Post: #1
Title: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: الرفاعي عبدالعاطي حجر
Date: 05-13-2010, 11:21 AM
Parent: #0
لنتفق ان الورثة يستحقون ان يقفوا الى جانب حماية الحقوق الادبية لمن توفاه الله من المغنيين واُسر اؤلئك المبدعين لهم كامل الحق في حماية الذاكرة الجماهيرية من اي تخريب يصيب اغنيات المبدعين الذين مضوا الى رحاب ربهم تاركين ورائهم ارثاً رحباً من الابداع وتاركين بصماتهم الخاصة في مجال الغناء لكن المزعج بحق ان هذه الاُُسـر اعطت نفسها الحق في ترديد اغنيات الراحلين دون مراعاة لوجدان او ذوق بل وفق التشويه المخل والمزعج جداً.
برز في الاونة الاخيرة في السودان ابناء يتوارثون اغنيات ابائهم ويرددونها وما من احد يستطيع ان يقول لهم قفوا يارعاكم الله وارحمونا فما الحل هل لانهم الورثة يحق لهم ذلك ؟؟؟, فهم يتعاملون معها كبقية الاثاث والعقار المتوارث إن وجد ومن بين هؤلاء حصراً اخص عزة عبدالعزيز داوود , منتصر سيد خليفة وابن الراحل عبدالعظيم حركة واقول لهم ان الغناء الذي تركه هؤلاء الاعلام في مسيرة الغناء وارثهم المتفرد يجب ان تمروا عليه مقلدين لحين ان ينضج عودكم وتجدون ما يناسب خامات اصواتكم ذلك امر نحتمله على مضض ولكن ان تلووا رقبة التاريخ وتديرون عجلة الزمن الى الوراء لتسنسخوا لنا اصواتهم لانكم فقط الورثة فذلك دونه المحاكم الفنية التي نرجو ان ينصبها متخصصون في الفن والغناء , فقناعتي تقول بأن الغناء كما بصمة اليد وبعض الخصائص الحيوية المتفردة في الكائن الانساني , من هنا ادفع برأئي دون مواربة بأنكم لا تمثلون الصوت ولكن لكم الحق المطلق في حماية الحقوق الادبية ونسأل الله لكم التزفيق في ضروب ودروب الحياة المختلفة لكن ان ترددوا اغنيات الاباء بهذا القدر من التشويه فذلك ما ليس لكم فيه الحق وارجو ان تعود للمختصيين وتسألونهم عما يناسب اصواتكم فإن ُوجد فشقوا طريقكم والخيط الاحمر تماما هو ترديديكم لاغنيات رسخت وشكلت صورها الذهنية في وجداناتنا وشكلتها واخذت مساحاتها في دواخلنا عبر الزمن فالمستحيل ان تعيدوا عجلة التاريخ ولن تقدروا ولو خدعوكم ... فتوقفوا يرحكم اللا نام لا اكل الطعام .
.............................................................حجر.
|
Post: #2
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: عبد الدائم سيد أحمد
Date: 05-13-2010, 11:37 AM
Parent: #1
والقائمة تطول يا رفاعى
هو فى اكتر من وردى قال لعبد الوهاب ولدو يا ابنى سيبك من حكاية الغناء
وخليك فى التوزيع ... والراجل مصر يضرسنا
والغربية ولا واحد من ابناء الفنانين صوتو جميل ويستاهل يكون فنان
|
Post: #3
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: الرفاعي عبدالعاطي حجر
Date: 05-13-2010, 11:52 AM
Parent: #2
Quote: والقائمة تطول يا رفاعى
هو فى اكتر من وردى قال لعبد الوهاب ولدو يا ابنى سيبك من حكاية الغناء
وخليك فى التوزيع ... والراجل مصر يضرسنا
والغربية ولا واحد من ابناء الفنانين صوتو جميل ويستاهل يكون فنان
|
القائمة طويلة حقاً لكن يحمد لفنانا الكبير الاستاذ وردي
انه يدفع برأيه ولو في عبدالوهاب وردي .
اذن لي سند كبير , شكرا ياجميل والايام مزاحمينكم في الكار .
.......................................................حجر.
|
Post: #4
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: قلقو
Date: 05-13-2010, 12:21 PM
Parent: #3
:QUOTE
والراجل مصر يضرسنا
والله العظيم انا لا أدرى من هو ذلك الشخص المضر الذى اقنع عبدالوهاب وردى بأن يغنى..غايتو شكيتو لى الله .
لكن برضو احيي عبدالوهاب وردى على جرأته وهو يصك آذاننا بصوته القبيح.
|
Post: #5
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: Emad Ahmed
Date: 05-13-2010, 12:27 PM
Parent: #3
| Quote: والغربية ولا واحد من ابناء الفنانين صوتو جميل ويستاهل يكون فنان |
سلام
مع احترامي التام لرايكما حجر وعبد الدائم
ولكن بحسب رايي المتواضع أرى بان المثل الشايع
ابن الوز عوام ينطبق تماما على الفنان محمد خضر بشير
ولي عودة ..
|
Post: #6
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: Salah Abdulla
Date: 05-13-2010, 12:37 PM
Parent: #5
يا حجر سند كبير بتاع شنو ياخ ؟؟
99.99% من الشعب السوداني مساندك..
ياخي كلما أسمع واحد فيهم أصبع رجلي الشمال الصغير يوجعني !!! ليه ؟؟؟ ما عارف...
قبل كم يوم حضرت حلقة مسجلة لولد عبدالعظيم حركة ، وبرضو أصبعي وجعني!!
عزالدين أحمد المصطفى كويس ،، خاصة لمن يغني لإبراهيم عوض ،، صوتو جميل والله..
|
Post: #7
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: عماد شمت
Date: 05-13-2010, 01:11 PM
Parent: #6
سلام حبيبنا عبدالعاطي اولا شكرا يااخي علي الجلسة اللطيفة الخفيفة الجميلة
جلسة مامنظور مثيلها ..سعدت بيكم كتير واتمني ان التقيكم مرة تانية وبالله رسل تلفونك
علي المسنجر ..وحيصلك انشاءالله شريط من الزمن الجميل ...
فعلا انا معك 100% من الافضل للشخص الذي يريد ان يكون له شأن او مكان في الوسط الغني او يمتهن الفن
او امتداد لوالده عليه ان يتغني بصوته ..وهنا يمكن لنا ان نتذكر هذا العملاق الذي زرع اجمل الورود في
هذا الدرب واثري وجدان شعب باكملة بالحب والخير والجمال ..
كلنانعرف من السهل جدا ان تشكل صوتك وتخرج من جلباب من تقلده مع الاحتفاظ ببعض النبرات كمثال الراحل محمد
سيداحمد( من مدني الجميلة) وهو صاحب اغنية ربي ما تحرم بيت من الاطفال ..فصوته صوت الفنان وردي تماماولكنه يغني
بصوته الخاص..وايضا الفنان عبداللطيف عبدالغني ايضا يغني بصوت وردي ولكن له صوته الخاس
واتمني لهؤلاء مسيرة فنية موفقة وان يبتعدوا ولو قليلا لان هذا الارث الجميل انطبع في وجدانا هكذا وسيظل ابدا
يعمر قلوبنا بالمحبة والجمال ..
صلاح عبدالله انت يااخي اصبعك الصغير انا والله مرات اضنيني الاثنين والا ادخل ليهم فتله اسكتهم حليل ايامنا ديك ...
تحياتي وحبي لكم جميعا ...
|
Post: #8
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: مدثر قرجاج
Date: 05-13-2010, 02:33 PM
Parent: #7
حجر
من قبل فشل ابن الرحل عبد الدافع
وابن عثمان حسين وعز الدين ابن العميد احمد المصطفى
عشان كده ابن الوز لن يكون عوام وما اظن حايكون......
عبد الوهاب وردى مثال لافشل ابن وز لاعظم وز فى تاريخ
الغناء ...
محبتى
|
Post: #9
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: سمندلاوى
Date: 05-13-2010, 02:33 PM
Parent: #7
تحياتى يارفاعى
| Quote: عزة عبدالعزيز محمد داوود ومنتصر سيد خليفة وحركة الابن والارث الغنائي |
ولكن:
هو الاكثر تميزا من ضمن ابناء الرموز
الغنائية, شاب فنان بجد ويمتاز بصوت طبق الاصل
من صوت المرحوم والده, وهناك التطريب والاداء
والحضور هم ميزات اخرى تدعمه بقوة وبلامنافس
اتفق مع الاخ الفنان جدا عماد على ماورد فى
تعليقه هنا...
كل الود
|
Post: #10
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: حمزه بابكر الكوبي
Date: 05-13-2010, 03:07 PM
Parent: #9
هو الاكثر تميزا من ضمن ابناء الرموز الغنائية, شاب فنان بجد ويمتاز بصوت طبق الاصل من صوت المرحوم والده, وهناك التطريب والاداء والحضور هم ميزات اخرى تدعمه بقوة وبلامنافس اتفق مع الاخ الفنان جدا عماد على ماورد فى تعليقه هنا...
التحيه لصاحب البوست وباقي المتداخلون
اتفق مع عماد وسمندلاوي
|
Post: #11
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: عزام حسن فرح
Date: 05-13-2010, 03:16 PM
Parent: #9
أنا مع Emad Ahmed في إنو محمد ود خِضر البشير فنان وبِطْرِب مِتِل أبوهو رحمه الله عليهو ...
في أغُنِية < حارِم وصلي مالك > شوفو الزول ده شعَود كيف وشوفو الأُسْتاذ القامه < عَوض بابِكِر > مُنْدمِج كيفِنو
http://www.youtube.com/watch?v=W3Xl-Av8r9E
بس < عزه > بِت أبو داؤد حقو تكمِل تعليما. و< مُنتصِر > ود سَيِد خليفة لو جرب يِعزِف على أي < آله > إن شاءالله < حاده > بس يِسْكُت وللأبد ، إذا كان لابُد يعني مِن الفن ...
الغلطات السيتا في حياتي كتيره ، بس أكبر غلطه سويتا إني ما بِقيت فنان حتو ... أخخخخ لو عادِل التيجاني ما كان في الدوحة ، أمانة ما كُنت يا عزام شقيت طريقك الزاهي ووردي ، ياخ الزول ده بلقاهو قِدامي في أي مُناسبة ... عِرِس ... قِدومه ... طهور ... التقول إسماعيل الأزهري بس ، وبعدين ناس الدوحة بِقو أصلو ما عِندهُم ذائِقة فنِية ، كيف أكون عايِش بيناتُم وما يِسْتغِلو فُرصة دي ... أو كمان تكون بِت إبراهيم دي زوله مُنافقه عديييل كِده ، لأني بغني ليها يوماتي لي أكتر مِن 15 سنة ، عِندما يأتي المساء ، وأول ما أجْعُر أقصُد أغني بِتْهُزِز رِويسا طربانا ... ياخ أنا ما معقول بِس الدُنيا ضَيقة شوية وبعض الناس فيا حِقد ... وكِده
|
Post: #12
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: سمندلاوى
Date: 05-13-2010, 06:48 PM
Parent: #11
|
Post: #13
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: ود الباوقة
Date: 05-13-2010, 06:55 PM
Parent: #12
اخي حجر جريك وراء نقد القنصلية في جدة
حرمنا من ابداع مثل الذي امامنا
اترك القنصلية وواصل في النقد الفني
وتجدنا لك من المتابعين
يجب الا تنسى ود ( الجقر ) احمد البنا
دا من اسمعوا تصيبني قشعريرة في خياشيمي
|
Post: #14
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: الرفاعي عبدالعاطي حجر
Date: 05-13-2010, 10:04 PM
Parent: #13
شكراً ياناس ياذوق برجع ليك فرداً فردا بس عايز اقول ستمعت لمحمد خضر بشير و اعتقد انه مبدع ولكن يجب الخروج الى الشخصية الخاصة به وهو كمقلد لوالده جميل ومعقول لكن بأي حال الشخصية الخاصة بالراحل الكبير خضر بشير تظل في وجدانا لخضر بشير فقط فعلى محمد خلق الصورة الخاصة به.
و د الباوقة راجع للقنصلية في معاييرها الخاطئة تجاه المواطن والتمييز لكن في وقت لاحق وهذا لايمنع المرور في شوارع الشجن والوجد محبتي لك ياابوالعروسة .
...............................................................حجر.
|
Post: #15
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: سمندلاوى
Date: 05-13-2010, 10:50 PM
Parent: #14
شكرا رفاعى
| Quote: ولكن يجب الخروج الى الشخصية الخاصة |
دا كلام سليم واوافقك الراى فيه, فهو بحق
يحتاج للدعم والتوجيه الصحيحين!
تسلم
|
Post: #16
Title: Re: عزة عبدالعزيز محمد داوود ومنتصر سيد خليفة وحركة الابن والارث الغنائي !!!!
Author: الرفاعي عبدالعاطي حجر
Date: 05-14-2010, 09:02 AM
Parent: #15
Quote: سلام حبيبنا عبدالعاطي اولا شكرا يااخي علي الجلسة اللطيفة الخفيفة الجميلة
جلسة مامنظور مثيلها ..سعدت بيكم كتير واتمني ان التقيكم مرة تانية وبالله رسل تلفونك
علي المسنجر ..وحيصلك انشاءالله شريط من الزمن الجميل ...
فعلا انا معك 100% من الافضل للشخص الذي يريد ان يكون له شأن او مكان في الوسط الغني او يمتهن الفن
او امتداد لوالده عليه ان يتغني بصوته ..وهنا يمكن لنا ان نتذكر هذا العملاق الذي زرع اجمل الورود في
هذا الدرب واثري وجدان شعب باكملة بالحب والخير والجمال ..
كلنانعرف من السهل جدا ان تشكل صوتك وتخرج من جلباب من تقلده مع الاحتفاظ ببعض النبرات كمثال الراحل محمد
سيداحمد( من مدني الجميلة) وهو صاحب اغنية ربي ما تحرم بيت من الاطفال ..فصوته صوت الفنان وردي تماماولكنه يغني
بصوته الخاص..وايضا الفنان عبداللطيف عبدالغني ايضا يغني بصوت وردي ولكن له صوته الخاس
واتمني لهؤلاء مسيرة فنية موفقة وان يبتعدوا ولو قليلا لان هذا الارث الجميل انطبع في وجدانا هكذا وسيظل ابدا
يعمر قلوبنا بالمحبة والجمال ..
صلاح عبدالله انت يااخي اصبعك الصغير انا والله مرات اضنيني الاثنين والا ادخل ليهم فتله اسكتهم حليل ايامنا ديك ...
تحياتي وحبي لكم جميعا ... |
الرائع عماد شمت
شكرا يااانيق وبحق كانت جلسة على البساط الاخضر وال>كريات البديعة
كم نتمنى ان نجلسها على بساط بلادنا المعشوقة والهيام الابدي لك مودتي
على المرور وستجد المطلوب على البروفايل يا جميل ولك المودة وخلينا
نشوفك في الحج بعد العمرة .
................................................................حجر.
|
|