Post: #1
Title: المفصولين من الحياة \ وأنا جيت خلاص...
Author: nour tawir
Date: 06-13-2010, 07:47 PM
Parent: #0
يتم الفصل من الحياة فى السودان ومنذ يوم 30يونيو الاغبربشتى الوسائل ومما لا يخطر على بال..
والحكومة أيضا تفصلك من الحياة وترميك فى أقرب برميل قمامة ثم تنفض يديها وتذهب لحالها..
فقط أنا محتاااااااااااااااااارة فى امر الحكومة..
بتكرهنا كدا ليه؟
ولما تفصلنا كلنا من الحياه حتحكم مين؟
وعلى العموم من المفصولين من الحياه وبأصرار هم المفصولين لاسباب سياسية..
وهؤلاء يقدرون بعشرا ت الالاف..
منهم من قضى نحبه..
ومنم من ينتظر..
تعرفهم بسيماهم..
مقهورين..
مشلهتين..
زعلانين على الدوام..
يكاد احدهم ينفجر من شدة الغيظ..
ولكنه صابر..
ترفعه كرامته الى عنان السماء..
|
Post: #2
Title: Re: المفصولين من الحياة \ وأنا جيت خلاص...
Author: حاتم شناب
Date: 06-13-2010, 07:54 PM
Parent: #1
Quote: منهم من قضى نحبه..
ومنم من ينتظر.. |
ننتظر بمزيد من القوة والصلابة
|
Post: #24
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:34 PM
Parent: #2
حاتم شناب..
وهو كذلك..
|
Post: #3
Title: Re: المفصولين من الحياة \ وأنا جيت خلاص...
Author: Amira Elsheikh
Date: 06-13-2010, 07:56 PM
Parent: #1
Quote: فقط أنا محتاااااااااااااااااارة فى امر الحكومة..
بتكرهنا كدا ليه؟ |
الاستاذة نور تاور,,,,سلااااام
والف الف مرحب بيك تانى...
لو بتكرهنا ساااي كدا ماكويس
دى بتكرهنا وتتعمد اذيتنا,,
سؤالك دا مساالم خالص خالس,,
|
Post: #25
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:40 PM
Parent: #3
اميره الشيخ..
شكرا كتير..
سؤالى مسالم خاااااااااااالص..
لكين أنا ما مسالمة خااااااااااااالص مع الجماعة ديل..
تخيلتى أنك تعأفرى عشرين سنة فما فوق فى موضوع وآآآآآآآآآآآآآآآحد؟!
وموضوع أيه؟
كل سطر فيه ألعن من التانى..
دا أسمه موت احمر..
|
Post: #4
Title: Re: المفصولين من الحياة \ وأنا جيت خلاص...
Author: nour tawir
Date: 06-13-2010, 08:00 PM
Parent: #1
وبحسب المذكرة الصادرة من اللجنة التنفيذية للمفصولين سياسيا عن كيفية الفصل من الحياة نقرا التالى:
المرحلة الاولى.
هى مرحلة الفصل السياسى الذى سمته الآنقاذ بالفصل للصالح العام. وعندما جوبهت هذه المرحلة من الفصل والتشريد عن العمل باستنكار محلى وعالمى على اعتبار انها انتهاكا لحقوق الانسان.. اوقفت سلطة الانقاذ الفصل والتشريد عن العمل تحت هذا المسمى..
المرحلة الثانية..
وهى مرحلة ما يسمى بفائض العمالة..
أذ أن من طالهم سيف الفصل والتشريد عن العمل تحت هذا المسمى هم من قدامى العاملين.. وليس القادمين بعدهم..أذ أن العقل والمنطق يقرآن أن المحافظة والابقاء يجب أن تكونان للعامل الذى قد أكتسب خبرة بالممارسة..
أضافة لمؤهله وكفاءته اللتان صعد عبرهما الى مواقع متقدمة فى سلم الوظيفة حتى اصبح رئيسا لقسم..أو قائدا لفريق عمل..أو مسئولا عن وحدة ادارية..مما يؤكد أن من وراء أستهدافه بالفصل والتشريد قصد سياسى وليس بغيره..
كما أن الفصل والتشريد عن العمل تحت هذا المسمى قد أحتل المرتبة الثانية بعد الخصخصة من حيث عدد الذين أصبحوا ضحاياه..
ونواص أنواع الفصل..
|
Post: #5
Title: Re: المفصولين من الحياة \ وأنا جيت خلاص...
Author: Hani Arabi Mohamed
Date: 06-13-2010, 08:04 PM
Parent: #1
دي لا بترحمنا وبتحاول ما تخلي رحمة ربنا تنزل - استغفر الله العظيم - ومافي زول بقدر يوقف رحمة الله
|
Post: #6
Title: Re: المفصولين من الحياة \ وأنا جيت خلاص...
Author: ياسر بيناوي
Date: 06-13-2010, 08:12 PM
Parent: #5
Quote: تعرفهم بسيماهم..
مقهورين..
مشلهتين..
زعلانين على الدوام..
يكاد احدهم ينفجر من شدة الغيظ..
ولكنه صابر..
ترفعه كرامته الى عنان السماء.. |
اولا الف حمدلله علي السلامة
وبركة الجيتي يا استاذة
واكيد لابد من يجي يوم بيناتو نمشي عزاز
خالص الود
|
Post: #7
Title: Re: المفصولين من الحياة \ وأنا جيت خلاص...
Author: عبدالكريم الامين احمد
Date: 06-13-2010, 08:14 PM
Parent: #6
مرحب شديد
وحبابك استاذة نور
ونورتي مكانك الشاغر في هذا المكان
|
Post: #8
Title: Re: المفصولين من الحياة \ وأنا جيت خلاص...
Author: Omayma Alfargony
Date: 06-14-2010, 01:59 AM
Parent: #7
حبابك آلاف..
مرحب بالاستاذة نور..نور المكان.
يفصلون كل الناس الا انفسهم يفصلون لها الادوار.
حمقى ولصوص وساديين وقتلة ومهوسيين دين.
وفصول لمسرحيات غبية وهزلة وساخرة.
لكنهم لن يفصلون وجداننا ولن نصالح ...لن نصالح..لن نصالح...
|
Post: #9
Title: Re: المفصولين من الحياة \ وأنا جيت خلاص...
Author: doma
Date: 06-14-2010, 04:16 AM
Parent: #8
هلت الانواراستاذه نور مرحبا بعودتك
|
Post: #10
Title: Re: المفصولين من الحياة \ وأنا جيت خلاص...
Author: ALGARADABI
Date: 06-14-2010, 04:50 AM
Parent: #9
أهلين
ومنوره البورد
|
Post: #11
Title: Re: المفصولين من الحياة \ وأنا جيت خلاص...
Author: المسافر
Date: 06-14-2010, 05:24 AM
Parent: #10
Quote:
تعرفهم بسيماهم..
مقهورين..
مشلهتين..
زعلانين على الدوام..
يكاد احدهم ينفجر من شدة الغيظ..
ولكنه صابر..
ترفعه كرامته الى عنان السماء.. |
جيتي وجات معاك نسمات خريف غاب سنوات
مرحبتين سلام جاك وجانا وقعد معانا وما فات
|
Post: #12
Title: Re: المفصولين من الحياة \ وأنا جيت خلاص...
Author: Dr. Abdalla Siddig
Date: 06-14-2010, 05:34 AM
Parent: #11
الحبيبه نور بنت تاور
حباااااااااااااااااااااااااااااااااااااااااااااااااااااااااااااااابك
عشششششششششششششششششششششششششششششششششششششششششششششششششششششششششششششششششره
|
Post: #13
Title: Re: المفصولين من الحياة \ وأنا جيت خلاص...
Author: الصادق صديق سلمان
Date: 06-14-2010, 06:27 AM
Parent: #12
يا مراحب بك يا استاذه نور تاور
حمداً لله على سلامتك
الصادق
|
Post: #14
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 06:51 PM
Parent: #13
العزيزات والاعزاء فى المنبر..
تحية طيبة ومشتاقين كتير..
فى السودان بيقولوا ليك الشوق مطر..
فما بالكم ونحنا فى فصل الخريف والمطر غزير؟
أرد عليكم فردا فردا..
فقط دعونا نمد فى بوست المفصولين قليلا..
ونشوف المواطن السودانى أوصلته الانقاذ الى اى سكك مقفولة ببرامج الفصل من الحياة..
|
Post: #15
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 06:57 PM
Parent: #14
المرحلة الثالثة من الفصل التعسفى..
هى مرحلة الفصل والتشريد عن العمل تحت مسمى الغاء الوظيفة..
لكن هل حقيقة ان سلطة الانقاذ قد الغت الوظيفة؟
أن الواقع يقول غير ذلك..
ذلك لان جهات الاختصاص قد ملات تلك الوظائف التى أعلنت عن الغائها بأصحاب الولاء قبل أن يجف حبر قرارها الذى أعلنت به ألغائها..
بل وربما تكون قد حددت من يملآ تلك الوظائف بأصحاب الولاء قبل أن تعلن غن ألغائها...
|
Post: #16
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:01 PM
Parent: #15
المرحلة الرابعة..
هى مرحلة المجازر الجماعية فى الفصل والتشريد عن العمل التى سمتها سلطة الآنقاذ بحالات الخصخصة وأعادة الهيكلة..
ولكنها أستقلتها سياسيا بتجاوز أصحاب الولاء وبتر كل من تعتقد أنه معاد لها..
بل حتى من تشتم منه رائحة العداء..
|
Post: #17
Title: Re: المفصولين من الحياة \ وأنا جيت خلاص...
Author: صديق عبد الجبار
Date: 06-14-2010, 07:03 PM
Parent: #16
متابعين يا أستاذة ...
واصلي .. ومرحب بعودتك الميمونة ..
|
Post: #35
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 08:05 PM
Parent: #17
شكرا كابتن صديق على المتابعة..
الناس دى لازم قضيتهم تتحل..
الموضوع زاد عن حده الى درجة بعيدة..
|
Post: #18
Title: Re: المفصولين من الحياة \ وأنا جيت خلاص...
Author: khaleel
Date: 06-14-2010, 07:03 PM
Parent: #16
نور تاور
يا الطال غيابك سنة وزيادة
نورتي يا ست البنات
|
Post: #36
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 08:08 PM
Parent: #18
سلام خليل..
هى سنة واحدة بس؟
أصلوا السنة فى السودان بى خمسين سنة عجاف..
|
Post: #19
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:07 PM
Parent: #16
المرحلة الخامسة..
(مايزال التقرير للجنة التنفيذية للمفصولين سياسيا)...
المرحلة الخامسة هى مرحلة الترهيب والترغيب..
وتتمثل هذه المرحلة فى الطلب من غير المرغوب فيهم بالنزول الى المعاش المبكر مقابل مبلغ مالى..قد يسيل له لعاب المحروم منه والمعدم..
ويكون المستهدف فى حيرة من أمره..
فأن هو رفض هذا الطلب فأنه دون شك سيحال الى المعاش المبكر مجبرا..
ويكون بذلك قد فقد وظيفته..
وفقد ايضا المقابل المالى الذى وعد به..
|
Post: #20
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:11 PM
Parent: #19
المضار الناتجة عن الغصل والتشريد...
1-حق العمل وحرية الاختيار
2-الحق فى السكن المناسب
3-الحق فى الغذا المناسب
4-الحق فى الملبس المناسب
5-الحق فى مستوى مناسب فى الصحة البدنية والنفسية
6-الحق فى التعليم
(بأختصار الحق فى الحياة)..
|
Post: #21
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:20 PM
Parent: #20
خسارة الوطن من الفصل التعسفى(تقرير اللجنة التنفيذية)...
1-لقد فقد الوطن أعظم وأقوم دعامتين يرتكز عليهما فى تطوره ودمائه وأمنه..
وهما جهازى الخدمة المدنية والعسكرية..
2-فقد الوطن مؤسسات عريقة أقامها الشعب السودانى بعرق جبينه حينما كانت الآنقاذ برحم الغيب من جراء نهج الخصخصة الذى انتهجته سلطة الآنقاذ من أجل أن تملك كوادرها البديل الذى أتت به..
على سبيل المثال لا الحصر السكة حديد والنقل الميكانيكى وغيرهما..
3-فقد الوطن كفاءات دفع فى سبيل تأهيلها كل غال.. حتى أوصلها الى درجة عالية من التحصيل العلمى يضاهى بها كفاءات عالمية وأستفادت منها دول غيرنا نتيجة لهروب تلك الكفاءات من سوط الجلاد وقمعه..
|
Post: #23
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:32 PM
Parent: #21
وهكذا نستعرض أحد أساليب القتل الجماعى فى السودان من قبل الانقاذ..
ففيما تمارس القتل الوقتى بأساليبها الكثيرة والمتنوعة..
فهى أيضا تنشط فى هذا النوع من القتل البطىء الذى يمثل قمة العنف والاجرام..
بل وأن هذا النوع من الاغتيال البدنى والنفسى والعقلى الذى يتم بهدوء..
دون أن يراه الغير أو يحسون به عدا المفصول وأهله وأصدقائه..
هو الآسوأ على الاطلاق..
فحينماتنتزع منك وظيفتك..
ويتم تجريدك من كل مقومات الحياه..
وتتحول من شخص مسيطر على حياتك تماما..
الى شخص تتلقفه الاهواء..
فهذا أسوا برنامج للاغتيال على الاطلاق..
وأذكر أنه فى أحد الاجتماعات السياسية التى ضمتنا مع أحد اللمفصولين..
الذى أستمع بتركيز عال ثم سأل أخيرا..
حينما كان الاختلاف حول نقطة تتعلق بالزمن..
هل باع أحدكم شباك غرفته ليشترى به ثمن الدواء لآبنه؟!
لم أتمكن من الرد على كلام الاستاذ...
لآبلغه بأن الحال واحد وأن تعددت الآوجه..
لآن هناك من لا يملك غرفة من أصله حتى يبيع شباكها..
.....
وعلى فكرة ظهرت فى بيوت أثرياء الانقاذ أحواض السباحة فى الادوار العليا من الفلل..
|
Post: #22
Title: Re: المفصولين من الحياة \ وأنا جيت خلاص...
Author: ابو مهند
Date: 06-14-2010, 07:23 PM
Parent: #19
Quote: متابعين يا أستاذة ...
واصلي .. ومرحب بعودتك الميمونة .. |
|
Post: #34
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 08:03 PM
Parent: #13
الصادق صديق..
ألف شكر وزارتنا البركة
|
Post: #33
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 08:01 PM
Parent: #12
د,عبدالله صديق سلام..
الواحد بشتاق للمنبر رغم قسوة الطبيعة أحيانا!
enviromental aggression
|
Post: #32
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:58 PM
Parent: #11
المسافر سلام
وشكرا على الكلام الرقيق دا..
|
Post: #31
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:57 PM
Parent: #10
أهلين القارضابى..
منور بأهله
|
Post: #30
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:55 PM
Parent: #9
دومة سلام كبييييييييير..
أول حاجة الصورة الفى البروفايل دى بتاعة منو؟
أنا لآنى غبت كتير من المنبر..
|
Post: #29
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:53 PM
Parent: #8
سلام أميمة..
هؤلاء أضعف من ورق العشر..
ولكن ما يبقيهم فى رأيى هو الغربال الناعم الذى سوف يعيد لهذا الوطن عافيته..
فنحن أيضا نتأذى ممن يلفون فى فلكهم بأسم الديقراطية..
ويطيلون من عمرهم..
أنا شخصيا متفائلة مما يخبئه المستقبل لهذا الوطن..
|
Post: #28
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:49 PM
Parent: #7
عبدالكريم سلام..
وحنتقابل فى المكان دا أن شاء الله..
|
Post: #27
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:47 PM
Parent: #6
ياسر سلام..
اليوم دا حيجى يعنى حيجى..
بس متين؟
هو دا السؤال..
|
Post: #26
Title: Re: المفصولين من الحياة \ وأنا جيت خلاص...
Author: nour tawir
Date: 06-14-2010, 07:46 PM
Parent: #5
هانى عربى..
سلام
الناس ما دايرة منها اى رحمه,,
فاقد الشىء لا يعطيه..
بس تسيب الناس فى حالها..
ومداخلتك دى ذّكرتنى لقاء مع احد شيوخ الشرق فى التلفزيون..
رجل وقور وهادىء وملامحه صارمة..
سأله مذيع التلفزيون..
وأنت هسه بتتمنى شنو من الحكومة ياشيخ؟
رد الشيخ قائلا(لقاء على الهواء)..
والله يا ولدى بس دايرين الآنقاذ دى...
محل ما أنقذتنا تّرّجعنا!
|
Post: #37
Title: Re: المفصولين من الحياة \ وأنا جيت خلاص...
Author: Tragie Mustafa
Date: 06-14-2010, 11:54 PM
Parent: #26
مرحبا استاذه نور
منوره البورد ونتشوق لمتابعة تحدياتك بالسودان.
ابحث عن ايملك....واقترحت اسمك على بعض النشاطات
كاحد ناشطات جبال النوبه...خاصه ان هنالك الكثير ليقال عن المشوره الشعبيه.
رجاء مراسلتي على ايميلي.....
[email protected]
|
Post: #38
Title: Re: المفصولين من الحياة \ وأنا جيت خلاص...
Author: فيصل عثمان الحسن
Date: 06-15-2010, 00:42 AM
Parent: #37
الأخت الفاضلة نور تحياتى .
ما حدث فى ظل هذا النظام واطلق عليه مسمى الصالح العام , هو حقيقة فصل من الحياة
كما تفضلتى , وبالاحرى مجزرة اجتماعية كما سماه احد الأصدقاء , لا تقل فى سوءها
ومآلاتها عن تلك التى يستخدم فيها القصف الجوى والأرضى , بل الأسوأ فى حالة الصالح
العام , أن ملاحقة المجنى عليهم لم تقف بمجرد الطرد من الخدمة , وانما هناك تدابير
أمنية اتخذها النظام لتحول دون توظيف ضحاياه فى شركات القطاع العام والخاص , اذن
تسبيب الضرر لضحايا النظام وكما وضح من تلك الملاحقة كان هو الهدف المقدم على سواه
, ما حدث يا أختى العزيزة لا يمكن ان يكون من تدبير بشر تربوا فى أرض السودان السمح
بأهله الغنى بارثه الانسانى , لا أدرى من أى دين استمدوا وحللوا ملاحقة الناس فى أرزاقهم
ومعاشهم , أى دين يبيح هذه البربرية وهذا التشفى الذى طال أسر بأكملها , الغريبة مهندسى
سياسة الصالح العام وحتى رئيسهم هم أبناء أسر فقيرة عاشوا طفولتهم فى بؤس يحدث عنه تاريخهم
, أما كان الاجدى والأقرب للتقوى التى يدعونها هو السعى لتطوير حياة الناس ورفع مستوى معيشتهم
بدلا عن اهانتهم واذلالهم.
|
Post: #39
Title: Re: المفصولين من الحياة \ وأنا جيت خلاص...
Author: بهاء بكري
Date: 06-15-2010, 01:23 AM
Parent: #38
رجع قلم سنين ودوغري
مرحب استاذة نور
متابعين
|
Post: #48
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 09:44 AM
Parent: #40
الاخ المحترم عبدالحفيظ حسن..
قضيةالقوات النظامية وفصلهم او تأخير مرتباتهم موضوع لا يقل خطورة عن المفصولين فى أى مرفق سودانى..
والمسألة فى نهاية الامر تصفية لشعب بالكامل بأساليب مبتدعة لا يمكن تصديقها..
وهذا الامر يّذكرنى بصغار الشرطة الذين التقيتهم أثناء وبعد الانتخابات فى كادقلى..
كانوا ساخطين للغاية بعد أنتهاء الانتخابات..
ووعدوا بصيام ثلاثة ايام حتى يكونوا فى حل من (لقسم) الذى أجبروهم عليه لمنح اصواتهم للمؤتمر الوطنى..
ووعدوهم بوعود لا تتحقق ألا فى الجنة..
وأبلغنى أحدهم بأنهم كانوا يعلمون بأنها وعود كاذبة..
فقط نريد مرتباتنا فى وقتها..
زميلك جلال تاورهو شقيقى..
و فى حرية تامة..
|
Post: #49
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 09:46 AM
Parent: #40
الاخ المحترم عبدالحفيظ حسن..
قضيةالقوات النظامية وفصلهم او تأخير مرتباتهم موضوع لا يقل خطورة عن المفصولين فى أى مرفق سودانى..
والمسألة فى نهاية الامر تصفية لشعب بالكامل بأساليب مبتدعة لا يمكن تصديقها..
وهذا الامر يّذكرنى بصغار الشرطة الذين التقيتهم أثناء وبعد الانتخابات فى كادقلى..
كانوا ساخطين للغاية بعد أنتهاء الانتخابات..
ووعدوا بصيام ثلاثة ايام حتى يكونوا فى حل من (لقسم) الذى أجبروهم عليه لمنح اصواتهم للمؤتمر الوطنى..
ووعدوهم بوعود لا تتحقق ألا فى الجنة..
وأبلغنى أحدهم بأنهم كانوا يعلمون بأنها وعود كاذبة..
فقط نريد مرتباتنا فى وقتها..
زميلك جلال تاورهو شقيقى..
ونحن ننتمى الى مدارس ومذاهب سياسية وفكرية مختلفة داخل الاسرة..
و فى حرية تامة..
|
Post: #46
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 09:30 AM
Parent: #39
سلام بهاء..
صورة الخاتم عدلان تفتح بوابات عريضة من ألم الفقد..
وقيمة الوطن الذى نعيش له حتى الممات..
فقد أعدتنى ملايين السنين الضوئية الى الوراء فى آخر لقائى بالراحل المقيم الخاتم عدلان..
وقد كان صوته يتمدد فى صالون داره كما الشمس التى تتسلل الى دارك ذات صباح أكبر واعمق من أى لغة..
وقد بدأ يتحدث عن ضحايا التعذيب..
ثم ألتفت الىّّ وأردف قائلا..
شوفى يا نور تاور.. بكا مابحلك..
وما بحلنا..
وبعدين عيونك الصغار ديل حافظى عليهم عشان حتحتاجيهم لما ترجعى السودان..
دا اذا رجعنا!
لآنه فى حاجات لازم تشوفيها!
فقد كنت كثيرة البكاء لكل ما يتصل بالسودان..
صدق العزيز عادل عبدالعاطى حينما كتب فى رحيله..
الخاتم عدلان هو أخر أنبيائنا..
|
Post: #47
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 09:32 AM
Parent: #39
سلام بهاء..
صورة الخاتم عدلان تفتح بوابات عريضة من ألم الفقد..
وقيمة الوطن الذى نعيش له حتى الممات..
فقد أعدتنى ملايين السنين الضوئية الى الوراء فى آخر لقائى بالراحل المقيم الخاتم عدلان..
وقد كان صوته يتمدد فى صالون داره كما الشمس التى تتسلل الى دارك ذات صباح أكبر واعمق من أى لغة..
وقد بدأ يتحدث عن ضحايا التعذيب..
ثم ألتفت الىّّ وأردف قائلا..
شوفى يا نور تاور.. بكا مابحلك..
وما بحلنا..
وبعدين عيونك الصغار ديل حافظى عليهم عشان حتحتاجيهم لما ترجعى السودان..
دا اذا رجعنا!
لآنه فى حاجات لازم تشوفيها!
(فقد كنت كثيرة البكاء لكل ما يتصل بالسودان)..
صدق العزيز عادل عبدالعاطى حينما كتب فى رحيله..
الخاتم عدلان هو أخر أنبيائنا..
|
Post: #44
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 09:15 AM
Parent: #38
المحترم الاخ عثمان..
ضحايا الفصل التعسفى بكل أشكالة نموزج صارخ لقسوة هذا النظام ولؤمة..
واذا أضفنا اليهم الباعة المتجولين وبائعات الاطعمة والشاى..
يكره المرء أن يكون قد ولد وشاهد مثل تلك المشاهد..
فى الخرطوم..
وحينما حضرت الشرطة..
كاد الشاب أن ينهار وهو يتوسل للشرطى أن يتركة فقط لذاك اليوم..
ولكن الشرطى ضربه بقعر حذائه..
وحمل الخضار وتركه..
أقتربت من الشاب الذى يبدو فوق العشرين..
وجيه للغاية وأنيق..
وقد كان يمسح دمعة من عينه..
وما أصعب مشاهدة مثل تلك الدموع..
وهذا مادار بينى وبينه:
بتتوّسل ليه مالك؟أن شاالله مصيبة تاخد أجله..
رد قائلا..
انتى ماعارفة حاجة ياأستاذه..
لو ما دفعت للاوباش بتاعين الجامعة ديل قبل نهاية الاسبوع.. تبقى سنين عمرى كلها ضاعت..
ديلاك أخير منهم العسكرى..
أناماأتوسلت ليه..
أنا بس كنت قايل فى حتةآدمية تحت الزى الرسمى والبوت..
عشان كدا حصل الحصل..
|
Post: #45
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 09:17 AM
Parent: #38
المحترم الاخ عثمان..
ضحايا الفصل التعسفى بكل أشكالة نموزج صارخ لقسوة هذا النظام ولؤمة..
واذا أضفنا اليهم الباعة المتجولين وبائعات الاطعمة والشاى..
يكره المرء أن يكون قد ولد وشاهد مثل تلك المشاهد..
فى الخرطوم..
وحينما حضرت الشرطة لمطاردة صغار الباعة..
كاد لأحدهم أن ينهار وهو يتوسل للشرطى أن يتركة فقط لذاك اليوم..
ولكن الشرطى ضربه بقعر حذائه..
وحمل الخضار وتركه..
أقتربت من الشاب الذى يبدو فوق العشرين..
وجيه للغاية وأنيق..
وقد كان يمسح دمعة من عينه..
وما أصعب مشاهدة مثل تلك الدموع..
وهذا مادار بينى وبينه:
بتتوّسل ليه مالك؟أن شاالله مصيبة تاخد أجله..
رد قائلا..
انتى ماعارفة حاجة ياأستاذه..
لو ما دفعت للاوباش بتاعين الجامعة ديل قبل نهاية الاسبوع.. تبقى سنين عمرى كلها ضاعت..
ديلاك أخير منهم العسكرى..
أناماأتوسلت ليه..
أنا بس كنت قايل فى حتةآدمية تحت الزى الرسمى والبوت..
عشان كدا حصل الحصل..
|
Post: #41
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 08:45 AM
Parent: #37
العزيزة تراجى...
ارسلت لك رقم تلفونى وكل وسائل الاتصال مع عادل حينما كنت فى كادقلى..
دا طبعالآنه وسيلة الاتصال بالتلفون وهى الانفع صعبة بالنسبة لنا فى الداخل..
وما زلت فى الانتظار..
فى السودان وخاصة فترة الانتخابات مرت مشاهد اتذّكرتك فيها..
أقول يا ربى تراجى لو كانت موجودة هسى كانت هتعمل شنو؟
تطلق رصاص؟ ما ينفع.
تضربو تّشّلت؟ ماينفع..
تبكى؟
ما ينفع..
تضحك؟ برضو ما ينفع..
السودان فى اليوم الواحد يتغّير 180 درجة ويرجع تانى..
اللى عملوه الجماعة ديل وأقسم بكل الايمانات أنه مافيش فى كل مخلوقات ربنا(مماتعلمون ومما لاتعلمون) يقدر عليها..
الغريب فى الامر أنه ناس الحركة اصحاب المبادىء لما غلبتهم الحيلة وحاولوا يردوا على الجماعة دى..
مافيش بلد من أصلو فى الوقت الحالى..
فقط والمفارقة العجيبة..
أنه هذا الشعب لا يقهر ولا يمكن أن يقهر..
..
فى فترة الانتخابات قابلت أمرأة مسنة تقارب الثمانين تمشى على عكاز
وهذه الست لو نظرتى اليها يا تراجى بكا الدنيا كله ما يحلك..
أبلغتنى بأنها قطعت رحلة علاجها فى الخرطوم وعادت لتدلى بصوتها..
وأضافت لانه الزيك يا بتى بنقيف معاه.
طبعا بكيت..
عموما هذ الست ّلفت ودارت فى مراكز الاقتراع لمدة ثلاثة ايام تبحث عن اسمها فى السجلات.
ولم تجده..
فى نهاية الامر هددت باللجوء الى أى جهة كانت..
وان لم تلفح وماتت سوف تحمل الشكوى للمولى عز وجل حينما تلقاه..
..
هذه السيدة يا تراجى هى والدة الشهيد عوض الكريم كوكو..
النائب الثانى ليوسف كوة رحمهما الله..
الذى أغتالته الحركة لمجرد مطلب من جندى مخلص..
وربطته فى جوال.. والقت به فى النهر....
يا هو دا السودان..
وياهى دى الجرعات اللى بنتناولها صباح ومساء..
لغاية ما دمنا نشف..
نهارك سعيد
|
Post: #42
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 08:47 AM
Parent: #37
العزيزة تراجى...
ارسلت لك رقم تلفونى وكل وسائل الاتصال مع عادل حينما كنت فى كادقلى..
دا طبعالآنه وسيلة الاتصال بالتلفون وهى الانفع صعبة بالنسبة لنا فى الداخل..
وما زلت فى الانتظار..
فى السودان وخاصة فترة الانتخابات مرت مشاهد اتذّكرتك فيها..
أقول يا ربى تراجى لو كانت موجودة هسى كانت هتعمل شنو؟
تطلق رصاص؟ ما ينفع.
تضربو تّشّلت؟ ماينفع..
تبكى؟
ما ينفع..
تضحك؟ برضو ما ينفع..
السودان فى اليوم الواحد يتغّير 180 درجة ويرجع تانى..
اللى عملوه الجماعة ديل وأقسم بكل الايمانات أنه مافيش فى كل مخلوقات ربنا(مماتعلمون ومما لاتعلمون) يقدر عليها..
الغريب فى الامر أنه ناس الحركة اصحاب المبادىء لما غلبتهم الحيلة وحاولوا يردوا على الجماعة دى..
تفوقوا عليهم..
مافيش بلد من أصلو فى الوقت الحالى..
فقط والمفارقة العجيبة..
أنه هذا الشعب لا يقهر ولا يمكن أن يقهر..
..
فى فترة الانتخابات قابلت أمرأة مسنة تقارب الثمانين تمشى على عكاز
وهذه الست لو نظرتى اليها يا تراجى بكا الدنيا كله ما يحلك..
أبلغتنى بأنها قطعت رحلة علاجها فى الخرطوم وعادت لتدلى بصوتها..
وأضافت لانه الزيك يا بتى بنقيف معاه.
طبعا بكيت..
عموما هذ الست ّلفت ودارت فى مراكز الاقتراع لمدة ثلاثة ايام تبحث عن اسمها فى السجلات.
ولم تجده..
فى نهاية الامر هددت باللجوء الى أى جهة كانت..
وان لم تلفح وماتت سوف تحمل الشكوى للمولى عز وجل حينما تلقاه..
..
هذه السيدة يا تراجى هى والدة الشهيد عوض الكريم كوكو..
النائب الثانى ليوسف كوة رحمهما الله..
الذى أغتالته الحركة لمجرد مطلب من جندى مخلص..
وربطته فى جوال.. والقت به فى النهر....
يا هو دا السودان..
وياهى دى الجرعات اللى بنتناولها صباح ومساء..
لغاية ما دمنا نشف..
نهارك سعيد
|
Post: #43
Title: Re: المفصولين من الحياة \ وأنا جيت خلاص...
Author: nour tawir
Date: 06-16-2010, 09:02 AM
Parent: #42
يا تراجى..
مداخلتك دى قّلبت على المواجع المتراكمة..
طبعا فى السودان اختلطت مياه الصرف الصحى مع مياه الشرب..
خزان المويه من زمن الانجليز ما نضفوه وماغّيروه..
أمراض معوية بشكل وبائى..
..
ومع ذلك لا توجد مياه..
وان وجدت فهى ملوثه..
النساء خرجن مظاهرات بسبب عدم وجود الماء..
مائتين وثمانية وستين شخصا ماتوا فى حلفا قبل أسبوع بسبب تلوث الماء..
الاعلام يتكتم..
الا ما تجود به الرقابات بأشكالها المختلفة..
قبلية وغيره..
..
فى مدن مثل كادقلى وعدد سكانها فوق المليون نسمة..
يقسم الماء بين الحكومة والشعب..
يعنى نصف الماء للدستوريين وناس الحكومة والنصف الاخر للشعب..
وكذلك الكهرباء..
شوفى الحكومة عددها كم؟ والمواطنين كم؟
توجد مشكلة مياة فى كادقلى أكبر من الخرطوم..
وطبعا مواسير الماء عبارة عن ديكور..
باقة الماء بألف جنيه(العملة القديمة)..
وصاحب الكارو الذى يبيع الماء يكسب أكثر من ثلاثة ملايين جنيه (بالعملة القديمة)فى الشهر
وأذكر حينما وجدنا الماء فى المواسير ذات صباح نادت بنت أختى(6سنوات) صديقاتها وأصدقائها وأقاموا حفلة كبيرة..
وكان الفرح طاغيا على لعب الاطفال وحركاتهم..
ونهارك سعيد
|
Post: #51
Title: Re: المفصولين من الحياة \ وأنا جيت خلاص...
Author: محمد حسن العمدة
Date: 06-16-2010, 10:19 AM
Parent: #50
يا الف الف مرحب بنوارة المنبر المصادمة نور تاور كافي
استبينا
|
Post: #52
Title: Re: المفصولين من الحياة \ وأنا جيت خلاص...
Author: nour tawir
Date: 06-18-2010, 12:49 PM
Parent: #51
ود العمدة سلام..
فتشت تلفونك ما لقيته.
تلفون أصدفاءك فى الخرطوم ضاع منى..
فى موضوع قديم انت نآسيه ولا شنو؟
وبعدين أنت لسه مناكف فى البورد؟
الواحد لما يكون مستعجل ولا متحمس بدوس الكى بورد بأى شكل. أتاريك لسه بتلبد وتدى الزول على رآسه.
شكرا على الترحيب ودى ما فيها شك.لكين حلنى من الموضوع المعّلق دا فى الآول ورسل لى التلفونات على المسنجر.
وشكرا..
|
Post: #53
Title: Re: المفصولين من الحياة \ وأنا جيت خلاص...
Author: nour tawir
Date: 06-18-2010, 12:56 PM
Parent: #51
ود العمدة سلام
تلفونك ضاع منى.
وتلفونات أصدقائك فى الخرطوم برضو ضاعت منى
وبعدين الواحد لما يكون مستعجل ولا متحمس بدوس الكى بورد بأى شكل
أتاريك لسه بتلبد وتدى الزول على راسه
كدى حلنى من الموضوع المعّلق دا فى الآول ورسل لى التلفونات على المسنجر.
وبعدين يصير خير..
|
Post: #54
Title: Re: المفصولين من الحياة \ وأنا جيت خلاص...
Author: nour tawir
Date: 06-18-2010, 01:01 PM
Parent: #53
كابتن صديق عبدالجبار..
نهارك سعيد وشكرا على الرابط..
والمفصولين من الطبقات المسحوقة التى لا تجد أى احترام من نظام المؤتمر الوطنى..
لذلك من الطبيعى أعتقالهم بأى شكل من الآشكال..
ولكنهم لا يستسلمون..
ولا يرفعون الراية البيضاء..
لذلك تجدهم فى طليعة شعب السودان المصادم والجرىء والذى لا يخاف..
أو كما قال أحدهم نحن خسرنا كل شىء..
ولم تبق لنا غير خطوات الى القبر..
ولكننا نسجل المواقف التاريخية..
ونساهم بدورنا فى الحفاظ على الشخصية السودانية التى لا تخشى فى الحق لومة لائم..
ولا نخاف ولا ترهبنا أى حكومة..
مهما أوتيت من جبروت أو قوة..
هذا هو شعب السودان..
|
Post: #55
Title: Re: المفصولين من الحياة \ وأنا جيت خلاص...
Author: nour tawir
Date: 06-18-2010, 01:14 PM
Parent: #54
من محاولات المفصولين التى تمت من أجل قضيتهم الآكثر عدلا:
1-قدمت مذكرة لمنظمة العفو الدولية (أمنستى أنترناشونال)بتاريخ 17\3\2003
2-قدمت مذكرة لرئاسة مجلس الوزراء بتاريخ 5\12\2005
3-قدمت مذكرة لرئاسة الجمهورية بتاريخ 5\12\2005
4\قدمت مذكرة للآمين العام للآمم المتحدة عن طريق ممثله الخاص بالسودان بتاريخ 13\6\2006
5\قدمت مذكرتين للهيئتين البرلمانيتين للتجمع الوطنى الديمقراطى والحركة الشعبية بتاريخ 15\11\2006
6\قدمت مذكرة ثنائية لرئاسة الجمهورية بتاريخ 27\7\2007
|
Post: #56
Title: Re: المفصولين من الحياة \ وأنا جيت خلاص...
Author: nour tawir
Date: 06-18-2010, 01:31 PM
Parent: #55
نقرأ فى المذكرة التى قدمت للسيدة سيما سمر- المقررة الخاصة لحقوق الآنسان بالسودان ما يلى:
بعد التحية والآحترام:
نتقدم لكى بالمذكرة الثانية والخاصة بأنتهاك حقوق أكثر من (300.000) ثلاثمائة ألف مواطن ومواطنة! قد تم فصلهم عن العمل تعسفيا دون محاسبة وفقا لقانون الخدمة وترتب عليه حرمانهم من الاتى:
1-الحق فى الضمان الآجتماعى
2-الحق فى حماية الآسرة ومساعدتها
3-الحق فى مستوى معيشى مناسب
4-الحق فى الغذاء المناسب
5-الحق فى الملبس المناسب
6-الحق فى السكن المناسب
7-الحق فى مستوى ممكن فى الصحة البدنية والعقلية
8-الحق فى بيئة نظيفة
9-الحق فى التعليم
...
السيدة المقررة الخاصة..
هذه هى المذكرة (الثامنة) التى رفعت للآمم المتحدة..
فى قضية نؤكد أنها لا تخرج عن أطار دآئرة (الآبادة الجماعية)
لذلك نأمل أن لا يطول أنتظارنا للحل..
لآنه ليس بمقدورنا الانتظار أكثر من ذلك..
|
Post: #57
Title: Re: المفصولين من الحياة \ وأنا جيت خلاص...
Author: nour tawir
Date: 06-18-2010, 01:42 PM
Parent: #56
مذكرة سيما سمر المقررة الخاصة لحقوق الآنسان بالسودان رفعت اليها بتاريخ 31\5\2009
نحن الان فى يونيو 2010
وقد ورد فى المذكرة أنه ليس بالآمكان الانتظار أكثر من ذلك..
ولكن المفصولين لا يزالون فى حالة أنتظار..
لآن للآمم المتحدة تراتبية فى تناول قضايا العالم..
وقضايا السودان بالذات التى تتصاغد وتتنوع بشكل يومى..
خاصة أحداث الاشتباكات الدموية فى جنوب السودان وسقوط القتلى والجرحى بشكل يكاد يكون يوميا..
أو ترتيبات فصل الجنوب..
أو سقوط القتلى والجرحى فى دارفور بشكل شبه يومى ..
أو الموت لمليون سبب وسبب جراء الحرب فى دارفور..الخ
....
وهكذا يجد المفصولين تعسفياأنفسهم فى نعمة ما بعدها نعمة....
لمجرد انهم ما يزالون أحياء..
وهذه فى حد ذاتها نعمة غير مسبوقة فى وآقع السودان العجيب..
أما كيف يكونون أحياء؟!
قهذه فى حد ذاتها ترف!!
والعزة للسودان!!!!!!!!!!!!!!!
|
Post: #58
Title: Re: المفصولين من الحياة \ وأنا جيت خلاص...
Author: Tragie Mustafa
Date: 06-18-2010, 05:08 PM
Parent: #57
ود العمده....عدل...الله يرحم ...والديك
اختك مخها ضارب كالعاد...ربنا يجازي الاستعجال وسنينه.
|
Post: #59
Title: Re: المفصولين من الحياة \ وأنا جيت خلاص...
Author: أسامه الكرور
Date: 06-20-2010, 06:30 PM
Parent: #58
لعزيزه نور تاور
أحكى لك تجربه شخصيه صغيره .. وما أكثر ما مرّ بنا من تجارب فى عهد الإنقاذ
أُحلت للصالح العام فى 24/10 /1989 من الشرطه وأنا برتبة الملازم ..لم أٌكمل سنتين بالخدمه.. وما زلت محتاراً ماهو صالح العام فى فصلى
صديقى وقريبى كان يعمل حينها بإحدى المنظمات الطوعيه إتصل بى للعمل معهم فى وظيفه كان راتبها فى ذلك الحين أربعمائة دولار
سعدت بذلك وذهبت إلى مقرهم وبعد المقابله الشخصيه شعرت بأن الوظيفه لى ..
إتصل بى صديقى بعد أيام للحضور .. وأطلعنى وهو يعتذر على قرار من وزير شؤون الرئاسه وقتها الطيب سيخه يمنعهم من توظيف أىّ شخص فصلته الحكومه
تذكرت حينها حديث الرسول صلى الله عليه وسلم ( دخلت إمرأه النار فى قطه .. لا هى أطعمتها ولا هى تركتها تأكل من خشاش الأرض)
أحمد الله أنى وقتها كنت صغير السن وقليل المسؤوليات .. ولكن قلبى كان ولا زال مع من كان لهم أولاد وأُسر تحت مسؤوليتهم
وبعضهعم تم فصله هو وزوجته .. والظلم آخره إلى الندم
|
Post: #60
Title: Re: المفصولين من الحياة \ وأنا جيت خلاص...
Author: حبيب نورة
Date: 06-20-2010, 06:36 PM
Parent: #59
الحبيبة نور
مرحب بيك أمي و عوداً حميداً
بركة الجيتي والله البلد بلاك خلا
|
|