Post: #1
Title: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-26-2010, 10:10 AM
Parent: #0
Quote: تاكيدا لما انفردت به قوون قبل شهر من الان بخصوص المفاوضات الجادة التي قادها والي المريخ السيد جمال الوالي مع حارس المنتخب
الفلسطيني والاهلي المصري رمزي احمد صالح للاحتراف بصفوف نادي المريخ وكان الوالي قد بدا هذه الاتصالات مع الحارس رمزي صالح خلال زيارته الاخيرة للعاصمه المصرية القاهرة واكتملت التفاصيل بعد زيارة المنتخب الفلسطيني الاخيرة للخرطوم وقاد من خلالها رمزي صالح للتعادل الايجابي مع منتخبنا الوطني والتي جرت احداثها بملعب استاد المريخ يوم الرابع من مايو ووضع الوالي اللمسات النهائيه للاتفاق من خلال الاحتفال الذي اقامه جهاز الامن والمخابرات للمنتخب الفلسطيني والذي انفردت به قوون بالصورة والقلم,ومن المنتظر ان يصل رمزي صالح للخرطوم خلال اليومين القادمين لاكمال اجراء احترافه بالمريخ بعد انتهاء عقده مع الاهلي المصري وكان من المفترض ان يصل اللاعب للخرطوم صباح اليوم لاكمال اجراءات حالت دون وصوله للخرطوم يذكر ان المريخ يعمل علي الاستفادة من اللوائح والقوانين التي تسمح لاي مواطن فلسطيني بالاحتراف والعمل باية دولة عربية كمواطن |
رايكم شنو فى الاعاره ده ياناس ال DHL
سنه يا نحن و انت و انا > كاك يا هارون دياب
|
Post: #2
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: khaleel
Date: 06-26-2010, 10:16 AM
Parent: #1
Quote: رايكم شنو فى الاعاره ده ياناس ال DHL
|
يا ليت المريخ يسجلو
حارس شعيرية كبير جدا
|
Post: #3
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-26-2010, 10:17 AM
Parent: #1
يخس عليك يا كاريكا
|
Post: #4
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: حمزاوي
Date: 06-26-2010, 10:20 AM
Parent: #3
يا الهلالاب انتو تكضبو الكضبة وتصدقوها كمان
دي شتلة من شتلات قووووووووون وسيدو رمضان
|
Post: #5
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-26-2010, 10:22 AM
Parent: #3
Quote: يا ليت المريخ يسجلو
حارس شعيرية كبير جدا |
انا معاك شعيريه خالص
لكن بياتو قانون ؟
|
Post: #6
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-26-2010, 10:29 AM
Parent: #5
يا حمزاوى وممكن يكون صحيح خبر قوون
خصوصا المريخ ليهو فتره وعلى لسان رئيسه
فى اكتر من مقابله بنتقد قانون شداد بتاع
حراسة المرمى و جرى كتيير خلف الحضرى و فشل
ده طبعا بعد سمبك المعز
تخريمه انت وين من يوم ليلة العاشر من يونيو لاحس لا خبر
نتمنى انك تكون بخير
|
Post: #7
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: محمد البشرى الخضر
Date: 06-26-2010, 10:32 AM
Parent: #5
| Quote: دي شتلة من شتلات قووووووووون وسيدو رمضان |
دي كيف طيب؟
سلامات كوتش
|
Post: #8
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-26-2010, 10:40 AM
Parent: #7
لعناية حمزاوى >
ـــــــ
ود البشرى الف مرحب و المايكرفون معاك
|
Post: #9
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: محمد البشرى الخضر
Date: 06-26-2010, 11:19 AM
Parent: #8
يا كوتش ازمة حراسة المرمى في السودان بقت مشكلة كبيرة
من بعد حامد بريمة ما جا حارس يعتمد عليهو و شداد زاعطنا بقصة منع احتراف الحراس الأجانب
لا الهلال ولا المريخ و بالطبع المنتخب ما ح يمشوا لقدام خارجيا أو يجيبو مريسة تام زين بحراسنا اللي يوم الليلة ما بعرفوا يطلعوا للكورة المعكوسة بطريقة صحيحة
لو نجح المريخ في تجنيس شعيرية الفلسطيني دا أقلاّها ح يتفتح الباب لينا دا بفهم حاكو حاكو السائد بين هلال مريخ و حكاية زي ما أدوكم يدونا معاكم
و يمكن نتوفق و نلقى لينا حارس زي الناس زي الكاميروني بتاع حرس الحدود ولاّ اي حارس عليه القيمة
يخلّينا نمشي لقدام شوية
عشان كدا أنا مؤيد خطوة المريخ دي و اتمنّاها تنتهي بنجاح
|
Post: #10
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: Maawya Hussein
Date: 06-26-2010, 11:34 AM
Parent: #9
| Quote: دي شتلة من شتلات قووووووووون وسيدو رمضان |
انا بتفق مع عمنا حمزاوي قون جريده فاقده للمصداقيه وبتستخف دايما بي عقول القراء باخبار مفبركه وكاذبه ..وعلي ما اظن المريخ سجل او حا يسجل ابن عملاق السودان والمريخ حامد بريمه كحارس مرمي
+
قانون احتراف او تجنيس حراس المرمي لسه شداد مصر عليهو ..وما فيهو اي تعديل
|
Post: #11
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-26-2010, 11:43 AM
Parent: #9
انا معاك يا ود البشرى فى حتة انو حراس مرمى السودان
غير بنسبة ما المعز كلهم هم فى وادى وحراسة المرمى
فى وادى آخر ... لكن الحل الامثل اعتقد فى رجوع
دورى الاشبال و المراحل السنيه وده طبعا عشان
منتخب السودان قبل هلال مريخ او فاليغير
الاتحاد العام من لائحته لتسمح بتسجيل
حراس المرمى الاجانب من باب عصفور
فى اليد .... لكن لحدى الوقت داك
لو فعلا سجل المريخ حارس فلسطين
الشعيريه فبكون ابطال ال DHL خرقوا القوانين
بشكل واضح ومافيهو اى لف و دوران .........
السؤال شداد حيعمل شنو خصوصا
الانتخابات على الابواب
هل يسمح للمريخ بزبح القوانين ؟
بالمناسبه شداد حيترشح تانى للرئاسه فى الاتحاد العام ام لا ؟
صلاح ادريس حيكون مستفيد فى كل الاحوال يا ود البشرى
خصوصا له رغبه قويه فى الترشح للاتحاد العام
اذن هى ازمه جديده فى الكوره السودانيه غير الازمات المعشعشه فيها
|
Post: #12
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-26-2010, 11:56 AM
Parent: #11
معاويه نحن متعودين من قوون يوم تزرع ويوم تشتل ويو تحصد
لكن الخبر ده ورد فى اكتر من صحيفه من بينها كفر ووتر و الصدى
والرياضيه وغيروا لكن هنا لب الموضوع كما ذكرت >
| Quote: قانون احتراف او تجنيس حراس المرمي لسه شداد مصر عليهو ..وما فيهو اي تعديل |
و السؤال هل الخبير حيرخى و يشتغل بالترضيات خصوصا الانتخابات على الابواب ؟
|
Post: #13
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: عمار يس النور
Date: 06-26-2010, 04:12 PM
Parent: #12
لمن قلنا صهاينة ما غلطنا عليهم
حيسجلوا الفلسطيني كيف ؟
بالتجنيس ؟
إذن هذا دعم صريح لإسرائيل
كل الدول العربية رفضت تجنيس الفلسطينين
و الان دولة المريخ الكيزانية تعمل على فك الإجماع العربي و بدء دعم إسرائيل بتجنيس الفلسطينين
كما فعل رئيسهم نميري (عليه رحمة الله) بدعم إسرائيل بالفلاشا.
مع الوالي مش حتقر تغمض عينيك
|
Post: #14
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-27-2010, 08:35 AM
Parent: #13
يا عمار الراجل وصل الخرطوم فعلا
وبدأوا فى استخراج جنسيه له فعلا
وده موجود هنا ( كفر ووتر ) >
| Quote: ينتظر ان تحسم لجنه الكرة بنادي المريخ من خلال اجتماعها ظهر اليوم بالمكتب التنفيذي للنادي بالخرطوم 2 ملف التسجيلات بالنادي ب، ومعروف ان اللجنة تضم في عضويتها كل من الفريق عبدالله حسن عيسي ومحمد جعفر قريش والكباتن عادل ابوجريشه بجانب مدير الكرة حاتم عبد الغفار ، وينتظر اجتماع اللجنة اليوم العديد من الملفات الساخنة منها اعارة المدافع احمد الباشا للنصر الليبي بجانب تسجيل الحارس الفلسطيني رمزي صالح الذي وصل فعليا للخرطوم كما اشارت "كفر و وتر" امس وينتظر ان يبدا المجلس في اجراءات تجنيسه اليوم بجانب التونسي هيثم المرابط والمغربي كريم الدافي ، يشار الى ان غرفة المريخ تضم حاليا بجانب الثلاثي الاجنبي لاعب الموردة محمدعثمان هنو |
|
Post: #15
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-28-2010, 07:20 PM
Parent: #14
الجديد هو تدخل السيد الرئيس شخصياكما ورد فى صحيفة الصدى
Quote: نفى الدكتور كمال شداد رئيس الاتحاد العام ما يتردد عن موافقتهم لانتقال حارس منتخب فلسطين رمزي صالح للمريخ لأغراض تتعلق بانتخابات الاتحاد، وقال إنه تفاجأ بخطاب من رئاسة الجمهورية موجه لرئيس الاتحاد العام وأكدت فيه رئاسة الجمهورية أن اللاعبين الفلسطينيين يعاملون معاملة السودانيين.. وقال إنه في البداية رفض للمريخ الطلب لأن ما يسري على الاتحاد العربي لا يسري على الاتحاد السوداني، كما أن الدولة نفسها لم تتخذ مثل هذا التشريع.. وقال إنه حول الخطاب للجنة التسجيلات لدراسته وإجراء اللازم ولكن اللاعب رمزي لن يلعب للمريخ حيث سيتم تحويل الموضوع الى الجمعية العمومية لتتخذ قرارها حول وضعية اللاعبين الفلسطينيين ويعتقد أن هذا الباب إذا فتح يمكن أن يحول الدوري السوداني كله الى فلسطينيين!! وعموماً الحارس رمزي لن يشارك مع المريخ محلياً أو دولياً قبل صدور قرار من الجمعية العمومية.
لجنة التسجيلات توافق على قيد رمزي صالح للمريخ أكد مصدر مسئول بنادي المريخ أن لجنة التسجيلات بالاتحاد العام منحت المريخ موافقة رسمية لضم الفلسطيني رمزي صالح لقيده في كشوفات المريخ خلال فترة التسجيلات الحالية على أن يتم اكمال الاجراءات في الجمعية العمومية وذكر المصدر أن مجدي نقل لرئيس المريخ أنه صاغ قرار الاتحاد العربي بمعاملة اللاعبين الفلسطينيين معاملة الوطنيين في كل الاتحادات العربية مبيناً أنه وافق على ضم الحارس الفلسطيني بعلم رئيس الاتحاد وستتم الموافقة في السادس من يوليو المقبل. |
شداد و جمعيته العموميه فى ورطه كبيره
لان لائحة حراسة المرمى من اجل ان يتنافس عليها السودانين حتى يتمكن احدهم من حراسة مرمى منتخب السودان
والاتحاد الدولى طبعا لن يسمح لهذا الزلمة حتى ولو امتلك جنسيه سودانيه طالما هو لعب لموطنه الاصل قبل
مرور سنوات ( اعتقد 15 سنه )
والاغرب تدخل رئاسة الجمهوريه بهذا الشكل > اظنو رد الدين لفريق الحكومة > اووووووك >
اكيد راجعين
|
Post: #16
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: طارق الكوتش
Date: 06-29-2010, 11:18 AM
Parent: #15
فووووق
|
Post: #17
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: abas
Date: 06-29-2010, 11:54 AM
Parent: #16
حقو بعد ده الهلال يدعم اسرائيل زاتو
مش عمر القشير وافق
خلاص لا يدكم معانا ندعم اسرائيل علي الفلسطينيين
|
Post: #18
Title: Re: المريخ و الزلمات .... مطلوب خبراء > ود البشرى و معاويه و عمار يس و عباس و آخرون
Author: حيدر بشير
Date: 06-29-2010, 07:24 PM
Parent: #17
أخونا طارق
لك التحايا
المشكلة انه ما حا يقيفوا من التجنيس و جلب الأجانب حتى يصير الفريق بما فيه الاحتياطى كلهم أجانب
التعديل لخطأ فى الطباعة
|
|