عيادة المنبر

بعيدا عن السياسة والكورة ياجماعة عايزين لينا عيادة كدة بى جاى تكون مجانية .. يعنى الكلام ليكم يادكاترة المنبر وانا حأفتح الباب حيث انو زوجتى كانت قريب دا فى المستشفى ورقدت اسبوعين فى مستشفى بحرى بسبب حمى مامعروفة من شنو مصحوبة بى دوشة شديدة وعملنا الكتير من الفحوصات للدم وللدماغ بالرنين المغنطيسى MRI والموجات الصوتية وطبعا قياس الضغط والسكر وكل انواع الفحوصات المهم فى النهاية كان التشخيص انو هناك التهاب فى العصب الثامن ودى النتيجة النهائية اللى وصلنا ليها ووصفوا ليها كمية من الحقن مرتين فى اليوم وبعد شوية وقفوا الحقن وكتبوا ليها حبوب وهى اليوم مستمرة مع الحبوب وخرجت من المستشفى بعد حجز اسبوعين تقريبا والحمد لله الحالة مستقرة لكن مازالت تعانى من الدوشة والحمى فى حال ان تعرضت لأى مجهود ..

اذا معانا اخصائيين اعصاب الرجاء تنويرنا بما هو العصب الثامن وهل هذا الالتهاب مزمن لاعلاج له او شىء عارض ممكن علاجه .. طبعا قمت ببعض الابحاث فى الانترنت بغرض الحصول على معلومات اكتر لكن الموجود غير كافى ..

يعنى مافى دكتور حايم بى جاى ؟ وبعدين انا عيادتى دى فتحتها قبل العيادة اللى اتفتحت بى هناك ديك .

الاخ / عابدون ... تحياتى

الف حمدالله على سلامة زوجتك وربنا يعافية من كل شر يارب ويديها الصحة امين

مودتى ...ز

سلامات يا عابدون

كفاره لزوجتك وربنا يشفيها ان شاءالله
يكون أحسن لو ذكرت التشخيص كما ذكر
الاطباء وياريت بالانجليزي كمان وذلك
لتسهيل المهمة لاطباء الاعصاب هنا
لمساعتك .
أنا ما دكتور أعصاب لكن زي فهمت
ان الزوجة تعاني من Vestibular neuronitis
وهو التهاب بالعصب الثامن للراس
نرجو التأكيد او النفي
وشكرا

Quote: Vestibular Neuronitis, also called Vestibular neuritis, can be a paroxysmal, single attack of vertigo, a series of attacks, or a persistent condition which diminishes over two weeks. It may be associated with nausea, vomiting, and previous upper respiratory tract infections. It generally has no auditory symptoms, unlike labyrinthitis. Vestibular neuronitis may also be associated with eye nystagmus. It is caused by inflammation of the vestibular nerve, the nerve that connects the inner ear to the brain.

سلامات للحاجة يا عبدون

وين أمير قناوى وسيف اليزل

الاخ عابدون تحياتي ..

والف سلامـه للمدام ..

سااوافيك بالمزيد مسـاء انشالله لانو في مشكله في الكمبيوتر الانا قاعده فيهو ..
وانا عايزه انزل ليك شويه صور عشان الموضوع يبقى وزاضح بالنسبه ليك ..
ما تقلق وانشالله ربنا يواليها بالعافيه .. تحياتي ..

عبدون
ياخي سلامة الجماعة
ربنا يواليهم بالصحة والعافية
وكل شيء ولا ام العيال
لازم توديها القاهرة لان العلاج هناك ارخص وافضل
اضافة الى امكانيات التحليل افضل من السودان

أخــى عــابـدون

ســـلام والــف كـفـارة.

بالله رســل لـى الــتـقـريـر بالإنجــلـيـزى

وكل أنـواع الأدويـة الإســتـعـمـلـتـهـا؛

عشــان نـعــرضـهـا عــلى الأخـصـائيـيــن هــنا.

الأخ عـماد أحـمـد عــنـدو عــنـوانــى بالـبـريـد-الألـكــترونى

ولك وللأخــت كل الــود وربـنـا يـكـتـب الـســـلامـة والشـــفاء

** الصديق عابدون..
** مساءك خير ..
## وربنا يكتب سلامة المدام ,, ياخوى أنت مُثش عندك تأمين هنا ,, جيبا مدينة دبى الطبيه كل عيادات العالم المتحضر موجوده :- (امريكيه , بريطانيه , المانيه ,, إسبانيه ,, كنديه )
** وإذا إستعصى الامر هنا ,, عليك بتايلاند ,, فى واحد من دبى كانت عندو أعراض حُمى مُرتفعه لمدة تزيد على أسبوعين وحاتك مشى تايلاند أربعه يوم جا راجع فيت..
(ودام الود بيننا)

الف الف الف سلامة للمدام اخي عبدون

وربنا يطمئنك عليها وما تشوف

شر باذن الله

اخى الدكتور عبد الرحيم الامين
صبحك الله بالخير والعافية .. سوف احاول انزل التقرير باللغة الانجليزية وشكرا جزيلا اخى على الاهتمام وبرضو التعريف النزلتو كان مفيد جدا واشكرك عليهو .

صباح الخير يادرق وشايفك مواظب الايام دى انا مسجل غياب ..
شكرا على اهتمامك اخى العزيز .

الاحباب شمس الدين ووليد والدكتور عماد
صبحكم الله بالخير والعافية وشكرا على المشاعر الجميلة والله انا متأسف على الرد المتأخر لكن كنت حايم فى دبى ويادوبك راجع .

العزيزة دكتورة داليا ..
الف شكر على اهتمامك وانشاء الله ماتشوفى شر .. يالا صلحى كمبيوترك قوام ونزلى لينا الصور انا فى الانتظار .

سعادة البروف عبد الرحمن
الله يصبحك بالخير والعافية وحأرسل ليك التقرير مع الادوية المستعملة فى اقرب فرصة ونورت المكان بعد غيبة طويلة .

الحبيب ابو محمد فؤاد
الف شكر على النصيحة وفعلا مفكر اجيبها هنا برضو فى الايام الجاية انشاء الله .

شفي الله زوجتك

وانا فتشت كتير في الانترنت عن التهاب العصب الثامن قبل فترة وما لقيت شي افادني

اتمنى من اطباء المنبر المساعدة في اعطاء معلومات عنه

اسأل الله لها الشفاء
دعوة من القلب

Quote: أخــى عــابـدون ســـلام والــف كـفـارة. بالله رســل لـى الــتـقـريـر بالإنجــلـيـزى وكل أنـواع الأدويـة الإســتـعـمـلـتـهـا؛ عشــان نـعــرضـهـا عــلى الأخـصـائيـيــن هــنا. الأخ عـماد أحـمـد عــنـدو عــنـوانــى بالـبـريـد-الألـكــترونى ولك وللأخــت كل الــود وربـنـا يـكـتـب الـســـلامـة والشـــفاء

الأخ الحبيب عابدون

الف سلامة ليها وربنا يواليها بالعافيه ويشفيهاإن شاء الله

ارسلت لك ايميل الأخ البروفسير عبد الرحمن على الماسنجر الداخلي ..

الاحباب شبكة ومحمد عوض وعمدة
اشكركم جزيل الشكر على مشاعركم الجميلة وانشاء الله ربنا ينعم عليكم بالصحة والعافية .
ياعمدة العنوان وصل .

الف سلامه ليها ..

ربنا يواليها بالعافي ..

امسك في كلام استاذنا ابو محمد فؤاد ..

وانشاءالله تبشرنا خير يارب ..

سلامات ياعفاف والف شكر على المشاعر الحلوة وانشاء الله نصيحة ابو محمد فؤاد تتنفذ وحأحاول العيادات فى ابوظبى ودبى انشاء الله .