كل (نص) سنه وانت طيب يا زميـل البورض !

18 ديسمبر 2009
6 شهـور ..!!

اللهم اجعله خير




(إحتياطياً) وأنت بخير يا (زميل)

ــــــ
شُكراً يادكتورة لتنبيهنا بي شنو كدة ما عارف ...!!!!

18 مارس
ربع سنه
فى شنو
كل ربع سنه وانتو طيبن
احمد موسى اشرح لى

Quote: 18 مارس ربع سنه فى شنو كل ربع سنه وانتو طيبن احمد موسى اشرح لى

معاويه وانت طيب ..
احمد موسى دا (بيضللك) ما تسمع كلامو !

Quote: (عدل بواسطة Ahmed musa on 18-06-2010, 07:38 ص)

انت مسحتا شنو با مولانـا؟؟


وأنت طيب يارب ..

وحيث انو ما عندك (نت) في البيت ,
يبقى ما حا تشوف البوست دا الا بكــره السبت !!
أنشالله ..

Quote: احمد موسى اشرح لى

غايتو الفهمته أنا للآن
1. البوست ده عائلي
2. الداير (يرش) زميل البورض يرشه يوم الجمعة (الدار أمان)
الباقي بفهمه بعد شوية
كدي خليني أتذكر أنا مشيت الجريف شرق متين ؟؟؟
ويمكن أستعين بصديق...

وكذلك بمناسبة مرور ستة شهور علي عقد الجلاد

والله اعلم

Quote: وكذلك بمناسبة مرور ستة شهور علي عقد الجلاد

خلي يا واعي .. دايمن دايمن كـدا

وانتوا الاتنين بالف خير

Quote: وانتوا الاتنين بالف خير

وانتو طيبين يارب ..
شكرا ليكم لانكم دايما معانا .. شكرا بالجد ..

وحيث اننا اتلاقينا هنا (في البورض دا),
فـ أحسن حته (اهنينا) فيها هي البورض دا !!



الترجمـه: البورض هو : المنبر العام لسودانيز اون لاين دوت كوم .
زميل البورض : هو علاء الدين منصور الشهير بي تمبس !!

بِالله يا داليا عليك الله ما تأصِلي لينا أعياد نُص السنة وتثبِتيها لينا لامِن تبقى حقيقة وواقِع ، هسِع بِت إبراهيم ، أولادا يِحدِثوها بِالعيد الظهر جديد ده ونبقى فوق دق لي دهب وإشْتري لي توب ، إنتو ما عِندكُم رحمة كلو كلو ياخ ... عاد نِحنا غُربتنا دي جت نقوم نقضيها فوق عيد ميلاد وعيد فطر وعيد أضحى والكِريسماس وشم النسيم وعيد الحب وعاشوراء ... ده شنو ده ... ده شنو ده

إنتي ما عِندك قِصة بِت إبراهيم مع < عيد الحُب >
- دايراك تشتري لي < كُرسي جابِر >
- لِشنو يا كافي البلا؟
- ما عيد الحب!
- والحدثك منو بِالعيد ده؟
- حدثني الراكِز ولدي
- الراكِز هو الحدثِك (بِالله والود ما إبن ######)
- آآآآي الراكِز ولدي ... شافو فوق اللنترنت
- يا مره أنا قادِر أعيش لامِن أشتري ليك كُرسي جابِر
- مالي أنا يا يِمه دون الحريم
- يا بِت إبراهيم < جابِر > ما يِخْرِب علينا بِكُرْسيهو ده
- القروش ما عِندك لكِن ، داخِرا لبْتين عاد؟
- يا مره حرم < جابِر > ده أكان عِندو < بنبر > خليهو < كُرسي > ماني مُشْتريهو ... أنا قُلت ليكي قُبال ده ... نِحنا المحس عِندنا مَوقِف واضِح مِن حِكاية الدهب ده مِن محمد علي باشا جا ليهو ... إنتي عاوزاني أخون قبيلتي ولا شنو يعني؟ بِسبب الدهب ده السودان خربو محمد علي باشا ، علشان كِده نِحنا ما بنْقرِبو الله واحِد ... وبعدين أنا شايِفك دهب ... في دهب بلبس دهب
- #*##**&#*###)##$) (والله طنطنتا دي قطع شك فوقا < أنا دهب يا إبن الـ... >

داليا غَيِري العِنوان إلى < نُص سنة أولى حُب > وحِبي فوقو < تمبس > بِدون ما تِتْسببي لينا في آثار كارِثِية جراء ما أنتُم فيهِ تخوضون

أسي يا عزام .. مداخلتك دي ارد عليها كيف؟؟
كان قلتا ليك جيب ليها (كرسـي جابر) الرجال يقوموا فوقي ويقولو لي دي برجوازيه !!
وكان قلتا ليك اكتفي بي بوست رقيق (زي دا) ولا ورده حمراء ولا كلمتين حلوات , النسوان يقولوا انا عبيطه !!

في نسوان يا عزام يا اخوي بيقولو : الراجل اهم شي توريهو انك ما بتحبي الا الحاجه الغاليه ,
عشان يدفع قروشو ويخلصها اول بي اول عشان ما يعرس !!

تسمع كلام اختك دلوش يا عزام ..
أنا في الدنيا دي كلها , عشره ونسه ظريييفه مع زميل البورض دا تسوى عندي مليون كرسي جابر !!
ربنا يديهو العافيه .. هو ما بقصر وانا ما متطلبه .. البيجي منو كلو سمح .. وكان ما جاب .. كفايه (نفسو) في الدنيا..


هوووي خلاس ما تخلينا نصرح اكتر من كدا (اكتر من كدا تاني شنو زاتوو)

تسلم وتتبارك يارب .. وتحياتي للمدام , وما تكتر من الكمونيه !!

وانتوا الاتنين بالف خير

ولا يهمك
نوصلوا ليه sms
اها رايك شنو؟

وانتوا دائما بالف خير

وربنا يسعدكم

Quote: وانتوا دائما بالف خير وربنا يسعدكم

يديك العافيه يا كوتش !
وانشالله السنه الجايه تكون (عقلتا) وبقيت مريخـابي !

Quote: ولا يهمك نوصلوا ليه sms اها رايك شنو؟

عليكم الله خلوهو مفـاجأه !!
بس يجي بكره يلقاهو يا دكتور .

"بيت القرنفل قاع منزله البهار وسقفه الغيم الحنون"
لداليا وتمبس
يمين الله انت استثنائية يا داليا
يا تمبا طوالى انا الداقى ليك يا اخى مرة حسسنى بى قيمتى انشاء الله مسكول!
عرس وعرستو الجبر عليك شنو!
جنى

Quote: زميل البورض : هو علاء الدين منصور الشهير بي تمبس !!

الشهير بي منو يا دكتورة؟
أنا باقول ليهو تنقا ..ومعتصم بيناديهو ب(تامبا) ..


كل سنة وأنتو أكتر سعادة ..

Quote: أنا باقول ليهو تنقا ..ومعتصم بيناديهو ب(تامبا) ..

أسي انت دايرني اوريك انا بناديهو شنو صح ؟؟
بقول ليهو : يا زميل البورض !


عليكم الله مافي زول يرسل ليهو ولا يضرب ليهو ..
البوست دا مفاجأه ياخ !!

Quote: "بيت القرنفل قاع منزله البهار وسقفه الغيم الحنون" لداليا وتمبس

جني .. (الاصدقاء نعناعه الروح) صـح ؟؟
وبعدين (استثنائيه) كلماتك اللطيفه دي ..



عاين زميل البورض دا لو ما ضرب ليك في خلال تلانه يوم كلمني,
باتخذ ضدو اجراءات تعسفيه

احلى زول فى الدنيا
حبيبة روحى داليا
بحبكم لله انتى وعلاء
تحياتى ومحبتى واتمنى ان تدوم محبتكما الى الابد

Quote: حلى زول فى الدنيا حبيبة روحى داليا بحبكم لله انتى وعلاء تحياتى ومحبتى واتمنى ان تدوم محبتكما الى الابد

خالتو سلمي ..
تسلمي وتسلم روحك يا حبيبه الكل ..
وآآمين انشالله بوجودك يارب ..

Quote: جني .. (الاصدقاء نعناعه الروح) صـح ؟؟

بلحيل
العرب قالوا متعة الدنيا فى ثلاث
خليل تنادمه وحليلة تلاعبها وامانى تقطع بها ايامك

Quote: وبعدين (استثنائيه) كلماتك اللطيفه دي ..

ستة شهور وتلاتة شهور يا داليا ربع سنوية ونصف سنوية الا فى المجلات الفصلية!
دايما الرواد هم استثنائيون مابقدروا يلوكوا الصبر لمن يحول الحول!

Quote: عاين زميل البورض دا لو ما ضرب ليك في خلال تلانه يوم كلمني, باتخذ ضدو اجراءات تعسفيه

والليلة عليك الله موية ونور!
غايتو تمبس الا ترسلي ليهو رصيد!
انا عاذروا قروشوا كلها 00249 لوكال نهى!
جنى

ماهو المعيار يا دكتورة ؟

http://www.sudanradio.info/arabic/modules/debaser/upload/dimare1.mp3

طبعا ياخلي ,
انا طلبتا منك الاغنيه دي لي حاجه معينه ..
لو الناس بتتذكر .. طارق جبريل كان منزل الاغنيه دي في بوست ,
يلا اليوم دا كان يوم خطوبتنا (انا وزميل البورض دا) ..

من شده ما كان فرحان (زميل البورض),
بعد ما خطبني ورجع , كان بيغني في نفس الاغنيه دي ,
وكل ما يضرب لي , اول ما ارفع التلفون القاهو بيدندن بي صوتو الشين داك !!

مرسي بوكو يا خلي ..

-----------
يازميل البورض انا بهزر ساي .. ياخ انت صوتك احلى من طارق ابو عبيده زاتوو!!

Quote: ماهو المعيار يا دكتورة ؟

صاحب البوست طبعا!!

داليا

Quote: أنا في الدنيا دي كلها , عشره ونسه ظريييفه مع زميل البورض دا تسوى عندي مليون كرسي جابر !! ربنا يديهو العافيه .. هو ما بقصر وانا ما متطلبه .. البيجي منو كلو سمح .. وكان ما جاب .. كفايه (نفسو) في الدنيا..

يا بِت إبراهيم
يا بِت عبدالرحيم

شكيتكِن على الله ... إنتو النضمي هيل داليا ده ما بِتعرفَنو مالكَن ، الغزالا التغتِس حجر طلباتكِن شهيتوني الإنْتِحار ظاطووو

- ايه رأيك يا بت إبراهيم نمشي خميس وجمعة دبي ونرجع بالسبت
- وبننزل وين بِجهلاتنا ديل ... علو عِند أُختك؟
- لا ... أنا وإنتي بس المُسافرين ... وبننزل في فندق
- والجهلا
- بتجي أُختي تقنِب معاهُم
- سمح النشتري هِديمات لِلجنى ده
- الجنى ده بنخليهو بِقفانا ... ماني سايقو حتو (ده بالذات ما سايقو معاي)
- أجي ... وبِنْهمِلو لِمنو عاد؟
- ما بِنهمِلو يا مره ... ما قُلت ليكي أُختي حارساهُم
- ما أخير الشاليه الحدانا ده تاخدو لينا أنا وإنت والجهلا
- لا ما أخير
- عيبو شنو؟
- عيبو أولادِك عملو لينا زحمة يوم داك ... ماف داعي للحشد ده ... عاوزين نكون برانا
- برانا ... عِندك كلام سري ولا شنو؟
- كلام سري بسافِر ليها بلد يا مره!
- سمح خليني أطبِق حِنتي وأشتري لي توب
- بنشتريهو مِن دبي
- بري يا يِمه ... تقابلني أُختك بِتوبي المبشْتن ده بري
- أُختي ما بنمشي ليها مِن أساسو ... أُختي في أبوظني ونحنا ماشين دبي
- أجي أجي أجي ... كِده ما دخلنا في لوم
- (وهو ينظُر إلى السماء)
- مالك صنيت؟
- لغيت السفر ... خليتو ...
- قُلت كَدي
- أيوه كَدي
- أسوو ليك جبنه
- سوي

ياصديقة البورد

تتصوري احتفالاتكم النصف سنوية دي بتتوافق مع ايجار الشقة هاهاهاي

بس المرة دي ماتحتفلوا بي شعار الجزائر لانو ح تروح شمار في مرقة فاحسن حاجة تشوفوا شعار سولفينيا

والجماعة ما ح يقصروا معاكم ح يدوكم شهر عسل في اروبا

كل سته شهور وانتو بخير

تحياتي كما تعلمين

زاتوووو

الفاضلة دكتورة داليــا

كل نص سنة وأنت طيبة وإن شاء الله يعيده عليكم أعواماً عديدة ويديكم طولة العمر
هســــي انت مدورة الحفلة دي بجاي وأكون زميل البورد واقف في صف المندي عشان الغدا
ربنا يديم عليكم الصحة والعافية والسعادة

الاخت داليا
قبل كده سالتك في البوست ده..
Re: كـارينـــا ..!!

Quote: ممـــكن ســـعال؟ اســـي الكــلام ده قبــل العقــد ولا بعـــد؟

وكنت داير اعرف الموضوع ده عقد ولا خطوبه.. لكن ماعبرتيني
وبصراحه كده ابيت (استوســخ )نفسي اكتر...

وعلي العموم مليون مبروك ليك و للعزيز علاء.

يا waleed dawash

عشان المره الفاتت ما اتوفقتا ارد عليك ,
اسي حا افط ليك كم زول وارد لي طوووالي ..

الحمدلله تم عقد القران ,
وحاشا ان (استوســخكـ) ياخ,
انا ممكن استوســـخ ابو حسين , ود الصايم .. يعني الكرور الاسفيري دا ..

تسلم ياوليد وشكرا ليك ولك العتبى حتى ترضى ..
ول سته شهور وانت طيب ..

Quote: هســــي انت مدورة الحفلة دي بجاي وأكون زميل البورد واقف في صف المندي عشان الغدا

زميل البورض ما بيحب المندي اولا,
وتاني حاجه هو ماشالله بيطبخ اكل تمام ,
متغدي سليقه بي فته وويكه حمرا(رسلناها ليهو من هنا) وشوربه عدس زي الترتيب ..
بالمناسبه زميل البورد دا ما ضوقك يدو .. يعني قصدي في الاكل موش في الدق .. الاسفيـري

تسلم يا بشاري وربنا يديك الصحه والعافيه انشالله ويديم عليك السعاده ..

Quote: تتصوري احتفالاتكم النصف سنوية دي بتتوافق مع ايجار الشقة هاهاهاي

يعني يا زاتوو بعد ما كتبتا كلامك دا لقيتو فعلن فعلن (هاهاهاي )سـااااي كدا

Quote: بس المرة دي ماتحتفلوا بي شعار الجزائر لانو ح تروح شمار في مرقة فاحسن حاجة تشوفوا شعار سولفينيا والجماعة ما ح يقصروا معاكم ح يدوكم شهر عسل في اروبا

والله يا زاتوو شكلك لسه ما اتغديت ولا نعستا ,
الجزائر لاعبه مع انجلترا الليله ياخ ,
بعدين داك ما كان شعار الجزائر ياخ .. داك كان اخــدر بس

كل (ايجــار) وانت طيب يا زاتوو ياخ

كل يوم وإنتو طيبين يا زميلي البورض ...
تمبس ود ناس بيتنا ، وداليا مرة ود ناس بيتنا
البقت بت ناس بيتنا
تمنيات بسعادة دائمة وفرح مقيم .. آمين ..

(أزّام) قريبي الأعجمي ..

Quote: - (وهو ينظُر إلى السماء) - مالك صنيت؟ - لغيت السفر ... خليتو ... - قُلت كَدي - أيوه كَدي - أسوو ليك جبنه - سوي

بت إبراهيم بالغت معاك والله.
غايتو نظرتك للسماء دي (لخّصت) المسرحية كلها..
إن شاء الله إستمتعت بالجبنة؟؟

غايتو نحن ننزل في الأغاني وتمبس يدندن بيها فرحان
في عوجة اكتر من كدة

Quote: غايتو نحن ننزل في الأغاني وتمبس يدندن بيها فرحان في عوجة اكتر من كدة

يا ود عمي ..
حقك تخلي , حق النـاس تشيـل

صلاح عبدالله صديـغ الاسـره (:

Quote: تمبس ود ناس بيتنا ، وداليا مرة ود ناس بيتنا البقت بت ناس بيتنا تمنيات بسعادة دائمة وفرح مقيم .. آمين ..

ياخ الغلوتيه حقتك دي سمحه خلاس ..
بالمناسبه قبل كم يوم بفتش في نمرتك , دايره اقول ليك السنه دي نحن حا نعوس بدري .. داير ابيض ولا احمر ولا الاتنين ..؟؟


بعدين عزام دا شكلو حا يجيب لينا الهبايب مع المدام والله ,
الواحد كان عندو فكره جاده يجي بلدكم دي ,
لكن بعد فتنه عزام دا شكلو كدا بيلاوز

دلوش الحبيبة سلامات ومشتاغون كميات والله
تتذكري يا دلو لما قلت ليك اديها صنة يا بت الايام والشهور بتجري ؟
اها كمان اصبري ربيع السنة دى قبل ما بكرى يكمل الارشفة بتلقى روحك فى السعودية
كل لحظة وانتو طيبين ياخ

الاستاذة الفاضلة / داليا

كل سنة وانتي طيبة

كل سنة والامل الاخضر بيننا والجميع هنا يمتد بامتداد الكون

كل سنة وانتي تحملي التفاؤل فرحاً

كل سنة وامانيك العراض ضود البنان تتحقق

كل سنة وانتي بيننا نبض يتجدد القاً وفرحاً وجمالاً

كل سنة وزميل البورض اقرب اليك صدقا ومودةً وكرماً

تقبلي خالص ودي واحترامي

ويسرني أن اسجل على هذا البوست أولى

خطوط التعارف والتواصل

تحياتي لزميل البورض

عاطف

Quote: ل سنة وانتي طيبة كل سنة والامل الاخضر بيننا والجميع هنا يمتد بامتداد الكون كل سنة وانتي تحملي التفاؤل فرحاً كل سنة وامانيك العراض ضود البنان تتحقق كل سنة وانتي بيننا نبض يتجدد القاً وفرحاً وجمالاً كل سنة وزميل البورض اقرب اليك صدقا ومودةً وكرماً

الاخ عاطف ,
حقيقه اخجلتـني بكلماتك الرقيقه ,
انبسطتا منك بالجد ياخ
تسلم يارب وكل ست شهور وانت طيب ..
تحياتي ..

سـومه الجميـله ازيك ..

Quote: قبل ما بكرى يكمل الارشفة بتلقى روحك فى السعودية

كمان ما (للضرجـه) دي
سبحان الله ونستنا ديك بتذكرها زي كأنها امبارح ..
انشالله ربنا يديك العافيه ويسعدك يا سومه على قدر نيتك الحلوه دي..

تحياتي للفاتح والعيال يا عثل..

Quote: لغيت السفر ... خليتو ...

خلاس مادام خليت السفر ,
اشتري ليها الكرسي جابر !!

Quote: دايما الرواد هم استثنائيون مابقدروا يلوكوا الصبر لمن يحول الحول!

وانتوا الاتنين اطيب

و عقبال نص قرن

صلاح عبدالله

Quote: غايتو نظرتك للسماء دي (لخّصت) المسرحية كلها..

لقطها خلاس ، شكيتك على الله إتْ

امنياتي لكما بحياة زوجية سعيدة.

..
..
بالمناسبة دي دعواتكم لأخونا بكري ابو بكر بالصحة والعافية بصفته صاحب (البورض) الذي جمعك بزميل (البورض).

كل سنة ..... نص سنة وإنتو طيبين

Quote: هو ماشالله بيطبخ اكل تمام

ههههههههههههههههه
يعني مش ح يغسل العدة و بس
لا حيسوي الأكل كمان

Quote: يعني مش ح يغسل العدة و بس لا حيسوي الأكل كمان

ما عندنا رجال بيخشوا المطابخ يا ود الشرى .. حتى لو كانو موقفين وشايلين عدتهم !!

كــــااااااااااااااااااااااكـــ

Quote: بالمناسبة دي دعواتكم لأخونا بكري ابو بكر بالصحة والعافية بصفته صاحب (البورض) الذي جمعك بزميل (البورض).

والله يا اسماعيل ,
سيد البـورض دا بدعي ليهو كل ما اركع ,
واقول انشالله ربنا يديهو الصحه والعافيه ويكتر قروشو عشان يعمل (بورضات) تانيه ويخلي لينا دا

بالجد .. مـا اظن بكري ابو بكر يكون عمل معروف في زول قدر المعروف العملوا لينا (تمبس وأنا) ..

شاكره امنياتك الطيبه .. وكل سته شهور وانت طيب ..

Quote: وانتوا الاتنين اطيب و عقبال نص قرن

أحمـد خليل ,
وانت طيب يارب ,
لكن ما ضغطتا علي شديد في نص قـرن دي ..؟؟

ورمضان كريم

Quote: ورمضان كريم

لكن يا هارون ,
لقيتك لاحااااااااااظ

وكاااااااااااااك

العزيزة الدكتورة داليا..
ربنا أخليكم لبعض و يجعل أيامكم كلها حب وسعادة ..

Quote: العزيزة الدكتورة داليا.. ربنا أخليكم لبعض و يجعل أيامكم كلها حب وسعادة ..

تسلمي يا اماني ,, والف مبرووك هـارفرد ..
تحياتي يا عزيزه ..

.

دي شنو الرومانسية المفرطة دي!
ياخ الواحد يوم ولدوه ما متذكروا كويس!

وانت طيب يا عمك !
بس رجاء ما تتشالق وتكلموا .. دي مفاجعه مقاااااجعه ياخ !!

Quote: وحيث انو ما عندك (نت) في البيت , يبقى ما حا تشوف البوست دا الا بكــره السبت !! أنشالله ..

كل نص سنة وإنتو طيبين يا داليا ..





ـــ
يوم السبت قال ماجاي ..
إلا ترسل ليهو بــ DHL

والله يادكتورة استثنائيه لامن استثنائيه

أشد على يدك واوصى الجميع باتباع نهجك للاحتفال
والتهنئه بالحاجات السمحه اصلها بقت قليله شديد..
وأكرر مع الجميع:
عقبال انصاص المية سنه الجاية كلها (مادام نص قرن مانفع معاك)

تهانينا وكميات دعوات بالتوفيق والحفظ ليك ولتمبس والجميع...

لو بعرف انزل اغاني كان نزلتا ليكم :

ريدتنا ومحبتنا
وليالي هنانا
انشاالله تدوم
نتهنى
ونتمني
ونعيش في صفانا


عمكم رغيم

أحـييك يا دكتورة علي هـذا البوح الحـنين
تمنياتي ودعـواتي لكمـا بالسعـادة والتوفيق
--------------

Quote: دي شنو الرومانسية المفرطة دي!

صـاحبكـم ده محتاج لدورة تدريبيــة
في الحنين والتعبير عن العلائق العاطفية

بخيت وسعيد يا أحباب.
زي ود الصايم دا ما في طريقة تشفروا منو البوستات الزي دي يا بكري؟
قال مفرطة وكمان معاها ضحكة.
زميل البور ضدا بيصحى متين يا كافي البلا؟

ود الحبيب وود الشيخ!
أنا خلوني .. كدي شوفو كلام عزّأم الفوق دا!
قطع شكـ مع رفعة راسو لفوق دي في كلام اتقال!!
وبكون طلع كلو شلوخ

Quote: الترجمـه: البورض هو : المنبر العام لسودانيز اون لاين دوت كوم . زميل البورض : هو علاء الدين منصور الشهير بي تمبس !!

لكن ما فكيتي اخرك بسرعة يا دكتورة...

كل نص سنة وانت طيبين.. وعقبال 200 نص سنة...

وين النص التاني يا جماعة!!!!!!!!!!!!!!!!!

تحياتي..

نسأل الله أن يجمعكم على ألف خير

تحياتي وتبريكاتي لك وله






------------------------
يأخ موضوع النت المافي يوم الخميس والجمعة
الزول دا يحل مشكلة الشرق الأوسط دي ياااخ

Quote: دي شنو الرومانسية المفرطة دي! ياخ الواحد يوم ولدوه ما متذكروا كويس!

بالله دي ناس يسمحو ليها تخش بوستات زي دي ؟؟!!



------------


ثم كل سنة وانتو طيبين يا مسز تمبس..


أنتي وصاحب الابتسامة الرائعة .. تمبس..


أمنيات كتيرات والله

هوووي يا نادر يا عمكـ!!!
شنو داير تطلع لينا سنون من هسي؟
بعد دا ممكن تتكلم في بكري كمان عااادي

الله يهنيكم ويجمعكم ويسعدكم..

سلامات يا شبــاب ..
جمل الله ايامكم بالسعادة .. واللحظات الطيبة .. وكل لحظة سعيدة .
لو طلب مني أن أرجع بالزمن لأجمل لحظة .. لكنت في تلك اللحظة التي مر عليها ستة شهور من الآن بكل ما فيها من تفاصيل جميلة .. ولحظات سعيدة ح تبقى محفورة بالذاكرة .. جمعت كل احبانا واصدقانا القريبين لينا .. احتفلنا فيها حتى ساعات متأخرة من الليل .. وحتى الساعات الأولى من الصباح.
هي فرصة لنجدد الشكر لكل من كان معنا .. ولكل من كتب لنا وعاش معنا اللحظات السعيدة .. ولكل من دعاء لنا خالصا أن يجتمع شملنا..
وفرصة تانية لأن اجدد كل التزامي الوجداني بزميلة البورد .. وربنا يديك كل حاجة جميلة تتمنيها .. بقدرما أديتي كل الحوالينك ..
وفرصة تانية لأحي زميل البورد بكري أبوبكر الذي جعل لنا هذه المساحة للتواصل .. وجعل لنا هذه المساحة لنلتقي أخوة لنا لم تلدهم امهاتنا .. وجعل لنا فرصة سانحة أن تكون لنا أواصر صلة ومودة .. (وانصاص) تانية .. وجعل لنا مساحة ايضا نمارس فيها كل انسانيتنا ولو كانت عبر التقنية ولغة العصر ..
الشكر لكل الذين هم هنا .. وكل الذين هم خارج المساحة وفي نيتهم أن يكونوا معنا..
والشكر كل الشكر للجميع ..

ياخوانا والله ياخي الف الف مبروك وربنا يلمكم في الخير انشالله...


تمبس ياخوي مالو كلامك بقى زي كلام زولا ماااااااابغباني!!!






ست البنيـــــــــــات

مياده ازيك (:

مشتاقين يعلم الله ,
بالجد ياختي صاحبكم دا بقى يتكلم كلام كبار كبار ..
حكمتو بالغه بس سلامه الما قال لي : بكري بيجيب لينا الناس دي من وين ؟؟

سلمي علي البنيات ... كلللهن (:

ايمـن دياب ..

تسلم يارب وشكرا لامانيك الجميله ..


----------
ما عندكم زول جاي السودان قريب (:

OK
كل نص سنة وإنتو بألف خير

ألف مبروك د. داليا وتامبا (زميل البورض) .. مرور نصف سنة على زواجكم الميمون .. غايتو أنا ما عارف لكن زميل البورض ده أكيد أمو داعيلو في ساعة استجابة عشان يلقه إنسانه بكل هذه المشاعر والروح الإنسانية الجميلة دي... بختك ياعم تامبا ..وأكيد إنت تستاهل ...


مع خالص تحياتي وتقديري ؛؛؛

والله يا دكتورة

نفسي انداح زي اندياحكم انتي وحبيبنا تامبا دا

لكن القطر صفر

ان شاء الله ربنا يديم عليكا نعمة الالفة والمودة والرحمة

وان يجمعكما جمعا لا فراق من بعده

مودتي

كل سنة وانتو طيبين
انشاء الله تتهنو وتسعدو
وتشوفو عيالكم حلوين وانيقين مثلكم

ستة شهور بالله؟
اها الراجينها شنو ؟؟
عجلوا يااااااخ كفاية انتظار ...
تحياتي لزميلة وزميل المنبر

شيخ العوض المسلمي ..

ياريس انت وين ياخ ؟؟
الواخد قاعد معاك هنا في الخرطوم وما لامي فيك ..

اها دايرين نعمل كرامه لي وهبه .. في قندهـار .. هههههههه

تسلم على الامنيات الطيبه .. يديك الف عافيه ..

Quote: كل سنة وانتو طيبين انشاء الله تتهنو وتسعدو وتشوفو عيالكم حلوين وانيقين مثلكم

خطوه عزيزه يا استاذ خالـد ,
شكرا جزيلا لامنيـاتك الطيبه وربنا يديك الف عافيه ..
أسعدني حقا مرورك .. تحياتي ..

ربنا يغتى عليكم .. ويحفظكم ..

ويرزقكم بصالح الابناء وحلال المال ..

يارب عقبال مية سنة محبة وسعادة .. وحولكم احبابكم واعزائكم ..

ماشاء الله تبارك الله عليكم يا تمبس وداليا ..

فعلا" قدوة ..

دلوش مرة تمبس
البت الحديقة الفايت الناس لطافة
كل نص سنة وانتو بالف خير
ربنا يملا بيتكم حب ومودة ورحمة
وعصافير تغرد فى كل ركن بالحان شجية
مبروك كل العمر وكل اعياد الحب

Quote: وفرصة تانية لأن اجدد كل التزامي الوجداني بزميلة البورد

عارفك رهيييف يا
زميل البورض ..
ربنا يسعدكم ياااخ .
وبركة الجيت

تمبس وداليا

Quote: وكل الذين هم خارج المساحة وفي نيتهم أن يكونوا معنا..

الف مليار مبروك مرة ثانية
وأسأل الله أن يجمع بينكما بالمودة والمحبة والوئام والاتفاق الدائم
وأن يكفيكما شر الحاسدين والحاسدات والراصدين والراصدات.

Quote: وكل الذين هم خارج المساحة وفي نيتهم أن يكونوا معنا..

فعلاً يا تمبس كنت في الرياض سنتين قبل ما انتقل إلى الجبيل وكنت اتمنى لقائك ولكن كانت المشاغل صعبة
كلو ما امشي قبيرة (من الدخل المحدود) مطعم العباسية سابقاً اتلفت اقول ممكن الشفت دا حايم بي جاي
ما بتكيف إلا لي العباسية اتخل على الرغم من افتتاح مطعم ريم وغيره.
وكنت ايضاً اتمنى ان اكون في السودان واحضر زواجك - بس كدا انت عاجبني ساكت في الله

الصادق

العزيزان / تمبس وداليا

اسال الله الكريم ان يجمع شملكم على
خير

والله يا جماعة اخجلتم تواضعنـا .. كلكم بدون فرز .. ولكم مساحة كبيرة جدا فيما تبقى من القلب .. وهي حاجة بسيييطة جدا .. لكن كان النفوس اتطايبت .. بتشيلكم شيل شديد جدا ..

الصورة في حليوة .. شكرا لصديقنا طلال عفيفي

داليا ، تمبس ....من كل قلبي : ربنا يحفظكم ويغطيكم ويديم عليكم نعمة المحبة ويرزقكم بالبنين والبنات ويبعد عنكم العين ...


اخوكم فايز ..

دلوش وتمبس
كل نصف عام وربع وعام كامل وانتو بخير.



غايتو يا تمبس انت اشكر بكري لما تقول بس!

ونحن نشكر داليا لما نقول بس...لانها غيرتك لينا من حكاية الفوره دشليون دي(كااااااك)!!



عارفه يا دلوش....في يوم حفلة البجا والكترابه قايمه
وبعد مرقته بره وهتفته..مان من المروقا معاي عمر منوصر و الخير عضو البورد
ولقينا ياسر طيفور بره...وبقينا نصتور عشان لقاءنا....ويشيل عمر ويقول لهم تراجي
دي تجيبوها جنبي كيه لتمبس ونضحك من جوه فشفاش قلبنا.


غايتو تمبس ما بعرفوا الا بجنونه هنا بعرف قلبه ابيض....
الا كان نسابتك كلهم زي عمر منصور فيا بختك امك داعيه لك
ديل ناس طيبين خلاص.




وضحكتني يا دلوش بت الجنيد دي

Quote: دلوش الحبيبة سلامات ومشتاغون كميات والله تتذكري يا دلو لما قلت ليك اديها صنة يا بت الايام والشهور بتجري ؟ اها كمان اصبري ربيع السنة دى قبل ما بكرى يكمل الارشفة بتلقى روحك فى السعودية كل لحظة وانتو طيبين ياخ

بري يا يمه يبروا داليا وتمبس من صبرا قدر ده....ربنا يلمهم سريع
وتتجازى الاجراءات البتأخر الاحبه عن اللقاء .

Quote: داليا ، تمبس ....من كل قلبي : ربنا يحفظكم ويغطيكم ويديم عليكم نعمة المحبة ويرزقكم بالبنين والبنات ويبعد عنكم العين ...

والله شايف دعاء ود القاضي دا أشمل حاجة ويمكن توفر علينا كثير من الحبر !!

والله تستاهلوا كل جميل ، ورائع أن يحتفي المرء بالمحبة جهرةً !!

النصف سنوية دي يادكتورة عطلت بوست المايقوما ، خلاص كفاية أفراح ، هيا للعمل!!

تمبس : مافيها (نص) خروف كدا على الماشي ؟؟

Quote: تمبس : مافيها (نص) خروف كدا على الماشي ؟؟

دا كلام مؤسس .. !!

-------------



أستاذنا عبد اللطيف..

تحيات يا عمكـ

Quote: بِالله يا داليا عليك الله ما تأصِلي لينا أعياد نُص السنة وتثبِتيها لينا لامِن تبقى حقيقة وواقِع ، هسِع بِت إبراهيم ، أولادا يِحدِثوها بِالعيد الظهر جديد ده ونبقى فوق دق لي دهب وإشْتري لي توب ، إنتو ما عِندكُم رحمة كلو كلو ياخ ... عاد نِحنا غُربتنا دي جت نقوم نقضيها فوق عيد ميلاد وعيد فطر وعيد أضحى والكِريسماس وشم النسيم وعيد الحب وعاشوراء ... ده شنو ده ... ده شنو ده

غايتو يا عزام الله يحلك من المشاكل جابر واخوانو

عالم تمباااااا وداليا كل ستة شهور وانت بالف خير وسعادة وربنا يديم عليكم المودة والرحمة .

اسال الله يجيبك الرياض فى اليومين ديل كان تعرفى تحسبى اسبوع خلى الست الشهور بتاعتكم دى

برُد عليكُم يوم الجمعة والسبت ... معليش ... الخواف ربى عِيالو (وأخذ الباب خلفهُ وهو يُهرْوِل هَرَولةً وهو يُصيح تمبا جاااااكم)

كل غدا وانتم احبه

ياخى ربنا لايحرمكم من بعض ولا يحرمنا منكم..














ــــــــــــــــ
مع انو الواحد مافاهم حاجة زاتو

اللهـم يا باسط ابسط لهم من الود ورقد العيش لمن يقولو بس كفـانا

ربنا يهنيكم ويسعدكم ويجعل أيامكم كلها أعياد ..

داليا حافـظ ,
وانتي طيبه وشكرا للامنيات ..


الريس ابو جهينه ..
وانت طيب يا ريسنا (باعتبار ما سيكون) .. تحياتي ..


نجلاء قرافـي ..
الله يخدر ايامك كلها يارب .. تسلمي ياراقيه ..

يا طبنجـه ..

انت بتبكي وما عارف الميت منو ..؟؟

كل سنه وانت طيب وبالمره سوق معاك ود الصايم دا اشتري ليهو ايس كريم ..

ابو مهند ..

وانت طيب يارب .. شكر على الورد يا ذووق..



احمد عبدالله ..
وانت طيب يارب وتسلم على الامنيات الجميله ..


يوسف ابو سنينه ..
كدي النجي بهناك في الاول بعدين الله كريم .. وانت طيب وسلم على العيال ..

Quote: تمبس : مافيها (نص) خروف كدا على الماشي ؟؟

عبداللطيف البكري , اخي ال1ي لم تلده امي ,

ياخ انتو مافي (سواكني) في الرياض ما خليتوهو في حالو..!!
حرام عليكم صحتكم يا ناس ..
بالله راجعو بوستات قلبك كيف ؟ وبطلو الشحم الكتير , كلو لحوم بيضا وسمك وخضار ياخ !


-------------
العمل شغال يا عمك شغال وكلو تمام ..

ترجرج العزيزه ..

ياخ والله مداخلتك دي دايره ليها بوت كامل عشان ارد عليها ,
لكن النجيضه : نسابتي زي كللهم زي تمبس ..!
قلبهم ابيض وحنينين , وفي نفس الوقت جعليين حمق ما بيرضو الحقاره

لكن الواحد فيهم تقول ليهم اقطع من لحمك واديني, بيديك لحمو وعيونو , ويقول ليك : بتدور الزياده ؟
بالجد يا تراجي اهل عمر وعلاء ناس طيبيبن وكريمين ومهذبين لي درجه ما بتتخيلها .. ربنا يحفظهم انشالله ..

والله خطوه عزيزه وتسلمي على امنياتك الجميله (ولك مثلها) .. انشالله يا تراجي يا بت ام تراجي نشوفك هنا في القريب العاجل,
ومعاكي الشفع اللذيذين , وتلقي (زول) يقعدك معانا هنا طوالي .. بس .. اها .. عندك راي ..
-------------
بالمناسبه صوتك احلى من تينا تيرنر ..

د.فـايز .. اخوي العزيز ..

دعواتك جلوه بالجد ,
انت واحد من الاسباب لمخلياني متمسكه بهذا المكان بالجد ,
يعني بالجد انت اخ عزيز , (بالجد دي مالها كترت كدا) (:

تحاتي يا دكتور .. وانشالله نتلاقى قريب .. تحياتي .

Quote: دلوش مرة تمبس البت الحديقة الفايت الناس لطافة كل نص سنة وانتو بالف خير ربنا يملا بيتكم حب ومودة ورحمة وعصافير تغرد فى كل ركن بالحان شجية مبروك كل العمر وكل اعياد الحب

عبدالفتاح .. كلامك سووو سووويييت ..
شكرا على الامنيات الطيبه ..
وربنا يديك العافيه يارب ..

Quote: ربنا يغتى عليكم .. ويحفظكم .. ويرزقكم بصالح الابناء وحلال المال .. يارب عقبال مية سنة محبة وسعادة .. وحولكم احبابكم واعزائكم .. ماشاء الله تبارك الله عليكم يا تمبس وداليا .. فعلا" قدوة ..

والله يا شـاذلي ,
انا بحب مداخلاتك عشان بيكون فيها دعوات حلوه زي دي ..
تسلم يا اخوي وتتبارك يارب ..

Quote: لكن القطر صفر

يا عمـو ود الباوقه ,
قطر شنو ياخ بالغتا ..!!
اسي الجماعه قالوا متنبئين ليك بي (دبل كليك) تقوم تقول قطر ..؟؟


شكرا لامنياتك الطيبه وانشالله يديك العافيه ..

يا محمد عمر جبريل ,

وانت طيب انشالله يارب ..



هديتي وين , أو رقم الحسـاب كم ..؟؟

Quote: بعد دا ممكن تتكلم في بكري كمان عااادي

بكري دا منـو ..؟؟ بيكتب معانا هنا ..؟؟

Quote: ثم كل سنة وانتو طيبين يا مسز تمبس.. أنتي وصاحب الابتسامة الرائعة .. تمبس.. أمنيات كتيرات والله

والله يا نادر دي مافي زول سبقك عليها ..
كان ابتسامه رائعه ما بعرف (:

شكرا لانياتك الطيبه , وود الصايم دا كرهني البوست دا زاتوو ياخ

Quote: يأخ موضوع النت المافي يوم الخميس والجمعة الزول دا يحل مشكلة الشرق الأوسط دي ياااخ

سيف بخيت موسى ,

النبي فيك لأ ..
لا يحلها ولا يحلها ..
عليك الله النت الفي الشغل نحنا فهمنا فيهو شنو لمن يجيبو في البيت (:

وانت طيب وشكرا لامنياتك الجميله ..

يا ايهــاب الطيب ,

Quote: لكن ما فكيتي اخرك بسرعة يا دكتورة...

اعمل شنو احسن من يجيك ناي ود الصايم وابو حسين يعملوا فيها مجانين !!

شكرا لي تمنياتك الجميله , وانشالله قريت ردود زميـل البورض اللي طلبتها

Quote: قطع شكـ مع رفعة راسو لفوق دي في كلام اتقال!! وبكون طلع كلو شلوخ

بس انت جـاري لي جنس دا

محمد الشيـخ ,

Quote: زميل البور ضدا بيصحى متين يا كافي البلا؟

والله هو صااااحي , لكن ما عندو (نت) في البيت !
اما بخصوص ود الصايم فما تشتغلوا بيهو كتير .. ليس على (الضوحوكنجي) حـرج ..!!

شكرا لتمنياتك الجميله ..

عبدالله الحبيب ..

شكرا للتهنئه ولتمنياتك الجميله ..

بخصوص ود الصايم دا فما تشتغل بيهو كتير ..
نحن بنحاول نعاملو كويس عشان خاطر المشاهدين الاعزاء بس

Quote: لو بعرف انزل اغاني كان نزلتا ليكم : ريدتنا ومحبتنا وليالي هنانا انشاالله تدوم نتهنى ونتمني ونعيش في صفانا

يا عمو رغيم (الماحقيقي) الذي هو القرضابي ..
في الغني تراه خليل ما قصر ..
نجاملك في الافراح انشالله بي (صورتك) و (اسمك) الحقيقيات .. (:

Quote: والله يادكتورة استثنائيه لامن استثنائيه أشد على يدك واوصى الجميع باتباع نهجك للاحتفال والتهنئه بالحاجات السمحه اصلها بقت قليله شديد

الحمدلله يا احمد, وبالجد بالجد هي حاجاه حلوه وجميله لانها بدات هنا,
وكنتم دوما جزء منها ..

تيلم يارب وكلامك اللطيف دا هو الاستثنائي ..
احلى حاجه في الدنيا تبتهج بي نصفك الاخر ..

تحياتي وانت طيب وربنا يسعدك دايما ..

Quote: كل نص سنة وإنتو طيبين يا داليا ..

وانت طيب يا سيدنا المسلمي ..






0-----------
جا .. ولا على كيفكـ ..
(ضغطك) المرتفع بقى يخليك ما بتتنبأ كويس يا عمكـ

عقبال مية سنة

عقبال آلاف السنين الضوئية.

يا بت انتى لا .. ايه الحلاوة دي ؟؟

ربي يسعدكم ويهنئكم ويفرحكم ويجعل لصيقكم السرور ما يفارقكم ..

شاحد ربي ..
يغتي عليكم ويزيدكم ويديكم لامن يرضيكم
ويطرح البركة فيكم وفي أرزاقكم وفي عيالكم
ويجعل أيامكم ملياااانة محبة ومودة

وانشاء الله يارب نحتفل بيكم العمر كله ...

ربنا يديم عليكم نعمة المودة والرحمة والإلفة
وإن شاء الله دايما تكونوا مصدر إشعاع
لفرح كل الناس
آمييييييييييين يارب العالمين

Quote: سلامات يا شبــاب .. جمل الله ايامكم بالسعادة .. واللحظات الطيبة .. وكل لحظة سعيدة . لو طلب مني أن أرجع بالزمن لأجمل لحظة .. لكنت في تلك اللحظة التي مر عليها ستة شهور من الآن بكل ما فيها من تفاصيل جميلة .. ولحظات سعيدة ح تبقى محفورة بالذاكرة .. جمعت كل احبانا واصدقانا القريبين لينا .. احتفلنا فيها حتى ساعات متأخرة من الليل .. وحتى الساعات الأولى من الصباح. هي فرصة لنجدد الشكر لكل من كان معنا .. ولكل من كتب لنا وعاش معنا اللحظات السعيدة .. ولكل من دعاء لنا خالصا أن يجتمع شملنا.. وفرصة تانية لأن اجدد كل التزامي الوجداني بزميلة البورد .. وربنا يديك كل حاجة جميلة تتمنيها .. بقدرما أديتي كل الحوالينك .. وفرصة تانية لأحي زميل البورد بكري أبوبكر الذي جعل لنا هذه المساحة للتواصل .. وجعل لنا هذه المساحة لنلتقي أخوة لنا لم تلدهم امهاتنا .. وجعل لنا فرصة سانحة أن تكون لنا أواصر صلة ومودة .. (وانصاص) تانية .. وجعل لنا مساحة ايضا نمارس فيها كل انسانيتنا ولو كانت عبر التقنية ولغة العصر .. الشكر لكل الذين هم هنا .. وكل الذين هم خارج المساحة وفي نيتهم أن يكونوا معنا.. والشكر كل الشكر للجميع .. (

والله يا تمبس واحد من اتنين
يا كورتك فكت
ياما الخجل كاتلاك
ده شنو ده؟ البنيه تكتب ليك انت "يورسلف" كل نص سنه وانت بخير تجي تقول لي اشكر الشباب واشكر بكري الذي اتاح لنا وما عارف ايه
والله ما فضل ليك الا كان تكتب " في هذا المنعطف التاريخي الخطير" عشان خطبتك العصماء دي تكتمل
وكل نص سنه وانتو طيبين يا شباب وربنا يديم المحبه

اتمنى لكما دوام السعادة والعافية

يعني نحن كل نُص سنة حا نهنئ ولا كيف ؟؟؟

بقى بالنص كمان ؟؟؟؟

دا زواج ولا حاجة تانية ؟؟

غايتو ألف مبروك و عقبال مليون نـُص

ايامكم خدرا كلللها يارب

Quote: والله يا تمبس واحد من اتنين يا كورتك فكت ياما الخجل كاتلاك

والله يا بوب لا هذا ولا ذاك .. .. البوستات الرومانسية دي ولى عهدها بالبورد .. وبيني وبينك بقيت اخاف .. يعتر لي اي زول في حته كويسة حقتي ما اقدر اجيهو في حتة جميلة حقتو وارد ليهو حتة صغيرة من الجميل .. والناس هنا يا بوب بتزعل وبتحسبه بالجاك والما جاك .. ودا برضو من حقهم .. ودا السب الخلاني اكتب للناس ديل كلهم في خطبة عصماء شديد
والحاجة المهمة برضو يا بوب .. الرومانسية هنا اصبحت تدخل في حتات ضيقة .. واي كلمة جميلة تكتبه اصبحت للاسف محسوبة عليك من الناس النفوسم ضعيفة جدا ..
والمهم جدا يا بوب .. بالقدر البتفرح فوقو بي دعوات الناس الطيبة دي .. القريبين ليك شديد والكسبتهم في المكان دا .. وبالقدر البتتمنى إنو تتذكر اللحظات السعيدة والسمحة دي في كل لحظة وتجدد فيك احساسك بالمكان دا وإنو اتخلقت اللحظة الجميلة دي منو، ممكن تلقى ليك كلمة صغيرة بتسلب منك الحق دا .. على شاكلة ياخ ما خلاص كرهتونا يا تمبس وداليا زي ما صرح بيها واحد هنـا قبل فترة .. وصدقني دي في حد ذاته ممكن تعمل لي خلل بيلوجي عجيب خلاص

كل نص
وأنتما بألف خير
وعقبال النص الألفين

كل الأماني الحلوة ليكم

(دالياx تمبس) زملاء البورض,,

كل نص سنة وربع سنة وتلات أرباع سنة وإنتو طيبين والربع الرابع زيتكم فى بيتكم وفارزين صينيتكم,,

الأمنيات الطيبة والعمر المديد السعيد الجميل الحافل بالنجاح والإنجازات,,

تحياتى
______

يا زملاء البورد ..
وصديقاي ..
كل أيامكم سعادة وأفراح ..
ربنا يجمعكم دائماً على الحب والخير ..

عمر الله قلوبكم بالمحبة تمبس داليا
و زين دنياكم بالذرية الصالحة.
و أمد في ايامك بصفاء و سكنه
و زادكم في المودة والرحمة.

Quote: عمر الله قلوبكم بالمحبة تمبس داليا و زين دنياكم بالذرية الصالحة. و أمد في ايامك بصفاء و سكنه و زادكم في المودة والرحمة.

الصادق خليفه ,
تسلم يارب , دعواتك جميله .. كتر منها بالله .. خاصه بعد ركعتين ..
شكرا ليك كتير .. تحياتي ..

تمبس العزيز ...

Quote: على شاكلة ياخ ما خلاص كرهتونا يا تمبس وداليا زي ما صرح بيها واحد هنـا قبل فترة ..

يا عزيزى سيتكشف لهم ولو بعد حين انو الدنيا دى مابتسوى ..
افرح ياخ ..
ووزع الفرح ..
وخلى الناس البيحبوكم يفرحو معاكم ويشاركوكم ..

ياخ الزول لو شاف اتنين بيحبو بعض نفسو زاتا بتنفتح .. وسلوكو بيتغير ..

ياخ ربنا يسعدكم دنيا واخرة يا اخوى ..


ــــــــــــــــ
عافيك من الرد
عشان ماتتورط ترد على الهلمة الفوق دى كلها..

Quote: عافيك من الرد عشان ماتتورط ترد على الهلمة الفوق دى كلها..

والله يا الشاذلي الخوفه ما من الورطة .. الخوف من الهدايا والورد ..
أجي داخل البوست دا بي ورد .. تقومو تفتكروني لبناني
أجي داخل مدلدل يديني وزول نقـة ساي .. تقولو علي براي ..
غايتو دا أول بوست فوقو بوح .. كاتم صوت ..
عاملة كيف .. يا حبيبتي .. يا واحشاني ..
المشكلة إنو ما بخلوك تقول زاتوووو .. العايز تقولو .. عشان كدا لازم تجيبه من فوق
..
ودا من تداعيات الستة شهور بعد العودة .. الله يكتر .. (الجزمجيــة) ..

يا ايمن الطيب ..


اول زول الاقيهو يحب ابو عركي اكتر مني !
عاين ان قصدك شنو ..؟؟


عاين الاغنيه دي لي اكتر من سنه زايغه منها ..
في داعي اعمل كليك القاهو بيقول لي : اريدك اريدك اريدك .. انت فجرن طل فرح ناس ..!!

عاين في حاجه وقعت في عيني , واسي عيوني حرقتني , وبقت حمرا .. بجيك راجعه بعدين

كل (نص) عام وانتم بالف خير ومتعكم الله بالصحة والعافية تاجا وسربالا سرمدا الدكتورة داليا والاستاذ علاء الدين

كل ستة شهور وانتو طيبين

وربنا اخليكم لي بعض واكفيكم شر العين

وتكملو طريقكم بي رضا يا رب

معتـز ,,

شكرا للصور الجميله .. تسلم يارب وشكرا للامنيات ..

معتز القريش اخو الوزير ..

معقوله جاي تهني بي نفسك ؟ كان ترسل الدريول .. (:
شكرا لامنياتيك .. تحياتي ..

معتصم دفع الله يا مـو ..
تسلم ياصديق وشكرا لامنياتك الطيبه ..