناس بتتشاكل وبتختلف وتتداوس لكن في النهاية كان الزول وقع ديل زاتم بجروك في الضل ولا دا المفروض ماعارفة غايتو ..؟؟(دا مش كلامك يا فردة ولا في ما معناه والله سيتر كان قولتك حاجة ماقلتيها ).
وهو في زول بخش السجن بي كرعينو كان ما مجبور، ولا في زول اتولد مجرم...؟؟ ما كلنا اتولدنا ابرياء وطيبون
دي الحياة يا تراجي
لكن حتما سيخرج من ديجورها النهار...
وبعدين كلوا يهون عشانك مافي مشكلة...
______________________________________
بعدين يعني ابكر آدم- صديقي الذي افتقده كثيرا وقاعد يدق الاجراس هسي - موقفوا احسن منك ...نا زماااااان بهدلوهو المسكين صاحبي ...
رحــــــــــــــــــــــاب
|
Post: #48
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 06:31 PM
Parent: #46
يا تراجي ناسك ديل إتنين مع بعض يجيبوا بوليس لزول يوم?!.
قعدت فى محطة فيكتوريا عشان أنتظر زول جاي من سفر وحجزت لى ساعة نيت لحدى موعد القطار, فتحت سودانيز كالعادة أولا بأول, دخلت خستكات محسن وإذا بى أغرق فى دموعى من الضحك والقوم ينظرون إلي شذرا نفرا وأنفارا , حسيت بأني إتخستكت من محسن فلم أتحمل منظري الذي أمسى!! ضحكة.
بس برضو ما نحمل فراقها جميلة هى كتابتها وخفيفة دمها مثل قرينها....لكما كل الحب من على البعد يا آل طه.
_______________________________________________________________________________________________________________________________
وينك يا مونج ابوالقاسم ابراهيم الحاج
قلت لينا قاعد فى قهوه وتقرقر ها ها من الخستكه
عليك النبى تعال ورينى الضحكك شنو فى الخستكه؟لانو انا بعد مرات زاتى عاوز اضحك فى روحى دى والكلام و حتى لو هو كلامك لمن يجيبو زول تانى بتشوفو بطريقه تانيه وانا زيك كدا بجى بعد اوكات اكشف للكلام حقى واكتشف ليك جنس خستكات واقعد اضحك فى نص القهوه والخواجات يعاينو ساى مفتكرنى مجنون ويازول كندا دى فيها جنس ناس مجانين بالهبل والواحد هسه عاوز يرجع السودان قوام قوام ويمشى لناس الشيخ البرعى واطلب منهم فارنشايز حقهم-الاسم- وكان تكرمو وادونى الاسم طوالى برجع كندا اشتغل فكى بمزاج واجضم الشغل زى الترتيب ويكون عندى اعلان فى الجرايد وبالليل اشتغل فى التلفزيون الكندى وطيعا فى ناس ماحيصدقو انو فى كجور هنا فى التلفزيون كمان وشايله فيهم وهم الحداثه والعلمانيه وشفتا الكلمه الاخيره-العلمانيه- دى هى الجابت لينا الهوا بتاع حنى حنى علي انا ياتتى والحاصل بي سببو انتى وانت قايل المشروع الحضارى والاختصارى جانا كيف و عشان شنو؟ وعاين الجماعات السماويه بيمشطو ليك كيف كلمه العلمانيه دى وللماموريه-اقصد المعلوميه- مفرد علمانيه دى ماجزء اصيل فى واقعنا فى جنوب السودان اطلاقا وماسمعنا بيها الا لمن جينا شمال السودان ولو هسه لقيت ليك اتنين ولاتلاته جنوبين قاعدين يتونسو مع بعض من النادر يجيبو سيره علمانيه ولكن لو ظهر زول شمالى يادوبك بتظهر كلمه العلمانيه حقت الكفار والنصاره وانا بقول حقت الكفار لانو انحنا زاتنا ناس مؤمنين وعندنا اديان اصيله البسموها مثقفين كرس النص-والفى النص دايما عاوز يسفسف الرز وبالسكر كمان ياعبد-شفتا كيف يا ابوالقاسم ولمن تجيب ليها ياجماعه تعالوا كدى نعمل ابوالقاسم وقسم الفضيل للرز البسكر دا الخرخره تحصل-ايوا الاديان القالو عليها(الكريمات الاعتقاديه)ومجرد ما المساله تكون كريم ديانه وفى بلد اسمو شوال فحم-السودان- بيكون حاجه تانيه بقولو عليها-فوق زيتون وتحت زونيا او فوق تمرهندى وتحت تمرابونا او فوق( مصريه ناصريه، وسوريا بعثيه علويه، ولبنانيه حزب الله، سعوديه وهابيه، وايرانيه ايات الله وفلسطينيه حماس وفتح، وعراقيه بعثيه صداميه) وتحت(سودانيه) والحاجات الفوق فوق دى هى ياها المقصود بيها(كريم المعتقدات)كمفرده دستوريه وقانونيه تشريعيه ومافى زول يجى يقول المقصود بالمصطلح دا هم ناس شوال الفحم القاعدين قبل دخول الناس الفوق فوق ديل ، شفتى كيف ياموج ابو القاسم؟الزول العامل نفسو فوق دا لو طار وركه مايقدر يفتح قدومو ويقول هو ياهو البحدد الناس التحت والزول الفوق حيفضل فوق لكن مصيرو ينزل تحت قصبا عنو و هو حيفضل لافى بى فوق لمتين؟ مايهو الماكوك الفضائي بلف فوق وبرجع تحت-الارض- والصراع بتاع ناس فوق وناس تحت البقرر مصيرو هم الناس القاعدين تحت لان (الكلمات والمفردات والمعانى والافاظ هى مجرد استعارت وتشبيه ومشبه به ومجاز وقياس) ودى كلها عضلات زهنيه بتتعامل مع الواقع الافتراضى والخيالى والخرافى والاسطورى ومش الواقع نفسو-الارض- والمفاهيم الفوقيه دى هى ياهو البتجيب رفع النخرين على الفاضى وتجى فى النهايه تخرخر لمن يدعكو ليك نخرينك فى الواطه وهسه عاين لى اى اماره فوق لو اساسه تحت ماقوى بتقع فى اى وكت وعشان تسبت نفسه اول حاجه تعملها تحفر قريغ تحت الواطه-البيزمن-الاساس. والكريمات حتفضل كريمات مجرد قشر وجنصصه خارجيه لقش الفارات وشوف هسه بنات الفول والتسالى وستات الشاى والاكل بعد المجازفات والاهانات والضرب والسك والسجون من ناس بلدى ياحبوب-البلديه ولا المجلس ولا المحليه- بيبعو تساليهم وشايهم والواحده بتكون جايه من صقض لقط فى نهايه التسالى والشاى بيمشو يكبو-يدفعو- قروشهم الجابوها بالتلتله لتجار السوق العربى الببيعوا ليهم فى (الكريمات والديانه والامبى وكيرى ان لافلى والتوبجيل والكلرتون) وكلو عشان بس يتحبو ويجكسو ومايتكسو من
الناس البنظرو ويكشفو فوق-الوش- ولانو معايير الجمال والجكيس لام وش ابيض وفى النهايه يعملو شنو بس وهم بنات وعاوزين حب وحنان وعشق وبوسه وحضنه ونظره وقمصه وقرصه من ناس باكومبا-الحبيبين البكايين- البنظرو ليهم فوق فوق.ودا البزنس الحاصل من ناس البلنجه الفوقيه فى الشلوفه التحتيه-شفته الدلكاتيك-الدلكه-دى كيف وتجى تقول لى الدلكه الرثه.
وفى نهايه كيس الترمز دا ناس شوال الفحم الرث-السودان- ياهم الكريمات الاصليه-الفحم الاسود- وليست ناس كريم المعتقدات الجاين بى فوق فوق القلتهم ليكم فوق.
وفوق فوق فحمنا فوق ومامشكله نجيب بتجاز وغاز ويبقى الفحم رغم الحداثه ياهو هو الفحم اصل ثوره الصناعه وكان جيتو للفلهمه والقوناط حقت دق الشلوفه العلميه البسموهو هسه الحقوق الفكريه-انتلك شول بروبرتى-رقصه الكيرنك ياها الكرنك وبنسمح للفكى اب توماهوك فرنسس فوكوياما انو يعمل ليها كريم نيو ليبراليزم-اليبراليه الجديده- ويطلق على الكيرنك(موودرن كيرنك)الكيرنك المعصر-اقصد المعاصر.
وكان الرب نيكانق فى حفظ شوالات الفهم الاصليه-الثقافات السودانيه-ما قبل دخول الناس ويجنبهم شر الحداثه-الحسد.
راجل المره
|
Post: #50
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 06:47 PM
Parent: #48
يا ابو القاسم
مرحب بيك تاني ...
ما تخاف ما بنجيب البوليس .
انحنا بنجيب الكيتة، وابو مريومة...
الله يخليك ...
رحـــــــــــــاب
|
Post: #49
Title: Re: رحاب طه ... نرحب بيها هنا يا بكرى... ممكن؟
Author: وانجا
Date: 05-09-2008, 06:44 PM
Parent: #1
| Quote: كان العربية وحلت ولا عايزين لزة ولا شئ |
بس بعدين ما تنطوا
يا بنيه تا ماما تاى
|
Post: #55
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 08:06 PM
Parent: #49
بعدين ما تنطوا
ــــــــــــــــــــــ
يا وانجا ...
نحنا ولا اتوا...؟
رحـــــــــــــاب
|
Post: #51
Title: Re: رحاب طه ... نرحب بيها هنا يا بكرى... ممكن؟
Author: وانجا
Date: 05-09-2008, 06:52 PM
Parent: #1
يا محسن ياخ عليك الله قصِّر "الشخيت" العاملو ده حلجت لينا البوست ياخ
|
Post: #52
Title: Re: رحاب طه ... نرحب بيها هنا يا بكرى... ممكن؟
Author: مؤيد شريف
Date: 05-09-2008, 07:13 PM
Parent: #51
نثني انضمام الاخت رحاب
|
Post: #54
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 05-09-2008, 07:34 PM
Parent: #1
يا رحاب رسلته لبكري ولا لسه؟؟؟
|
Post: #56
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 08:17 PM
Parent: #54
يا محسن ياخ عليك الله قصِّر "الشخيت" العاملو ده حلجت لينا البوست ياخ
______________________________________________________________________
وانجا سلام بتاع انتى يا بنيه بتاع مامه تاى-يابت-امى على قول حبوبه تمبرو
وقلت لى قصر الشخيت
اقصرو بوين ياونجا؟ياهو هسه الكلام جاب ناس قصير-قطع- الخور وشوفى كيف حلجو لينا ماسورتنا الفى بوست ملكات الابنوسيات؟
وياخ هو اصلو انحنا محلجين وحنفياتنا-خخخخخخخخخخ ششش- وتقول لى الكهربه جات يلا قومو املو الباقات،والباقات زاتها بقت مصدر رزق اساسى ودخل رئيسى من مداخل محاكم الامر بالشربوت والامتناع عن الام فتفت لانها بتسبب القرحه الحضاريه على قول شيوخ الثروه الحيوانيه فى بلاد حديقه الدندر.ولكن انا كنت ساكن فى الحى البرجوازى (دنقر شوفو)الراقى بملكال مواسيرنا مابتنحلج وتقولو لى حى الصافيه المويتو عكرانه وماسرتو محلوجه؟.
لكن كدى نشوف السباك الحلاج دا منو، وابشر ياالحجاج ود السمح يوسف-مكسر ومدشدش ومريل-بنات الابنوس وانى ارى ريالتا قد سالت وقد حان وقت بلعها وانها بيدى وسوف يتسممو بلعابهم وريالتهم وان غدا للابنوساتهى قريب-شفتى غناء الحماسه الحداثوى دا كيف؟
وعندى بقر كدا قدر ماحاولته ادخلو اللواك-الزربيه-حقت الخستكات حلف كان يخش وشكلها الزربيه جى بى جمبها مرفعين والمرفعين لمن يجى جمب الزريبه رحتو مبتمرق باخوى واخوك من الزريبه الى تحرق ليك كميه من البعر-خرا البقر- عشان تمرق الريحه حقت المرفعين.وشايف الفنان ميسره ساكينى داير ترجمه لى اغنيه شلكاويه كدا امشى ارقص معاهو فى المزيكه الجابها دى.
والشخيت حيستمر لمن يجيب مخييت.
ونشوف بكره فى المولد-الخستكه- وروعه المشهد تاراا تاررا.
|
Post: #57
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 08:21 PM
Parent: #54
تراجي يا فردة ...
رسلت والله .
وشرحت كل الظروف والملابسات ...
وضمنت اللستة بتاعت شول وكل الخواطر من شول لي آخر زول جا الحفلة...
اها........
امكن بكري نايم ، مالقي الرسالة لسه...
فعلي منتظرينا في الأقاليم مراعاة فروق الوقت...
وما معروف ........
رحــــــــــــــــاب
ـــــــــــــــــــــــــــــــــــــــــــ
بعدين يا شول، العزومة دي مش علي حسابك ... ولا عشان قلنا ليك سلفنا درقة....
|
Post: #59
Title: Re: رحاب طه ... نرحب بيها هنا يا بكرى... ممكن؟
Author: كمال علي الزين
Date: 05-09-2008, 08:51 PM
Parent: #57
(*)
وأنا كمان ..
|
Post: #60
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 08:58 PM
Parent: #59
والله انت كمان برضوا معانا
ياكمال ...
لكن تقصد في التثنية ولا اللستة ...ولا الجبهتين - اقصد الجيهتين
خليك جاهز بس واوعا تنوم...
شكرا وخالص الود
رحــــــــــــــــاب (ست الاسم)
|
Post: #61
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-09-2008, 09:31 PM
Parent: #60
لكل من شاركناالوقفة
امبارح والليلة ولي بكرة
دي هديتي ليكم لمن ارجع ...
رحــــــــــــــاب (ست الاسم)
والله يخليكم
ـــــــــــــــــــــــــــــــــــــــــــــ
الرسالة قبل الاخيرة لمن لايهمهم الامر
محمد مدني
(إنذار أول : قصيدة لن تتم )
للبنات الجميلات في مكتب الامن واللاجئين
وللصبية الضائعين
بين صوت المغني وبين الكمين
وللمغنين من الشعراء يهزون عرش الخلافة
بالشعر والخمر والاعتراف
لتلك الضفاف
التي عمدتني نبيا يخاف
على الحرب من ضدها
وعلى العشق من حامليه الخفاف
وللقائمين ثلاثة ارباع ليل الغريب،
وكامل ليل البلاد ،
مقابل خبز الجفاف
- وفي احسن الامر –
موت الكفاف
ومن اجل من؟
كيف نفعل؟
ماذا؟
نواجه فصلا جديدا تماما ، كما ندخل الان في موتنا من جديد
ولا الوطنية لا الباطنية اجدتْ
لا الملكية لا المالكية افتتْ
لا العمرية لا العامرية مدتْ
-ستار-
فقد ندخل الان في مشهد المستفيد
وقد يدخل الموت فينا قبل صلاة العشاء
يفاجؤنا قبل بدء المسلسل او يتريث حتى انتهاء النشيد .
فيا ايها الموت
يا ايها الصرت منا
اعنا على كل شيء سواك
فإنا نفتش عن نبضة في القتيل
وعن وردة في عروق الحديد
ويا ايها العشق ، يا ايها المستبد نود ..
إذا غبت بين البنادق او غيبتك البنادق ، ان نستعيد ملامحك الشوهت
نوهت ،
ان نعيد صياغة هذا النشيد ، نرى وجهنا ونراك
فيقترب الوعد ذاك البعيد .
ويا ايها الوعد يا ايها الكنت فينا إلينا
فبعض القبيلة يهتز
والبعض يلتذ
ان قد احالك يا وعد، جهرا، وعيد .
ويا ايها الامراء شيوخ القبيلة هل فاتكم
ما فعلتم ب (اعلى*) و (عامة*)
وفالول*، منكع*، مبعوث باعوث
ويا أيها المراء فناء قضاء عليكم به قد يضاء على
الدرب خط لرهط العبيد .
ويا ايها الشهداء هنا الداء مستفحل بعدكم
فالبنادق ليست
بنادق
اما الجيوش
فصارت بيادق
((ان المسافة في فهم امي
ليست بعيدة
بين الشهيد وبين البليد ))
ــــــــــــــــــــــــــــــــــــــــ
اها رايكم شنو ....؟
|
Post: #62
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-10-2008, 09:15 AM
Parent: #1
*
|
Post: #63
Title: Re: رحاب طه ... نرحب بيها هنا يا بكرى... ممكن؟
Author: بله محمد الفاضل
Date: 05-10-2008, 12:27 PM
Parent: #1
نثني
|
Post: #64
Title: Re: رحاب طه ... نرحب بيها هنا يا بكرى... ممكن؟
Author: حيدر حسن ميرغني
Date: 05-10-2008, 12:30 PM
Parent: #63
مرحب بيها كثير
|
Post: #65
Title: Re: رحاب طه ... نرحب بيها هنا يا بكرى... ممكن؟
Author: بكري الصايغ
Date: 05-10-2008, 12:39 PM
Parent: #1
.....مادام الـكومانـدو شول اشوانق دينق قالت نرحـب،... يبـقـي نرحـب ونثـنـي ونـؤيـد ونـبصـم ونـخـتـم.
... فـي اوامر تانيـه معاليك?.
لكـما مـودتـي.
|
Post: #66
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-10-2008, 01:29 PM
Parent: #1
1- شول اشوانق دينق
2- وانجا
3- Tragie Mustafa
4- فيصل محمد خليل
5- Ahmed Musa
6- amir jabir
7- محمد زين الشفيع أحمد
8- العوض المسلمى
9- Kabar
10- محسن طه
11- محمد عبد الماجد الصائم
12- الصادق اسماعيل
13- ابو القاسم ابراهيم الحاج
14- مؤيد الشريف
15- كمال على الزين
16- بلة محمد الفاضل
17- حيدر حسن ميرغنى
18- بكرى الصائغ
يلا يا بكرى ... خلينا نفرح.
شول اشوانق
_______________________
ود الصائغ!!! قلتا لى كماندو عديييييييل كده
|
Post: #67
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-16-2008, 04:06 PM
Parent: #1
*
|
Post: #68
Title: Re: رحاب طه ... نرحب بيها هنا يا بكرى... ممكن؟
Author: محسن طه
Date: 05-16-2008, 06:04 PM
Parent: #67
يا مونج شول ...
الله في ...
وشكرا لتحكيم العقل
ابقي عشرة علي الوطن ...
رحـــــــــــــــــــــاب
|
Post: #69
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-16-2008, 06:44 PM
Parent: #1
Quote: الله في ...
وشكرا لتحكيم العقل
ابقي عشرة علي الوطن ...
رحـــــــــــــــــــــاب |
الله يخليكى يا رحــــــــــــــــــــاب
_____________________________
بكرى... ما تكمل الكلام الفوق ده ياخ
|
Post: #70
Title: Re: رحاب طه ... نرحب بيها هنا يا بكرى... ممكن؟
Author: Ahmed musa
Date: 05-16-2008, 10:14 PM
Parent: #1
| Quote: اها رايكم شنو ....؟ |
رأينا خليّ ............بــكري أبوبكــر إنت رأيك شنــو في كلام رحاب طه الجابتو من المنبدع محمد مدني ؟؟؟؟؟
ــــــــــــــــــــــ
بكري[/ B] بطريفتك دي بتهدد إتفاقيتي (نيفاشا) و (أسمرا)
|
Post: #71
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-16-2008, 10:19 PM
Parent: #1
| Quote: بكري[/ B] بطريفتك دي بتهدد إتفاقيتي (نيفاشا) و (أسمرا) |
بكرة غيب ما تجى ... سمح؟
كلمتك اهو...
________________________
لو جيت بخنقك
|
Post: #72
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-17-2008, 12:41 PM
Parent: #1
*
|
Post: #73
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-18-2008, 01:05 PM
Parent: #1
الوكت قرب يا رحـــــــــــــاب
شيلى الصبر
شول اشوانق
|
Post: #74
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-18-2008, 08:49 PM
Parent: #1
* & *
|
Post: #76
Title: Re: رحاب طه ... نرحب بيها هنا يا بكرى... ممكن؟
Author: Abdel Aati
Date: 05-18-2008, 09:27 PM
Parent: #74
ما بنعرف رحاب
لكن زول من طرفك يا شول لازم يكون تمام
اثنى ...
|
Post: #75
Title: Re: رحاب طه ... نرحب بيها هنا يا بكرى... ممكن؟
Author: Ahmed musa
Date: 05-18-2008, 08:59 PM
Parent: #1
فوق ..حتى النصر ...او إستشهاد الباسوورد
|
Post: #77
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-18-2008, 09:39 PM
Parent: #1
Quote: ما بنعرف رحاب
لكن زول من طرفك يا شول لازم يكون تمام |
تمام التمام يا عادل ... راجين بكرى يعمل الوعد بيهو امبارح....
شول اشوانق
_____________________________________________
شكراً على الثقة يا عادل ود عبد العاطى...
|
Post: #78
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-18-2008, 09:41 PM
Parent: #1
| Quote: فوق ..حتى النصر ...او إستشهاد الباسوورد |
__________________________________
تنكر إنك كنت شاهد أمبارح يا كمرد
|
Post: #79
Title: Re: رحاب طه ... نرحب بيها هنا يا بكرى... ممكن؟
Author: تبارك شيخ الدين جبريل
Date: 05-18-2008, 09:51 PM
Parent: #1
Quote: ما بنعرف رحاب
لكن زول من طرفك يا شول لازم يكون تمام
اثنى ... |
وقول لى رحاب انها داخلة حتة سيدا بيحنسوهو شان يدخّل الناس وشان يمرقم. يعنى فى الآخر قيمتا فى البورد هى قيمتا فى راس بكرى!
________________________________
ورنشة: راجل المرة دا حلو حلا !
المهم ....
|
Post: #80
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 05-18-2008, 10:44 PM
Parent: #79
وفوق كمان يا شول ولاجل رحاب.
|
Post: #81
Title: Re: رحاب طه ... نرحب بيها هنا يا بكرى... ممكن؟
Author: آدم صيام
Date: 05-19-2008, 02:42 AM
Parent: #80
Quote: الاستاذة رحاب طه ... نطالب لها بالإنضمام لعضوية البورد.
عشان محسن ما يهمشها وكده |
كلامك صاح يا شول الولد المسلط داك بخستقاتو ديك همشنا كلنا
لذا نطالب لرحاب بالترحاب
نطالب لرحاب بالترحاب
نطالب لرحاب بالترحاب
|
Post: #82
Title: Re: رحاب طه ... نرحب بيها هنا يا بكرى... ممكن؟
Author: Imad Khalifa
Date: 05-19-2008, 04:10 AM
Parent: #81
نعم لانضمام رحاب طه
همتك معانا يا سيد الحوش وما تطول الانتظار
شكرا شول
|
Post: #84
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-19-2008, 02:21 PM
Parent: #1
*
|
Post: #85
Title: Re: رحاب طه ... نرحب بيها هنا يا بكرى... ممكن؟
Author: قرشـــو
Date: 05-19-2008, 02:34 PM
Parent: #1
والله من العنوان انا افتكرتها دى
قلت يا ربى البورد حايستعين بخبراء اسلحة جرثومية ناوى على شنو ؟؟؟؟
الحمد لله انها طلعت اسم على اسم ساكت
وعموما نرحب برحاب ونرجو ان تكون اضافة طيبة للمنتدى
|
Post: #86
Title: Re: رحاب طه ... نرحب بيها هنا يا بكرى... ممكن؟
Author: وانجا
Date: 05-19-2008, 03:56 PM
Parent: #1
من أجل رحاب ..
|
Post: #87
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-19-2008, 06:18 PM
Parent: #1
يلا لى فوق... إتاخرت يا بكرى لعل المانع خير؟
|
Post: #88
Title: Re: رحاب طه ... نرحب بيها هنا يا بكرى... ممكن؟
Author: Ahmed musa
Date: 05-19-2008, 06:28 PM
Parent: #1
| Quote: تنكر إنك كنت شاهد أمبارح يا كمرد |
أهااااااااااااااااا ؟؟؟؟ ما ده (إستشهاد الباسوورد) القلناه ظااااااااااااتـو ..... يازول شاهـد والتجــي تجـــي ....ما تقول إني عملت لي عُضوية في سودانيز أون (بص) ....نعــم هـو (بص) رحلات داخلية الخرطــوم البراري وبالعكس إلا أنو أهو أخير من (صمة) الكيبورد ..........
|
Post: #89
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-26-2008, 08:09 AM
Parent: #1
ياخ ما معقول يا سيد الحوش؟
لى هسع ما فضيت؟!!!
|
Post: #90
Title: Re: رحاب طه ... نرحب بيها هنا يا بكرى... ممكن؟
Author: اسامه خليفه
Date: 05-26-2008, 08:51 AM
Parent: #89
نعم لرحاب
شكرا شول
|
Post: #91
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-26-2008, 08:42 PM
Parent: #1
| Quote: أهااااااااااااااااا ؟؟؟؟ ما ده (إستشهاد الباسوورد) القلناه ظااااااااااااتـو ..... يازول شاهـد والتجــي تجـــي ....ما تقول إني عملت لي عُضوية في سودانيز أون (بص) ....نعــم هـو (بص) رحلات داخلية الخرطــوم البراري وبالعكس إلا أنو أهو أخير من (صمة) الكيبورد .......... |
يا أحمد نديك إقتراح ... مش قلت شاهد... طيب.
يوم 31 إلا يكون سيد الحوش ادى رحاب الباسويرد وإلا نطرشق الحفلة
اها شن قولك يا أخوى خليك؟
|
Post: #92
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-26-2008, 08:55 PM
Parent: #1
اسامة خليفة ياخ يديك العافية.
ويلا سوا من أجل رحـــــــــــــاب
|
Post: #93
Title: Re: رحاب طه ... نرحب بيها هنا يا بكرى... ممكن؟
Author: Amira Elsheikh
Date: 05-26-2008, 09:16 PM
Parent: #92
شول ياخ سلاااام
ياخ معليش انا جيت متاخرة...
ممكن اهدى????
ولا هو المـطلوب شنو?
__________________________
رحاب جات ولا لسة
|
Post: #94
Title: Re: رحاب طه ... نرحب بيها هنا يا بكرى... ممكن؟
Author: الطيب رحمه قريمان
Date: 05-26-2008, 09:33 PM
Parent: #92
أخى الفاضل الاستاذ شول
لك التحية
نرحب ببنتنا الاستاذة رحاب
الف مرحب بيك
نطالب اخونا المهندس بكرى باعطائك باسورد عشان تنفكى شوية من محسن ده و تديه فرصة لمزيد من الروائع
|
Post: #95
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 05-27-2008, 04:39 AM
Parent: #94
.
|
Post: #96
Title: Re: رحاب طه ... نرحب بيها هنا يا بكرى... ممكن؟
Author: عبدالله كع
Date: 05-27-2008, 07:56 AM
Parent: #1
| Quote: نطالب لها بالإنضمام |
نطاااااااااااااااااااااااااالب
|
Post: #97
Title: Re: رحاب طه ... نرحب بيها هنا يا بكرى... ممكن؟
Author: صديق الموج
Date: 05-27-2008, 08:29 AM
Parent: #1
بكرى يا حبيب اسمع كلامى ده وخليك من طرطشة العبيد ديل.
اول شىء انا اويد وبشدة دخول هذا القلم المتميز الى هنا.
لو ما عندك طريقه وما كلام هظار انا متبرع ليها بباسوردى
وساظل قارى مخلص.
وبالعدم شيل باسورد المخستك محسن وباسورد شول ده زاتو
وزياده عليهم باسورد دينق وباسورد مصطفى سرى وباسورد الولد
بتاع غايتو جنس غايتو..ودخل لينا رحاب هنا..
نعم لرحاب طه بيننا..
بكرى ارفع لك عقيرتى وقبعتى لقبول هذه الرحاب فى هذه الرحاب..
نعم لرحاب..
اهلا بيك وكدى اكتب بباسورد محسن الى ان يقضى الله امرا كان مفعولا..
من جانبى سوف ارفع هذا البوست حتى مقدمك الكريم،،،
|
Post: #98
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-29-2008, 12:25 PM
Parent: #1
*&*
|
Post: #99
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-31-2008, 02:56 PM
Parent: #1
للاسف يا بت الشيخ لسه...
بكرى ابوبكر ما عارف عامل مطنش بعد ما قابلته شخصياً ونبهتو بالموضوع وبالرغم إن البوست الآن عمره اكثر من ثلاثة اسابيع... بس... لسه مطنش وعامل ما شايف.
قلنا نمشى نطرشق ليو حفلتو الليلة بس قلنا ما فى داعى
يجو الجماعة يقولوا ناس الهامش ديل حاقد وما دايريننا نفرح
خلاص فلنا اليفرحوا بى حفلتهم براهم وحلال عليكم مصطفى السنى يا بورداب.
شول اشوانق (وش ما عارف يعمل شنو)
|
Post: #100
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 05-31-2008, 03:04 PM
Parent: #99
نشيل الصبر يا شول يا اخوي ويا صديق الموج ونشوف بكري مودينا لوين.
|
Post: #103
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 06-22-2008, 05:11 AM
Parent: #100
.
|
Post: #101
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 05-31-2008, 03:23 PM
Parent: #1
Quote: 1- شول اشوانق دينق
2- وانجا
3- Tragie Mustafa
4- فيصل محمد خليل
5- Ahmed Musa
6- amir jabir
7- محمد زين الشفيع أحمد
8- العوض المسلمى
9- Kabar
10- محسن طه
11- محمد عبد الماجد الصائم
12- الصادق اسماعيل
13- ابو القاسم ابراهيم الحاج
14- مؤيد الشريف
15- كمال على الزين
16- بلة محمد الفاضل
17- حيدر حسن ميرغنى
18- بكرى الصائغ
19- Abdel Aati
20- تبارك شيخ الدين
21- آدم صيام
22- Imad Khalifa
23- قرشو
24- اسامه خليفه
25- Amira Elsheikh
26- الطيب رحمه قريمان
27- عبدالله كع
28- صديق الموج |
اكتر من كده نصبر كيف يا تراجى!!!
اصلو يجينا هنا ويقول لينا يا فيها يا نطفيها ... اصلو ده حاجة مبالغة... بوست فيهو 100 مداخلة وقارينو اكتر من 1000 اكتر من كده كيف؟
شول
|
Post: #102
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 06-02-2008, 06:28 PM
Parent: #1
وما زال بكرى... كانه لم يسمع او يقرا او لم يوعد بشئ!!!
ما زال!!!
______________________________
الله يطولك يا روح!
|
Post: #104
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 06-23-2008, 05:57 PM
Parent: #1
*
وما زال الإنتظار مستمراً
|
Post: #105
Title: Re: رحاب طه ... نرحب بيها هنا يا بكرى... ممكن؟
Author: Tragie Mustafa
Date: 06-23-2008, 06:11 PM
Parent: #104
شول,,,بكري اظنه خاتيها لمابعد الارشفة
ربك يهون.
|
Post: #106
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 06-23-2008, 07:14 PM
Parent: #1
Quote: شول,,,بكري اظنه خاتيها لمابعد الارشفة
ربك يهون. |
عرفتيها من وين يا تراجى؟
بكرى وعد يوم 17/5/2008م واليوم 23/6/2008م!!!!
يعنى نصدق ابيل الير وللا شنو
________________________________________________________________________
شفتى يا تراجى ... عشان خاطر رحاب اغير صورتى ... مش صورة البروفايل بتاع منبر بكرى.
|
Post: #107
Title: Re: رحاب طه ... نرحب بيها هنا يا بكرى... ممكن؟
Author: rosemen osman
Date: 06-23-2008, 08:37 PM
Parent: #106
رحاب يا بكرى
بنية حليوة وطيبة وكتااابة
|
Post: #108
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 06-26-2008, 05:16 PM
Parent: #1
*
|
Post: #109
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 06-30-2008, 06:53 PM
Parent: #1
مازال املنا كبير يا بكرى
شول
|
Post: #110
Title: Re: رحاب طه ... نرحب بيها هنا يا بكرى... ممكن؟
Author: Mohamed Abdelgaleel
Date: 07-01-2008, 06:46 AM
Parent: #109
نؤيد يا شول دخول مزيد من الأقلام تثري
المنبر بالقضايا الحقيقية واللغة
التي تبقى على الوطن وتفتح لـــه
أفقا نحو مستقبل أفضل.
مرحبا برحاب طه
نأمل أن تجد حظها في الدخول بعد
الأرشفة مباشرة
|
Post: #111
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 07-01-2008, 12:06 PM
Parent: #1
مرحبا بكل يحترم هذه القوانين
الحقى الرابط ده يا رحاب.
Quote: نؤيد يا شول دخول مزيد من الأقلام تثري
المنبر بالقضايا الحقيقية واللغة
التي تبقى على الوطن وتفتح لـــه
أفقا نحو مستقبل أفضل.
مرحبا برحاب طه
نأمل أن تجد حظها في الدخول بعد
الأرشفة مباشرة |
الله يخليك يا ود عبد الجليل.
شول اشوانق
|
Post: #112
Title: Re: رحاب طه ... نرحب بيها هنا يا بكرى... ممكن؟
Author: شول اشوانق دينق
Date: 07-04-2008, 07:21 PM
Parent: #1
| Quote: الحقى الرابط ده يا رحاب. |
بررررررضو ... الرابط طلع فشنك (وش مكفهر).
اها يا بكرى!!!!
ويتواصل الطناش!!!
|
|