العوض المسلمي في قناة العربية الان

مع السفير اللبناني في البرنامج الان على الهواء
في انتظار مداخلة العوض

السفير السوداني قال ان الحادث فردي

السفير لبنان قال انه لام المثقفين الذين قدموا له المذكرة على ان العلم كان (مكرسا بالاحمر)

المسلمي : التعدي عنصري لايقبل من كل منابر السودان
ومنبر سودانيز الرائد
التعدي تم لحفل خيري لطفل
التعدي تم بربطهم بالكلابيش وتم سبهم بالفاظ عنصرية
نحن نحتج على الالفاظ العنصرية
على السلطات احترام انسانية السوداني
لا احد في السودان يعتدي على اللبنانيين في الخرطوم
نعترض على العنصرية
ان تقول لانسان يافحمة
6 ملايين مهاجر لم تقال لهم مثل هذه الكلمة في كل الدول العربية التي هم موجودون فيهاحتى اسرائيل لم تقال لهم
حتى يتم شتمنا في اللبس
احنا اللي غزينا العالم ثقافة وحضارة

لك التجلة ياشيخ العوض .....شكرا على كلماتك القوية والمعبرة والمباشرة

شكرا جزيلا الأستاذ/كمال ادريس، والتحية والاجلال لشيخ العوض المسلمى ورفاقه الاشواس والماجدات الذين رفعوا رأسنا عاليا، والتحية للريس بكرى الذى جعل ذلك ممكنا، مودتى .

كمال,
صباح الخير.
انا منربز انو شيخ العوض, زول الله الطيب, يقوم يتمتم و يهدى القضية بطيبتو للعروبة و الاسلام.

الحبيب زكريا
رغم قصر مدة البرنامج استطاع العوض ان يعرض القضية بصورة طيبة وناجحة

تابعت اللقاء يا اخ كمال بناء
علي هذا البوست وادركت الدقائق الاخيرة منه
ومن خلالها استطيع ان ابشر بالعوض المسلمي
زعيما قياديا قادما من رحم اهل السودان ومعاناتهم
تحية ليك اخ كمال
وتحية للعوض المسلمي

Quote: احنا اللي غزينا العالم ثقافة وحضارة

كلام قوى و لكن الاقتباس , لو قالو هو, فياهو ذاتو العنصرية البنتكلم عنها. غزو الاخرين و قمع ثقافاتهم دى حاجة بيعتز بهو واحد بيعادى العنصرية?
ياهو الانفصام ذاتو...

Quote: ابشر بالعوض المسلمي زعيما قياديا قادما من رحم اهل السودان ومعاناتهم

أثني

شكرا كمال ادريس

وانا سجلت التغطية كلها وبنزلها هسة ..


ايوة العوض كان كلامو قوي وواضح ..






----
والحمد لله يا عزام العوض المسلمي جاب الشكر لي حماد ذاااتو

.

شهادة لا أخفيها

اللقاء قصير الزمن اتي بفائدة يطول امدها وبعدها الفكري

العوض المسلمي

كنت أهلاً لما أملناه


شكراً كمال

المعذرة أنا آخذ علي الأخ العوض تكراره أكثر من المرة عروبة السودان

وأن إجابته كانت خاطئة في أنها أول مرة يتعرض فيها السودانيين خارج البلاد لمثل هذا العدوان، وأن السؤال الأساسي الذي ركز عليه السفير ومقدمة البرنامج أن السودانيين كانوا مقيمين بصورة غير شرعية فكيف يقيموا الاحتفالات كانت الاجابة ضعيفة بأنه حفل خيري ولم تتم الاشارة بأن هذا لا يعطي الحق للعنصرية خاصة لو علمنا اسباب اللجؤ الشرعي وغير الشرعي من حروب واضطهادات وغيرها جعلت حتي كثيرا من اللبنانيين نفسهم يتسللوا للدول الغنية مثل الخليج والغرب فهل يقبلوا بمثل هذه الاهانات هناك كما اكد في سؤال عن ان الحكومة السودانية لم تحتج علي التصرف اللبناني البغيض مؤكداً بأن الحكومة تدخلت علي مستوي السفير الذي قابل الحرير بينما السفير نفسه كان يقول بانه حادث فردي
مع احترامي الشديد لشيخ العوض الا انني لا اتفق بأنه كان جيدا في اللقاء

يا هولاء
هذا شخص سوداني فقط
تحفز ونظم مسيرة حين تخازل الاخرون
وضعته الظروف امام الكاميرات

ماهو سياسي ولاهو مفكر ولا هو اكاديمي ولا هو مثقفاتي من بتاعين المنضمة
هو زول ساكت انفعل مع موقف فتحرك

شعب يحب النقد ويفتش عن العيوب ولا يقتنع الا يوجهة نظره فقط


100% يالعوض

السينتور وليد شرحت واجدت

اتاحة الفرصة في تلفزيون العربية لعرض القضية نجاح في حد ذاته لنشر رأي الشارع السوداني .

شكرا للمرور الكريم

وقف البورداب وفعلو ما لم يفعله الآخرون

وألقوا حجراً في بركة الاضطهاد والتمييز والعنصرية


وأوقدوا شمعة في طريق الحرية


فلهم التحية ،،، ونقف معهم في الطريق .... نشاركهم الآراء ... نصوب إخطاءهم إن وجدت .... ونقترح عليهم ما نره .... ونسمع رأيهم فربما كان أفضل ....

وفي النهاية نقول لهم شكراً جزيلاً

مباشر مع العوض المسلمي




--
دا من الموبايل لحدي ما انزل ليكم تسجيل تاني من التلفزيون

مية مية يا حاج

من الواضخ ان السقير اللبناني انسحب من اللقاء بعد مداخلة السيد المسلمي و لذلك انهت المذيع اللقاء و الخبر
مع احترامي و تقديري للسيد المسلمي لم يكن قي مستوى اللقاء و الحدث

Quote: تابعت اللقاء يا اخ كمال بناء علي هذا البوست وادركت الدقائق الاخيرة منه ومن خلالها استطيع ان ابشر بالعوض المسلمي زعيما قياديا قادما من رحم اهل السودان ومعاناتهم تحية ليك اخ كمال وتحية للعوض المسلمي

لا يعرف المعروف إلا أهله لكم التحية وحب الوطن الخالص

Quote: يا هولاء هذا شخص سوداني فقط تحفز ونظم مسيرة حين تخازل الاخرون وضعته الظروف امام الكاميرات ماهو سياسي ولاهو مفكر ولا هو اكاديمي ولا هو مثقفاتي من بتاعين المنضمة هو زول ساكت انفعل مع موقف فتحرك شعب يحب النقد ويفتش عن العيوب ولا يقتنع الا يوجهة نظره فقط 100% يالعوض

وين التغطية يا انعام
التغطية النزلتيها فوق ما بتفتح معاي

في انتظارك بشدة

الصادق

لك التحية الأخ المسلمي

Quote: مع احترامي و تقديري للسيد المسلمي لم يكن قي مستوى اللقاء و الحدث

وشوف بالله جنس دا















..

من الافضل ان نحصي نقاطه الايجابية
لأن الكمال لله وحده
لم اتمكن من مشاهدة الحوار لكن توقعت منه تمثيلا مشرفا
ببساطة لأنه شخص صادق مع نفسه

العوض المسلمى من ابناء السودان الأوفياء انفعل كغيره مع حادثة الاوزاعى , وتمكن بمعاونة اخوته بورداب الخرطوم من صنع تظاهرة سلمية خلال 48 ساعة فقط , سلمت السفارة اللبنانية بالخرطوم مذكرة احتجاجية على تلك العنصرية البغيضة التى مورست فى حق اخوة لنا فى الوطن , العوض المسلمى لم يدع أنه قيادى ولا زعيم ولا سياسى , وانما قام بالذى قام به واخوته لشعورهم بالمسؤولية تجاه ما حدث , ليس مطلوبا من الرجل أكثر مما فعل , وما فعله واخوته عجزت عنه منظمات المجتمع المدنى وتقاعس عنه الكثيرون ممن يدعون النشاط فى مجال حقوق الانسان , هذا الرجل الوفى ومن معه دفعوا من جيوبهم لانجاح ما آمنوا به , حقهم علينا الشكر الوفير , مسألة الرجل لم يوفق فى بعض الأجوبة شئ اكثر من طبيعى حيث هناك ساسة يشتغلون بعمر العوض المسلمى فى مجال السياسة وعندما يأتى الواحد منهم فى استديوهات التلفزة لا يستطيع أن يقول ربع ما قاله أخونا العوض , تحياتى يا العوض وأنت على الأقل تملك ضمير حى يضعك فى مقدمة من يتصدون للعمل العام , الى الأمام يا رجل .

شكرا فيصل ووليد وكل الاخوه

Quote: العوض المسلمى من ابناء السودان الأوفياء انفعل كغيره مع حادثة الاوزاعى , وتمكن بمعاونة اخوته بورداب الخرطوم من صنع تظاهرة سلمية خلال 48 ساعة فقط , سلمت السفارة اللبنانية بالخرطوم مذكرة احتجاجية على تلك العنصرية البغيضة التى مورست فى حق اخوة لنا فى الوطن , العوض المسلمى لم يدع أنه قيادى ولا زعيم ولا سياسى , وانما قام بالذى قام به واخوته لشعورهم بالمسؤولية تجاه ما حدث , ليس مطلوبا من الرجل أكثر مما فعل , وما فعله واخوته عجزت عنه منظمات المجتمع المدنى وتقاعس عنه الكثيرون ممن يدعون النشاط فى مجال حقوق الانسان , هذا الرجل الوفى ومن معه دفعوا من جيوبهم لانجاح ما آمنوا به , حقهم علينا الشكر الوفير , مسألة الرجل لم يوفق فى بعض الأجوبة شئ اكثر من طبيعى حيث هناك ساسة يشتغلون بعمر العوض المسلمى فى مجال السياسة وعندما يأتى الواحد منهم فى استديوهات التلفزة لا يستطيع أن يقول ربع ما قاله أخونا العوض , تحياتى يا العوض وأنت على الأقل تملك ضمير حى يضعك فى مقدمة من يتصدون للعمل العام , الى الأمام يا رجل

والله فعلاً شوف جنس دا

Quote: مع احترامي الشديد لشيخ العوض الا انني لا اتفق بأنه كان جيدا في اللقاء

والله ياوليد بالفعل كلامك مية في المية
نحن اكتر شعب بيختلف حين تجب الوحدة
واكتر ناس بنظر في حاجات ومسلمات

عليك الله زي عبد الصمد ودمحمد دا لو فكر بس انو دي اول مرة يطلع زول على قناة العربية
ويعبر عن النظرة العنصرية التي يعاني منها الشعب السوداني في عيون الآخرين

نسأل الله أن يخفف علينا

الصادق

وقت الحارة لا نرى ناس زعيط ومعيط!

ما قام به الحبيب العوض المسلمي وبقية الشباب بالفعل عمل يستحق التقدير... والمشاكل راقده لمن يريد
التصدي لها من "ناشطين" و "سياسيين" والخ... عندما يحققوا إنجاز مدفوع من الكي بورد، ليتجاوز الكي بورد أيضا.

لهذا أثني:

Quote: العوض المسلمى من ابناء السودان الأوفياء انفعل كغيره مع حادثة الاوزاعى , وتمكن بمعاونة اخوته بورداب الخرطوم من صنع تظاهرة سلمية خلال 48 ساعة فقط , سلمت السفارة اللبنانية بالخرطوم مذكرة احتجاجية على تلك العنصرية البغيضة التى مورست فى حق اخوة لنا فى الوطن , العوض المسلمى لم يدع أنه قيادى ولا زعيم ولا سياسى , وانما قام بالذى قام به واخوته لشعورهم بالمسؤولية تجاه ما حدث , ليس مطلوبا من الرجل أكثر مما فعل , وما فعله واخوته عجزت عنه منظمات المجتمع المدنى وتقاعس عنه الكثيرون ممن يدعون النشاط فى مجال حقوق الانسان , هذا الرجل الوفى ومن معه دفعوا من جيوبهم لانجاح ما آمنوا به , حقهم علينا الشكر الوفير , مسألة الرجل لم يوفق فى بعض الأجوبة شئ اكثر من طبيعى حيث هناك ساسة يشتغلون بعمر العوض المسلمى فى مجال السياسة وعندما يأتى الواحد منهم فى استديوهات التلفزة لا يستطيع أن يقول ربع ما قاله أخونا العوض , تحياتى يا العوض وأنت على الأقل تملك ضمير حى يضعك فى مقدمة من يتصدون للعمل العام , الى الأمام يا رجل .

Quote: وشوف بالله جنس دا

انت يا ربيب النظام الشمولي الفاسد مالك
ما قام وبقوم به العوض المسلمي عمل كبير و اثبت انه متقدم على حكوتك الفاسدة القاتلة و اقر السفير بهذا
فله التحية والتقدير و كما ذكر المسلمي فهذه هي الخطوة الاولى في استرداد كرامة هذا الشعب
الكرامة التي تهدرها حكومتك الفاسدة القاتلة كل يوم
لكن ارى انه لم يكن موفق في الللقاء و لذلك اعتقد انسحب السفير و انهت المذيعة اللقاء و الخبر
تادب يا هذا عندما تخاطب الاخرين و الا سوف سوف اضطر انحدر معك الى القاع الذي انت فيه
لكم يوم يا قتلة يا فاسدين

شكرا يا فيصل
جبت النجيضة!

شكرا للكرام , دكتور مشرف , أنور كنق , الصائم على الاتفاق , ليتنا ندرى أن ليس هناك عمل كامل
خصوصا مثل الذى يتم دون ترتيب كافى وكرد فعل على سلوك كريه مثل الذى حدث لاخوتنا فى لبنان , الناس دائما بتتعلم من تجاربها, والعمل الذى تم ان قارناه بقلة الزمن فقطعا هو جهد جبار لا يتأتى الا لذوى العزم واصحاب الهمة العالية .

يكفي أنه عمل إستغرق نصف ساعة

و أبرز القضية في كل وسائل الاعلام

تكم جميعا عظيم التقدير

Quote: تادب يا هذا عندما تخاطب الاخرين و الا سوف سوف اضطر انحدر معك الى القاع الذي انت فيه لكم يوم يا قتلة يا فاسدين

فعلا عاين لي جنس دا!!!!















..

انت زول فارغ
و هذا البوست ليس المكان المناسب للتهاتر معك
لاسيادك القتلة المصلحة في التهاتر
يا ود امش العب بقيدك

Quote: انت زول فارغ و هذا البوست ليس المكان المناسب للتهاتر معك لاسيادك القتلة المصلحة في التهاتر يا ود امش العب بقيدك

معليش ياخي عايز اسألك سؤال انصرافي كدا واجابتك على هذا السؤال سوف تحدد طريقة كلامي معاك

انتا مواليد سنة كم؟

اذا كان عمرك اكتر من 40 سنه والله بخجل اخش معاك في هتر









..

Quote: من الواضخ ان السقير اللبناني انسحب من اللقاء بعد مداخلة السيد المسلمي و لذلك انهت المذيع اللقاء و الخبر مع احترامي و تقديري للسيد المسلمي لم يكن قي مستوى اللقاء و الحدث

بالعكس العوض المسلمي

كان اكبر من الحدث وتحدث ببراعة محمد احمد المحجوب

تفوق علي نفسه وعمل مع بورداب الخرطوم ما عجز عنه كل اهل السودان

التحية للعوض المسلمي وكل من معه


شعب سوداني حاسد عشان كدة يرد الي اسفل سافلين

شكرا يا العوض شكرا بورداب الخرطوم

Quote: تفوق علي نفسه وعمل مع بورداب الخرطوم ما عجز عنه كل اهل السودان التحية للعوض المسلمي وكل من معه

مليون تحية للمسلمي لكن ارى انه لم يكن موفقا في الحديث
لكن هي الخطوة الاولى

Quote: مليون تحية للمسلمي لكن ارى انه لم يكن موفقا في الحديث لكن هي الخطوة الاولى

وانا اراه انه كان موفقا جدا


نعمل تحكيم ول شنو

الشكر والتقدير للأخ / العوض المسلمي علي تكبده المشاق و التنسيق مع الوسائل الأعلامية لتسليط الضوء علي ما يكتب هنا في المنبر الحر من هموم و قضايا للشعب السوداني الذي ينتظر منكم الكثير.

لقد فاتنا اللقاء علي "العربية" وياريت لو في واحد من الزملاء قام بتسجيله.

Quote: نعمل تحكيم ول شنو

لا تحكيم لا اوكامبوا يا خلو يا حبيبي
رايك انو كان موفق و ان احترموا
راي الشخصي ان الاخ الاستاذ المسلمي ما كان موفق
حاول تصحيح او قل تكذيب السفير مما ادي الى تدخل المذيعة الى جاتب السفير .
تركيز الاخ المسلمي و اصراره على عروبة السودان كانت نقطة سالبة حيث لم يكن في حاجة الى اثبات عروبة السودان من عدمها
تردديد الاخ المسلمي الوهم المعشش في امخاخنا ان السودانيين هم الذين بنو الدول العربية بل و لهم الفضل في بناء كل الدول العربية
كلام غير موضعي و لا ساس علمي له
يعنى وهم ساكت ما بيجيب ثمنوا في لقاءات زي دي
اصلوا السودانيين وقت بنائيين من الدرجة الاولى ليه ما بنو بلدهم
يا اخ نحن في 2010 و البشير بيقذف اهلنا دارفور بالنار من عل و الكفار اتلموا من بقاع الكون لحماية السودانيين من السودانيين

لكن هذا لا ينفي ان موقف السيد المسلمي متقدم على موقف حكومة القتلة الفاسدين
و مجهوده و ما قام ويقوم به مقدر و يجد منى كل تقدير و احترام
و مبادرته هذه يجب ان يلقى كل انواع الدعم و من الجميع
التحية و التقدير و الشكر للاخ المسلمي

Quote: بالعكس العوض المسلمي كان اكبر من الحدث وتحدث ببراعة محمد احمد المحجوب تفوق علي نفسه وعمل مع بورداب الخرطوم ما عجز عنه كل اهل السودان التحية للعوض المسلمي وكل من معه شعب سوداني حاسد عشان كدة يرد الي اسفل سافلين شكرا يا العوض شكرا بورداب الخرطوم

ههههههه


لا ياخليل دي ما حساده دي غيرة عادية بتحصل بين الاخوان وخصوصا في مثل هذه الحالات وهي ليست من الحالات الميؤوس منها
ويمكن ان يتم علاجها بأقل التكاليف فلا تيأس يا اخي









..

Quote: يا هولاء هذا شخص سوداني فقط تحفز ونظم مسيرة حين تخازل الاخرون وضعته الظروف امام الكاميرات ماهو سياسي ولاهو مفكر ولا هو اكاديمي ولا هو مثقفاتي من بتاعين المنضمة هو زول ساكت انفعل مع موقف فتحرك شعب يحب النقد ويفتش عن العيوب ولا يقتنع الا يوجهة نظره فقط 100% يالعوض

التحيه للعوض ولكل بورداب الخرطوم

أوافقك مية المية أخ محمد علي حسن ولا تهم الإشارات الساخرة من السيد حزيفة ألا تعلم أنه من مؤيدي الإنقاذ وكل ما سيعجبه بالقطع هو ما يتماشي مع مصالح سلطة البشيرية

Quote: أوافقك مية المية أخ محمد علي حسن ولا تهم الإشارات الساخرة من السيد حزيفة ألا تعلم أنه من مؤيدي الإنقاذ وكل ما سيعجبه بالقطع هو ما يتماشي مع مصالح سلطة البشيرية

لك كل الشكر و التقدير اما شارات الوليد حذيقة فتاكد انى افهم دوافعه و ابعاده
اعلم الرجل من الذين ربطوا بقائه ببقاء الانقاذ
من الذينن يقتاتون من الانقاذ
من الذين صنعهم الانقاذ و لذلك من الطبيعي يحاول تشتيت الكورة لابعاد الانظار عن فضائح نظامه الفاسد
قدرنا في هذا المنبر ان نواجه امثال هذا الوليد المنتفع من الانظمة الشمولية
لكن فليعلم حذيفة و كل مناصري و مؤيدي انقاذ البشير ان دولة الظلم ساعة
و ان عاد حذيفة سوف لن نعود

التحية للاستاذ المسلمي على مبادرته هذه
لكن هذا لا يمنع من القول
في راي الشخصي لم يكن موفقا في اللقاء

التحية للاخ العوض

حذيفة ياخوي خليك عاقل !!
مستواك نزل خالص !!

مستواك نزل خالص !!


والله يا أبو السيد البنسويهو مع العالم الوهم ديل غلبنا ..
نقول شنو .. سامحنا ياخي


















..

Quote: ما قام به الحبيب العوض المسلمي وبقية الشباب بالفعل عمل يستحق التقدير... والمشاكل راقده لمن يريد التصدي لها من "ناشطين" و "سياسيين" والخ... عندما يحققوا إنجاز مدفوع من الكي بورد، ليتجاوز الكي بورد أيضا

شكراً أنور كنج فقد أوجزت وأوضحت

يا شباب

الزول الوهم الماقادر يفرز بين السيد المسلمي والعوض المسلمي ده أدوهو حقه خلو ينزل من البص ده

عالم لا تعمل لا تخلي الناس تعمل

شكرا العوض المسلمي
حاولت افتح اليوتيوب وما فتح
كان نفسي اسمعك
لانك اخوي ...
وبفرح ليك
سكة النضال دي ليها حلاة وقيمة
وثق من سندي لك دوما

Quote: تركيز الاخ المسلمي و اصراره على عروبة السودان كانت نقطة سالبة حيث لم يكن في حاجة الى اثبات عروبة السودان من عدمها

لم يكن تركيزا يا صديقي

الرجل اراد ان ينفي صفة اننا عبييد

Quote: تردديد الاخ المسلمي الوهم المعشش في امخاخنا ان السودانيين هم الذين بنو الدول العربية بل و لهم الفضل في بناء كل الدول العربية كلام غير موضعي و لا ساس علمي له

الرجل اراد ان ينفي عننا صفة الكسل التي وصمنا بها الاعراب

Quote: يا اخ نحن في 2010 و البشير بيقذف اهلنا دارفور بالنار من عل و الكفار اتلموا من بقاع الكون لحماية السودانيين من السودانيين

العوض المسلمي ليست له علاقة بحرب دارفور

وعليه

يتضح ان العوض كان موفقا تماما وادار اللقاء بمهنية

يحسده عليها كبار الساسة

"وَلا تَبْخَسُوا النَّاسَ أَشْيَاءَهُمْ وَلا تَعْثَوْا فِي الأَرْضِ مُفْسِدِينَ"
الشعراء

هذا ما فعله العوض المسلمي وإنعام وزوجها وكل من شارك في المسيرة

وعندما تتحرك فئة أخرى بعمل مماثل، يستطيع من أراد المقارنة أن يقول هذه
أكبر من تلك .. نصفه أو زد عليه ...
لكن الان لا يوجد عمل شبيه .. فلا مقارنة ولا محاكمة ..
بل الشكر أو الصمت ..
وحتى لو خرجت بعد اليوم تظاهرة مليونية، تظل هذه التظاهرة تارخيا في المقدمة لأنها
سبقت غيرها في هذا الزمن السياسي في السودان ..

بعدين المجموعه التي خرجت في المظاهرة مافي واحد دافع ليهم أجر مالي حتى يحاسبهم ..
ومن أراد أن يحاسبهم بعدم التمام عليه أن يحاسب نفسه أولا بعدم المشاركة في الدفاع عن الكرامة ..
حتى لا ينطلق عليهم قول الفرزدق:"أولئك آبائي فجئني بمثلهم"
تعالوا بعملكم حتى نقارن ونضاهي .. أما قبل ذلك فلا ..

وهذا ينطبق على حديث العوض للمحطة التلفزيونية .. فقد بلغ الهدف وهو توصيل الرسال
بصرف النظر عن الكيف مع أن الكيف كان جيدا .. وكمان غير مسبوق في هذا المضمون ..

لا تنظروا للتفاصيل من موقع المتفرج .. مثل من يتابع كرة قدم على التلفزيون ويقول لو
اللاعب ضرب الكروة "كده" كان جاب قون ..! مع أنك لو أدخلت هذا الشخص الملعب لن يعرف كده بتاعتو
أنا وقف أمام عدسات التلفزيون مئات المرات .. وبعد نهاية البرنامج اقول لنفسي لم تقل هذه
أو تلك .. رغم التقريظ الذي يلاحقني بعد البرنامج !!
الانسان خاج الحدث لا يعرف الظروف الداخلية .. لذلك قيل "أل في البر عوام" .. !!

تحياتي
40 مليون بطاقة شكر لزعماء لبنان ..

شكرا العوض المسلمي فما قمت به عجزت الدولة عن القيام به

Quote: يعنى وهم ساكت ما بيجيب ثمنوا في لقاءات زي دي اصلوا السودانيين وقت بنائيين من الدرجة الاولى ليه ما بنو بلدهم يا اخ نحن في 2010 و البشير بيقذف اهلنا دارفور بالنار من عل و الكفار اتلموا من بقاع الكون لحماية السودانيين من السودانيين

ما موجه للاخ المسلمي و غير معنى به بصورة اساسية و مباشرة
اكرر ما قام به الاخ المسلمي عمل كبير و يحتاج الدعم من الجميع
هي بادرة قام بها المسلمي و سجل براءة اختراع مسيرة ضد انتهاك انسانية السوداني باسمه و هو جدير بذلك
يكفى انه ارسل رسالة للجميع ان كرامتنا خط احمر
لكن ارى و في راي الخاص انه لم يكن موفقا في اللقاء
يمكن كما ذكر سعادة الاستاذ سالم الفي بر عوام
او لاني كنت و لا زلت متوقع منو اكتر

Quote: الرجل اراد ان ينفي صفة اننا عبييد

خلو حبيبي و ايه العلاقة
يعنى انت داير تقول
انت عربي انت ما عبد
انت ما عربي انت عبد
!!!!!!!!!!!!!!!!!

كيمو حبيبي يا جميل
اين انت
معليش خضنا في البوست بتاعك و انت غائب
النوبي الجميل كمال
دايرين نسمع صوتك
خاصة في العروبية و العبودية

.

يا بكريييييييييييييي

ياخ علييييك الله لو ما جيت شلت البوستات دي كلها ولميتها في حتة واحدة

عشان فترنا من المهاترات والكلام الما جايب حقو

الفكرة دي لما اطرحت هنا لي المناقشة مالكم ما دخلتو نظرتو

ولا فالحين بس لي الشوفوني انا معارض

البقدر يعمل زي العملو الناس ديل يجي يعمل وانحنا بنصفق ليهو

خلو كسير المقاديف في الفاضية والمليانة الوادينا ورا ده

كرهتونا ذاتو ياخ

Quote: خلو كسير المقاديف في الفاضية والمليانة الوادينا ورا ده

لا فض الله فوك
تعظيم سلام للاستاذ عبير
فلنسر جمعيا الى تحقيق ادمية و انسانية السوداني في الداخل و الخارج
و التحية للمسلمي وتعظيم سلام له

Quote: النوبي الجميل كمال دايرين نسمع صوتك خاصة في العروبية و العبودية

بشاشا

افكاره متطرفة لن ناخذ بها كثيرا

الاخ محمد علي حسن

مساء الخير

ياخي خلااااااااااااااص فهمنا العوض ماكان موفق ولم يكن علي مستوي الحدث

كررتها خرطمية مرة..........رسالتك وصلت.....شكرا ....جزيلا علي االتنوير

بس كدي اديني فرصة عشان اقول :

انا يمين قاشر بي العوض المسلمي في بورسودان

وقاعد اقول لي اي زول اقابله........

الزول الرفع راسنا ده اخوي عدييييييييييييييييييييل

وانا فرحان بيه..........

ابو السيد

ويييييييييييييين ياجميل

الجدير بالاحترام والتقدير العوض المسلمي ارجوان لا تلتفت الى
امثال هؤالاء الشرزمة فأن الانية الفارغة تصدر ضوضاء فهم قلة
وافعل كما قال الاديب الرائع مصطفى سند لا تساوم

الحبيب كمال

سلامات ياقريبي

ومعليش دخلنا بدون تحية

وفووووووووووووووووووووووق

من اجل الذي يجمل الاماكن ( الجميل العوض)

Quote: Quote: خلو كسير المقاديف في الفاضية والمليانة الوادينا ورا ده لا فض الله فوك تعظيم سلام للاستاذ عبير فلنسر جمعيا الى تحقيق ادمية و انسانية السوداني في الداخل و الخارج و التحية للمسلمي وتعظيم سلام له

يا خوي ما تعمل رايح
كلام كسير المقاديف ليك إنت عديل

Quote: انا يمين قاشر بي العوض المسلمي في بورسودان وقاعد اقول لي اي زول اقابله........ الزول الرفع راسنا ده اخوي عدييييييييييييييييييييل وانا فرحان بيه.......... ابو السيد ويييييييييييييين ياجميل

النوبي و المريخابي دياب و انا و الله العظيم قاشر بالعوض وسط العروب البدوان
فله التحية والتقدير و الشكر

دياب
خلو اللذيذ قال
تركيز الشيخ العوض في عروبة السودان كان لنفي العبودية عنا
يعنى انت الزيك ده الماعربي النوبي عبيييييييييييييييييييييييييد
و ايه قولك

Quote: وافعل كما قال الاديب الرائع مصطفى سند لا تساوم

الاستاذة هاجر التهامي اجمل مداخلة في هذا البوست
الاستاذ العوض سر و لا تساوم في عصر الانبطاح و البيع

محمد علي حسن بتاع جدة
شنو حاتي دقيق كــدا؟
الشغل العملوا العوض دا ما عاجبكـ؟

نجح العوض وزملائه وزميلاته وفشل البشير ووزرائه


نجح العوض في رد كرامة الانسان السوداني

بينما سعى البشير ووزرائه لارضاء كل العالم علي حساب كرامة الانسان السوداني وتحديدا دول العروبة

جاري العزيز الاستاذ كمال ادريس لك الاف التحايا ..
سعدت بهذا البوست لابعد درجة وهو يكتب باسمي من شخص في مكانتك ودورك في المجتمع .
وسعدت ايضا بذلك التوجيه والتصحيح الذي قوبلت به هذه المقابلة وكلنا يخطي ويصيب ..
وكم سعدت بحسن الظن الذي وضعني فيه الكثيرين واتمني ان اكون قدر كلماتكم ..
شاكر للجميع ولكن لابد من قول ان ما قمنا به هو انابة عنكم في تسيير مسيرة نعبر بها عن رفضنا الذل والهوان
ومتاكدين انكم لو كنتم مكاننا لفعلتم الشئ ذاته فنحن منكم وانتم منا ..
وتصور كيف الحال لو ما كنت سوداني واهل الحارة ديل ما اهلي ***

Quote: وتصور كيف الحال لو ما كنت سوداني واهل الحارة ديل ما اهلي ***

كفيت ووفيت يا العوض ..

Quote: تركيز الشيخ العوض في عروبة السودان كان لنفي العبودية عنا يعنى انت الزيك ده الماعربي النوبي عبيييييييييييييييييييييييييد و ايه قولك

عبد ما عبد

نخرتي مقدودة ما تفرق


لا يوجد شخص يقبل الاهانة حتي بائعة الهوي اذا شتمتها بانها بائعة هوي

بتطلع (........)

وحديث العوض كان في هذا الاطار


شكرا يا مسلمي انت جوووة الجق

وكم سعدت بحسن الظن الذي وضعني فيه الكثيرين واتمني ان اكون قدر كلماتكم ..
شاكر للجميع ولكن لابد من قول ان ما قمنا به هو انابة عنكم في تسيير مسيرة نعبر
بها عن رفضنا الذل والهوان
--------------------------
شكـرا لك يالعوض ولإخـوتك وأخـواتك علي ما قمـتم به
أدامـكم الله ســندا للمسـتضـعفين ونصـرة للمقهــورين

Quote: الشغل العملوا العوض دا ما عاجبكـ؟

والله عجبني عجب
يا اخ الشيخ العوض رد لي انا شخصيا كرامة شعب اهدرتها حكومة تجار الدين
هو العملوا الشيخ العوض في زول عملوا قبل كدة
الزول ضكران جد
حتى السفير كب الزوغة

لكن يظل راي ان التوفيق لم يجانبه للاسباب التي ذكرتها و غيرها لم اذكرها بعد
طبعا دة في التفاصيل
التحية للعوض و شكري وتقديري ودعواتي الصادقة له بالتوفيق في الخاص و العام

وطيب مالكـ حاتي لينا دقيق كـدا!
خلاس قلت رأيكـ واحترمناهو وانتهى الموضوع!
في داعي للتكرار يعني؟

Quote: وسعدت ايضا بذلك التوجيه والتصحيح الذي قوبلت به هذه المقابلة وكلنا يخطي ويصيب .. وكم سعدت بحسن الظن الذي وضعني فيه الكثيرين واتمني ان اكون قدر كلماتكم ..

هذا هو الشيخ العوض المسلمي

كمال وضيوفه كيفنكم
انا غايتو طارق العنقالي الما مثقف دة
عجبني شديد لمن ريحني في حناني ما قام به العوض وصحبته الكرام
يا ناس دة أمل في بداية طريق كبير في البلد الما عندها وجيع دي

Quote: لكن يظل راي ان التوفيق لم يجانبه للاسباب التي ذكرتها و غيرها لم اذكرها بعد طبعا دة في التفاصيل

علي الطلاق بالتلاتة

كان موفق بكل مقاييس الدنيا والاخرة كمان

Quote: يا ناس دة أمل في بداية طريق كبير في البلد الما عندها وجيع دي

صدقت أخى الكريم طارق , ديل هم الناس النحن محتاجين ليهم لقيادة منظمات المجتمع المدنى , لأنهم يملكون الضمير والنخوة والأخلاق , وديل هم الممكن يكونوا مفيدين لانسان السودان ويزودون عن حقوقه
المهدرة , بعد ان فشلت وأفسدت ما يطلق عليها منظمات حقوق الانسان , الناس ديل بدفعوا من جيوبهم
ومالكى منظمات حقوق الانسان يسترزقون من مآسى الشعب السودانى , عشان كده الأمل الذى لاحت بشائره
لا يجوز أن نقضى عليه فى مهده ونتجاوز الاخفاقات البسيطة التى غالبا ما يكون مردها قلة الزمن وعدم الخبرة الكافية علما بأن منظمى تلك التظاهرة المجيدة حركتهم الغيرة على أبناء الوطن الذين يتعرضون للسحل والاهانة وهذه نخوة ما بعدها نخوة , بل علينا بالدعم ولو بالكلمة الطيبة ولن تكلفنا الكثير , شكرا يا طارق على الوعى الكبير والهمة العالية .

Quote: صدقت أخى الكريم طارق , ديل هم الناس النحن محتاجين ليهم لقيادة منظمات المجتمع المدنى , لأنهم يملكون الضمير والنخوة والأخلاق , وديل هم الممكن يكونوا مفيدين لانسان السودان ويزودون عن حقوقه المهدرة , بعد ان فشلت وأفسدت ما يطلق عليها منظمات حقوق الانسان , الناس ديل بدفعوا من جيوبهم ومالكى منظمات حقوق الانسان يسترزقون من مآسى الشعب السودانى , عشان كده الأمل الذى لاحت بشائره لا يجوز أن نقضى عليه فى مهده ونتجاوز الاخفاقات البسيطة التى غالبا ما يكون مردها قلة الزمن وعدم الخبرة الكافية علما بأن منظمى تلك التظاهرة المجيدة حركتهم الغيرة على أبناء الوطن الذين يتعرضون للسحل والاهانة وهذه نخوة ما بعدها نخوة , بل علينا بالدعم ولو بالكلمة الطيبة ولن تكلفنا الكثير , شكرا يا طارق على الوعى الكبير والهمة العالية .