Post: #1
Title: بيان عاجل حول نقض الإتفاق و مواصلة إضراب الأطباء
Author: محمد قرشي عباس
Date: 06-14-2010, 10:57 PM
بيان عاجل
يا جماهير الأطباء الصامدة ابدا
لقد سعى نفر من الجمعية الطبية وبحضور الإتحاد لدفع اللجنة لتوقيع اتفاقية , يقضى بموجبها إطلاق سراح المعتقلين في وقت متزامن مع رفع الإضراب ..ولقد عودتكم لجنتكم المواقف الحكيمة والمرنة والمنفتحة على الحوار النزيه والشريف ..ولكن ولقد صارت لكن هذه ديدن لجنتكم في اتفاقيات ينكرها اصحابها حتى قبل ان يصيح الديك ..وهم كانو يظنون ان الجمعية العمومية بالضعف والسذاجة التي يمرر عليها مثل هذه الأكاذيب والآن يتجمهر عدد ضخم من الأطباء بمستشفى الخرطوم ومعهم طلاب كليات الطب وعدد من الأطباء معتصمون بمبنى الإتحاد ..وسنواصل إضرابنا كما هتفنا يوم اعتقل الأبوابي ..سأواصل إضر ابي خلف الأبوابي وسنواصل إضرابي من أجل الأبوابي ..الا فاصبروا وصابروا ورابطوا على ذات الصمود وانا معكم من الصامدين ..وبهذا تقرر لجنتكم استمرار الإضراب لحين رؤية أعضاء اللجنة خارج المعتقل ..وقد كانت تلك الأكذوبة هي آخر الأكاذيب التي ستنساق وراءها اللجنة وسيدفع المهرجون ثمنا غاليا لإستهتارهم بجموع الأطباء والهزء بهم..وهذه المرة حتى لو اطلقوا المعتقلين سيلهثون طويلا قبل ان يجدوا مفاوضا يرفعون معه الإضر اب..فاصمدوا في إضرابكم وادخلوا منازلكم واغلقوها جيدا ..ابتدأ عهد جديد ..نلزم فيه الدعاء والصبر..ثقتنا فيكم انكم الأشراف الأحرار الذين خبرناهم معاركا طويلة ..وسيظهر الله هذا الأمر او نهلك دونه ..
هكذا أقسمنا وهكذا سنبر القسم..
القال قضية وانتهت
ماشافنا نهتف ضدّهنا
والحق مشاويرنا ابتدت
حالفين نوصله حدّها
لجنة إضراب أطباء السودان
من داخل مستشفى الخرطوم
14/6/2010
أوافيكم بتفاصيل ماجرى لاحقا
|
Post: #2
Title: Re: بيان عاجل حول نقض الإتفاق و مواصلة إضراب الأطباء
Author: الامين موسى البشاري
Date: 06-14-2010, 11:03 PM
Parent: #1
| Quote: أوافيكم بتفاصيل ماجرى لاحقا |
في انتظار التفاصيل يا دكتور
والله عجبتني قبل ان يصيح الديك دي شــديد 
أنتم اصحاب حق وموقفكم هو الأقــوى .. وربنا ينصركم
|
Post: #3
Title: Re: بيان عاجل حول نقض الإتفاق و مواصلة إضراب الأطباء
Author: الفاتح سليمان
Date: 06-14-2010, 11:06 PM
Parent: #1
خطا كبير يا محمد التفاوض بشكل زي دا
وخطا اخلاقي
كمان اننا نسمح ليهم التفاوض علي اصل حياة بني ادم اصلا مفروض يكون حر طليق
يا شباب
ما تتضايقوا
الموضوع دا ما تفاوضوا فيه اي بشر
ديل ناس كزابين ومنافقين كلهم يا محمد قرشي وما فيهم راجل محترم لانهم لو محترمين ما كانوا جيبكم اصلا للتفاوض بتبادل اسري
دا شنو الكلام الغريب البحصل دا
بالله ما تتسرعوا في خطوة زي دي
الوضع دا درب واضح
لا تفاوض مع اي جهة دون حضور عضوية اللجنة كاملة
القرار واضح والدرب واضح
نتمني الا نرجع خطوة الي الوراء ونعطي الحكومة المنافقة ما يخرجها من ورطتها الكبيرة دي
اطباء جبنا هم لمن جوكم بفاوضوا علي حرية زملاء ليهم
ديل احقر من جهاز الامن العذب الشباب ديك
واتفه منهم
وهم جزء من اعداء الاطباء
العايز قضية الاطباء ما ببقي في النص
يا معانا بهنا
او يتخارجوا
لا جمعية طبية او غيروا
دي كلها وساطات ضااااااااااااااااااااربة جدا
|
Post: #4
Title: Re: بيان عاجل حول نقض الإتفاق و مواصلة إضراب الأطباء
Author: الفاتح سليمان
Date: 06-15-2010, 00:20 AM
Parent: #3
هناك نقطتان مهمات
الاولي اطلاق سراح الاسري ورفع الاطواق الامنية من ميزات الاطباء
التانية بلع كل القرارات الادارية في كل مدن السودان
تنفذ الاتنان اولا من ثم يتحول الاضراب الي اضراب حوادث بديباجة
اكرر نقطة الجمعية العمومية المحضورة بكل الاطباء وفي المكان الذي يحدده الاطباء ولجنتهم وهو الميز
لا مفر من تنفيذ الاتنين معا اولا ومن ثم يحدث انفراج في الاذمة بشكل جزئي
ما لم يتم ذلك فدا كلوا ضياع زمن ساكت
|
Post: #5
Title: Re: بيان عاجل حول نقض الإتفاق و مواصلة إضراب الأطباء
Author: خالد العبيد
Date: 06-15-2010, 02:32 AM
Parent: #4
لا تفاوض مع اي جهة دون حضور عضوية اللجنة كاملة
القرار واضح والدرب واضح
|
|