المرحوم يعود لاهله من مقابر الصحافه

[الموضوع جديد لنج حيث حملت صحفية حكايات اليوم بالمانشيت العريض فى الصفحة الاولى الاتى...
طفل يفاجىء اهله بمقابر الصحافة ويعود للحياة

Quote: بختصر ليكم الخبر (الطفل عمره 12 سنة يحمله اهله جثمانا ليدفن فى مقابر الصحافة شرق وبينما الحفارون يعملون اخذ الكفن يتحرك ببطْء لتشدد حركته رويدا رويدا ثم انتقلب يمنه ويسره ما الجم السنة الحضور وبعد ان استعادوا وعيهم حموا الطفل الميت الحى الى مستشفى ابراهيم مالك ليؤكد الاطباء ان الطفل كان اسير غيبوبة افقدته الوعى

الف حمد الله على سلامتك وعقبال مائة عام وللاسرة كثير التهانىء بالعود المحمود
تحياتى

الف حمد وشكر وبركه الربنا برد حشى اهله.
ورد لهم هديته مرة آخرى.

حسب علمي لا يتم الدفن في المقابر الا بشهادة وفاة موقعة من طبيب
والطبيب لابد أن يوقع الكشف قبل التوقيع
هل ألغي هذا القانون في زمن الانقاذ؟؟
ماذا كان سيحدث لو استمرت الغيبوبة شوييية كده؟؟
علما أن الصحافة في قلب العاصمة
كم ياتري من أهل الأقاليم دفنو أحياء؟؟

الحمد لله ان كتب للطفل عمرا جديدا

الف مبروك للاسرة عودته ابنها الميت حيا

مسؤلية من هذا الخطا

كم مثل هذا الطفل دفنوا احياء وهم في غيبوبة

لكم الله يا اهلنا

ما قول الاطباء الاعضاء بالمنبر

ونتمني ان نجد اجابة ما سبب حدوث الاغماءات شبية بحالة الموت وانقطاع التنفس

وكم من الوقت يمكن ان ينجو انسان من حالات الاغماء

ارجو ان نجد اجابات من الاطباء لفائدة الجميع

Quote: حسب علمي لا يتم الدفن في المقابر الا بشهادة وفاة موقعة من طبيب والطبيب لابد أن يوقع الكشف قبل التوقيع هل ألغي هذا القانون في زمن الانقاذ؟؟ ماذا كان سيحدث لو استمرت الغيبوبة شوييية كده؟؟ علما أن الصحافة في قلب العاصمة كم ياتري من أهل الأقاليم دفنو أحياء؟؟

هسع الدخل الانقاذ هنا شنو ؟

يا جماعة ارحمونا

حمداً لله على سلامة الطفل ...

Quote: هسع الدخل الانقاذ هنا شنو ؟

يعني مفترض المسئولية تكون على حكومة زيمبابوي ولا شنو ياولي ؟!! ماالانقاذ هي الحكومة وهي المفترض تكون مسئولة ولها مراقبة ومحاسبة في كل ادارات الدولة ..

وليد
سلام
ياخ روما سقطت
ماتفش فيني المغسة
بعدين ياخ أنا لي ستة سنة في البورد ده شغال هلال بس
خليني أجاهد كيبورديا (ولو بغزوة)
بعدين عليك الله لو من أمنجية البورد ماتبلغ عني
لأني جاي اجازة قريييييب

ولا بكلم عادل يسوق الجماعة

Quote: استعادوا وعيهم حموا الطفل الميت الحى الى مستشفى ابراهيم مالك ليؤكد الاطباء ان الطفل كان اسير غيبوبة افقدته الوعى

لمن كان عنده الغيبوبه ليييييييه ما عرضوهو على مستشفى .. ؟

كلام قرضابي صاح يعني الناس شهادة الوفاة من وين جابوها وعلى اي اساس ...؟

ولا الحكاية بقت دفن الحيين مجاز ؟؟

ايامه ما انتهت لييييييه غلطات المسؤولين توديهو قبل وقته ...؟


بركة الرجع وبرد حشى امه ..

الحمد لله علي السلامة وده دليل علي انه ما في

زول بموت ناقص عمر

الحمد لله ان كتب للطفل عمرا جديدا

الف مبروك للاسرة عودته ابنها

Quote: وده دليل علي انه ما في زول بموت ناقص عمر

الأخت حياة:
دة دليل انو الإنسان، وأي كائن حي بيموت لمن تحقق الشروط الموضوعية لموته، والمعروف
كتير منها للأطباء وكل يوم الطب بيتطور لإكتشاف المزيد..

مشكلة (كتلو يومو)، ومشكلة شلاقتنا وادعاء المعرفة (الشفهية الغير محدود) بيسوق للغلطات دي..
انا بتخيل السيناريو تم كا لآتي:
الولد غبة..
رجال كبار وفقا لتجربتهم في الحياة قالو الولد مات..
النسوان سكلو والبكا اتفتح..
رسلو واحد لأخوهم (فلان) الشغال في المستشفي قالو ليهو فلان مات..ودايرين شهادة وفاة عشان الدفن
بعد ساعة (لأنو اكرام الميت الإسراع في دفنو!!!!!!)
الراجل اتخلع وجري سريع طلع الشهادة (اكراما لأهل الميت، وعشان ما يتلتلو، وزيادة كمان
عشان يعرفو انو واصل)..

ختفو الولد سريع حموه، وكفنوه، وجرو بيهو، وفي السكة الولد صحي من الغيبوبة..

تخريمة:
جعليين أبوهم مات..شالوه سريع للمقابر..
أثناء حفر القبر، ولد شاف ليك الراجل بيفرفر..كلم أبوهو، قال ليهو يا بوي جدي دة حي!!
الأبو قال ليهو يا ولد أسكت، داير ناس الحلة يضحكو علينا ويقولو ما بنعرف الموت؟؟؟
.
.
الحمد لله أهل الولد ما طلعو زي ديل..
ألف حمدا لله علي السلامة، ونتمني اننا ندي الخبز لخبازو ولو ياكل نصو!!!!

سبحان الله

فاذا جاء اجلهم لا يستقدمون ساعة ولا يستاخرون

لكن انا خايف بعدين يكتشف الفرفرة بتاعتو دي اكبر غلطة عملهافي حياتو


تحياتي

زاتوووو