Post: #1
Title: ( بورداب الرياض) ما كان العشم والله........
Author: ناصر النعمان البدوي
Date: 05-25-2010, 10:06 AM
الاخوة الأحباب اسألكم صالح الدعاء لنا
بوست قبل شهر ونصف تقريبا...
الحمد لله أن أكرمنا بنعمة الصحة العافية.. بعد إجراء العملية الجراحية...
جميع بورداب الرياض دون استثناء لم يسأل أحد عن شخصي الضعيف
ولم يكلف نفسه بإتصال تلفوني للسؤال...
غايتو ربنا يشغلنا في طاعته...
وكتر خيـــركم وبارك الله فيكم....
|
Post: #2
Title: Re: ( بورداب الرياض) ما كان العشم والله........
Author: ود الباوقة
Date: 05-25-2010, 10:32 AM
Parent: #1
الف حمدا لله على سلامتك اخي ناصر
ونشهد الله سبحانه وتعالى اننا لم نسمع بك
لا من قريب او بعيد
كفارة عليك وزيارتك واجبة علينا
تحياتي
|
Post: #3
Title: Re: ( بورداب الرياض) ما كان العشم والله........
Author: محمد عبد الماجد الصايم
Date: 05-25-2010, 10:33 AM
Parent: #1
ألف سلامة يا عمكـ
بعدين ما تجي تتكلم ساي
الكوت .. الكووووت
المهم اللمة يوم الجمعة!
|
Post: #4
Title: Re: ( بورداب الرياض) ما كان العشم والله........
Author: صالح عبده
Date: 05-25-2010, 03:17 PM
Parent: #3
اخوي ناصر حمدلله على السلامة
وبعدين ماانت براك اللي بتشتكي من بورداب
الرياض .. دا اكتر بورداب يعيش مشاكل ونزاعات
وتفكك . والجانب الاجتماعي مفقود فيه تماما.
|
Post: #5
Title: Re: ( بورداب الرياض) ما كان العشم والله........
Author: معتصم دفع الله
Date: 05-25-2010, 03:38 PM
Parent: #4
ألف حمدالله على السلامة يا ناصر ..
حقك علينا ما كان عندنا علم بعمليتك ..
البركة في العافية وربنا يبعد عنك المرض وعنا ..
سبحان الله اليوم فقدتك لأنك ما تداخلت في بوست لمة البورداب وكنت بصدد الإتصال عليك ..
تحايا كتااار ..
Quote: وبعدين ماانت براك اللي بتشتكي من بورداب
الرياض .. دا اكتر بورداب يعيش مشاكل ونزاعات
وتفكك . والجانب الاجتماعي مفقود فيه تماما. |
يا صالح عبده لو لاحظت العنوان كويس والوجه الضاحك فيه ما كان جيت كتبت كلامك دا ..
بعدين دا منو البشتكي من بورداب الرياض دا ..
أحسن يكون عنده شجاعة ويجي يقول كلامه دا ..
وبعدين المشاكل دي موجوه بين الناس في كل العالم إشمعنا نحن هل نحن أنبياء ولا كيف ..
لو كنت قريب من بورداب الرياض لما كتبت كلامك دا برضو ..
ياخي نحن البينا أكبر من كده بكتير ولكن مشاغل الناس الكتيرة خلقت الظروف الإنت بتشوفه تفكك دي ..
ولو كنت حريص على لمة البورداب لكتبت كلامك دا في البوست الفتحه الريس أبوجهينة ولوجدت فيه ما يجنبك مثل هذه الكتابة ..
|
Post: #6
Title: Re: ( بورداب الرياض) ما كان العشم والله........
Author: أيمن دياب
Date: 05-25-2010, 03:54 PM
Parent: #5
حمد لله على سلامتك ياناصر..
وحقك علينا والتقصير حصل فعلاً..
بس زي ما قال معتصم أكيد مافي علم..
|
Post: #7
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-25-2010, 04:01 PM
Parent: #6
Quote: الف حمدا لله على سلامتك اخي ناصر
ونشهد الله سبحانه وتعالى اننا لم نسمع بك
لا من قريب او بعيد
كفارة عليك وزيارتك واجبة علينا
|
ودالباوقة يا أصيل تسلم من كل مكروه..
الأمر كله ربنا ما يقطع العشم في الأخوان ..
معزتي التي تعرفها...
وبنتنا ربنا يتمم لها على خير...
|
Post: #8
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-25-2010, 04:08 PM
Parent: #7
Quote: ألف سلامة يا عمكـ
بعدين ما تجي تتكلم ساي
الكوت .. الكووووت
المهم اللمة يوم الجمعة! |
ود الصايم .... تسلم من كل بلاء
وما تزوغ من كيس الحلاوة...
تحياتي،،،،،،،،،،،
|
Post: #9
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-25-2010, 04:16 PM
Parent: #8
Quote: اخوي ناصر حمدلله على السلامة
وبعدين ماانت براك اللي بتشتكي من بورداب
الرياض .. دا اكتر بورداب يعيش مشاكل ونزاعات
وتفكك . والجانب الاجتماعي مفقود فيه تماما. |
العزيز..صالح عبده
سلمك الله من كل بلاء ..
ونسأل الله أن يقوي أواصر الأخوة بيننا جميعا..
تحياتي،،،
|
Post: #11
Title: Re: ( بورداب الرياض) ما كان العشم والله........
Author: طارق جبريل
Date: 05-25-2010, 04:22 PM
Parent: #9
الف سلامة
بورداب المغرب
|
Post: #12
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-25-2010, 04:24 PM
Parent: #9
Quote:
ألف حمدالله على السلامة يا ناصر ..
حقك علينا ما كان عندنا علم بعمليتك ..
البركة في العافية وربنا يبعد عنك المرض وعنا ..
سبحان الله اليوم فقدتك لأنك ما تداخلت في بوست لمة البورداب وكنت بصدد الإتصال عليك ..
تحايا كتااار ..
|
أخي معتصم تسلم..
ورغم قصر فترة تعارفنا وجدت فيك نعم الأخ والصديق..
تحياتي ..
|
Post: #10
Title: Re: ( بورداب الرياض) ما كان العشم والله........
Author: ismeil abbas
Date: 05-25-2010, 04:22 PM
Parent: #5
اخى ناصر السلام عليكم..
والف كفارة ليك وحمدأ لله على سلامتك.وإن شاء الله ماتشوف شر..
لم اعلم بمرضك إلا من خلال هذا البوست..وانت تعلم كم نكن لك من ود...
Quote: وبعدين ماانت براك اللي بتشتكي من بورداب
الرياض .. دا اكتر بورداب يعيش مشاكل ونزاعات
وتفكك . والجانب الاجتماعي مفقود فيه تماما. |
بورداب الرياض ما بقصروا من واجب حسب عهدى بهم....وشواهدهم كثيرة..
منذ إنضمامى بهذا الكيان لم اجد فيه إلا الترابط والتكافل والتراحم إلا من ابى..
أى عضو من أعضاء المنبر بالرياض هو جزء من بورداب الرياض واللوم عليه إن كان هناك تقصير...
العشم فى ان نكون اكثر ترابطآ إجتماعيآ مطلوب. ولكن لاننسى أنه مسئولية كل عضو..أين دور الذين يقولون غير ذلك؟؟؟
أخى صالح أيضأ كن متعشمآ فى هذا الجسم وقول شكواك..بدلآ من ان تقول كلامآ غير موجود فى بورداب الرياض...
البورداب لايعيشون مشاكل ولا نزاعات ولاتفكك والحمدالله ...
تقديرى واحترامى..
|
Post: #13
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-25-2010, 04:29 PM
Parent: #10
Quote: حمد لله على سلامتك ياناصر..
وحقك علينا والتقصير حصل فعلاً..
بس زي ما قال معتصم أكيد مافي علم.. |
سلمك الله أخي أيمن دياب من كل شر..
نفترض ونحسن الظن إنشاء الله في حسن النوايا..
تحياتي،،،،،
|
Post: #14
Title: Re: ( بورداب الرياض) ما كان العشم والله........
Author: Yousif A Abusinina
Date: 05-25-2010, 04:37 PM
Parent: #10
اخونا ناصر الف سلامة ليك وبعد الشر عليك وانشاء الله فى ميزان حسناتك
من حقك اللوم و العشم فاننا نعتبر انفسنا اخواننا فى الفرح والكره ونعم الاخوه فى جميع البورداب عامة واهل الرياض خاصة .
وعلى قول البدو لك البيرضك ولو حق العرب .
نشوف يوم المه انشاء الله وانت طيب معافى بس ما كتر فى شندوشات ريئس الاعلام (معتصم ).
خليك مع ود الصائم والاسبشل ( مشــــــــــــــــاوى ) وكلنا كابين الزوقة من معتصم .
|
Post: #15
Title: Re: ( بورداب الرياض) ما كان العشم والله........
Author: ابو جهينة
Date: 05-25-2010, 05:28 PM
Parent: #14
الأخ العزيز ناصر
أولا ألف حمدا لله على السلامة و ما تشوف شر
ثانيا : لو قابلناك ممكن نحلف ليك على المصحف أنني أنا شخصيا لم أسمع أو أقرأ عن مرضك شيئا لا من بوست أو من شخص.
و عنوان بوستك دليل على أن عشمك كان موجود و لكن عدم سماع البورداب بالمرض جعلك تقول ما كان العشم و نحن قبلانين و الله باللوم.
الأخ صالح عبده
وبعدين ماانت براك اللي بتشتكي من بورداب
الرياض .. دا اكتر بورداب يعيش مشاكل ونزاعات
وتفكك . والجانب الاجتماعي مفقود فيه تماما.
بالأول نرجو أن تأتينا بقائمة اللائمين و الشاكين ( و مستعدين نقابلهم وجها لوجه .. و أرجو أن تكون معهم ... با لينا با علينا بعد داك )
و نطالبك أيضا بتبصير الناس هنا علنا في هذا البوست بمشاكلنا و نزاعاتنا و تفككنا و جوانبنا الإجتماعية المفقودة.
كلامك فيه طعن بائن لهذا الجسم المتكاتف الذي نتحدى أن بكون أي جسم في ترابطه أو تماسكه.
شيء غريب يا صالح
|
Post: #16
Title: Re: ( بورداب الرياض) ما كان العشم والله........
Author: طارق ميرغني
Date: 05-25-2010, 05:36 PM
Parent: #15
اخي ناصر
الف حمد الله علي السلامه
وبورداب الرياض الذين اعرفهم لا اظن ان احدهم يمكن او يحتمل يخزلك
بمجرد زيارة اخ لو علم بذلك
عشمنا ان نراك ترفل بثوب العافية والي لقاء
اما ما يقال عن" نزاعات " ومشاكل
لم اسمع بذلك من قبل .....
الا من دول حوض النيل...
|
Post: #22
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-26-2010, 08:50 AM
Parent: #16
Quote: اخي ناصر
الف حمد الله علي السلامه
وبورداب الرياض الذين اعرفهم لا اظن ان احدهم يمكن او يحتمل يخزلك
بمجرد زيارة اخ لو علم بذلك
عشمنا ان نراك ترفل بثوب العافية والي لقاء
اما ما يقال عن" نزاعات " ومشاكل
لم اسمع بذلك من قبل .....
الا من دول حوض النيل... |
العزيز طارق ميرغني
سلمك الله من كل شر والحمد لله على نعمة العافية..
أكيد يا أخ طارق ما بتقصروا وده عشمي..
|
Post: #17
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-25-2010, 05:44 PM
Parent: #15
Quote: اخى ناصر السلام عليكم..
والف كفارة ليك وحمدأ لله على سلامتك.وإن شاء الله ماتشوف شر..
لم اعلم بمرضك إلا من خلال هذا البوست..وانت تعلم كم نكن لك من ود...
|
الفاضل اسماعيل عباس وعليكم السلام ورحمته وبركاته...
عارفك أخو أخوان وما بتقصر أبدا عن واجب....
لك من الود ما تستحقه،،،،
|
Post: #18
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-26-2010, 08:20 AM
Parent: #17
Quote: الف سلامة
بورداب المغرب |
تسلم أخي طارق جبريل..
طالما أنت منهم فنعم البورداب
|
Post: #21
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-26-2010, 08:38 AM
Parent: #15
Quote: الأخ العزيز ناصر
أولا ألف حمدا لله على السلامة و ما تشوف شر
ثانيا : لو قابلناك ممكن نحلف ليك على المصحف أنني أنا شخصيا لم أسمع أو أقرأ عن مرضك شيئا لا من بوست أو من شخص.
و عنوان بوستك دليل على أن عشمك كان موجود و لكن عدم سماع البورداب بالمرض جعلك تقول ما كان العشم و نحن قبلانين و الله باللوم.
|
الريس أبو جهينة...التحيات الزاكيات..وتسلم من كل مكروه..
يا أخي الكريم دواعي الثقة والمصداقية بيننا عميقة وينبغي أن تكون كذلك..
والمسألة ليست مسألة لوم بقدر ما هي عشم وتفقد الأخوان بعضهم لبعض...
تحياتي،،،،
|
Post: #19
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-26-2010, 08:28 AM
Parent: #14
Quote: اخونا ناصر الف سلامة ليك وبعد الشر عليك وانشاء الله فى ميزان حسناتك
من حقك اللوم و العشم فاننا نعتبر انفسنا اخواننا فى الفرح والكره ونعم الاخوه فى جميع البورداب عامة واهل الرياض خاصة .
وعلى قول البدو لك البيرضك ولو حق العرب .
نشوف يوم المه انشاء الله وانت طيب معافى بس ما كتر فى شندوشات ريئس الاعلام (معتصم ).
خليك مع ود الصائم والاسبشل ( مشــــــــــــــــاوى ) وكلنا كابين الزوقة من معتصم . |
حبيبنا يوسف ..سلمك الله
قالوا قديما المالامك ما دارك...
لذلك نسعي جميعا بقدر الاستطاعة لبناء وتأسيس علاقات اجتماعية فيما بيننا
يسودها الود والاحترام..
دمت أخي كما تحب دائما....
واللمة إذا سمحت الظروف الصحية سنكون أول الحضور...
|
Post: #20
Title: Re: ( بورداب الرياض) ما كان العشم والله........
Author: معتصم دفع الله
Date: 05-26-2010, 08:36 AM
Parent: #19
كيف أصبحت يا ناصر ..
خلينا نستغل بوستك دا ونعلن عن لقاء بورداب الرياض يوم الجمعة القادمة ..
ودا دليل على وحدتنا وتواصلنا الإجتماعي ومافي أي تفكك زي ما قال أخونا صالح عبده ..
بورداب الرياض ( هذه دعوة للمة أسرية شاملة )
|
Post: #23
Title: Re: ( بورداب الرياض) ما كان العشم والله........
Author: محمد عبد الماجد الصايم
Date: 05-26-2010, 09:14 AM
Parent: #20
غايتو صالح عبده ثلاثي الأبعاد دا حيّر أفكارنا!
|
Post: #24
Title: Re: ( بورداب الرياض) ما كان العشم والله........
Author: ناصر النعمان البدوي
Date: 05-26-2010, 05:42 PM
Parent: #23
Quote: كيف أصبحت يا ناصر ..
خلينا نستغل بوستك دا ونعلن عن لقاء بورداب الرياض يوم الجمعة القادمة .. |
في تحسن بفضل من الله ونعمة...
خد راحتك والبوست حقك يا عم الشيخ...
تحياتي،
|
Post: #25
Title: Re: ( بورداب الرياض) ما كان العشم والله........
Author: صلاح غريبة
Date: 05-26-2010, 06:11 PM
Parent: #24
الاخ ناصر
سلامتك
وانت تعرف مدى العلاقة التي تربطنا مع بعض
ولكني لم اسمع عن مرضك والعملية والشفاء
والمهم الف مبروك على التماثل للشفاء
واكيد اكيد اكيد نتلاقى
صلاح غريبة - نيابة عن بورادب مدينة الابيض بالرياض
|
|