Post: #1
Title: طال الليل للمساهر - ذكريات قريبة لمصطفي سيد احمد
Author: Mutwali Malik
Date: 06-05-2010, 03:56 PM
لك الرحمة ابا سيد احمد وسامر ونفتقدك كثيرا في زمن الحل والترحال
وبصوته قال في كلام كثير مابقولو كيتن عليك يابدرالدين.
اهه ياود الامير دايرين نسمع الكلام الكثير دا ونحن معاك
">
|
Post: #2
Title: Re: طال الليل للمساهر - ذكريات قريبة لمصطفي سيد احمد
Author: saadeldin abdelrahman
Date: 06-05-2010, 04:30 PM
Parent: #1
و أصبح ما ليهو آخر..
كان - رحمه الله - جميلا حتى في سرده
شكرا أخي Mutwali
|
Post: #3
Title: Re: طال الليل للمساهر - ذكريات قريبة لمصطفي سيد احمد
Author: بدر الدين الأمير
Date: 06-05-2010, 05:56 PM
Parent: #2
متولى مالك
رعى الله تلك الامسيات
هذه الجلسة كانت بمنزل صديقنا العزيز عصام على
وهي على شرف صديقى رفيق الصبا الراحل دكتور محمد
الطيب محمد منصور ذهبنا تلبية لدعوة عشاء من عصام
ولم يكن في البال ان يغنى مصطفي وكان اليوم خميس
وصلنا وكان بوخ الشواء يملأ المكان وكان الحضور
مسعود محمد على وابن توتى سمير جابر (الجنوبى الشمالى)
ومحمد مسكور (الارترى السودانى) وجمال عاصقيل وانور ابوبكر
وعبدالمنعم الفكي وعازف البيز عبدالماجد وعصام ابراهيم
وشخص اخر من اقرباء جمال عاصقيل واثناء الونسة لمح مصطفى
عود في مجلس عصام قام وشال العود علق عصام يا استاذ دا
عود ما نافع واوتاره ناقصة لم يهتم مصطفى لكلام عصام وبدأ
في دوزنة العود وحين انتهى مصطفي من الدوزنة طلب مني الاخ
محمد مسكور تقديم الجلسة والتوثيق للحضور وبعدها طلب دكتور
محمد الكلمة تحدث طويلا عن حبه وعشقه الخرافي لمصطفى وانه في
حياته لم يقتنى شريط لفنان غير مصطفي و حتى هذه اللحظة ما مصدق
انه في حضرة مصطفى بل وتحدث عن زملاء له من الاطباء في احد الستشفيات
بالسعودية انه حين ياهتفهم ويحكى لهم انه عايش مع مصطفي بل وان مصطفي
بتكيف للشاى من يده مابصدقوه وبعد ان انهى محمد كلمته طلب من مصطفي ان
يغنى له اغنيت الحزن النبيل وبعدها طلب عبدالماجد من مصطفي ان يغنى اغنية
طال الليل للمساهر بداء مصطفي يتحدث عن ذكرياته مع هذه الاغنية في بورسودان
وايام الصبا في مدرسة بورسودان الثانوية وقبل ان يواصل الحكي عن تلك الذكريات
قام بتوقيف التسجيل قمت انا بتشغيل المسجل وقلت لمصطفى وبشىء من الحماقة اي
كلام تقولو يامصطفي بجب ان يوثق له ضحك مصطفي وقال وهو يواصل سرده عن اغنية طال
الليل وذكرياته مع بورسودان وزملاء الدراسة بس هناك كلام كتير بتحفظ ومابقولو كيتا
عليك يابدرالدين والكلام الذى قاله مصطفي في تلك الامسية عن بورسودان وكيف ذهب لدراسة
المرحلة الثانوية في بورسودان طويل ومثير اوردته بتفاصيله في كتابى ( المحطة الاخيرة
لمصطفي سيد احمد ـ حقائق وذكريات ) اتمنى ان يرى النور قريبا ام الصورة التى تصاحب
هذه الاغنية هي لجلسة اخرى كانت بمنزل الشاعر الراحل مؤسس مدرسة الغابة والصحراء ابى
في المعرفة النور عثمان ابكر ولتلك الجلسة حكاية اخرى وايضا العود في منزل النور كان
موجود بالصدفة وبجيك راجع لانفعلات محمد مسكور مع اغنية وضاحة حين طلبها من مصطفي في جلسة
منزل عصام بمصاحبة ايقاع الطبلة لعازف الايقاع عبدالمنعم والفكى والطبلة برضو كانت موجودة
في منزل عصام
|
Post: #4
Title: Re: طال الليل للمساهر - ذكريات قريبة لمصطفي سيد احمد
Author: Mutwali Malik
Date: 06-05-2010, 07:37 PM
Parent: #3
لك شكري الجزيل اخي سعدالدين عبدالرحمن وخليك قريب.
بدرالدين يا امير الحسن ياسامي المكانة
انتباه تعظيم سلام ...... خفوت وتربيع يدين
في انتظار البوح عن ايام صفانا ومصطفانا في دوحة الجميع.
|
|