لماذا لايـرحمنا الله؟

غضبة الشمس والحكومة وحماقات المعارضة..
كلو علينا..

لماتمشى لأى معاملة فى السودان مهما كانت بسيطة لازم تآمن..
تدقك الشمس ..وياخدك العطش..وتقيف فى صف طويل يختلط فيه
النساء والرجال..سواسية..الكتف بى الكتف..

الواحد بيحلم بى دولة تحترم المواطن...على الاقل توفر ليهو
ظل..ولو شجرة..! او صالة بى 3 او 4 مرواح...بس..
حمام يقضى فيهو حاجاتو..بدل الجهجهة,,
طوف النجاة فى السودان,,بالضبط وين؟
والحاصل سببو احنا ولا حاجة كده بتاعة ربناجل وعلا؟

ممكن نخليها
سخانة جيب
واستهتار حكومة
وتشتت معارضة









ان الله اذا احب عبدا ابتلاه

جاء فى الحديث الذى أخرجه الترمذى عن مصعب بن سعد عن أبيه قال، قلت: يا رسول الله، أى الناس أشد بلاء؟ قال ﴿الأنبياء ثم الأمثل فالأمثل، يبتلى الرجل على حسب دينه، فإن كان فى دينه صلباً اشتد بلاؤه، وإن كان فى دينه رقة ابتلى على قدر دينه، فما يبرح البلاء بالعبد يتركه يمشى على الأرض وما عليه خطيئة﴾

مرحبا اخى ombadda
واللهم صلى وسلم على حبيب الله..
حديث نبينا ما عندنا فيهو كلام..
ولكن
مشكلتنا كبيرة لما نفسر اى تردى حاصل بأنو ابتلاء الهى..
وبانو دا بحصل عشان الله بحبنا..شديد من دون الأمم..
بعد مرات بشوف الكلام ابدا ما منطقى..مع احترامى
لكل الاسقاطات الدينية على حال السودان

الله يرحمنا ويرحمكـ في كل حين
في كل ثانية
الله رحمته ليس لها حدود أو شهادات خلو طرف من أطراف أخرى
الله رحمكـ بأيادي مكتملة الأًصابع تستخدمها على لوحة مفاتيح وتكتب بها لماذا لا يرحمنا الله
هذا عدى عن العقل الذي ميزكـ به فرأيت الخطأ من قبل عباده وجئت تكتب عنه
واخترت عنواناً تسأل فيه عن رحمة ربكـ وهو من تركـ أجهزتكـ الداخلية والخارجية تعمل بكفائتها دون نفقصان
أما عباده الذين يمارسون خطاياهم فيكـ وفي غيركـ فذلكـ في أعناقهم إلى حين وأنت تدري ذلكـ
هي الدنيا التي أوجدها صانعها
وأراد لها أن تكون كذلكـ
بيَن فيها كل شي ( كلُ حسب معتقده )
وأنت تحتج !!
ما الفرق بينكـ وبينهم ؟؟

Quote: الله يرحمنا ويرحمكـ في كل حين في كل ثانية الله رحمته ليس لها حدود أو شهادات خلو طرف من أطراف أخرى الله رحمكـ بأيادي مكتملة الأًصابع تستخدمها على لوحة مفاتيح وتكتب بها لماذا لا يرحمنا الله هذا عدى عن العقل الذي ميزكـ به فرأيت الخطأ من قبل عباده وجئت تكتب عنه واخترت عنواناً تسأل فيه عن رحمة ربكـ وهو من تركـ أجهزتكـ الداخلية والخارجية تعمل بكفائتها دون نفقصان أما عباده الذين يمارسون خطاياهم فيكـ وفي غيركـ فذلكـ في أعناقهم إلى حين وأنت تدري ذلكـ هي الدنيا التي أوجدها صانعها وأراد لها أن تكون كذلكـ بيَن فيها كل شي ( كلُ حسب معتقده ) وأنت تحتج !! ما الفرق بينكـ وبينهم ؟؟

تحياتى لك
لا اعتقد تساؤلى يعنى اننى لا احمد الله..رغم كل شئ..
هل الذين تتوقف اعضائهم فى لحظة خرجوا من رحمة الله..؟
نفس الحكاية..ياخ عمران..بقولوا ليك ياخ امشى المستشفى شوف
الناس كيف..اسكت ساى بالله..؟
المرض والموت والحياة نفسهاوصحتى وصحتك والبقية
لاعلاقة لها..بواقعنا الحقيقى..!
رحمة الله التى اسألها فى تغيير حقيقى..وبسيط
من اجل,,ان ينتبه اصحاب السعادة لحالنا
ل معاناة لا تنتهى فى كل خطوة فى دهاليز مكاتبهم
المكيفة..

حبابك يا معاذ..
والله فترنا من الانين ده..لا زول سامع..ولافيهم من يقراء على الورق
ولا على الوجوه..من بؤس..تحن علينا الكلاب ..وديل وديلاك..ما تتهز
فيهم شعرة..

Quote: ممكن نخليها سخانة جيب واستهتار حكومة وتشتت معارضة ان الله اذا احب عبدا ابتلاه

أخونا مُحَمّدْ
مرحب بيك في المنبر
وسوري على الترحيب المتأخر .. بس العنوان ما غريب شوية ؟؟
ما هو معيارك في تحديد رحمة رب العالمين

تسلم..وشكرا للترحيب..والاخوان ما قصرو قبلك تب
العنوان ما فيهو غرابة..الرحمة عندها اسباب بتزل بيها..
وفى حاجات تانية بتطفشا مرة..واحدة..
وحاشا ان احدد انا معيارا لرحمة الله..لكن الصراحة ان هناك
كثيرين جدا فى السودان تهتز فيهم اشياء كثيرة جدا
ويدخلون فى الايمان..ثم يخرجون فى كل مرة..

Quote: أخونا مُحَمّدْ مرحب بيك في المنبر وسوري على الترحيب المتأخر .. بس العنوان ما غريب شوية ؟؟ ما هو معيارك في تحديد رحمة رب العالمين

ياود عوض

لو ما رحمة ربنا ولطفه

الدراما السياسية

الحاصلة دي لو في بلد تاني ما كان فضل فيها زول

ودونك الصومال والعراق وافغانستان

Quote: ياود عوض لو ما رحمة ربنا ولطفه الدراما السياسية الحاصلة دي لو في بلد تاني ما كان فضل فيها زول ودونك الصومال والعراق وافغانستان

السياسى..يبقى هو السبب فى كل الاحنا فيهو..؟
برود وتجاهل الموظفين.للمواطنين...رغم الدفعيات من اول باب لى اخر شباك
وغرضك ما ينقضى..الا بعد تقضى 8 ساعات..وقوفا أو جلوسا على قطعة كرتون
فى نص الشمس زى الشحاد..؟
الحكاية شكلها
داء قديم ومتمكن فى مفاصل الخدمة المدنية فى السودان
برضو نحمدو..ونشكروا

Quote: الواحد بيحلم بى دولة تحترم المواطن...على الاقل توفر ليهو ظل..ولو شجرة..!

تاني جاب سيرة الشجرة والله الكيزان ديل إلاّ يوزعوا شجر في الورق، لكن على الطبيعة كدة.. الله يعلم.

بعدين يا أخي رحمة الله لا تنتهي، لكن عدم رحمتنا لأنفسنا تحجب عنا إدراك رحمة الله سبحانه وتعالى.

ونرجو الله أن يرحمنا ويرحمكم لندرك رحمته ونحمده ونشكره بالثناء المستحق علينا. لأن الشكر يزيد الرحمة،

وردد معي هذه الآيات الكريمات:

(وَإِذْ تَأَذَّنَ رَبُّكُمْ لَئِنْ شَكَرْتُمْ لأَزِيدَنَّكُمْ وَلَئِنْ كَفَرْتُمْ ‏إِنَّ عَذَابِي لَشَدِيد) سورة 14 إبراهيم آيةٌ (7)‏


(وَلَنَبْلُوَنَّكُمْ بِشَيْءٍ مِنْ الْخَوْفِ وَالْجُوعِ وَنَقْصٍ مِنْ ‏الأَمْوَالِ وَالأَنفُسِ وَالثَّمَرَاتِ وَبَشِّرْ الصَّابِرِينَ (155) ‏الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ ‏رَاجِعُونَ (156) أُوْلَئِكَ عَلَيْهِمْ صَلَوَاتٌ مِنْ رَبِّهِمْ ‏وَرَحْمَةٌ وَأُوْلَئِكَ هُمْ الْمُهْتَدُونَ (157)) ‏- سورة البقرة


(قُلْ لِمَنْ مَا فِي السَّمَوَاتِ‎ ‎وَالأَرْضِ قُلْ لِلَّهِ كَتَبَ عَلَى ‏نَفْسِهِ الرَّحْمَةَ لَيَجْمَعَنَّكُمْ إِلَى يَوْمِ الْقِيَامَةِ لا رَيْبَ فِيهِ ‏الَّذِينَ خَسِرُوا أَنفُسَهُمْ فَهُمْ لا يُؤْمِنُونَ (12)) ‏سورة الأنعام


(وَإِذَا جَاءَكَ الَّذِينَ يُؤْمِنُونَ بِآيَاتِنَا فَقُلْ سَلامٌ عَلَيْكُمْ ‏كَتَبَ رَبُّكُمْ عَلَى نَفْسِهِ الرَّحْمَةَ أَنَّهُ مَنْ عَمِلَ مِنْكُمْ ‏سُوءاً بِجَهَالَةٍ ثُمَّ تَابَ مِنْ بَعْدِهِ وَأَصْلَحَ فَأَنَّهُ غَفُورٌ ‏رَحِيمٌ) (54) ‏‏سورة الأنعام


(لا يُكَلِّفُ اللَّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا ‏مَا اكْتَسَبَتْ رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا ‏وَلا تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِنْ ‏قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا ‏وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى الْقَوْمِ ‏الْكَافِرِينَ) (286)‏ سورة البقرة


وَأَيُّوبَ إِذْ نَادَى رَبَّهُ أَنِّي مَسَّنِي الضُّرُّ وَأَنْتَ أَرْحَمُ ‏الرَّاحِمِينَ (83) فَاسْتَجَبْنَا لَهُ فَكَشَفْنَا مَا بِهِ مِنْ ضُرٍّ ‏وَآتَيْنَاهُ أَهْلَهُ وَمِثْلَهُمْ مَعَهُمْ رَحْمَةً مِنْ عِنْدِنَا وَذِكْرَى ‏لِلْعَابِدِينَ (84)‏ سورة الأنبياء


وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِينَ (118)‏ سورة المؤمنون

نسال الله أن تنزل علينا وعليكم برداً وسلاما ورحمة من رب رحيم. آمين

الْلَّهُم مَا أصْبَح بِي بِنِعْمَتِك أو بِأحَد مِن خَلْقِك فَمِنْك وَحْدَك لا شَرِيْك لَك فَلَك الْحَمْد وَلَك الْشُّكْر

اخونا عزام ماعارف علاقة صورك بى موضوعنا شنو..؟
غايتو الفهمتو..انو فى شعوب تانية ربنا بحبها اكتر مننا؟
عشان كده ابتلاهم..؟
ياريت نلقى زول يورينا الابتلاء هو شنو ما اساسو..
حاكم ظالم.وبطانة فاسدة.او قوة محتلة..أم طبيعة متمردة وغاضبة؟

Quote: تاني جاب سيرة الشجرة والله الكيزان ديل إلاّ يوزعوا شجر في الورق، لكن على الطبيعة كدة.. الله يعلم

ياخى دى بالغت فيها عديل
يديك العافية يا Elawad
وشكرا على الكلم الطيب

أخى محمد


فلنحسب الإبتلاءات التى نتعرض لها. نجدها معدودة سواء كانت شظف عيش, رهق دين, فقر مدقع, مرض, فقد عزيز. وعندما نأتى لنحسب نعم الله علينا
بدءا من الهواء الذى نستشنقه (هل رأيت مريضا مصابا بأزمة وخيمة وهو يكابد ؟) نجد ان نعمه الله تعالى علينا كثيرة لا تعد ولا تحصى..

ولا يعنى هذا ألا نعمل للدنيا وإعمارها. فقط علينا ألا نتذمر ونسخط .


فى الحديث القدسى: (إن البلاء أسرع إلى من يحبنى، من السيل إلى منتهاه) ... الخلق

Quote: عندما يولد الإنسان، تولد معه فرصتان فرصة الخير، وفرصة الشر.. فرصة الدخول إلى الجنة، وفرصة الدخول فى النار. ثم يدخل الانسان بعد ذلك فى سلسلة لا تنتهى من الامتحانات، وهذه الامتحانات تتعمق وتصبح أكثر صعوبة عند البلوغ، وفى بعض الأحيان تغدو امتحانات عسيرة شديدة، وكلما ازدادت هذه الاختبارات شدة وصعوبة، ازداد نقاء جوهر الانسان، والدليل على ذلك إن أصل كلمة (فتنة) مقتبس من وضع الذهب فى النار، لأن هذا المعدن يختلط بسائر المعادن، فلكى يصفى وتذهب عنه تلك الشوائب، فإنه يحتاج إلى (الفتنة)؛ أى إلى أن يعرض للنار ليذوب فيها وتزول الزوائد منه وتسمى فتون كما قال الحق لسيدنا موسى ]... وَقَتَلْتَ نَفْسًا فَنَجَّيْنَاكَ مِنَ الْغَمِّ وَفَتَنَّاكَ فُتُونًا[[12].

Quote: الدنيا هى سبيلنا للآخرة وليس العكس، بمعنى أننا نعيش لكى نعبد الله، ونتزوج لكى ننجب أولاد ننشئهم على الصلاح، ونعمل لكى نكسب فننفق فى سبيل الله ونتصدق ونخدم بالمال الأهل والمحتاجين، وهنا يصبح العمل بالنيه الصالحة عبادة.

Quote: الخيرة فيما اختاره الله دائما ولنحذر فيما ندعو، فقد يجيب الله لنا دعوانا ويغير لنا الحال بما نطلبه فنجد أن الأفضل منه ما كنا عليه، والمحبين لله دائما يرضون بما يختاره لهم ولا يختارون لأنفسهم فهو أعلم بالأصلح لهم وهم لا يعلمون، فالفطنة أن نرضى بما قسمه الله لنا بل نشكره عليه لأنه إنما اختار لنا أفضل ما يمكن أن يحدث، ويقول سبحانه وتعالى: ﴿لئن شكرتم لأزيدنكم ولئن كفرتم إن عذابى لشديد﴾، فمن يرضى بما قسمه الله له ويعرف حكمته فيه ويشكره عليه يزيد له الله فى كرمه عليه، وأما من لا يرى نعمة الله عليه ولم يرضى بما قسمه له فقد كفر بالنعمة واستحق غيرها،

Quote: فقد يجيب الله لنا دعوانا ويغير لنا الحال بما نطلبه فنجد أن الأفضل منه ما كنا عليه،

,والله ياخوى دا الكلام البخوف جد..جد..
يعنى امكن كمان الجاى يكون اخطر,,او....طـ..؟
غايتو..فى بلدنا ده..لازم تكون فى قوة الفاروق..عشان تقدر على الشياطين
الجواك..والبره..وعشان تفضل ثابت فى ايمانك..يبقى لازم
تخت قدامك ..و وراك قصة ايوب عليه السلام..
غايتو:
استغفر الله العظيم بس
جزيت خيرايا اخى ombadda

الناس قرفانه مع السخانة دي .. والحكومة سبب القرف وزايدة القرف ..
الرحمة ما بتنزل في ظل وجود الحرامية ديل ..

يمكن نقول في عدم مبالاه في أي حاجة في البلد ,
كان في المكاتب ولا المواصلات ولا أي حتة.

الله يخجهم يااااااخ .

كان يمكن ان يكون العنوان
اللهم رحمتك نرجو
اللهم ارحمنا
ربنا لا تسلط علينا بذنوبنا من لا يخافك ولا يرحمنا
اما عنوانك ففيه مغالاة والله اعلم

مجرد رأى

احتمال يكون فى خطأ..بس ملاحظة مهمة
التساؤل للناس..مش لى الله سبحانه وتعالى..
لانه هو الذى يسأل وليس نحن..!
تحياتى ود الفحل
ورأيك مقدر وعلى العين والرأس

Quote: كان يمكن ان يكون العنوان اللهم رحمتك نرجو اللهم ارحمنا ربنا لا تسلط علينا بذنوبنا من لا يخافك ولا يرحمنا اما عنوانك ففيه مغالاة والله اعلم مجرد رأى

يا ابوحميد صباحتو بيوض ياخى..
المواصلات بقت راقدة..بس لما العربية تمرق من الموقف الجديد بتطلع
معاها روحك..لما تعاين للناس دايشة وحايمة تترق من العربات يمين وشمال
بلا مسارات محددة.للمشاة..السواق ذاتو حالتو بالبلا..يطلع وشو بره
يتف سفة نصها يجيبو ليك الهواء فى وشك..
الما قرفان منو بالضبط..؟
كلو لاحق بعضو..

Quote: الناس قرفانه مع السخانة دي .. والحكومة سبب القرف وزايدة القرف .. الرحمة ما بتنزل في ظل وجود الحرامية ديل .. يمكن نقول في عدم مبالاه في أي حاجة في البلد , كان في المكاتب ولا المواصلات ولا أي حتة. الله يخجهم يااااااخ .

يا ابوحميد صباحتو بيوض ياخى..
المواصلات بقت راقدة..بس لما العربية تمرق من الموقف الجديد بتطلع
معاها روحك..لما تعاين للناس دايشة وحايمة تترق من العربات يمين وشمال
بلا مسارات محددة.للمشاة..السواق ذاتو حالتو بالبلا..يطلع وشو بره
يتف سفة نصها يجيبو ليك الهواء فى وشك..
الما قرفان منو بالضبط..؟
كلو لاحق بعضو..

Quote: الناس قرفانه مع السخانة دي .. والحكومة سبب القرف وزايدة القرف .. الرحمة ما بتنزل في ظل وجود الحرامية ديل .. يمكن نقول في عدم مبالاه في أي حاجة في البلد , كان في المكاتب ولا المواصلات ولا أي حتة. الله يخجهم يااااااخ .

..

أخونا / محمد عوض أحمد

Quote: اخونا عزام ماعارف علاقة صورك بى موضوعنا شنو..؟

لامِن قريت عِنوانك ، زِعلت والله وإسْتغفرت ... ولامِن سألتني <ماعارف علاقة صورك بى موضوعنا شنو> عذرتك ...

هسي دا عنوان تقابل بيهو ربّنا؟





المعايير يا جماعة
المعاييييييير ياخ!

.مَّا يَفْعَلُ اللّهُ بِعَذَابِكُمْ إِن شَكَرْتُمْ وَآمَنتُمْ وَكَانَ اللّهُ شَاكِراً عَلِيماً
سورة النساء الآية 147


(ما يفعل الله بعذابكم - إن شكرتم وآمنتم ? - وكان الله شاكرا عليما). . نعم ! ما يفعل الله بعذابكم إن شكرتم وآمنتم ؟ إن عذابه لجزاء على الجحود والكفران ; وتهديد لعله يقود إلى الشكر والإيمان . . إنها ليست شهوة التعذيب , ولارغبة التنكيل ; ولا التذاذ الآلام , ولا إظهار البطش والسلطان . . تعالى الله عن ذلك كله علوا كبيرا .

(منقول)

omer osman
مشكور جدا على المرور
ربنا يديك العافية

غايتو سؤالك برضو ما راكب عدلو..أخير انا..
شيل شيلتك..

Quote: هسي دا عنوان تقابل بيهو ربّنا؟

الله لا جاب زعل ياخ..حاول تحافظ على اعصابك لانو احنا الخلانا نكتب كده
الزعل ده ذاتو..
كلنا بسنتغفر..الطير والشجر..والبشر..
شكرا للمعذرة يا سيدى..ارجو ان تجدها لنا دائما لكى تثبت اصالة معدنك
تحياتى

Quote: لامِن قريت عِنوانك ، زِعلت والله وإسْتغفرت ... ولامِن سألتني <ماعارف علاقة صورك بى موضوعنا شنو> عذرتك ...

محمد عَوض أحمد

Quote: الله لا جاب زعل ياخ..

آمين يا رب العالمين ... الله لا جابو ...
ـــــــــــــــ

Quote: حاول تحافظ على اعصابك

ومين قال ليك إنو أعصابي < إنْفلتت >
ـــــــــــــــ

Quote: لانو احنا الخلانا نكتب كده الزعل ده ذاتو..

أفهم إنك مُمكِن تزعل مِن زيد ... تزعل مِن عِبيد ... تزعل حتى من روحك ... لكِن تزعل مِن " الله " ده بطلِع الزول مِن المِله
ـــــــــــــــ

Quote: كلنا بسنتغفر..الطير والشجر..والبشر..

الظاهِر ماك مُتَيقِن مِنها ... هسِع في زول الرحمن في قلبو بِكْتِب جِنِس عِنوانك ده
ـــــــــــــــ

Quote: شكرا للمعذرة يا سيدى..ارجو ان تجدها لنا دائما لكى تثبت اصالة معدنك

مُش شرط لإثبات أصالة معدني إنو أعذُرك يا سيدي ...

تحياتي ،،،

وقوله تعالى: ((وما أصابكم من مصيبة فبما كسبت أيديكم ويعفو عن كثير)) سورة الشورى(30).





أرض النفـــــــــــــاق

آدم صيام
شكرا للمرور..وماشى على الرابط بتاعك نشوف خبروا شنو
تحياتى

اخونا عزام صباحتو زى ما تشتهى !
طيب اوكت ما زعلان ولا اعصابك انفلتت برضو كويس خالص

Quote: أفهم إنك مُمكِن تزعل مِن زيد ... تزعل مِن عِبيد ... تزعل حتى من روحك ... لكِن تزعل مِن " الله " ده بطلِع الزول مِن المِله

Quote: الظاهِر ماك مُتَيقِن مِنها ... هسِع في زول الرحمن في قلبو بِكْتِب جِنِس عِنوانك ده ـــــــــــــــ

لا اعرف يمكنك ان تسنتج انو انا زعلان من ربنا؟
الحكاية ما كده ..لأنو لا يمكنك يا سيدى ان تدخل الى قلبى لمعرفة ذلك.
.كما لا يمكن ايضا ان تجزم ان ما كتبت يخرجنى من الملة..ويجعل السموات والارضين غاضبة على..
بثلاث كلمات او اربع وعنوان ترى انه غير مناسب..وبتأويل يخصك..وحدك
ترى اننى فى درب الخروج من الاسلام..والملة..؟

Quote: مُش شرط لإثبات أصالة معدني إنو أعذُرك يا سيدي

طيب..رأى خاص يقول ان من يجدون الاعذار لأخوانهم ويحسنون الظن بهم
و ب قلوبهم ايضا..هم اصحاب المعدن الأصيل..ان لم توافقنى على
ذلك ف لا بأس..آهو رأيك برضو..ومقدر عندنا
تحياتى وشكرا لمداخلتك العامرة

هنالك خطأ ايضا فى مقدمة مداخلتى
معذرة
غربة السودان دا موضوع براهو..ما عندو علاقة بالبوست ده
تحياتى