سلامات ياجارى,,,انت في حالك وانا في حالي,,,,لماذا تلاشت الحميمية بين الجيران

احيانا حتى سلامات دى ما بتكون في ,,,وتلقي الناس مابعرفو بعض رغم انهم في نفس الشارع اللي طولو بين

اربعة لستة بيوت,,,والله عن تجربة ,,احنا بيتنا في شارع بطول اربعة بيوت ما بنعرف الناس اللي في اخر

بيت في الشارع دا واحنا في اولو

احيانا بلوم نفسي ,,,بشوف انى انشغلت بوتيرة الحياة السريعة من قراية وشغل ومحاولة البحث عن مكان

تحت الشمس(رغم وجود كميات هائلة من الشمس دى)وبقيت مقصرة في حق جيرانا القدامى ,,والجيران الجداد

عاملين زى ما صحبتي في الفيس بووك قالت(ناس ابوظبي لابسلمو لابردو السلام)ماتعرف هل الجيران ديل جو

مكتفيين بناسهم الزمان مكان ما رحلو منهم ولا الناس خايفة من المعرفة الجديدة دى تجر عليهم (شعر ما

عندهم ليهو رقبة)ولا دا نوع من الاستغنا الغير مبرر

وما تقولو لى (مالى ومال الناس انا)على قول الفنان القامة وردى,,,لايغير الله ما بقوم حتى يغيرو ما

بانفسهم,,,يعنى الزمن ما اتغير,,,اتغير احنا وللاسف,,,للاسوأ,,,,والمدهش انو الكلام دا حاصل في الاحياء

اللي بتحسب من احياء الدرجة التالتة!!!طيب الحال كيف في احياء الدرجة الاولى ذات الاسماء

الرنانة!!!,,,اتذكرت حاجة,,,لما قلتا صحبتى اللى في الفيس بووك,,,دا زااااتو واحد من اسباب الجفا

والبعاد,,,استغلالنا السئ لافضل ما في العولمة,,,,انا بقيت بستغنى بالنت عن الزيارات ودفء الملاقاة,,,

,(وش زعلان من روحو),,,بت جيرانا اللي في وشنا طوالى ما شفتها لي قرابة العشرة ايام لكن والله يومي

بنشاغل بعض ونتونس في الفيس,,,انا مازعلانة من الفيس عشان عرفنى بناس حلويييين زى مريم الحسين وام

لمار ودانية الجرسة(هئهئهئهئ) وكميات من العزيزين والعزيزات,,,انا زعلانة من روحى



انتو برضو زعلانين من روحكم!!!


د:سلافا العاقب احمد

ما تستعجلي على رزقك
بكرة واحد منهم بقبض( من قبض) آخر الليل وبحتاجو ليك
وتجي تكشفي القلب
واحتمال كبير تلقيهو زايد ضرب

























بس أوعي تكوني دكتورة بيطرية؟؟

بشرية والله يا القرضابي لكن انا ما دايرة باب العرفة يكون كدا,,,عايزة حاجة اعمق وضعاوهل تصدق انها

حصلت قبل كدا وانتهت لحدى ما المريضة تعافت و,,,,بس


شكرا علي مرورك واهتمامك بالتعليق