Post: #1
Title: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 11:02 AM
لا للعنـف ..
ما حدث لزملائنا مـؤسف ..!!
كل (قطره) من دمائهم هي (مسـؤليه) .. ويا لها من مسؤليه !!
أحسب اننا في بلد ديموقراطي ..
من حق كل منا ان يعبر عن رأيه ..
لا يستحق العنف الا من أخل بأمن , أو قتل , أو سرق , أو بطش ..؟؟
فهل استحقه أي من زملائي ..؟؟
لماذا زرعتم (عود) (كراهيه) لن تنتهي , بين من هما سند هذا الوطن وحمايته : (الطبيب - الجنـدي )
لماذا سمحتم لطبيب ان يخاطب (أخاه) الجندي هكذا : انت واحد حيوان ما بتعرف تكتب اسمك , تمد يد علي انا الدكتتوووور ..؟؟
لماذا أجبرتم (جنديا) وظيفته حمايتنا , من ان يخاطبنا هكذا : أنتو قايلين روحكم شنو ..؟؟ كلاب ولا تسووا أي حاجه ..!!
|
Post: #2
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 11:08 AM
Parent: #1
سيحـضر هذا (الجندي) زوجته (الحامل) ,
وسيخرج (طفله) بين (يدي) ..
سيحضر (أباه), لانقذه من نوبه قلبيه !!
سيهرع الي بابنه , لاداوي (ساقه) من سقطه (العجله ) أو (فلعه) ود الجيران ..!!
لماذا زرعتم (الرعب) في قلبه ..؟؟
بعد اليوم .. سيتردد الف مره قبل ان يطرق باب (طبيب) .. سيتردد لانه يظنهم (كلابا) ..!!
|
Post: #3
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 11:13 AM
Parent: #2
لمن ساهرع ان (شاغلني) (زول) في الشارع ..!!
لمن سا اشتكي ان ضاعت (حقيبتي) في المواصلات ..!!
لمن ساذهب ان (نط) ( حرامي) بالليل ..!!
ارأيتـم ..؟؟
أنـه أكبر مما تتصورون ..!!
اسمحوا لي ,
ولان الكلمه (مسؤليه) ,
أن اسجل احتجاجي , على ما حدث لزملائي الافاضل ,
من (ضرب) و (سب) و( شتم) ,
واسمحوا لى ,
ولانها (مسؤليه) ,
أن اسجل احتجاجي , على ما حدث لهؤلاء (العساكر) , من فقدان الثقـه بنا ..!!
|
Post: #4
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 11:34 AM
Parent: #3
لا .. للاضـــراب ..!!
لم ولا ولن أضـرب ,
ليس لان مرتبي (مليون) دولار ..
وليس لانني (اتعالج) مجانا في كل المشافي ,,
وليس لان (الاجهزه) و (المعدات) حديثه ومتوفره ,,
وليس لانني التقى (تدريبا) دوريا , و (تقييما) منتظما ,,
وليس لان (الميز) و (الاستراحات) الطبيه (مكندشه) وبها من (الماء البارد ) و (الفاكهه المستورده) الكثير ..!!
ليس لكل هذا ..
فكل هذا لا امتلكه .. وضاع حلمي في أن امتلكه ..!!
|
Post: #6
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 11:45 AM
Parent: #4
لا ... للاضــراب ...!!
استبشرت خيرا حينما عرفت ان (اضرابا) قريبا سيحدث ..
وبنيت (آمالا) عراضا أن (يتعالج) المرضى مجانا ..
أن نجد (سريرا) لكل (مريض) .. ويبقى شكلنا كويس قدام العيان اللي بنقول ليهو (دبل) ..!!
أن (يرفق) بـ (المرافقين) .. الذين يفترشون (البلاط) ليلا .. لانو مافي سرير للعيان .. فكيف بالمرافق !!
أن نستطيع ان نكتب كل (الوصفات الطبيه) .. عشان العيان حايلقى الدواء , وحايلقاهو قدر (قريشاتو) ..!!
أن نجد (العنبر) نظيفا .. ولا تزكم انوفنا رائحه الحمامات.. او رائحه الجروح الملتهبه ..!!
أن يستطيع كل (مريض) استخراج (فايل) الاقامه الطويله .. الذي وصل سعره الى (85 الف) .. فا اصبحنا
( نتحايل) على القانون , ونبقي المريض اياما عده في الاقامه (القصيره) .. لانو ما عندو (حق) الفايل ..!!
|
Post: #7
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 12:00 PM
Parent: #6
أن نجد (تدريبا) مكثفا في كل قسـم ننتقل اليه .
أن توضع (البحوث) العلميه قيد الاعتبار وتنتقل من النظريه الى التطبيق ..
أن ترسل الينا (المجلات العلميه) و (الدوريات) ,,
أن نجد (مكتبه) متكامله , بها من المراجع الطبيه ما يعننا على التشخيص ,
أن نحفز تجاه (البحث) و (الدراسه) , ,
أن نشعر أن أهميتنا لا تقل عن أهميه (وارغو) و (فيصل العجب) و (هيثم مصطفى) ..!!
|
Post: #9
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 12:15 PM
Parent: #7
لا .. للاضــراب ..
جاءت طالب لجنـه الاضـراب كالاتـي :
| Quote: تتمحور مطالب الأطباء المُضربين في سبع مطالب أساسية تتمثل في: [1] توظيف العاطلين من الأطباء لخلق موازنة بين أعداد الأطباء والمرضى [2] توفير المناخ المهني المناسب الذي يُمكّن الطبيب من أداء عمله بالكفاءة المطلوبة [3] مجانية العلاج. [4] سداد المتأخرات المالية المستحقة للأطباء. [5] رفع مرتبات الأطباء لمجابهة ظروف المعيشة. [لل6] توفير الحماية طبيب في بيئة عمله. [7] تأهيل الأطباء وتوفير وسائل البحث العلمي والإلكتروني ليظل الطبيب مواكباً للمستجدات في مجاله. |
|
Post: #10
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 12:32 PM
Parent: #9
لا .. للاضــراب ..
سبــع مطالب ..
كلها تختـص بـ الطبيب .. وتدور حوله ..
أين حـق المريض ..؟؟
أين (مجانيه العلاج) و (تخفيض الرسوم) و (اصلاح الحوادث) ..؟؟
لماذا لم نطالب بـ (زياده السراير) و (شويه) (ملايات) (نظيفه) .. للمريض , وليس لنا نحن ..؟؟
اولم نخلق من أجلـهم ..؟؟
اولم نكد ونجتهد ونسهر لياليا عده , نتفحص كتب الطب , لنعينـ (هم) ..؟؟
هل كان من الصعب ان تكون المطالب (سبعه عشر) عوضا عن (سبعه) ..؟؟
نطالب في (العشره) الباقيه , بـ (غرفه ولاده مجهزه) و (بنك دم) لكل مشفى , و(حقنه انتيبايوتك) مجانيه لكل مريض ..؟؟
ما كان ممكن نقول (اوقفوا بناء المستوصفات الخاصه) و (صلحوا لينا الحكوميه حقت الغلايه دي) ..؟؟
ما كان ممكن نطالب بي (حق) (العيان) الما عندو صوت يشتكي بيهو , عشان نحتفظ بي (انسانيتنا) , (كرامتنا),( رسالتنا),(شرف مهنتنا) (نبر ولو جزء من قسمنـأ) ..؟؟
أين المــرضى من مطالبنـا ..؟؟
أسقطنا انسانيتنا .. طالبنا بـ المزيد من (المال) ..
فمــاذا كان رد مســؤلينا ..؟؟
(رجــاء .. جهزوا( مناديلكم) لرد مسؤلينا .. فانه قــاس .. قاس جدا)
|
Post: #13
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 12:48 PM
Parent: #10
لا .. للاضــراب ..
قـرار جمهوري باعطـاء (6) (منح) لأطباء الامتياز ونواب الاختصاصـيين ..!!
- منحه دراسيه لنواب الاختصاصيين بواقع 300 ج شهريا..
- زياده منحه (الاطروحه) لنواب الاختصاصيين بواقع 250 ج تدفع نهايه فتره التدريب ..
- منحه نهايه امتياز بواقع 250 ج شهريا تدفع نهايه الامتياز ..
- منحـه اورنيك جنائي بواقع 150 ج عن كل اورنيك (تتضمن اونيك 8 وشهادات الوفاه) ..!!!!
- منحـه شهاده امام المحاكم بواقع 200ج عن كل قضيه ..
- منحـه تشريـح بواقع 1000 جنيه عن كل جثه ..!!!
- منحـه نبش قبر بواقع 3000 ج عن كل جثه ..!!!
|
Post: #15
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 01:00 PM
Parent: #13
Quote: - منحـه اورنيك جنائي بواقع 150 ج عن كل اورنيك (تتضمن اونيك 8 وشهادات الوفاه) ..!!!!
- منحـه تشريـح بواقع 1000 جنيه عن كل جثه ..!!!
- منحـه نبش قبر بواقع 3000 ج عن كل جثه ..!!! |
يــا الهي !!!
اولم اقل لكم ان (الرد) (قاس) ..!!
اردتم (المال) ..؟؟ هاهو قد آتاكم .. مفـروشا على (جثث) المرضى ..
اتتكم حفنه (جنيهات) مسكوبه في قعر (قبر) ..!!
طالبتم بـ (المال) (بوظائفكم) (براحتكم) , اسقطتم (انسانيتكم) نسيتم (مرضاكم) ,
فوضعوا لكم (المال) بين فكي (جثـه) ..؟؟
اويجـرؤ أي منكم ان يأخذ (150 ج) (حافز؟) كتابه (شهاده وفاه) ,ويشتري منها (سندوتش فول) ويأكله ..؟؟
(عــن كل جثه) ...!!! انظروا الى اللغه التي اصبحوا يخاطبوننا بها ..!!
(عن كـل قبر) ...!! ضيعنا (شرف مهنتنا) , فخاطبونا بلغه (السوق) التي كتبنا بها (مطالبنا السبعه) ..!!
|
Post: #66
Title: Re: لا (للاضــراب) .. لا (للعنــف) .. !!
Author: رشا سالم
Date: 06-04-2010, 08:31 AM
Parent: #15
Quote: اويجـرؤ أي منكم ان يأخذ (150 ج) (حافز؟) كتابه (شهاده وفاه) ,ويشتري منها (سندوتش فول) ويأكله ..؟؟
(عــن كل جثه) ...!!! انظروا الى اللغه التي اصبحوا يخاطبوننا بها ..!!
(عن كـل قبر) ...!! ضيعنا (شرف مهنتنا) , فخاطبونا بلغه (السوق) التي كتبنا بها (مطالبنا السبعه) ..!! |
الكلام دا ماممكن الواحد يمر عليهو مرور الكرام..دا كلام خطير منك يا داليا
مين الضيع شرف المهنة؟الاطباء الشرفاء ولا د.كمال عبدالقادر وباقي الجماعة؟
من متين الطبيب بيأخد قروش علي كتابة شهادة الوفاة ولا الميلاد ولا التقارير الطبية؟
دي سنة جديدة عايز يسنها كمال عبدالقادر ولا شنو؟
انا كطبيب بجي في مواعيد دوامي وبسلم النبطشية لزول تاني ومفروض اجي اخر الشهر استلم راتبي
معزز مكرم وعليهو بوسة..من غير تفاصيل سخيفة ومستفزة زي دي!
|
Post: #19
Title: Re: لا (للاضــراب) .. لا (للعنــف) .. !!
Author: tarig almakki
Date: 06-03-2010, 01:30 PM
Parent: #10
| Quote: تتمحور مطالب الأطباء المُضربين في سبع مطالب أساسية تتمثل في: [1] توظيف العاطلين من الأطباء لخلق موازنة بين أعداد الأطباء والمرضى [2] توفير المناخ المهني المناسب الذي يُمكّن الطبيب من أداء عمله بالكفاءة المطلوبة [3] مجانية العلاج. [4] سداد المتأخرات المالية المستحقة للأطباء. [5] رفع مرتبات الأطباء لمجابهة ظروف المعيشة. [لل6] توفير الحماية طبيب في بيئة عمله. [7] تأهيل الأطباء وتوفير وسائل البحث العلمي والإلكتروني ليظل الطبيب مواكباً للمستجدات في مجاله. |
Quote: لا .. للاضــراب ..
سبــع مطالب ..
كلها تختـص بـ الطبيب .. وتدور حوله ..
أين حـق المريض ..؟؟
أين (مجانيه العلاج) و (تخفيض الرسوم) و (اصلاح الحوادث) ..؟؟
لماذا لم نطالب بـ (زياده السراير) و (شويه) (ملايات) (نظيفه) .. للمريض , وليس لنا نحن ..؟؟
اولم نخلق من أجلـهم ..؟؟
|
معقول يا دالية ؟
المطالب دي كلها بتصب في مصلحة المريض ودونك الموسومة باللون الأحمر
يا دالية إذا كانت دي مطالب الأطباء وكلها غير موجودة فالأفضل إنهم يسيبو
البلد ويمشو ولا حرج عليهم أو يشيلو السلاح ويعملو حرب أهلية ولا حرج عليهم
يا دالية قورش البلد بتتصرف على أتفه حاجات ونحنا المستحقين رايحين تحت الجزم
|
Post: #39
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 05:14 PM
Parent: #19
طارق المكي يا صديق .. ازيك ..
توضيـح يا طارق : (مجـأنيه العلاج) معناها انو (الطبيب) يتعالج مجانا, وليس المقصود بها (المريض)..
Quote: يا دالية إذا كانت دي مطالب الأطباء وكلها غير موجودة فالأفضل إنهم يسيبو
البلد ويمشو ولا حرج عليهم أو يشيلو السلاح ويعملو حرب أهلية ولا حرج عليهم
|
طارق , انا شغاله هنا في السودان ,
واعاني الامرين عشان أأدي وظيفتي بالشكل البيرضي ربنا ,
انا عندي التزامات اسريه ما قادره اوفي بي نصها بسبب ضيق ذات (المرتب) ,
يلا اقووم اعمل شنو ..؟؟ اشيل سلاح واعمل حرب اهليه واقول ما بعالج زول صـح ..؟؟
ما بقدر اعمل كدا,
وانت لو في مكاني ما بتعمل كدا , (واحلف على ذلك مصحف لانو بعرفك كويس )
طارق .. الاعتصام وسيله ممتازه جدا للاعتراض ,
وانا معها قلبا وقالبا .. بـس,
العبره ما في الاعتصام .. العبره في اننا حا نطلب شنو لمن نعتصم ..
نقول ادونا قروش .. حايدونا قروش بالطريقه المستفزه الكتبوها في كل الجرايد ,
ووروا الناي اننا ما بنفرق من اي تاجر , دايرين قروش وبس , ايا كانت كيفيتها ,,
يا طارق , صباح هذا اليوم انا كتبتا توفي مريض بالعنبر ,
بعد ان عملت الاجراءات اللازمه له , قمت بكتابه شهاده الوفاه ,
وانا طالعه من المستشفى (بعد سلمتا النبطشيه) قابلني زميل (احسب ان الطب ابعد ما يكون عنه)
وقال لي بضحكه مستفزه : بختـك .. جاتك 150 الف .. .... ؟؟؟؟
اشهد الله العظيم يا طارق .. انو الدنيا دارت بي , وفكرتا بيني وبين نفسي ,
ياربي هل في زول حا يتجرأ ويشيل القروش دي ..؟؟
(لم ولا ولن آخذ مالا كهذا .. اكيييد ما بكون داليا الانت بتعرفها كويس) ..
ابقى كويس يازول .. تحياتي ..
|
Post: #5
Title: Re: لا (للاضــراب) .. لا (للعنــف) .. !!
Author: رشا سالم
Date: 06-03-2010, 11:38 AM
Parent: #3
الاخت العزيزة د.داليا..
ممكن سؤال؟
الرفع بندقيتو في وش د.ولاء الدين ود.الهادي مش كان عسكري وبياخد توجيهات من الامنجية؟
الاعتدي اول شي لفظيا وفعليا علي التاني منو؟يعني مين البادي والبالتالي ال(اظلم) ؟
الاعتقل د.الابوابي وزملائه ولغاية الأن ما معروف سكتهم منو؟
طيب يا داليا نبتدي من العنوان..لا للاضراب..ليه؟
دا حق لاي فئة عاملة ووجهت بمظالم في نطاق عملها وبتفتكر انو الجهات المسئولة
بتتجاهل حقوقها..كل البيعملوهو ..انهم ما يقوموا يواصلوا عملهم..حتقولي لي الطب
مختلف عن باقي المهن لانو رسالة..حأقول ليك من باب اولي الحكومةتتعامل مع الاطباء كانهم
رسل لو هي مقتنعة بالكلام دي..
لا للعنف..كلنا بنتفق علي الكلام دا الا الحكومة ومؤسساتها السلطوية زي الشرطة
وجهاز الامن ومن والاهم..
تعرفي يا داليا انا لي يومين بفكر في شنو؟انو الناس دي الجابرها شنو؟
معظم القايدين الاضراب دا من خيرة الاطباء خلقا ومهارة..ومن اسهل الحلول انهم
يطلعوا من البلد ويمشوا الخليج ولا ايرلندا ولا بريطانيا ويقبضوا الريالات واليورو
ويسدو دي بطينة ودي بعجينة ومافي زول حيلومهم..
او يقعدوا في بلدهم ويقيفوا في الضل البارد والجانب المربح (جانب الحكومة)
ودي ساهلة جدا..انا كنت في السودان في شهر تلاتة ايام الاضراب الاول..وفوجئت
بانهم بيتصلوا بي ويعرضوا علي اني اغطي لست عمليات (وكلو بحقه)
قلت ليهم انا ما زعلانة منكم انا زعلانة اني اديتكم فرقة انكم تطلبوا مني طلب زي دا
يعني الناس ديل لو ما وصلهم احساس اني ممكن اوافق ما كانو طلبوا مني طلب زي دا
ومن وكتها وانا حاسة انو الاطباء المضربين ديل يستحقوا ان نخلع قبعاتنا لهم
لأنهم ما طمعوا فيهم زول وواقفين سد في وش الطغيان..وفساد الزمم..
العار لكل من يعتدي علي طبيب يمارس حقه الدستوري..
العار علينا ونحن نري ونسمع ولا نتحرك..
|
Post: #8
Title: Re: لا (للاضــراب) .. لا (للعنــف) .. !!
Author: الشاذلى خيرى عبد الله
Date: 06-03-2010, 12:13 PM
Parent: #5
سلامات يا عزيزة ..
دعيها تكمل .. لكأنى بحديثهالم يكتمل ..
مودتى ..
|
Post: #12
Title: Re: لا (للاضــراب) .. لا (للعنــف) .. !!
Author: عبدالحافظ سعد الطيب
Date: 06-03-2010, 12:37 PM
Parent: #8
وزارة المالية تعتدى على مليارت من حقوق العمال
الوعود التي أطلقها رئيس اتحاد نقابات عمال السودان
بالتزام وزارة المالية بدفع متأخرات العاملين
خطوة
لإمتصاص غضب العمال الذي بدأ يتصاعد
بالمطالبة بدفع مستحقات ومتأخرات بمختلف
قطاعات الدولة بلغت مليارات
الجنيهات أن مطالب العمال أصبحت
تتراكم على مستوى
العاصمة والولايات واتحاد العمال لم يحرك ساكناً طيلة هذه
الفترة، ووزارة المالية ليس فى نيتها دفع متأخرات
العمال وإلا أدرجت تلك المستحقات في ميزانية العام الجاري،
برضو لا للأضراب ده أداة من أدوات العمل النقابى السلمى
لو أعتدوا عليها ببقى مافى طريقة غير ؟؟؟؟؟؟؟؟؟؟؟؟؟؟
حكمت محكمة جنايات
النصر بالسجن تسعين شهراً والغرامة
المالية على ثلاثة من بينهم اثنين من
شرطة الاحتياطي المركزي أدينوا بنهب
أحد المواطنين في وضح النهار وألهبوا
ظهره بالسياط
ورأي
القاضي عبد المنعم عثمان في حيثيات
إدانة المجموعة أمس الأول أن اعتداء
جنود الاحتياطي المركزي على المواطنين
أضحي ظاهرة مخيفة بالمنطقة لذا كان
لابد أن تكون العقوبة زاجرة ورادعة
الاحتياطي المركزي على المواطنين أضحي
ظاهرة مخيفة بالمنطقة يظل المواطن
يدفع ثمن نظام الانقاذ من أمنه وسلامته
الشخصية
|
Post: #40
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 05:23 PM
Parent: #12
الاخ عبدالحافظ سعد الطيب .. المحترم ..
أضـراب العمال امر مختلف تماما عن اضراب الاطباء
من حيث الكيفيه والنتائج والاسباب وخلافه ,,
كما ان الاضرار المترتبه عليهما ليشت متشابهه ..
قد اعود لاعلق على الخبر فيما بعد .. تحياتي وشكرا لمرورك الكريم ..
|
Post: #38
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 05:03 PM
Parent: #8
Quote: دعيها تكمل .. لكأنى بحديثهالم يكتمل ..
مودتى .. |
شاذلي .. شكرا جزيلا اخوي ..
وللحديث دوما بقيه ...
تحياتي ..
|
Post: #11
Title: Re: لا (للاضــراب) .. لا (للعنــف) .. !!
Author: سالم أحمد سالم
Date: 06-03-2010, 12:32 PM
Parent: #5
| Quote: العار لكل من يعتدي علي طبيب يمارس حقه الدستوري.. |
يجب عدم المساواة بين الضحية والجلاد
الاطباء والمرضى "الشعب" هم الضحية
والجماعة المستولية هي الجلاد ..
هذا جانب غير قابل للبحث .. فهنا دماء لم تجف بعد .. ووفي كل مكان مرضى يموتون
في كل السودان بسبب اهمال الجماعة المستولية الذي دفع الاطباء للاضراب ..
نعم للاضراب لأن العمل في مثل هذه الظروف التي يعاني منها المرضى
تفاقم السوء وتقننه وتشرعنه .. ولا تخدم المرضى ولا توفر الشفاء ولا توقف موجات الهلاك
التي يتعرض لها المرضى .. فوجود الطبيب في مكان عمله من عدمه لم يعد يغير من الأمر شيئا
لأن الطبيب ليست له يدا سحرية تزيل المرض ولا يعالج بالاحجلة والضلالات .. الطبيب يعالج
بالدواء والحقنة والقطن والشاش المعقم والمختبرات ومعدات الجراحة الخالية من الصدأ .. والعدوى ..
سنقول لا للضراب عندما توفر الجماعة المستولية الحد الأدنى من ضرورات العلاج والدواء
حتى لو كان هنالك اجحاف في الحق المادي الاطباء ..
سنقول لا للاضراب عندما يصبح العلاج حقا متاحا وممكنا للمواطن .. الذي اصبح مرعوبا قبل أن يمرض
من نفقات العلاج أكثر من خوفه من المرض نفسه ..
حتى ذلك الحين الذي نراه بعيدا في قتامات الجماعة المستولية .. نعم للاضراب
|
Post: #14
Title: Re: لا (للاضــراب) .. لا (للعنــف) .. !!
Author: osman righeem
Date: 06-03-2010, 12:53 PM
Parent: #11
الاتحادى الديمقراطى يندد بالاجراءات الأمنية القمعية ضد أطباء السودان
أعلن الحزب الاتحادى الديمقراطى تنديده الشديد بالاجراءات القمعية ضد الاطباء السودانيين،وأكد تضامنه التام مع أطباء السودان ولجنتهم العمومية ومطالبها المشروعة.وأدان المتحدث الرسمى باسم الحزب حاتم السر التصرفات الأمنية التي تتم بها معالجة قضية الاطباء،وقال بالقدر الذى نحاول فيه النأى عن تحويل قضية مطلبية الى قضية سياسية الا اننا ندعو السلطات الحكومية إلى النظر في قضايا الاطباء المطلبية العادلة بما تستحق من تفهم، لما للقطاع الصحي من أهمية حيوية تفوق أي أهمية أخرى، وشدد السر على أهمية وقف التصرفات الأمنية الهوجاء و المنفلتة من كل عقال و التي بدأت تتصاعد أخيراً غير آبهة بحملات الإدانة والاستنكار التي أبدتها دوائر واسعة من القوى السياسية السودانية والمثقفين والشخصيات الوطنية وناشطي حقوق الإنسان محليا وعربيا وعالميا، ومطالبتها بالكف عن المضايقات الامنية و بالإفراج عن المعتقلين السياسيين والنقابيين، وأشار الى أن السلطات الأمنية السودانية مازالت ماضية في غيّها وقمعها بما يهدد الحياة الديمقراطية والعمل النقابي و التجمعات المطلبية.وقال السر اننا نؤكد مجدداً على ضرورة الاسراع بمعالجة هذا الملف والتخلي عن الأساليب القمعية ،وإيقاف الملاحقات والمضايقات الامنية ،وإخلاء السجون من معتقلى الاطباء فورا، وحل مشكتهم بروح المسؤولية الوطنية.
المركز الاعلامى
الحزب الاتحادى الديمقراطى
شارع السيد على الميرغنى-الخرطوم بحرى
الخميس 3 يونيو2010م
|
Post: #16
Title: Re: لا (للاضــراب) .. لا (للعنــف) .. !!
Author: Tragie Mustafa
Date: 06-03-2010, 01:09 PM
Parent: #14
لا الهي يا داليا؟؟اتاريك غير مضربه مع زملائك وزميلاتك؟؟؟
عريضة مطالبهم الانتقديتها كان ممكن ان تكوني من يشارك بصياغتها
وكان ممكن تحددي شكل مطالبك...وتوضحي انك لن تضرب الا ان ضمنت.
عذرك غير مقبول يا داليا
انت تتحدثي وكانك غريبه منهم
بينما انت مفروض من داخل الميز ومكان الاضراب تسجيل موقفك.
محزن انه نكتفي بان موقفنا يصنعه باس ورد
يا ترى ماهو موقفكم لو لم تكوني تمتلكي هذا الباس ورد؟؟؟
|
Post: #17
Title: Re: لا (للاضــراب) .. لا (للعنــف) .. !!
Author: العوض المسلمي
Date: 06-03-2010, 01:20 PM
Parent: #16
تراجي بطلي وصاية علي الناس ...
موش فتحت بوست وقلت ساغيب ايام ؟؟ ولا ايدك اكلتك ؟؟
داليا لك الف تحية وانتي تحددي موقفك بهذه الصراحة ..
|
Post: #18
Title: Re: لا (للاضــراب) .. لا (للعنــف) .. !!
Author: عمر سعد
Date: 06-03-2010, 01:28 PM
Parent: #17
الاخت داليا
هل انتهيتى من كلامك ولا فى باقى ننتظرو عشان نرد عليك ؟
..........................................................
كل مره بتذكر كلام امى الاميه فاقتنع اكثر واكثر ......
|
Post: #48
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 06:01 PM
Parent: #18
Quote: هل انتهيتى من كلامك ولا فى باقى ننتظرو عشان نرد عليك ؟
|
المحترم عمر سعد .. ممكن تتفضل طوالي حبابك ..
| Quote: كل مره بتذكر كلام امى الاميه فاقتنع اكثر واكثر ...... |
الله يديها الصحه والعافيه ويخليها ليك يارب ..
تحياتي اليها ,., في انتظارك ..
|
Post: #47
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 05:57 PM
Parent: #17
| Quote: داليا لك الف تحية وانتي تحددي موقفك بهذه الصراحة .. |
تسلم ياريس ,
الكلمه مسؤليه , ولم اتعود الا ان اقول الحق ,
ولطالما آمنت انني وجدت في هذه الدنيا لهدف ,
وانني لارجو ان اذهب من هذه الفانيه ,
ويذكرني الناس بكل طيب ,,
تحياتي ياريس .. وتسلم ..
|
Post: #28
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-03-2010, 04:01 PM
Parent: #16
سكت دهرا و نطق كفرا ..!!
أهذا مافتح الله بك عليك .. حملة إعلامية محترفة على غرار قصص رجل المستحيل !!
كويس..
حسبي الله و نعم الوكيل .. نرد عليك ماعلشانك .. بس علشان ماتغشي زول ..!!
أولا:
Quote: أحسب اننا في بلد ديموقراطي ..
من حق كل منا ان يعبر عن رأيه .. |
بلا بلد ديمقراطي بلا بطيخ .. القضية ماعندها علاقة بديمقراطية من عدمه و الأطباء بيضربوا في أقسى الديكتاتوريات و أنبل الحريات و مافي زول قاعد يتعرض ليهم .. الحصل ده فلته ماحصلت لا في إسرائيل لا في الإتحاد السوفيتي و لا أظن جنكيز خان زاتو كان حيسويها .. فرجائا ماتوحي بأن الموضوع سوء ممارسة للديمقراطية أو مشكلة غيابها أو أي عذر زي ده!! .. مافي أي مبرر.. و عموما دي نقطة هامشية لكن أقسمت إني أرد عليك حته حته
ثانيا:
Quote: لماذا زرعتم (عود) (كراهيه) لن تنتهي , بين من هما سند هذا الوطن وحمايته : (الطبيب - الجنـدي )
لماذا سمحتم لطبيب ان يخاطب (أخاه) الجندي هكذا : انت واحد حيوان ما بتعرف تكتب اسمك , تمد يد علي انا الدكتتوووور ..؟؟
لماذا أجبرتم (جنديا) وظيفته حمايتنا , من ان يخاطبنا هكذا : أنتو قايلين روحكم شنو ..؟؟ كلاب ولا تسووا أي حاجه ..!!
بعد اليوم .. سيتردد الف مره قبل ان يطرق باب (طبيب) .. سيتردد لانه يظنهم (كلابا) ..!!
اسمحوا لي ,
ولان الكلمه (مسؤليه) ,
أن اسجل احتجاجي , على ما حدث لزملائي الافاضل ,
من (ضرب) و (سب) و( شتم) ,
واسمحوا لى ,
ولانها (مسؤليه) ,
أن اسجل احتجاجي , على ما حدث لهؤلاء (العساكر) , من فقدان الثقـه بنا ..!! |
ده مجرد ذر للرماد في العيون .. ياهم السودانيين ساعة الزعل بيشتموا بعض بأقذر العبارات و بعد بكره بيتسالموا بالأحضان!! .. طوال الإضراب الفات حاصرونا العساكر و ضربونا كمان و كنا بنوزع ليهم بياناتنا قدام الميز و بيضحكوا من وصفنا ليهم بالشرطة الغاشمة و حتى لما الأمن إعتقل د.هشام في الآخر قال ليه معليش دي التعليمات .. ماتمسكي في عبارة ساعة غضب و تبني عليها قصور في الهواء ساي !! أفراد الشرطة أبناء هذا الشعب نحن و هم إخوة و أي زول يا قريبه شرطي يا دكتور فما حنخاف منهم و لا هم شايفيننا كلاب!! و كانوا بعد الإضراب الفات بيجونا في مستشفيات الحكومة و يخلوا مستشفى الشرطة لثقتهم بنا .. ألعبي غيرها .. بلاش غيرة زائفة!!
ثالثا:
Quote:
لم ولا ولن أضـرب ,
ليس لان مرتبي (مليون) دولار ..
وليس لانني (اتعالج) مجانا في كل المشافي ,,
وليس لان (الاجهزه) و (المعدات) حديثه ومتوفره ,,
وليس لانني التقى (تدريبا) دوريا , و (تقييما) منتظما ,,
وليس لان (الميز) و (الاستراحات) الطبيه (مكندشه) وبها من (الماء البارد ) و (الفاكهه المستورده) الكثير ..!!
|
بالله !! .. يعني الإضراب الفات ما كنت مضربة .. غريبة ماشفت إسمك في لوائح الخزي و العار .. عليك الله وريني شغاله وين علشان نشرفك و نكتبك فيها و أبقي قدر موقفك ..
النقطة الأهم ضربت عنها صفحا ..
ألن تضربي لأجل زملائك المعتقلين بلا سند قانوني لأنهم يدافعون عن حقوق إرتضاها كل الأطباء لأنفسهم و فوضوهم لأجلها ؟؟؟
شوفي يا داليا .. كل زول حر لكن:
- الإضراب حق مكفول عالميا للأطباء
- كل أطباء العالم في العالم الأول/الثاني/الأخير أضربوا في يوم من الأيام فليس إضرابنا بدعة
- المجلس الطبي البريطاني وجه بأن العمل في ظروف لا تحقق صالح المريض أو تضر بالطبيب غير أخلاقي و يكون الإضراب أخلاقيا عندها
- السودان شهد إضرابات أطباء عديدة منها ماشارك فيه وزير الدولة بالصحة الآن .. فهل هو حلال عليكم حرام علينا؟؟
و طريقة عرضك للمطالب على شاكلة مخصصات الدستوريين ذوي السيادة (مليون دولار و فواكة مستورده ..إلخ) ماهو إلا خبث أربأ بك منه .. نحن نريد الكفاف يا داليا .. الكفاف .. أسمعت به؟؟
Quote:
سبــع مطالب ..
كلها تختـص بـ الطبيب .. وتدور حوله ..
أين حـق المريض ..؟؟
أين (مجانيه العلاج) و (تخفيض الرسوم) و (اصلاح الحوادث) ..؟؟ |
ياسبحان الله .. صحيح و الله الغرض مرض!!
يعني تكتبي بالأحمر (مجانية العلاج) في السبع مطالب و تجي تقولي هي وين؟؟
أول مرة أسمع زول بيطالب الطبيب اللي هو طبعا ما الحكومة و لا وزارة الصحة بإنه يضرب علشان السياسات الصحية في بلد كااااااامل ..
قولي أضربنا علشان الصرف الحكومي على الصحة من 4% يرتفع لــ 25% مثلا .. ماحتجي إنت زاتك تقولي دي مطالب سياسية و بتاعة الأحزاب و المجتمع المدني ما شغل الدكاترة ..
نحن يا دكتورة موظففففففين و بس .. بنطالب بتحسين وضعنا علشان نعرف نؤدي وظيفتنا زي الناس ..
قولي كده لو كلنا هاجرنا في بلاد الله الواسعة الكايسة دكاتره دي من مكاتب زي (وكالة أمواج الخليج) الكانت فاتحة في نص الوزارة حيجي زول يقول لينا المريض مسئوليتكم؟؟
كويس اللي يقفلوا كل المستوصفات و العيادات الخاصة و أقلبيها إشتراكيه عديل كده .. أين أنت من حديث الرسول الكريم حول أجر الطبابة!!
الكلام ده قوليه للحكومة و خلي وكيل الصحة يضرب مادام شايفه إنو المريض متضرر من السياسات الصحية و بالمرة كلمي دكاترة أمريكا يضربوا علشان التغطية الصحية الزفت اللي في بلدهم رغم تطور الطب عندهم ..
دي قضيتين لا يستقيم وضعهما في سلة واحدة : السياسات الصحية التي تنعكس على الشعب و شروط خدمة قطاع من الموظفين المظلومين حتى بمعيار القوانين الحالية
Quote:
ما كان ممكن نطالب بي (حق) (العيان) الما عندو صوت يشتكي بيهو , عشان نحتفظ بي (انسانيتنا) , (كرامتنا),( رسالتنا),(شرف مهنتنا) (نبر ولو جزء من قسمنـأ) ..؟؟ |
كدي راجعي القسم مرة تانية!! في أي حته فيه إنو أنا أصارع الحكومة (ولي الأمر) علشان تعالج الناس مجانا و ترأف بحالهم؟؟ بل فيه إن أنا لو ماقدرت أؤدي مهنتي صاح ما أخاطر بالناس ساي ..
لما يكون الطبيب بيشوف 200 عيان في اليوم عبر 73 ساعة عمل إسبوعيا بس لأن باقي زملائه العطالة الدولة ماعاوزه توظفهم ده بر بالقسم .. كويس لما أطالب يتعينوا علشان أشوف 50 يوميا و بشكل إحترافي ده ماعلشان العيان؟؟
لما يكون المناخ المهني مناسب و ألقى الأكسجين و حقيبة الطوارىء موش حأبر قسمي و حأوفر الرعاية الصاح .. ده ماعلشان العيان؟؟
لما ماأكون قلقان من زول يعتدي علي أو يعتقلني من نص حالة بعالج فيها .. ده ماعلشان العيان؟؟
لما وضعي يبلغ حد الكفاف (و هو بالمناسبة بالضبط ماطالبنا به و ليس المليون دولار بتاعتك ديك) و ماأضطر أتجارى بين المسوصفات و أقدر أقرأ و أدرس .. ده ماعلشان العيان؟؟
مالكم كيف تحكمون؟؟؟
Quote:
أسقطنا انسانيتنا .. طالبنا بـ المزيد من (المال) ..
فمــاذا كان رد مســؤلينا ..؟؟ |
دي جد ضحكتني .. لا كمان معاها مناديل و دموع !!
المزيد!!! زي كأنوا عندنا قروش مكفيانا و عاوزين مزيد؟؟؟
رد مسئولينا؟؟ .. أمشي كدي راجعي البوست ده تفاصيل قضية الأطباء قبل تفجرها الوشيك .. لجنة إضراب أطباء السودان علشان أنا لحدي أسي عازرك لأنو باين إنك معرفتك بالقضية مابتتجاوز بوست أمجد بتاع السبع مطالب!!
1) تعرفي لو كضب الإضافة العملها إتحاد العمال ده (بس علشان بتتطلع من وزارات تانية) بتاعة الأرانيك و الجثث دي قالوا لينا أبينا عديل مافي زول حيشتغل بيها و لمعلوميتك كان إشتراطنا إنو تتحملها وزارة الداخلية و ليس المواطن (موش عندهم 70% من الميزانية مع الجيش و الأمن!!) .. !!
2) المسئولين اللي إنت بتتكلمي عليهم ديل وافقوا على كل مطالبنا بإتفاقات موثقة و المبالغ اللي فيها أكبر بكثير من قروش الجثث بتاعتك دي .. ماتحاولي تعملي منهم أبطال و حكماء .. بالواضح كده عاوزين يورطونا مع وزارات تانية تتماطل بعدين و مانقدر نقول ليهم حاجة موش شرطة و قضاء !!!
3) القاصي و الداني يعرف أن معركة الأطباء الحالية و السابقة هي معركة كراااااااااامة .. أصررنا على رفع الإضراب الفائت بالميز لهذه الكرامة تحديدا برغم تهديد أجهزة الأمن لآخر لحظة .. رفضنا حلا جزئيا للنواب قدره 2700 ج لأجل هذه الكراموة و التضامن تماما .. هل أزيد ؟؟ أم أنني أنفخ في قربة مقطوعة؟؟
4) بعدين القرار الجمهوري اللي إنت معتبراه رد المسئولين مابيوري حاجه سوى تضليل السيد الرئيس من قبل وزارة الصحة لا غير !! أمشي أقري بوستاتي و تعالي بدل تتكلمي ساي
و الله ماكان كلامك يستاهل أرد عليه لولا أن التضليل الإعلامي بلغ حده .. و كمان من جوانا !!
أها سؤال ..
لما تجي كل المكاسب حترفضيها و تكوني متسقه مع مبادئك و لا حتبلعي كلامك بتاع العيان و تتمتعي بيها معانا ؟؟
حاجة غريبة
|
Post: #29
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-03-2010, 04:03 PM
Parent: #28
و أزيدك من الشعر بيت ..
جريدة الصحافة -- 3/6/2010
الصفحة السابعة
الجوس بالكلمات
مشكلة الأطباء.. هل فشل الوكيل ؟
أسند رئيس الجمهورية ادارة العمل بالوزارات بعد حل الحكومة لوكلاء الوزارات والأمناء العامين باعتبار أن الوكيل أي وكيل هو الدينمو المحرك للعمل والخبير بتضاريس وسهول وزارته، ومن الجيد أن يقوم الوكلاء بمهامهم علي الوجه الأكمل ولكن ليس من الجيد بالطبع التمادي في نقض العهود والمواثيق والتملص من استحقاقات الأطباء الذين نفذوا اضراباً قبل فترة ثم رفعوه بناءً علي مواعيد اتضح لاحقاً انها مواعيد عرقوب أخاه بيثرب .
وقبل أن نخوض في عملية تحليل مدي ثقة رئاسة الجمهورية في بعض وكلاء الوزارات المأزومة والتي تجاوزت أزمتها حدود القضايا المطلبية لتتخذ طابعاً من المكائد المتبادلة بين الأطراف كافة دون اعتبار للمواطن المسكين الذي يتأذي كثيراً من استمرار مسلسل الأطباء مع وزارة الصحة واللجان « المنبثقة » المتعددة التي لا تنبثق الا لزيادة المشكلات وصناعة المواسير .
لقد تابع الجميع من قبل أزمة اضراب الأطباء وتوصل الحكماء من خارج الوزارة وهم لفيف من التنظيميين علي رأسهم البروفيسور ابراهيم غندور رئيس اتحاد العمال واحد قادة المؤتمر الوطني ، توصلوا الى اتفاق رجال كان يجب أن يحترم لانه اتفاق رجال وليس صفقة سياسية ، وبموجب ذلك الاتفاق رفع الأطباء اضرابهم الجزئي - حيث كانوا يزاولون العمل في أقسام الطوارئ - وقال عدد من المسؤولين انهم حلوا المشكلة حلاً جذرياً وانه لن يكون هنالك اضراب مجدداً وعلي ذلك استقرت النفوس وهدأت ..اذن السؤال الذي يطرح نفسه اليوم بشدة هو ماذا حدث بالضبط ومن الذي فجر « ماسورة » المشكلة مجدداً ؟
لقد تشرفت بحضور مداولات جادة دارت بين نفر من أطباء السودان معظمهم من عضوية الحركة الاسلامية التي لها اسهامات وتاريخ في العمل الصحي ، وكان موضوع المداولات مناقشة أزمة اضراب الأطباء المعضلة والتحدي ، وجاءت اعترافات أطباء الحركة الاسلامية متسقة ومطالب الأطباء واعترفوا بأن لهؤلاء الناس قضية عادلة ومن الخطأ اهمالها والاستهانة بها واللجوء لأساليب المعالجات الطارئة التي لا تحل أصل المشكلة ، وتوجت المداولات بالوصول الي قرار يقضي بضرورة تغيير قادة العمل الصحي بالبلاد فوراً لانهم سبب المشكلة بقصورهم لا بنواياهم فالنوايا يعلمها رب العالمين ، واتفق الرأي علي مخاطبة القيادات العليا بالدولة بمفاتيح الحل .
ان ما يدور اليوم داخل الأوساط الطبية لهو أزمة حقيقية لا ينفع معها سيف التصنيف ، انها أزمة ادارة قبل أن تكون أزمة مالية ومستحقات وعلاوات وبدلات وما شابه ذلك، والأطباء الذين هم ملائكة الرحمة للمرضي وطالبي الخدمة يقولون انهم يتعرضون الى اذلال من السلطات الرسمية وانهم كلما طالبوا بحقوقهم العادية انبري نفر من الناس لاجهاض هذه المساعي وكأنهم لا يستحقون شيئاً وهذا من الغلو المضيع لاستقرار دولاب العمل الرسمي ومن المهم متابعة هذه الاشكالية للخلوص الى المسبب الرئيسي لها والدوافع المحركة تمهيداً لوضع النقاط فوق الحروف .
ان الأزمة يلخصها رد د. أحمد الأبوابي علي سؤال بخصوص نقض السلطة المتواصل لأي اتفاق يوقع معهم ، فهو يقول عن مصداقية المنبرين والمسهلين ... الحقيقة ، انهم لم يصدقونا القول ، و ليس عهدنا بهم أن يفعلوا.. و لكنا ما زلنا نراجعهم ، و ننذرهم عاقبة هذا الغش ، و الخلف ازاء آلاف الأطباء .. أما بخصوص اضرارنا للاضراب ، فاننا حتى الآن نراه الحل الأمثل ، و الأقرب الى الواقع .. لكننا منفتحون على أي اقتراحات ، أو أفكار تأتينا من أي جهة ، وسط الأطباء ، أو خارجهم ، لتدلنا على وسيلة بديلة تحقق لنا ما نريد ، و تفدي الشعب السوداني ما قد يحيق به من ضرر ، من جراء الاضراب.
؟؟؟؟؟؟
و شهد شاهد من أهلها
|
Post: #31
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-03-2010, 04:05 PM
Parent: #29
و من نفس الشعر بيتين ..
بيان اليوم الثاني للإضراب
بيان هام
إنّهم قتلة
إلى جماهير شعبنا الحبيبة..إلى قيادات الأحزاب السياسية والحكماء والمحسنين ومنظمات المجتمع المدني الحقوقية والإنسانية وإلى جموع الأطباء الشرفاء في ربوع الوطن الحبيب
لقد ظلّت لجنة إضراب أطباء السودان وجمعيتها العمومية تطرق على كافة الأبواب المتاحة من أجل حوار حر ومعافى ..ولقد صبرنا طويلا وصبرتم ونحن نسمع وعود وزارة الصحة الإتحادية التي ما فتأت تكذب وتتحرى الكذب حتى كتبت عندنا كذّابة وصرنا لا نثق في وعد تقطعه ولا تعدو وعودها مواعيد عرقوب.. ونحن في اللجنة إذ قمنا بكل هذه الجهود لم نكن طامعين في راتب او غيره كما حاول المرجفون ان يصوّروا هذه الحركة المطلبية الشريفة التي خرجت غيرة على الشعب ومهنة الطب وحال الطبيب والخدمة الجيدة التي من المفترض ان يتلقاها المواطن كما يحدث في أي دولة من دول الجوار الفريقي التي نفوقها ثراءا وغنى وتفوقنا في حبّها لمواطنيها وإحترامها لحقوقهم .ولقد كانت لجنتكم تعدّ للجمعية العمومية حينما طالعتها تهديدات السيد الوكيل في الصحف الصادرة صباح الثلاثاء الأول من يونيو والذي أعقبته سلسلة من الإعتقالات طالت أعضاء فاعلين باللجنة حيث اعتقل الدكتور ولاءالدين بابكر وافرج عنه ليعاد إعتقال رفيقه الدكتور الهادي بخيت وهو في ظروف صحيّة سيئة بسبب الإعتقال والتعذيب الوحشي الذي تعرّض له وفي الوقت الذي اطلّ رئيس الجمهورية بوجهه ليبشّر الأطباء بعهد جديد كانت هنالك جهات أخرى تدير ولا شك مصير البلاد والعباد لصالحها تحاول ان تصطاد في الماء العكر فتسللت قوات عسكرية في ثلاثة سيارات مدججة بالسلاح وقامت بإعتقال الدكتور أحمد الأبوابي رئيس اللجنة بعد اقتحام منزله عنوة وهو بصدد علاج طفله المريض وانتزع قسرا من بين اسرته واللجنة لا تعلم عن مصيره ومصير الهادي شيئا ..وقد واجهت اللحنة ضغوطا صعبة وهي تحاول تأمين روع الزميلات والزملاء القلقين على رفاق الدرب ولقد شهدتم وشهدنا كيف أنّ اللجنة رغم كل تلك الظروف الخاصة كانت قد لزمت جانب الحكمة والحذر وأصرت على تغطية الطواريء لحين عقد جمعيتها العمومية ولكن وكما تعلمون حالت قوات الشرطة دون دخول الأطباء او خروجهم من ميز مستشفى الخرطوم وقد حاولنا ان ندير مخاطبتين منفصلتين حقنا للدماء ولكن لم يسع قوات الشرطة ان تحتمل نجاح الجمعية العمومية التي أعلنت الإضراب تحت ضغوط الإعتقالات والتعذيب ..فنصبت كمين قامت بعده بالإعتداء على جموع الأطباء العزل ولقد نزفت دماء كثيرة طاهرة وابية من زميلات وزملاء في هذا اليوم ولولا مرضى مستشفى الخرطوم الذين فتحوا البوابات للأطباء لمسنا ضرّ عظيم ولكن لتعلموا أن الأمة لو اجتمعت على أن يضروك بشيء لم يضروك الاّ بشيء قد كتبه الله عليك ..وحين سارع الزملاء بكلية الطب جامعة الخرطوم لنصرة زملاء المهنة أخوة وتضامنا طالتهم ذات العصي المتآمرة التي لا ترحم ونحن إذ لم نعد قادرين على الوثوق بأحد إذ لم نعد آمنين في سربنا ولا أهلنا ولا في أماكن العمل فاللجنة تعلن الإضراب الشامل المفتوح دون تغطية الطواريء ونحن إذ نمتنع عن تغطية الطواريء إنما نقولها وقلوبنا في حسرة فلقد حالت بيننا وبين أهلنا القلوب التي لا ترحم والعصي التي لا تعتق العزل ..رسل السلام وملائكة الرحمة واللجنة تهيب بكل الأحزاب السياسية ومنظمات المجتمع المدني والمنظمات الحقوقية وحكماء هذا البلد ومشايخه وأرباب الطرق الصوفية والمحسنين من أبناء هذا الشعب بنصب الخيم وتأمينها في دورهم وتوفير الحماية للأطباء لتقديم العون للمرضى من المواطنين تطوعا دون اي مقابل مادي ..ونهيب بالزملاء الأطباء في العيادات الخاصة والمستوصفات والمستشفيات الخاصة والمراكز الخيرية بفتح أبوابهم للمعسرين من ابناء هذا الشعب التزاما بالمهنة إيمانا وإحتسابا والله لا يضيع أجر من أحسن عملا
وإنّا للّه وإنّا إليه راجعون
لجنة إضراب أطبّاء السودان
3/6/2010
أها عرفت ما غطينا الطوارىء ليه .. و مضربين ليه
يا دكتورة التاريخ لا يرحم
|
Post: #50
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 06:47 PM
Parent: #28
الزميل محد القرشي عباس ,, تحياتي ,
اولا : اللغه التي تتخاطب معي بها مرفوضه تماما .. ياريت تختار كلماتك شويه , وشكرا ..
| Quote: بلا بلد ديمقراطي بلا بطيخ .. القضية ماعندها علاقة بديمقراطية من عدمه و الأطباء بيضربوا في أقسى الديكتاتوريات و أنبل الحريات و مافي زول قاعد يتعرض ليهم .. الحصل ده فلته ماحصلت لا في إسرائيل لا في الإتحاد السوفيتي و لا أظن جنكيز خان زاتو كان حيسويها .. فرجائا ماتوحي بأن الموضوع سوء ممارسة للديمقراطية أو مشكلة غيابها أو أي عذر زي ده!! .. مافي أي مبرر |
واضـح جدا انك متعجل للرد , ولم تفهم المقصود بعباره (نحن في بلد ديموقراطي),
بهذه العباره قصدت , ان من حق كل منا ان يعبر عن رأيه ,
من حق الاطباء ان يضربوا , ان يحتجوا , دون ان يتعرض لهم كائنا من كان بالاذى او الضرب او الشتم كما حث مع الزملاء الافاضل بالالمس ,
أرجو ان اكون قد بلغت المقصد ..
| Quote: و بيضحكوا من وصفنا ليهم بالشرطة الغاشمة و حتى لما الأمن إعتقل د.هشام في الآخر قال ليه معليش دي التعليمات |
| Quote: ياهم السودانيين ساعة الزعل بيشتموا بعض بأقذر العبارات و بعد بكره بيتسالموا بالأحضان!! |
يعني امبارح مازول اتضرب ولا في زميل فاضل اتفتح راسو ومو ملا الارض لانو دافع عن زميلاتو
لمن الشرطه ضربتهم ..؟؟
ولا في طلبه ضربوهم واعتقلوهم لانهم عبروا عن رايهم في مسيره سلميه ..؟؟
ولا في طبيب زميل محترم كسرت ساقه , وزميل آخر مسجون ختتى لحظه كتابه هذه السطور ولم يفرج عنه حتى الان ..؟؟
يعني بالعربي كدا انتو متصالحين من العساكر وما عندكم مشكله معاهم , ولا ضربوكم ولا شتموكم ولا حصل اي حاجه .. صـح ..؟؟
طيب دا شنو ..؟؟| Quote: ألن تضربي لأجل زملائك المعتقلين بلا سند قانوني لأنهم يدافعون عن حقوق إرتضاها كل الأطباء لأنفسهم و فوضوهم لأجلها ؟؟؟ |
| Quote: ألعبي غيرها .. بلاش غيرة زائفة!! |
عيب يا دكتور .. أنا زميلتك , دا كلو حوار , ارجوك تختار كلماتك ..
| Quote: شوفي يا داليا .. كل زول حر |
طيب دا كلام جميل جدا , متفقيـن , طيب ليه تقول لي :
Quote: غريبة ماشفت إسمك في لوائح الخزي و العار .. عليك الله وريني شغاله وين علشان نشرفك و نكتبك فيها و ..
|
يعني شنو تكتبني في لوائح الخزي والعار ..؟؟
وليه تكتبني موش انت قلت كل زول حر ..؟؟
بعدين بالمناسبه انا اضربتا او ما اضربتا ما منتظره زول يكتبني او ما يكتبني (اياكان) لاني بعمل
الحاجه المقتنعه بيها , وبعدين دي ما فهمتها ,, يعني شنووو ..؟؟
| Quote: ماحتجي إنت زاتك تقولي دي مطالب سياسية و بتاعة الأحزاب و المجتمع المدني ما شغل الدكاترة |
لا ما حا اقول ,
وبقولها هنا وبالفم المليان , (وحاابقى قدر موقفي طبعا) ,
من بكره اعلن(أنـت) عن اضراب للمطالبه بي (مجانيه العلاج , وسرير لكل مريض , وتحسين الحوادذ وتوفير الادويه المنقذه للحياه)
واعتبرني في اضراب مفتوح معاك الى ماشاءالله ,(الا عن الطوارىء) , اضراب عن الاكل والشراب كمان لو حبيت ..
ود التزام مني ..
| Quote: نحن يا دكتورة موظففففففين و بس |
طيب موش كان تقول كدا من الاول ,
كان وفرنا النقاش دا كلللو ,
انا فاكراك (دكتـــــور) ..!!
| Quote: كدي راجعي القسم مرة تانية!! في أي حته فيه إنو أنا أصارع الحكومة (ولي الأمر) علشان تعالج الناس مجانا و ترأف بحالهم؟؟ |
جدا .. حاااضر .. اتفضـل ..
| Quote: وأن أسعف الفقراء مجانا |
واتفضل | Quote: وأن أصون حياة الإنسان في كافة أدوارها.. في كل الظروف والأحوال باذلا وساعيا في استنقاذها من الهلاك والمرض والألم والقلق |
واتفضل | Quote: وأن أحفظ للناس كرامتهم. وأستر عورتهم |
واتفضل | Quote: وأن أكون على الدوام من وسائل رحمة الله ، باذلا رعايتي الطبية للقريب والبعيد، والصالح والخاطىء ، والصديق والعدو |
واتفضل | Quote: ذا منفعة لمرضاي وأمتنع عن كل شيء ضار أو مؤذ لهم |
| Quote: لما تجي كل المكاسب حترفضيها و تكوني متسقه مع مبادئك و لا حتبلعي كلامك بتاع العيان و تتمتعي بيها معانا |
يكفي ان تعلم يا زميلي العزيز انني رفضت اليوم صباحا تسجيل اسمي في حافز (شهاده الوفاه)
التي كتبتها اليوم صباحا ,, ايكيفيك هذا ..؟؟
شكرا لمرورك , واتمنى ان تتخلى عن العبارات غير اللائقه
واللغه الحاميه , ولا تدع الغضب يعميك ,
مرحبا بك وبحوارك الهادىء , لربما اقتنعت برأيك وليس في ذلك عيب ..
تحياتي ..
|
Post: #167
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-05-2010, 04:07 PM
Parent: #50
الأخت الكريمة / د.داليا
عذرا لم أنتبه لردك علي قبل الآن .. شكرا لك لتنبيهي الكريم لخطئي بحقك و أنت محقة تماما في كل كلمة به و قد حاولت الإعتذار لك أكثر من مرة بهذا البوست و سأعيدها هنا ..
Quote: أولا أنا راجعت كلامي و لقيت نفسه حار شوية .. الظاهر من قلقي على صديقي و دفعتي د.الأبوابي اللي ليه يومين مامعروف مكانه .. فعذرا
أنا أؤمن أن إختلاف الرأي لا يجب أن يفسد الود رغم أنه يفسده عندي أحيانا و كذا هي النفس البشرية
فتقبلي إعتذاري و الرجاء التركيز على مضمون الرد لا لغته |
| Quote: لحدي أسي الأخت داليا ماردت على إعتذاري بالقبول أو الرفض .. و هي بس اللي بتهمني في النقطة دي .. فقد أخطأت في حقها و لم أتعود الهروب أو المداورة في تحمل تبعاتها .. فلك العتبى مرة أخرى حتى ترضي |
| Quote: . فقد وضحت موقفي لها و هي المعنية بالقبول أو الرفض فقد أخطأت في حقها |
فلك العتبى حتى ترضي
------------
بعد مراجعة مداخلاتك يخيل إلي أننا متفقون الآن إلا في هذه النقطة فقط ..
Quote: يكفي ان تعلم يا زميلي العزيز انني رفضت اليوم صباحا تسجيل اسمي في حافز (شهاده الوفاه)
التي كتبتها اليوم صباحا |
فحسب نص قرار رئيس الجمهورية الموجود ببوستي حول خديعة وزارة الصحة للسيد رئيس الجمهورية فليس هناك حافز (شهادة وفاة) .. و هذا هو توضيحي للأخ/أبوعبيدة البصاص حول هذه النقطة
Quote: ( بيشن بتاعك باصا ) : دي معناها المريض بتاعك توفي لرحمة مولاه ..
لا أدري إن كنت لا تعرف منطوق البدلات الجثثية المزعومة و لكن سأفترض حسن النية و إنعدام الرغبة في تسجيل النقاط على حساب الحقيقة و أنورك:
أورنيك 8 الجنائي .. 150ج.. لتوثيق إصابات الأحياء الذين يودون مقاضاة المتسبب بها (كما حصل لزملائنا الذين عذبوا) و لا يشترط للعلاج و لا علاقة له بالموت و حوادث شارع مدني و في الـ 9 سنين اللي إشتغلتها كطبيب (موظف) ما مليته سوى 5 أو 6 مرات فقط!! الشعب السوداني لا يميل للتقاضي و قد إشترطنا أن تدفعه وزارة الداخلية (70% من الميزانية مع بقية القوات النظامية) و ليس المريض.. فتأمل!!!
الإدلاء بشهادة خبير بالمحاكم 200ج .. لا علاقة له بالموت أيضا .. و تتحمله القضائية
تشريح جثة 1000ج .. يعني زول مقتول أو قضية جنائية مفتوحة و ليس عن موت مريض .. في كامل فترتي لم أعمله و لم أعرف أحدا عمله و هذا هو عمل الأخصائي الشرعي أصلا و لا معرفة لبقية الأطباء به !!!
بدل نبش جثة 300ج .. ينطبق عليه تماما ماسبق عن تشريح الجثة.
يلا علاقة فقرتك الطويلة دي كلها بالحاجات الجات في عطية المزين بتاعة الصحة اللي غشت بيها رئيس الجمهورية المحترم شنو؟؟؟ |
فالرجاء شاكرا تنبيهي لوجود أي حوافز إضافية لم ترد بالقرار .. إما إن كانت هي فقط ماذكره نص القرار فأحسب أن حديثك عنه قد جانب الصواب قليلا .. أليس كذلك؟؟
أكرر إعتذاري
مع الإحترام و التقدير
|
Post: #42
Title: Re: لا (للاضــراب) .. لا (للعنــف) .. !!
Author: عمار محمد ادم
Date: 06-03-2010, 05:31 PM
Parent: #16
Quote:
لمن ساهرع ان (شاغلني) (زول) في الشارع ..!!
|
النظام العام
|
Post: #77
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-04-2010, 04:12 PM
Parent: #42
تعازي الحاره في فقد زوجتك ,
ربنا يصبرك انشالله يا اخ عمار .. تحياتي
الاخ محمد فرح .. تسلم يارب وشكرا لمرورك .. تحياتي ..
الاخ سنـاري .. الف مبروك الزواج اولا وبيت مال وعيال انشالله .. رايك احترمه وشكرا لمروك الكريم .. تحياتي للمدام ..
|
Post: #43
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 05:34 PM
Parent: #16
Quote: محزن انه نكتفي بان موقفنا يصنعه باس ورد
يا ترى ماهو موقفكم لو لم تكوني تمتلكي هذا الباس ورد؟؟؟ |
شكـرا جزيلا لمن منحني الباسويرد ,
ولكن لم اتعد تحديد مواقفي وفقا لوجودي في سودانيز اون لاين او عدمـه ,
العزيزه تراجـي,
أنـا أتحيـز للمريض , (اللي هو بالـ(تراجي) كدا مهمش), أكثر من تحيزي للطبيب
اللي هو صاحب رساله ,, ,,
اتمنى (سريرا) لكل مريض يا تراجي ,, اوليس حلما مشروعا ..؟؟
|
Post: #191
Title: Re: لا (للاضــراب) .. لا (للعنــف) .. !!
Author: Tragie Mustafa
Date: 06-10-2010, 01:32 PM
Parent: #43
العوض المسلمي
ردي ليس وصايه
ردي فيه دهشه وهذا كل ما هنالك؟؟؟
Quote: تراجي بطلي وصاية علي الناس ...
موش فتحت بوست وقلت ساغيب ايام ؟؟ ولا ايدك اكلتك ؟؟
داليا لك الف تحية وانتي تحددي موقفك بهذه الصراحة .. |
شكرا يا داليا على ردك المهذب
وصدقيني تابعت رجودك وطولة بالك....وارى انك كان ممكن تصنعي موقف اقوى من داخل
موقعك عضوة نقابه
Quote:
العزيزه تراجـي,
أنـا أتحيـز للمريض , (اللي هو بالـ(تراجي) كدا مهمش), أكثر من تحيزي للطبيب
اللي هو صاحب رساله ,, ,,
اتمنى (سريرا) لكل مريض يا تراجي ,, اوليس حلما مشروعا ..؟؟
|
أصدقك يا داليا بانحيازك للمريض المهمش
وكلنا نعرف مواقفك هنا.
ولكن صدقيني.....اكرر كان اجدى نقدك لهم من داخل منظومتكم كاطباء
وقتها كلامك كان سيتعاملوا به بجدية اكثر
ولكن يشكك احد بمواقفك.
ثانيا:
يا داليا برضو الاوضعا الماليه للاطباء خشم بيوت
بعضهم فعلا اسرته قد تكون لا تحتاج رابته او ماهيته
وبعضهم يعيل ربما 5 اسر كامله من اهله المسحوقين.
لذا لم يكن لهم مقدره على استمرار العطاء بهذه الظروف الطاحنه.
لا تهملي حقوقك كعضوة بهذه النقابه ولا تجعلي التعجل يسمح بتشويه رؤيتك
انا مصره بانه لو سلمتي مطالبك مكوتبه من داخل العضويه لكان الوضع افضل
ولتم انقاذ مرضى اكثر.
كوني بخير.
|
Post: #20
Title: Re: لا (للاضــراب) .. لا (للعنــف) .. !!
Author: محمد فرح
Date: 06-03-2010, 01:31 PM
Parent: #14
صح لسانك أخت داليا
أرجو أن يتمعن الأطباء بهذا البوست
مؤونة عم من الود
|
Post: #21
Title: Re: لا (للاضــراب) .. لا (للعنــف) .. !!
Author: Sinnary
Date: 06-03-2010, 02:14 PM
Parent: #20
أختي الكريمة جداً د.داليا
توقيت البوست أسوأ كثيراً من محتواه
|
Post: #22
Title: Re: لا (للاضــراب) .. لا (للعنــف) .. !!
Author: Sabri Elshareef
Date: 06-03-2010, 02:28 PM
Parent: #21
داليا
تحياتي الطيبه
هسي البوست ده ما زي العنف الذي اصاب الاطباء والطبيبات
وحدة تجمع الاطباء والطبيبات تحتاج لوقفتك معهم / معهن
بوست غير موفق
|
Post: #23
Title: Re: لا (للاضــراب) .. لا (للعنــف) .. !!
Author: Hololy
Date: 06-03-2010, 02:49 PM
Parent: #22
.......
...
...
........ الصبر ......الصبر ..... يا اهل الصبر ......
..
..ما تنشّفوا الكلمه في الحلق ...
..
..خلّوا الزوله تكمّل كلاما .....
....
...
... الكيبورد .... ما طاير .....
...
...
...
...
...بس ..... قولو اللهم .... اجعلو خير....
...
...
|
Post: #24
Title: Re: لا (للاضــراب) .. لا (للعنــف) .. !!
Author: محمد عبدالرحمن
Date: 06-03-2010, 02:53 PM
Parent: #23
موقف غريب من طبيبة ممارسة للمهنة ..صراحة (فجعت) تماما بما قرات ..
الله المستعان ..
|
Post: #25
Title: Re: لا (للاضــراب) .. لا (للعنــف) .. !!
Author: الفاتح سليمان
Date: 06-03-2010, 03:33 PM
Parent: #22
اليوم في هذا البوست يساند العنصريين الاخت داليا صاحبت البوست وهي تساند وتساوي بكل بساطة بين الضحية والجلاد
هذا وهم كبير بتحوير مطالب الاطباء والتي تفسر هنا في هذا البوست علي انها انانية او بمعناه
والوهم الاكبر بانه لا للاضراب
الاضراب حق تكفله كل القوانين والاعراف الاخلاقية والرسمية واليوم ياتي من يبرر بان مطالب الاطباء لم تشمل مطالب المرضي بكل بساطة
وبكل بساطة يروح وتروح الالاف الساعات التي يقضيها الطبيب امام المريض والمحتاج والمعاناة في شحدة العلاج والصراع الطويل الذي يمتد ويمتد ليمر اليوم بوقفة الاطباء المشرفة
التحية للطبيبة السودانية وهي تسجل معني المواقف
وقفن اخواتي الطبييات بكل وبمختلف الوانهم الفكرية والسياسية والدينية من اقصي اليمنين الي اقصي اليسار وما خالفهن الا من قلة المطبلاتية والارزقية من جرزان الكيزان والامنجية والعنصريين وبكل اسف اخوة لنا نعلم نقاء نفوسهم ولكن عزرا اقول عدم رجاحة قراءة ما يحدث
التحية لناهد محمد الحسن ممثلة للمراة والطبيبة وهي تصوم وتضرب عن الطعام من اجل حقوق اخوانا واخواتها
داليا اقولها لك وبكل بساطة الاطباء الان يتم تصوريهم في حديثك بانهم وان اضرابهم لا يصب في مصلحة الانسان السوداني
سابداء وبكل هدوء
كم
عدد الاطباء الذين هاجروا بسبب المال وضيق الحال
اليس من ابجديات الاستقرار هو المال والوضع المعقول وليس المريح
طبيب لا يستطيع ان يسكن ولا ينام ولا يرتاح كيف له ان يعمل
لمدة تفوق ال36 في 48 ساعة
وتفوق ساعات عمله
ال 70 ساعة في الاسبوع
لا تظلمي نفسك بتصور المطالب العادلة وتقريها من ناحية تبدو لك اكثر انسانية ولكن هي ليست كذلك
اتمناك ان تكوني مضربة بوضع الديباجة وانت تعايني المرضي فلا اظن بان احد الزملاء وهو يضع
الديباجة سيعالج المريض بمستوي اقل
للاكن الا تضربي
فهذا هو اطلاق النيران التي قد لا تكون صديقة
بقصد وتبرير انها صديقة ليسقط د كتور اسامة واشرف والابوابي والهادي في الاعتقال
لنخط بايدنا ما يصب تمام في خانة الارزقية وكلابهم
اتمني الا تقذمي مطالب اكثر عدالة من العدل
اليوم لا يوجد لون رمادي اما اسود او ابيض تلطخ بدما الضرب من كلاب الامن
واشباه الرجال وماهم برجال
انتبهي للذين تقاطروا الان ليساندوك في ضرب اخوانك بحجج الانسانية
من
الكيزان وقلة لا تعرف ولايهما من الامر الا ان الاضراب قد ذلذل مقاعد ولاتهم وولاة نعمتهم
|
Post: #27
Title: Re: لا (للاضــراب) .. لا (للعنــف) .. !!
Author: ود الباوقة
Date: 06-03-2010, 03:44 PM
Parent: #26
نتمنى الا تسيس المطالب ....
|
Post: #30
Title: Re: لا (للاضــراب) .. لا (للعنــف) .. !!
Author: د.السيد قنات
Date: 06-03-2010, 04:04 PM
Parent: #27
الاضراب فى المواثيق الدولية
الاضراب هو امتناع عمال المنشأه او فريق منهم عن العمل بطريقة منظمة ولمدة محددة مرتبط للمطالبة ببعض حقوقهم
ويعتبر الاضراب أحد أهم الاليات التى يستخدمها العمال للدفاع عن مصالحهم وهناك دول تقنن حق الاضراب ، وهناك دول أخرى تتجاهل هذا الحق فلا تحظره ولا تقننه مثل قانون العمل المصرى السابق رقم 137 لسنة 1981 ، وهناك تشريعات دول اخرى تضع عقوبات جنائية على قيام العمال بالاضراب .
.وقد جاء النص على حق العمال فى الاضراب بالعهد الدولى للحقوق الاقتصادية والاجتماعية ، وكذلك فى الاتفاقية رقم 87 الصادرة عن منظمة العمل الدولية والتى ذهبت الى ان شروط الاضراب المشروع يجب ان يكون مرتبط بمطالب يمكن تنفيذها والا يكون من شأنها التقليل من الوسائل المتاحة امام المنظمات النقابية .
وذهبت منظمة العمل الى انه قد يكون مقبولاً فرض التزام على النقابات باخطار صاحب العمل قبل الدعوة الى اضراب ،وكذلك مما يتفق مع الالتزامات والاجراءات الواردة فى الاتفاقية والتى تضمنت فترة (تهدئة قبل الدعوة الى اضراب ولكن لا يجب أن تكون هذه الاجراءات ثقيلة لدرجة تجعل حدوث اضراب شرعى امراً مستحيلاً فى الواقع. )
أمثلة سودانية للإضراب:
نفذ معلمو مرحلتي الاساس والثانوي بوحدة كوستي في 15 يناير 2007م اضراباً مفتوحاً عن العمل لعدم صرف 50% من المرتب الشهري عن العام 2006م. وفي جنوب كردفان واصل معلمو اربعة محليات اضرابهم عن العمل لعدم التزام حكومة الولاية بسداد مرتبات المعلمين (ثلاث مليارات) اما الهيئة النقابية لعمال التربية والتعليم بالنيل الازرق فقد رفعت اضرابها الذي بدأ يوم السبت 13 يناير في يوم 15 يناير 2007م بعد صرف نصف المرتب المتبقي عن ديسمبر 2006م وجدولة المتاخرات.
وتوقف العمل بقسم الجراحة والعملية الكبيرة بمستشفى النو يوم الخميس 8 مارس 2007م بسبب اضراب فنيي وطاقم التحضير والتخدير بسبب عدم سداد الاجر الاضافي.
وتواصل اضراب اطباء مستشفى سنجة حتى 3 ابريل 2007م الثانية عشر ظهراً بسبب تأخر المرتبات لثلاث شهور مع تهديد الاطباء بمستشفى ابو نعامة وودالنيل بالاضراب لذات السبب.
اما العاملون بهيئة توفير المياه في الدمازين فقد دخلوا في اضراب عن العمل بسبب تأخر رواتبهم وعدم صرف استحقاقاتهم لمدة ثلاثة اشهر (23 ابريل 2007م)
مثلما اضرب عن العمل الاطباء البياطرة في الدمازين يوم 24 ابريل.
ثم كان اضراب العاملين بوزارتي الزراعة والثروة الحيوانية والمالية والشؤون الهندسية بولاية النيل الازرق) ألف عامل) في الاسبوع الأول من ابريل 2007م لثلاث ايام .
وجدير بالذكر ان العاملين بالمياه رفعوا اضرابهم لاسباب انسانية (حظر دول للاضراب بالقانون لفئات من العاملين بالخدمات الأساسية).
وفي 5 مايو 2007م اضرب عمال المهن الصحية بولاية الخرطوم من الصباح الباكر وحتى الواحدة ظهراً باستثناء عمليات الطوارئ واستقبال الحوادث. ونفذ الاضراب بنسبة 90% وافاد رئيس مجلس تنسيق الهيئات النقابية بأن الاضراب هو إشارة للمسؤولين بالدولة واتحاد العمال والنقابة العامة واتحاد عمال ولاية الخرطوم وماتجدر الإشارة إليه ان هذا الاستثناء للطوارئ والحوادث هو تقليد نقابي قديم في السودان فعبر جميع الحقب كانت اضرابات الاطباء والعاملين بالمهن الصحية تتخذ هذا المسلك باختيارها لا بقوة قانون،اذ ليس من اهداف الاضراب عن العمل معاقبة مواطنين مرضى يحتاجون لمساعدات طبية عاجلة ومعروف ان قوانين العمل في بعض الدول التي تنظم حق الاضراب تنص على مثل هذه الاستثناءات.
واضربت الهيئة النقابية لاساتذة جامعة الخرطوم عن العمل لثلاث أيام بدأت في 19 مايو 2007م احتجاجاً على قرارات إدارة الجامعة بفصل اكثر من خمسين عالماً بجامعة الخرطوم وقد وجد الاضراب استنكاراً من إدارة الجامعة ونقابة عمال الجامعة (الرسمية) اما اتحاد نقابات عمال السودان فقد وصف الاضراب بأنه (غير شرعي).
كما تم إضراب العاملين بالتعليم العالي قبل أسابيع قليلة.( ومن ضمنهم جميع الأطباء العاملين بالتعليم العالي)
و شرعا فقد قال د.عبدالحي يوسف ألا جناح علينا في الإضراب مادمنا أبلغنا وزارة الصحة و ماداموا غمطونا حقنا (كان هذا في لقاء كان يقوم به نائب رئيس اللجنة د.عبدالعزيز علي جامع مع القيادات الدينية و الإسلامية المختلفة) .
|
Post: #33
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-03-2010, 04:09 PM
Parent: #30
محمد فرح
ماتتدسى ورا الناس
ناقشتك في مكان تاني و مارديت
وريني رأيك علشان أبني عليه تعاملي معاك بدل ما تؤيد مواقف التاتنين الواضحه بمبرراتها
سلام
|
Post: #32
Title: Re: لا (للاضــراب) .. لا (للعنــف) .. !!
Author: محمد عادل
Date: 06-03-2010, 04:05 PM
Parent: #27
طيب يادكتوره داليا
ازيك تمام
طلاب عاديييييييييييييين جداااااااااااااا مارقين يتضامنو مع اخوانهم الاطباء طلاب لا واحد فيهم شائل ليهو مسدس ولا واحد شايل ليهو سونكى ولا شائل ملتوف
كل الشايلو لافته كبيره مكتوبه عليها حل مشاكل الاطباء واجب لا للعنف ضد الاطباء
طيب يجى عسكرى ياخد اوامر من ناس فوق ناس قالو انهم درسو فى جامعات ودخلو حاجه اسمها كلية الشرطه وشريعة وقانون واتخرج برتبة ملازم اول
اوكى بقول لعسكرى اضرب اى زول واقبض اى زول كان بنت كان ولد احساسك شنو يادكتوره لمن اجى عسكرى واشد ليهو بنت من شعر راسه
احساسك شنو عسكرى وملازم اول ونقيب يتلفظ للطالبات بالفاظ تشبهو بالفاظ يعف اللسان من قولها للشماشى فى الشارع
احساسك شنو لمن العسكرى يتهجم على ميز اطباء دعو لحل مشاكلهم ويتم اعتقال دكاتره
اختى داليا انا كنت شاهد عيان فى احداث حدثت
وغير البحكو لى اصدقائى الاطباء
داليا احساسك شنو دكاتره ودوهم بعثه لمصر الى الان مشاكلهم ماتحلت واخوانا دكتور الفاتح سليمان موجود هنا فى المنبر وهو احد الدكاتره المبعوثين الى مصر
ممكن يجى يحكى ليك وانا فى زيارتى الاخيره شهر 11 شفتا الدكاتره اعتصمو بمبنى السفاره والسفاره طلبت من الشرطه المصريه تدخل كم مره
اى عسكرى تتدافعين عنه عسكرى يحتل ميز الاطباء
طيب يادكتوره قالو الدكتور فى الاول برفع من روح المريض المعنوية لمن يجى زول عيان عشان يتعالج ولقى عربات البوليس محاصره المستشفى نفسياتو حتكون كيف هو والناس المرافقين ليهو
دكتور جا المستشفى الصباح عشان يباشر عملو نفسياتو حتكون كيف لمن يشوف عساكر محاصرين المستشفى وبضربو فى اخوانو ويعتقلوهم
اليس للاطباء حق ياخى الليله دا انا مابتدينى حقى مابشتغل ليك
يادكتوره احترم رائك ودا شئ يرجع ليك لكن شوفى الحصل امس واليوم فى كلية الطب
|
Post: #34
Title: Re: لا (للاضــراب) .. لا (للعنــف) .. !!
Author: الفاتح سليمان
Date: 06-03-2010, 04:18 PM
Parent: #32
 Quote: طيب يادكتوره داليا
ازيك تمام
طلاب عاديييييييييييييين جداااااااااااااا مارقين يتضامنو مع اخوانهم الاطباء طلاب لا واحد فيهم شائل ليهو مسدس ولا واحد شايل ليهو سونكى ولا شائل ملتوف
كل الشايلو لافته كبيره مكتوبه عليها حل مشاكل الاطباء واجب لا للعنف ضد الاطباء
طيب يجى عسكرى ياخد اوامر من ناس فوق ناس قالو انهم درسو فى جامعات ودخلو حاجه اسمها كلية الشرطه وشريعة وقانون واتخرج برتبة ملازم اول
اوكى بقول لعسكرى اضرب اى زول واقبض اى زول كان بنت كان ولد احساسك شنو يادكتوره لمن اجى عسكرى واشد ليهو بنت من شعر راسه
احساسك شنو عسكرى وملازم اول ونقيب يتلفظ للطالبات بالفاظ تشبهو بالفاظ يعف اللسان من قولها للشماشى فى الشارع
احساسك شنو لمن العسكرى يتهجم على ميز اطباء دعو لحل مشاكلهم ويتم اعتقال دكاتره
اختى داليا انا كنت شاهد عيان فى احداث حدثت
وغير البحكو لى اصدقائى الاطباء
داليا احساسك شنو دكاتره ودوهم بعثه لمصر الى الان مشاكلهم ماتحلت واخوانا دكتور الفاتح سليمان موجود هنا فى المنبر وهو احد الدكاتره المبعوثين الى مصر
ممكن يجى يحكى ليك وانا فى زيارتى الاخيره شهر 11 شفتا الدكاتره اعتصمو بمبنى السفاره والسفاره طلبت من الشرطه المصريه تدخل كم مره
اى عسكرى تتدافعين عنه عسكرى يحتل ميز الاطباء
طيب يادكتوره قالو الدكتور فى الاول برفع من روح المريض المعنوية لمن يجى زول عيان عشان يتعالج ولقى عربات البوليس محاصره المستشفى نفسياتو حتكون كيف هو والناس المرافقين ليهو
دكتور جا المستشفى الصباح عشان يباشر عملو نفسياتو حتكون كيف لمن يشوف عساكر محاصرين المستشفى وبضربو فى اخوانو ويعتقلوهم
اليس للاطباء حق ياخى الليله دا انا مابتدينى حقى مابشتغل ليك
يادكتوره احترم رائك ودا شئ يرجع ليك لكن شوفى الحصل امس واليوم فى كلية الطب |
التحية لاخوات واخوان علي فضل
لهم كامل الاحترام
في احدي المرات
ذكرت ناهد محمد الحسن
في امام مكتب الوزيرة
ان امر ال500 جنيه زيادة ليس هو الامر
لكن الواقع يقول ان هذه المرتبات لا تكفي رمق العيش وليش العيش الكريم
الاطباء
ليس هم جميعهم من الاثرياء
هم ابناء ابائنا العربجية والعمال والمزارعين
الاطباء هم الذين يموتون في المستفيات في مصر وجثمانهم يحتجز لان الوزارة لا تدفع لهم
ولكن الذي يدفع هو زميلهم
محزن جدا ان يطالب الطبيب بعلاج والده وهو يدفع ما يدفع للتامين الصحي
اليس من حقه علاج اسرته ووالده ووالدته التي دفعت ودفعوا كل عمرهم ليعالج المواطن الكريم
اليس من حقه ان يعمل ليعول اسرته
الابوابي عندما اعتقل كان ابنه مريض
وسيجبر الابوابي لدفع الملايين لعلاج ابنه
من اين ياتي بها
من صاحب المستوصف الراسمالي او بالعمل في مستشفي الخرطوم الجنوبي الذي هو ملك لشلة لها علاقة بالوزارة تزل كل الاطباء الذين يعملون في الاماكن الخاصة
مجانية العلاج وبيئة العمل كلمة تشمل كل الذي تتحدثين عنه
وهي مسؤوليات دولة ويجب عليها تنفيذها
والاطباء راس الرمح في ذلك
وعلي المجتمع كله النهوض للدفاع عنها
|
Post: #36
Title: Re: لا (للاضــراب) .. لا (للعنــف) .. !!
Author: السيد المسلمي
Date: 06-03-2010, 04:39 PM
Parent: #34
كتبت الدكتورة داليا كباشي ..
((( اسمحوا لي ,
ولان الكلمه (مسؤليه) ,
أن اسجل احتجاجي , على ما حدث لزملائي الافاضل ,
من (ضرب) و (سب) و( شتم) ,واسمحوا لى ,
ولانها (مسؤليه) ,
أن اسجل احتجاجي , على ما حدث لهؤلاء (العساكر) , من فقدان الثقـه بنا ..!! )))
ننحني لكي إحتراماً وتقديراً ..
الف تحية .
ــــ
التعديل لإضافة حرف
|
Post: #35
Title: Re: لا (للاضــراب) .. لا (للعنــف) .. !!
Author: Amira Elsheikh
Date: 06-03-2010, 04:30 PM
Parent: #32
Quote: طيب يا داليا نبتدي من العنوان..لا للاضراب..ليه؟
دا حق لاي فئة عاملة ووجهت بمظالم في نطاق عملها وبتفتكر انو الجهات المسئولة
بتتجاهل حقوقها..كل البيعملوهو ..انهم ما يقوموا يواصلوا عملهم..حتقولي لي الطب
مختلف عن باقي المهن لانو رسالة..حأقول ليك من باب اولي الحكومةتتعامل مع الاطباء كانهم
رسل لو هي مقتنعة بالكلام دي..
لا للعنف..كلنا بنتفق علي الكلام دا الا الحكومة ومؤسساتها السلطوية زي الشرطة
وجهاز الامن ومن والاهم..
تعرفي يا داليا انا لي يومين بفكر في شنو؟انو الناس دي الجابرها شنو؟
معظم القايدين الاضراب دا من خيرة الاطباء خلقا ومهارة..ومن اسهل الحلول انهم
يطلعوا من البلد ويمشوا الخليج ولا ايرلندا ولا بريطانيا ويقبضوا الريالات واليورو
ويسدو دي بطينة ودي بعجينة ومافي زول حيلومهم..
او يقعدوا في بلدهم ويقيفوا في الضل البارد والجانب المربح (جانب الحكومة) |
|
Post: #44
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 05:37 PM
Parent: #14
عمـو عثمان رغيم ,,
تسلم ياربي , وانشالله كل المشاكل تتحلحل ,
شيلوا لينا معاكم (فاتحـه) بس ..
|
Post: #46
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 05:51 PM
Parent: #11
Quote: نعم للاضراب لأن العمل في مثل هذه الظروف التي يعاني منها المرضى
تفاقم السوء وتقننه وتشرعنه .. ولا تخدم المرضى ولا توفر الشفاء ولا توقف موجات الهلاك
التي يتعرض لها المرضى .. فوجود الطبيب في مكان عمله من عدمه لم يعد يغير من الأمر شيئا
لأن الطبيب ليست له يدا سحرية تزيل المرض ولا يعالج بالاحجلة والضلالات .. الطبيب يعالج
بالدواء والحقنة والقطن والشاش المعقم والمختبرات ومعدات الجراحة الخالية من الصدأ .. والعدوى ..
|
لا للاضراب في مثل هذه الظروف التي يعاني منها المريض ,
لا للاضراب ان لم يكن موجهها نحو المريض اولا ,
وجدنا في هذه الدنيا لاجل خدمه المرضى يا عزيزي سالم ,
ما ممكن نبقى نحن والزمن عليهم .. هم ناقصـين ..؟؟
Quote: سنقول لا للضراب عندما توفر الجماعة المستولية الحد الأدنى من ضرورات العلاج والدواء
حتى لو كان هنالك اجحاف في الحق المادي الاطباء ..
|
لمن المرضى يلقوا حقوقهم كامله ,
وتتوفر الحد الادنى من ضرورات العلاج والدواء ,
أنا شخصيا (داليا) .. حا أضرب (الا عن الطوارىء) ,
حا اقول االمريض حقوقو ماخدها وزياده وكدا رسالتي انا اديتها , يلا يا جماعه لو سمحتوا ادوني ولو جزء بسيط من حقوقي ,
Quote: سنقول لا للاضراب عندما يصبح العلاج حقا متاحا وممكنا للمواطن .. الذي اصبح مرعوبا قبل أن يمرض
من نفقات العلاج أكثر من خوفه من المرض نفسه |
عارف المريض بقى يخاف من المرض لي ياتو درجه ..؟؟
لي درجه انو لمن يتعب زول بالليل , اهلو اول حاجه بيعملوها
بيضربوا للمغترب (الزيكم وزي ابوي الله يديكم العافيه جميعا)
ويقولوا ليهو رسل لينا قروش , فلان دا نحنا مودينو المستشفى ,,!!
وتدفع هناك مئات الجنهيات , من اجل خدمه صحيه لا ترقى باي من كان
كـدا , او تتوكل على الله وتدخل مريضك (لا سمح الله) مستشفى خاص ,
وهناك سترى ما لاعين رات ولا اذن سمعت .. !!
سأضرب با صديقي سالم حينما يتوفر للمريض كل ما يحتاجه ,
ساضرب (الا من الطوارىء) واطالب بحقي المادي والمعنوي والادبي
اما الان , فمرحبا بأي اضراب عنوانه (مـن أجـل المريض أولا) ..
شكرا لرأيك المهذب .. تحياتي يا صديق ..
|
Post: #37
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-03-2010, 05:01 PM
Parent: #5
الاخت الدكتوره رشا .. تحياتي ..
Quote: دا حق لاي فئة عاملة ووجهت بمظالم في نطاق عملها وبتفتكر انو الجهات المسئولة
بتتجاهل حقوقها..كل البيعملوهو ..انهم ما يقوموا يواصلوا عملهم..حتقولي لي الطب
مختلف عن باقي المهن لانو رسالة..حأقول ليك من باب اولي الحكومةتتعامل مع الاطباء كانهم
رسل لو هي مقتنعة بالكلام دي.. |
الحكومه بتتعامل معانا كـ فئه (موضوعها محلول وديل ناس مدلعين ساي) يا رشا ,
المرضى اللي نحن اتعلمنا عشانهم ديل , ابسط ما يقال انو بتتقدم ليهم (أسوأ) خدمه صحيه
على وجه البسيطه , تفتكري نكون نحن والزمن عليهم ..؟؟
نحن رسالتنا ما هينه يا رشا , وكلنا محتاجين , لدي اخوات واخوه واسره ومسؤليات جسام ,
وكلنا محتاجين , وفي عرض (الميه) جنيه , لكن لمن بجي المستشفى الصباح واعاين للمرضى
الجايين من اقاصي الدنيا , راقدين في الواطه , بكره الدنيا , وبكره مهنتي ,,
| Quote: تعرفي يا داليا انا لي يومين بفكر في شنو؟انو الناس دي الجابرها شنو؟ |
| Quote: ويسدو دي بطينة ودي بعجينة ومافي زول حيلومهم.. |
انا بلوم نفسي في كل لحظه , انو ظرفي الاجتماعي (زوجي) خارج حدود هذا السودان ,
وانو انا في يوم من الايام حا اضطر اطلع من البلد دي , واخلي وراي ميه زول محتاج للخدمه الانا بقدمها ..
يا رشا يا عزيزه .. لو انا وانتي والدكتور داك , والدكتور دا .. كلللنا قلنا (نحنا مالنا ..؟؟)
اللي حا يشتغل منو ..؟؟ لمن كلنا نمشي عشان الظرف المادي , يبقى اتحلولنا من ناس عندنا رساله
الى (مهنيين) او (موظفين دوله) زي ما قال زميل في هذا البوست ,, وبي كدا يبقى رساله مافي ..!!
عموما ,, تأكدي تماما ,
انني ارفض العنف , كل العنف ,
واعيب على كل من سولت له نفسه ان يمس زميلا عزيزا او زميله ,
العنف مرفوض .. مرفوض .. مرفوض ,, ايا كانت اسبابه ..
Quote: بانهم بيتصلوا بي ويعرضوا علي اني اغطي لست عمليات (وكلو بحقه)
قلت ليهم انا ما زعلانة منكم انا زعلانة اني اديتكم فرقة انكم تطلبوا مني طلب زي دا |
كان تغطي يا رشا , كان تغطي , تساعدي انو اللسته تتما ,
ولمن يجي اي زول يقول ليكي شكرا (هاكي) ده (حقه) ,
ترميها ليهو في شو , وتقولي ليهو انا اشتغلتا عشان العيان ,
ما عشان اي حاجه تانيه .. عشان عمليات الناس ما تتاجل , وعشان مافي زول تحصل ليهو مضاعفات ..
شكرا يارشا لمشاركتك المتوانه ,
تحياتي اليك .. نتلاقى قريب انشالله ..
|
Post: #41
Title: Re: لا (للاضــراب) .. لا (للعنــف) .. !!
Author: الفاتح سليمان
Date: 06-03-2010, 05:24 PM
Parent: #37
الاضراب هو السلاح المشروع لرد كرامة الطبيب فلا داعي لابتداع تبريرات لكسر الاضراب
مما تكتبين اظنك ان نعلن اضرابنا من اجل حقوق المريض ؟؟
|
Post: #45
Title: Re: لا (للاضــراب) .. لا (للعنــف) .. !!
Author: مزمل خيرى
Date: 06-03-2010, 05:38 PM
Parent: #37
Quote:
كان تغطي يا رشا , كان تغطي , تساعدي انو اللسته تتما ,
ولمن يجي اي زول يقول ليكي شكرا (هاكي) ده (حقه) ,
ترميها ليهو في شو , وتقولي ليهو انا اشتغلتا عشان العيان ,
ما عشان اي حاجه تانيه .. عشان عمليات الناس ما تتاجل , وعشان مافي زول تحصل ليهو مضاعفات ..
|
عين العقل .. شكراً يادكتورة
والطب مهنة انسانية فى المقام الاول..
|
Post: #49
Title: Re: لا (للاضــراب) .. لا (للعنــف) .. !!
Author: الفاتح سليمان
Date: 06-03-2010, 06:38 PM
Parent: #45
صاحب العصا والقاتل هنا
واحد وهو الذي يقتل المواطن والطبيب معا
الذي يريد ان يعالج المواطن فيجب عليه الا يحمي الطبيب من علاجه بالاعتقال والسحل والضرب
البوليس واعي لتصرفاته فلا يجب ان نساويه بالطبيب المظلوم والمضروب فاليد التي امتد لهذا الطبيب تعلم جيدا ما تقوم به
فهم قصدوا الاذي فيجب ان يردعوا
علي الجميع تحمل المسولية
لكم ولهم خالص التحايا الاطباء الشرفاء
اهل العزيمة
|
Post: #52
Title: Re: لا (للاضــراب) .. لا (للعنــف) .. !!
Author: Ahmed musa
Date: 06-03-2010, 07:00 PM
Parent: #49
إضراب الأطباء ...
يتابع الشارع السوداني قاطبة قضية الأطباء التي وصلت عنق زجاجتها بإضراب الأطباء الشهير والذي وصل حتى غُرف الطوارئ والتي كانت تتمتع في السابق بقدسية مهنية واخلاقية خطاً أحمراً بين الحق والواجب وخرجت القضية هذه المرة من قمقمها المهني ودخلت دهاليز المكايدات المختلفة بين الأطباء والحكومة فالاجهزة الحاكمة لم تتعامل مع المسألة كما ينبغي لها وتصورت أن التعامل الحاسم مع الامر قد يعيد الأُمور إلى نصابها ولكنه كان القرار الذي قصم ظهر الازمة حيث جاء رد الفعل المهني سريعاً وقاطعاً بتعجل الإضراب قبل أوانه وشموله حتى غرف الطوارئ فإختل شكل العمل الصحي وبات ينذر دوماً بالخطر الذي يُصاب المواطن بمآلاته المتسارعة ... ولجوء وزارة الصحة الحالي بغياب وزيرها وذلك لحل الحكومة يبقى لجوئه لأطباء الإحتياطي لمحاولة سد العجز هو تصرف وإن كان محياه الحكمة وتحمُّل المسئولية إلا أنه يبقى قراراً ينبئ بعدم معرفة الاجهزة بعدم قدرة أولئك الأطباء بسد عجز الأطباء الذين قرروا التوقف حتى يُطلق سراح معتقليهم والذين أعتقلتهم السُلطات ربما لمحاولة إطفاء نار فتنة الإضراب ولكنها صارت كصب الزيت في النار فزادت الامر تعقيداً على تعقيد ... وتوقيت قرار الإضراب يراه كل طرف من منظوره ... فالأجهزة توصم الاطباء المضربين بعدم المسئولية الوطنية والإذن للأجندات السياسية للتسرب من بين مسارات القضية لمحاولة ضرب الحكومة بمقتل أو بحد ادنى تعطيل مسيرتها خاصة مع تزامن القرار مع فترة سياسية حرجة بين حل حكومة الوحدة الوطنية وقبيل تعيين حكومة أُخرى بمايشبه الفراغ السياسي والوزاري مع تعقيدات أُخرى تقيّد من حركة الحكومة داخلياً وخارجياً ... واللجنة بدورها ترى ان التوقيت يجئ مناسبا صحيحاً و متسقاً مع الحكمة التي تعاملت بها مع القضية فوفق مراحل مختلفة تحصلت فيها اللجنة على وعود مختلفة غير مرضية ومشبعة لرغائب الأطباء ولكنها ربما تضحى إسعافاً مرحليا يعيد الامور إلى جزء من نصابها , تلك الوعود التي كانت تقف عند متاريس أجهزة أُخرى تبدوا بعيدة كل البُعد عن تلك الإتفاقيات وترى صعوبة وخطورة في تحقيقها فبعض الأجهزة ترى أن الإستجابة لمطالب الأطباء ربما توصم الجهاز الحكومي بكلياته بالضعف والوهن وقلة الحيلة والإنكسار عند أول محاولة للضغط عليها نقابياً بما يفتح شهية القوى الأخرى والنقابات لإمتطاء ظهر المطالب النقابية لكسر عود الحكومة وترى تلك الاجهزة بالتالي ضرورة التعامل بقوة وعنف نسبي لبعث رسائل تفيد بقوة الحكومة وصرامتها وحدة ردود أفعالها بما يشبه (دق القُراف) في الحكمة الشعبية ... وجهات أخرى تنظر للمسألة من منظور شبه موضوعي ومغاير يتعلق وقدرة الدولة الحالية على الإلتزام بتلك الإتفاقيات مالياً وبين هذه وتلك تتوصل اللجنة لإتفاق مقبول لها لحد ما مع إتحاد عام عمال السودان عبر رئيسه البروفيسور أبراهيم غندور لم يجد أيضاً حظاً من التقدم للامام إلى حيز التنفيذ الحقيقي والفعلي وتعقبه تسريبات وانباء بقرار رئاسي بتحسين في مخصصات الاطباء ومزاياهم وبالأثناء يُفاجأ الأطباء بإعتقال عدد من قياداتهم كرئيس اللجنة الدكتور الأبوابي ود. الهادي لتثور ثائرتهم النقابية ويُسارِعوا بتعجيل الإضراب وشموله حتى غُرف الطوارئ ...!!! لتلقي الازمة بظلالها على الموقف الصحي الكُلي بالبلاد وتؤكد وجود حالة من التضارب بين الاجهزة المختلفة وفقدان أدنى مستويات التنسيق بينها وبين بعضها البعض و تؤكد الازمة من جانب آخر حالة تراخي القرار الحكومي من مرحلة إتخاذ القرار وحتى آخر مراحل التنفيذ وتؤكد أن (العُنف لا يُولّد إلا عُنفاً ),وأن التعامل الصارم مع مؤسسات الدولة لن يحل الازمات ولكن يزيدها تعقيداً لتظهر الحوجة لحكمة الحكماء من الطرفين حكمة الأطباء في محاولتهم المشروعة الهادئة والهادفة في نيل حقوقهم دونما تسبيب أضرار وخسائر كُبرى تصيب الوطن والمواطن وأغلاق كل مداخل القضية بوجه أصحاب الأجندات الأُخرى حتى لا تضحى قضية الأطباء جسر يعبر منه من يعبر لتسوية حسابات سابقة مع الحكومة وحزبها الحاكم بما يُفرغ القضية من عدالتها ويشيبها بشوائب قد يصعُب تداركها في العلاقة بين الطرفين (الحكومة واللجنة) ... وعلى الحكومة بدورها المسارعة بإطلاق سراح قيادات الاطباء حتى يتم تسوية الأرض التفاوضية بينها وبين اللجنة حتى تستوي النفس التفاوضية وتخلو من الضغينة والغبن والشعورالداخلي بالظلم سواء من هذا الجانب أو ذاك فالحكمة تقتضي من الطرفيين وضع مصلحة الوطن عنواناً للتفاوض بينهما وعلى الحكومة ان تضع بحساباتها أن الاطباء العاملين بالمستشفيات الحكومية يستحقون منها التقدير الأكبر والإحترام والدعم الفاعل حتى يؤدوا رسالتهم بالشكل الملائم والتي تصب بالنهايات بمصلحة المواطن خاصة وأن مطالبهم لا تراوح محطات الإكتفاء الذاتية الأولية تلك المطالب التي تبقى واحدة من الإحتياجات الرئيسية للإنسان الطبيعي وحقاً من حقوقها حتى في المواثيق الدولية ... والله المستعان
أحمد موسى عمر ــ المحامي
[email protected]
|
Post: #51
Title: Re: لا (للاضــراب) .. لا (للعنــف) .. !!
Author: عمر سعد
Date: 06-03-2010, 06:47 PM
Parent: #45
| Quote: [تتمحور مطالب الأطباء المُضربين في سبع مطالب أساسية تتمثل في: [1] توظيف العاطلين من الأطباء لخلق موازنة بين أعداد الأطباء والمرضى [2] توفير المناخ المهني المناسب الذي يُمكّن الطبيب من أداء عمله بالكفاءة المطلوبة [3] مجانية العلاج. [4] سداد المتأخرات المالية المستحقة للأطباء. [5] رفع مرتبات الأطباء لمجابهة ظروف المعيشة. [لل6] توفير الحماية طبيب في بيئة عمله. [7] تأهيل الأطباء وتوفير وسائل البحث العلمي والإلكتروني ليظل الطبيب مواكباً للمستجدات في مجاله. |
الاخت الدكتوره داليا لك التحيه والعذر والتجله والاحترام
اولا اراك قد خلطى بين المطالب النقابيه والمطالب السياسيه ..واى نقابه ومنها نقابه الاطباء حين
تسد كل القنوات فى طريقهم فان الاضراب حق شرعى لهم وهو اقسى تعبير لنيل حقوق تداعى لها الناس وامنو بها واجازوها ....
فان كانت المطالب غير نبيله وغير اخلاقيه فذلك مذهب اخر وان كانت نبيله فلاضراب الاطباء
منهجه وطريقته فى الاضراب وانتى تعرفينها اكثر منى ولست بطبيب .
ثانيا ...قسم ابقراط الاصلى وليس المعدل فيه الكثير والكثير من الذى يعالج اشياء كثيره فى نظرنا
ثالثا اعتقد ان الاضراب خالى من القرض السياسى ولو كنتى تؤمنى بان له اغراض سياسيه فاوضحيها
لنا .
رابعا :لم اسهب فى النقطه الاولى لشرح ماهو سياسى وماهو نقابى لعلمى بمعرفتك اياه .
خامسا : رايت تناولك لجزيئيه اخلاق المهنه ولكن اتعتقدين ان الاضراب اخل باخلاقيات المهنه
فان كان هنالك اخلال فابصرينا به ..
سادسا : اتعتقدى ان هنالك طر يق اخر غير الاضراب الان يمكن ان تاخذ بهالحقوق لو هنالك طريق فاخبرينا به علما بان هذه المشكله لها اكثر من خمس سنوات وانت تعلمين بها اكثر منى
كطبيبه وكمقيمه داخل البلد ..
ساترك الباقى للمداخله التانيه حال ردك ..
قسم ابقراط :الاصلى
قال أبقراط إني أقسم باللَّه رب الحياة والموت وواهب الصحة وخالق الشفاء وكل علاج, وأقسم بأسقليبيوس, وأقسم بأولياء اللَّه من الرجال والنساء جميعاً, وأشهدهم جميعاً على أني أفي بهذه اليمين وهذا الشرط وأرى أن المعلم لي هذه الصناعة بمنزلة آبائي وأواسيه في معاشي وإذا احتاج إلى مال واسيته وواصلته من مالي.
وأما الجنس المتناسل منه فأرى أنه مساو لأخوتي, وأعلم هذه الصناعة إن احتاجوا إلى تعلمها بغير أجرة ولا شرط وأشرك أولادي وأولاد المعلم لي والتلاميذ الذين كتب عليهم الشرط أو حلفوا بالناموس الطبي في الوصايا والعلوم وسائر ما في الصناعة وأما غير هؤلاء فلا أفعل به ذلك.
وأقصد في جميع التدابير بقدر طاقتي منفعة المرضى, وأما الأشياء التي تضر بهم وتدني منهم بالجور عليهم فامنع منها بحسب رأيي.
ولا أعطي إذا طلب مني دواء قتالاً, ولا أشير أيضاً بمثل هذه المشورة, وكذلك أيضاً لا أرى أن أدني من النسوة فرزجة تسقط الجنين.
وأحفط نفسي في تدبيري وصناعتي على الزكاة والطهارة.
ولا أشق أيضاً عمن في مثانته حجارة ولكن أترك ذلك إلى من كانت حرفته هذا العمل.
وكل المنازل التي أدخلها إنما أدخل إليها لمنفعة المرضى. وأنا بحال خارجة عن كل جور وظلم وفساد إراديّ مقصود إليه في سائر الأشياء وفي الجماع للنساء والرجال الأحرار منهم والعبيد وأما الأشياء التي أعاينها في أوقات علاج المرضى أو أسمعها في غير أوقات علاجهم في تصرف الناس من الأشياء التي لا يُنطق بها خارجاً فأمسك عنها وأرى أن أمثالها لا ينطق به.
فمن أكمل هذه اليمين ولم يفسد شيئاً كان له أن يكمل تدبيره وصناعته على أفضل الأحوال وأجملها وأن يحمده جميع الناس فيما يأتي من الزمان دائماً ومن تجاوز ذلك كان بضده ناموس الطب لأبقراط"
|
Post: #53
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-03-2010, 08:16 PM
Parent: #51
الأخت د.داليا
Quote: اللي حا يشتغل منو ..؟؟ لمن كلنا نمشي عشان الظرف المادي , يبقى اتحلولنا من ناس عندنا رساله
الى (مهنيين) او (موظفين دوله) زي ما قال زميل في هذا البوست ,, وبي كدا يبقى رساله مافي ..!! |
أولا أنا راجعت كلامي و لقيت نفسه حار شوية .. الظاهر من قلقي على صديقي و دفعتي د.الأبوابي اللي ليه يومين مامعروف مكانه .. فعذرا
أنا أؤمن أن إختلاف الرأي لا يجب أن يفسد الود رغم أنه يفسده عندي أحيانا و كذا هي النفس البشرية
فتقبلي إعتذاري و الرجاء التركيز على مضمون الرد لا لغته
ثانيا: نحن فعلا موظفين .. و رسالتنا الإنسانية لا تلغي كوننا بشرا نأكل الطعام و نمشي في الأسواق و نتوظف في الدولة .. و حتى يستبين الخيط الأبيض من الأسود أدعوك للمشاركة كطبيبة و زميلة يهمها أمر زملائها المعتقلين (الإعتقال و ليس العنف) في هذا الجهد الإنساني
مناشدة هامة من لجنة إضراب الأطباء لكل المنظمات و الخيري...اكن خدمة بديلة عاجلا
و في إنتظار ردك
تحياتي
|
Post: #56
Title: Re: لا (للاضــراب) .. لا (للعنــف) .. !!
Author: أبو عبيدة البصاص
Date: 06-03-2010, 10:03 PM
Parent: #53
Quote: أولا أنا راجعت كلامي و لقيت نفسه حار شوية .. الظاهر من قلقي على صديقي
د و دفعتي د.الأبوابي اللي ليه يومين مامعروف مكانه .. فعذرا
أنا أؤمن أن إختلاف الرأي لا يجب أن يفسد الود رغم أنه يفسده عندي أحيانا و كذا هي النفس البشرية
فتقبلي إعتذاري و الرجاء التركيز على مضمون الرد لا لغته |
المحترم :محمد قرشي عباس
بالله عليك خبرني ولك الحق في ان تقلق على صديقك وابن دفعتك الذي لاتدري اين مكانه
من الذي يقلق الذي تنطفي جذوة الحياة من ابيه او امه ابنه او بنته او اخاه امام عينيه وهو يقدر
على فعل شي يقسم انه سيفديه بقطعه من جسمه لكن الطبيب المعالج مضرب لان لديه معركة
للكرامه يقودها في وجه الحكومه وأجهزة أمنها ...
Quote: ثانيا: نحن فعلا موظفين .. و رسالتنا الإنسانية لا تلغي كوننا بشرا نأكل الطعام
و نمشي في الأسواق و نتوظف في الدولة .. و حتى يستبين الخيط الأبيض من الأسود
أدعوك للمشاركة كطبيبة و زميلة يهمها أمر زملائها المعتقلين (الإعتقال و ليس العنف)
في هذا الجهد الإنسان |
العصاء والجذره سياسه قديمه قدم المفاوضات التي جرت بين لجنة الاطباء والحكومه
الان يمارسها الدكتور محمد قرشي عباس على الدكتوره داليا
(اظن في حاجه قريبه من كده في علم النفس .. بان يتقمص الضحيه دور الجلاد)
دكتور مالكم كيف تحكومون
مدخل للخروج :
داليا سأل (ص) ورقه بن نوفل قائلاً : اومخرجي هم ؟
اذن ابشري بعاصفة عاتيه واستعدي لتكوني شاخص يقتص عبره
من سياسات الحكومه لانك قررت ان تكوني للجانب الاضعف في القضية
والضلع المهيض الانسان البيسط وابشري بغضبات المناضلين
سنعود
|
Post: #57
Title: Re: لا (للاضــراب) .. لا (للعنــف) .. !!
Author: Hussein Mallasi
Date: 06-03-2010, 10:12 PM
Parent: #56
يظن عباس محمد قرشي؛ أو أياً كان اسمه؛
أن الصفاقة ستحقق له البَدَلات و نحوها.
|
Post: #54
Title: Re: لا (للاضــراب) .. لا (للعنــف) .. !!
Author: أبو عبيدة البصاص
Date: 06-03-2010, 09:42 PM
Parent: #51
.
.
.
مدخل اول :
* الاطباء لهم حقوق واجبة السداد ولايختلف عنها اثنان الا جاهل او مكابر !!!!!
* بيئة العمل المثلى دوما تكون هي المنطلق المثالي للايفاء بمتطلبات المهنة
مدخل ثاني :
* لا للعنف بكافة اشكاله وبمختلف مواطنه
* لا للتسويف السياسي للقضايا المطلبية في ظل الاستقطاب الحاد للطبيب السوداني في سوق العمل بالخليج العربي
مدخل لابد منه :
* لا لاستخدام الدروع البشريه عند مواجهة الحكومة والمطالبه بالحقوق (خدميه / سياسية)
متن :
اولاً التحيه للدكتوره داليا كباشي وهي توجه الضوء لتلك البقاع المظلمه في مسرح الاحداث التي لاكومبارس فيها
جميع ابطالها اساسيين :
فنجد الاطباء بمطالبهم المشروعه والمتطاوله في تنقلاها بين طاولات المفاوضات
التي كانت آخر ثمراتها اهتزاز عنصر الثقة في القرارات التي يفترض ان تكون مؤسسيه وملزمه لمؤسساتها
ثم نجد الحكومه بكل تفاصيلها وهي تعمل على المتزاوجه بين المطالب المشروعه والميزانيات المصدقه
وهي تتحرك بخطى البروقراطية التي لاتبقى اي اوكسجين امل في رئة التفاوض المطلبي كما في قضية الاطباء الماثله الان
لكن كما قلنا سابقا ان الاخت داليا سلطت الضوء للبقاع المظلمه في مسرح الاحداث والممثله في الضلع الثالث لهذه المعادله
حكومه - اطباء - مرضى ... اليس هذا هو المكون الرئيس لتلك العلاقه البائسه تماماً ...
والذي يبتعد عن التعصب لايرى الا ان ( الدكتوره داليه ) ثبتت في الاول حق زملائها وحق في المطالبه بالحقوق الخدمية
ورفضت تماماً اي انواع العنف الممارس تجاه زملاء المهنة او اي فرد
يتمتع بكامل حقوقه الدستوريه التي اكد عليها رئيس الجمهورية مراراً وتكراراً ...
لكنها ايضاً ترى عكس مايرون وهذا حق ومقتضى الفعل الديمقراطي وان كان البعض لايرى هناك ديمقراطيه
لذلك نقول سيكون هنا الاحتكام للقاعده الذهبيه (الحريه لنا ولسوانا) وهذا مامارسه الاخت الدكتوره داليا كباشي
في التعبير عن رأيها التذي (يؤخذ ويرد) لا ان يمارس عليه الارهاب اللفظي والعبارات
التي تحتمل مضامين ايحائية لاتبشر بالخير البته..
ببساطة الدكتوره كباشي رفضت ان تكون موظفه هذا شأنها من منطلق الحرية التي ينادي بها الاخرون
حاولت ان تمارسها هي من داخل البيترفضت المدخل الغلط للمطالبة بالحق الصحيح
ففسرت قسمها لصالح المريض الذي يعاني وهو يدفع مايقل قليلا مما يمكن ان يدفعه ان توجه الي اقرب مستشفى خاص
لاي من اقطاعيين الحقل الصحي في البلاد والذين هم ايضاً من قبيلة الاطباء قبيلتها ...
فسرت الدكتوره داليا كباشي قسمها لصالح عنابر مؤهله وجيده التهويه ومتوفره المعينات حتى لا تجعل
من الدخول للمستشفى الميري علة في عله ... حتى وان كانت مطالبها سياسية...
فانها هنا تكتب من باب تثيبت الحقائق لكن النقابات دوماً تكون مطلبية وملحاحه وبل قد تكون انانيها
في سبيل الوصول لغايات عضويتها وهو جوهر الفعل النقابي ...
محمد قرشي عباس هل تدري ان للحقيقه دوماً وجهين ..
لك حق ان تغضب لحقوق مشروعه لكن اننا دوما في خطابنا نسعى للسموء وتقديم الانموذج
لك حق ان تمارس حريتك لكن ليس من حقك الحجر على حريات الاخريين ...
نعم لستهم ملائكه فلكم حقوق واجبه السداد لكن ايضاً انتم لستم موظفين
نعم لستهم موظفين ان كنت ترى نفسك كذلك يمكنك ان تتوجه للقطاع الخاص
او تحمل جوازك لاقرب سفاره فلاحاجه لنا بك هنا بين اسرة المرضى الذي
اغلبهم لايرى فيكم غير ( الحكيم ) ولا علاقة لهم بقريب او بعيد بالحكومه ..
محمد قرشي عباس .. وانت في الاستراحه او في الميز كم مره مرت
عليك العباره بتاعت يادكتور فلان : ( بيشن بتاعك باصا )
وتعرف انه دكتوره علان داك الليله باصوا ليهو تلاته
(لك حق شرح العباره اعلاه او عدم شرحها للقاري الكريم )
لكن تخيل معي انه عندما يباصي كل بيشن بيكون وراءهو بونص 150 جنيه
(ياخي علييك الله دي مش اقرب للدعاية بتاعت اتصالات السعوديه)
واحد بصا 150 اتنين يبقى العداد وصل 300 وتلاته العداد وصل 450
يعني النبطشي ده لو دخل عليهو حادث من طريق مدني ولا التحدي
ياخد باقي الشهر اجازه ويسافر دبي واديس ابابا
(عذرا هو الامر كذلك) حينما نبتعد عن مواصفات الرساليون ...
محمد قرشي عباس .. الحكومه في تماطلها غلطانه .. الحكومه باستخدامها القوه غلطانه ..
لكن ايكون الاقتصاص ممن من المريض الذي هده المرض والحاجه
اهكذا تكون | Quote: معركة كراااااااااامة |
اهكذا تدير حربك المطلبية مع الحكومه واجهزتها الامنيه خلف دروع بشريه قوامها
ذلك الطفل الذي من جهله بقضيتكم العادلة ابتلع قطعة معدنية او بيلة كان يلعب بها
ولم يوقت لفعله هذا واضرابكم و| Quote: معركة الكراااااااااامة |
الدائرة رحاها بينكم الحكومه
وغيرها من الحالات التي تنتظر التي ستدهور حالاتها لامحال
لان المرض يمارس دعما لوجستيا لـ | Quote: معركة الكراااااااااامة |
الدائره بينكم وحكومه
مارست ابشع الظلم بكم وهو ظلم | Quote: لحصل ده فلته ماحصلت لا في إسرائيل لا في الإتحاد السوفيتي و لا أظن جنكيز خان زاتو كان حيسويها .. |
...
تخيل معي وانت نصيرك الاول في قضيتك العادله سرطان يسري في اوردة وشرايين طفل لن ياخذ جرعته في زمانها
لانك الان في قلب | Quote: معركة الكراااااااااامة |
تخيل معي وانت نصيرك الاول في قضيتك العادله ارتفاع المعدل التراكمي للبولينا في اوردة وشرايين رجل كهل
يعادل معدلك التراكمي عندما دخلت كلية الطب لن ياخذ حصته من جلسات غسيل الكلي
لانك الان في قلب | Quote: معركة الكراااااااااامة |
تخيل معي وانت نصيرك الاول في قضيتك العادله حالة ولاده متعسره عجزت معها حاجه الرساله الدايه القانونيه
واتت بها لتموت على عتبات المستشفى لانك الان في قلب | Quote: معركة الكراااااااااامة |
اخي المحترم جداً لدي ولدى كل القراء محمد قرشي عباس ..
ان للحقيقه دوما وجهين وللحق ايضا اصل ثابت ودء المفاسد يقدم على جلب المنافع
هكذا هي اصول الدين والشريعه السمحاء عموما ...
ولنقل جميعاً مع الدكتوره داليا كباشي لا (للاضــراب) .. لا (للعنــف) .. !!
قد نعود
التوقيع :
مواطن مشى المستشفى يعالج يده ولدوا مكسوره
لقى الاطباء مضربين فلجاء به للبصيره حاجه الروضه
وحمد الله انها لم تسمع بالاضراب وطببت يد الصغير
وحلفت ان تاخد البياض لانو الولد صغييير وكان ممكون
رغم بساطة حالها وملاحقات حسن بتاع الدكان ....
|
Post: #55
Title: Re: لا (للاضــراب) .. لا (للعنــف) .. !!
Author: amir jabir
Date: 06-03-2010, 09:58 PM
Parent: #54
| Quote: تتمحور مطالب الأطباء المُضربين في سبع مطالب أساسية تتمثل في: [1] توظيف العاطلين من الأطباء لخلق موازنة بين أعداد الأطباء والمرضى [2] توفير المناخ المهني المناسب الذي يُمكّن الطبيب من أداء عمله بالكفاءة المطلوبة [3] مجانية العلاج. [4] سداد المتأخرات المالية المستحقة للأطباء. [5] رفع مرتبات الأطباء لمجابهة ظروف المعيشة. [لل6] توفير الحماية طبيب في بيئة عمله. [7] تأهيل الأطباء وتوفير وسائل البحث العلمي والإلكتروني ليظل الطبيب مواكباً للمستجدات في مجاله. |
؟؟؟
لا يعنى ناس الحكومة ديل بتكلموا عن ياتو تطوير وديمقرطية هم الناس ديل ((ناس الحكومة ديل )) حاكمين فى السودان وعايشين برة ولا شنوا؟؟
|
Post: #60
Title: Re: لا (للاضــراب) .. لا (للعنــف) .. !!
Author: أبو عبيدة البصاص
Date: 06-03-2010, 10:45 PM
Parent: #58
Quote: منحـه تشريـح بواقع 1000 جنيه عن كل جثه ..!!!
- منحـه نبش قبر بواقع 3000 ج عن كل جثه ..!!! |
محمد قرشي عباس :
تعرف بالطريقه دي تاني مافي جثمان بمرق سليم على اهلوا
لازم تشريح لازم تشريح وبعدين ممكن يرسلوا لي اهلوا ديليفري
مدخل للخروج :
وجعي عليك يا بلدي كبير
|
Post: #59
Title: Re: لا (للاضــراب) .. لا (للعنــف) .. !!
Author: Osman Musa
Date: 06-03-2010, 10:43 PM
Parent: #55
كلامك سمح يا دكتورة .
وفيه حكمة .
ربنا يصلح حال السودان .
|
Post: #61
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-04-2010, 00:38 AM
Parent: #59
الأخ / أبوعبيدة
جاي ليك حته حته
بس أنوم و أصحى
لو الله مد في العمر
دي بس علشان تتأكد إنو كلامك مردود عليه سطرا سطرا !!
سلام
|
Post: #62
Title: Re: لا (للاضــراب) .. لا (للعنــف) .. !!
Author: صلاح عباس فقير
Date: 06-04-2010, 05:05 AM
Parent: #61
رغم قناعتي بعدالة قضية أطبائنا، لكن السؤال المُلحّ يطرح نفسه:
ألم يكن من سبيلٍ آخر سوى الإضراب الشامل!
وهذا يرتبط بقضية أخرى لا تقلّ أهمية:
إذا كان الإخوة الأطباء يمارسون الإضراب باعتباره حقّاً ديمقراطيّاً!
فلماذا لا يحترمون مواقف بعض زملائهم الّذين يشعرون بأنهم يستطيعون
القيام بواجبهم المقدس تجاه المرضى مهما تكن الظروف!؟!
لو كنت طبيباً ورأيتُ أني عاجز عن القيام بمهامّ عملي، بسبب الظلم
الواقع عليّ وعلى زملائي، فقد أقرّر الإضراب، وهذا من حقّي، ولكن سأنظر بعين التقدير
إلى زملائي الذين اختاروا التضحية من أجل المواطن البسيط!
وأرى أنّهم يؤمّنون ظهري، ويسدّون ثغرة من ورائي!
وإذا كان يهُمّني نجاح الإضراب، لضمان تحقيق أهدافه، فعندئذٍ
سأسعى إلى الاستعانة بسائر قوى المجتمع المدنيّ... وشيءٍ من ذلك!!
وهذا هو المفروض أصلاً! على سبيل تقاسم الأدوار، وتحقيق الحدّ الأدنى
من التوازن بين الحقّ والواجب!
إخوتي الأطباء،
الإضراب حقٌّ ديمقراطيّ، ولكنه لا يمكن أن يطغى على حقّ الفرد
في أن يتّخذ الموقف الّذي يرى أنه يرضي ضميره الإنسانيّ والمهنيّ!
شكراً لك يا دكتورة !
|
Post: #64
Title: Re: لا (للاضــراب) .. لا (للعنــف) .. !!
Author: رشا سالم
Date: 06-04-2010, 08:09 AM
Parent: #37
Quote: الحكومه بتتعامل معانا كـ فئه (موضوعها محلول وديل ناس مدلعين ساي) يا رشا ,
المرضى اللي نحن اتعلمنا عشانهم ديل , ابسط ما يقال انو بتتقدم ليهم (أسوأ) خدمه صحيه
على وجه البسيطه , تفتكري نكون نحن والزمن عليهم ..؟؟ |
طيب يا داليا احنا متفقين علي سؤ الخدمات الصحية..الحل شنو في رايك؟
الدكاترة زملائك ديل ما بيقدروا يجبروا الدولة تجيب ليهم معينات او تعينهم في عضمهم
دا الا بالاضراب ..ليه؟ لانها حكومة بعضمة لسانها قالت ما بتتناقش مع زول ما (داخل الغابة)
يبقي يا داليا لو في طريقة تانية ورينا ليهاربنا يفتح عليك وتنولي فينا ثواب..
انتي قلتي لو الاضراب عن حقوق المرضي كان حيكون بالنسبة ليك مبرر..لو عن حقوق الاطباء
مفروض يتأجل بعد ما المريض ياخد حقه..! انا غايتو بعتبر دا كلام رومانسي ساي
لأنو الحكومة مسئولة من المريض ومن العاملين في الحقل الصحي كلهم..ماممكن انا كطبيب
اقعد من غير راتب مجزي ومن غير وظيفة لغاية ما الحكومة تصحي من نومها وتمشي تجهز لي بيئة
العمل وتظبط الدنيا (احلام زلوط)وبعد داك اجي زي الطالب المؤدب ارفع اصبعي واقول ليها
علي استحياء :يا ابلة نسيتيني!
Quote: محتاجين , وفي عرض (الميه) جنيه , لكن لمن بجي المستشفى الصباح واعاين للمرضى
الجايين من اقاصي الدنيا , راقدين في الواطه , بكره الدنيا , وبكره مهنتي ,, |
الاضراب عشان ما تصلي لمرحلة الكره دا..
| Quote: تعرفي يا داليا انا لي يومين بفكر في شنو؟انو الناس دي الجابرها شنو؟ |
دا كلامي الانا كتبتو في المداخلة الاولي وما جاوبت عليهو لانو اجابتو واضحة زي شمس الساعة
12 ضهر :لانهم وطنيين اكتر مننا! ناس ما برروا لنفسهم السفر والبعاد
ناس مؤهلين,ومطلوبين في سوق العمل خارج السودان,المغريات الاكاديمية بتناديهم وفاتحة حضنها
ليهم ,وهم بيدوها ضهرهم ويحضنوا الشارع السوداني العريض.
Quote: ان تغطي يا رشا , كان تغطي , تساعدي انو اللسته تتما ,
ولمن يجي اي زول يقول ليكي شكرا (هاكي) ده (حقه) ,
ترميها ليهو في شو , وتقولي ليهو انا اشتغلتا عشان العيان ,
ما عشان اي حاجه تانيه .. عشان عمليات الناس ما تتاجل , وعشان مافي زول تحصل ليهو مضاعفات .. |
لو انا عملت كدا يا داليا بكون خرقت الاجماع بتاع الاطباء..بكون ساهمت في اضعاف
موقف زملائي الواقفين مع الحق..
ما ممكن عشان اسجل موقف شخصي , اساهم في كسر موقف جماعي ارتضوهوا اغلبية الأطباء
لما الواحد يكون عندو راي مخالف للجماعة مفروض يطرحوا في مكان الاجتماع ويساهم في ايجاد
حل مختلف يتناسب مع قناعاته .
اتمني يا داليا تراجعي موقفك وتفكري في زملائك المعتقلين الان وفي اسرهم
وتأكدي انو الاضراب عن الطواري هو محاولة اخيرة للضغط علي الحكومة عشان تطلق سراح
المعتقلين وابدا ما كان الوسيلة الاولي للحصول علي الحقوق..بل كان الاضراب المؤقت
وبعد داك الاضراب المشروط ..ووزارة الصحة واجهزة الامن هي المسئولة عن التصعيد الحاصل دا.
|
Post: #71
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-04-2010, 10:18 AM
Parent: #64
Quote: الدكاترة زملائك ديل ما بيقدروا يجبروا الدولة تجيب ليهم معينات او تعينهم في عضمهم
دا الا بالاضراب ..ليه؟ لانها حكومة بعضمة لسانها قالت ما بتتناقش مع زول ما (داخل الغابة |
دا ياهوو زاتوو (تسييس) الحاجات الانا بتكلم عنو ,
يا رشا عليييكم الله , ما اي حاجه تمسكوها تختوها في قالب (ساس يسوس) الكريه دا,
سحقا للسياسه ياخ !
رشا , كل زول عندو وجهه نظر تجاه موضوع الاضراب دا ,
انا شخصيا بحترم رأي زملائي الاضربوا وبستنكر اي عنف ضدهم ودا كلام قلتو في اول البوست دا وما محتاج اعاده ,
لكن في نفس الوقت دايره الناس تحفظ لي حقي كزوله (مـا بضرب) .. مابضرب ليه ..؟؟
عشان مبادئي اللي بسببها قريت في كليه الطب , وعاهدت ربنا اني اساعد كل محتاج وفي اوي وقت وتحت اي ظروف كانت ..
عايزين الموضوع يبقى سياسه ..
طيب رايك شنو انو زميلي الدكتور (...) كوز متمرس من وقت ما كان في الجامعه ,
الآن , الزول دا مـــضرب , وما بيجي المستشفى اصلا , وتعرض للضرب اول امبارح
زيو زي ناس كم زول اضربوا وهم ما بيعرفوا الفرق بين الحركه الشعبيه , والمؤتمر الشعبي !! يعني سياسه ما بيعرفوها عديييل !!
لو دايره تنصري القضيه فعلا يارشا ,
ما تسيسيها ,, ما تسيسوها يا ناس ,
اي شي في البلد دا بيتسيس بيروح في الرجلين ,
على الاقل الناس الاضربوا ونضربوا ديل ,
ادوهم حقهم كناس (دايرن حقوقهم وبس ) .. ودا شي مشروع جدا ولا خلاف فيه ..
| Quote: لأنو الحكومة مسئولة من المريض ومن العاملين في الحقل الصحي كلهم |
والحكومه دي زاتها , ما راعت مسؤليتها تجاه المريض ,
يلا يبقى الحل شنو ..؟؟
ابقى انا والزمن والحكومه دي , على المريض ..؟؟
معقوله ..؟؟
انتي يا رشا لو كنت قاعده في الحوادث الليله وجاكي مريض بينزف ,
او مريض مضروب في حادث مروري ..؟؟ حا تخليهو وتقولي ليهو انا مضربه صـح ..؟؟
اها وبعد ما يمووت من عدم الاسعاف الفوري ,
حا تمشي وين من ضميرك ..؟؟
حا تكوني مرتاحه يا رشا ..؟؟
حاتقولي وانا مالي ما يموت ولا تحصل ليهو اي حاجه , دي مسؤليه الحكومه ..؟؟
دا الكلام الرومانسي زاااتو ...
| Quote: لانهم وطنيين اكتر مننا |
وطنيين ..؟؟؟
تاااني سياسيه يا رشا ..؟؟
يعني العيان يموت عشان نحن نبقى وطنيين ..؟؟
يعني الشفع يمرضوا ويموتو من الجفاف عشان نحن نبقى وطنيين ..؟؟
وطنيين ..؟؟
رشا انتي عارفه انو في قسم الاطباء , حلفتي انك تعالجي اي زول بما فيهم (العــدو) ..؟؟
يعني العسكري الضربني داك زااتوو , بعد ساعتين لو جا الحوادث حا اعالجو ,
لانو دا اللي بيصنع الفرق بيني وبين المهندس والتاجر والفيزيائي ..
نحن اصحاب رساله يا نااااااس , ما عندنا خيارات , نحن اتوجدنا في الدنيا عشان راحه العيان دا,
لو هو ما مرتاح مافي داعي انا ارتاح زاتوو ..
Quote: لو انا عملت كدا يا داليا بكون خرقت الاجماع بتاع الاطباء..بكون ساهمت في اضعاف
موقف زملائي الواقفين مع الحق.. |
هنا بتبقى (حريه التفكير والتصرف ) هي الحكم ,
انتي اخترتي انك تضربي من الحوادث عشان تقيفي مع زملائك اللي هم (في رايك) واقفين مع الحق (حقهم طبعا) ..
انا بختار اقيف مع المريض , مع المريـــــض , الذي من اجله وجدت .. وما عند الله خير وابقى ..
| Quote: وتأكدي انو الاضراب عن الطواري هو محاولة اخيرة للضغط علي الحكومة |
الاضراب عن الطوارىء هو ضغط فعلا,
ولكنه ضغط على كل ست حامل او صاحبه نزيف ,
وضغط على كل طفل درجه حرارتو مرتفعه ,
وضغط على كل ناس عملوا حادث مروري وينزفون ,
عارفه يا رشا ,
زميله لينا (نائبه باطنيه مضــربه) , جابت اختها حاودث الخرطوم اول امبارح بالليل
حامل وللاسف عندها نزيف شديد جدا , وبقت shocked , قالوا ليها معليش والله
نحنا مضربين , والسيده دمها ينزف بغزاره ,
عارفه عملت شنو ..؟؟
شالت الكانيولا وركبتها لاختها ومشت حضرت لاختها الدم ,
بي نفسها , ولما حاله اختها استقرت شويه , طلعتها العربيه
وقالت لي اطباء الحوادث : انا موديه اختي الدايات الان ,
واول اما اتطمن عليها حاامشي اشتغل شغلي , وحا اكسر الاضراب ..!!
انشالله يارشا ما تتختي في موقف زي دا ,
ولا اراك الله مكروها في عزيز لديك يارب ,
لكن الزول ما بيعرفها حاره الا يجربها في روحو يارشا صدقيني ..
| Quote: اتمني يا داليا تراجعي موقفك وتفكري في زملائك المعتقلين الان وفي اسرهم |
زملائي ربنا يفك اسرهم انشالله ,
والتحيه اليهم لانهم تحملوا الصعاب وتحملوا من الاذى الكثير
ليدللوا على وجهات نظرهم وليوصلوا صوتهم ..
اتمنى ان يعود الجميع الى اسرهم قريبا ...
|
Post: #93
Title: Re: لا (للاضــراب) .. لا (للعنــف) .. !!
Author: رشا سالم
Date: 06-04-2010, 10:48 PM
Parent: #71
سلامات يا داليا..
احوجتيني للرد عليك لأنك حرفتي المداخلة بتاعتي كووووووووولها..اكيد قصدي ما وصلك..
Quote: دا ياهوو زاتوو (تسييس) الحاجات الانا بتكلم عنو ,
يا رشا عليييكم الله , ما اي حاجه تمسكوها تختوها في قالب (ساس يسوس) الكريه دا,
سحقا للسياسه ياخ ! |
هسي كلامي الانا قلتو وين السياسة فيهو؟؟؟ انا قلت ليك الحكومة بتتجاهل اي مطالب من
اي جهة كانت مالم تقوم الجهة المعنية بالضغط عليها(مصطلح يخش الغابة دا مصطلح متعارف
عليهو =تمرد) مافيي اي ساس يسوس في الموضوع دا..ختي الرحمن في قلبك..
Quote: عايزين الموضوع يبقى سياسه ..
طيب رايك شنو انو زميلي الدكتور (...) كوز متمرس من وقت ما كان في الجامعه ,
الآن , الزول دا مـــضرب , وما بيجي المستشفى اصلا , وتعرض للضرب اول امبارح
زيو زي ناس كم زول اضربوا وهم ما بيعرفوا الفرق بين الحركه الشعبيه , والمؤتمر الشعبي !! يعني سياسه ما بيعرفوها عديييل !! |
يلا كلامك دا كلو بيصب في جهتي..انو الموضوع اضراب من اجل مطالب فئوية فيها العندو لون
سياسي وفيها السادة من غير لون..عادي ..الناس دي دايرة حقوقها يا داليا..انتي
قبيل قلتي لما زول يمرض في بيتكم اول حاجة بتتصلوا بالوالد_ربنا يخليهو_اها يا داليا
في ناس ما عندهم زول يتصلو بيهو ..وهم دكاترة زيي وزيك ..ديل يعملوا شنو؟
Quote: لو دايره تنصري القضيه فعلا يارشا ,
ما تسيسيها ,, ما تسيسوها يا ناس ,
اي شي في البلد دا بيتسيس بيروح في الرجلين ,
على الاقل الناس الاضربوا ونضربوا ديل ,
ادوهم حقهم كناس (دايرن حقوقهم وبس ) .. ودا شي مشروع جدا ولا خلاف فيه .. |
انا شرحت ليك طبعا عدم تسييسي للموضوع لكن بعد الغمة دي ما تروح
لازم نجي ونتناقش ونعرف سر الخوف من كلمة سياسة دي..
Quote: وطنيين ..؟؟؟
تاااني سياسيه يا رشا ..؟؟
يعني العيان يموت عشان نحن نبقى وطنيين ..؟؟
يعني الشفع يمرضوا ويموتو من الجفاف عشان نحن نبقى وطنيين ..؟؟
وطنيين ..؟؟ |
دي مصيبة شنو الوقعنا فيها دي يا داليا؟الوطنية بقت سياسة؟
يعني لو انا زول وطني معناتو انا لازم اكون بمارس عمل سياسي؟
طبعا الاجابة لا يا داليا.. وشفتي ابشرك اي دكتور شغال في سيئة الزكر وزارة الصحة
دي زول وطني..اي سوداني ممكن يلقي فرصة عمل كويسة بره السودان وبيرفضها لاسباب
تتعلق بمصلحة الوطن..دا شخص وطني من الدرجة الاولي ويستاهل راتبو ومعاهو تعظيم
سلام لو البلد بتقدر ..مش دمو يسيل ويتضرب بعصايات الامن المركزي!
Quote: والحكومه دي زاتها , ما راعت مسؤليتها تجاه المريض ,
يلا يبقى الحل شنو ..؟؟
ابقى انا والزمن والحكومه دي , على المريض ..؟؟
معقوله ..؟؟
انتي يا رشا لو كنت قاعده في الحوادث الليله وجاكي مريض بينزف ,
او مريض مضروب في حادث مروري ..؟؟ حا تخليهو وتقولي ليهو انا مضربه صـح ..؟؟
اها وبعد ما يمووت من عدم الاسعاف الفوري ,
حا تمشي وين من ضميرك ..؟؟
حا تكوني مرتاحه يا رشا ..؟؟
حاتقولي وانا مالي ما يموت ولا تحصل ليهو اي حاجه , دي مسؤليه الحكومه ..؟؟
دا الكلام الرومانسي زاااتو ... |
شفتي السيناريو دا انا شفتو زي عشرين مرة قبل كدا في حوادث مستشفيات السودان
وانا في الامتياز ولما كنت في الروتيشن..وكانوا بيموتوا من عدم الاسعاف الفوري دا زاااااااتو
ونحنا واقفين من غير حيلة ولا مقدرة علي التصرف..
بتتزكري باص المريخ الاتصدم مع الحاقلة في شارع مدني ولا الزمن داك انتي لسه صغيرونة ههه
انا كنت في حوادث مستشفي الخرطوم وعندي اتنين بنزيف شديد من الحادث وما قادرين ينفسوا
عملت ليهمINTUBATION وقالوا لي في AMBU BAG واحدة مفضلة! انا ما بتكلم عن VENTILATOR
انا بتكلم عن الف باء العمل الصحي..
لما المصابين اتوفوا الي رحمة مولاهم..طلعت من الحوادث لقيت في وشي د.البلال(كان ماسك
وزارة الصحة الولائية علي ما اعتقد )وكنت حانط في كرشو لو ماكم نفر كدا حجزوني منه
طبعا هو مستغرب جدا الدكتورة دي مالها بتكورك فيني لكن الجماعة بيكونوا قالوا ليهو
الزولة دي رايحةمن ناس النفسية ..
يعني يا داليا الموت دا بيحصل في ظل الوضع الحاصل دا لو نحنا في ولا مافي
ولو الناس سكتت بيكونوا شياطين خرس..ومحاولات وضع المكياج للنظام الصحي واوضاع الاطباء
في السودان,دي محاولات فاشلة وما عندها مستقبل..الحل اننا نقيف وقفة صلبة
عشان اصحاب القرار يعرفوا انو في شعب وفي دكاترة بيستحقوا الاهتمام ..غير كدا ما بعرف
لي رأي..
Quote: عارفه يا رشا ,
زميله لينا (نائبه باطنيه مضــربه) , جابت اختها حاودث الخرطوم اول امبارح بالليل
حامل وللاسف عندها نزيف شديد جدا , وبقت shocked , قالوا ليها معليش والله
نحنا مضربين , والسيده دمها ينزف بغزاره ,
عارفه عملت شنو ..؟؟
شالت الكانيولا وركبتها لاختها ومشت حضرت لاختها الدم ,
بي نفسها , ولما حاله اختها استقرت شويه , طلعتها العربيه
وقالت لي اطباء الحوادث : انا موديه اختي الدايات الان ,
واول اما اتطمن عليها حاامشي اشتغل شغلي , وحا اكسر الاضراب ..!!
انشالله يارشا ما تتختي في موقف زي دا ,
ولا اراك الله مكروها في عزيز لديك يارب ,
لكن الزول ما بيعرفها حاره الا يجربها في روحو يارشا صدقيني .. |
هسه يا داليا نحنا نصدقك ولا نصدق وزارة الصحة البتقول انو كل الحوادث مغطية..
لو وزارة الصحة كضابة يبقي الكاترة ليهم حق يضربوا عن العمل.
Quote: زملائي ربنا يفك اسرهم انشالله ,
والتحيه اليهم لانهم تحملوا الصعاب وتحملوا من الاذى الكثير
ليدللوا على وجهات نظرهم وليوصلوا صوتهم ..
اتمنى ان يعود الجميع الى اسرهم قريبا ... |
آآآآآآآآآآآآآمين يارب العالمين..اخيرا اتفقنا.
|
Post: #63
Title: Re: لا (للاضــراب) .. لا (للعنــف) .. !!
Author: ناهد محمد الحسن
Date: 06-04-2010, 08:03 AM
Parent: #1
|
Post: #65
Title: Re: لا (للاضــراب) .. لا (للعنــف) .. !!
Author: ombadda
Date: 06-04-2010, 08:29 AM
Parent: #63
د.رشا سالم:
Quote:
لو انا عملت كدا يا داليا بكون خرقت الاجماع بتاع الاطباء..بكون ساهمت في اضعاف
موقف زملائي الواقفين مع الحق..ما ممكن عشان اسجل موقف شخصي , اساهم في كسر موقف جماعي ارتضوهوا اغلبية الأطباء. لما الواحد يكون عندو راي مخالف للجماعة مفروض يطرحوا في مكان الاجتماع ويساهم في ايجاد حل مختلف يتناسب مع قناعاته . |
|
Post: #67
Title: Re: لا (للاضــراب) .. لا (للعنــف) .. !!
Author: عوض محمد احمد
Date: 06-04-2010, 08:35 AM
Parent: #63
يسلم قلمك يا رشا
فقد اغنيتينى عن اضافة كلمة واحدة لمداخلتك الوافية المقنعة
|
Post: #68
Title: Re: لا (للاضــراب) .. لا (للعنــف) .. !!
Author: محمد مكى محمد
Date: 06-04-2010, 09:09 AM
Parent: #67
صور مأساوية من مستشفى الباوقة مهداة للوالي أحمد المجذوب...بة الانتخابات ....
هذة هى البيئة التى يعمل فيها الأطباء,ويرتادها المرضى ,وحكومتنا الرشيدة تتبرع بخمس غرف عمليات مجهزة تجهيزا كاملا ,بقيمة 150 مليون دولار,لأفريقيا الوسطى.
هل لأننا شعب الطائيين? لا طبعا.
هل لأن حكومتنا تحب شعب أفريقيا الوسطى? لا طبعا
هل لان لدينا فائض?لا طبعا.
فكروا كويس ,
وحكاية المريض دى ومصلحته ,آخر هموم الحكومة.
|
Post: #69
Title: Re: لا (للاضــراب) .. لا (للعنــف) .. !!
Author: اسامه خليفه
Date: 06-04-2010, 09:22 AM
Parent: #68
Quote: لو انا عملت كدا يا داليا بكون خرقت الاجماع بتاع الاطباء..بكون ساهمت في اضعاف
موقف زملائي الواقفين مع الحق..
ما ممكن عشان اسجل موقف شخصي , اساهم في كسر موقف جماعي ارتضوهوا اغلبية الأطباء
لما الواحد يكون عندو راي مخالف للجماعة مفروض يطرحوا في مكان الاجتماع ويساهم في ايجاد
حل مختلف يتناسب مع قناعاته . |
شكرا للاخت رشا سالم....
|
Post: #70
Title: Re: لا (للاضــراب) .. لا (للعنــف) .. !!
Author: سالم أحمد سالم
Date: 06-04-2010, 09:52 AM
Parent: #63
العزيزة الدكتوره داليا
تعالي نعيد ترتيب الأمور لعل الله يجعل لنا وللوطن مخرجا يرضاه
أولا: لقد دخل غالبية زميلاتك وزملاؤك الأطباء في اضراب. تعالي نفترض انهم على خطأ
لكنه خطأ اجمعت عليه الغالبية الساحقة. وإن كنا نؤمن بالديموقراطية علينا أن
نقبل وننفذ قرار الأغلبية ضمن ايماننا بالديموقراطية وصونا للموقف الجماعي ..
"وَأَطِيعُواْ اللَّهَ وَرَسُولَهُ وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ وَاصْبِرُواْ إِنَّ اللَّهَ مَعَ الصَّابِرِينَ"
طبعا النزول على رأي الأغلبية لا يعني إلغاء مبدأ الاختلاف مع رأي الاغلبية،
فالاختلاف حق ديموقراطي وابداء الرأي واجب ديني واخلاقي .. لكن متى يكون ذلك؟
في تقديري لا ينبغي إبداء الرأي المختلف في أثناء المعركة "فَتَفْشَلُواْ وَتَذْهَبَ رِيحُكُمْ"
والآن يا عزيزتي داليا الاضراب قيد التنفيذ، والاجماع ضرورة
ومن بعد ذلك اتمنى من الله ان يكون امامك متسع الوقت لطرح رأيك
حول ضروروة عدم جدوى الاضراب
ويا داليا صديقك من صدقك ..
وباسم الصداقة التمس منك تأجبل طرح عدم جدوى الاضراب حتى ينقشع الامر
فمن الحكمة ان نقف اليوم صفا واحدا حتى لا تفشلوا "وَتَذْهَبَ رِيحُكُمْ"
وحتى لا يتخذ البعض من موقفك وليجة لتفكيك قضيتك وقضية كل المرضى والاطباء ..
فهل اطمع في ذلك ايضا؟ .. الرهان معقود عليك يا داليا
ثانيا:
الجماعة المستولية "الحكومة" تنفق 70 بالمائة من الدخل القومي على أجهزتها الأمنية
والشرطية والمسلحة والسجون وشراء أدوات القمع والتعذيب .. وإذا اضفنا الصرف البذخي
والالنفاق على ترهل الحكومات الولائية والمركزية يتبقى ما بين 15 إلى 20 بالمائة فقط للعلاج
والتعليم وكل المتطلبات الحيوية الضرورية للشعب السوداني ..
بديهي إذن أن تصيب المسغبة والضنك القطاع العلاجي وأن ينخسف كاهل المواطن بنفات العلاج
الخاص .. أما عن الطعام والمويه والتعليم فحدث ولا حرج ...
والحكم المعقول، ناهيك عن الرشيد، هو الذي يقدم ضرورات بقاء المواطن على مستلزمات بقائه
على الحكم .. جورا أو عدلا وقبولا ..
إذن من باب اولى أن يمارس الجميع كل الضغط على "الحكومة" حتى ترعوي إلى الحق الادنى للشعب
واول من يتوجب عليه الضغط العنيف على الحكومة هم اتباعها لو كانوا صادقين .. لأن صديقك من صدقك
بدلا من سوق المبررات ومساواة الظالم والمظلوم في ما يشبه سوق النخاسة السياسية
تحباتي
|
Post: #72
Title: Re: لا (للاضــراب) .. لا (للعنــف) .. !!
Author: أبو عبيدة البصاص
Date: 06-04-2010, 10:28 AM
Parent: #70
Quote: عارفه يا رشا ,
زميله لينا (نائبه باطنيه مضــربه) , جابت اختها حاودث الخرطوم اول امبارح بالليل
حامل وللاسف عندها نزيف شديد جدا , وبقت shocked , قالوا ليها معليش والله
نحنا مضربين , والسيده دمها ينزف بغزاره ,
عارفه عملت شنو ..؟؟
شالت الكانيولا وركبتها لاختها ومشت حضرت لاختها الدم ,
بي نفسها , ولما حاله اختها استقرت شويه , طلعتها العربيه
وقالت لي اطباء الحوادث : انا موديه اختي الدايات الان ,
واول اما اتطمن عليها حاامشي اشتغل شغلي , وحا اكسر الاضراب ..!!
|
من باب التذكره لكل من الحكومة والاطباء نقول لكم : قال رسول الله صلى الله عليه وسلم :
{ اللهم من ولي من أمر أمتي شيئا فشق عليهم فاشقق عليه , ومن ولي من أمر أمتي شيئا فرفق بهم فارفق به } .
(رواه أحمد ومسلم )
|
Post: #75
Title: Re: لا (للاضــراب) .. لا (للعنــف) .. !!
Author: Salahaldeen Nadir
Date: 06-04-2010, 01:33 PM
Parent: #72
د. داليا, سينتصرون لعجزهم في شخصك
هذه قضية ليس فيها أبيض و أسود
!
|
Post: #74
Title: Re: لا (للاضــراب) .. لا (للعنــف) .. !!
Author: محمد النيل
Date: 06-04-2010, 10:42 AM
Parent: #70
راحة الطبيب من راحة المريض
اخت د. دالية
لا اتهمك بسوء النية
ولكنك تأذين قضية الاطباء الشريفة بحسن نيتك
وحسن النية وحدها لا تغنى عن الحق شيئا
اسمحى لى يا دكتورة بكل احترام ان اقول لك
انه بوست غير موفق وسيئ التوقيت
|
Post: #76
Title: Re: لا (للاضــراب) .. لا (للعنــف) .. !!
Author: صلاح عباس فقير
Date: 06-04-2010, 01:36 PM
Parent: #74
كلام في الصميم!!!:
الدكتورة داليا:
Quote: انتي يا رشا لو كنت قاعده في الحوادث الليله وجاكي مريض بينزف ,
او مريض مضروب في حادث مروري ..؟؟ حا تخليهو وتقولي ليهو انا مضربه صـح ..؟؟
اها وبعد ما يمووت من عدم الاسعاف الفوري ,
حا تمشي وين من ضميرك ..؟؟
حا تكوني مرتاحه يا رشا ..؟؟
حاتقولي وانا مالي ما يموت ولا تحصل ليهو اي حاجه , دي مسؤليه الحكومه ..؟؟
دا الكلام الرومانسي زاااتو ...
Quote: لانهم وطنيين اكتر مننا
وطنيين ..؟؟؟
تاااني سياسيه يا رشا ..؟؟
يعني العيان يموت عشان نحن نبقى وطنيين ..؟؟
يعني الشفع يمرضوا ويموتو من الجفاف عشان نحن نبقى وطنيين ..؟؟ |
يا أستاذ سالم السلام عليكم ورحمة الله
وبدءاً أقول: دائماً ما أجد عند موضوعاتك وكتاباتك متكأً ومادّة دسمة!
ولكن اسمح لي بمخالفتك اليوم، فأنت تنصح الدكتورة داليا مستنداً بصورةٍ أساسية
إلى مبدأ الأغلبية، وهو مبدأ يتمّ الاستعانة به للفصل في قضايا ذات طبيعة إجرائية،
أمّا في هذا الظرف الذي يستند إلى موقف إنسانيّ، فالمبدأ الجدير بالتطبيق هو
مبدأ احترام الذات الفرديّة، خاصّة والدكتورة داليا تستند إلى ما تعتبره
مبدأً أخلاقيّاً في حياتها!
في هذه الحالة يا أستاذ لا نملك إلا احترام هذا الموقف الإنسانيّ النبيل!
وبالمقابل نحن نحترم موقف الذين رأوا الإضراب ورعوه، ولا نقول: إنّه
خالٍ من النّبل، بل قد يكون أكثر نبلاً!
وهذا الذي يمارسه بعض الإخوة المتداخلين في هذا البوست،
هو من رصيد الاستبداد الّذي ترسّب في وعينا، عبر سياسات أنظمتنا الحاكمة
المستبدّة، وعبر ممارسات أحزابنا السياسية الفاشلة!
الإضراب حق ديمقراطيّ حسّاس جدّاً، فلذا يجب استخدامه بأسلوب ديمقراطي شفّاف جداً،
يخلو من كلّ ممارسةٍ قمعيّة لحريات الأفراد الخاصّة، كما هو الحال فيما يُسمّى بلوحة الخزي والعار!
والأطباء المُضربون ينبغي أن يحترموا إخوانهم الّذين لم يقتنعوا بقناعتهم!
سيُقال، ولكن هذا سيُعرّض الإضراب للفشل!؟
أبداً لن يفشل الأطباء في تحقيق أهدافهم ومطالبهم، لو أنهم التزموا بقيم الديمقراطية
ومبادئها ووسائلها، واجتهدوا في توسيع رقعة قضيتهم، واعتبارها
قضيّة وطنيّة، فعندئذٍ سيقف الشعبُ كلّه خلف أبنائه المخلصين، الّذين بقي بعضهم
صامداً في القلاع الصحية، واختار الآخرون أن يسعوا لتنشيط القضية!
أما الآن فالشعب المسكين ورقة ضغط في يد الإخوة المضربين!
|
Post: #79
Title: Re: لا (للاضــراب) .. لا (للعنــف) .. !!
Author: Ahmed musa
Date: 06-04-2010, 06:05 PM
Parent: #78
الحاصل شنو ؟؟!!!
دكتورة داليا للعلم هي أكثر وطنية من كثيرين
تحب أهلها وزملائها ومهنتها ...
وأدانت العنف والإعتقال للزملاء
ورأت ألا يشمل (الإضراب) الطوارئ
والغريبة أن هذا الرأي كان رأي اللجنة الأولي
لولا إعتقال قادة اللجنة
و(الإضراب) حين يشمل الطوارئ
يتضرر منه المواطن وليس الحكومة ويضعف قضية الاطباء المضربين
حيث يضعهم بمواجهة حوجة المواطن الذي لا حول له ولا قوة
من حق الأطباء الإضراب حتى نيلهم حقوقهم كاملة غير منقوصة
ولكن عليهم القيام بالدور الاٌنساني اللازم أقله حتى يتم تهيئة أماكن لتلقى علاج الطوارئ
|
Post: #80
Title: Re: لا (للاضــراب) .. لا (للعنــف) .. !!
Author: عبدالوهاب علي الحاج
Date: 06-04-2010, 06:15 PM
Parent: #79
| Quote: انا بختار اقيف مع المريض , مع المريـــــض |
شكرا د.داليا على هذا الموقف الواضح
والمنحاز لهذا الشعب الطيب
|
Post: #83
Title: Re: لا (للاضــراب) .. لا (للعنــف) .. !!
Author: عبدالوهاب علي الحاج
Date: 06-04-2010, 06:39 PM
Parent: #80
محمد قرشي عباس الشفت كتب : | Quote: سكت دهرا و نطق كفرا ..!! |
| Quote: حملة إعلامية محترفة على غرار قصص رجل المستحيل !! |
| Quote: بس علشان ماتغشي زول ..!! |
| Quote: بلا بلد ديمقراطي بلا بطيخ .. |
| Quote: دي جد ضحكتني .. لا كمان معاها مناديل و دموع !! |
انت يا اخوي قروك الطب دا وين ؟ جنب سينما كلوزيوم ؟ حقو تخليك محترم شوية وتتعلم تخاطب الناس بأدب ...
وسجم الاطباء المتصدر ليهم انت بوقاحتك وقلة أدبك دي عشان تجيب ليهم حقوقهم قال شنو قال :| Quote: الظاهر من قلقي على صديقي و دفعتي د.الأبوابي اللي ليه يومين مامعروف مكانه |
هههههه والله قصص اها والهادي بخيت مالك ما مقلّق عليهو .. والله الواحد يادوب بقى يعرف ليه نسبة الوفيات عالية في البلد ... يعني الناس بقت عليهم اتنين الانقاذ والاطباء ... يازول هوي روق في علبك واكتب كتابتك باحترام عشان الناس تحترمك وماتخللينا نبدا معاك برنامجنا العلاجي الممكن يخليك مضحكة هنا فاهم ولا لا ...
عالم وهم
|
Post: #81
Title: Re: لا (للاضــراب) .. لا (للعنــف) .. !!
Author: صديق عبد الجبار
Date: 06-04-2010, 06:23 PM
Parent: #79
الأخ الفاضل أحمد موسى ... تحية طيبة ياخي .. ولقد سمعت عنك كثيراً ولم نتقابل حتى الآن .. أرجو أن نلتقي ...!!
يا أخي الدكتورة دالية لم تحدد الطوارئ .. بل إنها تحدثت عن الإضراب بصفة عامة ، وتعتقد أن الأطباء التي هي واحدة منهم .. قضاياهم لا تستدعي الإضراب ، أرجو أن تراجع كل ما كتبته ، أنا شخصياً لم أنكر عليها أن يكون لها رأيها المستقل ، ولكن تمنيت لو أنها لم تكن تنطلق من العواطف الجياشة فقط ، وأنا لا أشكك في إخلاصها أو إلتزامها .. ولكن !!! إنظر لما قالت في أمر المطالب :
Quote: : تتمحور مطالب الأطباء المُضربين في سبع مطالب أساسية تتمثل في: [1] توظيف العاطلين من الأطباء لخلق موازنة بين أعداد الأطباء والمرضى [2] توفير المناخ المهني المناسب الذي يُمكّن الطبيب من أداء عمله بالكفاءة المطلوبة [3] مجانية العلاج. [4] سداد المتأخرات المالية المستحقة للأطباء. [5] رفع مرتبات الأطباء لمجابهة ظروف المعيشة. [لل6] توفير الحماية طبيب في بيئة عمله. [7] تأهيل الأطباء وتوفير وسائل البحث العلمي والإلكتروني ليظل الطبيب مواكباً للمستجدات في مجاله.
Quote: لا .. للاضــراب ..
سبــع مطالب ..
كلها تختـص بـ الطبيب .. وتدور حوله ..
أين حـق المريض ..؟؟
أين (مجانيه العلاج) و (تخفيض الرسوم) و (اصلاح الحوادث) ..؟؟
لماذا لم نطالب بـ (زياده السراير) و (شويه) (ملايات) (نظيفه) .. للمريض , وليس لنا نحن ..؟؟
اولم نخلق من أجلـهم ..؟؟
|
|
Post: #82
Title: Re: لا (للاضــراب) .. لا (للعنــف) .. !!
Author: صديق عبد الجبار
Date: 06-04-2010, 06:31 PM
Parent: #81
وأقول للدكتورة داليا
* أين حـق المريض ..؟؟ : هذه من حقوق المريض :[1] توظيف العاطلين من الأطباء لخلق موازنة بين أعداد الأطباء والمرضى [2] توفير المناخ المهني المناسب الذي يُمكّن الطبيب من أداء عمله بالكفاءة المطلوبة [3] مجانية العلاج.
* (تخفيض الرسوم) و (اصلاح الحوادث) ..؟؟
لماذا لم نطالب بـ (زياده السراير) و (شويه) (ملايات) (نظيفه) .. للمريض , وليس لنا نحن ..؟؟
اولم نخلق من أجلـهم ..؟؟ :
فلكي يكون الطبيب مستعداً ذهنياً وجسدياً ونفسياً ومهنياً لإعطاء أحسن ما عنده للمريض الذي خلق من أجله ، فعلى الحكومة بالآتي:
[4] سداد المتأخرات المالية المستحقة للأطباء. [5] رفع مرتبات الأطباء لمجابهة ظروف المعيشة. [لل6] توفير الحماية طبيب في بيئة عمله. [7] تأهيل الأطباء وتوفير وسائل البحث العلمي والإلكتروني ليظل الطبيب مواكباً للمستجدات في مجاله.
|
Post: #84
Title: Re: لا (للاضــراب) .. لا (للعنــف) .. !!
Author: صديق عبد الجبار
Date: 06-04-2010, 06:41 PM
Parent: #82
وأغرب ما في الموضوع أن الدكتورة تقول كلام جميل مثل هذا :
Quote: رشا , كل زول عندو وجهه نظر تجاه موضوع الاضراب دا ,
انا شخصيا بحترم رأي زملائي الاضربوا وبستنكر اي عنف ضدهم ودا كلام قلتو في اول البوست دا وما محتاج اعاده ,
لكن في نفس الوقت دايره الناس تحفظ لي حقي كزوله (مـا بضرب) .. مابضرب ليه ..؟؟
عشان مبادئي اللي بسببها قريت في كليه الطب , وعاهدت ربنا اني اساعد كل محتاج وفي اوي وقت وتحت اي ظروف كانت ..
عايزين الموضوع يبقى سياسه ..
طيب رايك شنو انو زميلي الدكتور (...) كوز متمرس من وقت ما كان في الجامعه ,
الآن , الزول دا مـــضرب , وما بيجي المستشفى اصلا , وتعرض للضرب اول امبارح
زيو زي ناس كم زول اضربوا وهم ما بيعرفوا الفرق بين الحركه الشعبيه , والمؤتمر الشعبي !! يعني سياسه ما بيعرفوها عديييل !!
لو دايره تنصري القضيه فعلا يارشا ,
ما تسيسيها ,, ما تسيسوها يا ناس ,
اي شي في البلد دا بيتسيس بيروح في الرجلين ,
على الاقل الناس الاضربوا ونضربوا ديل ,
ادوهم حقهم كناس (دايرن حقوقهم وبس ) .. ودا شي مشروع جدا ولا خلاف فيه .. |
ثم تعلن وتقول أنا ما بضرب عشان المبادئ اللي من أجلها بقيت طبيبة ... هذا في رأيي تناقض غريب جداً ...
وبعدين يا دكتورة المكاسب المادية التي سوف يحققونها زملائك اللي انضربوا ديل ، حترفضيها واللا حتستمتعي بيها زيك زيهم .. ولو دا حصل .. يسموه شنو دا ... ؟؟؟؟
|
Post: #85
Title: Re: لا (للاضــراب) .. لا (للعنــف) .. !!
Author: Ahmed musa
Date: 06-04-2010, 06:54 PM
Parent: #84
| Quote: الأخ الفاضل أحمد موسى ... تحية طيبة ياخي .. ولقد سمعت عنك كثيراً ولم نتقابل حتى الآن .. أرجو أن نلتقي ...!! |
سنلتقي أخي أبوفواز قريباً بإذن الله
فالأسافير تنقل لك أرباع الحقائق
عموماً للتوضيح أنا (مع) الاطباء في نيل كافة حقوقهم
لأنها بالنهايات خير لنا وللوطن
ولكن كنت (أتمنى) لو لم يشمل الإضراب الطوارئ
ولو لم تنقاد اللجنة لإستفزازات الحكومة
وتعاملت بمزيد من الحكمة
إذن لكسبت اكثر
هذا فقد للتوضيح ولكن بالكُلّيات فأنا (مع) إضرابهم حتى آخر مطلب
|
Post: #86
Title: Re: لا (للاضــراب) .. لا (للعنــف) .. !!
Author: صديق عبد الجبار
Date: 06-04-2010, 07:14 PM
Parent: #85
Quote: عموماً للتوضيح أنا (مع) الاطباء في نيل كافة حقوقهم
لأنها بالنهايات خير لنا وللوطن
ولكن كنت (أتمنى) لو لم يشمل الإضراب الطوارئ
ولو لم تنقاد اللجنة لإستفزازات الحكومة
وتعاملت بمزيد من الحكمة
إذن لكسبت اكثر
هذا فقد للتوضيح ولكن بالكُلّيات فأنا (مع) إضرابهم حتى آخر مطلب |
وأنا لا أشك في ذلك أبداً ، فقط أردت توضيح موقف الدكتورة داليا المحير ...
وأنا أيضاً كنت أتمنى أن لا يتعامل الأطباء بردود الأفعال ، وأن لا يستعجلوا في تضمين الطوارئ في الإضراب ، ولكن .. الحكمة تقول أن نوصل لهم آرائنا عبر قنواتهم المعلومة ، وليس عبر الإعلام ، حتى لا نساهم في إضعاف موقفهم أمام الرأي العام ، وفي النهاية هم بالتأكيد لهم قيادة واعية ويعلمون تماماً ما يفعلون ، ولكن من حقهم علينا أن لا نساهم في تخذيلهم و ننصرهم ونشد من أزرهم.
تحياتي وتقديري _____________ صديق أبوفواز
|
Post: #87
Title: Re: لا (للاضــراب) .. لا (للعنــف) .. !!
Author: Abuelgasim Mohamed
Date: 06-04-2010, 07:17 PM
Parent: #78
التحيه لك ايها الانسانه الطبيبه
داليا الكباشي
.
.
.
اما بالنسبه للشباب الموضوعهم شرتيت ساي
في مليون طريقه اسهل من طريق العمليات والدموم
ده ياخي .
|
Post: #88
Title: Re: لا (للاضــراب) .. لا (للعنــف) .. !!
Author: مريم عزالدين صديق
Date: 06-04-2010, 08:16 PM
Parent: #87
الدكتورة داليا الغير مضربة
من حقك انك ماتضربى
لكن تحفظى كل زملائك فى قضيتهم المطلبية العادلة فى حق المرضى البتتكلمى عنهم وزى نحن قاعدين خارج المستفيات وحقوهم التى من المفترض ان تكفلها الدولة لهم
من اجل اطلاق سراح الاوابى ورفاقه
من اجل اطلاق سراح الاوابى ورفاقه
من اجل اطلاق سراح الاوابى ورفاقه
من اجل اطلاق سراح الاوابى ورفاقه
من اجل اطلاق سراح الاوابى ورفاقه
من اجل اطلاق سراح الاوابى ورفاقه
لا للعنف
لا للعنف
لا للعنف
لا للعنف
التحية لهم وهم يادون واجبهم تجاه المرضى حتى وهم مضربين
|
Post: #89
Title: Re: لا (للاضــراب) .. لا (للعنــف) .. !!
Author: Salahaldeen Nadir
Date: 06-04-2010, 08:32 PM
Parent: #88
| Quote: وبعدين يا دكتورة المكاسب المادية التي سوف يحققونها زملائك اللي انضربوا ديل ، حترفضيها واللا حتستمتعي بيها زيك زيهم |
د. داليا و أمثالها إنما يحفظون لزملائم المضربين صورتهم ك أطباء , ويقوهم لعنات المرضى
do the math
!
|
Post: #90
Title: Re: لا (للاضــراب) .. لا (للعنــف) .. !!
Author: سالم أحمد سالم
Date: 06-04-2010, 09:58 PM
Parent: #89
الأستاذ صلاح عباس فقير
وعليكم السلام ورحمة الله ولك الشكر والتقدير
قرأت تعقيبك اكثر من مرة .. ولعلني وجدته يتفق مع ما كتبته أنا وإن اختلفت التراكيب
فكما ترى لم انكر على العزيزة الدكتورة داليا حقها في وجهة النظر المختلفة
لأن الحقيقة تنصع باختلاف وجهات النظر وبها تزدهر الشعوب .. لا بتكبيل الرأي
الذي يكبل تلقائيا دواليب التطور الحضاري .. فالراي الواحد يفسد كالماء الآسن
وفيه تتوالد يرقات التخلف ... والله هو الديموقراطي الأول ..
لكن الوقوف مع قرار الاغلبية هو محور ارتكاز الديموقراطية .. حتى لو كان راي الاغلبية
عند غير قناعتنا .. وهذا ينسحب على كل المواقف حتى في الحرب وتكتيكاتها.. فقد خسر هتلر الحرب
لأنه استفرد بالقرار وخالف اجماع اركان حربه ..!
أما لجهة الموقف الانساني تجاه المريض والمصاب فهو ملزم للجميع .. طبيب أو غير طبيب
والدول التي تحتكم للقوانين شرعت عقوبة قاسية ضد من يمتنع عن اسعاف مصاب .. والشرطة
في هذه الدول توقف أول سيارة عابرة وتلزم سائقها بنقل المصاب إلى أقرب مستشفى ..
والذي يصيب شخصا في حادث مروري ويهرب تنتظره عقوبة رادعة ..
اسعاف المريض والمصاب فرض عين يفرضه القانون الخارجي إذا لم يفرضه على المرء قانونه الاخلاقي الداخلي
اتمنى من الاخوات والاخوة تكثيف الحوار على أساس القضية .. فالقضية الاساسية كما أراها
هي ضعف عناية الجماعة المستولية، الحكومة، بالقطاع العلاجي والطبي في البلاد
وهذا يشمل رصد الموازنة المتناسبة لتغطية كامل منطلبات العلاج وتوفير الدواء والاجهزة
والتدريب والمناخ النفسي والمادي للاطباء ولجميع العاملين في هذ المجال ..
فمن تغرات اهمال الحكومة خرج الاضراب .. ولا يمكن معالجة الحالة بالهراوات وتكسير
العظام .. وأصابع نحن في أشد الحاجة إليها لجس مواطن العلل في جسد المواطن .. والوطن
تحياتي
|
Post: #91
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-04-2010, 10:39 PM
Parent: #90
اسمحـوا لي ان نقف حدادا , للننعى الفقيد , العزيز , ذو النون بشرى الاذاعي المعروف .. رحمه الله ..
اكتب هذه الكلمات الان وانا اكابد دموعي حزنا ,
على ما آل اليه حال هذا الوطن ,
(ذو النون بشرى) كان يرقد بمستشفى (...)
شاكيا من مضاعفات (الفشل الكلوي ) اللعين ,
منذ الامس , واصبحت حالته الصحيه في تدهور
خاصه صباح هذا اليوم , ونظرا (للاضراب)
فان الاخصائيه المتابعه لحالته , لم تحضر الى المستشفى اليوم لتعاين حالته الصخيه ,
وعندما حدث (التوقف القلبي) , قام بعض الممرضين باسعافه , ولكن أمر الله قد نفـذ ..
لن اقول ابدا , ان حضور الطبيبه كان سيقدم او يؤخر في حالته ,
فالاعمار بيد الله , والالرواح بيد بارئها يقبضها متى يشاء ,
فليرحمه الله رحمه واسعه ويسكنه فسيح جناته ,
وليعن الله زميلتنا الطبيبه على ضميرها ..
ليس هذا فحسب,
فـ (اسلام) ابنه المرحوم ,
قد فجعت بموت ابيها اليوم ,
واغمي عليها , وحدثت لها (تشنجات),
فهرعت اختي وبعض من اهلها وصديقاتها الى مستشفى (...)
فرفـــض طبيـــب الطـــوارىء هناك ان يعاينهـــا او يعالجــها بحجــه انه مضـــرب ..!!
وبعد (تحانيس) و(بكا) من قبل اختي وصديقاتها,
وافق الطبيب على (مضض) بعد ان صرف لهم شويه (اوووفففف خلاس جيبوها) ..!!!
تعامل الطبيب معهم بمنتهى الصلف والعنجهيه ,
وانهى علاجه بان (رفس) (الستاره) برجله ,
علامه على تنفيس الغضب بعد ان اعطى (اسلام) المفجوعه بي ابيها الحقنه على مضض ..!!!!
عذرا (اسلام) ... امسحيها في وشي انا ..!!
|
Post: #92
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-04-2010, 10:46 PM
Parent: #91
كلي اطمئنان ان اهل الفقيد,
وجدوا من (يخط) له (شهاده الوفاه) ,
ويمضي اسمه (رباعيا) ,
حتى لايضيع عليه (حافز شهاده الوفاه) (150 جنيها) ..
اللهم ارحم الفقيد رحمه واسعه ,
والهم اهله الصبر والسلوان ,
الرجاء من الاخ بكري ابو بكر تسويد المنبر واعلان الحداد لمده يوم على الاقل ,
فـ قد كان الفقيد عضوا في المنبر ..ويستحق منا واجب العزاء ..
|
Post: #94
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-04-2010, 10:57 PM
Parent: #91
Quote: هسه يا داليا نحنا نصدقك ولا نصدق وزارة الصحة البتقول انو كل الحوادث مغطية..
|
اقري مداخلتي دي يارشا .. حا تعرفي تصدقي منو,
(ربما لا اعود قريبا الى البوست احتراما لحرمه الموت .. تحياتي )
Quote: اسمحـوا لي ان نقف حدادا , للننعى الفقيد , العزيز , ذو النون بشرى الاذاعي المعروف .. رحمه الله ..
اكتب هذه الكلمات الان وانا اكابد دموعي حزنا ,
على ما آل اليه حال هذا الوطن ,
(ذو النون بشرى) كان يرقد بمستشفى (...)
شاكيا من مضاعفات (الفشل الكلوي ) اللعين ,
منذ الامس , واصبحت حالته الصحيه في تدهور
خاصه صباح هذا اليوم , ونظرا (للاضراب)
فان الاخصائيه المتابعه لحالته , لم تحضر الى المستشفى اليوم لتعاين حالته الصخيه ,
وعندما حدث (التوقف القلبي) , قام بعض الممرضين باسعافه , ولكن أمر الله قد نفـذ ..
لن اقول ابدا , ان حضور الطبيبه كان سيقدم او يؤخر في حالته ,
فالاعمار بيد الله , والالرواح بيد بارئها يقبضها متى يشاء ,
فليرحمه الله رحمه واسعه ويسكنه فسيح جناته ,
وليعن الله زميلتنا الطبيبه على ضميرها ..
ليس هذا فحسب,
فـ (اسلام) ابنه المرحوم ,
قد فجعت بموت ابيها اليوم ,
واغمي عليها , وحدثت لها (تشنجات),
فهرعت اختي وبعض من اهلها وصديقاتها الى مستشفى (...)
فرفـــض طبيـــب الطـــوارىء هناك ان يعاينهـــا او يعالجــها بحجــه انه مضـــرب ..!!
وبعد (تحانيس) و(بكا) من قبل اختي وصديقاتها,
وافق الطبيب على (مضض) بعد ان صرف لهم شويه (اوووفففف خلاس جيبوها) ..!!!
تعامل الطبيب معهم بمنتهى الصلف والعنجهيه ,
وانهى علاجه بان (رفس) (الستاره) برجله ,
علامه على تنفيس الغضب بعد ان اعطى (اسلام) المفجوعه بي ابيها الحقنه على مضض ..!!!!
عذرا (اسلام) ... امسحيها في وشي انا ..!! |
|
Post: #95
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-04-2010, 11:07 PM
Parent: #94
| Quote: وبعدين يا دكتورة المكاسب المادية التي سوف يحققونها زملائك اللي انضربوا ديل ، حترفضيها واللا حتستمتعي بيها زيك زيهم .. ولو دا حصل .. يسموه شنو دا ... ؟؟؟؟ |
عمو صديق عبد الجبار , راجع ردي للزميل (محمد قرشي عباس) بتلقاني جاوبتا على السؤال دا .. تحياتي ..
لو ما قدرتا ترجع ليها بسبب كثافه المداخلات اعيد ليك تاني
Quote: يكفي ان تعلم يا زميلي العزيز انني رفضت اليوم صباحا تسجيل اسمي في حافز (شهاده الوفاه)
التي كتبتها اليوم صباحا ,, ايكيفيك هذا ..؟؟ |
------------------------------
المتداخلون جميعا ..
ساعود للرد قريبا ,
لي غيبه .. احتراما لحرمه (الموت) ,
رحم الله الفقيد رحمه واسعه .. والهمنا الصبر والسلوان ..
|
Post: #96
Title: Re: لا (للاضــراب) .. لا (للعنــف) .. !!
Author: خالد العبيد
Date: 06-04-2010, 11:21 PM
Parent: #95
كان كثير الصدام والانظمة الشمولية
ففى عهد نميرى تم ايقافه
والان فى هذا العهد تم ايقافه
لكنه عاد الى حيث الرئة التى يتنفس بها
فالاذاعة امه وروحه
عاد الى حضنها ورحل بين احضانها
رحمة الله عليك استاذنا ذو النون بشرى
سلمى الشيخ سلامة
|
Post: #97
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-04-2010, 11:38 PM
Parent: #89
لحدي أسي الأخت داليا ماردت على إعتذاري بالقبول أو الرفض .. و هي بس اللي بتهمني في النقطة دي .. فقد أخطأت في حقها و لم أتعود الهروب أو المداورة في تحمل تبعاتها .. فلك العتبى مرة أخرى حتى ترضي
أما من إتخذ من ردي عليها متكأ للإلتفاف على القضية و وجدها فرصة لمحاولة صرفي عن تتبع عورات منطقهم نحو سجال شخصي فقد خاب أملهم فلا يعنيني أمرهم في شيء !!
الأخ / أبوعبيدة البصاص
| Quote: المحترم :محمد قرشي عباس |
Quote: العصاء والجذره سياسه قديمه قدم المفاوضات التي جرت بين لجنة الاطباء والحكومه
الان يمارسها الدكتور محمد قرشي عباس على الدكتوره داليا
(اظن في حاجه قريبه من كده في علم النفس .. بان يتقمص الضحيه دور الجلاد) |
في رأيي الضعيف لا يلتقي الإحترام و إستخدام العصا و الجزرة .. الأول موقف مبدئي مستقيم Integrity و الثاني إلتواء و تضليل و لعب بالعقول ..
عذرا إن لم أقبل كلامك في حقي .. فقد وضحت موقفي لها و هي المعنية بالقبول أو الرفض فقد أخطأت في حقها .. أما أن تحلل أنت ذلك بأنه كذب و تكتيكك من طرفي فمن حقي كذلك أن أعتبره أنا أيضا عملا بمبدأ العصا و الجزرة مع فرق أن الجزرة للقراء الذين ستوحي لهم بإحترامك لي و العصا لتشويهك موقفي بإعتباره محاولة كسب رخيصة لعواطف القراء .. إن كنت تربأ بنفسك عن هذا فأنا أربأ بنفسي قبلا عن مضمون كلامك و إن لم تعنه .. هذا أولا
Quote: بالله عليك خبرني ولك الحق في ان تقلق على صديقك وابن دفعتك الذي لاتدري اين مكانه
من الذي يقلق الذي تنطفي جذوة الحياة من ابيه او امه ابنه او بنته او اخاه امام عينيه وهو يقدر
على فعل شي يقسم انه سيفديه بقطعه من جسمه لكن الطبيب المعالج مضرب لان لديه معركة
للكرامه يقودها في وجه الحكومه وأجهزة أمنها ... |
ببساطة:
1) الحكومة ممثلة في وزارة الصحة لا تزال حتى اليوم تعلن مرارا و تكرارا أنها قادرة تماما على معالجة كل الحالات الطارئة و أن الإضراب لم يؤثر على سير العمل .. إذن لا ثتريب علينا مادمت لا تكذب الحكومة و لا تدين وزارة الصحة لإعلان كهذا!! .. أما إذا إتفقت معي على إنعدام الحس الأخلاقي و المهني و الطبي للحكومة (الوزارة) فنأتي للنقطة الثانية:
2) إقتبست كلامي ناقصا الرابط الذي هو لب ردي على د.داليا:
مناشدة هامة من لجنة إضراب الأطباء لكل المنظمات و الخيري...اكن خدمة بديلة عاجلا
هكذا سنمارس واجبنا كمواطنين و ليس كموظفين .. و ليس هذا بدعا فقد حدث و شارك به وزير الدولة بالصحة الحالي حين عالجوا الناس بخيام أمام السلاح الطبي في إضراب الأطباء الشهير .. فلماذا يا ترى أتيت بكلامي المقتبس حول كوننا موظفين (و نحن فعلا كذلك) و لم تعلق أو حتى تذكر المعالجة التي لجأنا إليها رغم كونها هي لب الرد الواضح لأغلب ماجاء في كلامك؟؟!!
مسألة الكرامة (اللي إتكأت عليها كثيرا في غير المقصود منها) سأفصله لاحقا في مكانه المناسب..
Quote: نعم لستهم موظفين ان كنت ترى نفسك كذلك يمكنك ان تتوجه للقطاع الخاص
او تحمل جوازك لاقرب سفاره فلاحاجه لنا بك هنا بين اسرة المرضى الذي
اغلبهم لايرى فيكم غير ( الحكيم ) ولا علاقة لهم بقريب او بعيد بالحكومه .. |
ده تلميح برضو ما مقبول .. كويس ممكن أوضح ليك معنى موظف أول قبال ماأرد ليك على إني شايف نفسي شنو .. الموظف الطبيب شخص يأخذ أجرا من جهة مخدمة مقابل العمل الذي يقوم به في مؤسساتها و ليس ملزما قانونا أو أخلاقا بالعمل معها إذ يمكن له أن يعمل بشكل خاص بأجر أو بدونه أو يعمل مع مخدم آخر .. إذن نحن موظفين (نقطة سطر جديد) .. يلا عني أنا .. حأذكر ليك 3 مواقف عني و أترك لك الحكم:
- قضيت فترة الخدمة الوطنية بولايات بحر الغزال بطلب مني رغم كوني إبن واحد و يحق لي عدم الذهاب لمناطق العمليات .. تطوعت في قافلة تحركت من واو لراجا و أقمت فيها عيادات بالطريق الذي إستمر 4 أيام لأناس لم يروا طبيبا من قبل في حياتهم .. كما تطوعت للمسح الصحي الشامل الذي طفت فيه على كل قرى و مدن بحر الغزال التي تحوي أي مؤسسة صحية (نقطة غيار/شفخانه /...إلخ) .
- أيام عطالتي (سنة و نصف) بعد الخدمة عملت كعمومي في مستوصف و تركت العمل لقناعتي أن أخصائيا كبيرا أجرى عملية غير ضرورية لمريض حالته ميئوس منها و لن تفيده بل عجلت في وفاته فعلا.
- تضامنت مع زميل لي تعرض للضرب بمستوصف آخر من قبل مرافق مريض و قتلت المستشفى القضية لمكانة أسرة المعتدي ... تاركا العمل به أيضا قبل أن أعين بكسلا و أنفذ التعيين رغم أن زملائا لي عينوا قبلي بالخرطوم بالواسطة.
مع العلم أني أحرزت 8 بالـ IELTS في زمن كان هذا فيه هو العقبة الأساسية للعمل ببريطانيا و إيرلندا و غيرها من الدول التي تحترم أطبائها!!
Quote: محمد قرشي عباس .. وانت في الاستراحه او في الميز كم مره مرت
عليك العباره بتاعت يادكتور فلان : ( بيشن بتاعك باصا )
وتعرف انه دكتوره علان داك الليله باصوا ليهو تلاته
(لك حق شرح العباره اعلاه او عدم شرحها للقاري الكريم )
لكن تخيل معي انه عندما يباصي كل بيشن بيكون وراءهو بونص 150 جنيه
(ياخي علييك الله دي مش اقرب للدعاية بتاعت اتصالات السعوديه)
واحد بصا 150 اتنين يبقى العداد وصل 300 وتلاته العداد وصل 450
يعني النبطشي ده لو دخل عليهو حادث من طريق مدني ولا التحدي
ياخد باقي الشهر اجازه ويسافر دبي واديس ابابا
(عذرا هو الامر كذلك) حينما نبتعد عن مواصفات الرساليون ... |
( بيشن بتاعك باصا ) : دي معناها المريض بتاعك توفي لرحمة مولاه ..
لا أدري إن كنت لا تعرف منطوق البدلات الجثثية المزعومة و لكن سأفترض حسن النية و إنعدام الرغبة في تسجيل النقاط على حساب الحقيقة و أنورك:
أورنيك 8 الجنائي .. 150ج.. لتوثيق إصابات الأحياء الذين يودون مقاضاة المتسبب بها (كما حصل لزملائنا الذين عذبوا) و لا يشترط للعلاج و لا علاقة له بالموت و حوادث شارع مدني و في الـ 9 سنين اللي إشتغلتها كطبيب (موظف) ما مليته سوى 5 أو 6 مرات فقط!! الشعب السوداني لا يميل للتقاضي و قد إشترطنا أن تدفعه وزارة الداخلية (70% من الميزانية مع بقية القوات النظامية) و ليس المريض.. فتأمل!!!
الإدلاء بشهادة خبير بالمحاكم 200ج .. لا علاقة له بالموت أيضا .. و تتحمله القضائية
تشريح جثة 1000ج .. يعني زول مقتول أو قضية جنائية مفتوحة و ليس عن موت مريض .. في كامل فترتي لم أعمله و لم أعرف أحدا عمله و هذا هو عمل الأخصائي الشرعي أصلا و لا معرفة لبقية الأطباء به !!!
بدل نبش جثة 300ج .. ينطبق عليه تماما ماسبق عن تشريح الجثة.
يلا علاقة فقرتك الطويلة دي كلها بالحاجات الجات في عطية المزين بتاعة الصحة اللي غشت بيها رئيس الجمهورية المحترم شنو؟؟؟
إما إنك ماعارف تفاصيل الموضوع (و هذا ما أظنه)
أو هي مجرد سوق لخطاب عاطفي ماعندو جذور في الواقع !!
لو كانت دي الحاجات اللي حتوديني لأديس و دبي (لاحظ إختيارك .. موش للحج مثلا .. لأ لأديس و دبي!!) فمعناها ما حيمشي أي طبيب ليهم أبدا (خليناها ليكم!!)
و رساليين دي ما معناها نبقى عبيد و معتقلين لدى السلطان و المواطن .. الرساليه لها إحترامها لو يعلمون و قد مرغوا به التراب تماما!!
Quote: محمد قرشي عباس .. الحكومه في تماطلها غلطانه .. الحكومه باستخدامها القوه غلطانه ..
لكن ايكون الاقتصاص ممن من المريض الذي هده المرض والحاجه
اهكذا تكون
Quote: معركة كراااااااااامة |
نجي للكراااااامة و مصر عليها ..
نرجع للإضراب الفات .. إستمر 17 يوم و غطينا به الحوادث رغم:
1) التهديد بالفصل و الفصل الفعلي و النقل التعسفي و الإرهاب من وزارة الصحة و على لسانها من رئيس الجمهورية .. و غطينا الحوادث.
2) نمنع من التجمع بالميز علشان نتفاكر بشكل سلمي حول قضايانا و يقتحم علينا البوليس حرمة ميزنا و يطارد الأطباء بداخله (موثق بالفيديو) .. و غطينا الحوادث.
3) نطرد من مستشفياتنا و نحاصر في بيوت الله و نتعرض للضرب، نعم للضرب من الشرطة و محاولات إعتقال فاشلة .. و غطينا الحوادث.
4) يفترى علينا بالصحف و ترفع علينا القضايا الكاذبه في محاولات دنيئة لتشويه صورة الطبيب .. و غطينا الحوادث.
5) نطرد من الحوادث اللي نحن مغطينها بقوة الشرطة (موثق) علشان لابسين ديباجة الإضراب و يستعاض بممرضين يرتدون اللاب كوت الطبي أو أطباء خدمة لم يكملوا الإمتياز .. و غطينا الحوادث.
أخيرا .. يعتقل زملائنا بلا وجه حق و يهددون في سلامتهم و نقلق من إحتمال تعذيبهم أو قتلهم و تريد منا أيضا تغطية الحوادث!!!
من يهن يسهل الهوان عليه ما لجرح بميت إيلام
لو ثرنا لكرامتنا في وجه من لا يقدر الحياة البشرية من أول إعتداء لما تجرأ علينا هكذا .. فهي إذا معركة الكرااااامة و لا بديل لها ..
سؤال المرضى .. ماذنبهم:
1) فتحنا أماكن بديلة و دعونا المجتمع لمساعدتنا في ذلك وفائا لرسالتنا و حتى لا تزر وازرة وزر أخرى و قد إعترف لنا من لامنا سابقا بأننا هكذا .. ميه ميه و عدانا العيب
2) الحكومة منتخبة و للشعب نواب .. فليضغطوا نوابهم ليحاسبوا وزارة الصحة و إن لم تستجب فليغيروا مسئوليها فهي وزارة خدمية مسئولة عن صحتهم و هم المتضررون من تعنتها .. فقط نريد فك إعتقال أطبائنا و سلامتهم قبل أي شيء و سنعود حينها للحوادث رغم كل العنف (هنا يصير عنفا و ليس تهديدا للحياة كما هو الآن) ..
Quote: اخي المحترم جداً لدي ولدى كل القراء محمد قرشي عباس ..
ان للحقيقه دوما وجهين وللحق ايضا اصل ثابت ودء المفاسد يقدم على جلب المنافع
هكذا هي اصول الدين والشريعه السمحاء عموما ...
ولنقل جميعاً مع الدكتوره داليا كباشي لا (للاضــراب) .. لا (للعنــف) .. !! |
الحقيقة ذات وجه واحد فقط كما أن الله واحد و لكن يخطىء الناس في رؤيتها فتتلبس بألف وجه ..
و قد طاف نائب رئيس اللجنة الإمام الفقيه د.عبدالعزيز علي جامع على الأئمة و العلماء من مختلف التوجهات مابين متشدد لغيره و أعلمونا جميعا بأنه من حقنا دينيا الإضراب مادمنا أبلغنا المخدم و مادمنا مظلومين .. فالشريعة معنا أو على الأقل ليست ضدنا
و لنقل جميعا مع المنطق الواضح:
لا للتهديد بالقتل و المهانة
لا لتمييع القضية العادلة
نعم لعلاج المرضى خارج مؤسسات الدولة المتعنته
نعم لتوحد الصف و الموت خلف الحقوق شهداء كما قال الحديث
أخيرا شكرا لوصفي بالإحترام و أرجو أن أكون قدره .. تحياتي
|
Post: #98
Title: Re: لا (للاضــراب) .. لا (للعنــف) .. !!
Author: وليد محمد المبارك
Date: 06-04-2010, 11:53 PM
Parent: #97
| Quote: قد إعترف لنا من لامنا سابقا بأننا هكذا .. ميه ميه و عدانا العيب |
هذا صحيح فالفرق واضح بين امتناعكم عن اداء الخدمة في حالة الوارئ
وامتناعكم عن ادائها في المستشفيات الحكومية فقط
انتم تعرضون خدماتكم الان للمجتمع ومنظماته
العاوز علاج يوفر مكان وانتم كما تفضلتم جاهزين للتغطية
في اماكن اتمنى تختوها في الاعتبار لانها تطلب وضع خاص زي مناطق غسيل الكلى والعناية المكثفة
لانها عاوزه اجهزة خاصة
وده ما فرض عين لانه البخصكم في الموضوع ده هو تقديم خدماتكم فقط ، وعلى المجتمع توفير المعينات في الامكان التي سيخصصا للعلاج
لكن للوضع الانساني والفقر المدقع للكل اتمنى تختوها في الاعتبار ..
| Quote: الحكومة منتخبة و للشعب نواب .. فليضغطوا نوابهم ليحاسبوا وزارة الصحة و إن لم تستجب فليغيروا مسئوليها فهي وزارة خدمية مسئولة عن صحتهم و هم المتضررون من تعنتها .. فقط نريد فك إعتقال أطبائنا و سلامتهم قبل أي شيء و سنعود حينها للحوادث رغم كل العنف (هنا يصير عنفا و ليس تهديدا للحياة كما هو الآن) .. |
لاتوجد حكومة الان يا محمد
فقد تم صرف جميع الحكومة تزامنا مع اضرابكم او قبله بيوم
والان يسير الوزارات وكلائها .. ويقومون باعباء التسير فقط ولا يحق لهم اتخاز اي قرارات ممصيرية او سياسة او ما اليه
ودي
|
Post: #99
Title: Re: لا (للاضــراب) .. لا (للعنــف) .. !!
Author: Nagi Ahmed
Date: 06-05-2010, 03:37 AM
Parent: #98
هذا التفكير الفطير للاخت احد اسباب بلوغ الكيزان لسن الواحد و عشرين في هذا البلد المغلوب على امره و للاسف هذا هو تفكير كمية مقدرة من الشعب الفضل
و معروف عن الشعب الفضل صفتين الطيبة و السذاجة
|
Post: #100
Title: Re: لا (للاضــراب) .. لا (للعنــف) .. !!
Author: صديق عبد الجبار
Date: 06-05-2010, 06:39 AM
Parent: #99
أعذريني يا إبنتي دكتورة داليا ... فأنا غير راض عن موقفك هذا تماماً ...
أولاً : رحم الله أستاذ الأجيال ذو النون بشرى رحمة واسعة وأسكنه الجنان مع الصديقين والشهداء ...فهو فقد جلل بكل المقاييس ...
ولكن يا دكتورة ... صدقيني إنك تأذين زملائك بطريقة حتى سلطة الإنقاذ لم تقدر عليها ...
وستكوني محقوقة لهم بإعتذار ... وإلا فلن يغفر لك التاريخ ما تفضلت به في هذا البوست ، وأنا أقول هذا الكلام لأنني أعتبر نفسي أحاجج إبنتي .. وأخشى عليها من غضبة التاريخ ..
فأنت تحملين وفاة الأستاذ ذو النون لزملائك .. وهذا ظلم بشع ...!!
وأنت تعلنين أن زملائك يسترزقون من كتابة شهادات الوفاة .. وهذا عيب في حقك وحق مهنتك وحق زملائك ...
أتمنى لك الهداية والحكمة ... فلقد خانتك الحكمة في هذا الأمر ... وتغلبت عواطفك على عقلك النير ...
تحياتي لك وللأسرة الكريمة ... ولا توجد ضغينة .. ولكن يوجد غضب الأب من إبنته ...
ودمتتي بخير ____________________ صديق أبوفواز
|
Post: #102
Title: Re: لا (للاضــراب) .. لا (للعنــف) .. !!
Author: Ahmed musa
Date: 06-05-2010, 06:46 AM
Parent: #100
| Quote: و معروف عن الشعب الفضل صفتين الطيبة و السذاجة |
والأخ تبع ياتها فيهم ؟؟!!!
للفضول بس ؟؟؟؟
|
Post: #120
Title: Re: لا (للاضــراب) .. لا (للعنــف) .. !!
Author: الرفاعي عبدالعاطي حجر
Date: 06-05-2010, 09:24 AM
Parent: #100
أعذريني يا إبنتي دكتورة داليا ... فأنا غير راض عن موقفك هذا تماماً ...
أولاً : رحم الله أستاذ الأجيال ذو النون بشرى رحمة واسعة وأسكنه الجنان مع الصديقين والشهداء ...فهو فقد جلل بكل المقاييس ...
ولكن يا دكتورة ... صدقيني إنك تأذين زملائك بطريقة حتى سلطة الإنقاذ لم تقدر عليها ...
وستكوني محقوقة لهم بإعتذار ... وإلا فلن يغفر لك التاريخ ما تفضلت به في هذا البوست ، وأنا أقول هذا الكلام لأنني أعتبر نفسي أحاجج إبنتي .. وأخشى عليها من غضبة التاريخ ..
فأنت تحملين وفاة الأستاذ ذو النون لزملائك .. وهذا ظلم بشع ...!!
وأنت تعلنين أن زملائك يسترزقون من كتابة شهادات الوفاة .. وهذا عيب في حقك وحق مهنتك وحق زملائك ...
أتمنى لك الهداية والحكمة ... فلقد خانتك الحكمة في هذا الأمر ... وتغلبت عواطفك على عقلك النير ...
تحياتي لك وللأسرة الكريمة ... ولا توجد ضغينة .. ولكن يوجد غضب الأب من إبنته ...
ودمتتي بخير ____________________ صديق أبوفواز
|
Post: #136
Title: Re: لا (للاضــراب) .. لا (للعنــف) .. !!
Author: MOHAMMED ELSHEIKH
Date: 06-05-2010, 11:50 AM
Parent: #100
كتب الأستاذ حسين ملاسي
Quote: يظن عباس محمد قرشي؛ أو أياً كان اسمه؛
أن الصفاقة ستحقق له البَدَلات و نحوها. |
وكتبت انا:
| Quote: تلغرافات تحكي أن..... |
|
Post: #101
Title: Re: لا (للاضــراب) .. لا (للعنــف) .. !!
Author: tmbis
Date: 06-05-2010, 06:41 AM
Parent: #99
Quote: هذا التفكير الفطير للاخت احد اسباب بلوغ الكيزان لسن الواحد و عشرين في هذا البلد المغلوب على امره و للاسف هذا هو تفكير كمية مقدرة من الشعب الفضل
و معروف عن الشعب الفضل صفتين الطيبة و السذاجة |
.. وإنت تفكيرك (الخمير) عملت بيهو شنـو.. عشان الواحد وعشرين سنة دي تبقى ستة شهور ..
مش ياهي صورك بتاعت العسكري القاعد يدق في الدلوكة والرئيس بيرقص ..؟
واللا الورق المفبرك القاعد تشيلو من هنا توديهو لي اوكامبوو .. ؟؟
التحية لكل صاحب راي حـر ..
وزي ناس قرشي عباس .. والفطير دا .. عاملين شرامه هنا الظاهر لي ..
شرامة المعارضة وكدا ..
طيب النشوف حدها وووين .. يا شراريم المعارضة ..
|
Post: #103
Title: Re: لا (للاضــراب) .. لا (للعنــف) .. !!
Author: ombadda
Date: 06-05-2010, 07:08 AM
Parent: #101
د. ناجى احمد رجل ما ساهل وشرف تواجده معنا فى هذا المنبر.
له منا التحية والاحترام
----------
Just google doctor nagi ahmed
|
Post: #104
Title: Re: لا (للاضــراب) .. لا (للعنــف) .. !!
Author: محمد عبد الماجد الصايم
Date: 06-05-2010, 07:10 AM
Parent: #103
د. أمبدة تحياتي
وكونو ناجي دا زول ما ساهل بيديهو الحق يجي
يصرف لأي زول روشتة بـ (الفطير) من طرف؟؟
|
Post: #105
Title: Re: لا (للاضــراب) .. لا (للعنــف) .. !!
Author: محمد عبد الماجد الصايم
Date: 06-05-2010, 07:13 AM
Parent: #104
Quote: يظن عباس محمد قرشي؛ أو أياً كان اسمه؛
أن الصفاقة ستحقق له البَدَلات و نحوها. |
شرحو!
|
Post: #106
Title: Re: لا (للاضــراب) .. لا (للعنــف) .. !!
Author: وليد محمد المبارك
Date: 06-05-2010, 07:20 AM
Parent: #105
| Quote: د. ناجى احمد رجل ما ساهل وشرف تواجده معنا فى هذا المنبر. |
لاياخ .!!
والله حاجة تمحن
الترابي برضو راجل ما ساهل .. ما ساهل كلو كلو
امشي قوقل واكتب الترابي
سووووو واط
|
Post: #107
Title: Re: لا (للاضــراب) .. لا (للعنــف) .. !!
Author: محمد عبد الماجد الصايم
Date: 06-05-2010, 07:28 AM
Parent: #106
هسي وليد الشفت دا بالنسبة لينا زول ما هيّن!
ممكن تديهو الحق يجي يصرف لأي واحد في البوست دا؟
يلا يا جماعة
الليلة يوم الصرف!
|
Post: #108
Title: Re: لا (للاضــراب) .. لا (للعنــف) .. !!
Author: محمد عبد الماجد الصايم
Date: 06-05-2010, 07:34 AM
Parent: #107
يا تمبس .. لو سمحت!
ماف أي حاجة تخليكـ تستخدم إيقونة  دي
قاعدين بالمهلة نشوف محمد قرشي عباس قصتو شنو؟!
الواحد ما يقول رأيو في البورض دا ولّ كيف؟
|
Post: #109
Title: Re: لا (للاضــراب) .. لا (للعنــف) .. !!
Author: tmbis
Date: 06-05-2010, 07:42 AM
Parent: #108
Quote: د. ناجى احمد رجل ما ساهل وشرف تواجده معنا فى هذا المنبر.
له منا التحية والاحترام
----------
Just google doctor nagi ahmed |
.. والله يا دكتور امبده .. عدم السهولية ياهدي اتجسدت في كلامو الكتبو دا .. ولاشايفو قدامي وقريتو ..
لو كان جا داخل هنا وكتب كلام يدخل الراس .. هنا بيبقى الفيصل .. لكن كونك تقول لي ما ساهل واقراهو هنا بالفطارة دي .. واشوف مداخلاتو في البورد دا قبل كدا .. والله ما سهوليتو دي ما لازماني ..
والله لو يطلع فيها ماشة .. احترمو عقولنا واحترمو احترامنا لي احترام الاحترام ..
..
Quote: قاعدين بالمهلة نشوف محمد قرشي عباس قصتو شنو؟!
الواحد ما يقول رأيو في البورض دا ولّ كيف؟ |
.. والله يا ود الصايم انا ذاتي ما عارفو محمد قرشي عباس دا منو .. إلا يكل يوم بشوف اسمو في الصفحة الاولانية .. لكن اول مرة اقرا ليهو حسع دي بعدما طقشني بي كلامو دا ..
بجي بلقاهو لافي في الصفحة الاولى زي الاسمو .. قريمان داك ..
لكن يظهر إنو الفترة الاخيرة دي .. انتهينا من حركات ناس الكضابين .. والمفبركاتيه .. تاني رجعنا القهقري لي الجماعة بتاعين .. رايو ما عجبك ما تكتبو ليهو هنا دا . تعمل ليك بورد براك وتكتب فوقو رايك .. يا يجي ياكلك كلمتين من كلامو دا .. يا يطلع ليك ناجي احمد دا عالم وما ساهل ..
يللا مرحبتين بي عدم السهولية ... ومرحبتين بي الفطارة .. ومرحبتين بي المناضلين ..
تمشيا مع نصيحة محمد الصايم وهو برضك زول ما ساهل .. لكن فطير .. تم ادراج المداخلة من غير ايقونة ..
|
Post: #110
Title: Re: لا (للاضــراب) .. لا (للعنــف) .. !!
Author: tmbis
Date: 06-05-2010, 07:53 AM
Parent: #109
يبدو لي أو كما يبدو لي .. إنو:
قرشي محمد عباس .. والما ساهل الفطير ناجي أحمد ... يقومون في هذا البوست بدور الطبيب الدكتاتوري الثوري .. إلخ
وهو الذي لو ما عجبو راي أي جهة تانية فيما يتعلق بي اضراب الاطباء .. ممكن عادي جدا يجي يكتب زي ما كتب مين كدا فرح ما عارف إنو دا شكل دكاترة ..؟ واللا شكل شماشة ..؟
قري محمد عباس .. قال الجماعة الجو داخلين عشان كلامو الكتبو .. عايزين يتمطو في كلامو دا .. وما شغال بيهم ..
طيب اها ..
لو إنت ما عايز الناس تتمطى .. بتكتب كلام فارغ مالك من الاول .. وعامل فيها بترهب في الناس مالك ..؟ إنت طبيب إرهابي ..؟
أما الفطير ناجي .. فلحدت ما يجي عايزين نشوف ما عاديتو دي قاعدة تتجلى في شنـو...؟
ويا حبذا كمان لو جاب لينا معاهو الصورة بتاعت الدلوكة .. يبدو إنو بعض الاطباء في سودانيز اونلاين عايزين يضربو بي طريقتم الخاصة هنا دا ..
ديل كوادر شنو مثلا كدا ..؟
الفاكنهم هنا ديل ..؟
|
Post: #127
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-05-2010, 10:24 AM
Parent: #110
الأخ / تمبس
عرفت من خلال البورد أنك زوج الأخت ت الكريمة د.داليا .. لذا يهمني كلامك و أعتذر لك شخصيا عن مداخلتي الحادة الأولى لها و قد كررت إعتذاري لها في ردي على الأخ/أبوعبيدة ..
لست ممن يتهربون من أخطائهم أو يستنكفون الإعتراف بها .. فكل بني آدم خطاء و خير الخطائين التوابين .. فلك العتبى حتى ترضى
و أنا على إستعداد لحذف مداخلتي بأكملها إن طلبت مني ذلك و ماتركتها حاليا إلا ليظل الخطأ و الإعتذار واضحين كموقف مبدئي تجاه نفسي ..
نعم أنا جديد بالورد و نفس قضية الأطباء هذه هي ماأدخلني للبورد .. أغلب مداخلاتي الأخرى متعلقة بالعلوم و قضية العقل و الدين لا أكثر . فلا تستهويني السياسة و لا أحفل بها كثيرا و لولا قضية الأطباء التي أؤمن بعدالتها لما حدت عن إهتماماتي الرئيسية التي أركز عليها بالبورد .. و يمكنك مراجعة مشاركاتي كلها للتأكد .. لا يحق لأحد حشر دفاعي عن القضية في خانة صراعات السياسيين المتطاولة و مغالطاتهم التي لا تنتهي .. فلا غرض لي سوى حقوقنا كأطباء و حين تنتهي سأعود لما أحبه من علوم
أكرر إعتذاري و لك الود
د.محمد قرشي عباس بابكر
نائب أخصائي
|
Post: #128
Title: Re: لا (للاضــراب) .. لا (للعنــف) .. !!
Author: محمد عبد الماجد الصايم
Date: 06-05-2010, 10:32 AM
Parent: #127
Quote: الأخ / تمبس
عرفت من خلال البورد أنك زوج الأخت ت الكريمة د.داليا .. لذا يهمني كلامك و أعتذر لك شخصيا عن مداخلتي الحادة الأولى لها و قد كررت إعتذاري لها في ردي على الأخ/أبوعبيدة ..
لست ممن يتهربون من أخطائهم أو يستنكفون الإعتراف بها .. فكل بني آدم خطاء و خير الخطائين التوابين .. فلك العتبى حتى ترضى
و أنا على إستعداد لحذف مداخلتي بأكملها إن طلبت مني ذلك و ماتركتها حاليا إلا ليظل الخطأ و الإعتذار واضحين كموقف مبدئي تجاه نفسي .. |
يعني داليا دي لو ما زوجة تمبس كان حقها راح ساي؟؟
وين المعايير يا جماعة؟
أديكـ النجيضة يا دكتور قرشي
أها زي كلامكـ الجيت دخلت لينا فيهو البطيخ وجا
أخونا الدكتور التاني بتاع الفطاير دا، موضوع
في ياتو خانة من القضية بتاعتكم دي؟؟ تأثيروا شنو يعني بالعربي كـدا؟
|
Post: #140
Title: Re: لا (للاضــراب) .. لا (للعنــف) .. !!
Author: Ahmed musa
Date: 06-05-2010, 12:05 PM
Parent: #127
Quote: الأخ / تمبس
عرفت من خلال البورد أنك زوج الأخت ت الكريمة د.داليا .. لذا يهمني كلامك و أعتذر لك شخصيا عن مداخلتي الحادة الأولى لها |
زده الخطأ الثاني يا دكتور
فاللازم أن تعتذر للدكتورة داليا كباشي
وليس لزوجها ...
فالدكتورة شخصية منبرية كاملة الشخصية
وإنسانياً لها ذاتها المنفصلة عن ذاتها الزوجية
فالامر إمّا أنك أخطأت في حقها فهذا يلزمك بالإعتذار لها
وأو إنك لم تخطئ فليس عليك إعتذار لها أو لزوجها
الامر الثاني هو ضرورة تركيزك على قضيتك الرئيسية
وليس محاولة تتبع آراء الآخرين ونقدها بعنف لفظي أو بسلوك أقرب له
ودمت
ومعكم حتى نيل حقوقكم كاملة غير منقوصة
ومع د. داليا في أُطروحاتها وحقها في طرحها
|
Post: #152
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-05-2010, 01:51 PM
Parent: #127
| Quote: لست ممن يتهربون من أخطائهم أو يستنكفون الإعتراف بها .. فكل بني آدم خطاء و خير الخطائين التوابين |
الاخ الزميل محمد قرشي عباس , المحترم ,
كما لاحظت فقد عزمت منذ امس على عدم الدخول الى البورد ,
الا بعد انتهاء فتره الحداد احتراما للموت وحرمته , ولان المرحوم ذو معرفه شخصيه بـ اسرتي ,
ولكنني فضلت الدخول لاخط لك كلمات شكر عن اعتذارك المهذب ,
واشكرك جزيل الشكر على توجهيهك اعتذارا اخر لزوجي او من اسميه انا (مزاحا) (زميل البورض) ,
ممكن تكون لاحظتا يا محمد اني دايما بخاطب تمبس , بي جمله (زميل البورض) دي ,
ومع انها لا تعدو اكثر من ان تكون مزاحا , ولكنني اعني في طياتها الكثير ,
حيث انني اتعامل مع (علاء زوجي) كـ (زميل) هنا لا اكثر ولا اقل ,
تمبس له خطه الكتابي والاجتماعي والسياسي , والذي احترمه جدا ,
قد اختلف او اتفق معه في بعض الاشياء ولكن تأكد انني احترمه بالمقدار الذي (أحبه) بيه كزوج وهذا تصريح قد دفعني اليه هذا الموقف المحتقن ,
(اول مره اقول الكلام دا في البورد غايتو يا محمد قرشي الله يجازيك )
اشكرك يا محمد على اعتذارك لي ولزوجي ,
واتمنى ان يفك اسر زملائنا قريبا ,
وان ننعم بخدمه صحيه افضل للمرضى
وبحياه كريمه نرتضيها لانفسنا ..
وتاكد انني في استعداد دائم لخدمه اي مريض في اي مكان واي زمان ,
تحياتي .. داليا
|
Post: #176
Title: Re: لا (للاضــراب) .. لا (للعنــف) .. !!
Author: محمد قرشي عباس
Date: 06-06-2010, 12:42 PM
Parent: #152
الزميلة العزيزة د.داليا
Quote: اشكرك يا محمد على اعتذارك لي ولزوجي ,
واتمنى ان يفك اسر زملائنا قريبا ,
وان ننعم بخدمه صحيه افضل للمرضى
وبحياه كريمه نرتضيها لانفسنا ..
وتاكد انني في استعداد دائم لخدمه اي مريض في اي مكان واي زمان , |
قد أوجزت فأبلغت و أوفيت ..
بل أنا الشاكر لقبولك الكريم لإعتذاري و أتمنى أن نلتقي يوما في محفل صدق لخدمة قضايانا و مرضانا فحقا لا يستقيم أمر سوى بطرفي هذه المعادلة
دمت بخير
|
Post: #111
Title: Re: لا (للاضــراب) .. لا (للعنــف) .. !!
Author: عبدالوهاب علي الحاج
Date: 06-05-2010, 08:07 AM
Parent: #109
| Quote: .. والله يا ود الصايم انا ذاتي ما عارفو محمد قرشي عباس دا منو |
كيف ياخي ؟ دا من الناس الماساهلين برضو
الاضراب الفات بتاع الاطبا جابتو د.ناهد وطلعتو من شنطتها وفكت منو القسطير ومشت بيت الازهري واضربت عن الطعام .. أهااا فلان دا شال اللاب توب بتاعو وشوية سندوتشات ومشى حرسها .. ناهد فتحت الليلة ووب ... ناهد غمدت الليلة واي .. ناهد أدوها درب سكر مع الملح بووووست ... ناهد شفعها جوها ياحلاتم بوووووست ... ناهد فكت الاضراب والمولد خلص شايفو عمل فيها بتاع الحاد ودراسات اديان ... أها جا الاضراب الجديد دا شايفو داير يعمل فيها الديك المسيطر في الدجاج بكري ذاتو ببالغ ياخ !!
_____
كاروشة وتمبس كيفكم ؟
|
Post: #112
Title: Re: لا (للاضــراب) .. لا (للعنــف) .. !!
Author: محمد عبد الماجد الصايم
Date: 06-05-2010, 08:11 AM
Parent: #111
دي عملية تعملا يا وهبة ياخ!
والله الشوق فطير فطير .. فطير بلبن عديل!
النجيضة: قرشي يطالب بالدايرو .. ويكتب الدايرو!
لكن يجي ينظّر ويعمل أستاذية على زول .. يقيف هنا!
|
Post: #113
Title: Re: لا (للاضــراب) .. لا (للعنــف) .. !!
Author: وليد محمد المبارك
Date: 06-05-2010, 08:13 AM
Parent: #112
| Quote: كاروشة وتمبس كيفكم ؟ |
ايواااااااااااا
|
Post: #115
Title: Re: لا (للاضــراب) .. لا (للعنــف) .. !!
Author: عبدالوهاب علي الحاج
Date: 06-05-2010, 08:20 AM
Parent: #113
ياسيناتور الشفت
ياخ معقول اختك مع بتاعين الرياض ديل في مداخلة واحدة ؟
داير أعمل ليك مداخلة براك وانت عارف الكمبيوتر دا اتعلمناهو كبار واليد لسه تقيلة هههه
ليك وحشة والله
|
Post: #117
Title: Re: لا (للاضــراب) .. لا (للعنــف) .. !!
Author: وليد محمد المبارك
Date: 06-05-2010, 08:22 AM
Parent: #115
Quote: ياسيناتور الشفت
ياخ معقول اختك مع بتاعين الرياض ديل في مداخلة واحدة ؟
داير أعمل ليك مداخلة براك وانت عارف الكمبيوتر دا اتعلمناهو كبار واليد لسه تقيلة هههه
ليك وحشة والله |
ان شاء الله الاجازة الاسفيرية كملت
وجيتنا راجع
الشوق بالكراتين
|
Post: #114
Title: Re: لا (للاضــراب) .. لا (للعنــف) .. !!
Author: السيد المسلمي
Date: 06-05-2010, 08:14 AM
Parent: #111
أرفعوا أقلامكم عن الدكتور محمد عباس قرشي ..
وأرجو أن تركزوا علي مضمون رده لا ألفاظه !
|
Post: #116
Title: Re: لا (للاضــراب) .. لا (للعنــف) .. !!
Author: السيد المسلمي
Date: 06-05-2010, 08:22 AM
Parent: #114
((( ناهد فكت الاضراب والمولد خلص شايفو عمل فيها بتاع الحاد ودراسات اديان )))
|
Post: #118
Title: Re: لا (للاضــراب) .. لا (للعنــف) .. !!
Author: tmbis
Date: 06-05-2010, 08:29 AM
Parent: #116
مرحب .. بالما ساهل .. وهبه ..
|
Post: #119
Title: Re: لا (للاضــراب) .. لا (للعنــف) .. !!
Author: omer osman
Date: 06-05-2010, 08:29 AM
Parent: #116
امـك ................
(تمبس ... ودالصايم ... وهبة ... وليد الشفت ... السيد المسلمي ) ............ كان كده الجماعة اخير ليهم البوليس
|
Post: #121
Title: Re: لا (للاضــراب) .. لا (للعنــف) .. !!
Author: Faisal Elrasheed
Date: 06-05-2010, 09:38 AM
Parent: #119
| Quote: .. والله يا ود الصايم انا ذاتي ما عارفو محمد قرشي عباس دا منو |
اعتقد انه ده الزول اللفح الباسورد بتاع ناهد المره الفاتت ومن غير اختشا كتب اسمه تحت ..
ولما عصرناهو جا سيد العربيه واداهو مفتاح خاص ..
ومن ديك وعيك ..دور فينا بالدربكين ..
|
Post: #182
Title: Re: لا (للاضــراب) .. لا (للعنــف) .. !!
Author: د.محمد حسن
Date: 06-06-2010, 03:56 PM
Parent: #111
Quote: كيف ياخي ؟ دا من الناس الماساهلين برضو
الاضراب الفات بتاع الاطبا جابتو د.ناهد وطلعتو من شنطتها وفكت منو القسطير ومشت بيت الازهري واضربت عن الطعام .. أهااا فلان دا شال اللاب توب بتاعو وشوية سندوتشات ومشى حرسها .. ناهد فتحت الليلة ووب ... ناهد غمدت الليلة واي .. ناهد أدوها درب سكر مع الملح بووووست ... ناهد شفعها جوها ياحلاتم بوووووست ... ناهد فكت الاضراب والمولد خلص شايفو عمل فيها بتاع الحاد ودراسات اديان ... أها جا الاضراب الجديد دا شايفو داير يعمل فيها الديك المسيطر في الدجاج بكري ذاتو ببالغ ياخ !!
¿ |
؟؟؟؟؟؟؟؟؟؟؟؟؟
|
Post: #155
Title: Re: لا (للاضــراب) .. لا (للعنــف) .. !!
Author: داليا الكباشى
Date: 06-05-2010, 02:16 PM
Parent: #103
Quote: د. ناجى احمد رجل ما ساهل وشرف تواجده معنا فى هذا المنبر.
له منا التحية والاحترام
----------
Just google doctor nagi ahmed |
ولـه منا نفس التحيه والاحترام (ان) احترم ارآنا
وكتاباتنا وتقف عن اطلاق (النعوت) ورمي (الفطـائر) في وجهنا,
لايستقيم يا دكتور امبده ان يكون الانسان (محترما) و(ماساهل)
ويصف من يختلف معه في الرأي (بالفطاره) او (السذاجه) ..
---------
انت يا دكتور امبده ما ملاحظ اني ما بتداخل معاك في البورد
دا خالص من يوم كلامك الجارح الكتبتو لي في بوست العيد داك ..؟؟
واعتذرتا لي في الخاص وقلتا لي ما بقدر افتح بوست اعتذار لصعوبه (السيطره) عليه ,
وقلتا ليك مااااشي عفا الله من عن ما سلف ..
انا يا دكتور امبده ما قاعده ابتدي العداوه او التهاتر مع اي من كان هنا
لانني اعتبر هذا المكان بيتي الثاني , واحترم كل الموجودين فيه بما فيهم
انت ..
رجـاء ورجـاء اخير ,,
من الوواضح جدا اننا لانتفق انا وانت في اي مكان ,
ياريت ما تتداخل لي في اي بوست من الان وصاعدا ,
وكفى الله المؤمنين شر القتال ..
اشكرك .. تحياتي ..
|
Post: #175
Title: Re: لا (للاضــراب) .. لا (للعنــف) .. !!
Author: عبدالمجيد الكونت
Date: 06-06-2010, 12:18 PM
Parent: #99
Quote: هذا التفكير الفطير للاخت احد اسباب بلوغ الكيزان لسن الواحد و عشرين في هذا البلد المغلوب على امره و للاسف هذا هو تفكير كمية مقدرة من الشعب الفضل
و معروف عن الشعب الفضل صفتين الطيبة و السذاجة |
ماعاارف غايتو يا اخ ناجي لكن اي زول بقول ليك ياخي ده زول طيب وساذج طوالي بجيني احساس انه قاصد غبي ومغفل عشان كده انا اتحسست طوالي وخاصة لما لقيت الموصوف هو كل الشعب السوداني ,معليش يمكن عشان اسقاطات نفسية خاصة بي زي زي اي مغترب بعاني من صراع الجاليات واحاديثها عشان كده طوالي نفسي الامارة بالسؤ قالت لي ناجي ده قاصد غبي ومغفل
على العموم ليس هذا المهم ولكن المهم هو ان د.داليا وضحت موقفها من الاضراب ونوعية المطالب التي كان يمكن ان تتضمنها مطالب الاطباء وركزت على حاجات المرضى أكثر وهذا في حد ذاته تفكير ايجابي جدا وايثار تستحق الاشادة عليه مننا وليس الاستنكار رغم ان الكثيرين هنا تحاملوا عليها وبعضهم انتقدها بعقلية الوصي الذي يرى انه الصواب دوما واي رأي مخالف له هو خيانة وبعد عن جادة الطريق ونزول الى مهاوى الارتزاق وخاصة عندما يتعلق الامر بالسياسة ويكون احد الجانبين محسوب على النظام والاخر محسوب على المعارضة تجد هنا اوصياء كثر ومدعين للوطنين اكثر من الجانبين
في رأي ان حديث الدكتورة عن حقوق المرضى قبل الاطباء كان يمكن ان يكون محل اشادة من الجميع ولكن زمان الكتابة قد يكون غير موفق لذا وجدت من يعترض عليه ولكن هذه القسوة في الردود غير مبررة من اي من الاطراف
|
Post: #183
Title: Re: لا (للاضــراب) .. لا (للعنــف) .. !!
Author: haroon diyab
Date: 06-07-2010, 02:17 PM
Parent: #99
لكل من قال لا للاضراب
لاجل المرضي......
لكل من سهر نبطشيتين
لاجل المرضي....
لكل من لم يعود لمنزله لمدة يومين
لاجل المرضي.....
شكرا .....جزيلا
شكرا.....جميلا
شكرا لانسانيتكم ولشرف المهنة
شكرا....دكتورة داليا وزملائها الكرام
فقد كنتم في الموعد
|
Post: #184
Title: Re: لا (للاضــراب) .. لا (للعنــف) .. !!
Author: عمر صديق
Date: 06-10-2010, 01:21 AM
Parent: #99
تحياتي با دكتورة وانتي تقومين بدورك الانساني بوعي متطور
|
Post: #122
Title: دس السم في الدسم
Author: نهال كرار
Date: 06-05-2010, 09:57 AM
Parent: #1
عن نفسي لم أتعجب من موقفك هذا يا د.داليا
ولا حشد العواطف الذي تمارسينه هنا لمهاجمة موقف الأطباء المضربين
تقولين بأنك مع المريض وكأن الأطباء المضربين عديمو الإنسانية ضد المرضى
فلاش باك
Quote: تذكرت تلك الاحداث سريعا وانا اشاهد فيديو اليوتيوب الشهير للصحفيه لبنى وهي تخرج من المحكمه وزغاردها مجلجله ...!!!
لم افهم سر هذه الزغروده حتى الان بالرغم من ان الكل ارهقها تحليلا وتمحيصا ... ؟؟؟؟
لم افهم ما هو الهدف من المظاهره التي قادتها النسوه المتشحات بالسواد (مطقمه) مع عصابات الرأس ...؟؟؟؟
لم افهم لماذا كان يهتفن : حريه.. حريه ... حريه .. مدعومه بتصفيقه طق طق طق طق ...؟؟؟؟ اي حريه تلك التي يطلبن ؟؟؟
هلا استوقف احد الصحفيين الافاضل احدى هؤلاء النسون ليسألها عن الهدف من التظاهر امام قاعه المحكمه ... اشك في تشابه اجابات خمسه منهن
بل حتى ثلاثه ...!!
الحريه مسؤليه .. واولى تلك المسؤليات معرفه الاهداف والمطالب... فماذا نطلب ؟؟؟؟ ما هو المطلب ...؟؟؟
لبس البنطال ؟؟؟؟
ام تعديل قانون النظام العام ؟؟؟
ام الغاء القانون ..؟؟؟
ام الغاء عقوبه الجلد ضد المظهر العام ..؟؟؟
ام الغاء عقوبه الجلد كليا ...؟؟؟
لا شك ان هناك الكثي والكثير من الممارسات الخاطئه ضد المراه سواء من افراد او جماعات او مؤسسات حكوميه او جهات نظاميه ..
نود بكل ترحاب رفع اصواتنا عاليا ضد الظلم وضد القهر .. ضد الجوع وضد الفقر ... ضد من يحبسون ست الشاي .. وضد من
يتاجرون بقضيتها على حد سواء ...
لبنى حسين صحفيه ذات شجاعه نادره استطاعت ان تتفاعل بقوه مع كثير مما الم بها .. ولكن .. القضيه هي الرمز المناسب
الذي يمكننا ان نقف تحت رايته كي نقول لا ؟؟؟؟؟؟ |
Quote: العزيز ابو الريش .. لم اتجث قط عن المناصره .. فهي حق شخصي مكفول لكل مواطن ...!! من شاء ان يناصر فليناصر او لا يناصر ..
ولكن تكلمت عن ترميز لبنى .. عن اتخاذها قدوه ... عن شكل المناصره نفسها .. عن الزغاريد والعصابات السوداء والنداءات
والشعارات المستهجنه .. عن صوره المراه السودانيه وهي تحلق شعرها (بوي) وتمشي في مظاهره ...!!!!اليس هذا مستهجنا ؟؟؟؟؟؟ ... ثم انني ادري جيدا انك لن تسال ابدا سؤالك هذا وانت متأكد انها بقامه النسوه الاتي ذكرتهن...! |
غلطان انت بالنمره ... انا بيتي بشارع الحمرا ...!!!
|
Post: #123
Title: Re: دس السم في الدسم
Author: عفاف الصادق بابكر
Date: 06-05-2010, 10:13 AM
Parent: #122
Quote: الحكومه بتتعامل معانا كـ فئه (موضوعها محلول وديل ناس مدلعين ساي) يا رشا ,
المرضى اللي نحن اتعلمنا عشانهم ديل , ابسط ما يقال انو بتتقدم ليهم (أسوأ) خدمه صحيه
على وجه البسيطه , تفتكري نكون نحن والزمن عليهم ..؟؟
نحن رسالتنا ما هينه يا رشا , وكلنا محتاجين , لدي اخوات واخوه واسره ومسؤليات جسام ,
وكلنا محتاجين , وفي عرض (الميه) جنيه , لكن لمن بجي المستشفى الصباح واعاين للمرضى
الجايين من اقاصي الدنيا , راقدين في الواطه , بكره الدنيا , وبكره مهنتي ,,
|
ده القدرته عليهو يا د. اليا ..
وكان الله في عون :
الدكاترة
والتمرجية
والعساكر
والمرضانيين
وا
وا
وا
وكل الشعب السوداني ..
|
Post: #124
Title: Re: دس السم في الدسم
Author: عبدالوهاب علي الحاج
Date: 06-05-2010, 10:16 AM
Parent: #122
شكراً للانسانة د. داليا ورفاقها الميامين الذين لم يغادروا باحة الطوارئ
شكرا لانسانيتكم وشكرا لكم وانتم تنحازون لمرضاكم سنذكر لكم ذلك ماحيينا
_____
مواطن مقيم بالخرطوم قد يحتاجكم بأي وقت
واليدو في الموية مازي اليدو في النار
|
Post: #125
Title: Re: دس السم في الدسم
Author: Faisal Elrasheed
Date: 06-05-2010, 10:20 AM
Parent: #124
| Quote: واليدو في الموية مازي اليدو في النار |
دي الخلاصه يا وهبه ..وده كلام العقل وليس كلام الاجندات ..
|
Post: #126
Title: Re: دس السم في الدسم
Author: وليد محمد المبارك
Date: 06-05-2010, 10:21 AM
Parent: #124
Quote: مواطن مقيم بالخرطوم قد يحتاجكم بأي وقت
واليدو في الموية مازي اليدو في النار |
عليك نوووووووووووووووووور
في ناس موضوع الاطباء ده بالنسبة ليهم ترف منبري
اضربوا اضربوا اضروبا وهو قاعد في الواغ واغ ومتمتع بالهس انشورنس
|
Post: #129
Title: Re: دس السم في الدسم
Author: خلف الله عبود
Date: 06-05-2010, 10:46 AM
Parent: #126
داليا الكباشى
سلامات
لو كان البوست بتاعك عنوانه : لا لظلم الأطباء ... لا للإضراب ... لا للعنف ...
كلان معقولا ... ولكنك تجاهلت عن عمد كعادتك دائما أن تشيري لحكومة حزبك الظالمة ولو بكلمة لوم
واحدة ... حتى ترعوى عن ظلم فئة تفني في سبيل علاج البسطاء من مرتادى المستشفيات الحكومبة وليس مستوصفات رؤساء حكومتكم الذين يتعالجون بالمال المسروق من الشعب بشتى الطرق .
أما المرضى الفقراء فمطالبب الاطباء تحدثت عنهم وعن تأهيل المستشفيات والاطباء في مذكراتهم ولكنك تنظرين فقط بمنظار حكومة الظلم المسماة بالإنقاذ وتذكري أن الحكومة أمسكت أيدي الاطباء عن علاج من لا يحمل المال ويدفعه مقدما وهو أمر لايحدث في أكثر البلاد راسمالية ، لا في دولة : هى لله !!!
أقرأي الموضوع المرفق وتذكري ايضا سبب موت زوجةالأخ عمار لتجنبي نفسك الوقوف مع الباطل وحتى لا يسالك الله سؤالا عسيرا :
-------------
عن سودانايل/ الجمعة 4/6/ 2010
محنة الاطباء في الزمن الإنقاذي .... بقلم: د. أحمد مصطفى الحسين
الجمعة, 04 يونيو 2010 19:55
كانت مهنة الطب مهنة تتمناها الامات والحبوبات لأبنائهم ، وهم بعد في المهد، ليس فقط من اجل عائدها المادي ولكن ايضا لمكانتها الاجتماعية وفائدتها لاهل الحي والأقرباء. وظلت لفترة طويلة هدفا صعب المنال لمجموعة كبيرة من شباب التخصص العلمي الذين يرغبون في دخول معتركها. فقد كان يتم اختيار المتميزين من طلاب السنة الأولى في كلية العلوم للإلتحاق بكلية الطب جامعة الخرطوم بعد إخضاعهم لمعاينات تنافسية صعبة. ولا أعرف مهنة، تنتمي لفئة الياقات البيضاء، في صعوبة مهنة الطب، فصاحبها دائما تحت الطلب (On call). وحتى وهو في عطلته لا يرتاح كبقية خلق الله إذ تأتيه الحالات الشاكية من اهل حيه واقاربه. فهي في الحقيقة مهنة صعبة ولكنها مهنة الصالحين. ولذا يستحق أهلها التبجيل والإحترام على أقل تقدير ولا يساقون الى السجون سوقا ويضربون في مسيراتهم السلمية ضربا تسيل دماءهم سيلا على ملابسهم.
ولصعوبة مهنة الطب وصعوبة الدراسة التأهيلية المطلوبة لها كان من الضروري ان يكون الحافز المادي لهذه المهنة مجزيا حتى يكون حافزا لركب صعابها. فإذا لم تكن كذلك فلن يكون هناك حافزا لركوب صعاب الحصول على شهادة في الطب والأرهاق الذي يرافق إمتهان المهنة. ولذلك نجد الأطباء دائما وفي أي بلد من بلاد الدنيا يتمتعون بدخول عالية وأوضاع إجتماعية مرموقة. وقد تمتعوا بهذه الميزة في السودان بصفة خاصة في جميع الأوقات وتحت ظل كل الحكومات حتى جاءت حكومة الإنقاذ بقيمها الطفيلية فلم يجدوا منها غير السيف والسوط والافقار والتهميش. بينما يجد غيرهم من سماسرة الدين رغد العيش وطيبه دون مؤهل غير ثفنة كاذبة سود بها مقدمة وجهه غصبا ورياء.
إن ذلك الوضع المتميز للإطباء يعكس القيمة السوقية العالية والنظرة المجتمعية الرفيعة التي يعطيها المجتمع للعلم والعلماء بصفة عامة ولمهنة الطب بصفة خاصة وذلك لارتباطها بحاجات الانسان وهو في اضعف احواله كمريض. وفي الواقع ان الاهتمام بالأطباء هو جزء من اهتمام كل حكومات الدنيا بصحة مواطنيها كخدمة عامة يستوي في الحاجة لها المعدم والغني. ولذا علينا أن نفهم محنة الأطباء الحالية في اطار المنظومة القيمية التي جاءت بها الإنقاذ وقلبت القيم رأسا على عقب. فحينما جاء السلطان الإنقاذي جاء بقيم غريبة على المجتمع السوداني الذي تبنت حكوماته السابقة قيم دولة الخدمات والرعاية الاجتماعية، فكانت تعلم مواطنيها مجانا وتقدم لهم الحد الاعلى أو الأدنى من الرعاية الصحية والخدمات الاخرى مجانا، حتى ان اما لطفل علقت حينما طلب منها في ظل حكومة الانقاذ ان تدفع مبلغا من المال للسماح لابنها بالدخول للمدرسة "عشنا وشفنا ......هو التعليم بقى بالقروش؟".
لقد جاءت الحكومة الإنقاذية، ولا ندري من أين جاءت، فهي حتما نبتا شيطانيا لا ينتمي لأرض السودان وقيم أهله، واهلكت الحرث والنسل والخدمات. فقد كانت القيم السودانية دائما تكافليا وتعاونية تقدر حاجة الفقير اكثر مما تحتفي برغبات الغني. وفي هذا الاطار كانت الحكومات السابقة للإنقاذ، متأثرة بتلك القيم التكافلية، تأخذ مسألة دولة الخدمات والرعاية الإجتماعية كبديهية لا تحتاج لكثير جدل. وتبدلت هذه المنظومة القيمية التكافلية مع مجئ الإنقاذ وحلت مكانها قيما غريبة وشديدة الوعورة، لعل اهم احتقار حاجات الفقراء للصحة والتعليم، وتجاهل دور الحكومة في توفير تلك الخدمات، وقدموا اولويات وأجندة جديدة لا علاقة لها بأولويات هذا الشعب وقيمه. فأهملت الحكومة التعليم والصحة والنظافة العامة وصار الناس يتداولون قصصا في الاهمال والاحتقار للمواطن تشيب لها الولدان: المريض يشتري البنج والشاش وكل مستلزمات العملية الجراحية التي لن تتم حتى في اسوأ الحالات الطارئة حتى يدفع المريض تكلفتها كاملة؛ طفل لم يسمح له بدخول المدرسة لأن والده لا يملك قسط الدراسة. ولعله من الطبيعي ان نستنتج بعد كل هذا أن ازمة الأطباء هي واحدة فقط من افرازات ذلك التحول القيمي والذي قاد الي تحول أساسي في اولويات حكومة الانقاذ واجندتها المجتمعية.
لقد أورد الأخ عمار محمد ادم في سودانيز أونلاين تجربة شخصية مؤلمة تؤكد ما ذهبنا اليه عاليه حيث قال فيها: " كم كان ذلك الموقف قاس وصعب والساعة الثانية بعد منتصف الليل وابنى الى جوارى وزوجتى على النفاله اثر حادث حركة وقد وصلت ذلك المستشفى بالاسعاف وكنا فى انتظار كلمة من الطبيب تبعث الامل فى نفوسنا وكانت (ما بقدر اخت يدى فى المريضة الا يدونى اذن ناس الحسابات) وهرعنا الى موظف الحسابات الذى قال لنا (لابد تختوا فى الحساب خمسة مليون)". وبطبيعة الحال فإن الطبيب تصرف تحت ضغط الثقافة الرأسمالية الطفيلية الجديدة التي أفرزتها الإنقاذ.
وفي نفس البوست علق طبيب على رواية الأخ عمار المحزنة مؤكدا ما ذهبنا اليه قائلا: " البركة فيها وفيكم أخ عمار وغيرها مئات الألاف ماتوا لما دولة الرأسمالية الطفيلية خصخصت كل شيئ حتي الخدمات الضرورية للحياة بما فيها الصحة وقد عانينا كأطباء أيامها الأمرين من قوانين الوزارة البتقول ما تخت يدك في مريض قبل ما يدفع في وقت كانت الطبقة المترفة الماسكة السلطة وحلفائها من أثرياء الغفلة كانوا بيرسلوا اسرهم لقضاء إجازاتهم في ما وراء البحار."وهذه صور غاية في السريالية ولا يمكن أن تحدث حتما في أعتى الدول رأسمالية.
وأورد شاهد عيان آخر معلقا في نفس البوست "شاهدت من قبل هذا القهر أمام استقبال أحد المستشفيات السودانية حين أعادوا امرأة كبيرة السن من داخل المستشفى إلى الشارع بحجة أنها لا تملك حق الكشف! ثم شاء الله أن أشاهد نفس المشهد أمام مستشفى آخر حين شاهدت اثنين من ممن يلبسون زي الممرضين يحملون مريضاً على نقالة وينزلونه في الشارع ثم يعودون بالنقالة ..... لن أتكلم أو أصف شعوري .... فالكلمات تعجز عن ذلك". لو حدثت حادثة من هذه الحوادث في بلاد "الكفرة" لأدت لإستقالة الحكومة أو على الاقل وزير الصحة. فهل هي فعلا هي لله وقصد بها التقرب لله.
لقد كانت تلك القيم الإنقاذية والتي تؤكدها هذه الحوادث المؤلمة حقا هي الأساس لسياسات عامة توجهت نحو تقليص الانفاق العام على الخدمات العامة، وتوجيهها نحو الامن والحرب والفساد والنهب والاختلاس، بصورة لم يشهدهه السودان في كل تاريخه بل ولم تشهدها اعتى الدول رأسمالية، وحتى اكثرها فسادا. وبطبيعة الحال رافق ذلك الإحتقار لحاجات الفقراء، احتقارا للمؤسسات والمهنيين الذين يقدمون لهم تلك الخدمات. فانهارت لذلك المستشفيات وتهدمت المدارس والمرافق العامة. وفي نفس السياق تم افقار وتهميش الاطباء والمهندسين والمعلمين وأساتذة الجامعات، واصبحت السمسرة، والنشاط التجاري الطفيلي، وتجارة العملة، ونهب المال العام والإختلاس هي المجالات الخصبة للكسب "الحلال" بالمفهوم الإنقاذي. وصارت المؤهلات المطلوبة للنجاح تشمل القدرة على التملق والتدين الكاذب المرائي. ومن هنا اصبحت ، محنة الأطباء، في حقيقة الأمر، جزأ من محنة البلد ككل.
ما كنا لنتعاطف مع قضايا الأطباء لو كانت مطالباتهم بتحسين أوضاعهم الإقتصادية والمعيشية تتم في بلد لا موارد له ويتساوى كل أهله حتى نخبته الإسلامية في الفقر. فشعارنا كان دائما "ساوا السودانين في الفقر حتى يتساوا في الغنى". ولكننا نتعاطف الأن مع مطالبهم لأن موارد البلد تتمتع بها النخب الإسلاموية ولا يتركون فتاتا منها لأحد. ونتعاطف أيضا مع قضيتهم لأنها أصبحت تعبيرا عن محنة البلد ككل وعن أزمته التي غلبت الطب والطبيب. إن الحكومة تماطل في تنفيذ مطالبهم لانهم اطباء مستشفيات قطاع عام تقدم خدماتها للمرضى من الفقراء الذين لا تحتل مصائبهم اي مساحة في اجندة حكومة الانقاذ ........!!!! اللهم يا رب العباد لا تسلط علينا من لا يرحمنا ولا يخافك.
Dr. Ahmed Elhussein
|
Post: #130
Title: Re: دس السم في الدسم
Author: وليد محمد المبارك
Date: 06-05-2010, 10:55 AM
Parent: #129
Quote: داليا الكباشى
سلامات
لو كان البوست بتاعك عنوانه : لا لظلم الأطباء ... لا للإضراب ... لا للعنف ...
كلان معقولا ... ولكنك تجاهلت عن عمد كعادتك دائما أن تشيري لحكومة حزبك الظالمة ولو بكلمة لوم
واحدة ... حتى ترعوى عن ظلم فئة تفني في سبيل علاج البسطاء من مرتادى المستشفيات الحكومبة وليس مستوصفات رؤساء حكومتكم الذين يتعالجون بالمال المسروق من الشعب بشتى الطرق .
أما المرضى الفقراء فمطالبب الاطباء تحدثت عنهم وعن تأهيل المستشفيات والاطباء في مذكراتهم ولكنك تنظرين فقط بمنظار حكومة الظلم المسماة بالإنقاذ وتذكري أن الحكومة أمسكت أيدي الاطباء عن علاج من لا يحمل المال ويدفعه مقدما وهو أمر لايحدث في أكثر البلاد راسمالية ، لا في دولة : هى لله !!!
أقرأي الموضوع المرفق وتذكري ايضا سبب موت زوجةالأخ عمار لتجنبي نفسك الوقوف مع الباطل وحتى لا يسالك الله سؤالا عسيرا : |
انت القال ليك منو داليا دي مؤتمر وطني ؟
تأهيل مستشفيات ؟!
انت ما قريت وكت كتبت الاستاذ ذو النون مات كيف
مات نتيجة مسعرين الحرب الزيك ديل
|
Post: #131
Title: Re: دس السم في الدسم
Author: tmbis
Date: 06-05-2010, 10:58 AM
Parent: #130
Quote: ولكنك تجاهلت عن عمد كعادتك دائما أن تشيري لحكومة حزبك الظالمة ولو بكلمة لوم
واحدة ... حتى ترعوى عن ظلم فئة تفني في سبيل علاج البسطاء من مرتادى المستشفيات الحكومبة وليس مستوصفات رؤساء حكومتكم الذين يتعالجون بالمال المسروق من الشعب بشتى الطرق . |
..
عندك مايك واللا بتكتب من سماعة هيدفون ..
وغنت حكحومة حزبك دي من ياتو فئة حزبية ..؟ ادينا النجيضة .. عشان احتمال المرة الجاية نرشحك رئيس اي كتلة من الكتل الحايمة دي ..
|
Post: #132
Title: Re: دس السم في الدسم
Author: tmbis
Date: 06-05-2010, 11:26 AM
Parent: #131
Quote: د. ناجى احمد رجل ما ساهل وشرف تواجده معنا فى هذا المنبر.
له منا التحية والاحترام
----------
Just google doctor nagi ahmed |
يا دكتور امبدة ..
اهو قوقلنا ناجي أحمد من داخل البورد .. وياهوندي نوعية ردودو
Quote: الله لكن
كلام يا عوض دكام
عجبتني وقفة مصورة الجزيرة مع الكاميرا |
..
أول عرض أزياء مفتوح فى الخرطوم .. قريبا جدا.. و حصريا ع..... صور .. صور .. صور
|
Post: #133
Title: Re: دس السم في الدسم
Author: خلف الله عبود
Date: 06-05-2010, 11:30 AM
Parent: #131
الأخ وليد
قد لاتكون داليا مسجلة في كشوفات المؤتمر الوطني ولكن أنظر لإتجاهات كتاباتها ... والمدافعين عن باطل المؤتمر الوطني هم منتسبيه حتى ولو قالوا بغير ذلك فالعبرة بالموقف من الحدث .
ولكن لماذا لا تنظر لأصل الموضوع الذي طرحته وهوكلامي : إن كان عنوان بوستها هو : لا لظلم الاطياء ... لا للإضراب ... لا للعنف
ولإتجاه كتابتها لايخدم غرض حل المشكلة ولذلك كتبت ما كتبت .
وأنت !!! ما راييك في اصل الموضوع ومقال دكتور أحمد الحسين ؟
ناقشه بدلا عن الحوامة حول الموضوع دون مواجهة الحقائق .
وحكاية مسعورين دي ما بتتقال لى زول جايب حقائق وبيناقش بالأدلة ...
إنت وين منطقك ... قول رأيك ... وخلى الكلام المابيفيد
|
Post: #134
Title: Re: دس السم في الدسم
Author: وليد محمد المبارك
Date: 06-05-2010, 11:37 AM
Parent: #133
الاخ خلف الله
عزبتناااااااااااااااااااااااااا
| Quote: قد لاتكون داليا مسجلة في كشوفات المؤتمر الوطني ولكن أنظر لإتجاهات كتاباتها ... والمدافعين عن باطل المؤتمر الوطني هم منتسبيه حتى ولو قالوا بغير ذلك فالعبرة بالموقف من الحدث . |
ياخ
بالله
طوالي كده
يعني ممكن من كتابتك نقول عليك زول مجنون او مطرطش او عميل
| Quote: ولكن لماذا لا تنظر لأصل الموضوع الذي طرحته وهوكلامي : إن كان عنوان بوستها هو : لا لظلم الاطياء ... لا للإضراب ... لا للعنف |
لا ابدا
انت بنوع كتاباتك والقدح في الزملاء وتصنيفهم حسب هواك ونفسيتك
ما عندك اي حق انك تتكلم في اي موضوع
بعدين انا البحدد اعلق على ياتو كلام في ياتو موضوع
موش باملا منك
| Quote: وأنت !!! ما راييك في اصل الموضوع ومقال دكتور أحمد الحسين ؟ |
ولا قريتو !!
اقراه كيف وانت جايب معاه ديباجة تنفرك من اصل الموضوع
| Quote: ناقشه بدلا عن الحوامة حول الموضوع دون مواجهة الحقائق . |
لا اناقش جيباجته القدمتها عليه اولا
انت لو عاوزني اناقشه هو ما كان تنقله ساكت بدون المقدمه حقتك
او كان تخت الرابط بتاعه بس
Quote: وحكاية مسعورين دي ما بتتقال لى زول جايب حقائق وبيناقش بالأدلة ...
إنت وين منطقك ... قول رأيك ... وخلى الكلام المابيفيد |
راتي قلته
مسعرين الحرب الزيك
هم من قتلوا ذنون البشري
اعيدو ليك تاني
مسعرين الحرب هم من قتلوا ذو النون بشرى
تاني
مسعرين الحرب هم من قتلوا ذنون بشرى
|
Post: #135
Title: Re: دس السم في الدسم
Author: tmbis
Date: 06-05-2010, 11:39 AM
Parent: #133
| Quote: ولكنك تجاهلت عن عمد كعادتك دائما أن تشيري لحكومة حزبك الظالمة |
.. | Quote: قد لاتكون داليا مسجلة في كشوفات المؤتمر الوطني |
. يعني احتمال كبير يكونو مسجلنها مستمعة .؟
وراجينك تدخله في المؤتمر الوطني كعضو اصيل ..؟ واللا الحنك شنو مثلا ..؟
| Quote: ولكن لماذا لا تنظر لأصل الموضوع الذي طرحته وهوكلامي : إن كان عنوان بوستها هو |
.. إنتو اصل الموضوع دي موضة اليومين دي واللا شنـو..؟
قرشي يجدع ليهو كلمتين يقوليك اصل موضوع ..
ناجي احمد يجدع ليو كلمتين .. يطلع احسن زول
خلف الله .. يسجل الناس في الانتخابات .. يقوليك اصل الموضوع ..
دي حركة تحرير جديدة واللا شنـو..؟
|
Post: #137
Title: Re: دس السم في الدسم
Author: خلف الله عبود
Date: 06-05-2010, 11:53 AM
Parent: #135
الأخ وليد
لم آجئ هنا للرد على المهاترات
الموضوع الأساسي هو أن ظلم الأطباء هو الذي ادى إلى الإضراب والأطباء مضطرين والإضراب أدى إلي ظلم جديد وهو العنف ... وهذا هو ما أرت أن انقله للأخت د. داليا .
أما أنت فطريقتك وأسلوبك اسلوب مهاترة وتعصب لا يشجع على الحوار ...
|
Post: #138
Title: Re: دس السم في الدسم
Author: tmbis
Date: 06-05-2010, 11:59 AM
Parent: #137
| Quote: لم آجئ هنا للرد على المهاترات |
اهتر حاجة هنا دا .. في الموقع دا بتاع سودانيزاونلاين .. هي شنـو غير فلان دا كوز وفلان دا امنجي وفرتكان دا كان شغال في الجيش ..؟؟ | Quote: الموضوع الأساسي هو أن ظلم الأطباء هو الذي ادى إلى الإضراب والأطباء مضطرين والإضراب أدى إلي ظلم جديد وهو العنف |
.. طيب لو ما عايز تهاتر يا المهاتره غاندي .. يعني لو اي زول ادلى بي رأي طوالي نوعيتك دي الخاته ليها طربيزة قداما وكرسي وورق من حقها طوالي تصنف الواحد مؤتمر وطني .. وتجي تقوليك لالا دا لسة مستمع ما تم السن القانونية بتاعت المؤتمر الوطني ..
وتجي تشبكنا ما جاي اهــاتر ..؟
ياخ إنت كدي ادينا شريط اخباري عنك ورينا إنت منو زاتووو .. وقاعد تعمل شنو عشان الواحد ما يهاتر معاك ساي من طرف كدا ..
تكون من المصنفات الادبية والحزبية بتاعت البورد ..؟
معليش يا وليد .. الزول دا برضو من الناس الكويسين زي ناس ناجي أحمد انا برضو قوقلتو من فترة طويلة ..
اصلو الايامات دي مدام ماف حملات تبرع بالدم .. اخير الواحد يجي يفجر نفسو في المناضلين ديل
|
Post: #141
Title: Re: دس السم في الدسم
Author: وليد محمد المبارك
Date: 06-05-2010, 12:14 PM
Parent: #138
Quote: معليش يا وليد .. الزول دا برضو من الناس الكويسين زي ناس ناجي أحمد انا برضو قوقلتو من فترة طويلة ..
اصلو الايامات دي مدام ماف حملات تبرع بالدم .. اخير الواحد يجي يفجر نفسو في المناضلين ديل |
يا تامبا
سوق مرتك امشي اقبل الاعتذار الفوق ده
وادي ناس ناجي احمد (الما ساهل) حصة في اخلاق اولاد الحلة الساهلين جدا
|
Post: #139
Title: Re: دس السم في الدسم
Author: وليد محمد المبارك
Date: 06-05-2010, 12:02 PM
Parent: #137
الاخ خلف الله
Quote: الأخ وليد
لم آجئ هنا للرد على المهاترات |
صحيح
لقد اتيت لتصنعها لا لترد عليها
ما كتبته للزميلة داليا هو مرد هراء وتهاتر
شنو انت عاوز تبقيها مؤتمر وطني غصبا عنها ؟!
وتقول لي مهاترات ويجزنون ؟!
| Quote: الموضوع الأساسي هو أن ظلم الأطباء هو الذي ادى إلى الإضراب والأطباء مضطرين والإضراب أدى إلي ظلم جديد وهو العنف ... وهذا هو ما أرت أن انقله للأخت د. داليا . |
وطيب
حزبكم وحكومتكم وما ليه لازمتو شنو
| Quote: أما أنت فطريقتك وأسلوبك اسلوب مهاترة وتعصب لا يشجع على الحوار ... |
بدايتك غلط
ما بداية حوار
اسع ابدا من جديد صاح .. مافي داعي للاحكام اللاستباقة والاحكام القصرية
ياخ نفرض انو داليا معترضة على الاضراب اساسا وعندها رائي فيه
هل ده بالضرورة بيعني انها مؤتمر وطني
هو بالله مافي غير اللونين ديل
يا مؤتمر وطني
يا مؤتمر ما وطني
|
Post: #142
Title: Re: دس السم في الدسم
Author: بشير أحمد
Date: 06-05-2010, 12:29 PM
Parent: #139
التحية للدكتورة/داليا الكباشي
وهي تقف موقف شجاع مع مرضاها .
|
Post: #143
Title: Re: دس السم في الدسم
Author: tmbis
Date: 06-05-2010, 12:46 PM
Parent: #142
Quote: يا تامبا
سوق مرتك امشي اقبل الاعتذار الفوق ده
وادي ناس ناجي احمد (الما ساهل) حصة في اخلاق اولاد الحلة الساهلين جدا |
.. والله يا وليد .. طبعا زي ما عارف أخوك نصير مرأة قديم جدا .. والجنية حقتو لما يقوم البحر يزيد ..
لكن بي طبيعة الحال .. الدكتورة دي هنا بتعبر عن رايها بي شجاعة ووضوح .. لكن الحاجة البتغيظ الجماعة الارهابيين ديل .. وناس الايدلوجيات الواحدة .. والواحد تعصرو في حتة ضيقة .. يعمل ليك فيه رايح ..
يعني عندك مثلا .. زولك خلف الله دا جاي عامل فيها ما بتاع مهاترات زي ما قال ..
ومن حقو يصنف مؤتمر وطني لي اي زول ما يتفق معاهو ..
بينما إنو عارف تماما إنو عندو معتقد خاص بيهو .. وهو عارفو وأنا عارفو والله عارفو ..
وفي برضو دكتور من الدكاترة ديل .. برضو معتقدو بيتلاقى مع معتقد سيد خلف الله دا .. وهو عارفو والدكتور عارفو وانا عارفو والله برضو عارفو
فممن منطلق إنو عايز يهاتر صلاخي .. قال اخير اديها واحد من نوعية يا كوزة يا مؤتمر وطني
ولو تلاحظ .. قام استعمل فيها النظام الاقطاعي القديم .. ما قال ليها يا كوزة
قام قاليها نظام حزبكم .. ورئيسكم ..
هل السيد خلف الله دا بتتوفر فيهو الشجاعة الكاملة يورينا حزبو شنو .. ؟ ومتضامن ليه مع الاطباء ديل وعلشان شنو..؟
طيب هو طبيب .. واللا حزبي ساااكت ..؟
لو عرف السبب بطل العجب يا وليد
|
Post: #144
Title: Re: دس السم في الدسم
Author: tmbis
Date: 06-05-2010, 01:01 PM
Parent: #143
Quote: الأخ وليد
لم آجئ هنا للرد على المهاترات |
.. لو اديتو صنة يا وليد حيقوليك الحنك بتاع :
دودح دل .. الاستاذ الدل .. إلخ ..
طالما بداها ليك بي السلام الجمهوري بتاع والله انا ما قاعد اهاتر .. وقاعد اوصل الراي بتاعي بالحكمة والموعظة الحسنة .. ياخ احمد ربك الخلقك يا وليد .. وبوس يدك بطن وضهر إنو ما خت ليك رابط .. أو م جاك عادل امين .. ماسورة البورد المحلوجة ...
يعني النجيضة كدا يا وليد ..
لو كنت محايدين ما ترد يحق انو تتبستف هنا دا لانو رايك ما عجبم .. ويتم تصنيفك اي حاجة
لو كنت ساااي كدا وبتاع فلفلت البربطوها في العمود ديك .. برضو يدوك النجيضة ويلقو ليك سكة زي ناس خلف الله ديل ..
ما بتتحل منهم إلا تبقى شيوعي وعامل فيها بتاع اضرابات واعتصامات ..
أو جمهوري مصنفاتي .. هذا لانو في بعض الجمهوريين في الاضراب دا ..
لذلك المطلوب من عصام جبر الله الشيوعي .. يفرز لينا الجمهوريين من الشيوعيين من الكيزان من القائمة الجابه لينا ديك .. وذلك بمساعدة خلف الله الكوز .. وناجي أحمد الكويس .. وقرشي عباس .. الثوري ..
اي زول عايز ليهو باصوورد زايد .. يدينا خبر ..
|
Post: #145
Title: Re: دس السم في الدسم
Author: Faisal Elrasheed
Date: 06-05-2010, 01:09 PM
Parent: #144
تمبس ..اعمل لي قسم السيد من الكوم ده ياخ 
|
Post: #147
Title: Re: دس السم في الدسم
Author: Abdel Aati
Date: 06-05-2010, 01:20 PM
Parent: #145
سلام للجميع
دكتورة داليا ادانت العنف ضد الاطباء بصورة واضحة ومع ذلك وقفت ضد الاضراب ولها رأي في المطالب انها كانت يمكن ان تمتد لتشمل مطالب متعلقة بالمرضي والحالة الصحية عموما؛ وفي الحقيقة مطلب مجانية العلاج مذكور ولكن دون تفصيل وتحديد كما المطالب المتعلقة بحقوق الاطباء )؛ وكل هذا يدخل في باب حرية الرأي والتعبير والموقف .
انا رافض للعنف تجاه الاطباء بصورة قاطعة ومع حقهم في الاضراب ومع حق د. داليا في عدم الاضراب ولكن استغرب للهجة العنيفة تجاه دكتورة داليا والتي ناقشت الامر بموضوعية وطرحت وجهة نظرها الشخصية وكانت الردود عليها عنيفة للغاية وبعضها مغرضا حيث يتهمهما بانها مؤتمر وطني الخ من الاتهامات الجائرة والتي لا تفيد .
دعم بعض منسوبي المؤتمر الوطني لكلام د. داليا لا ينبع من مبدئية ولا من حرص على المواطن وكان الاحرى بهم تثبيت موقف من قضية العنف ضد الاطباء ومن حقوق المواطن بدلا من الاختباء وراء موقف د. داليا المختلف عنهم تماما والنابع من حرص على المريض وموقفهم نابع من حرص على المؤتمر الوطني وشتان بين الموقفين .
اعرف د. داليا شخصيا وقد تحلورنا حول برامج تطوعية مجانية لخدمة المرضى المعسرين وقد ابدت حماسها الفائق للعمل في هذه المشاريع ولم يوقفها الا تأخر الجهة المنظمة ومن هنا انا اؤمن بجديتها فيما طرحته اعلاه وبضرورو الحوار الهاديئ معها حول نقطة الاضراب واقناعها بها او الاقتناع بوجهة نظرها ، لان غرضها هو مصلحة المريض حسب ما فهمت واعرف؛ وارفض تماما الاهانات الموجهة لها والعنف اللفظي تجاهها الذي هو مرات اشد من العنف الجسدي .
والتحية والاحترام للجميع
|
Post: #149
Title: Re: دس السم في الدسم
Author: وليد محمد المبارك
Date: 06-05-2010, 01:38 PM
Parent: #147
يا عادل عبد العاطي
يقال الشكروه قدامو نبزوه
انا حا انبزك ياخ
واقول ليك
انت زول ممتاز .. ممتاز بمعنى الكلمة
يديك العافية ياخ
|
Post: #150
Title: Re: دس السم في الدسم
Author: محمد عبد الماجد الصايم
Date: 06-05-2010, 01:38 PM
Parent: #147
شكرا عادل عبد العاطي!
قبل التعديل وبعدو برضو!
|
Post: #146
Title: Re: دس السم في الدسم
Author: وليد محمد المبارك
Date: 06-05-2010, 01:12 PM
Parent: #144
يا تامبا خلف الله عزبتنااااااااااا ده معذور
هو ما عارف انو نحن وكت جينا المنبر ده كان راي واحد واتجاه واحد
قيام كله بقيف
جلوس كله بقعد
وانه اول مداخلة لي كل زول فينا صرفوا ليه يها مرتب الكوزنة .. وادوه النمرة حقت المعسكر
مرتبة امنجي
وكوز موتمر وطني
وبوت ظلامي
بحتنا بحتنا لحدي ما ثبتنا راينا .. وطفشنا اي اقصائي من المنبر ده اخرتهم الامير الكوشة بشاشا_شايفوا خلانا نتنفس الدور ده طويلا _ ووين سيدنا خلف الله ده من بشاشا
فيا خلف الله مفرده كوز وامنجي وظلامي والاشارة ليها بالواضح او بالمستتر
دي اتسحكت شوف ليك غيرها
بتنا داليا دي بنقول ليك ماها مؤتمر وطني
صدقت الكلام ده صدقتو ما صديقتو انت مخير
بس ما تفرضو عليه في نقاشك معاها ... عشان ما نفرض عليك نحن مسمياننا برضو في نقاشنا معاك
|
Post: #148
Title: Re: دس السم في الدسم
Author: tmbis
Date: 06-05-2010, 01:27 PM
Parent: #144
Quote: الأخ / تمبس
عرفت من خلال البورد أنك زوج الأخت ت الكريمة د.داليا .. لذا يهمني كلامك وأعتذر لك شخصيا عن مداخلتي الحادة الأولى لها و قد كررت إعتذاري لها في ردي على الأخ/أبوعبيدة ..
لست ممن يتهربون من أخطائهم أو يستنكفون الإعتراف بها .. فكل بني آدم خطاء و خير الخطائين التوابين .. فلك العتبى حتى ترضى
و أنا على إستعداد لحذف مداخلتي بأكملها إن طلبت مني ذلك و ماتركتها حاليا إلا ليظل الخطأ و الإعتذار واضحين كموقف مبدئي تجاه نفسي ..
نعم أنا جديد بالورد و نفس قضية الأطباء هذه هي ماأدخلني للبورد .. أغلب مداخلاتي الأخرى متعلقة بالعلوم و قضية العقل و الدين لا أكثر . فلا تستهويني السياسة و لا أحفل بها كثيرا و لولا قضية الأطباء التي أؤمن بعدالتها لما حدت عن إهتماماتي الرئيسية التي أركز عليها بالبورد .. و يمكنك مراجعة مشاركاتي كلها للتأكد .. لا يحق لأحد حشر دفاعي عن القضية في خانة صراعات السياسيين المتطاولة و مغالطاتهم التي لا تنتهي .. فلا غرض لي سوى حقوقنا كأطباء و حين تنتهي سأعود لما أحبه من علوم
أكرر إعتذاري و لك الود
د.محمد قرشي عباس بابكر
نائب أخصائي |
.. الأخ دكتور قرشي عباس ..
الآن فقط انتبهت لي ردك علي .. بعد أن قمت بعدة ردود ... وبعد أن نبهني لردكط أحد الزملاء ..
اولا يا دكتور قرشي .. انا هنا ليس بصدد الدفاععن دكتورة داليا كزوجتي .. فلها حرية قرارها ولها اليتها في الدفاع عن نفسها . واعتقد اننا في خانة اكبر من الخانة دي .. لكي ندافع عن بعضنا .. ويقود كل منا إلاخر إلى حيث معتقده ..
دكتورة داليا .. هي في عمق الحدث .. وتكتب بصفتها طبيبية وهذا من حقها وأنا اكتب هنا بصفتي زول عادي له موقفه كما للبعض مواقفهم .. ما استفزاني هي الطريقة الهمجية التي يتعامل بها البعض هنا تجاه فئات محددة .. وهي ظاهرة جليه لك أن تراها وتكررت من بعضهم في هذا البوست .. واستهجنها العديد من الزملاء هنا .. ليس لان العلاقة بينهم وبين دكتورة داليا هي علاقة الزواج .. 
كل فعل مشين يا دكتور بيلاقي (الامشن) منو وفي النهاية كلنا اولاد تسعة .. المكان دا هنا لي طرح الافكار لا لإرهاب الافكار .. وكل صاحب حق بياخد حقو وإن طال الزمن .. واي صاحب حق أو باحث عن حق .. في مليون طريقه بيطرح بيها مشكلتو .. فقط العجلة في هذا المكان لا تصنع منا ابطالا .. أو كما ترى هنا بعضهم في عجلته يحاول جيدا الجري والطيران بها ليصنع من نفسه ما يصنع حسب معتقده .. دون مراعاة للآخر ومعتقده وحرية التعبير الخاصة به ..
لا احب أن اوجه لك النصح أو الارشاد أو النصائح لاني ما من الذين يجيدونها .. لكن تأكد تماما أن هذا المكان لا كبير فيه إلا بموضوعيته وإلا بحسن احترامه لغيره .. واحذر ان تنقاد إلى جهة تجعل منك كبش فداء لمعتقدهم ولتوجهاتهم وحتى لسلوكياتهم ..
أنا اتفق معك ومع دكتورة داليا ومع زملاك .. وضد العنف .. وضد حرية التعبير .. لكن اختلف في الآلية التي تمت بها معالجة الامر .. بطريقة ضحيتها العديد من الضحايا من النساء بشكل خاص .. والعديد من الذين يصعدون الآمر هنا لا يهمهم عدد الضحايا ولا عدد المتضرين فقط يهمهم ان يكتبون كلمة تعتبر استمرارية لترفهم كما اشار الأخ وليد ..
من تستحق الاعتذار زميلتك في المهنة داليا وهي اولى بها .. لكن انا .. فقط عبارة عن مستخدم لا يعجبه العجب .. ولا الذي ياتي بعدك ليكرر من غير أن يرعوي .. وخير دليل هذا الخلف الله عبود .. وهذا الناجي أحمد الذي تم تعريفه ايضا كطبيب ويتشرف البعض بوجوده هنا ..
اشكرك مرة أخرى .. وكلنا نتعلم من اخطاءنا .. وخلقنا من أجل ان نخطي لنتصوب ..
|
Post: #151
Title: Re: دس السم في الدسم
Author: ABUHUSSEIN
Date: 06-05-2010, 01:44 PM
Parent: #148
الأحزاب الإنسحبت و معاها اللي خابت في الإنتخابات أصبحت تبحث عن بطولات في إضراب الأطباء
البلد فيها نزلات معوية و حالات إسهال و في بعض الأقوال حالات كوليرا
مسكين الإنسان المهمش الذي أصبح الجميع يضرب عليه و يدعي أنه يدافع عنه.
داليا زوجة تمبس زميلنا أكتبي زي ما عايزه إذا كان دا حال البلد.
الحكومة و المعارضة فليذهبو إلى الجحيم جميعهم و يبقى المواطن المغلوب على أمره
يجلس بين أغبياء يتصارعون.
|
Post: #153
Title: Re: لا للاضـراب .. لا للعنـف ..!!
Author: داليا الكباشى
Date: 06-05-2010, 01:57 PM
Parent: #151
الاخوه المتداخلين جميعا ,
الرجاء تعديل عناوين مداخلاتكم ,
ومسح جمله (دس السم في الدسم)
التي (ابتدعتها) السيده نهال كرار ,
وتعديلها بعنوان البوست (لا للاضراب .. لا للعنف )..
حفاظا على المغزى من البوست .. وشكرا ..
|
Post: #157
Title: Re: لا للاضـراب .. لا للعنـف ..!!
Author: داليا الكباشى
Date: 06-05-2010, 02:30 PM
Parent: #153
Quote: عن نفسي لم أتعجب من موقفك هذا يا د.داليا
ولا حشد العواطف الذي تمارسينه هنا لمهاجمة موقف الأطباء المضربين
تقولين بأنك مع المريض وكأن الأطباء المضربين عديمو الإنسانية ضد المرضى
فلاش باك
Quote: تذكرت تلك الاحداث سريعا وانا اشاهد فيديو اليوتيوب الشهير للصحفيه لبنى وهي تخرج من المحكمه وزغاردها مجلجله ...!!!
لم افهم سر هذه الزغروده حتى الان بالرغم من ان الكل ارهقها تحليلا وتمحيصا ... ؟؟؟؟
لم افهم ما هو الهدف من المظاهره التي قادتها النسوه المتشحات بالسواد (مطقمه) مع عصابات الرأس ...؟؟؟؟
لم افهم لماذا كان يهتفن : حريه.. حريه ... حريه .. مدعومه بتصفيقه طق طق طق طق ...؟؟؟؟ اي حريه تلك التي يطلبن ؟؟؟
هلا استوقف احد الصحفيين الافاضل احدى هؤلاء النسون ليسألها عن الهدف من التظاهر امام قاعه المحكمه ... اشك في تشابه اجابات خمسه منهن
بل حتى ثلاثه ...!!
الحريه مسؤليه .. واولى تلك المسؤليات معرفه الاهداف والمطالب... فماذا نطلب ؟؟؟؟ ما هو المطلب ...؟؟؟
لبس البنطال ؟؟؟؟
ام تعديل قانون النظام العام ؟؟؟
ام الغاء القانون ..؟؟؟
ام الغاء عقوبه الجلد ضد المظهر العام ..؟؟؟
ام الغاء عقوبه الجلد كليا ...؟؟؟
لا شك ان هناك الكثي والكثير من الممارسات الخاطئه ضد المراه سواء من افراد او جماعات او مؤسسات حكوميه او جهات نظاميه ..
نود بكل ترحاب رفع اصواتنا عاليا ضد الظلم وضد القهر .. ضد الجوع وضد الفقر ... ضد من يحبسون ست الشاي .. وضد من
يتاجرون بقضيتها على حد سواء ...
لبنى حسين صحفيه ذات شجاعه نادره استطاعت ان تتفاعل بقوه مع كثير مما الم بها .. ولكن .. القضيه هي الرمز المناسب
الذي يمكننا ان نقف تحت رايته كي نقول لا ؟؟؟؟؟؟
Quote: العزيز ابو الريش .. لم اتجث قط عن المناصره .. فهي حق شخصي مكفول لكل مواطن ...!! من شاء ان يناصر فليناصر او لا يناصر ..
ولكن تكلمت عن ترميز لبنى .. عن اتخاذها قدوه ... عن شكل المناصره نفسها .. عن الزغاريد والعصابات السوداء والنداءات
والشعارات المستهجنه .. عن صوره المراه السودانيه وهي تحلق شعرها (بوي) وتمشي في مظاهره ...!!!!اليس هذا مستهجنا ؟؟؟؟؟؟ ... ثم انني ادري جيدا انك لن تسال ابدا سؤالك هذا وانت متأكد انها بقامه النسوه الاتي ذكرتهن...!
غلطان انت بالنمره ... انا بيتي بشارع الحمرا ...!!! |
ياخ شكرا جزيلا ,
ذكرتيني بي وقف افتخر بيهو والله ,
ولو الزمن عاد نفسو تاني ,
حايكون دا برضو موقفي يا سيده نهال ,
والله انا لو في محلك ما بجيب سيره موضوع (لبنى) دا تاني كلو كلو (:
----------------
يا سيده نهال ,
اليومين ديل عندنا قضيه مهمه وعلى المحك ,
وانا بمشي المستشفى , وبمشي اسد في مركز صحي خيري
بيستقبل الناس المابتستقبلهم الطوارىء ,
بالاضافه الى شغلي الاصلي ,
كما اننا نجري بعض المحاولات للوصول الى زملائنا الموقوفين (ربنا يفك اسرهم),
ارجوكي رجـاء خاصا ,
لو عندك مشاركه مفيده ممكن تكتبيها وانا راد عليكي عشان كلنا نستفيد,
لو ما عندك , ارجو ان تساعديني بأن لا تكتبي في هذا البوست حتى لا اضطر الى استقطاع وقت للرد عليك .. لانو ما عندي وقت كتير ..
وشكرا جزيلا للمرور ..
|
Post: #158
Title: Re: لا للاضـراب .. لا للعنـف ..!!
Author: كمال عباس
Date: 06-05-2010, 02:38 PM
Parent: #157
سلام أخوتي الكرام:
لا أدري لماذا أنصرف البعض عن القضية الأساسية - مسببات الأضراب والحقوق
ومشروعية الاضراب - ليختزلواالمسألة في وجهة نظر أو رؤية شخصية لطبيبة -الاخت داليا
رفضت أن يشمل الاضراب قسم الطوارئ?
يا أخي أعتبرو كلامها مجرد رأي آخر وحق تعبير وأختلفوا معها علي هذا الأساس
بلاتخوين أو تجريم أو تجريح! وإلا فليسر كل بحسب قناعاته وخياراته ولنترك الحكم للأيام.......
والأهم من ذلك; يجب أن تركزوا علي قضيتكم الأساسية ومعركتـكم مع الجهة
التي سلبتكم حقوقكم بدلا من الإنشغال بمعارك ثانوية وغيرضرورية !
......
|
Post: #164
Title: Re: لا للاضـراب .. لا للعنـف ..!!
Author: داليا الكباشى
Date: 06-05-2010, 03:42 PM
Parent: #158
Quote: لا أدري لماذا أنصرف البعض عن القضية الأساسية - مسببات الأضراب والحقوق
ومشروعية الاضراب - ليختزلواالمسألة في وجهة نظر أو رؤية شخصية لطبيبة -الاخت داليا
رفضت أن يشمل الاضراب قسم الطوارئ?
يا أخي أعتبرو كلامها مجرد رأي آخر وحق تعبير وأختلفوا معها علي هذا الأساس
بلاتخوين أو تجريم أو تجريح! وإلا فليسر كل بحسب قناعاته وخيارته ولنترك الحكم للأيام.......
والأهم من ذلك; يجب أن تركزوا علي قضيتكم الأساسية ومعركتـكم مع الجهة
التي سلبتكم حقوقكم بدلا من الإنشغال بمعارك ثانوية وغيرضرورية ! |
أرفع لك القبعه (احتراما) , الاستاذ كمال عباس ,
اشكرك جدا لانك لخصت الكثير مما يدور في ذهني ,
ما لايعيه الكثيرون هنا , انا الواقع مختلف تماما عن الاسفير ,
وان (سودانيز اونلاين) هي وعاء سكبت فيه رأيي الذي لن يقدم او يؤخر في قضيه لها ما لها من الجوانب العديده ,
من اتفق معي فمرحبا به , ومن اختلف معي (باحترام) فهو على العين والرأس , بل قد استفيد من اختلاقه في تطوير
مهاراتي لاستيعاب الرأي الاخر , وقد (أغير) رأيي وليس في ذلك عيب مادام عن قناعـه ..
التحيايا اليك , وشكرا جزيلا ..
|
Post: #159
Title: Re: لا للاضـراب .. لا للعنـف ..!!
Author: نهال كرار
Date: 06-05-2010, 02:58 PM
Parent: #157
يا سيدة داليا
أذكرك بأنه ليس من حقك أن تطلبي مني عدم الكتابة
سأظل أتداخل هنا متى ماقررت الكتابة.
________
أما عن قضية لبنى فأكيد لو كنتي محلي ما حتجيبي سيرة الموضوع :) هو انتي لما جيبتي سيرة الموضوع كتبتي شنو يا دكتورة ! ما هو نفس الموقف المخزي ضد حرية الأخرين في المطالبة بحقوقهم !
Quote: اليومين ديل عندنا قضيه مهمه وعلى المحك ,
وانا بمشي المستشفى , وبمشي اسد في مركز صحي خيري
بيستقبل الناس المابتستقبلهم الطوارىء ,
بالاضافه الى شغلي الاصلي ,
كما اننا نجري بعض المحاولات للوصول الى زملائنا الموقوفين (ربنا يفك اسرهم),
ارجوكي رجـاء خاصا , |
انتو منو يا دكتورة ؟ انت ومن يقدحون في انسانية زملائهم !!
|
Post: #162
Title: Re: لا للاضـراب .. لا للعنـف ..!!
Author: داليا الكباشى
Date: 06-05-2010, 03:33 PM
Parent: #159
Quote: يا سيدة داليا
أذكرك بأنه ليس من حقك أن تطلبي مني عدم الكتابة
سأظل أتداخل هنا متى ماقررت الكتابة.
________
أما عن قضية لبنى فأكيد لو كنتي محلي ما حتجيبي سيرة الموضوع :) هو انتي لما جيبتي سيرة الموضوع كتبتي شنو يا دكتورة ! ما هو نفس الموقف المخزي ضد حرية الأخرين في المطالبة بحقوقهم ! |
ياسيده نهال ,
انتي دايره تتناقشي في شنو بالضبط ..؟؟
لانو واضح جدا انك مادايره تتحاوري (بي موضوعيه) ..
حددي نقاط معينه للحوار (المفيد) عشان اقدر ارد عليكي ,
لانو بصراحه كلامك البتكتبي فيهو دا انا ما فاهمه منو ولا حاجه ولا عارفه ارد عليهو زاتو (كترت لالالات)
بالنسبه للموضوع الجبتي منو كوتيشن , فـ دا موضوع (اعتقد) انو انتهى
لو دايره تتناقشي فيهو تاني ما عندي مانع , بس ياريت بعد ما انتهي من موضوع البوست دا ,
لانو لو لاحظتي اسي انا (فطيت) كم زول عشان ارد عليكي , وكل الناس ديل عندهم نقاط حيويه وموضوعيه
وممكن تثري البوست جدا , وانا زاااتي قاعده استفيد منهم كتير شديد ,
يلا , جيبي كلامك ومحاورك واسئلتك (بدون اهانه وشخصنه)
وتعالي , أو حا اضطر (آسفه) اني (أفط) مداخلاتك دون الرجوع اليها , حتى لا ينحرف البوست عن مساره ,
ويمكن اتهور واقول لي بكري (شيل لي المداخلات دي ) لوووولز (تقول بكري فاضي لي )
وحبابك تنوووري البوست ..
تحياتي ..
|
Post: #163
Title: Re: لا للاضـراب .. لا للعنـف ..!!
Author: نهال كرار
Date: 06-05-2010, 03:42 PM
Parent: #162
أعد القراءة يا د. داليا
أنا ماجيت أناقشك, أنا كتبت رأي في البوست, ولم أرى فيه مايستوجب النقاش أو يستحقه !
غير كدا أنا بعفيك من الرد , لم أطلبه يا أستاذه , أكتب أينما أريد ولا أنتظر ردا على رأي أكتبه.
|
Post: #165
Title: Re: لا للاضـراب .. لا للعنـف ..!!
Author: داليا الكباشى
Date: 06-05-2010, 03:57 PM
Parent: #163
Quote: أعد القراءة يا د. داليا
أنا ماجيت أناقشك, أنا كتبت رأي في البوست, ولم أرى فيه مايستوجب النقاش أو يستحقه !
غير كدا أنا بعفيك من الرد , لم أطلبه يا أستاذه , أكتب أينما أريد ولا أنتظر ردا على رأي أكتبه. |
|
Post: #154
Title: Re: دس السم في الدسم
Author: يحى الشريف
Date: 06-05-2010, 02:05 PM
Parent: #148
الاخت \ داليا
ماشا الله عليك فهمك عالي وكبير
(بالجد تستاهلي تكوني مرت تمبس )
|
Post: #168
Title: شكرا تمبس
Author: محمد قرشي عباس
Date: 06-05-2010, 04:09 PM
Parent: #154
الأخ / تمبس
Quote: لا احب أن اوجه لك النصح أو الارشاد أو النصائح لاني ما من الذين يجيدونها .. لكن تأكد تماما أن هذا المكان لا كبير فيه إلا بموضوعيته وإلا بحسن احترامه لغيره .. واحذر ان تنقاد إلى جهة تجعل منك كبش فداء لمعتقدهم ولتوجهاتهم وحتى لسلوكياتهم .. أنا اتفق معك ومع دكتورة داليا ومع زملاك .. وضد العنف .. وضد حرية التعبير .. لكن اختلف في الآلية التي تمت بها معالجة الامر .. بطريقة ضحيتها العديد من الضحايا من النساء بشكل خاص .. والعديد من الذين يصعدون الآمر هنا لا يهمهم عدد الضحايا ولا عدد المتضرين فقط يهمهم ان يكتبون كلمة تعتبر استمرارية لترفهم كما اشار الأخ وليد ..
من تستحق الاعتذار زميلتك في المهنة داليا وهي اولى بها .. لكن انا .. فقط عبارة عن مستخدم لا يعجبه العجب .. ولا الذي ياتي بعدك ليكرر من غير أن يرعوي .. وخير دليل هذا الخلف الله عبود .. وهذا الناجي أحمد الذي تم تعريفه ايضا كطبيب ويتشرف البعض بوجوده هنا ..
اشكرك مرة أخرى .. وكلنا نتعلم من اخطاءنا .. وخلقنا من أجل ان نخطي لنتصوب .. |
جزيل الشكر لقبولك إعتذاري و النصح دوما واجب و أنا على أتم الإستعداد لقبوله دوما و أفرح بمن يهدي لي عيوبي فليس منا من هو في كمال الأنبياء ..
إعتذرت أكثر من مرة لزوجتك الكريمة و ماكان إعتذاري منك إلا مواصلة لذلك و سأوثقها مرة أخرى هنا..
Quote: أولا أنا راجعت كلامي و لقيت نفسه حار شوية .. الظاهر من قلقي على صديقي و دفعتي د.الأبوابي اللي ليه يومين مامعروف مكانه .. فعذرا
أنا أؤمن أن إختلاف الرأي لا يجب أن يفسد الود رغم أنه يفسده عندي أحيانا و كذا هي النفس البشرية
فتقبلي إعتذاري و الرجاء التركيز على مضمون الرد لا لغته |
| Quote: لحدي أسي الأخت داليا ماردت على إعتذاري بالقبول أو الرفض .. و هي بس اللي بتهمني في النقطة دي .. فقد أخطأت في حقها و لم أتعود الهروب أو المداورة في تحمل تبعاتها .. فلك العتبى مرة أخرى حتى ترضي |
و قد إنتبهت اآن فقط لردها علي في عقب مداخلتي الأولى و سأعتذر لها هناك و الرجاء منك تنبيهها لذلك
| Quote: . فقد وضحت موقفي لها و هي المعنية بالقبول أو الرفض فقد أخطأت في حقها |
و إستجابة د.داليا الكريمة لدعوتنا للعمل التطوعي المجاني خارج أطر وزارة الصحة قد جعلنا في صف واحد تقريبا .. إن قبلت إعتذاري فهي أهل لذلك و إلا فستكون هذه أحد ماسأحاسب نفسي عليه طويلا
هذا ما لزم توضيحه و لك الشكر مرة أخرى
|
Post: #160
Title: Re: لا للاضـراب .. لا للعنـف ..!!
Author: داليا الكباشى
Date: 06-05-2010, 03:01 PM
Parent: #133
Quote: لو كان البوست بتاعك عنوانه : لا لظلم الأطباء ... لا للإضراب ... لا للعنف ...
كلان معقولا ... ولكنك تجاهلت دائما أن تشيري لحكومة حزبك الظالمة ولو بكلمة لوم
واحدة ... حتى ترعوى عن ظلم فئة تفني في سبيل علاج البسطاء من مرتادى المستشفيات الحكومبة وليس مستوصفات رؤساء حكومتكم الذين يتعالجون بالمال المسروق من الشعب بشتى الطرق |
خلف الله عبود سلامـات ,
اولا : قبل اي حاجه , الطريقه البتتكلم بيها مرفوضه تماما,
لو كنتا فعلا متابع لي كتاباتي في البورد دا زي ما اشرتا و | Quote: أنظر لإتجاهات كتاباتها |
كان عرفتا اني ما حصل (هاترتا) او (قللت من احترام) عضو في المنبر دي , لاني احترم الجميع بلا فرز
ولا اسلب حق احد في ان يعبر عن رايه , كما انني لا اقيس علاقتي بكائن من كان على حسب (انتمائه السياسي) ,
فلي من الاصدقاء والاخوان في هذا المكان منم اختلف معهم في اشياء كثيره ولكن يبقى بيننا الود والاحترام ,
لو متابع اتجاه كتاباتي فعلا يا خلف الله , كان عرفتا اني اخت لعلاء الدين يوسف ,وكستاوي , وعمو عثمان رغيم , وتراجي , وعمر عثمان , ودينق ..!!
شوفتا الناس دي مختلفه سياسيا كيف ..؟؟ يلا انا اختهم وصاحبتهم كلللهم .. عارف ليه ..؟؟ لانهم جميعا يدركون ان لا ضلع سياسي لي
وانني اتبنى خطا اجتماعيا واضحا , اسجل ارائي فيما ينفع , واحجم عن الكلام فيما لا نفع فيه ,
احاول تقديم القليل من المساعده لمن هم من ذوي الحاجه , واطمع ان اكون شخصا ايجيابا مفيدا ولو للبعض القليل من اناس ..
ثانيا : | Quote: وتذكري أن الحكومة أمسكت أيدي الاطباء عن علاج من لا يحمل المال ويدفعه مقدما |
يلا عاين يا خلف الله ,
انا شغاله هنا في السودان ,
مافي بلد تانيه , كويس ,
نحن كـ اطباء , ملزمين نشوف اي عيان في الحوادث (في المستشفيات الجكوميه) مجــانا,
قد نقول لي اهل المريض جيبوا دوا , او جهاز , او انبوبه .. الخ (ودا نقص الخدمه الصحيه الانا بتكلم عنو من امبارح) ,
هل تعلم اننا (كـ اطباء) نحاول دائما تخفيف العبء الكبر على اهل المريض , لدرجه اننا كثيرا من نتحايل على القانون
ونبقى المريض في الاقامه القصيره , حتى لا يضطر الى دفع (85 الف) رسوم فايل الاقامه الطويله ...؟؟؟
ثالثا : بالنسبه لزوجه الزميل عمار لها المغفره والرحمه ,
لو انتبهتا لي كلامك شويه يا خلف الله حا تلقى انك متفق معاي في حاجات كتيره شديد
ارجع لي اول البوست تلقاني كتبتا الكلام دا :
Quote: نطالب في (العشره) الباقيه , بـ (غرفه ولاده مجهزه) و (بنك دم) لكل مشفى , و(حقنه انتيبايوتك) مجانيه لكل مريض ..؟؟
ما كان ممكن نقول (اوقفوا بناء المستوصفات الخاصه) و (صلحوا لينا الحكوميه حقت الغلايه دي) ..؟؟
|
فكر شويه قب ان تكتب يا اخ خلف الله ,
ارجو ان تتوقف عن وصفي بما (ليس في) ,
انا ما (انقاذيه) ولا (هنديه) ,
أنا (انسانيــه ) .. (أنسانيــه) وبــس ...!!
|
Post: #156
Title: Re: دس السم في الدسم
Author: Ahmed musa
Date: 06-05-2010, 02:24 PM
Parent: #122
Quote: عن نفسي لم أتعجب من موقفك هذا يا د.داليا
ولا حشد العواطف الذي تمارسينه هنا لمهاجمة موقف الأطباء المضربين
تقولين بأنك مع المريض وكأن الأطباء المضربين عديمو الإنسانية ضد المرضى
فلاش باك
Quote: تذكرت تلك الاحداث سريعا وانا اشاهد فيديو اليوتيوب الشهير للصحفيه لبنى وهي تخرج من المحكمه وزغاردها مجلجله ...!!!
لم افهم سر هذه الزغروده حتى الان بالرغم من ان الكل ارهقها تحليلا وتمحيصا ... ؟؟؟؟
لم افهم ما هو الهدف من المظاهره التي قادتها النسوه المتشحات بالسواد (مطقمه) مع عصابات الرأس ...؟؟؟؟
لم افهم لماذا كان يهتفن : حريه.. حريه ... حريه .. مدعومه بتصفيقه طق طق طق طق ...؟؟؟؟ اي حريه تلك التي يطلبن ؟؟؟
هلا استوقف احد الصحفيين الافاضل احدى هؤلاء النسون ليسألها عن الهدف من التظاهر امام قاعه المحكمه ... اشك في تشابه اجابات خمسه منهن
بل حتى ثلاثه ...!!
الحريه مسؤليه .. واولى تلك المسؤليات معرفه الاهداف والمطالب... فماذا نطلب ؟؟؟؟ ما هو المطلب ...؟؟؟
لبس البنطال ؟؟؟؟
ام تعديل قانون النظام العام ؟؟؟
ام الغاء القانون ..؟؟؟
ام الغاء عقوبه الجلد ضد المظهر العام ..؟؟؟
ام الغاء عقوبه الجلد كليا ...؟؟؟
لا شك ان هناك الكثي والكثير من الممارسات الخاطئه ضد المراه سواء من افراد او جماعات او مؤسسات حكوميه او جهات نظاميه ..
نود بكل ترحاب رفع اصواتنا عاليا ضد الظلم وضد القهر .. ضد الجوع وضد الفقر ... ضد من يحبسون ست الشاي .. وضد من
يتاجرون بقضيتها على حد سواء ...
لبنى حسين صحفيه ذات شجاعه نادره استطاعت ان تتفاعل بقوه مع كثير مما الم بها .. ولكن .. القضيه هي الرمز المناسب
الذي يمكننا ان نقف تحت رايته كي نقول لا ؟؟؟؟؟؟
Quote: العزيز ابو الريش .. لم اتجث قط عن المناصره .. فهي حق شخصي مكفول لكل مواطن ...!! من شاء ان يناصر فليناصر او لا يناصر ..
ولكن تكلمت عن ترميز لبنى .. عن اتخاذها قدوه ... عن شكل المناصره نفسها .. عن الزغاريد والعصابات السوداء والنداءات
والشعارات المستهجنه .. عن صوره المراه السودانيه وهي تحلق شعرها (بوي) وتمشي في مظاهره ...!!!!اليس هذا مستهجنا ؟؟؟؟؟؟ ... ثم انني ادري جيدا انك لن تسال ابدا سؤالك هذا وانت متأكد انها بقامه النسوه الاتي ذكرتهن...!
|
؟؟؟
|
Post: #161
Title: Re: د.داليا
Author: عبد اللطيف بكري أحمد
Date: 06-05-2010, 03:14 PM
Parent: #156
Quote: المسألة في وجهة نظر أو رؤية شخصية لطبيبة -الاخت داليا
رفضت أن يشمل الاضراب قسم الطوارئ?
يا أخي أعتبرو كلامها مجرد رأي آخر وحق تعبير وأختلفوا معها علي هذا الأساس
بلاتخوين أو تجريم أو تجريح |
ونعم الرأي هو ألا يغلق باب الأمل بإغلاق ما يسمى بأقسام الطواريء،،
برافو داليا على هذا الموقف البين !!
برافو لكل الصامدين في أقسام العلاج والمتطوعين ، وفي وقت الكوارث تظهر معادن البشر،،
من يفرح بتحقيق مطلب شخصي له يوازي بين هذا : (ومن أحياها فكأنما أحيا الناس جميعا )،،
وتعساً لمن ترتفع يده لضرب طبيب!!!
|
Post: #166
Title: Re: د.داليا
Author: وليد محمد المبارك
Date: 06-05-2010, 04:03 PM
Parent: #161
Quote: يا أخي أعتبرو كلامها مجرد رأي آخر وحق تعبير وأختلفوا معها علي هذا الأساس
بلاتخوين أو تجريم أو تجريح! وإلا فليسر كل بحسب قناعاته وخيارته ولنترك الحكم للأيام....... |
>>>
اهو الناس الواعية بدت تظهر
|
Post: #169
Title: Re: د.داليا
Author: celecon
Date: 06-06-2010, 05:52 AM
Parent: #166
د.داليا
مع كل رد يزداد احترامى لمهنيتك ولتهذيبــك
سيرى وعين الله ترعاك .... (الله يقويك) وزملاءك
الذين على نهجك ...
____ خارج النص ____
يا(علاء) تمبس ماشاءالله (الله يحفظ) ومبروك عليك مرتين
|
Post: #170
Title: Re: د.داليا
Author: Ahmed musa
Date: 06-06-2010, 06:31 AM
Parent: #169
Quote:
____ خارج النص ____
يا(علاء) تمبس ماشاءالله (الله يحفظ) ومبروك عليك مرتين |
|
Post: #171
Title: Re: د.داليا
Author: تيسير عووضة
Date: 06-06-2010, 06:37 AM
Parent: #169
موقف د. داليا وتغليبها لمصلحة المريض يجد عندي كل إحترام وانسانيتها وجهودها الخيرية عبر هذا البورد وخارجه لا تخطئها عين ..
من حقها ألا تضرِب إن رأت ذلك طالما كان هدفها كما صرحت مصلحة المرضى
ومن حق الأطباء الآخرين الإضراب طالما كان وسيلة فعالة للمطالبة بحقوقهم
إن هي إلا قناعات وتقديرات شخصية دون المزايدة على ضمير وإنسانية أي من الجانبين ..
|
Post: #172
Title: Re: د.داليا
Author: عمران حسن صالح
Date: 06-06-2010, 07:56 AM
Parent: #171
Quote: كما لاحظت فقد عزمت منذ امس على عدم الدخول الى البورد ,
الا بعد انتهاء فتره الحداد احتراما للموت وحرمته , ولان المرحوم ذو معرفه شخصيه بـ اسرتي ,
ولكنني فضلت الدخول لاخط لك كلمات شكر عن اعتذارك المهذب ,
واشكرك جزيل الشكر على توجهيهك اعتذارا اخر لزوجي او من اسميه انا (مزاحا) (زميل البورض) ,
ممكن تكون لاحظتا يا محمد اني دايما بخاطب تمبس , بي جمله (زميل البورض) دي ,
ومع انها لا تعدو اكثر من ان تكون مزاحا , ولكنني اعني في طياتها الكثير ,
حيث انني اتعامل مع (علاء زوجي) كـ (زميل) هنا لا اكثر ولا اقل ,
تمبس له خطه الكتابي والاجتماعي والسياسي , والذي احترمه جدا ,
قد اختلف او اتفق معه في بعض الاشياء ولكن تأكد انني احترمه بالمقدار الذي (أحبه) بيه كزوج وهذا تصريح قد دفعني اليه هذا الموقف المحتقن , |
العزيزة الشقيقة د. داليا
لو يعنى رفع القبعات شيئاً في عالمنا السوداني لظللت أرفعها إلى أن " يؤتي أُكلكـ حقه " ، سواء مواقفكـ العامة أو الشخصية
وليباهي بكـ العزيز الوالد د. عبد المنعم كباشي والعزيز تمبس الشمس
وسأباهي بكـ أنا " عمران ده " الدنيا كلها
Quote: دكتورة داليا ادانت العنف ضد الاطباء بصورة واضحة ومع ذلك وقفت ضد الاضراب ولها رأي في المطالب انها كانت يمكن ان تمتد لتشمل مطالب متعلقة بالمرضي والحالة الصحية عموما؛ وفي الحقيقة مطلب مجانية العلاج مذكور ولكن دون تفصيل وتحديد كما المطالب المتعلقة بحقوق الاطباء )؛ وكل هذا يدخل في باب حرية الرأي والتعبير والموقف .
انا رافض للعنف تجاه الاطباء بصورة قاطعة ومع حقهم في الاضراب ومع حق د. داليا في عدم الاضراب ولكن استغرب للهجة العنيفة تجاه دكتورة داليا والتي ناقشت الامر بموضوعية وطرحت وجهة نظرها الشخصية وكانت الردود عليها عنيفة للغاية وبعضها مغرضا حيث يتهمهما بانها مؤتمر وطني الخ من الاتهامات الجائرة والتي لا تفيد .
دعم بعض منسوبي المؤتمر الوطني لكلام د. داليا لا ينبع من مبدئية ولا من حرص على المواطن وكان الاحرى بهم تثبيت موقف من قضية العنف ضد الاطباء ومن حقوق المواطن بدلا من الاختباء وراء موقف د. داليا المختلف عنهم تماما والنابع من حرص على المريض وموقفهم نابع من حرص على المؤتمر الوطني وشتان بين الموقفين .
اعرف د. داليا شخصيا وقد تحلورنا حول برامج تطوعية مجانية لخدمة المرضى المعسرين وقد ابدت حماسها الفائق للعمل في هذه المشاريع ولم يوقفها الا تأخر الجهة المنظمة ومن هنا انا اؤمن بجديتها فيما طرحته اعلاه وبضرورو الحوار الهاديئ معها حول نقطة الاضراب واقناعها بها او الاقتناع بوجهة نظرها ، لان غرضها هو مصلحة المريض حسب ما فهمت واعرف؛ وارفض تماما الاهانات الموجهة لها والعنف اللفظي تجاهها الذي هو مرات اشد من العنف الجسدي .
|
يا عادل عبد العاطي
الرأي يجلب الإحترام والتبجيل
فلكـ مني ذلكـ بما تستحق
|
Post: #173
Title: Re: د.داليا
Author: مرتضى احمد عبد القادر
Date: 06-06-2010, 08:28 AM
Parent: #172
Quote: من حقها ألا تضرِب إن رأت ذلك طالما كان هدفها كما صرحت مصلحة المرضى
ومن حق الأطباء الآخرين الإضراب طالما كان وسيلة فعالة للمطالبة بحقوقهم
إن هي إلا قناعات وتقديرات شخصية دون المزايدة على ضمير وإنسانية أي من الجانبين .. |
|
Post: #174
Title: Re: د.داليا
Author: Sana Khalid
Date: 06-06-2010, 09:18 AM
Parent: #173
| Quote: موقف د. داليا وتغليبها لمصلحة المريض يجد عندي كل إحترام |
|
Post: #177
Title: Re: د.داليا
Author: ABUHUSSEIN
Date: 06-06-2010, 01:16 PM
Parent: #174
داليا إنسانة محترمة تستحق الإحترام و التقدير
|
Post: #178
Title: Re: د.داليا
Author: السيد المسلمي
Date: 06-06-2010, 01:29 PM
Parent: #177
داليا إنسانة محترمة تستحق الإحترام و التقدير
|
Post: #180
Title: Re: د.داليا
Author: ماجدة عوض خوجلى
Date: 06-06-2010, 03:28 PM
Parent: #179
احترامى اختى الحبيبة داليا ودعمى لموقفك المشرف بلاحدود
واسمحى لى ارد لى على زميل البورد خلف الله ...
حقيقةاستغربت من رايك الانتو كتبتو خاصه وانت صحفى بتعرف انو الكلمه امانه ومسئولية قبل ماتكون موقف شخصى ..
استغربت ...انك بتعيب على الدكتورة داليا انها اختارت انها تنحاز للمواطن المسكين المغلوب على امره
وانت كصحفى يفترض فيك ان تكون اول من تنحاز الى جانب المواطن والحق اخلاق المهنه واحترام القلم وقدسية الكلمة
وبرضو شرف المهنه بيرغمك انك ماتتبنى موقف مبنى على ميولك الشخصيه
او التزامتك الحزبية ...الحاجه التانية اتهامك ليها بانها مؤتمر وطنى ..
بالرغم من انها لم تصرح ابدا او تعلن انها انضمت للمؤتمر الوطنى او غيره
وابدا ماطرحت ليها راى او اتبنت ليها مؤقف بيدل على انها مؤتمر وطنى ...بالرغم من ان لها مطلق الحرية
فى الانضمان لمن تشاء وقتما تشاء .. وهو نفس حقك فى انتمائك للمؤتمر الشعبى ....
للاسف الشديد تنفيذ اضراب الاطباء فى المواقع الحيوية جدا بالمستشفيات
قد اخل كثيرا بقضيتهم العادلة ...واتمنى منهم اليوم قبل الغد تصحيح هذا الخطا الفادح ..
مالفرق الان بين طبيب يجلد بسياط البوليس ... وبين مريض يضرب ويموت
بسلاح الاضراب لافرق بتاتا فى عندى فقد تساوى عندى الاثنان ...
تحياتى للجميع....
|
Post: #181
Title: Re: د.داليا
Author: tmbis
Date: 06-06-2010, 03:45 PM
Parent: #180
سلامات يا استاذة ماجدة ..
Quote: بيرغمك انك ماتتبنى موقف مبنى على ميولك الشخصيه
او التزامتك الحزبية |
.. لو عرف السبب بطل العجب .. لذلك .. كبر خلف الله اللفـة .. وما ظنيتو يجي تاني راجع هنا دا .. كدي خليك من ميلو الشخصي
التزامو الحركي بيمنعو من الحاجة دي .. ولو كان عندو التزام ادبي .. زمانو بيمارس جلد الذات .. وداخل خلوه وبيقرا في كتاب .. (تطوبر شريعة الأحوال الشخصية) والليل كلو يبكي ..
|
Post: #185
Title: Re: د.داليا
Author: خالد العبيد
Date: 06-10-2010, 01:54 AM
Parent: #181
ونبقى المريض في الاقامه القصيره
حتى لا يضطر الى دفع (85 الف) رسوم فايل الاقامه الطويله ...؟؟؟
|
Post: #186
Title: Re: د.داليا
Author: سناء عبد السيد
Date: 06-10-2010, 03:29 AM
Parent: #185
ذنبه شنو المريض .. تضيع روحه بين الألم و الإهمال و الإضراب
و ذنبه شنو الطبيب البتضيع حقوقه و قيمته تحت ابوات العسكر الطغيان
|
Post: #187
Title: Re: د.داليا
Author: خلف الله عبود
Date: 06-10-2010, 10:01 AM
Parent: #186
الأخت الدكتورة داليا
تحياتى
أولا أسمحي لي بالإعتذار عن وصفك بالإنتماء للمؤتمر الوطني بعد قراءتى لمداخلتك الأخيرة وفيه تسرع أعتذر عنه ولا أريد أن أبرر ... ولكني أستقيت ذلك من عنوانك للبوست وإستحالة أن يكون إنهاء الإضراب هو سبب في توقف العنف فمنذ البداية كان العنف هو سلاح هذه السلطة لمجرد المطالبة بالحقوق ووهناك شواهد كثيرة ، كما أن عنوان البوست اهمل بداية المشكلة فقد إقرحت عليك أن تحوليه إلى ( لا لظلم الأطباء - لا للإضراب - لا للعنف ) وهنا سوف يستقيم الامر ... وأكون أول المؤيدين لك .... ولم تردي على هذه النقطة
أما إمساك أيدي الاطباء عن مساعدة المرضي فهي سياسية الدولة في بداية التسعينات ومازالت وزارة الصحة تمارس الكثير منها ، رغم محاولاتك وزملائك التحايل على الأمر لمساعدة المرضى ، وأنا لم ألق اللوم علي الأطباء بل على الوزارة ....
أما إضراب الأطباء عن الطوارئ فقد تم بعد منعهم وضربهم وعدم السماح لهم الخروج من الميز إلى الطواري ثم ألإعتقال غير القانوني لقيادتهم ... ثم التعذيب ... وهم في هذه الحالة في حالة إستفزاز ولم يكن بمستبعد أن تنزع منهم شارات الإضراب أثناء عملهم في الطوارئ ، وقد حدث ذلد قبلا ... ومن الممكن أن يضربوا أيضا وينكل بهم .
وعلى أي حال هم إقترحوا لمنظمات المجتمع المدني أن يخصصوا أماكن وخياما لعلاج المرضي كبديل .
وعلى أى حال لو نفذت الوزارة قرارات السيد رئيس الجمهورية ولم تطففها ولم يواجهوا مظاهرتهم السلمية بالعنف العنيف لأوقف الأطباء إضراهم فورا
الأخت ماجدة
تحياتي
لم أبخس حق الدكتورة داليا في أن تنتمي لأي حزب
كما أننى قد إعتذرت لها لخطأ في تحليلي أدي إلى وصفها بالإنتماء للمؤتمر الوطني فقد كان إقتراحها يصب في خانة سطلة ذلك الحزب وليس في مصلحة الأطباء ونيل حقوقهم البسيطة كما بدا من عنوان البوست فكأنها تطلب أولا عدم الإضراب ثم عدم العنف . فهل تركت السلطة للأطباء طريقا لغير الإضراب ، به يرتفع مرتبهم إلى أكثر من شغالات حى الرياض ؟
كما أننى لست مؤتمرا شعبيا كما ذكرت أنت
وأرجو أن تراجعى ردي على د. داليا في في قرار إمساك الأطباء عن الطوارئ وكيف أن سببه هى الوزارة نفسها مسنخدمة قوات الشرطة العنيفة
شكرا لكم
|
Post: #188
Title: Re: د.داليا
Author: عمر صديق
Date: 06-10-2010, 10:30 AM
Parent: #180
Quote: للاسف الشديد تنفيذ اضراب الاطباء فى المواقع الحيوية جدا بالمستشفيات
قد اخل كثيرا بقضيتهم العادلة ...واتمنى منهم اليوم قبل الغد تصحيح هذا الخطا الفادح ..
مالفرق الان بين طبيب يجلد بسياط البوليس ... وبين مريض يضرب ويموت
بسلاح الاضراب لافرق بتاتا فى عندى فقد تساوى عندى الاثنان ...
تحياتى للجميع.... |
التحية والتقدير للخليفة ماجدة الماجدة
|
Post: #189
Title: Re: د.داليا
Author: ombadda
Date: 06-10-2010, 11:58 AM
Parent: #188
داليا
سلام (والسلام أمان)
صراحة لم أرى ردك هذا إلا الان:
.Quote: ولـه منا نفس التحيه والاحترام (ان) احترم ارآنا
وكتاباتنا وتقف عن اطلاق (النعوت) ورمي (الفطـائر) في وجهنا,
لايستقيم يا دكتور امبده ان يكون الانسان (محترما) و(ماساهل)
ويصف من يختلف معه في الرأي (بالفطاره) او (السذاجه) ..
---------
انت يا دكتور امبده ما ملاحظ اني ما بتداخل معاك في البورد
دا خالص من يوم كلامك الجارح الكتبتو لي في بوست العيد داك ..؟؟
واعتذرتا لي في الخاص وقلتا لي ما بقدر افتح بوست اعتذار لصعوبه (السيطره) عليه ,
وقلتا ليك مااااشي عفا الله من عن ما سلف ..
انا يا دكتور امبده ما قاعده ابتدي العداوه او التهاتر مع اي من كان هنا
لانني اعتبر هذا المكان بيتي الثاني , واحترم كل الموجودين فيه بما فيهم
انت . |
------------------------------
د. ناجى وصف تحليلك بالفطير (أى غير متماسك) وليس فى ذلك إساءة وإنما هى وجهة نظر..
أنا للان لم أبدى أى وجهة نظر تجاه موقفك تجاه إضراب الأطباء..وجهة نظرى ربما تكون قاسية بعض الشىء لذا إحتفظت بها لنفسى..
الشىء الثانى:
إندهشت من إتخاذك موقف عدم التداخل فى بوستاتى..صراحة موقف غريب شوية ..وإختلاف وجهات النظر لا يمنع التداخل فى البوستات ما دام هناك
إحترام..
دهشتى الكبرى فى إعتبارك وجهة نظرى فى البوست المعنى (بتاع العيد ) بأنه فيه إساءة إليك..والصحيح أنى إستنكرت على المتداخلين ما كتبوه ولم أوجه لك كلمة..
وإنما قلت بأن كتباتك عادية جدا ولا تستحق كل تلك....
وللذين لم يتابعوا البوست المعنى:
هضربه من استراح الى العيد سبيلا ...!
ورغم ذلك إعتذرت لك ..
شىء أخير:
تداخلك فى أى بوست خاص بى مرحب بيك ..أما تداخلى فى بوستاتك للأسف سأتداخل فى أى بوست ما دام لدى الرغبة فى ذلك..
------
وأتمنى أن تقفلى الموضوع على كدة ...(لانى ما حأرجع للبوست دة)..
ويبقى الإحترام باقيا
|
Post: #190
Title: Re: د.داليا
Author: نجلاء قرافي
Date: 06-10-2010, 01:09 PM
Parent: #189
تحايا طيبات اختي دكتوره داليا
اقتبست مقولتك الاتيه
Quote: لا .. للاضــراب ..
سبــع مطالب ..
كلها تختـص بـ الطبيب .. وتدور حوله ..
أين حـق المريض ..؟؟
أين المــرضى من مطالبنـا ..؟؟
أسقطنا انسانيتنا .. طالبنا بـ المزيد من (المال) ..
فمــاذا كان رد مســؤلينا ..؟؟
(رجــاء .. جهزوا( مناديلكم) لرد مسؤلينا .. فانه قــاس .. قاس جدا) |
اسمحي لي الرد عليها
انتم كاطباء ومهنيين لكم من الواجبات كما لكم من الحقوق وهي لاتتجزأ وهي خطوط متوازيه تسير مع بعضها ووتوقف سوياً
من ناحيه انسانيه كلامك جميل جداً
اما من ناحيه مهنيه فهو لايسمن ولايغني من جوع فقد حث ديننا الحنيف ان يكون الثواب علي قدر العمل فهل هذا موجود ومتوافر ؟؟
المطالب التي تنادي لها الاطباء ليست رفاهيه بل هي حقوق اصليه وليست فرعيه وتتناسب تماماً مع التدرج المهني كنواب اخصائيين فقد استكثرتها عليهم وزارة الصحه ووزارة الماليه .
والحقوق تنتزع ولاتؤخذ .
من الطبيعي ان يتم استفزازك كطبيبه لك مطالبك فشلت حكومتك ان تلبي مطالبك وتم احراجها فردت عليك الحرج بمثله بان تقومباحراجك عبر افراديمثلون وجهةنظرها بتصوير اضرابكم المطلبي علي انه غير انساني .
واعتقد ان النواب الاطباء صمدوا من أجل مطالبهم ويحتاجون دعم حقيقي وانت واحده من الداعمين لان تحقيق المطالب فيه خير للجميع والخير يعم فيه بما فيهم معارضي هذا الاضراب .
لو رجعنا للتاريخ لوجدنا انمعظمالحقوق تم اكتسابها بالنضال المستمر والاعتصامات والاضرابات وهي طرق سلميه .
وهاأنتي يااختي اقريتي بان المطالب كلها موضوعيه وحقيقيه فكيف لكم ان يكتسبوا هذه الحقوق ارجو انتردي علي هذه النقطه بالذات اقترحي مثلا كذا وكذا .
وفي رايي جزء اساسي من شرف المهنه ان تطالبوا بحقوقكم كي لايتم استغلالكم مهنياً .وهاهي الحقوق المطالب بها تدخل في صميم حقوقكم الاساسيه فتحسين بئية العمل الطبي واجب حتمي علي الحكومه فانتي تعلمي اكثر مني بما حدث من تدرج مطلبي وصل الي الاضراب لتعنت الحكومه وعدم التزامها بتحقيق المطالب .
ارجو ان اكون قد اوضحت وجهةنظر مع كامل تقديري .
|
|