Post: #1 Title: في المنبر كم محمود كذاب ؟ Author: وليد محمد المبارك Date: 06-07-2010, 10:21 AM Parent: #0
بالتأكيد جميعكم يعرف قصته _ محمود الكذاب _ وكيف انه فقد روحه جراء الاشاعات .. وكيف انه فقد التعاطف الشعبي بسبب كذبه المتكرر ... حتى هجم النمر عليه حقا وحقيقة ولم يجد من يصدقه او يساعده.
الان ...
من الذي يطلق الاشاعات ؟؟ وما الغرض منها ؟؟ اهي تمهيد لاغتيال المعتقلين بعد فتور الشارع و فقدانهم التعاطف جراء الاشاعات المتكرر ؟؟ اهي محاولة لتفريغ قضية الاطباء من محتواها بالكذب المتكرر ؟؟ ام هي محاولة لاشعال فتنه وكيد سياسي ؟؟؟
لا ادري كيف انطلقت اشاعة موت دكتور الهادي .. خصوصا وإنا قرأنا في المنبر وبصورة متكرر تعذر الوصول اليه .. وان لا اخبار وارده عنه ..
من الذي يروج لهذه الاشاعة ومن اطلقها بالاساس وما الغرض منها ؟
فلتطلق السلطات المعتقلين في قضية الاطباء فورا لان اعتقالهم خطاء من اساسه ولدفن الفتنة التي تلوح في الافق في مهدها
Post: #2 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 10:26 AM Parent: #1
من ال>ي روج لموت دكتور الهادي
Post: #3 Title: Re: في المنبر كم محمود كذاب ؟ Author: عبد القادر حسن الحبيب Date: 06-07-2010, 10:36 AM Parent: #2
محمود الكذاب هو محمود (السياسي) الذي اخرجهم، ومن ثم هو لا يبالي بموتهم، والهدف هو الفوضى الخلاقة، بعد ان فشل سعيهم وخاب املهم اثناء الانتخابات
مع احترامنا ودعمنا للاطباء وحقوقهم،ومع شديد ادانتنا للجلادين ومخاذيهم
Post: #4 Title: Re: في المنبر كم محمود كذاب ؟ Author: علاء الدين يوسف علي محمد Date: 06-07-2010, 10:41 AM Parent: #3
حسب الترتيب تقدر تقول: 1- أمْجد و النّمِرْ 2- SOAT "صواتة" و النّمِرْ
Post: #20 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 06:17 PM
مرحب حبيبنا علاء
Quote: SOAT
ده منو ما عرفتو ؟
Post: #21 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 06:24 PM
Quote: 1- أمْجد و النّمِرْ
برضو يا ابو علوه امجد ده لو امجد فريد ما اظن اكون عنده غرض سيئ من نشر الخبر
لكن لو هو بكون تصرف غير سليم ومتهور منو ينشر خبر زي ده بدون ما يتاكد منو
Post: #18 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 05:49 PM Parent: #3
مرحب عبد القادر
كلنا مع قضية الاطباء وهي فعلا عادلة
لكن صراحة .. في حاجات بتتعمل مع القضية دي عاملة تشويش شديد جدا حاجات بتلخبت
يعني مثلا حكاية انهم يعملوا اعتصام جوه المستشفى دي ما قادر ابلعها المستشفى ده محل مرض .. ما محل اعتصامات ياخ بتاعين المشاكل ما بفرتقوا حفلتهم بسوقوا المشكلة بره الخيمة عشان الحفلة تستمر
كيف يعني الاطباء يعتصموا جوه المستشفى محل العيانين ؟؟؟ خصوصا وهم عاملين اضراب عن علاجهم ؟؟؟ ياخ جمب المستشفي بوري عربيتك ممنوع تضربو تقوم تعمل اعتصام وخطبة وزيطة .. وكمان جوه المستشفى
دي غلبني افهم دواعيها بتاتا
Post: #5 Title: Re: في المنبر كم محمود كذاب ؟ Author: HAIDER ALZAIN Date: 06-07-2010, 10:44 AM Parent: #2
والله يا شفت من يوم خبر اعتراض طيارة عمر البشير وخبر اعتقال نجلاء سيد احمد وموت ود اللمين وزيدان ابراهيم وووووووو إلخ + هلمجراء من بقية الاخبار بقت عندي قناعة انه تنتظر اربعة وعشرين ساعة بالتمام والكمال او18 ساعة للمستعجل بعدين تكتب مداخلة سواء تضامن او اشادة او عزاء للخبر محل الحديث حتي لو كان الخبر خبر موتك انت ذااات نفسك فما تعزي في نفسك او تترحم عليها قبل ما تجيك الاكيدة إنك مت ام لا .. فلو لقيت البوست مسوّد وإنو حيدر الزين اتلحس في حادث حركة ما تجي يا حيدر الزين تقول للناس والله انا نصيح وما عندي رخصة سواقة زااتو ولا انا ما بركب عربات نهائي عشان اعمل حادث قوم اخت ليك لفة وشوف شغلك وامشي شم هواء وتعال راجع بعد يومين شوف الحاصل شنو يمكن تلقي نفسك ميت ساااي
ـــــــ أرخي الشغلة يا حبيب يآخ اقول ليك شئ خليك من الناس البتعمل محمود الكضاب في غيرها عشان تتكسب بيهم سياسياً تصدق الواحد مرات بقي محمود الكضاب في نفسو وما يعرف إنه هجم النمر الا بعد اسبوع يجي يقول هو معقول النمر هجم وانا ما تكلموني
Post: #19 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 06:01 PM Parent: #5
حيدر يا حيبنا
صحيح
مفروض مواضيع الاشادة والتضامن تاني ترخي الحبل لمن تتأكد منها .. ياخ قبل ديل كلهم كانت قضية اختطاف جثمان الخاتم الختفوا الكمندان محمد حامد جمعة وصورة رواندا بتاعت الشافع الجاري امو الحاجات دي ما جديده في المنبر لكن خبر زي ده مفروض سيدو يتاكد منو في الاول .. يتاكد من مصدره حتين يرفعوا على الاقل عشان اهل المرفوع الخبر عنه
Post: #6 Title: Re: في المنبر كم محمود كذاب ؟ Author: خضر حسين خليل Date: 06-07-2010, 10:45 AM Parent: #2
عزيزي وليد تحياتي الحارة أعتقد أنو الأخبار التي ظلت ترشح منذ نهار الأمس كلها كانت تتحدث عن محاولة تصفية د-الهادي وحالة الغيبوبة التي دخلها وبالتالي لم تكن هناك معلومة مؤكدة عن اغتياله فعلياً او استشهاده في المعتقل . أعتقد ان مساهمة الجهاز كانت كبيرة في البلبلة التي حدثت للناس . بإصرارهم علي عدم مقابلة اسرة الهادي والوفد الذي يرافقهم له ليلة الامس ولك أن تتخيل الضرر النفسي الذي دخله الكثيرين ناهيك عن وقع الخبر لدي اسرته الكبيرة والصغيرة. لو في صوت لوم يجب يا وليد توجيهه للاجهزة الأمنية التي كان في مقدوها نفي او اثبات الخبر بكل يسر كان بمقدورهم تطمين الناس عن صحة الهادي . تحياتي مرة اخري
Post: #7 Title: Re: في المنبر كم محمود كذاب ؟ Author: Amira Elsheikh Date: 06-07-2010, 10:47 AM Parent: #6
Quote: فلتطلق السلطات المعتقلين في قضية الاطباء فورا لان اعتقالهم خطاء من اساسه
Post: #8 Title: Re: في المنبر كم محمود كذاب ؟ Author: السيد المسلمي Date: 06-07-2010, 11:07 AM Parent: #7
الأخ وليد .. هناك من يدمون الكذب والإشاعات !! وقدر ما كلمناكم ماصدقتونا !! الكذب وإشاعة الفتنة ولفحي الكلام لن يصنع نضالاً !!
ـــ خبر من داخل أروقة الأمن ... إلا يكون الجابو غواصة ولا شنو ؟؟
Post: #9 Title: Re: في المنبر كم محمود كذاب ؟ Author: أبو عبيدة البصاص Date: 06-07-2010, 11:42 AM Parent: #8
Quote: فلتطلق السلطات المعتقلين في قضية الاطباء فورا لان اعتقالهم خطاء من اساسه ولدفن الفتنة التي تلوح في الافق في مهدها
Post: #10 Title: Re: في المنبر كم محمود كذاب ؟ Author: talha alsayed Date: 06-07-2010, 11:57 AM Parent: #9
Quote: حسب الترتيب تقدر تقول: 1- أمْجد و النّمِرْ 2- SOAT "صواتة" و النّمِرْ
الاخ علاء الدين
تحية طيبه
اخشى ان يكون
محجوب عروه
مودتى
Post: #11 Title: Re: في المنبر كم محمود كذاب ؟ Author: Faisal Elrasheed Date: 06-07-2010, 12:01 PM Parent: #10
تكرار
Post: #12 Title: Re: في المنبر كم محمود كذاب ؟ Author: Faisal Elrasheed Date: 06-07-2010, 12:01 PM Parent: #10
نجلاء سيد احمد ناهد نزار يوسف سيف مساعد مكي ستيف
دس وردية الصباح ..
ناس بالليل ..
بعدين ...
Post: #30 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 07:06 PM Parent: #12
حبيبنا فيصل الرشيد كيفك ياخ
نجلا ما كضابة ناهد ما بعرفها لكن ما اظنها كضابة قياسا على مواقفها
سيف مساعد كضااااااب ومكي ده لو مكي بتاع جبال الروكي .. يا زول ده ما شغال بيكم الشغلة موضوعوا كله الصور ستيف ده محمد سليمان ???... محمد سليمان حاقد وده السبب البخليه يكضب
انت شنو يا زول مشخت لينا ؟
Post: #37 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 07:45 PM Parent: #10
مرحب طلحة اسعدنا مروك ياخ
Post: #13 Title: Re: في المنبر كم محمود كذاب ؟ Author: خالد العبيد Date: 06-07-2010, 12:02 PM Parent: #9
يجب اطلاق سراح الاطباء والطلاب المعتقلين فورآ. ويجب ان يخضعوا لفحوصات طبية عاجلة وتقديم ما يلزم من علاج لهم. لا احد يعلم ما حصل لهم وهم في معتقلات الامن. فقد تعرضوا للتعذيب وربما تعرضوا للتسميم او حقنهم بمواد تسبب ضررآ فيما بعد. والاطباء اعلم الناس بخطورة هذه التصرفات اللا اخلاقية.
عاش نضال الاطباء والطبيبات من اجل قضاياهم العادلة ومن اجل وطن يحترم كرامة وآدمية البشر.
Post: #14 Title: Re: في المنبر كم محمود كذاب ؟ Author: tmbis Date: 06-07-2010, 01:29 PM Parent: #13
Quote: خبر من داخل أروقة الأمن ... إلا يكون الجابو غواصة ولا شنو ؟؟
.. دا ما غواصة يا المسلمي .. دا بارجه عديل كدا .. وهنا يعجبوك الشيوعيين.. عصام جبر الله جاب ليهو قائمة بتاعت خزي وعار .. بالبريد .. وكسر في اضانو قشة .. وباقي البعاعيت جو طالعين بيهتفوا بي اكفانهم الحمراء في بقية البوستات .. دا موسم كويس جدا .. للناس الكويسين.
يا وليد .. حقو ناس المحاميد يفتحو ليهم فرع في البورد دا .. ويجيبو لينا صور ..
Post: #15 Title: Re: في المنبر كم محمود كذاب ؟ Author: ABUHUSSEIN Date: 06-07-2010, 01:52 PM Parent: #14
كتيرين يا وليد بس غالب عليهم لون واحد
Post: #16 Title: Re: في المنبر كم محمود كذاب ؟ Author: haroon diyab Date: 06-07-2010, 02:00 PM Parent: #15
ولي ياجميل
سلامات ومشتاقين
المهم.....
ولان المرضي مرضانا
شكرا.....لكل طبيب رفض الاضراب
من اجل المرضي......
شكرا لهذه الانسانية التي تجلت
في مواقفهم........
سيذكر التاريخ لهم هذا الموقف
مع التاكيد بانه ماضاع حق وراءه مطالب.
Post: #35 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 07:28 PM Parent: #16
هارون دياب ملحتني سااااااااااكت
المهم
Quote: ولان المرضي مرضانا
شكرا.....لكل طبيب رفض الاضراب
من اجل المرضي......
شكرا لهذه الانسانية التي تجلت
في مواقفهم........
سيذكر التاريخ لهم هذا الموقف
يديك العافية يا حبيبنا
Post: #33 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 07:16 PM Parent: #15
مرحب ابو حسين
كيف الاخبار واسعدنا مرورك ياخ
Post: #17 Title: Re: في المنبر كم محمود كذاب ؟ Author: السيد المسلمي Date: 06-07-2010, 02:37 PM Parent: #14
Quote: دا ما غواصة يا المسلمي .. دا بارجه عديل كدا
لا ياتمبس أنا ُمصر علي غواصة !! ُمصر وُملح إلحاحاً ..
ـــ البارجة دي مرحلة لسة زولنا دا ماوصل ليها .. سيبو في الحتة دي بس ياعمك .. ربنا يشفيهو .
Post: #59 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 08:41 AM Parent: #14
Quote: يا وليد .. حقو ناس المحاميد يفتحو ليهم فرع في البورد دا .. ويجيبو لينا صور ..
تامبا يا حبيبنا والله اخوك بقى مغبش مداخلتك شفتها الليلة راجعت تاريخها لقيتها قديمة قدم البوست امسحها في وشنا
اها ناس المحاميد قالوا المنبر ده ما جيب حقو .. قالوا ليكم تعاوا نديكم اوضة نوم وتقفلوه
Post: #32 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 07:09 PM Parent: #13
مرحب خالد العبيد اسعدنا مرورك
ونقول معاك يجب اطلاق سراح الاطباء والطلاب المعتقلين فورآ
Post: #28 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 06:58 PM Parent: #9
مرحب البصاص
اسعدنا مرورك ياخ
Post: #26 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 06:50 PM Parent: #8
مرحب حبيبنا السيد
Quote: ولا شنو ؟؟
صحيح
يا غواصة من الاطباء داخل الجهاز او غواصة من الجهاز داخل الاطباء
Post: #23 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 06:39 PM Parent: #7
مرحب اميره
اسعدنا مرورك
Post: #22 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 06:33 PM Parent: #6
مرحب خضر
خالص التحايا
Quote: أعتقد أنو الأخبار التي ظلت ترشح منذ نهار الأمس كلها كانت تتحدث عن محاولة تصفية د-الهادي وحالة الغيبوبة التي دخلها وبالتالي لم تكن هناك معلومة مؤكدة عن اغتياله فعلياً او استشهاده في المعتقل
طيب نوقل انها كانت كده الزول الجابا عرفها كيف ؟ الوراهو انه في محاولة تصفية منو ؟
معلومة زي دي الا تمرق من الجهاز نفسه يا خضر ولا ما كده
اللوم موجه للجهاز ولمن نشر الاخبار او روج ليها بدون ما يتاكدمنها ومن مصدرها
خالص الود
Post: #24 Title: Re: في المنبر كم محمود كذاب ؟ Author: khaleel Date: 06-07-2010, 06:44 PM Parent: #22
Quote: اللوم موجه للجهاز ولمن نشر الاخبار او روج ليها بدون ما يتاكدمنها ومن مصدرها
خالص الود
يا وليد
سلامات
ان كان هناك حق لاعتقال المضربين فلماذا لا يتم بواسطة جهاز الشرطة
وتكون مهام جهاز الامن للقضايا الخارجية فقط بدل ان يشغل نفسه بمثل تلك
القضايا المطلبية
Post: #36 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 07:36 PM Parent: #24
حبيبنا خليل
Quote: ان كان هناك حق لاعتقال المضربين فلماذا لا يتم بواسطة جهاز الشرطة
وتكون مهام جهاز الامن للقضايا الخارجية فقط بدل ان يشغل نفسه بمثل تلك
القضايا المطلبية
جهاز الامن مهمته جمع المعلومات يفترض ان يكون كذلك
كل الاعتقلات يفترض ان تتم بالشرطة .. يعد داك لو القضية كبيره يحولوه محل ما عاوزين باذن القاضي والمحكمة
Post: #25 Title: Re: في المنبر كم محمود كذاب ؟ Author: بشير أحمد Date: 06-07-2010, 06:50 PM Parent: #22
ياوليد ياخوي دي تكتيكات معروف ناسها منو ؛
فك الاشاعة وصدقها وخت فيها دمغة جريح
اغرب حاجة في نفس توقيت بوست الاغتيال ؛إتكتب بوست بينفي الاغتيال اتحذف في اقل من 5دقايق بس؛
وبرضوا يقولوا ليك الإضراب مطلبي وليس سياسي.
اتمني اطلاق سراح جميع المعتقلين .
Post: #42 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 09:05 PM Parent: #25
مرحب بشير
نتمنى معاك اطلاق سراح جميع المعتقلين
Post: #27 Title: Re: في المنبر كم محمود كذاب ؟ Author: محمد حسن العمدة Date: 06-07-2010, 06:54 PM Parent: #22
الفاضل وليد
سلام
للاسف مثل هذه الاشاعات قد تؤثر في مصداقية ما يتم تناوله من الجميع ولكن تبقى الحقيقة ان هنالك معتقلين تم اعتقالهم بسبب مطالبهم العادلة والتي تجد التعاطف من قبل الكثيرين مما الجم النظام وجعله يتخبط في تصرفاته ويزداد غباء وتخرس اقلامه في المنبر ... الكثيرين من مطبلاتيه النظام بالمنبر قد يجدوا في هذا البوست فرجا لهم ولكنهم اصطدموا بقوة موقفك الداعم لقضية الاطباء
من بعض حالات الاشاعات الضارة بالقضية بوست موجود في اعلى المنبر يتحدث عن كذب جهاز الامن وان اسرة دكتور الابوابي لم تلتقي به في المعتقل ... قرات خبرا في بوست للفاضلة نجلاء تفيد فيه بان دكتور الهادي لا يزال حيا واثلجت صدورنا بهذا الخبر وقرات فيه ايضا ان زوجة الابوابي وسليمان حامد قد التقو به وهو بخير حسب ما ورد ..
قد تصدر بعض الاشاعات بحسن نية مثل ان تتصل بواحد او واحده وتؤكد خبر سماعي .. عموما الوضع الناس فيهو في ظل نظام مخادع وقاهر وباطش وانعدام للشفافية لا يوجد غير التحليلات والتخمينات لما ينبغي ان يكون قد حدث
في كل الدول الديمقراطية والمسئولة للناس حقوقا الا في السودان يتم اعتقالك ولا يعرف احد هل المعتقل هو من عصابة ام من الدولة ؟!!!
يعني بكرة ممكن يجوك حرامية راكبين بوكس جديد لنج وشايلين كلاشات ويقولو ليك نحنا جهاز الامن وياخدوك يقطعو راسك وناس جهاز الامن نفسهم يرسخو لمثل هذه الممارسات الغامضة واحيانا يتم قتل ابرياء و- زقلهم - في البحر ولا في الخلاء ولا من شاف ولا من درا
البلد فوضى شديدة وكل شي فيها يمحن وجائز
Post: #29 Title: Re: في المنبر كم محمود كذاب ؟ Author: محمد حسن العمدة Date: 06-07-2010, 06:59 PM Parent: #27
يبدو ان كاتب البوست الاخ عماد قد كتب بوست كذب جهاز الامن بناء على معلومات الامس ولكن الحمد لله اليوم تمت مقابلة اسرة دكتور الابوابي بالحبيب الابوابي نسال الله ان يجعل السجن له خلوة وان يجعل تعذيب اوباش الامن له بردا وسلاما وان يخرجه من بين ايديهم من غير اذى
اللهم احفظهم جميعا وباعد بينهم وبين القوم الظالمين
Post: #31 Title: Re: في المنبر كم محمود كذاب ؟ Author: Salahaldeen Nadir Date: 06-07-2010, 07:09 PM Parent: #29
Quote: وبرضوا يقولوا ليك الإضراب مطلبي وليس سياسي
هو مطلبي
!
Post: #34 Title: Re: في المنبر كم محمود كذاب ؟ Author: Osman Musa Date: 06-07-2010, 07:21 PM Parent: #31
عزيزنا الوليد سلامات
وأنشاءالله ما تصل مصداقية المنبر للمحك .
لا لا وفى الموت كمان ؟؟؟
Post: #39 Title: Re: في المنبر كم محمود كذاب ؟ Author: محمد إبراهيم علي Date: 06-07-2010, 08:01 PM Parent: #34
سعادة to be نائب انت مش عندك انتخابات المقعدك هنا شنو لووووول
تحليل ربما يكون صحيحا او خطا الاشاعة قصد بها مروجها الضغط على جهاز الامن واتت اكلها فبعد ان كان جهاز الامن يماطل في اهل المعتقلين سمح لهم اليوم بزيارتهم ما حدث اليوم اثبت انها تكتيك جيد فاشاعة انهم توفوا داخل المعتقل لا يمكن نفيهاببيان ولكن بالسماح لاهل المعتقل بزيارته والتأكد من انه حي يرزق الشيوعيين كسبوا هذه المعركة واثبتوا انهم بعرفوا تكتيك ولعب ضاغط كويس بعد تسربت انباء عن ان دكتور الهادي تعرض لتعذيب قاسي وغير انساني ويعاني من حالة فقدان للوعي فكان لابد من طرقة يضغط بها على جهاز الامن
العنوان غير موفق : في راي النمر موجود ويصطاد يوميا مرة صحفي ومرة زعيم حزب ومرة طبيب
Post: #45 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 09:40 PM Parent: #39
مرحب محمد ابراهيم اخبارك
الانتخابات انتهت امبارح يا زول ونحن في انتظار النتيجة الاقبال عليها كان ضعيف جدا جدا جدا
Quote: الاشاعة قصد بها مروجها الضغط على جهاز الامن واتت اكلها فبعد ان كان جهاز الامن يماطل في اهل المعتقلين سمح لهم اليوم بزيارتهم
لو ده فعلا صحيح تبقى مشكلة من اطلقها قصد الضغط على جهاز الامن عن طريق انفعال وتفاعل الشارع والمجتمع الدولى
باقي ليك هسع بكره لو مات دكتور الهادي حا ينفعل الناس زي الحصل الليلة .. ابدا حا يقولوا انسى دي اشاعة ساكت
Quote: ما حدث اليوم اثبت انها تكتيك جيد فاشاعة انهم توفوا داخل المعتقل لا يمكن نفيهاببيان ولكن بالسماح لاهل المعتقل بزيارته والتأكد من انه حي يرزق الشيوعيين كسبوا هذه المعركة واثبتوا انهم بعرفوا تكتيك ولعب ضاغط كويس
بالعكس جهاز الامن كان اعقل منهم وطوالي سمح لاهله بزيارتهم وجوا ماصدر كانت تقول امس انه مات ونفت كده اصيبت مصداقية المتبنين قضية الدكتورين في الصميم حركتين زي دي لو مات الدكتور في المنبر هنا مافي زول بصدق تاني
ولو فعلا الشيوعيين هم من فعل ذلك .. ده ببقى سرقة لمواقف .. وتمييع لقضية ذات مصداقية
Quote: بعد تسربت انباء عن ان دكتور الهادي تعرض لتعذيب قاسي وغير انساني ويعاني من حالة فقدان للوعي فكان لابد من طرقة يضغط بها على جهاز الامن
ضغطوا وشافوه ولقوه ما ميت عد ما يمرقوا بي 10 دقايق سيتواصل التعذيب لو كان في وتاني ما بخلوهم يشوفوه حا يقولوا ليهم هو على كيفكم قلتوا مات ووريناكم انو حي
Quote: العنوان غير موفق : في راي النمر موجود ويصطاد يوميا مرة صحفي ومرة زعيم حزب ومرة طبيب
شكرا على الانتقاد يا حبيبنا لكن انا مختلف معاك الحكاية ما حكاية اختلاف اوضاع الحكاية اختلاف مبادئ ومفروض يكون اختلاف اساليب الكذب ما معانا .. لو معانا الفرق شنو ؟
وببقى في الاخر ..الاعوج رائ والديل رائ يا صديقي
ودي
Post: #46 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 09:44 PM Parent: #34
حبيبنا عثمان
مصداقية المنبر لن تصل المحك
المحك سيطال مصاقية افراد وجماعات بعينهم
تحياتي
Post: #44 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 09:23 PM Parent: #31
مرحب صلاح الدين
بدا مطلبي يا صلاح
لكن سياستنا تتدخل في كل شي والغريبة انها بتخرب ما بتصلح
Post: #43 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 09:18 PM Parent: #27
حبيبنا ود العمده
والله ليك وحشة حارمنا من مداخلاتك والونسة معاك
اخبارك
__
قضية الاطباء قضية واضحة يا العمده ، ناس عاوزين يزيدوا ليهم دخلهم ناشدين تطوير ذواتهم واهليهم ، وكمان ناشدين تطوير الحقل الذي يعملون فيه .. وللحقيقة هم يعملون ويجتهدون اكثر من مستوى العائد الذي ينالوا .. شخصيا معترض على الزيادة في المرتب الاساسي لانه ده حا يعمل ربكة في دولاب العمل العام وتفرقة بين الموظفين في الدولة .. لكن اعتقد ان ما يقدم لهم نظير الساعات الاضافية التي يعملون والسهرات التي يسهرون مجحف جدا ... وطبيعة عملهم تتطلب مكافات خاصة خارج المرتب الاساسي .. المهم للاطباء قضية هذا لا شك فيه
ما بعيد يا ود العمده يكون مصدر تسريب الاشاعة الاولى هو جهاز الامن زاتو .. الاشاعات لو كترت في وضوع زي ده بموت ما بلقى اهتمام بمرور الوقت
مفروض الناس تنتبه
Post: #38 Title: Re: في المنبر كم محمود كذاب ؟ Author: احمد محمد بشير Date: 06-07-2010, 07:59 PM Parent: #1
Post: #40 Title: Re: في المنبر كم محمود كذاب ؟ Author: احمد محمد بشير Date: 06-07-2010, 08:06 PM Parent: #38
بوستيك ده كلوا تساؤلات ....... هل , هل , هل , هل قصد من الاشاعه إلخ
الإشاعة الاخيرة ما عملت أي شي , بل ضغطت علي الجلاد و أثبتت إنو العالم متابع البيحصل في سجون الجبهه .. وقع ليك؟
بعدين في إشاعة إنطلقت من خرطوم , بموت أحد من الاغنياء قبل فترة عملتو للبورادبي المِن الخرطوم الاطلق الإشاعة شنو ؟؟ مش برضو كانت إشاعة , زي حقت د/ الهادي الخلتك تكتب في الموضوع ده !!
تحياتي..
Post: #41 Title: Re: في المنبر كم محمود كذاب ؟ Author: وليد محمد المبارك Date: 06-07-2010, 08:58 PM Parent: #40
يا سيد
Quote: بوستيك ده كلوا تساؤلات ....... هل , هل , هل , هل قصد من الاشاعه إلخ
اها وبعد داك انت عاوز تقول شنو من الاخر
Quote: وقع ليك؟
لالا ما وقع كيف العالم متابع سجون الجبهة هي سجون مفتوحة يعني يعني اي زول ممكن يزور ويقابل عااااادي طيب ده مامعتقل السرور البتجيب خبر معتقلنه انت من جواه عااااااااااااااااااادي
Quote: بعدين في إشاعة إنطلقت من خرطوم , بموت أحد من الاغنياء قبل فترة عملتو للبورادبي المِن الخرطوم الاطلق الإشاعة شنو ؟؟
ولا بنعمل ليه
Quote: مش برضو كانت إشاعة , زي حقت د/ الهادي الخلتك تكتب في الموضوع ده !!
لالا ما كانت زيها اها الفهم شنو ؟
تحياتي انا برضو
Post: #47 Title: Re: في المنبر كم محمود كذاب ؟ Author: Abdelmuhsin Said Date: 06-07-2010, 10:04 PM Parent: #41
وليد سلامات فى ناس كدا المفروض تجليها و ما بستاهلو انك تضيع من وقتك دقيقة معاهم
Quote:
ومكي ده لو مكي بتاع جبال الروكي .. يا زول ده ما شغال بيكم الشغلة موضوعوا كله الصور
Post: #48 Title: Re: في المنبر كم محمود كذاب ؟ Author: Abdelmuhsin Said Date: 06-07-2010, 10:08 PM Parent: #47
Quote:
تحياتي انا برضو
Post: #60 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 09:38 AM Parent: #47
Quote: وليد سلامات فى ناس كدا المفروض تجليها و ما بستاهلو انك تضيع من وقتك دقيقة معاهم
حبيبنا عبد المحسن
نصيحة مقدرة يا حبيب
بس نسوي شنو انها الكرومسومات
Post: #49 Title: Re: في المنبر كم محمود كذاب ؟ Author: Amjed Date: 06-07-2010, 10:39 PM Parent: #41
وليد سلامات
فعلاً انا نشرت انو في انباء قوية عن وفاة دكتور الهادي في المعتقل و طلبت من كل من يستطيع التحرك التحرك لمساعدتنا نحن اصدقائه و زملائه و اسرته للاطمئنان على صحته و ممكن علاء يرجع للكلام الانا كتبتو بالضبط في البوست دا انباء عن أغتيال الدكتور الهادي بخيت في المعتقل و في اليوم القبالو فتحتا بوست برضو عن التعذيب الذي تعرض ليهو دكتور الهادي ونقله للمستشفى فاقداً للوعي و اعادته قبل اكمال اسعافه .
و الكلام دا انا كتبتو و اسرتو عارفاهو بتسعى للاطمئنان عليهو معانا سعي الحافر بالحافر و الانباء بالطبع وردت من اطباء و الغرض من نشرها هو مناشدة كل من يستطيع التحرك للتحرك و نعتقد انو المناشدة دي اسفرت عن تحركات ادت لزيارة اليوم الصباح دي اكثر من كدا يا وليد لا يملك الاخرون في الهادي بالذات اكثر منا ليدلون على سبيل السعي لحمايته و توفير معلومات موثوقة عنو على الاقل ضمان وجودو على قيد الحياة بعد التعذيب الاتعرض ليهو خلال وجودو في اعتقال غير شرعي و حرمانه من حق الحياة الطبيعية و جهاز الامن عندنا التجربة معاهو بتصفية طبيب داخل المعتقل بالتعذيب ثم محاولة لملمة الموضوع و تجارب كثيرة بر ضو مع اخرين غير اطباء كنا نتظر نحنا و اسرتو لمن الهادي يحصل ليهو حاجة و بعداك نبدأ نتحرك الهادي اتعرض لتعذيب شديد و من داخل جهاز الامن وردت المعلومات التي وردت و التي كشفت تعذيبو و لكنها لم تقطع الشك باليقين في بقاءه على قيد الحياة
Post: #50 Title: Re: في المنبر كم محمود كذاب ؟ Author: الفاتح سليمان Date: 06-07-2010, 10:46 PM Parent: #49
الاخ وليد لك التحية الزميل امجد لك الشكر علي الكلام الواضح والصريح والتوصيفي للكان حاصل معاكم
Quote: وليد سلامات
فعلاً انا نشرت انو في انباء قوية عن وفاة دكتور الهادي في المعتقل و طلبت من كل من يستطيع التحرك التحرك لمساعدتنا نحن اصدقائه و زملائه و اسرته للاطمئنان على صحته و ممكن علاء يرجع للكلام الانا كتبتو بالضبط في البوست دا انباء عن أغتيال الدكتور الهادي بخيت في المعتقل و في اليوم القبالو فتحتا بوست برضو عن التعذيب الذي تعرض ليهو دكتور الهادي ونقله للمستشفى فاقداً للوعي و اعادته قبل اكمال اسعافه .
و الكلام دا انا كتبتو و اسرتو عارفاهو بتسعى للاطمئنان عليهو معانا سعي الحافر بالحافر و الانباء بالطبع وردت من اطباء و الغرض من نشرها هو مناشدة كل من يستطيع التحرك للتحرك و نعتقد انو المناشدة دي اسفرت عن تحركات ادت لزيارة اليوم الصباح دي اكثر من كدا يا وليد لا يملك الاخرون في الهادي بالذات اكثر منا ليدلون على سبيل السعي لحمايته و توفير معلومات موثوقة عنو على الاقل ضمان وجودو على قيد الحياة بعد التعذيب الاتعرض ليهو خلال وجودو في اعتقال غير شرعي و حرمانه من حق الحياة الطبيعية و جهاز الامن عندنا التجربة معاهو بتصفية طبيب داخل المعتقل بالتعذيب ثم محاولة لملمة الموضوع و تجارب كثيرة بر ضو مع اخرين غير اطباء كنا نتظر نحنا و اسرتو لمن الهادي يحصل ليهو حاجة و بعداك نبدأ نتحرك الهادي اتعرض لتعذيب شديد و من داخل جهاز الامن وردت المعلومات التي وردت و التي كشفت تعذيبو و لكنها لم تقطع الشك باليقين في بقاءه على قيد الحياة
Post: #51 Title: Re: في المنبر كم محمود كذاب ؟ Author: الشفيع عوض شوشتا Date: 06-07-2010, 10:55 PM Parent: #50
ومن مصادر مختلفة وقبل بوست امجد يا وليد سمعت باشاعة وفاة د.الهادي اعتقدان هنالك جهة روجت للخبر لتوجيه رسالة معينة للأطباء المضربين
------- سلام يا وليد عساك طيب
Post: #52 Title: Re: في المنبر كم محمود كذاب ؟ Author: ناصر المحسى Date: 06-07-2010, 11:52 PM Parent: #51
ياوليد مشتاقين كيفك انت مصدر الاشاعة من جهاز الامن لمعرفة رد الفعل اذا تم تصفيته يا وليد الانتخابات كيف؟
Post: #53 Title: Re: في المنبر كم محمود كذاب ؟ Author: saif massad ali Date: 06-08-2010, 00:28 AM Parent: #52
Post: #54 Title: Re: في المنبر كم محمود كذاب ؟ Author: ABUHUSSEIN Date: 06-08-2010, 05:39 AM Parent: #53
حكومة و معارضة الإثنين كذابين و منافقين و دجالين الله إريحنا منهم الإتنين
Post: #55 Title: Re: في المنبر كم محمود كذاب ؟ Author: Faisal Elrasheed Date: 06-08-2010, 06:46 AM Parent: #54
Quote: انت شنو يا زول مشخت لينا ؟
يا شفت والله بطاحات الشوق واقفه في التفتيش .. لكن يا عمك الواحد بقي يجي المشتل ده من الصباح يلقي الناس دي تشيل وتشتل لمن عملو لينا فلايت .. ياخ والله الناس ديل وصلو مرحله في القاموس مافي .. بعدين حاول ان تفتح هاتفك المحمول ياخ
الله كريم ..
Post: #56 Title: Re: في المنبر كم محمود كذاب ؟ Author: ابراهيم الرشيد عبدالرحمن وراق Date: 06-08-2010, 07:43 AM Parent: #55
الاخ وليد
السلام عليكم
Quote: كل الاعتقلات يفترض ان تتم بالشرطة .. يعد داك لو القضية كبيره يحولوه محل ما عاوزين باذن القاضي والمحكمة
ده المطلوب باختصار, وبكده يتقفل باب ممكن يجيب بلاوى لكل الاطراف.
تحياتى
Post: #75 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 01:03 PM Parent: #56
الاخ الرشيد حبابك
Quote: ده المطلوب باختصار, وبكده يتقفل باب ممكن يجيب بلاوى لكل الاطراف.
يديك العافية
Post: #57 Title: Re: في المنبر كم محمود كذاب ؟ Author: almulaomar Date: 06-08-2010, 07:47 AM Parent: #55
هناك فرق مقدار ما بين محمود الكضاب ومحمود الفاكيها في نفسو ، فالأول عمل فيها مقددا وأسرع من العداء الجامايكي يوسين بولت وشاغل النمر وقال عايز يجري منو أها قام إتلحس وأتمزمز وإتمصمص كمان وشوية التراب اللقوهو ناس المعامل الجنائية يا دوووووب مكنهم من دفنه في علبة كبريت كل دا بفضل الـ DNA والغربال وشوية التراب محل الوليمة. أما محمود التاني دا المصيبة ودا لو لقيت ليك ثعبان من نوع كوبرا ولا مامبا سوداء أو حتى أناكوندا تدخلها ليهو تحت الفنيلة وبعد ده تمحطو بي سوط أو ترشو بي مويه ، لأنه النوع دا سياسي إجتماعي رياضي ثقافي زي نادي جمعية سيمت ببحري وهو النادي الذي كان يحمل هذه اللافته عشرات السنين وكل النشاط الذي كان يٌمارس فيه حينها هو لعب الكوتشينه ومشاهدة التلفزيون والبوفيه بتاع الشاي والقهوة. الكثير من الأعضاء هنا يعتبر أن إنضمامه لعضوية سودانيز أونلاين حاجه كده زي العضوية في الإتحاد العام للأدباء والكٌتّاب فيلطش من هنا ويلصق هنا ويهيج فتراه مصفراً في مداخله وينسي فيتحول للون زينب وهو الذي إكتسي باللون الكستنائي في آخر مداخلة له في الصفحة التانيه أها دا أنا شايف نسميهو محمود الحربويه "الحرباء" لمقدرته على التلون يعني تقدر تقول عليهو محمود جرافيكس أو محمود كولورز بلغة العصر. لا شك في أن الإشاعة سلاح فتاك حارب به المشركون الأنبياء والرسل وهي أكيد لها غايات من إطلاقها وأضرارها في حدها الأدني تتمثل في الفتن ، وهناك معلمين كبار يخططوا لمثل هذه الأمور ويروجو لها من وراء حجاب عن طريق الرجرجه والغوغاء وهم مثل في الحته دي زيهم وزي الغنماية البترضع نفسها وركبو ليها علبة فورموست أو تانك family size في عنقها فلا طالت اللبن ولا عرفت تحك جلدها بقرونها. أقبل إشاعه تقول أن سادومبا إنتقل للموردة أو المريخ يشطب موسى الزومه من كشوفاته لكين موت فلان "متعه الله بالصحة والعافية" أو عمدة حي الزهور فدي فيها ما فيها وهي غير مقبولة وليست هناك وسيلة لتبريرها.
Post: #58 Title: Re: في المنبر كم محمود كذاب ؟ Author: السيد المسلمي Date: 06-08-2010, 08:26 AM Parent: #57
Quote: أقبل إشاعه تقول أن سادومبا إنتقل للموردة أو المريخ يشطب موسى الزومه من كشوفاته لكين موت فلان "متعه الله بالصحة والعافية" أو عمدة حي الزهور فدي فيها ما فيها وهي غير مقبولة وليست هناك وسيلة لتبريرها.
Post: #61 Title: Re: في المنبر كم محمود كذاب ؟ Author: Faisal Al Zubeir Date: 06-09-2010, 09:54 AM Parent: #58
محمود الكذاب،طه القرشي مريض، مريم الشجاعة.
وهذا جزء من التاريخ السياسي والتربوي ينبغي قراءته بعين فاحصة.
...مجرد ملاحظة وليست لها صلة بسياق الخيط او المعنيين بالامر!
Post: #78 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 01:29 PM Parent: #61
فيصل الزبير
فعلا قبل كده الموضوع ده انفتح
محمود الكذاب ، وطه وكمان القرشي ، ومريم الشجاعة
كمان النظافة من الايمان الحديث الاول في الصف الاول ..
Post: #76 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 01:15 PM Parent: #57
Quote: أقبل إشاعه تقول أن سادومبا إنتقل للموردة أو المريخ يشطب موسى الزومه من كشوفاته لكين موت فلان "متعه الله بالصحة والعافية" أو عمدة حي الزهور فدي فيها ما فيها وهي غير مقبولة وليست هناك وسيلة لتبريرها.
صحيح يالملا عمر صحيح
Post: #74 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 12:56 PM Parent: #55
Quote: بعدين حاول ان تفتح هاتفك المحمول ياخ
مهم يا معلم مهم خليني اتجدع لحدي ما تنتهي الانتخابات
Post: #71 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 12:21 PM Parent: #54
Quote: حكومة و معارضة الإثنين كذابين و منافقين و دجالين الله إريحنا منهم الإتنين
في دي عندك 100 حق
يا ابو حسين
Post: #67 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 11:22 AM Parent: #53
سيف مساعد ازيك
Post: #66 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 11:05 AM Parent: #52
يا محسي اخبارك
فعلا الخبر سرب بصورة مريبة
الانتخابات نتيجتها بكره مطوها وكت لقوا مافي اقبال
Post: #65 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 10:57 AM Parent: #51
Quote: ومن مصادر مختلفة وقبل بوست امجد يا وليد سمعت باشاعة وفاة د.الهادي اعتقدان هنالك جهة روجت للخبر لتوجيه رسالة معينة للأطباء المضربين
يا شوشتا انا وكت فتحت البوست ده ما كنت حاضر حين فتحت بوستات تفيد بموت الدكتور جيت تاني يوم لقيت ملوين بوست عن خبر موته
استنيت 3 ساعات لحدي ما يتاكد لي خبر موته فاتي خبر التكذيب يعني وكت فتحت البوست ده لم اكن اعلم من هو اول من فتح بوست لخبر موته
المهم تسريب خبر موته ده سرب لغرض ما من جهة ما كما تفضلت
___________
انا تمام يالشفيع كيف انت ؟ ان شاء الله عوافي
Post: #63 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 10:47 AM Parent: #50
مرحب دكتور الفاتح سليمان
ان شاء الله الامور ظابطة والرحلة موفقة
عوافي
Post: #62 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 10:24 AM Parent: #49
المهم خلاصته انا ما ملومك في التحرك لخلاص د. الهادي انا ملومك في التسرع ونشر اخبار غير موثوقك ... وخاصة وانه مافي زول عنده في الهادي اكتر منكم كما تفضلت
ما سالت نفسك له الامن سربت اخبار تعذيب الهادي وتكتم على حالته الصحية ؟؟ مع انه الافضل للجهاز انه يسرب اخبار عن صحته ويتكتم على اخبار تعذيبه
!!!!!!!!!!!!!!!!!!!!!!!!!!!!!!!!!
ده معانتا واحد من الاتنين يا انه الامن سرب الاخبار عن قصد وده بعني انه في وسطكم في غواصات او انه تسربت غصبا عنه وده بعني انه في جهاز الامن عندكم غواصات
وانا برجح الاولى
Post: #64 Title: Re: في المنبر كم محمود كذاب ؟ Author: عبد القادر حسن الحبيب Date: 06-09-2010, 10:51 AM Parent: #62
كتب : محمد ابراهيم علي
Quote: سعادة to be نائب انت مش عندك انتخابات المقعدك هنا شنو لووووول
تحليل ربما يكون صحيحا او خطا الاشاعة قصد بها مروجها الضغط على جهاز الامن واتت اكلها فبعد ان كان جهاز الامن يماطل في اهل المعتقلين سمح لهم اليوم بزيارتهم ما حدث اليوم اثبت انها تكتيك جيد فاشاعة انهم توفوا داخل المعتقل لا يمكن نفيهاببيان ولكن بالسماح لاهل المعتقل بزيارته والتأكد من انه حي يرزق الشيوعيين كسبوا هذه المعركة واثبتوا انهم بعرفوا تكتيك ولعب ضاغط كويس بعد تسربت انباء عن ان دكتور الهادي تعرض لتعذيب قاسي وغير انساني ويعاني من حالة فقدان للوعي فكان لابد من طرقة يضغط بها على جهاز الامن
العنوان غير موفق : في راي النمر موجود ويصطاد يوميا مرة صحفي ومرة زعيم حزب ومرة طبيب
منطق عجيب !!! ، وفيه اقرار بان الحزب الشيوعي السوداني يقف خلف هذا الاضراب، وهذا ياكد ان هذا الاضراب الذي يقف خلفه الشيوعي وتوابعه هو اضراب سياسي في المقام الاول وليس مطلبي كما يقول بذلك منظموه... نضال الاطباء نضال مشروع ، ولا ينبغي ان يجير لصالح مصلحة سياسية لجهة اياً كانت
Post: #68 Title: Re: في المنبر كم محمود كذاب ؟ Author: الفاضل يسن عثمان Date: 06-09-2010, 11:36 AM Parent: #64
كتب almulaomar
Quote: إجتماعي رياضي ثقافي زي نادي جمعية سيمت ببحري وهو النادي الذي كان يحمل هذه اللافته عشرات السنين وكل النشاط الذي كان يٌمارس فيه حينها هو لعب الكوتشينه ومشاهدة التلفزيون والبوفيه بتاع الشاي والقهوة.
معلوماتك عن النادي الاجتماعي لابناء جزيرة سيمت بحي المزاد شمال، ان كنت تقصد. ضحلة، وتتشابه مع ذلك الذي يفتي بما لايعلم. فالنادي الاجتماعي المذكور، لديه فائده جدوي، لابناء الجزيرة، التي لا اظنك تعرفها اين تقع ولمن تتبع، يقأم فيه افراحهم واتراحهم، ويتقابلون فيه لمناقشة اوضاعهم وهمومهم، ويأؤي اليه كثير من عابري السبيل ثم ماهي مقاييس انشاء وادوار الاندية رعاك الله، في عرفك، فالخواء يضرب انحاءها وتلك التي تقع تحت اشراف سلطات السجم والرماد. اما نادي ابناء سيمت فهو خيري قام علي اكتاف ابناءها وميزانيته من جيوبهم،لك ان تقتبس ماشئيت فقط عليك ان تتحري الامانة و تبتعد عن الضحالة في ذلك.
مودتي لصاحب البوست
Post: #69 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 11:43 AM Parent: #68
يالفاضل احتمال اجي حلتكم قريب
لاذم نتقابل المرة دي ما تملحني زي كل مرة
Post: #70 Title: Re: في المنبر كم محمود كذاب ؟ Author: Amjed Date: 06-09-2010, 12:21 PM Parent: #69
وليد سلامــات طيب يا سيدي انا فاهم وجهة نظرك تماماً في وضع احتماليات التحرك عندما يحدث الاسوأ الذي لا نتمنى له بالطبع كلنا الحدوث و عشان اختك في الصورة تماماً القصة لا فيها غواصات و لا يحزنون القصة انو وردت اخبار متعددة من اطباء و من اخرين لا زال بهم بقايا خوف على حياة الناس او غضب من اسلوب تعامل السلطة مع الموضوع بتصف تفاصيل التعذيب الذي تعرض له الهادي و الغيبوبة المتكررة الاتعرض ليها و ادت لنقله لمستشفى معين و منعت نفس الجهة الجابتو اكمال علاجو و حتى اكمال فحوصات تشخيصو (صورة الرأس المقطعية) باعتبار انو الاطباء حيتعاطفو مع بعض و يطولو الشغلة في حين انو علامة الغيبوبة المتقطعة نحن كاطباء عارفين هي بتعني شنو لشخص مصاب بالرأس اول يوم تاني يوم على نفس المنوال بدأت نفس المصادر في تسريب عودته للمستشفى منع لقاء الاطباء العاديين ليهو و المعلومة اتأكدت بأكتر من طريقة ثم اكدها هو نفسه عند لقاءه بزوجتو (راجع حوارها مع الجزيرة نت) ثم جاءت الانباء عن وفاته بين قاطع بيها و بين متردد في انو is dying و دا برضو مصطلح طبي غير مرفوض علمياً و دا الكلام الان كتبتو بالضبط و دي وظيفة المنبر في خلق رأي عام مؤثر الاخبار الانا نقلتها هي أخبار موجودة بالفعل و تتفق مع طبيعة لسلطة و ما تعودناها منها و سعيت بنشرها لمناشدة أي جهة قادرة على التحرك التحرك و الضغط للتأكد من حالته و بالتالي الضغط ضمناً لايقاف التعذيب الذي يتعرض له و دا ممكن يكون انعكاس شرطي بسيط و واضح لما ظل الناس يتعرض ليهو داخل المعتقلات و دا الحصل بل و اكثر تم اسعافه بصورة اكثر انسانية و كاملة سمحت له بمقابلة ذويه تاني يوم على الاقل واقف على رجلينو انا ما نشرت نعي للهادي و امنيتي من واقع البيني و بينو انو يعملا لي هو ما أنا و الحصل انو على الاقل اطمئننا على حالتو في اليوم داك و ان كان من بؤس اللغة اني ما القا لفظ تاني اقول عن زول في المعتقل و عموماً اهي السلطة بتواصل في نفس منهجها التعذيبي دا هو زول معتقل و بيعذبو فيهو و بتجي اخبار عن انو مات و ما دايرين على الاقل نشك في انو الاخبار دي صاح ما بتجي ولا شنو و الحاجة التانية يا وليد انو التثبت من سلامة الهادي ببقائه على قيد الحياة تم بعد حوالي 24 ساعة من انتشار الاخبار دي قضينا فيها ليلة نابغية بين مطاولات جهاز الامن وبين مساككة من يسستطيع التحرك و لا يريد و بين يبحث عن طريقة للتحرك و اعتقد اننا و لو لحد ما نجحنا على الاقل نقلوهم من الحتة الهم فيها جابوهم كوبر باطلب منك قبل مواصلة النقاش مراجعة كلامي بالضبط هنا انباء عن أغتيال الدكتور الهادي بخيت في المعتقل
Post: #73 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 12:47 PM Parent: #70
Quote: متأثراً بالتعذيب الذي ظل يتعرض له منذ يوم الثلاثاء بعد اعتقاله ثم دخوله في غيبوبة مستمرة منذ يوم الخميس رجحت معلومات متعددة من داخل الجهاز انه اما توفي او في الرمق الاخير مناشدة لكل من يستطيع التحرك او الاتصال او الضغط بالعمل على التأكد من سلامة الهادي
مرحب تاني امجد عاليه اول مداخلة في البوست الحولتني ليه
اشرح لي ده معناتو شنو ؟
Quote: رجحت معلومات متعددة من داخل الجهاز
ما سالت نفسك لي رجحت معلومات عن انه مات من داخل الجهاز يعني ناس الجهاز المعتقلنه هامين للدرجة دي انهم يوصلوا ليكم تعزية خبر موته ؟؟؟
المعلومات الوارده من داخل الجهاز الذي اعتقل الدكتور لابد من تمحيصها وتفتشها قبل نشرها .. تعلم يا امجد تماما مقدار التعاطف الذي كانت ستجده القضية لو فعلا كان دكتور الهادي مات .. اها الان شغلكم الجهاز بموته فاصبح سقف الطموحات عدم موت معتقل .. والباقي هين .. مع انه ما هين ولا حاجتين
ثم واصل الجهاز اعتقال البقية بعد ان اصبح امر الاعتقال هين قياسا بالموت المحتمل .. ولا ينفعل به بنفس الدرجة
الاشاعة فن يا امجد احد اسبابها المدروسة ... تهيئة الرائ العام لاحتمال اكبر تتقاصر دونه الوقائع وهذا ما حدث هسع بوستاتك حقت اعتقال البقية .. لن تجد لها سوق في نفس هذا المنبر الذي قلت عنه : و دي وظيفة المنبر في خلق رأي عام مؤثر
قبل اشاعة موت د. الهادي كان الانفعال مع الاعتقلات على اشده هسع انت رافع بوست اعتقال الانفعال بيه هل كان في مستوى الانفعال ببوستات الاعتقال قبل خبر الموت ؟!
اعتقال الدكتور احمد عبد الله ... عضو لجنة الاضراب
المداخلات 6 المشاهدات 233 ما سالت نفسك ليه ؟
Post: #72 Title: Re: في المنبر كم محمود كذاب ؟ Author: الفاضل يسن عثمان Date: 06-09-2010, 12:29 PM Parent: #69
وليد الشفت:
Quote: لاذم نتقابل المرة دي ما تملحني زي كل مرة
مراحيب وتشريفات، تعال حصل حفلات الشواء التي يقوم بها صاحبك وقبل ما الصيف يودع وعمك رمضان في نصه. ليك علي واحده خاصة بتشريفك لينا، ومش في البيوت، بل احدي الحدائق، حتي تجمع حضورك والماء والخضر ويا حلاوة لو ظعمتنا الرشاشات يوم بكره. وماتنسي المعلوم بتاع سوق الجلود.
مودتي للابناء
Post: #77 Title: Re: في المنبر كم محمود كذاب ؟ Author: Asim Fageary Date: 06-09-2010, 01:25 PM Parent: #72
Quote: محمود الكذاب،طه القرشي مريض، مريم الشجاعة.
وهذا جزء من التاريخ السياسي والتربوي ينبغي قراءته بعين فاحصة.
...مجرد ملاحظة وليست لها صلة بسياق الخيط او المعنيين بالامر!
الأخ / فيصل الزبير
ملاحظة خطيرة
والحمد لله إننا بنؤمن بمحمد وعيسى وكل الأنبياء
مع تحياتي
عاصم فقيري
Post: #80 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 02:54 PM Parent: #77
اسعدنا مرورك اخ عاصم
Post: #79 Title: Re: في المنبر كم محمود كذاب ؟ Author: وليد محمد المبارك Date: 06-09-2010, 02:48 PM Parent: #64
مرحب عبد القادر حسيب
Quote: لا ينبغي ان يجير لصالح مصلحة سياسية لجهة اياً كانت
