يا حليل بركاوينا وتمودنا ويا حليل ونستنا فى الليل !!

يا حليل ناس ميرى ومجوك ، خلاس ماشيين مننا ! وعاد تانى الشوفة بالبظبورتى وماها ساهليى ضوممة !

الله يقلع الكيزان أكان زهللونا ، وعذبونا وفرقوا الحبان والجيران ،

وخلو الزول ينشكك فى ضولو ، ويقول يبقى زولا مبارينى من المقصوفين ديلا وكلابون وجروون !

ست البنات.

ياحليل أنناسنا البلقفاف

ويا حليل وقت الناس مبتخاف

يا حليل المنقة الهبطرش

وتانى عاد يانا البنعطش

يبقى مجرى النيل زى رهاب

والسمك تبقى شوفوتو طشاش طشاش .

ست البنات.

ياحليل رمبيك الجميلة

واا مغايسى يرول ما رايتا

ما نعمت بملكال ونيلها

وللا منقة فى قوقريال

ياحليل الموز فى السبيط

الله ياذى المؤذى السليط

جونا زى السيل والوخم

عدموا الدنيا اسم البهم

ست البنات.

والله يا ..ست البنات عندك المحن
..ديل ...اسكتى خلى ديل........ ديل يا
ست البنات يبسوا الضرع حتى الاطفال ما لاقين اللبن عند امهاتهم ..
قبل يومين اتصلت مع اهلى فى السودان وجدت معهم ابن عما لى جاى من البلد اصر يتكلم معاى سالته عن الزراعة والفول والبابور قال لى فول شنو يا زول.... الواطة بقت ما بتجيب الفول ولمن حولنا للقمح العدار ملا البلد وما عارفين نسوى شنو مافى طريقى نجيكم هناك قلت له هنى مافى بوابير يا عبد الغفار فقال لى ولا ممكن القى لى مسرة فول بى هناك ..قلت له دى حالتك وانحنا مقعدنك فى البلد تحرس لنا العقاب .؟
اتخيلى زول زى دا من ارض النيلين وارض الشمال ارض اخصب الاراضى كايس له مسرة فول فى الامارات ..
اصبح المزارع ولو لا قدر الله زرع اى شىء فى بلادنا فهو مهدد بالسجن تزرع تدخل السجن تقعد ساكت وتعملك ملفحة ودقينة وتبقى كذاب وترفع اصبعك وتهلل بكرة تركب لاندكروزر وانت مرتاح تنتج تدخل السجن دى بلد شنو دى ؟
دولة الاخوان دولة الكذب والنفاق والعطالة واكل اموال الناس بالباطل ..الله وحده كفيل بانقاذ بلدنا منهم ..

Quote: يا حليل ناس ميرى ومجوك ، خلاس ماشيين

يا ستو
ما تخافي يا بت امي لو الجنوب انفصل ناس ميري ومجوك قاعدين

واهديك دى من اخر السحارة ترجعك شوية للزمان المضى الماممكن يعود تانى ...
شوفى الوصف البيئى فى اكتمال روعته كيف يكون



الــدِّفـِّـيــقْ
كلمات : خضر محمود سيد أحمد
ألحان : النعام آدم
غناء : النعام آدم


مَــقـْـــسُــــومْ لـِــى ......................... ومُـــقــَــدَّر
الــحُــــبْ والــغـَــرَامْ ....... مَــكـْـــتــُــوبْ مَــسَــطـَّــر
******
لـِـى الــفـِــريــــــعْ الــمَــنـَــــاوى نـَـــدَاهـُـــو قــَـطـَّـــر
مـَــعَ الــنـَّــسَّـــــامْ يـَــفـَــــوِّحْ طــِــيــــبــُــو عـَــطـَّـــر
******
ودْ الأرْيــَــلْ ................... الـــسَّـــارحْ مَــبــَـطـَّـــر
فـِـى بــِـكـْــر الــخـَـريــفْ ....... وادِيـــهـُــو نــَــطـَّــــر
******
بــِى حـُــبــُّـو إبـْــتـَــلانــِى ......... عـَـلـَـىْ تـَـجَـــسَّــر
غـَــيـَّــرْ حـَــالـِـى ............. فــِى أفـْــكـَــارى أثــَّــــر
******
هـَــالــِـكـْــنــِى الــدُّقــَــاقْ ............ الــشَّـــبَّ خـَــــدَّر
طـَــالــِــقْ سَـــاخـِــى ............. مَــا قــَــامْ مَــكـَــــدَّر
******
حـَـرَّاتــُـو الــنـَّــشـِــيــط ْ........ فــْى زَرْعـُـــو بــَــــدَّر
جـَـابـَـنْ حـُـوضُــو .............. مَـا خـَــلاَّهـُــو سَــــدَّر
******
وَازْنَ الــمُــويـَــه ............ مَـاتـْــفـُــوتْ الــمُــقــَــدَّر
تــَــقــَـرْقـِـــرْ نـَــازْلـَــه ........ والـجـَـــدْوَلْ مـَـحـَــــدَّر
******
عـَــارفْ حُــبــِّى لــِـيــهـُــو .... إتـْــعـَــالـَـى وتـَـــأمَّـــر
حـَـرَّقْ قــَــلـْــبــِـى ...... فـِـى الــلـَّــهَـــبْ الـمَــجـَـمَّـــر
******
بــِى جــِـسْــمُــو الــنـَّــدِى الـفـِى الـطـِّــيـــبْ مَـخـَـمَّــر
وصَـــدْرُو الــعـَــالـِـى ..... والــخـِـصْــر الــمُــضَــمَّــر
******
عـَـجْـــوَة دُنـْــقــُــلا ......... الــدِّفـِّـــيـــقــَــه عـَــمَّــــر
خـَــامـِّــى الـــمُـــويــَــه كـَــــاربْ لـُـــونــَــــه حـَــمَّــــر
******
يـَـــقــُــوقـِـى دَبـَـاسـَــــه فــُـــوقْ كـَـــرُّوجـَـــه زَمَّــــــر
ومـِـنْ الــطـِّــيــرْ ........ وقــَـــفْ حَــرَّاسَـــه شَــمَّــــر
******
قــَـالْ خـَـلاصْ أصْــبـَـحْ أسـِــيــرْ الـحُــبْ مَــكـَـنـْــتـَــر
أقــُــــولْ أنـْــسَــــاهـُـــو مـِـنْ حـَــظـِّــى الــمَــعـَــسَّـــر
******
أحـِـــسْ بــِى قــَــلـْــبــِى مَــايــِـــلْ لـِــيــهُـــو أكـْــتـَـــر
وإنـْــفـَــلـَــتْ الـلـِّــسَـــــانْ لـِـى الــــدَّاسُّـــــو فــَــسَّـــر
******
ودَمْــعَ الـعـِــيــنْ ........... مَــعَ ذِكـْــرَاهـُــو بـَـــتـَّـــر
وإنـْــكـَــشَـــفْ الــمَـخـَـبـَّــا ..... الــكـَــانْ مَــسَــتـَّــــر
******
فــُـوسـِــيـــبْ الـجـَّــزيـــرَه ......... الــمُـوجـَـه دَفـَّــــر
رَشْــرَشْ بـَــرَّه ......... نـَـــط َّ الــقـِــيـــفـَــه طـَــفـَّـــر
******
مَــهَــبـْـهــِــبْ دَابـُــو صَــمَـــدُو عـَـلـِــيــهُـــو غـَــفـَّـــر
يـَــنـْــهـَـــرْ تــُـــورُو عـِــنـْـــدَ الـــشـَّـــايــَــه حـَــفـَّـــر
******
الــكـُــرُشْ الــفـَــدَعْ .......... عـَـرْجـُـونـُــو جـَــرْجـَــر
مَـا لــِـمْــسُـــوهـُــو ........ مـِـنْ الــنـَّــاسْ مَـحـَــجـَّــر
******
سَــبـَــقْ الــنـَّــجـْــمـَـــه قــَـــامْ تـَـــرْبــَـالـُــو فــَــجـَّـــر
مَــابــِـتـْــكـِــلْ ســِــقـَـــايـْـــتــُــو عـَـلـِـى الـــمَـــأجـَّـــر
******
خـَــدِيـــرُو الـفـِى الـمـِـلــِـكْ ....... مَـــزْرُوبْ مَــسَــوَّر
فـِـى الــتــِّــلــِــتْ الأخـِــيـــرْ ........... بـَـابـُــورُو دَوَّر
******
إنـْــتـِـى أذاىْ ........ وشـِـفـَـى قــَــلـْــبــِى الــمَــعَـــوَّر
جــِـيــتـِـى الــلـِّــيــلـَـه بــِــيــكـِـى فـَــريــقـْــنـَــا نـَــــوَّر
******
الــقـَــــالْ نـِــسـِــيـــنـَـــاكْ ............... غـَـــــشَّ زَوَّر
كـِـيــفـِـنْ نـَــنـْــسـَـى حُــبــَّــاً ...... جـَــرْحـُــو غـَــــوَّر

الكيك أخوى كيفنك ؟

أمانى ما زدت لى ألمى ! يا حيليلو عبدالغفار غيلب وانعذب !

رب العالمين يعذبون ، ويقلعون من فوقنا وترجع بلدنا آمنى وهنييى !

ماها خاتيى امى الله يرحمها وكت قالت زمان : الناس ديل رب العالمين يفكنا منهون ، الله يجيبلهون قون جرانج يريحنا من ويشيهون المغوبر دا ....

ست البنات.

Quote: ما تخافي يا بت امي لو الجنوب انفصل ناس ميري ومجوك قاعدين