Quote: كجبار والمجزرة لا لكن اتطرقنا للنوبة عموما !
نوبةعموما ... وردى غنى يابلدى يا حبوب وياابو جلابية وتوب ويا سمح يا زين ... بدون كجبار يكون سمح كيف!!! صحيح هارمونى عجيب !!!
نورالدين منان
Post: #19 Title: Re: وردي ونادية في هارموني .. موش حاتادر تغمض عينيك Author: خالد حامد الجزولي Date: 04-23-2008, 09:21 AM Parent: #17
ح نجهز شريط الفيدو الجديد ونعمل تيست ونقعد ننتظر هذا اللقاء التحفة يلا في الإنتظار كلنا والشوق كاتلنا
Post: #20 Title: Re: وردي ونادية في هارموني .. موش حاتادر تغمض عينيك Author: نادية عثمان Date: 04-23-2008, 10:53 AM Parent: #17
Quote: بدون كجبار يكون سمح كيف!!! صحيح هارمونى عجيب !!!
وردي غني يابلدي ياحبوب قبل مشكلة كجبار وقبل ميلاد هارموني بأكتر من تلاتين سنة فماعارفة العلاقة شنو بين سهرة وردي وكجبار وهارموني (عجيب ) يااستاذ نور الدين منان ؟!!
Post: #21 Title: Re: وردي ونادية في هارموني .. موش حاتادر تغمض عينيك Author: محمَّد زين الشفيع أحمد Date: 04-23-2008, 11:18 AM Parent: #1
الأُستاذُ / فيصل نوبي
لكَ الاحترامُ كلُّهْ ،
وأنا كذلكَ منْ المنتظرينَ
فهذا الرَّجلُ القامة ( محمَّد عثمان حسن وردي )
أنا أعشَقُهُ وفَنَّهُ منذُ سنينَ بعيدةٍ
جدَّاً ،
وقدْ أرهقني جدَّاً ذاكَ
الإعلانُ الذي يُنَوِّهُ بمجيئِه
ولا مَجيءَ أراهُ قريباً ،
وكنتُ وفي مُخَيِّلَتي أضَعُ اللَّومَ
على الأُستاذةِ / نادية عثمان مختار ،
ولكنِّي فهمتُ اكتشفتُ الآنَ أنَّها بَرَاءٌ ،
وأنَّها معنا في صالةِ الانتظارْ ،
فلكم ولها التَّحيَّاتُ عَبَقاً
وظلالا ،
وفقط كلُّ مَا أخشاهُ أنْ يَمُرَّ هذا اللِّقاءُ
دُونَ أنْ يَدْرِكَهُ أحَدٌ مِنَّا ..
ولكمُ الإعزازُ وكريمُ
المحبَّاتْ ..
احترامي ...
أخوك / محمَّد زين ...
Post: #22 Title: Re: وردي ونادية في هارموني .. موش حاتادر تغمض عينيك Author: نادية عثمان Date: 04-23-2008, 11:49 AM Parent: #21
محمد زين سلامات
Quote: وكنتُ وفي مُخَيِّلَتي أضَعُ اللَّومَ
على الأُستاذةِ / نادية عثمان مختار ،
ولكنِّي فهمتُ اكتشفتُ الآنَ أنَّها بَرَاءٌ ،
وأنَّها معنا في صالةِ الانتظارْ ،
فلكم ولها التَّحيَّاتُ عَبَقاً
وظلالا ،
اقايتو ( مخيلتك) ظلمتني عددددددديل !!
والله انا لا ذنب لي والبث في يد معتصم الجعيلي ممكن تتصل تسألو السهرة متين وسبب تأخيرها شنو رأيك شنو ؟
أقول ليك مبروك مرتين وكل مرة بمليون مبروك رغم علمي أنك تستحقين أكثر من ذلك بكثير ، وبدون مجاملة.
قناة هارموني سيدة التشويق !
وفعلاً متشوقون جداً لهذه الحلقة الرائعة .. كيف لا تكون رائعة وهي حلقة لقاء السحاب والقمم (وتلاقت قممٌ يا مرحى) ، فإن كان وردي هو هرمنا الأكبر في الفن الأصيل والطرب .. فأنتِ هرمنا الأكبر في أدب الحوار والمقابلات الفنية ، وبك نفخر ونعتز ..
مبروك نجاحك في الحلقة التي لم نرها بعد ولكننا نستطيع أن نتخيلها ونتخيل جمال روعتها وروعة أدائك فيها .. ومبروك لك جائزة الصحافة و .. ربنا يوفقك كمان وكمان ، وإلى مزيدٍ من النجاح والتألق .
Quote: فإن كان وردي هو هرمنا الأكبر في الفن الأصيل والطرب .. فأنتِ هرمنا الأكبر في أدب الحوار والمقابلات الفنية ، وبك نفخر ونعتز ..
والله ياخ الكلام ده كتييييييييير وكبير علي لكنو فرحني بس ما لدرجة الغرور وفي نفس الوقت خوفني من المسئولية وبتمني دوما أكون عند حسن ظنكم بي وتسلم من كل شر يااااارب قول آآآآآآآآآمين ..
الاستاذة الكنداكة نادية انت كاتبة محترمة واريد لك ان تنطلقى ببرامج قوية مليانة مواضيع ومواقف.. ومثل هذا اللقاء فرصة لإثارة مواضيع مهمة مثل مواضيع الارض واللغة والفن وانت الذكية التى عرفناها ونجاحك نجاحنا فلا تغضبى من كلامنا فهو انتقاد لنا جميعا ولوردى الفنان العظيم بالذات لنصلح من اخفاقاتنا وننجح سويا للنوبة.. فمن غنى لبلدى لا يمكن ان يتجاوز الام بلده.. دمتى وفى انتظار الشريط الجميل.. لك الود كله..
الرجل الجميل الدواخل جدا .. المحترم .. (بلدياتي) نور الدين منان
والله انا مازعلت ولا حاجة فلا تكن حساسا يارجل .. انا بس كنت بسأل اما عن محاور سهرة وردي
فقد تطرقنا فيها للنوبة واندثار اللغة النوبية وكيف يمكن الحفاظ عليها من خلال الفن ووو موضوعات كتيرة .. أرجو ان تستطيع مشاهدة السهرة .. وكن علي يقين ان كل توجيهاتكم لي هي أوامر ونصائح بغلاوة الذهب واستفيد منها جدا وهي مقدرة لدي جدا جدا جدا
هي سهرة بطعم الجمال كله .. الهرم وردي اوالفرعون كما اسماه الصحفي الكبير حسن ساتي ..والرائعة جدا نادية عثمان ..؟؟ نترقب هذا اليوم بشوق .. والتسجيل حتمي وربنا يوفق الجميع ..
Post: #49 Title: Re: وردي ونادية في هارموني .. موش حاتادر تغمض عينيك Author: نادية عثمان Date: 04-24-2008, 00:02 AM Parent: #47
الي كل من مر بهذا المكان ولم يجد صاحب البيت فيصل نوبي .. البيت بيتكم يا أحباب والف مليون مرحب بيكم جدا..
Post: #50 Title: Re: وردي ونادية في هارموني .. موش حاتادر تغمض عينيك Author: محمَّد زين الشفيع أحمد Date: 04-24-2008, 05:10 AM Parent: #1
الأُسْتَاذةُ والأديبةُ / نادية عثمان مُختار :
لكِ التَّحايـَـا على أجْنِحَةِ
المَوَدَّةِ والإحترامْ ،،،
Quote: ( عاين
انت بتعمل التشكيل ده كيف ؟ )
كُلُّ الحركاتِ الإعرابيَّـةِ والسُّكون تتمُّ بالضَّغطِ في ( آنٍ واحدٍ ) بين مفتاحيْ Shift وحرفٍ آخرْ ..
وإليْكِ بيانُها تتالياً :
* 1/ الفتحة : عليكِ بالضَّغط في آنٍ واحدٍ على مِفتاحي Shift + ( ض ) ________
* 2/ الفتحتان : Shift + ( ص ) _________
* 3/ الكسرة : بالضغطِ في آنٍ واحدٍ على مفتاحيْ : Shift + ( ش ) _________
Post: #55 Title: Re: وردي ونادية في هارموني .. موش حاتادر تغمض عينيك Author: عبود عبد الرحيم Date: 04-24-2008, 10:07 AM Parent: #1
... وتتوالي مفاجآت نادية ... بدأت هارموني امس الترويج لحلقة الارباب صلاح ادريس... رجل اعمال ورياضي وملحن وكاتب صحفي ... واليوم الخميس طبعا يتم بث حلقة وردي يا فيصل نوبي أنا بصراحة ما بلحيل علي وردي لكن نادية ... ما بنفوتا!!!
Post: #58 Title: Re: وردي ونادية في هارموني .. موش حاتادر تغمض عينيك Author: نادية عثمان Date: 04-24-2008, 10:43 AM Parent: #55
عبود الخليفة يازول الأخبار الجديدة لنج !!
Quote: وتتوالي مفاجآت نادية ... بدأت هارموني امس الترويج لحلقة الارباب صلاح ادريس... رجل اعمال ورياضي وملحن وكاتب صحفي
عليك الله الترويج بتاعة سهرة صلاح ادريس نزل ؟!!
ياجماعة أنا أسوي شنو هارموني دي بجيبوها كيف عشان أتفرج معاكم ياخ ؟!!
وجه مغيوووووظ !
Post: #56 Title: Re: وردي ونادية في هارموني .. موش حاتادر تغمض عينيك Author: عادل سهل Date: 04-24-2008, 10:13 AM Parent: #1
ياجماعة الخير الكلام دا كلوا والحلقة لليوم ما تم بثها ؟ ؟ ؟
الله يكضب الشينة بس.
كدى خلونا أول نشوف الحلقة وبعدين نجهز كلمات الإعجاب والغزل العذرى.
تحت تحت ـــــــــــ يا نادية إنتى ما بتحبى تسمعى عكس كلمات الإعجاب ؟( طبعاً مش عكسها شديد ). وبالمناسبة يا نادية والله غايتو عافى منك عجبتينى خلاص بتصرفك السريع والذكى فى التعامل مع " هبالة " وردى وتلة إيدو ليك وإنتى بتسلمى عليه أول مره.
Post: #57 Title: Re: وردي ونادية في هارموني .. موش حاتادر تغمض عينيك Author: نادية عثمان Date: 04-24-2008, 10:35 AM Parent: #56
عادل سهل
سلامااااااااات
Quote: كدى خلونا أول نشوف الحلقة وبعدين نجهز كلمات الإعجاب والغزل العذرى.
سموه قبل ما يلدوه.
الناس ديل بتغزلوا في وردي وماأظن وردي سموه قبل مايلدوه ولا شنو ؟!!
لكن أنا شغلتي أصلا محاورة لي اتناشر سنة وصح ممكن يكون الصحافة شئ والتلفزيون شئ أخر لكن الحاورت وردي هي زاااااااتها نادية الصحفية .. وبرضو ربنا يستر ويارب أكون عند حسن ظنكم بي يااااارب ..
Quote: يا نادية إنتى ما بتحبى تسمعى عكس كلمات الإعجاب ؟( طبعاً مش عكسها شديد ).
لا والله كان كده انت مامتابع كويس .. لانو أنا وأعوذ بالله من كلمة أنا علي مدى تاريخ اشتراكي في المنبر ده والله اتقال لي كلام ( مسيخ مساخة) ولا ليهو أساس من الموضوعية ولا النقد الهادف البناّء ورغم كده الحمد لله رب العالمين ماعندي حساسية مع زول ودائما شعري هو أن اختلاف الرأى لا يفسد للاحترام والتواصل الايجابي بين الناس أى قضية ولا ماكده ؟!!
Post: #59 Title: Re: وردي ونادية في هارموني .. موش حاتادر تغمض عينيك Author: محمد عبد الماجد الصايم Date: 04-24-2008, 10:49 AM Parent: #56
Quote: وين ود الصايم
شيخ العرب
نحن خلصنا فوق
Post: #61 Title: Re: وردي ونادية في هارموني .. موش حاتادر تغمض عينيك Author: عادل سهل Date: 04-24-2008, 11:19 AM Parent: #59
Quote: شيخ العرب
نحن خلصنا فوق
ود الصايم العتب على النظر
يأخى جهجهتونا مع ود البشرى بصورة البروفايل ( برضو عايز أعمل وشوش بس ما بعرف )
بالمناسبة أنا حاجز أخر خمس بوستات ليك لدخول الألفية الثانية ( عدد البوستات 2000 )
وبمناسبة الخميس دى يا عمك ما عندك حفل كده دكاكينى للموضوع دا وتعزم لينا ود البشرى لمناقشة بعض مواضيع البتننة؟
Post: #62 Title: Re: وردي ونادية في هارموني .. موش حاتادر تغمض عينيك Author: محمد عبد الماجد الصايم Date: 04-24-2008, 11:24 AM Parent: #61
Quote: وبمناسبة الخميس دى يا عمك ما عندك حفل كده دكاكينى للموضوع دا وتعزم لينا ود البشرى لمناقشة بعض مواضيع البتننة؟
والله يا شيخ العرب من معركة ذات البتاتن ديك الواحد خرمان ليهو لي سواقة ليل وكدا
أصحاب التجليات زاتم مشو وين ما عارف
وبي مناسبة الوشوش دي هاك دا
Post: #60 Title: Re: وردي ونادية في هارموني .. موش حاتادر تغمض عينيك Author: عادل سهل Date: 04-24-2008, 10:56 AM Parent: #1
Quote: والتواصل الايجابي بين الناس أى قضية ولا ماكده.
لا والله كده ونص وخمسة.
صحيح أنا مش متابع ( لأنى جديد شوية فى المنبر ) لكنى على وعدى برجع بعد الحلقة . . .
اليوم إكتشفت فوق للقلته أنه صدرك وسيع وشكلك زعلك ما قريب . . . أتمنى ليك التوفيق .
Quote: واليوم الخميس طبعا يتم بث حلقة وردي يا فيصل نوبي
ياعبووووووووووووووود
السهرة بكرة الجمعة ياخ ما الخميس ماتلخبت لي نوبي أيامو خاصة يوم الخميس ده لأنو عندو فيهو أشياء خاصة مابلعب فيها على رأسها ( الزقني والانجيرا) ولا ايه ولا أييييييييه علي رأي وردي ؟
والله العظيم عرفنا الاستاذة الرائعة المبدعة دوما أماني عثمان ووالله العظيم حأشوف الحلقة برغم القبلهاوالقبليها والقبليها والله يكتلني من هسة ضمان 100% للشوفة والتعليق بمؤونات سنين ودنين والله يكتل اي زول قرى عنوان البوست برة ودخل جواهو قناة هارموني دي: مش حتأدر تيأمض عينيك (مع صورة خيالية للبنات البقولو (متل هيك ولا هادا ولا كدة زاتو) الكلام ده) والله يكتل أي زول قرى العنوان ولا قرى البوست وما خشة والله يكتل أي زول عارف مواعيدو بيتين ولكن قام إتعزز الليمون والله يكتل أي زول هنا عيون متشحتفات بالبوست ده قدر ما يفتح السودانيز يلقاهو قدامو وبرضو ما بخش والله يكتل الزول الماختا تاريخ الحلقة عشان نشوفا والله يكتلني أنا زاتي لو كضبت عليكم وقلت ليكم: لقاءات الاستاذة دي كلها ما بتذكرني الجمعية الأدبية بتاعت زماااااااااااااااااااااااااااااااااان ومؤونة عام كدة من أي حاجة (حرية الإختيار مكفولة للجميع بحكم قوانين المنبر)
Post: #74 Title: Re: وردي ونادية في هارموني .. موش حاتادر تغمض عينيك Author: نادية عثمان Date: 04-25-2008, 01:52 AM Parent: #73
Quote: والله العظيم عرفنا الاستاذة الرائعة المبدعة دوما أماني عثمان
أماني عثمان دي منو زميلتنا في المنبر ؟!!
الله يكتلني ماعرفتها !!
والله يكتلني فرحت بحضورك للبوست رغم اني مافهمت نص مداخلتك !!
والله يكتلني دخلت البوست الانت فاتحو عن سهرة صلاح ادريس باريحية وقلب مفتوح والله يكتلني ماعارفة بتقصد شنو من الكلام الفي البوست لاني مافهمتو لكن الله يكتلني شاكراك كتير علي التنبيه لسهرة صلاح ادريس وتسلم يارب..
Post: #75 Title: Re: وردي ونادية في هارموني .. موش حاتادر تغمض عينيك Author: نادية عثمان Date: 04-25-2008, 10:56 AM Parent: #74
Quote: اليوم إكتشفت فوق للقلته أنه صدرك وسيع وشكلك زعلك ما قريب . . . أتمنى ليك التوفيق .
عادل سهل يازول ياراقي
تسلم يارب وسعة الصدر برضو شهادة بعتز بيها منك ودعاءك الطيب لي بالتوفيق ده أروع هدية والله..تسلم يارب
Post: #82 Title: Re: وردي ونادية في هارموني .. موش حاتادر تغمض عينيك Author: عادل سهل Date: 04-25-2008, 08:41 PM Parent: #75
لكن بينى وبينك يانادية الناس الحلوين الغنوا فى البوست دا قبل يث الحلقة
تفتكريهم راجين وردى ولا نادية ؟ ؟ ؟
بصراحة أنا اشك فى إنهم كلهم معجبى وردى.
غايتو أنا شخصياً قعدت لحد ما بدت الحلقة وحالياً هى شغالة . . . وعند أول Break طلبتى فيه سماع اغنية من وردى ، إنتهزتها فرصة قمت صليت فيها العشاء ورجعت. وحالياً متابعين . . . فى هارمونى وفى البوست.
Quote: عادل سهل يازول ياراقي
تسلم يارب وسعة الصدر برضو شهادة بعتز بيها منك ودعاءك الطيب لي بالتوفيق ده أروع هدية والله..تسلم يارب
الشكر أيضاً يانادية لا يصدر الا من شخص شفيف ، سأدعو لك بالتوفيق دائما إنشاء الله لأنك تستاهلى كل خير.
Quote: لكن بينى وبينك يانادية الناس الحلوين الغنوا فى البوست دا قبل يث الحلقة
تفتكريهم راجين وردى ولا نادية ؟ ؟ ؟
بصراحة أنا اشك فى إنهم كلهم معجبى وردى.
لا طبعا .. أنا معاك ماكلهم معجبين وردي !!
في ناس معجبين بي وده ماغرور لكن اعجاب الناس ديل بي لأنهم حاسين انو نجاح نادية هو نجاح ليهم لأنو نحنا في سودانيز أون لاين أسرة وااااحدة بنفرح لي بعض من قلوبنا وبنزعل لي بعض عششان كده أنا فرحانة بيكم وبحبكم كلكم ولولا تشجيعكم ماحققت نجاح لا في الصحافة ولا في التلفزيون ..!
عندك التلفون لازم تتصلي .. وسالت عنك محمد عبد الكريم
Post: #90 Title: Re: وردي ونادية في هارموني .. موش حاتادر تغمض عينيك Author: عماد محمود علي Date: 04-26-2008, 07:39 AM Parent: #88
Quote: في ناس معجبين بي وده ماغرور لكن اعجاب الناس ديل بي لأنهم حاسين انو نجاح نادية هو نجاح ليهم لأنو نحنا في سودانيز أون لاين أسرة وااااحدة بنفرح لي بعض من قلوبنا وبنزعل لي بعض عششان كده أنا فرحانة بيكم وبحبكم كلكم ولولا تشجيعكم ماحققت نجاح لا في الصحافة ولا في التلفزيون ..!
الزوول يا حبيبنا سلامات و أخباركـ .. ياخ كلكم راع و كلكم مسؤل عن رعيته .. شايف الصحافة ما قصّر .. و من طرفنا هناكـ تقصير واضح .. المهم انه اللقاء يتنقل صوت و صورة و عليكم بالنقد ..
_ اذا لقيت انه في شيء ما إتنقل هنا بإذن الله أجيبه .. و إيد علي إيد تجدع بعيد
