بصراحة ياجماعة (الشاورما) داخلة فى المقاطعة...

ماقاعد أحبها وموقفى منها ماواضح وحتى لكن دعماً للمواقف الوطنية فى هذه اللحظة الحرجة من تاريخ شعبنا السودانى سوف أعلن موقفى الرسمى منها وأقول بصراحة أننى افضل (الأقاشي) الأفريقى الصرف على (الشاورما) الشامية اللبنانية العربية وأن دعى الأمر فأننى سأقوم بمساندة الطهاة الأسرائيليين الذين قدموا الشاورما بأعتبارها أحد منجزات المطبخ (العبرى) وقد كان هنالك سجال وازمة وطنية بين طهاة لبنان وأسرائيل على نسب (الشاورما) فى حرب المطابخ والمطاعم ولن أتوانى فى تهشيم مقتنيات فيروز القديمة والرحبانيات كلها عدا(ورقو الأصفر شهر ايلول صحى الشبابيك ذكرنى حبييبى ذكرنى بيك) فلى معها ذكريات خاصة كان القلب فيها (زير)بارد رطب الحشا ينقط بالمودة قبل أن تدركه الأيام بظماها وجفافها.. صعب أدراجها فى أى أجندة حتى ولو حول (الدرك اللبنانى) شارع النص لشارع الحمراء (لكأنى بشقلبان تردد يااااريت) بالأضافة لفيروز هنالك مهدى عامل وسركون بولص (ماعارف لوكان لبنانى ولاهندى أحمر) ويمنى العيد والكرمل وغيرهم لكن سعادتى الحقيقة هى مقاطعة الشاورما...

تسقط لبنان
عاش الوطن
تسقط الفلافل
تسقط أم على
تسقط الشاورما

وعاشت الأمة العربية رغم أنف الأمن اللبنانى ..

------------

الداير ليهو خراب بينا وبين أخوانا العرب ديل اليشوف ليهو نضماً آخر

Quote: كلها عدا(ورقو الأصفر شهر ايلول صحى الشبابيك ذكرنى حبييبى ذكرنى بيك) فلى معها ذكريات خاصة كان القلب فيها (زير)بارد رطب الحشا ينقط بالمودة قبل أن تدركه الأيام بظماها وجفافها

تعيش الازيار وتسقط الثلاجات ...




ياسلام ياحاتم على جرستك

Quote: تسقط أم على

اخونا حاتم

الشاورما ما مشكلة

لكن ام علي دي ما تعصروا عليها

مودتي

يسقط يسقط بابا غنوج
عاش الفول السوداني حراً مستقلاً

ونانسي عجرم برضو خارج المقاطعة

أمبره الشيخ...أشكرك على المداخلة وأدعى لينا يرجع القلب (كلر) قريباً من متناول صائم جرسة تلكأ (مؤذن) مسجد حيهم فى الأذان

ود الباوقة....من الليلة تبقى زول (تركين) تجسيداً للهوية المطبخية الوطنية فى مواجهة أمبريالية الفلافل اما (البرقر) فهو شغل كفار عديل اٍذا لم يدخل عليه (الكاتشوب)

الشاورمة حبيبة قلبي الحمد الله انها حتكون بره الحرب دي لانو في

اشاعة قووية بانها تركية الاصول

غايتو كان اصريتو على ادخال ام علي جوة المقاطعة

انا هادي طرفي دا منكم

Quote: الشاورمة حبيبة قلبي الحمد الله انها حتكون بره الحرب دي لانو في اشاعة قووية بانها تركية الاصول

يسمع منك الله يا كيكي
غايتو إحتياطيا كدي لحدود فك الإشتباك أنا اكلت لي زي خرطمية سندوتش
عشان لو حرمتوها أكون مكتفي

Quote: يسمع منك الله يا كيكي غايتو إحتياطيا كدي لحدود فك الإشتباك أنا اكلت لي زي خرطمية سندوتش عشان لو حرمتوها أكون مكتفي

اضرب شاورمتك ساااكت يا ابوحميد
فالثابت بانها وجبة تركية اكتشفت في نواحي اسكندرون...!!
___
عندي بتاع مطعم تركي هنا في الدوحة مرة بالغلط ساااكت قلت ليهو انا بعرف ناظم حكمت
الزول ده كل ما امشي ليهو بوضب لي شارومة يا النبي نووح منها.. تاكل صوابع يدك وكراعك زاااتها وراها لوووول

أنا غايتو فيروز والرحابنة ديل ما بقاطعهم لو جا الجيش
الأكل هين يا حاتم ألياس الكلام "الزير"
فليبقى الزير سالم

Quote: أمبره الشيخ

عجبني ليك يا الشعيرية ..
المهم .. هسه الدبارة كيف ؟؟
الأقاشيه مهبب .. بيعمل نُفاخ .

........
أدينا خاطرك إنت و السودان الما عندو وجيع ده ..
أنا زول تبولة و شكشوكة و مقلوبة ..
وديك .. اللحمة المدردمة ديك !!

Quote: أنا غايتو فيروز والرحابنة ديل ما بقاطعهم لو جا الجيش

.. أنا ما مقاطع مع تيسير ..
قاطعو مقاطعتكم يا حاتم .. وارفعوا يدكم عن فيروز ..
الشاورمة ساهلة .. أنا ذاتو نباتي وما فارقه معاي كتير ..
الما نباتي فيكم .. وعايز يقاطع .. عندكم ام فتفت .. وعندكم مرارة .. والحاجات دي كلها فيها سعرات حرارية كويسة قاطعوا الشاورما والفتوش .. وبالمقابل اللبنانيين يقاطعوا الويكة وأغاني الحقيبة ويا دار ما دخلك مايونيز

Quote: وديك .. اللحمة المدردمة ديك !!

اسمها كبة يا عمدة
كبة باللبنة
كبة نية
كبة بالصينية

إيه .. لكان شو مفكّر ..



ـــــــ

تامبا سجمي بقيت نباتي؟
يعني زي ناس زيت عافية ومازولا ولا كيف؟

Quote: الأقاشيه مهبب .. بيعمل نُفاخ .

.. حالات الاقاشي البيعمل نفاخ دا معروفة .. ما تفرش بي الاقاشي .. وكان فرشته بي اقاشي .. امشي نوم بدري وأجل كل النوايا لي اليوم التاني ..

Quote: تامبا سجمي بقيت نباتي؟ يعني زي ناس زيت عافية ومازولا ولا كيف؟

والله يا تيسير .. زيت دوار الشمش عديل .. ياخ الاسبوع الفات دا ماكل لي كمية بتاعت (قش) خيالية .. كلو بالزبادي ..
لكن الليلة .. ح افك الحصار الاقتصادي .. في محل شاورما كدا .. جاو بلا .. عشان مقاطعة حاتم دي ..
عليكم الله في زول عاقل بقاطع ليهو (عضـة) في السودان..؟

في اختراع اسمو ( الشاورما المكسيكية) ....... اكلتها في ابوظبي لمن عرفت حاجة .....

لكن المشكلة في السودان مافي غايتو للمخارجة ناكل الشاورمة اللبنانية بنية انها مكسيكية .....

هسي عليكم الله وينو خشم الشاورما دا!
وعاينو بتاع الشكشوكة داكـ كمان!!
البتاعة دي برضو لبنانية؟


البكدّ الدوم منو؟

حاتم الياس يا عروبي

عرافاك عامله لينا هظار وحركات

وانت قاصد تفسد المقاطعه.


المقاطعه ما للشاروما

المقاطعه لانه ما يكون مثنها بيصب في جيب اي لبناني

يعني تركي مصري...سوري ما مشكله لكن ما لبنانين لحد ما يعرفوا يحترموا

الناس الكايسين لقروشهم وبيسمهوم عبيد!!

و(بهائم وما بعرفوا بيلبسوا ثياب حلوه)!!




تخريمه:
يا تامبا يمرض وهبه ويطبقوا فيك انت(ههههههه)
شكلها دلوش خائفه عليك شبكتك قش بس!!

Quote: والله يا تيسير .. زيت دوار الشمش عديل .. ياخ الاسبوع الفات دا ماكل لي كمية بتاعت (قش) خيالية .. كلو بالزبادي .. لكن الليلة .. ح افك الحصار الاقتصادي .. في محل شاورما كدا .. جاو بلا .. عشان مقاطعة حاتم دي .. عليكم الله في زول عاقل بقاطع ليهو (عضـة) في السودان..؟

اعمل حسابك من الشاورما
بتودي في داهيه وما تسمع كلام حاتم الياس ده حاقد ساي(ههههه)!

Quote: أقول بصراحة أننى افضل (الأقاشي) الأفريقى الصرف

شوف نار التقابة الاقاشيه دي كيف





---
بانت فيها محل اقاشي شهير, اجعص بتاع شاورما لبناني ما بثبت معاه

غايتو الأقاشي والمكسيكية بتاعة جنابو ديل أخير منهم المقاطعة
كمية من الشطة والإسبايس تقول مغالطينهم يخلو الوش طوالي يقلب زي دا ()



ـــــــــ

يا تامبا
أنا لي بالضبط زي خمسة سنين بقرر إني أبقى نباتية غلبني كلو كلو
القش براهو دا ما حبابو أصلو
والله لا جاب اليوم الأضطر فيهو "صحياً" إني آكل خضار وكمان بالزبادي


غايتو القاوت لو طلع وراثة الله قال بي قولي

الوش هيّن!










كااااااااااااااااااااكـ!

ود الصايم إنتا بالذات مفكرة أعمل لي ختم بتاع (معيار) وأدقو ليك ورا كل مداخلة
التفاهم معاك بقى صعب شديد الأيام دي










ــــــــــ
قالت لزوجها: ما ملاحظ أسلوبك معاي بقى بايخ شديد الأيام دي
رد عليها: صحي والله على سيرة البياخة أمك أخبارا شنو؟

توجد مداخلة مشفّرة هنا!













غايتو بعد ما لخّيتا وعملت (شاهد قبل نشره) شلتها!

Quote: غايتو بعد ما لخّيتا وعملت (شاهد قبل نشره) شلتها!

فالح ولدي يغتيهو الله








ـــــــــ
سعد ولدي قلت ليهو الله يغتيك يا ولدي
قال لي يغتيني بالبطانية؟
وكان جادي تتخيل

Quote: سعد ولدي قلت ليهو الله يغتيك يا ولدي قال لي يغتيني بالبطانية؟

Quote: يا تامبا أنا لي بالضبط زي خمسة سنين بقرر إني أبقى نباتية غلبني كلو كلو القش براهو دا ما حبابو أصلو والله لا جاب اليوم الأضطر فيهو "صحياً" إني آكل خضار وكمان بالزبادي غايتو القاوت لو طلع وراثة الله قال بي قولي

بالمناسبة يا تيسير .. أنا مشروع (النبتنة) بالزبادي دا بعملو كنقد ذاتي ..
عارفه الشهر الفات دا .. يمكن اكون أكلت لي خروفين .. دا أنا كعلاء الدين منصور طبعا .. ود الصايم الشايفاهو عينك دا ماكل ليهو زي (مراح) عديل كدا .. بي اختصار كدا انا بقعد راس مع ود الصايم.
يللا بعداك بقوم بحس ليك بي (كرعيني) وجعتني بقوم بتذكر ليك القاود دا طوالي قالو بيعمل وجع في الكرعين
طوالي أقوم اغير النظام الغذائي .. واجيب الزبادي والقش ..

باللاي يا تامبا قاعد تقضي باقي الأسبوع كلو قش!
عشان كـدا في عشا (الفخار) كنت مستمع بالقشوش شديد!

غايتو يا اخوانا (بورداب الخارج) ديل انصرافيين بي شكل !
عاين نحن ماشين اسي نعمل موزاهرات وحركات وكركبات ,
وانتو قاعدين لي في الشاورما المكسيكسه والكونفدراليه ؟؟

طبعا يا تايسا انتي ما معاهم ..
معقوله بس ؟؟ انتي مفكره كبيره خالس ..

اميره الشيخ برضو ما معاهم لانها رفيقي وسيد البوست برضو بره لانو معانا في الخرطوم.
جنابو عمر من بورداب الداخل عشان كدا ما معاكم ..

ياربي تاني فضل منو ..؟؟ منو ؟؟

Quote: ياربي تاني فضل منو ..؟؟ منو ؟؟

تراجي!

Quote: عشان كـدا في عشا (الفخار) كنت مستمع بالقشوش شديد!

عشا الفخار كان يوم الاربحا ..
انتو نهايه الاسبوع عندكم يوم الاربحا ..؟؟

Quote: ود الصايم الشايفاهو عينك دا ماكل ليهو زي (مراح) عديل

Quote: يللا بعداك بقوم بحس ليك بي (كرعيني) وجعتني بقوم بتذكر ليك القاود دا طوالي قالو بيعمل وجع في الكرعين طوالي أقوم اغير النظام الغذائي .. واجيب الزبادي والقش ..

يا زول نقد ذاتي في أي شي إلا (نبتة حبيبتي) دي مش بيقولو اللون الأخضر بيحسن المعنويات أنا من ما أشوفو في الأكل بيجيني إكتئاب عديل
اللحمة الحمرا باكلها مرة واحدة بالكتير مرتين في الأسبوع وطبعاً ما بي كمياتك إنت وود الصايم وبرضو شايفاها كتيرة ومخوفاني ..
قالوا السعيد يشوف في غيرو ولكم في عمكم عووضة أسوة حسنة ولا سيئة ما بعرف

Quote: طبعا يا تايسا انتي ما معاهم .. معقوله بس ؟؟ انتي مفكره كبيره خالس ..

طبعاً مفكرة ..



مفكرة أديك شكلة وإنتي عارفة ليه

يا تايسا قبل الشكله ,
اطلب النظر في تبريراتي ,

لغد غرأت الهناي قبل اغل من ساعه ,
وسوف اتصلو بيكي بعد اغل من ساعه ايضن ,
لغد انني لم اخش النت ولا البورض غريبن ,

ياخ انا لاقيه اضرب ليكي ؟؟ انتي جاده ؟؟

Quote: عشان كـدا في عشا (الفخار) كنت مستمع بالقشوش شديد!

والله قش شديد ..
لكن إنتو يوم الفخـار .. استمتعتو بي المنتجات اللبنانية .. ودا بيحسب عليكم .. لا ليكم..
يعن حسع عايزين تقنعوني إنت وزميلة البورد بعد الكمية الكبيرة من المنتجات (اللهطتوها) دي إنكم مقاطعين ..؟
طيب لو مقاطعين .. ادفعوا لي حق الفخار دا بي (اثر) رجعي .. .. يا كمان إنت من حكم موقعك الجغرافي (اغشى) معاك الشميسي وجيب لي معاك (اغاشي).. زميلة البورد دي إبان زيارتنا الأخيرة للخرطوم فسحتني في أمواج وسلوتير وبيتزا إيطالي والبيت السوري .. وأم كلثوم.. جزاها الله خير ..

Quote: من حكم موقعك الجغرافي (اغشى) معاك الشميسي وجيب لي معاك (اغاشي)..

والله يا زميل البورض ,
يعني لو قلتا ليهو امشي جيب الاقاشي دا من اديس ابابا زاااتها وتعال جيبو لي في حي السفارات كان اسهل !!
(يغشى) (الشميسي) ..؟؟ من محلو داك ..؟؟
انت قايلني ما بعرف شوارع (الرياظ) يعني ..؟؟


يا زميل البورض لو سمحتا ما تغشنا, انت قايلني جيت البلـد ديك في لوري شطــه

ايواا حاجه تانيه باالله يا زميل البورض , ياريت تحكي لينا عن تجربتك (الثره) في ام كلثوم دا ..
خـاصه الزبــادي بالعســل

يا زملاء البورض ..


أم كلثوم دا شنو كمان؟
عشان نعرف نقاطع ولا لأ


أنا غايتو فيروز ما بقاطع
أم كلثوم ما بقاطع




ــــــــ
لقيتيني كيف يا داليا وأنا بمارس في نفس الدور بتاعك
أووووووعك تردي لي هنا دا

Quote: أم كلثوم ما بقاطع

ما تقاطعي وانشالله يحصل ليكي زي اللي حصل لي زميل البورض




----------
عايني .. قلتي لي ما ارد عليكي هنا صح ؟؟ ياخ ما تخليني ارد ياخ ؟؟
او اقول ليك فكره سمحه .. نادي البنــا يرد بدلك كااااااااااااااااااااكــ ..

Quote: (اغشى) معاك الشميسي وجيب لي معاك (اغاشي)..

يا معلم!
في أغاشي في الشميسي؟!

Quote: يا معلم! في أغاشي في الشميسي؟!

يعني الفخار كان فيهو (قش) !
بعدين دي شنو الاسئله التعسفيه دي ؟
قوووول فيهو ؟؟ حا تطلع من الحته الانت قاعد فيها اسي دي وتمشي (الشميسي) تشتري (اقاشي)
وتجيبو حي (السفارات) ؟؟ طيب زميل البورض دا احتمال كبير يقول ليك اغشى جيب لي (عصير مشكل) من
يا مال الشام اللي في (الشفا) , وجيب لي ايسكريم شيز كيك بي نشاره الخشب من (باسكنروبنز) فرع (الدخل المحدود)

يا فردة الضرب دا عشانك إنتي
الوقت ما في صالحك وما دايراك تدقسي واليعوذو بالله




تاني إلا أجيك بي رجليني

Quote: يا زول نقد ذاتي في أي شي إلا (نبتة حبيبتي) دي مش بيقولو اللون الأخضر بيحسن المعنويات أنا من ما أشوفو في الأكل بيجيني إكتئاب عديل اللحمة الحمرا باكلها مرة واحدة بالكتير مرتين في الأسبوع وطبعاً ما بي كمياتك إنت وود الصايم وبرضو شايفاها كتيرة ومخوفاني .. قالوا السعيد يشوف في غيرو ولكم في عمكم عووضة أسوة حسنة ولا سيئة ما بعرف

أول حاجة أرفعي يدك عن الأخ الصديق عووضة .. لانو الرجل (سمكنجي) جدا قشكم ومنتجاتكم اللبنانية واللحوم دي ما عندو معاها اي جاز ..
ثانيا.. قلت ليك نقد ذاتي .. معناته الخضار دا لما أكلو بكون منضبط خالص تجاه القضية .. وزهجان ليك منو زهج شديد خلاص ..
مرة أخرى أرفعي يدك عن ود الصايم .. .. ياخ ود الصايم دا لو الظروف سمحت ليك .. ولقيتيهو في خط ميت في لحمة .. بتعرفي قيمة الخضار والقش كويس ..

Quote: ايواا حاجه تانيه باالله يا زميل البورض , ياريت تحكي لينا عن تجربتك (الثره) في ام كلثوم دا .. خـاصه الزبــادي بالعســل

اكبر مشروع فاشل مر علي في حياتي الغذائية..
ادعوا بورداب الخرطوم وحاتم الياس شخصيا لتسيير حملة مقاطعة الزبادي بالعسل ..
ياخ الحمد لله الواحد مما قام لو بلع ليهو زول .. ما بيعمل (بطرش غالي) .. يجهجهني عسل بي حبة زبادي .. أنا يجهجهني العسل؟

Quote: أم كلثوم دا شنو كمان؟ عشان نعرف نقاطع ولا لأ

عايزه النجيضة يا تيسير ..؟ كان لاقيتي زميتك بتاعت البورد دي وقالت ليك أغدا القاك .. قولي ليها النبي فيك ... الزبادي لا .. العسل لا ..

إنتو يا جماعة حاتم دا وين فاتح ليهو مطعم خمسة نجوم .. ويفطر في برج الفاتح ويخلينا للسلطات المحلية دي ..

الجميع هنا اشد على اياديكم ولااخفيكم انه وفى مسار هذا البوست النضالى أتصل بى الأخوة (شامبيون) مؤكدين بانهم بصدد اطلاق مشروب جديد يعمل على تاجيج المشاعر الوطنية وقد اطلق عليه أسم (شرارة)....وبذلك يكون الجواك شرارة الجواك سخانة

...........





ياتيسير مامزعلانى حاجة فى البوست دا الاً داليا كباشى القالت (تمبس) مفكر....

يا تامبا صديقك السمكنجي عووضة بيقول السمكة كان ما شركت ليها براي وإصطدتها براي وجبتها البيت تفرفر ما باكلها
إنتو قايلين الجنايز الببيعوها ليكم دي سمك؟
(الكلام دا إنت كموردابي بتكون قادر تستوعبو كويس طبعاً) كم وتلتين سنة ونيف بيصطاد تقول لي شنو؟
ومع ذلك القاوت ما مقصر معاهو لأنو لمن كان سغير كان جنو "حرف كاف"
كوارع، كمونية، كبدة وكلاوي، كستليتة وهاكزا



ود الصايم دا حدي معاهو فتة فول بالكتير فتة عدس


ــــــــــــ
يا داليا

Quote: عايني .. قلتي لي ما ارد عليكي هنا صح ؟؟ ياخ ما تخليني ارد ياخ ؟؟ او اقول ليك فكره سمحه .. نادي البنــا يرد بدلك كااااااااااااااااااااكــ ..

ياخ إنتي كارثة تمشي على قدمين ..

Quote: ياتيسير مامزعلانى حاجة فى البوست دا الاً داليا كباشى القالت (تمبس) مفكر....

والله غصبا عنك مفكـر .. حسع يعني تيسير عووضة تكون مفكرة وأنا اطلع قاعد ساااي ..؟
والله مفكر نص وخمسة ..
مفكر لي في مشروع بتاع مطاعم قراصة وتركين في العاصمة اللبنانية بيروت .. وفي تل الزعتــر ..
الناس ديل بدل ما تقاطعوهم (اغزوهم) غذائياً ..
تخيل بلاي يا حاتم نانسي عجرم دي .. يا وائل كفوري يا إلين خلف .. جو في حفل افتتاح المطعم دا واتقدم ليهم طبق اليوم .. قراصة ستة بوصة مع تركين معتق سنتين كدا لي وراء .. وقسما بالله يعرفو حاجة..
..

Quote: الكلام دا إنت كموردابي بتكون قادر تستوعبو كويس طبعاً

.. وإنت قائله الممسكني في صداقتو شنو غير حكمتو الواسعة دي .. ؟ .. السمك مفروض يكون من الموية للصاج .. مباشرة ..

Quote: ومع ذلك القاوت ما مقصر معاهو لأنو لمن كان سغير كان جنو "حرف كاف" كوارع، كمونية، كبدة وكلاوي، كستليتة وهاكزا

والله (كطير) لكن .. كان بضرب الاكسسوارات دي كلها..؟ ..

Quote: ود الصايم دا حدي معاهو فتة فول بالكتير فتة عدس

... برضو بتتورطي لانو العدس والفول فوقم بروتين .. أخير ليك الزبادي بالزعتـر ..

ــــــ
اسمعي إنت والزميلة دي بتنتهو لينا متين من الدكاكين بتاعتكم البتبنو فيها دي .. ما شايفين المسالة دي طولت .. بتجيبو الاسمنت دا من ووووين ..؟

تخيلو اني الزول الوحيد الما عندو حب لاي شئ عربي
لا كتاب لا مغنيين لا شعراء لا راقصين لا اكل لا بلد لا زول من هناك .

يمكننا أن نجد بدائل لكل المنتجات اللبنانية


ولكننا ابدا ... لن نجد بديلاً للوطن ... للسودان

شقيقتنا العزيزة دومة....أتجهى مباشرةً لأقرب مقر أو وحدة عسكرية فى أى بقعة من أنحاء العالم سوى كانت تابعة للجيش الأحمر أو القوات الهندية الجوية أو وحدات المشاة التابعة للجيش البوركينى أو حلف الأطلسى وخليهم يدوك (دبورة) على طول...ويعملوا ليك طابور شرف كمان..

قلتى لى مابتحبى أى حاجة عربية!! تعظيم سلاااام

إنت يا بتاع القش إنت ..
نباتي في عينك .

خليك في القش ده لما يجيك الجا لقريبنا داك ..
الدنيا برد و عامل نباتي .. قام قش ليهو زي كُليقة بتاعت فجل ..
أنقر مرتو ما مشت أهلها في ليلها داك !! .. قالوا جات بيت ناس ابوها نخرتا وارمة و محمرة .. و موية في الرئة .
هو التيتل الأصلي قال في معرض تبريرو لما حل بالمره المسيكينة : خليها تمشي .. هي زاتا لقيتا ليك ماااااا مرة حاره ..

........
حاتم إزيك .

تمبس ..

Quote: عايزه النجيضة يا تيسير ..؟ كان لاقيتي زميتك بتاعت البورد دي وقالت ليك أغدا القاك .. قولي ليها النبي فيك ... الزبادي لا .. العسل لا ..

يا زول زميلة البورد دي ولا أغداً ألقاك ولا إنت عمري
شاي بي لبن عند حليوة وشكر الله سعيكم

Quote: اسمعي إنت والزميلة دي بتنتهو لينا متين من الدكاكين بتاعتكم البتبنو فيها دي .. ما شايفين المسالة دي طولت .. بتجيبو الاسمنت دا من ووووين ..؟

الأسمنت رااااقد الله يخلي لينا البنّا والدكاكين ويخلي زميلة البورد زاتا
ما سمعت وردي بيغني بي إصرار حنبنيهو .. حنبنيهو
إنت قايل شنو


ـــــــــ

Quote: ياتيسير مامزعلانى حاجة فى البوست دا الاً داليا كباشى القالت (تمبس) مفكر....

يا حاتم ..

تمبس دا مفكر مخضرم جداً ودايماً في حالة إنو بيفكر
هسي قال مفكر يفتح مطعم في لبنان بتاع "تركين" شخصياً
شو يا زلمي، ولك يئبرني شو مفكر

ــــــــــ

دوما حبيبة الشعب ..

ياخ الجماعة ديل بيني وبينك ما بترادو لكن كمان الغنا والمزيكا ما عندهم جنس
يعني كيف الزول يصحى ويواصل يومو بدون ما يسمع صوت فيروز الطازج كل صباح؟

Quote: صوت فيروز الطازج

برضو ..!!
أمانة ماك بطينية .

إنت ما توزنها على القهوة طوالي جاري على العضة






القهوة دي تبع الراس يا عمدة وليس البطن حسب آخر خطة إسكانية

ياتيسير خلى بالك مع الغضب العربى وين دا هسع دومة أختك دى بتكون عاملة نفسها مريم ماكبا أحتجاجاً المزيكا العربية والأكل العربى واللغة العربية وقناة العربية


عماد عبدالله ...وعليكم السلام ياسعادتك

Quote: بصراحة ياجماعة (الشاورما) داخلة فى المقاطعة...

غايتو من شدة ما بكرها - كان يوغنديه بنسبها ليهم ،،


ـــــــــــــ

بصراحة ياسودانيين (التبوله) فى المقاطعة...؟؟؟






هشام

البلد دى الزول ماينوم فيها ولاشنو?

سربعة بالطريقة الصاح .....

تاايسا رجعت للملعب بلياقة كاملة بعد فلايت المعاييير

عماد عبدالله ,,الله يخليك لفتيش النقط الناقصة..
اما زملاء البورد تمبس وداليا الله يدينا خيرهم,,,

سيد البوست آمن عديل,,