لماذا يهين الفان وردى محبوبته؟

ضيعوك ودروك.. انت ما تعرف صليحك من عدوك
(يعنى ببساطـة يا مغفلـة)


إستنينى.. وانتى مصيرك تستنيى
(با بت الكلب يعنى حتمشى وين؟)

Quote: ماذا يهين الفان وردى محبوبته؟ x Author: Abureesh ضيعوك ودروك.. انت ما تعرف صليحك من عدوك (يعنى ببساطـة يا مغفلـة) إستنينى.. وانتى مصيرك تستنيى (با بت الكلب يعنى حتمشى وين؟)

يازول انت ياكا ابوالريش زاتو الكان مدور المنبر قبل شهر بقصه انصاف المثقفين؟

Yahoo!

Quote: Yahoo!

اتاريني بحب الgmail , و hotmail ,,وبس
كن كده يا ود الصايم امانه الليله ما وقع راجل.... لو ما طلع متهكر
هسه ده يجهزو ليهو برميل ولا زير ولا جك ولا كوز
احتمال رشفه فنجان تكفي........
ااااااااااااايي ياخ لشنو يعني ح يكون غير البلع
=========================


لكن عليكم الله اصبرو شويه خلو الناس تاخد حقها

مورتون يا عمكـ
الزول دا براحة براحة عليهو ياخ!

البليع زاتو فنون يا حبيب
دا زول بتاع مثقفاتية وكلام كُبار كُبار
يعني ممكن يعمل ليكـ مداخلة هنا ما تمرق
منها بأيي فهم .. فأعمل ساتر وبلّع من بعيد بعيد!

Quote: يازول انت ياكا ابوالريش زاتو الكان مدور المنبر قبل شهر بقصه انصاف المثقفين؟

الأخ الكريم محمد زكريا..

شكـرا على المرور وياريت لو نورتنا برأيك فى موضوع البوست.

يا عمكـ .. دي ما كلمات وردي
الأولى للأستاذ الشاعر حسن إسماعيل
والتانية للأستاذ الشاعر إسحاق الحلنقي!!




لو الموضوع غير كـدا بسّطو لينا شوية ياخ!
ماف خيارات؟

Quote: لو الموضوع غير كـدا بسّطو لينا شوية ياخ!

يبسطو ليك اكتر من كده كيف؟ إلا يموصو ليك في موية ويقول ليك أشرّب..
___
بس ما تجيهو راجع تقول ليهو أسقيني..

Quote: بس ما تجيهو راجع تقول ليهو أسقيني..

أب تفّة يا عمكـ
وحبابكـ في مدارات أبو الريش للبسطاء والغوغاء .. والماشين على 4!

من ناحية أجيهو راجع دي ما تشيل هم
أنا ما ماش من هنا أًصلا عشان أجي راجع!
حاسي لياقتي الإسفيرية تعبانة شوية ياخ!
والحمد لله الواحد لقى ليهو بوست زي دا!

خليكـ هنا يا عمكـ واستمتع بالـ تبسيط!

Quote: الأخ الكريم محمد زكريا.. شكـرا على المرور وياريت لو نورتنا برأيك فى موضوع البوست.

الاخ ابوالريش
تحيه ود واحترام
اعذرني اذ بدات بالتساؤل والتشكك ان تكن انت ابوالريش
وايضا اعتذر للشكل المازح علي ردي للاخ ود الصايم في ما يخصكم
اما بخصوص الموضوع
اولا هنالك خطاء املائي فادح لايراد العنوان بكلمه الفان فيما اعتفد بقصدك الفنان
وكما تري فان المعني قد يتغيير تماما لمن لا يتمعن في عجاله...ولكن لا يفوت علي قصدك فقط انصحك مستقبلا بالتاني ومراجعه الكتابه فبل النشر
اما بخصوص موضوع النصوص الشعريه في كلمات الاغنيتين...حقيقه ليس لدي تعليق الان من فرط دهشتي ولكن ساعود اليك بعد حين

لا حولااااااااا
مورتون .. الواحد يجهز الرد
يلقاكـ سحبت القوات بتاعتكـ!!

Quote: ضيعوك ودروك.. انت ما تعرف صليحك من عدوك (يعنى ببساطـة يا مغفلـة) إستنينى.. وانتى مصيرك تستنيى (با بت الكلب يعنى حتمشى وين؟)

صحي والله
الفهم بتاع المثقفاتية دا أصلوا ما زي فهمنا!!

Quote: الأولى للأستاذ الشاعر حسن إسماعيل

ودا يطلع ابن مين في مصر يا صايم؟

Quote: ودا يطلع ابن مين في مصر يا صايم؟

حلبي يا عمكـ .. أكيد ما حيفوت
عليكـ أنو أبو الريش أخانا الذي عمل حركات ما كويسة
فاهم تماما إنو المقصود إسماعيل حسن ياخ!
أهـو زول بسيط زيكـ كـدا ممكن الواحد يسهّل ليهو الحاجات!







___
الواحد بقى ما يضمن ذاكرتو زااتو في البورد دا

بالمناسبة يا أبي الريش!
ممكن الواحد يطبّق النظرية بتاعتكـ دي في البورد؟

يعني لمن أقول لواحد إنت زول بسيط معاناها زول بيض ساي؟؟

Quote: أهـو زول بسيط زيكـ كـدا

Quote: يعني لمن أقول لواحد إنت زول بسيط معاناها زول بيض ساي؟؟

يا الله ياخ!
الحلبي اتعوّق يا جماعة!
معليش يا عمكـ
نيران صديقة ياخ!

أمسحا لي في وش البوست دا!

Quote: لا حولااااااااا مورتون .. الواحد يجهز الرد يلقاكـ سحبت القوات بتاعتكـ!!

ياود الصايم كدي رد انت بالعدله اولا
الشاعر اسماعيل حسن مش العكس
طبعا انا مفترض انو الراجل مهكر وكدا عشان كدا قلنا نتريث شويه
لكن اقول ليك حاجه خليك في الميمنه لحدي ما نحفر الخندق
=======
ياخ خلينا نقول مباراه كوره شراب في حاره السقايين...انا بقيف هنا وانت اقيف في العراضه التانيه
شوووووت ياعمك

مورتون يا عمكـ .. أنت في حضرة أبو الريش
المفروض لو قلنا الشاعر (إ . ح) ساي يكون فهم الموضوع!!

Quote: لكن اقول ليك حاجه خليك في الميمنه لحدي ما نحفر الخندق

ميمنة شنو يا عمكـ ياخ!
أنا خلاص قرّبت أعلن احتلال البوست!

الأخ المحترم الفاضل محمـد زكريـا،

شكـرا على التعليق الموضوعى وتصحيح الخطأ الإملائى، ولكن ما باليد حيلة، وبكرى ما خاتى طريقة
لتصحيح العناوين..

مع الاسف يا أخ محمـد، أرى هنا محاولات لتخريب هـذا البوست أيضا، وعندما قاموا بتخريب البوست الماضى
وملئه بالأسفاف والسخرية، طلبت من بكرى حذفه، إحتراما للقراء.
ولكن لن أطلب من بكرى مرة أخرى حذف أى بوست، وليحذف هو ما يراه ضد اللائحـة. والناس الذين إستمرأوا
هـذا اللعب حيلقوا الموضوع مختلف.. ولو أنت أكرمت اللئيم تمرد.

فقط أرجو من الأخ الكريم ود الصائم أن يبعد نفسـه من هـذه المجموعـة فأنا أحترمه.

أنا عضويتى فى هـذا المنبر منذ 2003 وما فى زول يقدر يزايد على حرصى على المنبر وإحترامى لزملائى الأعضاء،
وقد قامت هـذه المجموعـة بنقل مخل لحديثى وخارج إطاره وعمل هيجان من السخرية والإستخفاف والمسخرة، بل تصيدوا
كل بوستاتى التى لا علاقة لها بالموضزع بقصـد حرمانى وحرمان الأعضاء من نقاش صحى وموضوعى.. ولو هم يحترمون
المنبر أو الأعضاء لما قاوموا بهـذا العمل.. احدهم يقول "أبو صلعـة نايم اكتبوا زى ما عايزين" يعنى هم
يعملون ضـد لوائح المنبر لأن بكرى فى ذلك الوقت نائم، ثم يتباكون على إحترام المنبر. وعندما طلبت من بكرى
حذف البوست، فرحوا و قالوا بلع البوست وأعلنوا إنتصارا على تكميم الأفواه، ليس إلا لأن هـذا القلم ينتقد
سادتهم وأصنامهم.. وسيكون الدواء بالتى كانت هى الداء.. ولا حذف للبوستات.. ولو دايرين ننزل معاهم سـوق الحميـر.

وردى ليس شاعر هـذه الأبيات، ولكنه تغنى بها، وهو لا يتغنى بأى شعر.. تغنى بها ودعمها وجعلها جزءا من مجداننا،
فهو إذا مقتنع بما فيها من معانى ومشاعر.. ومما يؤسف له أن هـذه الردود أدانت فورا الأبيات وبدأت تبحث عن
من هو المسـؤول عن الأبيات.

Quote: فقط أرجو من الأخ الكريم ود الصائم أن يبعد نفسـه من هـذه المجموعـة فأنا أحترمه.

كتلت الدش في يدي يا عمكـ!
نعلن انسحاب كامل القوات!

الاخ ابو الريش
لك كل الحق في ان تقول ما تريد وانا اقف معك ان يكن لك الحق حتي وان اختلفت معك في المضمون....كذلك اكون والاخرين من الزملاء
قبل ان اخوض معك في مضمون البوست بصوره جاده احاول ان ابحث عن النص الكامل للنصوص الشعريه التياوردتها انت هنا
لم استطيع ولم اجتهد حقيقه ولكن اعتقد انه من واجبك انت ان كنت تريد نقاشا موضوعيا ان تنزل بقيه النصوص كامله..وسنواصل معك بكل موضوعيه
========
اعتقد انك لم تتوفق جيدا في ترجمه معني البيتين بالطريقه التي تعنيها ان تكن المفردات والصياغ بصوره مطروحه للنقاش الجاد
قد تكن حاولت تبسيط المعني بطريقه الشارع العام حتي يفهم الجميع المعني المقصود بدون تعقيدات لغويه...وهذا ما قد يكون دعي لسوء فهم قصدك من قبل الزملاء بالمنبر
وللحديث بقيه



تحياتي

الحبيب ودالصايم

Quote: كتلت الدش في يدي يا عمكـ! نعلن انسحاب كامل القوات!

ما قلنا التريث يا عمك..اصل الشوت الضفاري بعوق الصباع الكبير
وعلي وزن البلاعه ما ليئتش مطرح ... جات الحزينه تبلع بلعت لي روحها واتخارجت

شكـرا يا ود الصائم وقد جددت إيماننا بمعدن السودانيين الذى لا يصدأ.



أخونا محمد زكريا،

شكـرا وسـوف أنزل باقى الأبيات، فلك الحق فيما قلت من أجل نقاش جاد إن شـاء الله.
شكـرا مرة أخرى..

Quote: أخونا محمد زكريا، شكـرا وسـوف أنزل باقى الأبيات، فلك الحق فيما قلت من أجل نقاش جاد إن شـاء الله. شكـرا مرة أخرى..

نحن في الانتظار اخ ابوالريش

الأخ محمـد زكريـا،

شكرا وقد بدأت أكره الكتابة فى هـذا المنبر لولا بعض الأخوة الكرام أمثالكم الذين يعطوا الأمل
فى نقاش صحى وموضوعى..

تكتب عن موضوع كاتبو شخص، ناس قبيلتو يجوك مهاجمين، وكأنك أعلنت حربا على القبيلـة
تكتب عن موقف لقائد سياسى يجو هايجين ناس حزبه وكأنك تريد أن تعذب هـذا القائد أو تقتله
تكتب عن قائد طائفى ومواقفه السياسيـة (وليس الكريم عن النقد بمحرم) ولكن يقال لك أنك (تكره سيدى فلان)
يعنى عندهم نقد السياسى دائما نابع من الكراهية .. ما فى أى تصور تانى..

المثقفون إلا من رحم ربى، تخشبـوا فى مواقعهم فصارت السياسـة عقيـدة ولا نقاش ولا أخذ ورد فى العقيدة.
وصار زعماء الأحزاب الهـة، مناطق محرمـة ممنوع الإقتراب والتصوير. الإنتساب للأحزاب صار مثل الإنتساب
للفرق الرياضيـة..
بالله أنظر فى تصويت البارحة فى الكونقرس.. أكثر من عشرين ديمقراطى صوتوا مع الجمهوريين و ضد مشروع حزبهم، وصوت نائب
من الجمهوريين لصالح القانون.. هؤلاء هم الأحرار.. يعملون فكرهم، ولا يضيقون بأنماط الأفراد الاخرين..
أين نحن من هؤلاء؟ ونقول عندنا ديمقراطيـة...

أنظر الى حزب يفترض أن يكون تقدمى، مثل الحزب الشيوعى.. يتنادى منتسبوه بمجرد أن تجرأت وأبديت رأيك المعارض لسياساتهم
وسياسات قائدهم.. ثم يتربصون بك ليس فى البوستات المعنية فحسب، بل فى أى بوست تفتحه حتى لو كان عن أى شئ
بغرض تخريبـه.. يعنى حقد ومحاولة إسكات أبدية من أى كتابة وإنتقام لأنك اطلت اللسان على القائد..

تصعب الكتابة، ويصعب النقد ويصعب الأخذ والرد الحر الذى لا تحده سوى القناعـة الشخصيـة، فى هـذه الأجواء.

Quote: الأخ محمـد زكريـا، شكرا وقد بدأت أكره الكتابة فى هـذا المنبر لولا بعض الأخوة الكرام أمثالكم الذين يعطوا الأمل فى نقاش صحى وموضوعى.. تكتب عن موضوع كاتبو شخص، ناس قبيلتو يجوك مهاجمين، وكأنك أعلنت حربا على القبيلـة تكتب عن موقف لقائد سياسى يجو هايجين ناس حزبه وكأنك تريد أن تعذب هـذا القائد أو تقتله تكتب عن قائد طائفى ومواقفه السياسيـة (وليس الكريم عن النقد بمحرم) ولكن يقال لك أنك (تكره سيدى فلان) يعنى عندهم نقد السياسى دائما نابع من الكراهية .. ما فى أى تصور تانى.. المثقفون إلا من رحم ربى، تخشبـوا فى مواقعهم فصارت السياسـة عقيـدة ولا نقاش ولا أخذ ورد فى العقيدة. وصار زعماء الأحزاب الهـة، مناطق محرمـة ممنوع الإقتراب والتصوير. الإنتساب للأحزاب صار مثل الإنتساب للفرق الرياضيـة.. بالله أنظر فى تصويت البارحة فى الكونقرس.. أكثر من عشرين ديمقراطى صوتوا مع الجمهوريين و ضد مشروع حزبهم، وصوت نائب من الجمهوريين لصالح القانون.. هؤلاء هم الأحرار.. يعملون فكرهم، ولا يضيقون بأنماط الأفراد الاخرين.. أين نحن من هؤلاء؟ ونقول عندنا ديمقراطيـة... أنظر الى حزب يفترض أن يكون تقدمى، مثل الحزب الشيوعى.. يتنادى منتسبوه بمجرد أن تجرأت وأبديت رأيك المعارض لسياساتهم وسياسات قائدهم.. ثم يتربصون بك ليس فى البوستات المعنية فحسب، بل فى أى بوست تفتحه حتى لو كان عن أى شئ بغرض تخريبـه.. يعنى حقد ومحاولة إسكات أبدية من أى كتابة وإنتقام لأنك اطلت اللسان على القائد.. تصعب الكتابة، ويصعب النقد ويصعب الأخذ والرد الحر الذى لا تحده سوى القناعـة الشخصيـة، فى هـذه الأجواء.

العزيز ابوالريش
شكلك داير تتخارج من البوست ده برضك
علي العموم انا تخصصي بوستات اهل الفن واي حاجه تمسهم او تخصهم..انت ماك عارف انو السودان ده مبني بالناسات وناس فلان وناس ناس علان
عشان كده انا ذاتي ذي ناسك التانيين البحامو لي بعض لكن ما بشخصن المواضيع ده الفرق بيناتنا
يعني انت كتبت عن وردي وذده ياخي انا مسجل معاهو شريطين يعني حقوق ومصنفات تدي حقوق لل اولاد اولادي ..مش بجيك جاري وبس والله لامن الكتاحه تقوم وراي.
صحيح احيانا الواحد بتعتر بقع وبقوم اتنفض وكن اتظلطت ما بهتم بواصل الجري لحدي اصل الحته الداير اصل ليها
طبعا جيتك ناطي خاشي في البوست توش بلا احم ولا دستور ولكن استغربت برغم الهيجه الحصلت ما تداخلت في اي بوست لك وما حاولت اتدخل في بوستات المثقفين وما ادراك
فاذا بك تاتي وتهبشني في احساسي زاتو
عموما اذا قلت نخلي البوست يروح المايسماش نخليهو يروح واذا قلت نستمر فيا اخي جيب النصوص
وكن ما قادر تجيبها قول لينا........ هسه بجيك واحد فقر بينكتها ليك من مافي
عموما استمتعت في حضرتك...واحب التواصل في الحديث معك

لك الود..............ما بتاعه وردي.....هه

الأخ الفاضل محمد زكريـا،

طيب يا أستاذنا النواصل معاكم.. وزى ما شايف كان حديثى عام وعن اشخاص اخرين..

والفنان، سواء كان مغنيا أو ممثلا لا يقبل الدور إلا بعد قراءة السيناريو أو الشعر، ويتأكد أنه
يتوافق مع مبادئه وقناعاته الشخصيـة.. ومن هنا فلا إحتججاج أن الشاعر ليس وردى أو أن وردى غير
مسـؤول عن أثر الشعر الذى يتغنى به.

(ملحوظـة: النصوص التالية وجدتها فى النت، ولست متأكدا من دقتهـا تماما)

Quote: ضيعوك ودروك انت ما بتعرف نصيحك من عدوك استغلوا الطيبة فى قبلك وبى اسم العواطف خدعوك حتى من كلمة حنانهم وودادهم حرموك الله ياخد ليك حقوقك...الخ

العبارات التى تحتها خط تعتبر أنفـة وكبرياء لا يليق بمخاطبـة المحبوبة، بل تعتبر إهانة
لعقلها وإهانة لحكمها، ولا يجوز هـذا مهما كان حكمها وتقديرهـا خاظئا، وإلا يمكن أن تكون
العلاقـة أى شئ سوى علاقـة حب. (سميها قرابـة، علاقـة عمل، صداقـة.. أى شئ ولكن ليس حب)

ثم:

Quote: بعد ايه جيت تصالحنى بعد ما ودرت قلبى الكنت فيه جيت تشكى جيت تحكى جيت تبكى لية لبيه إعتذارك ما بيفيدك ودموعك ما بتعيدك العملتو كان بإيدك انا ما لى ذنب فيه ليه جيت تشكى ليه جيت تحكى ليه جيت تبكى ليه ليه انا خلدتك بشعرى فى زمانك وياما غنيت وكان كلو عشانك (هذا الخطاب يثبت أن الغنى كان عشان الفنان وليس المحبوبة.. ولو كان لها لضحى من اجلها) وكان جزاى منك صدودك وهنوانك انا استاهل انا استاهل وضعتك فى مكانا ما مكانك صدقنى يا محمد زكريا، أنا لى زمن كنت أعتقد إنو يقصد ما كان معبرها بما يكفى فى الماضى ووضعها فى مكان لا يليق بها وكان ذلك ندما وإعتذارا.. وهالنى ما فهمته أخيراً) يعنى يا كلبة إنتى ما تستاهلى تعبى دا كلو لأنك صديتينى!!! الم يعلم أن الحب قد يورد الى القتل والموت مثلما ما فعل بأمرؤ القيس وغيره.. اليست عبارات الصدود والسهر والصبر على الجفاء صنو ومرادف لكلمـة الحب وحقوق ثابتة للمحبوب عبر العصـور، وهى شـرط وإختبار لنقاء الحب.. الإختبار القاسى الذى قد تكون نتيجته التضحيـة حتى بالحياة؟ روح اللهم لا تمحنا ولا تبلينـا (تقول قدامو كلب) القدر بى نفسو ما يقسو على كدا الزول دا معذور، أنو لو الله ما يقدر ليه حاجة تزعلو يبقى حبيبـة شنو تانى، فى ستين دهية.. جيت تايب يا حليلك والفؤاد ملكوه غيرك ربى يعدل ليك سبيلك هسى بالله الواحـد يبكى وللا يضحك؟.. زول حبيبتو جاتو برجليها، خلى توبتها وبكاها وحكيها.. يقوم يقول ليها كلام جلف زى دا.. هل هناك أى شك بعد هـذا إنه طول الوقت كان يحب نفسـه ويعتقد أنه يحبهـا؟ والفؤاد ملكوه غيرك ياخ دا فؤاد واللا غرفـة فى فندق؟!

معليش يا محمد التعليق داخل النص، ولكن بسهولة تستطيـع تمييزه

الحبيب ابوالريش

Quote: معليش يا محمد التعليق داخل النص، ولكن بسهولة تستطيـع تمييزه

والله ما ساهله لكن نحاول التمييز علي كل حال....... اصل بيقولو صاحب العقل يميز
انا كنت عاوز النص بالكامل مربوطا ببعضه البعض بس مافي مشكله سنبحث عن النص لوحدنا .
ح اجيبو براي واقعد بي مزاج وممكن نسأل ليك الزول اللحنها وغناها زاتو فهمو ليها شنو
وبعدين رايي البديهي البسيط انو اساس النص ليس لمحبوبه حاليه وانما لشخصيه كانت محبوبه ثم لم تعد كذلك
بالتالي كانت القصيده تترجم حاله تشفي اوعتاب ولوم وتوجيه خطاب يعبر عن الحب اللذي كان مكنا للمحبوب السابق بطريقه لا تخلو ايضا من اظهار الود والمشاعر التي كانت مغلفه في شكل التشفي او النقد
هذا لا يعني ان الشاعر او الفنان قد اخطاؤ في تناولهم وترجمتهم لحاله المحب والمحبوبه
ولا تنسي ان الشاعر والفنان ما سميا بهذه التسميات الا لانهم لهم المقدره في تخمص الشخصيه وترجمه الاحسا س وليست بالضروره المحور والمضمون نابع عن تجربه شخصيه.....ولا شنو؟
======
يازول الاحسن نجيب النص والاغنيه ذاتها ونرجع تاني براحه كده



ولا شنو؟

Quote: يازول الاحسن نجيب النص والاغنيه ذاتها ونرجع تاني براحه كده ولا شنو؟

بالحيل يا محمد

المعروف أن النص يكون داخل التنصيص، ثم يتم التعليق عليه، وبذلك تسهل عملية متابعته من المعلقين،
وحين لم أقم بذلك فكان من واجبى نحوك الإعتذار.. وأنا أعلم أن الكثيرين يفعلون مثل هـذا ولا يعتذرون
فلا تضيق بأنماط الناس المختلفة..

انا الله اعلم حألقى النص الكامل والإعتماد بعد الله عليك.

تعليق بسيط..

لو الزول دا أحبها فى أى وقت، كان المتوقع أن يغمى عليه عند مشاهدته لها حين عادت اليه.
الحب هو نكران الذات والفناء فى المحبوب، وزولنا دا فانى فى نفسـو، وحظ نفسـه والإنتصار
لكرامته... الخ، دا كلو ما فى قاموس الحب.. ويورى أن هـذا المواطن كان طول الوقت يحب نفسـه.
كان المتوقع لهـذا المحب الإفتراضى أن يفرح برؤيتها ويهب للقائها ويكرمها ويعزها..


أحدهم ماشى فى الشارع وجد وردة جميلـة، فقطفهـا وتنسمهـا ثم أبدى راحـة عظيمـة، فسأله رجل حكيم
كان بقربه لماذا قطفت الوردة؟ فقال له لأنى أحب الورد ورأيتها جميلـة.. فقال له الحكيم، إنك لا
تحب الورد، إنك تحب نفسك.. ولو كنت تحب هـذه الوردة لسقيتها ماءً ثم إنحنيت اليها لتتنسمها وهى
فى عودهـا.

التعديل
لفشل انزال اغنية \بعد ايه


على حال
اغنية حلوة
يغنى المغنى وكل على هواه

Quote: محمد النيل التعديل لفشل انزال اغنية \بعد ايه

كيفك يا رجل ...والله طلتك تسر القلب
وبرضو لك اجر الاجتهاد دبل لو حاولت تجيب النص
=======
ما وريتنا رايك شنو في كلام ابوالريش

شكرا ليك يامحمد زكريا
هسع عليك الله يامحمد زكريا اغنية بعد ايه
مين الى اهان التانى
مش المحبوبة هى اللى بدت؟
الزولة دى ودرت للزول دا قلبو

http://www.sudani.ws/s-data03/mohamedwardi/baad_eeh.mp3


تحياتى وحبى

Quote: (با بت الكلب يعنى حتمشى وين؟)

دا كلام شنو يا جماعة؟

نعم والله صحى يغنى وردى وكل حسب من يرتبط به
يازول كدى راجع كلامك دا

بعد ايه - اسماعيل حسن
==========
بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه

انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
القدر بي نفسو ما بقسو عليك

جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك

اها يابوالريش كده قصرنا معاك؟ النص واللحن والفنان كلو نزلناهم ليك
يلا اسمع وتابع النص بيت بيت وتعال قول لي فال ليها يا يا بت الكلب وين
=====

جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك
======
في اجمل وفاء واخلاص ذي ده
كل مناي في الكون عديلك ونهاية الخير نصيبك

Quote: r: محمد النيل Quote: (با بت الكلب يعنى حتمشى وين؟) دا كلام شنو يا جماعة؟ نعم والله صحى يغنى وردى وكل حسب من يرتبط به يازول كدى راجع كلامك دا

ده الكلام الهبشونا بيهو ذاتو وخلانا نستغرب
=====
شكرا يابو حميد علي انزال الاغنيه...وخليك معانا

اسحق الحلنقي
يا راجياني


يا راجياني و ما ناسياني
يام الغربة بتتحداني
و انا بتحدى الزمن الجاير
لو في بعدك يتحداني
***
استنيني و انت مصيرك تستنيني
لم سحابة تلاقي سحابة تمشي تسألي عن عنوان
كل ما تلاقي مسافر عايد تمشي وتسألي عن عنوان
وانا عنواني عيونك انت واي ممان تمشيهو مكاني
***
يا الفرهدت فرح جواي انا جملتك بي الواني
انا علمتك تاخدي المعنى و من احساسي تدي معاني
انا سافرت عشانك انت و سبت البلد لما ناسياني
كم حاولت اصارحك ياما الا العزة بقت مانعاني
***
استنيني ولو حاولت تصدي حنيني
يام حتشقي ما اظن تلقي
حنين زيي يريدك تاني
الايام وانا قربك انتي
مهما تطول محسوبة ثواني
انت جمالك ياهو جمالي
انت زهورك من ريحاني
الافراح بعرف ميعاده
واي زمان تلقيهو زماني
======
انتظر شويه بجيك بالاغنيه ذاتها سجلتها بي نفسي في شريط جميله ومستحيله ولا امير الحسن ما متاكد

ارجونى واستنونى
ح انزل ليكم استنينى

دى كانت محاولة فاشلة للانزال
سماح



[B] محمد وردي - يا راجياني استنيني [/B]
[SIZE="1"]♫ أغاني سودانية»» ♪ SUDANIANA ♪ مكتبة الأغاني السودانية أغاني سودانية فيديو اغاني سودانية[/SIZE]

Quote: اليست عبارات الصدود والسهر والصبر على الجفاء صنو

ابو الريش سلامات
معليش
الاغنية دى انت فاهمها غلط
لانو الصدود دا شيئ من باب الدلع والتعزز
وبتكون العلاقة يا دوب بادية
لسع ما فى طرف ثالث داخل فى الموضوع
ودى حاجة بتزيد الحب ولهيبو اكتر
ومن اغانيها مثلا( زيد فى غرورك انا عايزك امير
امير عليَّ وعلى قلبى الكبير) الكابلى
دى ما فيها خيانة من المحبوبة للحبيب
والحبيب ممكن ينتظر مدى الحياة الى ان تنزل المحبوبة من برجها العالى
لكن اغنية وردى يبدو انو فيها طرف ثالث
اللى هم اللى ضحكوا عليها وشغلوها عن حبيبها الاول
وتقوم ترجع ليه بعد الهزيمة وتظهر الندم
الكلام دا كدا ما بخارج مع الحبيب
خاصة بعد ارتباطه بواحدة غيرها كما هو ظاهر فى الكلمات
ودا احساس ممكن يقوله اى حبيب له كرامة وانفة وهذا طبع السودانيين
وهو ليس حصرا على شاعر الكلمات
اذاً الكلمات منطقية وجميلة عشان كدا عاشت فى وجدان السودان كل هذه العقود
إلا ان يكون كل هؤلاء المعجبين اجلاف
ودا مش حاصل


تحياتى

سلام

يا زول انت سمعة الوصية

دي أكتر غنية مكيفاني في حناني

الأخوين محمد النيل ومحمد زكريـا

هـذا ما كتبته أنا:

Quote: ضيعوك ودروك.. انت ما تعرف صليحك من عدوك (يعنى ببساطـة يا مغفلـة) إستنينى.. وانتى مصيرك تستنيى (با بت الكلب يعنى حتمشى وين؟)

فأين نسبت كلمة بت الكلب لوردى.. ولماذا لم تعلق يا محمد النيل على كلمة "مغفلة" أيضاً؟
الا يعنى القوسين أن هـذه تعليقات منى على أبيات أغنية يحفظها الجميـع ومعروفـة أبياتها؟

لكن برضو جقكم على، ودا يا يا أستاذ محمد زكريا الكنت خايف منو لما قلت ليك كان على أن
أفصل النص من التعليق، لأنه حتى القوس لم يمنع الناس من الفهم الخاطئ.

جاى لباقى تعليقاتكم إن شاء الله، ولا يفوتنى أن أشكركم على المداخلات القيمـة وإثراء النقاش.

يا ابو الريش

Quote: فأين نسبت كلمة بت الكلب لوردى.. ولماذا لم تعلق يا محمد النيل على كلمة "مغفلة" أيضاً؟ الا يعنى القوسين أن هـذه تعليقات منى على أبيات أغنية يحفظها الجميـع ومعروفـة أبياتها؟

امس اتصل بي واحد في نص الليل قال لي الليله ابوالريش ده يحلو منك الحله بله.....هههه
====
ياعزيزي مافي زول قال انك نسبت بت الكلب لي وردي ولا الشاعر في حقيقه الاصل...
لاكن كونك ترجمتها كده تبدو كمعني ينتسب لقائلها حتي ولو انك لا تعني المفردات علي حد ذاتها
اما مغفله دي ....غايتو... هي ترجمه تقبلها ذاتو صعب خلاااص...ما تلقي لينا مفرده تانيه للمعني اللي بيساوي نفس الكلمه القلتها دي
ياخ انا ما بتذكر اني نطقتها الكلمه دي من قبل .....والله العظيم....ما مشكله مغفله بمعني ساذجه او عبيطه اليس كذلك
دي طبعا في الاغنيه التانيه ولسه ما اتطرقنا اليها... خلينا اولا نخلص من بعد ايه وبعديها نرجع لي يا راجياني....اوكي
البوست ما تخاف عليهو ارجوك تتطالب بكري برفعه للربع التاني

Quote: لكن برضو جقكم على، ودا يا يا أستاذ محمد زكريا الكنت خايف منو لما قلت ليك كان على أن أفصل النص من التعليق، لأنه حتى القوس لم يمنع الناس من الفهم الخاطئ.

يا حبيبنا ابو الريش شكرا لجبركم خاطرنا لكن خوفك ما في محلو لان كلامك واضح ومفهوم
ثم تانيا انت ليه بتفترض انو الناس ممكن تفهمك خطاء فيما تكتب؟والله فاهمينك ومقدرين راييك
اها انحنا ساعدناك وفرزنا النص من التعليق والغنا من الفيديو عشان ما حصل اي سوء فهم تاني
====
اما اذا اقتنعت بوجهات النظر المخالفه ليك نقفل علي كده..وما تعتذر لاي زول قلت شنو؟ هههه

في انتظارك

إستاذنا محمد زكريا

"ضيعوك ودروك" فى رأيى تعادل إنتى مغفلة

و إنتى (مصيرك تستنينى) تعادل يا كلبة.. وكلبة طبعا هنا لا تعنى الحيوان، ولكنها تعنى لو كسرتى
رقبتك برضك حتستنيى يا.... المرة دى تمها براك

فأرجو أن تكون لديكم مساحـة لتقبل اراء الناس التى لا تتفقون معها.

لكن زى ما قلت نتخطى الكورنر دا ونناقش لب الموضوع

استنينى ولو حاولتى تصدى حنينى
دى هنا عكس مفاهيم بعد ايه
ففى الثانية الحبيب متمسك بالمحبوبة رغم الصدود
وكما ذكرت لك: الصدود ليس مثل الخيانة
لانو الصدود بيرفع قيمة المحبوبة عند الحبيب وبيطاردها الى يصل لها
اما تعمل ليها علاقات تانية وترجع تانى فستجد كلمات (بعد ايه) اللى انت شايفها صعبة
ولكل مقام مقال
وهنا تكون الروعة

ود الصايم ياخي انت زول سمح

Quote: "ضيعوك ودروك" فى رأيى تعادل إنتى مغفلة و إنتى (مصيرك تستنينى) تعادل يا كلبة.. وكلبة طبعا هنا لا تعنى الحيوان، ولكنها تعنى لو كسرتى رقبتك برضك حتستنيى يا.... المرة دى تمها براك فأرجو أن تكون لديكم مساحـة لتقبل اراء الناس التى لا تتفقون معها. لكن زى ما قلت نتخطى الكورنر دا ونناقش لب الموضوع

استاذنا محمد ابوالريش
راييك في مكان احترام ولكننا نختلف معه....والمساحه باساج وبراح وورده فل بتحوي الكل
ننااااااااقش لب الموضوع
=====
مغفله=ساذجه.....ويمكنني ان اتقبلها كوصف ايضا يعني حسره المحب علي محبوبته التي صدقت العوازل او محبوب آخر
فقد كانت تعتقد ان هؤلا او ذاك الشخص يحبها فرضيت به بدلا عن المحب الحقيقي هنا وهو المتحدث بلسان الشاعر
وهنا ياتي العتاب والدرس بصوره لا تخلو من الحنين والعطف رغكم كينونه المحب المجروح
اذن الشاعر يترجم لنا دراما الحب في شكل صراع بين الكبرياء والضعف من قبل الطرفين في آن واحد
اكتفي الي هنا عن اغنيه بعد ايه
=====
اما بخصوص يا راجياني
يا اخي اولا الانسان كائن مكرم فقط لانه يتميز بالعقل والتفكر بالتامل لما يراه ويسمعه ويستطيع بذلك ان يدرك بعض الحقيقه ...هذه من ناحيه فكر فقط
ولذلك وصف الانسان بالحيوان ورغم انني احب الكلاب ولي كلب حقيقي الا ان وصفك بترجمه الابيات بمفرده كلب لا ادري ما الذي ترمي اليه؟ هل هي صفاته؟شكله؟الخ.
ايضا لا يخفي علي الاضطهاد الظاهر للمرآه في شكل مفرده الوصف المترجم منك وليس الاصل.. حيث ان الشاعر مهما كان وصفه لم ياتي بمفردات صريحه ومباشره مثلك
اما عن المفهوم السوداني البسيط في وصف امراه بانها كلبه فهو امرليس بالسهوله تقبله لذا لا اتوقع ان يقصد شاعرنا ذلك
مصيرك تستنيني= لاني اعلم مقدار حبك لي فاكيد سوف تنتظريني
مصيرك تستنيني=لاننا نعلم مقدار حبنا لبعض فالمصير هو الانتظار حتي ان نلتقي
مصيرك تستنيني= لان مصيرنا ان نكن لبعضنا البعض
ومليون تفسير معبر عن عظمه الحب لدي هذين المحبين
فيا عزيزنا محمد عثمان المشهور بابي الريش...تامل وانظر الي النص بعين هؤلاء المحبين وستري كثير من المعاني والمفردات الجميله
=====
يتبع

Quote: مصيرك تستنيني= لاني اعلم مقدار حبك لي فاكيد سوف تنتظريني

الأستاذ محمد زكريا..

يا الله ياخ..

تانى رجعنا لكلب وكلبة.. ياخى دى صيغـة مبالغـة معروفة.. والسودانيين الواحد يقول لولدو أمشى جيب
الحاجة القلتها ليك يا كلب.. ومرات تقول ليه كمان يا ود الكلب.

أقصـد النهرة والتحدى الذى رماه لها بأن مصيرهـا ترجع ليه..

خلونا فى المهم باللاى.

بعدين المرأة محبوبة وليست محبـة.. الذى يحب هو الرجل.. وهـذه أيضا مشكلـة فى ثقافة بعض السودانيين
الأغنية دى كلها كان المفروض تقولها إمرأة لرجل، وليس العكس.
بعدين الحب والكبرياء لا يجتمعان، لذلك قلت أنه طول الوقت كان يحب نفسـه.. وظهر ذلك حين صدته فى الغنية الاولى.

بعدين لما تجى هى راجعـة وتعتذر البيحصل شنـو.. هنا نقطـة مهمـة جداً... البيحصل إنو مشـاعـر العقل الباطن
القديمـة هى التى تظهـر عليه.. فلو كان يحبها بصدق فى الماضى يفرح ويتهلل وجهـه، ولو كان مستغلا لها
ويحبها ظاهريا فسيكتب عنها مثل هـذه القصيـدة.

لكنى برضو أرى المشكلـة أكبر من ذلك.. المشكلـة فى ثقافة بعض الســودانيين الذين يتوقعون أن تحبهم النسـاء،
مما يعنى أن فيهم بعض (السلبيـة)، وهـذه تتجلى صورتهـا فى الإغنيتين.

Quote: ثقافة بعض الســودانيين الذين يتوقعون أن تحبهم النسـاء،

الحب من جانب واحد ما بخارج
الا يكون الحبيب لايووووق ودمه تقيل وانانى
فى الحالة دى بيكون حب تملك سااااى
وذي دا مابيكون عندو احاسيس شاعرية
وزمنو فى الغناء بيكون فارق واشتر
وزى دا عندما تعتريه نزعة دينية طوالى ح يقول ليك الغناء ذاتو حرام.

تعرف يابوالريش
اغنيه يا راجياني من اجمل ما كتب اسحق الحلنقي واجمل ما لحنت
ياريت تسمعها من التسجيل القلتو ليك في شريط جميله ومستحيله او امير الحسن
ياخ فقط تامل الحنين والشوق والخوف في تعبير المحب البعيد عن محبوبته...........ايام الاغتراب لدول الخليج
الوصف والمعاني تدل علي ان هذا المحب يشتاق الي محبوبته ويترجم حبه وثقته في حبها له.
ان تعطي من تحب الاحساس بانك تعلم مقدار حبه لك, لان هنا نري الحبيب يساوي في حجم تضحيته بنفس حجم تضحيتها في انتظاره
فيقول لها محاطبا يا راجياني وما ناسياني.....اي انا اعلم حجم تضحيتك في ان تنتظريني ومقدار اخلاصك ووفاءك
انها مخاطبه بود وحنيه

Quote: يا راجياني يا راجياني و ما ناسياني يام الغربة بتتحداني و انا بتحدى الزمن الجاير لو في بعدك يتحداني ***

وانظر كيف يؤكد لها بقوه لسان الرجوله في التحدي بانه يعاني ما يعاني في غربته وبعده عنها
ويواصل تاكيده علي انه سيتحمل كل شيء مهما كان جائرا بسبب هذا البعد فانه لن يضعف لانه يعلم بانها تنتظره حين يعود ولن تنساه مهما تاخر زمن العوده

Quote: استنيني و انت مصيرك تستنيني لم سحابة تلاقي سحابة تمشي تسألي عن عنوان كل ما تلاقي مسافر عايد تمشي وتسألي عن عنوان وانا عنواني عيونك انت واي مكان تمشيهو مكاني ***

هنا يترجي الحبيب محبوبته ان تستمر في الانتظار لان مصيرها بسبب حبها له وعلمها بحبه لها يعني انها لن تكون لشخص اخر كذلك هو ايضا لن يكون لغيرها
اذن فان المصير عند كليهما هو فقط الانتظار الي ان يلتقيا بعد الغربه
الابيات اللاحقه تعبر عن وصف حال الاشواق واللوحه المرسومه تحلق بنا بين الطبيعه والخيال في تناسق مفردات مموسقه بشكل لحني تلقائيا
فتامل ما بين السحاب اللذي يتسائل عن عنواين هؤلاء الاحبه لينقل الاشواق مطرا
وما بين لهفه المحبوبه وشغف قلبها بسؤال العائدون الي ارض الوطن عن محبوبها ومكان اقامته
ويؤكد الحبيب مره اخري بانه معها دائما وهنا صوره جماليه مبالغه في تاكيد القرب بينهما

Quote: يا الفرهدت فرح جواي انا جملتك بي الواني انا علمتك تاخدي المعنى و من احساسي تدي معاني انا سافرت عشانك انت و سبت البلد لما ناسياني كم حاولت اصارحك ياما الا العزة بقت مانعاني ***

يتبع

Quote: الابيات اللاحقه تعبر عن وصف حال الاشواق واللوحه المرسومه تحلق بنا بين الطبيعه والخيال في تناسق مفردات مموسقه بشكل لحني تلقائيا فتامل ما بين السحاب اللذي يتسائل عن عنواين هؤلاء الاحبه لينقل الاشواق مطرا وما بين لهفه المحبوبه وشغف قلبها بسؤال العائدون الي ارض الوطن عن محبوبها ومكان اقامته

يااااااااه يامحمد زكريا
اجترار وهضم وشرح ممتع للكلمات
هكذا يستمتع الرائى للوحات الرسام المبدع
واصل الشرح فكأنى استمع للاغنية تتردد فى طبلة اذنى الوسطى بموسيقاها وتطريب وردى الخالد من انزال للاغنية

ونواصل

Quote: يا الفرهدت فرح جواي انا جملتك بي الواني انا علمتك تاخدي المعنى و من احساسي تدي معاني انا سافرت عشانك انت و سبت البلد لما ناسياني كم حاولت اصارحك ياما الا العزة بقت مانعاني ***

طبعا التفرهد معلوم لديك هو عندما يتفتح الورد ويبدو رونقه ظاهرا مفعما بالتفتح والحياه
صوره او لوحه اخري يصف المحبوب نفسه كالورد المتفرهد حين يتخيل محبوبته مبعث فرحه فيرسم صورتها بالوان عديده
وفي خضم التعبير يوكد ثقته بانه يعلم بانها تفهم ما يعنيه لانها تعلم احساسه تجاهها فهو احساس متبادل بينهما
البيت الثالث يعترف لها لاول مره بانه اغترب حتي يستطيع ان يتزوجها ويواصل اعترافه بانه لم يشاء ان يخبرها بمقدار حبه لها حين اعتزم السفر
ويعترف مجددا انه كان ينوي ان يصارحها لو لا الكبرياء وعزه الرجل في ان يعترف بحبه الجارف

Quote: استنيني ولو حاولت تصدي حنيني يام حتشقي ما اظن تلقي حنين زيي يريدك تاني الايام وانا قربك انتي مهما تطول محسوبة ثواني انت جمالك ياهو جمالي انت زهورك من ريحاني الافراح بعرف ميعاده واي زمان تلقيهو زماني

الابيات الاخيره اعلاه تعبر عن حاله خوف وتوجس الحبيب في ان يفقد محبوبته بسبب طول الغربه وهذا احساس طبيعي للمحب الصادق في حبه
والا كان سوف لا يهمه ان تتركه ان طالت غربته, ولكننا نخاف ان نفقد ما نحب والعكس صحيح لذا برغم الثقه الكامله فاننا نحتاج لان يؤكد الحبيب حبه لنا مرارا
وبرغم خوفه يحاول ان يسوق نفسه بانها لن تجد من سيحبها مثله ويضع نفسه متواضعا يحاول ان يعرض نفسه بانه لانفع في ان يكون هنالك بديل له
=====






يا ابوالريش فترت من الكتابه....اصل يدي مكسوره والله......نواصل بكره

الأخوين محمد ومحمد

طيب...

الأداء 100/100
اللحن 100/100
الموسيقى 100/100
اللغة الشعريـة 100/100



الكلمات 50/100

إنتو أدوها 100/100 فى كل حاجـة ومافى مشكلـة

الموسيقى بالذات، بتاعـة إستنينى غايـة الروعـة.. وأنا أكره ما أكره فى الموسيقى
الســودانية الموسيقى المصاحبـة للصوت.. ما تعرفها إغنية واللا إنتفاضـة.
بعدين برضو غاية الإزعاج.. لا تهنأ بموسيقى ولا تفرز الصـوت.. أى واحـد عندو شويـة صفيـح يجى
مجرجرو ليك ويكورك جواه، ويقول ليك دى إغنيتى الجديدة. والعجب لما المشاهدين الشرفـاء
يبتدو يكوركو معاه بأصوات لا تعرف التمييز على اساس اللون أو الدين أو الجنس (ديمقراطية قال ليك يا)..

ياخ بالله بس خليها فى سرك..

Quote: وأنا أكره ما أكره فى الموسيقى الســودانية الموسيقى المصاحبـة للصوت.. ما تعرفها إغنية واللا إنتفاضـة. بعدين برضو غاية الإزعاج.. لا تهنأ بموسيقى ولا تفرز الصـوت..

عزيزنا ابوالريش ........حيرتنا والله

Quote: الأداء 100/100 اللحن 100/100 الموسيقى 100/100 اللغة الشعريـة 100/100

يعني كنت عارف وداير تختبرنا ولا ما كنت عارف واقتنعت؟
طيب مالك مغلغلنا من الصباح.......كده ح اطالبك بالاعتذار للجميع

Quote: الكلمات 50/100

والكلمات فرقها شنو من اللغه الشعريه الاديتها ميه في ميه؟

Quote: وأنا أكره ما أكره فى الموسيقى الســودانية الموسيقى المصاحبـة للصوت.. ما تعرفها إغنية واللا إنتفاضـة.

انت كده صاح 100/100 والحقيقه اول كلام ليك في البوست ده اتفق معك فيه بالعشره....لكن ده ما موضوعنا هسه ولا شنو؟

Quote: بعدين برضو غاية الإزعاج.. لا تهنأ بموسيقى ولا تفرز الصـوت.. أى واحـد عندو شويـة صفيـح يجى مجرجرو ليك ويكورك جواه، ويقول ليك دى إغنيتى الجديدة. والعجب لما المشاهدين الشرفـاء يبتدو يكوركو معاه بأصوات لا تعرف التمييز على اساس اللون أو الدين أو الجنس (ديمقراطية قال ليك يا).. ياخ بالله بس خليها فى سرك..

كلامك فيه شويه الغاز برضو.......خالط مابين نقد فني ولا سياسي...مافهمت
ممكن نقفل الموضوع الاساسي لو خلاص اقتنعت.!!!....اوكي!!!......طيب قول التوبه.....هههه
=====
ونواصل في البوست
عن كيفيه شكل علاقه المتلقي السوداني كمتذوق, مستمع او مشاهد بالفنون والثقافه السودانيه خاصه او غيرها وكيفيه تعامله مع هذه الضروب الفنيه بشكل عام
اهو علي الاقل ياخذ بوستك هذا منحي اخر قد يستفيد منه القراء بنقاش جديد ننتقل فيه عبر بحارالتذوق الي مرافيء الفنون من ادب الشعروالموسيقي وغيرهما
بس ما تنسي تنقل البوست الي الربع التاني قبل الارشفه



تحياتي

Quote: والكلمات فرقها شنو من اللغه الشعريه الاديتها ميه في ميه؟

دى يا محمد زكريا وجهـة نظر وتفسيـر ربما خاص بى.. يعنى مثلا فى واحد يقول
ليك "المزنـة"، وتانى يقول ليك "البعاق" الكلمتين تعنيان السحابة الداكنة التى
تشى بمطـر.. ولكن كلمة "مزنـة" وقعهـا على الإذن الطف وأجمل، وفى ناس يسموا
بنتهم مزنـة لكن ما أعتقد زول عاقل يسمى بتو بعاق مع انو المعنى شئ واحـد.
هنا الشاعر مثلا يستعمل "مسافر عايد" وما بيستعمل "مسـافر راجع"
بإختصار أقصـد إستعمال اللغة ذات الموسيقى والوقع الحسن على الإذن بصرف النظر عن معانى الكلمات.

عشـان كدا لما جيب للكمات أديتهم 50.. وكان ممكن أديهم أكتر زى 70 أو 80، لكن حكاية "مصيرك"
وضيعوك وودروك دى مالت بالميزان.

أهو تقييم زول، ممكن يختلف من شخص لأخـر.. وإعتذار مافى مع الأسف!

Quote: كلامك فيه شويه الغاز برضو.......خالط مابين نقد فني ولا سياسي...مافهمت

مافى موضوع سياسـة.. دا اسلوب فى التعبير ما بتحدو حدود سياسة ولا أى علم تانى.. أى ملف
أشوف ممكن أعبر بيه الفو.

دى مواصلـة للكلام الفوق وهو كلام عام عن الموسيقى المصاحبـة.. موش الموسيقى بس
الإغنية والموسيقى والمستمعين.. كلهم مصاحبين.. ما عارف لو الالات تغنى نفس الغنية الفان
لزومو شنـو؟ خصوصا صوتو رايح شمـار فى مرقـة.. يعنى بدل خسارة قروش فى الحفلات الواحد
ممكن يجيب عازفين بس، ويرفع صوت السماعات لأخر درجـة، ويجيب أى قرد من ناس بيتهم يديه
المكرفون يقول قول بصوت عالى الف.. باااااء، تاااااء

Quote: دى مواصلـة للكلام الفوق وهو كلام عام عن الموسيقى المصاحبـة.. موش الموسيقى بس الإغنية والموسيقى والمستمعين.. كلهم مصاحبين.. ما عارف لو الالات تغنى نفس الغنية الفان لزومو شنـو؟ خصوصا صوتو رايح شمـار فى مرقـة

تعرف السبب شنو؟؟؟
لانو ثقافتنا الموسيقيه بسيطه بشكل المجتمع العام اوضئيله و لا تجاوز حدود التفاعل اللحظي والتلقائيه المباشره في انفعالاتنا مع الحدث الايقاعي او الموسيقي الغنائي
شيء طبيعي واحساس فطري يمكن تربيته والارتقاء به , وهنالك من يقع علي عاتقهم الاهتمام برفع ذوق المستمع او المشاهد, هؤلا هم اهل الاختصاص بامور الموسيقي والغناء
ويفترض ان هؤلا المختصيم انهم فناون في حد ذاتهم, مثال الموسيقار المتعلم والدارس لعلوم الموسيقي والغناء, لكن المستمع الجيد ايضا يرتقي بالذوق العام حين يصد عن الاستماع للاعمال الرديئه
ملاحظتك لمصاحبه الالات والمغني في خط غير هارموني ملاحظه في محلها والمشكله تكمن في الاداء الخاطيء عزف وغناء وفي عدم التوزيع للعامل الموسيقي الغنائي بشكل متكامل

Quote: يعنى بدل خسارة قروش فى الحفلات الواحد ممكن يجيب عازفين بس

طيب ومالو دي احسن حاجه ممكن تعملها
تعرف ان الاستماع للموسيقي فقط دون مصاحبه الغناء من ارقي مستويات التذوق الموسيقي ودليل علي ان من يجيده ايضا انسان فنان او محب مخلص للفن الموسيقي

Quote: أهو تقييم زول، ممكن يختلف من شخص لأخـر.. وإعتذار مافى مع الأسف!

تقييمك ع العين والراس......اختلف كما يحلو لك يا زول.
.قلنا ح ...ح ...ح نطالبك ما قلنا لازم يعني تقدم اعتذار........ .و اعتذارك ما بفيد..........بعد ايييييييه.....جيتا تحكي.....هههه

Quote: اللغة الشعريـة 100/100 الكلمات 50/100

العمارة تمام 100%
لكن وحدات البناء مثل الطوب 50%
الكلام دا كدا جاى؟


طيب لو كد العمارة ليست 100%

ولولا الكلمات لما كان الشعر

تكون قاصد رزم التفعيلة والقافية 100%
وجمالية الكلمات 50%؟
كدا معليش
فى الحالة دى
يكون البنيان او القصيدة = 33.33% + 33.33% + (33.33% على 2) = 81.8%
يعنى 82% تقريبا وهى نسبة كافية تدخل كلية طب جامعة الخرطوم سابقا لما كانت جامعة
اذاً الاغنية رائعة بدون شك

ودالصائم ومحمد زكريا
عاجبني تعاملكم مع اخونا ابوالريش بنظرية:
اعاين فيه واضحك امشي واجيه راجع !!

بعدين يا ابوالريش
انت سمعت ادروب بغني فنجان جبنة بي شمالو
فهل من اؤتي فنجانه بيمينه سيصلى سعيرا

مركز الإيمان الفني ...

ود الصائم مشي وين؟

ؤالله يا راني بتك عسل ربنا يحفظها

Quote: ؤالله يا راني بتك عسل ربنا يحفظها

الجميلة
Afraa Sanad

الف شكر علي كلماتك التي ادخلت البهجة جواي وخلتني انطط من الفرح.. شفت كيف عملتي فيني؟

تعالي بهناك عشان احكي ليك عن سارة .. وكيف غيرت في الحوليها..
بالجد الزولا دي غيرت فيني الكتير وهي لسة عمرها تلاتة شهور..
خشي البوست دا


تسجيل مكالمة مع سارة.. بوست توثيقي.. يوجد شهود وصور وفيديو كمان...

الأخ الكريم محمد زكريا،

كتبت
"اغنيه يا راجياني من اجمل ما كتب اسحق الحلنقي واجمل ما لحنت"

فرصة طيبة أن نعرف انك ملحّن هذه الأغنية. القصيدة فعلا جميلة و لحنها ملائكى. فشكرا لهذا الابداع.

تحياتى لصاحب البوست و ضيوفه.

ندى

خالد العبيـد كتب:

Quote: ودالصائم ومحمد زكريا عاجبني تعاملكم مع اخونا ابوالريش بنظرية: اعاين فيه واضحك امشي واجيه راجع !!

خالد العبيط

لو قليت أدبك تانى حتكره المنبر دا

تدخل بوستات الناس وتسيئ لهم؟

محمد زكريا زول محترم ويحترم كلمتو البيكتبها، موش قليل أدب زيك.


سكتنا كتير على سخفكم دا.

المرة الفاتت كنا مع الذين يرسلون الكلاب، أما الان فمع الكلاب وأصحابها.. ومعبودك

التجانى الطيب دا الطلع عميل لجهاز الأمن وإنت زى المغفل تطبل ليه فى المنبر.

إتعديت حدودك بدون ما فى زول يتكلم معاك بخير ولا بشـر.. فأبشـر بما تسعى له قدمك.

Quote: خالد العبيط لو قليت أدبك تانى حتكره المنبر دا تدخل بوستات الناس وتسيئ لهم؟ محمد زكريا زول محترم ويحترم كلمتو البيكتبها، موش قليل أدب زيك. سكتنا كتير على سخفكم دا. المرة الفاتت كنا مع الذين يرسلون الكلاب، أما الان فمع الكلاب وأصحابها.. ومعبودك التجانى الطيب دا الطلع عميل لجهاز الأمن وإنت زى المغفل تطبل ليه فى المنبر. إتعديت حدودك بدون ما فى زول يتكلم معاك بخير ولا بشـر.. فأبشـر بما تسعى له قدمك.

يا ابا الريش
كده عيب!!
امسك اعصابك!
ما تكتب وانت زعلان!!

Quote: كده عيب!!

لا ما تورنيى العيب..

العيب إنك تدخل بوست زول وتضحك وتسخـر منه بدون ما يقول ليك أى كلمة.

نفس حركاتكم الصبيانية عايزين تكرروها لكن هيهات.. فقد غركم الحلم والتغاضى منا.

يا خالد رجاء خاص، بمناسبـة ردك المختصـر دا.. عليك الله أختى أبو الريش دا ما غلت فيك أبداً.

عايز تناقش المطروح الف مرحب، عايز تخرب البوست المرة دى نرحب بيك، بس أبقى قدر الكلام

البتقولو..

Quote: عليك الله أختى أبو الريش دا ما غلت فيك أبداً.

هو الغلت ده كيف؟
العبيط ... ثم قليل ادب ..!!
هل صحيح ان آل ضرار خيالانك وخالاتك ؟
لا أصدق!

يا جماعة وين الكلام الطيب؟
دا مش البوست بتاع الشعر والغناء والكلام السمح؟
ول انا دخلت بوست غلط؟

بعدين ياخ
اعاين فيه واضحك
امشي واجيه راجع

دي اغنية
بغنيها خلف الله حمد
البوست ده مش غنائي!!

والله ياهو زاتو!

أخونا محمد النيل،

أهو شايف براك الحاصل.. الزول دا جا مخصوص عشـان يخرب البوست لأنو شافوا فى إتجاه
نقاش وضوعى ومفيـد للمتناقشين ولأعضاء المنبر.. هو لا تهمه فائدة للمنبر ولا للأعضاء
المنتاقشين بكامل الموضوعيـة والإحترام.

خالد،

أخرج من هنا خير مطرود

ثم دى اخر مرة ليك تجيب سيـرة أسـر.. لا تذكر الأسر لا بخير ولا بشر..

ما تعمل فيها ذكى وتخرب البوست وتخرجه من مسـاره..

وأكررها ليك.. لو خربت البوست دا حتكره المنبر وأى مداخلة فى أى بوست وأى بوست
تفترعه.. موش إنت وبس، كل الوراك من أعضاء حزبك فاقد الأمل والهدف وانا اعرف الحركات الصبيانيـة دى.

المرة دى إنتو اللى تمشـو لبكرى.

ابو الريش سلامات

Quote: أهو شايف براك الحاصل.. الزول دا جا مخصوص عشـان يخرب البوست لأنو شافوا فى إتجاه نقاش وضوعى ومفيـد للمتناقشين ولأعضاء المنبر.. هو لا تهمه فائدة للمنبر ولا للأعضاء المنتاقشين بكامل الموضوعيـة والإحترام.

الزول ده عرفناهو جاء يخرب البوست
اها التجاتي الطيب ده الدخلو شنو؟

Quote: الزول ده عرفناهو جاء يخرب البوست اها التجاتي الطيب ده الدخلو شنو؟

الأخ الفاضل الصاوى،
كامل الإحترام..

طيب يا الصاوى، لما عرفتوه جا يخرب البوست (أنظر اول مداخلة له بدأت بها هـذه المشكلـة)

لو عرفتوه فهل ما دام جيتو تعلقو برضو موش كان المفروض تقولوا ليه كلمتين.. أم تخريب

بوست أبو الريش مباح..

كنت أتوقع التعليق يكون متوازن أكثر.. وما عندى مشكلـة فى الرد على سـؤالك.

سلامات يا ابو الريش مرة اخرى

Quote: لو عرفتوه فهل ما دام جيتو تعلقو برضو موش كان المفروض تقولوا ليه كلمتين.. أم تخريب بوست أبو الريش مباح..

ياريت توريني نحن منو؟
ولماذا تخاطبني بصيغة الجمع

Quote: وما عندى مشكلـة فى الرد على سـؤالك.

سأنتظر اجابتك
وياريت بالمرة توريني علاقة التجاني الطيب بموضوع البوست
ولماذا تسئ لرجل ربما كان في عمر والدك وتتهمه بالعمالة لجهاز الأمن

مرحبا با الصاوى،

زى ما شايف دى أول مداخلة لنا فى هـذا البوست بل ربما أول مداخلة على الإطلاق،
واللغة العربيـة تعطينى الحق بل الواجب فى إستعمال صيغـة الجمع لمخاطبة فرد فى
هـذه الحالة، فهى أيضا صيغـة إحترام.. وشخصيـا لا أجمع بين الناس فى خطاب واحد
(إنتو وإنتو وإنتو) فهـذا إسلوب (العجايز) stereotyping ولا أقول العاجزين، ولو لاحظت فى كثير
من كتاباتى فى السابق فلا أرضى هـذا لنفسى أيضا، لا أرضى أن يجمعنى أحدهم بأى
متحاور فى البورد فكل إنسـان مسـؤول عما يكتب فقط.

أكيد التجانى الطيب ليس فى سن والدى، وأنت لا تعرفنى فكيف تقول ذلك؟ أنا
الان فى طريقى للستينـات، ووالدى عليه الرحمـة توفى عام 1967 عن 63 عامـاً.
والإحترام لشخص التجانى فى مكانه، ولكنه ليس جالس فى منزله، وإنما يتصدى ليحكمنى
ويحكمك، لذلك أتحدث عنه كمسؤول حزبى وقائد سياسى يذهب الى جهاز الأمن دون استدعاء
ويتجاذب أطراف الحديث معهم، ثم من ينتسبون لحزبه هنا يملئون الأفق بعبارات السدنة
والأمنجيـة.
أى قائد سياسى معرض للنقد.. لو تخابر مع جهاز الامن ضـد مواطن، أو لو وقف فى صف
محتل ضد وكنه، فمن حقى أصف عملهم هـذا بالخيانـة الوطنية والعمالة لجهاز الامن. ولو
عادوا ووقفوا فى الصف الشعب فسـوف أحملهم فوق رأسى من جديد.

Quote: خالد، أخرج من هنا خير مطرود ثم دى اخر مرة ليك تجيب سيـرة أسـر.. لا تذكر الأسر لا بخير ولا بشر.. ما تعمل فيها ذكى وتخرب البوست وتخرجه من مسـاره.. وأكررها ليك.. لو خربت البوست دا حتكره المنبر وأى مداخلة فى أى بوست وأى بوست تفترعه.. موش إنت وبس، كل الوراك من أعضاء حزبك فاقد الأمل والهدف وانا اعرف الحركات الصبيانيـة دى. المرة دى إنتو اللى تمشـو لبكرى

جاييك يابوالريش !!

Quote: جاييك يابوالريش !!

يعني نطلع منها؟؟
دقيقه ياشباب براحه عليكم الله ما تتناقروا لينا هنا
ياخ البوست ده انا تعبت فيهو اكتر من صاحبو ذاتو وكبيت ليكم فيهو عصاره من رحيق مشاعري.....حرام تجو تنفشوه لي كده
بعدين يا خالد العبيد بصراحه ما ليك حق.....يعني صاحب البوست كان دمو رايق جيت انت فورتو.....شنو ياخ قصدك بنتعامل بنظريه اضحك وجاييك راجع
ده كلام يخلي الدم يطير للراس مباشره...غايتو السياسه دي يوم بتجيبو ليكم خبر زول .......حاشرينها لينا في اي حاجه
وانت زاتك يابوالريش طول بالك ما تخلي الشباب ديل باقل هبشه يحرقو اعصابك ويهيجوك
بقيه الحضور و المتفرجين نشكركم لحضوركم اما بعد فساعدونا بالنصيحه حتي لا ينحرف البوست......... انحراف فنسيشخصوي
والله انا كنت داير اكتب في البوست ده الي اجل غير مسمي....لكن الظاهر لكل اجل كتاب







=======
ملحوظه للاخت ندي علي
والله هذا فخر وشرف لي انك فقط ولو لوهله اعتقدت بانني انا من لحن اغنيه ياراجينا
ولكن للاسف ليست انا من قام بتلحين هذا العمل العملاق بل فقط شاركت في التوزيع الموسيقي لاخر تسجيل لها في القاهره.
كتبت لحنت بضم اللام وكسر الحاء بمعني تم تلحينها...وهذا فقط للتوضيح

الأخ أبو الريش
لا أدري لماذا تقحم افراد لا دخل لهم بما تكتب أو ما يكتب خالد العبيد
ولا أدري ما الذي يدعوك لتمارس الاسفاف وتسميه نقد للحزب الشيوعي
لك الحق في أن تفترض في نفسك أنك مثقف أو فيلسوف ولكن توجيه الاتهامات بالخيانة الوطنية
وبالعمالة لجهاز الأمن لأناس أنت لا تعرفهم ولا يعرفونك ولا تعرف مدى التضحيات التي قدموها للوطن
فهذا ليس لك الحق فيه
أما اختزال الحزب الشيوعي في خالد العبيد أو غيره من أعضاء المنبر فذلك أمر غريب
اذ انك تستعدي ايضا من لا تعرف

بعدين ياخي شنو لغة التهديد دي
وفاتح ليك عشرمية بوست
قال زعلان عشان البوست دة

والله انا جيت جاري قلت خالد العبيد دة خرّب شنو
اجي القى الكلام الفارغ البلعوك ليهو دة

وانت قايل مسألة انو الواحد اترصدك صعبة عامل فيها داير كمان تتفرغ للحزب الشيوعي
يا زول مافي زول شغال بيك

Quote: دى يا محمد زكريا وجهـة نظر وتفسيـر ربما خاص بى.. يعنى مثلا فى واحد يقول ليك "المزنـة"، وتانى يقول ليك "البعاق" الكلمتين تعنيان السحابة الداكنة التى تشى بمطـر.. ولكن كلمة "مزنـة" وقعهـا على الإذن الطف وأجمل، وفى ناس يسموا بنتهم مزنـة لكن ما أعتقد زول عاقل يسمى بتو بعاق مع انو المعنى شئ واحـد. هنا الشاعر مثلا يستعمل "مسافر عايد" وما بيستعمل "مسـافر راجع"

يا راجل قال وجهة نظر وتفسير خاص بي
أنا جني وجن الكضب والسرقة والادعاء الأجوف خصوصا لما يكون من رجل ستيني مثلك
خليك أمين

من كتاب البلاغة الواضحة
تأليف علي الجارم ومصطفي أمين
صفحة سبعة في المقدمة بس ولا تمشي لاجوة

Quote: مقدِّمةٌ الفصاحةُ - البلاغةُ – الأُسلوبُ *-تعريفُ الفصاحةِ: الفصاحةُ :الظهورُ والبيانً، تَقُولُ: أفْصح الصُّبْحُ إِذا ظَهَر. والكلامُ الفصيحُ ما كان واضحَ المعنى، سهل اللفظِ، جيِّدَ السَّبك. ولهذا وجبَ أن تكون كلُّ كلمة فيه جاريةً على القياس الصَّرفي ، بينةً في معناها، مفهومةً عَذْبةً سلِسةً. وإِنما تكونُ الكلمة كذلك إِذا كانت مأْلوفَةَ الاستعمال بَين النابهين من الكتاب والشعراءِ، لأنها لم تَتَداولها ألسِنتُهم، ولم تَجْرِ بها أقلامهم، إلا لمكانها من الحُسْن باستكمالها جميع ما تقدم منْ نُعوت الجوْدة وصِفات ِالجمال. والذوقُ السليمُ هو العُمْدةُ في معرفةِ حُسنِ الكلمات وسَلاسَتِها، وتمييز ما فيها من وجوه البشاعة ومظاهر الاستكراه؛ لأنَّ الأَلفاظَ أصواتٌ ، فالذي يطْرَبُ لصوْت البُلبُل، وينْفِر من أصوات البُوم والغِرْبان، ينْبُو سمعُه عن الكلمة إذا كانت غريبةً مُتَنَافِرَةَ الحروف . ألا ترى أن كلمتَي "المُزْنةِ" و "الدِّيمةِ " للسَّحابة المُمْطِرة، كلتاهما سَهلَة عذْبَةٌ يسكنُ إليها السمعُ، بخلاف كلمة "البُعَاقِ" التي في معناهما؛ فإنها قبيحةٌ تَصُكُّ الآذانَ. وأمثال ذلك كثير في مُفْردات اللغة تستطيع أَن تُدْركه بذَوْقكَ.---------------- (1) ويشترطُ في فصاحةِ التركيب :- فوْقَ جريان كلماته على القياس الصحيح وسهولتِها -أنْ يسلمَ من ضَعفِ التأْليفِ، وهو خروج ُالكلام عن قواعد اللغة المطردة كرجوع الضميرِ على متأخر لفظاً ورتبةً في قول سيدنا حَسانَ رضي الله عنه :

يعني يالخو انت فعلا مستبيض ناس المنبر دة
من المقدمة تلفح وتجي جاري ماسكاك ام فريحانة
وريشك يتنفش
وتشتم الحزب الشيوعي

فوق عشان خاطرك

Quote: أما البوست المعني حنرفعو ليك للغاشي والماشي كل ما الواحد يلقى فرصة يخش البورد وحقيقة بوضح امكنيات استاذ محمد ذكريا وتواضعك

thank BUSHRA

be back soooon
may be tomorrow

الرجاء من بكري ايفاق العضو التيجاني الطيب من هذا المنبر
لتعمده تخريب البوست الجميل...

اسفة يا أخ محمد زكريا و لك التقدير.

الأخ ابو الريش، استغربت لما كتبته بحق الأستاذ التجانى الطيب! و كما كتب الأخ الصاوى، ما دخله بموضوع البوست؟

الأخ ابو الريش تحياتي
اولاً دعني اشكرك توضيح اسباب مخاطبتي بضيغة الجمع
وبالطبع لن افتش نواياك - ولا ينبغي لي - وسأتقبل تبريرك الذي ذكرته
وياسيدي الإحترام محفوظ ولا داعي للتعظيم فنحن زملاء في هذا المنبر
فلنخاطب بعضنا البعض بصفاتنا العادية دون صيغة الجمع وعلى كل
لك شكري وتقديري

Quote: أنا الان فى طريقى للستينـات

توقفت كثيراً في حديثك عن انك في طريقك للستينات
طبعاً انا لا اعرف عمرك وعندما قلت لك ان التجاني الطيب
قد يكون في عمر والدك استندت على تقدير عمرك من صور
البروفايل الخاص بك والتي تغيرها من حين لآخر وحقيقة
كلها لا توحي بأنك في طريقك للستينات بل ربما في اربعينات العمر
وانت تعرف ان التجاني الطيب مد الله في ايامه في سبعيناته
عموماً ما يهم في الأمر اي مثل تضربه هنا لأعضاء المنبر
الشباب في عشرينات وثلاثينات عمرهم وانت في طريقك للستين يا ابو الريش؟
انت توصف الناس بالكلاب
انت تزج بالتجاني الطيب زجاً وتصفه بالعمالة في بوست عن الأغاني
انت تورد معلومات مغلوطة ولا اريد ان اصفك بالكذب إحتراماً لعامل السن
وحديثك ادناه مغلوط وغير دقيق اطلاقاً

Quote: لذلك أتحدث عنه كمسؤول حزبى وقائد سياسى يذهب الى جهاز الأمن دون استدعاء ويتجاذب أطراف الحديث معهم

التجاني الطيب لم يذهب لجهاز الأمن دون استدعاء
بل لبى دعوة وذهب في وفد ضم الكثيرين غيره لينافش
قانون جهاز الأمن وفانون المطبوعات وحرية الصحافة
التجاني الطيب ذهب لجهاز الأمن مدافعاً عن الحريات
التي ظل يدافع عنها طيلة عمره يا ابو الريش ولم يذهب
ليتجاذب اطراف الحديث او ليتسامر مع اعضاء جهاز الأمن

Quote: ومعبودك التجانى الطيب دا الطلع عميل لجهاز الأمن وإنت زى المغفل تطبل ليه فى المنبر.

هذا الكلام صادم جداً ولا ينبغي ان يخرج من شخص في مثل سنك ومعرفتك وخبرتك يا ابو الريش
نعم التجاني الطيب شخصية عامة وليس محصناً ضد النقد لكن اطلاق الكلام على عواهنه
ووصف الرجل بأنه طلع عميل لجهاز الأمن غير لائق وغير مقبول للكثيرين هنا
من الشيوعيين وغير الشيوعيين
انت تعرف معنى العمالة والتخابر
هل ينطبق المعني على شخص ذهب لجهاز الأمن
ليبين مآخذه على قوانين قمعية وجائرة تكمم بها الأفواه
وتصادر بها حريات العباد يا ابو الريش؟

مازلت انتظر ردك على سؤآلي الذي لم تجب عليه حتى الآن
ما دخل الأستاذ التجاني الطيب بهذا البوست؟

Quote: Quote: جاييك يابوالريش !! يعني نطلع منها؟؟ دقيقه ياشباب براحه عليكم الله ما تتناقروا لينا هنا ياخ البوست ده انا تعبت فيهو اكتر من صاحبو ذاتو وكبيت ليكم فيهو عصاره من رحيق مشاعري.....حرام تجو تنفشوه لي كده بعدين يا خالد العبيد بصراحه ما ليك حق.....يعني صاحب البوست كان دمو رايق جيت انت فورتو.....شنو ياخ قصدك بنتعامل بنظريه اضحك وجاييك راجع ده كلام يخلي الدم يطير للراس مباشره...غايتو السياسه دي يوم بتجيبو ليكم خبر زول .......حاشرينها لينا في اي حاجه وانت زاتك يابوالريش طول بالك ما تخلي الشباب ديل باقل هبشه يحرقو اعصابك ويهيجوك بقيه الحضور و المتفرجين نشكركم لحضوركم اما بعد فساعدونا بالنصيحه حتي لا ينحرف البوست......... انحراف فنسيشخصوي والله انا كنت داير اكتب في البوست ده الي اجل غير مسمي....لكن الظاهر لكل اجل كتاب

الأخ الأستاذ محمـد زكريـا،

شكـرا وأسف على الحصل.. وفعلا انا كنت أديك وجهـة نظرى وإتعلم منك فى ذات الوقت..

الناس دى زى ما شايف فوق وما فى أى تعليق.. وكل ناس البورد شاهدين..

أنا الان كما قلت فى مداخلة أخرى سأتوقف، وسأعلق على أى بوست أو مداخلة للجماعـة جيل بنفس طريقتهم
دى، وحنشوف بكرى يتصرف كيف..

فى حياتى لم أرى بلطجـة زى دى، لكن أكد ليك دى حدهـا قريب.. ولم أكن اريد أبدا أن أسلك هـذا
الطريق ولكنهم دفعونا دفعا اليه.

الأخ العزيـز د. والى الدين الفكى،

تحيـة طيبـة وزمن طويل يا زول..

شكـراً جزيلا على المداخلـة القيمـة..

الأخ والى الدين،

انا أحترم حديثك أعلاه.. ولكن أرجوك، واستحلفك بالله، سجل زيارة لهـذا البوست:

لماذا يهين الفان وردى محبوبته؟

ثم أنظر كيف نقاشنـا الموضوعى والمثمر مع الأخوة محمد النيل والفنان محمد زكريـا. وأنزل
تحت حتى تجد أول مداخلة لخالد العبيـد وما تبعها، وشوف إن كان لها أى صلـة (موضوعية)
بالبوست او إحترام للمتداخلين.. بعدين أحكم بنفسك، وسترى ان حديثك أعلاه سيفيد هؤلاء
الأخوة أكثر وهم من يحتاجونه.

هؤلاء النفر يا والى الدين جو من أجل غرض واحد فقط ولا غيـر، تخريب أى بوست لأبى الريش
حتى لو كان عن الموسيقى، لأنه تجرأ يوما وإنتقد نقد و التجانى الطيب.. قرار أتخذ بتخريب
بوستات ابو الريش وتوضع الخطط كلما يرفع بوست جديد.

أنا الان سوف أغشى بوستات هـذه المجموعة.. والمجموعـة التى سبقتها وأعطتها الراية (الشايف قمبور فوق راسنا يقول)
وسـوف أكتب فيها نفس طريقة كتابتهم هـذه، وسأتوقف عن أى بوستات جديدة لأنهم سيأتوا ويخربونها..
ولن أتوقف حتى يوجههم بكرى للتوقف عن ترصـد بوستاتى أو يوقفنى.. والرهيفـة التتقـد.

Quote: الأخ والى الدين، انا أحترم حديثك أعلاه.. ولكن أرجوك، واستحلفك بالله، سجل زيارة لهـذا البوست: لماذا يهين الفان وردى محبوبته؟ ثم أنظر كيف نقاشنـا الموضوعى والمثمر مع الأخوة محمد النيل والفنان محمد زكريـا. وأنزل تحت حتى تجد أول مداخلة لخالد العبيـد وما تبعها، وشوف إن كان لها أى صلـة (موضوعية) بالبوست او إحترام للمتداخلين.. بعدين أحكم بنفسك، وسترى ان حديثك أعلاه سيفيد هؤلاء الأخوة أكثر وهم من يحتاجونه.

يا ابو الريش وحاتك حيرت اللالوب في مقته؟

Quote: خالد العبيط لو قليت أدبك تانى حتكره المنبر دا تدخل بوستات الناس وتسيئ لهم؟

كدي يا ابو الريش قول لي كيف يكون نقاشك موضوعي وانت وانت بتقول لي احد الزملاء " ياعبيط"؟
هل الموضوعية تعني لك شتم الاخرين...
.
.
وحتي ان شتموك؟

وكيف تطلب من احدهم ان يلتزم بادب الحوار وانت البادي حديثك "بالعبيط"
ياربي تكون قاصد خالد العبيد بدل " خالد العبيط"
.
.
شفتني بحب ليك المخارجات كيف؟

الرائع المبدع الموسيقار محمد وردي اخر فراعنة هذا الزمن الذي لا إستطيع وصفه. وهو كما هو معهود مع موسيقيه قاموا بسمكرة هذه الاغنية لحنا عزبا بنقوش الفن الفرعوني العظيم, وعزفا تجمعت فيها كل الانغام خاصة مع همهمات الفرعون المتفرد. فرسموا لوحة رائعة لتعبر عن روائع عبقرية الفن السوداني. وانا إستمع الى الاغنية شعرت بانني موجود حقيقة بعد طول غياب كاد ان يكون اندثارا.
شكرا ابوريش ومحمد زكريا وما في داعي للزعل هنا والمناكفات.
بعدين يا ابوريش الاغنية دا ان شايف فيها Balance او Equilibrium
بس الفرعون كموهوب عكس القصة كلها كأنها هو شخصيا الطرف الثاني وليس الشاعر مؤلف النص وبالتالي هو صاحب القصة كلها حقيقة ولا خيال.



شكرا للجميع ويا محمد النيل يا نيل يارائع

سلامات يا ابو الريش

بوست جميل جدا في فهم علاقة المحبوب والحبيب عند بني كجة(تاج الشر المفروض يبحر لينا في الموضوع دا)

هناك من كتب يوما لمحبوبته بكرة بتموتي وتشبعي موت وجسمك العاجبك ياكلو الدود

اثر شاكوش لم يمهله كثيرا

واغنية غدار دموعك برضو فيها شكلة كبيرة جدا للمحبوبة الضعيفة

امانة الاغاني دي مافيها محن

دحين في زول انتبه لاغنية القليب الراسمو حنة اظنو اكثر من قلبك محنة
هالني وروع بي ان هذه الاغنية لامرأة متزوجة حيث ان في ذلك الزمن الاغر
لم تكن حنة الفتوات امر من المالوفات و تخرجها من ملة بنات الناس المحترمات


البوست دا سمح شديد لو ما جاء خالد العبيد ببقج غبائنه وغبائه المعهود
عايز يخربوا ويحرفوا

ابن الخالة ابو الريش خالد المترجم دا
تعمل ليه التجاهل تكعيب
وتخلينا مع محمد زكريا واسجل اعجابي به وبظرافته
عشان ندارس موضوع الاغاني السودانية دا...
نشكر الفريق محمدالصائم في سحبه لقواته
وصافي يا لبن..



يا الشيوعين يا اخي ما "قرفنا" نحنا...لمتين ناسكم ديل حيكونوا كدا
ويبقى علينا في الجو الشيوعين في الارض الكيزان

ما معقول نكوس شعب تعيس كدا

Quote: نشكر الفريق محمدالصائم في سحبه لقواته

وعليه اعلن عن دخول قواتي الي خضم المعركة..

معركة (البت الكلبة)...
علي وزن البت الحديقة..



ـــــــــــــــــــــــــــــــــ
معقولة يا د. نجاة وردي يغني لمحبوته ويقول ليها حسب فهم ابو الريش يا "كلبة"؟

سلامات يا قرصانة

انا اتكلمت عن حاج مختلفة عن تأويل ابو الريش للنص

النصوص دي نصوص مفتوحة اي زول يفهما ذي ما عايز

ابو الريش يمكن بفتكر الشاعر مغيوظ
اغاني وردي من اجمل الاشعار السودانية على الاطلاق
فيها عمق وطلاوة وطلاقة ومختلفة جدا
وتخاطب اي انسان
المتعلم المثقف الى رجل الشارع

ودا الخلا وردي اعظم فنان على الاطلاق.
انه بغني
لكل الناس
من علان المثقف الى خجيجة القاعدة في الجخنون تهز في الكانون
التي تستمع اليه بمزاج من راديو ملبس بقماش ترفيرا "بلمسجي" في رف صغير
في البرندة..

يعني يا القرصانة اي زول حر في فهموللنصوص وشعوروا بيها


بالجد بوست جميل جدا
شكرا لمحمد زكريا الذي استمتعت جدا بما كتبه

بالجَد كان هنا بوست جميل
شكراً محمد زكريا للمُتعة الناقصة دي ..

ــ
خالد العبيد ماتعمل ذكي !!

مداخلتك فعلاً شَترا لأنها جاءت في زمن لا محمد الصايم عاين وضحك وجاء راجع لا محمد زكريا برضو
إذاً ما الداعي والنقاش أخذ جريانه المعتدل في الشئ الطُرح ؟!!! .. يعني قاصد تخرب البوست !! ..

وياعمنا أبو الريش عرضَّتها اَووووووي .. لأنو ماأظن عندك أثبات للقُلتو في حق عمنا التجاني .. وكان
خليت كنت خالد ده مارديت عليهو كان شتارة مُداخلو بانت .. هسه ساعدة في تشتيتها وتشتيت البوست
زاتو !! ..


والتحيات لمحمد زكريا .. والجاتك في لخبطة ترتيب زهنك سامحتك (: ..









التعديل لإضافة حرف ولا حرفين مافاكر ..

Quote: وياعمنا أبو الريش عرضها اَووووووي .. لأنو ماأظن عندك أثبات للقُلتو في حق عمنا التجاني .. وكان خليت كنت خالد ده مارديت عليهو كان شتارة مُداخلو بانت .. هسه ساعدة في تشتيتها وتشتيت البوست زاتو !! ..

ياعمنا أبو الريش سلامات

لوبقى فعلاً المعلومة دي ماعندها تواثيق بتبقى زي شتارات الكلام المطلوق ( هنا) ساكت ! والأنتَ تحديداً ممتعض منو
ولك فيه كليمة واضحة !! ..


أها ياعمنا (تلقي) بالوثايق .. ولا ندرج ليك في المطلوق ساكت ؟! ..


تحياتي ..

ابوالريش
تحياتي
انت بالله زعلان من زمن بوست سلوى صيام !
انسى يا عمك ده كلام شايلوا الهوا!

ويا بشرى الفكي وقع ليك كلامي
ما قلت ليك يا بشرى!
فرقة ًWaramanga الغنائية لايعلو عليها!!
غايتو ياناس "السنتر لنك" شدو حيلكم

Quote: إذاً ما الداعي والنقاش أخذ جريانه المعتدل في الشئ الطُرح ؟!!! .. يعني قاصد تخرب البوست !! ..

عشان كدا يمكن ان يسمى ديك العدة
لا بعرف نقاش ولا مثقف بس زول عنده باسورد وشايل ليه بقجة غبائن
وحايم تبع فرقةحسب الله

كل الاخوة والاخوات مساء الخير
لكم محبتي نرجع للموضوع عنوان البوست
وكفى الاحبة شر المشاكل
لكم جميعا محبة وسلام

د نجاة اطلعي منها لا ديك عدة ولا ديك الجن يا اختي الحبيبة زي ما قال ود الجزولي
كلها سطرين دخلوا في نية سليمة وقادت لي فهم غلط
رجاء من الأخوة عدم مط وتطويل الحكاية ازيد من كده لسبب واحد لانو البوست مفيد الى حد المتعة والسلطنة وفيهو تعب ابداعي من عمنا وفهمو لي اغاني المرحلة الجديدة في تاريخ الغناء السوداني وفهم الموسيقي الذي ينقد من داخل العمل الفني
رجاء ان نعفو ونسامح وما احوج الوطن وابنائه وبناته لفهم معنى التسامح وان نعود بالمقاله المطروحة الى خطها الاساسي
مع احترامي ووودي للجميع
ســــــــــــــــــمـــاح

ورودي لكل الأحبة دون فرز ولا عمر
محبة ونبدا من اول

اول علينا ان نتأكد من ان الشاعر الذي يكتب
(( استنيني )) يمكن ان يكتب (( ما تستنيني)
وكل الاغاني المطروحة هنا في وقتها عملت هزة لعرش الغناء
واستاذنا ابوالرييش اتمنى ان يكتب لنا عن احساسه عند سماعه هذه الاغاني لاول مرة واين سمعها
لان اغنية وردي حينما تغنى بهاوقال للحبيبة (( ضيعوك ودروك )) كان المجتمع على استعداد ليسمع هذا الكلام الغنائي لانو التحول كان قد حدث واصبحت الحبيبة الجالسة في خدرها وتحتفي بحبها وحدها وربما لاتعلنه خرجت للشارع وللعمل وللدراسة واصبح لها مجتمعها الجديد الذي يشاركها حتى عواطفها بعد ان كانت لاتعلن ولا تفصح عن حبيب القلب ( لو جبت اسمو الهوا بقسمو ) بل اصبح هناك ( كيس الراي العام ) هناك من يختار لك شريك العمر دون ان تقصد بس لو حسوا ان زميلك في العما مهتم بيك شوية ..اسماعي حسن جاء من منطقة تكتب الأغنية في صورتها الاولى مثل الدراما ـ قصة مصورة ـ فالقصة واضحة وبسيطة ومذكور في استغلال العوازل لقلب الحبيبة الطيبة وهو يؤكد انها حبيبة ذات قلب كبير وليست بت كلب (( واستغلوا الطيبة في قلبك ))المسالة واضحة ان الاغنية تخاطب افعال ومؤامرة عاطفية ما زالت تحاك وقائعها حتى الان لهذا نجحت هذه الاغنية وكسرت الدنيا وقتها لانها لامست قلوب العذارى وقلوب المحبين المجروحة بفعل الحسد والمؤامرات الدنيئة ـ قصة ـ مؤثرة لها نهاية درامية تدعوا لانزال العذاب ومجازاة خادعي الحبيب الذين زينوا الخديعة بأنها حقيقة ..
اعتقد الكلمات كانت مناسبة في بساطتها للحدث وجاء اللحن متوافقا مع الحالة العاطفية وحاملا بذور مساحات جديدة في طريقة وضع الألحان نجد ان الموسيقار وردي بداالأغنية بصورة هادئة درامية الحبيبة عادت بعد ان تم كشف الحقيقةالموسيقى والمساحة التي يغني فيها المغني بها تصوير عالي درامي
ننظر للمقطع الاول بعد المذهب الموسيقي:

: بعد ايه جيت تصالحنى
بعد ما ودرت قلبى
الكنت فيه
جيت تشكى ....لي ليه. اعتقد ان اضافة وردي للكورس هنا فيها عبقرية لان بها روح اصحاب المغني الذي كان لحظة الدراما في موقف لايقدر على السؤال ليه؟للموقف الراماتيكي،،فوزع السؤال للكورس
جيت تحكى ...لي ليه؟
جيت تبكى لية لبيه؟؟
تعلوا الموسيقى متصاعده بداية تأزم الموقف لينتقل اللحن والموقف الدرامي الى ازمة جديدة
في تناغم بديع ....
(( حينما سالت دموع الحبيبة عند تقديم اعتذارها الذي لم نسمعه ))

إعتذارك ما بيفيدك
ودموعك ما بتعيدك
العملتو كان بإيدك
انا ما لى ذنب فيه
ليه جيت تشكى
ليه جيت تحكى
ليه جيت تبكى ليه ليه,,,,
ويعود الللحن في انسيابه للنقطة الاولى كأنه يعلن ويمهد للفراق وهذا تحضير يدرس في اكاديميات الدراما ..ليتم في نقلة تنم عن مهارة الشاعر في الكتابة من خلال انقلاب الموقف وهوهجوم الحبيب على الحبيب ليعلن له كم ضحى من اجله كم كتب فيه جميل الكلمات لماذا لم يشعر بها ويحافظ عليه .ز في ذالك الوقت لم يكن الحب عندنا سوى حبيبة تسمع وتطيع وحبيب مكسر حتى النزيف لايوجد انقلاب على المحب ولا تقدر ان تتجاوز تجربتك ولكن هنا يحدث انقلاب واقعي وطبيعي :انا خلدتك بشعرى فى زمانك
وياما غنيت وكان كلو عشانك
وكان جزاى منك صدودك وهنوانك
انا استاهل
انا استاهل وضعتك فى مكانا ما مكانك
الغناء هنا يتم في اسار اللحن الاول وده حيشرحوا لينا اخونا الغالي محمد زكريا
جيت تايب يا حليلك
والفؤاد ملكوه غيرك
ربى يعدل ليك سبيلك
لكن قبل ان يغني المغني للمقطع السابق تنطلق الموسيقى في لحن متصاعد كان روح الحبيب تنطلق الى مدار ارحب وتتحرر من العلاقة ويرجع اللحن حزينا بل اقرب الى الأنشاد ( ريستاتيف ) عند
ربي يعد ليك طريقك
ويجازي الخدعووووك
ربي يعدل ليك طريقك ويجازي الخدعوووك
كانه يقول برغم من الفاجعة لكن روح التسامح تسيطر على قلبه الوفي ولكن الحياة مستمرة وهناك دائما حب جديد يحمل الحياة الى الامام
ربنا يعدل ليكم طريقكم
ويسمعكم الغناء الجميل

والله الأستاذ محمد زكريا ما قصّر
لكن العشا أب لبن دة ما عمل غير سرق من مقدمة كتاب البلاغة الواضحة
وقال دة اسلوب خاصتوا
ولمان ناس محمد زكريا بلعوهوا كلاموا لقى ضالتوا في خالد العبيد عشان يتخارج بيهوا
وراح يفتح في البوستات

شكـرا لجميـع المتداخلين وسوف أعود اليكم فردا فردا إن شـاء الله.

خالد العبيـد..

مافى مشكلـة وإن شـاء نفتح صفحـة جديدة.. وما عندى غبائن، ولا بدأت أنا هـذه المشكلـة.

وأتمنى أن تعلم أننى لا أومن بنهج العجايز (على وزن إسلام العجايز). مافى سياسى مقدس

وأى مواطن يتصدى ويدعى المقدرة على قيادة الشعب لازم يتخت فى الدوكـة.

اول علينا ان نتأكد من ان الشاعر الذي يكتب
(( استنيني )) يمكن ان يكتب (( ما تستنيني)
وكل الاغاني المطروحة هنا في وقتها عملت هزة لعرش الغناء
واستاذنا ابوالرييش اتمنى ان يكتب لنا عن احساسه عند سماعه هذه الاغاني لاول مرة واين سمعها
لان اغنية وردي حينما تغنى بهاوقال للحبيبة (( ضيعوك ودروك )) كان المجتمع على استعداد ليسمع هذا الكلام الغنائي لانو التحول كان قد حدث واصبحت الحبيبة الجالسة في خدرها وتحتفي بحبها وحدها وربما لاتعلنه خرجت للشارع وللعمل وللدراسة واصبح لها مجتمعها الجديد الذي يشاركها حتى عواطفها بعد ان كانت لاتعلن ولا تفصح عن حبيب القلب ( لو جبت اسمو الهوا بقسمو ) بل اصبح هناك ( كيس الراي العام ) هناك من يختار لك شريك العمر دون ان تقصد بس لو حسوا ان زميلك في العما مهتم بيك شوية ..اسماعي حسن جاء من منطقة تكتب الأغنية في صورتها الاولى مثل الدراما ـ قصة مصورة ـ فالقصة واضحة وبسيطة ومذكور في استغلال العوازل لقلب الحبيبة الطيبة وهو يؤكد انها حبيبة ذات قلب كبير وليست بت كلب (( واستغلوا الطيبة في قلبك ))المسالة واضحة ان الاغنية تخاطب افعال ومؤامرة عاطفية ما زالت تحاك وقائعها حتى الان لهذا نجحت هذه الاغنية وكسرت الدنيا وقتها لانها لامست قلوب العذارى وقلوب المحبين المجروحة بفعل الحسد والمؤامرات الدنيئة ـ قصة ـ مؤثرة لها نهاية درامية تدعوا لانزال العذاب ومجازاة خادعي الحبيب الذين زينوا الخديعة بأنها حقيقة ..
اعتقد الكلمات كانت مناسبة في بساطتها للحدث وجاء اللحن متوافقا مع الحالة العاطفية وحاملا بذور مساحات جديدة في طريقة وضع الألحان نجد ان الموسيقار وردي بداالأغنية بصورة هادئة درامية الحبيبة عادت بعد ان تم كشف الحقيقةالموسيقى والمساحة التي يغني فيها المغني بها تصوير عالي درامي
ننظر للمقطع الاول بعد المذهب الموسيقي:

: بعد ايه جيت تصالحنى
بعد ما ودرت قلبى
الكنت فيه
جيت تشكى ....لي ليه. اعتقد ان اضافة وردي للكورس هنا فيها عبقرية لان بها روح اصحاب المغني الذي كان لحظة الدراما في موقف لايقدر على السؤال ليه؟للموقف الراماتيكي،،فوزع السؤال للكورس
جيت تحكى ...لي ليه؟
جيت تبكى لية لبيه؟؟
تعلوا الموسيقى متصاعده بداية تأزم الموقف لينتقل اللحن والموقف الدرامي الى ازمة جديدة
في تناغم بديع ....
(( حينما سالت دموع الحبيبة عند تقديم اعتذارها الذي لم نسمعه ))

إعتذارك ما بيفيدك
ودموعك ما بتعيدك
العملتو كان بإيدك
انا ما لى ذنب فيه
ليه جيت تشكى
ليه جيت تحكى
ليه جيت تبكى ليه ليه,,,,
ويعود الللحن في انسيابه للنقطة الاولى كأنه يعلن ويمهد للفراق وهذا تحضير يدرس في اكاديميات الدراما ..ليتم في نقلة تنم عن مهارة الشاعر في الكتابة من خلال انقلاب الموقف وهوهجوم الحبيب على الحبيب ليعلن له كم ضحى من اجله كم كتب فيه جميل الكلمات لماذا لم يشعر بها ويحافظ عليه .ز في ذالك الوقت لم يكن الحب عندنا سوى حبيبة تسمع وتطيع وحبيب مكسر حتى النزيف لايوجد انقلاب على المحب ولا تقدر ان تتجاوز تجربتك ولكن هنا يحدث انقلاب واقعي وطبيعي :انا خلدتك بشعرى فى زمانك
وياما غنيت وكان كلو عشانك
وكان جزاى منك صدودك وهنوانك
انا استاهل
انا استاهل وضعتك فى مكانا ما مكانك
الغناء هنا يتم في اسار اللحن الاول وده حيشرحوا لينا اخونا الغالي محمد زكريا
جيت تايب يا حليلك
والفؤاد ملكوه غيرك
ربى يعدل ليك سبيلك
لكن قبل ان يغني المغني للمقطع السابق تنطلق الموسيقى في لحن متصاعد كان روح الحبيب تنطلق الى مدار ارحب وتتحرر من العلاقة ويرجع اللحن حزينا بل اقرب الى الأنشاد ( ريستاتيف ) عند
ربي يعد ليك طريقك
ويجازي الخدعووووك
ربي يعدل ليك طريقك ويجازي الخدعوووك
كانه يقول برغم من الفاجعة لكن روح التسامح تسيطر على قلبه الوفي ولكن الحياة مستمرة وهناك دائما حب جديد يحمل الحياة الى الامام
ربنا يعدل ليكم طريقكم
ويسمعكم الغناء الجميل

Quote: شكـرا لجميـع المتداخلين وسوف أعود اليكم فردا فردا إن شـاء الله. خالد العبيـد.. مافى مشكلـة وإن شـاء نفتح صفحـة جديدة.. وما عندى غبائن، ولا بدأت أنا هـذه المشكلـة. وأتمنى أن تعلم أننى لا أومن بنهج العجايز (على وزن إسلام العجايز). مافى سياسى مقدس وأى مواطن يتصدى ويدعى المقدرة على قيادة الشعب لازم يتخت فى الدوكـة.

يعني خلاس بقيتو سمن على عسل
وكأنو مافي ناس اتوصفوا بالكلاب
ولا في ناس اتوصفوا بالعمالة

اكبر يا شيخ

الله في

Quote: يعني خلاس بقيتو سمن على عسل وكأنو مافي ناس اتوصفوا بالكلاب ولا في ناس اتوصفوا بالعمالة اكبر يا شيخ الله في

يا اخ بشري
البوست بداء يستعدل بقدره قادر...عليك الله باركها
خالد العبيد سخن ليك المويه وانت تنتف وتنتف ياخ ابوالريش يلقاها منكم بالعماله ولا مننا بالكلبه؟ غايتو ما فضل ليهو الا الزغب ..او الزغبير في مقوله اخري.
يعني الا يقول شنو يعني عشان ترضي؟
بعدين ياخ انا ذاتي بفتكر انو نقد ما كان يقول في التلفزيزن انا هسه ما بصلي.....لانو كده اداهم فرصه العمر
بعدين اسمك الرباعي ده ما بعني انك لازم تسوق في البوست بي ال 4WD وتنزلو في الخور وما تطلعو تاني
====
ياخ قول خير...والسماح لابوالريش ..راجل حبوب ....وبعدين ما ياهو ضد الامن والنظام ..في احسن من كده زول.......اوكي

الاستاذ السنى
تحايا طيبة
تغطية رائعة رائعة لكل الجوانب
تاريخية, ثقافة ذاك المجتمع وتناسب الكلمات لبساطة تلك الحقبة
واللحن الدرامى الذى يتماشى مع الكلمات. فما اظن ابو الريش يكون تانى عندو حجة على اسلوب الاغنية
شكرا لك ولمحمد زكريا للتحليل الراقى

ازيك يا محمد النيل الرجل الذي جعل البوست معتدلا بمساهماته

Quote: الاستاذ السنى تحايا طيبة تغطية رائعة رائعة لكل الجوانب تاريخية, ثقافة ذاك المجتمع وتناسب الكلمات لبساطة تلك الحقبة

تعرف يا ابو حميد ناس اموسيقي والمسرح زي التيمان واحد مسكين والتاني شقي
اها ناس المسرح ديل كانو التوم التاني لينا
واحكي ليك قصصهم لامن كانو في المعهد تتكيف في حنانك ذاتو......انتو ذاتو وذاتك بكتبوها بالذاء ولا بالزاء؟؟؟الكلمه دي مجنناني
اها...ناس المسرح ناس بيعرفو كيف يتداخلوا بين الناس بالكلام الجميل ويملوء الدنيا فرحه وضحكه ومحبه والاجتماعيات من اسهل واجمل الاشياء في حياتهم
ناس بالجد بعرفو كيف يلطفو الاجواء ويريحو بالنا و اعصابنا في وجودهم تكون الدنيا هاديه ورايقه
======
لكن وحاتك كانو مجكسين الواطه كلها ياخ ديل لسانهم حلو بشكل وما تعرف بيقولو شنو للجكس ويخطفوه مننا
هسه شفت عمك ده خطف البوست ده كيف....لكن انا برضو متكيف اصل حبيبتنا هنا واحده وكن جاتني راجعه ح اغني ليها ....بعد اييييييييييه

======
تحياتي لود السني الخطاف واللماح بالجد اضفت طولا وعرضا
ولكل الحضور الجميل الذي ساهم في استعاده البوست الي مجراه العذب

الأساتذة السنى ومحمد زكريـا..

شكـرا لكم على إثراء البوست ويبدو نحن موعودون بدرر من اللحديث العذب..


إقتراح وكدا..

تتكتب أغنية بعد أيه بماء الورد، وبخط كوفى واضح وتعلق فى الصدر بحيث تكون مقراءة
لكل من حب ودب..

وأضمن ليك مافى شواكيش تانى، لكن فلنحذر جماعات الرفق بالقوارير.. لأنو دا حيكون إرهاب

يعنى أى واحدة تجى شايلة شاكوشها حتقرأ الغنية دى وتقعد ساكت.



دى تحية فقط وجاى للتعليق عن قريب.

ود زكريا صافي النية
بالله تعال خت لينا مذهب هذه الاغنية
وعشان تبدا جد
((بعد ايه ))في حاجة مهمة لازم نلاحظه كلمة ( ايه ) مرت فينا زي النسمة بالرغم من انها كانت غير مستعملة في اغانينا القديمة ؟؟مش ؟؟؟
طبعا كثير من اهلنا في شمال الوطن يرددون كلمات مثل ايه وازاي ولنفتكر وعلى خاطرك
كلمةتي ـ بعد ايه في السياق اكثر من جميلة ولا تحس فيها باي بعد غير سوداني ودي العظمة
يلا نزل لينا المذهب الموسيقي كيف جاء اللحن ليسبق هذا السؤال الفلسفي
بعد ايه ؟؟!!
فيها تكرار اظن ثلاثة مرات وبعدين مد في حرف الياء
عايزين الداء وطبيعة الترخيم مع الحزن مع التوافق اللحني للموسيقى المصاحبة
من لازمات ومتابعة
مودتي

بالله محمد زكريا دا من آندينا

نان ما تقولو..

Quote: انتو ذاتو وذاتك بكتبوها بالذاء ولا بالزاء؟؟؟الكلمه دي مجنناني

ولا يهمك يا استاذ
انت عارف عارف السودانيين وكرمهم حتى فى لغتهم الدارجية بكتروا الحاجة
فمثلا ينطقوا ليك القاف غين لزيادة اغنغنة
الضاد يقلبوها ظاء فى ضابط
هى اصلها جاية من كلمة ذات فى الفصحى
هنا بخلوا شوية فى الدارجية ورققوها وعملوها بالزين
اصلهم بحبو الشيئ الزين
وبقت زاتو
كدا احلى من ذاتو
وفى ناس كدا بيخوها هنا فى المنبر وبيقولوا الزول ظااااااطو
بالظاء والطاء
عليك الله مش بايخة؟
عدم احساس موسيقى.

Quote: لكن وحاتك كانو مجكسين الواطه كلها ياخ ديل لسانهم حلو بشكل وما تعرف بيقولو شنو للجكس ويخطفوه مننا

يعنى طلعتوا انتوا زاتكم السبب فى حكاية (بعد ايه)
بمعنى اخر يعنى ناس الموسيقى والمسرح هم الوحيدين فى الدنيا اللى بيبيعوا الموية فى حارة السقايين....ههههههها
وكما قال الشاعر العبقرى اسحاق الحلنقى.. انو بيحب المحن عشان تجيه لحظات الايحاء الشعرى
يعنى الشواكيش
تحياتى

اها يا ابو الريش عاين للغنية دي شكلة عديل كدا وشليت
ذي قصة تاني جاب سيرة البحر



لا .. لا ..لا لا لالا

لا تنبش الماضي البعيد

الم تكن لقلبي واقعا مجهولا

لا تنكأي الجرح القديم

فانني ودعت ليلا مظلما وثقيلا

وحملت روحي في فؤاد ناذف

ما زال يحمل نصفه مشلولا

وخلعت اثواب الحداد اما كفى

اذ صار قلبك في الهوى ضليلا
غدار دموعك ما بتفيد

في زول حواسو اتحجرت

جرب معاك كل السبل

وايديهو ليك ما قصرت

حطمت في قلبوا الامل

كل الاماني اتخدرت

وكلماتو ليك ضاعت عبس

لا قدمت ولا اخرت

ما كنا وكت الليل يضيع

وتشرد نجومو وتنهزم

ويطل شعاع يكشف قلاع

والظلمة ترحل وتنهزم

وجفونا من طول السهر

تلبس وشاح حرقة والم

نستبشر اليوم الجديد

ونقول تعود انت العشم

كيف العشم وكتين يموت

والغصة تطعن في الحلق

كيف الحنين وكتين يهز لزول بعيد ما بتلحق

كيف الرجوع لزول قنع

شايل رفاة قلبو الحرق

سيب الندم وانسى الدموع

ما فات زمان ما بيستحق

غدار دموعك ما بتفيد

في ظلمة ما بتعرف شعاع

اشباحا زي موج العدم

كسر المجاديف والقلاع

ونزلنا في طوف الفشل

وابحرنا في بحر الضياع

ونسينا ذكراك الزمان

عشناها في زيف القناع

Quote: بالله محمد زكريا دا من آندينا نان ما تقولو..

د.نجاه محمود

اهلين يا اهالينا ومشكوره علي مداخلاتك الشكرتيني فيها
هسه من آندينا ونان ...ديل بيتلمو كيف.؟..حددي يا عبدالرحيم محمد حسين يا ابو الجاز..............اخخخ تاني رجعنا سياسه...اصلنا ما بنتوب....هههه

اندينا عشان مايفهموها ناس عبدالرحيم ويقولو طيب ما تقول من الصبح يا شيخ شنو شابكنا تبييض وتحسين....
طبعا قصدك معهد الموسيقي والمسرح....طبعا انتو سنااااااااايرنا ....الدفعه القدامنا نقد مسرحي...واخخخ انا ..نقدتونا جنس نقد
لكن اكيد ما ح تتذكري
انا خشيت سنه 91 دفعه الجهجه من شمبات لي نمره اتنين للمنطقه الصناعيه وقصه المعهد..قفل ..فتح.. قفل ..في النهايه قفلت معانا خليناها ليهم واتخارجنا من البلد ذاتها سنه96 ..ولا زاتها ما عارف
انت مش النقد ده تخصصك طيب ما تتنقدي لينا الكلام الهنا ده واهو نشوف الوجه الاخر لك
سعدت بوجودك

Quote: انا خشيت سنه 91 دفعه الجهجه

سناير الليلة ولا امبارح
انا سنة 1991 قدمت للعمل في المعهد مساعد تدريس بعد اخدوني
قالو سعادة الوزير لازم يبصم على الزول والزول لازم يكون من اندهم
اها احلت للصالح العام قبل اقبض الما هية

يعني كنت عملت ليك طوابير
ذي ما السني عمل لينا..

ان شاء الله ربنا يجب المزاج وجي ننقد معاكم..
اسع نتفرج ونجادعكم بحاجة حاجتين

بالجد مزعجاني قصص الاغاني المعمولة لنساء متزوجات

اسع بسمع في اغنية التوب لابي عركي

تحياتي

Quote: يا اخ بشري البوست بداء يستعدل بقدره قادر...عليك الله باركها خالد العبيد سخن ليك المويه وانت تنتف وتنتف ياخ ابوالريش يلقاها منكم بالعماله ولا مننا بالكلبه؟ غايتو ما فضل ليهو الا الزغب ..او الزغبير في مقوله اخري.

الأستاذ محمد زكريا
ياخي بخيت وسعيد عليكم نتفوا زي ما عايزين ونحن الكلاب على حد زعموا سكتنا، وعلى العموم انا ما بدافع عن خالد العبيد لأنو عندوا كيبورد بقدر يدافع بيهو عن نفسو

Quote: يعني الا يقول شنو يعني عشان ترضي؟

ما يقول حاجة

Quote: بعدين ياخ انا ذاتي بفتكر انو نقد ما كان يقول في التلفزيزن انا هسه ما بصلي.....لانو كده اداهم فرصه العمر

كلامك صاح بتفق معاك فيهو وبعتبرها هفوة لا تغتفر يجب ان تحاسبه هيئات الحزب عليها

Quote: بعدين اسمك الرباعي ده ما بعني انك لازم تسوق في البوست بي ال 4WD وتنزلو في الخور وما تطلعو تاني ====

يا سيدي انا الخور دة دربوا بي وين ما بعرفوا، وشوف كدة انا عندي عضوية من متين، ومشاركاتي كم، وقاعد احاول اني اتابع البتكتب خصوصا عن الحزب الشيوعي لكن نادر ما اتداخل، والشخص دة قريت ليهوا بوست زمان كدة وقررت ما اقرأ ليهو تاني، ولمان فتحت بوست كادر الحزب الشيوعي ولا شنو كدة ما عارف، ما كنت شفت اسموا، لكن جابني الفضول للبوست دة، يعني يا سيدي قدري انو تشوفني في أسوأ حالاتي ودة بالطبع بيستوجب اعتذار مني ليك ولكل المتداخلين البحاولو يطلعوا منو حاجة مفيدة

Quote: ياخ قول خير...والسماح لابوالريش ..راجل حبوب ....وبعدين ما ياهو ضد الامن والنظام ..في احسن من كده زول.......اوكي

ياخ خير، والرجل دة أنا لا أعرفوا عشان أجر شكلوا، وعشان زول حبوب زي ما انت قلت، وقرأ مقدمة كتاب البلاغة الواضحة لعلي الجارم ومصطفى فهمي، لن أعود له، وسأحتسب الشتائم المصرجة الجاتنا في صمة خشمنا دي لأني مستكتر نفسي في الكلام في الهبل دة


على العموم انجوي يور تايم هيه
وتشكر يا حبيب مع تكرار اعتذاراتي
وتسلم

Quote: بالجد مزعجاني قصص الاغاني المعمولة لنساء متزوجات

يا جماعة مستحيل يكون اغنية (القليب الراسمو حنة) تكون اتكتبت فى واحدة متزوجة
رسم القلب فى بطن الايد دى عادة قديمة كانت عند البنات
يا استاذ السنى رجاء التدخل

Quote: يا جماعة مستحيل يكون اغنية (القليب الراسمو حنة) تكون اتكتبت فى واحدة متزوجة رسم القلب فى بطن الايد دى عادة قديمة كانت عند البنات

انا كنت بنات قبل دا
غير مسموح لنا ابدا بالحنة ولا اذكر اني حننتا يديني وانا شابة

ولا اعرف اي بت من صاحباتي اتحننت كمان ترسم قلب؟

يا عمك ماتبالغ كمان..
الحنة مرتبطة بالزواج وبتدعم الوضع الاجتماعي للمرأة حيث تفرز من غير المتزوجات بالحنة

Quote: تانى رجعنا لكلب وكلبة.. ياخى دى صيغـة مبالغـة معروفة.. والسودانيين الواحد يقول لولدو أمشى جيب الحاجة القلتها ليك يا كلب.. ومرات تقول ليه كمان يا ود الكلب. أقصـد النهرة والتحدى الذى رماه لها بأن مصيرهـا ترجع ليه.. خلونا فى المهم باللاى.

سلام يا ابو الريش

معليش ح تضطر ترجع ( تالت ) لقصة الكلبة

ما تحته خط ما بستقيم مع عنوان البوست ( لماذا يهين الفنان وردى محبوبته؟ )

و لا شنو ؟

من جهة شوفي دا المهم ذاااتو فخلينا نرجع المحطة دي و نمش لي قدام بإقتناع



-------------

محمد الجزولي القول ما قلت ، و خالد العبيد السواها رقدت دريش و كذا ابو الريش
يا خالد اديها صنة عليك الله خلي صوت الفنانين يصلنا . . و المقصود الاستاذة / محمد ( زكريا / النيل / السني دفع الله / الجزولي . . .
و من تبعهم بإحسان و ذوق سليم . . . و القوس مفتوح كأوسع حسن ظن بالجميع
و تحية خاصة لد. بيان

Quote: انا كنت بنات قبل دا

وين؟
فى الاقاليم ول فى العاصمة؟
ثم تانيا انا بدافع عنكم
اى المتزوجات
تقومى تطبظيها؟

جاى ترجع الماضى
خلاس الماضى ولى زمان
وجفت مقلتى الباكية
ونامت من سنين احزان
(ترباس)
وبعد ايه
وردى
ايهما ابلغ واجمل
وايهما اقسى
وايهما تحمل اكثر حنية او رفض جميل؟

أشعب بيقول (لا أحكم على غايب)، فكدي نزلوا لينا أغنية (القليب الراسمو حنة يبدو من قلبك أحنا)



الشاهد

أنا لي زمن بفتش في الأغنية دى وقلت أستغل الفرصة (إستغلالي)، وشكراً لدكتورة نجاة أنها ذجابت سيرة الأغنية)

Quote: أشعب بيقول (لا أحكم على غايب)، فكدي نزلوا لينا أغنية (القليب الراسمو حنة يبدو من قلبك أحنا)

اتفضل يا استاذ
تمتع بالاستماع
وحنية عبد العظيم حركة
http://www.alrakoba.com/vb/t44266.htmlبعد ظهور الصفحة انزل شوية
وزيد الصوت من اقصى شمال مربع الاغنية
اعمل كليك على شكل الفوليوم واتعمل سهم الكيبورد لرفع الصوت
تحياتى

الأساتذة الأجلاء، والأخوات والاخوة الكرام..

لقد قرأت مجهودات جبارة فى تفسيـر إهانة وردى لمحبوبته المسكينة، التى لم تجد أى تعبير
لعودتها نادمة وهى تبكى وتشكى.. وهى إمرأة، وهو رجل...
أفتكر فى مشكلـة خفيـة فى مكان ما وقد أشار اليها الأستاذ السنى فى مكان ما أعلاه.
المشكلـة تتعدى وردى لتكون نرجسيـة الرجل الســودانى النمطى فى علاقته بالمرأة عمومـاً..
و قلت الحب والكبرياء وعزة النفس لا تجتمـع أبدا..
لأنه لو وردى فحسب، فلماذا وجدت هـذه الأغنية رواجـا والان يدافع عنها ذوى الوزن الثقيل
فى الموسيقى والمسـرح والغناء.
كان وردى (طبيعيـا) حين غنى طير الرهو..
فى طير الرهو ما قال كلما تلاقى مسافر عايد تمشى وتسألى عن عنوانى.. بل رسل ليها
الرهو، ووصاهو قبل (يشرب) يغشى بيتها الصغير ويسلم عليها ويقبل يديها.. وهـذا تصوير
لحلمه هو وليس وصيـة حقيقية.. يعنى وردى يحلم بزمن فيه يستطيع أن يطير لحلتو وقبل
ما يشرب يمشى لبيت حبيبته ويسلم عليها ويبوس إيديها (ويشيل منها المنديل لو خلص). هـذه هى طبيعيـة العلاقة
التى أفهمهـا.

ممكن أفهم ضيعوك ودروك فى إطار إنها هضربـة مشوكش مضطرب، ففيها احاسيس متناقضة. وفى هـذه الحالة تكون
إغنية حزينـة فيها البطل مات.

Quote: طير الرهو.

تقصد الطير المهاجر
طير الرهو
كلمات اسماعين
الحان بن البادية
اداء حمد الريح
وقيلت فى الشريف حسين الهندى
عندما التقاه الشاعر فى الحج

Quote: ووصاهو قبل (يشرب) يغشى بيتها الصغير ويسلم عليها ويقبل يديها.. وهـذا تصوير لحلمه هو وليس وصيـة حقيقية.. يعنى وردى يحلم بزمن فيه يستطيع أن يطير لحلتو وقبل ما يشرب يمشى لبيت حبيبته ويسلم عليها ويبوس إيديها (ويشيل منها المنديل لو خلص). هـذه هى طبيعيـة العلاقة التى أفهمهـا. ممكن أفهم ضيعوك ودروك فى إطار إنها هضربـة مشوكش مضطرب، ففيها احاسيس متناقضة. وفى هـذه الحالة تكون إغنية حزينـة فيها البطل مات.

وعشان كدا فى الاول قلنا ليك
ولكل مقام مقال
يعنى فى الحالتين
كل اغنية صورت احاسيس معينة بشكل معبر وجميل
الطير المهاجر كلمات صلاح محمد ابراهيم
وهى اغنية وطنية فى المقام الاول والحب العاطفى اللى فيها جزء من مضمون قصة القصيدة التى تصور حنين الشاعر
للبلد للنيل للنخيل لشباب بلادنا سلام
قصيدة مغترب

اما اذا كان انتقادك لاسلوب عنجهية الرجل السودانى فى الحب
فاغنية بعد ايه ليس لديها ذنب
المهم الكاتب صور عكس هذا الاحسا اللى انت بتعتبرو مكابر بصورة رائعة
هناك فرق بين انتقاد طبيعة الرجل وانتقاد الاغنية اللى بتعبر عن تلك الطبيعة بصورة موفقة
فعليه يمكنك فتح بحث لتحليل الشخصية السودانية ليس لها علاقة بنقد الاغنية
يمكن استعمال الاغنية للاستدلال فقط ليس لانتقادها اللاذع ذاك

Quote: كان وردى (طبيعيـا) حين غنى طير الرهو.. فى طير الرهو ما قال كلما تلاقى مسافر عايد تمشى وتسألى عن عنوانى.. بل رسل ليها الرهو، ووصاهو قبل (يشرب) يغشى بيتها الصغير ويسلم عليها ويقبل يديها

الكنينة يا ابو الامين

Quote: الكنينة يا ابو الامين

زاد الشجون
ياود اللحو
ههههههههها












معليش ما تزعل يا ابو الريش
انا بس بجارى الاخ حافظ

حافظ عليك الله قنب ساكت

شكرا للأخوة لتصحيح إسـم الإغنية، وطير الرهو والطير المهاجر.. ظاهر لكل شخص
بقلب سليم أنها خطأ غير مقصـود.

الأخ أبو الريش

تحياتي و اشكرك على هذا البوست الرايع و الذي استمتعت بقراءته كثيراً و اشكر كل الذين اثروا هذا البوست خصوصا الاخ محمد زكريا و الأخ محمد النيل

واضح طبعاً إنو الخلط بين اغنية الطير المهاجر و طير الرهو خطأ غير مقصـود و ربما كان بسبب الإستعجال و لكنها فرصة للدعابة لا تفوت فأرجو قبول إعتذاري

محمد النيل
قنب ساي إنت و ما تباريني هو البوست دا يالله يا الله حتين استعدل

Quote: قنب ساي إنت و ما تباريني هو البوست دا يالله يا الله حتين استعدل

حاضر ياستاذ
بس عايزين اضافاتك برضو
من مداعبتك يبدو انو لديك الكثير
تحياتى

Quote: القليب الراسمو حنه يبدو من قلبك احن بيه داير تمتحن ونحن في أمر محن شايفو بي إحساس رسمتو وبي سهام الريد قسمتو الوله باين في صمتو وكل زول ياخد قسمتو دي المحبة بديت تعيدة ولا قصة ريد جديدة طاري أيامنا السعيدة ولا جيت النار تقيدة نحن ختيناك في جوفنا مالو لو ختيت حروفنا وبي حنانك شلت خوفنا كان نقول قلبك ولوفنا

اها يا مولاناالصادق رايك شنو؟

http://www.youtube.com/watch?v=loOiL72OBVg

اها دي يا محمد برضو معمولة لامرأة متزوجة

بعدين ياخي السودان دا كلو كان اقاليم وكذلك الخرطوم حين غنى المغني
القليب الراسمو حنة وما كان الفتوات بتحننوا على الاطلاق..من نمولي لحلفا

سلام يا اهلنا
محمد النيل والله انت اتحملت مسئوليه المحافظه علي البوست وما قصرت تب..احييك علي طوله البال
شد حيلك.....وما تنقطع

د.نجاه محمود

انا ما عارف انت بتقصدي الماعجبك هوالغنا في المتزوجات من اساسو وبغض النظر عن منو الكاتب فيها الشعر و يطلع منو ...ولا حتي لو كان زوجها....دي الاولي
اتنين ....مع اني لسه ما اتمعنت في كلمات الاغنيتين, لكن في النص الجبتيهو بخصوص القليب الراسمو حنه مافي شيء بيثبت انه لامرأه متزوجه....ولو...
اذا نظرنا الي اغنيه التوب فان الظاهر فيهو تمجيد وافتخار ظاهر باعتبار القيمه في الصون للعفه وحسن الهندام...مع اني ما اتمعنت في النص بعد
اذا كانت وجهه نظرك في رفض وصف المتزوجه او تناولها في الغناء بصوره عامه.. برضو ما بتفق معاك لانو ممكن تكون الرمزيه هي المعنيه وليست الشخصيه المتزوجه...اذا ما تحددت اسم الشخصيه
وبالطبيعي كل ما تناول كغناء في المرأه ليس لديه علاقه بالاخلاقيات او التدخل في امورمحرم المحصنات من ناحيه دينيه...بل لرمزيه المرأه كمثال للمشاعر العاطفيه والرمزيه في معاني الجمال
والشعراء السودانيين حينما وصفوا المرأه السودانيه لم يقتدو بصعاليق بنو اميه بل تعاملوا معها وما كان سائدا في البيئه والفهم الاجتماعي لها
فماذا توصفين تلك القصه حين كانت هنالك جلسه للشعراء في حي امدرماني و خرجت امرأه لتدلق الماء.....لا استحضر القصه كامله ولكنها معروفه علي ما اعتقد
المهم خلاصه القصه انو زوجه او ممكن بنت فتاه طلعت تدفق المويه والشعراء ما عارف بيعملو ايه هناك ولمن شافتهم قاعدين بره في الشارع رجعت للداخل بسرعه
فتبارو في كتابه اغنيه حين قال الاول حاول يخفي نفسه وهل يخفي البدر في سماه...وواصل الاخر..لا لا شفناه وهكذا الي نهايه الاغنيه المعروفه
مثل هؤلا الشعراء اذا فعلوها الان فسيجلدو نهارا في محكمه النظام العام...ولكن في ذلك الزمان فامجتمع يتقبلها منهم بمفهومهم للادب والاخلاق السائد....والذي اعتبره متطورا عن الان
اذن هي بحكم البيئه وفهم المجتمع لمعاني الجمال والاخلاق في تالزمان والمكان المحددين تاتي اغاني تمدح كل شي ولا غرابه في ذلك...ويخطيء من يفترض ان الغناء مرتبطا فقط بالاخلاق
ماذا ان رايت في اغنيه التوب والحنه وصفا لزوجتي....الن تفرح هي ان انا ردت الاغنيه واهدبتها لها وانا انظر باعجاب الي حنتها او ثوبها
=====
الم اقل لكم يا دكتوره انتو براكم ما قادرات تطلعن من محور النمطيه بمنظور ده ياهو فهم الرجل السوداني للمرأه......ياختي انحنا اتطورنا
لكن لو نظرتك من ناحيه مبداء او مفهوم شخصي لاعتقادك بحاجاتك الخاصه فانا اتفهم واحترم لك وجهه نظرك


======
ومالو ...نواصل في بوست ابوالريش المتحف

ست التوب



شفت التوب و مااا لاقاني أجمل منو
بس التوب ... شوفو التوب
وسيد التوب يكون كيفنّو
***
نظرة سريعة مريت بيها ما أتمتعت
خطوة وحيدة بيني و بينها لو أسرعت
خلت طيبها مالي الساااحة
زيها مااافي لا شاهدت لاني سمعت
***
من جاراتها حلاتها دخلت بيتها
سرت حداها داير القاها تب مالقيتها
سلت سيفها..
مدت ايدها
حتى الحنة ديك ما نسيتها
قادت ناري ..لو تطفيها لي ياريتها
شوفوا التوب..
بس التوب!!
سيد التوب يكون كيفنه
***
أستنيت و قلت أظن ترجع تاني
يمكن أشوفها
,أصلو الزول حياتو أماااني
نظرة بريئة
مهمااا نااابني ما هماااني
لو ألقاااها يرتاح بااالي و يصبح هاني

ــــــــــــــــــــــــــــــــــــــــــــــــــ ـــــ

د.نجاه طبعا واضح انو الكلمات تعطي صوره مباشره وواضحه
لكن نعود بالتمعن الي ما خلف الصوره.....الا يمكننا ذلك؟
ممكن تكون ارمله..مطلقه...والله اعلم......لكن اصبري بنرجع براحه


لم اجد اسم شاعر ست التوب فاتمني من يعرف ان يرشدنا





======
نواصل لمن المزاج يجي بمزاج

اخطاء املائيه كترت

Quote: شفت التوب و مااا لاقاني أجمل منو بس التوب ... شوفو التوب وسيد التوب يكون كيفنّو

كانت تفكو تجدعو ليه..



يا محمد الغنية دى فيها حقوق أدبية ولا حايمة ملح؟

Quote: بعدين ياخي السودان دا كلو كان اقاليم وكذلك الخرطوم حين غنى المغني

يادكتورة
هل سمعتى لا ..لا...لالا ياقروية؟

Quote: بعدين ياخي السودان دا كلو كان اقاليم وكذلك الخرطوم حين غنى المغني

بل يا داب الخرطوم صارت اقاليم
بعد تحطيم وتهميش الاقاليم
وصار اكثر من 17 / 100 من سكان السودان يقطنون العاصمة
وتحولت لهجة العاصمة الى (يديك العافية) يدلا من المصطلح العاصمى المعهود (عفوا) كمثال

سلام يا أستاذ محمد زكريـا

الغناء يجب أن يرتبط بقيم المجتمـع.. لو جريت الخيط من السبحـة هل حبات السبحـة
تظل متماسكـة؟

ما تيب!


وفى الغرب مافى حنة يعرفوا بيها المتزوجـة.. لكن كدى خلى زول يغنى ليك قصيـدة
فى لندن واللا نيويورك وفيها وصف للخاتم على أصبع اليد الشمال!!!

يبقى مضحكـة اليوم كلو والناس حترفع حواجبها من الدهشـة والإستغراب إن لم يكن الإشمئزاز.

Quote: هل سمعتى لا ..لا...لالا ياقروية؟

في فرق بين الاقاليم والقرى موش زمان في الجغرافية درسونا الريف والحضر

انا لفيت السودان دا شرقا وغربا ووسطا ما شوفتا بت شابة ما متزوجة محننة في الزمن داك
قريت قريت الابتدائي في 3 مدارس والثانو العام في اربعة مدارس والثانوي العالي
في مدرستين
درست ف مدار البقولو عليها قومة فيها بنات جاين من اي منطقة

ما شوفتا بت شابة محننة
بنات خالاتي و ساكنات في الخرطوم دا من جدودهم ما لاقيت واحدة فيهن محننة
وكذلك بنات الاعمام والاهل..

وذي ما قلت ليك ممكن تطلع الولد من القرية لكن ما بتطلع القرية منه..

سلام لكل الناس...
البوست بالرغم من المنعطفات الخطيره...
إلا أنو بجاهد بقوه للمحافظه على الإمتاع...
الشكر لمثابره الأستاذ محمد زكريا ومحمد النيل

Quote: بل يا داب الخرطوم صارت اقاليم بعد تحطيم وتهميش الاقاليم وصار اكثر من 17 / 100 من سكان السودان يقطنون العاصمة وتحولت لهجة العاصمة الى (يديك العافية) يدلا من المصطلح العاصمى المعهود (عفوا) كمثال

يا أستاذ محمد النيل
سلامات

دى حقيقه... الثقافه الخرطوميه الكانت سائده تراجعت كثيراً
فى كل شئ...شكراً للمشروع الحضارى
البنات زمان بتلبس على كيفها مع المحافظه على الأخلاق...
..والعيب هو العيب...وكل زول بتحاشاهو...
التوب خيار شخصى لغير المتزوجه...وما شرط.
والبنات لما تكبر بعضهن بطالبو بيهو ...
ولو كان الواحده حجمها صغبر...الأسره بتحاول تأجل الموضوع...
والبنت بتكون عايزه تحس بأنها كبيره...وتصر على لبس التوب
والنوادى فاتحه
وحفلة رأس السنه والكريسماس الناس بتمشيها كأسُر...
وكان الزول بحس الفرق بين بنات الخرطوم وبنات أمدرمان فى طريقة اللبس
وأولاد الخرطوم أناقه فى الزى الأفرنجى
وأولاد أمدرمان هيبه فى الزى البلدى وبعرفوا كيف يقدلو بيهوا
حسى السودان كلو زى ما قلت...!!!



يا دكتوره سلا مات
أسمحى لى أختلف معاك
الحنه الخفيفه الفى طرف اليد ولا نصها ما كانت مشكله...
لو قلب ولا ورده..ولا أى شكل
ولما صاحبتك تعرس بتقمعى أطراف أصابعك معاها...
وبرضو الحنه للمطلقه ما مشكله زى ما ذكروا ليك الأخوان...
عشان كده قال ( القليب) الراسمو حنه
يعنى رسمه صغيره فى اليد....( على ما أعتقد...)

دكتورة نجاة ومحمد النيل

شكراً ليكم على الهدية الجميلة جداً دي

إقبال المرضي

أوافقك والموضوع هو صغير والزولة الختتوا كانت مجاملة لصاحبتها العروس والكلام دا حسب رواية (معننة) من سوداني (بتاع حقيبة)، لكن على العموم لو سألتى لينا طراوة وهو بطرفكم في الشرق بديك النجيضة.

وتانى شكراً يادكتورة نجاة ويا محمد النيل.

Quote: البنات زمان بتلبس على كيفها مع المحافظه على الأخلاق... ..والعيب هو العيب...وكل زول بتحاشاهو... التوب خيار شخصى لغير المتزوجه...وما شرط

شكرا اقبال ولك التحية
زمان كان فى حاجة اسمها جكسا فى خط ستة
والشوال والجبون
كلها كانت فوق الركبة
انا مابقول انو دى حاجة كويسة
لكن الناس كانوا شايفنها حاجة عادية
وكانوا بنظروا انهم بنات ناس والتعامل كان معاهم بادب لا يوجد مثيله الان والاخلاق كانت عالية
وايضا يجب ان لا ننسى
قبل السلم التعليمى الطلبة كانوا بيلبسوا جلاليب
والبنات فى المرحلة الوسطى اى ما يعادل سنة خامسة كانوا بيلبسوا التوب الابيض يعنى من سن 11 سنة
وماننسى محمد احمد عوض غنى : جاهلة صغيرة تبت داب
و...... مابتحمل لباس التوب . تخيلوا!
الغناء للمتزوجات دا لم يكن ومازال ليس من اخلاق السودانيين خاصة فى الزمان الذى تقصده د. نجاة
اما حكاية البنت مامكن تعمل ليها قلب صغير فى يدها دا اصرار من الدكتورة على الغلاط فحسب
والخرطوم منذ ان انشأها الحاكم التركى لم تكن مثل الاقاليم الا حديثا رغم العمارات العالية الحالية.

Quote: في فرق بين الاقاليم والقرى موش زمان في الجغرافية درسونا الريف والحضر

نعم هناك فرق نسبى
وهناك فرق بين الريف والحضر من ناحية والخرطوم بالذات من ناحية اخرى
والبنات اللى غنوا لالا ياقروية كانوا بيقولوا : أحيا متين اشوف الخرطوم, وليس كوستى او بورتسودان والدمازين
مقارنتك يادكتورة مقارنة نسبية ونحن نتحدث عن الخرطوم بالذات اللى كانت ابعد حتة فيها الحلة الجديدة والرميلة من ناحية الجنوب الغربى
امتداد درجة تالتة وسباق الخيل عشش فلاتة من الجنوب
والعمارات والديوم و الجريف من الجنوب الشرقى وبرى القديمة من الشرق
ما كان فى حاجة كان اسمها الصحافة واركويت او الرياض او امتداد ناصر
ومافى حاجة اسمها اللاماب
اما شجرة غردون بس كانت مبانى الرى المصرىوبس
وكما ذكر الاخ الصادق اسماعيل
هناك كان بعض الاختلاف النوعى بين ثقافة الخرطوم وام درمان
وبحرى لها نكهتها الخاصة
ولزيادة المعلومية
توتى هى ام برى وبرى هى ام الخرطوم

Quote: توتى هى ام برى وبرى هى ام الخرطوم

ونحن اولادها...هيييع

====
بره الشبكه بس كيفتني .....وذكرتني الدونصي والبيتش

Quote: ونحن اولادها...هيييع

وطيب ياخى ليه ماظاهر فى بوست برى؟
هسع يقولوا عليك شنو؟
بالله جر معاك ابو الريش صاحب البوست رجعو
شايفو بتعلل بموضوع الشيوعية بس عشان يكب الزوغة من موضوع وردى
تحياتى

نعم برى ام الخرطوم من ناحية سكن
كانوا ساكنين مكان جامعة الخرطوم الحالى
وعند بناء كلية غردون الانجليز رحلوهم فى مكانهم الحالى
دا بس عشان تتكيف زيادة

واعتقد انو وردى لحن اغنية بعد ايه لما كان ساكن برى
كدا اكون ربطت ليك الشبكة

Quote: طيب ياخى ليه ماظاهر فى بوست برى؟ هسع يقولوا عليك شنو؟

ياخيما كتبنا في بروفيلنا وخلاص
لكن برضو ظهرت في بوست بري ولقيت بعض اقراني من مدرسه بري المحس واتسالمنا واتذكرنا ايام الشقاوة
لكن طبعا انا ما بحب التعنصر في الامكنه عشان كده اكتفيت بشويه مداخله مداخلتين


صاحب البوست خليهو في الجري مع الشيوعيين وخلينا هنا برانا عليك الله.......بري حديد

Quote: بري حديد

وهسع دى مش عنصرة؟
انا لا اتفق معاك فى حكاية العنصرة دى
بوست برى لاجترار الذكريات فقط
دا بوست كله فنانين
تعال لينا بى هناك

Quote: بالله جر معاك ابو الريش صاحب البوست رجعو

محمد النيل،

ياخى ممكن إتفهم إنو التعبير فى الوقت داك كان قاصـر.. تخيل الرقيبـة قزازة عسيـر!

ياخى كيف بس؟

رقيبة زى رقبة قزازة العصير الزمان ديك المسلوبة.. كيف تشيل راس فيه عيون متل الفناجين.
دى إلا فى أفلام الكائنات من العوالم الاخرى، خصوصا هو قال ولدوها فى جبل عرفات.. وأعتقد
أنها لم تولد ولكنها نزلت فى ذلك الجبل من الفضاء الخارجى، لأنو ما ممكن مرة فى شهرها
التاسـع تمشى تحج وكمان تطلع جبل عرفات.. (ضاربة تسعين هى؟)






دا خم الرماد قبل الأرشفـة.

شاعر ست التوب
عوض جبريل

http://www.youtube.com/view_play_list?p=E80798C16B4F10F...rom=PL&v=loOiL72OBVg

يا سلام عليك يا خالد العبيد
شكرا لانزال الاغنية
كدا يادابك دخلت الفورمة
وكدا ممكن نخت ابريش فى علبو فنيا وليس شيوعيا او سياسيا ذلك ان البوست فنى فحسب
تحياتى

Quote: ياخى ممكن إتفهم إنو التعبير فى الوقت داك كان قاصـر.. تخيل الرقيبـة قزازة عسيـر! ياخى كيف بس؟

يا ابريش
وكما ان خم الرماد حاجة غلط
فكلامك دا غلط بل قنبلة ما قبل الارشفة
انت الظاهر عليك مكجن وردى وبس
اشمعنى بس الثلاثة اغانى اللى اخترتها لوردى!!!!!؟
What that means? هل مصادفة؟
يا ربى يمكن عشان ميوله شيوعى؟ ههههها
ما عايز افتح باب سياسة
لكين بس ادينى تبرير واحد لتلك المصادفة
لابد ان تعرف اخى ابريش ان نقيس كل زمان ومكان على ثقافاته وارثه
فما كان جميلا حينذاك قد يكون غير ذلك لديك فى هذا الزمان
فمثلا:

عندك الشاعر القادم من البدو: علي ابن الجهم
وقد وقف لأول مرة بين يدي الخليفة العباسي المتوكل، مادحاً
فحسب مفهومه مدح المتوكل قائلا

انت كالكلب في حفظك للود
و كالتيس في قراع الخطوبِ

انت كالدلو، لا عدمناك دلواً
من كبار الدلا، كبيرَ الذنوبِ

الناس اللى فى حضرة الخليفة استنكروا هذا التشبيه له
اى زى الكلب فى الوفاء
وزى التيس فى المجابهة الصعبة
وتشبيهه كالدلو الذى يجلب الماء والخير
(لا حظ يا ابريش تشبيه التيس اصعب من قزازة العصير)

لكن الخليفة بوعيه وعقليته المثقفة قد استوعب فهم جمال الابيات وحسن نية الشاعر والخلفية التى اتى منها
فوضع الخليفة الشاعر البدوى وجعله يعيش فى بيئة حضرية مترفة
وناداه المتوكل لا حقا ليلقى عليه شعرا
فقل الشاعر ال Upgraded :

عيون المها بين الرصافة و الجسر
جلبن الهوى من حيثُ ادري ولا ادري
اعدن لي الشوق القديم و لم اكن
سلوت ولكن زدتُ جمراً على جمرِ
سلمن، و اسلمن القلوب، كأنما
تشك بأطراف المُـثـقـفـةِ السمرِ
خليلي، ما احلى الهوى، و أمـرَّهُ
و أعرفني بالحلوا منه و بالمُر
بما بيننا من حُرمةٍ هل علمتما
ارق من الشكوى، و اقسى من الهجرِ
و أفضح من عين المُحب لسِـرهِ
ولاسيما إن اطلقت عبرةً تجري

ويصيح المتوكل: انظروا كيف تغيرت به الحال، والله خشيت عليه ان يذوب رقة و لطافة.

فكن اخى ابريش كالخليفة المتوكل لتفهم الماضى واحواله وظروفو لتستمتع بغناويهم الحلوة
تحياتى
ومرحبا بعودتك لبوستك
ومامكن تخلى الضيوف فى بيتك وتطلع تخليهم
وين الحاجة الباردة؟

سلام يا النيل
وتحياتي
ان البوست فنى فحسب
وبما انو البوست فني
مشاركتي كانت بمقطع للفنان الكبير خلف الله حمد
ويقول المقطع:
اعاين فيه واضحك .. امشي واجيه راجع
حقيقة انا لسه محتار :
كيف شاعر يعاين في محبوبته ويضحك
ثم يمشي ويجيها راجع
ويلخص كل القصة بان المحبوب متلاعب ليس الا!!!
يبدو انو اخونا ابوالريش لم يسمع هذه الاعنية من قبل
لك احترامي

Quote: حقيقة انا لسه محتار : كيف شاعر يعاين في محبوبته ويضحك ثم يمشي ويجيها راجع

يمكن كان عملة الروج غلط...... ههههههها
انا عارف ما كان فى رووج
يعنى يمكن شيئ من هذا القبيل
او خجلان اتكلم مهاها وبتمسكو ضحكة

الأخ الفاضل محمد النيل،

نمرة واحد:
وردى فنانى المفضل، وهو الفنان الوحيد الذى يصرف صرف من لا يخشى الفقر على تدريب العازفين
على أى إغنية جديدة ولا يرحمهم فى أقل غلطـة، حين الكثير من الفانين (الكبار) لا يهتمون
إلا بالعداد، أما الصرف فقليل!!!..
وهو من الموسيقيين الذين يبدعون فى اللحن، ولا يقلدون صوت المغنى مما يسمى الموسيقى المصاحبـة..
التى هى تأليف رخيص يتابع الصوت فقط ولا إبداع فيه.
كما قلت فى أكثر من مرة، لقد أيدت شيوعيين مرشحين فى هـذه الإنتخابات لكفاءاتهم الشخصيـة، ولو
ترشح وردى فسوف اويده ايضا، فبالله خلينا من حكاية شيوعى دى.. خليك عادل شويـة.. الكفاءات
الشخصيـة لا يعاديها إلا من يعادى تطور الوطن.. يجب الفخـر بها بصرف النظر عن لونها ودينها وارائها
السياسيـة، هـذا عندى ليس تنظير وإنما مبدأ أعيشه وأطبقه.

ما كتبته انا أخيرا عن كائنات الفضاء الخارجى كان مزحـة وقلت ذلك فى نهاية المداخلة حين قلت أنه
(خم رماد).. فلا تصيـد فى الماء العكر ياخ.. وهـذا بوست فى الفن فلازم يكون فيه مزاح من وقت لأخر.

Quote: فلا تصيـد فى الماء العكر ياخ.. وهـذا بوست فى الفن فلازم يكون فيه مزاح من وقت لأخر

ولماذا غابت عنك لهجة مزاحى وانا كنت قد كتبت(ههههههها)؟
فانا ايضا كنت امزح يا استاذ
ما تحول الموضوع
ركز معانا شوية فى حكاية الغناء
وورينا رايك فى موضوع الخليفة المتوكل وثقافات اللحظة التى يتم تاليف القصيدة فيها

Quote: ولماذا غابت عنك لهجة مزاحى وانا كنت قد كتبت(ههههههها)؟

غابت عنى يا استاذ محمد، فلك العذر إن كانت مزحـة..

ياخ أكتر حاجة الواحد بدأ يكرهها فى المنبر دا هى النقد وإبداء الرأى..

تتكلم عن موقف سياسى يجو ناس درق سيدو من كل الأحزاب، يقولوا ليك إنت تكره سيدى فلان،

وهسى ظهرت حكاية إنت تكره سيدى وردى.. وسيدى الهلال وسيدى نقد وسيدى شنو تانى ما عارف..

ثقافة النقد عندنا مافى.. صفر على الشمال.. وكل من يتجرأ على النقد عليه الإستعداد للعداوات

الشخصيـة من كل جهة.. وهـذا هو طبع المجتمعات القبلية المتخلفـة.