في شأن مقاطعة المنتجات اللبنانية (لست عربيا ولكن)وهل بمقدور ابناء الكنابى إقامة اي نشاط

الكلام للشاعر الراحل النور عثمان ابكر
مؤسس مدرسة الغابة والصحراء ..

Quote: لست عربياً.. ولكن! بقلم: النور عثمان أبكر كل ما هو غيبي وعميق في السودان إنما هو عطاء الغاب.. تجريدية الفكر الإسلامي إستحالت إلى ليونة المدنية البدائية التي تأخذ فكرها عن حاجتها المباشرة.. الخيط الأساسي في وجودنا ليس هو الصوفية الشرقية، بل هو الحركة الرخيمة لرقصات الغاب، الطبل، البوق.. أرقب جوقة دراويش أو حلقة ذكر أو زار: النغمة والحركة نبضة طبل وردُّ فعل القدم والصدر واليدين والوسط والعنق.. الحالة، النوبة، الأخيرة للإنفعال والتقمص ليست دينية بمفهوم إسلامي، بل بمفهوم بدائي، إفريقي.. الألوان الرئيسية في عمرنا هي الألوان الأولية بصراخها الشمس، هي أيضاً إرث الغاب. إيقاع عمرنا سماحة وتبذيراً وخمراً واستهتاراً وحباً للهو والمرح.. إيقاع بنض عمرنا إفريقي، بدائي. أما الأمور التي تعد له فهي ما يحتاجه هذا الإيقاع ليعبر هوة الاتصال بينه وبين (جلابته).. التردد في المسائل الإفريقية العربية هو التردد حقيقة في انطلاق جرس هذا الإيقاع بعيداً عن جذوره ومصادر إلهامه الأصيلة. نزاع الغاب والصحراء في عمرنا هو لونية هذه السماحة في علاقاتنا مع (إخواننا) العرب و(إخواننا) الزنج. في بيت كل عائلة سودانية كبيرة في أم درمان أو الداخلة أو مدني، خالة، جدة، خال، جد يفرش أرضية سوداء وخشنة لقمح اللون وليونة الخدود وخيلاء الأنف. مستورة أو غبيئة أو مرجان أو بخيت أو خادم الله. وبطبع التستر في عائلات البلد، تبقى أو يبقى ذكراً منسياً. في قاعة الجامعة العربية يلهج الابن بعروبته، وفي كوناكري يُصرُّ على إفريقيته، مثلما لا يستطيع أن يؤدي فريضة الصلاة كاملة اللفظ والحركة.. هذه المستورة تخرج لدق الريحة وأغنيات السيرة والحِنَّة (بالشتم) والغصن الأخضر – نخلاً أو موزاً، لا يهم، الخضرة هي اللون المهم، والنبض، الإيقاع هو إيقاعها، إيقاع الرعب والفرح، إيقاع الرب والمجهول اليومي والميتافيزيقي. مستورة هي الرحم الذي صَدَرتْ عنه المشكلة التي تبقيها في أقصى الدار.. مستورة زرعت غاباً في الصحراء.. مستورة عرشت كوخاً عِوَض الخيمة. قد تكون هذه (المستورة) هي المجلوبة. الخروج من الغاب إلى الصحراء والوادي المحدد بها تم عن طريق الجلابة أو المارق الذي في بطن ذاكرته أفراح لم ينعم بها، عاد يسترق منها (مقاطع) يبيعها إن لم يحتفظ بها.. أبولكيلك وأيامه مرقة من الغاب وعودة إلى الغاب.. الفور أيضاً.. السنغال والفلاتة الحمر. وقد تكون مستورة – خاصة في الفترة الخصبة التي بنت أم درمان وعمرت الجزيرة – محارِبة لِصْق زوجها.. هنا جدتي نورة وزوجها بخيت.. يتم التقاء ببخيت آخر ومرجانة، ويكون المارق (نورا).. كيف له أذن أن يدّعي أنه عربي؟ باللسان؟ عربيته تطويع لاحتياجات إيقاع الرعب والفرح الوجودي الأوليين في التعبير بعد أن فقدا شكل كلمة القبيلة. إذن - مثل الجزائري الناطق بالفرنسية – سيكون الصدور عن الغاب، عن الأوراس، عبر لفظة مكتسبة (الكاتب لا يضمر أي تلميح لاستعمار عربي لأرض الزنج). الثقافة الوجودية الأعمق للمارق الجديد هي عطاء إيقاع الرعب والفرح الميتافيزيقيين لنبض الغاب فصلاً ونهراً. ولكن كل وعاء يعدل شكل وكمية بوالتالي الكيفية الأخيرة لما يحتويه، ولكنه لا يغير الطبع الأول للمادة الأولى، ولا يلغي الأصالة الأولى وصيرورتها لأصالة جديدة أخيرة، طوعاً. إبن بخيت ومرجانة لسان طيِّع للغة ساكنة النهاية في كلماتها، تطوع بدوره لغة متصرفة المقاطع الأخيرة لمقاطع نبضه. لاحظ السكون والوقف ومخارج الحروف في (عربية السودان). هل صدق الخليل فرح إذن حين سمى دار عزة (جنة بلال)؟.. الإنسان الذي يسكن ويعمر دار عزة هو إنسان دار عزة، هو (سوداني).. دمغة السواد هذه هي جبلته، طينته، تاريخيته، مصيره من هنا يبقى ممكناً تعديل دروب فعاليتها تعديل مناحي صيرورتها، لا إفغاؤها، لأن إلغاءها صعب.. السودان هو قلب السودان: أم درمان والمدن الجديدة والأحياء الشعبية في كل المدن.. هنا تم عبر مستورة المجلوبة ومستورة الزاحفة ثورة عميقة ضد الاستبداد الخارجي.. هنا تم لقاح الصحراء والغاب الحميم. شمال السودان - أرض النوبة – كان من قديم الأعصر لقاح الوادي، إجتماع المنبع بالمصب. الفن الفرعوني بمصر العليا هو استلهام لأعالي النيل على الدوام. هو فن إحترق بالشمس المحراقة في قلب القارة حيث ينبع النيل فيحرق كبد الصحراء ويطعمه العافية الخضراء والظلال. إذن الزنجي الذي جمح به القارب حتى ابتنى لنفسه هرماً وشاد صرحاً جميلاً ألوانه عاج ومرجان، نوبيُّ شمال السودان، عشبة أزهرت بعيداً عن الغاب متصلة الرحم بالغاب عبر النهر والقادمين الجدد. أم هو الجموح الأول الذي اصرَّ على معرفة نقطة انتهاء جريان كل هذا الماء؟ إلى مغارة النهر؟ إلى بحر الأزل؟ إلى الرب الأجدر بالعبادة؟. كيف تتم غيبوبة الرؤية والصحو في الغاب؟ الإيقاع لاستئثاره دفقة دموية أكثر وفرة وتلقيحاً للفعالية التي يمنحها الجسد في دورة فعاليته اليومية العادية.. ثم الحركة العضلية الجامحة لتخدير التصاق معدن التراب بأرضية التراب للتحليق إلى أجواء جديدة. ثم المنبه المخدر: الخمر أو العرق المخدر المنبه والبداية بألفاظ شحنتها من المعاني يومية عادية حتى بلوغ لحظة التشوش في المعاني والصدور عن فوضى اللاوعي ثم الولوج بعيداً عن دائرة نطاق فعالية وإسار الوعي واللاوعي، إلى مرتقىً جديد هو الصحو في الأبد الميتافيزيقي، في اللحظة الآنية الحقة، لحظة الصورة واللون والمعنى، الخلق والخالق، لحظة الجماع، الكشف. لندخل حلقة ذكر إذن.. هنا أيضاً نفس الإيقاع، حتى (الدقة) هي (الدقة) الزنجية للطبل، وحركة اليد والذراع في حالة الشتم والمزهر هي زنجية، ودقة (النحاس) أيضاً – مع فكرة التجمع والإثارة – بالطبل – بدائية زنجية.. نفس الرتابة في دائرة الحركة، في الإهتزاز وإن كان أبطأ قليلاً هنا.. ويتم إيقاظ الصحو بمقاطع ثابتة (الله قيوم.. الله قيوم.. الله قيوم) (إرتباط القيام هنا يضمر إرتباطاً بالمسيحية!).. كما يستخدم المخدر.. البسطاء يسكرون ثم ينزلون المولد.. الشاي بالقرفة والنعناع لأهل الوقار.. (هل تلاحظ غبطة أبناء النوبة حين يصادفهم مولد أو حلقة ذكر)؟ في حلقات الزار يدوي الطبل.. مصدر الإيقاع والتلاشي في المجهول هو الطبل في عمرنا.. هذا الخواء العاري.. هذا العدم المعطى.. لاختراق دائرة المالوف والاتحاد بالمجهول والنبع لابد من تحطيم مجموعة من المحظورات – التابو – شرب الخمر، شرب الدم، الرقص على قدم حاف، التشبه بالجنس الآخر حتى الأماني معادنها براقة.. ذهب وبرق، الجذوة.. الجمرة الأولى، الصحو، لنهار في ليل الغاب الذهني لابد من مثير، وهو الجوهر الفريد، المعدن العدني البرَّاق هنا.. لاحظ أن التقاليد والعرف في السودان المسلم لا تسمح (بالذكر) للنساء. فإن وجد الرجل حلقة الرقص البدائية في الذكر فإن رهينة الجدران قد أوجدت لنفسها فرصة (الكجور) في حلبة الزار. رقصة العروس والنقة والرسن بركة آسنة الطين لا يمكن العوم فيها، إذن تحطيم تابو بتابو آخر عريق. ما من بينة تاريخية تلغي دخول العرب أرض هذه الخلفية الزنجية التي استكشفتها قبل ظهور محمد صلى الله عليه وسلم. ما من بينة تاريخية تلغي دور التعاليم الإسلامية البسيطة في شكلها الصوفي الزاهد غير الأكاديمي في إثراء ليل الفكر والوجدان الغيبي في أرض الزنج، لكن معارك الكفاح المشترك وإذكاء الوعي الثوري التقدمي الحضاري هي الكفيلة بتأمين حصاد أوفر من لقاح الغاب والصحراء. - نُشرت هذه المقالة بـ (الصحافة – الثلاثاء 19/9/ 1967م).

رد الشاعر الراحل صلاح احمد ابراهيم على مقال النور

Quote: بل نحن عـرب العـرب بقلم/ صلاح أحمد إبراهيم الاستاذ النور عثمان أبكر شاعر ومثقف وصديقي، كتب في عدد سابق من هذه الصحيفة مقالاً طويلاً بعنوان «لست عربياً.. ولكن» وفي رأيي أن المقال غير موفق من حيث توقيته على الأقل. فجنودنا الذين في خط النار قد اختاروا مصيرهم هناك في مواجهة المعتدين الصهاينة.. المصريون على شمالهم والجزائريون على يمينهم وقلوب العرب ـ كل العرب ـ ترف عليهم لا تفكر اصابعهم القابضة على الرشاش ما اذا كانت اصابع عربية أو زنجية او بين بين، فالسؤال مطروح على صعيد عنصري لا معنى له، ولا يمكن ان تكون له اجابة نهائية او قيمة حقيقية، ولكنه قد يكون تساؤلا سياسيا ومراجعة لمواقفنا الرائعة او تشكيكا فيها. والمقال قد كتب بلغة شعرية تنفلت من بين الاصابع كالزئبق، بلغة تقف المناقشة المنطقية والدقة والتجديد حيالها في حيرة وارتباك وعجز، مثل قوله «الالوان الرئيسية في عمرنا هي الالوان الاولية بصراخها الشمسي». ومثل قوله «نزاع الغاب والصحراء في عمرنا هو لونية هذه السماحة في علاقتنا مع اخواننا العرب واخواننا الزنوج». والمقال لا يخلو من اخطاء. خذ اول القصيدة.. اعني مقاله الشعري ـ يقول الكاتب الشاعر «كل ما هو غيبي وعميق في السودان انما هو عطاء الغاب» أليس هذا اسراف ومعاملة ابتسار للحقيقة؟ نزاع الغاب والصحراء ـ اي نزاع بين الغاب والصحراء.. الزنجي بأكثر من النور عثمان والمفكر الافريقي بأكثر من النور عثمان، والمناضل بأكثر من النور عثمان، كوامي نكروما اوقف حياته لأن يجلي ويؤكد بأن الصحراء لم تكن في يوم من الايام حاجزا بين عرب الشمال وزنج الجنوب، بل ظلت حتى قدوم الرجل الابيض طريق القوافل حاملة الملح الى الاشانتي قافلة بالذهب من كوماسي. خذ قوله ايضا «الفن الفرعوني بمصر العليا هو استلهام لأعالي النيل على الدوام. اليس هذا اسرافا ومعاملة ابتسار للحقيقة؟ الم تهب مروي كل افريقيا الحديد وفكرة الملكة الام، وماذا يقول فريزر عن اصل «الزعيم ـ الاله» المعتقد الذي ران على داخلية افريقيا». خذ قوله ايضا، في قاعة الجامعة العربية يلهج الابن بعروبته، وفي كوناكري يصر على افريقيته ان وضع العروبة مقابل للافريقية هو مفهوم خبيث، فالعروبة قد تكون افريقية في الواقع، أكثر من سبعين بالمائة من العرب افريقيون، اما اذا صح التعبير ووضعت كلمة الزنجية فإن المذهب الزنجي في الثقافة مذهب سقطت اهميته وبانت عورته حتى للزنوج الخلص.. مرة ثانية اقرأ نقد كوامي وآخرين له.. اما اصرار كوناكري على الافريقية فهو مثل اصرارالقاهرة والجزائر، ولكن هل رجع النور الى سلاسل النسبة التي تحتفظ بها كثير من القبائل او البطون الاسلامية في تلك الجهات. ان مكتبة معهد الدراسات الافريقية بغانا مثلا لديها مجموعة وافرة منها، وعلى النور ان يقوم بدراستها قبل ان يطلق القول اطلاقا. واللغة؟ هل صدر كلام النور عن دراسة للغة، ام انها مجرد تأملات وتوهم؟ في مقال النور شعوبية، وإن قال ان الكاتب لا يضمر اي تلميح لاستعمار عربي لارض الزنج، وهو في ذلك كمن قال. ومهما كانت دوافع النور في قول مثل هذا القول، فهو لا يقول جديدا.. اعداء العرب الذين يدرسون عورة العرب في المعاهد الخاصة، ويحاولون طعن العرب في كعب اخيلهم يثيرونها بطريقة النور هذه من المحيط الى الخليج.. اي بلد عربي لم يحاول فيه اعداء العرب بث الفرقة والقطيعة والشقاق بين ابناء البلد الواحد، وعلى رأس ذلك انكار عروبة البلد، ووضعها موضع الاتهام وتجريمها، ومحاولة سلخ البلد عن موكب العروبة. في السنة الماضية أثاروها فتنة شعواء في موريتانيا، لأن موريتانيا العربية قررت ادخال العربية في تعليمها الرسمي. وقالت السنة الاستعمار المحلية ان شنقيط ليست عربية. في المغرب يسعون بالوشاية بين عرب المغرب وبربرها.. في الجزائر يقولون ان التعريب نكسة للوراء، فالجزائر ينبغي ان تظل «فرنسية» وان تظل «قبلية». في تونس خائن العروبة بورقيبة يأخذ زمام المبادرة مع سنغور في الدعوة لمجموعة البلدان المتكلمة بالفرنسية، تلك الدعوة التي ركلتها الجزائر التي هي اكثر اعتمادا على الفرنسية. في مصر اصوات ما فتئت تسمع من حين لحين تقول بالفرعونية وبطريق «مصري» منفصل. وفي لبنان لا يزال في لبنان صراع ضار من اجل اثبات عروبة لبنان.. هناك من يبكون على اجدادهم الصليبيين، ويحنون الى فرنسا الام الحنون، وهناك من يبكون على فينيقيتهم وعلى صور وصيدا. وفي سوريا ما فتئ القوميون السوريون يعملون على اطفاء نور العروبة في اعز قلاع العروبة، وهناك من يبكي للسان السرياني، ولا يرى في العروبة الا طاعونا وبيلا وصليبا تحمله سوريا.. وهكذا.. وهكذا. ثم اين هم العرب الخلص.. ما من شعب عربي في قطر عربي الا وامتزج بدماء الاعاجم «كل لغة لدى الهوسا لغة ـ لارابنشي او يورمابانشي مثلا الا لغة الهوسا فهي الهوسا وكفى، ولكن كان نصيبنا أن يظهر من اختلط بهم اجدادنا في اللون والقسمات.. نسبة الاختلاط واحدة او تكثر او تقل، ولكنها لا تقلل من عروبة السودان.. في الجزائر ولبنان بل حتى في المنصورة قد يعبر الامتزاج العنصري عن نفسه بازرقاق العيون ونصاعة البشرة.. والمهم انه قليلا ما تقابل عربيا قحا او خالصا في معظم البلدان العربية.. وهذا من تسامح العرب وتسامح الاسلام، ولعل اروع ما يقدمه العرب وقدمه دينهم ان رمز شجاعتهم هو عنترة بن شداد، وان نصيبا هو أشعر بني جلدته وجلدة من قال ذلك، وفي نظر شاعرهم الجاهلي «ان من يريد عرارا بالهوان فقد ظلم» وان غفاريهم وهو من الاقحاح، قد وضع خده على التراب ليطأ عليها بلال برجله، لانه قال له «ايا ابن السوداء» مما اثار حفيظة محمد «صلى الله عليه وسلم». وقبل ان يتسرع النور بمثل مقاله كان عليه أن يقرأ «العربية في السودان» للشيخ عبد الله عبد الرحمن و«العروبة في السودان» للشيخ محمد عبد الرحيم على سبيل المثال، وغير ذلك من المراجع الامينة ـ بل وحتى غير الأمينة، فإن الذين يريدون ان يشككوننا في عروبتنا كثر، وعلى رأسهم علماء السلالات البشرية، ويجدر بنا ان نذكر ان اول قطر أسعف ادوارد عطية بمثال وهو يريد تعريف العرب، هو السودان. «نحن قبيل عرب، وكبش الكتيبة ورأسها، وما فيش غريب على اي حال، عرب الجنوب زاروا الشمال» وشعر الشعب بكل بساطته يؤكد ما تريده ان تنكره يا نور «يا صاح خبر ماكدونالد سودان عرب ما هم هنود، ما بنخشى طياره وجنود. وسط العراك بالروح نجود» بل قبل ذلك بكثير ربما من ايام سنار ما كان يردد الصغار: «فزارة حاربونا ـ شدوا جمالهم جونا» وبعد ذلك أقبلت جهينة بوادرة وأم بادرية الخ.. بل ان كل ما هو عزيز لدينا شعورنا بالكرامة ونهضتنا القومية وحركتنا الوطنية سببها العروبة.. «امة اصلها للعرب» كنا نتحدى بها طغيان الانكليز ونغني بها في المقاومة في نشيد المؤتمر. لا يا نور.. بل نحن عرب العرب.. نحن الذين لا زلنا اقرب الى الصحراء، والبداوة والفطرة هي ما تمثل العربي الحق.. فنحن عرب العرب بأخلاقنا وقيمنا ومثلنا وروحنا، نحن عرب العرب بعاداتنا وتقاليدنا.. نحن عرب العرب لأننا اقرب الى النموذج الكامل للعربي. ونحن فخورون بهذا الانتماء ولا نرفع هذا اشعارا ضد من ليس له في العروبة شيء، بل العروبة تفتح ابوابها لاستقبال المزيد من الابناء، فكما يقول النبي «ليست العروبة لكم بأب ولا أم، انما هي اللسان».. لقد قرأت خبر تكوين حزب يسمى بالحزب القومي الافريقي، ووقفت طويلاً لدى التسمية، لماذا «الافريقي» وليس السوداني ان كان لا بد اسم يطلقه من لم يكن له من قبل قط احساس بافريقيا، ومن لم نسمع له قط صوته بجانب صوت انصار الحرية في افريقيا، ومن لم ترتفع له قط عقيرة بالغناء لآلام افريقيا ولآمال افريقيا، انما هو التمحك واضمار ما ستنجلي عنه الايام. في ايام حكومة اكتوبر وقف وزير من الجنوب يطالب بألا تمر المساعدات للكونغو الجار الشقيق «ببلاده» يعني جنوب السودان، لأن ذلك يعرض بلاده لانتقام تشومبي.. وهكذا الشعوبيون الذين يستخدمون اسم افريقيا لمعاداة العرب - تنفيذاً بوعي منهم أو بغير وعي - لمخطط وضع منذ ان وطأ الرجل الابيض والمبشرون وعلماء الاجناس هذه القارة، وطور اليوم ليلائم استراتيجية الاستعمار المحدث، هم آخر من يعرفون ما يدور في أفريقيا وما تريده افريقيا، ولا ينظرون على افضل تقدير أبعد من مواطئ اقدامهم، من مصالحهم الضيقة. ذلك المخطط الذي يقول بعزل عرب افريقيا عن بقية افريقيا، وبث الشعوبية في البلد الواحد، فتارة هو الاسلام وتارة هي العروبة. من نحن؟ وهل نحن عرب أم افريقيون؟ وهل نحن عرب؟ اسئلة تطلق احياناً في براءة واحياناً في خبث.. اسئلة تنبع من جهل صادق احياناً واحياناً من خطة ماكرة.. ولكننا لن نتحملها اطلاقاً.. الجاهل ينبغي ان يبذل جهداً لكي يتعلم، ينبغي ألا يدلي بكلمة في الموضوع قبل ان يقرأ كثيراً وان يفكر كثيراً، وان يتواضع أمام الحقيقة، وان يتوخى الدقة والحذر.. أما من يسير في الطرقات ينكر عروبتنا أو يشكك فيها أو يتشكك فيها، فهو يفعل فعلاً سياسياً بعمد وسبق اصرار، وينبغي ألا نسمح له بذلك، فنحن في حالة حرب ضروس لا تحتمل بث الوهن في المؤخرة وبين الصفوف، واضعاف الروح المعنوية. لا يا نور.. بل نحن عرب العرب.. جمعنا خير ما في العرب من نبل وكرم، وخير ما في الزنج من شدة وحمية، فكنا كما قال صالح عبد القادر بلسان عربي مبين: وأنا ابن وادي النيل لو فتشتني لوجدت في بردي بطش أسود وأنا ابن وادي النيل لو فتشتني تجدين مجموع الكرامة والنهى تجدين حلم البيض جهل السود (الصحافة، الثلاثاء- 25/10/1967م)

هل نقاطع نعوم شقير احد كتاب تاريخينا
هل نقاطع دار العودة بيروت
والطيب صالح ومحمد الفيتورى

وفيروز وماجده الرومي ومارسيل خليفه

عزيزى بدر الدين

لماذا تذهب بعيدآ نحو الكنابى

مجموعه من قوات الشرطة تمنع قيام صلوات لمسيحيين بحجة عدم وجود تصديق!!


الناس زعلانه من تدخل الشرطه لمنع سودانيين من اقامة حفل فى بيروت

فاذا بنا نفاجأ بتدخل الشرطه ومنع سودانيين من اقامة صلوات فى الخرطوم واقتياد المصلين للسجن

وكنا نطمح ان تتحرك دولتنا للرد على التجاوز اللبنانى

فاذا بها تصفعنا بتجاوزاتها على مواطنيها !!!

وفى انفسكم افلا تعقلون !!!

مودتى

ابناء الجزيرة وانا منهم يكاد يشكون لطوب الارض
فاجعة تصفية وبيع مشروع الجزيرة وبالمقابل وفي
قرارة انفسهم يعلمون ان الحكومة لم تقدم على تلك
الفعلة لولا انها تدرك ان المزارعين الحقيقين للشروع
اضحو من ابناء غرب السودان سكان (الكنابى) والغريب
العجيب ان سكان تلك الكنابى تحولوا من عمال الى ملاك
وشركاء بجدهم وعملهم وانتاجهم في مقابل كسل الاخرين
ولكن حتى هذه اللحظة هل بمقدور اي من سكان الكنابى
الدخول الى اصغر قرية في الجزيرة في وقت متاخر من الليل
بحثا عن علاج ناهيك عن الاحتجاج

Quote: وفيروز وماجده الرومي ومارسيل خليفه

واسماعيل الازهرى رافع راية استقلالنا خريج الجامعة
الامريكية ببيروت

Quote: فاذا بنا نفاجأ بتدخل الشرطه ومنع سودانيين من اقامة صلوات فى الخرطوم واقتياد المصلين للسجن

عزيزنا الباش مهندس طلحة
انها عاصمتنا القومية في حضرة الغارمين الجدد

سودانيون في لبنان يحكون عن عنصرية الدولة: "هذا بلد محتر...اتحينو مرقص لأمثالك"

Quote: وفيروز وماجده الرومي ومارسيل خليفه

وهل سمع اهل لبنان بالكاشف

حينما قال

اظل اردد الشكوي لما لاقيت من وجدي

وهل سمعو عبد الحميد يوسف لما كسر اذكريني يا حمامة بشتلوك وين يا العنب


وهل طربو

حينما قال زيدان ابراهيم وحنااااااان مودتنا

بلا فيروز بلا اصنام بلا لمة

Quote: وهل طربو

وهل وهل وهل ؟؟؟

هل يصدر قرار جمهوري بإعفاء اللبنانيين من تأشيرة الدخول إلى السودان ؟

معزوفة لدرويش متجول :كلمات الفيتورى
استهل بمقطع منها الطيب صالح روايته ( مريود)
وتمنى النور عثمان ابكر مؤسس مدرسة الغابة والصحراء
صاحب (صحو الكلمات المنسية) ليته كان شاعر في حضرة من
اهوى أي (معزوفة لدرويش متجول ) وتغنى الكابلى بجزء منها
كتبها الفيتورى حين كان نجم شعراء بيروت يقول فيها:

Quote: شحبت روحي, صارت شفقا شعت غيما و سنا كالدرويش المتعلق في قدمي مولاه أنا أتمرغ في شجني أتوهج في بدني غيري أعمى , مهما أصغى , لن يبصرني فأنا جسد ...... حجر شيء عبر الشارع جزر غرقى في قاع البحر.... حريق في الزمن الضائع قنديل زيتي مبهوت في اقصى بيت , في بيروت أتالق حينا. ثم أرنق ثم أموت *** و يحي...و أنا أتلعثم نحوك يا مولاي أجسد أحزاني .... أتجرد فيك هل انت أنا؟ يدك الممدودة أم يدي المدودة؟ صوتك أم صوتي؟ تبكني أم ابكيك؟ *** في حضرة من أهوى عبثت بي الأشواق حدقت بلا وجه و رقصت بلا ساق و زحمت براياتي و طبولي في الآفاق عشقي يفنى عشقي و فنائي استغراق مملوكك.... لكنـي سلطان العشاق

يا خليل( فيروز )هرم ان اردنا ام ابينا

Quote: «فزارة حاربونا ـ شدوا جمالهم جونا» وبعد ذلك أقبلت جهينة بوادرة وأم بادرية الخ.. بل ان كل ما هو عزيز لدينا شعورنا بالكرامة ونهضتنا القومية وحركتنا الوطنية سببها العروبة.. «امة اصلها للعرب» كنا نتحدى بها طغيان الانكليز ونغني بها في المقاومة في نشيد المؤتمر. لا يا نور.. بل نحن عرب العرب.. نحن الذين لا زلنا اقرب الى الصحراء، والبداوة والفطرة هي ما تمثل العربي الحق.. فنحن عرب العرب بأخلاقنا وقيمنا ومثلنا وروحنا، نحن عرب العرب بعاداتنا وتقاليدنا.. نحن عرب العرب لأننا اقرب الى النموذج الكامل للعربي. ونحن فخورون بهذا الانتماء ولا نرفع هذا اشعارا ضد من ليس له في العروبة شيء، بل العروبة تفتح ابوابها لاستقبال المزيد من الابناء، فكما يقول النبي «ليست العروبة لكم بأب ولا أم، انما هي اللسان»..

الاستاذ/ بدر الين الامير
سلام
واشكرك على ايراد المقالين, وهى كتابات ما زالت حيه و كانها كتبت صباح اليوم
اما بخصوص مقاطعة المنتجات والمطاعم اللبنانية فهو كلام غير مسؤل ولا ادرى علاقة
هذا بذاك, ما كان يهمنى هو كيف سمح ال 100 سودانى بوضع رؤسهم تحت اقدام امنجية لبنان؟
وفتحت بوست بهذا الخصوص.

Quote: ]«فزارة حاربونا ـ شدوا جمالهم جونا»

فزارة وافخاذها فى كل الدول العربية يعرفون بعضهم البعض ولا يفرطون فى نسبهم وملاحقته
من دولة الى اخرى, وانا الى فزارة انسب والمجموعة الفزارية فى اسودان معروفة بالاسم
ما عليك واذا اردت ان تعرف عنها اكثر ضع هذه الكلمة المفتاحية على محرك البحث قوقل
"قبائل فزارة فى السودان"
زار احد اعمامى بيت المقدس قبل احتلال اليهود الصهاينة, وهو خال عضو البورد نهله محكر مباشرة
واسمه ابو البشر محكر.
حدثت مشادة تقريبا مع احد المقدسيين, وعند دخول العقلاء واستجوابهم له اكتشفوا انه يعرف كل ما
يتعلق بالابل واكثر مما يعرفونه وسالوه كيف عرفت ذلك, واستقصوه من نسبه وقبيلته, وكانت الصدفة التى
خير من الف وعد نسبوا فى جد واحد وحتى وسم الابل ما زال واحدا رغم بعد المسافة بين السودان وفلسطين
واصروا على ان يزوجوه احدى بناتهم الا انه رفض ذلك لانه لا يستطيع البقاء عندهم, وعاد الى السودان وتزوج من الموردة"شوف الرزق والقسمة" وهو والد الاخ عوض

Quote: ثم اين هم العرب الخلص.. ما من شعب عربي في قطر عربي الا وامتزج بدماء الاعاجم

وعلى الاخوة اللبنانيين ان يجدوا اجابة لهذا السؤال
اين هم العرب الخلص؟؟؟؟


تحياتى

بدرالدين حفيد الأمير المهدوي البلوله ...

Quote: هل نقاطع نعوم شقير احد كتاب تاريخينا هل نقاطع دار العودة بيروت والطيب صالح ومحمد الفيتورى

لخبت أبْ قِرِش مع أب قِرشين ياخ ... ايه دخل < المُنتج الثقافي > مع < المَوقِف الوطني >

بدر الدين يا اخي العلاقات الشخصيه مع اللبانيين لن تعفي لبنان حكومه وشعبا من غضبتنا و الاذلال التم
ما هو بنقرا لكتاب يهود هل دا بيعني ان نسكت علي صلف الدوله اليهوديه ؟؟؟
ما هو معظم الفكر الانساني الفلسفي والعلمي والموسيقي الماني هل دا بيعني ان تصمت الناس عن افعال النازيه ؟؟!!!
كل شئ بدربه

Quote: حدثت مشادة تقريبا مع احد المقدسيين, وعند دخول العقلاء واستجوابهم له اكتشفوا انه يعرف كل ما يتعلق بالابل واكثر مما يعرفونه وسالوه كيف عرفت ذلك, واستقصوه من نسبه وقبيلته, وكانت الصدفة التى خير من الف وعد نسبوا فى جد واحد وحتى وسم الابل ما زال واحدا رغم بعد المسافة بين السودان وفلسطين واصروا على ان يزوجوه احدى بناتهم الا انه رفض ذلك لانه لا يستطيع البقاء عندهم, وعاد الى السودان وتزوج من الموردة"شوف الرزق والقسمة" وهو والد الاخ عوض

محمد مختار
لك التقدير
ياسيدى وكلمة وطن زاتها عند العرب تعنى المكان الذى تناخ فيه الابل
وبعدين هو كمية العرب الجونا ديل كنانو قدر شنو عشان ننسب كل حاجة
اصيلا فينا بل ونؤرخ ونؤصل ونفاخر بكل ما هو عايد للعرب وكاننا
كنا غير موجودين قبل دخول كمين عربى علينا
العرب زيهم وزي اي مستعمر دخل بلد في افريقيا وفرض لغته وعلمها للناس
بس اهل تلك الدول الناطقة بالانجليزية او الفرنسية ماقالوا نحن انجليز
او فرنسيين مشكلتنا نحن مادايرين نكون سودانيين ومش ممكن نصبح عرب ولا
يمكن ان يرضى العرب باننا منهم وحتى على مستوى الدول الناطقة بلغة مستعمرها
لا وجود او مكانة لنا
نحن تجسدنا حكاية الغراب الداير ياحكى مشيت الطاوس
لا اصبح طاوس ولاعاد غراب
وعلى ذكر الغراب هل تعلم ان القسم الشعبى بين كل العرب او معظمهم حين
تقدم على فعل خير يقول لك بيضت وجهى وحين تتوارى عن فعل خير يقول لك
سودت وجهى
وبالمقابل ممكن ان يلعنك بسود الله وجهك وممكن ان يمدحك ببيض الله وجهك
وقد كتون في كل الحالات سودانى ناهيك عن درجت لون سواد وجهك
والقران الكريم يقول عن يوم القيامة (يوم تسود وجوه وتبيض وجوه

تنهدات:
هل السودانيات الناطقات بالعربية يستخدمن كريمات تبيض الوجه تفاديا للزم ورغبة في المدح
في الدنيا والاخرة

Quote: لخبت أبْ قِرِش مع أب قِرشين ياخ ... ايه دخل < المُنتج الثقافي > مع < المَوقِف الوطني >

عزام
اللخبتا انت سيدا ومارق ليها
منو البتحدث اللغة النوبية في بيتك غيرك ... يامستلب

بدرالدين الأمير

Quote: منو البتحدث اللغة النوبية في بيتك غيرك ... يامستلب

نِحنا النوبِيين شغالين معاكُم بِالنفس الطويل ... كُلكم جميعًا
كدي خلينا نخلص مِن فيلم < منقو .. قد فُصِلْنا >
ونقبِل على ناس < سُنن البرامكة >
وأخيرًا نشوف ناس < دخلوها وصِقيرا حام >

الوقت في صالِحُنا ... يعني شنو كَون النيل يِغني < أديلا وو > بعد 100 أو 200 سنة تانيات وأنا عُمري 5000 ألف سنة قبل ميلاد السَيِد المسيح ... الوقت في صالِحي ... أُمْبارِح في مُحاضرة الدِكتور محمد جلال هاشِم (مركز أصدِقاء البيئة) وضعنا الإتْفاق الأولي لِبدء كورس تعليم اللُغة النوبِية قِراءة وكِتابةٍ ونِقه نحوم بيها في الأسواق ... يعني أكان فات الفوات فوق بِت إبراهيم ، حرم ما تبقى فوق أولادي ، ما بتبقى فوق أولادي وعِيوني بُيُضْ وفوقي رقشه روح مابيا تروح ...

بِالمُناسبة نوبِيي أسوان برضو شغالين كويس خالِص ... يعني الحد الجنوبي لِمملكتنا < أبو فاطنه > في أراضي ما يُعْرف اليَوم بِالسودان والحد الشِمالي جنوب الزقازيق بِجمهورِية مِصر العربِية وشرقًا حتى حدود الأراضي الليبِية (الحوض النوبي) والبحر الأحمر حدِنا في الشرق ...

ستكون العرب -إنتو يعني- فيما يُعرف اليَوم بِالسودان بَين شواكيش سُكان البِلاد الأصلِيين وهُم < جمهورِية جنوب السودان > وبَين بِلاد أولاد العم < نوباسْتان > بِغرب السودان وبيننا نحنُ < كوشسْتان > وبين قبائِل الشرق العريقة المُنْضمة إلى الأراضي الحبشِية ... سجم أُمكُم حرم

Quote: ونقبِل على ناس < سُنن البرامكة >

ديل منو يا عزام ؟؟
غايتو ما نحنا ومن بدري بدري داير أحجز 4 مقاعد في المدرسة النوبية للوليدات أصلو أخوك فات فيهو الفوات وتاني لا بيتعلم لغة ولا حتى حساب.
تعرف جاورت نوبي حلفاوي من الناس الأبو الهجرة وصمدوا في حلفا القديمة لغاية ما أستقرت في مكانها الحالي 11 سنة ولي يوم الليلة ما بعرف غير مسكاقنا وبرو ،، غلبتني ضٌمه...
تعرف الجيرة دي عرفتني على معظم الحلفاويين في الرياض وكان صاحبي بكري كلما جاء واحد جديد يعرفني بيه بأخونا الشايقي وأحياناً يقول ليه جارنا حسن السوداني،، وما عارف السوداني دي قاصد بيها شنو ،،، يا ربي يكون بيقول ليهم جاري العب وأنا داقس؟؟
أصله مره ببناكفو وقلت ليه: ياخ أنتو قاعدين لينا في البوابه الشمالية زي (الفاسوخه - على قول المصريين) تجي الغزوات والحملات ماره بيكم ساااااكت وما تصدوا ولا تردوا!!!!
أريتني ما قلتها،، ردو كان جاهز، قال لي (يعني نأمل أيه بيجوا يسألونا الأبيد وين نقول ليهم قدام يقوموا يفوتوا مننا ....؟؟)
كدي فهمني،،،
لكن أقول ليك الحقيقة رحلت منو لي 15 سنة ولي يومك ده لامن أمشي أزرو أسأل عن شقتي الزمان ما فضت عشان أرجع ليها؟؟؟
ده يسموهو شنو؟؟ يا ربي ياهو ده حب الكديس لي خناقو؟؟؟
غايتو مع دولة كوشستان ممكن نشتغل معاكم عساكر نحرس وبواليس بس منحنى النيل على قول الطيب صالح ما تمرقونا منو والقراصة والطنابير ما تحرمونا منها,,, والمريسي والفنيسي دي ما شغلكم بيها....

Quote: بِالمُناسبة نوبِيي أسوان برضو شغالين كويس خالِص ... يعني الحد الجنوبي لِمملكتنا < أبو فاطنه > في أراضي ما يُعْرف اليَوم بِالسودان والحد الشِمالي جنوب الزقازيق بِجمهورِية مِصر العربِية وشرقًا حتى حدود الأراضي الليبِية (الحوض النوبي) والبحر الأحمر حدِنا في الشرق ...

أهه يا عزام أخوي المؤنث والمذكر عرفناه الشرق والغرب مالو غلبك؟؟


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

الخ بدر،
هل تعنى أن يسكت الناس عما حل بالسـودانيين فى لبنان لأن الأزهرى درس هناك؟
الم يدرس الأزهرى رحمه الله فى كلية غردون؟!!! وهل منعته دراسته فى كلية غردون
أن يعادى الإنجليز حتى خرجوا من الســودان؟ هـذا بإعتبار الإنجليز إستعمروا السودان
ونهبوا خيراته ولكنهم لم يهينوا أى ســودانى بطريقة الشرطة اللبنانية هـذه، فقد كانت
لهم قوانين ودستور، بل هم الذين حرروا العبيد حين عارض تحريرهم (الاباء المؤسسون).

هل منع على عبد اللطيف الحرب على الإنجليز وهم قالوا له (علمناك وحررناك) الم يقل
لهم "أذهبوا أنتم من بلادنا وأتركونى عبدا كما كنت"؟

Quote: بدر الدين يا اخي العلاقات الشخصيه مع اللبانيين لن تعفي لبنان حكومه وشعبا من غضبتنا و الاذلال التم ما هو بنقرا لكتاب يهود هل دا بيعني ان نسكت علي صلف الدوله اليهوديه ؟؟؟ ما هو معظم الفكر الانساني الفلسفي والعلمي والموسيقي الماني هل دا بيعني ان تصمت الناس عن افعال النازيه ؟؟!!! كل شئ بدربه

زينب الفحل
ياسيدتى المسألة عندى لست بهذه الفطرية وانا ارفض امتهان اي انسان
بغض النظر عن اللون والدين والعرق انا ارى معالجة بكرى للامر من خلال
الدعوة لمقاطعة المنتجات اللبنانية انها دعوة ساذجة وفطيرة نعم اللبنانين
فيهم الكثير من العنصريين والانتهازيين لكن بالمقابل تعالى شوفي بلد الحرمين
الشريفين واوضاع السودانيين في سجونها بل ان هناك فيديو متداول عبر الشبكة
العنكبوتية لمجموعة من الشاب السعوديين يمتهنوا في انسانية راعى اغنام سودانى
ولم يجروء احد للقول بمقاطعة المنتجات السعودية ولاحتى تصعيد المسالة للجهات
المسؤلة. (مالكم كيف تحكمون)

Quote: بدر الدين يا اخي العلاقات الشخصيه مع اللبانيين لن تعفي لبنان حكومه وشعبا من غضبتنا و الاذلال التم ما هو بنقرا لكتاب يهود هل دا بيعني ان نسكت علي صلف الدوله اليهوديه ؟؟؟ ما هو معظم الفكر الانساني الفلسفي والعلمي والموسيقي الماني هل دا بيعني ان تصمت الناس عن افعال النازيه ؟؟!!! كل شئ بدربه

Quote: ياسيدتى المسألة عندى لست بهذه الفطرية وانا ارفض امتهان اي انسان بغض النظر عن اللون والدين والعرق انا ارى معالجة بكرى للامر من خلال الدعوة لمقاطعة المنتجات اللبنانية انها دعوة ساذجة وفطيرة نعم اللبنانين فيهم الكثير من العنصريين والانتهازيين لكن بالمقابل تعالى شوفي بلد الحرمين الشريفين واوضاع السودانيين في سجونها بل ان هناك فيديو متداول عبر الشبكة العنكبوتية لمجموعة من الشاب السعوديين يمتهنوا في انسانية راعى اغنام سودانى ولم يجروء احد للقول بمقاطعة المنتجات السعودية ولاحتى تصعيد المسالة للجهات المسؤلة. (مالكم كيف تحكمون)

والله يا بدر الواحد ما عارف يقول شنو فى الحتة دى بالذات.. يعنى اخر تفسيـر كنت أتوقعه منك.

يعنى ظلم وقع ولا زال سارى حتى اللحظـة، نقول للسودانيين لا ما تحتجوا وتثوروا لأخوتكم عشان
زمان ما ثرتم لظلم السعوديين.

يا أخى أولا السعوديين فى المثال أعلاه مجموعـة شباب طائش وليس عنصريـة دولة مؤسسـة مثلما حدث
و يحدث فى لبنان.. لا يمكن لشرطـة سعودية أن تتصرف بهـذا الشكل ضد سـودانيين أبدا وإلا فإن أول من
يعاقبهم وفورا سيكون الملك نفسه بتدخل شخصى وفورى.. أوكد لك هـذا. وعلى أى حال فإن ظلم سودانيين
فى السعودية لا يلغى واجب المواطنين فى الدفاع عن مواطنيهم فى لبنان.

تحياتي



لا يمكن القبول بعنصريه اللبنانيين التي تمارس ضد السودانيين بهذا الشكل الصلف , كما لا يمكننا ان نتجاهل بأن هذا السلوك مرتبط بالعرب عموما وبدرجات مختلفه بما في ذلك عرب السودان (أو من يقولون أنهم عرب في السودان) !

واذا رجعت قليلا لوجدت أن مثل هذا الفعل مورس داخل السودان ومن سودانيين ضد سودانيين ولم يجد كل هذه الادانه حتي الأن , كما نه لا يمكن فصل النظره العنصريه بين السودانيين انفسهم وبين واقعهم المليئ بالحروب والخراب والدمار والأنقسام والتقسيم القادم .


اعتقد أن الثقافه العربيه هي المشكله هنا, فهي ثقافه يريد لها اصحابها أن تبقى عاليا حتى ولو بتحقير الافارقه ولا بأس حين ينبطح العرب وثقافتهم أمام الغربيين .

يقال أنه في ليبيا يقال لكل السود (عبيد) عبد مصغره , هكذا وبدون أن يرمش جفن لأحد !!!!

Quote: ولكنهم لم يهينوا أى ســودانى بطريقة الشرطة اللبنانية

ابو الريش
خلينا من الشرطة اللبنانية او السعودية وحتى السودانية
اين نحن من المنظومة الاخلاقية البتهين اي غرابى لمجرد
كونه غرابى ناهيك عن رئيسنا الذى يرى في اغتصاب الجعلى
للغرباوية شرف لها

Quote: خلينا من الشرطة اللبنانية او السعودية وحتى السودانية اين نحن من المنظومة الاخلاقية البتهين اي غرابى لمجرد كونه غرابى ناهيك عن رئيسنا الذى يرى في اغتصاب الجعلى للغرباوية شرف لها

ماذا تعني؟
المسيرة للقصر الجمهوري اولى؟
أم أنك تعني أن علينا السكوت هنا كما سكتنا هناك؟
أم أن هنالك انفصاما في منظومتنا الأخلاقية؟

Quote: اين نحن من المنظومة الاخلاقية البتهين اي غرابى لمجرد كونه غرابى ناهيك عن رئيسنا الذى يرى في اغتصاب الجعلى للغرباوية شرف لها

يا بدر عليك الله جيب من الاخـر.. تصل لشنو؟ هل السـودانيين الذى تعرضوا للمهانة ولإمتهان
حقوقهم الإنسانية فى لبنان يستحقون ذلك لأن البشير أهان ابناء دارفور؟
أم أنهم يستحقونه لأن الناس هنا سكتت عن إمتهان ابناء دارفور؟ لو فرضنا انهم سكتوا.

Quote: نِحنا النوبِيين شغالين معاكُم بِالنفس الطويل ... كُلكم جميعًا

عزام
على ذكر النفس الطويل
يقال والعهدة على الراوى قال عربى الجزيرة للرطانى اي للناطق بالنوبية:
انتو ليش دينكم خفيف ؟ فرد النوبى بقوله : نحنا العرب ديل لمن جونا وحكو
لينا عن دينهم قلنا لهم ادخلو جوة البد في ناس هناك امشو ليهم وكلموهم عن
عن دينكم هذا لو اقتنعوا تعالوا لينا نحن حا نقتنع الجامعة مشو وماجونا راجعين.
ههههههها
يعنى ياعزام العرب من زمان قنعانين من دينا فيكم أها ياعزام انتو حا ترجعوا
اللغة النوبية براها ام معاها دينها بس عشان نستعد للحروب النوبية ونفك ليكم
سد واحد وتانى اعرفو غنو حلفا دغيم ولا باريس انعل دينك ياعبود

تنهدات: الكلام لصديقى النوبى المرجع في اللغة النوبية المهندس الشفيع الجزولى سعيد:
(العرب حين ضربو دنقلا بالمنجنيق تلك كانت اسلحة دمار شامل )

Quote: هل منع على عبد اللطيف الحرب على الإنجليز وهم قالوا له (علمناك وحررناك) الم يقل لهم "أذهبوا أنتم من بلادنا وأتركونى عبدا كما كنت"؟

وبعدين
لماذا لم تاتى على رسالة السيدين للانجليز وقولهم ان الثورة القام بها
على عبداللطيف ورافقه ضد الانجليز على انها ثورة عبيد مارقين ولا يحق للعبيد
التصدى لهذا الشرف اي مقاومة المستعمر

بدرالدين

Quote: لينا عن دينهم قلنا لهم ادخلو جوة البد في ناس هناك امشو ليهم وكلموهم عن عن دينكم هذا لو اقتنعوا تعالوا لينا نحن حا نقتنع الجامعة مشو وماجونا راجعين

العرب الجونا مِن جِهة مِصر ديل < رُعاه > مو < دُعاه > ونِحنا كُنا فوق المِسيحِية ، المحاصة دَورت كمين عُمر ، بدت زمن عمر بن الخطاب وإنتهت بإتفاقِية البقط في زمن عثمان بن عفان ... بعد الإتِفاقِية بقينا فوق الدين البنعْرِفو 600 سنة ما شفنا خيرًا تب فوق عربي حايِم ... العربي أكان بِوزِن ليك ويِطفِف في الميزان ويِقول لِجَدي < الإسلام > سمِح ... جَدي يِقول ليهو : أقرا لي النزل على نبِيكُم. يِقوم العربي يِشبِكو ليك < وَجَنَّاتٍ مِّنْ أَعْنَابٍ وَالزَّيْتُونَ وَالرُّمَّانَ > يِسألو ، وخبارك يا العربي فطيت < الأَعْرَابُ أَشَدُّ كُفْرًا وَنِفَاقًا > يِقوم العِريبي على عاداتو في التِلِوْلِو ويِقول لِجَدي : لا لا ديل ما نِحنا ... ديل الساكنين فوق الشُقاق ... التقول هو كان فارشين ليهو حينذاك فوق الشيراتون ... مع الأيام العرب عرسو مِنا ... ما أقول ليك عرسو مِن بِيوتات الحِله جت ... أصلو الشئ مُقاولا يا كافي البلا ... لا لا عرسو مِن خشم بيت بيتين في كُل حِله أو حِلتين ...

الدين حرم أكان خِتا جِهة الغرب ... أكان لِليوم ننشُد في ترانيم مارجرجس يا حليلو

Quote: أم أن هنالك انفصاما في منظومتنا الأخلاقية؟

ليس انفصام فحسب بل هى انشطارات تفوق القنابل العنقودية
وبفضل اهل الغيهب الغارمين الجدد نحن نمضى نحوها باشتهاء

Quote: واذا رجعت قليلا لوجدت أن مثل هذا الفعل مورس داخل السودان ومن سودانيين ضد سودانيين ولم يجد كل هذه الادانه حتي الأن , كما نه لا يمكن فصل النظره العنصريه بين السودانيين انفسهم وبين واقعهم المليئ بالحروب والخراب والدمار والأنقسام والتقسيم القادم .

مجدى
لك التقدير
وياسيدى متى نواجه بعض بحقائقنا ونتخلى عن التفافناعن الحقيقة لانها مُرة
ونبطل الاصرار على التلصق في بنى مُرة

Quote: ليس انفصام فحسب بل هى انشطارات تفوق القنابل العنقودية وبفضل اهل الغيهب الغارمين الجدد نحن نمضى نحوها باشتهاء

و أنت تريدنا أن نتوقف عن دعم إخوتنا و أن نسكت عن العنصرية اللبنانية حتى نشفى من فصامنا؟

Quote: و أنت تريدنا أن نتوقف عن دعم إخوتنا و أن نسكت عن العنصرية اللبنانية حتى نشفى من فصامنا؟

نشفى من فصامنا تلك امنية بعيدة المنال اما سكوتنا عن عنصرية اللبنانين ياسيدى
ما نحنا ساكتين عن نظرتنا الدونية للنوباوى والغرباوى والجنوبى اخوانا في
الوطنية والانسانية

Quote: بنى مُرة

انتو الجغرافيا والتاريخ غيروهم ؟

Quote: نشفى من فصامنا تلك امنية بعيدة المنال اما سكوتنا عن عنصرية اللبنانين ياسيدى ما نحنا ساكتين عن نظرتنا الدونية للنوباوى والغرباوى والجنوبى اخوانا في الوطنية والانسانية

يا زول انت طولت من السودان اسع امشي الخرطوم قول لزول انت عب قسم عظما ما يفضل فيك عضم يكسروك كسره الجن براهم . الناس ديل في بلدهم ما عادوا محتاجين لزول يساندهم حقهم دا بياخدوه حمره عين.

السودانيون الهاجروا من البلد وما رجعوا قريب بتوهموا انه في الزمن دا ممكن ينظروا لنوباوي ولا غرابي ولا جنوبي بدونيه
لووووول اصحي من وهمك دا يا بدر الدين .
لكين جماعتك اللبانيين ديل والله نعصرهم لما يكبوا الزيت مع الرأفه

Quote: مع الأيام العرب عرسو مِنا ... ما أقول ليك عرسو مِن بِيوتات الحِله جت ...

عزام
ما دسدس التاريخ العرب عرسو منكم بنات الملوك وبعداك ملكوكم لانو لقوكم بتورثو الحكم لولد البت
والبت عندهم هى الموؤدة وانتو يالغبيانين ما جيبين خبر لمنظومتهم الاخلاقية عرستو ليهم بناتكم وورثتوهم حكمكم برضاكم وبعد داك وادوكم مع بناتكم وقيامتكم قامت من زمان مش لو جمعتو اللغة
النوبية ودرستوها حتى لوقام تهارقة ملك النوبة العظيم من قبره حا يقول مافيش فايدة ..العرب
طلعونا وطلعو دينا

Quote: ديل الساكنين فوق الشُقاق

الاخ/ عزام سلام

انت مشكلتك بتنسف ارضية النقاش, عشان كده مافى زول بقدر بناقشك
وبتجى لابس حزامك الناسف, بوم طوالى


كسرة
انا حالف لما اعمل لى بيت منفصل الا اعمل فيهو بيت شقاق
واحسن من يعمل بيت شقاق فى السودان والوطن العربى هم اهلى
وما زال يصدر الى الخليج بالطلب


تحياتى

Quote: العرب زيهم وزي اي مستعمر دخل بلد في افريقيا وفرض لغته وعلمها للناس بس اهل تلك الدول الناطقة بالانجليزية او الفرنسية ماقالوا نحن انجليز او فرنسيين مشكلتنا نحن مادايرين نكون سودانيين ومش ممكن نصبح عرب ولا يمكن ان يرضى العرب باننا منهم وحتى على مستوى الدول الناطقة بلغة مستعمرها لا وجود او مكانة لنا

الاخ/ بدر الدين الامير
سلام وتحية

ما اقتبسته من حديثك ليس صحيح, وهذا موضوع سيطول اذا اردت ان اناقشك فيه
لاننا سنستدعى التاريخ ونقارن بين دخول العرب والفرنسيين والانجليز الى افريقيا
عندها ستدرك الفرق بين هذا وذاك, لقد سقت حديثا متداخلا يصعب الرد عليه الا اذا تمت
تجزئته, وجرى الدنيا لا يسمح بنقاش نستطيع من خلاله الوصول الى الحقائق, وانظر الى
الاخ العزام يفجر احزمته الناسفة فى كل مكان, صعب صعب جدا النقاش فى هذا المنبر


تحياتى

بدرالدين

Quote: مافيش فايدة ..

طَيِب ... غطيني وصَوتي يا صفِية

الأخ / محمد مختار الزيادي
سلام

Quote: الاخ/ عزام سلام انت مشكلتك بتنسف ارضية النقاش, عشان كده مافى زول بقدر بناقشك وبتجى لابس حزامك الناسف, بوم طوالى

لا يا خوي مُداخلاتي كُلها مُعَنَونه لبدرالدين الأمير ما لغيرو ... لأني أنا وبدرالدين الأمير بنكمِل في الإسْفير ، باقي قفشات وونسه وفهم حصل بيناتنا في حُضور آخرين بِالواقِع ... ما تجي ناطي جوز وتِنْحشِر ساي ... وتشْبِكْني حِزام ناسِف وتقنِب تحلِل مُشْكِلتي ... لو أنا كتبت إسم زول بِعينو في مُداخلة ما تِنْحشِر فوقا ، لأنها في العادة بِتكون إرهاصات مواضيع وونسه سابِقة ما بِتِتْفهِم إلا في مدارا وسِياقاتا ... يعني عاوزني لامِن أعلِق على مُداخلة زيد مِن الناس ، بِخلفِية ونسه سابِقة ، إنت ما حاضِرا أو قريتا ، عاوزني أقوم أشرح مُداخلتي وأعمِل لي هامِش وإحالات ، علشان تفهم إنت كلامي في سِياقاتو الصاح ... معقول كِده ياخ ... أي تعليق ليك ، لِمُداخلا لي ، لازِم تعمِل ليها حاجات كتيييييره وفهم ما بخْطُر في بالي كلو كلو وأكون أنا المِسيكين ده بَين أمرين : أشرح طُرفتي/مُداخلتي شرح مُسْتفيض علشان تكون سيادتك في الصورة ... أو ... ألوك الصبُر ساااي ... كرهتونا الإسفير ظاطووو ياخ

ولله عزام دا كتابته ثقيلة الدم جدا

عبدالصمد محمد

Quote: ولله عزام دا كتابته ثقيلة الدم جدا

المُهِم إنو رأيك ما حيِكْتُلني ولا حيِنْقُص مِني مِثقال ذرة ... ومنو القال ليك أنا بكْتِب علشان أكون في عينك < خفيف الدم > ... دي ما مِن أولوِياتي ولا إهْتِماماتي ولا بشغِل بيها روحي ...


إنت يا < خفيف الدم > مُشْترِك في سودانيز مِن 6 سنوات (12/12/2004م) وليك عدد (33) مُداخلة/مُشاركة بس ... (6) سنوات بـ33 مُشاركة ، إنت بِتكتِب بِكيبورد ولا بِدواية كِبريت أحمر يا كافي البلا (عليك الله دي ما ظريفة) غايتو برجع ليك أعْتذِر أو أفلِقك ، لامِن أراجِع الـ32 مُداخلة/مُشاركة حقِنْك ونُشوف كيفِنها ومُقَبِلا وين ونعرُضا لِلسادة القُراء ... ولو لِقيتا مِتل مُداخلتك رقم (33) العبرت فوقا على مكنونات صدرك ، يِبقى حتِضطر تختفي تاني (6) سنوات ... ستة سنوات معقول ... إنت يا زول راجي الوحي ولا شنو؟

Quote: طَيِب ... غطيني وصَوتي يا صفِية

انت متاكد انك ما رباطابي ؟

عزام ابو ساطور
شايف ماشاء الله شغال في الجماعة بجاي
كرع كرع

عبدالصمد محمد

Quote: ولله عزام دا كتابته ثقيلة الدم جدا

مُمكِن جِدًا أكون زول ثقيل ... عادي ... دي حاجة نِسبِية ... مُمكِن أكون ثقيل ، لكِن ما < غبي >

عملت بحث علشان أشوف < خِفه دمك > الكمبيوتر قرب يِطرشِك في وشي ... قنب يِطلِع أصوات وألوان وفي النِهاية أداني شاشة فااااضية (جربو الحِكاية دي بِالله) لكِن لِحُسن الحظ لِقيت ليك عمود طازا ، مِثال حي < لِغباءك > ... طَيِب نشوف كِمِية غباء عبدالصمد :
- فتح ليهو -أي عبدالصمد- بعد 6 سنوات مِن الصمت المُطبق ، عمود بِإسم أخ يرغب في بيع فيلا وعفش كامل بسعر ممتاز
- وفحواهو ، الترَويج لِفيلا [ أخ يرغب في مغادرة البلاد ويريد بيع فيلا وعفشه بها من يريد الإتصال به ]
- سألو أكتر مِن واحِد [ الفيلا دي في ياتو قارة / ياتو بلد / مُواصفاتا شنو / سعرها كم ] أصلو ما جاوب ولا أدى تفاصيل لِفيلا السجم دي

طَيِب ... بِكِده ، ظهرت لينا حقائِق :
- عزام ثقيل < الدم > حسب قول عبدالصمد + (ومِن عِندي كِده ، خليني أفترِض ده رأي ناس كُتار مع عبدالصمد) عدد 1000 عضو + 5000 قارئ ...
- عبدالصمد < غبي > حسب العمود ده أخ يرغب في بيع فيلا وعفش كامل بسعر ممتاز
- عبدالصمد كيسو فاضي (6 سنوات شارك بِـ32 مُداخلا) + المُداخلا رقم (33) البث فيها مكنونات صدرو تجاهي أنا ده
- وبِإعْتِبار عبدالصمد زول < مُحاسِب > بفترِض إنو عِندو مصلحة في عرض الفيلا دي ...

يا عبدالصمد < سودانيز > ما مكتب عِقارات ... ده محل تبادل أفكار وطرح رؤى وإبراز قضايا وتلاقي أحِبه ...
يا عبدالصمد < سودانيز > ما مكان لإبراز خِفة الدم أو العقل ... ده منبر بِتاع سياسة وإجِتِماع ...

والله ياداب عرفت كم قدرك عظيم يا محسن خالد...انت مبدع حقيقي ولا تبحث عن الشهرة وسط الزحام

عبدالصمد

Quote: والله ياداب عرفت كم قدرك عظيم يا محسن خالد...انت مبدع حقيقي ولا تبحث عن الشهرة وسط الزحام

والله دي عاملا مِتِل < والله أنادي ليك أخوي الكبير يِطلع عينك > يا ود ما تركِز وواسي سدرك مع سدري

البباري الجداد بودي الكوشة وكل اناء بما فيه ينضح وذي ما إتجاهلك الأديب الجد جد محسن خالد بعد ما مسح بيك الأرض وخلي القاشي والماشي يضحك علي هبالاتك ولا زالت البوستات موجودة وانت بتحاول تقرب كتفك لكتفه عبثاً ياني المتجاهلك أمشي لكوشتك براك

عبدالصمد

Quote: البباري الجداد بودي الكوشة وكل اناء بما فيه ينضح وذي ما إتجاهلك الأديب الجد جد محسن خالد وانت بتحاول تقرب كتفك لكتفه عبثاً ياني المتجاهلك أمشي لكوشتك براك

برضو حايِم في جلباب غيرك ... أنا ومُحْسِن خالد دخلو بيناتنا أجاويد ، أعضاء هِنا ده ، وأنا خاطرتهم ... والإرشيف موجود ... أنا لو كتبت (أ) مُحْسِن خالِد بِرُد علي ... الإرشيف مَوجود ... بِالله أنا أقول ليك < إنت غبي > تقول لي < مُحْسِن خالِد > سوى وفعل ، يا ود ما تركِز شوية ما تفضحنا ... وبعدين كلِمات زي < كوشة > دي ما بسْتخدما ، لأنها بيئة جِدًا

بِالله ما بتخجل (6) سنوات وفي النِهاية جاي تسَوِق ليك فوق فيلا حقت راجِل ... ستة سنوات وتجي تقول مُحْسِن خالِد سوى ليك وفعل ليك ... وإنت سُواتك وفِعْلك وينو مع الرُجال

Quote: يا زول انت طولت من السودان اسع امشي الخرطوم قول لزول انت عب قسم عظما ما يفضل فيك عضم يكسروك كسره الجن براهم . الناس ديل في بلدهم ما عادوا محتاجين لزول يساندهم حقهم دا بياخدوه حمره عين.

يازينب الفحل
ومن دخل دار ابو سفيان فهو آمن قالها النبىء ص و كان ذلك اثناء فتح مكة بعد موقعة (بدر )
ودور ابو سفيان ابن حرب الذى أفشل قرصنة النبى (ص) للعير ونجا بتجارته بذكاء خارق وكان
ابوسفيان سيد قومه ومحل تقديرهم وأمانتهم وربحهم
بس يازينب ابو سفيان ابن حرب هو بالمقابل زوج هند بنت عتبة آكلة كبد حمزة عم النبى ووالد أم جميل زوجة ابو لهب التى تكنى في القرآن بحمالة الحطب ووالد الداهية معاوية احد كتاب الوحى
اوعك يازينب تشجعى المانيا وتقولى انا بشجع نسابتى اوهل وليداتى حا نردمك حكاوى واحاديث

Quote: هل نقاطع نعوم شقير احد كتاب تاريخينا هل نقاطع دار العودة بيروت والطيب صالح ومحمد الفيتورى

بدرالدين

أيام مقاطعة المنتجات الدنماركية
في واحد لبناني بتاع بقالة في فرجينيا
كان كاتب تحذير كبييير في قسم من بقالتو
" تحذير هذه المنتجات دنماركية"
صاحب المحل قاطع دكانو لي روحو, نصرة للنبي
العربي الامي, تقول لي نعوم العودة ودار شقير!

بعدين الطيب صالح كتبو بتاعات دار العودة ديل
ذاتن ما سمحات والورق حقهن قاعد يتفرتق

الحبيب الامير
سلام يغشاك
امشي اقرا كتاب ادور سعيد(مذكرات)
خارج المكان .. من دار الاداب.
وشوف مندوب الجامعة العربية في الامم المتحدة
يفاخر بامتلاك عبدة سودانية!!!!!!!!!!!!!!
وحات شيخي اقاطع العرب والعروبة وكل مايمت اليها.

ابوالريش

Quote: لا يمكن لشرطـة سعودية أن تتصرف بهـذا الشكل ضد سـودانيين أبدا وإلا فإن أول من يعاقبهم وفورا سيكون الملك نفسه بتدخل شخصى وفورى.. أوكد لك هـذا.

ابوالريش مالي يدوا من ملك الوهابية!!!!!!

بدر الدين يا اخي اصحابك ديل لو يكون اكتشفوا الذره ما في شئ يشفع ليهم
الايتحضروا ويبلشوا عنصريتهم دي حتي نخليهم من الكرب دا .
الالمان ديل اشجع كورتهم (علي مضض عشان سامي ولدي انا تيمي الارجنتين يا بدر يا اخي ) وبحترم ثقافتهم وبتكلم لغتهم لكين لو شفت منهم اي عنصريه اقيف الف احمر و في بلدهم دي اورور للواحد في عينو .
هناك العنصريه عندها قانون واضح يحرمها ويعاقب عليها يعني الا تتعنصر كتامي لكين عيني عينك خشمك ما بتقدر تفتحو.

الأخ/ بدر الدين
شكرا على ايراد هذين المقالين الرائعين واللذان يعبران عن ثقافة الأختلاف واحترام رؤية الآخر عبر حوار حضارى رفيع. من خلال المفهوم العام والوطنى نحن نرفض اهانة اى مواطن سودانى وفى اى مكان فى الأرض. الأشكالية ان السودانيين تمتهن كرامتهم داخل الوطن ولهذا تشردوا فى منافى الأرض دون ان يدروا ماذا هم فاعلون. لقد منعت السلطة الحفلات الغنائية بشكلها المعروف ويتدخل الأمن السودانى لأيقاف اى حفل واعتقال النساء كما فعل مع لبنى وصاحباتها. ان العلاقات بين الدول يجب ان تدار بحكمة اكبر وبشكل اساسى ارجع الخلل لعمل السفارات السودانية فى الخارج وتخليها فى الدفاع عن مواطنيها. لا نريد ان نخسر علاقتنا مع الدول الأخرى نتيجة لأخطاء نتجت عن السياق العام الذى انتجه نظام الجبهة وبه جعل السودانيين مهانيين داخليا وخارجيا.فلنحاسب النظام الذى تسبب فى خيباتنا المتكررة.

شكرا
احمد محمود

Quote: أيام مقاطعة المنتجات الدنماركية في واحد لبناني بتاع بقالة في فرجينيا كان كاتب تحذير كبييير في قسم من بقالتو " تحذير هذه المنتجات دنماركية" صاحب المحل قاطع دكانو لي روحو, نصرة للنبي العربي الامي, تقول لي نعوم العودة ودار شقير!

معروف ياسند
دي اول مرة اسمع عن لبنانى وهابى

Quote: وشوف مندوب الجامعة العربية في الامم المتحدة يفاخر بامتلاك عبدة سودانية!!!!!!!!!!!!!!

محجوب يا ود على
خلينا من مندوب الجامعة العربية
امشى اليوم وادخل اي قرية في الجزيرة لتجد النسابة يحدثك
وهو يفاخر ان ابن عن عمه فلان حبوبته سرية وجاره علان دا ما
هول ناس فلان ناهيك عن تخريجة البطن بطرانة حين ياتى المولود
كالح السواد

Quote: الالمان ديل اشجع كورتهم (علي مضض عشان سامي ولدي انا تيمي الارجنتين يا بدر يا اخي ) وبحترم ثقافتهم وبتكلم لغتهم لكين

زينب الفحل
انا بشجع الالمان عشان ماجريت ارملة النور عثمان ابكر
ياخى دي امراة تفوق حد العظمة والمد الانسانى وبرضو
متعاطف مع الارجنتين عشان دروشة مردونا ومقالدته للناس
من طرف بذكرنى بحبوتى نفيسة بت جبرالله لها الرحمة

Quote: ارجع الخلل لعمل السفارات السودانية فى الخارج وتخليها فى الدفاع عن مواطنيها

احمد محمود
تقول خلل و دفاع
ياسيدى اي مواطن سودانى حين يكون مضطر للذهاب للسفارة يعلم انه
ذاهب في رحلة للجحيم ويمنى النفس بالعودة سالما نحن ماعندنا سفارات
عندنا مناطق إزلال وجبايات

Quote: عزام ابو ساطور شايف ماشاء الله شغال في الجماعة بجاي كرع كرع

دا كل العندك ياضحكنجى

Quote: هل نقاطع نعوم شقير احد كتاب تاريخينا

المقاطعـة انا زاتى ضدها، لكن موقفك وذكركك لإهانة السودانيين داخل السـودان من بعضهم يتعدى
موضوع المقاطعة لتبرير جريمـة منسوبى الأمن فى لبنان. يعنى اللبنانيين لهم حق إذلالكم
ما دمتم تذلون بعضكم.

تسجيل حضور مبدئى........تعبيراً عن الاعجاب بالبوست
تحياتى مقدماً
ياريت لو نراجع مسأله الهويه......يا ترى هل عندما دخل العرب السودان تزاوجوا ام قتلو الرجال وامتلكو النساء عنوه؟
اوليس لاندثار او سياده لغه ما.... مرجعيه الى نسب وثقافه الاب وفرضيه تأثيره كمربى للبيت هى ان يتعلم الابناء لغته فتكون مع مرور الزمن اللغه الام؟

حاجه تحير....حد يجاوبنى

محمد زكريا

Quote: ياريت لو نراجع مسأله الهويه......يا ترى هل عندما دخل العرب السودان تزاوجوا ام قتلو الرجال وامتلكو النساء عنوه؟ اوليس لاندثار او سياده لغه ما.... مرجعيه الى نسب وثقافه الاب وفرضيه تأثيره كمربى للبيت هى ان يتعلم الابناء لغته فتكون مع مرور الزمن اللغه الام؟ حاجه تحير....حد يجاوبنى

أجاوبك أنا ده ياخ

عِندنا حقائِق تاريخِية مِمكِن نسْتهدي بيها للإجابة على سؤال الحايِم بيهو مِن عمود لِعمود ده :

- دخل العرب المُسلمين كغُزاه للسودان مِن جِهة مِصر.
- ظلت الحرب بَين العرب والممالِك النوبِية سِجال ، مِن عهد الخليفة عُمر بِن الخطاب إلى عهد الخليفة عثُمان بِن عفان.
- إنْعقدت إتفاقِية البقط عام 652م في عهد الخليفة عُثمان بِن عفان ، في وِلاية إبن إبي السرح (قائِد الجيش كان عُقبة بِن نافِع).
- أهم بِنود إتفاقِية البقط هي : دخل العرب المُسْلِمين لِدِيار النوبِيين غَير يقيمون بِها + أن يُسلِم النوبِيين لِلعرب عدد (360) عبد سنَوِيًا.
- وإلَيك تفصيل إتِفاقية البقط :

Quote: ( رِواية إبن عبدالحكم ) ورِواية ( المِقريزي ) بِعام 31 هـ / 652 م . أما نص المِقريزي المشهور بِمُعاهدة البقط ففي ما يلي نص الإتِفاق :- 1- ( أ) عَهَد مِن الأمير عبدالله بِن سعد بِن أبي سرح لِعظيم النوبة ولِجميع أهل مملكتِهِ . (ب) عَهَد عقدهُ على الكبير وعلى الصغير مِن النوبة مِن حد أرض أسوان إلى حد أرض عَلَوة . 2- إن عبدالله بِن سعد بِن أبي سرح جعل لهُم أماناً وهُدنة جارِية بَينهُم وبَين المُسلِمين مِمن جاورهُم مِن أهل صعيد مِصر وغَيرِهِم مِن المُسلِمين وأهل الذِمة . 3 - إنكُم معشر النوبة آمِنون بِأمان الله وأمان رسولِهِ مُحمد (ص) على أن لا نُحارِبكُم ولا ننصُب لكُم حرباً ما أَقِمتُم على الشرائِط التي بَيننا وبَينكُم . 4- ( أ) على أن تدخُلوا بِلادُنا مُجتازين غَير مُقيمين فيها ، وندخُل بِلادُكُم مُجتازين غَير مُقيمين فيها . (ب) وعلَيكُم حِفظ مَن نزل بِلادِكُم أو يطرُقَهُ مِن مُسلِمٍ أو مُعاهِدٍ حتى يخرُج عنكُم . 5 - ( أ) وإن علَيكُم ردُ كُلِ آبِقٍ خرج إلَيكُم مِن عبيد المُسلِمين حتى تُرِدوهُ إلى أرض الإسلام . (ب) وعلَيكُم رد مَن لجأ إلَيكُم مِن مُسلِمٍ مُحارِبٍ لِلمُسلِمين وأن تُخرِجوهُ إلى أرض الإسلام ولا تستَميلوا علَيهِ ولا تمنعوا عنهُ . ولا تعرضوا لِمُسلِمٍ قصدِهِ وجاور فيهِ إلى أن ينصرِف عنهُ وعلَيكُم كنسِهِ وإسراجِهِ وتكرِمتِهِ . 6 - وعلَيكُم حِفظ المسجِد الذي إبتناهُ المُسلمون بِفَناء مدينتِكُم ولا تمنعوا مِنهُ مُصلِياً . 7 - وعلَيكُم في كُل سنةٍ ثلاثمائة وسِتون رأساً تَدَفعونَها إلى إمام المُسلِمين مِن أوسط رقيق بِلادِكُم غَير المُعيب ، يكون فيها ذُكران وإناث ، لَيس فيها شَيخ هرِم ولا عجوز ولا طِفل لم يبلُغ الحُلُم ، تَدَفعون ذلِك إلى والي أسوان . 8 - ولَيس على المُسلِم دفع عدوٍ عرض لكُم ولا منعِهِ عنكُم مِن حد أرض عَلَوة إلى أرض أسوان . 9 - فإن آويتُم عبداً لِمُسلِم أو قتلتُم مُسلِماً أو مُعاهِداً أو عرضَتُم المسجِد الذي إبتناهُ المُسلِمون بِفَناء مدينتِكُم بِهدمٍ أو منعتُم شيئاً مِن الثلاثمائة رأس والستين راساً ، فقد بَرِئَت مِنكُم هذِهِ الهُدنة والأمان وعُدنا نحنُ وأنتُم على السواء حتى يحكُم الله بَيننا وهو خَير الحاكِمين . 10- وعَلَينا بِذلِك عهدُ الله وميثاقِهِ وذِمةِ رسولِهِ مُحمد (ص) ولنا علَيكُم بِذلِك أعظم ما تدينون بِهِ مِن ذِمة المسيح وذِمة الحوارِيين وذِمة مَن تُعظِمونهُ مِن أهل دينكُم ومِلتِكُم . الله شاهِد بَيننا وبَينكُم على ذلِك . كتبهُ عُمر بِن شُرحَبيل في رمضان عام 31 هـ .

- كان النوبِيين حينذاك على دين المسيح بِن مرَيم علَيهِما السلام.
- بعد إتفاقِية البقط ، ظل النوبِيين ولِمُدة 600 سنة مُتمسِكين بِالدين المسيحي.
- تصاهر بعض وبضع مِن الأعراب مِن بِيوت حُكام النوبِيين.
- إنتقل الحكم إلى أبناء الأعراب بِفضل نِظام التوريث النوبي الذي كان يُورِث إبن الأُخت دون إبن الصُلب.

أها كِده كيف يا ود زكريا؟

Quote: أها كِده كيف يا ود زكريا؟

والله كده شغل نضيف........وشكراً على الاجابه على سؤالى الحايم بيهو من عمود لى عمود
لكن ده مش ياهو القريناهو فى منهج تاريخ السودان فى سنه رابعه ابتدائى ولا غيرو؟
جميل انك انزلت لى كل الاقتباسات هذه فقد اعدت الى ذاكرتى بخصوص الموضوع.......والله اشكرك على كل حال
بالمناسبه اللى مشار اليها باللون الاحمر دى قويه وجديده بالنسبه لى.........يعنى ناس وسط السودان الوكت داك كانو منو؟
يعنى النوبه كانت عندهم السيطره ونفوذ السلطات حتى وسط السودان عشان يحضرو الرقيق؟ او هل تعنى ان ال360 لم يكونوا من النوبه انفسهم؟
ما عارف اتذكرت مقوله مشهوره فيما معناها ان الامم عندما تكتب تاريخها.....تحاول التركيز على تنصيعها اكثر من تنقيحها
فقد تكون مصدر مركزيه المراجع اقلام تلتوى حول عنق الحقائق قيكون التاريخ من اجل عكس صورللتباهى بدلا عن نص وسرد للحقيقه للتاريخ


على اى حال طالما عندك المصادر والمراجع .........امرنا لله نصدقك وبس.......لكن ده ما بيعنى ان نصدق من كتب تلك المصادر
ما ح اقول ليك انت الكلام البلاحمر ده جايبو من تحت طاقيتك الفى الصوره الغيرتها ديك


====
بالمناسبه ياخ الصوره الاولى ديك وينها........كانت سمحه والله......صوره ود بلد.......ههه بالجد ما بهظر معاك

محمد زكريا

Quote: يعنى ناس وسط السودان الوكت داك كانو منو؟

تخَيل أنا لونتها ليك بِاللون الأحمر مخصوص
ــــــــــــ

Quote: مِن أوسط رقيق بِلادِكُم غَير المُعيب

< وسط > ما معناها < أوسط >
ــــــــــــ

Quote: ما عارف اتذكرت مقوله مشهوره فيما معناها ان الامم عندما تكتب تاريخها.....تحاول التركيز على تنصيعها اكثر من تنقيحها

Quote: ( رِواية إبن عبدالحكم ) ورِواية ( المِقريزي )

ــــــــــــ

Quote: .......لكن ده ما بيعنى ان نصدق من كتب تلك المصادر

... ما بِتْخارِج ... بِتجهجه ثوابتو ... لكِن التاريخ في صالِحنا نِحنا النوبِيين ... لأن الكتبوهو مُش نوبِيين ، أمثال د. يوسُف فضل ، أُستاذ مادة التاريخ ومُدير جامعة الخُرطوم الأسبق ... أمثال د. مكي شبيكة ... أمثال د. وليم آدمز ... إلخ ديل ما نوبِيين ... ويوسُف فضل ومكي شبيكة محسوبين عرب والإتْنين مشلخين H

الشاطر ......عزام فرح
الشاطر = ما بليد {حسب التعريف السودانى}

Quote: تخَيل أنا لونتها ليك بِاللون الأحمر مخصوص ، علشان عارفك " بليد " معليش ما تزعل مني ، بس ما لقيت وصف مُحْترم وفي نفس الوقت يِقْدر ينطبِق على حالتك ... (علشان الصداقة وكِده كلمة " بليد " ما شتيمة ، بس وصف)

لا بالجد شاطر........وبتعرف تلون الكلام مخصوص عشانى وتشقلب النبذ لوصف محترم
وبرضو كلامك صاح انى بليد لو ما فهمت انك لونت بالاحمر ليه........باخ ما انت ما بتحب الغتغته وبتقول الكلام عديل؟
والاكتر كمان لكونى عامل فيها بناقشك..........عليكم الله شوفو لى جنس بلادتى دى

تعرف لانى زى ما برضو انت قلت انو ما لقيت وصف محترم..........تصدق ح افوتها واقول لنفسى تستاهل

وساناقش معك بكل موضوعيه وبدون اوصاف محترمه او غيرها
وبرضو شكراً على المداخله الطيبه

لانهم متحضرين وليس ادعياء مشروع حضارى
اعتذرت قيادات لبنان بل وخجلت عن الاهانات
التى لحقت ببعض ابناء السودان في لبنان
وبالمقابل هم يعلمون ان رئيسنا تلاحقه العدالة
بتهمة إلابادة الجماعية وهو يلاحق العدالة بالاهانات
والشتايم.
وعجبى

ود الأمير

Quote: وبالمقابل هم يعلمون ان رئيسنا تلاحقه العدالة بتهمة إلابادة الجماعية وهو يلاحق العدالة بالاهانات

يعني في حلتكم أكان جا أمر قبض لحاج محمد لأن بهيمتو دخلت حواشة حاج سعيد مُمكِن ناس اللجنة الشعبِية تقلع مِنو بيتو بِحِجِة إنو < هو زاتو عليهو أمر قبض مِن الحيكومة >

والله الشئ البِوْجِعني أكتر مِن عمايِل عُمر البشير إنو أكون مُضطر أدافِع عنو







ـــــــــــ
ناس أبوك رجعو بيتك ... ياخ عاوزين أنا وبِت إبراهيم نجي نسلِم على السَيدة الوالدة ...

محمد زكريا

Quote: وساناقش معك بكل موضوعيه وبدون اوصاف محترمه او غيرها

والله أنا بحترِمك ... وبقيت كمان بريدك (شُفت المُصيبة دي كمان) علشان كِده والله أنا بعتذِر مِن آخر ضميري على مُداخلتي الفوق دي وسحبت أي كلمة ما حلوة ، لأنك حقيقة بِالرغم مِن إنك غياظ ، لكِن ما بِتِسْتاهل ... صاف يا لبن ... عليك الله أكان تقول معليش (ياخ أنا أصلو ما قادِر أربُط بينك وبين بينك الفي الفيس بوك داك .. إنت هِناك زول فنان وسمِح عديل كِده ... يا زول إنت فوقك بِسم الله ولا شنو ... مالك بِجاي بِتقلِب ظَهْرَ المِجَنِّ)

Quote: والله الشئ البِوْجِعني أكتر مِن عمايِل عُمر البشير إنو أكون مُضطر أدافِع عنو

عزام ما يجمعك انت والبشير ان كلاكما دهماء

ود الأمير ...

Quote: عزام ما يجمعك انت والبشير ان كلاكما دهماء

أخيرًا يا ود الأمير ... أخيرًا إعْترفت وأنْصفتني ... فعلاً أنا زي ما وصفتني ... إنت والله زول ذكي ولماح بِشكل ... لأن الحِكاية دي ما بِلاحِظا إلا الأذكِياء بس ...









ــــــــــــ
الدَّهْماءِ : وهي الداهية (لسان العرب/المجلد 12/ص 312/عمود 1)
لُغتكُم دي مُريحة بِشكل غريب ... لُغة مِتِل ود الموية ... أصلو ما بتقدر تمسِكا

Quote: والله أنا بحترِمك ... وبقيت كمان بريدك (شُفت المُصيبة دي كمان) علشان كِده والله أنا بعتذِر مِن آخر ضميري على مُداخلتي الفوق دي وسحبت أي كلمة ما حلوة ، لأنك حقيقة بِالرغم مِن إنك غياظ ، لكِن ما بِتِسْتاهل ... صاف يا لبن ... عليك الله أكان تقول معليش

عزام يا اخيى والله انت الغياظ والزول لو بزعل منك مرارتو بتتفقع فى الفاضى ساكت
المهم كلماتك الفوق دى ح تخلى المنبر كلو يغير نظرتو فيك ويحبك من جديد.........شفت المصيبه دى كيفن
ياخ انت اثبتت حاجه كبيره ما بيعرفوها ناس كتيره........واشكرك تانى
صدقنى الناس دى هنا شاماك شمه اليلحس مكوه ولا يخش معاك فى نقاش........ عشان طوله لسانك وفصاحتك دى
لكن ا البركه فينى الاتشاكلت معاك........وخليتهم يعرفو فيك الجوانب السمحه و العظيمه دى.......ولا مو كدى............هههه
النوريك الغيظ ده كيف......وكن ما غظناك انت نغيظ منو تانى فى البورد
يازول انا دايما صافى يا لبن.......ومعليش دى للجاتك فى مالك سامحتك........لامن انا.....ا زول ها العفو......و المال تيلتو ولا كتيلتو

====
الكلام الاخير ده طرطشه منى ساى....لانى متكيف منى

Quote: لكن ده مش ياهو القريناهو فى منهج تاريخ السودان فى سنه رابعه ابتدائى ولا غيرو؟

my dear M. zakrya, you will never get any useful info

محمد زكريا

Quote: لانى متكيف منى

الزول شعْود ... وررووووك
ـــــــــــــــــ

Quote: المهم كلماتك الفوق دى ح تخلى المنبر كلو يغير نظرتو فيك ويحبك من جديد

ليه؟ علشان بقينا أحباب ... الكل حيحبني! إنت قايِل رقبتك توم كروز ولا شنو؟! وبعدين منو القاليك أنا مِن أهدافي إنو الناس كُلها تحِبني ... ياخ ده الرُسُل أولو العزم ما لِقوها ... أنا بقول الحاجة البعْتقِدا وقت الحدث/المَوقِف وما خساني في زول وما مِن أهدافي أرضي البشر ... بس لو ما قُلت البعْتقِدو ما حأحترِم نفسي ... أها زيد يِزعل ولا عبيد يِنْفلِق دي ما شغلتي ... وأقولك قوله ، أنا الزول البصنِفو حبيب مِتلك -مؤخرًا- بِكون عِندو عِندي رصيد ، بِقدر يِهاتِر بيهو ويِقِل بيهو أدبو فوقي ، وما بزعل منو تب ، لِسبب واحِد بس ... إني وِكْتين إتخذتو صديق وحبيب ، بكون خابِر دواخلو ، بكون أسقطت فوقو كُل تراكُمات خِبرتي الإكْتسبتها بِالعَيش في كَوكب الأرض ، وأي نضمي مِنو ما في محلو ، بلقى ليهو ألف عُذر ، أقلها إني ما فاهِم كلامو كما يجِب ... علشان كِده ، قول فيني ما بدا لك مِن الحين ورايِح الله لا يِريِحك ...

رصيدك عِندي شحنتو ليك ، بِالف نُقطة وود وحُب ... والغلطة مِنك بخصِم ِنُقطه ... أما الإحْترام والظرافة والتوافُق لو سكبتها فوقي في عمود أو مُداخلة لي ، ما عِندها أي نِقاط ، لأنك لو إحْترمتني بكون ده لأني أنا بسْتاهل الإحْتِرام ولو إتظارفت معاي بِكون لأني ظريف أصلاً ولو وافقتني في رأيٍ ما ، بِكون رأيك إنت وعبرت عنو بِإرادة حُره ، يعني ماك إمعه ، لأجل ذلِك لا بحسب الإحْتِرام ولا الظرافة ولا التوافُق ... أمْسِك الحِساب براك ... كرهتني الإسفير وتفاصيلو ... دقيقة


أنا قُلت ليك إني بريدك؟
ما عارِف ... إحْتِياطي كِده ... يا زول أنا بِقيت بريدك ... الله لا كسبك

Quote: لا يا خوي مُداخلاتي كُلها مُعَنَونه لبدرالدين الأمير ما لغيرو ... لأني أنا وبدرالدين الأمير بنكمِل في الإسْفير ، باقي قفشات وونسه وفهم حصل بيناتنا في حُضور آخرين بِالواقِع ... ما تجي ناطي جوز وتِنْحشِر ساي ... وتشْبِكْني حِزام ناسِف وتقنِب تحلِل مُشْكِلتي ... لو أنا كتبت إسم زول بِعينو في مُداخلة ما تِنْحشِر فوقا ، لأنها في العادة بِتكون إرهاصات مواضيع وونسه سابِقة ما بِتِتْفهِم إلا في مدارا وسِياقاتا ... يعني عاوزني لامِن أعلِق على مُداخلة زيد مِن الناس ، بِخلفِية ونسه سابِقة ، إنت ما حاضِرا أو قريتا ، عاوزني أقوم أشرح مُداخلتي وأعمِل لي هامِش وإحالات ، علشان تفهم إنت كلامي في سِياقاتو الصاح ... معقول كِده ياخ ... أي تعليق ليك ، لِمُداخلا لي ، لازِم تعمِل ليها حاجات كتيييييره وفهم ما بخْطُر في بالي كلو كلو وأكون أنا المِسيكين ده بَين أمرين : أشرح طُرفتي/مُداخلتي شرح مُسْتفيض علشان تكون سيادتك في الصورة ... أو ... ألوك الصبُر ساااي ... كرهتونا الإسفير ظاطووو ياخ

عزام مساء الخير

Quote: ما تجي ناطي جوز وتِنْحشِر ساي ... وتشْبِكْني حِزام ناسِف وتقنِب تحلِل مُشْكِلتي ... لو أنا كتبت إسم زول بِعينو في مُداخلة ما تِنْحشِر فوقا

المنبر ده اسمو المنبر العام, يعنى مافى شى خاص داخل البوستات, ومن حقى ادخل فى اى بوست مفتوح هنا, ركز فى مفتوح دى يا جميل, يعنى للجميع, ولو انا غلطان قول لى.
انا الشى العارفو البوست ده فتحو بدر الدين الامير يعنى للجميع يعنى طارح اراءو للكل, وانا جزء من الكل , بس حكاية لو كتبت اسم زول بعينو فى مداخله لانها ونسه سابقة ده ما بهمنى بهمنى الشى المكتوب فى البوست بغض النظر عن كونو هو شنو, لانو مكتوب فى بوست فى الاسفير الواسع المبير ده,
والشى الداير اقولو ليك, انا فاهم انت بتعمل فى شنو وفاهمك بكامل السياق, مشكلتك ما متصالح مع التاريخ بتاعك وبتحاول تعمل نفسك المنتصر وداير تكتبو, والموضوع ده ليهو اسقاطات فى واقعنا الحالى, يا عزام انت لما تقوم لتطرفك بتكتب (محمد احمد الدنقلاوى) بدلا من محمد احمد المهدى,
موضوع دخول المسلمين وفتح ارض النوبة واضح ما داير ليهو مغالطات, فى عناوين عريضة كل الناس والمؤرخين متفقين عليها وفى تفاصيل موضوع خلاف على الرغم من انها واضحه زى عين الشمس, نفس الموضوع ده انا عندى فيهو رأى لو قلتو ليك بتزعل, وانا الراى ده ما كونت من فراغ, وانت لن يتسع صدرك لتقبله لأنك مصر على حاجاتك بتطرف, وهو فى النهاية رأى بقبل الصواب وبقبل الخطأ, ولو بتسع صدرك كان ناقشتك فيهو انت عزام ده.
على اى حال عندى سؤال اتمنى انك تجاوبنى وتشرحو لى

نوبة الجبال ونوبة الشمال لغتهم قريبة لبعض واسم القبيلتين او الشعبين واحد
وفى كتابات ودراسات كتيرة بتقول انكم منحدرين من سلالة واحدة
السؤال
كيف حصل الاختلاف مع انو الشعبين او القبيلتين اسمهم النوبة لكين
انت عزام بقولو ليك عزام النوبى وانتى بتقول على نفسك انا نوبى
ولو فى زول من جبال النوبة بقولو عيهو نوباوى ونفس الزول ده بقول على نفسو انا نوباوى

(نوبى,نوباوى) كيف ومتى تم الاختلاف مع العلم ان الاصل واحد؟؟؟؟؟
بصراحة نفسى اعرف السبب
اغرب حاجة
اهلى بقولو لأى زول ما عربى نوباوى, لو فكيت لى شفرة سؤالى بعرف سبب اطلاق كلمة نوباوى لغير العرب
انا الموضوع ده ح اربطو بحاجات تاريخية كتيرة وانا مهتم بالتاريخ,
ارجو منك مساعدتى

تحياتى ايها الملك النوبى الاصيل

Let’s start with the APPLE that's imported from Lebanon
Let’s write to the chamber of commerce and the APPLE importers to notify them how we feel about the treatment of the lebananese
Let’s boycott Lebanese product