أبو زرقة. الجاتك في مالك سامحتك. عليك العوض . ضحية من ضحايا سوق المواسير.

أخونا عبد الرازق الطالب إنضرب شوية ريالات كده في سوق المواسير.

يا ناس الرياض. الزول ده لازم تساندوه. يا ود الموج أنت أصلك أخو أخوان لازم تقود المبادرة دي.

ياأبو رزقة.

الطمع ودر وما جمع.

أنت البوديك لاستثمارات الكيزان شنوا؟

Quote: أبو زرقة

دي إساءة واااااااضحة للأخ الكريم عبد الرّازِق الطّالب في عنوان البوست
فهل تقْصِدها يا جورج بوك؟

كامل التضامن مع الاخ عبد الرازق

وسمعنا تحت تحت أنو الفكي بدر الدين أسحق كان في سفرية سريعة للفاشر من قبل كم يوم كده. وكان حايم برضوا في سوق المواسير.



إنشالله ما يكون إنضرب برضو.

تحياتي يا ول أبا دينق

Quote: أخونا عبد الرازق الطالب إنضرب شوية ريالات كده في سوق المواسير.

نحن مولدين باسنانا..
ديل الانضربو ..
اركو مناوي ما أكل نيم النيم لكن..

Quote: الإعلام الإلكتروني: الحكومة القادمة لن تكون حكومة حصص ومحاصصة

نحن البفكر يضربنايا اخوي دينق في تعب عرق السنين ده خليهو في الأول يوازن ضرب عباراتو..



الورل قدل في أبو زكريا أداب ..
واركو مزغلل..


قال وطن واحد قال..
جميل تتفقد أحوال رعاياك يا دينق

Quote: كامل التضامن مع الاخ عبد الرازق

الأخ عمر عبد الله فضل المولى.


شكرا لوقوفك مع أخوك ود الطالب.

بالله كلم اللعين ود الموج يجي مارق.

Quote: نحن مولدين باسنانا.. ديل الانضربو .. اركو مناوي ما أكل نيم النيم لكن.. نحن البفكر يضربنايا اخوي دينق في تعب عرق السنين ده خليهو في الأول يوازن ضرب عباراتو.. الورل قدل في أبو زكريا أداب .. واركو مزغلل.. قال وطن واحد قال.. جميل تتفقد أحوال رعاياك يا دينق

المنكوب أبو رزقة.

أنا عارفك مولود بأسنانك. لكن جماعة سوق المواسير ديل كيزان وجماعة حيكومة عديل كده، والحاكم في جيبهم وضرائب الخرتوم في دفاترهم.
هسع أنت جايب سيرة أركو مناوي هنا ليه؟ الراجل ما عندول علاقة بجماعة المواسير. كامل تضامننا معك في "عرق السنين" وعبابير الشهور.
وبما أنوا الوطن مازال موحد فلازم برضوا نتفقد الرعية وحتى لو كانوا في المملكة. لكن بعد الاستفتاء تاكل نارك براك مع الكيزان ديل.

باشمهندس علاء الدين
سلام ياخي..

Quote: فهل تقْصِدها يا جورج بوك؟

مصادروا مضروبة..



ولا شنو..؟

عمر عبد الله فضل المولى
تحياتي يا غالي..
وربنا يلزمكم الصبر في هذا الفقد العظيم..
في ذمة الله والد عضو المنبر عمر عبد الله فضل المولى
لا حول ولا قوة إلا بالله..
- -
-

تعريجة لتعلقكم في فرية أخوي سعادة قمندان الأف بي آي [جورج بوك] الشهير بأكبر هناي ()..

Quote: كامل التضامن مع الاخ عبد الرازق

مع كامل تقديري لتضامنكم الكريم..
آمل أن لا تنطلي عليكم مثل هذه الفريات..
إن جائكم دينق بخبر فتبينوا..
إشاعة يا عمر..

جاكات ساآآآآآآآكت..
اليوم من الصباح التليفونات بتتطاقش تكفر لي ..
حتى الوالدة قدر مصيرفاتا إتصلت علي من نيالا تقشقش في دميعاتها وبتفتسر..
شكيتك لرب العباد يا أخوي دينق..
خليتني أنا ذاتي أفتش في جيوبي الكلها أخرام دي..
ما قدرت أقول جورج بوك كضاب تقديراً لمجهوداته الثرة في دروب هذا المنبر الوعر المسالك..
لكن قلت ليهم ديل أنصار السودان الجديد طلعو فيني الإشاعة دي..

Quote: هسع أنت جايب سيرة أركو مناوي هنا ليه؟

موش كل راعي مسئول عن رعيته..
آهه انحن رعاياه وهو كبير مساعدي رئيس الجمهورية..
ورئيس الحكومة الإنتقالية بدار فور..



والمناضل ليهو ليها شنو..؟
إنتو قايلين الحكم وجاهة ولا كيف..
الحكم يا ول أبا خدمة لما أقل منك..

تبالغ يا دينق!

هسع أبو رزقة دا يسرقوا منو و لا يسرق منهم
ما تلخبط العبابير ساكت يا دينق
_______________________________________
كامل تضامننا مع أبو رزقة
سارق مسروق

Quote: وسمعنا تحت تحت أنو الفكي بدر الدين أسحق كان في سفرية سريعة للفاشر من قبل كم يوم كده. وكان حايم برضوا في سوق المواسير. إنشالله ما يكون إنضرب برضو.

الحمد لله ما قاعدين نتعاطــى ( الكتفلــى ) ده



عــلا سمحــة نعلن تفليســـة ونشتت من الدائنين

Re: إعــلان تفليـسـة ( فقــدت تحويشــة العمـر فى سوق المواسيــر )



دينق انــت فى السلك




























_________

الكتفلــى اســأل منـــو ناس الكريــن لعناية الريس العوض المسلمى

فووووق من أجل ضحايا سوق المواسير بالبورد.

Quote: فووووق من أجل ضحايا سوق المواسير بالبورد.

أبو رزقة يا شفيف مواسيرك كيف ؟؟؟؟

Quote: جماعة سوق المواسير ديل كيزان وجماعة حيكومة عديل كده،

عودة..

ديل كانوا هم سبب عزل والي جنوب دار فور الأسبق د. محمود برغم تفوقه في إنتخابات المؤتمر الوطني..
لأنه ببساطةرفض ليهم مزاولة نصبهم لأموال الناس بدون وجه حق في جنوب دار فور..
ولما إنسدت الطرق قدامهم ما كان منهم إلا التوجه إلى مدير المدرسة الإبتدائية البقي سياسي بقدرة قادر مولانا "كبر"..


يا للضلال..

الغريبة امس كان عامل مؤتمر صحفي منقول على الفضائية..
بيتوعد فيهو الناس القلع أصواتهم قلع بالسجن والملاحقة [يعني ناس الفاشر البقت عليهم ميته وخراب ديار]..

وضرب نار..


ما ينزع بالسلطان لا ينزع بالقرآن..

Quote: لكن بعد الاستفتاء تاكل نارك براك مع الكيزان ديل.

وين يا منقة..


يمين حجل بالرجل..


سجن سجن غرامة غرامة..



قال دار أبوك كان خربت شيل ليك منها عود..



كده خت الرحمن في قلبك يا دينق..
البياكل براهنو بيخنق خنقة الكيزان ديل ديل..
ما تغرقك آبار البترول الماشة تنشف دي..
العالم ماشي يغير مسار التكنولوجيا وبقي يعدد في مصادر الطاقة..


البلد دي يا ود أبا مرت بيها ظروف أسوأ من عنصرية الكيزان ديل..
كانت شيكان بقيادة الأمير الشهيد عبدالرحمن النجومي..
وصولاً إلى معركة عطبرة بقيادة محمود ود أحمد الذي أسر في سجن العباسية بمصر ..
مروراً بأول اشتباك مع الجيش الانجليزي الغازي الذي قدم فيها السودانيين ملحمة كان مهرهاً أرتالاً من الشهداء فداً لهذا الوطن..
ثم كانت معركة كرري التي استشهد فيها أكثر من (18,000 ألف شهيد)..
ثم كانت أم دبيكرات التي حصدت فيها الآلة العسكرية الإنجليزية ما تبقى من أرواح مؤمنة بقضايا وطنها ولم يثنيها المدفع السكلي..
ثم ثورة علي عبداللطيف وعبدالفضيل الماظ..
وغيرهم ..
ثم مؤتمر جوبا وكان لأهلنا بجنوب السودان الكلمة العليافي الإبقاء على السودان موحد، وطن هدادي مدادي كما تراهو..



وطن تمشي فيهو وتتضرع وتقول أنا سوداني أنا..



شدة وتزول..
قال دار أبوك كان خربت شيل ليك منها عود..
آهه الكيزان خربوها وقعدوا في تلتها..

Quote: دينق انــت فى السلك

قاصد..

البوست..
ولا دينق..
ولا الضحايا..
ولا قاصد الشماته على المفتري عليه يا ول أبا..




أفرز يا بدر الدين..؟
[لا تعيب الشماته في أخيك فإن الله يعفيه ويبتليك].. إنتبه..!!

Quote: يا ود الموج

هو لسع ما جاكم هناكـ..

Quote: هسع أبو رزقة دا يسرقوا منو و لا يسرق منهم

آهه غنايك جاك شايل طنبورو شمتان في فريتك دي فيني..


كيفنك يا كوستاوي..

Quote: أبو رزقة يا شفيف مواسيرك كيف ؟؟؟؟

عبارنا جردل يا المسافر مع التحية..
مواسير شنو كمان..




الخلى قديمو تاه..

Quote: فووووق من أجل ضحايا سوق المواسير بالبورد.

دينق كيف حالك.
أب رزقه ده ما تخاف عليه ...
وهو محظوظ أنه بره البلد لأنه لو كان هناك يمكن كان بقى ماسورة أسبستس غير قابل للصدأ ومقاوم للكسر

وبركة الرجعت يا أب رزقه...
البورد بدونك كان خلا..







الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: مصادروا مضروبة..

أبو رزقة.

من متين كانت مصادرنا مطلوبة؟

أنت في ده ولا عندكم جماعة من نيويورك برضو مرسلين ليهم زي مليون ونص دولار!!

الله يعوضك يا أبو رزقة.

اخرى يا عمممممممممممك

Quote: قاصد.. البوست.. ولا دينق.. ولا الضحايا.. ولا قاصد الشماته على المفتري عليه يا ول أبا..

Quote: تبالغ يا دينق! هسع أبو رزقة دا يسرقوا منو و لا يسرق منهم ما تلخبط العبابير ساكت يا دينق _______________________________________ كامل تضامننا مع أبو رزقة سارق مسروق

يا كستاوي.


أبو رزقة ده ما تشوفو كده. الراجل مرطب.
بس إنضرب من جماعة المواسير المرة دي.
بعدين بمناسبة العبابير دي. العبار بريمة وين اليومين ديل؟
أوع يكون برضوا إنضرب!! لأنوا سمعنا في زي مليون دولار أتحولت من أمريكا لسوق المواسير.

Deng

Quote: الراجل مرطب.

ياتو..



مباآآآآآلغة لكن..

Quote: اخرى يا عمممممممممممك

علم ويفآآآآآات يا بدر الدين..

Al-Shaygi
كيفنك يا ود الخالة الغالي..

Quote: وهو محظوظ أنه بره البلد

محظوظ وبنتحاوم برة البلد..
ياخي أنا مشتهي القعاد في البلد زي شهوتي لصحن أم تقشو الباين في صورة البروفايلك ده ممزوج بأنفاس الوالدة أم الله في عمرها..

إلا تمام العيشة جبارة..
تخلي الناس تسيب داره..


لكن قول غاب أبو شنب ولعب أبو ضنب..

في نيالا الثانوية الكيزان تدخلو في تكوين إتحاد المدرسة زي تدخلهم في صنادق الإنتخابات دي..
وقفت ليهم بالمرصاد..
الغريبة بقى من كان يساندني في جميع مواقفي جاري في الصف عبدالماجد هرون عبدالماجد رئيس القسم السياسي الآن بالفضائية السودانية..

دينق ..

تحيـــاتى ..

عبدالرازق دا مفتح

وما بتموسر بالساهل ..!!

أبو رزقة حمدالله ع السلامة

محمد كابيلا
تحياتي يا غالي..

Quote: عبدالرازق دا مفتح

عليك الله يا أبو حميد قول ليهو الزول ده فتح عينو في الدنيا دي لقى نفسو راعي..
وهو سيد العارفين بأنو الراعي واعي..




قال أنضرب قال..

Quote: الحمد لله ما قاعدين نتعاطــى ( الكتفلــى ) ده عــلا سمحــة نعلن تفليســـة ونشتت من الدائنين دينق انــت فى السلك الكتفلــى اســأل منـــو ناس الكريــن لعناية الريس العوض المسلمى

الفكي بدر الدين أسحق.

أنتو جماعة المؤتمر الوطني برضوا بتفلسوا؟

بفلسوا المواطنين المساكين ديل اللي أنضربوا في سوق المواسير ده.

قالوا أخطر عبارتين في السودان اليوم هم الكرين وسوق المواسير.

لا لا أنا ما بعرف الكنقلي، كده ننتظر العوض المسلمي يجي يشرح لينا.

بيني وبينك كده. أنت إنضربت كم ؟

عشان كده اهلنـا مسحو من قاموسهم مفردة دار واطلقو مقولتهم الخالدة


الرحول عــز ( العرب والدينكا زاتو )

Quote: إلا تمام العيشة جبارة.. تخلي الناس تسيب داره.. [/QUOTE عــلا مــا قاصدين الاغتراب و الهجــرة

---

Post: #32 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: Deng Date: 05-07-2010, 01:46 PM Parent: #31 Quote: أبو رزقة يا شفيف مواسيرك كيف ؟؟؟؟ يا المسافر. مواسير أبو رزقة أنفجرت في سوق المواسير بالفاشر.

---

Post: #33 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: بدر الدين اسحاق احمد Date: 05-07-2010, 04:59 PM Parent: #32 دينــق ... عامل فيها رايح .. الكتفـلى يا زول ... الشيك الجواهو شيك وهم الاثنين جوه عربية والثلاثة جوه ماسورة Quote: الكنقلي، خايف المسلمى زاتو يعمل فيها رايــح

---

Post: #34 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: بدر الدين اسحاق احمد Date: 05-07-2010, 07:23 PM Parent: #33 اى بنفلس لانو عندنــا .. مؤتمر وطنى ( سنه ناعمة ) و مؤتمر وطنى ( سنه خشنـه ) ما تســالنــى البيفلس منو فيهم ... Quote: أنتو جماعة المؤتمر الوطني برضوا بتفلسوا؟

---

Post: #35 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: A.Razek Althalib Date: 05-07-2010, 07:48 PM Parent: #34 Quote: الرحول عــز ( العرب والدينكا زاتو ) آهه يا بدر الدين.. الجماعة ديلاك عملو بنظرية دار أبوك كان خربت شيل ليك منها عود.. وبدل العيدان.. جو قالعنها مواسير.. وطلعت مواسيرهم بت نقط..

---

Post: #36 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: بدر الدين اسحاق احمد Date: 05-07-2010, 09:10 PM Parent: #35 Quote: وطلعت مواسيرهم بت نقط..

---

Post: #37 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: A.Razek Althalib Date: 05-07-2010, 09:44 PM Parent: #36 Quote: عامل فيها رايح .. ول أبا بريمة قريب.. وكان أبي الرأي.. ول أبا كبر ملوفر في مونتريال عندك ديك.. الرأي رأيكو..

---

Post: #38 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: Deng Date: 05-08-2010, 01:29 PM Parent: #37 Quote: كده خت الرحمن في قلبك يا دينق.. البياكل براهنو بيخنق خنقة الكيزان ديل ديل.. ما تغرقك آبار البترول الماشة تنشف دي.. العالم ماشي يغير مسار التكنولوجيا وبقي يعدد في مصادر الطاقة.. البلد دي يا ود أبا مرت بيها ظروف أسوأ من عنصرية الكيزان ديل.. كانت شيكان بقيادة الأمير الشهيد عبدالرحمن النجومي.. وصولاً إلى معركة عطبرة بقيادة محمود ود أحمد الذي أسر في سجن العباسية بمصر .. مروراً بأول اشتباك مع الجيش الانجليزي الغازي الذي قدم فيها السودانيين ملحمة كان مهرهاً أرتالاً من الشهداء فداً لهذا الوطن.. ثم كانت معركة كرري التي استشهد فيها أكثر من (18,000 ألف شهيد).. ثم كانت أم دبيكرات التي حصدت فيها الآلة العسكرية الإنجليزية ما تبقى من أرواح مؤمنة بقضايا وطنها ولم يثنيها المدفع السكلي.. ثم ثورة علي عبداللطيف وعبدالفضيل الماظ.. وغيرهم .. ثم مؤتمر جوبا وكان لأهلنا بجنوب السودان الكلمة العليافي الإبقاء على السودان موحد، وطن هدادي مدادي كما تراهو.. المنكوب أبو رزقة. الأنفصال خلاص الباقي فيهو مجرد تفاصيل. ساسة الشمال غير جادين ولا يستطيعون الوفاء بما يوعدون وخربوا البلد زي ما أنت شايف. القصة ليس هي مجرد كيزان أو أخوان. حتى جماعتك ناس نقد، بقى ما عندهم مشكلة مع الدولة الاسلامية. أبار البترول في الجنوب أكيد ح تكفي العدد البسيط من أهل الجنوب الذي يعيش داخل الجنوب، ونحن بنرحب بك في أي وقت لو قررت الهروب من دولة الجلابة الظالمة. وموضوع مصادر الطاقة الاخرى ده برضو موجود عندنا، ما تخاف. سردك لتاريخ السودان برضوا من الممكن أن يجعلنا نفتح ملفات قديمة ومؤلمة أيضا. أن الذي يحدث في السودان شئ يفوق الخيال ولا يمكن أن يستوعبه العقل. أما مؤتمر جوبا 1947م ده كان أكبر خدعة لأهل الجنوب ترتبت عليها خدعات أخرى بواسطة حكومات الشمال المتعاقبة.

---

Post: #39 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: بدر الدين اسحاق احمد Date: 05-08-2010, 02:45 PM Parent: #38 stop يا عمممممممممك والباقين نكفيهم من وين ؟ Quote: أكيد ح تكفي العدد البسيط من أهل الجنوب الذي يعيش داخل الجنوب،

---

Post: #40 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: بريمة محمد Date: 05-08-2010, 03:09 PM Parent: #39 Quote: بعدين بمناسبة العبابير دي. العبار بريمة وين اليومين ديل؟ مزرور زرة كلب فى طاحونة ! الركب كيف يا دينق .. قلنا ليك اللييكر .. بهد الركب ما صدقت .. حسى شوف .. وقف اللييكر وأضرب الكوراع وعبار الروب سلام يا ول أبا عبدالرازق وبدرالدين بريمة

---

Post: #41 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: A.Razek Althalib Date: 05-08-2010, 10:50 PM Parent: #38 حبابك دينق.. Quote: الأنفصال خلاص الباقي فيهو مجرد تفاصيل. غايتو من بعدكم الفريق أصبح خلا.. إنفصال الجنوب يعتبر بعثرة لوطن المليون ميل قبيلة وفضيلة ومقدمة لإنفصالات متتالية لكل فيافي السودان.. وإنهداد المعبد على رؤوس جيش العطالة والإنتهازيين السودانيين الذين أمتهنو السياسة مصدر رزق لهم.. Quote: ناس نقد، أبداً لم يخيب ظننا فيه.. لقد أثبت أنه طفيلي على موائد اللئام ومتسلق لجدار السياسة بحق وحقيقة.. ترى ماذا قدم لتنظيمه وماذا قدم تنظيمه للسودان..؟ Quote: ونحن بنرحب بك في أي وقت عظمة يا دينق.. البلد بلدنا.. Quote: لو قررت الهروب من دولة الجلابة الظالمة على أنغام محمود عبدالعزيز "جوبا أجمل مدينة" بتلاقي البلد كلها بغادي.. Quote: أن الذي يحدث في السودان شئ يفوق الخيال بالضبط .. فما بني على باطل يظل باطل.. وقواعد اللعبة السياسية واضحة للعيان (دبر عنزاية بس).. الترابي قال للبشير أذهب للقصر حاكماً وأرسلوني للسجن حبيساً.. المؤامرة الآن التي تقودها فيالق الكومبارز على مسرح السياسة السودانية لا تستعصى على الفهم والإدراك ولكن ما ينقص ساستنا هو الشجاعة ونكران الذات على مواجهة إخفاقاتهم في إدارة هذا البلد على الأقل.. الترابي يتفسح في العسكري البشير ولكن هل سمته يوماً قال شيئاً في حق علي عثمان طه عراب النظام لم نسمع يوماً ملامة بين الترابي وعلى عثمان طه بالرغم من كل هذه العهن.. تفتكر ليه..؟ Quote: أما مؤتمر جوبا 1947م ده كان أكبر خدعة لأهل الجنوب مهما ترتب عليه.. بالفضل في بقاء السودان موحداً يعود إلى أبناء الجنوب.. وهذه الجراح لا بد من فتحها.. وتنظيف القيح منها وتعقيمها.. ووضع خطوط واضحة المعالم تعتبر خطاً أحمر لكل من يود تخطيها.. في البدء لا بد من مصارحة ومكاشفة.. كالتي جرت في جنوب أفريقيا .. ومثل التي جرت بين الهوتو والتوتسي.. فلابد أن يعود الحق لأصحابه.. الحق أحق أن يتبع..

---

Post: #42 Title: Re: أبو زرقة. الجاتك في مالك سامحتك. عليك العوض . ضحية من ضحايا سوق المواسير. Author: A.Razek Althalib Date: 05-08-2010, 11:01 PM Parent: #41 Quote: وعبار الروب روبكم كان قارص أعملو منو نسية.. حبابك ول أبا بريمة..