حكومة السودان تستورد الضأن الحمرى لتوطينه في ولاية نهر النيل!?

كتب صديق عيسى صالح:-

"مشروع توطين الضأن الحمرى في ولاية نهر النيل مشروع عملاق وله ميزانيته"

ثم ردم النص بهذا التساؤل:-
‏"ما هو المغزى من ذلك المشروع?"

كتاب صديق منقول من بوست كبر:

‏"مكونات الدولة : غرب السودان من الاستغلال الى الاستقلال"

وهناك مشروع توطين البترول السوداني المستورد من حقول الانتاج في "غرب السودان" في الجيلي!?

وفي السواكن تعاد "توطين" الخروف الكباشي والزغاوي والحمري لتباع في اسواق الخليج تحت لافتة
الخروف السواكنى

بقت على الغنم يا دكتور؟

قالوا البشير زار كردفان فواحد مواطن قال ليهو
يا ريس المريسة بصفوها محل عجنوها ... و البترول من
هنا بيتصفى في الجيلي.

لا احلم بعدالة في التنمية طالما عقلية المركز و قياداته لم تتغير.

Quote: بقت على الغنم يا دكتور؟ قالوا البشير زار كردفان فواحد مواطن قال ليهو يا ريس المريسة بصفوها محل عجنوها ... و البترول من هنا بيتصفى في الجيلي. لا احلم بعدالة في التنمية طالما عقلية المركز و قياداته لم تتغير

ارجع الي ورقة مثلث حمدي .. وقرار تمليك كل مواطن في نهر النيل تسعة اناث وخروف
وبالمناسبة نحن في دارفور وكردفان لدينا تنظيم ولادة الضأن (ربط الذكور الخراف) حتى لا تلد النعجة في وقت قبل الرشاش(بداية الخريف) لان العشب والماء ستكون صعبة وقد يؤدي ذلك الي خسران المولود اما في البحر يا دكتور فيمكن ان تلد النعجة مرتين في السنة (والحمري والزغاوي وغيره) أعملوه مراكيب..

انت عارف يا دكتور ان جميع الولاة (المؤتمرجية) في الغرب يحتكمون الي برنامج برلمان الكيزان في الخرطوم وبالتالي بما ان المؤتمر الوطني هذه سياسته تجاة الغرب فجميعهم سينهي امرهم لصوص كما كبر ثم يذهبون الي الجحيم والسحت المقيت



قد نضعف يوما ما ولكنا لن نموت

محمد حلا
سلامات
ومشتاقين

في السعودية تحيل فكرة توطين الثروة الحيوانية الى دعم الانتاج "الوطنى" نحو آفاق الاكتفاء الذاتي ثم التصدير وهذا ما تحق خصوصا في مجال انتاج الالبان
بينما تحيل مفهوم " توطين" الثروة الحيوانية(مشروع توطين الضأن الحمري في القطينة مثالا) في وعي النخبة التي تضع السياسات التنموية الاستراتيجية في السودان الى ما يمكن تسميته بتحريك الثروة أي إعادة توزيع الثروة - أي ثروة من مناطق الانتاج (المناطق الاخرى) الى داخل الحدود الحغرافية للوطن الافتراضى في وعي النخبة الحاكمة ... وطن يطل بقباحة في خطاب الطيب مصطفى وبوقاحة في تصور عبدالرحيم حمدي ومن لف لفه

عزيزنا زول وحيد
على ذكرك للنفط والمريسة
هناك علاقة أخرى قوية بينها
فالنفط لعب بروؤس النخبة النيلية الحاكمة كما تلعب المريسة بالروؤس الخفيفة
ولو مشيت حقول النفط تلقى هناك "استيراد" لروؤس بشرية للعمل في كل الوظائف من فوق لتحت ولو لقيت ليك واحد "مواطن" شغال في حقول النفط دي بكون استوعبوهو غلط كأن يكون قدم معلومات جعرافية/ اثينولوجية "خاطئة"
المهم..

Quote: عزيزنا زول وحيد على ذكرك للنفط والمريسة هناك علاقة أخرى قوية بينها فالنفط لعب بروؤس النخبة النيلية الحاكمة كما تلعب المريسة بالروؤس الخفيفة ولو مشيت حقول النفط تلقى هناك "استيراد" لروؤس بشرية للعمل في كل الوظائف من فوق لتحت ولو لقيت ليك واحد "مواطن" شغال في حقول النفط دي بكون استوعبوهو غلط كأن يكون قدم معلومات جعرافية/ اثينولوجية "خاطئة" المهم..

(ام حسب الذين فى قلوبهم مرض ان لن يخرج الله اضغانهم)كلما احسنت الظن بكتابات هذا (الصقر)
فى انها ستكون موضوعية على مستوى الحد الادنى وهى تناقش (شان عام)كلما كذب حدسى اذ يصطدم
بنص جهوى عنصرى بغيض ...احيانا متوارى وفى الغالب الاعم شديد الوضوح...فالرجل اتى بهذا
العنوان لاهام القارئ بخطورة هذه الخطوة التى تقدم عليها الحكومة وهى تستورد الضان
الحمرى وتوطنه فى ولاية نهر النيل...بحكم انه خبير فى (علم الحيوان) ومناخ السافنا وانواع
التربة والكلا...الخ ولكنه ليس كذلك....الفكرة جزء من المشروع الجهوى العنصرى الكبير الذى
يشكك فى الدولة وفى وجودها وفى استقلالها وفى انسانها وفى كل شئ ...فلا عجب ان يدحرج مصطلح
(النخبة النيلية والتوظيف بناء على الجغرافية والاثنولوجيا)ليصل للمبتغى والمرام من فكرة
البوست....على اية حال .... (المريسة) التى اتيت بها للتشبيه...شاربها ليلا يصبح واعيا
ومدركا لاقواله وافعاله...اما انت متى تصبح معافى من مرض العنصرية والبغضاء؟؟؟دى كرونك
كيس ...شفاك الله وفى رواية اخرى لا اعتقد انه سيشفيك....عارف ليه؟؟؟

Quote: كتب صديق عيسى صالح:- "مشروع توطين الضأن الحمرى في ولاية نهر النيل مشروع عملاق وله ميزانيته" ثم ردم النص بهذا التساؤل:- ‏"ما هو المغزى من ذلك المشروع?" كتاب صديق منقول من بوست كبر: ‏"مكونات الدولة : غرب السودان من الاستغلال الى الاستقلال"

الاخ/د/بشار سلامات
فكرة المشروع تنبنى على تمليك المواطنين عدد من الضان وتسدد قيمتها من الانتاج يعنى بالاقساط المريحه . ولكن يبدون ان المشروع لم تسبقه دراسه جدوى فاعله وحقيقيه. سمعت من زميلى ان المشروع شبه فاشل لان اغلب المربين لم يسددوا ما عليهم .والسبب لان ليست لهم خبره بتربية الضان الحمرى اضف الى ذلك الاعتماد الكامل على التعليف ومن المعروف عن الضان الحمرى كثير الاكل .فى المملكه يسمونه السواكنى يحبونه لكن يقولون عيبه لا يشبع اى مكلف اقتصاديا ولذلك انجع السبل لتربيته هى الرعى الطبيعى

خصوصية الضان الحمري تنبع من البيئة التي يتربى فيها - بيئة غرب كردفان - حيث نوعية الأعشاب والطقس والماء وطقوس التربية المتوارثة، لذلك فهو يختلف عن خرفان دارفور... لذا لا أتوقع أن تنجح تجربة تربيته في بيئة مثل بيئة الشمالية... والله أعلم.

لا استغرب هذا المشروع، فلقد لاحظ في العام 2003
بقايا الأبقار اي روؤس أبقار ميتة علي امتداد ولاية نهر النيل وحتي ابوحمد
في الولاية الشمالية ابتداءاً من حوش بانقا والتي رايت فيها مشاريع الترعوبعض
النجاح التي انعكس علي حياة ابقارهم التي رايتها علي الجانب اليمني من خط
السكة حديد.
الانسان الشمالي يحاول ان يطور حياته ولكن البيئة لا تقف بجانبه، بينما يوجد
مقومات النجاح لمثل هذه المشاريع في ولايات غرب السودان وجنوبه ولكن لا استقرار
ولا تنمية لإنجاح وزيادة انتاج الثروة الحيوانية، وبهذا فان جهد الحكومات والإنسان
السوداني قد ضاع هباءاً ولا عزاء علي الازدهار.

آاسف للتكرار

الاخ صديق
كما اشرت مشروع لم ينجح لانو ما منسجم مع الفكرة بتع اترك الخبز لخبازو
ولانو ما قائم حتى خلفية استثمارية حقيقية
بل يستند الى محض عقلية عنصرية بائسة
من طينة عقلية مثلث حمدي ومن لف لفه..
اذا كان النفط تم توطينه في الجيلي!
فان الثروة الحيوانية ممكن توطينه في القطينة وفي نهر النيل
ما الوطن بقى مثلث?

العزيز د.بشار صقر

تحياتي - تلك هي صناعة الهيمنه بعينها على الإنسان عبر تملك كافة وسائل عيشه التي وهبها له الكريم . وما ذاك إلا ظن خائب حيث جعل الله لكل ناس خصوصية يمتازون بها علي الآخر. والضأن الكردفاني أو الحمري هو هبه من رب العالمين وهبها لأهلي هناك وصارت العلاقة أزلية لن ولم تنفصم أبداً مهما حاولوا تزييف إرادة الناس من تربية هذا الضأن في أستراليا أو الدامر . وسيعود ضأننا لمراتعه الطبيعية دون شك. كما لم ولن نحلم نحن بنخيل نقتصبه ليزرع في سهول كردفان.

بحيراوي

دكتور بشار


الناس دي خلاص حار بيها الدليل


غلبها التسويهو

صبرك كلو ببقي حق الشعب الغلبان


حق الهامش للهامش

لا ارى غرابة في ذلك طالما هي دولة واحدة
ولكن بعد ان تنفصل غرب السودان عن الدولة
الواحدة امسكوا عن نهر النيل حتى الهوا
القادم من غرب السودان ....

Quote: تعاد "توطين" الخروف الكباشي والزغاوي والحمري

يا ديكتور
الكباشى والحمرى منعومين
لكن الخروف الزغاوى؟؟؟ دى جديدة علينا تب!!!!!
نرجو أن تفيدنا يا ( وتيش )

Quote: لكن الخروف الزغاوى؟؟؟ دى جديدة علينا تب!!!!!

انواع الضان فى السودان:-
1- الكباشى او الحمرى ويعرف بالضان الصحراوى ويوجد فى شمال وغرب كردفان وجنوب دار فور
2- القرج يوجد فى معظم مناطق السودان
3- الوتيش يوجد فى وسط السودان (الجزيره -النيل الابيض)
4-الزغاوى فى دار فور
5- الضان الجنوبى يوجد فى جنوب السودان وهو صغير الحجم وكذلك صغير الاذنين
اظن كده سمعت به

Quote: لا ارى غرابة في ذلك طالما هي دولة واحدة

هنا اخى تكمن الغرابه طالما هى دوله .
طيب وطنوا لينا نخيل الباوقه فى ود بنده او المجرور .يا عزيزى هذه حكمت ربنا قضت ان يكون الضان الحمرى يتربى فى البيئه الكردفانيه . لو الفكره المقصود بها التكاثر من اجل المصلحه العامه ودعم خزينه الدوله افضل الاهتمام به فى بيئته الاصليه مثل دعم المربين والعنايه البيطريه وجلب المستثمرين الى المنطقه.

صـــــــــــاحب البوثت و المتداخلين تحية وســــــــلام.

و اللة يا أبناء كردفان . اذا ركنتو الى هذا الســــكون أكلتكم الذئاب!

من فترة وفى هذا المنبر قرأت خبر يقول ان هناك أتجاة تصدير أنـــاس الابل من دار الكبابيش و دار حمر الى الخليج

لكن بعد تدخل ود حيدوب و معــارضة شديدة # ليست من أبناء كردفان. بل من تجار و مصديرى المواشى .

توقف هذا الموضوع.

أين حملة الاباريق و عبدة الاصـنام و مقدسيى البشر من أبناء كردفان؟

أمســــال أحمد أبراهيم الطاهر و فيصل حسن أبراهيم و محمد أحمد أبو كلابيش وهذا نموذج من المنحطين و القائمة طويلة.




أثيوبيا#### شوفو الفرق ما بين الوطنية الاثوبيية و الوطنية السودانية. نحن نصدر ما خصنا بة الحق عز وجل لكى.

يستفاد بة الغير.

أثيوبيا يوجد فى هذا البلد من أجود أنواع البن فى العالم

فى ارث متوارس من أجل حماية هذة الثروة. أثيوبيا بتصدر هذا البن الى جميع أنحاء العالم (لكن)!

و بى القانون يمنع منعا باتا تصدير هذا البن الا وهوى محمص حتى لا يتم زراعة فى أى بقعة من العالم


الهشــــــــاب

صـــــــــــاحب البوثت و المتداخلين تحية وســــــــلام.

و اللة يا أبناء كردفان . اذا ركنتو الى هذا الســــكون أكلتكم الذئاب!

من فترة وفى هذا المنبر قرأت خبر يقول ان هناك أتجاة تصدير أنـــاس الابل من دار الكبابيش و دار حمر الى الخليج

لكن بعد تدخل ود حيدوب و معــارضة شديدة # ليست من أبناء كردفان. بل من تجار و مصديرى المواشى .

توقف هذا الموضوع.

أين حملة الاباريق و عبدة الاصـنام و مقدسيى البشر من أبناء كردفان؟

أمســــال أحمد أبراهيم الطاهر و فيصل حسن أبراهيم و محمد أحمد أبو كلابيش وهذا نموذج من المنحطين و القائمة طويلة.




أثيوبيا#### شوفو الفرق ما بين الوطنية الاثوبيية و الوطنية السودانية. نحن نصدر ما خصنا بة الحق عز وجل لكى.

يستفاد بة الغير.

أثيوبيا يوجد فى هذا البلد من أجود أنواع البن فى العالم

فى ارث متوارس من أجل حماية هذة الثروة. أثيوبيا بتصدر هذا البن الى جميع أنحاء العالم (لكن)!

و بى القانون يمنع منعا باتا تصدير هذا البن الا وهوى محمص حتى لا يتم زراعة فى أى بقعة من العالم


الهشــــــــاب

عاجل ... اعادة توطين نخيل كتم في مدينة الفاشر... عالم مواسير
الهبيب بشار...
الاكتفاء الذاتي لهذا المثلث قبل خراب سوبا...
بعد شوية ... ابار البترول برضو ممكن تتم اعادة توطينها...
علي فكرة... عارف انو واحة العطرون و انتاج العطرون توريده اتحادية و ليست ولائية

محمد الامين موسى

Quote: خصوصية الضان الحمري تنبع من البيئة التي يتربى فيها - بيئة غرب كردفان - حيث نوعية الأعشاب والطقس والماء وطقوس التربية المتوارثة، لذلك فهو يختلف عن خرفان دارفور... لذا لا أتوقع أن تنجح تجربة تربيته في بيئة مثل بيئة الشمالية... والله أعلم.

عاشت الاسماء
هذا اسم الوالد رحمه الله
محمد الامين موسى

غايتو أنا مافهمت المقصود من البوست دا شنو

حسب ما فهمت أنو في زول زعلان من مشروع توطين الضان الحمري في ولاية نهر النيل ؟

طيب فيها شنو ؟ والعيب وين والخلل شنو ؟

مشروع جميل وفوايده كتيرة ما تحصى ومافي اضرار منه إذا نجح بل حا يستفيد منه الجميع


هسع أنا كان مشيت هولندا وعرضت على أكبر وأحسن مزرعة لأجود أنواع الابقار شراء ابقار منهم وتصديرها للسودان حا يوافقوا وبرضه على أستراليا ممكن استورد اكبر كمية من الضان أو الجمال ولو مشيت السعودية ممكن اشتري الخروف المستورد من عندنا وأرجع اربيه في مكان ما عايز

الرعاة في كردفان بربوا الضان عشان يبيعوه والبشترية حر يضبحة ولا يربيه والضان سلعة ما بشر

بعدين الاستيراد دا كيف ؟ خروف في بلد واحدة ممكن نقول الحكومة توطين الضان الحمري لكن ما ممكن نقول تستورد

مافي زول سمع بي نقل خطوط الأنتاج لتخفيض تكلفة الأنتاج
يعني هسع امشي شوف البوكس هايلوكس اخر موديل تلقاه منتج في تايلند وشوف الشفروليه تلقاه منتج في استراليا وشوف موبايلك النوكيا تلقاه منتج في الهند أو الصين عاين لتلفزيونك السوني تلقاه منتج في اندونيسيا

يعني ناس نهر النيل ديل عاجبهم طعم لحم الضان الحمري يعني وشايفين أنه تكلفة نقل الخروف من كردفان كتيرة وسعر الخروف غالي وما عندهم بهائم ولان منطقتهم مستقرة وهم مجتهدين لتنميتها الحكومة عملت ليهم المشروع دا

حسب ما فهمت أنه المقصود هناك أستعداء لأهل ولاية نهر النيل وهناك ترصد في أي حاجه فيها خير ليهم أو أي حاجة تعملها الحكومة هناك

بس لكن ما بالطريقة دي شوفوا ليكم أسباب معقولة لعدائكم

يعني ممكن الواحد يزعل لو قامت الحكومة بشراء كل الضان الحمري وخلت منطقة الضان دي خلا وودته الضان لي نهر النيل

وبرضه لو الحكومة دي قامت بأخذ الضان عنوة ودون رضى الرعاة

Quote: الزيارة التى قام بها وفد الشركة القطرية لتجارة اللحوم والمواشي برئاسة الشيخ نايف بن عيد أل ثاني نائب رئيس مجلس إدارة الشركة والسيد سلطان جوهر العبد الله المدير للسودان خلال الفترة من 24- 28 من نوفمبر الماضي اكدت عمق ومتانة العلاقات القطرية السودانية فى كافة المجالات لاسيما الاقتصادية منها وتؤكد حرص القائمين فى البلدين على تطويرها ودفعها وخلق شراكة اقتصادية استثمارية . وخلال الزيارة وقف وفد مواشى على حجم العمل والانجازات بمشروعات الشركة بالسودان في شقيها الحيواني والزراعي و تدشين بداية الحصاد واول شحنة في اللحوم من إنتاج المشروع بالسودان إلى الدوحة كما انها تأتي في اطار تعزيز التعاون الاقتصادي والاستثمار المشترك بين قطر والسودان تدشين مشروعات مواشى بالسودان دشن سعادة الشيخ نايف بن عيد ال ثانى نائب رئيس مجلس ادارة الشركة القطرية لتجارة اللحوم والمواشى وسعادة السفير على بن حسن الحمادى سفير دولة قطر لدى السودان والسيد سلطان جوهر العبد الله والدكتور عمر محمد سعيد المدير التنفيذى (لمشروع الدوحة للإنتاج الحيواني والزراعي -فرع السودان). دشنوا تصدير اول شحنة من اللحوم الى دولة قطر من انتاج الشركة بولاية جنوب كردفان وقال سعادة الشيخ نايف فى تصريح خاص لمراسل الراية بالخرطوم ان القيادة القطرية حريصة على تطوير ودفع العلاقات مع السودان وخلق شراكة اقتصادية استثمارية معربا عن امله فى دفع العلاقات القائمة مشيدا بمستوى العلاقات القطرية السودانية فى كافة المجالات مؤكداً حرصهم على دفعها الى الأمام . واشار الشيخ نايف الى ان زيارة الوفد تأتى لدفع مجالات التعاون المشترك الاستثمارى مببينا ان الشركة لديها استثمارات كبيرة فى السودان وتسعى لتطويرها وحول المجالات الاقتصادية والاستثمارية بالنسبة لشركة مواشى قال انها تسير بصورة جيدة وعلى قدم وساق فى الاستثمار من ناحية مزارع للمواشى واستيراد اللحوم لدولة قطر .

http://www.mubasher.info/DSM/News/NewsDetails.aspx?NewsID=144928&src=G

Quote: يعني ناس نهر النيل ديل عاجبهم طعم لحم الضان الحمري يعني وشايفين أنه تكلفة نقل الخروف من كردفان كتيرة وسعر الخروف غالي وما عندهم بهائم ولان منطقتهم مستقرة وهم مجتهدين لتنميتها الحكومة عملت ليهم المشروع دا حسب ما فهمت أنه المقصود هناك أستعداء لأهل ولاية نهر النيل وهناك ترصد في أي حاجه فيها خير ليهم أو أي حاجة تعملها الحكومة هناك

أخي عبدالعزيز... إن الأمر ليس بالبساطة التي تتحدث عنها... الضان الحمري يأكل مجموعة من الأعشاب من بينها "مفيريضة" و"الحسكنيت" و"الدفرة" وهذه الأخيرة لها قيمة غذائية عالية وأهلنا في سنوات القحط كانوا بيطحنوا حبوبها ويأكلونها... هذه الأنعام تسير مئات الأميال وفي سيرها تنعم بما لذ وطاب من الغذاء الطبيعي الذي تنتقيه بفطرتها وتشرب من المياه الجوفية ومن مياه الأمطار، ولا تنسى الجو الجميل المفعم بالدعاش ومطر الرشاش والاصطباح على الندى... كل ذلك يا أخي ينتج عنه طعم اللحم الذي لا مثيل له في الصومال أو الضعين أو باكستان أو غيره من بقاع العالم.... الضان الحمري ليس مجرد جينات بل بيئة كذلك وإلا لغزت شركات المراعي وبيشة وغيرها من الشركات السعودية العملاقة العالم بالضأن الحمري والكافيار الإيراني وزيت الأرقان المغربي...
هل سيتم تطوين الأعشاب والماء والطقس والتربة والرعاة، أم سيتم الاكتفاء بتوطين السلالات المنزوعة من بيئتها؟؟؟ المثل السوداني العبقري يقول: "ربنا ما شق حنكا ضيعو" وولاية نهر النيل حباها الله بخيرات لا مثيل لها... فالخير لها أن يتم الاهتمام بتطوير منتجاتها حتى تصبح منافسة على الصعيدين الإقليمي والعالمي، بدل توطين ما يصعب توطينه. ولو نجحت تجربة هذا التوطين فسيكون مصير الضان الحمري مصير الكركدي ومحلات الاتصالات (محلي - ولائي - عالمي)!
تخوفنا يا سيدي نابع من الحؤول دون تكرار التجارب الفاشلة التي أصبحنا خبراء فيها... وتخوفنا من تحول الدعم الذي يجب أن يذهب لمستحقيه فيروح سدى

محمد الأمين موسى
كيف حالك؟ علك طَيِب ...

Quote: الضان الحمري يأكل مجموعة من الأعشاب من بينها "مفيريضة" و"الحسكنيت" و"الدفرة" وهذه الأخيرة لها قيمة غذائية عالية وأهلنا في سنوات القحط كانوا بيطحنوا حبوبها ويأكلونها... هذه الأنعام تسير مئات الأميال وفي سيرها تنعم بما لذ وطاب من الغذاء الطبيعي الذي تنتقيه بفطرتها وتشرب من المياه الجوفية ومن مياه الأمطار، ولا تنسى الجو الجميل المفعم بالدعاش ومطر الرشاش والاصطباح على الندى... كل ذلك يا أخي ينتج عنه طعم اللحم الذي لا مثيل له في الصومال أو الضعين أو باكستان أو غيره من بقاع العالم.... الضان الحمري ليس مجرد جينات بل بيئة كذلك

كلامك ده ما صحيح كلو ... أنا مُربي بهايم وبعرِف بقول شنو؟ عِندي حمري مُربيهو في البُطانة ، الأمهات تعبوني شوية ، لكِن الحِملان في أمنتي الله ... وبعدين أكان قولك ده صحيح كلو ، تبقى قرية فريزيان بهولندا ما كانت تصدِر بقرا ... عِندي تور فِريزيان ... خواجة عديييل كَدي فاضِل ليهو النضمي بس ... جهنت بيهو البلدي والإنتاج مُتقدِم 25% ثُم 50% وماشين في 75% وبنعايِن فوق الـ100% ... هسع أكان سألتك أخير في ظنك البرسيم -الأخضر/اليابِس- ولا أخير الحسكنيت للضأن؟ الدفرة ما بعرِفا لكِن طالما بياكُلا الإنسان تبقى في مقام الذُرة ، والذُرة بعلِق بيها لِلبهايِم بعد السرحه ... والموية ياها موية العاديك أطَيب مِن الجوفِية وأصح مِن موية المِيَع

وده الحصل بِالنسبة < للنخيل > الشوايقة جو شالو فسايل نخيل المحس وغرزوهو في دِيارُم وهسِع النخيل عندهم مُنْتِج أكتر مِن العِندنا ... وأنا ضربت مثل بِالنخيل ، لأن توطين النبات أقسى مِن توطين حيوان المزرعة

Quote: حكومة السودان تستورد الضأن الحمري لتوطينه في ولاية نهر النيل !

يا دكتور الهنا
الإستيراد والتصدير تستخدمان في التجارة الدولية وإستخدامك لكلمة إستيراد هنا يعبر عن جهل من المخجل أن يأتي من شخص يحمل هذه الدرجة العلمية ..
كما تعبر الفكرة نفسها عن حقد دفين لأهل هذه الولاية المعطاء التي "تصدر" لكم الأسمنت ليبني به من هو على شاكلتك بيوتا فارهين ..

انا زاتي من ولاية نهر النيل صدرت نفسي الي ولاية الخرطوم واتوطنت فيها
وخليت اكل الكسرة...وابدلتها بالهامبيرقر....والجداد المشوي...
وهسع سمين وفي امانة الله...والكسره اصلها ما فرقت معاي...
ولا كوفرت...

العالمين دي البديها الدكتوراة دي منو؟؟؟

nazar hussien

Quote: ولا كوفرت

أها أكان صديت < للكِسره > و< اللايوق > وما إتْكوفرت ، أضحك علي!

أها أكان صديت < للكِسره > و< اللايوق > وما إتْكوفرت ، أضحك علي


هههههههههههههههههههههههههه

Quote: هسع أكان سألتك أخير في ظنك البرسيم -الأخضر/اليابِس- ولا أخير الحسكنيت للضأن؟ الدفرة ما بعرِفا لكِن طالما بياكُلا الإنسان تبقى في مقام الذُرة

أخي الفاضل عزام أتمنى أن تكون فكرتك-معلوماتك صحيحة وبالمرة الواحد يعمل ليهو مزرعة ضان حمري بالإمارات ويغتني بدل انتظار الراتب آخر الشهر..
لست أدري ما إذا كانت المقارنة بين الألبان واللحوم سليمة؟ ولست أدري ما إذا كان أتيت بخروف استرالي وطلقتو يرعى في سهول كردفان سيتضمن لحمه كمية الشحم نفسها أم لا؟
أتمنى أن يفيدنا أحد المختصين في الإنتاج الحيواني حتى لا ننظر ونفتي بغير علم.

صباح الخير بالليل يا دكتور..



ياخي مشتاقين..

Quote: كما تعبر الفكرة نفسها عن حقد دفين لأهل هذه الولاية المعطاء التي "تصدر" لكم الأسمنت ليبني به من هو على شاكلتك بيوتا فارهين ..

آهه بعد ده تاني خرافنا بنصدرها مشلخة..


قال توطين قال..
بوستك كفاني عناء الرد للأخ/ دكتور معز الذي أنكر الشمس في رابعة النهار..

تكاليف اعادة التوطين دى ما يدعموا بيها
المصدر , على الاقل مقومات الانتاج متوفره
وشكل المنتج معروف و قيمته الاقتصاديه
ضاربه الافاق , اظن فى الحاله دى ممكن
ندخر اموال تساعد فى تحسين انتاج العديد
من الثروات التى تتميز مناطق معينه فى
السودان بميزات مطلقه فى انتاجها, بدل ما
تضيع فى تجارب فاشله و معروفة النتائج!!!
لكن الفهم دا يا د. بشار يحتاج الى حكومه
غير حكومة ناس حمدى و غازى الكاتلوهم اجدادنا
و لذلك خلينا نتخلص اولا من المؤتمر الوطنى
الاستقوى بالاجنبى المحلى والدولى فى نهب ثرواتنا,
وبعدين نشوف كيفية استثمارها و اعادة توزيعها .

Quote: (ام حسب الذين فى قلوبهم مرض ان لن يخرج الله اضغانهم)كلما احسنت الظن بكتابات هذا (الصقر) فى انها ستكون موضوعية على مستوى الحد الادنى وهى تناقش (شان عام)كلما كذب حدسى اذ يصطدم بنص جهوى عنصرى بغيض ...احيانا متوارى وفى الغالب الاعم شديد الوضوح...فالرجل اتى بهذا العنوان لاهام القارئ بخطورة هذه الخطوة التى تقدم عليها الحكومة وهى تستورد الضان الحمرى وتوطنه فى ولاية نهر النيل...بحكم انه خبير فى (علم الحيوان) ومناخ السافنا وانواع التربة والكلا...الخ ولكنه ليس كذلك....الفكرة جزء من المشروع الجهوى العنصرى الكبير الذى يشكك فى الدولة وفى وجودها وفى استقلالها وفى انسانها وفى كل شئ ...فلا عجب ان يدحرج مصطلح (النخبة النيلية والتوظيف بناء على الجغرافية والاثنولوجيا)ليصل للمبتغى والمرام من فكرة البوست....على اية حال .... (المريسة) التى اتيت بها للتشبيه...شاربها ليلا يصبح واعيا ومدركا لاقواله وافعاله...اما انت متى تصبح معافى من مرض العنصرية والبغضاء؟؟؟دى كرونك كيس ...شفاك الله وفى رواية اخرى لا اعتقد انه سيشفيك....عارف ليه؟؟؟

صدقت والله اخي علي تاج الدين علي

Quote: [. لو الفكره المقصود بها التكاثر من اجل المصلحه العامه ودعم خزينه الدوله افضل الاهتمام به فى بيئته الاصليه مثل دعم المربين والعنايه البيطريه وجلب المستثمرين الى المنطقه.

فوق