طلب رسمي للحصول على جنسية دولة جنوب السودان

مسقط رأسي مدينة راجا التي قضيت فيها عامي الاول فقط و بذا لا اعرف عنها سوى حكاوي والدي و كل من رآها، ما يجعلني اعتقد انها اجمل بقعة في الـ (القطرين).. للاسف الشديد امر الوحدة و الانفصال سوف يصدر (القرار) حوله خلف ظهر الشعب و في اسوء وضع سياسي في تاريخنا الحديث، لو خير فيه اهل السودان جميعهم في ان يستقل الواحد منهم ببيته وطنا له لما تردد احدا في الاستقلال و الاسراع في تكوين حكومة برئاسة زوجته (اقلها يصبح اسم الحكومة البيطلق على الزوجة في محله)..
بالجد اعتقد انه مفروض يكون في وضع خاص في قوانين التجنس بين الدولتين بان توضع حالة استثنائية تمكن (امثالي) من الحصول على جنسية السودان القديم و السودان الجديد..
هل يبدوا حديثي اعلاه اني اجزم بحتمية نشوء دولتين العام القادم؟.. انا لا ادري ماذا سوف يحدث، و اعتقد ان كثيرون ممن نظن انهم يدروا لا يعلمون ماذا سوف يحدث او انهم ليسوا واثقون من خيار واضح يتخذونه و لا يحيدون عنه.. الخرطوم تفعل كل ما من شأنه تحقيق الانفصال و تقول عسك ما تفعل، و جوبا، ماذا تفعل جوبا و ماذا تقول؟.. لا ادري، و طالما نحن النشعب لا قول لنا و لا فعل.. هل لي مثل ما ينعم به على من هو على وشك ان ينفذ عليه حكم الاعدام؟ و امنيتي هي الحصول على جنسية الدولة الناشئة مع الاحتفاظ بجنسية القديمة؟...

وأنا يا نصار كمان

عندي أجدادي من الدينكا
جدي تزوج بحبوبتنا من الدينكا وانجب منها اولاد
وهم يعيشون هناك ومنهم من تخرج من الكلية الحربية

عن طريقهم ممن احصل على طريقة من ولا من هنا عشان ناخد الجنسية ديك

الصادق



كيفك وكيف العيال وامهم يا نصار

السودان للسودانين

اتمني ان لا يحدث انفصال

وان حدث أتمني أن يكون الاخاء السلمي هو الهدف والشعار

وان خيروني بأي الجنسيتين ؟ سأختار من هو مسلم ليحكمني

يا شباب بالله قدموا لي معاكم انا القديمه ما دايراها

يانصار وضيوفه كدى خلونا ننفصل بالاول
شنو متلحننا من اسى بالطلبات دى

انتو ما شفتو الفريق الالمانى
فيه 6 جنسيات,,قبل 4 سنوات ما بعترفوا الا بواحد عيونو خضر

يا ود ابقوتة
انتوا حلتكم دي (جنوب ) الخرطوم شديد كدا؟
يا زول انتوا ياكم ناس المركز الدايرة البلد
كلها تنفصل منه

الاخ العزيز نصار
أقدم لكـ ما كتبته من قبل من أرشيف كتاباتي في تقديم طلب رسمي للإنصمام لجنوب السودان في حالة الإنفصال

Quote: أن المشكلة الحقيقية أنه لا حكومة الشمال ولا حكومة الجنوب قدموا حل واضح وأستراتيجية باينة لكيفية الفصل وكيفية التعامل المستقبلي وتركوا كل شي للتكهنات ليفتي كلٍ من هب ودب في أمر الإنفصال ،،، قبل الإنفصال يجب تكوين مفوضية الإستفتاء التي ستقوم بالإشراف على عملية الإسفتاء في جنوب الوطن ووضع الآلية لتنفيذها تنفيذاَ علمياً صحيحاً ولكن حتى الأن لم يتم تعيين هذه المفوضية ولم تعلن عن أسمائها بعد ،،،، كما أن هناك بنود مهمة تسبق عملية الأستفتاء نفسها قبل الإنفصال مثل ترسيم الحدود بين الشمال والجنوب ، ومصير حقول النفط المشتركة والتي لم يجري فيها التنقيب بعد ، وتوضيح العلائق التجارية في الحدود ، والتعريفية الجمركية بين البلدين في حالة الإنفصال، وتحديد مسارات الرعاة الذين لايعرفون حدوداً جغرافية ، وتوضيح حركة السير بين جنوب السودان وشماله ، ومصير الجنوبين بالشمال ، ومصير الشماليين بالجنوب ، وخيارات المواطن العادي مثلنا للإنضمام لشمال البلاد أو جنوبها .... وغيرها من المسائل الشائكة التي تريد بنوداً واضحة لا لبس فيها حتى يتم الإستفتاء من جانب الشخص وهو ملم بمالآت تصويته سلباً او إيجاباً .... عشان أي زول ما يصوت ساكت ضربوا رما مفروض الحاجات دي تكون واضحة من البداية وعلى ضوئها يختار الشخص خياره الذي يراه ملبيئاً ومتسقاً مع رغباته ... وحتى لا يجد المواطن نفسه في حالة من الربكة وعدم الفهم أزاء هذه التعقيدت الشائكة وين الكلام دا هسع ، ومتين الإنفصال ؟؟؟ غايتو جنس محن في بلدنا دي أجعص سياسي ما يقدر يجاوبكـ فيها لانها بصراحة تحتاج الى تفاكر جاد بين كل الأطراف السودانية والدولية ودراسة متأنية للوضع!!! يا اخي الزول لو عاوزين يقطعوا منو كراع بسبب مرض المشاورات بين الاهل تقوم وتقعد خلي بلد بحالو ،،، وعضو صحيح 100% ليس فيه أي مرض ،،، حاجة تحير بس !!!!

والله ياود رحمة الكيزان ديل لو بفهمو
وهمهم مصلحة البلد,,يشيلو كلامك دا بحذافيروا
ويقعدوا يتفاكروا فيه,,,

تسلم ياخى

تسلم ود رحمة
كيف ود رحمة الكبير؟
بالمناسبة جاين السعودية الاسبوع الاخير في الشهر الجاي
نعتمر و نقضي 10 يوم في المدينة المنورة

الشي البكتل الزول بالحسرة انه ح يكون انفصال الحركةلشعبية
عن المؤتمر الوطني و نتحمل المصيبة نحنا شمال و جنوب
في صمة خشمنا

العزيزة دومة
باللهي سيبك من التواضع دا انت واسطاتك
ناس سمحين و واصلين ناس شول اشوانق
و بقية ابناءك الكرام
نحنا البنحتاجليك

الاخ فخرالدين احمد
حبابك ومرحبابك
المشكلة انه لم تترك لنا سوى الاماني

Quote: السودان للسودانين اتمني ان لا يحدث انفصال وان حدث أتمني أن يكون الاخاء السلمي هو الهدف والشعار وان خيروني بأي الجنسيتين ؟ سأختار من هو مسلم ليحكمني

تتمنى وحدة مع اناس لا يؤمنون بدينك وتريدهم ان يكونوا تحت دينك!!!
ارض السودان موجودة قبل الاسلام واجدادنا هنا فوق ترابنا دي قبل الاسلام وبالتالي دينك غير مهم عندنا كما ديننا بنسبة لك.
لك اسلامك في وطن منفصل في الشمال ويجب ان تبنى سور عالية مكهرب بيننا وامثالك
الذين لا يعترفون بحقوق انسان غير مسلم.امثالك هم سبب الفرقة والشتات وذهاب السودان الي الجحيم..
لن تكون هناك اخاء مع امثالك ابدا..

يسأل منك الخير ابو فتحية كلمنا بخير و نعمة نشكر عليها الوهاب الكريم

مسألتك معقدة شوية خليني اتجنس و نتجتهد ليك فيها و علي اقل تقدير
نعمل ليك كفالة لوووول

What was your father doing in Raja? working in Sudanese Army? or

was he a trader?

شنو السؤال المقلب دا يا كبتن؟
كان في البوليس

وأنا معاكم كمان أطالب بجنسية دولة الجنوب..

صدقا لأ ارى سببا واحدا يجعل الجنوبيين يرغبون فى الوحدة .

Quote: مسقط رأسي مدينة راجا

ونعم مسقط الراس يا نصار..
وراجا مدينة تصحو وتنام علي طيبة اهلها والحانهم الشجية ووجودها علي تماس يقارب بحر الغزال وتخوم دارفور اعطاها ميزة تعايش وتداخل اثني ولهجة راجاوية حنينة..!!
اهل راجا اكثر الاشياء التي تميزهم علي الاطلاق هي الوفاء
فصديقي الراحل ماس ضحية كرامة ابن راجا الذي رحل ونحن بعيدين في تلك الغربة
ضرب عباب السفر وزارني في فيافي النيل الازرق البعيدة وبعدها رجع لدياره ثم مات ورحل ولا يزال حزني عليه باقيا..
...
انا علي المسستوي الشخصي منحاز لجنوب السودان في كل اشيائه وعشت اروع ايامي في مدينة جوبا الساحرة
ودوما يشدني الي كتور وملكية واطلع بره ثم الي فيافي كايا وياي ولوكا ومريدي يشدني الي تلك الربوع حنين طاغي وخاص
واختي لابي امها من قلب وااو..
لذا لن يذوب الجنوب من داخلي
وساسعي الي جنسية جنوبية دون شك اذا ما انفصل الجنوب في زمانات نيفاشا
وان كنت احلم ان لا يحصل هذا حتي لاينشطر وجداننا ونموت سمبلة

اهلنا دينكا الياب يشتهرون بسخرية لاذعة و هولاء جيران لاهلنا دينكا Bor و يبدو ان الزعيم الراحل دى مبيور تاثر بهم لما اشتهر به من السخرية. الراحل قرنق مرة شرب المقلب وهو يحاضر فى اهله الياب عن التهميش و السودان الجديد و ضرورة النضال من اجل إقامة وطن يتساوى فيه الجميع.
احد وجهاء الياب قاعد و بعاين فى الدكتور و سارح و حائران... رفع يدو و سال الدكتور:
انت يا ابن مبيور انت نصيح? انت مالك و مال السودان يا ولدى!!! هسى لو كنت سالتنى كنت بوصيك تمشى لتوج الياب الواسع دى.
الجنوبيون لا يمانعون العيش مع الاخر شريطة الا تستغل طيبنا. الجنوب توج كبير

.

ماكنا نصدق يوما ,, ان نعيش ونرى بأعيننا السودان وهو
ينشطر الى بلدين ,,,, هذه نتيجة العبث الكيزانى بهذا البلد
الجنوب فى ظل هذه الظروف منفصل مافى اتنين تلاته ,,, ولهم الحق ان اختاروا
هذا الخيار ,, لعنة الله عليك ياعمر البشير وبطانتك التى ادخلتنا الى
هذا النفق الحالك السواد

كيكي المقسم قلبه و جسده و (علمه) على كنور الوطن
من يحدثنا عن سحر الجنوب و طيب خصال اهله مثلك؟

راجا في ما سمعت عنها اضافة لما تكرم به انت
انها جنة دانية قطوفها باشكال و الوان من الفواكه
لا مثيل لها في تعددها و انواعها في مكان اخر

الأخ نصار وبقية ضويفه بالبوست.

كلكلم تتحدثون عن أهمية الوحدة الوطنية في السودان وتحسركم على ضياع هذه الوحدة وعدم رضاكم على تقسيم السودان. ولكن عندما كتب الاخ فخر الدين هذا الكلام:

Quote: السودان للسودانين اتمني ان لا يحدث انفصال وان حدث أتمني أن يكون الاخاء السلمي هو الهدف والشعار وان خيروني بأي الجنسيتين ؟ سأختار من هو مسلم ليحكمني

لم يتفضل أي أحد منكم بالرد عليه أو بتنبيهه لخطورة طرحه في ظل الوطن الواحد الذي تنشدونه.

وأنا هنا أتسائل. عن أي وطن واحد تتحدثون أنتم ولا تستطيعون أن توفورن فيه مساوة وعدالة للجميع؟

هل فهمتم الان لماذا سينفصل جنوب السودان؟


الأخ جوك بيونق.

شكرا للرد على ذلك المعتوه.

Quote: وان خيروني بأي الجنسيتين ؟ سأختار من هو مسلم ليحكمني

يا دينق
الشينة منكورة!
نقعد نرد على اى واحد يتداخل فى البوست!
اخونا فخر الدين لا يعرف ان اس المشكلة هو الدين!
الادينا تفرق ولا توحد!
لا للدولة الدينية!
جنى

الاخ نصار


تحية طيبة


انا اتمني ان اعيش مع اهل الجنوب مواطن او ضيفا محفوظ الحقوق



والزول البقول داير ليه مسلم يحكمو ما عندو البشير بخيت وسعيد عليه



ايه لزوم الدخول في دولة الانفصال حدث بسبب العقل الميلم الاقصائي

سلام دينق
مداخلة اخونا فخر الدين ما لاحظت لخاتمتها الما متسقة
مع اولاها الا في رد الأخ جوك بيونق عليها

كدي خليك من اي شي هل تعتقد اننا ما كنا بنعلق
على غرابة الربط بين بقاء السودان موحد او ينفصل
مع تحبيذه لان يحكمه مسلم؟