Post: #1
Title: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-07-2010, 11:58 AM
Parent: #0
Quote: واس ـ جدة
صرح المتحدث الأمني بوزارة الداخلية اللواء منصور التركي بأن الأجهزة الأمنية المختصة تمكنت ، في عدد من العمليات الأمنية خلال شهري ربيع الثاني وجمادى الأولى من هذا العام 1431هـ ، من القبض على ( 124 ) مائة وأربعة وعشرين شخصاً لتورطهم بالمشاركة في تهريب وترويج الهيروين النقي والحشيش المخدر وأقراص الكبتاجون ، منهم ( 76 ) ستة وسبعون سعودياً ، و(16) ستة عشر يمنياً ، و(9) تسعة باكستانيين ، و(4) أربعة سوريين ، و(4) عراقيين ، و(3) سودانيين ، و(3) مصريين ، و(3) من الجنسية التركية ، و(2) عمانيين ، وكويتي ، وصومالي ، وآريتري ، واثيوبي
وأوضح المتحدث الأمني أن العمليات الأمنية التي تمت في عدد من مناطق المملكة جاءت على النحو التالي :
أولاً : بناء على نتائج الجهود الاستباقية ، تمكنت الجهات الأمنية المختصة من القبض على (43) شخصاً منهم (22) سعودياً و(11) يمنياً و(3) أتراك و(2) عمانيين ، (2) سوريين وصومالي وآرتيري وبنجالي وذلك أثناء قيامهم باستلام وتسليم مواد مخدرة تم تهريبها إلى المملكة ونقلها بمتابعة أمنية ، وشملت (251 ر 557 ر 3 ) ثلاثة ملايين وخمسمائة وسبعة وخمسين ألفاً ومائتين وواحداً وخمسين قرص كبتاجون ، و(1) طن و(567) خمسمائة وسبعة وستين كيلو و(690) ستمائة وتسعين جراماً من مادة الحشيش المخدر
|
المصدر جريدة اليوم السعودية
حسبنا الله ونعم الوكيل
طرق عجيبة جديده للسودانيين في الخارج للرزق !
شبكة ... في الإمارات ، ومهـربين مخـدرات في المملكة !
لا حول ولا قوة الا بالله !
هشام
|
Post: #2
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-07-2010, 12:04 PM
Parent: #1
ما مرمطونا في الوحل !
تاني نمشي بين الناس راسنا مرفوعه كيف ؟؟
تاني ما بقولوا لينا أمشي يا زول !
تاني وين ما يشوفونا جنّب يا زول وجيب الهوية !
تاني لسانا ما إنقطع بين الاجناس ( بلعونا ليهو) ،،
ــــــــــ
مره قُلت لي مصري أنا لُبناني ،
قال لي عييييب يا راجل !!
،،،،،،،،،،،،،،،،،،،،
هشام
|
Post: #3
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: أيمن الطيب
Date: 06-07-2010, 12:04 PM
Parent: #1
سلام يا هشام,,
وماذا نتوقع أن يفرز هذا الواقع المرير الذى تعيشه بلادنا اليوم!!!!
إنها المحصلة الطبيعية لإنهيار القيم والأخلاق والمثل والمبادئ الذى
نراه الآن واضحا أمامنا,,
هذا قليل من كثير يا صاحب نسأل الله السلامة ,,
تحياتى
|
Post: #4
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-07-2010, 01:09 PM
Parent: #3
| Quote: هذا قليل من كثير يا صاحب نسأل الله السلامة ,, |
أيمن الطيب
أشواقنا .،،،،
كلامك دا بيعني
في حاجات في الطريق أمّر من كدا ؟
هشام
|
Post: #5
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-07-2010, 01:23 PM
Parent: #4
وكل زول دخل المملكة عارف كويس إنو عـقوبة الإتجار في
المخدرات قطع الرقبة بالسيف في ساحة عامة !( شرع الله )
وبرضو إشتغلوا فيها !
ما همانا باقي الناس بس يكون فيهم من بنى وطني ،، !
دا الكسر عـينا ذاتو !
هشام
|
Post: #6
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: هويدا حسونة
Date: 06-07-2010, 03:28 PM
Parent: #5
إزيك ياهشام
نسأل الله أن يستر ويحفظ الجميع في غربتهم ويردنا سالمين لي بلدنا
Quote: مره قُلت لي مصري أنا لُبناني ،
قال لي عييييب يا راجل !!
،،،،،،،،،،،،،،،،،،،، |
بس دي ضحكتني شديد
أوع تكون كنت لابس الجلابية ديييييييييييييييك
|
Post: #7
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-08-2010, 06:36 AM
Parent: #6
Quote: نسأل الله أن يستر ويحفظ الجميع في غربتهم ويردنا سالمين لي بلدنا
|
ونقول معكـ يا هويدا ( آآآآآآآميييين )
مودتي ،،
هشام
|
Post: #8
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: أيمن الطيب
Date: 06-08-2010, 06:57 AM
Parent: #7
سلام يا هشام,,
نحن بالأكتر يا أخو| Quote: في حاجات في الطريق أمّر من كدا ؟ |
مافى الطريق!!! موجودة ومستفحلة ومستشرية بس ناس الجرايد لسه ما لموا فيها!!!
تعيش تشوف..
زمان كان شق الديار علم,,
هسه بقى علم و شوف وسمع للقصص العجيبة والمخجلة دى!!!
ياخ خلى برة الديار,,
جووووة الديار زاتو كيف ما هو البره دا ما جا فجأة!!!
ولا كيف يا مان؟؟؟
تحياتى,,
|
Post: #9
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: إدريس محمد إبراهيم
Date: 06-08-2010, 07:20 AM
Parent: #8
[green]الأخ / هشام إبراهيم
التحيات النواضر ...
استمعت إلى هذا البيان أمس في أخبار الرابعة وأنا عائد من عملي وذلك من مذياع السياره، وحقيقة عندما كانوا يعددون في الجنسيات تمنيت أن لايكون بينهم سوداني .. حتى إني تأثرت جداً عندما أذاع ســـوريين لاعتقادي إنهم سودانيين لنفس بداية الحروف .. وأخيراً عندما ذكر ثلاثة سودانيين تحسرت مع الألم الشديد .. وتذكرت كيف كانت تضرب بنا الأمثال في حسن الأخلاق والنبل الكريم ...
الحقيقة يا أخ هشام البلد لمّت .. ما زي زمان ... رحم الله الجيل الجميل الذي ترك أروع الأمثلة في الأمانة وحسن الخلق والسمعة الحسنة للسودانيين حيثما حلوا ...
تذكرت حادثة قديمة في بداية حضوري للمملكة حيث كنت أعمل بمكتب محاسبين قانونيين .. وفي زيارة لأحد فروع الراجحي ، تحدثت مع المدير المسئول - أحد أبناء الراجحي - في رغبتي في العمل معهم .. فماذا كان رده ؟.. قال الرجل : نحنا هنا في السعودية بنثق في جنستين ثقة ماليها حدود .. الحضرمي والسوداني .. الحضرمي نأمنه على أموالنا ، أما السوداني فإننا نأمنه على أموالنا وبيوتنا ... فبكيت من فرط التأثر، وشكرت الرجل كثيراً على ذلك الكلام الجميل ...
شفت الزمن تغيّر الآن كيف أخوي هشام .. لكن ماذا نقول بس .. الله يصلح الأحوال والنفوس ، وتعود سيرتنا كما كانت وأروع إن شاء الله ...
مع خالص حبي وتقديري ؛؛
|
Post: #10
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-08-2010, 07:23 AM
Parent: #8
يا ود الطيب
السوداني بره البلد سفاره حايمة بي رجلين .
ما سفارة جباية ولا سفارة جاليات !
سفارة أخلاق وإحترام باين من قبل بقية الأجناس
والحكاية ما جات هبوط من السماء السابعه
قدماء المغتربين بنوا الصرح دا بي عرقهم وجميل خصالهم وصـبرهـم،،
والـ هي صفات السودانيين السمحة ! مجهودات سنيــن واعـمار ناس ،
ويجي في آخر المطاف ناس يمشوا في الدرب السوء دا ويدمروا العـمار !
وهم عارفين عقوبة البيعملوا فيهو دا ( قطع الرقبة ) سبحان الله ،،
معناها الحالة هناكـ أخير منها قطع الرقبة أو المُجازفة بالرقبة !
لطفك يارب ...
هشام
|
Post: #11
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: أيمن الطيب
Date: 06-08-2010, 07:36 AM
Parent: #10
يا أبوالشوش..| Quote: السوداني بره البلد سفاره حايمة بي رجلين . |
 السفارة فى العمارة,,
نحن حقو نطلع من أحلام الماضى دى ونواجه الواقع,,
Down To Earth ya brother,,,,
تحياتى
|
Post: #12
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-08-2010, 08:00 AM
Quote: وأخيراً عندما ذكر ثلاثة سودانيين تحسرت مع الألم الشديد .. وتذكرت كيف كانت تضرب بنا الأمثال في حسن الأخلاق والنبل الكريم ...
|
إدريس
شكراً لعبورك من هذا الباب المتسـخ !
وهو نفس شعوري وشعور غيرنا من الألم بما آلـ اليه حال سمعتنا !
وكيف تبدل الحال من أسمى الى أتفه حال ! أن ترد جنسيتنا في هذا المستنقع !
ولكـ ان تتخيل كيف يتم التعامل مع هـؤلاء في غياهـب السجون
والمحاكم وساعة القصاص و في وسائل الإعـــــــــــلام ،،،
الغريب إنو محفوظ عن ظهر قلب ومكتوب في بوابة السفارة في الخرطوم 0
( الإتجار في المخدرات عقوبتها الإعدام ) ،،،
هشام
|
Post: #13
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: بكري اسماعيل
Date: 06-08-2010, 09:17 AM
Parent: #12
ماخفي أعظم يا ابو الشوش .. قولوا يا لطيف بس ..
|
Post: #14
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: سيف النصر محي الدين محمد أحمد
Date: 06-08-2010, 09:54 AM
Parent: #13
سلامات يا هشام
طيب انت في 3 من 45 مليون سوداني عملت كده..طيب السعوديين يعملوا شنو في ال 76 واحد من 15 مليون بس و للا اليمنيين في ال 16 تبعهم. حتى السعوديين يا هشام عارفين أنو السودانيين مشهورين بالامانة و الاخلاص الخ لكنهم برضو ما مصدقين أنهم ملائكة و عارفين أنو في سودانيين ذوي نفوس ضعيفة و في سودانيين مجرمين و اولاد ستين في سبعين.في رأيي أنو المسألة بسيطة و لو على السعوديين مافي مشكلة اللي بتكلم منهم عن التلاتة تبعنا قول ليهو اول حاجة شوف جماعتك ال 76 حتى بعد كده تعال اتفاصح.
|
Post: #15
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-08-2010, 12:59 PM
Parent: #13
| Quote: ماخفي أعظم يا ابو الشوش |
بكري كيفك يا عزيز
لكن كدا ما خوفتنا عـديل كدا يا بكري
هشام
|
Post: #16
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-08-2010, 01:06 PM
Parent: #15
| Quote: قول ليهو اول حاجة شوف جماعتك ال 76 حتى بعد كده تعال اتفاصح. |
يا سيف يا اخوي شكراً لمرورك من هنا
رغم أني كنت اتمنى تكون من الصفحات النواضر ولك العتبى ،،
الحكاية دي غير في الدناءة والبذاءة وعدم الاخلاق ،،
فيها كان نجيت من العقاب فيها الحرام البتإكلو لي اولادك
والا والديك ، فكيف يطيب ليك تحول فلوس مخدرات لي اهلك ،،
وتاني واضحة زي شمس اليومين ديل ( قطع رقبة) يعني رقبتك
تطير في ساحة عدالة ! بي سيف شرع الله الهادي الى سواء السبيل !!
غايتو يا سيف في الامرِ أمر جـلل لو تعـلـمـون !!!!
هشام
|
Post: #17
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-08-2010, 01:14 PM
Parent: #16
دي نهاية البيتاجر في المخدرات !
تخيل تكون لي واحد من أولادنا ،
في النهاية سوداني بي جواز سوداني
يا الله تستر ،،،
هشام
|
Post: #18
Title: Re: يا كـافـي البـلاء ،، وحـايـد المـحـن - ( يوجـد ضياع أخـلاق) !!
Author: Hisham Ibrahim
Date: 06-08-2010, 02:04 PM
Quote: نحن حقو نطلع من أحلام الماضى دى ونواجه الواقع,,
|
يا أيمن
مالو واقعنا دا بقى حنضل كدا !!
بـــره وجـــوه الجكـ !
هشام
|
|