مقطع فيديو .. من حفل الزفاف .. إهداء الى الاحباب

مقطع فيديو من حفل الزفاف














--
محبتي للجميع ..

انعام
حاجة جميلة وتستاهلي الف خير






تهانينا لكل الحيموراب

يستاهلك الخير يا وليد ..

وتحياتك باذن الله تصل للحيموراب الهجاجين

دكتوزر ابراهيم كوجان .. منور والله

السيد المسلمي هجيج شديد ..


عثمان ساردية الله يديك العافية زوج اخلاص الفحل (أخت ماما دومة) ربنا يقدرني على جزاكم ..

الحاجة حنانة (أمي) مهججة الله يديها العافية ويخليها لينا ودائما بتتمنى لينا السمح وبتسوي لينا السمح .. العرس كلو كان من إخراجها ..


مزمل ابو القاسم وزوجته ..

ست الهجيج الحيمورابي .. خالتي حوة حيمورة ..














----
والحالة موصية الناس ما تهجج شديد عشان الناس ما يسحرونا ،،، بقت ستو(هههههههه) ..

اها أخيرا دا حاتم حيمورة .. أخو اشراقة ..



وبجيب ليكم رقصة اشراقة برضو




ودي عادة الحيموراب .. كل زول بجي يديك رقصة .. ههههه










--
والله اليوم داك فترت من الرقيص ..

تستاهلي الفرح الجميل--تستاهلي الفرح المقيم--والابتسامات المعادة--والتهاني لاهلك ناس السجانة الزمان --والي صديقي عبد الله حيمورة--مع تيحاتي لاهل السجانة --حيث دفء التواصل والمعاني و الاغاني --الكامل

نعومة .... فى داعى للحندكة دى يااااخ ... منعنا الشديد القوى من الحضور .... رسلنا تهانينا مع الجماعة ..


وهسى بنعبقا بدعوات صادقات ... اللهم أجعله زواجا مباركا ... وتغلبيهوا بالعيال ويغلبك بالمال .. بركو من صلى وقال يا الله ..





ودجبريل

حندكة شديدة مش ؟










--
والله فقدتك خالص .. سلم على الحلوين ..

والله يانعومه عسل بس .. هجيج ما بتعوض ..

ودي خالتي حواء البترقص معاك دي ..؟

وماما حنانه قاعده .. صاح .. والله لسه شباب ربنا يحفظهم ويطول عمرهم ..

يا زولة طالبنك هجيج ذي ده .. لكن متين الله يعلم ههههههههههههه

تاني وتالت ورابع بنارك ليك يا عروستنا الغالية انعام ونكرر بيت مال وعيال ..
وفعلا فرحك كان استثنائي وكل الحضور كانوا اهل ليكم والفرحة كان تطل من كل العيون ...
ربنا يهنيكم ببعض وعقبال نبارك ليكم المولود ...





______________________________
المعيار يا ودالصايم : انعام اختنا لله في الله ..

العوض والله فرحتك انت وناس بيتكم براها بتكفي ..


الله يديك العافية وعقبال المسلمي وتسابيح ولحدي عبير ..



والله نشكركم كيف ذاتو ما عارفين ربنا يقدرنا بس على جزاكم ..


محبتي الاكيدة

يا سلام يا انعام

بت حلتنا

وجارتنا


المزعلني


اني ما حضرت


لكن زي الحضرنا


يا سلام عليكم يا انعام


وربنا يسعدكم


ويديكم المال والعيال وراحة البال



آمين يا رب العالمين

اووو ود حلتنا ..

ازيك يا جمال يا رائع ..


والله دائما الزول بتذكر الناس القراب وحنان في مناسبات زي دي ..


خلاص نعوضك بس تعال ..

مليار مبروك مجدداً


يا زولة يا رائعة يا اصيلة


ونسمع عمًا قريب بقدوم فارس حمورابي

فترنا زاتو من حركاتكم دي!!

والله يا ود الصائم انت بالذات من المعنيين بهذا الفيديو (حلوة دي مش) ههههههههههه

وهسة بظبط في واحد حق هجيج ناس المحارب احمد حنين والعوض بس ارجاهو امكن ينزل بكرة ..


والله فقدتك في الهجيج دا ..








وبعد دا كلو شفت اليوتيوب ولا الا من البيت برضو هههههههههه




والله مشتاقين .. امشى الفيس بوك شوف صور ناجي حقت حفلة امبارح مبالغة في الشامبيون بس ما جابوا اللايت ههههههه

آمال المغسة شاقاني في شنو؟
ما ياهو الفيديو زااتو ما قادر أشوفو إلا لمن أمش البيت!
والفيس زاتو ما بفتح عندنا إلا بعد الساعة 4


غايتو لو ما المعايير كان الواحد عمل ليكم حاجة ما كويسة!

نعومه عسل بس

ربنا يغطي عليك ويسعدك انت وازهري ويتم عليك نعمه جميعا.


فاتنا بس!

عفيت منك يا نعومه.. ... ربنا يسعدك ويفرحك كمان وكمان...


بكري ياخ مادايرين باسورد للعريس عشان يجي يشاركنا... هو ما ناسب ناس حيموره براهم.. ناسب معاهم سودانيز اونلاين كلها

الف مبروك يا انعام
بيت مال وعيال
وتستاهلي كل خير
ربنا يهنيك ويسعدك ويجعل كل ايامك افراح

تهانينا لكل الأهل وخااااصة الود علاء الدين .

أمير الجمري ..
الله يبارك فيك يارب وعقبال اولادك قول امين







---

كيفك يا ملك والله احزننا جدا وفاة نايلة عبد اللطيف البركة فيكم يارب

زي العسل




ألف مبروك تاني وتالت تسعدي وتتهني ،،

الاخ تيسير عوووضة ..

ولى زمن الشاويش عطية أتخيلي ... هههههههههههههه


والله بقيت جادة جداد مسئولية وبيت وطبيخ حضري داك واعملي داك .. غايتو وووب علي من غسيل العدة ..


الحنة تدفعي فيها 50 جنيه واسبوع ما بتقعد .. ياحليل زمن ما بحسبا كلو كلو .. هههههههههههه



والله مشتاقين .. الله يبارك فيك يارب ، تحياتي الى لنامهدي ..

سلام يا عروستنا

ياخي دا عرس لقطة وحدث الموسـم

ألاف التبريكات

تستاهلي يا بنت العـم



أحمد الشايقي

احمد الشايقي يا ابن عمي يستاهلك الخير قول آمين ..


زي ما قلت ليك قبل كدة فقدنا ناس الدويم والله ..


ان شاء الله دائما في الافراح

Quote: عفيت منك يا نعومه

ايوة يا مريومة دا كلام صاح مش نوع اليقول ليك العروس خفيفة ولفيفة ياخ خفة شنو دا فرحك ياخ تهجج في فرح الناس وفي فرحك تقعد تتطوطح ههههههههههههههه

جني وجن العوارة دي ..

بس اقول حاجة في دق الريحة بالدنقر كنت رابة ربة شديدة في البيت بنزل ليك مقطع منو لي قدام ..


اها في الحنة قلت يابت اعملي ليك حركة كدة والله الناس لما اتوهموا فيني .. جادة جدية وبعاين ليك للناس شذراً (حلوة شذراً دي) أها كنت قاصدة الحركة وبي جواي بضحك بس كنت عايزة اشوف تعابيرهم كيف ؟؟

اها شويتين كدة الجماعة عملوا ليك دايرة وقعدوا ليك في الوطة وتعالي شوفي العفو الصحي صحي لووووول

هههههه

شكرا يا مريم ياغالية


اما بخصوص الباصويرد فخلينا كدة حلوين .. هههههههههههه

تراجي يا صاحبتي ..

ازيك وكيفك ..

شكرا شكرا ..

عارفة انا بهجج في أعراس الناس كلها أها في عرسي ما أهجج (مش عليك الله ) ههههههه


اها الحيموراب ديل كلهم هجيج ..

والله قبل العرس في بيتنا كان في (5) حفلات الخمسة انا قاشة فيهم (4ِ) بي عبايتي والذ شي كلهم بي غنايات والواحدة ما بتكون عارفة انا العروس لما يكلموها تنطط عيونا (هههههههههه)


محبتي

----
الخامسة الماحضرتها دي كان فيها ازهري وانا كنت مصرة انو ما الاقيهو الا في يوم العرس وهو جاء الخرطوم قبل اسبوع ..

السيدح ..

الله يبارك فيك يارب ..

شكرا شكرا كتير ..

آمين يارب

ايوة يا عفاف دي خالتي حوة شفتيها ..


حنانة قالت حوة تقول لينا ما ترقصوا وهي اخدت راحتها بالكامل يعني غشتهم ههههههههههه

والله الله يديهم العافية ويخليهم لينا ..


بس انتي تعالي وبريك الهجيج حق الديم الاصلي داك .. تتذكريه .. الولد الضيعف الرقاص صاحبكم داك نسيت اسمو منو ؟

ياخ كانت ايام عجيبة ..

ألف مبروك للاخت/إنعام وزوجها ازهري

بالرفاء والبنين.

Quote: السيد المسلمي هجيج شديد ..

والله يانعومة كنا عايزين نطير من الفرح ..
الف مبروك .. وربنا يرزقكم بالبنين والبنات ..
وتحياتي للعريس أزهري .


ـــــــ
لقيتك شيالة حال

Quote: والله اليوم داك فترت من الرقيص

على منو الكلام ده يا علووووب

لو قلتى ازهرى ممكن نصدقك ....




،،،،،،،

اهم شى العريس ده ما يكون سكنك بره الصحافة

مبروك بيت مال وعيال ..

عسل عديل

إنعام ألف مليون دشيليون مبروك
ربنا يهنيكم
ويسعدكم
بس سؤال وين أبو الزهور؟؟
تحياتي

الفيديو ابى يفتح عندي غايتو
لكن من هسي لحدي ما اشوفه عضامي واجعاتني
كان نفسي احته معاكم

الف مبروك
بيت مال وعيال
وربنا يهنيكم ويسعدكم

نعومة يا عسل
الف الف مبروك وانشاءالله بيت مال وعيال
وانشاءالله دائما فرحانة

مبروك ليك يا عروس......الله يديم عليكي نعمو ويسعدك ويهنيك .......

عجبتني فرحتك وتعبيرك اللطيف التلقائي الأصيل عن السعادة.......
و عجبنى أكتر اهتمامك بأن يشاركك الكل سعادتك هذه بهذا المقطع......

.....آلاف التبريكات القلبية.....والفرح لحظات معدودة نسرقها عنوة من حنك مصاعب الحياة وصراعاتها ومشغولياتها ....فافرحى عزيزتى واسعدى.....

....مودتى

Quote: بس انتي تعالي وبريك الهجيج حق الديم الاصلي داك .. تتذكريه ..

اوووووووك يا نعومة ايام لا تنسى ..

الاسبوع الفات انا وعباس حيمورة .. و وائل مصطفى خليفه ولد سميه ومعاهو زوجته ..

نتذكر ليك في الحاجات العجيبة ديك وهاك يا ضحك .. طبعا زوجة وائل استغربة ..

تلقيها قالت في سرها العصابة ديل شنو الوقعته فيهم ديل .. هههههههههه

ايما حلوه والله يا نعومة ..

وربنا يديم الافراح يارب ..


لكن بيني وبينك .. زي فرحك ما حصل .. فلته .. ما شاءالله ..

شكرا يا شيراز على كلامك الرصين الحلو المرتب .. ياخ انتي كتابة اظن جبدك الوالد ..


نقول عقبالك ولا ...


مودتي

مبروك ليك يا عروس......الله يديم عليكي نعمو ويسعدك ويهنيك .......

عجبتني فرحتك وتعبيرك اللطيف التلقائي الأصيل عن السعادة.......
و عجبنى أكتر اهتمامك بأن يشاركك الكل سعادتك هذه بهذا المقطع......

.....آلاف التبريكات القلبية.....والفرح لحظات معدودة نسرقها عنوة من حنك مصاعب الحياة وصراعاتها ومشغولياتها ....فافرحى عزيزتى واسعدى.....

....مودتى

Quote: وانشاءالله دائما فرحانة

والله الحمد لله يا احلام غايتو دائما بكون فرحانة حتى في احلك الظروف والمواقف بتلقيني فرحانة غايتو القلب ميت اظنو .. ههههههه


الله يبارك فيك يارب

كيفك وكيف الباشا محمد السني ..

طالباكم جية لمن تجوا ، كويس !

مودتي ليكم الاتنين

عبد الرحيم ابراهيم العبيد

الله يبارك فيك

اللهم امين يارب


شكرا كتير ليك ..

Quote: لكن من هسي لحدي ما اشوفه عضامي واجعاتني كان نفسي احته معاكم

مغستك كوم ومغسة ماما دومة كوم تاني (ههههههه)


خلاص ليكم علي أعيد ليكم العرس كله بي فطور العريس بس تعالوا



والله ناصر جبريل ما قصر ياخ ..

Quote: بس سؤال وين أبو الزهور؟؟

يا خالد أبو الزهور قاعد بس ما بعرف ارقص أها انا قمت باللازم بدلا عنه هههههههههه



شكرا يا ملك

نجلاء سيد احمد والله الانتخابات حرمتنا شوفتكم انتي وبخاري ياخ ..


تسلمي

Quote: على منو الكلام ده يا علووووب

والله يا عبد الدائم بعد كلامك دا اتذكرت انو علوب ما جاء العرس واظن عشان كدة اكون حليت محلو ياربي هههههههه

والله ربة فاتتكم بس ..

وازهري ما عندو اي علاقة بالرقيص يعني انا غطيت حقوا وحقي (طابق)



والله سكنا قريب للصحافة حتة جديدة اسمها (الشهيد طه الماحي) على نواحي جبرة تعال اشتري ليك فيها قطعة ههههههه

تحياتي للجميع

Quote: والله يانعومة كنا عايزين نطير من الفرح

وانتو يعني ما طرتوا يا المسلمي (عايزين) ..

ياخ انا شفتكم بطنططوا قلت الناس ديل طايرين وين ياربي من الفرح دا ههههههههههههه


والله عجبني فرح الناس شديد وبالجد كان العرس بيكم احلى



---
قلت لي الغناية الجابا منو ؟ هههههههههه

بشير احمد
الله يبارك فيييك قول آمين


واللهم آمين ياااارب

الف مبروك يا انعام حيمورة لك وللعريس
سعادتك زادتك جمالآ على جمالك

كده كيف يا عروس ؟
الف الف مبـروك

الف مبروووك العزيزة انعام

وللعريس ازهري

ربنا يسعدكم كمان وكمان

سيف

الاخت العروسة بت حموره الف مبروك ، تستاهلى كل خير ، صنائع المعروف التى قدمتيها للناس ارجعها لك الناس حبا ووفا،

ابنى الجعلى الصغير( على ) ، قال لو حضرت العرس ده كنت خليت عمى العوض المسلمى ادانى كم صوت عشان خاطرك خاصة بعد ان سمع اغنيه يا البلالى . الف مبروك وربنا يسعدك فى الدارين .

الف مبروك, انشاء الله لمن اجي السودان اجي ابارك ليك و اشوف الشريط لانه دي كده حندكه ساي.

نكرر التهانى والدعوات الصادقات ..

ربنا يهنيكم ويرزقكم صالح الولد ..

احلي عروس والله .. احلي هجيج
جني وجن العروس البتتعسم يوم عرسها وتتحرك زي الرجل الالي
وتلقي باقي الناس اخر هجيج .. وناسيه انه دا يومها وانها صاحبة الفرحه الاولي


الف مبروك يا انعام
غايتو فاااااااااااااااااتنا

الف مبروك الجميله انعام حيموره


صدقيني في احدى صور البوست بتاع داليا الكباشي انتصار بورداب الخرطوم على الرياض اكتشفت انو زوجك هذا هو ابن فريقنا وولد حلتنا الانسان الذي يفوق في إبتسامته وظرافته ودالصائم بهناك البشوش الضحوك ازهري بيضاب


نعم الأخ الكريم فهنئيا لكي اختي انعام بالاستاذ الرائع أزهري بيضاب



وبلغيه تحياتنا وقولي شوف لأحمد بيضاب معاك حيمورابيـه عشان تعيشوا في سعادة ابديـه


وبالرفاء والبنين انشاء الله



ابومصطفى

ألف مبروك يا انعام ..
والله فرحنا ليك شديد..
التهاني موصولة لأزهري وللغالي علاء حيمورة ..

الحورية عروس النيل
التهانى والتبريكات لكم مجددا
وامنياتنا لكم بحياة جميلة وسعيدة
بصراحة الواحد يحسدك على اجتماع الاحبة حولك
ومقتنع تماما انه عندك ملكة ومقدرة عجيبة
فى تحضير الارواح وجمع الناس من حولك ..
مبارك عليكم القفص الماسى وانتم بداخله
الذهب واللؤلؤ والمرجان ...
تحياتى لافراد الاسرة


كسرة : راجعى الماسنجر

ملايين التهانى

جعله الله زواجا مباركا ميمونا


والف مبروك لآل حيمورة جميعا.

Ya Iniaam

wallahi alf alf mabrook

a7la 3ros wa a7la 3iris... masha allah
mbroooooook

شكراً يا عروس على إشراكنا في هذه البهجة ..

الحفل أجمل من رائع ..

وأكيد العروس والعريس من أهم عوامل هذه الروعة والبهجة ..

مبروووك وأكثر يا إنعام ..

تستاهلي كل جميل ..

بيت مال وعيال وسترة حال ..


خالص الود ..

جاد

الف مبروك انعام


بيت ومال وعيال ان شاء الله

مبروووووووووووووووك

الف مبروك وربنا يسعدكم

ألف ألف مبروك من القلب..


مشهد بسيط، ولكن ولجنا قلب العرس، والأهل والمحبة، ..

أللهم اجعله زواج مبارك، سعيد، مقدس..

لكن راقصة شديد (كم وش باسم)، والفرح يتطوع من الأهل مثل الموسيقى..


تحياتي لكم، ورابطة سعيدة، ولكم مسرة العشق، ودفء الرباط، وسعد الأحلام..
تحياتي وألف مبروك..

كيف اصبحتوا


اها جبت ليكم عرضة البوداب ..

أحمد حنين والعوض المسلمي وعمر صديق (رغم انك يا عمر عراض لكن في عرسي دا مالك ما شفتك ناطي لي فوق ..

اما عمك وهبة بعرضتو دي براها ..

مقطع فيديو من حفل الزفاف - الجزء الثاني













--
يلا يا كبسور ظبتوا

الف مبروك ليك ولعموم الحيموراب..
لم اكن محظوظا في الحضر..
بيت مال وعيال انشاء الله

Quote: اما عمك وهبة بعرضتو دي براها ..

يتخيل لي اخونا وهبة يعيش اخر ايام ( عرضاته )

لانو الرطوبة الان ماسكة في الرقبة وبعد شوية بتمسك في الكرعين

ألف مبرك وربنا يهنيكم

بالإنابة عن كبسور

Quote: بالإنابة عن كبسور

ما بتقصِر .. يقصِر الملح

Quote: ربنا يسعدكم كمان وكمان

سيف اليزل برعي

الله يخليك يارب ويسعدك برضو شكرا كتير

معاوية كبسور البورد

الله يبارك فيك

عقبالك ياود امي

عادل عثمان ..

الله يبارك فيك و شكرا شكرا كتير كلامك حلو عجبني وسر بالي ههههه


تسلم

انعام الخير

حتماً تستاهلين كل خير
ربنا يسعدكم ويهنيكم
ويسبل عليكم ستره
ويغطيكم بمحبته
ويزين عشكم بالذرية الصالحة

الف الف مبروك انعام بيت مال وعيال انشاء اللة
يازارعة الفرح وشايلة هم الناس تستاهلى كل خير
يازولة كلك انسانية ربنا يسعدكم ويهدى سركم امين.

انعاااااام الف الف مبروووووك

وحاة الله البشوف تصديك لعمل الخير يقول دي مولانا ساى ما بتعرف ترقص لكن لقيتك جامعة الدنيا والاخرة

فهنئيا لك اختي انعام وهنيئا للاستاذ الرائع أزهري بيضاب

هل العريس قريب الاستاذ الزميل بيضاب زوج الاستاذة المحامية سوسن؟

التهاني للخالة حنانة وجميع اهلنا الحيموراب

اطيب امنياتي

بت حيمورة

الف الف مبروك

وتستاهلى كل الخير يا ست الخير

مبرووووووووووووووووك وبيت مال وعيال
بس كنا عايزين نحضر الجرتق

حلاتك يانعومة ماشاء الله ان شاء الله دايما فرحانيين.

ربنا يهنيكم ويسعدكم.. ويرزقكم الذرية الصالحة...

:).


تهانيي وتحياتي لكل آل حيمورة.

السلام امانة يا انعام ياحبيبة...

:).

الأخت أنعام
ماشاء الله
ألف مبروك وربنا يسعدك٠
ولك وللعريس ودى وأطيب الأمنيات

Good indeed and great ceremony


Wish you all the best Inaam

My arabic keyboard hardan

Your wedding made Alsahafa much prettier

الف الف مبروك يا انعام
وربنا يسعدكم ويهنيكم

الف مبروووك العزيزة انعام

وللعريس ازهري

ربنا يسعدكم كمان وكمان

وبيت مال وعيال وصفاء وهنا

وان شاء الله العديلة تقدمه وتبراه

وتستاهلى كل الخير والسمح يا نعومة

والتهانى موصولة للوالدة وكل الأهل

تحياتى

مبروك يا نعومة ..

تعجبنى العروس البتبتهج يوم عرسها ..

و يعجبنى صاحبات العروس لامن يكونن مقدرة ..( على قول خالتى ) ..

وناس سودانييز لامن كالعادة يكونوا حضور و حضور ..

العزيزه انعام....

ملييييييييييييييييييييييييييييون مبروك وبيت مال وعيال
وربنا يسعدك ويهنيك يا رب

الاحباب

المقطع الجاي والاخير حا يكون مقطع من الزفة وكانت فكرة الزفة مختلفة شوية عن باقي الزفات لانو مافيها رقيص (أسلو) ..

طبعا عارفة ليك أبو الزهور أشتر ما شديد لكن أشتر وبيني وبينكم كدة انا ذاتي مابحب الاسلو ..

اها قمت رسمت الفكرة في رأسي والحمد لله نفذت وادواني رايكم ..


كلمت الموسيقار ومشكور جدا جدا جدا (عثمان محي الدين) عشان يجي يعزف لينا أغنية مبروك عليك الليلة يا نعومة وصراحة كدة في العرس دا عذبتها ليك عذاب (مش أغنيتي) هههه

كل الزفات تمت بالاغنية دي ابتداءاً من دق الريحة وكان (بالدنقر) ومافي طريقة اجيب مقطع لانو البنات ماخدين راحتهم وكدة .. وكذلك الحنة برضو الزفة حقت الحنة كانت بي غناية وبرضو جيت داخلة بي مبروك عليك الليلة يا نعومة ..

اها فكرت الزفة من ننزل من العربية نبدا نبشر للناس والنادي في شكل دائري نكمل الدائرة وبعدين نجي للكوشة ..

ومن خلفنا كان كل ناس العائلة القراب امي وابوي واختي وبناتها واخواني وبنات خالتي واولادهم وكدة ..


اها حا أنزل ليكم منها المقطع لمن وصلنا المكان الموجود فيه البوداب ..


محبتي للكل وانتظروا الفيديو في النار ..

الـــــــــــــــــــزفة

مبرووووووووووووووووك والله اول مره اشاهد الفيديو



انشاء الله اسجل ليك زياره قبل اسافر











_______________________
ممكن رقمك في الماسنجر
تحياتي

رقمي كان كتبت رقم انعام حيمورة في قوقل بجيك هههههه

لكن ما عندك مشكلة 0912884384


الله يبارك فيك وعقبالك يا ولدي

Quote: الله يبارك فيك وعقبالك يا ولدي

بعد كدا ليك الحق تقولي لي ياولدي هههه

تسلمي وبحياتك انشاء لله

وعقبال نشوف جديدك

إنعام الخير والمحبة

والله فرحتنا معاك لا تحدها حدود

لك وللأستاذ أزهرى مليون تحية وتهنئة

وتقبلى تهانى الزوجة العزيزة مها مصطفى

العزيزة انعام
كان الود ان لا تكون عبارات إسفير
وتهاني شاشات
ولكنها أحوال الغربة التي أبت إلا أن يكون حالنا يغلفة حزن البعد عن إلفة الأهل والأًصحاب
لكي يا سيدتي دين على رقبتي بأن أصًلكـ في بيتكـ فرِحاً لفرحكـ
أسأل الله لكمـاالتوفيق

نعناعة والله انتي تستاهلى نعيم الدنيا كلو
يا فرحة الاهل بالعديل والزين
المقاطع دى بالجد تديك احساس كنامعاكم و مهججين لحظة الحدث
غايتو انا حفلتى لو بعد سنتين لو الله حيانا بنعملا تانى
تستاهلى وتستاهلى وتستااااااااااااااهلى يا طيبة من بطن الطيبين
الف مبروك عليكم انتى والعريس ازهري ولكل آل حيمورة وآل بيضاب
بيت مال وعيال يا رب
سلام شديد لى ماما حنانة بالله وباركى ليها تانى وتانى والى ما لا نهاية

الف مبروك







Mohamed Osman

مبروك تانى وتالت ومليون

مكى الأحمدى

ألف مبروك نعومه

تغلبيه بالمال ويغلبك بالعيال

ربنا يهنيك


تيتا أم الاء

مولانا ام الاء

اللهم آمين يارب

نشوفك ياخ !! وعقبال الوية يارب

مكي الاحمدي

شكرا لحضورك والله مبسوطة من جيتك شديد انت ودكتور ياسر

شكرا كتير في الافراح دوما يارب

الف مبروك اختنا انعام

ومبروك لكل ال حيموره

الاخ طارق ميرغني ..


الله يبارك فيك يارب وتسلم كتير عقبال اولادك ان شاء الله

الزوجين السعيدين،

أجمل التهاني وبارك الله في زواجكم الميمون

ألف ألف مبروك

ألف مبروك يا إنعام

الشاذلي خيري المهذب

صحي انت اخو مزمل خيري

ومبروك الامورة (وعقبالنا)


مودتي يا راقي

الاخ الحبيب هجو الاقرع ..

شكرا لكلماتك الطيبة بحقي

وعقبال اولادك يارب

شكرا ليك

الحبيبة دانيا المكي

الف الف سلامة ليك وتاني ما تشوفي شر


الله يبارك فيك يا ستنا

صباح الخير

مليون مبروك أختي انعام

وربنا يهنيكم ويسعدكم إنشاءالله


مع تحياتي


هويدا

نوفل عبد الرحيم

اقعد باري لي الامتحانات لمن اي شي يفوتك سمح ههههههههههه

مودتي ومنتظرنك

كيقا 2000

ايوة هو ازهري ابن حلتكم وهو عرفك وعرف اخوانك ..وبسلم عليك شديد وقال ليك ويين ليك زمن ..


تسلم يا سيدي وفي الاجازة نتوقع زيارتكم ياخ

Quote: كيقا 2000 ايوة هو ازهري ابن حلتكم وهو عرفك وعرف اخوانك ..وبسلم عليك شديد وقال ليك ويين ليك زمن .. تسلم يا سيدي وفي الاجازة نتوقع زيارتكم ياخ

نعومه


تسلمي وابقى عشره على ود حلتنا



لنا عظيم الشرف وانشاء الله عيد الأضحى باذن الله



وقولي محمد ركس بسلم عليك قاعد الايام دي معنا


ابومصطفى

فتحي الصديق ..

شكرا ليك

الله يبارك فيك وتسلم يارب سعيدة بيك جدا

عبد الفتاح زوما ..

ياخ والله قاشرة ليك بي توبك كيف ولقيتك عزال كان عارفة كدة كان وصيتك تجيب لي الشيلة كلها ههههههه



والله عاجزة جدا عن الشكر ..

وشكرا لاسرتك التي شاركتني رغم صعوبة وصولهم للبيت ..


ان شاء الله في افراح اولادك يارب


مودتي وتقبل تحيات ابو الزهور

الاصيل ود محجوب


الله يبارك فيك والله فقدناكم كتير ..

تحياتي للاميرة ست بيتك

بت الهنا ان شاء الله دائما متهنية يارب وسعيدة

شكرا ليك

جـــاد

دائما بجيني احساس اقول ليك العم جاد .. اظن من صورة البروفايل ولا شنو ما بعرف


الله يبارك فيك وشكرا ليك


مودتي شديد

ود الباوقة اللذي تفاحة ..


الله يبارك فيك وعقبال اولادك يارب


ما جاي قريب ؟

الشاعر المرهف عبد الغني كرم الله



الله يبارك فيك

وشكرا لكلماتك الرقيقة السلسة


اها الاجازة متين ؟

زينب بدر الدين


كيفك والنضال


الانتخابات حرمتنا من مشاركتكم لينا


عقبال اولادك يارب ، شكرا كتير

السيد المسلمي تاني وتالت

والله حسيت كأني مسلمية وكباشية ياخ



يارب يارب عقبال اولادك يارب ..

شكرا لاجتهادك معاي انت وكبسور

السيد المسلمي تاني وتالت

والله حسيت كأني مسلمية وكباشية ياخ



يارب يارب عقبال اولادك يارب ..

شكرا لاجتهادك معاي انت وكبسور

عثمان محي الدين (بالانجليزي)

شكرا ليك والله يبارك فيك واتمنى ليك السعادة دوما يارب

نعيم علي (بكرة أحلى) وتعرس وأكون مشغووولة وما أجيك هههههه

عقبالك يارب وربنا يوفقك لكل أعمال الخير التي تقوم بها

وعقبال تعمل ليك بيت أحسن من بيتي هههه


مودتي وشكرا ليك

نعيم علي (بكرة أحلى) وتعرس وأكون مشغووولة وما أجيك هههههه

عقبالك يارب وربنا يوفقك لكل أعمال الخير التي تقوم بها

وعقبال تعمل ليك بيت أحسن من بيتي هههه


مودتي وشكرا ليك

مبروك مجدداً يا أنعام.. وبنسأل عن أخونا علاء حيمورة..
الستة شهور دي لسه ما انتهت؟؟

نعومة العسل الف مبروك تانى
الله يجعل ايامكم كلها افراح

الرائعون دوما هم رائعون .. لك التحية أختى أنعام
وإنشاء الله بيت مال وعيال والتحية عبرك للاخ العريس
وجميع الاحباب ..
مودتى ..

تاج السر

تاج السر ان شاء الله البركة فيكم وان شاء الله آخر الاحزان


شكرا ليك كتير


وتحاياك توصل باذن الله


مودتي

العزيزة حوة سليمان

والله فرحت فرح مبالغ فيه بي تلفونك اليوم داك ..


اللهم آمين وشكرا كتير وعقبال اولادك يارب

الله يبارك فيك يا أيمن

علاء مشى الرياض وجاء تاني راجع

حضر العرس ومسكناهو قلنا ليهو افتح للسعودية دي ياخ


حتى شوفوا في المقطع الاخير من العرس

كيقا

خلاص تكون طالبنا شربوت


بالسلامة يارب

يوصل ان شاء الله

هويدا صباح النور


الله يبارك فيك


اللهم آمين يارب


تسلمي وشكرا ليك كتير

نبيل عبد الرحيم مراسلنا من لندن

الله يبارك فيك يارب

الطيب عبد الرحيم

الله يبارك فيك

اللهم آمين يارب


وانت كمان سعيد

محمد عثمان

الله يبارك فيك يارب

شكرا كتير

سومةاللكومة حبيبتي ..

أول حاجة لمن تجي عايزين جلسة شعرية في بيتنا بعدين نشوف قصة الحفلة دي ههههه

اها خلاص مشيتي بلاد الخواجات ولا لسة ..


مشتاقين سلمي على الجنيد وعلى الاولاد وعقبالهم يارب

وموفقين باذن الله

يا عمران والله انا مع اللاب توب رقصت ، اريتك كان اليوم داك سجلت اسكايب ..


غايتو ماما دومة بي ايدا وشديدا حضرت العرس وتفاصيله


خلاص منتظراك انت والاسرة سمح ؟

يا دكتور طه كروم ..

والله فرحتكم هي الفرحتني كدة والله


وتحياتي لي مها شديد

يا دكتور طه كروم ..

والله فرحتكم هي الفرحتني كدة والله


وتحياتي لي مها شديد

بت حيمورة مليار مبروك (بالجديد)!

وزفافك دا زولا بعدك يستاهلو مافي..


بالعديل والزين والفال لعزاب المنتدي..

مبروك مبروك ... والله تِسْتاهلي الزول يِفرح فرحه كبيرة قدُر طيبة آل حيمورة كُلهُم جميعًا ... ناس قُلوبا بيضا










شهيتونا العِرِس حرم

عاطف عمر يا راقي احساسك


شكرا شكرا شكرا


وكنت اتمنى تكونوا معانا والله

نور الدين الفحل ..

الله يبارك فيك يارب وربنا ينور عليك دنيا وآخرة


شكرا كتير

عمو الطيب شيقوق

كيفك وكيف نسابتنا في مسقط

ايوة يا عمو أزهري أخو محمد بيضاب لزم (هههه)

يعني عم ياسر صاحبك ..


تسلم وشكرا كتير ليك

دكتورة احسان فقيري

والله فقدتكم جدا وشكلو زي ما بقول الانتخابات حرمتنا شوفتكم ..

عارفة برنامج الجرتق دا قربت اجليه زي ما جليت حاجات كتيرة لكن في النهاية رضيت ليهم ..


وطلع حاجة ظريفة ياريتك لو كنتي معاي


عقبال اولادك يارب

اوووو صاحبتي أميمة الفرجوني

وييينك ياخ مشتاقين

عقبالك قريب يارب

الامور كيف والاحوال ووين الحي بيك ..

سيف مصطفى

الله يبارك فيك

وشكرا كتير في السمح يارب دوما

احمد خضر ..

كيفك ،


شكرا كتير ودائما في الافراح يارب

مرتضى الكجم ..

الله يبارك فيك ويخليك

شكرا كتير

الاخ الغالي حيدر قاسم ..

والله فقدتك جدا وكمان الاسرة والزول والله كان ليهو مراد كل السودان يحضر معاه ..

سلم على اولادك وعقبالهم قريب تشوفهم عرسان كلهم

سلم على أم العول

دكتورتنا مهيرة ..


كل الشكر والتقدير ليك ..


وفرحانة بي جيتك كتير ..

وطالباك جية لمن تجي السودان سمح ؟



مودتي الشديدة

عزام حسن فرح


الله يبارك فيك .. الله يبارك فيك


يستاهلك الخير والله يا عزام وشكرا كتير




هههههه

عقبال اولادك يارب

هيثم التوم الله يبارك فيك يارب كدة مليار مرة بالجديد برضو هههههههههههههه


تسلم تسلم



اللهم آمين يارب

الله يبببببببببببببببببارك فيك يامشاعر


اللهم آمين


شكرا كتير ليك

شفت يا معتصم الطاهر انا اي زول يقول لي هججتي شديد قاعدة اقول ليه انا في اعراس الناس قاعدة اهجج في أعراس الناس لمن ما أهجج في عرسي (ههههههههه)

والله صاحبتي صحي مقدرة الله يخليهم لي يارب كلهم ..

وناس سودانيز والله ما قصرتوا تب الله يخليهم لي يارب


شكرا يا معتصم كتير جد فقدتك

الأخت الفاضلة انعام ..

كل الكلام الجميل إنكتب مافي غير الفوتوشوب ..
مع أمنياتي لك بحياة زوجية سعيدة عامرة بالحب والمودة ..

احترامي ..

لي ناس الصفحة التانية سلام

مقطـــــــــع أخيــــــــــــــــــــــــر










----
يلا يا معاوية والسيد

الف مبروك انعام
ربنا يجعل ايامكم كلها سعادة

يا بت انتى .. اقصد يا مره انتى ..

لا شريط ور سي دي ولا فلاش ولا غيره ما وصلنى ..

ما حا ازعل منك هسه لانه فيك الملايكه لووووووووووووووول ..

حا ازعل منك السنه الجايه ..

يا عفاف قلت ليك السي دي وصل الامارات اكتبي لي رقمك في الخاص عشان اديهم ليهو يضربوا ليك وتشيلي ليك فلاش وتمشي تشيليهو .. هههههههههه

(النص بالنص)

مصطفى كدفور

الله يبارك فيك

اللهم آمين وتسلم يارب


مودتي لك وللجميع

عبد القادر بابكر

شكرا على الشغل الجميل دا في الفوتو شوب وانا قاعدة اتعلم فيهو شوية شوية


شكرا على امنياتك الحلوة وبنقول معاك يارب


احترامي اكتر

ناعومي..

ألف ألف مبروك.. فرحنا ليك كتير..

بيت مال و عيال و محبة و سعادة يا رب

سناء خالد

سنوية

ويينك ليك زمن حمد لله على السلامة


الله يبارك فيك وتفرحي بي اولادك الحلوين يارب


مودتي الشديدة

الف مليون مبروك يا انعام

( بارك الله لكما وبارك عليكما وجمع بينكما في خير )
مودتي وتقديري وتهنئتي للغالية انعام حيمورة
منو التاني ح يرحب بينا في الخرطوم زيك يا نعومة ؟

سيف الدين حسن العوض

شكرا شكرا على الهدية الحلوة دي

ياخ هسة كانت جيتكم في ماليزيا ما بتخجلوني عديل صاح ؟


تتساهلوا والله ..

مودتي

نعومة..

كان نفسي أحضرعرسك و الله..

لكن مجدوعين في سقط لقط دي..!

طلعت حلوة شديد.. بالزفاف و بالتوب الاتنين..ما شاء الله

و أزهري ما شاء الله شكلو زول طيب و حنين جداً..

الراجل الحنين نعمة يا انعام.. ختيهو في عيونك و قلبك و ضاريهو برموشك..

القاعدة يا ناعومي..

المرة البتخت راجلها تاج فوق راسها..

يجعلها ملكة.. على حياته..

ما بتتوصي يا بت حنانة الحنينة..

محبتي

والله يا سنوية الحمد لله ازهري زول طيبان شديد بشهادة الجميع ..

ووصاياك غالية جدا والله


تسلمي كتير


وياريت كنت اتشرف جدا

ما شفتي رشا سالم جات حضرت الحنة وقدر ما طارق يرسل ليها عشان تمرق من الصالة هي ولا جايبة خبرو

قالت الليلة مخير يقعد برة كدي لمن يفتر ..


والله كانت أيام جميلة فقدنا كل الاحباب بالجد ..

انتي بس شرفي
نشيلك فوق رموش العين