انه صوتي انا... حقيقي هو احساس جميل جداً أن تستيقظ من صباح الرحمن الساعة الخامسة، حيث يحك المؤذن حنجرته مستعدا لبدء صباح جميل (الله اكبر) حان وقت الصلاة، لتفاجأ بأن رأسك (يلق ذي البطيخة.. وما عارفة من ذا الذي عاش داخل البطيخة ليعرف كيف هو شعورها فخرج لنا بهذا التعبير المرتب) تتفاجأ بأن رأسك يلق بمقطع من أغنية لا تحفظها ولا تعرف كيف دخلت هناك لتلافيف رأسك، والأدهى أن لا تعرف كيف تخرجها من تلكم المتاهات، هذا باعتبار أنني افكر دائماً في شكل المخ بأنه متاهة اغريقية قديمة (إنه صوتي أنا... لالا لا لالا لا لالا .. صوت افريقي انا.. لا لا لا لا لا لا لا) وللحق يعني، رأسي التائه هو من أكمل بقية المقطع، لأنه لو لم يكمله سيكون السطر مجرد (همهمات) انه صوتي انا لا لا لا لا لا لا لا لا هههههه هه هيييييي أنا لا لا لا لا لا لا لا ) فالأفضل أن يكون صوت افريقي (ارتب برضو وكلو سترة) لا يمكن أن يستيقظ خلق الله على (فتاح يا عليم رزاق يا كريم) حتى الديك يؤذن لله، وأنا اعكس ريح الرزق الصباحية ب (انه صوتي أنا)!! ما بال هذا المغني،،، الغالطه منو يا أخوانا؟؟؟!! اكيد حبيبي أنه صوتك انت!! مش انت القاعد تكورك من صباح الرحمن؟؟؟ ما هي وجهة نظرك يعني في الموضوع؟؟ أحسب أن واحد جاره غياظ، غالااااط، غالطه في صوته، فردد له مصراً (علي الطلاق ده ما صوتك) فانفعل الشاعر وحمر عيونه وقلعها ذي القلع عبد الحفيظ كده فقال ( احسن لييييك،،، انه صوتي اناااااااااا) فختم على تأكيده ملحن (مبدع) (لالا لا لا لا لالا لا ) واعذروني وارموني بالاوطنية ،، أنا لا احب هذا النشيد الوطني، ومعظم الأناشيد الوطنية الأخرى المشابهه أو ربما احب النشيد وكلماته، فيكرهني فيه اللحن، أو أحب اللحن فأكره طريقة الآداء، انظروا رحمكم الله (جدودنا زمان، جدودنا زمان وصونا على الوطن) إنها كلمات رائعة، ولحن جميل، لا يحمسني اسمعه فاحس اني عايزة طوااااالي امشي انوم،، الرتم جاي مع رتم الشخير جدودنا زمان، جدودنا زمان وصونا على الوطن، خخخخخخخخخ رغم أنهم قد علمونا في المدارس، أن ترديد مثل تلكم الأحاسيس لهي هرطقات خارجين عن المألوف والمنطق كيف أن لا تحبوا أغنية وطنية تمجد التاريخ والوطن !! أيام الانتخابات، اتهريت اسمع في ما سموه (ملحمة) وطنية الغرض منها زيادة عدد منتخبين أحد المرشحين فيما يشبه تمجيد وطني يعني، شارك فيها لفيف من المغنيين الشباب (فرفور، عمر احساس، عاصم البنا، اسرار بابكر... الخ ) وقد كان هذا كل ما اعرفه عن الحادث ثم قال سبدرات رفع الله عنه ما أصاب سمعه وبصره، (إنه أعظم نشيد وطني على مر التاريخ الوطني السوداني) ضارباً بمحمد الامين ووردي عرض السد العالي شخصياً جلست حوالي الساعتين (أي والله) وأنا انظر نهاية هذا الحظ الأسود الذي جعلني اتابع هذه ال(ملحمة) لافهم نهايتها شنو بالضبط وقد كانت للحق، ملحمة فعلاً، ينقصها شوية دم وبعض من أم فتفت ما مغسلة، وشووووية (اتي) كوني مااااا بحبه خالص يعني، ولا بأس بأم دمام، وووويعني ما بطال لو كان هناك شربوت، فتكون حقاً (ملحمة) (اندبحت) ساعتين وانا أجد في معرفة تفاصيل هذه الملحمة، يعني راسها وين، كرعينها واجعاتنها واللا ركبها،، وللأسف، ما وجدت نهاية لهذا الزخم العاطفي الوطني فرفور، إحساس، البنا، القلع ومن لف لفهم، فنانين ديل واللا عمال يومية؟؟!!! توقعت أن تتمخض هذه الفترة عن كم رائع من الأناشيد المجيدة، كون الديمقراطية الوليدة وكده (طبيعي واللا قيصرية ده ما شغلي)، أي شئ مبشر يعني بعودة أساطين الفن السوداني كون المفروض صرنا بلد حر ينتعش فيه الفكر فيبدع (أبوووووك ياخي)، على الاقل الفن دام ما في شي راضي يرجع كما كان، ولكن ، مع الأسف، يبدو أن الابداع الفني السوداني، توفى إلى رحمة الله تعالى بح ماذا لو أننا كنا في مصر مثلاً (يا ابووووووي بالصعيدي) (مصر هي امي... يا أغلى كلمة في الوجود... لونها هو دمي وشمسها في سماري... المصريين أهم....بلادي بلادي بلادي لك حبي وفؤادي...الخ الخ الخ) أي نعم المصريين براييييين، لكن جرب أن تستمع لنشيد وطني مصري، ملحمة مصرية، واستشعر الدماء التي ستسري في عروقك ونسيانك أنك سوداني تطفي النار بقلبك، فتتمنى أن تحمل السلاح، وجت جت جت، تقطع ام التاريخ زاتو، تعيش الدور وصلاح الدين الأيوبي وشعبان عبد الرحيم زاتو لو لزم الأمر يا ايها (ناس الفن) يا ايها (الشاشة السحرية) ارحموا من في الأرض يرحمكم من في السماء ارحمونا (حبة) ياخي
Post: #2 Title: Re: بطيخة راسك لاقة؟؟!! Author: محمد عبد الماجد الصايم Date: 05-04-2010, 08:45 AM Parent: #1
ياخي تسلم انت وام خير الله زاتو ياخ وانا والله وما طالبني حليفة (ممغوووووسة) من الشخص السوداني شديد أمس كنت في نقاش مع أحدهم حول (الشكل العام) في السودان كافي البلا لا فن نافعين فيه الدراما اعتزلت التعليم ايدك والأرض الطب استشهد الطرق والمواصلات انتحرت النيل احسبه بدا ينشف التاريخ ملخبط السياسة تماااااااااااااام (والمواصلات فاااااضية) النظافة كر عليها سياحة نووووو الكهرباء قاطعة الباعوض مستفحل الضبان (الكلمة دي ما حضارية) الذباب مستوطن الشماسة أكتر من الما شماسة أخلاقنا اتغيرت وزيتنا اتحرق ياخ الدين زاتو عندنا كتر بالله واحد عامل ليه قناة فضائية كاملة لقط فيها كل البغنوا والما بغنوا بدل فيها كل كلمات الأغاني الهابطة بكلمات من شاكلة (دجاجي يلقط الحبة) فيما يشبه المديح والتصوف واحدة راسمة ليك الآي لاينر من الأضان (كلمة ما سياحية برضو) الشمال للأضان اليمين وبصوت (مسلسع) الرررسول (مع تخفيف الرا لو سمحت) الرسووول رسول الهنا.. جانا يوم مارررري بي هنا ده اسمه دين.. ووشك والشرك لو اتكلمت في السماويات، كدي الحق قول (بغم) تطلع يساري ابن (ماركس) حقيقي ما فضل إلا أنا (ويمكن انت) ما سلسعنا صوتنا فيها
ويا الله هووووووووي تعب اللسان من الشكية
Post: #5 Title: Re: بطيخة راسك لاقة؟؟!! Author: محمد عبد الماجد الصايم Date: 05-04-2010, 09:18 AM Parent: #4
أها ناس جدادي يلقط الحبّ ديل أنا فاتح فيم بلاغ عديل! غايتو لو ما الوالدة مصرّة .. كان دلّتها لا ألوي على شيء
يا حبيب نوره ما تتكلم في الدين خسئت كلمة مرورك ياخي بتتكلم في المسلمات؟؟؟!!
أنا بقيت اخاف هناك (استمكان) من (تمكن) (يتمكن) (استمكن) (استكمانا) واللبيب بالإشارة يفهم أولاد عمي الساكنين في (الشجرة) ديل استمكان شديد لفت جات طارت نزلت قعدت رقدت (استمكنوها) أها كده سلمبس ما تجيب لينا الهبوب يا ابوي وراي تور بربي فيه عمر ده منو وسيد الدكان منو؟؟
عاين في قناة فوكس سيرس fox series والتي أفتى ناس رسلوا لي ايميل بانها (رجز من عمل الشيطان) ما مفروض نشوفها لأنه سيدها يهودي قال يعني بيل قيتز وويندوز فخذ من بنو قحطان،، المهم بعرضوا مسلسل اسمه اظن Boston Legal حاجة زي كده عن محامين وقضايا وترافع وهلم إجرام الحلقة بتاعت امبارح اعتقد يعيدوها الليلة عايزاك تشوف جزء فيه بترافع واحد من الأبطال عن مواطنة ما دفعت الضرائب عن قصد واحتجاج فبتحاكم اسمع بس الجزء الختامي بتاع المحامي بتاع المرافعة واستمتع بكامل دسم الحرية قال صوتي أنا قال المبحوح ده واللا شي تاني بالله
ويا محمد سبحان الله شغالين طواااالي يعني اول ما بدت القناة دي اتوقعت تقيف بعد فترة بسبب الركود أو الفلس أو عدم الموضوع تماماً كما توقعت أن قناة هارموني ستضرب شهرتها وقوتها الآفاق هو يعني يا انا عندي حول في المفاهيم يعني في زول المهم عندو حول في حاجة سوء تقدير بعيد عنك معتز صباحي تقول عليا بمدح في مدحة وحوالينه في ست نساء لابسين نفس اللبس لون ازرق كده منتشرين حوالينه في الخلفية، وما تقول لي لا مجرد خداع سينمائي وهي شخصية واحدة مكررة، لأ، ست نسوان أو ثمانية كل واحدة مختلفة عن الثانية، لكن لابسين تبيكل نفس اللبس والطلعة، وفي عز التقوى والاندماج الديني، يمر عليك شريط الإعلانات الأزرق من تحت محلات سمارت سووز (ده قطعته من راسي طبعاً) كريمات تبييض بشرة تنعيم شعر تشقير حواجب توصيل رموش معالجة (الشفريب) شوف (الشقريب دي) طبعاً بعد مباحثات لبنانية، اكتشفت أن (الشقريب) ده هو (السليوليت) يعني شوف الاندماج الفكري بين المنظور الديني والشقريب ال(ضراعي)
والله يا قمر بوبا بورديكم الكلو جواجب وشكل ده ما بوعدنا بمستقبل زاهر (لوووووووول الانتخابات اثرت فينا بالجد) مرات الواحد يجيكم ويقابلكم وكلو حنية يا قول ود الأمين، ويخاف عديل من (نظرتك ليا) لحم الراس في البورد ده كتير والواحد اساسا خلقة فاقد نظرية ومشتت بتشتت هنا زيادة كمان والنوصيك كان ما جيت تاني خلي بالك من صوتك (كل واحد يخلي باله من لغاليغه) أهو عندك واحد بكورك من خمسين سنة (إنه صوتي أنا) دوووووبك بس فهمنا صوته ماله،، رايح ليه ومغالطينه فيه الله يقرب البعيد ويلم الشتات إن شاء الله
المرأة الخشبية بت قضيم وخشبية عطفاً على حبوبة جيران جيرانكم المرأة الحديدية وكلها materials ونحمد الله أنهن لم يسمعن بمادونا وأغنيتها الشهيرة بإعتبار أن الواحدة منهن كانت ذات مرة girl وبذلك تكون material girl بالرغم من الشلوخ الغائرة في جضومها ، وربما يعود النسب إلى جد جيرانكم خشب الله الرابع عشر يعني هو لويس براهو البلبس تي شيرت بأرقام عشان يكون لويس السادس عشر مثلاً ، بس إحترت فالخواجات بدلعوا لويس وبيقولو ليهو لي وي أها خشب الله دا نقول ليهو شنو بالدلع ما تقولي لي مهوقني ولا أبلكاش لأنها ما ظابطه. بت قضيم صوتك دا في الإنتخابات مخستك ناهيك كمان جايه تتبوبري لينا بيهو وتقولي وبالصوت العالي "إنه صوتي أنا" ما أكيد هو صوتك إنتي يعني حا يكون صوت عنج ولا صوت العرب من القاهرة. بت قضيم ما كنت داير أذكرك بوصية لقمان لإبنه وهو يعظه ، لكين لابد مما ليس من بد ومحل رهيفه تنقد.
لوووولز لكن يا بت قضيم مكّنتي المداخلة تمكين تمام وبعدين هنا إنتي الدايرة تجيبي لي كتاحة هسة يقوم قريبك يعلن علي الجهاد
Quote: عاين في قناة فوكس سيرس fox series والتي أفتى ناس رسلوا لي ايميل بانها (رجز من عمل الشيطان) ما مفروض نشوفها لأنه سيدها يهودي قال يعني بيل قيتز وويندوز فخذ من بنو قحطان،، المهم بعرضوا مسلسل اسمه اظن Boston Legal حاجة زي كده عن محامين وقضايا وترافع وهلم إجرام الحلقة بتاعت امبارح اعتقد يعيدوها الليلة
بالله عليك !!!
أول حاجة المسلسل مرات قاعد أشوفوا لكن الليلة بحاول أركز شوية بس لكن كيّفتيني شديد ناس أمخاخا لاقّة
أم العنصرية يا حيدر يعني لو الديانا خلصت اقول ماشة اسود حواجبي؟؟!! لوووووولات كتيرة
تشقير الحواجب يا عزيزي حيدر، ،، تصدق اني وقفت ما عرفت اكتب صح يعني لو واحدة سمرة وشقرت حواجبها بتبقى شيطان رسمي يجازي محنك يا هناي المهم إنه نوع من (تظبيط) الحواجب لتعطي الشاعر سبباً وجيهاً للتغني في (هلال) عيونها لأن كما نعلم أن النمص حرام، مش هو النمص ده بتاع الحواجب واللا اسمه غير؟؟ المهم توقفنا مرة حول فكرة (التشقير) وحلالها من حرامها وتساءلنا هل فكرة (نمص) الحواجب حرام لأنه واحد تغيير للخلقة اتنين مؤذي للشعيرات الدموية ثلاثة يبرز العيون أكتر ويعني ،، يعني فاهم يعني، يخليها بت ناس كده فلماذا لا يكون التشقير حرام لأنه واحد تغيير للخلقة اتنين مؤذي بالمادة الصبغية اللي حتنتشر مع الوقت تحت الجلد ثلاثة يبرز العيون ويعني،، يعني فاهم يعني يخليها بت ناس كده
مابين صوتك انت ومابين الدعايات وسط المدائح النبوية الشريفة
متابع سهرة في النيل الازرق ولي حظي العاتر الاقي ندى القلعة بتتكلم عن يونس الدكيم
وبتعيد في كلامو القالوا للخواجة بي طريقتها الخاصة جدا
حينها تذكرت الافلام في الام بي سي التي لا تقل شركا عن الفوكس وخصوصا فيلم اسمو بيريف هارت لي ميل جيبسون
يصور معركته مع التاج البريطاني وكان ملك بريطانيا شديد قوي وعندو ولد حنكوش لا يقل عن ندى القلعة كما صور لنا الفيلم اها ابوهو عايز يرسل زول عشان يتفاهم مع ولاس الثائر فماكان من الحنكوش الا انا قال انا لها
فماكان رد ابوهو الذي لا يخلو من اصول رباطابية قال ليهو انا لو رسلتك ليهو ما ح يفكر في استغلال بلدو بس
ده ح يطمع في بريطانا كلها لووووووووووووووووووولز
ده كلو من صوت ندى القلعة خلانا نكتب كتير
ارقدي عافية
زاتوووو
Post: #23 Title: Re: بطيخة راسك لاقة؟؟!! Author: محمد عبد الماجد الصايم Date: 05-05-2010, 07:14 AM Parent: #22
والله من الصباح لاقي لقة شديدة خلاس! وصوت الغنا الجاي من جوه: هييي جنترة .. راجل المرة حلو حلا!
يا الملا مساك الله بالخير خشبية منو يا صهيوني انت اللون الأحمر ده والبت الحبشية دي الشي لولية؟؟!!!
قال وصية قال أنا على فكرة يعني لو كنت دخلت مجال الفن السوداني، كان قلبتوا ليكم ماجدة الرومي هسه دي لو خلوني بس يوم اجي القط ليهم باقي قماش الحراج المرمنه هنا وهنا في ما يعني الديكور ما كان جاتهم عوجة قال خشبية قال مششششششششششششششج
بت قضيم سامحك الله ما هذا التردي والتجني على اللغة ، لاقه راسك يا أخي (ومع إنه من المفترض أن أقول يا أختي لكنه التقليد في بلادنا أولاً ولعبك لكرة الشراب بفردة باتا ثانياً) الناس هنا تتحدث عن الأنطلوجي والأنجلوساكسون والمعرة والمشروع الحضاري والتفتت وواحد كده حا تلقي إسمها في بوست لأبا جهينة نيستها والله على كل هي أقرب للأقاليم المناخية من أسماء البشر ، وتأملات إرتجاعية ونقد العقل "تنقدك جدادة إن شاء الله" وإقتسام النبقة والدومة وهلم جرا ، وبعد كل هذا الإندياح تقومي تجرينا وتجرجرينا إلى أغور غير مسبورة "دي من إنتاج أبو جهينة" تاني وتقولي البطيخ اللاقي والحلا وحمار ، وأحمد الله كثيراً أن بطيخك جاء بحرف الطاء لا التاء كما يفعل حاج فضل المولى وهو أشهر من تغني في حارتنا لبطيخ كوستي والجبلين وقد زاد على مسألة على السكين لحناً آخر يقول فيه "البتيخ المو مسيخ" فكنا نؤمن بذلك بالرغم من عدم وجود ضمانات نسلته أو غيرها لمساخته التي كانت في بعض الأحيان تفوق الترمس وعم عبد المعروف. أنا نفسي أعرف من أين لبنات أفكارك وأولاد جيرانها حتى هذه الكلمة "لاقه" وهي على وزن ماشه في عبارة "ماشه معاك" وعادة ما يأتي حرف القاف ساكناً بعد فتح فيكون الحكم مؤبد مع الأشغال الشاقة وإن كان قابل للإستئناف بحسب قواعد اللغة وسيبينا يا اخ بلا سيبويه. حاولت أن أسرق حقوق التأليف وأبحث في النت عن كلمة لاقه فسألت العم قوقل فقال لي هل قصدت علاقة فقلت معاذ الله "لاقه" فقال لي إنت وهم أنا محرك بحث ولا كوشه في سوق بحري ، فتركته وسألت الياهو وفرحت إيما فرح وإفتكرت نفسي حا أقبض الجو فقد ظهرت الكلمة في أول نتيجة بحث فإذا به واحد وهم يرتكب خطأ جسيم في حق اللغة ويكتب لاقى "أى قابل أو صادف" بهذه الكيفية "لاقه" فقلت له في السر والجهر لاقي رأسك وكمبيوترك ومدرس العربي في حلتكم ووكيل وزارة التربية والتعليم زاتو ومشروعك الحضاري أينما وليت وجهك. وأكتفيت بهذا القدر ولم أتجرأ على الـ MSN وبقية محركات البحث العادية والنفاثة. عن صوتك فأكرر أنه يمكن أن يكون له موضع مايك في الساحة الغنائية فالحابل والنابل الإتنين وقعوا جممممممممبلغ (تكرار حرف الميم إقتضه ضرورات العمق والذي هو أقرب لي بير سعد الله الشهيرة) في خلاطة في كشك ناصية ينطبق عليه قول الشاعر الحلمنتيشي المبدع: حاجات تفوق حد الوصف كشك عصير واستريو قال "ما بنختلف" ومكان زي دا أظن برضو ما كان ممكن تغني فيها لولا وقوعه على طرف شارع رئيسي يخطلط فيه صوت الركشات بصوت الباعة الجائلون والشحاذين والمداحين وبتاعين ملوص وتحليل مباريات كرة القدم والغلاط في أى شئ وتوجيهات سيد الكارو للواقفين والعابرين حاسب يا أخونا يعني مولد وصاحبو أطرش وفي رواية أخرى أطرش. == مع تقديري لكل المريخاب من هنا لغاية كوكب زحل فأنا لا أشجع المريخ ولا أميل له وبرضو نفس القصة مع الهلال فكرة القدم عندنا والسياسة سواء بسواء ومع ذلك يبقي لها عشاقها وأنصارها وصهاينتها ورشاشاتها ، أما الحبشية فإنني أحاول أن أعمل بفلسفةالحياة التي قال فيها إيليا أبو ماضي "كن جميلاً تري الوجود جميلاً" فأبت نفسي إلا أن أري الوجود جميلاً وبعدها محل رهيفة تنقد لأنني ما زلت في الجمال المادي أبشع من عمك تنقو زاتو لكنني أيضاً متشبث بالأمل إن شاء الله يكون عطبراوي.
الحاجه الأكلت معاي وحيرة بنات أفكاري الصايعات الشماسيات هو لماذا تقولي لي "مساء الخير" والخواجات جميعهم تحيتهم في وقت كتابة ردك بيقولو لي قووود مورننق بإعتبار أن مورنقهم ينتهي عند الساعة 11:59AM وبعدها تقلب مساء بالرغم من أن المساء عندنا في قريتنا الكائنة لا يكون إلا في حضرة ضوء السراج. أعملي حسابك أنا تفتيحه في أمور الـ GMT وكل التايم زون حول العالم.
صباحاتكم يا حبيبها (انا اسمي نوره على فكرة) شفت الحلقة؟؟ لحقتها يعني؟؟ وبعدين يا طارق (ياخي) ويا حبيب نوره أنا ماعارفة انتو كاتبين (لاقة) بالقاف واللا الفاء لأنها ما واضحة وانا نظري عشرين على مية فلو كانت (لافة) بالفاء فاللف ده بتعرفوه براكم ما لي فيه كما تماما ًطلوع الفيل بجيب لي (لقة) راس بالقاف ولو كنتوا كاتبين (لاقة) بالقاف، والمقصود يعني ما استعملتوها قريب، اكمن يعني حضراتكم حناكيش، فحقيقي قوموا (لفوا) بالفاء
Quote: صباحاتكم يا حبيباسمي نوره على فكرة)ها (انا شفت الحلقة؟؟ لحقتها يعني؟؟ وبعدين يا طارق (ياخي) ويا حبيب نوره أنا ماعارفة انتو كاتبين (لاقة) بالقاف واللا الفاء لأنها ما واضحة وانا نظري عشرين على مية فلو كانت (لافة) بالفاء فاللف ده بتعرفوه براكم ما لي فيه كما تماما ًطلوع الفيل بجيب لي (لقة) راس بالقاف ولو كنتوا كاتبين (لاقة) بالقاف، والمقصود يعني ما استعملتوها قريب، اكمن يعني حضراتكم حناكيش، فحقيقي قوموا (لفوا) بالفاء
حبيبتي أنا يا حليلك والله !! طيب ما كان تخليني أكتب فيك شعر ياخ أصلوا إنتي محكرة ما بين ملقلقة و مقلقلة وأنا بقترح إنوا إنتي ال ح تقومي تلفّي عشان ما تعادينابي اللقلقة دي
ود جبرين الحنكشة بي درب وهو بي درب تاني دة من زمن الطليان والجيش الحفيان
ندوية العسل الله ما يجيب ليك غبينة اللهم يا قادر يا كريم يفشك وينعشك ويخليك تضحكي بسبب وبدون سبب أنا طبعاً من زمان عندي رأي في المثل البقول (الضحك من غير سبب قلة أدب) ليه؟؟!! ده حتى الضحك صحة وبمناسبة الغياب من البورد، ما مني يا ندى من العلي بعيد عنك سلمتي وسلمت ضروسك الضاحكة يا رب
شنو يا جندرية حركات المصريين دي كان ممكن اكون امريكية لو ما كنت سودانية كيمياء هي!! عايني علاء الأسواني، صاحب رواية (عمارة يعقوبيان)، قريت ليه قبل فترة رواية بعنوان (شيكاجو) اعتقد لو ما مضيعة الاسم المهم في البداية متكلم عن فكرة (لو ما كنت مصري) عندهم اغنية بالمعنى ده ما مستحضراها وتبجيل المصريين واعتزازهم بمصريتهم طبعاً مسح (بالفكرة) البلاط تحفة الرواية غايتو والفكرة المطروحة بخصوص موضوع (الوطنية) ده عجبتني عنده جداً ده يعني بمناسبة الكديسة وكده وتخيل لو ما كنت سوداني وكنت ياباني مثلاً ببساطة كنت قدرت اشتري آي فون مثلاً يعني
ما لكن زهجت مننا يا اميرة علشان كده عصرت علينا شديد
طبعاً الزهجة دي كانت أول امبارح، يعني براحة ممكن اسمع (أنه صوته هو) الليلة وبراااااحة ممكن تعجبني واتكسر فيها من حق النساء تغيير رأيهن في الدقيقة مية مرة واللا كيف؟؟
الممسوخ دكين ما شفته إلا بعد تعليقك ده لكن هو راجع (منتشي) وانا (منشرة) شفتي كيف فرق التوقيت!!
لو بس بكري سيد الحوش فصل لينا حوش صغير كده لل(إنصرافيين) أمثالي وزح السياسة بعيد شوية كده والله إلا كان (أحتل) هنا اتنين ما اظن أحبهم في حياتي سياسة وكورة قدم فالسعوط وارد يوم احبه بعد الستين،، وارد
لو قايلة ريدتنا زي مهند ونور تبقي عيانة ودايرة ليك دكتور اعقلي شوية وبطلي الأوهام ناس مهند ونور قصة في الأحلام عيشي في الواقع عايني لي قدام ناس مهند نور مسلسلات وأوهام
أم الرومانسية يا عمران قتلت ابوها (الرومانسية يعني) في مقتل يا ممسوخ ده شنو؟؟! دي جبتها كيف اساساً لوووووووووول والله ضحكت شديد بالله اعمل الوصلة دي في بوست سودانية2000 الخاص ب(الرومانسية السودانية) لأ وبعدين شوف
رغم انه هواك لي منه شهور إلا انت عادية لا ملاك لا نور يعني يا منقة انتي عايشة الدور يعني بالذمة انتي تشبهي نور لأ لأ لأ شوفي ليك دكتور
نظام هو كده السماحة مقطعها نفسها اتخيل سيد دفار والسفة في الجهة الشمالية الشرقية مطله على البحر المتوسط يتغنى بمثل هذا الجمال لمحبوبته الكريمة لووووووووووووول بالجد تحفة هديتك
الزول زاتو انا مقتولة في حوش شخصية البطل (ميل جبسون) بطل Brave Heart وكل ما اشوف الفيلم ده واول مرة شفتها فيها كان بدري ما قريب يعني، كل مرة اشوفه لازم اكمله واتأثر واتضايق في بدايته واتحمش في النص واستاء في النهاية وتبقى معاي ذكراه والأهم، أحقد على أغنيتي الرومانسية المفضلة (قبال ميعادنا بساعتين ابيته أنا واباني البيت) نص وإخراج وآداء وموسيقى وواقعية و(سماحة) يا الله بالله ما يجيك احساس تقعد يجي شهرين ما تستحمى وتلبس اسكريت اختك وتنسى أصلك وفصلك وجعلنتك وتشيل سيف شيطك شيطك شيطك تحلق لعلي مهدي شنبه؟؟!! عن جد عن جد الفيلم ما فيه كلام وبمناسبة ان ذاكرتي القرائية فجأة انتعشت في ساعة الغداء دي، الأسبوع الفات القبله ما عارفة اشتريت كتاب من جرير بعنوان (ابن عبد الحميد الترزي) للكاتب (عمر الطاهر) عن السينما العربية (المصرية على وجه التحديد) اشتريه واستمتع وادعي لي ما حتندم
وبخصوص ندى القلعة فنحيلكم للوصلة التالية اللي ما لقيتها وانا ابحث عنها واللي كانت بعنوان (كامل الاحترام لكرعين ندى القلعة) أو ما يشابه
Quote: بس انا مع صوت المؤذن بقوم أصنقر ألقى بردبة تبردب ما بتوهدب برررا بطردها وبركز شوية مع الأذان وبستغفر وكرررررر بكر باقي الورد ... أها قصرت فيك...
وزيطك زيطك زيطك تمشي برااااااااااااحة وكررررررررب تفتح الباب وها، ها، ها، ها تفتش الدرب تك النور يولع تلقى الجماعة قاعدين قلبك يقول (شحححححححح) كربك كربك كربك تقوم جاري جمبلغغغغغ تقع في الموية
لقيتني (مرقنبه قرنبه) واللا كيف؟؟!!
اتذكرت قالوا ايام الحرب العالمية الثانية (والله ما كنت معاهم)، الراجل سمع الرصاص اتخلع قاعد يحكي في القصة
قاعدين ناكل في الرصاص البليلة دي فتتتتتتتت طارت فينا مرقت ليك المرة ربطت فوقها الحمارة مرقنا لينا بي ضباً الشق ما يفوته ولووووووووول
اتاريك يا احمد انت القاعد تكورك من الصباح انه صوتي انه صوتي ؟؟!! خلاص شيله صدقناك
Post: #45 Title: Re: بطيخة راسك لاقة؟؟!! Author: عمران حسن صالح Date: 05-06-2010, 03:05 PM Parent: #42
Quote: وزيطك زيطك زيطك تمشي برااااااااااااحة وكررررررررب تفتح الباب وها، ها، ها، ها تفتش الدرب تك النور يولع تلقى الجماعة قاعدين قلبك يقول (شحححححححح) كربك كربك كربك تقوم جاري جمبلغغغغغ تقع في الموية
كورة الشراب (يا حنكش) اسمها الأصلي (كومبليتة) وبتكون أحلى لما ما تلقى شرابات كتيرة تكبرها تقوم تحشيها دومة (غليدة)، وهناك خياران لا ثالث لهما، يا تغلب، يا راسك ينفتح
وبخصوص قوقل، يعني بالجد، قوقل ده حيستقيل ويسيب الشغلانة دي بي سببك قوقل تكتب ليه (لاقة) يا الملا؟؟ ده ذي المسطول الكتب في قوقل (تلفون محمد أخوي)
ومن أين لقوقل أن يعلم عن هذه الحضارات العريقة القديمة يا الملا انه التراث، الأصل والحضارات الكويسة إنه صوتي أنا
إحنا لاقة دي طوالي عندنا بنقولها عادي يعني دلالة على وجع الراس وليس لها أي علاقة ببنات الأفكار ولا أولاد الجيران مع اننا حناكيش والله ولما نقول (يعقوب) بتجينا لوز !!! عاين أنا ماشة أعجن لقيمات المغرب
يخليك ويغطيك ويطرح البركة فيك ويجعل خطواتك حليب
سلاماتكم
Post: #46 Title: Re: بطيخة راسك لاقة؟؟!! Author: محمد عبد الماجد الصايم Date: 05-08-2010, 08:50 AM Parent: #44
Quote: وبعدين يا طارق (ياخي) ويا حبيب نوره أنا ماعارفة انتو كاتبين (لاقة) بالقاف واللا الفاء لأنها ما واضحة وانا نظري عشرين على مية فلو كانت (لافة) بالفاء فاللف ده بتعرفوه براكم ما لي فيه كما تماما ًطلوع الفيل بجيب لي (لقة) راس بالقاف ولو كنتوا كاتبين (لاقة) بالقاف، والمقصود يعني ما استعملتوها قريب، اكمن يعني حضراتكم حناكيش، فحقيقي قوموا (لفوا) بالفاء
غايتو جنس فضايح!
شكرا يا بت قضيم على المتعة! طبعا القصة بقت مصطلح عندي في البيت خليت ليكـ الجماعة كلهم مصطحين!
يوم الخميس قاعد في الحوش في أمانة الله جات المرة تنضم .. قلت ليها هوي بطّلي النقة .. بتيخة راسي لاقة! عاينت لي كــدا .. طبعا ما قدرت استحمل وفكّيت الضحكة! قالت لي يا راجل إنت جنيت ولا شنو
المر لما قريت كلماتك جاني احساس انك زول مهذب جداً وشيك ولابس بدلة أرماني ما عارفه ليه !!! سلمت ولا تشيل هم على الديمقراطية، انابيب إن شاء الله بتحل مشكلة (العقم) الديمقراطي التي يعاني منها السودان وربنا يخلي العلم يا رب ويزيد تطوراته
Quote: سياسة وكورة قدم فالسعوط وارد يوم احبه بعد الستين،، وارد
ثم
سياسة دى كوووولنا .... ومن شدة كرهى ليها,بس تقول .بتلقط ليك فى جمر من منقد,, قلنا كدا قالو لينا انصرافين.. الكورة دى وحيدة مابقدر اخلى تشجيعها ,,الا المريخ دا يعتزل اللعب وبرشلونة يسووفى محلو كنتين والبرازيل يبقو بتاعين بلى و برضو هنا قالو علينا انصرافين
قلنا تـطير عيشتنا ,,طيب نحن نقبل وين,,راسنا ماليهو حق يبقى لاقى طوالى. ,
موضوع الصعوط ينظر ويفاد
Quote: شوفو حنكشة بت الشيخ .. يعني عاملة فيها ما بتسفي؟
لوووووووووووووووول بالغت بعترت برستيج البنية
النسوي ليك يا اميره ذي أساسي ونقول ليك زمان لما كنا في الجبال شعرنا كان حبال حبال اقصد يعني زمان كتبت حول موضوع السعوط ده لما فاض بينا وعذبنا الدمار الشلوفي الحاصل والآن سبحان الله ارى السعوط ود ناس ومحترم ومقبول مقارنة مع ما أصاب شخصنا السوداني اوريجنال خالص يعني
هاك النقة الكتيرة دي
Quote: أنا أعلم أن هذا الحديث الذي انوي كتابته قد يجر عليا الكثير من الهواء،لكنني بعد مباحثات استراتيجية مع روحي براي دي ، قررنا أنا وروحي، أنه طالما أننا سنستمر كثيراً (على ما يبدو) في تنظيف مخلفات أخي البيلوجية من سعوط يتدردم ليتكرضم ليتكوم ليتدسدس ليتكرفس ليتنشف ليتف في أين ما كان وكيف ما كان ومتى ما كان،طالما سنستمر في هذه الشغلانية الصعبة، فإنه من الأفضل الأدلاء بأقوالي تجنبا لأمراض النقرس الحادة التي قد تصيبني جراء ارتفاع نسبة العماري في زبالة بيتنا! ومنها نكون ضربنا عصفورين بحجر،، مقاومة الحرب البيلوجية القائمة في عقر دارنا،، وتنفيذ امنيتي بالفضفضة لأخي عن ما يعيل في نفسي قبل أن توافيني المنية، لانها قد توافيني وأنا أحمل جاروف النظافة (بالسوداني كوريك) فألفظ أنفاسي الأخيرة بدلاً من قولة لا إله إلا الله،بجملة ك، الله يلعن أبو العماري زاتو ياخيييي.. ليس الموضوع أنني ضد السعوط شخصياً،، فأنا اعتبر أن صعودنا الآن يعاني من مرحلة قبل التكوين التكنلوجي،، وشويتين كده سيخضع لعنصر التطور والحضارة فيعبى في أكياس شبيهة بأكياس شاي ليبتون، بأحجام مختلفة تتماشى مع الشكل العام للشفاه،، كلاً حسب شفايفه،، ولو أنني ضد فكرة كلمة (الشفاه) كشفاه إذا كانت تستخدم كوعاء لهذا الشئ المدردم فأفضل بدلاً منها التعبير السوداني الجميل (الشلوفة) ،، وفي بعض الأقوال (التلاليش) ،، وأحياناً بعد اربعتاشر سنة خدمة سعوط تصبح (طراطيم)،، وأنا في ذلك أشجع جداً عامل العنصرية اللغوية فكلامنا يعبر عنا، فكيف (مصداقاً لقولي يعني) لحبوبة دردمت ذاك السعوط من صباح الرحمن أن تنادي حفيدها ب (يااااي يا ولد تعال أديني بوسة)،، حيث الجملة ليست راكبة عدلها وهي بلا موسيقى تضاهي موسيقى جملة (أنطططططك،، حلاتك يا يما تعال اديني قدوووم) ، هنا فقط،،، تظهر أهمية العنصرية اللغوية السودانية ، تظهر جلية في كلمة قدوم،، كما يظهر جلياً السبب في جنوح نموي الجسدي نحو الجري السريع من عالم الطفولة لعالم اللاطفولة حتى ولو كان شحم ساااااي كده!
أنا لست ضد فكرة السعوط طالما أنه يحوص بأخي بعض من الزمن يكفل لنا متابعة استار أكاديمي التي أفتى أخي أنه برنامج من عمل الشيطان (والحق يقال الشيطان ده طلع ما ذي ما قالوا كلو قرون وشين مما يجعل الواحد يتساءل بالله هسه الشيطان منو؟؟)،، لكني ضد فكرة (عدم الاهتمام) بالنظافة التي يجيد تطبيق نظريتها السودانيون.
أنا اقولها بالبق المليان (ما مليان سعوط)،، أن (((((بعض)))) ، وكلمة بعض دي تجنبا للنواجذ التي قد تهب للعض والتنهيش في شخصي العميل العولاق،، بعض الشعب السوداني شعب لا يفقه في أصول النظافة العامة شئ، لا في عراريقه،، لا سفنجاته،، لا سفاراته السقفها صابي مطرة على مدار السنة. هذا غير مرتدي العراقي والسفنجات الذين يحلو لهم التسكع أمام السفارات لبيع أشرطة الكاسيت والعراريق ،، السفارة نعم تعاني من وسخ مزمن مخجل ، ورائحة زريبة منقطعة النظير حتى في الزريبة نفسها، لكن إمعاناً في إكمال الديكور الخارجي أيضاً، تتنطط هذه الكائنات مبتسمة جارية وراك أن تشتري (آخر تسجيل لمصطفى سيد أحمد السنة الفاتت) سبحان الله مع أنه مات قبل كده،، بدون وازع من ضمير المسائيل (قلنا ليكم قبل كده دي جمع مسؤول) أن يوقفوا هذه المهزلة المشنية في حقنا كشعب نعيش في الخارج! هل منتدبي السفارات السودانية طرش عمي لا يفقهون ، أم هل هم من جزر الواق واق إنما جاءوا لهذه المراكز تغيير جو وسياحة؟؟؟!!
في الأسواق في دول الاغتراب،، تستطيع تمييز السوداني من النظرة الأولى،، العراقي الخفيف (وما زلت مصرة على اكتشاف العلاقة المريبة بين العراقي السوداني وورق السجاير) ،، السفنجة،، والبرطشة،، وأنا إذ اقول برطشة فانما اعني مشية الكشووو كشووو الكسولة التي لا يجيدها إلا سوداني أغرق في الكسل حتى التوت ركبتاه فصارتا شبيهة بعكاز جدي ، لا تستطيعان المشى إلا بالكشووو كشووو.
هل من الله على أحدكم بزيارة إحدى المطاعم السودانية في الخارج؟؟ هل شاهد بأم عينه الصراصير تلهو سعيدة مبتسمة في الجنينة صفائح (الباسطة) التي لا ادري للآن الباسطها شنو وهي تردد سعيدة (بنحب بعض مالكم بينا الحب يا ناس مكتوب لينا) هل سمع أحدكم إحدى الجنسيات الأخرى وهي تصف هذه المطاعم بأنها (مطاعم السحاحير)؟؟؟!! بل هل شاهد أحدكم سيد ال(مرارة) في مطاعم الخارج وهو يرتدي العراقي (العراقي ده حيجيب لي مرض) ويمسح في عرقة مكوناً تركيبة حامضية صوصية (من صوص) فريدة لهذه المدعوة (أم فتفت)؟؟
الدوائر الحكومية في السودان نفسها لا تهتم (لسفاسف الأمور هذه)، أنا شخصياً بأم عيني،، شاهدت مرة غنماية منفوخة ميتة مرمية في إحدى حيشان وزارتنا العظيمة،، ولأني ذكية استنبطت أنها طالما أنها اتنفخت فيعني ذلك أنها ماتت من زمن ليس بقريب لدرجة نفخة وصلت بأقدامها عنان السماء، وليس ببعيد أن يكون سبب وفاتها كوب من عصير جوافة من (حلة) في سوق (الضبان)!! ولما قلت للموظف الشال وشه ختاه في مكان الشعر والشعر في مكان الوش (يا جماعة ما إكرام الميت دفنه) مشيرة إلى الغنمة المسكينة،، نظر لي شذراً ولسان حاله يقول (خسئت يا ملعونة بالله صلحي لينا الطرحة دي)
السفة يتفها السوداني كيف ما يكون،، يركب المواصلات العامة (ويبدو أن السوداني لا يعلم المعنى الحقيقي لكلمة عامة) ،، ثم في نص المشوار من شارع الحرية المؤدي للسجانة (ما عارفة كيف حرية تودي السجانة) ،، يحلو له مزاجه أن يفتح الشباك وتتتتتتفففف ،، قذيفة (حافلة جو) في وجهك في قفاك في شعرك في وين ما كان ، وما عليك إلا الطناش،، ولا يصيبنك القرف،، فالبلغم عنصر مطهر تماما كما التركين.
السر في أن طيارتنا السودانية رائحتها رائحة مراحيض،، هذا لم استطع تفسيره ولا أحبذ الخوض فيه فالناس أسرار والله يستر على الولايا وعيالهم!!!
طريقة طبخنا وكشحنا لماء البلاعات في الشارع ورمينا لأوساخنا في وسط ساحاتنا،، فسرته ومن الأفضل أن احتفظ بسر التفسير لنفسي تفادياً لجواسيس الخارج!!
أنا يا جماعة أخجل من هذه المناظر التي يعرضونها في التلفزيون،، غنم مطلقة وكلاب وأكياس نايلون وورق الشجر وروث البهائم و و و ،، كلها تصيبني بالغبن إن فكرت أن العالم الآخر والجنسيات المختلفة تعتبرنا شعب لا نظيف،، ولماذا الظرافة اللغوية دي هسه؟؟؟ اقولها بصراحة،، يظنون أننا شعب وسخان بمعنى واضح والواضح مرات مرات فاضح.
المستشفيات والعيادات أكبر دليل على أننا حكومة وشعب لا يفقه في أصول النظافة. الموضوع ليس الحكومة أو الحالة الاقتصادية فالنظافة لا دخل لها بمن يمتطى الحكم،، يعني لا استيطع أن اقول أن الدولة فقط تهمل جانب النظافة العامة،، بل الشعب السوداني نفسه لا يضع للنظافة أي مقياس مهم.
نهايته بما أن الكلام جر الكلام،، عندي سؤال محيرني من زمان نسأله لأهل الاختصاص،، هل العراقي هذا شئ غير قابل للغسيل؟؟ (ديسبوزيبل) يعني؟؟!! مجرد تساؤل!!
انا عارفة انو حالتنا صعبة لكن ما كنت قايلاها قدر دا
Quote: أمس كنت في نقاش مع أحدهم حول (الشكل العام) في السودان كافي البلا لا فن نافعين فيه الدراما اعتزلت التعليم ايدك والأرض الطب استشهد الطرق والمواصلات انتحرت النيل احسبه بدا ينشف التاريخ ملخبط السياسة تماااااااااااااام (والمواصلات فاااااضية) النظافة كر عليها سياحة نووووو الكهرباء قاطعة الباعوض مستفحل الضبان (الكلمة دي ما حضارية) الذباب مستوطن الشماسة أكتر من الما شماسة أخلاقنا اتغيرت وزيتنا اتحرق ياخ الدين زاتو عندنا كتر
بت قضيم نسيتي الزراعة فلقد هجرناها إلى غير رجعه زمان كنا بناكل وبنأكل العاصمة وما حولها مما نزرع وبدون شعارات ، وأول ما جابو لينا شعار نأكل مما نزرع أكلنا هوا بعد أن إتلحس حتى شجر النيم وبقينا لمن نزرع ما تقوم زاتا وإتكلنا على الله وإشتغلنا سماسرة ، وهي واحدة من أبوب العطاله الكثيرة في السودان والتي تعضد مقولة مادبو الشهيرة "هاي جلابه إنتو داهيكو دا فيهو ليكم فايده ولا فازين من عيالكم". بت قضيم الضبان ما يكون سياحي يكون صناعي ما مشكلة عندنا نحن بالذات في بلادنا هو الضبان ، وذباب دا إسمه في كتب المطالعه والعلوم والدول المتقدمة لكين العندنا دا هو ضبان ، أها لو كان إسمه ذباب ليه ما كان يسموا أم ضوبان بأم ذباب شفتي أوعك تنططي وتقولي لي المقصود أم ضواً بان الدنيا كلها بتعرفها بي أم ضبان. وحتى في البندقة يقول ليك الضبانه أها لو كانت ما سياحية ما كان قالوا الذبابة. بت قضيم عليك الله ما تفكيها فينا وحتى الحجوة بتاعت الحبوبات الزمااااان إسمها حجوة أم ضبيبينه "ضبانه ومدلعه كمان" . ولاقّه دي زاتا كلمة غير حضارية زيها وزي الشلوخ ودق الشلوفه قال للزينة قال ، يعني نظام جا يكحلا عماها وفي رواية قريبة من الحته دي "حننوهو وفرحت أمو".
حب الوطن حاجة عظيمة وواجب مقدس غير أنه لم يعد كذلك فقد إنتهي بآخر نقطة وضعها جدودنا زمان في وصيتهم. فقد تفنن من جاء بعدهم في التلاعب بالألفاظ وغنى مع شديد الأسف كل الجميلين الذين تغنوا للوطن للطغاة خوفاً وطمعاً فأختزلوا الوطن والوطنيه في أشخاص فكره الناس الوطنية كفروا بالوطن. لم يعد كما تغني العباسي لنا حاضر وغد وربما كان هناك ماضي لكنه يبقي تاريخ. لقد أختزل هؤلاء الساسة حب الوطن والإنتماء إليه في لعبة كرة القدم ويا ريت لو كان على فرق نافعه تطرب وتبدع وتمتع ديل فريقي القمة "عندنا طبعاً" الهلال والمريخ سيد اللبن وسيد الترمس ، أو زعيط ومعيط وما بينهما.
Quote: حب الوطن حاجة عظيمة وواجب مقدس غير أنه لم يعد كذلك فقد إنتهي بآخر نقطة وضعها جدودنا زمان في وصيتهم. فقد تفنن من جاء بعدهم في التلاعب بالألفاظ وغنى مع شديد الأسف كل الجميلين الذين تغنوا للوطن للطغاة خوفاً وطمعاً فأختزلوا الوطن والوطنيه في أشخاص فكره الناس الوطنية كفروا بالوطن. لم يعد كما تغني العباسي لنا حاضر وغد وربما كان هناك ماضي لكنه يبقي تاريخ. لقد أختزل هؤلاء الساسة حب الوطن والإنتماء إليه في لعبة كرة القدم ويا ريت لو كان على فرق نافعه تطرب وتبدع وتمتع ديل فريقي القمة "عندنا طبعاً" الهلال والمريخ سيد اللبن وسيد الترمس ، أو زعيط ومعيط وما بينهما.
شكراً يا الملا ويبقى مع ما تقول أن نمشي للزول العجيب القال (الاغتراب فال البخونك ويزدريك) بالله الزول ده ما عايز يدينا مقلب ساي؟؟!! لووووول بهزر
امس قالت لي أختى، بالرغم من صعوبة الغربة والإحساس المرير الغريب الذي نعيشه، في بلاد الغربة وفي السودان في الإجازة، في كلتا الحالين(للغرابة) بقينا نحس بأننا غرباء قالت رغم ذلك فبحس فعلاً بأن (الغربة سترة حال)
اتفق معاك فيما قلت تماماً، وحليل الوطن وحبه، وبصراحة يا الملا، ولو كره القارئ ولواتهمت بالزندقة، أنا فعلاً (للغرابة) بحس بالحنين لل(غربة) لما تقطع الكهرباء اللي اشتريناها بكم من القروش ما لقيناه بالهين، فتبكي الرضيعة، ويقرصها البعوض لما يقول كفى، وتصاب بالملاريا، وتفاجأ بأن (والله ما عندنا دوا الملاريا في السن ده) وقتها احن (للغربة) وابوس راس ابوها كمان وارموني بالحجارة، لكنها الحقيقة المرة شديد
ناس بورتسودان ماعندهم موية والدنيا صيف , النسوان يتوسلن لوالى المسلمين عشان جغمة موية
حصل مشيتى بورسودان فى الصيف؟!؟
صباحنين غباين بس , وماعندنا معايير.
ندى يا فتاح يا عليم يا رزاق يا كريم إن شاء الله صباحنا خير إن شاء الله
ما حصل مشيت بورتسودان، واتمنى ربنا يقسم لي اشوفها، والحقيقة من الاماني السندسية عندي اني اشوف السودان كلووووو أكيد بورتسودان في الخاطر ما عارفة اعلق كيف بلد فيها الموية دي كلها وما فيها جغمة موية ؟؟!! ما عارفة يا ندى لي احنا كده!! ما عارفة المشكلة وين؟؟ هل نحن أغبياء لا نعرف ندير بلادنا؟؟ أم ما مصدقين اننا ممكن نديرها؟؟ واللا المشكلة شنو بالضبط ما عارفة -بالجد- اعلق كيف قولي يا لطيف بس
اشك اننا حنسوي الهوايل اي زول ادوه فرقة في بلدي السمح وزين ده، ما سوى إلا هوايل السجم والندم مين ممكن يحس بينا فعلاً؟؟؟ حقو نستورد حكومة،قلتي شنو؟؟؟ لوووووووول
