اللات والعزى

لم تجعلني الأفلام الدينية التي شاهدتها في طفولتي اتعاطف مع الإسلام، كنت وقتها معجباً بالكفار وأراهم – كما صورتهم لي الأفلام – يعيشون الحياة التي أحلم بها كمراهق، حياة مليئة باللهو والنساء والجواري (الم######ظة) اللواتي يرقصن بملابس شفافة.

رجال لا ينقصهم غير سيجار كوبي في يد كل واحد منهم أو على الأقل شيشة تفاح، رجال شهيتهم مفتوحة دائماً يشربون النبيذ إلى أن تبتل ذقونهم من النهم ولا يجلسون في مكان إلا وكانت أمامهم أطباق الفاكهة والفتة التي يعلوها (فخذة ضاني)

كنت أراهم ناس كوميدين يصنعون آلهة من العجوة يأكلونها، يخططون لقتل النبي ثم يغلبهم النعاس أمام بيته، يرتدون ملابس بدائية وفي الوقت نفسه أحذية هاف بوت من الجلد اللميع الذي يبرق رغم الرمال التي يتحركون بينها،

يربون حواجبهم بكثافة مخيفة (تصبح هذه الحواجب أرق كثيراً عندما يدخلون في الإٍسلام)، يطوفون حول الكعبة مرددين مونولوجات فكاهية (نحن غرابا عكا عكا) تحولت إلى النشيد المفضل لشلتي في الطريق من المدرسة للبيت.

فتشت عن معنى أسماء آلهتم اللات والعزى فوجدتها أسماء لرجل وأمرأة مارسا الجنس بالقرب من الكعبة، فكان جزائهما أن تحولا إلى حجارة.. وفهمت من هذه القصة أن الكفار كانوا يقدسون الجنس لدرجة مركبة!

أعجبتني فكرة قيام الكفار بشراء الحريم من السوق، الواحد يصحى الصبح وينزل السوق يشتري واحدة ملبسة يرجع بيها البيت أو ياخذها في أيده هدية لواحد صاحبه في عيد ميلاده، فكرة أكدها لي إعتقادي أن الجريم موديلات وأن هذه الموديلات تتغير كل عام وأنه من الظلم أن يقضي الواحد عمره مع موديل واحد حتى لو كان معه ضمان.

في المقابل كانت أحوال المسلمين في هذه الأفلام بائسة للغاية، ضربوا وعذبوا (لم يكن على أيامهم المحمول لعمل مشاهد التعذيب كليبات) حرموا من الماء والطعام، طردوا من بيوتهم فسكنوا العراء، وصودر كل ما يمتكلونه فأصبحوا فقراء، وصدرت الأوامر بإعدامهم دون محاكمة.

كنت كطفل أفكر في أن الكفار هم أشقاء وأولاد عم المسلمين بما أنهم قبيلة واحدة، وكنت أسأل نفسي كيف تحول (الدم إلى مية) وازدادت حيرتي عندما وضعت نفسي مكانهم ووجدت أني لن أتخلى عن إسلامي مثلما صعب عليهم أن يتخلوا عن أصنامهم، وهنا تعقد الموقف في ذهني فالكفار الذين يجب أن أكرهمم هناك ما يدعونني لاحترامهم وهو تمسكهم بعقيدتهم، لكنني عندما كبرت قليلاً عرفت أن تمسكهم بعقيدتهم مبعثه الجهل والظلام الذي كان يسيطر على قلوبهم.

تبدل موقفي تجاههم بمرور الوقت ولكنني اكتشفت أن الأصنام ما زالت بيننا وأنه هناك من يعبدها، تحولت الأًصنام من حجارة إلى أفكار وبقى الجهل متألقاً في عقل وقلب الكثيرين، عبدة هبل واللات والعزى أصبحوا عبدة المال والشهرة والاحتكار والروتين والسلطة والمنصب.
واليوم عندما اتابع فيلم فجر الإٍسلام وأصل إلى المشهد الذي يجسد هجرة سيدنا محمد صلى الله عليه وسلم، أتذكر في اللحظة نفسها الهجرة (التي يسمونها غير شرعية) للآلاف من شبابنا، أحاول أن أجد شيئاً مشتركاً بين الهجرتين، فأكتشف أن الهجرتين كانتا هرباً من الكفار.

-----------------
من كتاب (ابن عبد الحميد الترزي)
الكاتب (عمر طاهر)

من المبكي (المضحك أحياناً)، أن بعض من يكون معهم (حق)، يفقدونه بطريقة (العرض)

(بعض) المعارضة ، تعمل ضد نفسها، تكرهنا فيها، تماماً كما كرهنا (الإرهاب) في (الحق الديني) و (مشروعية الجهاد)

Quote: (بعض) المعارضة ، تعمل ضد نفسها، تكرهنا فيها، تماماً كما كرهنا (الإرهاب) في (الحق الديني) و (مشروعية الجهاد

المبدعة بت قضيم
دا الكرهنا لعب البلي




لك اعجابي دوما

انا دخلت اعز ليك حليفتك ...

لقيتك ... ومناة الآخرة والأولى ... مرتاح ...

انا "الجاهلية" دى ... لى هسة ما مقتنع بيها ...

وشايف الموضوع خلاف سياسى لا أكثر ...

(ومتحسّر على الجوارى الخنّس الفاتننا .. لاكين هسى فى مسيار ومهماز وهلم جرا .. عشان يعوّض الفرق)










... المهم ...

أختنا بت قضيم العسل

سلامنا عارفه نحن لينا 8 سنوات بنقول في الحتة دي :-

Quote: (بعض) المعارضة ، تعمل ضد نفسها، تكرهنا فيها

لكن و الله و لا عليهم

عليك الله خلي البخل بتاعك دا و أظهري كتير

تحياتي

تسلم يا حبيب الكل
لا ارى (ببساطة) من ممكن يكون الأفضل لإصلاح حالنا
سواء مادياً أو سياسياً أو مجتمعياً أو تربوياً أو صحياً أو حتى يخلي الهلال يغلب مرة من تاني
يا حبيب الناس كلهم
أنا عندي حالة شعور ب(لا جدوى) الأشياء اليومين ديل، فما تتضايق من نظرتي السوداوية للأمور

يخليك يا رب

تبارك الذي بيده الفرشة شخصياً
ده أيه النور ده

صباحك نور يا زهور
بالامانة يعني، لما القى اسمك في بوست، بشيل الفاتحة قبل ما اقرا تعليقك
فكما يبدو، هناك نور لافي طوالي في راسك
وهذا مدح فيما يشبه القطامة التي من نوع (يا عبقري) التي تجعل منه (العبقري) في النهاية يعني زول مجنون ساكت

المهم

كلامك هذا ذكرني بضرورة ارتداء سترات الوقاية من الرصاص
آآآزول صلي على كامل النور
المسيار كما فهمته (وانا فهمي ما حبابو خالص يعني) هو نوع من مودة ورحمة وقوم شتت، بلا لمة طبيخ بلا اشتري لي توب العرس
المهماز ده شنو كمان؟؟!!
يا عزيزي
الجاهلية في نظري (وانا نظري ضعيف شديد) في طريقة التطبيق، وليس في النظرية، فالنظرية قابلة للتغيير بتغير الزمان والأحداث (راجع بوستات التك كوبي.. التك بيست وزمان قبال اسافر قلت لي اوعك تطول ولما جيت في الكشة رميتي لي الدبلة في وشي) أو هكذا معنى
طبعاً انا لسة ما شربت شاي الصباح والقهوة التي تليه، فانا ما مسؤولة عن ما كتبت هنا، بجيك راجعة بعد اقراما جغبسته يداي وافهمه احاول اشرحه ليك كان قدرت
وغير هذا وذاك
يا تبارك، عندي أولاد أهلي قاطني الثورة الحارة السابعة، سيرتك وعمايلك دائماً ما كانت حديث مجلسهم، وقد كنت كمراهقة منكوشة حوصة ما في زول شغال بيها، معجبة بيك شديد ومزبهلة بشهرتك وتميزك الغريب بين الناس
مع اني ما شفتك يوم ولا قابلتك
وسعيدة أن تحققت لي أمنية شوفتك عيان بيان والتأكد انك حقيقي يعني (بلا ضغينة ما تزعل مني) زول مفلكب

شكراً لحضورك الحيجيب للبوست ده الهوا

يا سحس
ازيو

والله وما طالبني حليفة، لما كتبت البوست ده، وكانت الدنيا عصريات، اتذكرت وقلت ابو حسين حيستغرب أني ما كتبت الساعة ثلاثة صباحاً أو سبعة صباحاً

الله يجعل خطواتك كلها حليب ياخي
أنا عسل
؟؟
ثم
ما (معيارك) في طلب حضوري (الباهي) وانت زماااااااان قلت لي (نقتك كتيرة وبتطفشي الناس بالبربرة؟؟!!))
أكوت ليك؟؟!!
أكوت ليك هسه؟؟!!!

لووووووووووووووول
أكوت ليك دي تشبه (أطلع ليك في الخور؟؟!!)

صباحنا قشطة يا رب
قول آمين

بت قضيم
قضم بعير عنتره أوفرس إمرؤ القيس أنفك أيهما أشد وخذاً.
أرجو أن لا تجهجهينا بمثل هذه العناوين مرة تانيه وتجيبينا جاريين نستشرف ونشمشر فإذا بالموضوع يدور في فلك ساس يسوس سواسية تحت نعلات العسس ، فأنا بسبب هذا المقال رميت الخمسين وحرقت شر حريق في لعبة الكونكان وعشان يجي الدور مرة أخرى لابد أن أنتظر مقالك الآخر بعنون يعوق ونسرا.
==
بالله سمعتي ليك بي واحد خريج علوم سياسة شغال في السياسة من الرئيس لغاية غفير باب الوزارة.
دي زي صاحبنا شوح عندما قالو ليهو فلان نال درجة الماجستير في الجغرافيا ، قعد يضحك وقال ليهم وهو يتأتئ في الكلام هو دي دايره ليها قرايه ولا ماجستير ، ما قامت كتاحه في عطبرة وصبت مطره في الضعين.

Quote: صاحبنا شوح عندما قالو ليهو فلان نال درجة الماجستير في الجغرافيا ، قعد يضحك وقال ليهم وهو يتأتئ في الكلام هو دي دايره ليها قرايه ولا ماجستير ، ما قامت كتاحه في عطبرة وصبت مطره في الضعين.

يجازي محنك
والله قعدت أضحك زي المجنونة براي

صباحك يا صاحبي

أنا بحب الكونان شديد شديد
وشاااااااطرة فيها ومحظوظة كما اني اجيد الويست والهارت وكل ألعاب ال(بايشنت) المعروفة
دي سيرة ذاتية يمكن زوا بلقى لي شغل في لاس فيجاس ما بطال برضو

عموماً
رأيك في الموضوع يا الملا ما كتبته
خلي الجهجهة والتسعتين والجوكر
رأيك شنو؟؟

Quote: فتشت عن معنى أسماء آلهتم اللات والعزى فوجدتها أسماء لرجل وأمرأة مارسا الجنس بالقرب من الكعبة، فكان جزائهما أن تحولا إلى حجارة.. وفهمت من هذه القصة أن الكفار كانوا يقدسون الجنس لدرجة مركبة!

خطأ تاريخي فادح . .
الصنمان المقصودان هما (إساف) و (نائلة) . .

تحياتي لست البوست

Quote: فتشت عن معنى أسماء آلهتم اللات والعزى فوجدتها أسماء لرجل وأمرأة مارسا الجنس بالقرب من الكعبة

بخلاف الفلك الذي يدور حوله موضوع البوست ..
أعتقد - والله أعلم - أن اللات والعزى ومناة الثالثة الأخرى جميعها أسماء لنساء تم تأليههن في أزمان سحيقة جدا
عندما كانت الأنثى رمزا للقداسة والربوبية .. والبيئة الوثنية في منطقة الجزيرة العربية هي دفعت هؤلاء القوم
لصنع الأصنام وعبادتها ...

------

تحياتي لصاحبة البوست وكل الحضور

Quote: أنا عندي حالة شعور ب(لا جدوى) الأشياء اليومين ديل،

شعورك يستحق أوسكار وغرامى ذاتو ياخ.




سلامو يابت قضيم , ونحبك فى الله ساااااااااى بس.

Quote: خطأ تاريخي فادح . . الصنمان المقصودان هما (إساف) و (نائلة) . . تحياتي لست البوست

عزان
الف شكر على التوضيح
شخصيا ًنقلت الموضوع كما هو دون تدخل
الفكرة أعجبتني بغض النظر عن الصحة التاريخية من عدمها

شكراً جزيلاً من جديد

Quote: بخلاف الفلك الذي يدور حوله موضوع البوست .. أعتقد - والله أعلم - أن اللات والعزى ومناة الثالثة الأخرى جميعها أسماء لنساء تم تأليههن في أزمان سحيقة جدا عندما كانت الأنثى رمزا للقداسة والربوبية .. والبيئة الوثنية في منطقة الجزيرة العربية هي دفعت هؤلاء القوم لصنع الأصنام وعبادتها ...

شكراً يا محمد
تعددت الآراء
وحاحول ابحث عن مصدر موثوق للتحري من المعلومة

وتحياتي لك أيضاً

ندى الحبيبة
تحبك العافية إن شاء الله
كتر خيرك يا أختي على كلمتك الطيبة،
ما عارفة لو الناس كلهم كانوا ذوق ولطاف وخلوا الشكل والنبوت كان المشكلة وين؟؟
ما أهو ببساطة ممكن نكسب قلوب بعض وبالتالي حنتقبل اختلافات بعض بسهولة ويسر

تسسسسسسسسسسلمي كتير

تغيبي كاااام يوووم وكااام شهر وتجي تخلينا نجي جاريين وما نلقي "هبل"؟؟ ..قلنا بالمرة نلقاهو كمان ...

تحياتنا ...

انتبهت أن هناك كلمة نص محذوفة وهي كلمة (م ك ل ب ظ ة)
ولأول مرة أعرف أن ال( ك ل ب) ممنوع في هذا البورد لو كان هذا المقصود بالحذف يعني

هذا على اعتبار أن هذا الحيوان (عيب) يعني أو ماذا؟؟؟!!!
ولو كان عيب، فماذا عن ملايين المعجبين والمربين لهذا الحيوان الوفي أكثر من الإنسان؟!!
أو أنها شتيمة؟؟
ماذا ذن عن الشتائم ال(المهذبة) المنتشرة هنا وهناك ذي الرز؟؟!!
وعموماً
(بالجد يعني) كثيراً ما استغرب أن يشتم أحدهم شخصاً بأنه (ك ل ب)، والاغرب أن يشتمه بأنه (ح م ا ر)
فأنا شخصياً، عمري ما شفت (كاروين بسوقوهم حمير) بتصادموا في الشارع ذي عربيات (اللكزس) المتصادمة هنا وهناك
ما عرفنا الحيوان منو بالضبط


وعلى كل حال
نعتذر لو جرحت الكلمة (الأدب) العام
واللهم لا تمحنا ولا تبلينا

ابوبكر الصديق
وتحياتي لك

ذكرتني لما البس واقشر واجي طالعة يقوم اخوي الثقيل يقول لي بمنتهى الجدية (انتي ما لبستي لسة؟؟؟!!)
يعني انا بقيت كل يوم (مطنقرة) في المنبر ده ذه حارس الأمن، وتقول لي (غايبة)؟؟؟!!!

وناس (هبل) ديل بنجيهم ورا
كدي خلينا في اللات والعزى الما عرفنا ليهم أصل ديل

يخليك ويطرح البركة فيك يا ابوبكر

Quote: يعني انا بقيت كل يوم (مطنقرة) في المنبر ده ذه حارس الأمن، وتقول لي (غايبة)؟؟؟!!!

لك العتبي يا بت قضيم .... دة كلو من النظر بالرغم من النظارات الليها خمسين سنة ...

بعدين ان متحيير في كل الما برابرة زي كدة وبيقولو لينا "ما عندكم دين ؟ " وتاريخنا كلو لا عندنا لات ولا عزي ولا هبل ولا مناة ...جنس سلبطة ...

اللات والعزى
رب الجاهلية الأولى
والجاهلية الأخيرة
وما بينهما من " جاهليات "
عارفة يا بت قضيم كنت لا أفوِت خطبة الجمعة في بلادي
من بدري نحجز قداااااااام حين كان مجذوب حاج سعيد بكسلا ود. عصام البشير بالخرطوم
وحينما أتت بنا الدنيا إلى بلاد منبع الإسلام كان حظي جميلاً وأنا أجاور مسجداً بجدة يؤمه عالماً شاباً نابها بشوشاً راكز العلم والمعرفة خطبته تهزكـ بالمعرفة الجديدة وخوف القناعة
كل جمعة كانت رصيداً معرفياً جديداً ، غير متطرف
يجهز الموضوع جيداً في رأسه
لا يقرأ من ورقة كلمات بدون إحساس
ثم دارت الأيام واحتوتني الرياض متنقلاً بين ثلاثة أحياء فيها
رأيت عودة اللات والعزى بين مقاصد خطب الأئمة
خُطب لا تضيف رصيداً لجاهل
تكون متضايقاً من القول والشكل والطريقة
خُطب :

Quote: تكرهنا فيها، تماماً كما كرهنا (الإرهاب) في (الحق الديني) و (مشروعية الجهاد)

خُطب آخر دعواها أن اللهم أخسف بهم الأرض ويتم أطفالهم وأجعل أموالهم غنيمة للمسلمين
وأموالهم سيارات تنقل الأئمة للمساجد ومكيفات تلطف لهم الجو ومطاعم تغريكـ بما تيسر من دعاية
صدقيني أحرص الآن أن أصل للمسجد قبل انتهاء الخطبة بدقائق
مخافة أحاديث اللات والعزى بثوب الدين الجديد .

يا عمران ياعزيزي ..قرءت المقتبس ادناه في الويكيبديا فهلا تاكدت لي من صحته فكون الويكبيديا قاموس مفتوح لا يجعل من كل الذي ينشر فيه صحيحا تماما ...

Quote: ولقد تنبأ النبي محمد بأن تعود عبادة اللات والعزى ثانية. فقد روى مسلم في صحيحه: ("لا يذهب الليل والنهار حتى تعبد اللات والعزى". فقلت: يا رسول الله ! إن كنت لأظن حين أنزل الله: { هو الذي أرسل رسوله بالهدى ودين الحق ليظهره على الدين كله ولو كره المشركون } [ 9 / التوبة / 33 ] و[ 61 / الصف / 9 ] أن ذلك تاما قال: "إنه سيكون من ذلك ما شاء الله. ثم يبعث الله ريحا طيبة. فتوفى كل من في قلبه مثقال حبة خردل من إيمان. فيبقى من لا خير فيه. فيرجعون إلى دين آبائهم").

ابوبكر
اي (برابرة) تقصد؟؟
أنا غايتو معظم النوبيين العرفتهم، ما وجدت عندهم فكرة (سب الدين) المشهورين بيها أهل المنطقة إلا نادراً،يمكن كان زمان والله أعلم، لكن في مفاهيم دينية مغلوطة كتيرة عندهم خصوصاً النساء منهم

وبالنسبة لتاريخ الوثنية في النوبة القديمة، فحسب ما أعرف انكم عبدتم الشمس، والأصنام كذلك في فترة من الفترات
مش ناس (آآآآآآآآمون رااااع) بتاع مسلسل رمضان داك قال هذه الحقيقة من قبل؟؟
يمكن ما عندكم لات وعزى الأسماء هذه بالتحديد، لكن ما بفوتكم باسماء تانية اكيد
قال سلبطة قال

وبالنسبة لوكبيديا فاحذر ان فيها الكثير من المغلوطات، وحالياً، معظم المؤسسات التعليمية البحثية الكبرى، أصبحت لا تقبل بأي بحث مصدره وكبيديا، أسألنا نحن ناس البحث ديل
(والله تعلم) يا قولكم

Quote: ثم دارت الأيام واحتوتني الرياض متنقلاً بين ثلاثة أحياء فيها رأيت عودة اللات والعزى بين مقاصد خطب الأئمة خُطب لا تضيف رصيداً لجاهل

يا عمران أخوي
ومشكلتهم كبيرة شديد معانا نحن معشر النساء، نحن معشر الفتنة الكبرى
غايتو إمام الجامع الجنبنا متخصص حريم
كيف نلبس وكيف نقلع وكيف نقوم وكيف نمشي وكيف حتى نسرح شعرنا
أنا مرة في منشور يوزع هنا وهناك باسم شيخ كبير (رحمه الله ماعايزة اكتب اسمه)، كاتب فيه (بخصوص تسريحة المرأة الشرعية)
سبحان الله
هي أن تفرق رأسها من الوسط وتنزله ضفاير (حلااااااتها)
يعني الماعندها شعر حقها راح، يعني ثلاثة أرباع نساء السودان، ما شرعيين

هذه السطحية (الوهابية) التي يتعاملون بها، مش الدين الإسلامي دين السماحة و(اليسر وليس العسر)

أخبرني صديق (حلفاوي علي فكرة) أنه إمام جامعهم مرة، وهو يقرأ خطبه من كتب قديمة، ذكر فيما ذكر، الملك فاروق،(على أساس إنه ما زال موجود يعني)
في التسعينات الكلام ده
هناك عقول متحجرة مقفول عليها بالضبة والمفتاح، تعبد (الحجارة) في شكل أفكار عقيمة لا تودي ولا تجيب، والمشكلة في ناس مبسوطة تتبع، عهد ال(إمعات)، مريحين روسهم من التفكير ودافننها في الرمال، أسهل يعني
وأفكار من نوع(لكم دينكم ولي ديني)
فهي مجرد (شعارات) هتيفة
للمنظرة وليست للتطبيق
خليها على الله يا عمران

سلمت أخوي

بت قضيم قضم الهزبر أُذنك اليسري حتى لو فيها حلق دهب أو فالصو لا فرق ، يا زوله شنو طلعتينا من الجانب السياسي إلى الجانب الما سياسي شوفي عاد حته المرا وشق الشعر دي كان بدعه كان حرام نساؤنا ما بقدرن عليها لأنه بصريح العبارة رقيص ما عندهم ليهو موسيقى تصويرية فلم تفلح كل المحاولات منذ قديم الزمان أيام إختراع الودك مروراً بزيت الكركار وإنتهاء بزيت ساق زهرة كوكب زحل ، أها والحال كذلك كان لابد أن ييسروا مراعاة لظروفنا وفي رواية أخرى هذا جناه على أبي ، فأبي عليه رحمة الله لو كان إسكندنافياً أو هندياً أحمراً أو هندي عادي من الذين يلولحون رؤوسهم عند الموافقة أو التعجب او التأثر حتى ، كان شعرنا نمشي بيهو الحلاق وكان بدل الشامبو في حمامنا يكون في كمية بتاعت شامبوهات ما تديك الدرب وكان ديك يا الأمشاط ولا مانع بمجفف الشعر الزي الهوفر داك آآآي سيشوار بشرط مراعاة الكهرباء وحرارة نص نهارنا.
بت قضيم من زمن أسكت أنا ماشي بي قول كريم مأثور في شأن تقبل الفتاوى ألا وهو "إستفت قلبك ولو أفتوك" ومن يومها وأنا مرتاح الداير يحرم على البرمودا اليحرما والداير يحرم على التي شيرت أب صورة أو كتابة فليفعل .
بت قضيم في قصيدة أو أغنية ما عارف كانت تغني في الجاهلية في الحفلات وبخاصة في رأس السنة الجهلولية وكان يؤدي هذه الأغنية فنان وهم صوته لولا الساوندسيستم لما سمعه العازفون المهم مطلع هذه الأغنية بيقول
بحق اللات والعزى وحق هبل
وحق مناة وحق الضجة الكبري
إذا حمل النعش فسيري خلفه خطوه
وبإسم الحب فأقطفي زهرة
صحيح أن الأغنية رومانسية بالرغم من أن الإختلاط كان ممنوع في ذلك العهد غير أنها كانت منتشرة بالقدر التي كانت تكتب على الحافلات والركشات في تلك الأيام
راجع بس لوكي الصبر أو أى نوع من أنواع اللبان إن شاء الله لبان بخور.

Quote: صحيح أن الأغنية رومانسية بالرغم من أن الإختلاط كان ممنوع في ذلك العهد غير أنها كانت منتشرة بالقدر التي كانت تكتب على الحافلات والركشات في تلك الأيام

اتارييك مولاعمر صدج ... هو عشان الاختلاط كان ممنوع اللات والعزي ومناه كانن انثي (انت انثي جمعها شنو ؟؟ عربيكم دة خربطنا وايد وايد ).....
حافلات بسنام ..مش ؟؟

يابت قضيم

Quote: يمكن ما عندكم لات وعزى الأسماء هذه بالتحديد، لكن ما بفوتكم باسماء تانية اكيد قال سلبطة قال

ابداماك بس ....... وبعديين في زمن ما كان الاعراب في جاهلية النوبيين كانو موحديين .. وبعدين موسي من اندنا ....

اما فيما يخص وكيبديا فانا لا اعتمد عليها ولي سابق خبرة كمحرر نوبيNubian Editor في اول انسكالوبيديا شرقية Lexicorient.com في بدايات تحرير الانترنيت في منتصف تسعينات القرن الماضي يعني لما كنتو في ال كي جي

Quote: وقد كنت كمراهقة منكوشة حوصة ما في زول شغال بيها، معجبة بيك شديد ومزبهلة بشهرتك وتميزك الغريب بين الناس

طيب دا مش ياهو زمن "الجاهلية" زاااتو؟

انا بعرفك بعد كركبتى وبقيتى تغنى "الليلة الصدمة علىّ شديدة"

(مع الإحتفاظ بحقوق النص للراحل الأستاذ الفاضل سعيد)








.. المهم ....

Quote: تبارك الذي بيده الفرشة

و الله الا يكون بحك بيها ضهرو . . يعمينا و يطرش الجيران

Quote: شكراً لحضورك الحيجيب للبوست ده الهوا

اني ارى طاقية مغزولة بماء العشم . . و إني لصاحبها

و الله ما عندي حيل ذاتو لتدرع المزيد من الطواقي الطايرة . . و لا بقدر على محن طبارك الذي بيده طبز عينو دا . . لكن دخلت مغرض
تحديداً غرضين - يا ربي !؟ - للضمان كدا نقول تلاتة . . اليومين ديل ازول الحساب جاط ليو!
اول هام العفو منك على طاقية المعيار . . و كلامك هناك كان في محلو و وقع لي تب . . الحالة برا مذاكرة !؟
اها دا الدخلني هنا و الله العظيم ثلاثاً ما طبارك دا . . . البوست دا سمح بالحيل و كلامك زين
سانين - نظام الود غمران ؤ كدا ، الظروف ما معروف امكن احتاج للتالتة ؟ و التالتة واقعة زي ما معروف - اها اضيفي للستة دي :

Quote: تبدل موقفي تجاههم بمرور الوقت ولكنني اكتشفت أن الأصنام ما زالت بيننا وأنه هناك من يعبدها، تحولت الأًصنام من حجارة إلى أفكار وبقى الجهل متألقاً في عقل وقلب الكثيرين، عبدة هبل واللات والعزى أصبحوا عبدة المال والشهرة والاحتكار والروتين والسلطة والمنصب.

اضيفي ليهن عبدة ( النصوص ) و مقدسيها - طبعاً غير النصوص المقدسة - نصوص البشر

اها قصرنا معاك ؟

بوست سمح بالجد
و اسلوبك آسر


--------------

و الله يا تبارك لو خليت الرواشة بجي منك . . ياخ بوست الخنتيلة دا اتقطعت فيهو دغريييييييييي

Quote: اضيفي ليهن عبدة ( النصوص ) و مقدسيها - طبعاً غير النصوص المقدسة - نصوص البشر

Quote: و الله يا تبارك لو خليت الرواشة بجي منك . . ياخ بوست الخنتيلة دا اتقطعت فيهو دغريييييييييي

يا زول اثبت على معيار واحد ... نعبد ولاّ نتقطّع (ولاّ نطبظ)







... المهم ...

Quote: يا زول اثبت على معيار واحد ... نعبد ولاّ نتقطّع (ولاّ نطبظ)

تبارك الذي لفح الطواقي كلها

انت دوس ساي ابوي . . ليس عليكم معيار ، و لا هم يحزنون من طبظاتك . . .

قديماً قيل : البشيل كل الطواقي بتغتس حجروا . . يا زول خلي لغيرك طاقية معاك ياخ !
لو استثنينا تصليحة " مغتى " لي " مغتغت " . . طاقية عبادة النصوص انت تبرا و تسكن جبرة ابوي منها.
ياخ اسي ضيعت لي مجهودات نسجي ساي
كب نقوم ننسج طواقي غيرن



------------

واصل يا عمك في وصف الخنتيلة . . بالجد تتبارك ما تتشارك

Quote: واصل يا عمك في وصف الخنتيلة . . بالجد تتبارك ما تتشارك

تعرف ...

وصف الخنتيلة ما ساااااهل كدى عشان اجر نفس طوييل و أورررر ... اكشح الكلام ... الخنتيلة هبشت حاجات كتيرة فى حياتنا ... وانا طبعاً شغال فى قانون "الكلمة اطول من العمر" .... وأصعب حاجة لمن تزدحم فى راسك الأفكار لغاية ما يغلبك ترتّبا وتكتبا ... لاكين النص بيستحق "العبادة" وعندنا فروض لابد مؤدينها ...






.. المهم ....

جاييييييك



وحاتك جاييك


حالة صعبة

Quote: جاييييييك وحاتك جاييك حالة صعبة

انا زاتى ماشى عليك بى هناك ... اتشطّف ...







... المهم ....