فيصل نوبى....وينك?

Post: #1
Title: فيصل نوبى....وينك?
Author: smart_ana2001
Date: 06-04-2010, 10:42 PM

صديقى نوبى بيختفى زماااان و يظهر.
المرة دى قلت اسال عنه.....

و ينك يا نوبى يا صديقى ?
Lost & 24 انتهوا ...
و Burn Notice & Royal Pains بدات اجزاءها الجديده.
Avatar نزل DVD
و ال iPhone الجيل الرابع ح ينزل الاسبوع الجاى
و مظاارات المعيار انفضت ....حتى اللساتك المحروقة (يومين تلاته بالكتير )و يشيلوها من الشارع.

Post: #2
Title: Re: فيصل نوبى....وينك?
Author: على محمد على بشير
Date: 06-04-2010, 11:28 PM
Parent: #1

والله يا اختنا العزيره

البوست دا ختفتيهو من كيبوردى
ومعالى اتسائل

اين انت ايها الرائع نوبى ؟
وخلينا نشوفك قبل العاشر من يونيو
‏ لانو بعدها انا عارفك ح تدخل فى بيات شتوى

ويا اخوانا العندو تلفون نوبى يشد ليهو سلك وينوبكم ثواب

Post: #3
Title: Re: فيصل نوبى....وينك?
Author: معروف حمدين
Date: 06-05-2010, 00:19 AM
Parent: #2

نسأل معكم أين أختفي هذا الأنسان الرائع ؟؟؟؟

Post: #4
Title: Re: فيصل نوبى....وينك?
Author: وجن
Date: 06-05-2010, 01:30 AM
Parent: #3

قااااااااااااعد يلعب ساي في
وش الكتاب بهناك
عامل ليو حواشات وجزيرة كنوز
وماشاء الله خلاص بقى من اصحاب الاملاك

ازيكم عساكم طيبين

Post: #5
Title: Re: فيصل نوبى....وينك?
Author: اشرف السر
Date: 06-05-2010, 01:47 AM
Parent: #4

نطالب بعودة مزارع وش الكتاب
فورا

Post: #6
Title: Re: فيصل نوبى....وينك?
Author: ناذر محمد الخليفة
Date: 06-05-2010, 08:14 AM
Parent: #5

Quote: و ينك يا نوبى يا صديقى ?

Post: #7
Title: Re: فيصل نوبى....وينك?
Author: هند محمد
Date: 06-05-2010, 08:30 AM
Parent: #6

الاخ فيصل نوبي عساك بخير وعافية

تسلمي اختنا سمارت

Post: #8
Title: Re: فيصل نوبى....وينك?
Author: Sana Khalid
Date: 06-05-2010, 09:51 AM
Parent: #7

Quote: و مظاارات المعيار انفضت ....حتى اللساتك المحروقة (يومين تلاته بالكتير )و يشيلوها من الشارع

___________________________________

سمارتوز..

البركة في خبر نهاية 24 و Lost

أمشي جيب الأخيرات ديل .. زمان ما بأقدر أستنى ينزل الجديد.. بعدين التكرار قرب يفقعني!

غايتو Prison Break وقت انتهى أنا فرشت.. على (سكوفيلد) طبعاً!

النشوف جاك باور اللي لا بينوم لا بيجوع لا بيعطش.. لا بيمشي (التواليت) يا قول صاحبنا.. بيموت!!

Post: #9
Title: Re: فيصل نوبى....وينك?
Author: Sana Khalid
Date: 06-05-2010, 09:59 AM
Parent: #8

و سلام لنوبي لما يظهر..!

___________

سمارت..

جايين؟

Post: #10
Title: Re: فيصل نوبى....وينك?
Author: محمد عبد الماجد الصايم
Date: 06-05-2010, 10:01 AM
Parent: #8

نوم الظالم عبادة!

Post: #11
Title: Re: فيصل نوبى....وينك?
Author: GamarBoBa
Date: 06-05-2010, 10:01 AM
Parent: #7

اي والله...سائلين منه
عساه بخير

Post: #12
Title: Re: فيصل نوبى....وينك?
Author: smart_ana2001
Date: 06-07-2010, 08:08 PM
Parent: #11

سلامات على محمد على بشير....
كلنا ج نختفى من يوم عشرة...بس قلنا نفقدوا قبل كده

سلامات معروف حمدين ...شكرا جزيلا

وجن ....حمد لله على السلامة ....
و الله انا وش الكتاب ده عمل لى وجع وش...لكن بحاول امشى انكتوا من هناك.

اشرف السر ...قالوا ليك بقى من اصحاب الاملاك ...عديل كده.

ناذر محمد الخليفة ...انت ذاتك مختفى....وينك?

شكرا هند محمد ...و يديك العافية.

سناء....و ينك ? فتحتى لينا فى بوست الاى فون و بوست الامهات....و اتفرغتى للمعيار.
و بخصوص جايين ام لا...صديقتى اليابانية اللى احنا مضهبين فيها الboyfriend بتاعها اتخرج من الماجستير و ما لاقى شغل. ح نفوم نرجاه لحدى ما يشتغل بعدين نجى نتفسح. عشان زولته دى ما عاوزه تجرح شعوره. و هو حقيقى ولد لطيف...و ح يكون مكسب لو جاء معانا. الخلاصة....راجين واحد صاحبنا يلقى job ....دعواتك

محمد عبد الماجد الصايم ....
شنو يا ود الصايم يا اخى ??? نوبى ده صحبى و ما برضى فيه.

GamarBoBa ...يسال عنك الخير....و شكرا جزيلا

نوبى....وينك يا اخى???
يعنى بالجد اسال منو فى وش الكتاب???

Post: #13
Title: Re: فيصل نوبى....وينك?
Author: Rawia
Date: 06-07-2010, 08:50 PM
Parent: #12

سمارتي سلامات كتار

نوبي دا اليومين ديل مفتون ليهو في لعبة جديدة
أديهو يومين تلاتة وحيملها ويرجع
في وش الكتاب

Post: #14
Title: Re: فيصل نوبى....وينك?
Author: Amany Elamin
Date: 06-07-2010, 10:09 PM
Parent: #13

سمارت ازيك ومشتاقين,,
نوبي قاااااعد في الفيسبوك,
وعذب ال (FarmVille) عذاب هههههه
بني ليهو مدينة أحلام كااامله بهناك واحتمال يرحل فيها هو ذاتو بعد شويه لوووووول

غايتو بنناديهو معاك شويه,
يانوبي كأس العالم جاء,
بحرس ليك المزرعه من المفترسات, وكان حيواناتك هربت برجعهم ليك لوووول
جفف المحصول شويه وتعال شوف الحاصل هنا,

أظهر وبان عليك الأمان,

Post: #15
Title: Re: فيصل نوبى....وينك?
Author: haider osman
Date: 06-07-2010, 10:40 PM
Parent: #14

مؤتمر ابل **الاعلان عن ايفون 4 **

Post: #16
Title: Re: فيصل نوبى....وينك?
Author: الشفيع عوض شوشتا
Date: 06-07-2010, 10:59 PM
Parent: #15

آخر عهدي بالزول ده قبل اسبوعين في مكالمة
قال بيرجع لي بعد ربع ساعة ..
ينوبكم صواب كلمو الزول ده لو لميتو فيهو يرجع لي خصوصا وان أمر اتصالي به مهم للغاية

Post: #17
Title: Re: فيصل نوبى....وينك?
Author: smart_ana2001
Date: 06-07-2010, 11:09 PM
Parent: #15

سلامات يا راوية و امانى...
قلتوا لى نوبى عمل ليه عزبة فى الفيس بوك!!!
تام و الله.
انا اللعبة دى بحاول اختاها لانها شكلها سهلة الادمان.
ربنا مقدرنى لحدى هسى و الحمد لله

لكن اليوم فى المؤتمر بتاع ابل عن تلفونهم الجديد قالوا ح يختوا اللعبة فى الApp Store
اها نوبى لو بيلعب هسي 5 ساعات (لما يكون قاعد فى البيت او الشغل قدام الكوبيوتر) بعد كده ح يلعب 18 ساعة (كل الوقت الصاحى فيه)....
عاد ما بقت فى لتلفون!!1

شكرا الاخ حيدر على البوست
انا حاولت الخص شوية حجات فى بوست (لو كنت مهووس بالاى فون بتاعك)
و ح نرجى يوم 24 على احر من النار*
______________________________________
*انا ما ناوية اشترى التلفون الجديد الان على الاقل. لكن عندى اصحاب ح يقيفوا فى الصف من الفجر

Post: #18
Title: Re: فيصل نوبى....وينك?
Author: smart_ana2001
Date: 06-07-2010, 11:16 PM
Parent: #17

سلامات الشفيع عوض شوشتا
ساعة واحده ام سنة و ساعة ???

الزول ده قالوا بقى من اصحاب الاملاك. يكون عمل ليه سكرتير و قال ليه قول لى شوشتا انه مشغول.

نوبى ده شكله كده لو جرب Second Life ...ح يستقيل من الشغل....الله يستر.

Post: #19
Title: Re: فيصل نوبى....وينك?
Author: أمين محمد سليمان
Date: 06-08-2010, 03:18 AM
Parent: #18

يا سمارت انتي جاده ؟
نوبي شنو في الحر ده كمان ؟!!

-----------
الكلام ده بنكرو حطب لمن يجي راجع !!

Post: #20
Title: Re: فيصل نوبى....وينك?
Author: omer osman
Date: 06-08-2010, 03:32 AM
Parent: #19

Quote: فيصل نوبى....وينك?

سؤال في محله .......

شكرا سمارت .......

Post: #21
Title: Re: فيصل نوبى....وينك?
Author: ندى عثمان حسن
Date: 06-08-2010, 05:41 AM
Parent: #20

مغروضين فيو شديد؟؟

لو أى بناديو ليكم ماخسارة 3 عتبات.

لكن غير المزرعة , نوبى الايام دى multi function .

سلامو يااسمارت .

Post: #22
Title: Re: فيصل نوبى....وينك?
Author: حامد محمد حامد
Date: 06-08-2010, 06:33 AM
Parent: #21

فعلا اين هو....؟

سمارت ازيك

Post: #23
Title: Re: فيصل نوبى....وينك?
Author: smart_ana2001
Date: 06-08-2010, 05:29 PM
Parent: #22

سلامات يا امين....
كيف الكلام ده ??? بعدين ياخى ...نوبى ده صحبى و ما برضى فيه قنا ليكم.
Quote: يا سمارت انتي جاده ؟
نوبي شنو في الحر ده كمان ؟!!

و ادى كبشنه....عشان ما تنكر.

شكرا عمر عثمان
عارف يا عمر عثمان انا مفروض اصلح علاقاتى معاك. الدنيا ما معروفه. ممكن يوم اعمل لى مصيبه و اكون عاوزه زول يطلعنى من الحراسة.

سلامات يا ندى...3 عتبات بس? (احنا و القمر جيران ?)*
________________________________________
* طبعا قصدى نوبى اللى بيكون بيغنى (احنا و القمر جيران).

Post: #24
Title: Re: فيصل نوبى....وينك?
Author: smart_ana2001
Date: 06-08-2010, 05:35 PM
Parent: #23

سلامات يا حامد...
بينى و بينك.... ياريت لو اقدر انا ذاتى افتح للبورد ده و اشوف حياتى*
______________________________
* عندى كمية من الكتب و الافلام و المسلسلات ....قاعده راجيانى. ده غير الالتزماتات الاجتماعية.

Post: #25
Title: Re: فيصل نوبى....وينك?
Author: smart_ana2001
Date: 06-10-2010, 03:28 PM
Parent: #24

نوبى يا اخوى كاس العالم بكره...و و انا شخصيا ناوية اختفى زاتى عشان اركز مع الكورة...

بس قلنا نسال عنك و عن اخبار المسلسلات اللى بتحضر فيها الايام دى !!!!

اظهر و بان ...فى الكم ساعة الفاضلة دى

Post: #26
Title: Re: فيصل نوبى....وينك?
Author: دينا خالد
Date: 06-10-2010, 03:51 PM
Parent: #25

قاعد قاعد
فى شنو ؟؟؟

هسه دا يوم تسالى فى من نوبى ؟
ـــــــــــــــــــ
راوية انتى ركبتى وش فى صورة عزاز ؟؟؟

Post: #27
Title: Re: فيصل نوبى....وينك?
Author: smart_ana2001
Date: 06-10-2010, 05:49 PM
Parent: #26

شنو يا دينا يا اخى
نسال من نوبى ...تقولى "سالين ليه?".
نخت اغانى تشجيع هندسة....تقولى" يا حكم صفر...ده فاول. و انتو يا ناس هندسة عندكم بوردكم....هونا"

شنو يا اخى ?

بعدين فى شنو الليلة بالذات ? كنت فاكره انو ممكن نسال عن نوبى فى اى يوم!!!!