الطَيِّب مصطفى.. السُّفَهاءُ يَمتنِعُون!!! ... بقلم: عادل الباز - بداية معركة حامية تابعوها

الطَيِّب مصطفى.. السُّفَهاءُ يَمتنِعُون!!! ...

بقلم: عادل الباز

اثنان أهل الأرض

ذو عقل بلا دين

وآخر دين لا عقل له

يا أستاذنا الطيب مصطفى بالله قل لي من أين أتيت بهذا السامريّ السفيه الذي يحتال على الدين بالدنيا ليسحتها بلا عقل ولا دين؟ أنت مبدع حقا!! هو أمينكم العام إذن؟ يا لفرط جهلي كيف فاتني هذا الشرف وقد علَّمتني هذه المهنة معرفة النكرات!! هذا من ائتمنتوه على بعثرة السودان؟ يا لبشرانا. اصبر علي يا أستاذنا سأُلقي عليك قولاً ثقيلا. وقبل ذلك أرجو ألا (يتخض) أمينكم أو سفيهكم العام من كلمة (سفهاء) فإنما أقصد المعنى القرآني لها (وَمَنْ يَرْغَبُ عَنْ مِلَّةِ إِبْرَاهِيمَ إِلاَّ مَنْ سَفِهَ نَفْسَهُ) البقرة (130)، أي قلَّ عقله وانحط.. قال القرطبي سفه “بمعنى استخفَّ لأن السفاهة خِفة العقل. وقال ذو الرُّمَّة حتى يفهم الرمم (مشين كما اهتزت رماح تسفهت أعاليها مر الرياح النواسم). كده كويس أصَّلناها ليكم؟ تقولو لي تأصيل الانفصال ودين وشنو؟ يا ولاد الايه على مين؟ شيلو الصبر.

الآن يا أستاذنا الطيب أودُ أنْ أطرحَ عليك سؤالاً أرّقني وأنا أقرأ الهراء الذي تكرّمت بنشره في عمودكم المحترم (زفرات حرّى) يوم الخميس الماضي. ما الفرق بين العمود الصحفي ومجاري الصرف الصحي إذا أصبح موقعاً متاحاً لأي كائن يدلق فيه قاذوراته؟ بالله كيف سمحت لهذه الركاكة الفكرية واللغويَّة بامتطاء ظهر هذا العمود المحترم؟ تعجبت والله. لا يعنيني صعود الركاكة المنابر السياسية فالشيء لا يستغرب من معدنه وهذا زمان (تحدث بومه ونأى بلبله الصداح عن التغريد)، فليس في الأمر عجب!!. ما يقلقني اعتلاء الركاكة المنابر الصحفية لخشيتي أن تتعهر بأكثر مما هو حادث!! تعرف يا الطيب - الحديث معك سيطول فلا تعجل.. للرئيس ريجان مقولة شهيرة طافت بذهني وأنا أقرأ هُراء سفيهكم العام ((السياسة هي ثاني أقدم مهنة في التاريخ, إلا أنني أدركتُ من التجربة أنها تشبه بدرجة كبيرة المهنة الأولى). لا شك أنكم تعرفون ما هي المهنة الأولى بحكم ثقافتكم وسفاهة أمينكم العام إلا أنني (قرَّبتَ) أصدِّق أن المهنة الأولى في زمان (الغفلة) هذا هي الصحافة لا تلك التي تعلمونها!!.

هل تعرف لماذا أُخاطبك أنت..الطيب مصطفى.. وأُسَفّه السامري؟. ببساطة لأنني كنت ولا زالت أحترمك ومردُّ ذلك أنني أعرفك نزيها ومخلصا. لا معرفةَ من قرأ أو سمع عنك، هذا ما علمته حقاً حين التقينا بدروب العمل العام؛ حيث كنت مخلصاً لأفكارك فكنت جديراً باحترامنا لأننا نحب الصادقين ولو اختلفنا معهم. بمناسبة الصادقين دي تعرف يا أستاذنا بالأمس قرأت في كتاب الله آية أرعبتني كأني أقرؤها لأول مرة، تقول (لِّيَسْأَلَ الصَّادِقِينَ عَن صِدْقِهِمْ)، الأحزاب (8)... بالله ما ظنك بالسفهاء الكاذبين؟.

كنا يوماً بجانبك يداً بيد نكافحُ الفاسدين ونسفِّه أحلامهم. كان ذلك إبان معركة الاتصالات قبل أعوام خلت. في تلك الآونة الصعبة والخطرة، كانت تتدفق الوثائق بين أيدينا وننشرها بلا أدنى وجل رغم الضغوط والإغراءات التي كانت تستعر يومها والتي تعرف. لا شك أنك تذكر مقولة سعد البراك رئيس مجموعة موبيتل يومها (لو أن عادل طلب منا أي شئ نحن مستعدون ولكنه لا يطلب). قل لسفيهكم العام ما قاله الرجل عني (لأني أخجل أن أقول).

تذكر يوم كان الصراع حول مئات الملايين من الدولارات وكنا وسطه تماماً لم نلوث أيدينا بمال حرام ولو فعلنا لكان حالنا غيره اليوم. كنا الصادقين النزيهين فلم نشترِ ولم نَبِع؟ أقول قولي هذا حتى يكفَّ السامريُّ عن سفهه ويعلم أنَّ لنا في خدمة الشعب دم وعَرَق!!.رحمة الله عليك يا صلاح والله أنت سعيد ترقد الآن بجانب الطيب صالح وعلي المك بالبكري وتتركني (يا ويب لي) أتأذى بهذه السفالات التي فاضَ بها الوسط الصحافي!!. هل من لقاء قريب يا أحباب؟. لجدي الباز بالبكري مرقدٌ ووصيتي أنْ أحلَّ ضيفاً عليه بينكم متى انطوت صفحات الفانية.

يا أستاذنا الطيب أبثُ حديثي إليك لأنك تعرف والسفهاء لا يعرفون.. تنطوي عقولهم على جهلٍ مريع بأقدار الرجال، يحشونها بالترهات ليستفرغوها في الأعمدة المحترمة. لقد كتب نفس السفيه ما كتب من قبل وبنفس الصحيفة ولكن في مكان آخر غير الزفرات ويومها قلنا (واحد بهوهو) شغلو كده... خليهو (يهوهو) فإن تحمل عليه يلهث أو تترُكْهُ يلهث، وبعدين يعني شنو.. السفيه نبَّذ الباشا أهو سفيه تاني شتم ود الباز.

أفاد سفيهكم السامري أننا الآن نتجول بين ماليزيا والقاهرة مرتاحي البال ولن أرد على حثالته هذه بل سأدعو عليه وأسألك أستاذنا الطيب وأنت رجل بك بقية صلاح (كنت صالحاً كامل الدسم قبل أن تنصِّب للفتنة منبرا) ادعو القرَّاء وأحِبَّائي وانده جدودي السناهير ليدعون معي عليه (اللهم إنك تعلم أن بشرى ـ السامري ـ كاذب أشر فعافيني وابتليه بما ابتليتني به من داء حتى يسعد ويرتاح باله!!). سأذهب لمرقد سيدي الحسين اليوم بالقاهرة وأردد هذا الدعاء ألف مرة ليسعد صاحبنا ويهنأ ويرتاح باله مثلي!!.

معذرة هذه مقدمة طويلة كان لا بدَّ منها، وسندخل غداً في الموضوع بمشيئة الله والذي أحذركم انه سيطول، فقط تابعونا بصبر وأضمن لكم متعة يومية بسخرية مميزة من منبر السوء هذا وسفهائه. لا يحب الله الجهر بالسوء إلا من ظلم، وهذا السامري ظلمني فليسمع ما يسوءه.

غداً نلتقي إنشاء الله
---
عن سودانايل
http://www.sudaneseonline.com/index.php?option=com_content&vi...0-09-20-00&Itemid=64

الاخ ابو احمد

لكى نتابع نرجو ان تكمل الصوره

وتذكر لنا من هو السامرى وماذا كتب

مودتى

Quote: هل تعرف لماذا أُخاطبك أنت..الطيب مصطفى.. وأُسَفّه السامري؟. ببساطة لأنني كنت ولا زالت أحترمك ومردُّ ذلك أنني أعرفك نزيها ومخلصا. لا معرفةَ من قرأ أو سمع عنك، هذا ما علمته حقاً حين التقينا بدروب العمل العام؛ حيث كنت مخلصاً لأفكارك فكنت جديراً باحترامنا لأننا نحب الصادقين ولو اختلفنا معهم

صدق فقد شهد كل من عرف الطيب مصطفى بالصدق والنزاهة والأخلاص وحسن التعامل والتواضع والبشاشة وكل الصفات الطيبة

Quote: صدق فقد شهد كل من عرف الطيب مصطفى بالصدق والنزاهة والأخلاص وحسن التعامل والتواضع والبشاشة وكل الصفات الطيبة

باللاي دا اللهو الطيب مصطفى!!
ما كترته المحلبية يــا ولدنا؟
على العموم مين يشـــهد للعروسة زي ما بقولوا
...
...

_____
ابوجنزير تحاياي... وين ما ظاهر

أوووو أمين البشاري بذاته وحاله يا مرحب

بصراحة شايف الأسم وقلت ما أتلخبط

Quote: ابوجنزير تحاياي... وين ما ظاهر

أوع تكون ماعارف ؟ كان ما عارف تكون زول طيب ساي وعلي نياتك وربنا يديك العافية أها هاك شوف

Quote: باللاي دا اللهو الطيب مصطفى!! ما كترته المحلبية يــا ولدنا؟ على العموم مين يشـــهد للعروسة زي ما بقولوا

يا أمين نحنا الطيب شهادتنا فيه مجروحه والشغله ماعاوزة ام العروسة ولا ابوها كل من عرف الطيب مصطفى شهد ليه بحسن الخلق والنزاهة والتعامل والثقافة
الطيب مصطفى أهم صفة عنده الشجاعة وخاض معارك ضد الباطل وأساطين الباطل وتشهد ليه معاركه مع الجمهوريين وسابقاً معاركه في فضح والتصدي للشيعة وهسع بفضح في منافقين الوحدة الجدد ديل ودجالين السودان الجديد وبستخدموا أسلوب اغتيال الشخصية معاه واسهمه في زيادة في السودان إنشاء الله تمشي تلقاه وتشوف الفرحة في عيون الناس لمن تلقاه
الطيب مصطفى رجل فاضل رباه رجل فاضل الحاج مصطفى عبدالرحمن عليه الرحمه
أتمني كل من عرفه او أتعامل معاه يجي يحكي لينا ويوضح لينا زي مثلا الاستاذ انس العاقب وهو عضو هنا واشتغل مع الطيب مصطفى في التلفزيون لانو نحنا شهادتنامجروحه

ابو جنزير ... ســــــلام وتحية واحترام من تاني

Quote: أوع تكون ماعارف ؟

لا والله عارف .
وما كنت عايز افتح معاك الموضوع دا ولكن بما إنك فتحته فاسمح لك اقدم لك نصيحة لوجه الله
وانت عارفني انا زول نصيحة وأقولها ولا اخشى مع التأكيد انكم كلكم زملاء وعرفتكم من خلال الاسافير
يا ابو جنزير أنا ما عارف انت زعلان ليه؟
المنبر دا ما حقها هي وهي التي تموله وتدفع له وتديره وأكيد عندها اجنده خاصة عايزة تطرحها من خلاله ... لو اتفقت معاي في دي
بقول ليك طبعاً اكيد لما يجي زول ضد هذه الافكار ويحاول يدمر الفكرة الأساسية بفصلو من المنبر ، وبعدين دي مشكلة عامة في المنابر السودانية ان ملاكها أفراد وليست مؤسسات والكلام دا حاصل في كل المنابر وما حاجة جديدة يعني ، ومش معناهو لو فصلوني من منبر معين أقعد اســئ لصاحب المنبر واسبه واشتمه في كل مكان.
اعتبر المنبر داك بيتها وطردتك منو ودا بيت بكري وممكن يطردك ويطردني منو عااااادي يعني شنو، بالعكس مفروض تكون مبسوط لأنكم هنا اعضاء سواسية وتساوت كتوفكم وصلاحياتكم ودي فرصة طيبة عشان تتناقشوا في افكاركم مش في الاساءات لبعض يا هزمته فكرتها او هزمت فكرتك، الغير مقبول إنك تقعد تباريها وتشخصن مشكلتك معاها عشان هي فصلتك من المنبر.. صاح ولا ما غلط؟
معليش طولنا عليك ولكن نصائحي لا أبذلها إلا لمن اتوسم فيهم الخير لأنو النصيحة يا أبو جنزير بتعدم الصاحب ... واتمنى ان لا تفعل نصيحتي هذه ذلك هنا!!
الحاجة الأخيرة أخـــلاق السودانيين الحق لا تبيح الاساءة للنساء مهما اختلفن معنا ... والراجل الذي يســــئ لهن عندو تصنيف محدد في المجتمع الســـوداني فباللاي ابعد عن الشخصنة وتناقشوا في الأفكار بس بدون اســاءات او تجريح... لأنو الكلام دا ما طيب في حقك أولاً

Quote: الطيب مصطفى أهم صفة عنده الشجاعة

الشـــجاعة صفة جامعة لكل السودانيين ولا اظنها عند الطيب مصطفى وحــده وهناك خيط رفيع يفصل بين الشجاعة والتهور والاندفاع
الطيب مصطفى يتم تصنيفة في خانة العنصريين الموجودين في الســـودان ، وعفة اللسان هي من أخلاق وشيم المسلم فليس المسلم باللعان ولا الفاحش البذئ
يمكن ان تدافع عن افكارك بالتي هي احسن وبالرفق واللين وليس بالسب والقدح ولتعلم أخي ان الرفق واللين ما وضع في شئ إلا زانه وما نزع من شئ إلا شانه

Quote: أتمني كل من عرفه او أتعامل معاه يجي يحكي لينا ويوضح لينا

من المفروض ان تكون اعمال وسيرة الرجل هي من تحكي عنه وليس أتباعه عندها سوف تكون شهادتهم فيه مجروحة
يعني ممكن يجئ واحد من الشعبي ويقول الترابي دا راجل فاضل وواحد من الأمة يثني على الصادق وواحد تاني الاتحادي يثني أيضا على الميرغني
وبهذه الطريقة سيكون كل الناس فاضلين طالما يحكي عنهم أقربائهم وأتباعهم ، التقييم الجد بكون من الناس الذين لا تربطهم علاقات أو صلات بالشخص وماذا قدم ذلك الشخص من خلال موقعه لبلده واهله طالما هو شخصية عامة ....... يا ابو جنزير الانسان يقيم بواسطة مجتمعه ومآثره وأعماله وأفعاله وليس عن طريق شهادات توزع من هنا وهناك من قبل الأتباع
وينبغي أن لا ينصب الطيب مصطفى نفسه مسيحاً دجالاً يحارب الباطل أينما حل ... وهذا ليس مسؤوليته وحده، ما ياهو الباطل قدامه من ناس الانقاذ ديل وأفعالهم ليه ما كتب يوم واحد قال ليهم دا غلط ؟
او مسك ود اخته ونصحه؟ كل هذه اشياء تحسب عليه ودعوته منفردا لفصل الجنوب وتبنيه لها على اسس عنصرية بحته يقدح في مصداقيته وينسف افكاره

Quote: لانو نحنا شهادتنامجروحه

هنا انت جبت النجيضة يبقى خلو غيركم يشـــهد لخال الرئيس ولا رأيك شنو؟

ودي واحترامي الذي تعرف

________
اخونا ابو خالد اعفو لينا اقتحمنا بوستك ولم نخرج عنه كثيرا لأنه يتحدث عن الطيب مصطفى.....

دقيقة يا الامين

لو سمحت أمسح كلامك الفوق دا لانو أصلاً انا ما مشخصن الموضوع ولا شغال بيه ونصيحتك مرفوضه ووفرها على نفسك وأنهى الموضوع لو سمحت

Deal
ما قلته ليك النصيحة بتعـــدم الصاحب
...
...

____
احتراماتي

UP

السلام عليكم,,,

Quote: لا والله عارف . وما كنت عايز افتح معاك الموضوع دا ولكن بما إنك فتحته فاسمح لك اقدم لك نصيحة لوجه الله وانت عارفني انا زول نصيحة وأقولها ولا اخشى مع التأكيد انكم كلكم زملاء وعرفتكم من خلال الاسافير يا ابو جنزير أنا ما عارف انت زعلان ليه؟ المنبر دا ما حقها هي وهي التي تموله وتدفع له وتديره وأكيد عندها اجنده خاصة عايزة تطرحها من خلاله ... لو اتفقت معاي في دي بقول ليك طبعاً اكيد لما يجي زول ضد هذه الافكار ويحاول يدمر الفكرة الأساسية بفصلو من المنبر ، وبعدين دي مشكلة عامة في المنابر السودانية ان ملاكها أفراد وليست مؤسسات والكلام دا حاصل في كل المنابر وما حاجة جديدة يعني ، ومش معناهو لو فصلوني من منبر معين أقعد اســئ لصاحب المنبر واسبه واشتمه في كل مكان. اعتبر المنبر داك بيتها وطردتك منو ودا بيت بكري وممكن يطردك ويطردني منو عااااادي يعني شنو، بالعكس مفروض تكون مبسوط لأنكم هنا اعضاء سواسية وتساوت كتوفكم وصلاحياتكم ودي فرصة طيبة عشان تتناقشوا في افكاركم مش في الاساءات لبعض يا هزمته فكرتها او هزمت فكرتك، الغير مقبول إنك تقعد تباريها وتشخصن مشكلتك معاها عشان هي فصلتك من المنبر.. صاح ولا ما غلط؟ معليش طولنا عليك ولكن نصائحي لا أبذلها إلا لمن اتوسم فيهم الخير لأنو النصيحة يا أبو جنزير بتعدم الصاحب ... واتمنى ان لا تفعل نصيحتي هذه ذلك هنا!! الحاجة الأخيرة أخـــلاق السودانيين الحق لا تبيح الاساءة للنساء مهما اختلفن معنا ... والراجل الذي يســــئ لهن عندو تصنيف محدد في المجتمع الســـوداني فباللاي ابعد عن الشخصنة وتناقشوا في الأفكار بس بدون اســاءات او تجريح... لأنو الكلام دا ما طيب في حقك أولاً Quote: الطيب مصطفى أهم صفة عنده الشجاعة الشـــجاعة صفة جامعة لكل السودانيين ولا اظنها عند الطيب مصطفى وحــده وهناك خيط رفيع يفصل بين الشجاعة والتهور والاندفاع الطيب مصطفى يتم تصنيفة في خانة العنصريين الموجودين في الســـودان ، وعفة اللسان هي من أخلاق وشيم المسلم فليس المسلم باللعان ولا الفاحش البذئ يمكن ان تدافع عن افكارك بالتي هي احسن وبالرفق واللين وليس بالسب والقدح ولتعلم أخي ان الرفق واللين ما وضع في شئ إلا زانه وما نزع من شئ إلا شانه Quote: أتمني كل من عرفه او أتعامل معاه يجي يحكي لينا ويوضح لينا من المفروض ان تكون اعمال وسيرة الرجل هي من تحكي عنه وليس أتباعه عندها سوف تكون شهادتهم فيه مجروحة يعني ممكن يجئ واحد من الشعبي ويقول الترابي دا راجل فاضل وواحد من الأمة يثني على الصادق وواحد تاني الاتحادي يثني أيضا على الميرغني وبهذه الطريقة سيكون كل الناس فاضلين طالما يحكي عنهم أقربائهم وأتباعهم ، التقييم الجد بكون من الناس الذين لا تربطهم علاقات أو صلات بالشخص وماذا قدم ذلك الشخص من خلال موقعه لبلده واهله طالما هو شخصية عامة ....... يا ابو جنزير الانسان يقيم بواسطة مجتمعه ومآثره وأعماله وأفعاله وليس عن طريق شهادات توزع من هنا وهناك من قبل الأتباع وينبغي أن لا ينصب الطيب مصطفى نفسه مسيحاً دجالاً يحارب الباطل أينما حل ... وهذا ليس مسؤوليته وحده، ما ياهو الباطل قدامه من ناس الانقاذ ديل وأفعالهم ليه ما كتب يوم واحد قال ليهم دا غلط ؟ او مسك ود اخته ونصحه؟ كل هذه اشياء تحسب عليه ودعوته منفردا لفصل الجنوب وتبنيه لها على اسس عنصرية بحته يقدح في مصداقيته وينسف افكاره Quote: لانو نحنا شهادتنامجروحه هنا انت جبت النجيضة يبقى خلو غيركم يشـــهد لخال الرئيس ولا رأيك شنو؟

البشارى زول نصيحة بالجد,,
لافض فوك يا بشارى,,

كلام مرتب ومليان ونجيض,,

تحياتى

يا أمين البشاري

معليش غايتو الفوق داك أحسن رد غايتو لقيتو عشان ارد عليك ولاني بحترمك ما حبيت أقول كلام كتير ما كان حا يعجبك

يا أمين نحنا ما أساءنا زول ولا بدينا بالمعاداه ووين أنت لمن أنا جيت جديد هنا وتم أستهدافي من النساء البتتكلم عنهم ديل وحتى الأن أنا ما مستهدف زول ولا شايل غبينة ولا قصدي حاجه ووين لمن النساء ديل قامن بالتعريض بي والتعدي على بأسواء الالفاظ في محاولة وسخة لأغتيال الشخصية لمجرد عضو جديد الناس ما بتعرفه

بس المطلوب تصحح فهمك وتكون أمين بالجد

يا أمين أحترامك مازال موجود عشان كدا يدي بتاكلني على الرد عليك لكن ما قادر

الاخ ابو احمد

تحياتى

مقال الاخ عادل الباز هو بداية سجال بينه و الطيب مصطفى سيكون له شانه !

سنتابعه من هنا و هناك على سودانايل .. فقط نتمنى ان تكون المداخلات فيها اثراء لهذا النقاش لو تمت له الاستمرارية .. و ليس العكس .

اعتقد ان مقال الاخ عادل الباز هو مقدمة لنفاش حول بعض الاقلام التى اعتلت بعض المنابر و ملآتها غثاء .. فلننتظر الطرح الموضوعى فى النقاش ثم

نعقب اذا اردنا دون تحيز او موالاة .. فهذا افيد !