Post: #1
Title: مواصفات اللبيس المطلوبة في السودان للجنسين ... !!!
Author: الرفاعي عبدالعاطي حجر
Date: 06-28-2010, 08:05 PM
Parent: #0
لتوافق والمادة 152 ؟؟؟
....................حجر.
|
Post: #2
Title: Re: مواصفات اللبيس المطلوبة في السودان للجنسين ... !!!
Author: الرفاعي عبدالعاطي حجر
Date: 06-28-2010, 08:08 PM
Parent: #1
اللبس ؟؟؟
او الملابس ؟؟؟
او الهدوووووم ؟؟؟؟
للرجال والنساء ؟؟؟
المواصفات المتوافقة والمادة 152 ؟؟؟
.................................حجر.
|
Post: #3
Title: Re: مواصفات اللبيس المطلوبة في السودان للجنسين ... !!!
Author: Amani Al Ajab
Date: 06-28-2010, 08:09 PM
Parent: #1
Quote: مواصفات اللبيس المطلوبة في السودان للجنسين ... !!!
لتوافق والمادة 152 ؟؟؟ |
الأخ حجر لك التحية ..
نتمنى أن نجد له إجابة !!!
|
Post: #4
Title: Re: مواصفات اللبيس المطلوبة في السودان للجنسين ... !!!
Author: الرفاعي عبدالعاطي حجر
Date: 06-28-2010, 08:12 PM
Parent: #3
Quote: الأخ حجر لك التحية ..
نتمنى أن نجد له إجابة !!! |
الاخت اماني العجب
بعد شوية ربما يسألونك عن اسمك وربما
لا يكون متوافق والمقاييس فتمشي المحكمة
لذلك مطلوب مقاييس تتناسب والمادة 152 ؟؟؟
الاولاد والبنات الشفتهم ديل بجد لابسين لبس عرفناهو
وشفناهو شرق وغرب وشمال وجنوب ووسط بس اتذكر ان لبنى
غالطوها في لبسها وقالوا غيرتو اها ديل غيروا واللا
المنشور صورهم ديل ياهو مظهرهم اللنقبضو بيهو ؟؟؟؟
............................................حجر.
|
Post: #5
Title: Re: مواصفات اللبيس المطلوبة في السودان للجنسين ... !!!
Author: Amira Elsheikh
Date: 06-28-2010, 08:17 PM
Parent: #4
.الرفاعى .......سلااااااااااااااااااام.....
دى حسب مزاج الشرطى او بتاع النظام العام ...........وفى رواية اخرى بتاع الامن
|
Post: #6
Title: Re: مواصفات اللبس المطلوبة في السودان للجنسين ... !!!
Author: الرفاعي عبدالعاطي حجر
Date: 06-28-2010, 08:20 PM
Parent: #5
Quote: الرفاعى .......سلااااااااااااااااااام.....
دى حسب مزاج الشرطى او بتاع النظام العام ...........وفى رواية اخرى بتاع الامن |
الاميرة بت الشيخ
دي كيف دي ؟؟؟؟
يعني ممكن الزول يلبسك
حسب عيونو وكدا نحن دايرين
نتفق ونصل معهم الى مقياس
محدد .
......................حجر.
|
Post: #7
Title: Re: مواصفات اللبيس المطلوبة في السودان للجنسين ... !!!
Author: عبد الناصر الخطيب
Date: 06-28-2010, 08:21 PM
Parent: #3
التحية لاستاذنا الكبير الفاتح يوسف جبره
يارفاعي مساء الخير ,, ده مقطع من كتابو ( لبس جماعي )
Quote: بدل يا أستاذ نلبس مما نصنع بقينا نمسح مما نلبس! - شوف يا (عبد العاطي) أنا ح أحل ليك المشكلة دي - والله يا أستاذ تكون ما قَصّرت!
وبدأت أشرح لعبد العاطي الحل، الذي يمكن أن يسمى (اللبس الجماعي) على غرار (الحاجات الجماعية) التي سادت حيناً من الدهر!
شوف يا (عبد العاطي) أنا عندي ليكا حل بسيط للمشكلة دي وهو أنك تعمل ليكا غيارين بس! إنت والأولاد غيار والبنات وأمهم غيار! تهللت أسارير (عبد العاطي) ولم يصدق هذه الفكرة (الكنجاراوية) التي تنبنى على تفصيل بنطلون واحد كبير ومعاهو قميص بي (ستة أكمام) يسعه هو وإبنيه، يعني غيار واحد للجزء الرجالي من العائلة ومثلهما إسكيرت واسع وكبير مع بلوزة بثمانية أكمام للأم وبناتها الثلاث أي للجناح النسائي.. راقت الفكرة لصديقي (عبد العاطي)، فالفكرة جميلة بلا شك وطالما الناس طالعين نفس المشوار التبذير لزومو شنو؟ واحد يركب وراء والتاني قِدّام والأخير (يسوق البنطلون) الجماعي وعلى بركة الله! وأي واحد فيهم يتخلف عن أي مشوار بسهولة يلفو ليهو أكمامو و(يطوطووها) والسلام! أعجب (عبد العاطي) بالفكرة أيّما إعجاب، لكنه أخبرني في أسى بالغ بأنّ الغيارين كتيرين عليهو ولن يقدر على توفير ثمن القماش والخياطه لأنو يا دوبك بيوفِّر حق الأكل من هنا ومن هناك. فأجبته بأنه في هذه الحالة لابد من خيار آخر أقل تكلفة وهو (اللبسة العائلية) وهي عبارة عن جيبة أو قرقاب كبير يسع جميع أفراد العائلة السبعة مع قميص بأربعتاشر كم.. إلا أنه بدا متردداً في حكاية (القرقاب) دي مما جعلني أخاطبه:
شنو يا (عبد العاطي) يا خوي ما نلبس (قرقاب) كان لبسنا؟ نحنا أحسن من الأسكتلنديين؟ ما قاعدين يلبسوهو.. وكمان أخوانا الهنود والبنغلاديشيون واليمنيون كلهم قاعدين يلبسوهو!
بذلت جهداً كبيراً في إقناع (عبد العاطي) بمسألة اللبسة العائلية وعلى وجه الخصوص عملية الجيبَة أو القرقاب، فهو يرى أنها لا تتناسب مع عاداتنا وتقاليدنا وحاجات تانية.. غير أنّي أكدت له أن الموضوع في الآخر هو حكاية (سترة) وأن هذه اللبسة العائلية أفضل كثيراً من (العرى العائلي)، الذي يواجهه هو وأفرا د أسرته الذين لم يكن في مقدورهم شراء متر قماش واحد خلال العشرين عاماً الماضية!
بعد أسبوعين، وبينما كنت أجلس في العصرية أمام المنزل رأيت (عبد العاطي) يتجه نحوي وهو يحمل كيساً كبيراً ما أن وصلني حتى قذف به ناحيتي:
يا أستاذ شيل اللبسَة العائلية دي أعملا غطاء للعربية أعملا خيمة أعملا أي حاجة؟-
مالا يا (عبد العاطي)!!؟
إتصور أول مشوار طلعناهو أنا والأولاد كان أمبارح ماشين بيت بكا.. في أول صينية وقفنا ليك بتاع الحركه قال إيه؟ دي لبسة (7راكب) ولازم يا الترخيص يا (30) جنيهاً غرامة!
|
-----------------------------
المواصفات حتكون حسب مزاج من يهمه الامر
وحسب حالتو لحظة السوال ... وحالته النفسية وفق ما يعترية من مزاج معكر أو معتدل
لما الحاجات تكون بلا منطق صعب كمان تسأل مواصفاته شنو
ياخي ما عندها مواصفات
ليك التحية
|
Post: #8
Title: Re: مواصفات اللبيس المطلوبة في السودان للجنسين ... !!!
Author: الرفاعي عبدالعاطي حجر
Date: 06-28-2010, 09:00 PM
Parent: #7
عبدالناصر الخطيب
تحياتي ,,,
جبرا دا مش بالغ في عبدالعاطي دي
واللا منك ؟؟؟
............................حجر.
|
Post: #9
Title: Re: مواصفات اللبيس المطلوبة في السودان للجنسين ... !!!
Author: الرفاعي عبدالعاطي حجر
Date: 06-28-2010, 09:22 PM
Parent: #8
اطالب الشرطة بالقبض على انور التكينة
ورشا الرشيد وايمان لندن والحضور :
مهرجان الثوب ، اول عرض ازياء مفتوح ، ابداع و جمال و رفع... صور و صور ثم فيديو
كاتب البوست وناقل الكفر انور التكينة
حضور لرشا الرشيد وايمان لندن .
...................................................................حجر.
|
Post: #10
Title: Re: مواصفات اللبيس المطلوبة في السودان للجنسين ... !!!
Author: الرفاعي عبدالعاطي حجر
Date: 06-28-2010, 09:32 PM
Parent: #9
هؤلاء يجب القبض عليهم فورا واي سودانية لابسة توب في الشارع وجميع المذيعات وكافة الشعب ..... نساء ورجال .
......................................................................حجر.
|
Post: #11
Title: Re: مواصفات اللبيس المطلوبة في السودان للجنسين ... !!!
Author: الرفاعي عبدالعاطي حجر
Date: 06-29-2010, 12:14 PM
فوووق لنجد اجابة من المدافعون عن شرطة
الآداب والنظام العام .
.....................................حجر.
|
|