على الدولة التحرك واستجلاب اطباء من الخارج لتغطية الطوارئ

التحرك السريع لتغطية العجز في المستشفيات

كالعادة .. مارس المهاجرين هوايتهم .. وصبوا النار على الزيت

يتمتعون بالهلس انشورنس .. ويحرضون حتى الى الاضراب عن الطوارئ

عارفين طوارئ يعني شنو ؟

يعني زول لو ما توفرت ليه الرعاية الطبية بموت

ويقولوا ليك نحن ناس مبادري وننادي بالدمقراطية

دمقراطية على اشلاء المواطيني المساكين وكمان المرضى

ياليتهم حملوا السلاح تجاه من اعتقل قائدهم بدلا عن ان يستخدموا الام المرضى وحياتهم سلاحا يبتزون به عدوا لا يهمه ذلك

وهل تسواي الزيادة في المرتب
حياة الابرياء

لاحظ الابريا

العسكري الضرب والاعتقل قطع شك المستشفيات التي يتعالج فيها ( السلاح الطبي ، الامل ، والشرطة ) تعمل

يعني امور من اعتقل او ضرب او نكل

ماشة باسطة

بعدين الاطباء ما يقولوا لينا هدفنا تحسين الاحوال لمرضى

يعني ما ممكن تكون عاوز تحسن الاحوال للمرضى بانك تضرب عن خدمتهم

ده حنك بيش

طيب ياسعادة النائب امشى اشتغل انت
امشى مستشفى النو شوف فى رعاية وفى خدمات فى المستشفى دعك من الاطباء
امشى مستشفى البلك امشى السعودى
خلاص عليك الله شد ليك سلك لصحبك الامنجى علاءالدين خلى يكلم سيدو شيخ على يقوم اجيبو ليهم دكاتره من ماليزيا او الهند او مصر او السعودية عشان يسدو ليهو العجز
ممكن اجيبو بنغلاديشين او فلبيين او صينيين او باكستانيين

طبعا اولاد الزوات ناس المصارين البيض ما فارقة معاهم
طيرات توووووووووشك ومصر
عند اقل وعكة صحية

لن يفرق معهم اضراب ولا كباب

Quote: عارفين طوارئ يعني شنو ؟

يعني عسكري جاهل يضرب طبيبة (إمرأة) بي عكاز؟؟





الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: يعني عسكري جاهل يضرب طبيبة (إمرأة) بي عكاز؟؟

ان شاء الله اتعالجت

ولا برضو ما لقت زول يعالج حالتها الطارئة بسبب الاضراب

اخي وليد

انهم لا يعون لذلك

الحل بسيط


هو ان يخرج المعتقلون الهادي بخيت والابوابي


وتنفذ الاتفاقات


التحرك لفتح مراكز لاستقبال الحالات الحرجة هناك مستوصفات خيرية من الممكن ان تخفف الضغط

وتاكد ان تحركتم في هذا الاتجاه سيكون له كبير


لك خالص التحايا

مرحب الفاتح اخوي
والله مؤسف في زمن يقال انه دمقراطية يعتقل زول عشان عاوز يعمل اقتراع

دي بلد بت ###### يالفاتح

دكتور عاوز يحسونوا ليه اوضاعو
بدل يحسنوسها يعتقلوه

اطباء عاوزين ينصروا اخاهم
يضربوا عن المواطنين

والله يالفاتح

الروووووووووب عديييييييييييل

Quote: ياليتهم حملوا السلاح تجاه من اعتقل قائدهم بدلا عن ان يستخدموا الام المرضى وحياتهم سلاحا يبتزون به عدوا لا يهمه ذلك

Quote: على الدولة التحرك واستجلاب اطباء من الخارج لتغطية الطوارئ

؟؟؟؟؟؟

مستغرب مالك يا كوتش

انا امي عندها سكري
وعندي جبوبتي عندها قلب عمرها فوق التمانين
واخت عندها ازمة
زوجتي على وضوع
وعندي تلاته شفع


تسمح تقول لي لو واحد في ديل اوضاعو تدهور .. تقدر ترسل لي زيارة محل ما قاعد يعالجوه لي

هسع دي تاني

على الدولة استجلا اطباءءء من الواغ الواغ لتغطية الطوارئ

بالله يا جماعة اي زول يدخل للتعليق هنا

لو امكن ولو سمحت ظروفو
يكتب لينا بلد الاقامة ومستوى الدخل

عشان نعرف هل هو حاسي معانا بالورطة النحن فيها وبتكلم من المنطلق ده

ولا بتحدث من موقع ترف موقع اليد الفي الموية

Quote: انا امي عندها سكري وعندي جبوبتي عندها قلب عمرها فوق التمانين واخت عندها ازمة زوجتي على وضوع وعندي تلاته شفع

إنشاء الله مافي أي زول يحتاج للطواريء كان فيها طبيب ولا مافيها.
ويسلم الحميع، أهلك وأهلي وأهل السودان كله..

Quote: على الدولة استجلا اطباءءء من الواغ الواغ لتغطية الطوارئ

هل هذا هو الحل؟؟
وليه دولة السجم والرماد وما تعمل زي أولاد الناس وتدي كل زول حقه، ويا دار ما دخلك شر؟؟
ما حقوق كل الأطباء ديل ما بتساوي نهبة واحدة للص من لصوص النظام الرسالي...
ولا رأيك شنو..



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: هل هذا هو الحل؟؟ وليه دولة السجم والرماد وما تعمل زي أولاد الناس وتدي كل زول حقه، ويا دار ما دخلك شر؟؟ ما حقوق كل الأطباء ديل ما بتساوي نهبة واحدة للص من لصوص النظام الرسالي... ولا رأيك شنو..

لا طبعا ده ما الحل

لكن الدولة والدكاتر قاعدين تكاوا وتلاوا فوق امراضنا

وكلامك سليم
لكن لا نهبة اي كوز .. ولا اي زيادة في مرتب اي طبيب تساوي صرخةالم من مريض متوجع ما لاقي علاجي
خليك من مريض مات جراء عدم العلاج

انت رايك شنو ؟

Quote: على الدولة التحرك واستجلاب اطباء من الخارج لتغطية الطوارئ

فكرة جيدة.. فقط من يقبل أن يعمل براتب 250 دولار امريكى فى الشهر (شاملة بدلات الترحيل والسكن والإعاشة)؟
يحاولوا مع الاطباء الصوماليين او التشاديين رغم انى أجزم بانهم لن يقبلوا العرض..

بتلقي حل
ان شاء الله صينين تحت التمرين وفترة التدريب او في فترة اداء الخدمة

لو دقشوا شرق اسيا بلقوا


ومستواهم بكون احسن كتير .. على الاقل الاخطاء الطبية تقل شوية

Quote: ان شاء الله صينين تحت التمرين وفترة التدريب او في فترة اداء الخدمة

متوسط دخل الطبيب الصينى فى بلده (42 ألف دولار أمريكى) ..
تقريبا 3500 دولار امريكى فى الشهر...

دة الصينى خليك من الباقيين


مصدر المعلومة:
http://www.simplyhired.com

Quote: دة الصينى خليك من الباقيين

ده حالتو الصيني التقليد


يا زول انشاء الله يغطوها بي طلة السنتين الاخيرتين ، لحدي ما تتحل
ان شاء الله يرجعوا لي التمرجيا الزمااان الكانوا عاملين دكاتره ديك

هنا يا وليد المساواة بين الجلاد والضحية لا يمكن ان تورد




الحل بسيط المواطن من حقه ان يتلقي العلاج

وعلي المواططن السليم المعافي المطالبه بذلك


فليخرج الناس من اجل حقوهم في العلاج


فليسالوا لماذا حرم الابوابي من علاج ابنه وهو مريض بل وقد اعتزر عن الاجتماع الذي الذي تحدد فيه الاضراب ردا علي اعتقال الهادي بخيت وولاء الدين

العدالة الا ن ان نجبر الحكومة علي حقوق المواطن الاساسية وعلي المواطن ان يقاوم وليس عليه الخنوع باي حجج واهية من امن او غيره فالاطباء والنساء منهم يقفون امام الامن بدون سلاح فليقف هولاء المواطنين


المواطن لديه في بيته شرطي

وفي فريقه وحيه شرطي لماذا لا يمارس عليه الضغط حتي لا يمارس بواسطة الاضراب



الامر هنا وعلينا وبكل مسؤلية ان تتحمله الدولة وتحمل الدولة يتم عندما يتقدم المواطن بتحميلها له


هنا مواجهة بحقوق اما ان تنتزع


بقوة والا فلن ولا يمكن ان يعمل الاطباء وهم معتقلون وهم مهددون وتحت السلاح


الذي اتخذ قرار ضرب الاطباء هو من منع الخدمة من المواطن


عينا للفيل وهو الحكومة


لا يجب ان نطعن في ضله المسكين الطبيب

المضروب

والمعتقل

ولماذا لايكون على الدولة إطلاق سراح الاطباء فوراً
والاستجابة لمطالب الاطباء

راجع هذا الرابط

ضل الدليب : صحيفة الرأى العام :الحكومة تدعم أفريقيا الو...يّات جراحية متكاملة

Quote: أعْلنت وزارة الصحة الاتحادية عن مُوافقة حكومة السودان على دعم مستشفيات جمهورية أفريقيا الوسطى بـ (5) غرف عمليّات جراحية مُتكاملة بتكلفة بلغت (150) مليون دولار، تلبية لحاجة أفريقيا الوسطى. ووقف فرانسوا بوزيزيه رئيس جمهورية أفريقيا الوسطى أمس، على تجربة السودان في توطين العلاج بالداخل والنقلة التي أحدثها في تطوير الخدمات العلاجية والتشخيصيّة وإسهامات الدولة في تخفيف معاناة المرضى وتقليل تكلفة العلاج، وَتَفقّد أقسام الأشعة المقطعية والرنين المغنطيسي وأقسام الأطفال حديثي الولادة وغرف التنويم بمستشفيات البقعة العلاجي والتشخيص والتوليد بأم درمان.وطلب بوزيزيه لدى زيارته للمستشفيات برفقة د. تابيتا بطرس وزيرة الصحة الاتحادية نقل هذه التجارب لبلاده، ودعا لإرسال فريق طبي متكامل لتقييم الوضع الصحي والإسهام في تدريب الكوادر الطبية المختلفة، ودعم وتأهيل البنية التحتية للمستشفيات بأفريقيا الوسطى.

هذا المبلغ كان يكفي ويزيد لحل مشكلة الاطباء للابد

اسع ده يقولوا فيه شنو

Quote: ولماذا لايكون على الدولة إطلاق سراح الاطباء فوراً والاستجابة لمطالب الاطباء

نحول السوال لعناية الاخت الدولة

ونسال كمان لو الدولة ما عملت الفوق ديل .. اخرتها شنو ؟

Quote: هنا يا وليد المساواة بين الجلاد والضحية لا يمكن ان تورد

كلامك سليم يالفاتح

قولو بقى للاطباء

قول ليهم لا تساوا بين الجلاد الحكومة
والضحية المواطن

Quote: العدالة الا ن ان نجبر الحكومة علي حقوق المواطن الاساسية وعلي المواطن ان يقاوم وليس عليه الخنوع باي حجج واهية من امن او غيره فالاطباء والنساء منهم يقفون امام الامن بدون سلاح فليقف هولاء المواطنين

حجج واهية
بالله امراضنا والمانا حجج واهية
طيب ما كان تكتلوا العسكري الاعتقله .. على الاقل يكون عقابكم موجه للفاعل

يقاوم لي منو ؟
لي زول بتاجر بمرضي عشان يزيدوا ليه مرتبوا ؟
وببتزاني وبقول لي لو ما مرقت معاي موت


وبرضوا المواطن في بيته في طبيب
وفي حيه في طبيب
اها الطبيب ده لا اشتل بالمجاورة ولا بي المساكنه

Quote: الامر هنا وعلينا وبكل مسؤلية ان تتحمله الدولة وتحمل الدولة يتم عندما يتقدم المواطن بتحميلها له

لا يالفاتح
كانت تتحمله الدولة
الان اي روح تضيح جراء عدم العلاج يتحملها الدولة والاطباء المضربين

Quote: الذي اتخذ قرار ضرب الاطباء هو من منع الخدمة من المواطن

كويس اقنع الزول الفي الطوارئ بي ده
اقنع الزول الحا يموت بي ده برضو

Quote: لا يجب ان نطعن في ضله المسكين الطبيب

وليه يطعن الطبيب في ظل المسكين المواطن ؟؟؟
المضروب
والمعتقل
والمطلعين ميتين امو ابوه

انا مارق ماشي مشوار وجاي

اكرر

بالله لو سمحت ظروف المتداخلين
يختوا لينا

بلد الاقامة
ومستوى الدخل

مع المداخلة

عشان نعرف الزول ده حاسب بالنحن فيه
ولا بمارس في ترف منبري

الاخ وليد تحرك بسيط وسريع وفعال ارجو التحرك

من اجل فتح مراكز لاستقبال

الحالات ونفس الاطباء المضربين حيعملوا فيها وامسك من طرف وح يجوك

Quote: الاخ وليد تحرك بسيط وسريع وفعال ارجو التحرك من اجل فتح مراكز لاستقبال الحالات ونفس الاطباء المضربين حيعملوا فيها وامسك من طرف وح يجوك

ده كلام 100% يالفاتح
ايوه كده

اديني احساس انكم معانا
موش علينا مع الحكومة


اسع وريني المطلوب شنو ؟
رسلوا لي في الخاص
انا مشواري ضروري
بجيزي الساعة 12 او 1 صباحا

برسل ليك تلفوني ننسق لو سمحت بي كده

Quote: على الدولة التحرك واستجلاب اطباء من الخارج لتغطية الطوارئ

ده فكره حل لواحد كان حيكون نائب برلماني ...
ما عارف ابكي ...اضحك...

في الجك
الحمدلله الجماعه الخجوها
مما يخرج من البرلمان حل زي ده

Quote: ده فكره حل لواحد كان حيكون نائب برلماني ... ما عارف ابكي ...اضحك...

حلك يالمفتح
الحقنا بيه
يموتوا كم واحد جراء عدم العلاج .. عشان يتاجر بجثماينهم مناتلين بدون ضمائر زيك كده بتاجروا حتى بامراض المواطنين

Quote: على الدولة التحرك واستجلاب اطباء من الخارج لتغطية الطوارئ

وعليها بعد ذلك وقبله أن تفكر في انسانية الانسان وأن تتعامل مع مواطنيها بما يليق بهم كبشر ..لهم حقوق يتوجب أن تلبيها لهم ..
حاسين بالأزمة يا وليد بس نعمل شنو مع الدولة (المقدودة) دي..

Quote: حاسين بالأزمة يا وليد بس نعمل شنو مع الدولة (المقدودة) دي..

والله يا فتحي الروب
الرووووووووووووووووووووووووووووب


ده حالتي انا والحمد لله سليم ومعافى ربنا يديم الصحة

اتخيل معاي مريض في المستشفى وما لاقي علاج

انتخيله بس عنده نشره في اصبعه

خليك من عنده زايده ولا شقيقه ولا كلاه معطلة عاوزه علاج


الرحمة يا ملائكة الرحمة

يا وليد حق تذاكر الاطباء الاجانب ماشى وجايى

ورواتبهم ال بالدولار كفيله بحل مشاكل الاطباء

كما ان ترتيب اواويات الدوله كفيل بحل مشاكلهم ومشاكل القطاع الصحى

كما يقول هذا الخبر ضمنآ

Quote: الخرطوم: أماني إسماعيل أعْلنت وزارة الصحة الاتحادية عن مُوافقة حكومة السودان على دعم مستشفيات جمهورية أفريقيا الوسطى بـ (5) غرف عمليّات جراحية مُتكاملة بتكلفة بلغت (150) مليون دولار، تلبية لحاجة أفريقيا الوسطى. ووقف فرانسوا بوزيزيه رئيس جمهورية أفريقيا الوسطى أمس، على تجربة السودان في توطين العلاج بالداخل والنقلة التي أحدثها في تطوير الخدمات العلاجية والتشخيصيّة وإسهامات الدولة في تخفيف معاناة المرضى وتقليل تكلفة العلاج، وَتَفقّد أقسام الأشعة المقطعية والرنين المغنطيسي وأقسام الأطفال حديثي الولادة وغرف التنويم بمستشفيات البقعة العلاجي والتشخيص والتوليد بأم درمان.وطلب بوزيزيه لدى زيارته للمستشفيات برفقة د. تابيتا بطرس وزيرة الصحة الاتحادية نقل هذه التجارب لبلاده، ودعا لإرسال فريق طبي متكامل لتقييم الوضع الصحي والإسهام في تدريب الكوادر الطبية المختلفة، ودعم وتأهيل البنية التحتية للمستشفيات بأفريقيا الوسطى.

Quote: يا وليد حق تذاكر الاطباء الاجانب ماشى وجايى ورواتبهم ال بالدولار كفيله بحل مشاكل الاطباء كما ان ترتيب اواويات الدوله كفيل بحل مشاكلهم ومشاكل القطاع الصحى كما يقول هذا الخبر ضمنآ

انت قايل المشكلة انو قروش مافي ؟؟

دي مكاواة .. ونظام ما بنفذ ليك اوامرك

لكن وين فوق امراضنا نحن يا طه

Quote: حلك يالمفتح الحقنا بيه

حل ابسط من بسيط وهي تحقيق
مطالب الاطباء و المعترف
بعدالتها من الجميع
في الجك
دي عايزه ليها درس عصر يا نائبنا

Quote: حل ابسط من بسيط وهي تحقيق مطالب الاطباء و المعترف بعدالتها من الجميع في الجك دي عايزه ليها درس عصر يا نائبنا

والله حلال جنس حلحلة
دي دايرة ليها ماستر يالمفتح

هو لو الحل ده اتعمل كان البوست ده انفتح يالمفتح

اها الحل ده ما عملوه ؟

شوف لينا حل تاني سيادتك ..!

البني

بس بي سرعة لانو لانو المرض ما بستنى

Quote: تسمح تقول لي لو واحد في ديل اوضاعو تدهور .. تقدر ترسل لي زيارة محل ما قاعد يعالجوه لي

آسف

Quote: هسع دي تاني على الدولة استجلا اطباءءء من الواغ الواغ لتغطية الطوارئ

وانت منتظر اطباء الواغ الواغ النبى فوقك
كان ما قذقذت بالفول السودانى يا شفت

امتناع الطبيب عن التعامل مع الحالات الطارئة تعتبر جريمة طالما ان تلك الحالات الطارئة لا تعرض حياة الطبيب للخطر

البلد: دولة اسرائيل
هلس انشورنس: لا يكن(يعني لا يوجد)


من الافضل حل مشاكل اطباء السودان بالعدل و الانصاف و ليس استجلاب اجانب الذين لا يقبلون بعشرة اضعاف راتب الطبيب السوداني


للعلم: الطبيب في تشاد يتقاضي ثلاثة اضعاف الطبيب المصري ( عليكم ان تعرفوا راتب الطبيب المصري حتى تتمكنوا من الحساب)

ذكر اطباء الصومال و تشاد على هذا النحو ينم عن جهل

يديك العافية يا حامد برقو

تسلم

بالله انت قاعد في اسرائيل
عديييييييييييل كده

هاهاهاهاهاهاهاهاها

Quote: في الجك

ياخ قديتنا

Quote: انت قايل المشكلة انو قروش مافي ؟؟ دي مكاواة .. ونظام ما بنفذ ليك اوامرك لكن وين فوق امراضنا نحن يا طه

يا وليد اخوى خليهم بال 150 مليون دولار دى

وبحق تذاكر ورواتب الاطباء الاجانب

يحلوا مشكلة الاطباء

وبعد داك لو الاطباء عنقدوا يكون معاك حق

Quote: يا طه

يا وليد اخوى طه القرشى مريض

احوك طلجه

Quote: بيان هام إنّهم قتلة إلى جماهير شعبنا الحبيبة..إلى قيادات الأحزاب السياسية والحكماء والمحسنين ومنظمات المجتمع المدني الحقوقية والإنسانية وإلى جموع الأطباء الشرفاء في ربوع الوطن الحبيب لقد ظلّت لجنة إضراب أطباء السودان وجمعيتها العمومية تطرق على كافة الأبواب المتاحة من أجل حوار حر ومعافى ..ولقد صبرنا طويلا وصبرتم ونحن نسمع وعود وزارة الصحة الإتحادية التي ما فتأت تكذب وتتحرى الكذب حتى كتبت عندنا كذّابة وصرنا لا نثق في وعد تقطعه ولا تعدو وعودها مواعيد عرقوب.. ونحن في اللجنة إذ قمنا بكل هذه الجهود لم نكن طامعين في راتب او غيره كما حاول المرجفون ان يصوّروا هذه الحركة المطلبية الشريفة التي خرجت غيرة على الشعب ومهنة الطب وحال الطبيب والخدمة الجيدة التي من المفترض ان يتلقاها المواطن كما يحدث في أي دولة من دول الجوار الفريقي التي نفوقها ثراءا وغنى وتفوقنا في حبّها لمواطنيها وإحترامها لحقوقهم .ولقد كانت لجنتكم تعدّ للجمعية العمومية حينما طالعتها تهديدات السيد الوكيل في الصحف الصادرة صباح الثلاثاء الأول من يونيو والذي أعقبته سلسلة من الإعتقالات طالت أعضاء فاعلين باللجنة حيث اعتقل الدكتور ولاءالدين بابكر وافرج عنه ليعاد إعتقال رفيقه الدكتور الهادي بخيت وهو في ظروف صحيّة سيئة بسبب الإعتقال والتعذيب الوحشي الذي تعرّض له وفي الوقت الذي اطلّ رئيس الجمهورية بوجهه ليبشّر الأطباء بعهد جديد كانت هنالك جهات أخرى تدير ولا شك مصير البلاد والعباد لصالحها تحاول ان تصطاد في الماء العكر فتسللت قوات عسكرية في ثلاثة سيارات مدججة بالسلاح وقامت بإعتقال الدكتور أحمد الأبوابي رئيس اللجنة بعد اقتحام منزله عنوة وهو بصدد علاج طفله المريض وانتزع قسرا من بين اسرته واللجنة لا تعلم عن مصيره ومصير الهادي شيئا ..وقد واجهت اللحنة ضغوطا صعبة وهي تحاول تأمين روع الزميلات والزملاء القلقين على رفاق الدرب ولقد شهدتم وشهدنا كيف أنّ اللجنة رغم كل تلك الظروف الخاصة كانت قد لزمت جانب الحكمة والحذر وأصرت على تغطية الطواريء لحين عقد جمعيتها العمومية ولكن وكما تعلمون حالت قوات الشرطة دون دخول الأطباء او خروجهم من ميز مستشفى الخرطوم وقد حاولنا ان ندير مخاطبتين منفصلتين حقنا للدماء ولكن لم يسع قوات الشرطة ان تحتمل نجاح الجمعية العمومية التي أعلنت الإضراب تحت ضغوط الإعتقالات والتعذيب ..فنصبت كمين قامت بعده بالإعتداء على جموع الأطباء العزل ولقد نزفت دماء كثيرة طاهرة وابية من زميلات وزملاء في هذا اليوم ولولا مرضى مستشفى الخرطوم الذين فتحوا البوابات للأطباء لمسنا ضرّ عظيم ولكن لتعلموا أن الأمة لو اجتمعت على أن يضروك بشيء لم يضروك الاّ بشيء قد كتبه الله عليك ..وحين سارع الزملاء بكلية الطب جامعة الخرطوم لنصرة زملاء المهنة أخوة وتضامنا طالتهم ذات العصي المتآمرة التي لا ترحم ونحن إذ لم نعد قادرين على الوثوق بأحد إذ لم نعد آمنين في سربنا ولا أهلنا ولا في أماكن العمل فاللجنة تعلن الإضراب الشامل المفتوح دون تغطية الطواريء ونحن إذ نمتنع عن تغطية الطواريء إنما نقولها وقلوبنا في حسرة فلقد حالت بيننا وبين أهلنا القلوب التي لا ترحم والعصي التي لا تعتق العزل ..رسل السلام وملائكة الرحمة واللجنة تهيب بكل الأحزاب السياسية ومنظمات المجتمع المدني والمنظمات الحقوقية وحكماء هذا البلد ومشايخه وأرباب الطرق الصوفية والمحسنين من أبناء هذا الشعب بنصب الخيم وتأمينها في دورهم وتوفير الحماية للأطباء لتقديم العون للمرضى من المواطنين تطوعا دون اي مقابل مادي ..ونهيب بالزملاء الأطباء في العيادات الخاصة والمستوصفات والمستشفيات الخاصة والمراكز الخيرية بفتح أبوابهم للمعسرين من ابناء هذا الشعب التزاما بالمهنة إيمانا وإحتسابا والله لا يضيع أجر من أحسن عملا وإنّا للّه وإنّا إليه راجعون لجنة إضراب أطبّاء السودان 3/6/2010 .. ..

حامد برقو:
لاليكم*

Quote: ذكر اطباء الصومال و تشاد على هذا النحو ينم عن جهل

ذكرت أطباء تشاد والصومال كمثال لدول مثلنا تعانى ما تعانى من الفقر والبؤس..مع العلم بان فى تشاد كلها لا توجد كلية طب ..





---
لاليكم : التحية عند التشاديين والرد ب (لالينا)
لاليكم لالينا افية طيبين

لعناية الأخ وليد المبارك :
مناشدة هامة من لجنة إضراب الأطباء لكل المنظمات و الخيري...اكن خدمة بديلة عاجلا
وليحفـظ الله والـدتكم وزوجـتك ويسـهل عليها
وعلي المـرضي جميعا ...

عبد الله يا حبيب

وصلت الرسالة
يديك العافية

الأخ / وليد
كلامك منطقي تماما ..
رغم إن وكيل الوزارة و باقي المسئولين (مثل مدير طبي الخرطوم اللي عملوا معاه ناس الشروق لقاء قبال شوية) بيأكدوا على أن مافي مشكلة و الطوارىء ماحتتأثر أبدا .. لكن إنت و أنا و الشعب عارف إن ده كضب
إذن .. الحل..
1) نخلي الحكومة تستفرد بالمعتقلين و تقتلهم و نسد الطوارىء إلى مالانهاية (زي الــ 17 يوم بتاعة الإضراب الفات اللي إنتهت بإتفاق غش و خداع علشان الإنتخابات)
أو
2) نطلع من الحوادث و نخلي الناس تضغط على حكومتها لمنتخبه لحدي مايفكوا المعتقلين بعدين نرجع للطوارىء و نسك باقي حقوقنا براحه لشهور

ما أظن الخيارين ديل منصفين لكل الأطراف .. لازم طرف على حساب طرف .. و هي مواقف يحسن فيها الإصطياد في الماء العكر مابين مجرم للأطباء و مابين حالم بتحريك الشارع لثورة سياسية

اللجنة عندها حل .. كنا منتظرين الوزارة تقول الوضع خطير .. لكن مادام ماعندهم ضمير و لا أخلاق و لا دم .. حنعمل بأصلنا و نستعجل نحن .. هنا
مناشدة هامة من لجنة إضراب الأطباء لكل المنظمات و الخيري...اكن خدمة بديلة عاجلا
يلا بما إنك خشيت السياسة ساعدنا و شوف براك جديتنا .. جهز لينا مكان و طوالي حنرسل ليك أطباء

بالمناسبة أنا عندي عمي أخو أبوي توفي بمستشفى الشعب أيام الإضراب السابق .. و مافكيت الإضراب
تحياتي

حبيبنا دكتور قرشي
اظنك تعلم تماما لا قصد الا النصح والتناصح وقول الحق ولو على الرقاب

هسع كده بقول ليك

خليتو الحكومة كده في السهلة
موش كده وبس كما حملتو المجتمع ومنظماته عبء انه يتحرك ويفتش محلات لو محتاج علاج

كده 100% وعداكم العيب
ما حا اقول ليك ده كان مفروض من اول
لكن ان تاتي متاخرا خير من ان لا تاتي بتاتا

وانا متفهم انه الظروف العصيبة المريتو بيها من امس ما كانت مخلياكم تفكروا صاح
مشدودين ومدقوقين ومعسمين وممغوسين

الان عداكم العيب
انا حا اتحرك في المناطق القريبة مني
اشوف لو في مشاكل بديكم الو

رسلت تلفوني لي
للفاتح قبيل ي الخاص
وياريتك لو رسلت لي تلفونك عشان اتابع معاك

كده انتو 100%

موقفكم واضح وسليم وقوي

Quote: احوك طلجه

اخير انا عملتها طه ساكت
انت بقيتها طلجة .. ولاحظ انو الكاف جم حرف الطا لو يدك كان اتزلقت كان شبت ما رويت


يازول انا قلت ليك الموضوع مكاواة
الحكمومة بتكاوي في الدكاتره

احمد التجاني حبابك

تسلم يا مان

Quote: التحرك السريع لتغطية العجز في المستشفيات

وليد مساء الخير

حسب مصادر حكومية مطلعة لا يوجد أي عجز

شكراّ اطباء بلادى
يا وليد راييك شنو فى منشدة الاطباء ده ما بتحل مشاكل الطوارئ ومش احسن من الذلة للدوله التى لاترحم ولا تخلى الرحمة تنزل , يا وليد انت سياسى فى اول الطريق يجب ان تقيف مع كل شرائح الشعب السودانى المظلومة بمن فيهم الاطباء , وما تعايين للاشياء من زاوية واحدة وسع الافق شوية عشان تشوف الصورة بشكل كلى .
وليك خاص تحياتى
عبدالمنعم

مرحب عبد المنعم

Quote: شكراّ اطباء بلادى يا وليد راييك شنو فى منشدة الاطباء ده ما بتحل مشاكل الطوارئ ومش احسن من الذلة للدوله التى لاترحم ولا تخلى الرحمة تنزل ,عبدالمنعم

بتحلها يا عبد المنعم
ولو ما حلتها بتبقى المسئولية على الدولة والمواطنين انفسهم
كده الاطباء في السيف صايد

Quote: يا وليد انت سياسى فى اول الطريق يجب ان تقيف مع كل شرائح الشعب السودانى المظلومة بمن فيهم الاطباء , وما تعايين للاشياء من زاوية واحدة وسع الافق شوية عشان تشوف الصورة بشكل كلى . وليك خاص تحياتى

يا عبد المنعم انا ما سياسي ولا اي حاجة
وانا واقف مع الاطباء .. ومتفهم مطالبهم وقضيتهم
لكن موقفهم قبل البيان ده كان صعب جدا
مافي حاجة اقسى من الموت والمرض
اكيد الدكاتره عارفين الكلام ده

والدكاترة اضربوا من امس الساعة 2 تقريبا
شخصيا ما علقت على الموضع لحدي الليلة الساعة 8 مساء
ده كله كان انتظار وعدم استعجال في فتح البوست ده
لو كان البيان ده سبقني
اكيد بوستيني ده كان بكون مختلف

انا ما معاين للاطباء من زاوية واحد
ابدا والله
لكن الاولى فالاولى
المرضى في الطوارئ اولى من قضية الاطباء ومن المعتقلين كمان منهم


بالمناسبة سجلت موقفي من الاعتداء على الاطباء في حينه بتلقاه في البوست المعني

خالص التحايا

يا امامسلامات

مافي عجز كيف يعني ؟

هم الدكاتره وكت كانوا شغالين كان في عجز
كيف يعني مافي عجز بعد اضرابهم

وليد
سلام
هل تعلم ان قوات العسكر لم تسمح للأبوابي بإسعاف طفله وأخذته وهو كطبيب يعرف حطورة استمرار هذا الأمر على صحة طفله وكأم استطيع ان أجزم ان جهنم الحارقة نفسها ستكون ارخم على الأبوابي من تركه لطفله بتلك الطريقة وانا اعرف الناس به..وتم اعتقال الهادي وهو بحالة صحية مزرية بعد ضربه وتعذيبه ولم يكمل فحوصاته ولا علاجه حين قاموا بإعتقاله..
هل تضمن سلامة الأطباء في الحوادث؟وفي هذه الأثناء بالذات محاولة اقتجام اخرى لميز الأطباء لإعتقال بقية اللجنة..طفلي يحتاج لعملية في عينه وليس لدي المال الكافي لذلك..رغم انني اعمل 18 ساعة في اليوم بصورة متواصلة وأنام 4 ساعات فقط ان استطعت وطبيبة لي 10 سنوات..هل تضمن سلامتي إن ذهبت للطواريء وأنا أكتب الآن بصعوبة بيدي اليسرى فقط لأن قوات الشرطة أصابتني في ظهري ويدي اليمنى حين ضربتنا بالعصي ..لقد قام مدراء بتهديد الأطباء ومنهم أحمد زكريا الذي هدد د؟نهلة ود؟منتصر بأنهم سيرون ..!لي ثلاثة أيام لا استطيع ان أأكل شيئا وأعيش على القهوة لأظل مستيقظة لأعلن للعالم ما يدور في هذا البلد ولا أستطيع ان أنام من الكوابيس وصور المرضى التي تظل تلاحقني ..ما هو اقتراحك يا سيادة النائب بالضبط ؟ان ننسى البوابي والهادي ونكتفي بالضغط على زر إدانة إعتقالهم أسفل الصفحة؟أن أنسى أمر علاج ولدي انا والأبوابي ونرضى بالراتب الذي لا يقيم الأود؟هذا واقع يموت فيه الناس كثيرا ولا يعلم عنهم أحد شيئا ...فما رأيك في قصص وفيات أطفال المايقوما الطالعة الأيام دي..ما رأيك في اطفال الشوارع والنازحين ودور العجزة والمسنين ...لا أظن أن نسياننا أمر أبناءنا و انفسنا وهمومنا المعيشية هو الحل الذي تبحث عنه..لا نطيق المزيد من النار على جروحنا فارحمنايرحمك الله

النداء الآتي منشور بصفحة لجنة إضراب أطباء السودان بالفيس بوك

دعوة هامة لكل المنظمات العالمية و المحلية و المجتمع المدني و الخيرين و العيادات و المستوصفات الخاصة ..
الرجاء توفير أماكن نقدم فيها الخدمة المجانية للمرضى من أبناء شعبنا خارج مؤسسات وزارة الصحة بصورة عاجلة ..
التوجية لكل الأطباء بالعمل ليل نهار في الأماكن الموفرة فورا .. ألا هل بلغنا اللهم فإشهد

كل من يستجيب للنداء عليه مراسلة اللجنة على الإيميل الآتي للتنسيق الفوري
[email protected]

الرجاء الإهتمام و إبلاغ كل المعنيين من قبل كل أعضاء سودانيز أون لاين و القراء الكرام
اللجنة على إستعداد لتوفير أي عدد من الأطباء بمختلف التخصصات فورا

شكرا
ساعدوني لإبقاء هذا البوست عاليا للضرورة


_________________
كده 100%
كده فصلتو بينكم وبين الوزارة والحكومة
كده انتو في السليم

Quote: الحكمومة بتكاوي في الدكاتره

بل تكاوي و تكوي الشعب السوداني

!

Quote: بل تكاوي و تكوي الشعب السوداني

صحيح

وليد
سلامات
البيحصل ده يدل على انه المواطن المغلوب على امره
اخر اهتمامات الحكومة

ملاحظة يا وليد
ليه ما يكون عنوان بوستك
على الدولة حل مشاكل الاطباء

مرحب احمد خدر

Quote: ملاحظة يا وليد ليه ما يكون عنوان بوستك على الدولة حل مشاكل الاطباء

لانو بوستني ده موجه للاطباء ما للدولة

تصدق ؟


ودي

وليد سلامات
دخول الأطباء فى بعض الدول التى أعرفها.
آيرلندا متوسط دخل النواب 4600 يورو بعد الخصم والضرائب.
بريطانيا = = = 3400 جنيه إسترلينى= = .
بولندا = = = 2900 يورو = = =.
السعودية الاختصاصى (وليس الاستشارى) 15000 ريال +30000 ريال بدل سكن +تذاكر سنوية.
قطر = = = = 14000 ريال زائدا المخصصات.
السودان=راجع البوست القديم بتاع ماهيتك داك.
تحياتى
''''''''''''''''''''
سلامة الأسرة الكريمة وإن شاء الله ما تشوفوا شر.
إذا بإمكانك توفر مكان آمن ,هناك عدد كبير من الأطباء على إستعداد لتقديم خدماته مجانا,على مدار الساعة إذا تطلب الأمر.
يمكنك الإتصال بالزملاء محمد قرشى عباس أو ناهد أو والى الدين الفكى أو عزان وأمجد وشذى وكلهم بالمنبر وفى خلال ساعات يكون عندك طاقطم يسد عين الشمش.

حبيبنا محمد مكي

Quote: وليد سلامات دخول الأطباء فى بعض الدول التى أعرفها. آيرلندا متوسط دخل النواب 4600 يورو بعد الخصم والضرائب. بريطانيا = = = 3400 جنيه إسترلينى= = . بولندا = = = 2900 يورو = = =. السعودية الاختصاصى (وليس الاستشارى) 15000 ريال +30000 ريال بدل سكن +تذاكر سنوية. قطر = = = = 14000 ريال زائدا المخصصات. السودان=راجع البوست القديم بتاع ماهيتك داك. تحياتى

خد معاك وشوف

انا موظف قديم رانكر شغال من سنة 1997 - 13 سنة وداخل بتلات شهور على الاربعتاشر
بتاع كمبيوتر عندي فيه شهادتين جامعيتين
واحده في IT وواحده في علوم الحاسوب
زيادة على شهادات تدريبة من داخل السودان اوربا دول شرق اسيا

مرتبي الرسمي رفعته هنا قبل كده اظت كان 600 ودقداقة

بالمناسبة يقال عني اني شاطر ومجضم الكمبيوتر
وده البتقوله الشهادة من الدورات وفيها دورات في دول اوربية

اها بالله جيب لي تفاصل بتاعين الكمبوتر والمعلوماتيه
وقارن

.................

بالنسبة لموضوع الاطباء انا حا اتحرك في منطقتي
رسلت اخواني الاتنين
واحد عشا ن يمشي الصباح مستشفي البلك ومستشفى النو ويشوف الحالة شنو
لقينا في اطباء مغطين والامور باسطة
خير
ما لقيناها باسطة
رسلت التاني الى نادي المهدية الصباح ومدرسة الحارة التانية عشان يوريهم اننا ممن في حالة الطواري نستخدم المحلين ديل كمستشفي طواري وياخد موافقتهم المبدئية

ودي

الأخ وليد مرشح دائرتنا

Quote: مافي عجز كيف يعني ؟ هم الدكاتره وكت كانوا شغالين كان في عجز كيف يعني مافي عجز بعد اضرابهم

أنا ما جبت حاجة من عندي.. ده كلام المسئولين عن الصحة

قالوا عندهم احتياطي مركزي أو استراتيجي من الأطباء..
كان في فجوة وسدوها وبالتالي مافي عجز..


آخر لحظةالأربعاء, 10 مارس 2010

Quote: من جانبه أكد د. كمال عبد القادر وكيل الوزارة أن العدد الكلي للنواب بلغ 144.3 نائباً تم استيعاب 835 منهم للعمل بالسعودية مؤكداً وجود 248 اخصائي في الانتظار وتوفر احتياطي إستراتيجي من الأطباء

خليك من تصريحات الوكيل أثناء الإضراب الفات..ده كلام "طازج" اليوم الخميس 3/6/2010 بصحيفة الرأي العام:

Quote: وأكد د. كمال عبد القادر وكيل وزارة الصحة الاتحادية في مؤتمر صحفي أمس، أن مسؤولية الوزارة سد الخدمة للمواطن السوداني في جميع المستشفيات وحماية منسوبيها، وقال إن الدولة أوفت بما التزمت به حسب الاتفاقيات وقرار رئيس الجمهورية، وأكد أن الوزارة قادرة على سد الفجوة

Quote: وأكد د. الباقر عدلان مسؤول الطوارئ في وزارة الصحة لـ «الرأى العام» أمس أن الوزارة وزعت (100) اختصاصي على مستشفيات الخرطوم وأم درمان وبحري وانها جهزت (1000) اختصاصي سيتم توزيعهم اليوم على اقسام الطوارئ والإصابات في كل المستشفيات.

Quote: وأكد د. نزار إدريس أنه تم تزويد أقسام الإصابات بأطباء الطوارئ والاحتياطي ولا توجد أية اشكالات.

Quote: وأكد مصدر مسؤول بمستشفى بحري استقرار الأحوال في المستشفى، خاصة الحوادث والطوارئ، وأشار إلى انسياب الخدمة بعد انسحاب النواب، وقال إنه لا توجد مشاكل، وأضاف: استطعنا سد الفجوة خاصة انه تم عقد اجتماع طارئ صباح أمس بجميع الأطباء العموميين والاختصاصيين وأطباء الامتياز لتعريفهم بالوضع وضرورة سد الخدمة وخطورة الوضع في حال انسحاب النواب

يعني كيف ياوليد حنغالط وكيل الوزارة المسئول الأول عن الصحة في هذا البلد والأدرى بكل خفاياها
والمسئول عن كل كبيرة وصغيرة من توطين العلاج لاستيراد الخبراء في المجال الطبي..أو نغالط مدراء حوادثه وهم في قلب موقع الحدث ؟

Quote: يعني كيف ياوليد حنغالط وكيل الوزارة المسئول الأول عن الصحة في هذا البلد والأدرى بكل خفاياها والمسئول عن كل كبيرة وصغيرة من توطين العلاج لاستيراد الخبراء في المجال الطبي..أو نغالط مدراء حوادثه وهم في قلب موقع الحدث ؟

اغالت حلتو

ولو ما غالتو حا ادينو

وكت هو عنده دكاترة احطياتي قدر ده ..
ما يعمل ليه مركز صحي في الفتح واحد واتين وتلاته

يعمل ليه مستشفى في الحتانات والجرافات وود البخيتات

داسيهم للشنو عاوز يحارب بيهم ؟

وليد
سلام
اولا اعتذر جدا لو فهمت عبارة (نائب)على انها سخرية ولكني قرأتها في إطار الرد عليك من احد المتداخلين وظننت انها حقيقة فليس من عادتي السخرية من الناس من اجل افكارها ومعتقداتها فأنا اؤمن بحرية الضمير..
ثانيا
لومنا على الطواريء مفهوم ولكن زجنا في قارب واحد مع الحكومة غير محتمل حكمت فيه فلم تعدل خصوصا لو كنت متابع تدرج الإضرابات السابقة وكيف قمنا بتغطية ال(.........)اريء تحت أحلك الظروف ..
انا الآن لا استطيع ان ادخل منزلي لإحتمال تعرضي للإعتقال في اي وقت..فكيف استطيع ان اذهب للطواريء ..هذه المرة الوضع مختلف لسنا آمنين على انفسناحتى
ثالثا
انت تفهم ظروفي وتقدرها ولكن تضيق علي بظروفك ..انا بشر وليس بمقدوري ان اظل اخدم الناس دون مقابل فأنا ايضا ااكل الطعام واشرب واتعالج ..فكيف سأفعل ذلك دون مال..
الحل امام الأطباء صار اما الهجرة او القتال فالعمل ايضا في ظل هذه الظروف لا يخدم المواطن
في الطواريء يطلب منا بعض المرضى احيانا منحهم مالا ليتناولوا به وجبة غذائية اما المريض او مرافقه واحيانا دعم علاجه ..يظن انني كطبيبة بالضرورة لدي مال وقد يصادف ان يكون معي زميل طبيب ليس معه ما يتناول وجبة فما رأيك؟
احترامي ياوليد
فوق

دكتورة ناهد اعتذار مقبول
واللغط الحاصل بسبب اني مرشح للمجلس الوطني
فما تختي في بالك
ما علينا

العاوز اقوله نحن في جانب واحد والحكومة في جانب تاني
لا يستقيم انك تكون عاوز ترهب عدوك بضرب صديقك !!

لا يستقيم ابدا

متفهم ظروفكم
لكن
سيد الرايحة بفنتش خشم البقرة

يا زولة الحمد لله الموقف الان واضح ومشرف وسليم

مودتي

مرحب ناهد

في الاول ربنا يشفي ابك ويبلغه تمام الصحة

Quote: هل تعلم ان قوات العسكر لم تسمح للأبوابي بإسعاف طفله وأخذته وهو كطبيب يعرف حطورة استمرار هذا الأمر على صحة طفله وكأم استطيع ان أجزم ان جهنم الحارقة نفسها ستكون ارخم على الأبوابي من تركه لطفله بتلك الطريقة وانا اعرف الناس به

لا علم لي ناهد
وده تصرف ######## ومدان من جهتي

Quote: ما هو اقتراحك يا سيادة النائب بالضبط ؟

اسمعي يا ناهد
انا لا نايب ولا يحزنون
عاوزه تناقشي حبابك
عاوزه شي تاني برضو حبابك

خلاصة الكلام العاوزه لقيتوا في تحرك الاطباء الحصل مؤخرا
كنت عاوز حاجة زي ده
تفصل بينهم وبين الحكومة
موش يبقوا هم والحكومة ضد الشعب
صراع افيال يتعفص فيه النمل


كل الحاجات القلتيها مفهومة عندي .. وربنا يشفي ليك طفلك .. لكن تظل كها احتمالات حدوثها وارد بصورة كبيرة
لكن لولا تحرك الاطبا لعلاج حالات الطواري خارج المشافي
ببقى اكيد انه مرضى الطواري في خطر

اكيد ما احتمال

والاكيد مقدم على الاحتمال

Quote: لا أظن أن نسياننا أمر أبناءنا و انفسنا وهمومنا المعيشية هو الحل الذي تبحث عنه

ولا اظن ان ان نسيانك امر اللامنا وامراضنا نحن وابنائنا هو الموقف الذي تنشدينه

Quote: لا نطيق المزيد من النار على جروحنا فارحمنايرحمك الله

من لا يرحم لا يُرحم يا ناهد
العيان صاحب امراض الكلي
او الزائده ما بفهم الكلام ده
بعرف انه عيان وعاوز اتعالج وانه لا ضرب دكتور ولا سجن دكتورة

تضربي عن علاجي وانا الذي لم اخطئ في حقك
لن اتفهم مطالبك ولا دواعيها
واضعك والحكومة في قارب واحد

الحبيب وليد

Quote: حبيبنا دكتور قرشي اظنك تعلم تماما لا قصد الا النصح والتناصح وقول الحق ولو على الرقاب هسع كده بقول ليك خليتو الحكومة كده في السهلة موش كده وبس كما حملتو المجتمع ومنظماته عبء انه يتحرك ويفتش محلات لو محتاج علاج كده 100% وعداكم العيب ما حا اقول ليك ده كان مفروض من اول لكن ان تاتي متاخرا خير من ان لا تاتي بتاتا وانا متفهم انه الظروف العصيبة المريتو بيها من امس ما كانت مخلياكم تفكروا صاح مشدودين ومدقوقين ومعسمين وممغوسين الان عداكم العيب انا حا اتحرك في المناطق القريبة مني اشوف لو في مشاكل بديكم الو رسلت تلفوني لي للفاتح قبيل ي الخاص وياريتك لو رسلت لي تلفونك عشان اتابع معاك كده انتو 100% موقفكم واضح وسليم وقوي

أنا ماعارف الناس دي تاني شاده معاك في شنو؟؟
موقفك واضح و مشرف و لاخير فيكم إن لم تقولوها و لاخير فينا إن لم نسمعها
عموما تلفوني بالبروفايل و أنا عند كلمتي ..
شكرا للموقف الواضح و الشجاع كالعاده
بس عليك الله يدك معانا شوية ضد الدعاية المغرضة اللي عاوزه إما تجرم الأطباء أو تسيس قضيتهم خصما على حقهم في العيش الكريم كبشر
تحياتي

Quote: بس عليك الله يدك معانا شوية ضد الدعاية المغرضة اللي عاوزه إما تجرم الأطباء أو تسيس قضيتهم خصما على حقهم في العيش الكريم كبشر

ما تشتغل بيهم الشغلة

موقفكم بعد الرسالة الاخيرة
اوضح من الشمس

الما فاهم بكون فهم
والكان خايف بكون خوفو زال

اما المغرض
فماحا يقتنع اساسا

ماذا يضير الحكومة لو نفذت المطالب السبعة للاطباء ؟
لماذا اضافت الحكومة ابعادا اخرى للقضية باعتقال الاطباء وضربهم؟
المخرج واضح جدا:
اطلاق سراح الاطباء المعتقلين فورا
تنفيذ مطالب الاطباء العادلة دون ابطاء
والا سيستمر الاضراب وربما الحكومة مبشرة باضرابات من نقابات اخرى !!

وليد والله و بأمانة تعجبني فيك تلقائيتك وحرارة قلبك

Quote: اغالت حلتو ولو ما غالتو حا ادينو

لو كلامك صاح يعني هو إما جاهل أو كذاب

Quote: وكت هو عنده دكاترة احطياتي قدر ده .. ما يعمل ليه مركز صحي في الفتح واحد واتين وتلاته يعمل ليه مستشفى في الحتانات والجرافات وود البخيتات داسيهم للشنو عاوز يحارب بيهم ؟

السؤال يحول للسيد وكيل الوزارة..

يا وليد حقو ما نكون طيبيبن شديييد

المسئولين البكتبو الكلام الفوق ده عينة "كلو تمام يا ريس" و كل واحد بتكشم للفوق ليهو لغاية ما تصل "راس القايدة".. تتوقع منهم يحلو مشكلة نقص حاد باستجلاب عمالة خارجية؟؟

وليد لو وعدت الدولة باستيراد دكاترة من برة حتصدق الكلام ده؟

بعدين السودان أغلى بلد في جيرانه التسعة و أطبائه اكثرها فقرا ً ومن اقلها مرتبات منو الحايجيهو؟

ولو بقدرو يدفعو مرتبات بتغري أي كادر ما يدفوعها لأطباء البلد؟

ياخي البيئة الصحية في المستشفيات والإمكانيات المٌوّفرة -وليست المتوفِرة- لاتغري الكثيرين مهما دفعنا ليهم.. بس قاعد "العربجي" المسكين ده الله ليهو

وعلى سبيل الجدل نفترض السودان بلد غني و فيه حوجة للأطباء..تعرف يا وليد موضوع استجلاب أطباء فيه موضوع اللغة و امتحانات معادلة و شهاة سير و سلوك من المجالس الطبية في كل البلدان التي عمل فيها الطبيب و "فيش وتشبيه" من مباحث كل البلدان التي عمل فيها.. طبعا غير تأكد من الهوية و صحة الشهادات وتسجيل المجلس الطبي وتوثيق الشهادات.. و يمكن التحري بالإتصال بالجامعة مصدر الشهادة اتخيل في مئات أو ألاف عايزين يجو يشتغلو

وووووووك موضوع بتاع ستة شهور لغاية سنين ثلاثة


كلنا عندنا أسر و فيهم العيان بسكري أو أزمة أوضغط غير وجع القلب للحاصل في البلد.. تفتكر الواحد قلبو ماواجعو وهو بعيد شايل همهم.. لو الواحد لاقدر الله حصلت ليه حاجة ما يلقى علاج؟

تعرف يا وليد الموضوع ما موضوع مرتبات بس.. الموضوع الحوجة لتغيير جذري عشان تستعدل حال الصحة في البلد والإعتصام ده شرارته
و عشان تستعدل لازم نقيف مع الأطباء يد واحدة ونحاول نساعدهم قدر الإمكان يغطوا واجبهم من أي موقع خارج مستشفيات الدولة التي تعاني فيها الصحة نفسها من المرض.. والما بضمنو فيها سلامتهم خليك من سلامة المرضى


مناشدة هامة من لجنة إضراب الأطباء لكل المنظمات و الخيري...اكن خدمة بديلة عاجلا

-----------------------
التعديل للضبط

تصدق يا امام
بوستيني الفتحته ده ما قاصد بيه الحكومة
تصدق اني كنت قاصد الاطباء

مرات زولك وكت يزهلل وتكون المواقف اكبر من احتماله .. وانت عارف انه قدرته اكبر من الموقف لكن هو مزهول فقط

بتديه كف صاموتي

بعدها بفيق ويتعامل مع الموقف بالطريقة الصاح
وبشكرك على كفك ده لي قدام

Quote: كلنا عندنا أسر و فيهم العيان بسكري أو أزمة أوضغط غير وجع القلب للحاصل في البلد.. تفتكر الواحد قلبو ماواجعو وهو بعيد شايل همهم.. لو الواحد لاقدر الله حصلت ليه حاجة ما يلقى علاج؟

الرساله واضحة يا امام
في سبيل انك تنشد الرفعة لشخص جموعة مجتمع ما
ما ممكن الوسيلة المتبعة هي التضحية بيه

لو عمل الاطباء كده وضغطوا الحكومة عبر الشعب
يخسروا يا امام

اهو كده الاطباء شغلوا مخهم ونجروا ليهم موقف الحكومة زاتها حا تكون محتارة فيه

ودي

مرحب خالد العبيد

نتمنى ان تتعقل الحكومة ,, وتعالج الموقف بحكمة
وتوفي وعودها التي قطعتها سابقا للاطباء

الوعد دين

لك التحية اخ وليد

الان يا دوب لقيت طريقة بعد وصلت بلدا طيرها عجم افتح المسنجر

علي العموم الرقم معاهم وهم ح يكونا علي اتصال معاك

المهم لقيت الشباب بهنا معاك

ناهد محمد قرشي وكل البقية المتابعة النت معاك الان



اتنمنيت انو الظرف بتاعي ما يمنع من حضور الحاصل هناك


ابلغ رسالة ممكن تصل غبر العمل الطوعي للاطباء وسط المواطنين




ناهد محمد قرشي باقي الشباب تحياتنا ليكم




وربنا ينصركم

لك التحية اخ وليد

الان يا دوب لقيت طريقة بعد وصلت بلدا طيرها عجم افتح المسنجر

علي العموم الرقم معاهم وهم ح يكونا علي اتصال معاك

المهم لقيت الشباب بهنا معاك

ناهد محمد قرشي وكل البقية المتابعة النت معاك الان



اتنمنيت انو الظرف بتاعي ما يمنع من حضور الحاصل هناك


ابلغ رسالة ممكن تصل غبر العمل الطوعي للاطباء وسط المواطنين




ناهد محمد قرشي باقي الشباب تحياتنا ليكم




وربنا ينصركم

حمد لله بالسلام يا الفاتح

Quote: على الدولة التحرك واستجلاب اطباء من الخارج لتغطية الطوارئ

بالدولار الحار؟
يعنى فى قروش قى البلد ؟
تيب
دى عاملة مثل شنو اقول ليك
فى سنة من السنين اضرب المعلمين من تصحيح الشهادة السودانية حتى ندفع مرتباتهم قامو ودوها للمصريين
صححوها ليهم بى الدولارات.

يا هادية

بالدولار
يالدينار
بالدفار

دي ما مشكة المرضانين وعاوزين علاج
سيد الزايدة ما بهمه
سيد المغص الكلوي وعاوز غسليل ما بهمه
سيد الشقيقة نفس الشي
الكراعة مكسورة في حادث عربية برضو

مصريين
فلبينيين
قرود

برضو ما مهم لاذم المرضان وحالته طارئة يلقى علاج

بس

Quote: على الدولة التحرك واستجلاب اطباء من الخارج لتغطية الطوارئ

سلام ياوليد

ذكرتنى أيام انعدام الرغيف فى عهد نميرى..
واحد قال الحكومة المفروض تحل مشكلة انعدام الرغيف بتوفير الباسطة!

مرحب دكتور بله

Quote: واحد قال الحكومة المفروض تحل مشكلة انعدام الرغيف بتوفير الباسطة!

وانت قايل حل مشكلة الرغيف بالباسطة صعبة

الصومال واثيوبيا فيههن مجاعة يا دكتور
امريكا تلقى اطنان من التفاح سنويا في المحيط محافظة على مستوى العرض والطلب وضمانا لاستقرار سعر محدداه هي

يعني ممكن كانت تحل جزء من مشكلة المجاعة في افريقيا بالتقاح

__________
الخلاصة
الرسالة للاطباء يا دكتور ما للدولة
وانت زول لماح ولا تنقصك فطنه

تعرف البعجبني فيك يا وليد انك ليس ممن تأخذهم العزة بالاثم


لولا قصة الكرامه الرايحه للناس دي ما كان الحال وصل للدرك ده


تحايا نواضر

يديك العافية محمد طاهر

انا زول سااكت الخطاء في رائي يفوق الصواب في كثير من الاحايين..



ودي

أخ وليد


هل كتبت بوستات من قبل عن الدمار الذي لحق بصحة المواطن داخل العاصمة وعلي طول مدن السودان وقري المهمشين

طيلة 21 سنة من رفع الدعم عن العلاج

هل كتبت عن كم من قصص الأسي والألم حتي الموت كانت تدور أحداثها يوم بيوم داخل العنابر المتردية بسبب رفع الدعم عنهم

وكانت الأموال موجودة ولكنها مخصصة للقطاع الأمني

كم حجم المآسي التي لحقت بالمرضي الفقراء بسبب هذه الحكومة

وكم لحقت بسبب موقف الأطباء وقيادتهم تلاحق وترهب وتضرب

يا أسفي علي من لا يري إلا ما يريد أن يراه

ما يحدث من تخريب في قطاعات الدولة الأساسية المعنية بمعاش وصحة وتعليم المواطن تستحق ثورة وليس إضراب

أدعموا مواقف الأطباء الشرفاء لأنهم أبناء الفقراء الذين هم منكم وإليكم

ولا تصرفوا الجهود في إتجاهات لا تخدم قضيتهم

لا للإتجاهات الرمادية والضرب تحت الحزام

ياوليد
بالمناسبة بوستك دا بصب فى صميم قضية الأطباء..

يعنى لو المواطن طالب بحقه فى العلاج وتوفير طبيب وأدوية وخدمات طبية جيدة بمستوى دولة تصدر بترول,( وهنا المواطن يجب ألا يشترط على الحكومة جنسية الطبيب..)
ستجد الحكومة أن أقل طبيب تكلفة هو الطبيب السودانى..

وبالتالى الطبيب كشخص متعاقد ليعمل كطبيب يجب ألا يهتم بالخدمات الطبية, وعليه مايهمه فقط هو أداء عمله بالإمكانيات التى توفرها الدولة, وهذه الإمكانيات إن لم تكن كافية لأداء خدمة مميزة فعلى الصحافة مهمة كشف القصور وعلى المواطنين المطالبة بعلاج القصور وإن إدى ذلك لخروج كل المواطنين للشارع..

مشكلتنا فى السودان كل واحد عايز يقوم بالمطالبة نيابة عن الآخرين وهو فى نفس الوقت يستغل مطالب الآخرين كمساحيق تجميلية لقضيته.

دكتور بله خليني اسالك كده

الامتناع عن علاج حالة طارئة ..
موقفه شنو من قسم ابقراط
من القوانين
موقفه شنو من الانسانية

ماخدين في الاعتبار اننا كلنا في الهواء سوا الطبيب والمواطن قصاد الحكومة

سلام وليد

مولانا عبد الحي يوسف قال:

مادام الأطباء أخطروا الدولة بالإضراب

فالمسئولية تعق علي عاتق الدولة،


تاني شي: من أخذ الأجر حاسبه الله بالعمل

إنت الدكتور ما ديتوا حقوقو كاملة

أها تقدر تحاسبو كيف؟؟

تالت شي:


آتوا الأجير حقه قبل أن يجف عرقه،

هذا هو مربط الفرس،


حقوق وواجبات

ولا كلامنا دا غلط يا جماعة الخير؟؟؟


وبعدين الدولة قالت مافي مشكلة،

طيب الجقلبة فوق كم؟؟؟



يديكم دوام الصحة والعافية

سلامات دكتور السيد

Quote: مولانا عبد الحي يوسف قال: مادام الأطباء أخطروا الدولة بالإضراب فالمسئولية تعق علي عاتق الدولة،

ده منو ده ؟

عموما ما مشلة المرضان المسئولية تقع على الولة على الدكاترة

Quote: تاني شي: من أخذ الأجر حاسبه الله بالعمل إنت الدكتور ما ديتوا حقوقو كاملة أها تقدر تحاسبو كيف؟؟

انا دافع ضرايبي كاملة
ودافع معاها الضمان الصحي
كامل

Quote: حقوق وواجبات

اديت واجبي
عاوز حقي في العلاج

ولا كلامي دا غلط ؟؟؟

الدولة تقول الدايرة تقوله
وانا بقول العارفو
اكيد في مشكة

بعدين انتو زعلانين مالكم
انا قلت ليكم ارفعوا الاضراب
انا قلت للدولة الشالت من ضرايب تحل لي مشكلة المستشفيات
ما عاوزه تحلها مع الدكاترة بسبب كيد سياسي
تحلها لي من اي حته

ده مزعلكم في شنو ؟؟؟؟

اخ Sinnary

Quote: يا أسفي علي من لا يري إلا ما يريد أن يراه

بل اسفي على الادبتو الحكومة فشى غله في المواطن

Quote: أدعموا مواقف الأطباء الشرفاء لأنهم أبناء الفقراء الذين هم منكم وإليكم ولا تصرفوا الجهود في إتجاهات لا تخدم قضيتهم

لا مافي دعم
انا ادعم المواطن المرضان ومفروض يتعالج
والضرب تحت الحزام بتمارس فيه انت ما انا
التوقف عن علاج المرضى الابرياء
ضرب تحت الحزام وفي مناطق مكشوفة


ندعم قضية الاطباء حين تكون قضيتهم موجهة للحكومة موش للمواطن

ياوليد

شمل الطوارئ فى الإضراب فخ وقع فيه الأطباء فى لحظة غضب ستستغله الحكومة أسوأ استغلال ضدهم.

ولكن أظنهم تداركوه بفتح مواقع خارج مستشفيات الحكومة لعلاج الحالات الطارئة.

Quote: شمل الطوارئ فى الإضراب فخ وقع فيه الأطباء فى لحظة غضب ستستغله الحكومة أسوأ استغلال ضدهم.

يديك العافية يا دكتور

Quote: ولكن أظنهم تداركوه بفتح مواقع خارج مستشفيات الحكومة لعلاج الحالات الطارئة.

فعلا
موش كده بس
حملوا المسئولية للمجتمع كمان
العاوز يتعالج وعنه مشكلة علاج
يسعى ويوفر مكان وهم جاهزين

أخ وليد

لم تجب إلا علي ما تيسر لك من أسئلتي


هل كتبت بوستات من قبل عن الدمار الذي لحق بصحة المواطن داخل العاصمة وعلي طول مدن السودان وقري المهمشين

طيلة 21 سنة من رفع الدعم عن العلاج

هل كتبت عن كم من قصص الأسي والألم حتي الموت كانت تدور أحداثها يوم بيوم داخل العنابر المتردية بسبب رفع الدعم عنهم

وكانت الأموال موجودة ولكنها مخصصة للقطاع الأمني أم لا تعلم اكثر من 75 في المية من قروش السودان تذهب لأجهزتها الأمنية

أم لم يمثل لك هذا الأمر قضية توخز ضميرك وتستفز قلمك مثلما وخز ضميرك المآسي التي لحقت بصحة السودانيين جراء إضراب الأطباء منعدمي الضمير

الاخ السناري

عندي مكتبه اداني ليها بكري ابوبكر
فيها كل ما كتبته في هذا المنبر
عليك بمراجعتها

ستجد الجواب على اسئلتك هناك

سلبا او ايجابا

ذهبت حسب طلبك يا أخي لمكتبتك وعاينت الإتجاهات العامة لمواضيعها

وخلصت بأنها تتحدث لوحدها عن نفسها وموقعها من الصراع السياسي الإجتماعي في السودان

أورد هنا العناوين فقط للمواضيع ذات الطابع السياسي وتركت الرياضية والإجتماعية

قل لي إلي أين يؤشر إتجاهها العام



يمينية خطافية قاضية .. يسددها البشير لقرار المحمة الدولية في حلبة صراع الدوحة

يا جماعة واحد يلحق هاشم نوريت وفتحي البحيري بحبتين ضغط سريع .. البشير الليلة بكتلهم

تاني قولوا لينا البلد دي فيها زول بعرف سياسة .. قوموا لفو بلا يخمكم كلكم

الان فقد تمكنت الانقاذ .... معارضين اغبياء [ 1 2 ]

شخصيا ضد قرار المحكمة الجنائية ان صدر يامر بقبض اي سوداني وخاصة البشير

هل هنادي فضل الله عضو اللجنة المركزية الجديد بالشيوعي ياها هنادي حقتنا؟

أُم ضريوة تحذر امريكيا للمرة الثانية " اظرف ما مر علي طيلة عهد الانقاذ "

وردي) قال هو ايضا (ضد) محاكمة البشير في لاهاي .. يلا امرقوه ما بعرف يغني

المؤتمر الوطني والحركة الشعبية .. شلاليت السياسة وسياسة الشلاليت

نـداء عاجل ومناشدة بعودة الضلامي ( علاء الدين يوسف محمد)

الانتخابات على الابواب .. قفدنا الامل في الاحزاب .. فل نعرف بعضنا بالمستقلين المحتملين

وهل عمر عمر البشير هو خليفة رسول الله ؟

تهام باريس بالعلم المسبق بعملية اختطاف أطفال دارفور

شنو يا محتكري مناصرة دارفور في الموقع (عاملين اضان جلد وحمد لبت) من مضوع الاطفال وفرنسا

عقد السودانيين ... هناك مؤامرة.!!!

رئيس جنوبي مسلم هو المخرج

علاء الدين ... جاااااااااااااااااااااااااااااااااااااااااااااااكم

لماذا ضُرب السفير الجنوبي .. ولم يُضرب سلفه الشمالي ..؟!

الإعلان العالمي لحقوق الإنسان (المادة 19) ... انتهاك صريح

الإنقاذ تكسب كل يوم ( شخص ، جماعة ، قبيلة أو حي ) جديد بسبب الطيش ..!!

الإنقاذ تكسب كل يوم ( شخص ، جماعة ، قبيلة أو حي ) جديد بسبب الطيش ..!!

التوصل الى اتفاق بين الجماعات المتمرده والحكومة ينهي ازمة دارفور

يا جماعة الكلام ده صاح .... فصل رئيس الحركة لجيش تحرير السودان ...

Quote: قل لي إلي أين يؤشر إتجاهها العام

اقول ليك انا ليه؟!
انت ما بتعرف تقيم براك

قيم التعقيم البنفع معاك .. حسب فهمك وتفكيرك ونفسيتك

رؤية تنسى دور الدولة ....
فلماذا لا تحل الدولة مشاكلهم

والإضراب لم يقطعوا الأطباء من رأسهم هو سلاح معلوم

والحل الاسهل ان تعمل الدولة/ الحزب التي تتملك القطاع الخاص لتحويل المستشفيات الخاصة التي تتحدث عنها إلى طوارئ لحين حل شامل وعادل


ا

Quote: رؤية تنسى دور الدولة .... فلماذا لا تحل الدولة مشاكلهم

يا ريت نأمل ذلك

Quote: والإضراب لم يقطعوا الأطباء من رأسهم هو سلاح معلوم

قاطعنوا من راسهم جابينو من الانجيل
معلوم مجهول
البعرفوا انه الاضراب عن علاج الحالات الطارئه عمل لا انساني

الحكومة حكومة لا انسانية
والدكاتر ان امتنعوا عن علاج من يحتاج علاج طاري برضو بكونوا لا انسانيين
وهم والحكومة في سرج واحد عندي

Quote: والحل الاسهل ان تعمل الدولة/ الحزب التي تتملك القطاع الخاص لتحويل المستشفيات الخاصة التي تتحدث عنها إلى طوارئ لحين حل شامل وعادل

صحيح
هذا هو الحل الشامل
لكن لو الدولة لو رفضت الحل الاسهل ده
تفتكري انه مفروض نعاقب المواطن على تعنت الحكومة ؟!

الأخ الفاضل وليد المبارك .. تحية طيبة ..

أنا عرفت إنك نزلت في الإنتخابات الأخيرة للمجلس التشريعي ..

سؤالي لك إن كنت قد فزت بمقعد تشريعي .. وقدر الله أن عينوك وزيراً للصحة ....

هل كان سيكون هذا هو حلك لمشكلة الأطباء : على الدولة التحرك واستجلاب أطباء من الخارج لتغطية الطوارئ ... ؟؟؟

لو إجابتك بنعم ، فإننا نحمد الله أنك لم تصل للبرلمان ... !!

الاخ الفاضل صديق

Quote: لو إجابتك بنعم ، فإننا نحمد الله أنك لم تصل للبرلمان ... !!

ادعوا ليه قبل ما تحمده اني م اصله
لانه احتمال اصله لسع قايم


____________
.. وقدر الله أن عينوك وزيراً للصحة ....

لو قدر وعينوني وزير صحة

اي طبيب بضرب عن الطواري بفصلة موش بجيب بدله دكتور وبس
بمشي بعسكر ( وانا وزير صحة ) امام جهاز الامن الى ان يتم اخراج الدكتورين المعتقلين
اعمل جاهدا لاجل تنفذ مطالب الاطباء المتعلقة بتحسين بيئة العمل الصحي
لن ازيد مرتبات الاطباء الاساسية بعزل عن مرتبات العاملين في الدولة وفي الحقل الصحي تحديدا
لكن اعطيهم حقهم المجزي في اشيا هم يفعونها وتساهم في رفع دخلهم زي شنو ؟
1) بدل ساعات عمل اضافية اي ساعة اوفر تايم بي 10 جنيه سوداني ( مثلا)
2) بدل طبيعة عمل (نقعد ونشوف)
3) حافز تميز ( نقعد ونشوفوا كم )

Quote: بمشي بعسكر ( وانا وزير صحة ) امام جهاز الامن الى ان يتم اخراج الدكتورين المعتقلين اعمل جاهدا لاجل تنفذ مطالب الاطباء المتعلقة بتحسين بيئة العمل الصحي لن ازيد مرتبات الاطباء الاساسية بعزل عن مرتبات العاملين في الدولة وفي الحقل الصحي تحديدا لكن اعطيهم حقهم المجزي في اشيا هم يفعونها وتساهم في رفع دخلهم زي شنو ؟ 1) بدل ساعات عمل اضافية اي ساعة اوفر تايم بي 10 جنيه سوداني ( مثلا) 2) بدل طبيعة عمل (نقعد ونشوف) 3) حافز تميز ( نقعد ونشوفوا كم )

يا هو دا شغل الوزير البندورو ... !!!

الأولاني حأعمل نفسي ما قريتو ... عشان يمكن نصوت ليك ... !!!

إنت في الدوائر المعادة واللا شنو ؟؟؟

الله يعينكم ..

تحياتي ___________ صديق أبوفواز

Quote: الأولاني حأعمل نفسي ما قريتو ... عشان يمكن نصوت ليك ... !!!

يا ابو فواز تحياتي
يازول كان تصوت او ما تصوت الاول الطنشتو

لو بقوني وزير صحة حا يكون اولويتي
يعني هسع لو قالوا لي انت وزير صحة
بمهل الاطباء 24 ساعة فقط عشان يرفعوا اضرابهم عن الطوارئ ( اكرر الطواري ) موش اضرابهم بشكل عام
بعد ما امرق القرار بتاع الامهال ده بمشي عديل على جهاز الامن وبنتظر الى ان يتم الافراج عن الطبيبين

ما حا اناقش اي زيادة لدخل الطبيب قبل رفع الاضراب عن الطواري

لو ما رفعوا الاضراب بعد 24 ساعة
بفصلهم وبشتغل بالطلبة بتاعين السنتين الاخرتين والاطباء الموجوين واستعين باطباء من دول صديقة

بعد داك بعد ما يستقر الوضع في مستشفيات الطواري
بعمل لجنة عاجلة امهلها اسبوع تحدد اجر الساعة المجزي للعمل الاضافي وانا متاكد في اسوا حالاته ما حا يقل عن 10 جنيه سوداني للساعة

الدكاترة الما برفعوا الاضراب
ما بشتغلوا في السودان كان طقطقو طالما اني وزير للصحة


اما لو رفعوا الاضراب
بجمع لجنة الاضراب ذاتها ونكون خلية تعسكر قدام الامن حتى تحريرهم
بعد ما نحررهم بستعين بنفس اللجنة مع متخصصين في امور الاجتماع والاقتصاد ووزارة المالية لتحديد اجر الساعة الاضافية في ظرف اسبوع

بعد داك مع الدول نشوف رفع موضوع البيئة الصحية


ده ترتيبي كان تصوت لي ولا ما تصوت لي

رفع الاضراب عن الطوارئ اولوية مقدمة عندي

خالص الود

بسم ألله الرحمن الرحيم
أستقدام الأطباء الأجانب والوطني عاطل
د.سيد عبد القادر قنات

المستشفي أي كانت درجته ،ريفي ، ولائي ،أو حتي مركز قومي ، فأن له أهداف محددة ، يتوجب عليه القيام بها ، ورسالة يؤديها تجاه المرضي الذين يقصدونه طالبين الأستشفاء من علة ما ، وعليه يجب أن يكون ذلك المستشفي مكتملا من جميع النواحي حتي يستطيع أداء رسالته الأنسانية .
لنكون أكثر واقعية وشفافية، دعونا ننظر بعين مبصرة، وبصيرة ثاقبة ، وذهن متفتح ، ووطنية صادقة ، وأخلاص تجاه هذه الرسالة الإنسانية ، لخدمة المرضي ، وتقديم خدمات مكتملة ، كما وكيفا حسب حالة المريض ، بل وتقديمها بالمجان لمن يحتاج دون بيروقراطية وتعقيدات أدارية أو مزايدات سياسية، ربما ينتج عنها تضرر المريض ، بما في ذلك العاهة والإعاقة وحتى وفاته .
بالأمس كانت الخدمات الطبية مثالا يحتذي علي امتداد الوطن ، وكانت الكوادر الطبية مضربا للمثل من حيث الكفاءة والمقدرة ، والمريض يجد العناية كاملة وبالمجان ،والمستشفيات كانت قمة في النظام والنظافة والكفاءة ودقة في المواعيد ،عندما كان طه القرشي في المستشفي ، بل ألي وقت قريب كان ذلك ديدن كل المؤسسات العلاجية علي امتداد المليون ميل ، اللبس الأبيض هو مميزا لكل الكوادر الطبية ، البسمة علي شفاه ملائكة الرحمة ، العلاج كان بالمجان ، العمليات في مواعيدها ، التغذية متوفرة ،والإسعاف ألي أقاصي وأطراف المدن والأرياف وبالمجان ،ومما يسر أن أول عملية زراعة كلي وقلب مفتوح في الشرق الأوسط والعالم العربي، قد تمت في السودان ، وبأيدي سودانية ، ألا يعتبر ذلك مفخرة ؟؟ واليوم نصرف مئات الملايين من الدولارات للعلاج بالخارج ، ونتحسر علي تدهور خدماتنا الطبية ، بل والبعض يتحدث عن التوطين 1و2و3 ، ولكن أن توطين الضمير والروح الوطنية هو له أولوية قصوى . وهو الدرجة الأولي في سلم توطين العلاج بالداخل ، وليس شراء معدات وآلات بملايين الدولارات وتوزيعها بأرض معرض الخرطوم الدولي كأنها أنجاز واعجاز تقام له الأحتفالات ، ومع ذلك توجد علامة استفهام كبيرة في كيفية شرائها ، وهل نحتاجها، كما ذكر أهل الاختصاص ؟؟
أن خلق بيئة صالحة ومناخ مؤهل للكوادر الطبية للقيام بواجبها الأنساني هو مربط الفرس لتقدم وتحديث الخدمات الطبية ،فكيف لطبيب أن يخدم في ظروف أقل ما توصف به ، أنها jungle medicine ؟كيف يعيشون ؟هل المستشفيات مكتملة وتسمح بتقديم خدمات طبية تليق بالأنسان المريض ؟؟ هل هنالك دراسة توضح لماذا هاجر الأطباء؟ كم عددهم في المنافي؟ ماهي تخصصاتهم ؟
الكوادر الطبية نفسها والتي آثرت البقاء في هذه الظروف المجحفة، هل تم توفير معينات الحياة الكريمة لهم للتفرغ للعمل الطبي الأنساني داخل تلك المؤسسات العلاجية ؟
هل توجد إحصائيات تحدد الحوجة الفعلية لكل تخصص وكيفية توزيعهم علي مستشفيات السودان ، حتي يستفيد المرضي من خدماتهم ؟؟ هل توجد خارطة طريق للخدمات الطبية؟ هل توجد خارطة طريق للطب الوقائي والأوبئة والمتوطنة والسرطانات وخلافه؟
المستشفيات الريفية ، والمستشفيات برئاسة عواصم الولايات ، وحتي المراكز القومية التخصصية ، بما في ذلك مرجعيات مستشفيات العاصمة القومية ، هل لها المقدرة من حيث الكوادر والمعدات ، للقيام بواجبها تجاه المرضي ؟؟؟
نشك في ذلك كثيرا، والأسباب كثيرة جدا وعلي رأسها تفريغ تلك المؤسسات العلاجية من أهل الخبرة والكفاءة والعلم والمقدرة ، بسلاح الأحالة للصالح العام، لأطباء وهم في قمة عطائهم، بسبب أنهم ليسوا من أهل الولاء للأنقاذ ، فقد كان ولائهم للمهنة الأنسانية والوطن الذي أوصلهم لهذه الدرجة من العلم والمعرفة ، أطباء رضعوا من ثدي الوطنية ، وتربوا في حضن القيم والمثل والسلوك السوداني الأصيل ، كانوا تجردا ونكران ذات ، لايعرفون الكلل ولا الملل ، يواصلون ليلهم بنهارهم وفي جميع أصقاع السودان من أجل أعادة البسمة لذلك المريض، وفي ظروف بالغة التعقيد، ومع ذلك طوعوا تلك الأمكانيات البسيطة حتي غدي السودان عنوانا يحتذي في تقديم خدمات طبية متكاملة ، وصار الطبيب السوداني مفخرة لوطنه.
ولكن جاءت الأنقاذ بسياسة لم يخلق ألله مثيلا لها ، وتم التمكين لأهل الولاء ، وهذا قاد ألي مانحن فيه من تدهور مريع في الخدمات الطبية علي أمتداد الوطن ، في الوقت الذي يعرف فيه الجميع ، وبالأخص قادة العمل الطبي ، أن الخدمات الطبية خارج أرض الوطن ، في الخليج والسعودية قد أزدهرت وتطورت علي يد خبرة وكفاءة الكوادر الطبية السودانية ،بل الكوادر الطبية السوداني أنتشرت حتي في أوربا ، ومشهود لها بالكفاءة ، وكل ذلك كان بسبب أن الدولة الوطن ، بل بالأحري قادة العمل الطبي أهل الولاء في عهد الأنقاذ ، صارت طاردة لتلك الكوادر الطبية ، ونأتي اليوم لنتحسر ، بل ونلقي بالتقارير والتصريحات المتضاربة بخصوص مشاكل ناتجة وتواجه الأطباء في أوروبا ، وأخبار عودتهم للسودان ، ولكن الحقيقة المرة ، أنه لا توجد أي مشاكل في تلك البلاد ، بل كل الكوادر الطبية أحوالهم مستقرة من جميع النواحي ، بما في ذلك أحوال أسرهم ، بل أن زيارة قام بها قادة العمل الطبي لأنجلترا لأقناع الأطباء بالعودة للسودان قد فشلت ،والسبب أن بيئة ومناخ العمل ما زالت طاردة داخل الوطن، بل نقول لهم (الجفلن خلهن أقرع الواقفات)
اليوم الصورة لجد محزنة ، ولا يمكن تصديق ما يحدث اليوم في المؤسسات العلاجية . وما تتناقله مجالس المدينة ، من قصور في الخدمة المقدمة ، معاناة المريض وأهله في الحصول علي الخدمة والتي هي دائما مبتورة ، توجيه المريض بأجراء بعض الفحوصات وأن كانت مستعجلة خارج المستشفي ، بل وربما داخل المستشفي الحكومي ولكن في جزء مستقطع منها، ولكن هل تصدقون أنه مؤسسة خاصة ، ألا يدعو هذا للعجب ووضع كثير من علامات الأستفهام ؟؟؟
حتي الدولة الرسالية ، دولة التوجه الحضاري ، دولة كانت تحلم بأن تقود العالم أجمع ، فشلت في توفير أبسط مقومات العلاج والتطبيب ، بل دخلت كمستثمر في صحة الأنسان وعلاجه ما بين الأجنحة الخاصة بالمستشفيات الحكومية والأمدادات الطبية والتي صارت كأنها قطاع خاص تبيع وتشتري من أجل الربح وليس من أجل صحة الأنسان ، وهذا هو ديدن دولة الجباية، صحة الأنسان ليس من أولوياتها، والدليل ميزانية 2008، وما قيل عن علاج مجاني للأطفال والقيصريات، فهو حديث سياسة فقط ، والكسب الحزبي والأنتخابات علي الأبواب.
اليوم هنالك نغمة ترددها منتديات المدينة وألقت بظلالها علي قبيلة الأطباء، وخلقت ألف علامة أستفهام وعلامة، الدولة تفكر في أستقدام أطباء أجانب من أقاصي الدنيا لسد العجز في الكوادر الطبية المتخصصة بمستشفيات الأقاليم .
قبيلة الأطباء ليس لها أي أعتراض علي ذلك طالما كان الهدف هو الأنسان السوداني، ولكن هل هذا الأمر مطروح وفق دراسة فعلية ، أم أنه قرار سياسي وليد لحظة من شخص ليس له دراية ، لا بالصحة ولا متطلباتها؟
أسئلة مشروعة يحق لكل سوداني غيور ، رضع من ثدي الوطنية وترعرع في كنف وحضن الوطن أن يسألها، علما بأن الجميع لا يودون سماع الأجابة ، ومتي كانت هنالك أجابة لمواضيع أكثر مصيرية للمليون ميل في هذا العهد؟
هل هؤلاء الأطباء المستقدمون من بلاد السند أو ما بين النهرين أو حتي من الكنانة، هل سيكملون النقص في مستشفيات العاصمة؟؟
هل سيتم نقلهم ألي عواصم المديريات؟ أم ألي خارج عواصم المديريات؟
ماهي التخصصات والتي بها نقص؟؟ كم العدد المطلوب لأكمال النقص في كل تخصص ؟ هل سيتم ألغاء رسالة المجلس القومي السوداني للتخصصات الطبية ؟
هل سيتم أستقدام أطباء لتكملة النقص في أساتذة كليات الطب؟؟
هل ستطالب كل كلية طب بأنشاء مستشفي تعليمي خاص بها اليوم وليس غدا؟؟ كليات الطب الخاصة والتي يدفع طلبتها المليارات لماذا تستغل المستشفيات الحكومية ، وعلي قفي من يشيل ؟ جراح العظام دونج سنج تم نقله ألي الجكو ، فهل سينقل معه أخصائي تخدير ومعامل وورشة طبية وأشعة وبنك دم؟ هل ستصبح مستشفي الجكو مستشفي تخصصي؟ أم سيكون ذلك الأخصائي محولجي بترجمة علي الشريط ؟؟من يتحدثون عن هذا الأستخدام ، هل زاروا تلك المستشفيات ووقفوا عليها بيان بالعمل وليس من خلف تقارير، وحتي تلك التقارير يفترض أن تكون وجهتها وزارة الصحة الأتحادية ، مالم تكن الصورة مقلوبة؟؟
نقول لذلك المسئول، أن الطبيب السوداني يحمل جينات سودانية أصيلة تتمثل في القيم والأخلاق والقدوة ونكران الذات والتجرد ، أضافة ألي أن ذلك الطبيب هو أنسان ، وما يقدمه هو رسالة أنسانية لا تخضع للمزايدات والكسب السياسي الرخيص ، بل كان الأطباء كلهم جميعا عنوانا يحتذي، ولكن سياسة دهاقنة الأنقاذ قد جرت علي البلاد ويلات لم تسلم منها الخدمات الطبية.
الطبيب ينقل ألي أي بقعة في السودان يلبي النداء وفورا دون تعقيدات أو مزايدات ، فقد كانت جميع المستشفيات وعلي كل درجاتها تقدم خدمات متكاملة ، والطبيب يجد أن بيئة العمل في أي مستشفي لا تختلف عن ما وجده في الخرطوم أو عواصم ال9 مديريات سابقا، بل كان الأطباء كلهم جميعا يتسابقون لأداء الخدمة في مايعرف وقتها بمناطق الشدة عن رغبة أكيدة ، لأن النظام هو الفيصل في التنفيذ زمانا ومكانا لأي طبيب، تعرف متي تنقل ألي ذلك المستشفي ومتي تقفل راجعا ألي المدينة أو العاصمة ، لأن بيئة العمل أينما ذهبت واحدة، في الخرطوم والجنينة وكسلا والجكو وكاجو كاجي ويامبيو ودرديب وهيا وحلفا القديمة .

نعم الصحة هي تلك الحالة من السلامة التامة بدنياً ونفسياً واجتماعياً وروحياً ، وليست فقط الخلو من المرض والإعاقة والعاهة .
وزارة الصحة هي ذلك الجسم وتلك المؤسسة والتي يفترض فيها أن تتبني هذا المفهوم الشامل للصحة قولاً وفعلاً ، وفقاً لاختصاصاتها المتعارف عليها علي مر العصور ، والتي من ضمنها :-
1. إدارة كشوفات موحدة لكل الأطباء واطباء الأسنان والصيادلة والمهنيين والفنيين والمتخصصين في المجالات الصحية والطبية المختلفة ، إضافة إلي مد الأقاليم بالأعداد المناسبة لهم وفق خطة مدروسة جغرافياً وزمنياً ، إضافة إلي استصحاب الكثافة السكانية والأمراض والأوبئة المتوطنة .
2. ترقية المهن الصحية وتدريب الكوادر العاملة في مجالات المهن الطبية والصحية داخل وخارج الوطن ، وصولاً إلي كفاءة عالية ، تواكب التطور العالمي في مجال الخدمات الطبية .
يعتمد ما ذكر بعاليه من اختصاصات بوزارة الصحة علي :-
وجود مستشفي لتقديم تلك الخدمات كماً وكيفاً ، ويجب أن يتوفر فيه الآتي :-
1. مباني مؤهلة ومكتملة حسب درجة المستشفي .
2. كوادر طبية مؤهلة وذات كفاءة عالية ومكتملة حسب درجة المستشفي .
3. معدات وآلات طبية تتماشي ورسالة المستشفي والموقع الذي يخدمه جغرافيا وكثافة سكانية ونوع الأمراض المتوطنة.
4. استمرارية تقديم الخدمات الطبية في ذلك المستشفي يجب ان يواكب التطور والتقدم العالمي للخدمات الطبية والصحية ، ودائماً يجب أن تتقدم الخدمات نحو الأفضل وصولاً إلي الأمثل .
نعم اليوم لدينا وزارة صحة أتحادية وبها أكثر من وزير دولة ، ووكيل أول الوزارة هو علي رأس العمل التنفيذي ، ونعلم أن الوزارة من صميم مهامها التعيين وأدارة كشوفات التنقلات والتدريب وخلافه.
أذن أن كان هذا واجبها قانونا ، فهل أوصت الوزارة بأستقدام أطباء أجانب؟؟
كم عدد الأطباء العاطلين عن العمل اليوم في السودان ما بين أمتياز وعمومي وأختصاصي . كم عدد الأطباء والذين يعملون في العمل الخاص؟ كم عدد الأطباء المهجرين عنوة وأقتدارا ألي خارج الوطن أو داخله؟؟ ، لأن المهنة والوطن أصبح طاردا؟ وبالأمس تم الأستغناء عن أطباء أستشاريين! ماهو التفسير لذلك ؟؟ هل تم أستبيانهم وأستيضاحهم للعودة لأرض الوطن؟؟ وأن عادوا هل المستشفيات وبيئتها صالحة للعطاء؟
نعم هنالك نقص في الكوادر الطبية ، ولكن هل العلاج في أستقدام ألأجانب؟؟
ليس النقص في الأطباء وحدهم ، وليس ذلك المسئول قد رق وحن قلبه علي المرضي، بل أن تلك النغمة هي لتركيع وأذلال الأطباء، ولكن قد عرفت قبيلة الأطباء بأنها قوية المراس والشكيمة ولا تلين قناتها لمثل هذه الحكاوي خالية الوفاض .
كان أسلم لمن أطلق هذه التصريحات أن يستجلب ضمير لمن خانوا الوطن وسرقوا وأختلسوا ملياراته وتقرير المراجع العام لم يجف مداده، كان أسلم له أن يحاكم علنا من أشتري ذلك السرير الطبي ب6مليون جنيه بالقديم علما بأن سعره كان 250ألف جنيه بالقديم، أم أن الأطباء هم الحيطة القصيرة.
أتركوا وكيل أول وزارة الصحة أن يعمل ويدبر ويخطط وينفذ ، وأنتم أعطوه المال وليس 1% من الميزانية العامة لعلاج أمة بحالها(40مليون مواطن)

ومع ذلك نقول المابعرف ما تديهو الكاس يغرف ، يغرف يكسر الكاس ويحير الناس، وأن كان الشعب السودا
ني متحير منذ 30/يونيو1989
يديكم دوام الصحة والعافية


ملحوظة: هذا المقال عمره أكثر من 5 سنوات كما أعتقد

وتم نشره في الصحف السودانية والإلكترونية

Quote: الرسالة للاطباء يا دكتور ما للدولة وانت زول لماح ولا تنقصك فطنه

Quote: بعدين انتو زعلانين مالكم انا قلت ليكم ارفعوا الاضراب انا قلت للدولة الشالت من ضرايب تحل لي مشكلة المستشفيات ما عاوزه تحلها مع الدكاترة بسبب كيد سياسي تحلها لي من اي حته ده مزعلكم في شنو

Quote: خلاصة الكلام العاوزه لقيتوا في تحرك الاطباء الحصل مؤخرا كنت عاوز حاجة زي ده

وتستمر الدهشة فى هذا البوست المليان تناقضات
والذى لا يشبه صديقى وليد محمد المبارك > الشهير بالشفت

والذى عودنى ببوستات قوية و ذات معالم واضحة ودون لف ودوران

ولا انا غلطان يا شباب ولا غبى ولا بره الجك > عليكم الله فهمونى
وليد ده قاصد شنو ورسالته لمنو
تهديد للاطباء
تحريش للحكومة
ولا شئ تانى انا مافهمتو لانى غبى ... افيدونا

علما عنوان البوست وحسب فهمى ده لو ما طلعت زول غبى
خالى من اى رمزية ولا يحتاج لزول فطن كما اشار وليد

Quote: على الدولة التحرك واستجلاب اطباء من الخارج لتغطية الطوارئ

منتظرين

يا طارق يا صديقي

في جملة قالتها تيسير عوضة لي اساسي كانت عا########ي شديد وبفتش لي طريقة عشان استخدمها

اشكرك على اتاحت هذه الفرصة لنا
الجملة هي

اسوي شنو انا كان ده القاسمو ليك الله


بواجب الصداقة البيناتنا
حا اشرح ليك شوية

في البوست ده في اكتر من موقف .. مافي موقف جامد
وكت فتحت البوست ده بيان الاطباء بتاع الخدمة خارج المستشفيات ما كان اترفع الفرق بيناتهم تقريبا 3 ساعات

عليه كلام الاول موجة للاطباء وهم يمتنعون عن اداء الخدمة حتى في حالة الطواري

بعد ما رفع الاطباء بيانهم وحدث تغير جزي في اضرابهم .. وقالوا انهم يضربون عن مستشفيات الحكومة والجهات المسئولة عنها الحكومة
لاذم موقفي كان يتغير
لانه موقفي اساسا مبنى على امتناعهم عن تقديم خدماتهم في حالة الطوارئ للجمور
وهم عادوا واستدركوا وقالوا انهم ما ممتنعين الا في مناطق الحكومة
قالوا العاوزنا نعالجو يشوف ليه مكان نعالجوا فيه خلاف اماكن الحكومة
وبنصله لحدي عنده

موقف الاطباء اتغير
بالتالي اتغير معاه موقفي

الموقف التالت موش لي ناس الكوم
الناس الوكت تختلف معاهم طوالي برصوك بيدق في الصف التاني
ناس الما معانا ضدنا
ناس الراي راينا والبخالفنا ماهو زولنا
الناس البتشدقوا بالدمقراطية وما قبلانين حتى الاختلاف في الراي

ديل بعاملهم باسلوبم وبرد ليهم حسب فهمهم
البختلف بي زوق نختلف معاه بزوق
والبتجنن بنتجنن معاه
البكاوي بنكاوية
والبغالت بنغالتو
والبنبذ بنابزوا

ان شاء الله تكون فهمت بعد ده
لو ما فهمت بي طريقتك

حسب ما فهما من البوست

لانو وليد متخوف من الوضع الصحي علي المواطن ويتمني في كل المرات الا تدخل صحة المواطن في معادلة الحكومة لان الحكومة لا يهما المواطن وهو كلام واضح ظل وليد يقدمه

وانا من المتشديدن جدا في قصة الاضراب ولانني تفهمت وجهة نظر وليد قبلناها والان ما تقد م به الكثيرين كانوا وكنا من وقت مبكر نتمناه وهو فتح مراكز لعلاج المواطن مجانا او التعاون مع مراكز موجودة


تبرعت بذلك

للكل التحية والتقدير والاحترام

Quote: لانو وليد متخوف من الوضع الصحي علي المواطن ويتمني في كل المرات الا تدخل صحة المواطن في معادلة الحكومة لان الحكومة لا يهما المواطن وهو كلام واضح ظل وليد يقدمه

يديك العافية يالفاتح

وشكرا على حسن الظن
وحسن القراية