معاكم أطبّا ودا روح النضال

معاكم معاكم
وهذا الذي هو فيني جواكم،
دا حس الغضب..
وحق الحياة النبيلة
وذات القضايا الاصيله
لشعبٍ تسامي
يتامي وايامي
وبيتاً تهدّم
وروحاً تردّم جواها النواح،
معاكم
دا روح النضال يا أطبّا،
فما نفع دم بنسليكم
يهدّي نُواح التعب بالجسد
إذا لم يغطّي براح السكك للخطاوي النبيله؟؟
وما نفع أن نسكت البارحهْ
وما أطعم البوح هذا الهتاف
نحرّض فينا الحقيقي
فثمة بوح
يقود الاماني لشط الحياة
وثمة شعب
يموت لتبقي علي شفة القلب قبلهْ،
إذاً لا مهادنة أو تفاوض
فهذ النظام عقيم
وصمت السياسة
والمترفون علي نطف الرفض فيها عقيمهْ
فكيف نحتمل أن نداوي
وكَي الجراح معتمل في الحنايا؟؟
نوايا الهتاف ما بتفيد يا أطبّا
ولا كم بيان في جريدهْ
ولا الخُطب السايِ
حين الجماهيرِ ساي في خيال النخب،
ظللنا نهادن
فمات النوي في حصاة الوريدِ
لشوقٍ يفج الحطام
ويعلن أن يستريح الشقا،
ظللنا نغطي عورة أورامنا العاطفية والوطنيّة
بالرقص في مولد الصمت حيناً
وبالنوم نحلم ان يلد الوقت باكر اجمل،
إن الجميل نفج المتاريس
نفتح درباً..
سنلتاث بالجرح يعوي.... نعم
سنهذي بحمّي المقاومة الصاح
لكن
سنفتح شارع
يطل علي ذاتنا
فيرتاح فينا الندي،
فكل الحديقة نحن
وكل الحريق يكون إذا ما انطفأنا.


عاصم الحزين
يونيو 2010
الخرطوم

اهدي هذه الحروف للزميل الهادي بخيت

والزميل احمد الابوابي

هولاء الشرفاء

الهادي تعلمهم معني الثبات علي المبادي وحتي وانت داخل المعتقل


لك التحية واخبرك بان اخوانك في كل الجامعات يقفون معكم


وان طلاب الطب في جامعة الخرطوم يعتصمون

وانهم في الجزيرة يسيرون مسيرة غضابا الي الولااية

وفي القضارف يعتصمون وفي النيلين


والنهودي

وان صفحة الشجاعة التي فتحتموها انتم تتواصل الي حدها ومبتغاها بان الحقوق كاملة غير منقوصة



اندم علي كل ثانية اكون فيها بعيد عنكم


فلكم من كل الخجل لذهابنا قبل ان تبدا ء معركة الكرامة والعزة



والله والله لن نترك اي اهانة تعرضمتم لها


هي ثار سناخذه متي ما ظللنا احياء


وعلي الذين امتد ايديهم لضربكم ان يخفوا انفسهم وليعلموا يان الذي اعتقل الابوابي من منزله وطفله مريض ان يعلم بانها ثارات كليب


ولن نرضي راس براس




واعلموا باننا لن نصالح


وان دماء علي فضل ما ذالت هنا ولم تجف بعد

فوق من اجل القضية

Quote: وان دماء علي فضل ما ذالت هنا ولم تجف بعد

عاش متزن ونبيل
زيو وزى اى زميل
كالخضرة فى الاشجار والموية جوة النيل
عاش متزن زى نار خلوية عز الليل
تهدى الضهب واحتار والطاش بقتلو دليل
النار تجيب التار يومها التصير قنديل
زول لى طريقو اختار اختارة دغرى عديل
ماصد...لاوز...تار نفسة التملى...طويل
وغير الغبش مااختار جيهة عليها يميل
وكل ماتقل مشوار يلحق رفاقتو يشيل
******
بذرة حياتو ثبات
ساقيهو كم تكوين
ميسسيبى...نيل...وفرات امازون...ونهر السين
ويجى الزمان الفات فى طلعة الجايين
علمنا حتين مات...ميتة الشيوعيين
******
دخلتنا فى السهلى ومرقتنا يوم العيد
ضد الرجى الدجلى شالنك هتاف ونشيد
)دمك صعب ياعلى)وزولك وراك صنديد
والشارع اليغلى ساعة يسل الايد
لابينفع الصهلى
لا حى وووب بتفيد
***
ياما تتسع الحياة .. لما خلق الناس تضيق
وتنفجر في القال حياة .. والجاء للتاريخ يعيق
من وليدات حلتك لي بنيات الفريق
تدخل البسمة اللتك .. تمرق الحزن الغريق
ياشمس هبدت بكانا .. شان توقينا الحريق
أو أريج البرتكانة .. فاح يشهينا الرحيق
خطوتك سبقت خطانا ..دارتورينا الطريق
ويبقي في الآخر لقانا .. والوطن فووووق يا رفيق
خوفي ياعلي يا أبن أمك .. خوفي دمك من يضيع
وحاشا دمك ما بيضيع
وحاشا دمك ما بيضيع
وحاشا دمك ما بيضيع

الفاتح سليمان

معاذ الهادي

عبد الناصر حسن أحمد
أشكر لكم عبوركم مفازة هذا النص
وسلام حتي مطلع الأمر

عاصم يا حزين
وينك يا حبيبنا ومشتاقين
جميل انو نسمع صوتك بعد غيبة

عاصم وحات ديني مشتاق ليك..
عليك الله كنت قاطع وشك وين؟

منتظرنك تتنشلنا من هذا الاسي
.
.
.

ادفق

شكرا عاصم

*