Post: #1 Title: محمد وردى العمر كلو ليك يا اعز الناس Author: اسيا ربيع Date: 07-20-2010, 03:53 AM Parent: #0
فى حضور جمع كبير من الاهل والاصدقاء واهل الفن طفى الاستاذ المبدع الجميل الشمعة 78 يا محمد يطول عمرك مع العافية ونحن من هنا نشيل معاك ال 78 سنة مع الود .. كلمة الاستاذ الموسيقار محمد وردى
Post: #2 Title: Re: محمد وردى العمر كلو ليك يا اعز الناس Author: اسيا ربيع Date: 07-20-2010, 04:06 AM Parent: #1
رغمى كل شى محمد وفيا لجماهيره وفنه
كلمة الاستاذ الموسيقار محمد الامين
Post: #3 Title: Re: محمد وردى العمر كلو ليك يا اعز الناس Author: العوض المسلمي Date: 07-20-2010, 04:24 AM Parent: #2
ربنل يطول عمره وصباحك زين ..
Post: #5 Title: Re: محمد وردى العمر كلو ليك يا اعز الناس Author: اسيا ربيع Date: 07-20-2010, 04:47 AM Parent: #3
اخى العزيز العوض المسلمي صباحاتك فرايحية كل عام والاستاذ الهرم بالف خير وصحة وانت كمان ربنا يحفظك كن بخير .. كلمة الاستاذ الشاعر محمد طه القدال
Post: #4 Title: Re: محمد وردى العمر كلو ليك يا اعز الناس Author: اسيا ربيع Date: 07-20-2010, 04:28 AM Parent: #2
صدقنى بكره اجمل .. بكره انبل ..
كلمة الاستاذ الموسيقار عبدالكريم الكابلى
Post: #6 Title: Re: محمد وردى العمر كلو ليك يا اعز الناس Author: اسيا ربيع Date: 07-20-2010, 05:06 AM Parent: #4
ياسسسسلام على الوفاء
كلمة الاستاذ الفنان عثمان مصطفى
Post: #8 Title: Re: محمد وردى العمر كلو ليك يا اعز الناس Author: اسيا ربيع Date: 07-20-2010, 05:20 AM Parent: #6
تذكر دائما .. وانقشها على قلبك مادمت حيا .. نحن بنحبك
كلمة الشاعر المرهف .. الدكتور عمر محممود خالد
Post: #9 Title: Re: محمد وردى العمر كلو ليك يا اعز الناس Author: ليلى عز الدين Date: 07-20-2010, 05:26 AM Parent: #4
و نحن لأيام كانت أنسامها من يا نسمة .. و نكهتها من صحية جروف النيل مع الموجة الصبااااااحية !!
و إيقاعاتها من أفئدتنا التى تعلمت فى المدرسة الوردية على مقاعد قاعة الصداقة
فقد كانت هى المكان .. أما الزمان فهو زمانك ..
تأتينا وقتما تشاء .. و ننتظرك بكل الحب جلوساً على عتبات تلتوار شارع النيل
لتأتى لحظة القياام و فرحة التصفيق للمارسيدس
التى تطل علينا منها بيدك اليمنى و وجهك مداعباً على التأخير
لم ير أحدنا قط وجه قريبك السائق و لو لمرة .. فقط كنا نراك
أيام كانت تخص القاعة و رواد القاعة و كافتيريا القاعة بالطابق الأعلى
و محمد وردى و الفرقة الموسيقية و نحن ..
و حب كان يحمله عدد 1221 مقعد .. للمكان و الزمان و التاريخ
و لمحمد وردى و لبعضنا البعض
فقد كنا نشعر بالإنتماء للحظات و مكان لا يعرف سره إلا من كان هنااك
يتلاشى فيها أصل الشخصية .. و تبين عصيبات مخفية
نفيق بعدها على صوت تصفيق أيادينا لنا .. فقط لكوننا هناك
محمد وردى .. فتش فى ترابك
و قلبو ذرة ذرة
تلقانا بنحبك أكتر كل مرة
يااااا يااااا يااااااااااااا عشق إستمر !!
Post: #11 Title: Re: محمد وردى العمر كلو ليك يا اعز الناس Author: اسيا ربيع Date: 07-20-2010, 07:13 AM Parent: #9
الجميلة ليلى عزالدين يااااه يا ليلى رجعتنى لى زمن جميل شديد وحالة تطهير عاليه سرد جميل يا بت يا حديقة.. يلا تعالى نقول لى وردى كل سنة وانت طيب يا اعز الناس
كلمة جوليا محمد وردى
Post: #7 Title: Re: محمد وردى العمر كلو ليك يا اعز الناس Author: لؤى Date: 07-20-2010, 05:13 AM Parent: #1
Quote: محمد وردى العمر كلو ليك يا اعز الناس
آسيا العزيزة صباح الخير وسنة سعيدة وحلوة ككُلّ السّنوات الماضية أُمبارح جادعتو بالغُنا الوردي في مكالمة مسائيّة وكانت ضحكات وقفشات إعتدتها طيلة عمري ربّنا يدّيهو طول العمر
Post: #10 Title: Re: محمد وردى العمر كلو ليك يا اعز الناس Author: اسيا ربيع Date: 07-20-2010, 05:59 AM Parent: #7
العريس الجميل لوئ كل سنة وعمك وردى بالف صحة وعافية والعمر كلو ليك وليهو .. امس كانت ليلة جميلة ياريت كنا هناك , بس اكيد الجمال امتدا لى عندنا كن بخير
كلمة الاستاذ الفنان عبدالقادر سالم
Post: #12 Title: Re: محمد وردى العمر كلو ليك يا اعز الناس Author: سلمى الشيخ سلامة Date: 07-20-2010, 12:11 PM Parent: #10
يا اعز الناس حبابيك نحنا زدنا كتير حنان لكم نحبك مهما كان منك ايها الهرم العالى المقام
تحياتى ياصديقتى الحبيبة اسوية
Post: #13 Title: Re: محمد وردى العمر كلو ليك يا اعز الناس Author: الرفاعي عبدالعاطي حجر Date: 07-20-2010, 12:24 PM Parent: #12
الاستاذة اسيا الربيع
تحياتي ,,,
وردي رغم كبير , ما جادت بمثله بعد ارضنا
وله كثير عطاء ننظره وننتظره نسأل الله له
الصحة والعافية وكل سنة وهو اجمل .
.................................حجر.
Post: #14 Title: Re: محمد وردى العمر كلو ليك يا اعز الناس Author: احمد الامين احمد Date: 07-20-2010, 02:49 PM Parent: #13
أتشرف بالعيش فى عصر الصوت الراقى محمد وردى وميزة وردى الكبرى محاولة صهر الوطن عبر إبداعه حيث غنى وركب مزيكه عبر إيقاعات موزعه على كل جهات السودان دقلاشى /دلوكه / دليب وغير ذلك أضف الى أنه اى وردى تغنى بأشعار اكثر من 39 شاعر سودانى يتنمون لقبائل وجهات واحزاب وايدليوجيات مختلفه عبرها دخل قلب كل سودانى له التحيه..وهو يعيش بعمره الحقيقى فى قلوبنا طالما ظل النبض متصلا
Post: #28 Title: Re: محمد وردى العمر كلو ليك يا اعز الناس Author: اسيا ربيع Date: 07-23-2010, 06:36 PM
الاخ العزيز احمد الامين
Quote: أتشرف بالعيش فى عصر الصوت الراقى محمد وردى
الشرف لينا كلنا بيك يا احمد , وكل سنة وفنانا الجميل بالف صحة والق .. وشكرا ليك على المعلومات ذات القيمة اعزازى اغنية تاجوج
Post: #26 Title: Re: محمد وردى العمر كلو ليك يا اعز الناس Author: اسيا ربيع Date: 07-23-2010, 06:18 PM Parent: #13
الاستاذ.. الرفاعي عبدالعاطي حجر تسلم وكل سنة انت والاستاذ وردى اطيب .. يا سليم الذوق
Post: #15 Title: Re: محمد وردى العمر كلو ليك يا اعز الناس Author: اسيا ربيع Date: 07-21-2010, 07:02 AM Parent: #12
سلمى صباحك زين .. صباح المطرة والسهلة .. صباح الضفة والنخلة.. صباح الخير على ناسا عزاز أهلها كل سنة والاستاذ الهرم وردى بالف خير وصحة محبتى
Post: #16 Title: Re: محمد وردى العمر كلو ليك يا اعز الناس Author: أسامة عبد الجليل Date: 07-21-2010, 07:11 AM Parent: #15
الأخت العزيزة آسيا
أحييك على هذه المبادرة الطيبة وأتمنى للفنان الضخم محمد وردي السعادة والعمر المديد.
---------------
وينك في الفيس بوك
Post: #17 Title: Re: محمد وردى العمر كلو ليك يا اعز الناس Author: أسامة عبد الجليل Date: 07-21-2010, 07:39 AM Parent: #16
Post: #18 Title: Re: محمد وردى العمر كلو ليك يا اعز الناس Author: زهير الزناتي Date: 07-21-2010, 04:22 PM Parent: #17
آسيا ربيع
وردي يستحق أن يحتفل به ... هرم وقامة ومحطة هامة في الغناء والموسيقي السودانية
كل سنة واستاذنا بألف خير .....
Post: #19 Title: Re: محمد وردى العمر كلو ليك يا اعز الناس Author: سمير شيخ ادريس Date: 07-21-2010, 04:39 PM Parent: #18
Post: #20 Title: Re: محمد وردى العمر كلو ليك يا اعز الناس Author: نوفل عبد الرحيم حسن Date: 07-21-2010, 06:22 PM Parent: #19
ان شاء الله تعيش ياكبير المقام والقامه يا طويل الهامه ان شاء الله تعيش يا هرم غنانا يا مخضرم جوانا يا كل الفن والجمال ان شاء الله تعيش يا العلمت احاسيسنا كيف تكون مزدانه ومرهفه يا الصغت وجدانا وشكلت ملامح ذوقنا وتذوقنا ان شاء الله العمر كلو .. وكل عام وانت الخير اسيا الله يملاك عافيه مودتي الاكيده
Post: #21 Title: Re: محمد وردى العمر كلو ليك يا اعز الناس Author: طارق عبد اللطيف نقد Date: 07-21-2010, 06:39 PM Parent: #20
وطنا الباسمك كتبنا ورطنا
بحبك مكانك صميم الفؤاد
وباسمك اغني تغني السواقي
وردي فنان بقامة وطن
رغم الضبابيه في الفتره الاخيره
لكن لك استاذه اسيا ولي وردي
كل الود ولك تحديدا كل الجمال
Post: #22 Title: Re: محمد وردى العمر كلو ليك يا اعز الناس Author: omer abdelsalam Date: 07-21-2010, 07:12 PM Parent: #21
وردي ,, هرم ,,,هرم ,,,هرم نوبي سوداني سيذكره التاريح بطلا لنا وستغني له الأجيال ,,,جيل بعد جيل اطال الله عمره
Post: #23 Title: Re: محمد وردى العمر كلو ليك يا اعز الناس Author: baha eassa Date: 07-21-2010, 07:14 PM Parent: #21
الريد جوة قلبي .. بي حبك بدا يا طيبة حياتي وياقطر الندي .. .. شكرا لاجمل فنان عطر الساحة خمسون عاما وشكرا لك اختي العزيزة اسيا .. ..
Post: #24 Title: Re: محمد وردى العمر كلو ليك يا اعز الناس Author: أسماء عبدالسلام Date: 07-21-2010, 07:31 PM Parent: #23
في حضرة جلالك يطيب الجلوس مهذب امامك يطول الكلام
-------------------- يا حليل زمن العباقرة ديل وربنا يطول لينا في عمرهم
-------------------- كل لحظة وانت بالف خير يا استاذ
Post: #25 Title: Re: محمد وردى العمر كلو ليك يا اعز الناس Author: اسماء الجنيد Date: 07-21-2010, 08:00 PM Parent: #24
كل سنة وكل يوم وكل لحظة وانت طيب يا عزيز يا غالي العيد الجاي معاكم ووسطكم يا جوجا ان شاء الله ربنا يديه الصحة والعافية ويملاه سعادة زي ما ملانا فرح طول حياتنا
اسوية الحنينة تتعلي مراتبك انتي يا الكلك بشارة تسلمي كتير يا وش الخير شكرا علي الاهداء السمح زيك
Post: #27 Title: Re: محمد وردى العمر كلو ليك يا اعز الناس Author: GamarBoBa Date: 07-23-2010, 06:26 PM Parent: #25
شكرا استاذة اسيا ربيع وتحياتي
وعمراً مديد للخال وردي
Post: #33 Title: Re: محمد وردى العمر كلو ليك يا اعز الناس Author: اسيا ربيع Date: 07-23-2010, 07:52 PM Parent: #20
Quote: ان شاء الله تعيش يا العلمت احاسيسنا كيف تكون مزدانه ومرهفه
الصديق العزيز نوفل وانت برضك تعيش وربنا يحفظ ليك هذا الكم من الاحساس الصادق , والعمر كلو لحبيبا وردى كن بخير ويلا وتعال يلا
Post: #31 Title: Re: محمد وردى العمر كلو ليك يا اعز الناس Author: اسيا ربيع Date: 07-23-2010, 07:30 PM Parent: #19
الاخ العزيز سمير شيخ ادريس شكرا جميلا على المرور كل سنة والهرم وردى وانت بخير مودتى
اغنية سؤال
Post: #30 Title: Re: محمد وردى العمر كلو ليك يا اعز الناس Author: اسيا ربيع Date: 07-23-2010, 07:10 PM Parent: #18
Quote: وردي يستحق أن يحتفل به ... هرم وقامة ومحطة هامة في الغناء والموسيقي السودانية
زهير ازيك والاسرة الكريمة والله مشتاقين يا ناسينا كل سنة والجميع بخير وربنا يدى وردى طول العمر مع الصحة والعافية اعزازى
اغنية ناسينا
Post: #29 Title: Re: محمد وردى العمر كلو ليك يا اعز الناس Author: اسيا ربيع Date: 07-23-2010, 06:53 PM Parent: #16
الاخ العزيز اسامة لك التحايا ممزوجة بى تطريب فنانا العطيم وردى كل سنة وهو اطيب وربنا يحفظك انت كمان. انا قاعدة فى الفيس بوك , بس مرات تدخل هناك ما تعرف انت جيت لشنو؟ المهم من ناس ديك واسفاي .. كن بخير اغنية واسفاي
Post: #32 Title: Re: محمد وردى العمر كلو ليك يا اعز الناس Author: فيصل محمد خليل Date: 07-23-2010, 07:39 PM Parent: #29
حينما دقت حوافر حصانه مدينة الوهج والانوار و الشهب كان استهلالاَ لبذوغ نجم اتى ليمسح الغبار عن الفن السوداني
الشريرة اسيا ازيِك
Post: #34 Title: Re: محمد وردى العمر كلو ليك يا اعز الناس Author: abdelrahim abayazid Date: 07-23-2010, 07:56 PM Parent: #29