ادقك يا قلبي ولا اعجنك؟

واحد رسل لي المقطع ده علي الموبايل

ادقك يا قلبي ولا في صدري أسجنك أمسكك بايدي أعصر عليك وأعجنك جايب لي مصايب أذى وتقول حبايب جايب لي الآهة والآلام ليا جايب

ده كلام شنو من الكلام ده

يا قلبي لا تعذبني سيب الماضي لا تلملم شتاتو
لا تبكي من ضيع هواك حرّم جمال ريدو وصلاتو
مع إنك شديت معناه وشديت بحلاة حلاة
لكن باع حبك رخيص والغالي ما بترخص غلاوتو

لا تأسي يا قلبي بكرة مع الليالي تلقي جرحك إلتئم
لو تسمو في حبك تحس بي راحة في وخز الألم

اها وبعد كام يوم رسل لي المصيبة دي

طاعني دايمآ بي ورا
قاصد محبتني تخسرا
صبرك علي والبعمله فيك لمن تموت تتذكرا

..................................
حخلي يومك كلو هم
وايام هناك متعثره
ولو فيك قام شتل الفرح
بقلع عروقو وآكسرة

ده غنا ولا جريمة مرة ادقك ومرة طاعني .. ماذا جري لهذا الجيل اهي افرازات لما هو حاصل من ازمات
اقتصادية وسياسية ورياضية واجتماعية وثقافية وعاطفية

غايتو كدي النشوف ردكم وكلامكم والله يستر علي قلوبنا من الدق