Post: #1
Title: لولا بعولتهن لكنت اليوم وزيرا
Author: khaleel
Date: 06-10-2010, 12:03 PM
في الثانوي العام
كان استاذ التربية الاسلامية ينطق كلمة بعولتهن بصورة غريبة جدا
وكنا ننضحك انا وعمي عبد المنعم ضحكا شديدا بمجرد سماعها
ولاحقا انضم لنا عمي احمد شقيق عبدالمنعم الاكبر
بعد ان حكينا له قصة نطق الاستاذ لكلمة بعولتهن
اعتقد هي في سورة الحجرات او النور
|
Post: #2
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:05 PM
Parent: #1
بعد امتحانات الثانوي العام
تم قبولنا بمدرسة حنتوب الثانوية
وفي وفاة عمي زارنا الاسلامي ياسر ابراهيم
وهو من ابناء الحاج عبد الله وهو صديق لابن خالتي
|
Post: #3
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:08 PM
Parent: #2
المهم تعرفنا علي الراجل الضيف
وذهبنا بعد ذلك كبرالمة بمدرسة حنتوب
انا وعمي عبد المنعم وعمي احمد كان يسبقنا بسنة
وفي المدرسة وجدنا الاسلامي ياسر ابراهيم
في انتظارنا للتجنيد ضمن تنظيم الاخوان المسلمين
|
Post: #4
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:09 PM
Parent: #3
كل يوم يزورنا في الداخلية
ويقول لينا
فلتكن امة يدعون للخير
المهم الراجل اقنعنا ليك
|
Post: #5
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:11 PM
Parent: #4
الصلوات الخمسة في المسجد
ودروس بعد صلاة المغرب
المهم ياسر قرر ان نذهب معه
لدار الاخوان المسلمين بمدني وكان اسمها دار الرعاية
|
Post: #6
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:14 PM
Parent: #5
ذهبنا لدار الرعاية بمدني
لقينا كتب حسن البنا وسيد قطب
وكتب كثيرة اسلامية
المهم بعد الانتهاء
قلنا ليهو يا ياسر نحن ماشين السينما
رفض بشدة ولكن قلنا ليهو ان في ديننا فسحة
اقتنع ومشي معانا السينما
|
Post: #7
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:16 PM
Parent: #6
الفيلم كان الوسادة الخالية
عبدالحليم حافظ كان ببوس في لبني عبدالعزيز
بوس بغبينة وياسر يدور بوجهه ويقول
لا حول ولا قوة الا بالله
دي مش سينما دي سو نما
|
Post: #8
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:18 PM
Parent: #7
لاحقا وبعد صلاة المغرب
كان الدرس بعد الصلاة
انا واحمد وعبدالمنعم حضورا والشيخ بدا
وقال بعولتهن
نظرنا الثلاثة لبعض وفي نص المسجد
ضحكنا
قاه قاه قاه
وطلعنا من المسجد
|
Post: #9
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:20 PM
Parent: #8
حصلنا واحد من داخل المسجد
وقال لينا اسمعو
تاني ما تجونا هنا
وكلو منك يا بعولتهن
هسع الواحد كان بقي اسلامي كبير
وقاعد مع ناس نافع
|
Post: #11
Title: Re: لولا بعولتهن لكنت اليوم وزيرا
Author: Omar Bob
Date: 06-10-2010, 12:22 PM
Parent: #8
Quote: المهم تعرفنا علي الراجل الضيف
|
| Quote: المهم ياسر قرر ان نذهب معه |
Quote: المهم بعد الانتهاء
|
| Quote: المهم الراجل اقنعنا ليك |
يا قروود
المهم دي حقتك ولا حقت تبارك
عشان الاختساسات ما تتلخيط علينا
|
Post: #10
Title: Re: لولا بعولتهن لكنت اليوم وزيرا
Author: عمر صديق
Date: 06-10-2010, 12:22 PM
Parent: #7
خليل الكوز المنشق
تحياتي
وانا من زمان كنت محتار في شبهك لينا يادوب حيرتي زالت
وواصل كغاحك ياحريف
|
Post: #12
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:28 PM
Parent: #10
Quote: يا قروود
المهم دي حقتك ولا حقت تبارك
عشان الاختساسات ما تتلخيط علينا |
يا بوب
المهم وردت عشان نربط بيها القصة
|
Post: #13
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:31 PM
Parent: #12
Quote: وانا من زمان كنت محتار في شبهك لينا يادوب حيرتي زالت
|
يا عمر صديق
عليك الله
ناسك ديل كان صبرو علينا مش كان بقينا علي بصيرة
وخصوصا تنظيم الجبهة يشكو من قلة المهندسين
سلام كتير لك
|
Post: #14
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:33 PM
Parent: #13
نجي لتجنيد الشيوعيين
في سنة اولي كنت قاعد براي في الداخلية
ولسع الناس ما جات الدنيا اول سنة
الباب دق
شخص طويل اسمو الجلاد
بعد السلام
قال لي ياخي انت مفروض يكون عندك اجتماع في قاعة 102
|
Post: #15
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:37 PM
Parent: #14
قلت ليهو اجتماع شنو يا زول
قال لي اجتماع الجبهة الديموقراطية
اول يوم اسمع الاسم دا
وما هي الجبهة الديموقراطية
اجاب بانها تحالف بين الشيوعيين والديموقراطيين
مما قال لي شيوعيين طوالي اتذكرت مصطفي ود الفقراء
وهو يقول الشلوعي كافر
قلت ليهو انت اظنك عائز خليلن تاني
ما انا
|
Post: #16
Title: Re: لولا بعولتهن لكنت اليوم وزيرا
Author: Omar Bob
Date: 06-10-2010, 12:39 PM
Parent: #14
| Quote: شخص طويل اسمو الجلاد |
يا وليد ما تصلح معانا ياخي شنو تكتب مع ناس نافع علي نافع ولمن تجي للشيوعيين تقول زول اسمو الجلاد..
الجلاد ده يا اللخو عضو اللجنه المركزيه للحزب الشيوعي السوداني
____________________________________________
والله ما فضل ليك الا تجي تكتب لينا زوال اسمو عصام جبر الله
|
Post: #17
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 12:43 PM
Parent: #16
Quote: الجلاد ده يا اللخو عضو اللجنه المركزيه للحزب الشيوعي السوداني
|
الجلاد فعلا رجل جميل
وكنت كلما قابلو
انت كنت عائز وليد زكريا
مش وليد القرود
لكن تشابه عليك البقر
|
Post: #18
Title: Re: لولا بعولتهن لكنت اليوم وزيرا
Author: احمد التجانى احمد
Date: 06-10-2010, 01:06 PM
Parent: #17
| Quote: وهو من ابناء الحاج عبد الله وهو صديق لابن خالتي |
ابو القوق سلام
ياسر ابراهيم من فارس الكتاب وهى قريبة من حاج عبد الله
والهفوة دى لو من زول بندراوى كان بنمشيها
لكن زول ضارب فى الاقليمية زى حضرتك مامقبولة منه
ياسر اعتقد درس فى مصر
وكان بيزورنا فى جامعة الخرطوم لو بتتذكر
والرجل طبعا فى غاية الوسامة والهندام لذا كان من كوادر الخلط
ومتابعة الجكس النضيف كما قال لى بنفسه حينما قابلته مرة فى شارع
النيل بصحبة الجكس فاقترب منى مبتسما وقال لى نحن كما قال ياسين
عمر الامام صعاليك الجبهة
حياه الغمام اينما كان وليعفى لنا نشر سيرته فى الاسافير
لكن يا ابو القوق ناس الجبهة ليهم نظرة ثاقبة فى الذين يودون
ضمهم لذلك كان خيارا موفقا ان يدعونك اليهم ففيك صفات اقلاها
انك قروى مركب مكنة ودالبندر وبالتالى مكسب ليهم ان تكون مقبول
للفئتين
|
Post: #20
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 01:12 PM
Parent: #18
Quote: ياسر ابراهيم من فارس الكتاب وهى قريبة من حاج عبد الله
والهفوة دى لو من زول بندراوى كان بنمشيها
لكن زول ضارب فى الاقليمية زى حضرتك مامقبولة منه |
ايوة لازم تنسبو لاقرب مدينة يا احمد التجاني
ياسر ابراهيم
عمل مذيعا لفترة بالتلفزيون ولا ادري اين هو الان
شعبي او وطني
|
Post: #19
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-10-2010, 01:10 PM
Parent: #17
هلا يا سهل يا ممتنع يا كوز يا شيوعي يا سابق..
Quote: انت كنت عائز وليد زكريا
مش وليد القرود |
حسع لو كان مشيت مع الجلاد ده كان حسع انت لو قريب بتكون في سودانفوراوول...
ثقافة شنو شنو
وديالكاتيك شنو شنو
وصراع طبقي شنو شنو
وكان انت وابي ساندرا حتقومو بخس وتقعوا كرانجو في فرعية الدوحة وتعملو لينا سافوتة
|
Post: #21
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-10-2010, 01:16 PM
Parent: #19
Quote: هسع الواحد كان بقي اسلامي كبير
وقاعد مع ناس نافع |
واها كمان لو قررت كان تضرب صوب التنظيم والخلية واخوكم في الله وليد قرود..
كان موضوعك مستحمي وعجيب ...
وكانت خياراتك حتكون واسعة ياخي
1- زوقة مع خالد شيخة من متحرك صيف العبور في كوستي
2- استشهاد في (الجكو) او في كراكير توريت
3-عضو في اتحاد الجامعة وعامل ليك دقينة زي المقشاشة واشتراكية غبشة كده
4- وزير شوون هندسية في ولاية مطرفة تضرب السيخ والاسمنت ده لمن تقول بس
5-والاحتمال الاخير انك تنشق مع ناس الشعبي ويلمو فيك ناس الوطني يدقوك دق العيش
وهكذا
|
Post: #22
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 01:19 PM
Parent: #21
Quote: حسع لو كان مشيت مع الجلاد ده كان حسع انت لو قريب بتكون في سودانفوراوول...
ثقافة شنو شنو
وديالكاتيك شنو شنو
وصراع طبقي شنو شنو |
وتغبيش وعي وهلم جر
|
Post: #23
Title: Re: لولا بعولتهن لكنت اليوم وزيرا
Author: noon
Date: 06-10-2010, 01:23 PM
Parent: #22
خليل سلام
you made my day
many thanks
Noon
|
Post: #26
Title: Re: لولا بعولتهن لكنت اليوم وزيرا
Author: عبدالله ود البوش
Date: 06-10-2010, 01:47 PM
Parent: #23
أبو الخل يا رايق
نفس الفيلم دخلتو قبلك بسنة وياسر ابراهيم دا دفعتي
ومعاهو عمر بشير من الجديد الثورة
وبصراحة عمر بشير رجل مثالي بكل ما تحمل الكلمة من معاني
ولم اقتنع بتنظيمهم واكتفيت بعلاقة الزمالة وكانت طيبة طيلة الفترة
وفي الاتجاه المعاكس مع ناس اللمين البشع ( الزهور والورد شتلوها جوة قلبي )
وفضلت مارشال الملحمة
لن نساوم
نقاوم
وبعدها لا في العير ولا البعير
وبقينا ياهو زي دا قاعدين
|
Post: #27
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:02 PM
Parent: #26
سلام حا ر لعبد الله ود البوش
ياسر ابراهيم كان اكثر نجومية من عمر بشير
بس التنظيم ما كان فعال داخل المدرسة
|
Post: #24
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-10-2010, 01:24 PM
Parent: #22
لمن تنتهي يا ابو خليل اخوك عندو سالفة مع الكيزان ديل دقوني فيها دق العيش
لو هفت لي بجي بدورها في بوستك ده علي الاقل نتفشي شوبة حتي ياتي يوم القصاص
|
Post: #25
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 01:25 PM
Parent: #22
Quote: 4- وزير شوون هندسية في ولاية مطرفة تضرب السيخ والاسمنت ده لمن تقول بس
|
لا يا زول
بكون في ولاية الخرطوم وكنت ساحل مشاكل الخريف حل جذري
ومشاكل الصرف الصحي
وارحل استاد الهلال والمريخ للخارج
وارحل الوزرات كلها للخارج
واجعل العاصمة جنة
|
Post: #28
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:04 PM
Parent: #25
Quote: خليل سلام
you made my day
many thanks
Noon |
الست نون
مرورك بعد غيبة يسعدنا
مشتاقين
|
Post: #29
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:07 PM
Parent: #28
Quote: لمن تنتهي يا ابو خليل اخوك عندو سالفة مع الكيزان ديل دقوني فيها دق العيش
لو هفت لي بجي بدورها في بوستك ده علي الاقل نتفشي شوبة حتي ياتي يوم القصاص |
اتفضل يا كيكي
وسدد ما ستطعت فكلامك حي والسكوت جماد
|
Post: #30
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 02:15 PM
Parent: #29
في الأول قريتا بوكس بقبينه
أتاري هو دبل قبينه؟
|
Post: #31
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-10-2010, 02:18 PM
Parent: #30
الكلام ده كان في نهاية التسعينات وكنت وزير لعريس قريبي كوز... قريبي وصحبي شديد ومهندس كمان
وكان كوزي ده شغال في جهة ليها ضل..
وسنعود
|
Post: #34
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:25 PM
Parent: #30
Quote: في الأول قريتا بوكس بقبينه
أتاري هو دبل قبينه؟ |
يا محمد
انا اقصد غبينة لاعب اهلي مدني السابق
|
Post: #36
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 02:29 PM
Parent: #34
Quote: يا محمد
انا اقصد غبينة لاعب اهلي مدني السابق |
طيب كان يكون العنوان ( بوست غبينه)
|
Post: #32
Title: Re: لولا بعولتهن لكنت اليوم وزيرا
Author: Ahmed Abdallah
Date: 06-10-2010, 02:19 PM
Parent: #29
شوف يا خلي
بك ثلاث خصال ان اجتمعت في فرد و ايم الله انه فارق الجماعة
اولهما لديك لحمة في المدعو عصام و هي لعمري للشر دالة
و ثانيهما صحبة الاشرار و لعمري ما كيكي الا سيدهما
و ثالثهما أسأل منها كيكي
|
Post: #33
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-10-2010, 02:23 PM
Parent: #32
عرس الكوز صحبي ده والانا كنت وزيره الاول والاخير كان عرس ليهو شنة ورنة وتمت مراسمه في الخرطوم واحدي قري الاقاليم البعيدة نسبيا من الخرطوم وكل الترتيبات اللوجستية والنطام الاداري بتاع العرس ده كانت في راسي كوزير اول واخير
وسنعود
|
Post: #35
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-10-2010, 02:27 PM
Parent: #33
| Quote: ثالثهما أسأل منها كيكي |
يازول اعمل حسابك ..انت قالو في السودان
وعبدالله ابو 2 قاااااعد وعلي مرمي تلفون مني ...حسع بشد ليهو سلك وبرسل ليهو حق البص
يجيب لينا اخبارك السارة
|
Post: #37
Title: Re: لولا بعولتهن لكنت اليوم وزيرا
Author: احمد معتصم الطيب
Date: 06-10-2010, 02:29 PM
Parent: #32
أضمن لك وزارة..!!!!!!!!!
يا سيد الأسم خـليـل لــــــو تتمرد وتعمل حركة فى شكل وردة .
|
Post: #38
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-10-2010, 02:34 PM
Parent: #37
اها المراسم بتاعة العرس في القرية البعيدة نسبيا من الخرطوم وقبل ما تنتهي قمت قطعت الربة وبواقي المراسم وانا كوزير نحرير تحركت صوب الخرطوم قبل الوفد الرسمي بتاع العرس عشان اعمل تجهيزات الحفلة والسيرة في الخرطوم...
ونعود
|
Post: #39
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:34 PM
Parent: #37
| Quote: يا سيد الأسم خـليـل لــــــو تتمرد وتعمل حركة فى شكل وردة . |
يا ابو حميد
تمرد شنو
وطن للسلم اجنحتو وضد الحرب اسلحتو
|
Post: #41
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 02:39 PM
Parent: #39
Quote: مما قال لي شيوعيين طوالي اتذكرت مصطفي ود الفقراء
وهو يقول الشلوعي كافر |
يعني هسه بدل البوست ده كان كتبت ومشيناها (سُدى).
|
Post: #42
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:39 PM
Parent: #39
| Quote: بك ثلاث خصال ان اجتمعت في فرد و ايم الله انه فارق الجماعة |
احمد اللورد
اشغل اعدائي بانفسهم
|
Post: #40
Title: Re: لولا بعولتهن لكنت اليوم وزيرا
Author: خالد عبد الله محمود
Date: 06-10-2010, 02:38 PM
Parent: #37
Quote: قلنا ليهو يا ياسر نحن ماشين السينما
رفض بشدة ولكن قلنا ليهو ان في ديننا فسحة
اقتنع ومشي معانا السينما |
|
Post: #43
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-10-2010, 02:42 PM
Parent: #40
كوزير انجزت كل مهامي الاساسية والضرورية لتقويم الحفلة الخرطومية ولمهام السيرة اوجبت ان اذهب وفي وقت متاخرالي جهة عمل قريبي العريس الكوز هي جهة وكما قلنا ليها شنة ورنة وبها ترتيبات امنية بنت لذينة لحساسية شغلها..وكانت المهمة هي استلام باصات السيرة
الاربع من احد زملاء هذا العريس في داخل هذه الجهة
ونعود
|
Post: #45
Title: Re: لولا بعولتهن لكنت اليوم وزيرا
Author: عبد القادر حسن الحبيب
Date: 06-10-2010, 02:45 PM
Parent: #43
Quote: لولا بعولتهن لكنت اليوم وزيرا
|
والله ضحكتني يا (خليل) جنس ضحك، وزير مرة واحدة،أحسن من وزير مدير عام وزارة ول وكيل ، ان شاء الله صحة
|
Post: #44
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:43 PM
Parent: #40
| Quote: يعني هسه بدل البوست ده كان كتبت ومشيناها (سُدى). |
ومن كتبت عليه سدي مشاها
|
Post: #46
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:51 PM
Parent: #44
| Quote: والله ضحكتني يا (خليل) جنس ضحك، وزير مرة واحدة،أحسن من وزير مدير عام وزارة ول وكيل ، ان شاء الله صحة |
يا قدورة
مش لاحظت ان تنظيم الجبهة مافيهو مهندسين
براحة كنت بلقي لي وزارة اسكان ومرافق عامة
|
Post: #47
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 02:53 PM
Parent: #44
Quote: انت كنت عائز وليد زكريا
مش وليد القرود |
يا خلي ما عايز أشغِلَك عن مشروعك الحضاري ده لكن هل في إحتمال
الزول دا كان بيفتش عن وليد حامد؟
يعني مجرد إحتمال؟
|
Post: #48
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 02:57 PM
Parent: #47
Quote: الزول دا كان بيفتش عن وليد حامد؟
يعني مجرد إحتمال؟ |
يا محمد
وليد حامد بكون في المين رود
ما عائز تفتيش
|
Post: #49
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 03:03 PM
Parent: #40
خالد ود اختي
رزقك ضيق والله
هسع كان بقيت مدير مكتب خالك خليل
|
Post: #50
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 03:19 PM
Parent: #49
Quote: المهم ياسر قرر ان نذهب معه
لدار الاخوان المسلمين بمدني وكان اسمها دار الرعاية |
حكى لي واحد صدقينا كان يعمل بالسلك القضائي ( يعني في السلك) أنه تم نقله
من ودمدني إلى مدينة أخرى وكشئ طبيعي نزل في ميس القضاة ، صديقنا كان من
ناس التي (إن مسّها حجر مسّته سراء) ، بقية أعضاء الميس كانوا من ناسك ديل ،
اليوم الأول الجماعه ظبطو ليهو حلَّه كاربه وباسطه وصلاة عشاء وتراويح ونوم من الساعه 8 ،
اليوم التاني شرحو وكذا التالت،
اليوم الرابع لملم عفشوا بعد خروج الجماعه إلى المحاكم وكتب ليهم بالفحم
على باب المنزل ( وداعا دار الأرقم).
|
Post: #51
Title: Re: لولا بعولتهن لكنت اليوم وزيرا
Author: خالد عبد الله محمود
Date: 06-10-2010, 03:20 PM
Parent: #49
Quote: خالد ود اختي
رزقك ضيق والله
هسع كان بقيت مدير مكتب خالك خليل |
خالي خليل
في سنة أولي الكيزان رسلوا لي واحد من دفعتنا يجندني .. الزول بحاول 3 ساعات و أنا رافض قام في النهاية قال لي خلاص لو ما عايز تبقي معانا ما تدي صوتك للمحايدين قلت ليهو ليه مالهم المحايدين ؟ قال لي تصدق ديل لما مسكوا الإتحاد في آخر دورة عملو ثلاثين حفلة !! قلت ليهو ديل ناسي ظاااااااتهم و من اليوم داكـ صوتي في الإنتخابات كان بمشي للطلاب المحايدين ..
ود أختكـ زول بهجة و طرب و حفلات و ما بنفع مع الناس ديل يا خال .. كدي أعفيني من إدارة المكتب دي ..
|
Post: #52
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 03:25 PM
Parent: #51
Quote: اليوم التاني شرحو وكذا التالت،
اليوم الرابع لملم عفشوا بعد خروج الجماعه إلى المحاكم وكتب ليهم بالفحم
على باب المنزل ( وداعا دار الأرقم). |
مبالغة يا محمد
يكون عائز الذي منو
|
Post: #53
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 03:29 PM
Parent: #52
Quote: قال لي تصدق ديل لما مسكوا الإتحاد في آخر دورة عملو ثلاثين حفلة !! قلت ليهو ديل ناسي ظاااااااتهم و من اليوم داكـ صوتي في الإنتخابات كان بمشي للطلاب المحايدين ..
|
واخيرا يا ود اختي
انتبه الكيزان بان الشعب السوداني يعشق الفن والكورة
|
Post: #54
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 03:33 PM
Parent: #52
| Quote: يكون عائز الذي منو |
طبعا...
antihistamine
|
Post: #55
Title: Re: لولا بعولتهن لكنت اليوم وزيرا
Author: الزوول
Date: 06-10-2010, 03:33 PM
Parent: #52
السلام عليكم
...
خِلّي ازيك
Typical
وأنا برلوم دايش
ولأني اقليمي موغل في الإقليمية
فقد كنت أملك صوتاً ذا تردد عالي جداً
لسؤ حظ أختنا في الجبهة الديمقراطية ...
ما لقت مكان تحاكمني فيهو الا وسط جمع كبير من الطلبة ...برالمتهم وسنايرهم
وكان حوار الطرشان هذا بعد أن دخلت في شمال (بغير استئذان ...يا قول ود الصايم):
أسمع ... امبارح ليه ما جيت؟
أنا: أجي وين؟
هي : الإجتماع ... ما تعمل فيها ما عارف
أنا : وقد بدأت ترددات صوتي في الازدياد بحيث جمعت عدداً من الناس حولنا ... يا زولة اجتماع شنو ..انا لا بعرف اجتماع لا الله قال
هي: هسع انت مالك بتكورك ... انت ما عارف أنا مسئولة الخلية بتاعتك؟؟
وهنا كان قد فاض بي الكيل : يا زولة خلية شنو ونحل شنو ..انا لا بعرفك لا بعرف خليتك دي
.....
عرفت فيما بعد أنه قد أجريت للرفيقة (زهور نوبي ) محاكمة حزبية بسبب هذه القصة
.....
|
Post: #56
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 03:38 PM
Parent: #55
Quote: عرفت فيما بعد أنه قد أجريت للرفيقة (زهور نوبي ) محاكمة حزبية بسبب هذه القصة
..... |
الزوول
بالغت زهور نوبي ياخي
وفشلت في ادارة معركة بغداد
|
Post: #57
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 03:55 PM
Parent: #55
تعرف يا وليد ، الحاجه المسغرباني إنو زول شِفِت زيّك كده ما يكون بيعرف الناس ديل من الثانوي،
يعني أصلو ما لاقاك واحد حكى ليك نكته من نوع
( والله آشيخنا بعد أن توضأت وضعت قدمي اليمنى في نعلي اليسرى هي هي هي)..
|
Post: #58
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 04:01 PM
Parent: #57
| Quote: تعرف يا وليد ، الحاجه المسغرباني إنو زول شِفِت زيّك كده ما يكون بيعرف الناس ديل من الثانوي، |
يا محمد
انت بتكلم عن اولي ثانوي
وكان ياداب الزول (تتي) وشنبو رامي يا دابو
لا بعرف كيزان ولا جرادل
|
Post: #59
Title: Re: لولا بعولتهن لكنت اليوم وزيرا
Author: abubakr
Date: 06-10-2010, 04:13 PM
Parent: #58
ابوالخل ...
يعني ما تاهلت لاية واحدة من دييل :وزير انتقالي او وزير مكلف او وزير بدون وزارة او وزير بدون شنطة (بورتفوليو )...
|
Post: #60
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 04:18 PM
Parent: #58
| Quote: وكان ياداب الزول (تتي) وشنبو رامي يا دابو |
رامي عيّاش؟
-
أما ناس الجبهة الديمقراطية ديل كانت سيماهم على شنطهم وبناطيلهم وألسنتهم،
مما تلاقي واحد بارم الشعر وظابط بنطلون الجينز ومشعلِق الشنطه في الكتف ويبتدر
السلام ب ( كيف؟) ويواصل ب( في الحّتَّه دي) ويستطرد ب ( زي حاجه كده) فهو قطع شك
من مضارب بني كرملين ..
يا هذا.
|
Post: #61
Title: Re: لولا بعولتهن لكنت اليوم وزيرا
Author: شول اشوانق دينق
Date: 06-10-2010, 07:46 PM
Parent: #60
Quote: حكى لي واحد صدقينا كان يعمل بالسلك القضائي ( يعني في السلك) أنه تم نقله
من ودمدني إلى مدينة أخرى وكشئ طبيعي نزل في ميس القضاة ، صديقنا كان من
ناس التي (إن مسّها حجر مسّته سراء) ، بقية أعضاء الميس كانوا من ناسك ديل ،
اليوم الأول الجماعه ظبطو ليهو حلَّه كاربه وباسطه وصلاة عشاء وتراويح ونوم من الساعه 8 ،
اليوم التاني شرحو وكذا التالت،
اليوم الرابع لملم عفشوا بعد خروج الجماعه إلى المحاكم وكتب ليهم بالفحم
على باب المنزل ( وداعا دار الأرقم). |
سلامات يا شباب
|
Post: #62
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 09:15 PM
Parent: #61
| Quote: يعني ما تاهلت لاية واحدة من دييل :وزير انتقالي او وزير مكلف او وزير بدون وزارة او وزير بدون شنطة (بورتفوليو )... |
بكور يا سيد الهندسة
اتاهل كيف
كل عمري في الكوزنة عشرة يوم وبعد داك طردونا
|
Post: #63
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 09:21 PM
Parent: #62
Quote: أما ناس الجبهة الديمقراطية ديل كانت سيماهم على شنطهم وبناطيلهم وألسنتهم،
مما تلاقي واحد بارم الشعر وظابط بنطلون الجينز ومشعلِق الشنطه في الكتف ويبتدر
السلام ب ( كيف؟) ويواصل ب( في الحّتَّه دي) ويستطرد ب ( زي حاجه كده) فهو قطع شك
من مضارب بني كرملين |
ايوة يا محمد
لكن نحن الوقت لسع بنزل في عفشنا في الداخلية
ما كنا قابلنا اي زول
|
Post: #64
Title: Re: لولا بعولتهن لكنت اليوم وزيرا
Author: khaleel
Date: 06-10-2010, 09:23 PM
Parent: #61
شول يا فردة
انت مافي زول جندك تجي تحكي لينا
|
Post: #65
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-10-2010, 10:04 PM
Parent: #64
مسكين يا خلي،
راحت عليك،
كان تكون مثنى وثلاث ورباع و...
المؤمن حَلَوي.
|
Post: #66
Title: Re: لولا بعولتهن لكنت اليوم وزيرا
Author: khaleel
Date: 06-11-2010, 12:01 PM
Parent: #65
Quote: كان تكون مثنى وثلاث ورباع و...
المؤمن حَلَوي. |
هسع يا محمد
ما بنلقي حاجة بعد فتح مكة
|
Post: #67
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-11-2010, 05:20 PM
Parent: #66
| Quote: ما بنلقي حاجة بعد فتح مكة |
ويحك يا هذا ، أما دريت أنها حرام كلها وأنها أحلت استثناءا بسبب ما جرى من نقض لصلح وأنها لاتحل بعد ذلك؟
لكن هذه الدنيا لاتخلو ممن تجد عندهم فتوى تجيز لك صيد ظبائها واختلاء شوكها وممكن يقولوا ليك من
دخل بيت فلان فهو غير آمن ومن دخل دار ابن علان فهو من المقربين المطمئنين .
إنت داير تدبِّّل يا الخليل ، والله لآتيَنّ بفرقة الصادحين ليحولوا بينك وبين مآربك الدنيوية
وينشدوك (خِلِّي التدبيل حرام ما دام أراك تسخر من بني بكر).
أمثالك يا ابن معديكرب لاينفعون لاستوزار ولا زار أنا ما عارف بكري دا بجيبكم من وين،
|
Post: #68
Title: Re: لولا بعولتهن لكنت اليوم وزيرا
Author: khaleel
Date: 06-11-2010, 05:42 PM
Parent: #67
محمد مرتضي
عم مساء يا اخ العرب
اتاني ابيت اللعن انك لمتني وتلك التي تصتك لها المسامع
انا اجيد فن المشروع الحضاري ولا احب ان اكون موظف فيه
بل اريد ان اكون داخل مطبخه
|
Post: #69
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-12-2010, 00:25 AM
Parent: #68
| Quote: بل اريد ان اكون داخل مطبخه |
وهل أبقى التتار فيه من كوارع.
|
Post: #70
Title: Re: لولا بعولتهن لكنت اليوم وزيرا
Author: عبدالعزيز حسن على
Date: 06-12-2010, 00:56 AM
Parent: #69
شكراً لمهندس البوست خليل على هذه المتعة وشكراً لكل من ساهم في هذه المتعة التى ارجو ان تطول
يا الزول
أسمع ... امبارح ليه ما جيت؟
: الإجتماع ... ما تعمل فيها ما عارف
استغفرتك يا مالك روحي!!
|
Post: #71
Title: Re: لولا بعولتهن لكنت اليوم وزيرا
Author: امير عوض الجمري
Date: 06-12-2010, 07:04 AM
Parent: #70
| Quote: لولا بعولتهن لكنت اليوم وزيرا |
يا ريييت يا خليل .. على الأقل كنّا اتفكينا من توقعاتك البايخة لهلال مريخ دي .
تاني انا حلفت ما بفتح لي بوست حقك قبل هلال مريخ ...
ده شنو ده ياخ !! التّقول فكي !!!
|
Post: #72
Title: Re: لولا بعولتهن لكنت اليوم وزيرا
Author: Dr. Abdalla Siddig
Date: 06-12-2010, 09:06 AM
Parent: #71
Quote: مما قال لي شيوعيين طوالي اتذكرت مصطفي ود الفقراء
وهو يقول الشلوعي كافر
|
أضحكتني لمن بكيت
مبروك الإثنين الحلوين و هاردلك للجماعة المريخاب
الغريبه الناس إياهم ما بقبلوا الإ باثنين !!!!!!!!!!!!!!!!
علي اليمين البقوا وزراء من زمن الزعيم أزهري ما أحسن منك
بس طول بالك شويه وحاتشوف!!!!!!
|
Post: #73
Title: Re: لولا بعولتهن لكنت اليوم وزيرا
Author: khaleel
Date: 06-12-2010, 10:42 AM
Parent: #72
| Quote: وهل أبقى التتار فيه من كوارع. |
يا محمد سناكل من عشاء الفنانين
|
Post: #74
Title: Re: لولا بعولتهن لكنت اليوم وزيرا
Author: khaleel
Date: 06-12-2010, 10:44 AM
Parent: #70
Quote: أسمع ... امبارح ليه ما جيت؟
: الإجتماع ... ما تعمل فيها ما عارف
استغفرتك يا مالك روحي!! |
يا عزيز
الزوول يكون زاغ من الشيرنق
|
Post: #75
Title: Re: لولا بعولتهن لكنت اليوم وزيرا
Author: khaleel
Date: 06-12-2010, 10:46 AM
Parent: #74
| Quote: ده شنو ده ياخ !! التّقول فكي !!! |
عشان تامن يا امير
وموعدنا دور الثمانية في الكونفدرالية
بس عالجو كليتشي سريع
|
Post: #76
Title: Re: لولا بعولتهن لكنت اليوم وزيرا
Author: khaleel
Date: 06-12-2010, 10:47 AM
Parent: #75
Quote: علي اليمين البقوا وزراء من زمن الزعيم أزهري ما أحسن منك
بس طول بالك شويه وحاتشوف!!!!!! |
شكرا يا دكتورنا سيد العز والنقارة
وعلي الاقل تكون ام نخلا طوال ضاقت الاستوزار
|
Post: #77
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-13-2010, 05:09 PM
Parent: #76
| Quote: وخصوصا تنظيم الجبهة يشكو من قلة المهندسين |
يعني بعد (سندس) داير تعمل لينا ( إستبرق)؟
تلقاها عند الغافل.
|
Post: #78
Title: Re: لولا بعولتهن لكنت اليوم وزيرا
Author: khaleel
Date: 06-13-2010, 05:21 PM
Parent: #77
Quote:
يعني بعد (سندس) داير تعمل لينا ( إستبرق)؟
تلقاها عند الغافل.
|
يا محمد
حا نعمل شركة باسقات للبناء منخفض التكلفة
وعاديات وذاريات للطرق والجسور ومرسلات للصرف الصحي
افكار كتيرة نحسب انها تحتاج لارادة
|
Post: #79
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-14-2010, 04:15 AM
Parent: #78
| Quote: ومرسلات للصرف الصحي |
خليل ، البوست دا برئ ، بالله تاني ماتجيب سالفة الصرف الصحي دي تاني هنا،
إنت الصرف دي قاصد بيها سيد شباب القضارف؟
|
Post: #80
Title: Re: لولا بعولتهن لكنت اليوم وزيرا
Author: أيمن الطيب
Date: 06-14-2010, 06:23 AM
Parent: #79
Quote: قلت ليهو انت اظنك عائز خليلن تاني
ما انا |
طيب كان تبدأ بولاية الجزيرة!!!
طوالى ناطى جوز فى وزارة جوة الخرطوم!!
واحدة واحدة يا وليد زكريا!!
هسه مافات شى ممكن تعمل محاولة وتلحق ليك قلبة قلبتين,, 
|
Post: #81
Title: Re: لولا بعولتهن لكنت اليوم وزيرا
Author: khaleel
Date: 06-14-2010, 08:16 AM
Parent: #77
هلا محمد
بمناسبة القضارف
سابذل قصاري جهدي لاعادة الفقشة لحضن الوطن
|
Post: #82
Title: Re: لولا بعولتهن لكنت اليوم وزيرا
Author: khaleel
Date: 06-14-2010, 08:19 AM
Parent: #81
| Quote: طيب كان تبدأ بولاية الجزيرة!!! |
حتما يا ايمن سنعيد لمشروع الجزيرة سيرته الاولي
ونري ود عمران ورافع ومحمود ود ناصر عائدون علي ظهور حميرهم
والمخلاة ملاء
بالثوم والبصل والعدس
ونغني مثلما كنا
في الجزيرة نزرع نتيرب نحقق امللنا
|
Post: #83
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-14-2010, 05:42 PM
Parent: #82
- نحسب - د ي مبالغه يا خلي
|
Post: #84
Title: Re: لولا بعولتهن لكنت اليوم وزيرا
Author: khaleel
Date: 06-14-2010, 06:37 PM
Parent: #83
نحسب وتجريدة
وعرس شهيد وتاصيل وصيف عبور
وابو دجانة وقعقاع ومبل اربعين
كلها مصطلحات اقحمت في حياتنا اليومية
|
Post: #85
Title: Re: لولا بعولتهن لكنت اليوم وزيرا
Author: تبارك شيخ الدين جبريل
Date: 06-14-2010, 06:38 PM
Parent: #83
بالله يا خليل انت موضوعك باظ من بعولتهن؟
| Quote: المهم وردت عشان نربط بيها القصة |
انا هسى طبعاً المهم عندى بصات السيرة بتاعة وزير العريس الاروش دا ...
.. وكدا ...
|
Post: #86
Title: Re: لولا بعولتهن لكنت اليوم وزيرا
Author: Nazik Eltayeb
Date: 06-14-2010, 07:08 PM
Parent: #85
خليل الكوز (سابقا)
تحياتي
عجبني اقناعكم للزول بقصة في ديننا فسحة
اسي كان استمريت معاهم كان لقيت كمية من الفسح وكلما تخش في ورطة (فسحة) تطلع منها ويباركوا ليك الجماعة قائلين من يتق الله يجعل له مخرجا
|
Post: #87
Title: Re: لولا بعولتهن لكنت اليوم وزيرا
Author: khaleel
Date: 06-14-2010, 07:24 PM
Parent: #86
| Quote: عجبني اقناعكم للزول بقصة في ديننا فسحة |
صاحبنا
طلع مبسوط من الفيلم وكان بعاين للبني عبد العزيز بالجاسوسية
|
Post: #88
Title: Re: لولا بعولتهن لكنت اليوم وزيرا
Author: khaleel
Date: 06-14-2010, 07:34 PM
Parent: #87
Quote: انا هسى طبعاً المهم عندى بصات السيرة بتاعة وزير العريس الاروش دا ...
|
يا تبارك الظاهر عليك طولت من السودان
السيرة بقت بالركشات والهايس والامجاد
|
Post: #89
Title: Re: لولا بعولتهن لكنت اليوم وزيرا
Author: abubakr
Date: 06-14-2010, 07:53 PM
Parent: #88
يابو الخل ... يعني طموحاتك ما بتناسبنا (المهندسيين) . شنو وزير ؟؟ كنت تبقي "القائد ذاتو " ونحن وراك "شيل شيل ياخليل "
|
Post: #90
Title: Re: لولا بعولتهن لكنت اليوم وزيرا
Author: khaleel
Date: 06-14-2010, 08:03 PM
Parent: #89
| Quote: يابو الخل ... يعني طموحاتك ما بتناسبنا (المهندسيين) . شنو وزير ؟؟ كنت تبقي "القائد ذاتو " ونحن وراك "شيل شيل ياخليل " |
يا سلام يا بكور سيد الهندسة
وكمان فيها حلاة اسم
الفريق ركن مهندس خليل رئيس الجمهورية
الفريق ركن مهندس ابوبكر النائب اول لرئيس جمهورية
|
Post: #91
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-14-2010, 09:50 PM
Parent: #88
| Quote: السيرة بقت بالركشات والهايس والامجاد |
دي سيرة الغلابه يا خليل،
الجماعه ديل كانت سيرتم أقل شي BMW وفي رواية أخرى بالإيربص.
هسه السيره زاتا خلوها.
|
Post: #92
Title: Re: لولا بعولتهن لكنت اليوم وزيرا
Author: محمد المرتضى حامد
Date: 06-14-2010, 10:03 PM
Parent: #91
Quote: صاحبنا
طلع مبسوط من الفيلم وكان بعاين للبني عبد العزيز بالجاسوسية |
عارف يا خلي، الناس ديل أسياد المعاينه زاتا وأهو النتيجه زي ما شايف ..
وثلاث ورباع.
المؤمن حلوي ياخ.
|
Post: #93
Title: Re: لولا بعولتهن لكنت اليوم وزيرا
Author: عبدالكريم الامين احمد
Date: 06-14-2010, 10:04 PM
Parent: #91
والله يا ابوخليل التشكيل الوزراي الاخير ده فاتتتك
كان الليلة كابست لينا ناس حاج ماجد واخو المعتز قريش ديل
ووجدت لينا وزراة مطرفة نجي نقيل معاك فيها في الاجازات
|
Post: #94
Title: Re: لولا بعولتهن لكنت اليوم وزيرا
Author: khaleel
Date: 06-15-2010, 07:11 PM
Parent: #91
Quote: دي سيرة الغلابه يا خليل،
الجماعه ديل كانت سيرتم أقل شي BMW وفي رواية أخرى بالإيربص.
هسه السيره زاتا خلوها.
|
محمد
مش تمكنا وكدة
|
Post: #95
Title: Re: لولا بعولتهن لكنت اليوم وزيرا
Author: khaleel
Date: 06-15-2010, 07:13 PM
Parent: #94
Quote: كان الليلة كابست لينا ناس حاج ماجد واخو المعتز قريش ديل
ووجدت لينا وزراة مطرفة نجي نقيل معاك فيها في الاجازات |
حاج ماجد
اضاع لنا سنة كاملة من عمرنا واليوم وزيرا
موسي كليم الله في الشام راع
وفرعون في مصر له الحل والربط
|
|