Post: #1
Title: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-10-2010, 10:24 AM
قطعا سيبدأ المؤتمر الوطني نغمة ان الجنوبيين الموجودون بالشمال عددهم 3 مليون
ضاربين بعرض الحائط نتيجتهم المزورة التي اعلنوها في التعداد السكاني 500 الف فقط
لذلك اصر المؤتمر الوطني ان السجل الانتخابي ليس هو السجل للاستفتاء
الا لعنة الله على ابليس وقبيله
المهم
الاستفتاء سيشمل الجنوبيين في الشمال ايضا
لكن كيف لنا ان نتأكد ان الذين تم تسجيلهم هم فعلا من الجنوبيين فقط ؟؟
يعني اي زول اخدر طويل ممكن اقول عليه جنوبي؟؟
نعم، سيتم تسجيل اناس لا يرتبطون عرقيا بالجنوب نهائيا، وممكن يكونوا ادوربات عدييييل كده
اقترح اقتراح شكلا ما موضوعي لكن مع ناس ابليس ديل مافي حل
الجيش النازي وللتحقق من هوية اليهودي كانوا يأمرون رجالهم بخلع ملابسهم
لان اليهود يختتنون بعكس النصاري (آنذاك) فكانت هذه العلامة مهلكة له فورا
وظني ان الجنوبيين معظمهم لا يختتن، مات يجينا الهكر الجاء لبريمة داك
على لجنة تسجيل الناخبين ان تجد طريقة اخرى خير الشكل الخارجي تادبا نسمي
طريقة الجيش النازي ب "المعيار الثنائي"
ملحوظة: على النساء ان لا يتقدمن لوظيفة في لجنة الانتخابات القادمة اذا
اصر الجنوبيين على قصة المعيار الثنائي دي
الجنوبي قشة ما بتعتر ليهو، بجيكم من البيت كما خلقتني
الرجاء التركيز على عضم البوست وسيبو خرمجتي في الكلام
|
Post: #2
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: Faisal Elrasheed
Date: 06-10-2010, 10:30 AM
Parent: #1
| Quote: الرجاء التركيز على عضم البوست وسيبو خرمجتي في الكلام |
طيب نحن مفروض نفترض شنو في كلامك ده ؟؟
انت عارف يا أ ع ..عشان الواحد يدخل معاك في الجو بتاع البتاع بتاعك الطاشي ده ويفهم انت عاوز شنو الا يضطره يديها شامبيون معدل ..
ـــــــــــــــــــ
يبقي البوست علي ما هو عليه الي يوم السبت ...
|
Post: #3
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: بشير أحمد
Date: 06-10-2010, 10:32 AM
Parent: #1
احمد ابنعوف
تحياتي؛؛؛
Quote: الاستفتاء سيشمل الجنوبيين في الشمال ايضا
|
دي جبتها من وين ؟
كدي راجع اتفاقية نيفاشا وتعال.
|
Post: #4
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-10-2010, 10:41 AM
Parent: #3
اخونا فيصل الرشيد
شامبيون معدل من هسع لييييييييييي يوم السبت
Quote: شنو الا يضطره يديها شامبيون معدل ..
ـــــــــــــــــــ
يبقي البوست علي ما هو عليه الي يوم السبت ... |
بالله يوم السبت اديها قهوة تقيلة قبل ما تجي
هههههههه
البوست يا فيصل بقول ان التزوير سيتم في الشمال كما يريد المؤتمر الوطني
والثغرة هنا كيف سيتم التعرف على الجنوبي؟؟ او التحقق من شخصية الجنوبي
تحياتي
|
Post: #5
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-10-2010, 10:46 AM
Parent: #4
الاخ بشير
Quote: دي جبتها من وين ؟
كدي راجع اتفاقية نيفاشا وتعال. |
انتو ما بتتفرجوا على تلفزيون المؤتمر الوطني وللا شنو؟؟
راجع برنامج خطوط عريضة مع الصحفي مصطفى ابو العزائم
وهناك بنود في نيفاشا تم تعديلها بعد مظاهرات الاثنين في ديسمبر الماضي
وتحديدا كان التركيز على قضايا الاستفتاء وهذا ما اسكت ياسر عرمان وباقان
وتركوا قضية الامن والحريات
على العموم، قانون الاستفتاء النعائي نفسه لم يحسم بع
ولكن قطعا سيكون للجنوبيين في الشمال والمنافي الحق في التصويت
تحياتي
|
Post: #6
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: عمر التاج
Date: 06-10-2010, 11:00 AM
Parent: #5
الحبيب ود ابنعوف
عوافي
انت عايز تنبه الجنوبيين عشان ما يخلو الشماليين يزورا الاستفتاء
ولا عايز تنبه الشماليين انه الجنوبيين هم البزورو نتيجة الاستفتاء
ولا انت عايز تنبه الشماليين انهم ماعندهم دور في تزوير نتيجة الاستفتا
ولا عايز تنبه السودانيين انهم ماعندهم دور في تزوير نتيجة الاستفتاء ؟
باقان : أمريكا لن تسمح بتاجيل الاستفتاء .......
|
Post: #7
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-10-2010, 11:08 AM
Parent: #6
الاخ عمر التاج
هذه هي:
| Quote: انت عايز تنبه الجنوبيين عشان ما يخلو الشماليين يزورا الاستفتاء |
شخصيا انا اتمنى للجنوب الانفصال والابتعاد عن خرمجتنا في الشمال، مشاكلنا في الشمال
كثيرة وما زالت عالقة، هم كجنوبيين في غنى عنها
لكن هذا راي شخصي ولا يهم في مسار القضية المطروحة للنقاش
لام اكول وفي مؤتمر صحفب اتهم الحركة الشعبية علنا وصراحة انها ستسعى لتزوير
الاستفتاء (طبعا هذا كلام خطير منه) كاحد قياديها سابقا
ولكنني ارى ان التزوير الحقيقي سيتم بالشمال ليضمن المؤتمر الوطني الوحدة اكيد
ليس حبا في الجنوب او الجنوبيين :وان اسلموا افواجا" لكن لحسرتهم على بترول الجنوب
وعلى ارض الواقع لا يوجد الآن حاجة اسمها شماليين
في حاجة اسمها مؤتمر وطني
للاسف
|
Post: #8
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-10-2010, 11:30 AM
Parent: #7
بالحساب والحساب ولد زي ما بقولوا
المؤتمر الوطني لن يحتاج لاصوات كثيرة ليزورها ليضمن الوحده
فرضا الجنوبيين في الجنوب 6 مليون + مليون في الشمال + مليون في المنافي
المجموع 7 مليون (نتظر نتيجة التعداد)
من يحق لهم التصويت قول 70% (لمن هم فوق الـ 16 او الـ 18 حسب قانون الاستفتاء)
يعني 4.9 مليون
محتاجين لشرعية قبول النتيجة على الاقل تصويت 67&
يعني 3.2 % فقط
قول صوت منهم 85& (مقارنة مع نسبة مشاركتهم في الانتخابات)
يعني تقريبا 2.7 مليون
محتاجين لتقرير الوحدة او الانفصال على 50% + 1
خلاصته
1.6 مليون جنوبي فقط سيحسمون امر الوحدة او الانفصال
مليون جنوبي في الشمال لم يعودوا للجنوب قطعا سيصوتوا للوحدة
فتبقى للمؤتمر الوطني تزوير 0.6 مليون صوت لحسم الامر لصالح الوحدة
_____________________
نتيجة التصويت لياسر عرمان بي 2.7 مليون صوت ليست معيارا هنا
باعتبار ان شماليين كثر صوتوا له
|
Post: #9
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: بشير أحمد
Date: 06-10-2010, 11:58 AM
Parent: #8
يا احمد ياخوي
الجنوبيين الفي الشمال لايحق لهم التصويت في الاستفتاء
والعايز يصوت لازم يمشي الجنوب هناك عشان يصوت
ده حسب اتفاق الحركة والمؤتمر الوطني ؛
وده كان باصرار من الحركة الشعبية.
|
Post: #10
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-12-2010, 07:18 AM
Parent: #9
الاخ بشير احمد
هاك نصوص من الاتفاقية عشية احداث مظاهرات ديسمبر
| Quote: 5. يجرى الاستفتاء المنصوص عليه في المادة 4 أعلاه، في جنوب السودان وأية مواقع أخري قبل ستة أشهر من نهاية الفترة الانتقالية، تنظمه المفوضية بالتعاون مع الحكومة وحكومة جنوب السودان وبمراقبة دولية. |
| Quote: (ب) تشكل الحكومة لجانا أمنية لتأمين الاستفتاء مكونة من الشرطة والأمن الوطني في المواقع الأخرى في شمال السودان. |
| Quote: (4) مع مراعاة سلطات واختصاصات رئيس مركز الاستفتاء المنشأ في أي موقع في شمال السودان، على رئيس المركز التنسيق مع تنظيمات أبناء شعب جنوب السودان في ذلك الموقع والمنظمة الدولية للهجرة (IOM) في المعاونة والتنظيم والإشراف على إجراءات التسجيل والاقتراع والفرز والعد وإعلان النتائج. |
| Quote: (5) عند إجراء الاستفتاء في أي موقع خارج السودان، مع مراعاة سلطات واختصاصات رئيس مركز الاستفتاء، على رئيس المركز التنسيق مع منظمات وتنظيمات أبناء شعب جنوب السودان في تلك الدولة والمنظمة الدولية للهجرة (IOM) وبمشاركة الدولة المضيفة للاجئين أو المهاجرين أو المغتربين من أبناء شعب جنوب السودان في إجراءات التسجيل والاقتراع والفرز والعد وإعلان النتائج. |
اما فيما يخص حساباتي اعلاه فاعتذر عن ذكر النسبة الخطأ (68%) الصحيح هو:
| Quote: (2) (أ) يعتبر استفتاء جنوب السودان قد تم قانونا إذا اقترع ما لا يقل عن (58%) من عدد الناخبين المسجلين. |
Quote: انا قضيتي في البوست الكلام دا
* الفرع الثاني ـ سجل الاستفتاء ـ أهلية الناخب للاستفتاء 25. يشترط في الناخب أن يكون:
(1) مولودا من أبوين ينتمي كلاهما أو أحدهما إلى أي من المجموعات الأصيلة المستوطنة في جنوب السودان في أو قبل الأول من يناير 1956م أو تعود أصوله إلى أحد الأصول الإثنية في جنوب السودان و (2) مقيما إقامة دائمة متواصلة دون انقطاع أو أي من الأبوين أو الجدين مقيما إقامة دائمة ومتواصلة دون انقطاع في جنوب السودان منذ الأول من يناير 1956م.
(3) قد بلغ الثامنة عشرة من عمره.
(4) سليم العقل.
(5) مقيدا في سجل الاستفتاء.
إثبات شخصية الناخب 26.
(1) لأغراض المادة 25 أعلاه، تُثبت شخصية الناخب بتوفر أي من الشروط الآتية:
(أ) إبراز أصل البطاقة الشخصية أو مستند إثبات الشخصية أو شهادة صادرة من سلطة الحكم المحلي بالمقاطعة بتوصية من السلطان المختص أو مستند إثبات شخصية صادر من المفوضية السامية للاجئين التابعة للأمم المتحدة.
(ب) الشهادة المكتوبة أو الشفهية المباشرة من السلطان المختص بالمقاطعة.
(2) للتأكد من أي مستند أو شهادة مكتوبة أو شفهية يجوز لموظف الاستفتاء الاستعانة بالسلطات المحلية أو السلطان المختص أو أعيان المجتمع المعني.
(3) للتأكد من شخصية من لا يملك أي مستند لإثبات شخصيته، على موظف الاستفتاء الاستعانة بالسلطان المختص. |
التحقق من اهلية الناخب في شمال السودان
كيف نضمن ان الحكومة لن تقوم بتسجيل من لا اهلية له؟؟
انا شخصيا اليوم لا اميز بين البني عامر او الارتري، او بين الزغاوي السوداني والزغاوي التشادي
او اميز ان كان مالك عقار ابن عم جون قرنق ام لا
الجهة الوحيدة التي لديها خبرة في السودان في هذا المجال
هم ضباط وضباط صف ادراة الهجرة والجوازات والجنسية، وخبرة تدخل في عالم العجائب ايضا
خاصة ان اي قبيلة في السودان لها امتداتها في كل الدول المجاورة ما عدا قبيلة الدينكا
|
Post: #11
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-12-2010, 11:31 AM
Parent: #10
ولكي نكون منصفين ليست حكومة الشمال وحدها من يمكننا توجيه اصابع الاتهام
فهناك قبائل التماس، من مصلحتهم ان يصوتوا للوحدة
حتى الحركة الشعبية نفسها يمكنها ترحيل اعداد لا باس بها من القبائل الجنوبية
التي لها امتدادات خارج حدود السودان في اوغندا، كينيا، الكونغو و افريقيا الوسطى
لكن الامكانات المادية وصعوبة العمل اللوجستي في هذه المناطق قد تبدو معها هذه العملية
غير مجدية ومكلفة.
مصر قد تضغط على الجالية الجنوبية في مصر ليصوتوا للوحدة، خاصة اذا ما علمنا ان اكبر بلد
يتواجد به الجنوبيين هي مصر. قد تهددهم بالترحيل مثلا ؟؟؟
ما الخطورة في كل هذا
لا الوحدة خطرة ولا الانفصال خطر
الخطر في تزييف الارادة وهذا يعني الحرب
|
Post: #12
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: الطيب رحمه قريمان
Date: 06-12-2010, 11:35 AM
Parent: #11
..............?
|
Post: #13
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-12-2010, 11:57 AM
Parent: #12
الاخ الطيب رحمة
عليها تصلح اجابة على سؤالك
| Quote: الخطر في تزييف الارادة وهذا يعني الحرب |
تحياتي
|
Post: #14
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: الشامي الحبر عبدالوهاب
Date: 06-12-2010, 12:08 PM
Parent: #13
الاخ احمد ابن عوف
تحياتي
المشاركة في الاستفتاء كلها في الجنوب
سواء لجنوبي الشمال او في المنافي
علشان كدي المؤتمر الوطني ما عندو فرصة للتزوير
بل هو يخشي من تزوير تقوم به الحركة
موضوع الاستفتاء كله بيد الحركة علشان كدي العالم
اصبح يتهيا الآن للتعامل مع دولة جديدة وان كان واردا
عدم الاعتراف بها من قبل المؤتمر الوطني بدعوي التزوير وهو
عدم اعتراف مسرحي لمداراة التفريط في وحدة السودان
|
Post: #15
Title: Re: انتبهوا يا جنوبيين: تزوير نتيجة الاستفتاء سيتم بالشمال وليس بالجنوب
Author: أحمد ابن عوف
Date: 06-12-2010, 12:24 PM
Parent: #14
الاخ الشامي
تحياتي
Quote: المشاركة في الاستفتاء كلها في الجنوب
سواء لجنوبي الشمال او في المنافي |
هذه معلومة خاطئة
الاخت تراجي نفسها الداعية للوحدة ممكن تمشي تحلق شعرها خفيف
وتلف ليها ملاية في كتفها وتصوت في كندا على اساس انها جنوبية
التصويت سيتم في اي مكان في الدنيا فيهو جنوبيين
التزوير سيتم في هوية الجنوبي وليس في الصناديق او الاوراق كما حدث في عملية "يخجون"
| Quote: بل هو يخشي من تزوير تقوم به الحركة |
وفعلا اكدنا ان ليس المؤتمر الوطني وحده من له مصلحة في التزوير
| Quote: عدم الاعتراف بها من قبل المؤتمر الوطني |
الاعتراف من جانب المؤتمر الوطني لا يعني شيئا اذا تم الاعتراف بها دوليا واقليميا
يعني يكفي اعتراف الاتحاد الاوروبي وامريكا وكينيا او اوغندا اما ناس الجامعة العربية
ديل انساك منهم، اعترافهم من عدمه لن يؤثر كثيرا
تحياتي
|
|