Post: #1
Title: لماذا يكره السودانيون الـ(كمساري) ؟؟؟!!!!!
Author: محمد فرح
Date: 06-29-2010, 12:43 PM
Parent: #0
بالامس وبالقرب من عفراء إنهالت فتاة بالضرب المبرح على كمساري لأنه نسي أن ينزلها قبل نفق عفراء كما أخبرته وأنزلها بعد الخروج من النفق . الشاب لم يدافع عن نفسة إطلاقاً كما قال من شاهدوا الحدث ولم يمد يده إطلاقاً حتى لتصدي الضربات التي سددتها له الفتاه التي لم تتوقف حتى إمتدت يد السائق لتوقفها وقام الركاب بتهدئة هذه الفتاة الغريبه .
وكثير من المشاهد المشابهه
فمن النادر جداً أن تمتطي إحدى الحافلات العامه ولاتحدث مشاحنه بين راكب وكمساري وعادةً يتحامل الركاب ويقفون في صف الراكب خصماً على الكمساري الذي لايطالب بشيء سوى أجرة المقعد وهي التعرفة المتعارف عليها والمصدقه من الحكومه وكثيراً ماينتهي الأمر ببنية أو بنيتين على وجه الكمساري .
المهنه شاقه ومجهدة لأقصى درجه وتجبرك على التعامل مع جميع أنواع البشر من مثقفين وطلاب وسفهاء وكل الأنواع وتتطلب مرونه وصبر بالغين للخروج بأقل خسائر ممكنه بنهاية اليوم لكن أحياناً يبدو لي وكأن بعض السودانيون يرضعون كراهية الكماسرة عند ولادتهم .
|
Post: #2
Title: Re: لماذا يكره السودانيون الـ(كمساري) ؟؟؟!!!!!
Author: محمد فرح
Date: 06-29-2010, 12:53 PM
Parent: #1
ركاب الحافلات العامه جميعه من الطبقة المتوسطه أو الفقيره وأغلبهم يركبون مثقلين بالهموم والمشاكل المادية والأسريه فيصبح الكمساري المطحون أكتر منهم متنفساً لهذه الهموم والمشاكل ويقوما يتفشوا فيهو مشاكلهم كلها .
واحد بتونس معاهو قاللي (مابكره حاجه في الدنيا إلا الكماسره)
قلتليهو ياخي مالهم ماناس مكافحين وفي منهم الطالب والخريج والمثقف وناس شغالين بي عرق جبينهم
قاللي ياخي مره من بحري ماشي الثوره فركبت من بحري للشهداء وجيبي مافيهو غير الفين أديتها للكمساري ونسيت عندو الباقي ونزلت فت - لمن وصلت مواصلات الشنقيطي إتذكرت إني نسيت الباقي عند الكمساري قفلت راجعاً أبحث عن الحافله ولم أجدها فاضطريت أمشي الثوره كداري وأنا أسب وألعن هذا الـ(وغد) ومنذ ذلك الحين وأنا أكرههم وقبل ماأركب بفك القروش أو أقعد أجاجي في الكمساري لحدي ماأشيل باقيني .
بالطبع هناك قله (مستنكحه) من الكماسره وتلقاهم يغفلوك وينومو بالباقي لحسابهم الخاص ومرات أنا بدي الكمساري القروش ولمن أنزل ألقاهو يعين لي بي طرف كده داير يشوفني نمشي وبنسى الباقي وللا بقول لي اديني باقيني وأحياناً بعض السخفاء جداً يقول ليك (يازول ماأديناك باقيك قبييييل) .
لكن هذا بكل تأكيد لايفسر الكراهيه المطلقه التي أجدها عند البعض للكماسره فكل مهنة بها الصالح والطالح بكل تأكيد
|
Post: #3
Title: Re: لماذا يكره السودانيون الـ(كمساري) ؟؟؟!!!!!
Author: فايزودالقاضي
Date: 06-29-2010, 01:26 PM
Parent: #2
محمد ..سلامات ..
| Quote: بالامس وبالقرب من عفراء إنهالت فتاة بالضرب المبرح على كمساري لأنه نسي أن ينزلها قبل نفق عفراء كما أخبرته وأنزلها بعد الخروج من النفق . الشاب لم يدافع عن نفسة إطلاقاً كما قال من شاهدوا الحدث ولم يمد يده إطلاقاً حتى لتصدي الضربات التي سددتها له الفتاه التي لم تتوقف حتى إمتدت يد السائق لتوقفها وقام الركاب بتهدئة هذه الفتاة الغريبه |
لو كان المعتدى على الكمسارى شاب لدافع عن نفسه ولكن ولانها فتاة سكت ..ده شخص محترم يامحمد ويعرف الاصول وانو ضرب البت عيب ولو ضربها الدنيا كلها كانت غلطتو ..والبت واحدة مايتعرف الاصول والعيب ..
محمد بس ماتكون انت الكمسارى ؟!!
|
Post: #4
Title: Re: لماذا يكره السودانيون الـ(كمساري) ؟؟؟!!!!!
Author: محمد فرح
Date: 06-29-2010, 01:50 PM
Parent: #3
| Quote: لو كان المعتدى على الكمسارى شاب لدافع عن نفسه ولكن ولانها فتاة سكت ..ده شخص محترم يامحمد ويعرف الاصول وانو ضرب البت عيب ولو ضربها الدنيا كلها كانت غلطتو ..والبت واحدة مايتعرف الاصول والعيب .. |
فعلاً ياود القاضي
الكمساري ده زول شكلو زول حر وراجل ضكران لمن بهناك
كونو مامد يدو على البت الغريبه دي بل ولم تنطق شفتاه بكلمه فده بدل حسن خلقه وحسن معاملته
| Quote: محمد بس ماتكون انت الكمسارى ؟!! |
|
Post: #5
Title: Re: لماذا يكره السودانيون الـ(كمساري) ؟؟؟!!!!!
Author: طارق جبريل
Date: 06-29-2010, 01:56 PM
Parent: #4
واله احسن ناس وعندهم لغة كدة قاعدة تكيفني في حناني
يمين بالله احسن من حكومتك القادينا بيها دي
|
Post: #6
Title: Re: لماذا يكره السودانيون الـ(كمساري) ؟؟؟!!!!!
Author: فايزودالقاضي
Date: 06-29-2010, 02:04 PM
Parent: #5
| Quote: يمين بالله احسن من حكومتك القادينا بيها دي |
الكلام ده ليك يامحمد ..عشان ماتعمل نايم وتقول ودالقاضي المقصود ...
|
Post: #7
Title: Re: لماذا يكره السودانيون الـ(كمساري) ؟؟؟!!!!!
Author: طارق جبريل
Date: 06-29-2010, 02:05 PM
Parent: #6
| Quote: الكلام ده ليك يامحمد ..عشان ماتعمل نايم وتقول ودالقاضي المقصود .. |
شرحو يا ود القاضي
|
Post: #9
Title: Re: لماذا يكره السودانيون الـ(كمساري) ؟؟؟!!!!!
Author: فايزودالقاضي
Date: 06-29-2010, 02:11 PM
Parent: #7
قالوا الفتنة اشد من القتل ...والناس ديل بندور ليهم الاشد ..
|
Post: #8
Title: Re: لماذا يكره السودانيون الـ(كمساري) ؟؟؟!!!!!
Author: محمد فرح
Date: 06-29-2010, 02:10 PM
Parent: #5
| Quote: واله احسن ناس وعندهم لغة كدة قاعدة تكيفني في حناني |
مافي كلام ياطارق
أنا زاتي الـ(رندوك) ده بريحني
| Quote: يمين بالله احسن من حكومتك القادينا بيها دي |
دي لكن بالغت فيها
لأنو أكيد الإنجازات العملتها حكومتنا الرشيده ماممكن الكماسره يعملوها
|
Post: #10
Title: Re: لماذا يكره السودانيون الـ(كمساري) ؟؟؟!!!!!
Author: طارق جبريل
Date: 06-29-2010, 02:14 PM
Parent: #8
Quote: لأنو أكيد الإنجازات العملتها حكومتنا الرشيده ماممكن الكماسره يعملوها
|
بالغت يا ود فرح
الكمساري دة يوريك انت ماشي وين
ويسكسك ليك للسواق وينزلك في حتتك
ومن بعيد يأشر ليك للحتة العايز تمشيها
ياخي حكومتك دي شغال اتجاه واحد
تفريغ السودان من أهله وتطفيشهم وكتل من بقي منهم كمدا
|
Post: #11
Title: Re: لماذا يكره السودانيون الـ(كمساري) ؟؟؟!!!!!
Author: الصادق ضرار
Date: 06-29-2010, 02:22 PM
Parent: #8
| Quote: محمد بس ماتكون انت الكمسارى ؟!! |
سبقتني يا ود القاضي
طبعاً انا اول ما قريت عنوان البوست قلت محمد فرح قاصد سودانيز اونلاين , شبه المنبر بالحافلة و الركاب انحنا .. سواق الحافلة بالضرورة بكري .. الكمساري ياهو الضحية و ده طبعاً محمد فرح .
الركاب غلطانين و الله لو تعدوا علي الكمساري .. الكمساري دائماً على حق .
محمد فرح حبابك .. ياخي رجع للناس باقيهم .
|
Post: #12
Title: Re: لماذا يكره السودانيون الـ(كمساري) ؟؟؟!!!!!
Author: عمر التاج
Date: 06-29-2010, 02:26 PM
Parent: #11
كماسرة الحافلات ساهلين ومعذورين ياود فرح
عشان ماقدروا يتمو تربيتهم. .. أقصد تعليمهم
المشكلة في كماسرة السياسة
وسماسرتها
متعلمين وما مربيين.
|
Post: #13
Title: Re: لماذا يكره السودانيون الـ(كمساري) ؟؟؟!!!!!
Author: نادر النور آدم
Date: 06-29-2010, 02:45 PM
Parent: #12
| Quote: محمد بس ماتكون انت الكمسارى ؟!! |
Quote: سبقتني يا ود القاضي
طبعاً انا اول ما قريت عنوان البوست قلت محمد فرح قاصد سودانيز اونلاين , شبه المنبر بالحافلة و الركاب انحنا .. سواق الحافلة بالضرورة بكري .. الكمساري ياهو الضحية و ده طبعاً محمد فرح .
الركاب غلطانين و الله لو تعدوا علي الكمساري .. الكمساري دائماً على حق .
محمد فرح حبابك .. ياخي رجع للناس باقيهم . |
يقع فيكم العدو الما صليح
التحية يا ود فرح .. وموضوع ممتع الحقيقة
بالله ما دايرين تسييس يا جماعة رجاءً
|
Post: #14
Title: Re: لماذا يكره السودانيون الـ(كمساري) ؟؟؟!!!!!
Author: GamarBoBa
Date: 06-29-2010, 03:26 PM
Parent: #13
والله يا طارق جبريل انت الذ زول
انا ذاتي متفق معاك
بالمناسبة ده البوست الوحيد القريته ليك وفيه فائدة يا أخانا الذي بالمؤتمر الوطني
بمناسبة الكمساري يا طارق
بحكي لي صاحبنا شايقي قال عندهم بلدياتهم مرة كبيرة راكبة حافلة،وبعدين الحتة راحت ليها
بتقوم تقول للسواق بلهجتكم ديك اقيف لي اقيف لي
تتاوق في الشارع تلقاه ما ياهو لا خلاص امش
تاني تقول ليه اقيف لي اقيف لي..تكتشف انو ده ما الشارع..لا خلاص امش
كررت الحكاية كم مرة
في بت من بنات الخرطوم النجاضات ديك
شبكتها ليك
اصلو مما ممكن كدة
بتضيعوا في زمنا
الزولة لو ما عارفة الحتة بتركب براها مالها..ونقت نقة جد
الخالة قاعدة تعاين ليها لامن انتهت
قالت ليها لو كنت مطلوقة زيك كدي كنت عرفت والله
|
Post: #15
Title: Re: لماذا يكره السودانيون الـ(كمساري) ؟؟؟!!!!!
Author: khaleel
Date: 06-29-2010, 03:32 PM
Parent: #14
بمناسبة الكمساري
النكتة القديمة ديك
قالو كان بكووورك شعبي شعبي
فجاة في بتاع امن حدر ليهو
الكمساري قال وطني وطني
بعض الكماسرة بنومو بالباقي بحجة عدم وجود فكة
ومرات كتير ما برجع باقي القروش رغم ان الفكة معاهو
عشان لما تنزل تنسي
سوال يا محمد
هل الكمساري مهنة سودانية فقط
|
Post: #16
Title: Re: لماذا يكره السودانيون الـ(كمساري) ؟؟؟!!!!!
Author: طارق جبريل
Date: 06-29-2010, 03:33 PM
Parent: #14
| Quote: قالت ليها لو كنت مطلوقة زيك كدي كنت عرفت والله |
بوبا يا حبيبنا
ياخي قريبتي دي بالغت
عارف عندي قريبي كان شغال كمساري بي شرق ايام البصات ديك
لمن الكمساري يقوم يكورك عن المحطة الجاية
يا زول نسى ليك محطة النجيلة ديك
بقى يكورك:
السِعْدي السِعْدي السِعْدي السِعْدي
|
Post: #17
Title: Re: لماذا يكره السودانيون الـ(كمساري) ؟؟؟!!!!!
Author: khaleel
Date: 06-29-2010, 03:37 PM
Parent: #16
Quote: بقى يكورك:
السِعْدي السِعْدي السِعْدي السِعْدي |
والكمساري النسي اسم محطة الدايات وبقي يكووورك
الله لي الله لي
في زول نازل
|
Post: #21
Title: Re: لماذا يكره السودانيون الـ(كمساري) ؟؟؟!!!!!
Author: طارق جبريل
Date: 06-29-2010, 03:45 PM
Parent: #17
Quote: الله لي الله لي
في زول نازل
|
موبالغة يا خلي
|
Post: #18
Title: Re: لماذا يكره السودانيون الـ(كمساري) ؟؟؟!!!!!
Author: GamarBoBa
Date: 06-29-2010, 03:41 PM
Parent: #16
| Quote: السِعْدي السِعْدي السِعْدي السِعْدي |
_
مرة برضو ايم الجامعة شلة راكبين في حافلة
في انصار سنة قاعد مع بت قاطعة عديل ..قريبته او خطيبته وهو قاعد في كرسي نص
الكمساري يقول ليه ارجع ورا يرفض
عامل مشكلة مرور عديل
الكمساري قال ليه ياخي ما ترجع ورا ..انصار السنة قال ليه صراحة كدة انا ما بقدر ارجع ورا والبت دي قاعدة هنا
الكمساري قال ليه شيخنا ارجع ورا مافي زول حيشيلها ويجري ..الحافلة دورت ضحك
|
Post: #20
Title: Re: لماذا يكره السودانيون الـ(كمساري) ؟؟؟!!!!!
Author: طارق جبريل
Date: 06-29-2010, 03:44 PM
Parent: #18
بوبا يا حبيب
مرة عندي عمي زهجان شديد الكمساري ما اداهو الباقي
طبعا الكمساري في الحافلة لمن تجي تنزل بيعمل حركة كدة للسواق:
تس تس تس
قام عمي قاليهو ياخي اديني الباقي حقي تتستس كدة زي حلة البريستو
|
Post: #19
Title: Re: لماذا يكره السودانيون الـ(كمساري) ؟؟؟!!!!!
Author: صلاح شكوكو
Date: 06-29-2010, 03:43 PM
Parent: #14
| Quote: لماذا يكره السودانيون الـ(كمساري) ؟؟؟!!!!! |
موضوع رائع
الكمساري هو الشخص الوحيد الذي لا يتواصل مع الركاب عبر الكلام
بل يستنفرهم مستفزا عبر الفرقعة ..
يتحصل فرقعة
يعيد الباقي لمسا
يتوقف وشوشة
لكن عنده نقنقة خاصة تعبر عن الإمتعاض
(( ما كنا واقفين هسع ))
((هسع الفكة نجيبها ليكم من وين ))
(( .........))
....
|
Post: #22
Title: Re: لماذا يكره السودانيون الـ(كمساري) ؟؟؟!!!!!
Author: khaleel
Date: 06-29-2010, 03:48 PM
Parent: #19
اخونا محمد عبدالرحمن
قال اسم الدلع بتاع الكمساري (بلف)
بلف وكربو الف
|
Post: #23
Title: Re: لماذا يكره السودانيون الـ(كمساري) ؟؟؟!!!!!
Author: نادر النور آدم
Date: 06-29-2010, 03:49 PM
Parent: #19
| Quote: ياخي اديني الباقي حقي تتستس كدة زي حلة البريستو |
|
Post: #24
Title: Re: لماذا يكره السودانيون الـ(كمساري) ؟؟؟!!!!!
Author: GamarBoBa
Date: 06-29-2010, 04:00 PM
Parent: #23
بمناسبة النوم بالباقي
قالوا في بورتسودان في زول بمشي حتة بلطط وبرجع بالليل
يدي الكمساري الف أو خمسة ألف أو عشرة الف برجع ليه خمسمية وبقول ليه انت اديتني الف بس وبستغل انو لاطي
قالوا عمك زهج من الكمساري ده قالوا من العصر طلع ليه عشرة الف كتب رقمها في ورقة برة وتكل
اخد لطته وجا راجع لما ليك في الكمساري اداه عشرة الف
الكمساري اداه خمسمية..الشكلة دورت قال ليهم ودوني القسم..مشوا القسم الكمساري قال ليهم الزول اداني الف جنيه وسكران وعامل مشكلة
الزول قال ليهم اربعين جلدة بـاخدها مافي مشكلة لكن خلوا الكمساري يطلع كل الفي جيبه
قام طلع الورقة قال ليهم فتشوا عشرة الف رقمها 6746844 وعدا ليك الارقام
قاموا قبضوا الكمساري..قال ليهم الزول ده طواااااااالي بعمل العملية البايخة دي معاي..احبسوه وادونا سيطاننا النمش
يا ودجبرين علي اليمين عمك ده بالغ رسمي..ما اتي لحوار كلو كلو
يا محمد فرح تعال استلم بوستيك ده ياخ
|
Post: #25
Title: Re: لماذا يكره السودانيون الـ(كمساري) ؟؟؟!!!!!
Author: Hafiz Bashir
Date: 06-29-2010, 04:51 PM
Parent: #24
Quote: قالو كان بكووورك شعبي شعبي
فجاة في بتاع امن حدر ليهو
الكمساري قال وطني وطني |
زمان الكماسرة تلقاهم في ابو جنزير بكوركو " اركب كوبر .. اركب كوبر" قامت الحكومة غيرت اسم كوبر ل عمر
|
Post: #26
Title: Re: لماذا يكره السودانيون الـ(كمساري) ؟؟؟!!!!!
Author: محمد عبدالرحمن
Date: 06-29-2010, 05:05 PM
Parent: #25
يااخوانا فرح دا الفوضوا اتكلم باسم السودانيين منو؟
والله الكماسرة ديل بنحبهم جدا جدا ..عايز تكرهنا
ليهم (كسر رقبة) ولاكيف ...
طارق جبريل وخليل كتلتونا بالضحك ..عملتو من ا لفسيخ
شربات ..(بلوفا والحاله معروفة) ...
|
Post: #27
Title: Re: لماذا يكره السودانيون الـ(كمساري) ؟؟؟!!!!!
Author: hamid brgo
Date: 06-29-2010, 05:20 PM
Parent: #26
إنت عرفت سبب كره السودانيين للكيزان عشان تتكلم عن الكماسرا؟؟؟
|
Post: #28
Title: Re: لماذا يكره السودانيون الـ(كمساري) ؟؟؟!!!!!
Author: ibrahim alnimma
Date: 06-29-2010, 05:28 PM
Parent: #26
في الغالب الكساري يعمل بهذه المهنة اكراهاً، فهو سليل اسرة حكم عليها بالعوذ والفقر وقلة الحيلة
(ضعف الواسطة) فخياراته مغلقة ، والتعليم اصبح سلعة تشترى ، انا اعرف الكثيرين طلاب جامعات يعلمون
كماسرة حتي يستطيع القيام باعباء التعليم علي نفقته. فهو لا يستطيع شراء المذكرات ودفع الرسوم، والايجار والووووووو. بهذه الطريقة فهو يقع بين سندان الركاب ومطرقة السائق، والذي كثيراً مايملي
عليه تحمل الركاب . وكذلك هو واحد من المقهورين الذين يتقبلون استفزازات الراكب ربما لانه بحكم
بساطته يعتقد انها احدى الواصلات الائي يجلبن عليه من المصائب اكثر ان تجرأ علي الاخذ بتاره ، لذلك
فهو يضمر ويكتم الغبن لحين.
ولكن قل لي هل انت تحب الكماري يامحمد فرح؟
الكمساري انسان خلوق وهو رمز العزة السوداني والوحيد الذي ياخذ الرحلة وقوفاً ويخدمك ان توقفت العربة
بسبب عطل او غيره وهو الوحيد الذي يقف علي انزالك في المحطة التي تود.
|
Post: #29
Title: Re: لماذا يكره السودانيون الـ(كمساري) ؟؟؟!!!!!
Author: بدر الدين اسحاق احمد
Date: 06-29-2010, 06:55 PM
Parent: #28
برافــو ود النعمـــة ...
الحمد لله الما قلــت الكمسارى رأس الرمــح فى حركة التغيير القادمــة من رحــم الشارع السودانى
Quote: الكمساري انسان خلوق وهو رمز العزة السوداني والوحيد الذي ياخذ الرحلة وقوفاً ويخدمك ان توقفت العربة
بسبب عطل او غيره وهو الوحيد الذي يقف علي انزالك في المحطة التي تود. |
|
Post: #30
Title: Re: لماذا يكره السودانيون الـ(كمساري) ؟؟؟!!!!!
Author: محمد عبدالرحمن
Date: 06-29-2010, 07:36 PM
Parent: #29
قال ليك عربى اول مره يجى الخرطوم ..والجماعه
هناك خوفوه وشبعوه وصايا ..اعمل حسابك من ناس الخرطوم
ديل ناس ماعندهم اخلاق وماعندهم ذمه ..ومابخافوا الله ..
وابقى عشرة على روحك دى ..اى شيء جائز ( ....) ...
قاليك العربى نزل السوق الشعبى لقى ليك الكماسرة
شغالين كواريك ..(اركب العربى ...اركب العربى ) ...
والعربى قام فاتح ...
***
النكتة بعد اجراء التعديل اللازم الذى يجعلها مطابقة
للمعايير ...
|
Post: #31
Title: Re: لماذا يكره السودانيون الـ(كمساري) ؟؟؟!!!!!
Author: خضر حسين خليل
Date: 06-29-2010, 07:55 PM
Parent: #30
| Quote: والعربى قام فاتح ... |
أها والجماعه لحقوه وفهموه الحاصل ولا خلوه
والله يامحمدعبدالرحمن مشتاقين خالص خالص
والواحد حاسي انو اصحابوا بقوا يتساقطوا زي ورق الخريق
|
Post: #32
Title: Re: لماذا يكره السودانيون الـ(كمساري) ؟؟؟!!!!!
Author: محمد عبدالرحمن
Date: 06-29-2010, 10:23 PM
Parent: #31
Quote: أها والجماعه لحقوه وفهموه الحاصل ولا خلوه
والله يامحمدعبدالرحمن مشتاقين خالص خالص
والواحد حاسي انو اصحابوا بقوا يتساقطوا زي ورق الخريق |
هلا خضر ..اخبارك وامورك ..
(يبروا ويستبرو) اصحابك من اوراق خريف العمر ...
ورقة واحدة بتسقط مافى ..انت ماك هين ولاذكراك
بينسوها ...بس يبدو ان هذا المنعطف من الحياة
يحتاج لتركيز اكثر و(شلهته) تفوق حد المعقول ...
***
ياسلااام ياخ ..بيخت لى نكتتى بالسؤال دا ...
العربى ياسيدى مرقنو (كرعين الحصان) او كما
قال ..
تحياتى للعريس معاوية ابن كرفس ...
|
|