من ناس ديله وا أسفاي ووردي و التحليل الموسيقي

Click Here To Download The Song

هذا العمل من الاعمال التي قام صلاح محمد ابراهيم الرجل الشهم بتمويلها واوكل الي شخصي كل المسؤليه. ووردي راجل بحب الموسيقي والانشغال بها موت وكنا ايامها في القاهره وكنا نفترش ارض منزله العامر سويا هو يعزف العود ويغني وانا اكتب النوته
وكنت حينما اغيب ولعلمه بانني اعجمي دنقلاوي اعشق القراصه
يتصل تلفوتيا قائلا يوسف بالله تعال افطر في قراصه سمحه بي تركين
واخوكم ضعيف يقوم يركب تكسي مخصوص عشان يلحق القراريص وقد تكرر هذا المشهد مرارا
ان لقاء وردي في هذه الاغنيه مع اسماعيل حسن هو لقاء السحاب فعلا
من منا اهل الموسيقي لم يردد هذا الكلام في اسي حينما يري عدم الوفاء بطل بوجهه القبيح وحينما نري بعض الذين يعانون من قصر النظريستخفون ويحاولون التقليل من قدر المبدعين وما الذي يحدث لبلوم الغرب عبد الرحمن عبد الله الا بشاهد حي وهاهو لسان حاله وكأنه يردد واأسفاي ارادة المولي رادتني وبقيت غناي

واسفاي بالتوزيع الاخير الذي نشرفت بالقيام به وقد كان في السنة الثانيه من التسعينيات و
يبدا بالاربيج الاساسي للاغنيه التي تقع في المقام الصغير الاعتيادي
مقدمه تقودها الوتريات اللحن الاساسي وهارمونياته علي درجه ثالثه
ثم يدخل البيز جيتار الذي يلعب الفكره الاساسيه لمقدمة الاغنيه وهذا لعمري من الافكار التجديديه في الموسيقي السودانيه
وهو فكرة وردي ولكني اصبغت عليه التنويع اي مايسمي
Variation
في الموسيقي اي التلاعب في اللحن بطرق عديده مختلفه ويستمر الحوار بين البيز جيتار والوتريات تمهيدا لدخول المذهب الغنائي الذي يبادر به الكورال النسائي ويرد عليه وردي ثم ترد الة السنثسايزر
ويكمل وردي في حوار كاونتربوينتي مع الوتريات
ثم مع الكورال مره اخري قي اسوي شنو
لتعود المقدمه بكاملها
ويعود الكورال بكلمة منو ويجاوب وردي في حوار شديد البلفونيه
اي كثيف الاصوات المتعدده ويستمر اللحن في تصاعد مذهل ليصل الي احدي قممه عند كلمة في الدوباي المتنوعه اللحن المتعرجه
الي ان يرجع الي اللحن الهادئ في ببيع الدنيا وعشان خاطر عيون حلوين يجاوب الكورال في حركه عكسيه رائعة الاداء
الي ان يصل الي معاكي سلامه يادنياي
لننتقل الي القسم الثاني بفكره جديده ولكن مرتبطه مقاميا بالاولي
والحوار هذه المره يشمل الفلوت في بتمدد وبتوسد
الي ان يصل الي ببكي انا في حوار لحني بديع
ويتواصل الحوار المتنوع الي ان يصل الي متوكل عليك
وفي بريق البسمه تدخل الالات النحاسيه بشكل مؤثر وكبري من الكمانات تمهيدا لدخول واسفاي الاساسيه تمهيدا لدخول الفكره اللحنيه الثالثه
وهي شديده الرومانسيه من حيث التعبير اللحني ويبدا الحوار الجديدبمقدمه موسيقيه جديده تسبق هذا القسم اسفاي
اذا ماشفت ناس سمحين يتاتو الي وصوله لكلمة يرمح جاي تمهيدا لحليل التي تلبس حلة لحنيه مختلفه
فيها شيئ من الشجن الاليم ثم من ناس ديله ومن زي ديله وا اسفاي
بكل اسي ثم تأتي القفله الجديده بادئه بالتوافق الصوتي الذي كنت اغنيه معه ويمكن للسامع ان يميزه في النهايه الممدوده
ليأتي التوقيع النهائي للقفله مشتركا وبكل كثافة الاوركسترا مع سيطره واضحه للنحاسيات

طبعا هذا التوزيع واجه الكثير من التأزر كما واجه الكثير من المؤامرات من بعض الذين لايعجبهم العجب وليس لديهم الشجاعه
لمواجهة تحليلاتنا ولا منطقنا رغم علمهم برحابة صدرنا ووعينا باهمية النقد لقد حاول احد الصحفيين السودانيين كأدعائه بان هذ العمل اليكتروني برغم ان الات الكمان عزفها امهر عازفو الدول العربية قاطبة ان يلعب ادوارا لاتشبه اخلاق السودانيين سيتم كشفها في الوقت المناسب ونحن سنفعل ذلك للتاريخ كي تتعلم الاجيال القادمه
وليبل هؤلاء رؤوسهم فهذا المنبر هو معولي لهدم الاكاذيب مع حبي لكم
وا أسفاي
كلمات اسماعيل حسن
لحن وغناء محمد وردي
التوزيع الموسيقي يوسف الموصلي

وا اسفاي
ارادة المولي رادتني وبقيت غناي
وحاتكم انتو واأسفاي
ارادة المولي رادتني
وبقيت غناي
اسوي شنو مع المقدور
براهو الواهب العطاي

منو البيدور يساهر الليل يسافر
فوق جناح الشوق يكوس نجما بعيد ضواي
اذا وصفولو ارض الحور
تلاقي قوافلوا طول اليل تشق التيه
تجر النم مع الحردلو في الدوباي
واسفاي ببيع الدنيا كل الدنيا وااسفاي
عشان خاطر عيون حلوين وااسفاي
منابع الطيبه متجاورين وااسفاي
ومتسامحين وفي السمحين
واسافر فوق صبي العين معاكي
سلامه يادنياي

بتمدد وبتوسد وسادة شوق
وانوم مرتاح وخالي البال
واقالد تاني عهد صباي
عشان ماتبكي ببكي انا
واحاكي الطرفه في نص الخريف بكاي
حمولي تهد جمال الشيل
وفايت في العتامير ليل
ومتوكل عليك ياألله دافر الليل
بريق البسمه ان لاح لي
بتتفنح مشاتل الريد
واحس في الجوه جوه الجوه
زغرد فيها صوت الناي

اسفاي اذا ماشفته ناس سمحين يتاتو
زي قدلة جني الوزين يتاتو
تلاقي قليبي يرمح جاي
لما يتاتو زي قدلة جني الوزين يتاتو
حليل الكان بيهدي الغير
صبح محتار يكوس هداي
من ناس ديله
واأسفاي
من زي ديله
واأسفاي
ارادة المولي رادتني وبقيت غناي

الصادق اخوي اها يديك العافيه واعملو لينا كورس ساهل في التنزيل عشان مانتعبكم

نعم اخى الموصلى فعلا لقاء السحاب كالوحات الفسيسفسيه اذا جملها بى تناغم الوانها واذا غاب عنهالون فقدت روعتها وجملها لكم ولك مبدعى بلادى تحية اكبار وجلال

تسلم يالمهندس ولاعدمناك ابدا

والله يا موصلى ما حتقدر تتصور ابدا مقدار الفرحة الحسينا بيها، وأنا شخصيا عند صدور هذا العمل الفريد فعلا، وأنا من المتطرفين فى القول بضرورة توزيع جميع أعمالنا الإبداعية خاصة المتميز منها

والعمل ده بالتحديد كنت أتأبطه ليل نهار معى كدليل وبرهان على جمالية وقيمة الأعمال الموزعة والمبذول فيها جهد، ومرات عديدة جدا كنا نقوم بسماع وا أسفاى وقلت أرحل باللحن التقليدى العادى ثم بعدها مباشرة نسمعها وإنت تموسق فيها كل ذلك الجمال وتزرع فيها كل تلك الورود الإبداعية، ونقول لى الناس

أها اسمعمو يا عالم، شوفو الفرق

شوفو الجمال

الله يديمك يا موصلى ويخليك لينا

آمين

شكرا يا
The rain
وان شاء الله مطرك تخدر شتلات الابداع فينا

يا رايع دايما اتحفنا بي روايعك وربنا يزيدك وفعلا وا اسفاي من ناس ديل.

يابت مرتع الفن الاصيل
هاك كمان شكري الجزيل

شكرا يا حبوب المستقبل كلو للبورد ده وللوب ده

عزيزي بكري
أسمح لي أصححك
إذا كان رب البيت بالدف ضاربا
فشيمة أهل البيت كلهمو الرقص
eccentric habit former

مشكور جدا يا
Buttlaymoos
يديك العافيه

وا أسفاي على بعدك من ..مناخك
..من ربوعك .. من أفيائك
. أيها الصادح.. بألحان الهوى الأول

ابو مهيار
امتي ارجع لامدر واعوده
اشوف نعيم دنيتي وسعوده
تسلم

منو البيدور يساهر الليل يسافر
فوق جناح الشوق يكوس نجما بعيد ضواي
اذا وصفولو ارض الحور
تلاقي قوافلوا طول اليل تشق التيه
تجر النم مع الحردلو في الدوباي
واسفاي ببيع الدنيا كل الدنيا وااسفاي
عشان خاطر عيون حلوين وااسفاي
منابع الطيبه متجاورين وااسفاي
ومتسامحين وفي السمحين
واسافر فوق صبي العين معاكي
سلامه يادنياي

الرائع صلاح احمد إبراهيم عليه رحمة الله
الرائع الموصلي
الرائع وردي

قاماتكم بشموخ بلادي
متع الله الموصلي و وردي بالعافية
و رحم الله شاعرنا
تعانق مسامعنا روائعكم فلا تملك أرواحنا إلا ان تنتشي و تشرب من سلافة الإبداع

و الرائع المرحوم اسماعيل حسن شاعر القصيدة دون تقليل و نقصان بالرائع صلاح احمد ابراهيم شاعر الطير المهاجر يا نهي

كلهم رائعين فعلا يالمسافه
اسماعيل حسن شاعر الاغنيه
وصلاح احمد ابراهيم الطير المهاجر ووردي وصلاح محمد ابراهيم منتج وممول هذا العمل
الرحمه للراحلين وطول العمرللاخيرين
يديك العافيه

انتم ايضا رائعين يانهي وانتمائكم لفنون بلادك
لا يتطرق اليه الشك
دمتم

الحبيب الموصلى

لك الشكر ايها الرائع وانت فى كل يوم تزيدنا ابهارا بشخصك المبدع ..
حقا تلك الاغنية بعد توزيعها زادت جمالا وبهاء وقد تملكنى حب للتوزيع بعد سماعى لتوزيع اغنية وردى الود بواسطة الموسيقار اندرية رايدر - ان لم تخنى الذاكرة- فكان عشقا للتوزيع وودت لو ان كل اغانينا تم توزيعها..
حقا بصماتك سيدى لا تخفى فهى اعطت العمل رونقا على رونقه وجعلته لوحة ناطقة ..
سلمت يداك سيدى وسلمت افكارك الخلاقة
ونحن دومما فى انتظار المزيد من التحليل للاعمال الجميلة حتى نعيشها اكثر
مع تحياتى

قرشو الصديق انتم للسودان ونحن لكم
تحياتي الخالصه لكم

الموصلى؟؟؟؟؟؟؟؟؟؟
يابو الشباب ماوريتنا التطورات الحاصلة فى علاج الاستاذ عبدالرحمن شنو,,وعملتو الحفلة ولا لا والزملاء الاتجاوبو معاك فيها لسه على كلامهم ووعودهم والخطوة الجاية شنو واسئلة كتيرة ياخ دايرين نعرف تفاصيلها منك وعليكم الله خلونا فى الصورة ساى مدام عجزنا نقدم المساهة الماديةوانشاء الله نساهم معاكم بالشورة ساى موش الكيزان قادننا بى امرهم شورى بينهم اها نحن زاتنا امرنا شورى بيننا والدين دا برضو حقنا
وجد ربنا يمتعكم بالصحة انت والرائع وردى وكل مبدعى بلادى

اخوك ودالديم

ان شاء الله الحفل قائم والفنانين ملتزمين وخلال ايام قليله
سنفيدكم بالتفاصيل اما التبرعات فهي مفتوحه ورقم الحساب موجود في بوست صلاح غريبه وبنبن
لك الشكر الودود

!!!ود غثمان بلال

تكلمت فأوضحت , وطبقت فانجزت ,, ما اروعك ,, واقول ليك وا اسفاى من الناس الذين يريدون التثبيط من الهمم والوبل لهم , وهذه ليست غريبة من هؤلاء ذوى الآذان المتسخة وفاقد الشئ لايعطيه,, فالى الامام ومزيدا من النماء والتفاعل



ولك ودى وحبى الشديدين


سمندلاوى

والله ماقصرت تب ياصاحب الكمنجه الحنينه
ونحن في انتظار سمندلاوياتك

!!ودعثمان

تانى جيتك ,و تعرف انا هسى فتحت البوست دا تانى لانو الخواجات الساكنين تحتى جونى جارين جرى لما دخلت البوست اول مرة بى اقصى درجة لسماعات الكمبيوتر ,و تعرف استغربوا واندهشو للبيز الخطير وباقى العمل ,و على فكرة هم برضو مزيكاتية خطرين جدا, واعجبوا كثيرا بالعمل

ولك حبى

سمندلاوى

كتر خيرك يابكري والبيز ممكن يكون قائد كبيرللاوركسترا لو وظف توظيفا صحيحا
اها ذكرتني لما كنت بعمل المكساج الاخير لاغنية سوف ياتي
للموسيقار محمد الامين
في كاليفورنيا ان قال لي صاحب الاستديو وهو موسيقار له جوائز عده
اننا يمكن ان نكسب الملايين بمثل هذا الزخم الموسيقي
لكن ماعارف نحن مالنا
يديك العافيه

فى الفن
ما بين أبداع وأبداع
شهقت الحانك فى
طافت فى الظلال
ضفقت اضبط ساعتى
وفق احترافك
وفق مزاميرك
صوب الاجلال
هنـــــاك
صوب الابداع


ابدعاتك بتخش جــوه ملاين السنين تحنان


مبدعنا الموصلى
حفظك الله


تحياتى
غدى

عزيزتي غدي انا مقصر معاكم كتير وانتم تستحقون
اضعاف ماقدمناه لكم ونرجو ان نعوضكم قريبا عن
غيابنا القسري عنكم وحتي ذلك الحين نرفع قبعاتنا
احتراما وننحني

تحليل رائع من رائع لعمل رائع. هذا حقيقة ما أسميه الأبداع المنفلت من حصار التقليد وهكذا تبدأ مسيرة التطور في كل مناحي الحياة وتتطلب شجاعة وتصميما وقوة إرادة، فلك الشكر أيها المبدع وسدد الله خطاك في مسعاك نحو تطوير اللحن والموسيقى السودانية لتواكب العصر ولكل عصر متطلباته وذوقه الفني. أغنية أسفاي درة في فننا من حيث الكلمات وللحن والأداء والتوزيع، وقد جاءت في وقت كنا مللنا فيه رتابة اللحن التقليدي وكنا نتهيا للتغيير وننتظره بفارغ الصبر فكانت أسفاي هي المبغى وهو نفس الحال عندما جاءت أغنية خاف من الله لتزيل السأم والملالة من النفوس. لا يعني ذلك أن اللحن التقليدي ذا الوتيرة الواحة معاب وقبيح وإنما يعني لكل زمان ذوقه الفني ويظل اللحن التقليدي له مكانته في نفوسنا وتراثنا الفني

ابو سوزان تسلم والماعندو كبير ماعندو شيئ
ونحن نحترم كل من سبقنا ولو بخطوه واحده في عالم الفن
وقد تعلمنا كثيرا من الذين سبقونا
ونرجو ان نورث الاجيال القادمه علما وابداعا كي يتفوقوا علينا وهذا فخر لنا

يا معلم ... طبعا دة عمل عظيم .. لكن الا تري معي ان الايقاع العام للعمل tembo كان بطيء بعض الشي؟؟
لماذا ؟؟

السرعه في البدايه كانت ابطأ من المعتاده وده انسحب علي كل العمل
لكن خلي التعبير الدرامي اكثر ملامسه لمعني اسفاي
في رايي
تحياتي يابو خدره وماتتطول الغياب

مع كتابتك وتحليلك لها سمعتها سمع يختلف

التوفيق هنا ....

اغنيه لها تاريخ صياغى اصاغتنا وجدانيا فللجميع التحيه .

شكرا عزيزي حمزه واسماعيل حسن ده زول ماعادي
الله يرحمه

والله لا نملك إلا الوقوف لك إجلالا ولوردى إفتخارا ولإسماعيل حسن تبجيلا وإحتراما وللوطن الذى أنجب أمثالكم تقديسا وإكبارا
الله يحفظك يا موصلى بقدر سعة قلبك
ولك الحب

دمتم ياود الجعلي
ان الشعب السوداني شعب ذواق بحق
فان اجدنا وابدعنا فلاننا من ابناء هذا الشعب العظيم

يا ريتك تجى السودان
عشان تكون مدرستك فى كل
شارع و بيت وكل ساحة وحارة
وعشان ناس ديل يعرفوا
شنو معنى المنهجية فى الموسيقى
سودانا محتاج ليك

السنجك



شبيك ابوى لبيك
نحنا اولادك ديك
ساجدين امامك ليك
عشان تبقالنا حرية و عدليه وتبقالنا يا بلدى ابد الابدية

الاستاذ الموصلى

هانذا اسير بين الناس مبتهجة
يزداد وجهى اشراقا
احس اننى اكبر منى
فقد تعلمت شيئا جديدا

واى شئ ... اجمل واحب الاشياء الى قلبى .. شعرا وموسيقى

ومن اى معلم .. معلم اجيال

لك الشكر بحجم كل هذا

والتحايا

ونحن ايضايا
Dreams
تكبر طموحاتناوتتفتح في دواخلنا الكثير من ورود الابداع بمثل هذا التشجيع
لكم الموده

السنجك الله يديك الفي مرادك ويديني
ان كمان واول مرادي ارجع للسودان المعافي وربك يسهل

الاستاذ الموصلى
اسمح لى بهذه المداخلة البعيدة عن الموضوع لكنها ليست بعيدة عنك

بالامس كنت استمع الى كاسيت يغنى فيه على السقيد وهادية طلسم من فرجينيا .. وكان اداءهم قمة فى الروعة
استمتعت جدا بكل الاغانى ولكنى عندما استمعت الى (كل النجوم) وجدت نفسى اسرح فى مبدعين اخرين .. الموصلى و النخلى

جيتى ومعاك جانى الصباح ..عم الفرح حزن الحروف
ياطيبة زى دفقة طمى ..بالخير غشت جدب الجروف

ما اعذب الكلمات .. ما اجمل الاداء .. ما اروع اللحن


اطمح ان تكون (كل النجوم) هى القادمة من اهداءتك لنا عبر تحليلك الممتع

ولك التحايا

نعم يا
Dreams
السقيد وهاديه ثنائي خطير وانا دايما ضعيف قدام طلباتم
اول شيئ التنين قلعوا مني كل النجوم
بعدين السقيد قلع رجعتي القلب ثم ومداك مداد
وهاديه شالت جميل المعني وبعدين كبرياء واخر حاجه مع البلابل قلعو الطريق ونار هواي وحبيتك حقيقه
اسوي شنو مع المقدور براهو الواهب العطاي
وطلبك مجاب ان شاء الله

ياريت يالسنجك

up...

تتبارك يالمريود كتير ماشويه

استاذنا الفنان
تعرف الاغنية معششه معاه ضمن زكرياتي طفولتي
وطبعاً سعتها اول ما وزعتوها في التسعينات
والآن اسمعها ويتأكد تماماً ان سندسك سيظل مورقاً واخضراً ابد الآبديين

ابو مهيار ود امي
السنجك اخوي
تأكدوا انو الموصلي رغم غيابو عن ارض الخرطوم إلا انه حاضر في قلوب محبي الجمال ( حبيبي غاب في موطن الجمال بلاقيه ) فالسودانيين يلاقونه في كل بارقة جمال وما اكثرها واشد بهائها وهي تلوح مبهجة يومهم
لا تأسوا كثيراً
الجغرافيا في عرف المحبيين الاصيلين ليست حاجز
الموصلي فينا كما السودان لن يغب عنا ولو حاولوا تغييبه
وتسلم ياالفنان

استاذنا الفنان
تعرف الاغنية معششه معاه ضمن زكرياتي طفولتي
وطبعاً سعتها اول ما وزعتوها في التسعينات
والآن اسمعها ويتأكد تماماً ان سندسك سيظل مورقاً واخضراً ابد الآبديين

ابو مهيار ود امي
السنجك اخوي
تأكدوا انو الموصلي رغم غيابو عن ارض الخرطوم إلا انه حاضر في قلوب محبي الجمال ( حبيبي غاب في موطن الجمال بلاقيه ) فالسودانيين يلاقونه في كل بارقة جمال وما اكثرها واشد بهائها وهي تلوح مبهجة يومهم
لا تأسوا كثيراً
الجغرافيا في عرف المحبيين الاصيلين ليست حاجز
الموصلي فينا كما السودان لن يغب عنا ولو حاولوا تغييبه
وتسلم ياالفنان

يالجندريه نحن بيكم بنقي وبلاكم ياشعبنا الكريم لانساوي شيئا فأنتم الاصل ونحن الفرع وما اجمل اصول شعبنا وفنونه سلمتي
يابت بلدنا ياراقيه

تصدق
كلنا بنحبك يا يوسف

وحبكم لي في مقادير احساسي لا تساويه كنوز الدنيا
يافادل لك كثير محبتي

حقيقة ياأستاذ (وا آسفاى ) رائعة إذ التقى فيها ابداع الكلمة واللحن والموسيقى . والتقى فيها أهل الإبداع . وماتهتم ياخال لناس ديلا . يديك العافية استاذ الموصلى وبالجد أنا الليلة سمعت الأغنية وكما أنى أسمعها لأول مرة . ولك إحترامى

ــــــــــــــــــــ
أنا بلدى بلد الخير والطيبة

يابدري تسلم والحمد لله ناس ديله ماكتار

ياخدر ياكيشه
موصلي ابوهديل يتحداك ويجييك في حتتك ويدخل محكمتك بعصايه مضببه وتخاف وتجري منه
سؤالك مجيه وفي محلته لكن كنت اتوقع منك اكثر وانت الذي هددت واوعدت وانزرت وتوعدت بان تقيم وتشكل لموصلي محكمه استبشرت انا بها خيرا وجهزنا ليك وما بنت
اقول ليك كيشه ليه؟
اولا هذا الشريط قلت ارحل اثار دنيا الفن ةالموسيقي السودانية ولم يقعدها الي الان
ثانيا هذا الشريط والعمل الموسيقي وان أختلفت فيه الاراء لم يجد الي الان من يرتفع الي علم وشجاعة ابوهديل للتصدي لمثل هذا التحدي والمخاطره والجرأة في تجديد او تغيير اكثر الاغنيات شيوعا وحبا والتصاقا في اذن المستمع السوداني المرهفة خاصة اذا كانت هي بعض اغاني فنانا بقامة وشموخ الاستاذ محمد وردي
ثالثا هذا العمل نال من التعليقات ماهو جدير بالبحث والتحليل والتفنيد والنقاش العلمي الهادي وصولا لغايات
سامية منها
الخروج من رتابة الاغنية السودانية كما ينتقدوها دائما اهل علم الموسيقي داخل وخارج السودانThe Monotony and Repeatitious of the Sudanese Song وهنا يحضرني سؤال مهم جدا وجهه الاستاذ المرحوم الفكي عبد الرحمن طيب الله ثراه في حلقته الشهيره مع البلابل في وجود الاستاذ أنس العاقب والموسيقار بشير عباس بأن سألهم الأثنين قائلا هل أنفكينا من قبضة كرومه؟
لم تعجبني أجابتهما في حين الفكي ذكر أنه وجه نفس السؤال للاستاذ محمد وردي فكانت اجابته سريعة ومقتضبه قائلا وننفك ليه؟
ياتري هل حاول ابو هديل ان ينفك من قبضة كرومه ويخوض الصعب كما عهدناه ويأتي لنا بالجديد واجديد شديد كا يقولون؟
كما تروا أن ابوهديل بتجربته هذا الفضول والعلم والتحد منا ومازال سمحا يدعونا لمائدته الفنية كل يوم بسماحة العالم واثق الخطوة الذي يمشي ملكا وطيب خاطر الموسيقار السوداني المرهف الذي أقام دنيانا ولم يقعدها بعد
غير أنني أريد ياسادتي ان اطرح عليكم هذه الملاحظات علها تثير الكامن منا وفينا FOOD FOR THOUGHT
لماذا سمح عملاق موسيقي بقامة وردي لموصلي وحده ودون غيره بأن يعيد توزيع تلك الاغاني مثلما سمح
لاندريه رايدر والود؟
ما الذي رأه الاستاذ وردي في ذلك الموسيقي اليافع الواعد في ذلك الوقت بالذات؟
لماذا لم يحظي هذا العمل ما يجب ان يحظي به في دنيا الموسيقي السودانية؟
ماهو اقيم وأنفع للفن السوداني ترديد النغمة القديمة الخفيفة للرقص والكسب المادي ؟ أم التجديد وسبر اغوار علم التأليف والتوزيع بما يحدث نقلة فعلية جديده في أذن المستمع السوداني حتي وان لم يستذق طعمها ويتذوقها في البداية؟
اي الطريقين سيقودنا حتما لعالمية الاغنية السودانيه؟ وهل هذا من الضروري السعي ورائه ومن أجله؟
ماهو رأي الاستاذ وردي في هذا العمل؟خاصة ولقد تحاورت معه هنا في لوس أنجيليس هنا قبل البدء في التوثيق الذي نفذه ابوهديل معه وبذل من أجله موصلي وصحبته الميامين كل الغالي والنفيس انا اعرف رأيه وسوف يدلي به بأذن الله واحتماع هذه الكوكبة مرة اخري لأنزال هذا العمل للشعب السوداني وعندها لكل مقام مقال
اهم من ذلك كله ما هو رأي ابو هديل في عمله هذا؟وما نقده لنفسه ؟وماالذي كان ينقصه في تلك الحقبة في تطوره؟
انا اعرف أجابته فلقد تحاورنا ايضا سويا في هذا الموضوع ويقيني أن ابو هديل سوف يختار الوقت المناسب لهذا النقد الذاتي
أيضا ما هو رأي موسيقي الغرب اساتذته وعلمأؤه في هذا العمل ؟خاصة ولقد اتيحت لي الفرصة بأسماع هولاء الموسيقين الغربيين بعض أعمال الفنان وردي وبعض أعمال والتوزيع الموسيقي لألحان الموصلي قبل ان يتعاونو مع بعض في اعادة توزيع اغاني وردي كما سوف تسمعونه في التسجيلات القادمه بأذن الله
اوعدكم الي ان نلتقي بهم في اللحظة المناسبه خاصة بعد الاستماع للحن القديم والتوزيع الجديد لموصلي لاغنية واسفاي وقلت أرحل هذه تعليقاتهم دون حذف أو أختصار
راؤول عمل جيد شبه مكتمل وبداية لمرحلة جديد في الغناء السوداني انا اعلم جيدا من واقع التجربة الجدل حول هذا التوزيع
Jeff peters اعظمSound Engineer ذو اذن مرهفه علق قائلا
محاولة شجاعة من يوسف بان يخرج عن المألوف ليكسر الرتابة في الغناء السوداني لقد زاد احترامي ليوسف بهذه المحاولة والجرأة في التصدي لأعمال فنان بقامة وردي
Paul Hoffman the prodogy of american composition
بالتأكيد خطوة كبيره من يوسف في اتجاه التجديد وخطوة اولي في طريق العالمية انا متأكد من أن يوسف سوف يكون له شأن ودور في اثراء الاغنية السودانية داخليا وعالميا عليه بالمواصلة والمثابرة والتحصيل والعلم
سادتي وشهد شاهد من اهلها
كما تروا سادتي موصلي موسيقار مثير للجدل لانه يأبه ان يعيش ابد الدهر بين الحفر ومعه تتسع المسافات كما قال أبو الباشا
الحديث ذوشجون حول موصلي وللحديث بقيه غير انني اترككم للتفكير هذه المره في هذا الامر
في نهاية توثيقنا لوردي ونحن في مرحلة تحضير اعادة توزيع الاغاني الكبيره التسع وهي باذن الله
بناديهاـ الوصيه ـ قلت ارحل ـ الحزن القديم ـ واسفاي
واخر لااتذكرهم الان وهم عند يوسف ان أسعفني بذكرهم طلب موصلي من الاستاذ وردي ووقتها كنا الثلاثة مع بعض لارابع لنا الارب العالمين طلب منه بالحرف الواحد وبالتحديد ان يسمح له باعادة توزيع مرحبا ياشوق وبلا تردد اجاب الاستاذ وردي ليوسف قائلا جدا يا يوسف انت عارف المره دي حتعمل شنو
يالعملاقيين
انا لاادري لماذا اختار يوسف مرحبا ياشوق؟ وما التحدي الذي رأه فيها وهو ما عاد يافعا بعد؟
ايضا وماالذي رأه الاستاذ وردي هذه المره في يوسف رغم صعوبة التجربة الاولي معا؟
انا لااعرف الاجابة هذه المره
لكنني اوعدكم بأن أجمعهم مرة ثانية بعد الشفاء ومرحبا ياشوق
الم أقل لكم انهما عملاقيين قل ان يجود الزمان بهما
تحياتي
اخوكم د.

بيكاسو رسم لوحات فنية رائعة
ورينوار الفرنسي كان أكثر روعة
ومايكل انجلو
ودافنشي صاحب المونوليزا
ولكن في وطني هناك لوحات فنية اروع
فعندما يلتقي وردي بريشة اسماعيل حسن وانفاس الموصلي
نخرج بلوحة فنية غاية في السمو والجمال
كم نحن سعداء بهذا الفن المتفرد والمميز

تحياتى يا استاذ
مقالك يجعلنى احزن على حال الغناء السودانى الداخلى هذه الايام
ارجو مطالعة بوست بعنوان ( الغناء السودانى بين الموصلة وعماد الحتانة ) ويهمنى جدا رايك
دائما الى الامام يا استاذ وارجو ان لا تغيب ابداعاتك عن البورد

ود الحلفايا البلد الجميله
ان شاء الله مافي غياب
وسوف اراجع البوست وارد وشكرا علي اهتمامك الرائع

ابوحراز تشكر ياحبيب الكل
كيف اخبارك يافاكهة البورد
لك التحايا

عزيزي ونطاسينا البارع
سأعود اليك في البوست الرئيسي
الرائع حول هذا الامر سلمت

UP

العمل عام جميل ولكن اتفق مع الاخ خدر عند سماع العمل تجد في
مشكله بالايقاع لا ادري ارجوا منك التوضيح

وشكرا

الصديق * بربراوي

شكرا ليك يابربراوي علي المداخله
الحقيقه نحنا غيرنا مايسمي موسيقيا التمبو او السره وعتمدنا علي الايقاع الداخلي للحن اكثر من الخارجي
فالايقاع عندنا في السودان يعني الاصوات الصادره من الات الايقاع ولكن المصطلح عالميا اكبر من ذلك
تسلم

الله يرحمك يا اسماعين
فغلا من ناس ديله وا اسفاي

شكرا يا موصلي
وأمنى أنك تستمر في أبداعاتك الفنية
ياخ بس لو عندك الاغنية بتاعت وردي اللي بيقول فيها
وكانت أكتوبر هي غضبتنا الاولى مع المك النمر

أتمنى لو تنزلها لينا في البورد

وشكرا

ياريت والله ياساري الليل حافتشها وخلو بالكم من الوطن واحذروا عشان اكتوبر يعود