عاجل: عرب مموسرين يطوقون الفاشر بجمالهم ويهددون يا الخزنه يا الهجمة والمدرعات فى الشوارع

على الرغم من الهدوء الحذر الذى يخيم على المدينة, نوخ الالأف من العرب البدو جمالهم فى اطراف مدينة الفاشر وقد هددوا باجتياح المدينة اذا لم يستردوا حقوقهم المسلوبه وقالو ان ابلهم واموالهم لا يمكن ان تضيع بهذه البساطة وحملوا الوالى مسؤلية ما سيجرى اذا لم يستردوا بهائمهم, وقد تم تحويل اموال البنوك الى داخل القيادة العامة تحسبا لاى اشكال قد يطرأ, يذكر ان مفاوضات غير معلنه تجرى بينهم وحكومة الولاية على الا يقدموا على اى خطوه كهذه من شأنها ان تفجر الاوضاع وتقوم باستقلالها المعارضة والحركات المسلحة, و ما زال توافدهم مستمرا من مليط والكومة وكبكابية ونيالا الخ... وقد شوهدت المدرعات تخرج من القيادة العامة تحسبا لاى اجتياح للمدينة من قبل البدو او الحركات المسلحة, الا ان حركة المواصلات بدأت تدب بحذر شديد وما زالت الاسواق شبه مغلقة

نسأل الله ان يحفظ العزل والمواطنين
كيف تحولت مدينة كانت تقوم بكسوة الكعبة
الى مدينة ربا واحتيال وغسيل اموال

الاخ مختار سلام:
هل هؤلاء هم الجنجويد انفسهم؟

Quote: الاخ مختار سلام: هل هؤلاء هم الجنجويد انفسهم؟

ديل جزء من الضحايا ناس خلاء ساى ما بعرفو حقهم يتشال بالطريقه دى
اتصلت بابن عمى الذى يعمل فى احدى المنظمات
وقال لى لى بالحرف الواحد( يمكن انا بس ما دخلت سوق المواسير ده)
واى بيت لازم يكون فيهو اربعة ولا خمسة اشخاص فقدوا اموالهم وبيوتهم
فى هذا السوق الربوى, والاموال المنهوبه قد تصل الى 700 مليار بالقديم

تحياتى

الزيادي سلام

يا خوي عرب الخلاء معروفين بحبهم لبهائمهم و لا يستبدلوها بالقروش كنقد بسهولة، فبالله كيف تم إقناعهم للدخول في هذا السوق؟

ربنا يرد مال أهلنا جميعا و يحفظ دمائهم

حكمة سوق المواسير

قديمة لكن طلعها سوق المواسير من جديد !!




الطـمـع ودر ما جـــمـــــــــــــع !


كان يرجع ليهم قرش ( دقني دي تقوم لي خالتي دار السلام !!)
مش كان نخوا بي جمالهم كان نخوا بي أباتشي ما في طريقة

القروش دي خلاص ( باااااااااااااااا بح )





هشام

Quote: القروش دي خلاص ( باااااااااااااااا بح )

I think so

سلام الحبيب محمد
اخر ما وصل اليه دهاقنة التسويات بان يعطو البدو وبعض منسوبى حرس الحدود اموالهم لانها بسيطة مقارنة مع الشيكات الكبيرة هم ناس ايصالات ساكت وقالو تدونا مع الناس سويا (الغرض كان شق الصف واضعاف المطالبة ) والهتاف فى الاحتجاجات تيت تيت جنجويد حديد مليون شهيد لوالى جديد لم ياتى من فراغ جاء نتيجة لموقف حرس الحدود المساند للمتضررين
وغدا حبلى

Quote: سلام الحبيب محمد اخر ما وصل اليه دهاقنة التسويات بان يعطو البدو وبعض منسوبى حرس الحدود اموالهم لانها بسيطة مقارنة مع الشيكات الكبيرة هم ناس ايصالات ساكت وقالو تدونا مع الناس سويا (الغرض كان شق الصف واضعاف المطالبة ) والهتاف فى الاحتجاجات تيت تيت جنجويد حديد مليون شهيد لوالى جديد لم ياتى من فراغ جاء نتيجة لموقف حرس الحدود المساند للمتضررين وغدا حبلى

الغالى/ الغالى
سلام

اتمنى ان يجنب الله المدينة اى احتكاك مسلح لان ذلك سيكون بمثابة كارثة
وسيروح ضحاياها المدنيين؟

تحياتى

Quote: الزيادي سلام يا خوي عرب الخلاء معروفين بحبهم لبهائمهم و لا يستبدلوها بالقروش كنقد بسهولة، فبالله كيف تم إقناعهم للدخول في هذا السوق؟ ربنا يرد مال أهلنا جميعا و يحفظ دمائهم

الفاضل/ الفاضل سبيل
سلام

بعض الابل ينم بيعها وتصديرها الى الخارج, ومع اغراءات المواسير تم خداعهم
وكما تعلم ان هؤلاء البدو يفزعون جميعا فى حال سرقة اى من ابل احدهم(داخل القبيلة)

بالضبط ربنا يحفظ دماء الناس

تحياتى

الاخ الزيادى تحية
كبر وموسى هلال فى اجتماع الان
الجماعة ناس محلية الواحة قالو خسائرهم 12 مليار واثنين الف راس من الابل
(ما تدقس مرتين ياهلال وتبيع اهلك لكبرذى ما حصل فى الانتخابات)

الزيادي سلام

يعني خافوا من اسلحة الجنجويد يا الغالي
عشان كده هادونهم؟؟؟

Quote: اخر ما وصل اليه دهاقنة التسويات بان يعطو البدو وبعض منسوبى حرس الحدود اموالهم لانها بسيطة مقارنة مع الشيكات الكبيرة هم ناس ايصالات ساكت وقالو تدونا مع الناس سويا (الغرض كان شق الصف واضعاف المطالبة ) والهتاف فى الاحتجاجات تيت تيت جنجويد حديد مليون شهيد لوالى جديد لم ياتى من فراغ جاء نتيجة لموقف حرس الحدود المساند للمتضررين وغدا حبلى

وقد هتف لهم لااهالي بكلمة (جنجويد) وقبولها يعني لم يقيموا عليهم الحد؟؟؟

إعلان حظر تجوال بالفاشر اعتباراً من الحادية عشر والنصف من مساء اليوم وحتى الثالثة من ظهر غد


الفاشر في 4/5/2010م (سونا) أصدر الأستاذ إدريس عبد الله حسن والى ولاية شمال دارفور بالإنابة أمر طوارئ رقم (1) لسنة 2010م قضى بإعلان حظر تجوال بمدينة الفاشر اعتبارا من الحادية عشر والنصف من مساء اليوم حتى الثالثة من بعد ظهر يوم غد الأربعاء وفيما يلي نص القرار

أمر طوارئ رقم (1) لسنة 2010م / والى الولاية / نظرا للظروف الأمنية المحيطة بالولاية ولقطع دابر المندسين الذين لديهم محاولات لخلق فوضى بالولاية ، واستنادا للمادة الخامسة من قانون الطوارئ والسلامة العامة لسنة 1997م نعلن الاتى :ـ

أولا :ـ حظر التجوال بمدينة الفاشر خلال الفترة من اليوم الرابع من مايو 2010م ابتدءا من الساعة الحادية عشرة والنصف مساء و حتى الثالثة من ظهر من يوم غد الخامس من مايو 2010م

ثانيا : حظر بث الإشاعات التي تدعو إلى التخاذل والذعر

ثالثا :على المواطنين الكرام التبليغ عن أي عناصر تكون في محل ريب أو شك

رابعا : على الجهات الأمنية اتخاذ التدابير اللازمة لتنفيذ هذا الأمر

خامسا : كل من يخالف هذا الأمر يعرض نفسه للمساءلة

إدريس عبد الله حسن

والى ولاية شمال دارفور بالإنابة

ط/فقيري

قيادى بالمؤتمر الوطنى يحمل كبر مسؤلية مقتل مواطنى الفاشر
كتب \ الغالى شقيفات
اكد الاستاذ محمد ابراهيم عزت معتمد محلية الواحة السابق والقيادى بالمؤتمر الوطنى شمال دارفور رفضهم لسياسات الوالى عثمان كبرلا تجاه مواطنى الولاية وقال ان جرى بسوق المواسير هو تجارة للربا التى امر الله بحربها واضاف ان رب العالمين اعلن حربه على رب المواسير فى اشارة للوالى كبر ودعا الوالى ان لايعلق شماعة فشلة فى المعارضة مشيرا الى ان المعارضة هزمت فى ولاية مختلفة ولم يحدث ما حدث بالفاشر وقال ان سوق المواسير هو اكل لاموال الناس بالباطل وامتداد لسناريو العودة الطوعية والنفرة الخضراء وميزانية الولاية وقطع ان لا احد يقف الى جانب الوالى فى قتل المواطنين باستثنا القلة من اخواننا الذين نعلم ويعلمهم الجميع موضحا ان المتظاهرين مواطنين عزل يريدون تسليم مذكرة للوالى واليوناميد مضيفا ان كل المجموعات الان توحدت وان قيادات البدو منحازة الى صف الجماهير المتضررة بالولاية وانالوالى يتحمل سياسات طمعه وحدة ومسؤلية اى تخريب لمؤسسات الولاية

نسأل الله أن يزيل عنهم البلاء..
ويؤمن اهلها من شرور خلقه..
ولشهدائها الجنة.

Quote: الاحتجاجات تيت تيت جنجويد حديد مليون شهيد لوالى جديد

وهكذا فى كل مضب تظهر أصالة أبناء القبائل العربية المسمون زوراً بالجنجويد .. !


أين الزرقة من هذه الفروسية؟ .. برضوا بعد أموالكم أتلحست برضوا مازلتم لابدين بين أقبية المدن !

كبر الحرامى برضو حقكم يا تراجى


بريمة

Quote: إعلان حظر تجوال بالفاشر اعتباراً من الحادية عشر والنصف من مساء اليوم وحتى الثالثة من ظهر غد الفاشر في 4/5/2010م (سونا) أصدر الأستاذ إدريس عبد الله حسن والى ولاية شمال دارفور بالإنابة أمر طوارئ رقم (1) لسنة 2010م قضى بإعلان حظر تجوال بمدينة الفاشر اعتبارا من الحادية عشر والنصف من مساء اليوم حتى الثالثة من بعد ظهر يوم غد الأربعاء وفيما يلي نص القرار أمر طوارئ رقم (1) لسنة 2010م / والى الولاية / نظرا للظروف الأمنية المحيطة بالولاية ولقطع دابر المندسين الذين لديهم محاولات لخلق فوضى بالولاية ، واستنادا للمادة الخامسة من قانون الطوارئ والسلامة العامة لسنة 1997م نعلن الاتى :ـ أولا :ـ حظر التجوال بمدينة الفاشر خلال الفترة من اليوم الرابع من مايو 2010م ابتدءا من الساعة الحادية عشرة والنصف مساء و حتى الثالثة من ظهر من يوم غد الخامس من مايو 2010م ثانيا : حظر بث الإشاعات التي تدعو إلى التخاذل والذعر ثالثا :على المواطنين الكرام التبليغ عن أي عناصر تكون في محل ريب أو شك رابعا : على الجهات الأمنية اتخاذ التدابير اللازمة لتنفيذ هذا الأمر خامسا : كل من يخالف هذا الأمر يعرض نفسه للمساءلة إدريس عبد الله حسن والى ولاية شمال دارفور بالإنابة ط/فقيري

...
...ياوالي ... و يا نائب و الي ...و يا حكومة ولايه ويامؤتمر مجرم و ياجهاز امنو و يا بشير ....
سيبوا العلقنه ... و الكلام الخايب البتسوّقوا فيهو للناس ده و تستبيحوا انتهاك حرمة حياة الاطفال و النساء و بقية خلق الله من السودانيين ...
...بالقتل و التعذيب و التشريد ...
...
...
...مندسين بتعين شنو ...????...هم ماسودانيين و الاّ شنو ...?????..
....يعني بعد كده ما يعيش في السودان ده الاّ المنتمين للمؤتمر الوطني و الاّشنو ؟؟؟؟..
... طيب ياخي غيّ{وا اسمو و سموهو ... جمهورية عصابة المؤتمر الوطني ... و ريّحوا خلق الله دي عشان تشوف ليها بلد تانيه تهج ليها !!!!!..
...
...عموما هم سودانيين ... غصبا عن سلسفيل جد اهلكم ...
...و الله مش سودانيين منبتين زيّكم ...لا لا ... هم سودانيين اصيليين و اصليين واصحاب ارض و عرض وسماء و هواء وانتاج
.... (يعني منتجين كمان).... اكتر منكم انتوا المسخ و من حكومتكم المكلبشين فيها بالخج دي ....
....
...
...
...
....القصيه واضحه ... و اكثر صطوعا من شمسنا الحاره دي ...
...سودانيين اتنهبت مداخراتم و مدخرات اسرم و اطفالم البيجمعوا فيها علي مر السنين ... و مكافين خيرم من شرّكم ...
...و اتنهبت بتخطيط كامل و متكامل منكم و من جهاز امنكم ... و واليكم و موالييكم ... ظانين انكم ستجردون الحركات المسلّحه ...
...من مدّخراتا ومن قروشا .... و تخلّوهم في السهله من غير مال ومن غير سلاح ....لاسهال تدجينهم ....و..ضربهم
...
... و لخيبتكم الملازمه ليكم كالظل و ما حتفارقكم .... بلعتو الطعم وطلعوا ليكم البسطاء ديل ....من اهالي ومواطنين ..
... حرس حدود ..... و ناس الجمال و درب الاربعين ....
...
...
...
... عشان كده القضيه لا بحلّها ...نايب عام ...و لا اعلان طوارئ ... ولا قانون طوارئ ... ولا قوات طوارئ ...
.... و لا قوات الامم المتحده ذاتا ...
... القضيه بحلها انو ترجّعوا للناس ديل قروشم النهبتوها منّهم بقوة الدوله و قوانين الدوله و تصريحات المؤسسات الدستوريه بتاعت الدوله ..
... رئيسكم الدلدول الحمار ده ... بيوجه الناس انو يمشو الفاشر بدلا من ان يغتربو ... وكمان بيقول ليهم مافي داعي للاغتراب ...
.... وفي الاخر... يكتشف المواطنيين اتو الفاشر تطلع ماسوره زيو .....
.....
.... بالله ياخوانا ... دي مش عصابه لصوص ....غريبه ....
... رئيس العصابه .... و من علي قمّة اجهزة الدوله الدستوريه ....يوجّه المواطنيين .... لمكان ... النصب و النصّابين ....
.... الاعدوه هو وبقية افراد العصابه .......و هو لازال يهلل و يكبر... هي لله .... و ما دايرين اصوات ناس ناذر خليفه ...
..... و سوق الرحمه ... و ما عارف شنو ...
.....و كمان مرسلين ليها ... نايب عام ...أّل ... و معاهو وفد رفيع ....
.....ياخي احترمو عقولكم انتو ... سيبكم مننا نحن الرجرجه و الدهماء ديل ....
....
....و كانها هي ناقصه ... والي لايملك من امر ولايته علي نفسه رشدا .... يعلن حالة الطوارئ ...ياخي اختشئ علي ادميتك ...
....
....عالم رمم ...
....
...ياوالي و ياعصابة الوالي .... ياحكومه و يا عصابة الحكومه .....
...
... القضيه بحلها....انو تتنازلوا عن انانيتكم ولو بالقدر القليل ... في الاستحواز علي ثروات الوطن المتنوعه بكاملها ...
....(يعني زي برميل برميليين بس بتاعت بترول ... لا اكثر و لا اقل) و ترجعوا للناس دي حقوقها ...
....
....
...بعد داك ....سوقوا نايبكم العام ده ... و واليكم و موالييكم ... و جهاز امنكم ... و حكومتكم .... و امشوا اقعدوا في القصر الجمهوري جم دلدولكم ...
...و ضرّبوها اخماس في اسداس .....و حلوها فيما بينكم ....و اتقسّموها .... بس بعيدا من المثلثات و حساباتو .....
.....هو الفاشر دي داخله تبع مثلث حمدي و الاّ شنو؟؟؟؟؟... و الاّ عشان الصمغ سميتو عربي ؟؟؟؟...
....
..
.... عملتوها لينا كلها مثلثات ...
...
.
... شئ حلايب ...شي حمدي ...
..
..
.. و بعد شويه ... مثلث عتباني ...

... الاتامروا و زوّروا ليهو حتي في المؤتمر الوطني ضد ناس المؤتمر الوطني الزرقه ناس خليل و زمرتو ... عشان ينصّبوا امين عام ...
...
...و ياناس جوبا هوووووووووووووي .....برضو اعملوا حسابكم ....
...
...عملوها ليكم ... عربي جوبا ....
... بعد شويه ...
...عرب جوبا...
...و كمان شويّه ...
...حيجيبوا ليكم واحد طبال ...و واحده بتهز في اردافا ... و كفوفا ...و ترقص علي واحده و تلت
...و كاف و كفكاف ... و كف بكفها ...
...و كاف كفوف الناس ... من كفّها انهمر ....
...
...
... و تصبح جوبا....
....
... عربيه ....
...
...بدل جوبا مالك عليّا....
...
...
...
...
...
...
...كلامي الفوق ده كلو طبعا ... ياعصابه ... لو كنتو حريصيين علي حل الازمه و المشكله بسلام ...
...
... دون انفجار و تاجيج فتيلها ....
...
...و لو انفجرت المشكله ازيد ... و تداعت تصاعدا ... بمزيد من القتل للاطفال و النساء و المواطنيين ...
...
...فهذا اضافه لمخاذيكم ....و جرائمكم ....
...
...في هذه الحاله.... خيبة الله عليكم ... دنيا (اولا) ثم و اخره .....
...
...
...
...
... مناشده ...
...
...لكل القوه الحيه ....و اولي الامر ... بولاية شمال دارفور ...
...التمسك بحقوقها و حقوق المواطنيين ...دون التنازل عن اي مليم ...

...فقط ...دون .... سفك مزيد من دماء الاطفال و النساء و بقية المواطنيين ...
....
....
.....فهذه ستكون جريمه اخري عالقه في رقابكم انتم اذا مجرد طفل رضيع فقد حياته ...
....بسبب انفلات في الاوضاع مكرسا لهذه العصابه اللصوص ..... الجزم طول البقاء اكثر...
....
....و هناك طرق كثيره تختزنها شعوب السودان في ذاكرتها ... وانتصرت بها علي اعدائها و مجرميها و جلاديها ..
...
...
... معركة الاطباء الاخيره ... مثالا .... لا حصرا ...
...
...
...

Quote: و لخيبتكم الملازمه ليكم كالظل و ما حتفارقكم .... بلعتو الطعم وطلعوا ليكم البسطاء ديل ....من اهالي ومواطنين .. ... حرس حدود ..... و ناس الجمال و درب الاربعين .... ...

الاستاذ/Hololy
سلام
والله بس الله يستر العرب ديل لو المفاوضات معاهم طلعت ماسوره ولف ودوران حيجوطوا المدينة رأس على عقب
حسب علمى انهم فى انتظار رد حقوقهم المالية والا الهجمة كما هددوا بذلك,

تحياتى

Quote: نسأل الله أن يزيل عنهم البلاء.. ويؤمن اهلها من شرور خلقه.. ولشهدائها الجنة.

ربنا يحفظنا جميعاويحفظ السودان من هذا الخازوق


باسمك الحق والعدل يا الله ان ترد حقوق المساكين

Quote: اكد الاستاذ محمد ابراهيم عزت معتمد محلية الواحة السابق والقيادى بالمؤتمر الوطنى شمال دارفور رفضهم لسياسات الوالى عثمان كبرلا تجاه مواطنى الولاية وقال ان جرى بسوق المواسير هو تجارة للربا التى امر الله بحربها واضاف ان رب العالمين اعلن حربه على رب المواسير فى اشارة للوالى كبر ودعا الوالى ان لايعلق شماعة فشلة فى المعارضة مشيرا الى ان المعارضة هزمت فى ولاية مختلفة ولم يحدث ما حدث بالفاشر وقال ان سوق المواسير هو اكل لاموال الناس بالباطل وامتداد لسناريو العودة الطوعية والنفرة الخضراء وميزانية الولاية وقطع ان لا احد يقف الى جانب الوالى فى قتل المواطنين باستثنا القلة من اخواننا الذين نعلم ويعلمهم الجميع موضحا ان المتظاهرين مواطنين عزل يريدون تسليم مذكرة للوالى واليوناميد مضيفا ان كل المجموعات الان توحدت وان قيادات البدو منحازة الى صف الجماهير المتضررة بالولاية وانالوالى يتحمل سياسات طمعه وحدة ومسؤلية اى تخريب لمؤسسات الولاية

Quote: الاخ الزيادى تحية كبر وموسى هلال فى اجتماع الان الجماعة ناس محلية الواحة قالو خسائرهم 12 مليار واثنين الف راس من الابل (ما تدقس مرتين ياهلال وتبيع اهلك لكبرذى ما حصل فى الانتخابات)

اها الاجتماع طلع بى شنو؟؟؟
ما يكون ماسوره كمان

هولي ..

Quote: ... رئيس العصابه .... و من علي قمّة اجهزة الدوله الدستوريه ....يوجّه المواطنيين .... لمكان ... النصب و النصّابين .... .... الاعدوه هو وبقية افراد العصابه .......و هو لازال يهلل و يكبر... هي لله .... و ما دايرين اصوات ناس ناذر خليفه ...

يا زول بقيتني مضرب مثل ولا شنو ؟!

دبك كانت نكتة إسفيرية تقرا في سياقها وبوستها فقط ههههههه

Quote: يا زول بقيتني مضرب مثل ولا شنو ؟! دبك كانت نكتة إسفيرية تقرا في سياقها وبوستها فقط ههههههه

نؤكد ونثنى

حظر التجوال ما بحل الاشكال
الحل الوحيد اعطاء كل ذى حق حقه

أها .. العرب ديل وصلوا وين؟

لا والله دا فرش متاع بالصح صُح ..

عندك معيار والا بتفرش ساي

Quote: عرب

Quote: مموسرين يطوقون الفاشر بجمالهم ويهددون يا الخزنه يا الهجمة والمدرعات فى الشوارع

من هو "العربي" في السودان؟؟ هل هناك "عرب" فعلاً في السودان؟؟

السوداني في افريقيا يوصف بالعربي

السوداني في العالم العربي يوصف بالأفريقي

السوداني في عوالم أخرى ليس له وصف فلا هو بالعربي ولا الافريقي ولا الملون

Quote: من هو "العربي" في السودان؟؟ هل هناك "عرب" فعلاً في السودان؟؟ السوداني في افريقيا يوصف بالعربي السوداني في العالم العربي يوصف بالأفريقي السوداني في عوالم أخرى ليس له وصف فلا هو بالعربي ولا الافريقي ولا الملون

الاخ/ عبد الرحمن خلال
سعيد جدا بمرورك ومداخلتك
اما عن موضوع العرب وما ادراك ما العرب دعنى اشرح لك
هؤلاء القوم المموسرين هم بدو (رعاة ابل) من قبائل عربية مختلفة
وما اعرفه انا هو ان السود يتكون من قبائل عديده, منها العربية
ومنها غير العربية(توجد مراجع كثيره تحدثت عن هذا الموضوع) ولسنا
بصدد الحديث عن ذلك الان.

ردة فعلك عنيفة لكين

تحياتى

Quote: أها .. العرب ديل وصلوا وين؟

يا ود الصايم اسأل بقال لانو قاعد فى الفاشر

ما طالبنى حليفه, لكن الخيم والصيونات مدققه جوه الفاشر
كلم بقال يجيب ليك الصور

كسره
والله يا عمك دى "حرقو" عديييييييل كده
شايفكم رفعتوا لى كل البوستات القديمة
رائع

أي والله يا عمكـ
رفعت ليكـ بوستاتكـ كلها!
عشان نشوف قصة العاجل وليها شهر وشوية ما انتهت دي!


وعشان نعرف معيار العار عندكـ شنو!

Quote: وعشان نعرف معيار العار عندكـ شنو!

المعيار لما المصريين يدوكم بالعيار اربعه زى السم

طخو يا مدبولى

وقع ليك

طيب أفرض رشوّنا خمسطاشر صفر!
العار هنا شنو؟

وقع ليكـ إنت؟

Quote: طيب أفرض رشوّنا خمسطاشر صفر! العار هنا شنو؟ وقع ليكـ إنت؟

نقول تور يقولوا احلبو

العار فى انو اخدنو اربعه جوه وبره من فريق ضعيف

انت الوقع ليك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا طالع يا عمك
للفير بلى وقف النيران خلينى امشى واجيك صاد

تحياتى