Post: #1
Title: قرفنا .. وردى .. لم يعد حادى الامة.. قرفنا
Author: sumah
Date: 12-08-2009, 05:28 PM
Parent: #0
***
**
*
اتمنى ان لاتعيشوا
بذاكرة ضبابية خربة
الاشياء فيها لالون لها
ولاطعم ولا رائحة
لابد ان تخلص منهاهذه الذاكره
لابد ان تكون ذاكرتنا متوقده
تعالوا لينا وذكرونا دى صورة وردى
واللة انا غلطان
لن يكون وردى حادى الامة باى حال
فتشوا لينا اى صييت ومغنى
وما اكثرهم فى
بلادى
فحواء السودانيه
لم تعقر بعد
وانا اعرفهم انهم كثر
يلوكون صبرالابداع
المر
يغننونا الامل
يغنون للجياع
للغد .. للثورة القادمة
*
**
***
|
Post: #2
Title: Re: قرفنا .. وردى .. لم يعد حادى الامة.. قرفنا
Author: Nasr
Date: 12-08-2009, 05:35 PM
Parent: #1
مهما عمل يا سمعة
ما بننسي ليهو أصبح الصبح، وكان أكتوبر في أمتنا منذ الأزل، بلا وإنجلا، ويا شعبا لهبك ثوريتك
ركز معانا في المهم يا سمعة
كدا النسقط الحرامية ديل وبعدين أعملوا في وردي الداير تعملوهو
|
Post: #3
Title: Re: قرفنا .. وردى .. لم يعد حادى الامة.. قرفنا
Author: sumah
Date: 12-08-2009, 05:56 PM
Parent: #2
***
**
*
ياخى حرام عليك
مامكن تقولى برضو الترابى
يقيف معانا نسقط
جبهجيه القصر
وبكره نرجع للمنشية
مامكن دى حركات ساى
الكلمة سلاح
والنغم طلقة
والوتر المشدود
ومذوزن قوس يطلق سهام الحب
ويطلق سهام الثوره
لكن كفاية من عفا اللة عما سلف
قرفنا
قرفنا
قرفنا
*
**
***
|
Post: #4
Title: Re: قرفنا .. وردى .. لم يعد حادى الامة.. قرفنا
Author: sumah
Date: 12-08-2009, 06:11 PM
Parent: #3
***
**
*
يا نصر
تانى حرام عليك
نحن برضو ما بنسى
انو فى احلك الظروف انفزر
خلانا نعانى برد المنافى
والصقيع
وباعنا بثمن بخس
الناس الكتبوا الكلام ده ليه
ما انفزروا زيوا
انحنا ما دايرين نعمل فيه
حاجة اصحاب الحاجه عارفين نفسهم
خليكم من الحنيه الزايفة
خليكم من التمسك باشياء لاتسمن
ولاتغنى
نحن دايرين
شعب واعى
شعب
ذاكرتو حاضره
وصاحيه
ما تغيبوا ذاكرة الامة
ما تبيعوا لينا الترماى
نحن شعب واعى
شعب اسطى
سوف ناتيكم كطائر العنقاء
والثورة أتية
مهما
تخاذلتم
اعرفك ثائرا
ما اظنك تنسى ايام المعتقلات
وما اظنك تنسى الزنازين
الكنا بنقول فيها
الهمبريب يفتح
شبابيك الحبيب
تمنى ان تفتح ذاكتك ابوابها
ونخت ليك زياده رام
ان شاء اللة واحد قيقا
اصحى معانا يا نصر
ان النصر اتى
*
**
***
|
Post: #5
Title: Re: قرفنا .. وردى .. لم يعد حادى الامة.. قرفنا
Author: عبدالله علقم
Date: 12-08-2009, 06:15 PM
Parent: #3
لا يمكننا شطب تاريخ الأستاذ وردي بجرة قلم واحدة.. فمهما فعل ومهما يفعل لديه رصيده الكبير في النفوس.. عفوا .. وبحق الله .. دعوا وردي وشأنه..
|
Post: #6
Title: Re: قرفنا .. وردى .. لم يعد حادى الامة.. قرفنا
Author: sumah
Date: 12-08-2009, 06:24 PM
Parent: #5
***
**
*
ياخى نحن ماقلنا اى شى
عن ماتحسه انت تجاه وردى
نحن نتكلم ان الامه محتاجه لحادى
ييعبر عنها
حادى
مكتوى
بامرها
ما باعها فى اول لفه
بطلوا
زيف ونفاق
وردى وفى اول فرصه اهتبلها
وضع يدوا مع السفاح الظاهر فى الصوره
انت حتدافع عن شنو
شعب واعى بذاكره
حيه
*
**
***
|
Post: #7
Title: Re: قرفنا .. وردى .. لم يعد حادى الامة.. قرفنا
Author: بدر الدين الأمير
Date: 12-08-2009, 08:53 PM
Parent: #6
بل هو حادى السلطان والقتلة
|
Post: #8
Title: Re: قرفنا .. وردى .. لم يعد حادى الامة.. قرفنا
Author: Nasr
Date: 12-09-2009, 06:03 PM
Parent: #7
يا سمعة
"
نحن دايرين
شعب واعى
شعب
ذاكرتو حاضره
وصاحيه
"
وين مع الديكتاتوريات دي؟؟؟
البشير دا يحكم سنة واجدة زيادة إلا يحصل للشعب السوداني ما حصل لسكان قرية ماكندو في رواية مائة عام من العزلة، حينما فقد كل السكان الذاكرة وصاروا يلصقون أوراق مكتوب عليها أسماء الأشياء حولهم ليعرفوها
|
Post: #9
Title: Re: قرفنا .. وردى .. لم يعد حادى الامة.. قرفنا
Author: مدثر قرجاج
Date: 12-10-2009, 02:05 PM
Parent: #8
لماذا تحاولون ان تدفنوا امبراطور الاغنيه ومبدع كل الاجيال تحت انغاض الحكومة
لماذا نحاول ان نرى كل شى جميل من خلال هؤلاء العصبه لماذا لاننظر للامبراطور
نظره مجرده لنرى ذلك المجد الذى بناه ذلكم الفن الذى لن يسقط ابدا حتى
لو ركع وردى بين ارجل البشير ... لو كنتم ترون فى وردى ذلك المناضل فعليكم
ان تبحثوا عن غيره واذا اردتموه فنان فلن تجدوا غيره اما نحن فيظل وردى
كل شى لازلنا نحتفظ له فى زاكرتنا بكل ماهو جميل تشبعنا منه بالوطنيه والرومانسيه
وامتلئنا بالفرح من خلال صوته الجميل والحانه العبقريه
محبتى
|
Post: #10
Title: Re: قرفنا .. وردى .. لم يعد حادى الامة.. قرفنا
Author: sumah
Date: 12-10-2009, 03:58 PM
Parent: #9
***
**
*
سؤال بسيط عن ماذا يعبر الفنان
يا قرجاج
*
**
***
|
Post: #11
Title: Re: قرفنا .. وردى .. لم يعد حادى الامة.. قرفنا
Author: عزام حسن فرح
Date: 12-10-2009, 04:13 PM
Parent: #10
< وردي > قامتو الفنِية ما بِتعلو على < عُثمان حسين > بِأي حال مِن الأحوال ولولا المنافي والسفر المشا ليها < وردي > بسبب مواقفو السِياسِية الكانت لينا < طُوطم > كان أصبح < عُثمان حسين > أشهر مِن < وردي > ... < وردي > شُهرتو إرْتبطت بِثَوْرِتو ... كدي جردو < وردي > مِن الأناشيد الثَوْرِية ... حتلقو < عُثمان حسين > مُتَفَوِق عليهو بِكام درجة كِده ... الحِكاية مُجرد عواطِف < عُثمان حسين > عِشِقنا بِأغانيهو وألحانو كُل الأشياء البِتُعْشق ... < وردي > عِشِقْناهو بأغانيهو وألحانو الثَورِية ... لامِن يبقى مع العسكر ... بِتسقُط ثَوْرِتو ... وببقى فنان مُسجل في إتِحاد الفنانين بِأُم دُرمان ... وهِنا بِنقوم نقارنو بِفنانين إتْحاد الفنانين ... < وردي > إنتهى مِن تاريخو الثَوري النِضالي ... ناس البشير سوو شنو سمِح المِن أجلو < وردي > بقى رضيان عنهُم ... نميري كان بِقتُل البِعْملو عليهو إنْقِلابات عسكرِية ... طَيِب البشير إعْترف بِخشمو إن قتلى < دارفور > عشرة ألف بني آدم ديل ما ناس يعني في نظر < وردي > ولا بِفْتكِر إنهُم بِسْتاهلو القتل ... لا لا ... لو < وردي > بِقى مرفوع بِالقُوة 100 بلغيهو كفنان مِن حِساباتي ... لا دين ولا عُرف ولا رجالا ساي كِده بِتْخليني أعذِر < وردي > ... هو شنو هو ... الحِكاية مبادئ وقَيم ولا شِعِر وغُنا والسلام ... الناس بِتْموت هسِع وبِتُغْتصب في مُعسكر < كلما > ونسمع < وردي > بِغني للبشير " سوات العاصفة في ساق الشِتيل الني " بِالله كِيف تحْكُمون؟
|
Post: #16
Title: Re: قرفنا .. وردى .. لم يعد حادى الامة.. قرفنا
Author: sumah
Date: 12-10-2009, 06:38 PM
Parent: #11
***
**
*
عزام حسن فرح
وشهد شاهد من أهله
| Quote: < وردي > شُهرتو إرْتبطت بِثَوْرِتو ... كدي جردو < وردي > مِن الأناشيد الثَوْرِية ... |
Quote: ناس البشير سوو شنو سمِح المِن أجلو < وردي > بقى رضيان عنهُم ...
نميري كان بِقتُل البِعْملو عليهو إنْقِلابات عسكرِية ...
طَيِب البشير إعْترف بِخشمو إن قتلى < دارفور > عشرة ألف بني آدم
ديل ما ناس يعني في نظر < وردي >
ولا بِفْتكِر إنهُم بِسْتاهلو القتل ...
لا لا ... لو < وردي >
بِقى مرفوع بِالقُوة 100 بلغيهو كفنان مِن حِساباتي ... |
لا فض فوك عزام
فانت لاتخشى فى الحق لومة لائم..
بجيك تانى صادى .
*
**
***
|
Post: #12
Title: Re: قرفنا .. وردى .. لم يعد حادى الامة.. قرفنا
Author: ليلى عز الدين
Date: 12-10-2009, 04:42 PM
Parent: #1
قالها فى تقديم أغنية بلد رايح:
'وطنى لك العظمة !!
شكلتنى بنيلك و جبالك و غابااتك
و ما لى الا أن أغنى لك!! '
فنان هو قبل و بعد كونه سيااسى
محب للسلاام كاره لسيل الدماء و خساراة الارواح
منادى بفض الخلااف و الاختلااف
عجبى ..
من كل الصورة .. و كل الاحداث .. و كل المسؤولين
و كل الشهداء
نختار وردى لنعلن غضبتنا فيه!!
و كأن بيده مفتاح الجنة و سيف النصر
وردى أعطى الوطن ما كفى و زاد .. لم يقبض ثمناً البتة
بل دفع سنوات سجن و منفى فى وقت عطائه .. و نال ما نال من مهازل الزمن و محاكم الطغاة
إعتزل السيااسة و غنى لنا جيل العطاء
و سلمنا راية التغيير ..
فماذا أعطينا ؟؟
لاا فكرة و لاا منطق .. و لاا حتى تقدير لعطاء الغير !!
ياااااا للحسرة !!!!
على وردى و خمسينه الخالدة على رأس الوطن إكليل
على جيل العطاء الذى مازال ينتظر عطاء جيل وردى
على الثورات التى راحت ترعى و تنام فى حضرة جيل لاا يعنيها و لاا تعنيه
وردى ..
لك العظمة أنت ..
و للوطن الفخر بك
يكفيك أن الأرض تقول شكراً .. و التراب حمداً
لعمرك الطول فمنك نتعلم ....
|
Post: #13
Title: Re: قرفنا .. وردى .. لم يعد حادى الامة.. قرفنا
Author: ليلى عز الدين
Date: 12-10-2009, 04:47 PM
Parent: #12
سيد نفسه .. ميييييين أسيادو
أراد هو للأرض السلام
و للوطن السؤدد
لم يكن لأحد أن يسيِّره .. هو وحده من قرر
ماذا يغنى و لمن
طيلة مسيرته الفنية ساوى الحب بالتراب
و العشق بالكرامة
و الأغنية بالنشيد ..
و الوطن بالروح
تضحيااته كانت تمر مرور الكرام .. و آلاامه تضيع وسط الألحان
مواقفه يعرفها العسكر و الرؤساء
و لاا نعرفها نحن !!
و مع ذلك وقفها من أجل أرض يسكنها الطيبون
توسما فى جيل العطاء .. الذى أراده أن يكمل مسيرة بناء وطن وفق ما يهوى
و يحمل عبء أن يبنى الحياة و يبتكر
إن كانت إرادة و مواقف وردى صارت الآن لاا تمااشى رغبة الوطن
فلجيل العطاء ما له من إرادة و قوة تفوق صوت وردى و كمنجاته
و لتبقى لوردى مسيرة كفااح
يحفظها الوطن و تأريخة .. لأنها كانت أصلاا له
|
Post: #14
Title: Re: قرفنا .. وردى .. لم يعد حادى الامة.. قرفنا
Author: عثمان دغيس
Date: 12-10-2009, 05:33 PM
Parent: #13
| Quote: وببقى فنان مُسجل في إتِحاد الفنانين بِأُم دُرمان ... وهِنا بِنقوم نقارنو بِفنانين إتْحاد الفنانين ... |
في دي أنا بوافقك ...
وفي دي أي زول بيعرف يسمع المفروض ينصحه بالحفاظ على تاريخه ( الفني ) ويعتزل اليوم قبل بكرة ...!
لأنه ببساطة صوته ( فرق )
وتركيزه بقى زيرو ...
وزمنو بقى مجهجه ...
وصحتو ما بتستحمل ....
|
Post: #15
Title: Re: قرفنا .. وردى .. لم يعد حادى الامة.. قرفنا
Author: sumah
Date: 12-10-2009, 06:32 PM
Parent: #14
***
**
*
عثمان دغيس
وبرضو بعد كلو
الرجال مواقف
*
**
***
|
Post: #17
Title: Re: قرفنا .. وردى .. لم يعد حادى الامة.. قرفنا
Author: mahmed alhassan
Date: 12-10-2009, 08:13 PM
Parent: #15
| Quote: ما بننسي ليهو أصبح الصبح، وكان أكتوبر في أمتنا منذ الأزل، بلا وإنجلا، ويا شعبا لهبك ثوريتك |
وبرضو
كنــا زمــن نفتش ليك وجيتنـــا الليلة حارسنا يافارسنا (لعناية الراحل نميري )
ويظــل وردي الرقــــم تتســـع مســاحة ابداعـــة علي رقعـــة اليســأر الضيقــــة 0
|
|