نصري، عمر الطيب الدوش تفوق على نفسه في بناديها ووردي قدم فيها أداءا نادرا والمقطع الذي أتيت به - في ظني - من حفله الشهير في أديس أبابا ، ومثلما قال أخي محمد الطيب إلتقاء الدوش ووردي لازم يعمل شئ ذري ، بس كمان يا نصري تمركز الغنيه في قلبنا عادة بكون سببه حالة وزمن معين والبيت اللي أنا شايفو إنجاز تاريخي لوردي يختلف عن هذا وأحسن الواحد يخليهو لروحو طلبا للستر.. برضو يا النصري ( يا صبيه الريح ورايا خلِّي من حضنك ضرايا) ما تنساهو.. دا ما ال Bunker زاتو .. إنت قايل شنو.
بتطلعي إنتي من غابات و من وديان و مني أنا و من صحية جروف النيل مع الموجة الصباحية و من شهقة زهور عطشانة فوق أحزانا متكية بتطلعي إنتي من صوت طفلة وسط اللمة منسية... و إنت طالع!
أها لقيتوني كيف?! سجل عندك التمركز دا يا محمد المرتضى, (الحالة) سيبك منها لزوم (السترة) مع أني ميال لأوبريت (يقظة شعب) لا يريد إسقاط النظام!
يا اخوانا عيدكم مبارك, و يالنصري كفاك نوستالجيا, بتكتلك!
سلام يا المعز انت غيرت الاسم الانجليزى متين؟ قلت لى نوستالجيا؟ هل تصدق الكلمة دى مرت على زى خرتماية مرة وابدا ما حاولت اعرف معناها شنو... غالبا تكون معناها خيالى او رومانسى .....
تعرف؟ انا ما hard core محمد وردى معجب ...(نحن ناس زيدان واحمد المصطفى ومصطفى سيداحمد وثنائئ العاصمة والحقيبة) لكن مرات كتيرة بتعجبنى مقاطع من الاستاذ كمثال ..المدخل بتاع اغنية الصورة ..توعدنى وتخلف بالصورة ..ياخ ده وردى بالغ عديل فيهو وعند فكرة ارسله لاحد مغنى الراب الامريكيين المشهورين عشان يعمله خلفية لاغنية ..رائك شنو؟
سلام طارق فعلا ..... وردى بختار كلمات اغانيه بعناية فائقة.....
وا أسفاي .. وحاتكم انتو وا أسفاي إرادة المولى رادتني وبقيت غناي أسوي شنو مع المكتوب أسوي شنو؟ براهو الواهب العطاي منو .. منو البدور يساهر الليل ويسافر فوق جناح الشوق يكوس نجماً بعيد ضواي منو .. إذا وصفولو أرض الحور تلاقي قوافلو طول الليل تشق التيه تجر النم مع الحردلو في الدوباي وا أسفاي ببيع الدنيا كل الدنيا وا أسفاي عشان خاطر عيون حلوين وا أسفاي منابع الطيبة متجاورين وا أسفاي ومتسامحين في السمحين واسافر فوق صُبي العين معاك سلامة يادنياي بتمدد وبتوسد وسادة شوق وبنوم مرتاح وخالي البال واقالب تاني عهد صباي عشان ما تبكي ببكي أنا واحاكي الطرفة في نص الخريف بكاي حمولي تهد جبال الشيل وفايت في العتامِ الليل ومتوكل عليك يا الله دافر الليل بِريق البسمة إن لاح لي بتتفتح مشاتل الريد واحسك جوا .. زغرد فيها صوت الناي وا أسفاي وحاتكم انتو وا أسفاي أسفاي إذا ماشفت ناس سمحين يتاتو .. زي قدلة جنا الوزين يتاتو تلاقي قليبي يرمح جاي لما يتاتو زي قدلة جنا الوزين يتاتو حليل الكان بهدي الغير صبر محتار يكوس هداي من ناس ديلا وا أسفاي من زي ديلا وا أسفاي إرادة المولي رادتني وبقيت غناي
سلام يا عماد الغريب ناس نميرى وجهاز امنه كان بتجهجهم اغنية حمد الريح حمام الوادى والجزء الموسيقى بتاع راس نميرى مطلب شعبى ..... بتزكر مرة الحفلة اتفرتكت لمن الجمهور بدا يردد فى الجملة دى وناس الامن جو ونزلو الفنان من المسرح.....
المقطع بتاع بناديها ده فيهو سحر غريب (احتمال معاى انا براى) لكن فيهو طرب ومتعة مبالغ فيها ... صدقنى سمعتو مئات المرات من امس لليوم ولم ازهج منه بعد
Post: #18 Title: Re: أجمل مقطع غناهو وردى♪♫ Author: محمد المرتضى حامد Date: 11-06-2011, 00:05 AM Parent: #17
وقبل ما تشرب تمر على بيت صغير من بابو من شباكو يلمع ألف نور تلقى الحبيبه بتشتغل منديل حرير لحبيب بعيد تقيف لديها وتبوس إيديها وانقل إليها وفاي ليها وحبي الأكيد
عملت لي شنو في الموضوع دا يا النصري؟
Post: #19 Title: Re: أجمل مقطع غناهو وردى♪♫ Author: النصرى أمين Date: 11-06-2011, 00:10 AM
يا الشايقى ياخ انا تعبان اشيل والملم فى الصور والفيديوهات عشان بس 70 ثانية ..بعد ده كله الشكر لطارق ميرغنى
Post: #20 Title: Re: أجمل مقطع غناهو وردى♪♫ Author: النصرى أمين Date: 11-06-2011, 00:56 AM Parent: #19
هاك يا محمد ..من الفرن ..عملتو قبل 12 ثانية
Post: #21 Title: Re: أجمل مقطع غناهو وردى♪♫ Author: احمد خليل Date: 11-06-2011, 01:20 AM Parent: #20
تحياتى بنفس المستوى الجميل ده كدى ابدا من (ياطير ياطاير) وعرج على لو بهمسة!!!! وزمان كنا بنشيل الود !! مانقرض عليها وانتظر فى (استنينى) حتلقى البوست ده غير مود البورد والله معاكم kofi
Post: #22 Title: Re: أجمل مقطع غناهو وردى♪♫ Author: محمد زكريا Date: 11-06-2011, 01:32 AM Parent: #21
بالله كمان لو جبت المرسال وما تبخل بالصوره وغلطاتك عندنا معذوره يا يا يا يا يا يا
======= كل عام وانتم بخير
Post: #23 Title: Re: أجمل مقطع غناهو وردى♪♫ Author: النصرى أمين Date: 11-06-2011, 03:19 AM Parent: #22
سلام احمد وانا طفل صغير فى الابتدائئ(وليس الاولية) كان عندى صاحبى اسمه احمد صالح ,,, كان مجنون بمحمد وردى ..كنت بستغرب جدا من حبه ليهو.... حتى مرة سالته سؤال افترضت انه ما عنده ليهو اجابة... قلت ليهو لو وردى توفى حتعمل شنو؟ اتبهت لمن قال لى حاسمع شرائطه وتسجيلاته... من حبه لوردى قال لى انو وردى ضرب الخواجة كف عند تسجيل اغنية الود من شدة حرصه على اعماله ..
هاك قطعة من الود
Post: #25 Title: Re: أجمل مقطع غناهو وردى♪♫ Author: محمد النيل Date: 11-06-2011, 03:29 AM Parent: #23
أخ النصرى كل عام وأنت بخير؟؟؟؟
وردى غناه كله كنوز تقلب فيه تقول الخاتم دا أجمل تظهر ليك إسورة أحلى
السودان عبر التاريخ فيه أربعة أركان لا يوجد بعدها
الأول بعانخى الثانى ترهاقا الثالث محمد أحمد المهدى الرابع وردى
......
ليس إنحياذا للنوبة أبدا لكن هذه هى الحقيقة
Post: #24 Title: Re: أجمل مقطع غناهو وردى♪♫ Author: Ali Sirelkhatim Date: 11-06-2011, 03:24 AM Parent: #22
الحبيب النصرى والزوار الكرام انه الشوق الى ايام مضت انه الشوق الى الامس بكل ما يحمل من حنين وجراح فمرحبا به
مرحبا ياشوق
Post: #26 Title: Re: أجمل مقطع غناهو وردى♪♫ Author: النصرى أمين Date: 11-06-2011, 04:42 AM Parent: #24
هاك يا محمد زكريا الطرب زاتو
Post: #27 Title: Re: أجمل مقطع غناهو وردى♪♫ Author: النصرى أمين Date: 11-06-2011, 05:02 AM Parent: #26
سلام يا النيل حظنا السعيد اننا عشنا زمن محمد وردى بالرغم من انى ما hard core معجب ..الا اننى مقتنع تماما انو السودان من غير وردى كان حيكون مختلف
طالما البوست ده عن محمد وردى فلازم يجى زكر القامة التانية الموازية ليهو محمد الامين
كل عام انت والاسرة بخير
Post: #28 Title: Re: أجمل مقطع غناهو وردى♪♫ Author: النصرى أمين Date: 11-06-2011, 05:08 AM Parent: #27
وين يا مرتاح ما ارح ... ما يلا ... كل عام والجميع بخير وللسيد الكاز تحاياى العطرة وقول ليهو ابعد من المشاوى والمشويات ....
للاسف الاغنية بتاعتك لم تصادف هوى شديد عندى اظن اننى سمعتها زى مرتين فى حياتى وربما كان ده السبب وراء عدم الانسجام .....
Post: #29 Title: Re: أجمل مقطع غناهو وردى♪♫ Author: النصرى أمين Date: 11-06-2011, 05:17 AM Parent: #28
شوف يا النصري إنت زول مجايل و دايما تهبش و تتاور جروحا ما بنقدر عليها و النوستالجيا حقتك (الحنين و التوق إلي الماضي) أنا فهمتها من يوم تسولك بحثا عن (أفكاري تايهة)! من ديك و عيك , بقيت بالنسبة لي زول (مخيف)! تفتكر كون أنك كفيلي هنا دي مجرد" صدفة" ?! أسأل محمد المرتضى عن (صدفة) و ما أدراك ما صدفة دي! و أسمع أمال النور و سعد الطيب هنا:
Quote: اعتقد بسبب هذا المقطع سجن ..(في الضل الوقف مازاد) ..نميري كان يعتقد مايو هي المقصودة ..
عمادالدين عثمان عويس
ياخي إكر هيكرفي
ياخي دا صباح عيد عجيب اللقيتك فيه
ياهي ايللو ارم دفوسو
تحياتي لك ولاولادك
وردي ذلك اللحن الذي خلد ذكرانا ايام كانت الكلاكللات تجمعنا قبل ان تفرقنا مطار الخرطوم ووزغنا في سماء خارج سماء الخرطوم ولم يعد السودان يسعنا فمتى المستقر واين المستقر
سلام يا معز اظن نوستالجيا كل زول بتختلف عن الاخرين,, انا مثلا وانا طفل صغير كنت واقرانى نسخر من اغانى حسن عطية ونقرق عليها ونشبه اى فنان سئ بانه حسن عطية,,, للاسف استمر معاى الاحساس ليومنا ده ,,,, حسن عطية بالنسبة لى annoyin وليس لديه معه اى نوستالجيا