Post: #1
Title: لا أنا لا وليداتي حرمان علينا... أو كما قال حسني مبارك
Author: Rawia
Date: 06-29-2010, 08:05 PM
Parent: #0
كل مرة في البورد دا يحصل نقاش في قضية حساسة مابشارك مابشارك لاني ########ة وعارفة رأي في كل حاجة (وعن تجربة) بيكون حاد حاد لامن يضرس ويقيف في الحلق الا تشرب بعدو موية لكن الليلة حسيت بمسئولية عشان أقول رأي في موضوع عارضي الازياء _________ لما مشيت أمريكا وفي أول شهرين وقدام مكتبة جامعة كبيرة شفت لي ولد وسيم ومعتني ببشرته وقاصي شعره كاري ولابس بدلة كاملة رجالي لكن لونها ولمعتها ماعندهم صلة بالرجال وممكيج مكياج كامل اليوم دا وبعد ماشفت المنظر دا خفت وبكيت وجاني كابوس بالليل وقررت أرجع مصر بعد أربعة سنين من الحادثة دي قدر لي أن يكون السوبرفايزر او المدير المباشر لي في المساعدات العامة من نفس النوع كان بغير الحلقة في أذنه مع لون القميص وبيلبس قميص أأأأأأأحمر وعندو (بارتنر) شريك لما تجي مواعيد الاكل بيطلع يلاقيهو لابسين نفس اللبس ونفس الالوان وحتى شنطة اللنش شكلها واحد ونفس الحركات والدقة والنظام بيقلعوا الجاكيتس ويعلقوها ورا الكرسي ويقعدوا بطريقة منظمة وياكلوا بتهذيب وأدب ومرة (لوبة)* لاقتهم في قعدة شاعرية على ضفاف نهر المننقهالي أها ياجماعة شفت الموضوع أكتر من عادي بالعكس إتعاطفت مع زولي دا وحبيتو ريدة عديل لانه عاملني بكل أدب ورقي وساعدني وكان بيقسم معاي شغلي لاني كان عندي كيس لود CASE LOADكبير جداً وبيتصدى ويحل المشاكل البتلاقيني لدرجة مابتوقعها ولا منتظرة من مدير مباشر لموظفينو ولما زميلاتي يضحكوا ويقرقوا عليهو بشاكلهم كانوا بيقولو ليهو أيس كريم مان لانه كان بيلبس أبيض في أبيض مرات وكنت بدافع بإستماته لخيارو الجنسي HIS SEX ORIENTATION _________________________________________ العنوان إشارة لما قاله حسني مبارك لما سألوهو من التطبيع مع إسرائيل قال ليهم هداك الدرب فاتح وهديك إسرائيل والعاوز يمشي قشة ماتعتر ليهو لكن لا أنا لا وليداتي مابنعتب* عليها
|
Post: #2
Title: Re: لا أنا لا وليداتي حرمان علينا... أو كما قال حسني مبارك
Author: Rawia
Date: 06-29-2010, 08:18 PM
Parent: #1
######## = جبــــانة * لوبة = زميلة روسية من النوع الماعندو غير سيرة الناس * لو تغاضينا عن الزيارة الجبرية لحضور جنازة مناحم بيجين يمكن إعتبار صدق حسن مبارك والتزامه بعدم زيارة إسرائيل
|
Post: #3
Title: Re: لا أنا لا وليداتي حرمان علينا... أو كما قال حسني مبارك
Author: Rawia
Date: 06-29-2010, 08:22 PM
ياجماعة المعترضين وخاصة تبلدينا هي مسألة وكت وتتعودوا
_________________ لو عندي ولد مابتمناهو يكون كدا لكن ماعندي أي مانع في مشاركة والحياة وسط ناس إختارت تكون كدا
|
|