( كلام الصور ) عدد مايو صدر .. مخطط سكني فاخر والاولوية للبورداب ..

غلاف ( كلام الصور ) المجلة الاسفيرية ,,

00 العدد الثاني مايو 2010

كلمة العدد ..


الزملاء الاعزاء بورداب وقراء

بعد التحية ..

ها هو العدد الثاني من مجلتكم الاسفيرية قد صدر ..
وماكان له ان يصدر لو لا دعمكم الكبير الذي وجدته منكم
عند صدور العدد الاول التجريبي , وعليه لايسعني الا ان اتقدم
لكم بالشكر والعرفان لهذه الوقفة الكبيرة ,
اتمني ان يجد الاصدار الثاني عندكم القبول .
كما اتمني من الجميع المشاركة بما يرونه مناسبا في تحرير هذة المجلة المنوعة .
وانني اعتبر كل مشارك بمثابة محرر وبالضرورة .

مع خالص ودي ..

عماد الشبلي رئيس التحرير ,,

00 موضوع الفلاف ..

مخطط سكني فاخر صديق للبيئة ..

مصمم بطريقة خيالية وعلي طريقة بيوت النمل وخلية النحل ..

تجدون فية جميع مرافق الحياة بصورة لاتصدق ,,

لا تفوتو فرصة امتلاك منزل فيه ..

والاسعار في متناول الجميع ,,

متابعة شيقة بالصور ,,



يتبع ,,

منظر عام للمخطط ..

سلام يا عمده
والف مبروك على صدور العدد الثاني وأمنياتي لك بالنجاح في هذا الجهد المقدر.
بالمناسبة ما عاوين ليكم مراسلين إسفيريين؟

Quote: مخطط سكني فاخر صديق للبيئة ..

أنا غايتو أحجز لي شقة بس بعيد من المسنوح شيقوق.

وافر محبتي

Quote: سلام يا عمده والف مبروك على صدور العدد الثاني وأمنياتي لك بالنجاح في هذا الجهد المقدر. بالمناسبة ما عاوين ليكم مراسلين إسفيريين؟

الفاتح ميرغني تحية عطرة

اشكرك علي التهاني والمشاركة

طبعا محتاجين مراسلين وانت اولهم

واتمني مشاركاتك دوما ..

Quote: أنا غايتو أحجز لي شقة بس بعيد من المسنوح شيقوق. وافر محبتي

الفاتح انا حجزت ليك في المنطقة دي وهي قريبة من منطقة الجكس ولها حراسة خاصة والمسنوح مابيقدر يهوب علي الناحية دي .
لانو بيخاف من الجكس موت . ولو فكر يهوب حايقع في الهاوية السحيقة دي ,,

من اهم المرافق في هذا المخطط ..

مطار دولي ,,

×
×
×

اول مايو عيد العمال ..
كلام الصور تهني حميع العمال بعيدهم ..

احدي الطائرت لحظة هبوطها في مطار المخطط ..

Quote: الفاتح انا حجزت ليك في المنطقة دي وهي قريبة من منطقة الجكس ولها حراسة خاصة والمسنوح مابيقدر يهوب علي الناحية دي . لانو بيخاف من الجكس موت .[B ]شكرا يا عمدة وانا عارفك ما بتقصر.

انا أصلي من زمان بفتش في الناس الـ" ياخدوني باليمين وأنا راقد شمال !

محبتي.

Quote: انا أصلي من زمان بفتش في الناس الـ" ياخدوني باليمين وأنا راقد شمال

الفاتح طلما انك بعيد من المسنوح حا تكون مرتاح ..

والمسنوح انا عارفو عاوز يحجز وين ..

Quote: الفاتح طلما انك بعيد من المسنوح حا تكون مرتاح .. والمسنوح انا عارفو عاوز يحجز وين ..

والله يا عمدة فكرة صراحة مدهشة!
____________________________________
اقول ليك حاجة قول ليهو الشقق كلها حجزوها.

Quote: اقول ليك حاجة قول ليهو الشقق كلها حجزوها.

الفاتح

المسنوح دا ما بنقدر عليهو .. الزول دا محامي فقري ,,

بكرة يقول ليك انا المستشار القانوني للمخطط دا ,,

نسيت اقول ليكم اسم المخطط

سودانيزاون تري ..

ولمحبي الرياضة .. استاد لكرة القدم بموا صفات عالمية ,,

وكمان حوض سباحة دولي ,,

احدي الكتل السكنية تحتوي بداخلها علي 50 الف فيلا دلوكس ,,


بس خلو خيالكم واسع شوية ..

ومرافق العبادة متوفرة فيه ,,جوامع وكنائس ..

اخترح علي ود شيقوق ان يحجز في الكتلة السكنية دي ..لانها مطلة علي نهر يشبه نهر الدندر ,,

والركبة دي لود الصايم ...

شبلي يا عمكـ
أخباركـ ياخ!


هسي عليكـ الله دي عملية تعملا فينا
إنت قايل البورض دا ناقص جناين؟
وفي الجناين .. الشدر الكُبار

يا عماد دي حقو تسميها القاعدة
بس فاتت البرج الاول



ــــــــــ
تحفة

Quote: هسي عليكـ الله دي عملية تعملا فينا إنت قايل البورض دا ناقص جناين؟ وفي الجناين .. الشدر الكُبار

ود الصايم ..

انا قلت ابرك بالركبة دي

عسان تغير من الكوارع شوية ,,

Quote: يا عماد دي حقو تسميها القاعدة

فيصل سلام

يازول المخطط السكني دا محمي بتقنيات عالية جدا

مافي حاجه بتقدر تفرتقو ..

شكرا علي مطلعة المجلة ..

انا طبعا اول واحد اشتري في المخطط دا .. ودا ولدي حمودي ( طالع الشجرة ) ماشي بيتنا ..

قبضة يد حديدية تمثل احد دعامات المخطط القوية ..

العمدة المسنوح فووووووووووووووووق

Quote: العمدة المسنوح فووووووووووووووووق

شيقوق شكرا علي الفوق

بس عاوزنك كاتب شهري في المجلة دي ..

صفحة ملتقيات ..

في ملتقي الجمعة الاسبوعي :


الكواكب احتفلو بالقمر ,,,

مرة اخري يتالق المخرج اسماعيل محمد الحسن ( سمعة ) في ملتقي الجمعة بمركز اصدقاء البيئة ..

وكان عنوان الملتقي > الافلاك في الاغنية السودانية <

والتقت النجوم باالقمر واحتفلت بها حين اشرقت ( شمس الصباح والصباح رباح شمسك يا وطني )

وغنت ( يوم قالو ليك الافلاك عليمة ,,

Quote: احدي الكتل السكنية تحتوي بداخلها علي 50 الف فيلا دلوكس , كيفك ياعمدة

الفلل دى بس تكون للعرسان عشان مليانة عسل.
ده بوست مسطول ياعمدة.

Quote: الفلل دى بس تكون للعرسان عشان مليانة عسل. ده بوست مسطول ياعمدة.

الفاضلابي والله شوق لكتاباتك ..

50 الف عريس وعروسة .. يعني 100 الف نسمة ,,

ديل حايكملو العسل في يوم واحد ,,

بس ماتخاف عندنا مؤنة شهر من العسل ,,

طلع خيالك اوسع من خيالي ,,

وشكرا علي المشاركة في المجلة ..

تنويه ..

تقرر ان يكون ملتقي الجمعة لهذا الاسبوع يوم الخميس 6-5-2010 بدلا من يوم الجمعة ..

وذلك لانشغال صالة اصدقاء البيئة

موضوع الملتقي سوف يكون بعنوان الزمن في الاغنية السودانية ..

وخليكم مع الزمن ...

د. انور احمد عثمان مقدم ذلك البرنامج ( الكون ذلك المجهول ) في الثمانينات .
حمل الحضور في مركبة فضائية وجاب الافلاك متحدثا عن فترة ما قبل الحقيبة ..

سمعة ينسق مع احمد عبد المنعم حول فاصله ..

واحمد يصعد بنا الي القمر ابو دورين .. ويغني للكابلي ( يا قمر دورين انا شفتك وين !! طبعا باليل ,,

عزام .. حضور كالشمس والقمر في أن واحد . وخير جوار له الاستاذ طه ..

حمور وحمور ,, حضور كان منظور ,,

النجم الغائب دكين .. عاد الي الساحة .. وطارق مبسوط لعودته ..

الرايع مصطفي السني .. ( يوم قالو ليك الافلاك عليمة ,, )

نعي اليم ,,

تنعي كلام الصور الكاتب المصري الصحفي ..

محمود السعدني الذي وافته المنيه عن عمر ناهز ال82

تغمده الله برحمته ..

الاعمال الكاملة للسعدني ..
http://www.ibtesama.com/vb/showthread-t_97450.html

صفحة الدوحة .. عاصمة الثقافة العربية 2010

معرض للكاركتير الخليجي ..

ضمن فعاليات الدوحة ..

التشكيلي السوداني : اسلام كامل يفتتح معرضه ( وجوه من الذاكرة )


قلري المرخية .. الدوحة

كلام الصور تهنئ الفنان اسلام بهذا المعرض الكبير ..

( كلام الصور ) مجلة اسفيرية .. شهرية ( السودانين في مو...شواهد ) العدد الاول

رابط العدد الاول .. لمن فاته الاطلاع ..

الصحفية الشابة سارة هاشم تسجل حضورا مميزا في كل ملتقيات الجمعة ..

وتنقل الصورة كما هي ..

صفحة مجتمع ( كلام الصور ..)

سودانيون ينالون التكريم والتقدير من اللجنة التوجيهية العليا لمعرض قطر المهني 2010




الف مبروك ..

د. محمد عبد الله خليفة ..

الزميل الصحفي محمد صالح .. من العرب القطرية ..

مولانا مجاهد ذين العابدين بابكر ..

صفحة الرياضة ,,

في الدور القبل النهائي لكاس امير قطر بين الريان والسد ..

والدة الاعب حامد اسماعيل تاخذه بالاحضان بعد فوز الريان ,,

صور مؤثره ..

وقد فاز الريان علي السد 2 مقابل واحد وتاهل للنهائي ..

ياسلام ياشبلي

ومادام الحكاية فيها

الدوحة --- وصور

عليك الله وثق لي دي

والجاي كتييييييييييير



عندما يدعم الفن الرياضة تكون

الانتصارات حاضرة....السني نموذجا

Quote: عندما يدعم الفن الرياضة تكون الانتصارات حاضرة....السني نموذجا

لكن السني جاب الكاس دا ..

بكراعو ولا عكازو ..!!!

هارون شكرا لدعمك الصفحة الرياضية انت انسب لها

ارجو المواصلة في كل عدد جديد ,,

المصور البارع عماد الشبلي

مبروك العدد الثاني

أحجز فيلا على ذوقك ووريني كاش والاأقساط

وتسلم على الحاجات الحلوة دي

Quote: مبروك العدد الثاني أحجز فيلا على ذوقك ووريني كاش والاأقساط وتسلم على الحاجات الحلوة دي

هويدا ..

مرحبا بك مرتين ..

مرة في البورد ومرة في العدد التاني

وبهذه المناسبة السعيدة فقد تم منحك فيلا مجانا

واتمني المشاركة دوما في الاعداد القادمة ..

صفحة ضيوف الدوحة ..


علي شرف الدوحة عاصمة الثقافة العربية ..

الفنان ابراهيم الصلحي علي صهوة معرض الفنانين العرب ..

الصلحي وصل الدوحة قادما من لندن ومشاركا بمعرض الفنانين العرب ..

الصلحي ود. الكواري وزير الثقافة القطري اثر افتتاح المعرض اليوم ,,

الصلحي امام لوحاته يحادث زواره ..

لحظات جميلة قضيناها مع الصلحي ..استعدت فيها ذكري تلك الايام حين كان مقيما بيننا في الدوحة عام 98
مرحبا به في دوحته ..

لمن يود زيارة المعرض ..

منتجع فريق شرق قاعة السمبوك ,,

صفحة المنتديات ..

منتدي الاعلام العربي بدبي يناقش عدة اوراق هامة .. 12 و13 مايو 2010

وكلام الصور كانت حاضرة .. والتقت بعدد من السودانين المشاركين ,,

متابعة بالصور ...

لحظات مبتسمة جمعت فضل الله محمد ورجاء العباسي في المنتدي ..

احدي جلسات المنتدي ..

يا سلاااام عليك يا عماد ..

بوست يستحق التكريم ..

إبداع ثم إبداع ثم إبداع ..

تسلم يدك ياخ ..

شكرا كتير يا عزيز..

سعدت برؤيتك في المنتدى.. أتمنى أن نلتقي مجددا..

Quote: سعدت برؤيتك في المنتدى.. أتمنى أن نلتقي مجددا..

شكرا رجاء وشكرا لمنتدي دبي الذي جمع تلك الكوكبة

وانشاء الله تكوني وصلتي مقر عملك بالسلامة ,,

وجمع المنتدي اللاستاذ الباز وعثمان فضل الله من الاحداث ..

كما التقي تتاوي بزميلنا المصور ورئس قسم التصوير بصحيفة الخليج الاماراتية حيدر فواد ..

خير جميل ..

سعدت بة كثيرا ..

مفاده ان العديد من الحيوانات النادرة عادت الي حديقة الدندر ..

وكانت هذه الحيوانات قد هربت الي خارج السودان لاسباب عدبدة

الف حمدالله علي السلامة وعودة حميدة واقامة دائمة ..

خبر اخر اجمل ,,,



حاكم الشارقه يكرم هيثم الخاتم...

كرم صاحب السمو الشيخ الدكتور سلطان بن محمد القاسمى عضو المجلس الاعلى للاتحاد حاكم الشارقه يرافقه عبدالعزيز الغرير رئيس المجلس الوطنى الزميل المصور الصحافى بجريدة الخليج الاماراتيه هيثم الخاتم الفائز بجائزة تريم عمران الصحافيه فى مجال التصوير الصحفى وجاءت الصوره الفائزه تحمل عنوان(( هدف الفوز)) حضر الحفل الشيخ نهيان بن مبارك آل نهيان وزير التعليم العالى والبحث العلمى والدكتور عبدالله عمران تريم رئيس مجلس ادارة دار الخليج للصحافه والطباعه والنشر وعدد كبير من الشيوخ والوزراء وكبار الشخصيات.

سلطان يكرم هيثم الخاتم بحضور عبدالله عمران ..وكلام الصور تهني هيثم بهذا الفوز الكبير وتتمني له المزيد ..

ملتقي الجمعة ..

ليلة ( الليل ) في الاغنية السودانية تقدمت ليلة كاملة ..

واقيمت يوم الخميس 16/5/2010 بمركز اصدقاء البيئة ..

ولكن ماذا قال اسماعيل في الليلة ديك ؟؟؟

قال :

الليل كهف التنهدات والزفرات الحرى هو سلطان العشاق بلا منازع يتربع على عرش مملكة الاشواق الممتده بطول من غروب الشمس الى أن يتبين لنا الخيط الابيض من الخيط الاسود

وقال كمان :

وفى هذه اللحيظات نتماهى ونقول: حنين يالليل ياساتر .
عيون الناس اهيم فيك واناجيك واسفار فى بحورك ديمه .
لابنتعب من التسفار لايغشانى مره نعاس لانى بغازل النجمة غزل فى قوافى منسجمه..

نادوس وابنوسة ..جو من بدري قبل ما الليل يليل ,, وسمعو كلام الليل كلو ..

عادل التجاني ملتزم بكل اليالي خاصة ( ليالي الدوح )

اجدز لينا حجر الناصية.

Quote: اجدز لينا حجر الناصية.

الرفاعي ,, سلام

حجر الناصية .. غالي

لكن انت الاغلي ,,,

شكرا علي المرور ..

ابو ساندرا طبعا معجب بالليل شديد ..

عبد الرحمن نجدي زول ليل لانو بتاع سينما .. ولكن برفقة عواطف ..

اسماعيل .. يشق طريقه برغم عتمة الليل تعينة اضاءت معاني وكلمات الاغنية السودانية ..

حين يواصل القول :

الليل وهوكم هائل من التساؤلات نبتدرها بالسؤال بالليل ده ماشى ويين بالليل ده
الشعراء فى ساعة متأخره من الليل يحلمون عبر شرفة نجيمة ..

د. النور حمد .. يعود للملتقي والعود احمد حين غني ( بالعود ) هل تصدق يا شباب عمري المفتق ,, نزرع الليل في البعاد حبة لقاء ,,

جملة ما قاله اسماعيل في ليلة الليل ...الليل فى اغنيات الوجدان

بمركز اصدقاء البيئة فى جلسة الجمعة

والتى كانت مساء الخميس 16/5 والتى استمرت الى ان اليل الليل

اسماعيل الحسن مقدم الجلسه ومعدها يقول ان الليل كهف التنهدات والزفرات الحرى هو سلطان العشاق بلا منازع يتربع على عرش مملكة الاشواق الممتده بطول من غروب الشمس الى أن يتبين لنا الخيط الابيض من الخيط الاسود. وفى هذه اللحيظات نتماهى ونقول: حنين يالليل ياساتر عيون الناس اهيم فيك واناجيك واسفار فى بحورك ديمه لابنتعب من التسفار لايغشانى مره نعاس لانى بغازل النجمة غزل فى قوافى منسجمه. الليل وهوكم هائل من التساؤلات نبتدرها بالسؤال بالليل ده ماشى ويين بالليل ده ؟؟ الشعراء فى ساعة متأخره من الليل يحلمون عبر شرفة نجيمة بعيده فى ليل مدلهم ليل يرخى سدوله بكل انواع الهموم الا ان الحلم الذى يسعون الية يصير حقيقية وهو ذلك الليل الذى غطى الجبال .. ستار ياليل لمن تجن واحمل همومى اتوسدها واعيش براى والوم هواى شوقى الشديد الشايلو فى ضو النهار ابثوا ليل اهات طوال تشد رحال وترحل بعيد فوق للنجوم ترجع خطاى واقول ستار ياليل.. بالليل ده ماشى وين سؤال اختيارى يمكن ان يرد عليه او لا .. هناك مغنى يثير فى الليل الشجون ويقول الليل بالليل ده منو الجاك بالليل دة منو.. ده العسكرى داير شنو .. وهذا سؤال استنكارى لربما تعقبه ليلة حالكة السواد لكن الليل الهادى دائما يذكرنى حبيبى الغايب من بدرى .. ولربما يكون ليل اخر قد يهرب بعيدا بعد ان اهدانا من سترهعلينا وافاض من هدؤه لندعوه جزعين .. عود لينا يا ليل الفرح ويلكنها بليل اخر وسؤال ياليل كيفن تعود تتحدى ليل اسود ومن اغلى العطور ريان يسيل لكن يليل كيفن تعود والليل بيتوسد ضفاير حبى ذى طفلا صغير شايلنو شيل ييتغنى بيه حلو الامانى الطيبة راجيك من قبيل اخونا عادل اضاف الى الليل فى اغنيات الوجدان كلمة الاماسى فصارت جلسة اليوم عن الليل والاماسى ياعادل لية كده دى الاماسى بتبكى فى اسى ما اعتيادى و تغنى بها عادل التيجانى فى بداية الجلسهواعقبها باغنية اخرى ليلية الملامح وغنانا من القلب دكتور النور حمد والذى اطفى على الجلسة رونقا والقا لامتناهى رائعة الكابلى الت يقول مطلها انا لوتصدق ياشاب عمر المفتق الى حان الليل فى ذلك الموال المبدع ننسج الليل فى البعاد جنة لقاء عقب عليه المخرج الحسن ان مواويل الليل كانت ظاهره فى الغناء السودانى حقبة السبعينيات حيث غنينا البلابل موال ليلى طويل فى يا حلاة الليل فى سواقينا ضىء القمره بيغازل فينا وزيدان ابراهيم باغيته بذات الاسم موال الليل ..ياليل الغربه ماتتعب انا تعبته تعال نرتاح كفاى وكفاك وختم د. النور حمد شدوه لليل مترنما فابدع ..وفى عز الليل ساعة النسمة ترتاح على هدب الدغش وتنوم انا مساهر.. وسهرنا فى تلك الليله الليلية مع المطرب صلاح فالوله فى ليل الشجن ووعد النوار لمحمد الامين والليلة ديك لزيدان ابراهيم التى كانت من الاغانى ذات الوقع الاسر فى كثير من وجدان الشباب حينها وأختتم كرنفال الليل بسؤال ليه بتسال عنى تانى بعد ما شلت الامانى ورحت خليتنى لية زمانى وانت عارفو عليا جانى للمبدع ابراهيم عوض التى تغنى بها الفنان مامون احمد ابراهيم وبها ما كان للمخرخ اسماعيل الحسن الا ان يشهد الليل على قائلا يا ليل ابقالى شاهد على نار شوقى وجنونى واعلن ان الجلسة القادمه والتى سوف تتناول الشوق فى اغنيات الوجدان .

مامون حضور ومشاركة

ترقبو عدد يونيو من كلام الصور ( المجلة الاسفيرية الشهرية )

حافلة بالمواضيع ..